Bildu Basauri udal programa 2011

bildu basauri

UDAL

PROGRAMA

2011

Udal programa 2011 2

I.- ESKAINTZA OROKORRA: ALDAKETA POLITIKOA ETA SOZIALA II.- UDALAREN DEMOKRATIZAZIOA. GARDENTASUNA KUDEAKETAN

2.1.-Herri eredu parte hartzaile eta bizia; demokrazia parte hartzailea 2.2.-Udalen kudeaketa-eredu ireki eta gardena bultzatu 2.3.-Diru-laguntzen politika

III.- ALDAKETARAKO EREDU POLITIKO ETA SOZIALAREN OINARRIAK

3.1.-Herritik Euskal Herriaren erro eta nortasuna indartu

3.2.- Lan eta bizi baldintza duinak euskal herritarrentzat

3.3.-Pentsiodunak eta adinekoak

3.4.-Emakumeen egiturazko mendekotasuna eta zapalkuntza gainditzea 3.5.- Udal inklusiboak eta migrazio politikak

3.6.-Ekonomia eta ekoizpen bitartekoak, Euskal Herriaren eta euskal herritarren zerbitzura

3.7.-Hirigintza plangintza egokia. Garraioa, aparkalekuak, irisgarritasuna eta mugikortasuna 3.8.-Lurralde plangintza jasangarria eta ekologikoa

3.9.-Gazteria

3.10.-Kirolak

3.11.-Internazionalismoa

3.12.-Udaletik, bizi-eredu eta harreman-molde askatzaileak sakondu eta praktikan jarri IV.-ERANSKINAK 4.1.-BESTE BASAURI BAT BEHAR DUGU – OTRO BASAURI ES POSIBLE Plataforma: DECÁLOGO POLÍTICA URBANÍSTICA, VIVIENDA, TRANSPORTE Y MOVILIDAD 4.2.-EUSKARABILA Basauriko Euskaldunon Elkartea: HAUTESKUNDEEI BEGIRA IRITZI ARTIKULUA 4.3.-TXARRASKA GAZTE ASANBLADA


I.- ESKAINTZA OROKORRA: ALDAKETA POLITIKO ETA SOZIALA Euskal Herriak eta bertako hiri zein herriek aldaketa une sakona bizi dute. Esan beharrik ez dago aldaketa hori guztiz beharrezkoa dela eta, hau gutxi balitz, aldaketa hori gure esku dagoela. Gugan dago aldaketa hori geure gizartean indartzeko eta iraunkortzeko ardura. Horrexegatik, hain zuzen. Bildu osatzen dugun pertsona eta erakundeek, aldaketarako dagoen benetako aukeraren aurrean eta Euskal Herrian zabaltzen ari den eskenatoki politiko, sozial eta instituzionala ikusirik, urrats berri bat emateko erabakia hartu dugu: indarrak biltzea, aniztasunean elkartzea eta ezkerreko independentistak eta soberanistak osaturiko eskaintza elektorala herritarrei luzatzea, Euskal Herriak, bertako hiri eta herriek zein herritarrek igartzen dituzten garai politiko nahiz sozial berriei erantzuteko asmoz. Egun pairatzen dugun errealitatearen ezaugarriak ezagunak dira Bildu osatzen dugunontzat. Batetik, Estatu espainolak eta frantsesak, ez dute geure herriak bere etorkizuna libre eta demokratikoki erabakitzeko duen eskubidea aitortzen. Gauzak horrela, geure burua nazio gisara eraikitzeko eta gizarte eredua errotik eraldatzeko, autodeterminazio eskubidearen aldeko apustu argia eta itzulirik gabea egiten dugu. Inguruko nazioekin izan nahi ditugun harremanen markoa edota geure herriaren eredu sozioekonomiko zein instituzionala erabakitzeko eskubidea eta gaitasuna edukitzearren, soberania osoa aldarrikatzen dugu. Hori da pertsona guztien eskubide guztiak bermatzeko bide bakarra, berdintasunean oinarritutako jendarte justua osatzeko modua. Hori guztia eskuratzeko asmoz, jendarteak emango digun legitimitatea besterik ez dugu nahi eta, beraz, geure helburuak lortzeko, bide soilik politikoak eta demokratikoak erabiliko ditugula hitz ematen dugu. Iragarrita dauden 2011ko maiatzeko hauteskundeetan, argi eta garbi dakusagu Madrilen zein Parisen edota EAEko zein Nafarroako gobernuetan eman daitezkeen atdaketa politikoak, erabat agortuta dauden marko juridiko politiko eta eredu sozialetan oinarritzen direla. Baina, hala ere, beraien immobilismoa gainditu du jendarteak, egoera gainditzeko asmotan lanari eta antolaketari eutsiz (eskubideen bortxaketen aurka, Ipar Euskal Herriaren aitortza instituzionalaren alde eginez, langileen eskubideen murrizketaren aurka egin diren greba orokorrak eta mobilizazio handiek erakutsi duten moduan). Eta, hain zuzen ere, horrek guztiak argi erakusten du Euskal Herrian, herriz herri, eskualdez eskualde zabaltzen ari den aldaketa politiko eta sozialerako aukera jendartearen eta ezkerreko erakunde independentista eta soberanisten eskutik datorrela. Horrexegatik, geure historia gertukoan gertatu ez den moduan, oraingoan behin betiko bakea, normalkuntza politikoa eta egungo eredu ekonomiko eta soziala gainditzeko inoiz ez bezalako aukera ikusten dugu. Izan ere, egun indarrean dagoen ereduak eskubide politiko eta sozialak erauzi baino ez ditu egiten, geure artean langabezia handituz, eta bazterkeria zein prekarietatea areagotuz. Inposatzen diguten errealitatearen benetako aldaketaren aurrean egonik, indar politikook arduraz jokatu beharra dugu, epe luzera begira jarri eta agorturik dagoen egungo eredua gainditzeko aukera ziurtatu dezakeen klabeetako bat, indar metaketan dagoela konbentziturik, ezkerreko independentismoan zein soberanismoan dauden indarrak elkartzera jo. Eraldaketa sozialera eramango gaituen aldaketa politikoa nahi eta behar dugu. Nazio eraikuntza eta eraldaketa soziala helburu bakarra duen proiekturen bi zutabeak dira, herriz herri, herrialdez herrialde, behetik hasita eta ezker aldetik jorratu beharrekoak, eredu politiko, ekonomiko eta sozial berri, aske, justu eta berdintasunean oinarritutakoa eraiki nahi badugu eta, bide batez, PSOE, PP, UPN eta PNVek sostengatzen duten egungo errealitatea gainditu, baita beren eskutik bideratzen diren eskuin politikak eta Euskal Herriko herritarren eskubideak zapuzketak ere.


Etorkizunean nahi ditugun herri eta hiriek, euskaldunak eta solidarioak izan behar dute, ingurumenarekiko sostengarriak eta gizon eta emakumeen arteko benetako parekidetasunean oinarriturikoak. Nola ez, herritarren zuzeneko kalitatezko esku hartzea da bertan eman behar den sakontze demokratikoaren zutabea. Politika fiskal mailakatuago eta aurrerakoiagoaren bidez aberastasunaren birbanaketa erreala egingo duten herri eta hirietan bizi nahi dugu, egungo errealitateari eta etorkizunari erantzun dieten kalitatezko benetako zerbitzu publikoen jabe izango direnetan, jaioterria zein nahi dutelarik ere pertsona ororen eskubide guztiak aitortuko dituzten herri eta hirietan, Babes Ofizialeko Etxebizitzak alokairuan jartzeari lehentasuna eman dietenetan, interes ekonomikoen aurrean ingurumena babestuko duen eredu sozioekonomikoa garatuko dutenetan, garraio publiko eraginkorra izango dutenetan. Eta hori guztia, herritarrekin elkarlanean egin nahi dugu. Horretarako hartzen diren erabakien inguruan kalitatezko esku hartzea bultzatuko duten bitarteko guztiak jarriko ditugu martxan eta, jakina, gure hautetsi guztien zintzotasuna eta gardentasuna ziurtatu. Horretarako, ezinbestekoa da udalen betekizunaren eta funtzio eraginkorraren aldeko apustu irmoa egitea. Hauek herritarrengandik gertuen dauden instituzioak izanik, ezinbestekoa da berauen beharrei eta erronkei erantzungo dien errekurtsoz eta bitartekoz osatzea. Eskumenen jabe diren udalak behar ditugu, eta horretarako ezinbestekoa duten aurrekontuaren jabe izan behar dute, ez egungo eredu instituzional guztiz eskasaren moduan. Bestetik, bai udalak eta baita hautetsiak ere, Euskal Herriaren nazio eraikuntzan eta eraldaketa sozialean partaide izan daitezke, gure herriaren egituratze instituzionalean parte hartuz. Horrexegatik, hain zuzen, arlo instituzionalean udalek duten pisua handitzeko lan egiteko hitz ematen dugu eta baita udala oinarritzat duen nazio mailako egitura bultzatzeko ere. Eraiki nahi dugun herria, herriz herri, herrialdez herrialdez martxan jarri beharra dugu. Bilduren inguruan indarrak biltzeko eta metatzeko garaia iritsi da. Konbentzimenduz eta ilusioz, beren inposizioei eta pribilegioei aurre egin behar diegu, Euskal Herri osoan, pertsona orori eskubide guztiak aitortu arte. Orain da garaia!


II.- UDALAREN DEMOKRATIZAZIOA. GARDENTASUNA KUDEAKETAN 2.1.-Herri eredu parte hartzaile eta bizia; demokrazia parte hartzailea Etengabeko parte hartzean oinarritutako eredu demokratiko baten aldeko apustua egiten dugu, etorkizun hurbilean, egungo demokrazia eredu ordezkagarria aldatzea ahalbideratuko digun lehenengo urrats gisa. Eredu honek jendartea euren gaineko eragina duten proiektuetan zuzen zuzenean erabakitzea ahalbidetuko du,eta ez, egun bezala, soilik bozka ematera mugatu. Parte hartzea behar beharrezkoa da, ez bakarrik herri proiektu bat eraikitzeko, politika beste era batera ulertzeko ere. Jendartearen parte hartzea ahalbidetuko duten bideak jorratuz, herritarren benetako beharrak eta interes horiek betetzeko suposatzen diren alderdi politikoen arteko ekimenen uztartzea lortuko da. Demokrazia parte hartzaileak herrietako esparru guztietako erakunde zein ekimenetan islatu behar du, eta hori lortzeko tresnak askotarikoak eta etengabekoak izan behar dute. Demokrazia parte hartzailearen aldeko kultura bultzatu behar dugu, horretarako jarrera zabalak eta kritikoak bultzatuz, hiritarren eskubideak onartuz eta hori lortzeko beharrezkoak diren tresna zein neurriak bermatuz. Parte hartzea herritar guztien eskura jarri behar dugu, era indibidualean eta baita antolatuta dauden sektore, erakunde zein agenteentzat.

o Udalaren demokratizazioa.

. Udalaren Parte Hartzearen Araudia. Gaur egun indarrean dagoen eta herritarren parte hartzea arautzen duen erreglamenduaren baliogabetzea eta beste berri baten eraketa, honako elementu hauekin:

- Egun existitzen ez diren kontseiluen eraketa: gazteak, adinekoak, aniztasuna, kultura… - Herritarrek zuzenean osoko udal batzarrean proposamenak egin eta hitza hartzeko eskubidea. - Gobernu Batzordea alderdi guztientzat irekia izateko aukera. - Udal batzordeetan parte hartzeko eskubidea. - Herritarrei iraunkorki informazioa bideratzeko bitartekoak. - Erreferendum eta herri kontsultak burutzeko eta eskatzeko aukera. - Herritarren eskaera eta proposamenak bideratzeko aukera.

- Udaletxean parte hartzea ezinezko egiten duten oztopo fisikoak ezabatu: identifikazioak, erregistroak... . Udal aurrekontu parte hartzaileak. Pausu bakoitzean herritarrei hitza eta erabakia emateko gertuko bitartekoak jarri behar ditugu.


2.2.-Udalen kudeaketa-eredu ireki eta gardena bultzatu Herritarrei informazioa zabalduz, erabakietan partaidetza zuzenerako aukerak irekiaz, erabakitakoa gauzatuz eta berriro ere informazio zehatza eskainiz. Bestalde, Udaleko diru kontu denak arrazoitutako eskaera egiten duen edozein herritarrentzat eskuragarri egongo dira. Urteko aurrekontuari dagozkion kontuak, herritar guztien eskura egongo dira udalak dituen komunikazio baliabide ororen bidez. Honako urratsak ezinbestekoak ikusten ditugu iruzurrari eta ustelkeriari aurre egiteko: o Hautetsien diru sarrerak, bai ardura instituzionalari dagozkionak zein bestelako sarrera pribatuak, publikoak izango dira. Helburu horrekin antolatutako erregistroak publikoak izango dira, horien inguruan edozein pertsonak nahi duen informazioa jaso dezan. o Egungo liberazio politikoen kopurua berraztertu, eta soldaten gehiegikeriak dauden lekuetan murrizteko konpromisoa hartzen dugu. EUDELek ezarrita dituen taulekin kritikoak azaltzen gara. o Ustelkeriarekin edota diru publikoaren iruzurrarekin loturik ikerketa judizialak irekita dituzten pertsonak, gutxienez bere karguetatik baztertuak izango dira, ikerketak amaitu bitartean. o Enpresa publikoen kasuan eta kontratazioari dagokionez, kudeaketa gardenagoa suposatuko duten bitartekoak aintzat hartuko dira: kontratazio publikoaren legislazioa kasu guztietan kontuan hartuz eta era berean, zuzendaritza karguen kasuan ere publizitate eta aukera berdintasunaren oinarriak sustatuz. Egun ematen diren entxufismo kasuak ekiditeko neurriak aterako dira. o Obra publikoak eta zerbitzuak egiteko enpresen kontratazioa lehiaketa publiko bidez egingo dira modu orokorrean, urgentziazko prozedurak ekidinez. Baldintzen pleguari zein eskaintza ezberdinen irekierarako prozedurari trataera publikoa emango zaie, baita legeak kasu batzuetarako bestelako aukera hain gardenak eskaintzen dituenean ere. o Lanak esleitu zaizkien enpresei, eraikuntzaren garantia klausula izenpetu arazi, martxan jarritako lanak ondorengo bost urtetan izan ditzaketen arazoak konpon ditzaten. o Kontrataziorako mahaietako kideek eta bere familiakoek lehiatzen direnekin harremanik duten edo izan duten kasuetan, adjudikazio prozeduretan parte hartzea ekidingo da. o Edozein estamentu publikotan langileak kontratatu ahal izateko, lehiaketa-oposaketa prozedura jarriko da martxan, burutu beharreko hautaketa prozesuetan publizitatea eta aukera berdintasuna bermatuko direlarik. o Aurrekontuen publizitatea edozein pertsonak ulertu ahal izateko moduan emango da, instituzio bakoitzaren aurrekontuak herritarrei irekiak egongo dira edozein moldaketaren aurrean gardentasunez aldatutako diru partida zertan den jakin ahal izateko. o Susmoen edota gardentasun faltaren aurrean, kontuen fiskalizaziorako hirugarren baten esku hartzea eskatuko da: herritarrek eta eragile sozialek organo fiskalizatzailearen parte hartzea bultzatzeko aukera izan dezaten bitartekoak jarriko dira. o Kontratu ezberdinetarako oinarrizko baldintza pleguetan klausula sozialak txertatzea (eskaintza egiten duten enpresatan gizonezko zein emakumezkoen lan baldintzen zein lana eskuratzeko baldintzen berdintasuna bermatzen duena).


2.3.-Diru-laguntzen politika Diru-laguntzen banaketaren bidegabekeria da eta izan da ezaugarri nagusia gure udalerrian diru publikoa banatzerakoan. Udal gobernuaren irizpide objektiboen falta zein alderdikeriaren ordez, irizpide objektiboen sorta bat ezarri behar da, lagunkeria susmo oro desagerraraztearren . Interes publikoa, euskara, gizon eta emakumeen arteko berdintasuna edota aniztasuna lehentasunezko irizpidetzat hartu behar dira. o Udal ordenantza bat egitea proposatzen dugu, elkarte interesdunen parte-hartzearekin eta adostasunean oinarritua, udal diru-laguntzen banaketa era objektiboan arautzearren.


III.- ALDAKETARAKO EREDU POLITIKO ETA SOZIALAREN OINARRIAK 3.1 .-Herritik Euskal Herriaren erro eta nortasuna indartu Aldaketa sakonaren behar larria ikusten dugu Basaurin euskara eta euskal kulturaren gainean ezarritako politikan. Udal Gobernuan diren alderdiek euren interesen araberako ikuspegi ideologiko, linguistiko, identitario eta kulturala inposatu gura izan digute azken urteotan, jokaera guztiz menderatzaileari eutsiz. Bitarteko ugari erabili izan dute hori gauzatzeko, batzuk argi adierazitakoak eta beste hainbat ezkutuan, de facto ezarrita, indarrean zeuden aurreko udal akordioak bazter utziz. Horren ondorioz, atzerapauso esanguratsuak gertatu dira. . Diagnosia: Ezer baino lehen, euskarak Basaurin duen egoeraren gaineko diagnosia behar dugu: hizkuntzaren ezagutza eta erabileraren esparru guztiak, euskalgintzako eragileak, instituzioak, udalaren hizkuntza politika… aztertuko dituena, Hala proposatu du Euskarabila Elkarteak ezagutzera eman duen agirian eta Bilduk bere egiten du: hori jarriko dugu gure lehentasunen artean. Gure herriko hizkuntzaren egoeraren argazki zehatz hori lortu bitartean, Gizarte Erakundeen Kontseiluak oraintsu plazaratutako udalerri guztietan garatu diren hizkuntza politiken gaineko azterketaren ondorioak hartuko ditugu aintzat eta honako hauek nabarmenduko ditugu bertan azaltzen diren alderaketa eta ondorioetatik:

- Atzera egin da euskararen aurrekontuari dagokionez: 2006an %2tik gorakoa zela adierazi zen eta 2010ean ez du %1a gainditzen. - Ez da neurri eraginkorrik hartu udal langileek herritarrari zerbitzua euskaraz eman diezaioten:

kontratatutako langile berri guztiak euskaldunak izateko erabakirik ez da hartu, ez dago barne erabilera planik. (2008an bertan behera geratu zen zegoena) eta 15 sailetik bakar batek funtzionatzen du euskaraz. 2006an 15 sailetik 1ek egiten zuen lan euskaraz eta 12 erabilera planetan sartuak zeuden.

- Udalaren kultur ekintzak. Egungo egoera, honakoa da: egitarau orokorrean erdara nagusi da eta sistematikoki adierazten da kultur ekintza zein hizkuntzatan izanen den. 3 ekintza konkretu behatu dira eta guztietan publizitatea orekaz egiten bada ere, edukiari dagokionez guztiak erdara hutsez izan dira. Alegia, erdarazko kultur eskaintza nagusi da Basaurin.

Argi dago gure herriak euskararen berreskurapen prozesua irabazpidean jarriko duen hizkuntza politika berria behar duela, norabide aldaketa ekarriko duena. Euskal hiztunen komunitatea egituratzea izan behar du ardatz nagusi prozesu horrek: sareak eraiki, elkar eragin, konektatu, zabaldu... egin behar dugu. Esate baterako, belaunaldi berriak euskararen ezagutza maila nahikoarekin atera daitezke ikastetxeetatik, baina, hortik kanpo, aisialdian, dela jolasa, kirola edo harremanen mundua, euskaraz bizitzea oztopoz beteriko bidea da. Eskolak euskaldundu behar du, bai, baina, ezin dezake modu isolatuan lortu, batera lan egin behar dugu. Eginkizun horretan ari dira buru belarri euskalgintzako eragileak, jardungune sozial guztietan euskararen hautua egitea ahalbidetu eta bermatzeko. Bilduk bere programaren hitzaurre antzeko hau baliatu nahi du,


Basauriko euskalgintza osoari gure begirunea adierazteko ez ezik, argi esateko, udalak euren eskarmentua eta urteetan bildutako jakintza kontuan hartu behar dituela edozein plangintza adostu aurretik. Aurrean dugun erronkak hartuko duen dimentsioa ikusita, ezinbestekoa da elkarlanean jardutea, elkarren izaera, funtzio eta iritzi ezberdinekiko errespetua lan egiteko modu hartuta, baina, oinarrietan adostasuna lortzen saiatuz, indarrak norabide berean jartzeko. Basauri herria dugu jokaleku, baina ezin dugu gure ikuspegia maila lokalera mugatu, euskararen berreskurapena baitugu nazio eraikuntzaren osagai nagusia. Lurralde bakarra du euskarak garatzeko eta hori oso-osorik behar du. Basauriko herritarrok geure egin behar dugu helburu hori Euskal Herriak bere etorkizuna erabakitzeko abiatu duen prozesu politikoan. Tresna legalak ordea, ezinbestekoak izanda, ez dira nahikoa. Hala erakutsi digu beste hizkuntza batzuekin gertatutako prozesuak, Irlandakoa, kasurako. Euskaldun eta euskaltzaleon kolektiboak eta gutariko bakoitzak barneratu behar dugu, norainoko garrantzia duen gure jarrerak, kontzientzia hartzeak, jokabide koherenteak eta inplikazioak aldaketa hori gerta dadin. Bestalde, kulturari dagokionean, uniformizazio, masifikazio eta indibidualizazioari aurre eginez, gure ondare kulturalaren transmisioa bermatzeaz gain, berau egokitzeko, berritzeko eta, oro har, sormenari lekua emateko bidea proposatuko dugu. Azkenik, ondoan finkatzen diren lan ildoak garatu, zehaztu eta lehentasunen arabera epeka mailakatu behar ditugu, urtez urteko plangintza aurrera eramateko. Euskara eta kultura . Autoebaluazioa eta ebazpenak:

o Euskara arloaren funtzionamendua eta bere baliabide pertsonal eta materialak aztertu. Akordioak eta ebazpenak ezarri

o Euskara Aholku Batzordea berrantolatu, parte hartzeko eta funtzionatzeko arauak euskalgintzarekin adostu eta martxan jarri.

o Udal Ordenantzen betetze maila ebaluatu eta ondorioen arabera, erabakiak hartu.

o Euskara Biziberritzeko Planaren azterketa egin eta, ebaluazioaren arabera, moldatu edo erabat aldatu.

o Sustraiak Fundazioaren funtzioa eta funtzionamendua aztertu eta marko orokorrean egokitu.

- Proposamenak:

o Belaunaldi berrien euskalduntasuna bermatu, datozen herritar berriei begira plan eraginkorrak prestatuz.

Ikastetxeetako hezkuntza komunitatea, Euskalgintza eta Udalaren arteko lankidetza eremua jorratu.

o Euskal Curriculuma herri mailara ekarri, belaunaldi berriek espezifikotasun guztiak: herriko historia, leku eta

pertsona esanguratsuak, gure (azpi)euskalkia… beregana ditzaten.


o Helduen euskalduntzea sustatu eta ekonomikoki lagundu, etorkinei arreta berezia eskainiz.

o “Berbalagun” edo ezagutzatik erabilerarako bidean laguntzeko proiektuak bultzatu.

o Bizigune euskaldunak sortu, sendotu eta egonkortzeko egitasmoak bultzatu, euskalgintzarekin elkarlanean.

o Herriko komunikabideak euskaraz modu egonkorrean bermatu. Egun argitaratzen den “Berbaz”

aldizkariaren ibilbidea eta egoera aztertu, aurrerantzean egitasmoak duen helburua eta bete beharreko baldintzak euskalgintzarekin adostuta.

o Udala, enpresa eta zerbitzu publiko guztiak euskaldundu.

o Lan esparrua eta, bereziki, enpresa pribatua euskalduntzeko planak abiatu.

o Herrian bizirik dirauten tradizio eta ospakizunei eutsi eta galbidean edo galduak diren hainbat berreskuratu: erromeriak, feriak, gizarte ospakizunak, herri kirolak, euskal jokoak, folklorea, eta abar.

o Herriko eskolak ( antzerkia, bertsoa, literatura…) sortu.

o Herrian sormena eta bertako ekoizpena sustatzeko Plan Estrategikoa egin, herriko artista eta sortzaileak bilduz.

o Etorkinen eta guttiengo etnikoen inklusioa sustatzeko Plan Estrategikoa egin, beren kulturak ezagutzera emateko ekimenak antolatu edo sustatu.

o Kultura programazio orokorrean, dela kultur etxe, gizarte etxe edo Social Antzokian euskarari lehentasuna eman.

o Jai herrikoien aldeko apustu argia eta auzoetakoentzat dirulaguntza eta azpiegitura hobeak. o Egungo jai ereduaren defentsa, Herriko Taldeak-ek ordezkatzen duena.

o Beharrezkoak diren baliabideak (pertsonalak, ekonomikoak eta azpiegiturak) bermatu. Hezkuntza Hezkuntza, pertsona orok duen eskubidea izateaz gain, euskara oinarri, Euskal Herri librean emakume eta gizon libreak hezteko bitartekoa izango da. o Euskarazko hezkuntza-eskaintza osoa ziurtatzeko konpromisoa. Euskaldunduko duen eskola eta hezkuntza/hizkuntza-eredu berri baten aldeko apustua egin, horren inguruan antolatzen diren ekimenak bultzatuz. o Norabide horretan eredu herritar, publiko, kooperatibo eta parekidea bultzatu eta sustatuko da udaletik, lankidetza eta elkarlan eremuak topatuz. o Herrian dauden hezkuntza aldarrikapenak udalera eraman.


o Hezkuntza zentroei eta herritarrei orokorrean zuzendutako hezkidetza programak garatzeko hitzarmenak. o Udalak ikasleentzako antolatzen dituen ekimen guztietan eskaintza euskalduna bermatu.Bertan zein kanpoan jaiotako pertsona helduak euskalduntzeko eta euskal kulturan sakontzeko ikastaroak antolatu. o Udalak, Hezkuntza Sailarekin batera, ikasketarako azpiegiturak ikasleen beharretara egokituko ditu. Oztopo arkitektonikoak kendu eta eskola barruan garatu beharreko aisi jardunetarako egokituz. o Eskolaren azpiegiturak, ikastetxearen jardunerako ez ezik, herri osoaren erabilerarako izan daitezkeen hainbat zereginetarako ere (kirol, kultura edo festa ekitaldiak, e.a.) erabiltzeko akordioak sinatuko ditu udalak. Eskola eta herria uztartuz. o Arautu gabeko ikasketak bultzatu eta babestuko dira Udaletik. o Udalek bertako hezkuntza zentroekin lan bateratua garatuko dute, besteak beste, herriko historia eta kultura bultzatu eta udalaren jarduera hurbildu eta demokrazia parte hartzailea sustatzeko. o Bestalde, ikasleek eta irakasleek udalaren informazioa jaso, ekimenetan parte hartu eta herrigintzaren subjektu izateko hezkuntza lana egitea ezinbestekoa da. Parte hartzea sustatuz eta lan publikoaren aldeko kultura eta ardura sortuz. o Haur eskoletan, herrian dagoen 0 – 3 urteko eskolaratzeko eskaera bermatuko da. o Lehen eta bigarren hezkuntza formalean genero ikuspuntutik bideratutako hezkuntza afektibo-sexualaren moduluak bidera daitezen bultzatuko da. Hezkuntza afektibo-sexuala bideratzeko programa hauen bidez, jendarte baloreen aldaketa bultzatu nahi da, ikas zentroetan hezkuntza parekidea bultzatuz eta lan munduratze ez sexista bideratuz. Horretarako, hezkuntza curriculumeko hutsuneak beteko dira, Euskal Gobernuari bere crriculumean ere hutsune horiek bete ditzan aldarrikatuz. 3.2.-Lan eta bizi baldintza duinak euskal herritarrentzat Bizi nahiz herri proiektu aske, burujabe eta duina jorratu ahal izateko ezinbestekoak diren oinarriei eutsi behar diegu. Elkartasun printzipioa oinarri, euskal herritar ororen eta bereziki gazteen, emakumeen eta etorkinen eskubideak, babes sozial publiko, unibertsal eta parte hartzailearen bitartez bermatuko ditugu. Aberastasunaren banaketaren aldeko apustua egiten dugu. Lau dira euskal herritarrei bermatu beharreko eskubide sozialak: etxebizitza duina baliatzeko eskubidea; lan duina izateko eskubidea, bermatutako gutxieneko errenta izateko eskubidea eta zerbitzu publiko eta sozialak jasotzeko eskubidea. Etxebizitza Etxebizitzaren gaia merkatuaren eta jabetza pribatuaren logikatik atera beharra dago. Etxebizitza gizarte ondarearen zatitzat hartu behar da. Horretarako, alokairuko etxebizitza publikoaren alde egin eta norabide horretan doazen ekimen guztiak lehenetsiko ditugu. Eta urratsok egingo ditugu:


. BIDEBI hirigintza kudeaketarako bulego bihurtzea, lehentasun gisa etxebizitzen birgaitzea izango duena.

. Etxebizitza beharrei buruzko ikerketa, etxebizitza dentsitate handiko eremu batez ari garela kontuan hartuta eta irizpide berriak erabilita: eskualdeko eremua, udal autonomia... . Alokairuko etxebizitzen udal parkea sortzea. . Lurzorua gordetzea alokairu etxebizitzak egiteko, horixe izango baita etxebizitzari buruzko udal politika. . Etxebizitza eta auzoak birgaitzea: Ariz eta Basozelai, Zubialdea, Etxerre, Larrazabaleko Velasco etxebizitzak… . Etxebizitza hutsen erabilera lehenestea. . Etxebizitza hutsaren definizioa zehaztea: - Etxebizitza hutsen errolda egitea. - Etxebizitza hutsen gaineko zergak handitzea. - Alokairuan jar daitezen neurri pizgarriak garatzea. - Diru-laguntza publikoak gizarte alokairura bideratzea. . Etxebizitza tipologia berriak garatzea, gazteen zein adinekoen beharrak aintzat hartuta (zerbitzu eta instalakuntza bateratuak eta abar). . Eraikuntzaren kode teknikoa betetzen dela bermatzea, eraikinetan energia berriztagarriak baliatzeko sistemen ezarpena sustatzeko eta gure herrietako energia eraginkortasuna handitzeko. o Espekulazioari ateak itxiko dizkion lurzoru politika bultzatzea. o Herritarrei kooperatibak sortzeko aukera ematea, euren etxebizitzak eraiki ahal izan ditzaten, baina

Udalaren beraren ekimenak baztertu gabe. Enplegua Herritar orok lanpostu duina. Sistemaren porrotak eragindako krisi basati honen aurrean, eta langabeziari aurre egite aldera ezinbestekoa da lana banatzea eta prekarietateari (behin behinekotasuna, azpikontratazioa, lan erritmo biziak, kontraturik eza…) aurre egitea, bai administrazioan bertan, baita zeregin horretarako administrazioaren bitartekoak baliatuz ere. Hauek dira ezinbestean garatu beharreko konpromisoak: o Zerbitzuen pribatizazioarekin amaitu edo amaitzen joan. o Bitartean azpikontratatuta dauden zerbitzuetako langileen egoeraren berri jaso, hauen lan eta bizi baldintzak egokiak izan daitezen. Prekarietatearekin amaitu.

o Azpikontratekin amaitu.


o Udalean ordu extrak kendu (zerbitzu berezietarako salbuespenak egon daitezke). o Udal langileen lan eta bizi baldintzak hobetu, segurtasuna eta istripuen prebentzioa landuz. o Udaleko lanpostuak betetzeko OPE-ak atera. o Udalaren bitartekoak lan istripuak salatu eta borrokatzeko baliatu. o Udaletik, ekonomia sozial eta kooperatiboaren sustapena eta babesa garatu. o Norabide berean, langileen kooperatiben sorrera bultzatu. o Ekoizpen-kontsumo sare zuzenak bultzatu eta herriko enpresa txikien jarduerari jarraipena egin. Gutxieneko errenta Herritar orok bermatutako gutxieneko errenta izan behar du: dela lanpostu duin baten bidez edo dela gizarte soldata bidez. Oinarrizko soldata eta gizarte soldatek pobreziaren mugaren gainetik egon behar dute.

Nahiz eta Diru Sarrerak Bermatzeko Errenta eta AESen banaketaz gain udalek eskubide hau bermatzeko eskumenik ez duten, Udalaren aldetik laguntza zuzenak bideratzeko baliabideak jarriko dira premiarik larriena duten herritarrentzat.

o Egungo laguntza instituzionalei mozorroa kentzea. Bide honetatik, hasteko, lanbide-arteko gutxieneko soldata baino diru-sarrera txikiagoak dituzten pertsona guztiek, horrelako laguntzak eska ditzaten ahalegindu behar dugu. Zerbitzu publikoak eta sozialak o Zerbitzu publiko eta sozialen pribatizazio politikarekin amaitu. o Zerbitzu horiek ematearen ardura izango duten langileek lan baldintza duinak izan ditzaten bermatu. o Oinarrizko zerbitzuek doakoak behar dute izan pobreziaren mugaren azpitik aurkitzen den herritar ororentzat. o Horrekin batera, oinarrizko beharrak eta eskubideak izaki, osasunaren nahiz hezkuntzaren izaera publikoa, unibertsala eta parte hartzailea bermatu beharra dago. o Zerbitzu sozialen arloan, umeen zaintzarako guneak, jantoki publikoak, zaharren egoitzak, eguneko zentroak eta etxez etxeko zerbitzuak bermatu beharra dago. o Gutxieneko sarrera ekonomikora iristen ez direnak garraio publikoa doan izan dezaten. o Aisialdirako zein kulturarako udal azpiegituretan haurtzaindegi zerbitzua sortu. o Udalaren eskumenekoak diren menpekotasunen bat pairatzen duten pertsonen zaintzarako zerbitzuak, kudeaketa publikokoak izango dira, ez dute ordainketa partekaturik beharko eta dagoen eskaera guztiari


erantzuteko adinako aurrekontua izango dute. o Haur eskola, ludoteka eta haur liburutegien sarea bermatu, beti ere, ordutegien malgutasuna, kostua eta adin ezberdinetarako egokiera ziurtatuz, eta, nola ez, behar handiena duen jendarteko sektorearen onerako begira. o Zerbitzu eta laguntza ekonomikoak eskuratzeko oinarrizko irizpidea ez da familia izango etorkizunean, baizik eta “eskubide pertsonala”. Irizpide horretan oinarrituz bideratuko dira laguntza guztiak. o Modulu psiko sozialak bultzatuko dira. o Gutxieneko sarrera ekonomikora iristen ez direnak energiaren kontsumoaren (gasa eta elektrizitatea) kostua arintzeko bitartekoak ipiniko dira. o Gutxieneko sarrera ekonomikora iristen ez direnak bizikide-unitate guztien udal zergen ordainketaren luzamendua eskatu. o Gutxieneko sarrera ekonomikora iristen ez direnak bizikide-unitate guztien etxebizitza-ordainketaren luzamendua Udalari eskatzea. Euro bateko hileko errentaren ordainketa sinbolikoaren eran, eta erabaki hori betetzeko egoki diren neurriak hartzea. 3.3.-Pentsiodunak eta adinekoak Adinekoen eta pentsiodunen kolektiboak gero eta presentzia handiagoa dauka gure gizartean. Horretan eragiten dute hainbat faktorek: erritoa hartzeko adinaren aurrerapena, bizi-itxaropenaren luzapen hazkorra eta jaiotza-tasaren jaitsiera. Arlo guztietatik pertsona horiei rol pasiboa esleitzen zaie, aisialdiaren kontsumitzaile hutsak edota baliabide ekonomiko, farmazeutiko eta medikoen hartzaile konbultsiboak bilakarazten dituena. Horrek eragiten duen sentimendu orokorra da adinekoek ez dutela ezer ematen, hots, bakarrik eskatu egiten dutela. Zorionez, badaude pertsonak eta taldeak esleitzen zaien “pasibo” izaera inolaz ere onartzen ez dutenak. Horiek nabaritzen dute desberdina den bizitzaren beste garai batean daudela, eta euren benetako ilusioa da “oraindik ere asko daukatela egiteko”. Horrexegatik, lan egin nahi dugu adinekoen protagonismoa lantzeko, euren aukerak eta bizi esperientzia handia baliatuta. Uste dugu aberastasun horri uko egitea, akatsa ez ezik, gizarte eta giza inkoherentzia handia ere badela.

Gizarte eta giza amets bat garatzen parte hartu nahi dugu, bertan, guztiek, gazteek zein adinekoek, gizaki

aktibo gisa eta ez ikusle huts moduan lagundu dezaten gizartea eraikitzen eta “etengabeko ikaskuntza” ere

izan dadin ekintzaren faktore dinamizatzaile bat. Proposatzen ditugun helburuak: o Pentsiodunen eta adinekoen kolektiboen lana antzeko beste elkarte batzuekin eta instituzio publiko zein pribatuekin koordinatzea.


o Herritarrak zein botere publikoak kontzientziatzea pentsiodunen eta adinekoen kolektiboei eta horien balioei dagokienez. o “Etengabeko ikaskuntzari” buruzko programak garatzea, gertatzen ari diren gizarte aldaketen ikuspuntutik. o Belaunaldien arteko lankidetza sustatzea, gizarte kohesiorako bidea baita. o Sektore horiekin demokrazia parte-hartzailearen garapenaren alde lan egitea eta lan hori sustatzea. Bultzatu beharreko ekintza batzuk : o “Etengabeko ikaskuntza” arloa. “Etengabeko ikaskuntza” kontzeptua garatuko dugu, europar eremuan honelaxe definitzen dena: "bizitzan zehar eta ikuspuntu pertsonal, gizabidezko eta sozialetik ezagutzak, gaitasunak eta trebakuntzak hobetzeko egindako ikaskuntza jarduera oro". Oinarri horren arabera, bultzatuko dugun lan programa honako hau da: . Urtean jardunaldiak egitea, komunikazio interaktiborako metodo bat erabilita ts egungo gizartean adinekoen ahalmenak ezagutarazi eta horien inguruan eztabaidatu eta hausnartzera bideratutako izaera orokorreko gaiak garatuta. . Sei hilabetean behin mintegiak eta tailerrak garatzea, lan metodologia parte-hartzaile baten bitartez. Gai espezifikoagoak jorratuko dira, gertatzen ari diren gizarte, kultur eta ekonomia aldaketei buruzkoak. Helburua da ondorio praktikoak izango dituzten gizarte ekintzak sustatzea. o Gizarte parte-hartze arloa. “Bolunta nagusiak” programaren sorrerarekin, organismo horretan integratzen diren pertsonek erabaki ahal izango dute zein sektore eta jardueratan parte hartu, hots, euren gaitasun eta sentsibilitateen arabera egokien deritzetenetan. “Bolunta nagusiak”,programak bere programazioan zera planteatuko luke: . Adinekoen Udal Kontseiluan aktiboan parte hartzea. . Adinekoen eta pentsiodunen parte-hartzea aldarrikatzea instituzioek sustatutako edo sustatu beharreko gizabidezko kanpainetan. . Erretiroa hartzear dauden edo aurretiko erretiroa hartuta daukaten langileei eman beharreko prebentziozko tratamendua enpresei orientabideak eskaintzea. . Irakasleek eskatuta, ikastetxeetara eta eskoletara eramatea beste garai batzuetako esperientzia eta jakintza eramatea, ikasleek ezagutu sortzen errealitate historikoa eta kulturala horien protagonisten bidez. . Kultur jarduerak antolatzea. Aurrekoaz gain, honako kontuen alde egingo dugu:


o Pentsio duinen defentsa. o Alargunen kolektiboaren aldarrikapen historiko hau geure egiten dugu: udal zerga eta tasak % 52 murriztea, hildako ezkontidearen soldataren % 52 kobratzen duten alargunei. o Kalitatezko gizarte zerbitzu publikoak, aurrekontu publikoek finantzatuak: . Basauriko biztanleriaren beharrei eta zerbitzu publikoen eskaintzaren egoerari buruzko azterketa sakona . Baterako ordainketarik gabe. . Bizi-kalitatea narriadura aroetan bermatuko dutenak. . Emakume zein gizonentzako berdintasun aukerak bermatuko dituztenak. . Diputazioak eta Eusko Jaurlaritzak finantzatutako zerbitzu publikoen eskaintza handitu eta hobetuko dutenak, baita udalarenak diren zerbitzuen eskaintza ere: etxeko laguntza, egoitzak, catering zerbitzuak...). o Belaunaldien artean zein emakume eta gizonen artean erantzukizun bateratua sustatuko duten politikak sustatzea. o Mendekotasuna daukaten pertsonak zaintzeko zerbitzu profesionalak behar beste zabaltzea. o Etxebizitzak egokitzeko eta birgaitzeko diru-laguntzak. 3.4.-Emakumeen egiturazko mendekotasuna eta zapalkuntza gainditzea “Basauriko Udala herritarron neurrikoa nahi dugu. Belaunaldien zein gizon eta emakumeen arteko harreman mota berriak eraikitzen lagundi nahi dugu”. Sexuen arteko berdintasuna errealitatea izan beharko litzateke, baina zoritxarrez ez da. Beraz, gizon eta emakumeen arteko desberdintasunak gainditzeko beharra daukagu, eta horretarako udal politika beharrezko tresna eta baliabide guztiez hornitu behar dugu. Egiturazko arazo bati buruz ari gara. Beraz, egiten ditugun proposamenak bizitza politikoaren arlo guztietan eragin behar dute eta udal jardueraren arlo guztiak zeharkatu: o Zeharkakotasuna jarduteko ardatz nagusi moduan: genero ikuspuntua Udalaren erabaki guztietan egon behar da presente. o Aurrekontu hornidura eta batez ere giza baliabide handiagoak berdintasun arlorako. Arlotik egiten den lan ederra aitortuta ere, argi daukagu oso zaila dela proiektu estrategikoak ezartzea giza baliabideen eskasiagatik, hain zuzen ere. - Administrazio pertsonalaz hornitzea, baita genero indarkeriako teknikari baten kontratazioa ere.

o Emakume Etxeak jarraitzen du izaten Mugimendu Feministaren eta emakume elkarteen aldarrikapen historiko bat, beharrezkoa baita esparru bateratu, ireki eta zabal bat eraikitzea emakumeak ikusarazteko eta udalerriko emakumeen bizi-baldintzak hobetzen lan egiteko. Esparru horren baitan kokatuko lirateke


emakumeak artatzeko oraingo eta etorkizuneko udal zerbitzu eta arloak, eta horrela horien guztien arteko harremanak erraztuko lirateke. Legealdiaren lau urteak pasa eta gero, PSOE-PPk ez dute inolako urratsik egin proiektu honi dagokionez, eta ez du izan inolako lehentasunik udal gobernuaren agendan, iragarki eta promesa ugari egin arren. o Politika aktiboak emakumeen kontrako indarkeria borrokatzeko, beste instituzioekin koordinatuta, tratu txarrak eta sexu erasoak jasaten dituzten emakume biktimak hobeto eta gehiago artatu ahal izateko. Udalerrian oraindik ere oso modu makalean sustatzen ari da Biolentzia Sexistaren Biktimak Artatzeko Tokiko Protokoloa, 2003tik sinatu gabe dagoena, ezin da gehiago atzeratu teknikari baten kontratazioa (gorago aipatutakoa), pertsona horrek proiektua bultzatu eta koordinatuko lukeelako. o Sindikatu arteko Foroa berraktibatzea, Berdintasun Arloak sustatu zuen proiektu aitzindaria eta legealdi honetako udal gobernuak bertan behera utzi zuena, arrakasta handia eduki arren eta hura sustatu zuten sindikatuen inplikazioa handia izan arren. o Biolentzia eta jokabide sexistak prebenitzeko neurriak eta Hezkuntza Tokiko Plana bezalako ekintza estrategikoaren sustapena, besteak beste Sexu Informazioko Bulegoak estaldura handiagoa eta hobea izan dezan. o Emakumeen enplegua sustatzeko neurriak, zuzenak (Udalaren enplegu eskaintza publikoan) zein zeharkakoak (udal azpikontratak ). Emakumeentzako prestakuntza neurriak. o Lanaldiaren eta bizitza pertsonalaren benetako adiskidetzea ahalbidetuko duten neurriak: horretarako ezinbestekoa da udalak artapen zerbitzu publikoen eskaintza zabaltzea, baita gizonezkoei zuzendutako berariazko neurriak aboaraztea ere. o Basauriko etxeko emakume langileen r¡egoerari buruzko ikerketa bat egitea, horien bizi eta lan baldintzak ezagutu eta horren arabera jokatu ahal izateko. o Udalak sustatutako Nazioarteko Lankidetzako programen lehentasunetarikoa izango da emakumeek pairatzen duten bazterkeriaren kontrako borroka. 3.5.-Udal inklusiboak eta migrazio politikak Etorkinekiko pentsamendu arrazisten aurrean, aldarrikatzen dugu pertsona orok, gizakia izateagatik, eskubide eta betebeharren subjektua dela. Horrexegatik, errefusatu egiten dugu etorkinak eskulan merkea direla eta krisi garaietan ongizateko estatuarentzat zama edota lan merkatuko lehiakide desleial bilakatzen direnez, bota beharreko zerbait direla. Hori dela-eta, o Kanpotik Euskal Herrira iritsitako pertsona guztiak gizarte eskubide guztien, zibil zein politikoak, jabe direla aitortzen dugu. o Behar diren tresna guztiak baliatu behar ditugu beste leku batzuetatik Euskal Herrira iritsitako pertsona guztiek gure herri proiektuaren zati izateko zein subjektu kolektibo honetako partaide aktibo bilatzeko aukera eduki dezaten. Gure hizkuntza, hezkuntza eta kulturarako sarbidea erraztu behar zaie. Harien jatorrizko herrialdeekiko elkartasunerako eta kulturen arteko trukerako bideak ireki behar dira, beti ere nazio gisa dauzkagun eskubideekiko, hots, geure nazionalitatearen eskubidearekiko eta hortik eratortzen diren beste eskubide guztiekiko errespetuan oinarrituta. Politika zein kudeaketa publikoetan parte hartzeko haien


eskubidea bermatu behar dugu, beste herritarrekiko berdintasunean. Horretarako honako konpromisook geureganatzen ditugu: . Immigrazio eta Herritartasun Udal Plana hobetzea eta zehaztea, eraginkorra izan dadin, eta etorkinen zein gizarte sareen ekarpenak jasotzea:

- Behar diren baliabideez (pertsonak, dirua...) hornitzea, Basaurik aplikagarria eta eraginkorra izan dadin.

- Horren berariazko eta zeharkako aplikazioa bermatzea.

- Informazio, harrera, artapen, orientazio, babes eta bitartekaritzarako beharrezko guneak modu iraunkorrean eta eraginkorrean bermatzea, giza baliabide profesional egokien bidez .

. Aniztasunaren Udal Kontseilua abiaraztea, izaera loteslearekin (ez aholku-emaile hutsa), herriko etorkinen kolektiboek zein gizarte, kultur, sindikatu, politika eta instituzio eragileek osatuta, esku hartzeko berariazko estrategia eta ekintzak diseinatu eta gauzatzeko, baita haien eskubideak defendatu eta horien urraketak salatzeko ere. . Tratamendu errepresiboak gainditzea. . Etorkinen herritartasuna eta eskubide politikoak. - Basaurik, bere autonomiaren eta subiranotasunaren baitan, bertan bizi diren herritar guztiak erroldatu behar ditu, estatuen zein indar errepresiboen inolako esku-hartzerik gabe. Euskal udalerri batean bizi den pertsona orok prozesu politikoan zein erabakitzeko eskubidetik eratorritako irizpideak garatzeko udal arloetan parte hartzeko eskubidea eduki behar du. Halaber, tresnak sortu behar dira etorkinek jatorrizko nazionalitatea euskal nazionalitatearekin bateratzeko aukera izan dezaten. . Gizarte eta ekonomia eskubideak. . Udaletatik etxebizitza eta lan duinerako eskubide, kalitatezko osasun eskubideak eta gutxieneko diru-sarrerak sustatuko ditugu. Sustapen ekonomiko, lurralde artikulazio, enplegu, etxebizitza edota hezkuntza udal politikak zehazterakoan, etorkinen beharrak kontuan hartuko ditugu, batez ere txirotasuna edota gizarte bazterkeria pairatzen dutenen kasuan. . Etorkinek elkarrekikotasunean oinarritutako lankidetza udal politiken diseinuan eta garapenean hartuko dute parte, batez ere euren jatorrizko herrialdeei eragiten dietenetan. Hortaz, jatorrizko herriekiko senidetze politikak garatuko ditugu. . Beharrezkoa da udal langileriari (gizarte zerbitzuetakoak, udaltzaingoa...) jarduera arlo honi buruzko prestakuntza eskaintzea. . Nortasun, kultura eta hizkuntza eskubideak. . Euskal nortasuna eta kultura, esparru publiko eta partekatu gisa ulertuta, erabat bermatuko dituen esparru burujabea lortzeko prozesuan parte hartzeko eskubidea eta laguntza, baita euren nortasuna aitortzeko eskubidea ere. . Etorkin helduen euskalduntzerako kosterik gabeko laguntza.


. 0-3 urte bitarteko ume etorkinen doako euskarazko hezkuntza. Helbidearen arabera, euskalduntze prozesua bermatzen duten ikastetxeak kontuan hartuko dira . . Jatorrizko kultura, ama hizkuntza eta sinesmenak mantentzeko eskubidea eta laguntza. Euskal kultura ezagutu ahal izateko eskubidea eta laguntza. . Arrazismoaren eta xenofobiaren kontrako politikaren zehaztapenean parte hartzeko eskubidea, baita bizikidetza eta aniztasuna erraztekoa ere. . Jatorrizko herrialdeekiko harremanak. . Euskal Herriaren nazioarteko harreman burujabeen dinamikan parte hartzeko eskubidea, batez ere jatorrizko herrialdeei dagokienez. . Elkarrekikotasunean oinarritutako udalerriko lankidetza politiketan parte hartzeko eskubidea, batez ere etorkinen jatorrizko herrialdeei dagokienez . . Jatorrizko herrialdeekiko senidetze politiken sutapena. . Tresnak abiaraztea Basauriko herritarrei ezagutarazteko etorkinen errealitateak: jatorrizko herrialdeetako bizimodua, kultura... 3.6.-Ekonomia eta ekoizpen bitartekoak, Euskal Herriaren eta euskal herritarren zerbitzura Ekoizpen bitartekoek eta ekonomiak, Euskal Herriaren garapen osoa eta askea ahalbidetzeko bitartekoa izan behar dute. o Lehen eta bigarren sektoreak defendatu, turistifikazioan eta tertziarizazioan soilik oinarritutako ekonomia ereduari aurre eginez. o Nazioarteko merkatuen interesen arabera zehaztutako ekonomia tertziario guneen aurka egingo dugu gure herrian. Gure beharren arabera eta modu dibertsifikatuagoan antolatzen saiatuko gara gure sare ekonomikoa. o Auzo langintzan sakontzeko bitartekoak jarriko dira udaletik interes publiko zein kolektibokoak diren ekimenak aurrera ateratzeko elkarlanaren kultura zabaltzea ezinbestekoa da. o Komertzio txikiaren defentsa egingo dugu, merkatal gune erraldoien aldeko politika baztertuz. o Udaletatik ere, nazio eraikuntza eta eraldaketa sozialaren zerbitzura jardungo duen kooperatibismoaren aldeko apustua egingo dugu. o Elikagai soberania garatu. Elikagai soberania indartzeko politika aktiboak bultzatu behar dira, egun indarrean dagoen nekazal industria ordezkatuz.

. Nekazaritza Feriak indartzea eta baserritarrek beren produktuak erosleei zuzenean saltzeko udal espazioak erreserbatzea. Politika hori udalak zuzenean edota nekazal garapenerako agentzien bidez gara daiteke.


. Uraren, haizearen, lurraren… eta gainerako ondasun naturalen kudeaketa planifikatua, kolektiboa eta soziala. Transgenikoen erabilerarik ez. . Jabego publikoa duten hiri baratzen ugalketa erraztea. . Autogestioan oinarrituriko ekoizleen eta kontsumitzaileen arteko elkartzea babestea. . Ekimen instituzionaletan bertako produktu ez transgenikoen kontsumoa bultzatzea eta baita jantoki kolektiboetan ere (eskoletan, zaharren egoitzetan, ospitaletan, osasun zentroetan…) . Basauri “Transgenikoetatik Libre” izendatuko dugu. Zerga politika

Ongialdi ekonomikozko urteetan administrazioek dirua biltzeko zerga politikan emandako pausuek zerga

egitura gero eta erregresiboagoa eratu dute. Baitik bat, zuzeneko zergen bidezko presio fiskala murriztu

dutelako. Halakoek zergadunen ekonomi eta zerga ahalmena kontuan izateaz gain, dirudunagoek zerga

handiagoak ordaindu ditzaten gehikortasun elementuak sartzen dituzte.

Egoerari aurre egiteko neurri hauek ezinbestekoak ikusten ditugu:

o Joera hori zuzentzeko eta egungo larrialdi egoera fiskalari aurre egiteko, ezinbestekoa da zerga erreforma bat abian jartzea.. o Zerga politika aurrerakoia eta birbanatzailea garatuko dugu. o Udal Finantzaketarako diru-iturri sendoagoak aldarrikatzen ditugu: Udalen finantziazio justua, duina eta nahikoa exijitzera gatoz. Udalen autonomia eta eragiteko esparrua babestu eta krisiaren aurrean eragile aktiboagoak bilakatu behar ditugu udalak. Horretarako finantziazioa behar dugu eta hori da exijitzen duguna, finantziazio justua eta nahikoa. o Aberastasuna banatzeko apustua. Gehien dutenek gehiago eman behar dute, gutxien dutenek bizi baldintza duinak izan ditzaten. Udal zerga eta tasa politika garatzeko honako norabide hauek proposatzen ditugu: . Udalaren kontuak eguneratuak izan eta diru sarreren aurreikuspen zehatza izatea ezinbestekoa da. Era berean, udal tasen kostuen azterketa bat egitea nahitaezkoa da. . Herriak tasa eta zergen alorrean azken urteetan izan duen bilakaera, kontuan hartzeko erreferentzia izango da. Urte batetik besterakoa baina ikuspuntu luzeagoa izatea ezinbestekoa da. . Lanbide arteko Gutxieneko soldatara iritsi ez edo oso gertu ibiltzen diren herritarrentzat, hobarien (bonifikazioen) edo zerga-salbuespenen eskaintza taula onartuko dugu. Gutxien dutenei, udal zerbitzuetarako aukerak, doan edo merkeago emango zaizkie, hori arautuko duen taula onartuko dugularik. Kasu hauetan, ordainketen atzerapen edo zatiketak ere aurreikusiko dira.


. Oinarrizko zerbitzuen (ura, zaborra, estolderia,...) gutxieneko erabilera, ahalik eta merkeen bermatu behar du udalak. Kontsumoaren gehitzearen arabera zama fiskala areagotuko da. Lehen sektorearen premien baitako salbuespenak aztertuko ditugu. . Hutsik dauden etxebizitzei ahalik eta karga fiskalik handienak aplikatuko dizkiegu. . Udal eremuan ematen den iruzur fiskalari aurre egiteko neurri zehatzak hartuko dira, bereziki JEZri dagokionean. 3.7.-Hirigintza plangintza egokia. Garraioa, aparkalekuak, irisgarritasuna eta mugikortasuna Hirigintza, garraio publikoa eta aparkalekua auzokideen aldarrikapen nagusienetarikoak izan dira. Basaurik mobilizazio handiak eta protesta ugari ezagutu ditu, eta horien funtsa izan da egungo hirigintza eredua aldatzeko beharra, hori alderdien arteko liskarretatik, inprobisazioetatik eta gure udalerritik kanpoko interesen defentsatik aparte. Egoera iraultzeko ordua da, benetako prozesu bati ekiteko ordua da, kolektibo desberdinen ekarpenak jasota, gure udalerriko behar larriak eraginkorki konpontzearen alde egitearren. Aurreko guztia dela-eta, zera behar da: o Hiri Antolamendu Plangintza Orokor berria egitea, honakook jasoko dituena: . Hiri bizigarri eta leheneratua edukitzeko bermea.

. Espekulazioaren kontrako eta berdintasunaren aldeko hirigintza sortzea, gizarte gehiengoaren zerbitzuan

egongo dena eta sektore zaurgarrienak (umeak, adinekoak, emakumeak eta minusbaliatuak) zainduko dituena.

. Eztabaida zabala, herritar parte-hartzea eta adostasun zabala bermatzea. . Geratzen zaigun lurzoru natural apurra babestea. . Lehentasuna ematea etxebizitza eta industrien zein ondare historikoaren birgaitzeari. . Pozokoetxe, San Fausto eta Arizgoit eremuetarako proiektu berria egitea, 2000ko HAPOn adostutakoa jasoko duena. . RENFEren linea lurperatzearen eta metroarekiko loturaren alde egitea. . Aukera handietako lursailen sailkapenaren gaineko eztabaida irekitzea: Basconia zaharra, Velasco, Mercabilbao, espetxea eta kuartelak. o Irisgarritasunari eta Mugikortasun Jasangarriari buruzko Udal Ituna, besteak beste, honakook ahalbidetzeko: . Irisgarritasun Plana egitea eta onartzea, herritarrek horren zehaztapenean zuzenean parte hartuta. . Egungo Mugikortasun Planaren berrikuspena, jatorrizko herrialdeei.


o Udalerriko aparkalekuen arazoei buruzko ikerketa erreal bat, pribatizazioak (Soloarte eta Lope de Vega) ekiditeko, gizarte izaerako prezioen alde egiteko eta auzokideei lehentasuna emateko. o Garraio sistema bat, Metroaren etorrerari egokitua eta honakook kontuan hartuko dituena: . Garraio maiztasunak, bikoizketak ekidinda eta txartel bakarra sustatuta. . Beharrei buruzko ikerketa eta hiri autobus garraioa abiaraztea. . Disuasio-aparkalekuei buruzko ikerketa eta eraikuntza. . RENFErekiko negoziazioei ekitea, aldiriko trena benetako metropoli-tren bihurtzeko. 3.8.- Lurralde plangintza jasangarria eta ekologikoa Instituzioek egun sustatzen duten lurraldearen antolakuntza ereduak ez die erantzuten herritarren behar eta interesei. Halaber, ez da garapen orekatua eta jasangarria bilatzen duen eredu bat, eta ez da herriak demokratikoki eztabaidatu eta erabakitako eredu bat. Dimentsio handiko azpiegituren eta proiektuen eraikuntzari ekiterakoan, batez ere gizarte eta eztabaida gatazka handiak eragiten badituzte, beti planteatu behar da aldez aurretiko gizarte eztabaida zabal, eta demokratiko bat . Are gehiago hau bezalako une barean, baliabide ekonomikoak urriak direnean. Horixe da gure udalerriak jasaten dituen azpiegitura desberdin eta kanpokoen egoera (espetxea, kuartela, Mercabilbao, autopista...). Orain beste bi ezarri dizkigute: AHT eta Supersur autobidea. Ingurumen, energia eta ekonomia kostea kontuan hartuta eta azpiegitura horiek gure Udalerriari inolako onurarik ez dakarkiotela, bazik-eta hipotekatu egiten dutela, iritzita, eskatzen dugu basauriarrok holako kontuetan hitza edukitzeko eta azpiegitura horietako gobernu arduradunek gure eskaerak aintzat hartzeko. Gure proposamenak honakook dira: Ingurumena: Printzipio Orokorrak o Antolakuntzatik kanpokotzat sailkatzea lurzoru kutsatuak. o Lur zoru kutsatuen ingurumen leheneratzea. o Etxerreko urmaelaren ingurumen leheneratzea. o Ingurumen sentsoreen kokapena aldatzea, batez ere industria oso kutsagarria (Sidenor…) kontuan hartuta. o Telefonia mugikorreko antenei buruzko ordenantza norabide murriztailean aldatzea. o Zarataren mapa eraginkorra egitea eta garatzea. o Ibaizabalaren egoera ekologikoa, bai Basaurira iritsi aurretik, bai Basauritik igaro ostean txarra da ia urtero, beti ere zuzentarau-esparruaren aranera. Jarduteko Plana.


Hondakinak: Konponbideak eta aurrera begirako pausoak Etxeko hondakinek garrantzi berezia daukate gizarteko hondakinen tratamendu orokorraren baitan. Beharrezkoa da ohiturak aldatzeko eta ondorio txakarrak dakartzan errausketari alternatibak bilatzeko eztabaida argitasunez kokatu behar da. Zalantzarik gabe auzi honetan garrantzitsuak diren kontu teknikoak bezain inportanteak dira hondakinen gaiak dakartzan gizarte eta hezkuntza ondorioak, gaiaren “kultur” ikuspegia, nolabait esatearren. Gipuzkoako hainbat herritan ezarritako atez ateko sistemaren ezarpenak erakutsi du herritarrak pertsona heldu gisa tratatuz gero eta zaborraren tratamendu desegokiak eragin dezakeen arazoaren tamainaren berri eman eta horren inguruan kontzientziatuz gero, eta objektiboki hobea den proposamen bat plazaratuz gero, horiek era arduratsuan eta konprometituan erantzuten dutela. o Hondakin organikoak jasotzeko edukiontziak jartzea eta hondakin organikoetarako konponbideak bilatzea (konposta…). o Ehunak, pilak eta olioa jasotzeko edukiontzi kopurua handitzea eta Udaltalderen kanpaina eskualdean sustatzea. o Udal ekimen gisa “Basa Bocata” delakoa banatzea, urtero milaka bilgarri zaborretan amaitzea ekiditeko. Nahi beste erabili daitekeen produktu ekologikoa. Ogitartekoak, sandwichak, fruituak, galletak eta bestelako jakiak biltzeko produktua da. Eskola eta enpresetan banatuko litzateke. o Ostalaritza eta merkataritzako hondakinen bilketa berezia o Udalerriko sektore guztietan energia berriztagarrien ezarpena sustatzea, udal instalakuntzekin hasita. o Eguzki-energiari buruzko ordenantza eta eguzki-energia baliatzeko sistemak nork bere borondatez jartzeko diru-laguntzei buruzko araudia egitea. o Ura eta elektrizitatea aurrezteko udak plana zehaztea eta garatzea. o Udalerriko automobil parkea aldatzeko laguntza: elektrizitatea birkargatzeko guneak sustatzea, ibilgailu elektrikoentzako zerga hobariak ezartzea. Udal automobil parkearekin hastea. o Automobila partekatzeko ekimenak sustatzea. o Bizikleta trukerako zerbitzuaren alde egitea. Bizikleta elektrikoa sustatzea, hiri barruko garraiobide gisa. Kutsadura o Kutsadura neurtzeko guneak aipatutako lekuetan jartzea. o Enpresa kutsakorrak neurri zuzentzaileak hartzera behartzea isurpenei buruz indarrean dagoen legeria betetzeko. o Trafikoa murrizteko neurriak, hiri gunean atmosferako kutsadura murriztearren.


o Zarataren udal mapa egitea. Udalerriko kalitate akustikoan trenek daukaten eraginaren berariazko jarraipena. o Hiri hondakinak jasotzeko ibilgailuak isurpen akustiko txikikoak izatea. o Egiaztatutako ingurumen kudeaketarako sistemen eguneratzea. 3.9.-Gazteria Gazteriak egun bizi duen egoeraren aurrean, atal eta arlo ezberdinak jorratzen dituen gazte politika integrala garatzea ezinbestekoa da. Langabezia, etxebizitza lortzeko arazoak, kontsumismoan oinarritutako aisialdia eta kultura,… horiek eta beste asko atalez atal landu ditugun proposamenetan izan dute isla zuzena. Edonola ere, eta horietaz gain, honakoak ere azpimarratu nahi ditugu: o Gazteek erabakitzeko eta antolatzeko guneak bultzatu eta errespetatuko ditugu. o Gazteek autogestionaturiko espazioak sortzea. o Etxebizitza politika garatzerakoan, gazteek pairatzen duten arazoari garrantzi eta interes berezia jarriko diogu. o Enplegu politikaren alorrean, gazteriaren errealitate berezitua aztertu eta landuko dugu informazioa eta harreman zuzena garatuz. o Gazteria udal jardueraren partaide izan dadin, demokrazia parte hartzailearen norabidean, bideak irekiko ditugu. 3.10.-Kirola Kirola, lehiaketa mundutik haratago, herritarrentzat osasuna, aisialdia eta harreman sozialak indartzeko bitartekoa da. Beste hitzetan esanda, ongizatea osatzen duen beste atala da, ondorengo neurriekin bermatu behar dena: o Erabiltzailearen errenta mailara egokitutako tarifa, arreta berezia jarriz legabezia egoera daudenengan. o Bai amateur zein profesional mailan, emakumeen kirola azaleratzea eta indartzea, bereziki erabat gizon munduarekin lotuta ageri direnetan. o Eskola kirola eta hirugarren adinekoena indartzea. o Ikas orduetatik kanpo, ikasketa zentroetako kirol azpiegiturak zabaltzea, herritarrek erabiltzeko aukera izan dezaten. o Herri kirolen sustapena eta balorazioa ,eta hauen eskolaratzea. o Kirola egiteko espazio irekia keta doakoak indartzea.


3.11.-Internazionalismoa Euskal herrietatik, munduko beste herrien nazio eta sozial askapen borrokekin elkartasuna garatu behar dugu. Internazionalismoa eta kooperazioa ezin dugu ulertu urtean diru kopuru bat “hirugarren mundura” bideratzea soilik.

o Eremu honetan, Euskal Herriaren askapen nazional borrokaren berri munduan zehar zabaltzea dugu helburu, besteak beste. o Beste herri hauekin elkartasun politiko eta kulturala garatuko dugu, guk gure borrokaren berri emanez eta beraiena gurean zabalduz. Horretarako, ekimenak antolatuko ditugu. o Euskal Fondoa, izango dugu elkartasun eta kooperaziorako gune nazional nagusia. Bertan parte hartuko dugu eta bere baitan erabakitzen diren ildoak garatuko ditugu. Udaletik udalerako elkartasuna bideratzen duen heinean, oso baliagarria da, bai garatzeko, baita proiektuen kontrola eramateko ere. o Urteko aurrekontu finkatuaren % 0,7 izango dugu erreferentzia gisa eremu honetarako. o Demokrazia erradikalarekin eta giza garapen osoarekin bat eginik dauden Hegoaldeko lurralde txirotuekin harreman estrategikoak sortzea eta indartzea. o Udal aurrekontuaren atal bat egungo sistemak mundu mailan sortzen dituen desoreka estrukturalak Euskal Herrian ezagutuak izan daitezen erabiltzea, baita giza eskubideen bortxaketak salatzeko ere. 3.12.-Udaletik, bizi-eredu eta harreman-molde askatzaileak sakondu eta praktikan jarri Bestelako balore askatzaileak aldarrikatu eta jendarteratu behar ditugu, baita Udaletatik ere: o Mentalitate merkantilista alboratu eta gauzen erabilpen balioa sustatu. o Sexu arteko bereizkeria baloreak suntsitu eta parekidetasun baloreak jendarteratu. o Kontsumismoa baztertu eta zentzuzko kontsumoaren aldeko jarrerak bultzatu. o Indibidualismoa eta norberekeria alboratu eta jarrera eta jokabide kolektiboak eta elkartasuna eta eskuzabaltasuna indartu. o Segurtasunaren aitzakian burutzen den kontrol soziala borrokatu. o Emakumezkoen menpekotasun egoeran sustengatzen diren harreman-moldeak aldatu eta harreman-molde berriak sortu beharra dago. o Funtsezkoa da bizi-eredu eta harreman-molde askatzaileak elikatuko dituzten espazioak eta egitasmoak sortzea, sustatu eta babestea, hala nola, gaztetxeak, trukerako azokak, bigarren eskuko azokak, auzolana, birziklapenerako egitasmoak… Norabide honetan, honako neurri hauetan sakondu beharra ere ikusten dugu:


o Udalak ez du parte hartze instituzionalik izango emakumeak baztertzen dituen ekitaldietan. o Publikoak diren udal eraikinetatik erlijio ikur guztiak kentzea. o Iragarkietarako dauden udal espazioetan edozein erlijiotako inolako mezu edota ikurrik azaltzen ez dela bermatzea. o Erritu zibilerako instalazioak hilerrietan sor daitezen bultzatzea.


IV.-ERANSKINAK Bilduk hurrengo lerroetan dauden dekalogoak edo iritzi artikuluak sinatzen ditu eta era berean udaletxean defendatuko dituela hitzematen du:

4.1.-BESTE BASAURI BAT BEHAR DUGU – OTRO BASAURI ES POSIBLE Plataforma: DECÁLOGO POLÍTICA URBANÍSTICA, VIVIENDA, TRANSPORTE Y MOVILIDAD

Introducción El próximo 22 de mayo están convocadas nuevas elecciones municipales y forales. De ellas, saldrá un ayuntamiento y se conformará el gobierno de las Diputaciones que va que tener que tomar importantes decisiones políticas, en un momento de crisis e incertidumbre, pero también de esperanza y lleno de posibilidades. En este contexto, desde la Plataforma BESTE BASAURI BAT BEHAR DUGU - OTRO BASAURI ES POSIBLE, queremos emplazar al conjunto de las fuerzas políticas concurrentes a comprometerse con los siguientes principios y propuestas en el desarrollo de las Políticas Públicas de urbanismo, vivienda y movilidad. Estas son las reflexiones que queremos hacer a las distintas fuerzas políticas y a la sociedad en general, esperando que sean tenidas en cuenta y aplicadas en caso de tener responsabilidad de gobierno:

1. Política Urbanística En el actual contexto de crisis provocada por la imposición de lo privado sobre lo público, de búsqueda del beneficio a toda costa de los distintos poderes económicos, reivindicamos en papel de la política, de lo público, como único eje vertebrador posible del desarrollo y bienestar de la comunidad. Paralelamente a las urbanísticas habría que promover políticas sociales (educación, salud, ancianos, inmigrantes) que fortalezcan el bienestar colectivo, además de garantizar un equilibrio territorial en materia de equipamientos y servicios. 2. Participación Ciudadana como derecho y antí doto del conflicto La participación ciudadana y la implicación global de los diversos agentes sociales, más allá de actuaciones estéticas y propagandísticas, es imprescindible para implementar las diversas políticas públicas, desde el ámbito más local y municipal hasta el más global y general. La ciudadanía debe ser considerada un sujeto activo que propone y tiene ideas y que algunas deben ser tenidas en consideración, sobre todo para evitar la aparición de futuros conflictos. Para democratizar la toma de decisiones ciudadanía y administración se complementan en un proceso de toma de decisión colectivo.


Para ello habrá que posibilitar la revisión del PGOU y de diversos proyectos urbanísticos, además de promover consultas ciudadanas, como la concerniente al plan de Ria 2.000, para las zonas De San Fausto-Bidebieta y Pozokoetxe, y de potenciar la participación de grupos directamente afectados, facilitando información de manera regular, extensa y clara, además de publicitar los resultados de los procesos de participación y evitar procesos dirigidos y predeterminados. Herramientas de participación existen lo único necesario es voluntad. 3. Emancipación y empoderamiento, en una ciudad inclusiva Posibilitar el libre desarrollo de los diversos proyectos de vida de todas las personas de nuestra sociedad, especialmente de las personas jóvenes y las mujeres, es un irrenunciable objetivo público, que ha de ser convenientemente plasmado en las correspondientes políticas sectoriales. Un urbanismo con criterios de género tenderá a disminuir las desigualdades de oportunidades para las mujeres en el uso de la ciudad. Un principio clave es que si la ciudad es más segura para las mujeres lo es también para el resto de la población. Vectores fundamentales: accesibilidad, buena iluminación y democratización del espacio público. De igual modo la ciudad debe recuperar, la mirada e intereses del resto de grupos más desfavorecidos en su diseño y configuración, contando con las niñas/os, los discapacitados, los mayores. 4. Sostenibilidad Fracasados los modelos productivos clásicos, medioambientalmente insostenibles, optamos por poner en marcha otro modelo en el que los costes y beneficios presentes y futuros desde un punto de vista ambiental sean un factor determinante a la hora de implantar las distintas medidas y actuaciones. Por ello es conveniente la rehabilitación de viviendas y de edificios residenciales, la recuperación de áreas edificables y la regeneración de espacios habitados para mejora de la calidad de vida del vecindario. Creemos que es necesaria que todas estas obras tengan en cuenta los actuales parámetros de sostenibilidad a la hora de acometer su construcción o rehabilitación. Primar las instalaciones que consuman energías no contaminantes, como la solar o las derivadas de los recursos renovables; construcción con eficiencia energética minimizando el impacto medioambiental de todos los procesos implicados en la edificación, etc. 5. La vivienda como Derecho Universal El eje y la prioridad absoluta de toda la actuación de las políticas públicas ha de ser garantizar el derecho subjetivo de toda persona a acceder a una vivienda digna, en alquiler, en su entorno vital y a un precio adaptado a las posibilidades económicas de cada persona, en ningún caso más del 30 % de los ingresos. Por ello la política de vivienda debe de ser incluyente e integradora de las diferencias, con igualdad de oportunidades, sin guetos urbanos, tolerante, abierta y amable.


Para satisfacer ese derecho las políticas públicas deben centrarse de manera exclusiva en organizar y constituir un potente parque público de viviendas en régimen de alquiler social, como ya ocurre en buena parte de los países de Europa en los que tan a menudo nos miramos y como fórmula que mejor se adapta a las necesidades sociales y económicas de la población. Es necesario realizar un censo actualizado de las viviendas existentes en Basauri, su estado constructivo, equipamiento, grado de ocupación, y restantes características así como un estudio sobre el mercado de la vivienda que recoja la demanda efectiva de vivienda con detalle de los rasgos sociológicos de dicha población y de su poder adquisitivo. Asimismo es importante realizar un estudio con implicación de los agentes sociales del municipio, sobre la problemática de las viviendas vacías e infrautilizadas, adoptando si es preciso, las medidas necesarias para potenciar su utilización y salida al mercado. Más que por construir debemos apostar por rehabilitar y regenerar la ciudad ya construida. La coordinación y el trabajo en común entre las diferentes instituciones (ayuntamientos, Diputaciones, Gobierno Vasco), así como la participación activa de los agentes sociales, es imprescindible para desarrollar unos servicios públicos municipales de vivienda eficaces. 6. Empleo y seguridad laboral El fomento y protección del empleo local, designando que un tanto por ciento significativo de la mano de obra contratada, proceda de los empadronados en nuestro municipio. Al servicio de las mejoras de los trabajadoras/es, en sus condiciones laborales, Exigimos que las medidas de seguridad laboral sean incorporadas en las condiciones para la adjudicación de los proyectos y que se haga un seguimiento exhaustivo del cumplimiento de las mismas, evitando la subcontratación, que se ha demostrado como fuente de precariedad e inseguridad laboral 7. Movilidad sostenible Defensa del espacio urbano para el bienestar social, situando el Plan de Aparcamientos dentro de la perspectiva de la Política de Transporte actual y analizando los diferentes modos de transporte existentes ,concediendo preferencia a la utilización de los medios públicos (Tren ,Metro, Autobús ) y los de movilidad no motorizada (red de itinerarios peatonales y carriles bici). El objetivo es conceder prioridad a los aparcamientos en la periferia aumentando considerablemente los aparcamientos subterráneos y en superficie a precios de carácter social y preferencias de adjudicación prioritaria a los/as vecinos/as y de esta forma reservar el espacio público para actividades impulsoras de tejido social (pequeño comercio, esparcimiento y de comunicación) haciendo un estudio real de la problemática de aparcamiento a nivel municipal.


Queremos que se retome el plan de movilidad aprobado ya hace 5 años y actualmente dejado de lado o cuasi paralizado en él que se proponía la construcción de la circunvalación de Basauri que va muy en la línea con la propuesta de la eliminación de la brecha arquitectónica generada por el ferrocarril, por ello instamos la inmediata construcción de la rotonda del Kalero. Exigimos a los partidos que gobiernen que se cumpla con lo aprobado en la moción presentada por la plataforma ONDO MUGI en abril de 2008, la cual incluía la siguiente reivindicación: “Plantear ante RENFE y ADIF y el Consorcio de Transportes la necesidad de una interconexión metro-ferroviaria entre nuestras dos comarcas con una correspondencia entre la estación de RENFE de Bidebieta y la estación de Metro Basauri, bien sea mediante ascensores, escaleras mecánicas o un diseño compatible y conjunto de la estación de Metro Basauri actualmente en construcción y la de RENFE en Bidebieta.” 8. Financiación y fiscalidad Poner en marcha estas ambiciosas apuestas requiere de los recursos públicos necesarios por eso creemos que el modelo de financiación en el que la obra pública y construcción de vivienda se financiarán a base de privatizar suelo público no es el más justo. El reparto de las plusvalías generadas beneficiará exclusivamente a ADIF y a algunos de los constructores. No redundarán en beneficio de la ciudadanía ya que ésta sólo soportará las cargas a la hora de adquirir las viviendas que deben financiar todo el proyecto. No podemos admitir que no se busquen otros modelos de financiación diferentes a los propuestos. La ausencia de financiación externa para el proyecto obliga a construir demasiada vivienda libre. En otros proyectos de Bizkaia, se ha logrado que las infraestructuras ferroviarias logren una participación estatal en la financiación de proyectos de soterramiento o cubrición y no se tengan que realizar exclusivamente mediante la venta de vivienda libre( ejemplo cercano el previsto en Zorroza, que ADIF-FEVE, se compromete a soterrar a su cargo, las vías y suprimir el paso a nivel). El conjunto del municipio, Basauri no debería soportar toda la carga financiera del proyecto. El tema específico ferroviario lo debería pagar Adif o se deberían obtener fondos de otras fuentes como el Ministerio de Fomento, Consejería de Transportes del Gobierno Vasco, y la Diputación Foral de Bizkaia, sin olvidar posibles fuentes de la Unión Europea, tanto en concepto de movilidad sostenible como de remodelación urbana, infraestructuras, vivienda social, etc. Según el convenio si el proyecto resulta deficitario debe correr a costa del Ayuntamiento, es decir de todos/as los/as Basauriarrak

Es un modelo de financiación firmemente cuestionado en la actualidad, hasta por dirigentes socialistas, presentes en Bilbao Ría 2000 Apostamos por una fiscalidad progresiva en relación a la recaudación, impulsando medidas eficaces contra el fraude fiscal y la economía sumergida.


Se debería utilizar dentro de lo que permita la autonomía municipal para establecer tasas e impuestos así como acceder a crédito para la financiación de proyectos, instaurando una política fiscal progresiva en relación a la recaudación. En relación al gasto público municipal sería necesaria una dotación presupuestaria suficiente tendiendo a la promoción de un parque municipal de viviendas sociales primando el alquiler; la asignación de recursos adecuados con destino a la rehabilitación y equipamiento de los barrios con el fin de mejorar la calidad de vida; ayudas fiscales y en las cargas sociales a la rehabilitación de viviendas… El primer destino de las políticas municipales ha de ser evitar la exclusión social de las personas más afectadas por la crisis. 9. Otras cuestiones esenciales en el urbanismo No queremos un modelo densificado de ciudad basado en la construcción masiva de viviendas y desindustrializador. Es necesario el esponjamiento del núcleo urbano. Parcheo tras parcheo, troceando la planificación, sin tener una visión urbanística de futuro, con seriedad para Basauri. Nosotros defendemos un urbanismo endógeno basado en el equilibrio empleo-vivienda–servicios. Además proponemos que en el diseño se contemple ineludiblemente una proporción de zona porticada aproximada al menos del 50%. Estas zonas porticadas han demostrado en la practica las bondades que ofrecen en cuanto a generar convivencia, aprovechamiento de la calle en epocas meteorologicamente adversas, abundantes en nuestra zona, la permeabilidad para los recorridos peatonales, las ventajas a la movilidad, y en definitiva la evidente mejora de la calidad de la vida urbana. Por eso no queremos desmesurados edificios en el centro del pueblo y queremos barrios centrados en si mismos donde los proyectos satisfagan las necesidades sociales, culturales, lúdicas, deportivas etc., del vecindario. También consideramos una barbaridad la intención de desmontar la trinchera por su elevado coste - 4.000.000 € -, (al esponjar en el proyecto inicial en la playa de vías de Pozokoetxe no les queda más opción que habilitar artificialmente ese espacio para poder construir vivienda para financiar todo el proyecto). Creemos que RENFE / ADIF tiene una deuda histórica con Basauri, la línea ferroviaria parte por la mitad el municipio y no podemos dejar pasar la oportunidad de eliminar la brecha que actualmente lo divide. RENFE ya expropió en su día la playa de vías, todos/as lo pagamos, ahora las plusvalías de ese terreno se las lleva ADIF y en este proyecto no aporta dinero alguno ni para la nueva playa de vías de Lapatza ni para la nueva estación de Bidebieta. El desmontaje de la Trintxera y su cubrimiento nos siguen dejando una enorme barrera física y acústica sobre el Centro. Solicitamos que se realice un estudio de viabilidad sobre la posibilidad de soterrar la línea Bilbao-Orduña para eliminar la brecha del tramo final de Agirre Lehendakari ya que supone una autentica barrera física y urbanística que separa ambos lados de la calle. Una profunda regeneración urbanística tiene que contemplar ineludiblemente una solución a dicha barrera. Los Proyectos tienen que tener especial sensibilidad con la problemática social que va a generar. Creemos que los vecinos afectados directamente tienen que tener el 100% de


garantías suficientes para no salir perjudicados en cualquiera de los casos en estas operaciones urbanísticas. Zonas incluidas en el plan de Bilbao Ría 2000 (San Fausto) y el barrio de Sarratu están directamente implicadas en proyectos, ante los que hay que acometer las necesarias actuaciones encaminadas a que el Gobierno Vasco y el Ayuntamiento garanticen el realojo de los vecinos, comercios y lonjas. En ambos casos expuestos y en futuros proyectos queremos que se siga las mismas pautas de garantías hacia las/os vecinas/os afectados.

10. Unos proyectos realistas y a tono con la realid ad socio- económica No necesitamos mega-proyectos deslumbrantes, sino proyectos pegados a la realidad, que se sitúen en la actual situación económica, que mejoren el conjunto de Basauri, rehabilitando viviendas, ofreciendo aparcamientos, ampliando de verdad las zonas verdes, que no se basen en la especulación que beneficia solo a unos pocos. En cuanto a los Planes de Bilbao Ria 2.000, tenemos muchas incógnitas sin despejar: ¿cómo absorbe Basauri la gente que entraría en estas casas?, ¿cuánto van a costar?, ¿quién las va a comprar?, ¿quien asegura que el vecindario vaya a tener acceso preferencial a estas viviendas?... No se puede planificar el Basauri del futuro troceándolo sin la existencia de una Planificación Global y Participativa.

NECESITAMOS REGENERAR BASAURI

APOSTAMOS POR UN BASAURI VIVO Y PARTICIPATIVO

UN BASAURI QUE SERÁ CONSTRUIDO CON TOD@S

PORQUE OTRO BASAURI ES POSIBLE


4.2.-EUSKARABILA Basauriko Euskaldunon Elkartea: HAUTESKUNDEEI BEGIRA IRITZI ARTIKULUA

Basauri, 2011ko martxoa

Udal hauteskunde garaian gaude eta horrexegatik, Euskarabila euskaldunon Elkarteak datozen urteotan Basaurin euskararen hizkuntza-normalizaziorako bidean ezinbestekotzat jotzen dituen konpromisoak eskatu nahi dizkie herriko alderdi politikoei, azken lau urteotan euskararen erabilera normalizatzea ez baita agintarien agenda politikoan egon. Gizarte Erakundeen Kontseiluak 2011ko otsailean jendaurrean azaldutako txostenak zalantza izpirik ere ez du uzten: 0tik 10erako puntuazioan (0=hizkuntza-politikak euskarari inolako tarterik ez), Basauri 3,5era ( 0,2) heltzen da. Legez euskararen eremu ofizialean egon arren, praktikan argi dago etxerako lanak txarto eginda edota egin gabe dituztela agintean dauden politikoek. Baina euskarak gure udalerrian dituen gabezia eta hutsuneak ez dira zenbakietan bakarrik islatzen. Hamaika arlo aipa genezakeen arren, bakarra azpimarratuko dugu, adierazgarrienetan adierazgarriena iruditzen zaigulako: Basaurik gaur egun ez dauka Euskara Zerbitzurik. Nola izan liteke? Euskara Zerbitzua berriz martxan jartzeko konpromis oa da eskatu nahi dugun lehena. Euskara Zerbitzu horrek berehala eta indarrez heldu beharko die herrian euskararen esparruan ditugun erronkei: erabilera planak, aisialdia, kultura eskaintza, etorkinak, kirola, gazteria… Baina nola? Euskarabilan oso argi izan dugu geure sorreratik Basaurin euskararen normalizazioan urrats sendoak emateko herri-ekimenaren eta administrazioaren, kasu honetan udalaren, arteko elkarlana hitz potoloa baino zerbait gehiago dela. Biziberritze Planaren haritik sortu eta gaur egun desagertarazi duten Euskararen Aholku Batzordea indartzea eta benetako erabilera ematea funtsezkoa ikusten dugu. Batzorde honetan euskalgintzako eragile guztiek hartu beharko dute parte, berdintasunean, denon artean euskarak Basaurin dituen beharrei erantzuteko plangintza, tresnak, estrategiak, baliabideak eta dinamikak adosteko eta gauzatzeko. Ezin gara nor bere txokoan baztertuta lanean aritu. Aipatutako batzordearen funtzioak, zereginak eta ardurak argiak eta benetan mamiz betetakoak badira, funtsezko tresna bihur daiteke azpimarratutako elkarlana burutzeko. Euskara Zerbitzua eta Euskara Aholku Batzordea gidatuko dituen diagnosiaren beharra ere ikusten dugu Euskarabilan. 1987an SIADECOk egindako ikerketa lan hartatik (Hizkuntzaren egoerari buruz diagnosi orokorra eta hizkuntzaren normalkuntzari buruz norabide nagusiak) urte asko igaro dira eta Basauriri berriz egin behar zaio argazkia, kalitate handiko argazkia, detaile guztiak biltzen dituena. Diagnostiko serio batetik abiatu behar dugu ondo zimendutako eta adostutako plangintza. Bestela, gureak egingo du. Lerro hauetatik, beraz, hurrengo konpromisoak eskatu nahi dizkiegu alderdi politikoetan Basaurin aurkeztuko diren herritarrei:

• Euskara Zerbitzua martxan jartzeko konpromisoa. • Euskara Aholku Batzordea egia egiteko konpromisoa.


• Euskararen egoera aztertuko duen diagnostikoa bideratzeko konpromisoa.

Prest gaude gurekin elkartu nahi duen edonorekin honi guztiari buruzko elkarrizketak eta iritzi trukaketak egiteko eta zabalik dauzkagu Euskarabilaren ateak Basaurin euskararen normalizazioan ekarpenak egiteko eta laguntza emateko prest dagoen ororentzat. Euskaraz bizi nahi dugun basauriarrok oso gogoan hartuko ditugu gure hizkuntzaren normalizazioa helburutzat jotzen duten alderdi politikoen konpromisoak. EUSKARABILA


4.3.-TXARRASKA GAZTE ASANBLADA Udal hauteskundeen hurbiltasunaz jakitun eta hauetan ematen diren emaitzek Basauriko eta

TXARRASKA GAZTE ASANBLADA–ren etorkizunean izango duten garrantziaz jakitun izanik,

elkarte honetatik deialdi bat egin nahi diegu aurkezten diren alderdi eta eragile guztiei hurrengo

puntuekin bat egin dezaten.

1-. GAZTE ASANBLADAREN LANA

Orain dela 12 urte baino gehiago, euren etorkizunaz arduratuta Basauriko gazteriaren arazoetaz

eztabaidatzeko gazte askok batzea erabaki eta TXARRASKA GAZTE ASANBLADA sortzea

erabaki zutenetik asko izan da gazteriari zein herriari zuzenduta egindako lana.

Aurrera eramandako lanak bi atal garrantzitsu izan ditu; GAZTETXEA eta herriko beste hainbat

eragilerekin herriarentzat egindako lana. Gure herrikideentzat honena bilatzen duen laguntze eta

elkarlana.

Horregatik azpìmarratu nahi dugu TXARRASKA GAZTE ASANBLADAk bere lana aurrera

eraman ahal izateko inolako oztoporik ez topatzearen beharra.

2-. AUTOGESTIOA

TXARRASKA GAZTE ASANBLADA eragile autogestionatu bat da. Honek argi uzten ditu

zeintzuk diren TXARRASKAren helburuak. Guretzat autogestioa bizitzeko modu bat da, eta honek

pertsona bakoitzaren garapenean duen garrantzia azpimarratu nahi dugu.

lan eredu honek bakoitzak nahi duenaren alde lan egitera behartzen gaitu; gure indarren eta

ahulezien jabe izanik, helburuak lortu ahal izateko formulak eta metodologiak bilatzera eramaten

gaitu

Horregatik eta gaur egun mass mediek, egiten dituzte inkestek lan egiteko gogo gabeko gazteri

batez hitz egiten digutenean, autogestioak gizarte eredu moduan duen garrantzia azpimarratu nahi

dugu.

3-. GAZTETXEA

GAZTETXEA GAZTE ASANBLADAren eguneroko lanerako egoitza da. Eraikin hau Baskonia

enpresaren bulegoak eta Arizko Ikastola izan eta gero geratu zen utzik.

Egoera honen aurrean eta lan egiteko leku batek beharra izanik, TXARRASKAk eraikin honen

kudeaketa lortu zuen. 12 urtetan zehar asko izan dira Gaztetxean aurrera ateratako proiektuak eta

buruturiko ekintzak. Eraikin honetan euren proiektuak aurrera eramateko aukera eman zaie

Basauriko zein inguruetako ehunka gazteri. Gazte hauek bertara hurbildu udal eraikin pribatuek

duten prezioari ezin ziotelako aurre egin.

Horren aurreak Gaztetxean mundu guztiak dauka ate bat zabalik, denek dute euren proiektua edo

ideia aurrera eramateko aukera. Horregatik deritzogu garrantzitsua, herri honetako gazteriak euren

lan eta gaitasunei esker proiektuak aske eta doan garatu ahal izateko leku baten garrantzia.

4-. KONPROMEZUA


Aurretik esandako guztia kontutan harturik eta berarekin bat eginik, TXARRASKA GAZTE

ASANBLADAren lanerako baldintzak errazteko konpromisoa hartzen dugu, eurei trabarik jarri

gabe.

Bestalde gaur egungo Gaztetxea utzi behar izatekotan, antzeko ezaugarriak dituen eraikin berriak

topatzeko konpromisoa agertzen dugu.

Bildu Basauri udal programa 2011

Documents

Transcript of Bildu Basauri udal programa 2011