Rúa Lisboa, 20 - baixo 15707 Santiago de Compostela

A Coruña

T 981552206 | F 981938274 ceesg@ceesg.org www.ceeesg.org

nº 88 - decembro 2014 A profesión que sentes, o colexio que queremos

Boletín do Ceesg

2015: Unha volta polo medio, outra polo arredor. Así di unha cantiga popular galega moi coñecida e que segura-mente teremos cantado ou tarareado nalgunha festa popular do país. Pois ben, sirva este empece para situarnos no baile en defen-sa da profesión, un baile que nos ocupou estes últimos catro anos, pero que xa comezou fai case catorce (coa creación do colexio profesional de educadoras e educadores sociais de Galicia) e seguramente hai quen leva bailando desde fai bas-tante máis tempo. Sempre que remata un ano faise repaso de todo o que se fixo ou deixou de facer. Este ano 2014, ademais de facer esa revi-sión anual, tócanos facela cuatrienal e descubrir que non esti-vemos paradas, que tivemos ritmo, que bailamos con quen quixemos as veces que nos apeteceu, e tamén nos tocou bai-lar aínda sen gañas ou sen forzas, con quen non queriamos tanto. Esa visión histórica tamén a estamos a ter coa elabora-ción do documental sobre a historia da educación social en Galicia. Pero bailamos, moito, e démoslle movemento ó corpo para demostrar que quen non se move, non sinte as cadeas, como diría Rosa de Luxemburgo. E nós sentímolas, sentimos como compañeiras e compañeiros educadores sociais viron (vimos) pechar o programa no que traballaban ou sentiron (sentimos) cómo se vían afectados os proxectos que levaban a cabo po-los malditos “recortes”. Os programas de inclusión social, os programas de prevención do vih-sida, os programas de pre-vención de violencia nas escolas, os centros de menores pe-chados, os centros de día ou residencias de maiores que non nos contratan, os servizos sociais minguados e externaliza-dos, as competencias non asumidas pola administración,....e a marea laranxa, o colectivo encontro benestar social, o social no local, a alianza social galega, a plataforma mira por elas, … aparece o movemento rítmico e os movementos sociais, e nós bailamos! A actividade colexial non se reduciu somentes ao apartado reivindicativo, que tamén e sobre todo, pero estivemos pre-sentes nas universidades, nos decanatos, coas coordinadoras do grao de educación social e de lado do estudantado, que lle preocupa o seu futuro laboral. Normal! Como a administra-ción prepara profesionais para postos de traballo que logo non crean? Non o entendemos! Seguimos insistindo niso. E fomentamos a participación do alumnado de educación social nos Puntos de Información Colexial, no concurso Traballos Fin de Grao, na campaña Amigas do Ceesg e en todos os actos que propoñen ou propoñemos facer. Bailamos! O desenvolvemento profesional é outro dos piares funda-mentais, onde os grupos de traballo (a eira do ceesg, fiadei-ras, aBeira, escaravellando, geix, e o novo de adiccións) revi-talizan as accións formativas, os encontros e xornadas que determinan os temas a tratar por estar en boga ou por nece-sidade profesional. Teatro (da oprimida, educador social en alaska, ciclos de teatro comunitario); conferencias; xornadas interxeneracionais, sobre violencia de xénero, sobre lingua e educación social, ecofeministas, de diplomatura a título de grao, renda básica universal, mobilidade, animación sociocul-tural, materiais e recursos educativos en galego; cursos de xerontoloxía, avellantamento activo, de peritaxe, de búsque-da de emprego, emprego con apoio, potencial humano, me-diación familiar, posgrao de intervención familiar, o valor pe-dagóxico do humor en educación social, formación en xéne-

ro; entrevistas; ciclos de cine; aulas xurídicas; manifestos; reunións institucionais; plataformas; comunicados de prensa, grupos de traballo; comisión de ética; e un sinfín de activida-des difíciles de enumerar, que nos ocuparon neste tempo de educación social organizada. Para este baile xa fixo falla dunha coreografía. Marcharon algunhas persoas e outras viñeron, para reforzar algunha área ou para aprender da experiencia de defender a profesión. Practicamos bailar o “solto” e o “ajarrado”. Bailamos, agradecidas e emocionadas! A acción profesional e sociolaboral, ao igual que o resto de ámbitos non se apartou dos principios ideolóxicos desta can-didatura, que eran:

• O compromiso coa profesión.

• A xustiza social.

• A perspectiva de xénero.

• A lingua e cultura galegas. Intentámolo e vimos froitos en certos aspectos, pois recurri-mos prazas que conseguimos, solicitamos modificacións de bases que finalmente se modifican, superamos un ERE no Ceesg, denunciamos irregularidades en centros e algo que pretendiamos e agardamos acadar en breves é o recoñece-mento dunha categoría única de Educador/a Social no V Con-venio Colectivo Único da Xunta de Galicia. Tamén nos relacionamos coas demais profesionais e entida-des do terceiro sector, a través do Consello Galego de Be-nestar Social, do Foro de Inmigración, da Unión Profesional de Galicia ou do Espazo Dialoga. Deste último, (no que) formamos parte xunto cos colexios profesionais de psi-coloxía e traballo social, profesionais do ámbito do social cos que temos moitas necesidades comúns e compartidas. Coas que tamén bailamos! Nesta breve ollada ao que levamos feito non queremos es-quecernos das nosas colexiadas de honra, que levan o cargo con orgullo e co encargo de darnos a coñecer alá por onde van, e cónstanos que así o fan. Pronto teremos a outra per-soa que colabore nesta función de embaixadora da educación social. Por certo, sabedes cómo remata a copla de “Unha volta polo medio. Outra polo arredor.”? Pois cun “así fai -quen ben bai-la. Así fai o bailador-a”. Nós, este equipo de goberno, que estivo ó fronte nestes últimos catro anos de colexio profesio-nal xa deu a volta polo medio, agora queremos dar a volta polo arredor, para deixar bailar a novos bailadores e bailado-ras que animen a festa, que traian outro ritmo e movemento á nosa educación social, cargada de retos e dilemas cos que sorprendernos e sorrir. Grazas a todas e todos por todo! A #educacionsocial, máis necesaria que nunca.

Tema do mes

Sofía Riveiro Olveira Presidenta do Ceesg

Eleccións Ceesg 2015 O Ceesg celebrará eleccións moi pronto para a RENOVA-CIÓN TOTAL dos órganos da Xunta de Goberno do Ceesg que terá lugar o sábado 28 de febreiro de 2015 en Lugo, coincidindo coa asamblea xeral.

A participación de todas e todos é a base que debe sus-tentar o noso colexio, polo que queremos animarvos a que presentedes as vosas candidaturas para a elección das persoas que dirixirán o colexio nos vindeiros catro anos. Os estatutos establecen os requisitos para a presentación das candidaturas á Xunta de Goberno.

Por outra banda, toda/o colexiada/o en pleno uso dos seus dereitos o día anterior á Convocatoria de Eleccións figurará no Censo Electoral e, polo tanto, poderá resultar elexida/o membro da Mesa Electoral, ou suplente, no sor-teo público que se efectuará na sede do Ceesg o vindeiro 3 de febreiro de 2015 ás 17:00h.

Esperamos unha ampla participación que sexa síntoma dunha vida colexial sa e forte.

actualidade

2015-2019

Na web do Ceesg iremos colgando todos os documentos relacionados coas eleccións.

• Enlace á web: http://ceesg.org/o-ceesg/xunta-goberno/eleccions-2015

• Enlace aos estatutos do Ceesg: http://ceesg.org/o-ceesg/normativa/estatutos-do-ceesg

CALENDARIO ELECTORAL DÍA 13 DE DECEMBRO DE 2014.

Acordo da Xunta de Goberno do Ceesg coa Convocatoria de Eleccións para a renovación total dos órganos da Xunta de Goberno do Ceesg, a celebrar o día 28 de febreiro de 2015. Inserción no Taboleiro de Anuncios do Ceesg e na web do Colexio ceesg.org da Convocatoria Electoral e Listas do Censo Electoral de colexiadas/os electores válidos.

DÍA 15 DE XANEIRO DE 2015. Finalización do prazo de presentación de Candidaturas Electorais (listas pechadas e com-pletas).

DÍA 27 DE XANEIRO DE 2015. Proclamación de Candidaturas Electorais validamente presentadas á Xunta de Goberno do Ceesg. Notificación e publicación no Taboleiro de Anuncios do Ceesg e na web do Colexio ceesg.org

DÍA 3 DE FEBREIRO DE 2015. 17:00 horas. Elección dos membros da Mesa Electoral: 1 Presidenta/e, 2 Vogais e 1 Secretaria/o, e 2 suplentes para cada cargo, de entre os integrantes do Censo Electoral mediante sorteo pú-blico que se efectuará na sede do Ceesg sita na Rúa Lisboa nº 20 baixo C da cidade de Santiago de Compostela.

DÍA 28 DE FEBREIRO DE 2015. Celebración de Eleccións, que terá lugar na cidade de Lugo (local municipal, pendente de con-cretar), dando comezo ás 09:30 h en primeira convocatoria, 10:00h en segunda, ata as 11:30 horas ininterrumpidamente, en que finalizará a votación e comezará o escrutinio e, no seu caso, procla-mación da candidatura gañadora.

III Concurso de Proxectos de Educación Social “Memorial Toni Juliá”

tfg.eduso

2º Concurso tfg.eduso Xa queda pouco para a presentación de traballos ao concurso

TFG.eduso.

• Categorías de participación: Educación Social ESTENDIDA

(para aqueles traballos centrados en ámbitos e temáticas tradi-

cionais da Educación Social), e Educación Social ESCONDIDA

(para os centrados en ámbitos innovadores)

• Prazo: 22 de xaneiro de 2015.

• Premio: cota de alta de colexiación gratuita e publicación do

traballo.

Todos os requisitos e detalles aparecen reflectidos nas bases do

concurso, que poden consultarse na web do Ceesg.

Tamén hai aínda tempo para presentar os traballos ao 3º CONCUR-

SO ESTATAL DE PROXECTOS DE EDUCACIÓN SOCIAL, convocado

polo CGCEES en colaboración cos Colexios Profesionais Autonómi-

cos e as Asociacións Profesionais existentes.

A convocatoria consiste nun concurso de proxectos profesionais

realizados por educadoras e educadores sociais ou estudantes de

educación social, premiándose as que se consideren máis intere-

santes e innovadoras, e facilitando a súa futura difusión.

O concurso é a nivel estatal, e os traballos deben presentarse no

Colexio profesional ou asociación de Educación social da comuni-

dade autónoma na que se desenvolva o proxecto ou onde estea

colexiada/o actualmente a persoa que o presenta. A entidade au-

tonómica, a través dun tribunal creado para o certame, encargara-

se de seleccionar os traballos finalistas, que serán enviados ao

CGCEES para que outro tribunal elixa os proxectos gañadores.

O concurso establece dúas modalidades de presentación: indivi-

dual e colectiva.

O Ceesg quere colaborar con esta iniciativa de forma activa e amosar o interese por facer un recoñe-

cemento público a todos aqueles proxectos que cheguen ao colexio. Por iso, publicamos unhas cláu-

sulas específicas a través das cales se establecen dous premios que se concederán aos proxectos

presentados no Ceesg que resulten finalistas (é dicir, que pasen á fase estatal do concurso).

Toda a información, as bases xerais (fase estatal) e as cláusulas específicas (fase galega), podedes

atopalas na web do Ceesg.

Este concurso leva o nome de "Memorial Toni Julià" en homenaxe a un dos máis importantes pre-

cursores da nosa profesión no Estado.

actualidade

En memoria das galegas asesinadas nos anos do terror. Abaixo a represión!!!

En Galiza comezou no 1936, no ano do golpe de estado, poucos días despois do 18 de xullo, que nalgunhas vilas e cidades a resistencia do pobo logrou conter só por algunhas xornadas. En moitos casos, os xestos de resistencia es-pontánea da xente, desencadean a represión no acto. En Vigo, por exemplo, cando un pi-quete de soldados ao mando do (tristemente famoso) capitán Antonio Carreró Vergés, es-colta a lectura do bando de declaración de guerra, o cidadán Lence tenta de lle arrincar o papel da man. Mátano alí mesmo. Ante tal agresión, a cidadanía alí congregada bótase aos militares, que abren fogo contra a xente, deixando 15 persoas mortas e ducias delas feri-das. Cómpre destacar nesta xornadas o papel das traballadoras da conserva, como María Araúxo e Flora Rodríguez, entre outras, que increparon aos militares golpistas... ¡cobardes, tirade contra o pobo indefenso, cobardes!, be-rrábanlles. Tras varias xornadas de resistencia, nomeada-mente nas cidades e nas vilas grandes, Galiza cae nas mans do fascismo, que desde a súa primeira hora no poder desencadea unha vaga de brutal represión contra o pobo. Non per-doan a lealdade á República, non perdoan o anticlericalismo e, nomeadamente, queren eli-minar, material e simbolicamente, ata a última semente da democracia. Outro tanto ocorreu na Coruña, onde a cidada-nía lle plantou cara aos golpistas, mesmo o que era Gobernador Civil naquela altura, Fran-cisco Pérez Carballo. Os enfrontamentos foron durísimos e alí morreron, entre outras, María Bello Paz, directiva da Sección de Empacado-ras do Sindicato da Industria Pesqueira (CNT), Teresa Varela Calviño e Antonia Blas Fernán-dez. En ambos os dous rexistros de defunción figura, como causa da morte, hemo-rraxia interna. As mulleres, cos dereitos de cidadanía recoñe-cidos polo goberno da República, incorpo-ráranse masivamente ao eido social, cultural, político e sindical, atinxindo uns niveis de auto-nomía sen precedentes. Por todo isto foron

unhas destinatarias ‘moi especiais’ do aparato represivo, tanto no que se refire aos ‘motivos’ que desencadearon a represión sobre elas –ter un amante abondou para un ‘paseo’, por exe-mplo-, coma nas agresións concretas das que foron obxecto. Podemos dicir, xa que logo, que a represión fascista se cebou igualmente coas mulleres que cos homes no que se refire a asasinatos, torturas, cárcere ou exilio, mais con elas em-pregáronse asemade outros ‘métodos’; formas de violencia exercidos sobre os seus corpos. Milleiros de mulleres foron violadas e abusa-das sexualmente polos machos dos novos po-deres, mesmo alentados publicamente a face-lo polos mandos golpistas:

Nuestros valientes Legionarios y Regulares han enseñado

a los cobardes de los rojos lo que significa ser hombre. Y,

de paso, también a sus mujeres. Después de todo, estas

comunistas y anarquistas se lo merecen, ¿no han estado

jugando al amor libre? Ahora por lo menos sabrán lo que

son hombres de verdad y no milicianos maricas. No se van

a librar por mucho que forcejeen o pataleen.

(Queipo de Llano, radio Sevilla, 23 de xullo de 1936)

A milleiros delas roubáronlles as súas criaturas, moitas veces adiando a execución da condena a morte ata o parto para despois fusilalas. Du-cias de miles foron peladas, obrigadas a beber aceite de rícino, para as pasear logo polas rúas da vila ou da cidade coas siglas UHP escritas na fronte; ou forzadas a limpar axeonlladas o piso das igrexas; ou insultadas e vexadas de mil ma-neiras. A finalidade era desfacer a nova imaxe de muller que se estaba construíndo, impoñén-dolles mediante o terror a obriga de volver á casa, coidar do home e da prole e, en definiti-va, recluírse de novo no eido privado. Porén, malia a obriga ética de dar a coñecer a represión que se exerceu contra elas, isto se-gue a ser, na práctica, un asunto de orde se-cundaria. De feito, se a recuperación da memo-

Lola Ferreiro Díaz

ria histórica se fai desde unha única perspecti-va, se fai ‘en xeral’, estase a facer en mascu-lino. Por iso precisamos continuar o pulo pola recu-peración da memoria das mulleres, pola visibili-zación do seu papel durante a IIª República, durante os tres anos de resistencia ao fascis-mo e durante toda a ditadura. Evidentemente, doce meses dan para doce mulleres, unha insignificancia, ao lado das que habería que amosar. Algunhas máis van ser nomeadas no texto, non podía ser menos! E aínda así quedan unha chea delas... máis nesta ocasión non vai ser posíbel citalas a todas. Amada García Rodríguez, (Mugardos, 7 de outubro de 1909- Ferrol, 27 de xaneiro de 1938). Era militante comunista na súa vila, Mu-gardos. Activa e transgresora, ten na súa con-tra a xente máis reaccionaria da bisbarra. Detivérona en 1937, estando embarazada. Foi condenada a morte nun consello de guerra e a execución adiada ata 88 días despois do parto. Fusilárona en xaneiro de 1938, no castelo de San Felipe, xunto con outros sete compañei-ros. O seu fillo Gabriel, un bebé de aínda non tres meses, foi entregado ao seu avó pouco antes do asasinato. María José Leira, amiga de Amada, abandonou Galicia logo de ser conmutada a súa pena de morte –que lle fora ditada por ter unha bandei-ra comunista- e de ser fusilado o seu marido, un mestre de escola da comarca. María del Valle Lozano (Ourense, 1888 – Xinzo de Limia, 1937), militante comunista, foi detida por ter pedido a conmutación da pena de mor-te ditada contra o seu fillo Manuel Gómez del Valle, tamén comunista e finalmente fusilado en outubro de 1936. Levárona para o cárcere de Celanova e de alí a sacaron para ‘paseala’ en Mosteiro de Ribeira, 0 29 de outubro de 1937. O seu cadáver foi atopado en Lomba de Lamas, co cranio esnaquizado, sendo traslada-da ao cemiterio pola veciñanza, nun carro de bois. Xunto con ela foi asasinada tamén Salud Torres Díaz (1912-1937). En ambos os dous ca-sos, o rexistro de defunción fai constar como causa da morte o ‘destrozo cerebral’. Rosario Hernández Diéguez ‘A Calesa’ (Vigo, 1916-1936) Era unha nena de 16 anos, afiliada á UGT e vendedora de xornais na Rúa Príncipe. O

20 de xullo, tras a represión desatada na Porta do Sol, cando a cidadanía se bota sobre os mili-tares que len o bando de declaración da gue-rra, foi secuestrada polos falanxistas. No cuar-tel da Falanxe foi violada, torturada e mutila-da, e despois asasinada. O seu corpo foi bota-do á ría, preto das illas Cíes, baixo unha pran-cha de ferro. Carme Sarille Lenceiro, Manuela Graña Rico e Virginia Meilán Varela, ‘As mapoulas de Monte-cubeiro’. En agosto de 1937 prodúcese a masa-cre de Montecubeiro (Lugo), baixo o mando do tenente coronel fascista Florencio González Vallés. Foron asesinadas Carme, Manuela e Vir-xinia, e 11 homes, dous deles de identidade descoñecida. Carmen Sarille Lenceiro (1915-1937) Foi detida e asasinada porque era irmá de Bonifacio Sari-lle Lenceiro, da ‘Unión de Labradores’, fuxido dos asasinos da falanxe, que o andaban a bus-car para matalo pola súa condición de líder sin-dical. Carme axudáralle moitas veces, mesmo agochándolle unha escopeta, que botou no pozo da casa cando apareceron os falanxistas. Toda a familia foi maltratada por non revelar o paradoiro de Bonifacio. Finalmente, un día le-varon a Carme e matárona. A familia tivo que andar á procura do seu corpo para soterralo. Manuela Graña Rico (1916-1937). O 1 de maio de 1936 celebrouse en Mosteiro unha concen-tración de traballadoras e traballadores. Ma-nuela fixo uso da palabra, reclamando a liber-dade para as persoas e a igualdade para as mu-lleres, entre outras cousas. Quizais ese foi o determinante do odio que lle profesaron os reaccionarios e os fascistas. A Manuela, que lograra fuxir do cerco que lle tenderan, entre-gouna un curmán seu (coñecido por Arboiro) que mesmo estivo presente no asasinato. Prendérona en Macela, onde a violaron todos os falanxistas da partida. Logo levárona ata a igrexa de San Cibrao, para que o crego a confe-sara e despois matárona a tiros. Virxinia Meilán Varela (1888-1937) era costu-reira e xornaleira. O seu ‘delicto’ foi ter un amante, cousa que tiña moi enfastiado ao cre-go da parroquia, Eustasio Fernández Campo, que se encargou de incluíla na lista das persoas que debían matar en Montecubeiro, coa cola-boración do xenro do amante de Virginia. Can-

do a foron buscar, coméronlle e bebéronlle primeiro todo canto tiña na casa, despois levá-rona a onde o crego de Castroverde, Juan José Juíz, obrigárona a pórse de xeonllos para que a confesara e despois matárona a tiros, axeonlla-da. Juana Capdevielle Sanmartín (Madrid, 1905- Rábade, 1936). Galega de adopción, instalouse na Coruña cando o seu compañeiro, Francisco Pérez Carballo foi nomeado Gobernador Civil. Juana era unha muller ilustrada, pedagoga e arquiveira, compañeira de aulas de María Zam-brano Alarcón e conferenciante nas Xornadas sobre Pedagoxía Sexual que se celebraran en 1934. O 18 de xullo de 1936 participou na defensa da Coruña xunto co seu compañeiro, detido e fu-silado o 24 de xullo dese mesmo ano. Ela foi detida con enganos, pouco despois, cando chamou ao Goberno Civil para ter novas do seu esposo. Liberárona aos poucos días, pero foi detida de novo pouco despois (o 18 de agos-to). O seu corpo foi atopado ao día seguinte preto de Rábade (Lugo). Estaba embarazada. Josefa Barreiro González (1911-1937) vivía en Carril e traballaba no campo e no ‘servizo do-méstico’. Estaba afiliada á CNT de Vilagarcía ao igual que o seu compañeiro e a súa sogra, Oti-lia Tobío. En xullo de 1936, sogra e nora axudaron aos fuxidos de moitas maneiras. Josefa acolleu na súa casa a Urbano Tarrío, militante libertario que andaba fuxido. En marzo de 1937, el e ela foron detidas, torturadas e asasinadas. Deixou dúas criaturas de curta idade, que foron acolli-das pola avoa. Consuelo Alonso González ‘A Comunis-ta’ (Asturias, 1898- Lugo, 1938). Galega de adopción. Vendedora de xornais en Monforte de Lemos e militante comunista. En 1936 foi detida, pelada e paseada polas rúas da vila. Posteriormente foi liberada. Dous anos despois, volve a ser detida. Parece que esta detención ten que ver coa súa denun-cia das falsidades da información oficial sobre a marcha da guerra, concretamente coas difi-cultades do exército franquista na fronte do Ebro. Xulgada en consello de guerra por rebelión mi-litar e condenada a morte. A sentenza execú-

tase apenas 6 horas despois de ser pronuncia-da. Ela e Amada García Rodríguez foron as úni-cas mulleres condenadas a morte por un tribu-nal militar. Todas as demais foron ‘paseadas’, asasinadas a golpes ou morreron en enfronta-mentos armados. Mercedes Romero Abella (Cee, 1907- Aranga, 1936). Era mestra desde 1926. Cando o golpe de estado, traballaba en Monelos. Estaba afilia-da á UXT. O seu compañeiro, Francisco Maza-riegos Martínez, sindicalista da UXT, foi asasi-nado o 31 de agosto. Pouco despois, Mercedes iniciou xestións para embarcar cara América; non puido facelo porque foi detida. Violada e torturada, foi asasinada a tiros na ponte da Castellana, no concello de Aranga, o 19 de novembro de 1936. O seu corpo, inicial-mente arrebolado ao río Mandeo, foi recupera-do e soterrado nunha foxa común, en Vilarra-so. Outras mestras asasinadas foron María Váz-quez Suárez (Miño, ?-1936). Socialista, militan-te de FETE-UGT, e co-fundadora do PSOE en Miño. Foi torturada e asasinada na praia de Barallobre (Miño) o 19 de agosto de 1936, acu-sada entre outras cousas de postular a escola laica e o amor libre, así como de soterrar a súa nai sen rito católico. A súa casa foi saqueada e os seus libros queimados. Tamén María Gonzá-lez González (A Coruña, ?-1937). Mestra socia-lista. Desapareceu en 1937, aínda que a súa fa-milia asegura que a asasinaron e que o seu cor-po apareceu na praia do Orzán. Os seus ir-máns, José e Rogelio tamén foron paseados en xullo de 1937. As que tolearon de dor. En situacións de sufri-mento extremo, as persoas poden tolear. É un xeito de adaptarse á situación cando resulta intolerábel. Isto foi o que lle pasou a moitas mulleres, duramente reprimidas nas súas pro-pias carnes pola tortura e a violencia sexual, ou castigadas facendo sufrir ás súas familias. Ás que lles asasinaron e torturaron fillas e fillos, irmás e irmáns, parellas, nais e pais. Houbo moitos casos. Moitísimos. Os máis de-les descoñecidos. Pero imos falar aquí, o modo de exemplo, das irmás Fandiño Ricart: Maruxa, Coralia e Sarita, compostelás, fillas dun za-pateiro e dunha bordadora, formaban parte dunha grande prole, con outros dez irmáns, ao

menos tres dos cales pertencían ao movemen-to libertario, o mesmo ca elas (segundo algun-has fontes). Tras o golpe de estado, a familia Fandiño Ri-cart é acosada pola policía e pola falanxe, que se presentan na súa casa con frecuencia a altas horas da noite, facer rexistros, e maltratar e ameazar. Elas mesmas son obxecto de humilla-cións, insultos e ameazas. O acoso esténdese á presión sobre a veciñanza, aterrorizada pola crueza das represalias, para que non lles fagan encargos de costura e de bordado, únicas fon-tes para a súa manutención. As irmás Fandiño Ricart sobreviven da solidariedade (moitas ve-ces anónima) das xentes honradas de Compos-tela. Elas saen á rúa vestidas de cores rechamantes e moi maquilladas. Durante anos, provocan moitas veces a burla dalgunha xente mais, no-meadamente, a solidariedade de outra. Desde 1994, quedaron inmortalizadas por un-ha escultura policromada de César Lomba, no paseo central da Alameda. As descoñecidas. Ás que non podemos nin se-quera contificar, porque foron definitivamente esquecidas. Ás que nunca apareceron nin fo-ron reclamadas por ninguén. Ás que perderon a súa vida por conta da barbarie fascista. A to-das elas as representou Sara Lamas no fermo-sísimo gravado que, madia leva!, merece un lugar no calendario.

FORON MOITAS MÁIS… VELAÍ ALGUNHAS DELAS.

Pilar Fernández Seixas, de Trabanca. Asasina-da en febreiro de 1937 con outros compañeiros da CNT aos que acollía na súa casa, que foi queimada con todos eles e ela dentro. Anunciación Casado Atanes, ‘Pasionaria’ (1887-1936) Labrega comunista, natural de Cualedro, foi responsábel do PCE na bisbarra de Viana do Bolo (Ourense). O 21 de agosto de 1936 foi de-tida polos falanxistas. Pelada, violada e tortu-rada golpeada e asasinada no camiño que vai da Gudiña a Viana, no lugar das Reverdeitas. Asemade fóronlle incautados os seus bens. Amalia López Ojea (1939) De Soucelín, Santi-goso, en terras de Valdeorras. Nai de Antonia e Consuelo Rodríguez López, ambas as dúas guerrilleiras, así como os seus catro irmáns.

Colaborou coa resistencia antifranquista e foi detida e posta en liberdade en abril de 1939. En outubro dese mesmo ano, a súa casa foi asalta-da, na procura de un dos seus fillos, e ela e o seu home mallados case ata a morte, para des-pois sacalos da casa e arrastralos por un cami-ño, onde foron asasinados. Carmen Pesqueira Domínguez, "A Capiro-ta" (Marín, 1907-1936) Lavandeira asasinada en agosto de 1936 no Pozo da Revolta (Bagüín). O seu corpo foi levado nun camión ata Bueu, pa-ra que a xente a vira. Alicia Dorado Viso, asasinada en 1937, durante o asalto á súa vivenda polos falanxistas, que sospeitaban de que tiveran agochados a mili-tantes da CNT. Tamén foi asasinado no asalto Julio Acevedo Veiga, compañeiro de Alicia. Só nove días máis tarde, na mesma vivenda foi asasinada María Otero González, viúva dun fusilado, que tiña agochados tres fuxidos. Foron asasinados tamén. María Josefa Becerra Laíño acollera na súa ca-sa de Marselle (Lousame) ao mineiro anarquis-ta Perfecto Vilas Romero, integrante do Sindi-cato Minero da CNT de Lousame. Foi asasinada o 24 de febreiro de 1938 en Marselle xunto co irmán do anarquista que tiña agachado, Anto-nio Vilas Romero. Carmen Jérez Rodríguez. En 1944 estivo presa en Ourense por colaborar cos guerrilleiros, li-berárona e volvérona deter en xullo de 1946. Estivo dous meses na Rúa de Petín, e despois levárona para Ponferrada. Dez meses despois, en maio de 1947 apareceu o seu cadáver en estado de xestación de uns catro meses (consecuencia das violacións sufri-das) nunha cuneta de Montearenas, perto de Ponferrada. Carmen Temprano Salorio ‘A moza’. Era comu-nista e compañeira de vida e de militancia de José María Castelo Mosquera. Ambos os dous na guerrilla, morreron en enfrontamentos ar-mados coa garda civil o 5 de marzo de 1949, el en Val do Dubra e ela en Bugallido-Negreira.

FASCISMO NUNCA MÁIS!!!

20 1 5xaneiro febreiro

marzo abril

maio xuño

xullo agosto

setembro outubro

decembro

84 84

anos

novembro

L M Me X V S D

L M Me X V S D L M Me X V S D

L M Me X V S D

L M Me X V S D L M Me X V S D

L M Me X V S D L M Me X V S D

L M Me X V S D

17

1

2 3 4 5 6 7 8

9 10 11 1213 14 15

16 17 18 19 20 21 22

23 24 25 26 27 2831

1 2 3 4

5 6 7 8 9 10 11

12 1314 15 16 17 18

19 20 21 22 23 24 25

26 27 28 29 30

2 3 4 5 6 7 8

9 10 11 12 14 15

16 17 18 19 20 21 22

23 24 25 26 27 28 29

30

13

31

12 3 4 5

6 7 8 9 10 11 12

14 15 16 17 18 19

20 21 22 23 24 25 26

27 28 29 30

13

1

2 3

4 5 6 7 8 9 10

11 12 14 15 16

18 19 20 21 22 23 24

25 26 27 28 29 30

13

1

31

2 3

6 7 8 9 10

14 15 16 17

20 21 22 23 24

27 28 29 30

13

1

31

2 3 4 5 6

7 8 9 10 11 12

14 15 16 17 18 19 20

21 22 23 24 25 26 27

28 29 30

13

1

2

3 4 5 6 7 8 9

10 11 12 14 15 16

17 18 19 20 21 22 23

24 25 26 27 28 29 30

13

31

1

2 3 4 5 6 7

8 9 10 11 12 14

15 16 17 18 19 20 21

22 23 24 25 26 27 28

29 30

13

1

L M Me X V S D

13

31

1 2 3 4

5 6 7 8 9 10 11

12 14 15 16 17 18

19 20 21 22 23 24 25

26 27 28 29 30

L M Me X V S D

2 3 4 5 6 7 8

9 10 11 12 14 15

16 17 18 19 20 21 22

23 24 25 26 27 28 29

30

13

1

L M Me X V S D

2 3 4 5 6

7 8 9 10 11 12

14 15 16 17 18 19 20

21 22 23 24 25 26 27

28 29 30

13

1

31

25

4 5

11 12

18 19

26

Amada García Rodríguez

As que tolearon de dor

Consuelo Alonso González“A comunista”

Manuela Graña Rico

Juana Capdevielle Sanmartín

Rosario Hernández Diéguez“A Calesa”

(19

09

-19

38

)(1

92

0-1

93

6)

(19

16

-19

37

)(1

90

5-1

93

6)

(18

98

-19

38

)

Carme Sarille Lenceiro

As descoñecidas

Josefa Barreiro González

Virginia Meilán Varela

Mercedes Romero Abella

María del Valle Lozano

(18

88

-19

37

)(1

91

5-1

93

7)

(18

88

-19

37

)(1

91

1-1

93

7)

(19

07

-19

36

)

EN MEMOR IA DAS GA L EGAS A SA S I NADAS NOSANOS DO TERROR . A BA IXO A rEPR E S I ÓN ! ! !

(Debuxos de Sara Lamas)

formación

I Encontro lusogalaico de Educación Social. Vigo, marzo 2015.

Sábado 14 de marzo

11:00h - Recepción e distribución de material

11:30h - Sesión apertura

Sofía Riveiro Olveira | Presidenta do CEESG

Sílvia Lapa Oliveira Azevedo | Presidenta de APTSES

12:00h - Conversa de apertura

A Educación Social como Profesión:

vellas e novas identidades dun que facer en construción

Xosé António Caride Gómez | Catedrático de Pedagoxía Social da

Universidade de Santiago de Compostela

Moderador Alberto Fernández de Sanmamed | Presidente de Honra

do CGCEES

14:00h - Xantar

16:30h - Mesa Dialogada

Realidade Profesional: ámbitos e funcións no ámbito Luso-

Galaico. Fortalezas e debilidades da profesión

Sofía Riveiro Olveira | Presidenta do CEESG

Sílvia Lapa Oliveira Azevedo | Presidenta de APTSES

Xavier Puig Santularia | Presidente do CGCEES Maria José Calderón | Oficina Europea AIEJI (pte. confirmación)

Moderador João Paulo Delgado | Coordinador Licenciatura en Edu-

cación Social na Escola Superior de Educação do Instituto Politéc-

nico do Porto.

18:00h - Visitas, Recursos e Experiencias Socio-Educativas

(Dentro do encontro están programadas unha serie de visitas a cinco

recursos de Vigo, onde poder coñecer o traballo das educadoras e dos

educadores sociais “in situ” en diferentes ámbitos. As-os asistentes ó

encontro deberán escoller unha destas experiencias na recepción)

20:00h - Tempo Libre

(coñecer a cidade)

21:00h - Compartindo Xantares, Conversas e Músicas

Cea con actuación.

Domingo - 15 Marzo 2015

09:30h - Conferencia

O presente e Futuro entre o Luso e o Galaico:

Retos da Profesión

Xosé Manuel Cid Férnandez | Profesor da Universidade de Vigo -

Campus de Ourense

Belén Caballo Villar | Profesora da Universidade de Santiago de

Compostela Adalberto Dias de Carvalho | Catedrático da Facultade de Letras

da Universidade do Porto

Moderador Ana Raquel de Noronha | Instituto de Estudos Superio-

res de Fafe - Escola Superior de Educação

11:30h - Conversa de Clausura

A importancia da ética profesional na formación de axentes de

transformación social

Maria das Dores Formosinho | Profesora da Universidade Portuca-

lense Infante D. Henrique - Porto

Moderadora Fátima Correia | APTSES 13:15h - Sinatura de Convenio de Colaboración entre APTSES e SIPS

(Sociedade Iberoamericana de Pedagoxía Social)

13:30h - Recompilación de conclusións e propostas.

O Colexio de Educadoras e Educado-res Sociais de Galicia (Ceesg) xunto coa Associaçao dos Profissionais Téc-nicos Superiores de Educaçao Social de Portugal (Aptses), deseñamos este encontro de debate e reflexión coa finalidade de coñecernos máis e me-llor, crear vínculos de traballo común e facer da educación social unha pro-fesión máis forte e consolidada, transformando fronteiras en realida-des. Para iso, entendemos que o me-llor é coñecer o terreo, polo que tamén propoñemos varias visitas a contornas ou entidades susceptibles de atoparmos educación social.

As persoas participantes poderán presentar pósteres de ex-periencias, ámbitos ou proxectos relacionados có ámbito profesional da Educación Social, que serán expostos no reci-bidor do Verbum durante todo o encontro. OBXECTIVO Dar a coñecer a Educación Social a ambos lados da frontei-ra. NORMAS DE PRESENTACIÓN O formato para o póster ten que ser en A1 e en vertical. Ao finalizar o encontro as persoas poderán descolgar e recu-perar as suas obras, e recibirán un certificado de presenta-ción de traballo por parte da organización do encontro. PRAZO As persoas interesadas deberán enviar unha proba, incluindo a autoría e a dirección de correo electrónico de contacto, en formato dixital antes do 14 de febreiro de 2015, para encontrolusogalaico@gmail.com.

Verbum | Casa das Palabras Av. de Samil, n.º 17 36212 Vigo

Inscricións

Pósteres Lugar

A inscrición debe facerse a través do formulario dispoñible ao efecto en www.elgeducacionsocial.org, onde tamén se indica o número de conta para efectuar o pago da matrícula.

A entrevista aumentada

Coas palabras raras e exitosas, tipo

empoderamentoou coaching, pasame coma cos

chistes,preguntomesemprequenasinventaeque

fai que se convertan nun meme que repite todo

cristo.

Ben,poisagoravoueuelanzoamina,quexateno

a idade xusta de sabedorıa e inconsciencia para

facelo: Entrevistaaumentada. Toma xa!. Puxeno

en google e non saıu nada, ou sexa que podes

nomearme como inventor a proxima vez que a

soltennuncongresodealgo.

Dediquei bastante tempo deste blog a pensar na

entrevista, como unha das mais poderosas

ferramentas do noso traballo. A entrevista no

espazoquesexa.Oencontroıntimoecon&idencial

co Otro. Escribın de tecnicas, de experiencias e

teoriceiaomeuxeitosobreacuestion.Ecreoque

me faltaba un modelo de entrevista

complementaria a convencional, que ten que ver

coairrupciondasTIC.

Agora volvo, non vos preocupedes. Hai pouco lin

Calor, de Bill Buford. Nada mais lelo corrın a

Youtube, Google e Wikipedia en busca de

informacioneimaxessobreospersonaxesdosque

falaba Buford: o gran Chef Batali, ou Cecchini, o

famoso carniceiro da Toscana. Pasame con

calquera libro queme apaixone. Pasabame xa de

mozo,perooLaroussededocevolumesnondaba

para tanto.Calquera texto exahipertexto.A letra

imprenta alimentase do link que aumenta a

informacion en todos os sentidos (imaxes, sons),

incluındo aposibilidadede interactuar comesmo

autor.

Da mesma forma, a entrevista aumentada (ou

hiperentrevista, a estas alturas chamaa como

queiras) serıa aquela enriquecida coas

posibilidades que nos ofrece Internet. Unha

entrevista linkeada. Seguro quemoitos de vos xa

incorporastes o ordenador as vosas entrevistas

para ensinar algo a persoa a que atendedes. Pero

eu refırome a ir un poucomais ala. Se quedades

regularmente cun cidadan, digamos cada quince

dıas, tratarıase de introducir a entrevista

aumentada nalgunhas sesions: por exemplo, a

visualizaciondalgunvıdeo,alecturadalgunartigo

enInternet,aintroduciondunxogoeducativo,etc,

que tena que ver cun aspecto que queredes

traballar ese dıa. Coa vantaxe de que se pode

traballar inmediatamente despois do visionado,

con materiais de Internet ou creados por vos

mesmos, ou, o que resulta moi interesante, coas

propostasdapersoaqueatendes.Seguroqueoseu

smartphone pode ofrecer moito mais que os

molestosruidinosdoseuwhatsapp.

Por suposto, todo isto, como calquera entrevista,

aumentadaounon, requiremoito traballoprevio.

Untraballodebuscaouconstruciondomateriala

traballar. Un material que se poderıa compartir

conoutrosprofesionais.

Si, xa sei, descubrın a sopa de allo. Xa sei que

moitosde vos traballades ası. En realidade, como

moito do que escribo no blog, ponolle nome as

cousasnonporqueexistansenonparaacordarme.

Comooutrosrelacionadoscoaentrevista,estepost

e,aoseumodo,uninventario.

Entrevista aumentada, entrevista aumentada,

entrevista aumentada, entrevista aumentada. Os

memesfuncionanası,porrepeticion.Umm.Quete

xogasquemefagofamoso?.

Publicadonoblog

eleducadorsocialenalaska.blogspot.com

18demarzode2014

Sera Sánchez

Educador Social

@serasanchez

https://www.facebook.com/

sera.sanchez

bloguES

Ola! Chámome Millán e si, son Educador Social. Non soamente polo que di o meu título, senón polo meu día. Polas conversas na rúa, polo análise que fago do que me rodea, polo deseño e execución de programas de intervención social, polo enfado continuado ante as desigualdades sociais... Si, vivo enfadado, e asumo que vai ser así o resto da miña vida. Pero para min non é nada malo, todo o contrario. Quero enfadarme e cambiar a sociedade. Quero sementar para que poidan recoller. Isto é Educación Social, e é o que a diario facemos nós por ela, e o que fai ela por nós. Saber que temos poder para cambiar un contexto, e asumir que é unha responsabilidade. É a nosa forza!!

Animádevos a propoñer, a opinar, a escoitar. Podemos construír proxectos simplemente con pensalos conxuntamente. Se estades estudando, empapádevos dos vosos/as compañeiros, saíde á rúa, lede a Riera, Trilla, ... Pensade no voso pobo,

que poderiades facer vós para mellorar a calidade de vida dos vosos/as veciños...

Despídome cunha recomendación. Sentádevos nunha mesa a xantar, falade das vosas profesións, dicide en alto: “Pois eu son Educador/a Social”. Despois de diferenciarnos (porque será a pregunta que vos fagan) con Traballo Social, entusiasmádevos explicando porque nos motiva, porque nos cambia, porque nos pon a “pel de galiña”, porque nos cabrea, porque nos fai sentir orgullosos/as...

Eu son Educador Social.

Millán Brea Castro

Educador social

Colexiado nº 3918

www.lucete.info

QuE fas ti pola educación social?

ÚLTIMOS DÍAS!! A CAMPAÑA REMATA O 22 DE XANEIRO DE 2015!

Para ler e reflexionar...

A memoria esquecida: Peladas, presas, paseadas. (AA.VV.). 2006. Xunta de Galicia e Andaina

Esta obra recupera unha parte da historia que sempre quedou oculta e esquecida: a das mulleres represaliadas durante a guerra e o franquismo. Dividida en sete capítulos de diferentes autoras, retrata as vidas de varias mulleres: Tomasa Cuevas, Matilde Landa, Consuelo Rodríguez, Rosario “La Dinamitera”, Pilar Fernández Seixas; e de outras moitas anónimas: humilladas publicamente, rapadas, marcadas, violadas, paseadas. Recóllese nun dos capítulos o testemuño de Lola Rodal, que conta a represión fascista que sufriu ela e a súa familia polo seu compromiso social, sindical e político. Remata o libro cunha bibliografía comentada que recolle algúns textos que fan referencia ao período da guerra e posguerra e que destacan as problemáticas e vivencias das mulleres.

Obras que podes atopar na biblioteca do Ceesg

Actuacións

Reunión preparatoria do Documental sobre a His-toria da Educación Social en Galicia. A Comisión encargada deste traballo mantivo unha entrevista coa persoa que vai desenvolver este traballo, comparti-mos opinións sobre o contido e o guión.

Sesión de traballo sobre éti-ca. Aproveitando a estadía de Jesús Vilar en Galicia, convidá-molo a unha sesión de traballo para sentar as bases da Comisión Ética e de Benestar Profesional do Ceesg.

Seminario sobre o SIUSS. Organizado pola Dirección Xeral de Servizos para a Familia e a Infancia e pola Sub-dirección Xeral de Programas Sociais do Ministerio de Sanidade, Servizos Sociais e Igualdade. Ten como obxec-tivo afondar nas posibilidades que ofrece o SIUSS para coñecer situacións de necesidade no ámbito dos Servizos Sociais de Atención Primaria, así como detectar grupos de poboación en risco de exclusión social. Todo isto co fin de facilitar o intercambio de información con outras instancias da administración para a posta en marcha de medidas preventivas e de loita contra a exclusión. Nes-tas xornadas participou Mónica Fernández, educadora social coordinadora do grupo aBeira.

Colaboración no concurso Memo-rial Toni Juliá. Implicámonos na di-fusión deste certame de proxectos de Educación Social, e apoiámolo enga-dindo o recoñecemento dos proxectos seleccionados na fase previa galega.

Entrevista a estudante de doutoramento. Unha estudante de doutoramento entrevista a unha educado-ra social para recabar información relevante para o seu traballo. Cedemos a sala do Ceesg para a entrevista, e aportámoslle a información que precisa.

Reunión do Foro de Inmigración. As entidades de Santiago reúnense, como cada mes, para informar de actuacións discriminatorias para o colectivo inmigrante e das medidas a tomar ao respecto, así como para seguir coa campaña SOS Dereitos das persoas migrantes en gra-ve perigo.

Xornada de traballo: Cuestiones éticas en la edu-cación social. Contamos coa participación de Jesús Vilar para a organización desta xornada de reflexión so-bre a ética profesional.

Sesión informativa: Petroleoadicción. Organizado polo grupo de traballo A Eira do Ceesg, en colaboración co grupo SEPA da Universidade de Santiago. Empregaron a metodoloxía das carbon conversations para desenvol-ver un traballo de formación interna e, ao tempo, convi-dar a calquera persoa interesada a participar tamén. As carbon conversations teñen coma obxectivo formar ás participantes en conceptos como a pegada de carbono ou o pico do petróleo, fomentando a acción colectiva mediante dinámicas participativas.

Servizo xurídico do Ceesg. O primeiro mércores de cada mes, as persoas colexiadas poderán achegarse ata as oficinas para recibir orientación e asesoramento xurí-dico sobre calquera cuestión que queira plantexar.

Presentación do libro: Cuestiones éticas en la Educación Social. Jesús Vilar presenta o seu libro na Universidade de Santiago, convidado polo Ceesg. Na organización deste acto tamén colabora o Grupo de Investigación en Pedagoxía Social e Educación Ambiental (SEPA), cuxo obxectivo é incentivar a investigación no eido educativo e social.

Acto de constitución da Comisión Ética e de Be-nestar Profesional. Celebramos un acto público no que se presenta a Comisión Ética e de Benestar Profesio-nal. No acto, interveñen Sofía Riveiro como presidenta do Ceesg, Alfonso Tembrás como coordinador da comi-sión, e Carme Adán Villamarín, catedrática de filosofía e política, como madriña da mesma.

Reunión do grupo A Eira do Ceesg. Continúa o tra-ballo de A Eira do Ceesg, pechando os plans de traballo para 2015.

Escrito a Dirección Xeral de Función Pública e Sindicatos. Ante a posibilidade dunha xuntanza entre a Dirección Xeral e as forzas sindicais, poñémonos en con-tacto con ambas partes para reiterar a demanda do cole-xio para que se modifique a categoría "Educador/a" no convenio colectivo único de persoal laboral da Xunta de Galicia.

Mesa redonda: Experiencias de dinamización co-munitaria en contextos rurais galegos. No marco da materia Educación e Desenvolvemento Comunitario en Contextos rurais e urbanos impartida na Universidade de Santiago, o grupo SEPA da Universidade e o grupo de traballo A Eira do Ceesg orga-nizan unha mesa redonda na que se presentan dúas expe-riencias no medio rural.

Todos os servizos dun colexio profesional ao teu alcance.

Infórmate no Ceesg. Tlf. 981.552.206

Cita coa Dirección Xeral de Función Pública. Nes-te encontro insistimos na necesidade de modificar a RPT da Consellería de Traballo e Benestar.

Cita co alcalde de Lugo. Seguimos a rolda de xuntanzas coas alcaldías das grandes cidades para coñecer o estado dos servizos sociais no concello.

Reunión preparatoria do Encontro lusogalaico. Visitamos Vigo para seguir avanzando no deseño e outras cuestións do Encontro lusogalaico de Educación Social, que será en marzo de 2015.

Escrito á Consellería de Sanidade. Solicitamos a modificación da ORDE do 18 de novembro de 2014 pola que se regula a composición e o funcionamento da Comi-sión Galega de Coordinación e Seguimento da Actividade fronte á Infección por VIH/sida e outras infeccións de transmisión sexual (ITS) para a inclusión na composición da comisión dun/ha representante do Colexio de Educa-doras e Educadores Sociais de Galicia.

Reunión coa Secretaría Xeral Técnica da Conse-llería de Traballo e Benestar. Solicitamos este en-contro para informar da presentación dun escrito do Ceesg solicitando a modificación da RPT da Consellería.

Reunión avaliativa do Ceesg. Xunta de Goberno, Grupos de Traballo, dinamizadoras/es PIC e persoal do Ceesg temos unha sesión de intenso traballo, para ava-liar o desenvolvido no 2014 e ir pechando os plans para 2015.

Reunión do Consello Galego de Benestar Social. Somos convocadas á reunión do Consello Galego de Be-nestar, como entidade membro. Nesta ocasión non pode-mos asistir, pero achegamos previamente as nosas obser-vacións á normativa a debate para incorporar nos infor-mes.

Xornadas para familias: Tempos compostos. Parti-cipación de Fiadeiras. Fiadeiras participa nunhas Xornadas en Ferrol sobre Coeducación, abrindo as xorna-das coa súa intervención.

Reunión do grupo aBeira. As integrantes do grupo da zona sur reúnense para seguir avanzando no modelo de informe socioeducativo.

Escrito ao Sergas. Dirixímonos ao Sergas para poñer no seu coñecemento as preocupacións do colexio sobre as dificultades que pode xerar a inminente implementa-ción do IANUS e o Xeceas web na rede de atención ás drogodependencias.

Reunión de preparación de candidatura. Reunión das persoas que compoñerán unha candidatura ás elec-cións do Ceesg 2015.

Difusión das Bolsas Crue Cepyme. Contactamos con entidades que poidan ter interese en contar coa colabo-ración de educadoras/es sociais beneficiándose das Bol-sas convocadas polo Banco Santander a través da Univer-sidade da Coruña.

Para ver a información completa e actualizada sobre ofertas de emprego, revisa a web do Ceesg: http://ceesg.org/servizos/emprego/bolsa-emprego-do-ceesg

Educador/a social. Con formación/experiencia en igualdade, prevención do consumo de drogas e dinamización de grupos (infancia e adolescencia). Ferrolterra.

Novas Dos boletíns

EMPrEgO

AXUDAS E SUBVENCIÓNS

Consellería de Traballo e Benestar: Orde do 9 de decem-bro de 2014 pola que se regula o uso de instalacións xuvenís dependentes desta consellería para a súa dinamización, en réxime de oferta concertada, fóra do período da campaña de verán. DOG 16/12/2014 Consellería de Cultura, Educación e Ordenación Uni-versitaria: Axudas de apoio á etapa predoutoral do Plan galego de investigación, innovación e crecemento 2011-2015 (Plan I2C) para o ano 2014, e se procede á súa convocatoria. DOG 10/12/14 Instituto Galego de Promoción Económica: Axudas para novos emprendedores (Galicia Emprende). DOG 29/12/14 Vicepresidencia e Consellería de Presidencia, Adminis-tracións Públicas e Xustiza: Subvencións para a execución de proxectos e de microproxectos de cooperación para o desenvolvemento no exterior promovidos polos axentes de cooperación. DOG 30/12/14

Consellería de Traballo e Benestar: Subvencións para a contratación de persoal técnico para a realización de activida-des de información, orientación e prospección de emprego no exercicio 2015. DOG 31/12/14

Consellería de Traballo e Benestar: Axudas sociais de ca-rácter extraordinario, a favor de pensionistas de xubilación e invalidez, na súa modalidade non contributiva, a favor de persoas perceptoras das pensións do Fondo de Asistencia Social e das persoas beneficiarias do subsidio de garantía de ingresos mínimos. DOG 30/12/14

LEXISLACIÓN E NORMATIVA

Presidencia da Xunta de Galicia: Lei 10/2014, do 3 de de-cembro, de accesibilidade. DOG 17/12/14 Axencia Galega de Servizos Sociais: Resolución pola que se publica a data de posta en funcionamento desta axencia. DOG 26/12/14

PREMIOS

Consellería de Traballo e Benestar: Premios de Responsa-bilidade Social Empresarial de Galicia (Premios RSE Galicia). DOG 18/12/14

Formación

VI Seminario - Obradoiro Internacional de Avaliación de materiais didácticos. A educación e os materiais didácticos en Finlandia: Que podemos aprender?

Descrición: É unha actividade con distintos modelos de avaliación de recursos edu-cativos dirixidos aos distintos ámbitos de ensino. Procuramos ofrecer ferramentas de acción que o profesorado utilice no mesmo momento de realizar esta activida-de formativa, cuestionando os propios materiais e o uso que se deriva da súa prác-tica reflexiva nas aulas. Metodoloxía:

• Sesións teóricas: conferencia, relatorio a mesa redonda; que servirán para situar a cuestión da avaliación no conxunto da toma de decisións en función dos recursos dispoñibles.

• Obradoiros: de modalidade rotatoria (para poder asistir a dous deles) e cun nú-mero limitado de participantes por obradoiro. Son sesións participativas, onde a/o asistente se inicia no desenvolvemento práctico da avaliación de materiais a partir de modelos con criterios científicos para o procedemento de análise de ma-teriais e recursos educativos da actividade diaria. Nestas sesións a/o asistente po-de achegar materiais propios.

Organiza: Nova Escola Galega. Data: 20 e 21 de febreiro de 2015. Lugar: Vedra. Prezo: 40 €. Persoas en desemprego: 30€. Socias/os NEG e membros da comunida-de educativa de Vedra: 20€ Máis información: www.nova-escola-galega.org neg@mundo-r.com