EUSKARA, BESTELA EZ GARA Press...ARTAZIAK ALKATEAREN MAKILA AKERRAREN ADARRAK “Puntan puntan bi...

ARRIETA • FRUIZ • GAMIZ-FIKA • MEÑAKA

E U S K A R A Z E R B I T Z U A59. zk. 2018ko maiatza

EUSKARA,BESTELAEZ GARA

2 ARRIETA • FRUIZ • GAMIZ-FIKA • MEÑAKA EUSKARA ZERBITZUA ERDU PRESS

BARRI LABURRAKIPUIN LEHIAKETAREN IPUIN LIBURUXKALiburuaren eguna ospatzeko, apirilean XX. Ipuin Lehiaketaren liburuxka banatu zan. Gure herrietako ume, gazte zein helduen lan sarituak batzen dauz liburuxkak eta urtero lez etxean bertan sortutako istorio ederrak topa zeinkiez. Ondo pasa!Hutsen zuzenketa: 3. kategorian Aimar izan zan irabazlea eta Paulek 3. saria lortu eban.

IRAKURRIZ GOZATU KANPAINAGaztezulo aldizkaria, duda-barik, euskera eta gazteen zaletasunak ondoen batzen dauan hedabideenetariko bat da. Hilero-hilero musika, sexologia, literatura, sormena, artea eta beste gai askoren bidez gazteengan egungo informazinoa helarazoten dau, euskeraz. Badira urte batzuk 14-18ko gazteai ale bana helarazoten jakela etxera hiru hilez, Irakurriz Gozatu kanpainapean. Aurten, horrez gain, Gaztezulo txapelketa martxan jarri da, eta Gaztezulo urte osoko harpidetza, kamiseta eta poltsa lortzeko aukerea daukie gazteek. Ekainean irabazleak jakinarazoko dira.

III. ARGAZKI LEHIAKETAMaiatzetik irailera bitartean 2019ko egutegirako Argazki lehiaketa izango dogu hirugarrenez Arrieta, Fruiz eta Gamiz-Fikan. Parte hartzea errazteko email bidez helarazo leikez erretratuak aurten; halanda ze, mobilagaz argazkia egin eta momentuan bertan bidali zeinke [email protected] posta elektronikora. Ahaztu barik zure Izen-abizenak, telefonoa eta NAN zenbakia jasotzea, baita argazkiaren kokapena be.

OHAR TAULA

Beitu plataforma di-gitala barri honen bidez hainbat eduki jaso daikezuz zure mobilean dohainik: bideoak, Mr Euskal-dunen ilustrazinoak, sexologia kontsultak, moda gomendioak…

(14 - 18ko gazteen tzako)

Ekainaren 3an Añanako Gatz Haranera irteera antolatu dau Meñakatxuk.Gesaltza-Añana Gasteiztik 30 kilometrora dago, 30 kilometrora. Gatzaga honetan milaka urtez ustiatu dauz gizakiak ur gaziaren iturburuak, bizitzarako funtsezko produktu bat eskuratzearren: gatza. Añanako gatzagak munduko gatz-fabrika zaharrenetakoak dira, 6.500 urte baino gehiago daroatez “urre zuria” etengabe ekoizten.Gida batek modu didaktikoan erakutsiko deutse meñakarrai “urre zuria” ekoizteko urratsak: larrainak gesalez bete; trabuketea maneiatu berau betetzeko; ur gaziari arrabolakaz eragin; gatza otzaretan jaso; gatza biltegietara garraiatu gordetzeko... Plan polita!

MEÑAKAKO IDI PROBEN EMAITZAK IZENA UNTZAK METROAKELORRIETA 45 ¾ 6,85

OLIDEN 45 3,70

URIAGEREKA 42 --IÑAKI LOPATEGI 27 ¾ 4,75ZUMETXU ONDO 26 ½ 3,40AURREKOETXEA 18 1,15

3ARRIETA • FRUIZ • GAMIZ-FIKA • MEÑAKA EUSKARA ZERBITZUAERDU PRESS

MEÑAKA

MAIATZAK 26, zapatua:17:00etan: Txupinazoa.

17:30etan: Umeentzako puzgarriak.

19:30etan: Diskofesta “DJ KAKTUS”egaz.

19:30etan: Taloa eta txorizoa.

21:30etan: Trikitixa, Trikilekuren eskutik.

MAIATZAK 27, domekea:12:00etan: Mezea.

12:45etan: Herriko dantzarien ikuskizuna.

13:30etan: Herri kirolak.

18:00etan: Diskofesta “OIHAN VEGA”gaz.

19:30etan: Txokolatadea eta jaien amaiera

Meñakabarrenako jaiak


ARRIETA

Ekainaren 10ean Arrietako I. Enduro Txapelketa egingo da Solluben. Enduro jaitsiera modalidadea da, baina ez da ohiko jaitsierak bezain extremoa-edo. Erabilten dan bizikletak suspentsino bikotza dauka eta horren bidez mogimentu arinagoak egin leikez. Azkenaldian sasoian dago modalidade hau eta geroz eta zaletu gehiago daukaz.

Ikuskizun berezia gurean lehenengoz, kirolaz disfrutetako aukera parebakoa beraz.

Arrietako Herriko Tabernaren lizitazino barria egin da, eta apiriletik aurrera, hainbat konponketa eta egokitzapen egin ostean, kudeatzaile barria dogu. Gogotsu eta hainbat proposamenakaz datorkuz: menua aste barruan zein asteburuetan, urtebetetzeak ospatzeko aukerea, bertso-afariak eta bestelako ekimenak antolatzeko aukerea...

SOLLUBEKOI. ENDURO TXAPELKETA

VII. Lora eta landareen lehiaketa martxan dago. Apirilean izena emoteko epea zabaldu zan eta maiatzeko azokan parte hartzaileek 10 loreren truke aldatu eben emon jaken tiketa. Bagilerarte etxeak atondu eta lorak jagon behar dabez, eta orduan fatxaden erretratuak atarako dira. Ostean aste betez erretratu guztiak ikusgai egongo dira udaletxearen sarrerean. Zinegotzi bi eta lorazaintzako teknikari batek erabagiko dabe irabazlea, eta San kristobalen sariak banatuko dira, urtero lez. Ondoko erretratua Marivi Jerezen etxea da, pasa dan urteko irabazlea.

LORA LEHIAKETA

HERRIKO TABERNAREN LIZITAZINO BARRIA

FRONTOIKO ARGIASistema barria dago frontoiko argia erabilteko, hamendik aurrera, erroldatuek baino ezin izango dabe argia erabili eta horretarako txartela atera beharko da udalean.

Txartelagaitik 10 euroko fidantza itxi behar da udaletxean (baja egitean berreskuratuko da) eta hiru hilerik behin barritu egin behar da.


GAMIZ-FIKAEusko Jaurlaritzaren Gogora elkartea Memoriaren, Bizikidetzaren eta Giza Eskubideen Institutua da, eta arlo horreei jagokezan hainbat proiektu garatzen dauz.

Proiektu horreetako bat Memoriaren Ibilbideak dira, non 80 km hartzen dauzan Bilboko Burdin Hesia eta Defentsak oinarri hartuta, herririk herri dagozan lubakiak, alanbre-hesiak, metrailadore edo mortero-kokaguneak, gotorlekuak, babeslekuak eta aterpeak berreskuratzeko lanak kudeatzen dabezan.

Gamiz-Fikan hainbat metrailadore-kokagune eta babesleku daukaguz eta horreek garbitu, egokitu eta jagoteko ardurea hartu dau udalak Gogoragaz alkarlanean.

Horren harira ekimen bi antolatu dira gurean:

-Gogora alkarteko Aitor Miñambresen Gudarostea eta Molaren erasoaren inguruko konferentzia.

-Geotek enpresagaz batera lantzen ari dan mendi-ibilbideen proiektuan herriko metrailadore-kokagune eta babeslekuak txertatzea eta informazino kartelak ipintea gune esanguratsuenetan.

Aste Santuko opor egunetan umeentzako tailerrak antolatu ziran, eta aurten, aspaldiko partez, plaza guztiak bete ziran.

Herriko umeak ederto baten ibili ziran Urdaibai eskolako lagunekaz eskulanak, birziklapena eta kirol jarduerak egiten, beti be metodologia dinamiko, interaktiboa eta komunikatiboa oinarri hartuta.

Holako ekimenen bidez, ama zein etxe hizkuntza eredu ezbardinak dekien umeak batzen dira eta euskeraz aritzen dira euren artean esparru informalean be. Eurentzako oso aberasgarria da eta gainera gurasoak poz-pozik dabilz lanean dagozan bitartean umeek ederto baten pasetan dabelako.

Maiatzaren 26an izango da aurtengo Peñista eguna. Oraingoan beste herri batzuetan egiteko proposamena egon da, baina ar-duradunen bozketa bidez Gamiz-Fikan egitea erabagi zan beste baten be.

Aurtengo berezitasuna Athletic kale barriaren inaugurazinoa izango da. Izan be, Herri Txiki Inpernu Handi saioan aipatu zan lez, Athletic-en hormairudia egingo da Gamizko Ergoien auzoan eta sinbolikoki Athletic kalea irudikatuko dau.

Horrez gain urtero lez, txikigunea, zanpantzarrak, fanfarriak, Euskal dantzak, uso mezulariak, herri bazkaria eta kontzertuak egongo dira.

BURDIN HESIA

UMEENTZAKO TAILERRAK

PEÑISTEN EGUNA


FRUIZ2016an hasi ziran udala barritzeko lanak, irisgarritasuna helburu igogailua jartzeko erabagia izan zan horren abiapuntua. Obra integrala egitea onartu zan gela gehiago behar ziralako, esaterako, gizarte langilearen elkarrizketetarako, harrera egiteko edo beste lan teknikoak egiteko. 2018an estreinau da udal barria, eta, herritarrak zein langileak pozarren dagoz komodidade barriakaz.

UDAL BARRIA

Zaletasunagaitik hasi ziran Imanol eta Mikel korrika lasterketetan parte hartzen.

Mendi lasterketetan zaletu ziran ostean eta apurka-apurka maratoien munduan murgildu ziran. Ahaleginaren ahaleginaz, herririk herri eta mendiz mendi euren markak hobetu eta aurten Transvulcania lasterketan parte hartzeko beharreko klasifikazinoa lortu dabe, itzela!!!

Distantzia handiko Transvulcania lasterketa Canariar Irletan antolatzen da eta inguruko mendi ultramaraitoien gogorrenetariko bat da. 2012tik Mendi Lasterketen Munduko Txapelketarako puntuetan dau… eta fruiztar bi euki doguz gure herriaren ordezkaritza egiten bertan! Txalotzekoa izan da gure herritarren marka, maratoi erdiaren seiehun parte hartzaileen artean TOP20an sartu ziran Imanol eta Mikel, 16. eta 20., hurrenez hurren, zorionak bioi!!!.

FRUIZKO IMANOL ETA MIKEL TRANSVULCANIA LASTERKETAN

LIBURUTEGIA ALTXORREZ BETERIK

Irakurzaletasuna sustatzeko asmoz jarri zan martxan “Liburutegia altxorrez beterik” ekimena. Aurten, Ludotekako liburutegitxoan dagozan liburuez gain, Euskal literaturaren azken lan esanguratsuenak jarri dira parte hartzaileen esku. Hiru kategoriatan banatu dira:

Helduentzako Peru Magdalenaren AMETSONDOA, Kattalin Mineren NOLA HELDU NAIZ NI HONAINO eta Eider Rodriguezen BIHOTZ HANDIEGIA; gazteentzako Maite Muturberria eta Leire Bilbaoren PIKONDOAREN BALADA, Jasone Osoro eta Osevisky-ren ESKULARRU BELTZAK eta Seve Callejaren KONTXAKO HAUR GALDUAK; eta, umeentzako Uxue Alberdi eta Julen Tokeroren NORK AGINTZEN DU BOROBILEAN, Nathalie Dargent eta Yannick Thomeren JULENE BAKARRIK DAGO IKASGELAN eta Enrique Morenteren ERRALDOIAK.

Liburutegira hurbildu eta disfruta egizu euskal literaturaz!


EUSKERAZ BIZI GURA DOGU

IKUSI, IKASI eta ERABILIGURE BERBAK GURE OHITURAK: Igarkizunak

Iturria: Meñakako Berbarik Berba liburua

ARTAZIAK ALKATEAREN MAKILA AKERRAREN ADARRAK

“Puntan puntan biatzian zulo biarteziek dire

eta ezetz igerri”

“Basoa jaiobasoan hasi

herrire etorri etabera nagusi”

“Basora joanta herrire adi

ta herrire etorrita basora adi”

EUSKARALDIAN IZENA EMON DOGU!Euskaraldiaren olatua euskeraren herri guztiak buztitzeko jaio da eta geu be uger egiteko gogotsu gabilz. Kike Amonarrizek esan deuskunez, gure herrietako euskera maila eredugarria da, baita dagoan erabilera be, baina behera joateko joerari aurre egiteko euskaldun aktibo lez gure buruak jabetu eta inertzia hori inguruetan zabaltzea da oraingo gakoa. “Abiatze saio” bi egin doguz Euskaltzaleon Topagunearen laguntzagaz; bertan herritarrak, udaletako euskera zerbitzuak zein ordezkari politikoak batera diseinatzen hasi gara Euskaraldiak gurean izango dauzan egitura, kudeaketa eta abarrak. Herrietako Talde Eragileak eratzen ari dira, adi hurrengo deialdiai. Informazinoa edo lagundu gura badozu: [email protected]

Baietz hizkuntza ohiturak astindu eta euskera gehiago erabili!!!


ALKARRIZKETEAASIAKO LIZTORRA. JESUS MARI GONDRA

Nire izen abizenak dira Jesus Maria Gondra, Arrietako Etxebarrieta baserrian jaio nintzan 1962an eta orain be bertan bizi naz. Nire zaletasunak erleak eta menditik ibiltea dira.

1. Nondik jatortzu erle edo liztorrekiko zaletasuna?Niri erleetako zaletasuna ume-umetatik jatort, aitak esaten deuskun bere osabak erleak euki ebazala eta halako baten etxe ondoko soloan erle kume bat geratu zan eta atrapatu gendun. Erle horregaz ikasten joan ginan, akatsengaitik, eta aurrerantzean liburuak irakurriz ikasi neban. Egia esan ez da batere gatza erleeakaz ibiltea, gauzak lasai eta ondo egiteagaz nahiko da arazorik ez izateko.Beste aldetik, ez daukat inolako zaletasunik liztorrekiko, erleen amaiera oztopatzeko ahaleginean hasi nintzan beraien bizi moduari buruz ikasten.

2. Asiako Liztorraren gorabehera itzela izan da gurean, noiz izan zendun honen barri lehen aldiz?Asiako liztorra heldu zan orain dala bost urte Arrietara, hau da, lehen aldiz Arrietan 2013an agertu ziran lehen habiak, Madariaga eta Lekerika auzoan.

3. Honen inguruko protokoloa sortu aurretik zu arduratu zinan herriko abiak-eta kudeatzen, zelan ikasi zendun, zer egiten zendun?

Liztorrak atrapatearen zailtasuna beraien habien kokapenean dago, bestela ez da batere zaila. Kontuan hartu behar da beraiek gauaz ez dabela ezer ikusten eta normalean habiak zulo txiki bat bakarrik daukala. Egunez atrapatzekotan kea ia derrigorrezkoa da, bestela taldeka erasotzen dabe eta oso arriskutsuak dira. Kea ikusten dabenean alde egiteko prestatzen hazten dira eta normalean ez dabe erasotzen, erleek lez. Nik atrapatzeko kea erabiltzen dot eta plastiko poltsa baten sartzen dodaz; gero euliak hiltzeko intsektizida erabiltzen dot.

4. Gezur edo gehiegikeria asko zabaldu ziran hasieran liztor honen inguruan, zein izan da entzun dozun handiena edo bereziena?

Hasieran esaten zan oso txarrak zirala eta berehala etortzen zirala erasoten, baina normalean ez zan holan izaten, hori gertatzen zan hiltzeko ahaleginean huts egiten bazan. Habiak abenduan hil egiten zirala be esan ei zan, baina baten aurkitu neban maiatzaren batean bat bizirik, nire ustez liztor erreginak urte beteko bizitza dauka, eta urtea igarotzerakoan hil egiten da, orduan habia hutsik geratzen da. Beste gauza bat esaten zana zan habiak beti dagozala errekaren ondoan, baina beti ez da holan izaten, nahiz eta egia izan gehienak hor egoten dirala.

5. Ze ondorio izan dauz gurean espezie inbaditzaile honek?Ondorio oso txarrak ditu, ez deutso erasoten bakarrik erleai, beste intsektu batzuei eta fruituei be kalte handia egiten deutse, batez be mahatsa, pikoa eta madariari.

6. Zein da gaur egungo egoera, zer jakin behar dau jenteak honen inguruan?Gaur egungo egoera oso zaila da; udabarrian pilo bat erregina atrapetan jarraitzen dogu. Joan dan astelehenean, apirilak 2, lau tranpa ipini nebazan, eta barikuan, apirilak 6, 22 erregin atrapeta topa nebazan, eta oraindik hasiera baino ez da.Jenteak argi eta garbi euki behar dau, liztor honi aurre egin behar jakola, eta denon laguntza beharrezkoa izango dala.

7. Non egiten dabe liztorrek normalean lehen habia? Liztor honek lehenengo janaria bilatzen dau eta gero habia egiten dau handik gertu, normalean lehen habia etxe ondoan egiten dau, hau da, etxe ondoko txaboletan edo etxeko atarian. Normalean gurago dabez jentea ibilten ez dan tokiatan ipintea.


8. Tranpak ipini ahal ditu edozeinek?Ez, egia esan tranpak ipinteko baimena behar da. Egia da, hoberena honi aurre egiteko denok tranpak ipintea dala; esate baterako, tranpek oso ondo funtzionatzen dabe loratutako laranjondotan.

9. Zelako tranpak erabiltzen dozuz zeuk?Nik udaberrian bi tranpa mota erabiltzen dodaz, biek daukate 9 mm-tako zuloa goi aldean eta batek 5,5 mm-tako ihesbideak dituz, holan inguruneari inpaktu txikiena sortzen jako, biak dagoz pentsauta erlearen pikerapean jartzeko. Holan lortzen da erletatik kilometro batera arte ez izatea liztor habirik.Udagoienean arpa elektrikoa deitzen dana erabiltzen dot.

10. Zein da zeuk erabiltzen dozun erakargarria?Nik erabiltzen dodan erakargarriak garagardo baltza eta eztia dauka; baina ohiko erakargarriek honakoa daukie: garagardo baltz bote bat, baso bete ardo zuri eta arandanozko zuku apur bat, eta ondo funtzionetan dau.

11. Zer dio Eusko Jaurlaritzak liztorraren kudeaketari buruz?Eusko Jaurlaritzak liztorraren kudeaketa egiteko eskuliburu bat argitaratu eban 2016ko maiatzean, eta nahiko ondo eginda dau, norbaitek gehiago jakin gura badau, berau legidutea komenigarria da:http://www.euskadi.eus/contenidos/documentacion/vespa_velutina/es_def/adjuntos/vespa_velutina.pdf

12. Zein da Bizkaian daukaguan protokoloa?Bizkaiko protokoloak esaten dau: habia bat ikusten bada udalera deitu behar dala:http://www.bizkaia.eus/home2/Temas/DetalleTema.asp?Tem_Codigo=10069&idioma=CA

13. Pazadizo interesgarriren bat:Behin erregina bi ipini neuzen toki berean, egiten ebena ikusteko. Berehala alkarri erasoka hasi ziran, eta minutu batzuen ondoren bat hil zan, edo behintzat hori uste neban; baina hurrengo egunean berpiztu zan eta hegan be egin eben.Hau egin neban probetako frantziarrek esaten ebena egia zan, hau da, udabarriko tranpakaz ez zala ezer lortzen, erreginak alkarri erasoten deutselako eta ondoren bat hil egiten dalako.


EUSKERAREN EZAGUTZA GUREAN

SORTZAILEAK.EUSEUSKAL KULTURAREN KATALOGOA

Berria Fundazioaren beka baten laguntza-gaz sortu da plataforma barri hau. Euskal kulturgintzako ia 2.000 sortzaileren datuak batu dituzte daborduko euren datu-ba-sean, zazpi kultur esparru kontuan hartuz: literatura, antzerkia, ikus-entzunezkoak, dantza, arte plastikoak, bertsolaritza eta musika.

Esparru bakotxean hainbat sortzaileren fitxak jasoten dabilz euren argazkiak, irudiak, datuak, eta estekak kontsultetako.

Artista guztiak katalogo bakarrean alkartzeko eta ikusgarritasuna emoteko helburuz sortu da plataforma. Bi irizpide nagusi daukaz oinarrian: bizirik egotea, eta azken hamabost urteotan lanen bat plazaratu izana, hau da, gaur egun sorkuntza lanean aritzea.

Elikatzen jarraitu behar bada be, kulturgintzako hainbat erreferentzia topa leikez bertan.

Euskal Estatistika Erakundeak, EUSTATEK, atera barri dauz 2 urte baino gehiagoko biztanleen 2016ko euskeraren ezagutza mailaren datuak.

Aurreko ale batean 2011ko datuen barri emon gendun, oraingoan 1981etik gaur arte egon dan bilakaeraren datu estatistikoak herrika gura izan doguz zabaldu, hausnarketarako gonbitea eginez…


GUSTETAN JAKUZAN GAUZAK1- Zeintzuk dira gehien gustetan jatzuzan telesail edo marrazki bizidunak?2- Zein da zure euskal musika talde gustokoena? 3- Badaukazu kirolen bat gogokoen? Zein eta zergaitik dan esan?

UMEEN TXOKOA

ETXAHUN LEGARRETA ARRIEN, 4 URTE, MEÑAKA1- Niri Doraemon gustetan jat, eta Yoko eta lagunak.2-Goazen3-Pesak, indartsua izan nahi dodalako.

MADDI ETXEBARRIA GONZALEZ, 4 URTE, ARRIETA1- Pepa pig.2- Ene kantak3- Bai, futbola, pelotarekin jolastea gustatzen zaidalako.

MIGUEL RONDA, 10 URTE, FRUIZ1.“Ahora Caigo” eta “Thundermans”2. Ken Zazpi, nire abesti gogokoena Ilargia delako.3. Bai, futbola. Dibertigarria delako eta gogokoa daukadalako.

JOANE GOLZARRI AZPITARTE, GAMIZ-FIKA

1- Nobita eta Doraemom dira gehien gustatzen zaizkidanak.2- Pirrits eta Porrots dira Euskal Musika talderik gustokoena.3- Euskal Dantzak dira nire kirolik gustokoena. Beroketak egiten ditudalako eta taldean

dantzatzea gustatzen zaidalako.

DENBORA PASAK:Moztu ondoko liburu markatzaileak eta zure liburuetan erabili.

12 ARRIETA • FRUIZ • GAMIZ-FIKA • MEÑAKA EUSKARA ZERBITZUA ERDU PRESSARRIETA • FRUIZ • GAMIZ-FIKA • MEÑAKA EUSKARA ZERBITZUA ERDU PRESS

EUSKARA ZERBITZUAZURE ESKU

ARRIETA • FRUIZGAMIZ-FIKA • MEÑAKA

“ Inork ezin zaitu gutxiago zarela sentiarazi zure baimenik gabe”

(Eleanor Roosevelt)

TXISTEA

Señorita batakelarre batean

Deskapotablea hartuta joan ginen mendira,Padeleko lagun batzuk ta ni haize freskoaren bila.Teniseko zapata beltzak, bisera txuria, krema 50 eta Ama Birjiñan argazkia sujetadorian.

Ezkerrean marra txuri-gorri, eskuinen ekixa.Esan nien itxoiteko, egin behar nuela sastraketan pixa.Eskuinekotik jun eta, hara! Danbor hotsak!Urrunean kobazulo bat, hara noa. Zerekin topa?

SUAREN DARDARAN MILA GORPUTZ DANTZAN,IRRINTZI OIHUAK GIZON ADARDUN BATI ALABANTZAN;SEÑORITA BAT AKELARRE BATIAN...

KOBAN

LIBURUAK FILMEAK MUSIKA

12-16 urte. Gaia: Ziberjasarpena. Ar-miarmak arazotan sartzeko ohitura txa-rra du. Ausartegia da eta, borroka baten ondoren, institututik kanporatu dute. Ho-rregatik parkour ize-neko kirol diziplinan -beti orekan egotea ezinbestekoa den ki-rolean- babesa aurki-tuko du.

05-09, 10-12 urte. Plastikako irakasle berriak, Riqui an-dereñoak, trapuz egindako jantzia eta labetik gauza bero-beroak ateratzeko amak jartzen ditue-nak bezalako esku-larruak daramatza. Baina txarrena beste gauza bat da: zabo-rren bilduma egiten ari da!

12-16 urte eta hel-duak. Donostialde-ko hainbat talderen artean egindako proposamen interes-garria; Post Hardcore eta Frantziako Emo estiloak batzen dauz. 5 kanta dira, auto-ekoitziak.

LEHIAKETEA • NOR DA?AURREKO ERANTZUNA:Niña Coyote eta Chico TornadoIRABAZLEA: Ez dau inork asmatu

SARIA: Erantzun egokien artean Meñakako Eleiz-ondo jatetxean, bi

lagunentzako bazkaria zozketatuko da (astelehenetik-barikura).

Helbide barria: [email protected]

EUSKARA, BESTELA EZ GARA Press...ARTAZIAK ALKATEAREN MAKILA AKERRAREN ADARRAK “Puntan puntan bi...

Documents

Transcript of EUSKARA, BESTELA EZ GARA Press...ARTAZIAK ALKATEAREN MAKILA AKERRAREN ADARRAK “Puntan puntan bi...