Txintxirri aldizkaria (urtarrila 2012)

ikastolaElorrioko Txintxirri ikastolaren aldizkaria · 2012ko urtarrila

Zuriñe Zorrozua eta Mikel Ugalde

Euskal Currikulum-a ikastolan

Elorriotik Lekornera euskaltasunez

“Euskal Herrian eta munduan bizitzeko kalitatezko hezkuntza proiektua”

Euskaldun gaurkotuak, behar berriei egokituak eta aurrerapenetan txertatuak behar ditugu.

ZEIN HANDIATXIKIA IZATEA.

Euskarareneguna

Anttonen emamaldia ikastolan.

Txintxirri

Haurrakprotagonista

Elorrioko Txintxirri ikastolaren aldizkaria

Zergatik ikastola?

Zuriñe: Hezkuntza kooperatiba herritarra,

euskalduna eta oso profesionala delako,

honela laburbilduko nituzke ikastolaren

oinarrizko ezaugarriak. Kooperatiba hitza

enpresa eremutik aterata ikastola ikasleek,

gurasoek, langileek eta laguntzaileek

osatutako hezkuntza komunitatea garela

esan nahi du eta guztiok dugula zeresana

eguneroko bizitzan eta etorkizuneko

erronketan ere.

Ildo honetan, orain urte batzuk ikastola

guztiek herri onurako kooperatiba izendatu

zituen Eusko Jaurlaritzak, izendapen honek,

Zuriñe Zorrozua

Mikel Ugalde

“Ikastolak herriaren zerbitzura daude”

Txintxirri Ikastolakozuzendaria

Txintxirri IkastolakoLehendakaria

baieztatu besterik ez du egiten herriaren

zerbitzura daudela ikastolak.

Bestetik, ikastola etengabe garatzen eta

berrizten ari den proiektu bat da, berariazko

euskal curriculum proiektua, material

propioaren sorkuntza, teknologia berriak ...

Mikel: TXINTXIRRI Euskal Herriko Ikastolen

sarean izatea, txikia izanik geure seme-

alabak familia baten hasten eta hezten

doazela bizi dugu egunez egun. Gaur egun

gurasoen (gizartearen) exigentzia maila

gero eta altuago dugula nabarmen da,

Ikastolaren izaera kooperatiboaren espirituari

jarraituz, gurasook badugu zer esan askorik,

eta gure seme-alaben hezkuntzan parte

aktiboa izateko konpromisoa onartzen dugu

Ikastolara ekartzean.

Irakasleekiko gertutasuna eta seme-alaben

hezkuntzan ditugun zalantzak argitzeko eta

orientazioak jasotzeko bideak beti zabalik

ditugu.

Irailean ikasturte hasieran, gurasook

tutorearekin gela bakoitzeko batzarrak izaten

Ikastolaren azken helburua pertsonak bere osotasunean heztea da hiru eremu nagusitan: norberaren garapenean, gizarteko kide bezala eta naturarekin duen loturan. Euskal Herrian eta munduan bizitzeko, kalitatezko hezkuntza-proiektua eskaintzen jarraitzea da gure helburua.


ditugu. Adinaren araberako azalpenez gain,

ikasturtearen erronka nagusiak, ikasgaien

helburuak, beharrezko materialak eta

orientazioak, ekintzak eta egutegia aurkezten

dizkigute. Urtean zehar tutorearekin ditugun

elkarrizketetan eta beharrik izanez gero

edozein egunetan geure seme-alabei

buruzko asuntu partikularren komunikazioa

zuzena eta gertukoa da.

Era pertsonalean, geure gurasoek ere

Ikastolara ekarri gintuzten lau anai-arrebak,

pozik gogoratzen ditut haurtzaroko garaiak

eta Ikastolarekiko oroimenak. Proiektuaren

parte izan ginen eta ikastolan maitasun

giroan jasotakoak lehengo irakaskuntzak ...

berdina opa diegu geure semeei.

Zein da familien papera ikastolaren funtzionamenduan?

Mikel: Familiek sortutako eta familiez

osoturiko kooperatiba dugu Txintxirri Ikastola,

horrela geure seme-alaben hezkuntzan

irakasle taldearekin batera, Ikasteko Ola-n

lan eginez... geure seme-alaben hezkuntzan

subjektu aktiboak izanik, burdiñolan antzera.

Bakoitzak norberaren neurrien arabera,

bai denbora baita zaletasun edo hobeto

moldatzen garen lan taldean parte hartuz,

lan talde desberdinak daude, batzorde

pedagogikotik mantenu taldera.

Zuzendaritza taldearekin eta irakasle nahiz

langileen komunitatearekin batera, gurasoek

asanblada orokorrean aukeratutako

Errektoretza Batzordearen gidaritzapean,

antolatzen diren ekintza eta lan-taldeetan

parte hartzea kooperatiba izatearekin bat

izatea.

Zelan antolatzen duzue guzti hau?

Zuriñe: Badira urteak EFQM ereduaren

arabera lan egiten dugula , 2007an Urrezko

Q-a da lortu genuen eta gaur egun kalitatean

bagara erreferente bat ikastolen elkartean eta

Euskalit-eko bazkide aktiboak ere.. Ikastolak

dituen helburu orokor batzuk helmuga

hartuta gure eguneroko funtzionamendua

prozesu ezberdinetan antolatuta dugu,

prozesu hauetan, era ezberdinetan,

guztiok parte hartzen dugu. Horrela

ikastolaren funtzionamendu eta kudeaketa

partehartzailea bultzatzen dugu ere.

Bestalde, aipatu bezala aitzindariak

gara material pedagogikoa sortzen eta

erabiltzen, aurten Eusko Jaurlaritzak

ematen dituen Migel Altzo sarietan lehen

postua lortu du gure Ostadar, Euskara eta

Literaturaren web guneak eta Ixaka Lopez

Mendizabal Saria Urtxintxako lau urteko

umeentzako ipuinentzat izan da. Gainera

hau guztia praktikara eraman ahal izateko

gure irakasleak etengabeko prestakuntzan

murgilduta daude, bai proiektuetan zein

ikasmaterialgintzan.

Zeintzuk dira zuen erronkak?

Mikel: Barnera begira, Ikastolaren

funtzionamendua bideragarritasunez eta

etengabeko hobekuntza prozesuan bizirik

mantentzea. Gurasoen Parte-hartzea

suspertzea eta kooperatibotasun izakera

berbizturik mantentzea.

Elorrio eta inguruko herriei begira,

Europaren markoan kokaturik, Euskal

kulturan murgildurik, euskal curriculuma

eta konpetentzietan oinarrituriko hezkuntza

berriztatzailea bizirik eskaintzea.

Zuriñe: Ikastolaren azken helburua

pertsonak bere osotasunean heztea da hiru

eremu nagusitan, norberaren garapenean,

gizarteko kide bezala eta naturarekiko

duen loturan. Euskal Herrian eta munduan

bizitzeko, kalitatezko hezkuntza-proiektua

eskaintzen jarraitzea da gure helburua.


Euskal Curriculumaren ezarpena ikastolan

Elikaduraosasuntsuko asteaIkastolako helburua pertsonak bizitzarako heztea den heinean aurten “elikadura osasuntsua” izeneko astea antolatu dugu. Aste horretan ikastolako ikasle eta irakasle guztiok parte hartu eta gure bizitzan elikagai eta ohitura osasuntsuek duten eragina landu dugu. Gure helburua ikasturtean zehar eta eguneroko bizitzan ohitura hauek barneratzea da. Horretan hasteko, asteazkenero, umeek jolasorduetan jateko fruta ekartzen dute.

Ikastolako bi irakasle, Nerea eta Amaia, Euskal Herriko Ikastolak Elkartearekin lankidetzan ari dira. Ikastolan Nerea txikiekin dantzan, negutegian edota liburutegi txokoan ikus dezakezue. Amaia, aldiz, txirularekin edota nagusiekin laborategian aurki dezakezue. Bizipen ugari, hausnarketa asko eta ikastola proiektuan sinesmen osoa. Ikastolen Elkartean, ordea, Haur Hezkuntzako taldean, Nereak HHko marko teorikoa ikastolekin borobiltzea du hizpide; ikastolekin bildu, irizpideak zehaztu, urteko plana proposatu...gelako txokoak bete-beteta!

Amaia, berriz, Bigarren Hezkuntzako taldean dago lanean; Natur eta Osasun Zientziak irakasgaiaren curriculumaren garapenean eta ikastolok bigarren hezkuntzan dituzten beharrak eta erronkak identifikatzeko bidea egiten, argibideak prestatzen... matrazeak prest!

Bi norabideko elkarlan eta kooperazio aberasgarri hau aprobetxa dezagun, gure ikastola eta ikastolen mugimendua indartzeko eta gure proiektua lau haizetara zabaltzeko.

XXI. mende hasiera honetan, euskal herritartasun berritua bultzatu nahian, konpetentzietan oinarritutako euskal curriculuma eta honen garapena izango dira gure erronkak. Bi ideia daude honen azpian: euskal ondarearen transmisioa eta konpetentzien bidezko curriculuma.

Horrek pedagogia arloan aldaketa handia dakar, lehen curriculumaren oinarria jakitea bazen, aurrerantzean jakitea eta egiten jakitea izango dira. Euskal Herriko Ikastolok buru belarri gabiltza lanean,XXI. mendeko euskaldunak hezi nahi baditugu, euskaldun gaurkotuak, behar berriei egokituak eta aurrerapenetan txertatuak behar ditugulako.

Curriculumaren garapenaren diseinua gelara eramango da aurten eta esperimentazio prozesu honetan Txintxirri ikastolak parte hartuko

du, Euskal Herriko beste berrogei ikastolekin batera. 3. ebaluaketan egingo da, DBH1eko gelan eta Natur Zientziako irakasgaian. Curriculum marko berri honetan oinarritutako unitate didaktikoa eta hari dagokion ikaslearen ebaluaziorako proposamena (baliabideena zein konpetentziarena) praktikara eramango da; baloratu ondoren, beharrezko doiketak eta hobekuntzak egingo zaizkio unitateari. Honez gain, Euskal Curriculumaren garapenerako lantzen ari garen paradigma berriarekiko, ikastolako DBH-ko irakasleen prestakuntzan beste urrats bat emango dugu eta datorren berrikuntza aurreikusten lagunduko die, horrek eska diezaieketen aldaketa eta prestakuntza beharrak identifikatzen joateko bidean jarriz. Prozesuaren balorazioa ekainean egingo da.

LANKIDETZA


Iparraldeko BAIGURA ikastolarekin

Lekornetik Elorriora. Bi Ikastola txiki, proiektu bat. Baigura Ikastolak bere ibilbidea hasi zuen 2010eko irailean. Guraso talde euskaldun gogotsu batek ekin zion ibilbide berriari eta HHko talde batekin hasiera eman zion ikasturteari eta harrezkero pauso txikiak baina sendoak ematen ari dira.

ZEIN HANDIA TXIKIA IZATEA! Txikitasun horrek gure izaera izanda ere, proiektu komuna garatzeko batu gaitu.

Euskal Herriko Ikastolok ditugun ezaugarriak aintzat harturik: lankidetza, elkartasuna, Euskal curriculuma, kooperatiba izaera, ikasmaterialgintza propioa, izaera herritarra, eraldatzaileak, kudeaketa autonomoa, prestakuntza plana… proiektu batean elkartu gara. Edozein elkarlanean aritzeko beharrezkoa den ezagupena burutzen ari gara. Horrela ba, euren Ikastola ezagutu ondoren

Elorriotik Lekornera laguntasuna eta euskaltasuna elkar-trukatzeko ekimena abian.

“ Hurrengo hilabeteetan dirua batu eta elkar-ezagutza bultzatuko dugu, honetarako Elorrioko herriaren parte-hartzea oso garrantzitsua izango da”

Baigura ikastolako guraso eta ikasleak gure ikastola ezagutzera etorri ziren. Gure HHko ikasleek gelan egindako marrazkiak oparitu zizkieten elkarlanaren adierazgarri.

Laguntza ekonomikoa oso garrantzitsua izanik (Iparraldean bereziki), hurrengo hilabeteetan dirua batu eta elkar-ezagutza bultzatzeko ekimen desberdinak egiten hasiko gara, eta Elorrioko herriaren laguntza eta partehartzea oso garrantzitsua izango da.

Lekorne eta Elorrioko guraso eta irakasleak Iparraldeko Baigura ikastolan.

Elorrioko eta Lekorneko umeek marrazkiak trukatu zituzten.

Euskararen egunaEuskal Herrian, normalizazio bidean aurreratu nahi bada, eguneroko bizitzan, eskola eremuan zein norbanakoen harremanetan GURE IKASLEEK EUSKARAREN HAUTUA EGIN DEZATEN nahi badugu, hainbat estrategia eta baliabide eskaini beharra dugu. Horrexetarako sortu zen Euskaraz Bizi, eta horretantxe dihardu: euskararen aldeko etengabeko ekintzak eginez, euskararen aldeko jarrerak sistematikoki landuz (material egokia hautatuz eta hilero-hilero era progresiboan landuz), norbanakoaren subjektibitatean era gozoan eta sistematikoan eraginez eta euskaraz

hitz egiteko ohiturak sendotuz, horretarako gure ikasleen komunikazio beharrak bete ahal izateko erabilera esparruak zabalduz. Hori guztia aintzat hartuz, urtero euskararen eguna ospatzen dugu, aurten abenduaren 2an. Egun horretarako ekintza ugari prestatu zituen “euskaraz bizi” taldeak kultura taldearen laguntzarekin. Besteak beste txokolate jana eta Elorrioko abeslaria den Anttonen emankizuna izan genituen. Bertaratutako guztiok arratsalde zoragarria pasatzeko aukera izan genuen EUSKARA gure artean izan nahi dugun hizkuntza bada, maite, egin eta bizi gaitezen guztiok euskaraz!

Eskola sozializazio-eremu garrantzitsu-

enetako bat izanik, ezinezkoa du etengabe

eraldatzen eta berreraikitzen ari den gizartetik

kanpo geratzea, dinamiko eta bizia izan behar

du, orotar gizartearen zerbitzura egonik

erantzukizun garrantzitsua duelako eginkizun

horretan. Azken finean, familiarekin batera

geu baikara etorkizuneko gizarte horretako

pertsonak hezten eta prestatzen ari garenak.

Erantzukizun horretaz jabeturik, azkeneko

urteetan, haur hezkuntzako irakasleria

taldeko hausnarketa eta gogoetan aritu

gara Haur Hezkuntzako Marko Pedagogiko

propioa eraikitzeko asmoz. Markoa

eraikitzeak heziketa ulertzeko dugun

modua aztertzea ekarri digu, baita haurra


Haurrak protagonista

eta bere garapen eta hazkuntza (fisiko eta

psikologikoa) prozesua aztertzea ere. Azken

finean, honek Haur Hezkuntza eta haurra

bera nola ulertzen ditugun argitzera eta

horretaz kontziente izatera eraman gaitu.

Dagoeneko 13 urte bete dira herriari erantzuna emanez, Elorrixon lehenengo haurtzaindegia ireki genuenetik. Duela 13 urte 0-3 ziklo osoa ezarri genuenean, Ikastolako ordutegia eta egutegia aldatu ziren. Hots, eskolako jardueraren kontzepzioa aldatu egin zen, ordura arte eskolarizazio hutsa izan zenari beste eginkizun batzuk gehitu zitzaizkion: jatorduak, loa…

Hemendik aurrera, haurrak ordu gehiago igaroko zituen Ikastolan, eta ordura arte etxekoenak ziren hainbat eginkizun ikastolari ezarri zitzaizkion (gosariak ematea, siestak, opor garaia...).

Eginkizun horiek asetzea nahikoa ez zelakoan, Txintxirri Ikastolaren erronka, ordea, haratago joan zen: nola uztartu Ikastolari eskatzen zitzaizkion eginkizun berri horiek hezkuntza-proiektuan zaintza kontzeptua gaindituz eta hezitzaile ezaugarria nabarmenduz?

Gure pedagogia aktibo honetan garrantzi handia ematen diogu moldatze prozesuari, haurrak markatzen digu erritmoa. Ikastolan hastea erronka handia da haurrentzat; familiatik kanpo geratzen den mundu bat konkistatu behar du, eta horrek arreta berezia, denbora, laguntza handia eta pazientzia eskatzen du.

Hausnarketa honetatik, Txintxirri Ikastolaren

Haur Hezkuntzako markoak ondorengo

oinarrizko ildo nagusiak jasotzen ditu:

Hiru helburu nagusi lortu nahi duen pedagogia aktiboa bultzatzen dugu. Haurra bere ikaste prozesuaren protagonista izatea, ziurtasun afektiboa bermatzea eta haurraren autonomia bultzatzea. Horretarako, berebiziko garrantzia ematen diogu esplorazioari, manipulazioari eta jolasari.


Haur Hezkuntzako etaparen garrantzia azpimarratzen du.

Haurra entzuten dakien Haur Hezkuntza

aldarrikatzen du.

Haurra dagoeneko den pertsonatzat hartzen

du.

Haurraren hazkuntza eta garapen osasuntsua bultzatu eta aberastuko dituen

testuingurua ziurtatzen du, heziketa-izaera

duen etapatzat hartuz.

Euskal curriculumeko konpetentziak aintzat

hartzen ditu: ezagutzen ikasi, egiten eta ekiten ikasi, elkarrekin bizitzen ikasi, izaten ikasi eta komunikatzen ikasi, horiek

xede izango dituenak.

Izaera propioa duen etapa nahi dugu.

Haurra haur gisa ulertzen duen etapa,

bere ezaugarriak errespetatzen dituena,

bere aurkikuntza autonomoa errespetatzen

duena, bere gaitasun guztiak garatzeko

aukera emango diona... eta ez da izango ondorengo etapetarako prestakuntza-etapa nahiz eta honekin koeherentzia mantendu.

Haur Hezkuntza haurraren gaitasunen

garapenean lagundu, eta hura ahalbidetu

eta indartuko duen garai bezala ulertuko du,

ez ezagupen eta ikaskuntzen transmisio-garai bezala.

Jolasa, garatzeko eta ezagutzak eskuratzeko

bidea izanik, hori oinarrizko elementutzat hartzen duen Haur Hezkuntza izango da.

Haurraren segurtasun afektiboan

oinarrituko duen Haur Hezkuntza.

Haurren lehenengo eskolaratzeak duen garrantzia aintzat hartuko duena.

Atxikimenduaren teoria aintzat hartuko duen

Haur Hezkuntza.

Familiaren eta hezitzaileen arteko harremana kontuan izango duena.

Horrela ba, Elorrioko Txintxirri Ikastolan,

Haur Hezkuntza haurraren gaitasunen

garapenean lagundu, eta hura ahalbidetu eta

indartuko duen garai (denbora eta espazioa)

bezala ulertzen dugu, eta ez ezagupen eta

ikaskuntzen transmisio-garai bezala.

Haurrak bere inguruko pertsonak behar ditu

hazi eta garatzeko, baina horrek ez du esan

nahi helduak/hezitzaileak dena “erakutsi”

behar dionik. Hezitzailea ez da ezagupenen

igorlea, haurrak ikasten du. Haurrak besteekin

eta inguruarekin duen interakzioaren bidez

deskubritzen du mundua, eta, bide horretan,

hezitzailea zubia da.

Haurraren jarduerak eta bere aurkikuntza

autonomoak dute garrantzia, eta hezitzailea

laguntzailea da haurraren garapen eta

ikaskuntza-prozesuan; haurraren beharrei

erantzunez, denbora emanez, egoera

berrien aurrean jarriz, probokatuz… bere

garapenean aurrerapausoak ematen

lagunduko diona, betiere haurraren jarduerari

aurrea hartu gabe eta haurrak adierazten

duena eta adierazi ezin duena entzunez.

Heziketa-lana familian hasten da beti. Hezitzaileok eta irakasleok familiarekin batera hartu behar dugu ardura hori. Umearen berezko ibilbidea errespetatuz, bizi behar dituen prozesuetan kontraesanak eta koherentzia faltak baztertzeko, gurasoen eta irakasleen arteko komunikazio eta lotura sendo eta konfiantzazkoa eraikitzea dugu helburu, etengabe informazioa elkartrukatu eta batak bestearengandik ikasteko jarrera azalduz.

Guk ikastolan ikasi dugu eta ez

dugu zalantzarik izan. Badakigu

Txintxirri ikastolak kalitatezko

heziketa eta euskalduna

eskaintzen duela. Gertukoa eta

haurtzaindegitik ume bakoitzaren

erritmoa egokitzen saiatzen dena”

IDOIABURUAGAGurasoa

MANUEL RUIZGurasoa

“Txintxirri Ikastolak senide-arteko

giro hurbila eskaini digu. Honek

eta bere hezkuntza proiektuko

kalitateak, non ikasleak bizitzarako

heztea duen helburu, gure

semearentzako aukerarik onena

izan dela pentsarazi digu.”

JOSEBACARRASCO

Gurasoa

NATALIA FERREIRA DA COSTAGurasoa

“ Eu tinho 2 filhos na ikastola um

de 1 ano e outra de 9 anos e estao

muito bem cuidados. Eu estou muito

contente da manera como fazem

ai as cosas. E me siento segura

quando los deixo aí, posso estar

sossegada que sei que estam bem.”

La ikastola nos ofrece

una educación euskaldun

y de calidad”

· CURRICULUM PROPIOA

· IKASMATERIAL- GINTZA PROPIOA

· EREDU KOOPERATIBOA

Zerbitzuak:

· Jantokia· Garraioa· Zaintza-zerbitzua (goizekoa, arratsaldekoa eta oporretakoa)· Familientzako aholkularitza psikopedagogikoa.

Eskola-orduz kanpokoekintzak ikasturte osoaneta udan:

eskalada, helduentzakogimnasia, psikomotrizitatea,pintura...

Ikastoletako aisialdi-eskaintza:

Enjoy English, azterriko egonaldiak eta udalekuak (euskal udaleku itxiak, kalearte, gazte egonaldiak eta ingeles udalekuak)

San Pio, 3- 48230 Elorrio · Tel. 94 658 22 61Faxa: 94 658 34 54Ordutegia: 09:00-13:00 eta 16:00-19:00

EUSKAL HERRIARI LOTUAK!...zatoz ikastolara!!!

informazio guztia webgune berrianwww.elorriokoikastola.net

1914an lehen ikastola sortu zen, eskola

libre eta autonomo gisa. Herritarren

ekimenez abiarazi zuten, euskal sena

pizten eta indartzen ari zen garaian. Egun,

101 ikastola daude Euskal Herrian.

Euskaldunak, herritarrak, irekiak,eleaniztunak, aktiboak, berritzaileak etaautonomoak, lagunartekoak, solidarioak gara, hiztunak, eragileak...

MATRIKULAZIOA: urtarrilaren 30etik aurrera

[email protected]

Txintxirri aldizkaria (urtarrila 2012)

Documents

Transcript of Txintxirri aldizkaria (urtarrila 2012)