IKT-EN AZTERKETA

10
IKT-EN AZTERKETA: BELEN IKASTETXEA IKASTURTEA: 2011/2012 IRAKASLEA: Nere Amenabar IKASGAIA: IKT EGILEAK: Sara Gutiérrez Ane Miranda Ane Piquero

description

Belen ikastetxean IKT-en inguruan egindako azterketa eta horiek sustatzeko proposamena.

Transcript of IKT-EN AZTERKETA

Page 1: IKT-EN AZTERKETA

IKT-EN AZTERKETA:BELEN IKASTETXEA

IKASTURTEA: 2011/2012 IRAKASLEA: Nere Amenabar

IKASGAIA: IKT EGILEAK: Sara Gutiérrez

Ane Miranda Ane Piquero

Page 2: IKT-EN AZTERKETA

AURKIBIDEA

1. BELEN IKASTETXEA

A. IKASTETXEAREN KOKAPENA ETA INGURUNEA

B. IKASTETXEAREN HAINBAT EZAUGARRI

D. IKASTETXEAREN METODOLOGIA

E. BELEN IKASTETXEAREN AUKERAKETAREN ZERGATIAK

2. IKASTETXEAREN BALIABIDE ETA AZPIEGITURA TEKNOLOGIKOAK

3. IRAKASLEEK IKT-EN INGURUAN DUTEN JARRERA

4. GURE PROPOSAMENA IKT-AK SUSTATZEKO

Page 3: IKT-EN AZTERKETA

1. BELEN IKASTETXEA

Guk hautatutako ikastetxea Belen da eta Donostiako

erdialdean kokatuta dago, Aldapeta aldapan. Bertan urte beterekin

hasten dira eta 16 urte bete arte daude, hau da, haurtzaindegiko

lehenengo urtetik DBHko 4.mailara arte. Hemen bukatu ondoren,

ikasleak ondoan dagoen ikastetxera doaz batxilergoa egitera, MCM

deitutakoa.

Ikastetxe kontzertatua da. Eskola ez da oso handia, eraikin bakarra du eta kurtsoko linea

bakarra; beraz, denok elkar ondo ezagutzeko aukera dute. Ikasle gutxi eta profesional gutxi izateak

harremana pertsonalizatua eta indibiduala izatea ahalbidetzen du. Eraikina ez da oso berria eta B

eredua soilik eskaintzen da; hau da, euskaraz zein gaztelaniaz ematen dituzte irakasgaiak. Ikastetxe

erlijiosoa da.

Hurrengo urtetik aurrera, Belen ikastetxea Marianistas ikastetxearekin eta San Bartolome

ikastetxearekin batzen da ikastetxe bakarra sortuz, SUMMA Aldapeta. Bertan haurrak

haurtzaindegitik Batxilergora arte egongo dira.

Belen ikastetxean erabiltzen duten metodologia gehien bat magistrala da. Klaseak

teorikoak dira, hau da, irakasleak klaseak ematen ditu eta bitartean ikasleek adi entzuten dute.

Ikasitakoa konplimentatzeko, haurrak gaiarekin lotutako ariketak edo eskemak egiten dituzte eta

ebaluatzeko azterketak egiten dituzte.

Ikastetxe hau hautatu dugu, taldekide batek, Ane Piquerok, praktikak bertan egin dituelako.

Bere ustez, eskolak baliabide teknologiko gutxi ditu eta klase teorikoegiak; horregatik, ikastetxe

egokia iruditu zaigu gure proposamenak aurrera eramateko. Baliabide urriak egonda ere, horiek

erabiltzea ezinbestekoa da egungo gizartean. Beraz, IKT-ak erabiltzea bultzatuko dituen zenbait

jarduera zuekin elkarbanatzea gustatuko litzaiguke.

Page 4: IKT-EN AZTERKETA

2. IKASTETXEAREN BALIABIDE ETA AZPIEGITURA TEKNOLOGIKOAK

Gela guztietan klarionaz idazteko arbelak daude eta hauetako batzuetan ordenagailuak; hala

ere, ikasleek ez dituzte hauek erabiltzen. Haurrek erabiltzen dituzten ordenagailuak informatika

gelan daude.

Informatika gela hau bigarren pisuan kokatua dago, 30 ordenagailu inguru daude. Ez dira

berri-berriak baina funtzionamendu ona dute. Horrekin batean, errotulagailuz idazteko arbela ere

badago. Honen gainean kanoia proiektatzeko pantaila mugikorra dute.

Beste proiektore bat audiobisualen gelan kokatu dute. Gela hau pelikulak ikusteko,

aurkezpenak egiteko eta abarrerako erabiltzen da. Ikasgelek ez dute kanoirik, Lehen Hezkuntzako

5.mailakoak izan ezik. Hauek, audiobisual gelan bezala, pelikulak ikusteko, aurkezpenak egiteko

edo ikasgaiak konplimentatzeko erabiltzen dute.

Haur Hezkuntzakoentzat beste proiektore bat badago jolastoki gelan. Bertan umeek hainbat

ariketa egiten dituzte, non jolasak nagusi diren, eta hainbatetan, pelikulak edo abestiak proiektatzen

dituzte.

Lehen Hezkuntzako 5.mailakoek eskola 2.0 ordenagailuak dituzte ikasgai ezberdinetan

erabiltzeko. Hala ere, ez dituzte guztietan erabiltzen. Adibidez, Ingurunearen Ezagueran emandako

gaiak errepasatzeko ordenagailuan hainbat ariketa egiten dituzte.

Liburutegian ere ordenagailu bat badago, liburuetan agertzen ez den informazioa bilatzeko

beste iturri gisa edo bertako liburuak aurkitzen ez dituztenean, bilaketa azkarra egiteko.

Page 5: IKT-EN AZTERKETA

3. IRAKASLEEK IKTEN INGURUAN DUTEN JARRERA

Belen ikastetxean, ez dago irakasle bat IKT-az arduratzen denik. Egia da, trebeagoak diren

irakasle batzuk badaudela eta ez dakitenak beraien laguntzaren eske datorrela, baina ez dago zehatz-

mehatz buru den pertsona bat. Izan ere, arestian aipatu bezala, IKTek ez dute parte hartze zuzenik

ikasleen Curriculum-aren edukietan.

Hala ere, badaude hainbat irakasgai, nahi eta nahi ez, IKT-ak erabiltzea eskatzen dutenak;

hortaz, hauek maneiatzea tokatu zaien irakasleei beren funtzionamendua zer-nolakoa den ikasi

behar izan dute. Kontua da, hainbat oztopo aurkitu dituztela ez baitute ezagutza handirik ezta

nahikorik ere, horiek martxan jartzeko. Hori dela eta, beste irakasleei galdetu behar izan diete.

Baliabide hauek erabiltzea tokatu ez zaienei berriz, teknologi berriak alde batera utzi dituzte.

Sumatu dugunez, irakasle gehienentzat erosoagoa da klase magistralak ematea eta

errutinarekin jarraitzea gauza berriak probatzea baino; izan ere, guztioi esfortsua eskatzen digu

gauza berriak ikastea.

Hainbat irakasle aurkitu izan ditugu IKT-en inguruan kontzientziatuagoak daudenak eta

horiek baliabide hauek bultzatu nahian dabiltza, baina esfortsu, laguntza eta maila ekonomiko altua

izatea eskatzen du.

Page 6: IKT-EN AZTERKETA

4. GURE PROPOSAMENA IKT-AK SUSTATZEKO

Gaur egun, teknologia aurrera pausu handiagoak ematen ari da; hori dela eta, eskoletan oso zaila

egiten da munduaren erritmoarekin bat egitea. Hala ere, azpimarratu beharra dago teknologia

berriak garrantzi handia dutela eta haurrei ezin

zaiela hauen erabilera ukatu, horrek eragina izango

bailuke haien etorkizunean.

Horrekin batera, kontuan izan behar dugu,

komunikazioa zein ikasketa geroz eta gehiago

interneten bidez ematen dela. Horregatik aukera

asko eta asko eskaini nahi dizkiegu ikasleei, baina

horrek irakasleen prestakuntza eta baliabide anitzak

edukitzea eskatzen du.

Errealitatea berriz, guztiz kontrakoa da. Alde batetik,

irakasle gehienek ez daukate behar bezalako prestakuntzarik eta ezinezkoa da egun batetik bestera

hauek informatikariak bihurtzea. Beste alde batetik, eskola guztiek ezin diote baliabide

teknologikoen kosteei aurre egin. Beraz, gure proposamen bi ardatz nagusi izango ditu:

1. Jarduera guztiak ikastetxeko irakasleek eurek egingo dituzte; hori dela eta, ondo ulertuko dituzte

eta maneiatzeko gai izango dira. Orduan, ez dute prestakuntza berezirik jaso beharko.

2. Proposamen guztiak eskolan bertan dagoen materialarekin aurrera eraman beharko dira. Hortaz,

ez dira baliabide berriak erosi beharko.

Jarduera batzuk iraunkorrak izango dira, horrek esan nahi du, kurtso osoan zehar mantenduko

direla. Beste batzuk berriz, ikasgai edo egun zehatz baterako prestatuko dira. Interesgarriagoa

iruditzen zaigu, iraunkor den jarduera bat azaltzea adibide gisa; azken finean honek ere egunero

IKT-ak nola erabiltzen diren erakusten duelako. Beraz, ekin diezaiogun jardueraren azalpenari:

JARDUERA: KLASEKO BLOGA

Proposamen hau hiru puntu nagusi ditu. Lehenik eta behin, iraunkortasuna edo egonkortasuna,

kurtso osoan zehar mantenduko baita. Bigarrenik, sozializazioa; izan ere ikasleek beren artean

harreman izan dezakete, gainera irakasleak eta gurasoak ere blogaren parte dira. Eta bukatzeko,

osagarria, esku-hartze honek curriculuma osatzeko balio baitu, IKT-en saila, alegia.

Kurtso hasieran irakaslea jarduera honen berri emango du, eta klase bakoitzak bere blog pertsonala

eraiki beharko du. Bertan, ikasgai bakoitzeko sail bat egongo da, non ikasleek beren lan idatziak,

Page 7: IKT-EN AZTERKETA

antzerkiak, grabaketak etab igotzeko aukera izango duten. Aurrerago ikasgai bakoitzak bloga nola

erabiliko duen azalduko dugu.

Hala ere, lehenik eta behin arestian aipatu bezala, ikasleek denen artean blogari forma

ematen joango dira. Horretarako, tutoretza orduak erabiliko dituzte. Ez zaigu egoki iruditzen bat-

batean honelako IKT bat klasean sartzea eta gelako erritmoa haustea, baina beharrezkotzat jotzen

dugu baliabide hauek ezagutzen joatea. Horregatik, pixkanaka tutoretza orduetan erabiltzen hasiko

dira, geroago eta blogaren ezagutza areagotzen denean, ikasleek klasean bertan erabiltzeko aukera

izango dute. Azken finean, helburua bloga egunerokoan normaltasun osoz sartzea da.

Kontuan izan behar dugu, hau lan osagarria izango dela tutorearentzat. Irakasle bakoitzak

bere ikasgaiaren sailari forma eman beharko dio eta hornitu beharko du, baina tutorea bere ikasleen

blogaren buru izango da. Gainera, klasetik kanpo egindako jarduera guztiak; hala nola, Santa Ageda

egunean kaletik abestea, inauterietan eskolan mozorro desfile bat egitea, klaseko argazki, bide-

hezkuntza saio bat etab; blogean argitaratu beharko dute tutoretza orduetan. Gainera, argazki eta

bideoen kontuarekin kontuz ibili beharko dira, gurasoen baimena beharrezko baita.

Ikasgaia bakoitza helburu zehatz baterako erabiliko du bloga. Gure ustez, hoberena honako

plangintza hau izango litzateke; hala ere, edozein ideia berri ona da eta burutzea irakasleen esku

egongo litzateke.

Hizkuntzak: Hauetan ikasleek lan idatzi mordo egiten dituzte, eta egoki iruditzen zaigu word

batera pasatzea eta blogean zintzilikatzea. Betiere, egilea eta data ipiniz. Horrekin batera, word

dokumentu bat nola sortzen eta funtzionatzen duen ikasiko lukete.

Modu honetan, irakasleek, ikasleek eta gurasoek irabazten dute. Irakasleek, lanak ikusteko eta

zuzentzeko aukera dutelako, gainera dena paperetan ez edukitzeak askotan hobeto moldatzea dakar.

Ikasleek, beren lanak ikusgai jartzen dituztelako; beraz, tentsio puntu bat edukiko dute lana

egiterakoan denok ikusteko aukera izango dutelako; gainera, besteek beren ikaskideen lanetatik

ikasi eta ideiak atera ditzakete. Eta bukatzeko gurasoek, lanak kurtso amaieran baino lehenago

ikusteko aukera dutelako, horrela, beren seme-alaben garapena pixkanaka ikusten joan dira kurtsoa

aurrera egiten duen heinean.

Baina, lan idatziak ez ezik, antzerkiak eta hitzaldiak ere taldekideen aurrean egiten dituzte, eta noiz

behinka hauetako baten bat grabatu eta blogera igo beharko dute. Lehen esan dugun bezala,

besteekin konpartitzeko eta nola egin duten ikusi ahal izateko.

Ingurunearen ezaguera: Ikasgai honetan, bi modutara lan egiten da. Gizarte edo natur teoria

landu behar dutenean, askotan lan idatziak egiten dituzte eta horiek hizkuntzetan bezalaxe blogera

igo ditzakete. Baina beste batzuetan, ordea, muralak edo esperimentuak egiten dituzte. Kasu

Page 8: IKT-EN AZTERKETA

horietan, bi ideia proposatzen ditugu. Alde batetik, muralak eskuz egiten badira, argazki bat atera

eta blogean zintzilikatu, edo zuzenean murala word batean egitea. Horrela, irudik itsasten, taulak

sartzen, koloreak aldatzen etab ikasiko lukete. Esperimentuei dagokienez, ikasleei eskatzen zaie

iruditxoak egitea esperimentuen prozesua azaltzeko eta horiek eskaneatzea (eskanerra erabiltzen

ikastea) eta igotzea egoki iruditzen zaigu. Gainera, esperimentua egiten duen talde bakoitzari

hausnarketa informal bat idaztea eskatuko genieke; zein zailtasun izan dituzten, nola konpondu

dituzten, zein material eskuragarri izan duten, zein etxetik ekarri behar izan duten etab. Honekin,

esperimentu bera egingo duten beste taldeek denbora aurreztu dezakete.

Matematika: Sail hau irakasleen esku utziko genuke gehien bat. Bertan, hainbat linka ipini

ditzakete, non ikasleek zuzenean matematika jokoak dituzten programetara joan daitezkeen.

Horrela, etxean sartu eta matematika landu dezakete. Horrekin, batera etxerako lanak zeintzuk diren

idatzi dezakete eta gurasoek ikusi.

Haurrei dagokienez, matematikan aritzeko “TRUKOAK” saila sortuko genuke, non ikasleek beren

estrategia matematikoak besteei konta diezaieketen.

Arte Hezkuntza: Askotan arte Hezkuntzan lan asko egiten dira baina etxera ezin izaten dira eraman

eta beren gelakideekin soilik konpartitu ditzakete. Gure proposamena honako hau da: “PUJA” saila

sortzea. Nahi duen ikaslea bere lana bukatu eta bertara igo dezake (argazki baten bidez) , orduan

familiarrek, irakasleek edo beste ikasleek lan hori gustuko badute “pujatu” dezakete eta lan hori

erosi. Azkenean, egunerokoan artearekin ematen den egoera bat da, eta honela ikasleek egindako

lanen saria aurkitzen dute. Lanek balioa dute, politak dira eta munduan zeresana badute. Hala ere,

kontrolpean egon beharko litzateke eta aldez aurretik hitzartutako baremoak egon beharko lirateke.

Gainera, ikasleek puja handiegiak edo gero ordainduko ez dituztenak egitekotan, zigorra edukiko

lukete.

Honekin argazki kamera erabiltzen ikasiko lukete, eta nahi izatekotan efektuak, kolorea, forma etab

aldatzeko aukera emango zitzaien programa bereziekin. Adibidez; “Piccasa” doakoa, edo

“Photoshop” ordaindu behar dena.

Musika Hezkuntza: Musikan berriz, klasean bertan landutako kantak eta partiturak igo ditzakete

eta etxean landu. Horrela ez lukete paperik etxera eraman beharko eta ez legoke galtzeko arriskurik.

( Papera aurrezteko modu bat).

Horretaz aparte, gaur egun, musika jaisteko makina bat programa daude, baina horrek eztabaida

ekarriko luke; izan ere, morala da musika dohain jaistea? Horregatik, proposatzen duguna zera da,

sail desberdinak egitea musika mota desberdinekin, ikasle bakoitza zein CD dituen esan eta

besteekin zuzenean diskoa konpartitu.

Page 9: IKT-EN AZTERKETA

Bestalde, berri baten bat badute kontzertu baten inguruan, edo abeslari batek diskoa berria

aurkeztuko duela badakite gelakideei esateko beste aukera bat da.

Gorputz Hezkuntza: Ikasgai honetan blogean igo daitezkeen lanik ez dira egiten, baina eskolak

baditu extra-eskolarrak. Orduan, horren inguruan jarduera bat proposatzea egokiena iruditu zaigu.

Beraz, extra-eskolarrak sailkatu beharko lituzkete, eta horietan eskolako taldeak klasifikazioan nola

doazen astelehenero igo. Horrela, guztiok informatuak egongo ginateke. Gainera, primerakoa

iruditzen zaigu partidua jokatu dutenek astera hausnarketa bat egitea. Partidua nola joan zaien,

markagailua nola gertatu den etab kontatuz. Gainera, partidu aldaketa bat badago (ordutegia edo

kantxa dela eta), atzeratzen badute edo suspenditzen badute edo dena delako; eskola kirola

koordinatzailea bertan arrazoiak aditzera eman ditzake, haurrak aldez aurretik klasean abisatu

dituztela.

Page 10: IKT-EN AZTERKETA

BIBLIOGRAFIA Irudiak:

• http://www.google.es/imgres?q=nuevas+tecnologias&um=1&hl=eu&client=firefox- a&sa=N&rls=org.mozilla:eu:official&tbm=isch&tbnid=_ahibhv_2lpfYM:&imgrefurl=http://sophienuevastecnologias.blogspot.com/&docid=K07leBUR5Eo-bM&imgurl=http://2.bp.blogspot.com/-ZYUt0q7jhUs/Tc6fFkSfCAI/AAAAAAAAACc/fj_suD8djLU/s1600/nuevas%25252Btecnologias%25252B.jpg&w=487&h=444&ei=sUNfT9f5PITChAfesZTaBw&zoom=1&iact=hc&vpx=706&vpy=142&dur=3950&hovh=214&hovw=235&tx=120&ty=117&sig=102386360235485808969&page=1&tbnh=139&tbnw=152&start=0&ndsp=15&ved=1t:429,r:3,s:0&biw=1152&bih=651 ( 2012/ 03/13)

• http://belenikastetxea.net/ • http://amaraberri.org/topics/defgeneral/ (2012/03/21)• http://sites.google.com/site/ikttaldekotxokoa/ (2012/03/21)