AKTEA

BERMEOKO UDALEKO TOKIKO GOBERNU

BATZARRA

(2017-06-05/18)

Bilkurea: Ohikoa

Datea:

2017-06-05

Lekua:

Gizarte eta Kultura Etxeko Batzar Gela

Hasiera-ordua:

16:11

Amaiera-ordua:

17:02

Bertaratuak

Idurre Bideguren Gabantxo

Lehendakaria: Batzordekideak:

Benito Ibarrolaza Munitiz

Irune Ormaetxea Legarreta

Naia Bilbao Uriarte

Juan Carlos Agirre Santa Maria

Idazkaria:

Karmele Muñoa Arrigain

Bertaratu ez diranak

2

Aztergaiak

1. Aurreko aktea irakurri eta onestea. 2. AI 26ko urbanizazino proiektua hasieraz onartzea. 3. Bidebarrieta kalea 17ko orubea garbitzeko egite agindua emotea. 4. Aurrekoetxea kalea 22an igogailua ipinteko jaube alkarteak eskatutako

obra lizentzia. 5. Arane Gibelortzaga auzoko Iturriondo baserrian lursailen segregazino

lizentzia. 6. Hijos de Jose Serrats, SA enpreseak bere lantegian berdegune bat

egiteko lizentzia eskaria. 7. Lope Diaz de Haro kalea 15eko Vending makinen jarduera zarratzeko

emondako agindua baliogabetzea. 8. Nahitaezko jabetza kentzeetarako Bizkaiko Lurralde Epaimahaian

udalaren interes legitimoak eta eskubideak defendituko dauazan ordezkaria izendatzea.

9. Tonpoi Bidea 13an dagoan tabernan karpa bat ipinteko eskaria. 10. 20.3 exekuzino unidadeko urbanizazinoaren akatsak ordezko exekuzino

bidez zuzentzeko proiektua onartzea. 11. 21.2 exekuzino unidadean eraikitzeko obrak hasteko baimena emoteko

Inmobiliaria Bekobaso, SLren eskaria. 12. 2017. urterako tabernen ordutegia onartzea. 13. Talako kantina ustiatzeko kontratua urte betez luzatzea. 14. Udaleko irudi korporatibodun kutxa montagarriak erostea. 15. 2017ko maiatzaren 22ko Tokiko Gobernu Batzarreko 17. puntua

zuzentzea. 16. Alkatetzearen Dekretuak 17. Eskariak eta itaunak.

1.- AURREKO AKTEA IRAKURRI ETA ONESTEA. Lehendakariak hasikerea emon deutso batzarrari eta, behin-behineko idazkariak 2017ko maiatzaren 29ko 17/2017 aktea irakurri ostean, danen adostasunagaz 13. puntua zuzentzea erabagi dabe, eta holan geratuko da:

*13.- 30.574.655 L NAN ZENBAKIDUN LANGILEAREN BIZI ETA EZINTASUN ASEGURUA.

Planteatutako gaia 30.574.655 L NAN zenbakidun langilearen bizi eta ezintasun asegurua.

3

Aurrekariak Bakarra: 2016ko abenduaren 13ko ebazpenaren bidez, Gizarte Segurantzaren Institutu Nazionalak ezintasun iraunkor osoa onartu deutso 30.574.655 L NAN zenbakidun langileari. Hori dala-eta, 2016ko abenduaren 28ko idatziaren bidez, 30.574.655 L NAN zenbakidun langileak Udalhitzeko 98. artikuluan ezarritako bizi- eta ezintasun-aseguruaren ordainketa eskatu dau. Argudioak Lehenengoa: Bermeoko Udaleko funtzionarioen lan baldintzak arautzen dauzan akordioaren 98. artikuluak honako hau ezartzen dau: “98. artikulua.- Bizi- eta ezintasun-asegurua 1. Erakundeak 44.000 euroko estaldura izango duen bizi- eta ezintasun

iraunkor, oso edo absolutu asegurua izango du, bere kargura, funtzionario guztientzat. Erakundeko gobernu-organo eskumendunak espresuki eta formalki onartzen duen egunaren hurrengo hilabeteko lehen egunetik izango ditu estaldura honek ondorioak.

2. Ezintasun Osoagatiko estaldura funtzionarioak Erakundea uzten duenean ezarriko da.”

Bigarrena: Apirilaren 12ko Enplegatu Publikoaren Oinarrizko Estatutuari buruzko 7/2007 Legearen 67.artikuluak xedatzen du: “Artículo 67. Jubilación

1. La jubilación de los funcionarios podrá ser: a) Voluntaria a solicitud del funcionario b) Forzosa, al cumplir la edad legalmente establecida c) Por la declaración de incapacidad permanente para el ejercicio de las funciones

propias de su cuerpo o escala, o por el reconocimiento de una pensión de incapacidad permanente absoluta o, incapacidad permanente total en relación con el ejercicio de las funciones de su cuerpo o escala.”

Hirugarrena: 2016ko abenduaren 28an, eta Gizarte Segurantzaren Institutu Nazionalak ezintasun iraunkor osoa onartu ondoren, 30.574.655 L NAN zenbakidun langileak bigarren jarduera izaerako lanpostura adskribatzea eskatu eban. Hori dala-eta Langileria Sailak jagokon espedientearen kudeaketa hasi dau. Laugarrena: Bigarren jarduerako lanpostua esleitzea onartu ezkero, 30.574.655 L NAN zenbakidun langileak Udal langilea izaten jarraituko leuke, eta ondorioz, aintzat hartu beharko litzateke Bermeoko Udaleko funtzionarioen lan baldintzak arautzen dauzan akordioaren 98. 2. artikuluan ezarritakoa.

4

Erabagia Goian aitatutako guztia kontutan hartuta, aho batez, honako hau erabagi dau Tokiko Gobernu Batzarrak: BAKARRA: 30.574.655 L NAN zenbakidun langilearen bizi eta ezintasun asegurua ez onartzea.

2.- AI 26KO URBANIZAZINO PROIEKTUA HASIERAZ ONARTZEA. Xedea AI 26-ko urbanizazino proiektua hasieraz onartzea.

Aurrekariak Lehenengoa: 2017ko apirilaren 4an, Bermeo Eder Etxegintza SLek, AI 26ko urbanizazino proiektua aurkeztu eban. Bigarrena: 2017ko ekainaren 1ean udal arkitektoak txostena egin eban. Argudioak Lehenengoa: Udal arkitektoak egindako txostena ikusirik, urbanizazino proiektua hasieraz onartu daiteke, baina proiektua behin betiko onartu baino lehen, udal arkitektoak adierazotako puntuak zuzendu beharko dira. Bigarrena: Urbanizazino proiektuen tramitazinoari buruz, Lurzoruari eta Urigintzeari buruzko 2/2006 Legeko 196. artikuluak honako hau xedatzen dau: 1.– Ekimen pribatuko urbanizazio-proiektuei dagokienez, kasuan kasuko

udalak bestelako eperik ezartzen ez badu, agiria udalean sartu eta

hiru hilabeteko epean emango zaie hasierako onespena. Epe hori

hasierako onespenik eman gabe bukatzen bada, interesdunak ezetsia izan

dela iritzi ahal izango dio.

2.– Urbanizatze-proiektuei hasierako onespena eman ondoren,

jendaurrean jarriko dira 20 egunez, dagokion lurralde historikoko

aldizkari ofizialean eta hedadura gehien duen egunkarian edo

egunkarietan argitaraturik,nahi duenak aztertu eta alegazioak egin

ditzan.

3.– Behin betiko onespena emateko epea bi hilabetekoa izango da,

hasierako onespena eman ondoren jendaurrean jartzeko epea bukatzen

denetik kontatuta. Epe hori ebazpenik eman gabe amaitutakoan, behin

betiko onespena administrazioaren isiltasunez eman dela iritziko zaio.

4.– Arabako udalerrietan, eragindako kontzejuei bidaliko zaie

hasierako onespena jaso duen proiektua, nahitaezko txostena egin

dezaten. Txosten hori 20 eguneko epean egin beharko da, eta

kontzejuaren eskumen diren alorretan loteslea izango da baldin eta

obren azken hartzailea kontzejua bera bada.

5

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: 21.2 exekuzino unidadeko urbanizazino proiektuaren aldaketa hasieraz onartzea, udal arkitektoak adierazotako baldintzak beteteko baldintzapean. BIGARRENA: Urbanizazino proiektuari behin betiko onespena emon baino lehen, udal arkitektoak adierazotako zuzenketak jasoten dauzan proiektu bategin bat aurkeztu beharko da. HIRUGARRENA: Hogei eguneko jendaurreko epea zabaltzea Bizkaiko Aldizkari Ofizialean eta egunkarietan argitaratuta.

3.- BIDEBARRIETA KALEA 17KO ORUBEA GARBITZEKO EGITE AGINDUA EMOTEA. Xedea Bidebarrieta kalea 17ko orubea garbitzeko, egite agindua emotea. Aurrekariak Bakarra: 2017ko maiatzean, Bidebarrieta kalea 17ko orubearen alboko auzokideen salaketak jaso dira. Argudioak Lehenengoa: Orubearen ikuskapena egin ondoren, orubea segurtasun, osasun, eta apaintasun publikoaren aldetik, egoera oso txarrean dagoala egiaztatu da. Orubeen jaubeek, legez, bere ondasuna segurtasun, osasun, begirune eta apaintasun publikoko egoera onean mantentzeko nahitaezko betebeharra daukie. Horren inguruan, Urigintzeari eta Lurzoruari buruzko 2/2006 Legeak hauxe xedatzen dau: 199. artikulua.– Kontserbatzeko eta birgaitzeko eginbeharra. 1.– Lursail, etxe, eraikin eta instalazioen jabeek nahitaez dute

ondasun horiek segurtasun, osasun, begirune eta apaintasun publikoko

egoera onean mantentzeko eginbeharra. Horretarako, behar diren

kontserbatze- eta birgaitze-lanak egingo dituzte, bertako

bizigaitasuna eta benetako erabilera bermatzeko.

6

2.– Eraikinen jabeek kontserbatzeko eta birgaitzeko lan eta obrei

dagokienez, eraikinen jabeek ordaindu beharreko diru-kopuruak ez du

gaindituko eraikinaren eduki normalaren muga. Muga hori honela

zehazten da:

a) Jarduketa isolatuetan, eraikina berriztatzeko kostuaren % 60.

b) Jarduketa integratuetan, eraikina berriztatzeko kostuaren % 50.

Atal honetan ezarritako zenbatekoak lurzoruaren balioa aintzat hartu

gabe kalkulatuko dira.

3.– Administrazioak jabeari agintzen dizkion kontserbatze- eta

birgaitze-lanen kostuak aipatutako muga hori gainditzen badu,

soberakin hori ordain dezan eskatu ahalko dio jabeak administrazioari.

Edonola ere, administrazioak laguntza publikoak ezarri ahal izango

ditu, egoki deritzen baldintzetan, hitzarmenen edo beste tresna

batzuen bidez. Higiezina jabeen eta administrazioaren artean ustiatzea

jaso ahal izango da hitzarmenotan.

203. artikulua.– Egikaritze-aginduak. 1.– Hondaturik dauden edo benetako erabilera legitimorako baldintza

nahikorik ez duten eraikuntzei dagokienez, eraikuntza horiek

konpontzeko, kontserbatzeko eta birgaitzeko obrak egiteko agindu

beharko du udalak.

2.– Halaber, udalek habilitazioa izango dute edozein eraikinetan

konponketa, kontserbazio, birgaitze eta hobekuntza obrak egikaritzeko

aginduak emateko, honako helburuekin: eraikinaren egitura finkatzea,

hirugarrenentzako arriskuak ekiditea, hirigintza-antolamenduan

finkatutako baldintzetan gutxieneko hirigintza zerbitzuak ematea (ur-

eta argindar-hornidura eta ur sarea) eta irisgarritasunari buruzko

araudia betetzea. Agindutako lan eta obra horietan, betiere,

egikaritzeko epeak eta baldintzak finkatu beharko dira.

3.– Horietaz gainera, lurralde- eta hirigintza-antolamenduan jasotzen

ez diren edo baimentzen ez diren ekintzak edo erabilerak atzematen

dituztenean ere, udalek egikaritze-aginduak eman beharko dituzte,

ekintza eta erabilera horien inpaktua minimizatzeko eta jatorrizko

egoerara leheneratzeko.

4.– Egikaritze-aginduak betearazi beharrekoak izango dira. Egikaritze-

aginduak arrazoirik gabe betetzen ez badira, administrazioak neurri

hauek hartu ahal izango ditu:

a) Egikaritze subsidiarioa, eginbeharra duenaren kontura,kontserbazio-

eginbehar normalaren mugara arte.

b) Hertsatze-isunak jartzea, gehienez hamar. Horien maiztasuna hilekoa

izango da, gutxienez. Bakoitzaren zenbatekoa, gehienez, agindutako

obren kostu estimatuaren % 10 izango da. Nolanahi ere, ezarritako

azken hertsatze-isunari dagokion borondatezko betetzea egiteko epea

igaro eta gero, administrazio jarduleak obligazioa izango du

aldatutako errealitate fisikoa subsidiarioki leheneratzeko, arau-

hauslearen kontura.

c) Nahitaezko desjabetze-espedienteari ekitea.

d) Birgaitze-programa bat egitea eta programa hori, lehiaketa bidez –

lege honen 190. artikuluan ezarritakoarekin bat etorriz–, eragile

birgaitzaile bati esleitzea, birgaitze-lanak ordezko egikaritzez

egiteko. Neurri hau eraikina egiturazko akatsengatik aurri-egoeran

gerta daitekeenean hartu ahal izango da, birgaitze-lanek egiturazko

akatsok konpontzeko balio duten kasuetan.

7

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Josu Pagai Monasterio jaunari agindua emotea, Bidebarrieta kalea 17ko orubea garbitzeko eta, horretarako, 15 eguneko epea emotea. BIGARRENA: Epe horretan agindutakoa beteten ez bada, hertsatze isunak ezartzea (hilabete bakotxeko bat eta gehienez 10). Ezarri dan azkeneko hertsatze-isuna borondatez ordaintzeko epea amaitu ondoren, udalak ordezko exekuzino bidez interesatuaren kontura egingo dauela ohartarazotea. 4.- AURREKOETXEA KALEA 22AN IGOGAILUA IPINTEKO JAUBE ALKARTEAK ESKATUTAKO OBRA LIZENTZIA. Xedea Aurrekoetxea kalea 22an igogailua ipinteko jaube alkarteak eskatutako obra lizentzia. Aurrekariak Lehenengoa: 2017ko apirilaren 10ean Aurrekoetxea kalea 22ko jaube alkarteak, igogailua ipinteko obra lizentzia eskatu eban.

Bigarrena: 2017ko maiatzaren 29an udal arkitektoak txostena egin eban. Argudioak Bakarra: Udal arkitektoak egindako txostenean jasotakoa ikusirik, proiektua bat dator urigintza araudiagaz.

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Eskatutako lizentzia emotea udal arkitektoak adierazotako baldintza honeek betetzeko baldintzapean:

112/2012 DEKRETUAK, ekainaren 26koa, eraikuntza- eta eraispen-hondakinen ekoizpena eta kudeaketa arautzen ditu. Hondakinen kudeaketari dagokion aurrekontua Hirigintza Sailean aztertu ostean, obrak hasi aurretik, 5. artikuluan zehazten den fidantza ezarriko du

8

Udalak. Obren sustatzaileak fidantza hori obrak hasi aurretik jarri beharko du , bestela obra baimenak ez du baliorik izango.

Lanak direla eta, espazio publikoan edo lur-azpian leudekeen instalazioetan kalteak eragingo balira, haien konponketa obra baimen hau eskatzen duenaren kontura izango da.

Lanak hasi aurretik haien zuinketa egiazta dezaten eskatu beharko zaie, Udal Zerbitzu Teknikoei.

Eraikinaren hustuketa ibilbidean aldaketak sortuko direnez, hustuketa ibilbide osoa gaur eguneratu beharko da, horretarako, solairu bakoitzean hautsezko su-itzalgailu bana jarri beharko da dagokion seinaleztapenarekin eta hustuketa ibilbide osoan larrialdietarako argiak jarri beharko dira, baita trastelekuak kokatzen diren teilatupeko plantan ere.

BIGARRENA: Instalazino obrak amaitutakoan, ondorengo ziurtagiriak aurkeztu beharko dira udaletxean:

Instalazioei eta egindako lanei jagoken obra amaiera ziurtagiria eta likidazinoa. Obra amaierako dokumentazinoa obra-zuzendari izan diran Arkitektoak eta Arkitekto Teknikoak sinatuta aurkeztu beharko da, baita jagokon Elkargo Ofizialak ikus-onetsia, non besteak beste ageriko dan, lanek, indarrean dagoan araudiagazko daukien egokiera eta Udalaren zuzenketa neurrien gauzatzea.

112/2012 Dekretuaren 6. artikuluan zehazten dan dokumentazinoa, Obra handietan sortutako eraikuntza- eta eraispen-hondakinak eta –materialak behar bezala kudeatu dirala egiaztatzeko.

1.– Obra handietan sortutako hondakinak behar bezala kudeatu direla egiaztatzeko, obraren zuzendaritza fakultatiboak sinaturiko txosten bat aurkeztu beharko du eraikuntza-hondakinen eta –materialen ekoizleak. Txosten hori dekretu honen III. eranskinean zehaztutako ereduari jarraikiz egin behar da, eta ingurumen-organoak akreditaturiko entitate independente batek egiaztatu behar du, hargatik eragotzi gabe xedapen iragankor bakarrean ezartzen dena. 2.– Aurreko ataletan aipatzen den azken txostenarekin batera, dokumentazio hau aurkeztu behar da: a) Lur eta arroka ez poluituak betelan bat egiteko erabiltzen badira, dagokion udalak betelana egiteko emandako lizentziaren kopia aurkeztu behar da, edo, azpiegitura-lan linealen kasuan, organo eskudunaren baimenaren kopia, hondakinak hondakindegietan biltegiratuta eta betelanak eginda ezabatzea arautzen duen Euskal Autonomia Erkidegoko araudian ezarritakoari jarraikiz. b) Hondakinak behar bezala kudeatu direla egiaztatzen duten ziurtagiriak, haiek egiteko baimena duten kudeatzaileek egindakoak, edo betelanetarako lur eta arroka ez poluituak jaso dituzten pertsona baimendu titularrek egindakoak.

9

c) Hondakin balorizatuen eta in situ erabilitako eraikuntza- eta eraispen-materialen erabileraren eta kantitatearen zinpeko aitorpena.

Instalatzaileak emondako ziurtagiria, instalazinoaren egokitasunarena. Industria ordezkaritzak abalatua.

HIRUGARRENA: Obrearen aurrekontua 68.495,98€koa da. Obrak egiteko exekuzino epea sei hilekoa izatea, hasteko epea hilabetekoa izatea eta, etenik badago, epea hilabetekoa izatea. LAUGARRENA: Obra lizentzia honek balioa izateko, hondakinen kudeaketarako 136,99 euroko bermea ipini beharko da Udal diruzaintzan. Berme hori ipini arte ezingo dira obreagaz hasi. BOSGARRENA: Obrea egiteko lizentziak balioa izateko, lizentzia honeri erantsita doazan baldintza orokorrak betetea. 5.- ARANE GIBELORTZAGA AUZOKO ITURRIONDO BASERRIAN LURSAILEN SEGREGAZINO LIZENTZIA. Xedea Arane Gibelortzaga auzoko Iturriondo baserrian lursailen segregazinoa egiteko lizentzia. Aurrekariak Lehenengoa: 2017ko apirilaren 24an Rosa Maria Anasagasti Garmendia andreak Iturriondo baserriaren lursaila zatitzeko baimena eskatu eban. Lursaila Bermeoko 3. poligonoko 145 partzela da. Bigarrena: 2017ko maiatzaren 29an udal arkitektoak txostena egin eban. Argudioak Bakarra: Udal arkitektoak egindako txostenean honako hau adierazoten da:

Iturriondo baserriaren lurretatik, 15.000 m2ko eremua banandu nahi da. Aurkeztutako planoaren arabera, lursailak 22.901 m2 ditu eta hiru zatitan banandu gura da. Alde batetik, baserri inguruan legokezan A eta B azpipartzelak, 3.840 m2 eta 4.061 m2koak, hurrenez hurren. Bestalde, C azpipartzela egongo litzateke, 15.000 m2koa.

10

Lurzoruaren erabilereari jagokonez, baserrietako lur sailak zatitzeko baldintzetan azaltzen da, lur sail txikiena moduan kalifikatutakoak baino lur sail txikiagoak ezingo dirala zatitu, soilik, ondoko lurretako lur sailekaz batuz gero, lur sail bakar bat osatuz. Proposatutako lur banaketa A eta B azpipartzelak bat izango balira baino ez litzateke posible izango eta baserriari lotuta geratuko balira, hau da, baserria eta (A 3.840 + B 4.061) bere lursailak 3. poligonoko 145 partzela izaten jarraituko leukie. Iturriondo baserriak 7.901 m2-ko lursaila eukiko leuke. Banatutako lurra C azpipartzela izango litzateke, 15.000 m2koa, partzela barria eratuz. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Eskatutako lur zatiketa onartzea, baldintza hau betetzeko baldintzapean: A eta B azpipartzelak baserriari lotuta jarraitzea eta C azpipartzela, 15.000 m2 koa, banatuko balitz. 6.- HIJOS DE JOSE SERRATS, SA ENPRESEAK BERE LANTEGIAN BERDEGUNE BAT EGITEKO LIZENTZIA ESKARIA. Xedea Hijos de Jose Serrats, SA enpreseak bere lantegian berdegune bat egiteko lizentzia eskaria. Aurrekariak Lehenengoa: Hijos de José Serrats, S.A. enpreseak Landabaso industrialdean daukan lantegiaren hegoaldeko ezponda hormigoitu eban, horretarako baimena eskatu barik. Bigarrena: 2015eko otsailaren 19an Hijos de Jose Serrats, SA enpresak, baimena eskatu eban lantegiaren alboan hormigoizko zerrenda bat uzteko eta kanpoko hesiaren alboan heskaia landatzeko; eta bien artean zuhaixkak. Proposamenaren helburua, enpresaren hitzetan, osasun baldintzak hobetzea izango litzateke. Hirugarrena: 2015eko apirilaren 15ean Urigintza, Obra eta Ingurumen batzordeak erabagi eban eskaria onartzea, baina enpreseari eskatzea lehenago lorategiaren proposamena aurkezteko.

11

Laugarrena: 2017ko apirilaren 11n, Hijos de Jose Serrats, SA enpreseak, lorategiaren proposamena aurkeztu eban. Argudioak Bakarra: Bermeoko Plan Orokorrak 6.2.25. artikuluan ezartzen dauz lantegia dagoan Landabasoko guneari jagokozan xedapenak: “Finkatutako eremuetako hirigintza baldintzak: • EA-24.0an, partzela ekoizgarrien aprobetxamendu guztiak mantentzen dira, baita gaur egun exekuzioan dagoan 24 Sektoreko (Landabaso) indarrean dagoan Plan Bereziko determinazioak, AASSen aurka ez doazenak ere.”

Proposatutako esku-hartzea lantegiaren hegoaldeko ezpondan izango litzateke, hormigoitu dana. Ezponda horren kalifikazioa, Plan Bereziaren arabera, gune librea (lorategiak eta ezpondak) da – espacio libre (ajardinamiento y taludes) –. Gune-mota horreentzat Planak ezartzen dauena hau da, bere Ordenantzetako 10. artikuluan: "Se entiende por ESPACIO LIBRE (AJARDINAMIENTO Y TALUDES), la superficie de terrenos que correspondiendo a la PARCELA PRIVATIZABLE, se encuentra ocupada por los taludes resultantes de la formación de las plataformas o por el terreno natural situado entre dichos taludes y los límites de las parcelas. Estos espacios deberán mantenerse libres de toda posible ocupación y tratar a base de ajardinamiento y plantación de especies arbóreas."

Horrez gan, 48. artikuluak hau ezartzen dau: “Los espacios, que por las condiciones de la ordenación del Plan Parcial o como consecuencia de la ordenación interna de cada PARCELA PRIVATIZABLE, se destinen a jardines o zonas verdes con plantaciones arbóreas deberán recibir los cuidados necesarios para su debida conservación y ornato."

Enpresak eskatzen dauen baimena da lantegiaren alboan hormigoizko zerrenda bat uzteko eta kanpoko hesiaren alboan heskaia landatzeko; bien artean zuhaixkak landatuko litzatekez. Proposamenaren helburua, enpresearen berbatan, osasun baldintzak hobetzea izango litzateke. Hori kontutan izanda, Hijos de Jose Serrats enpresearen eskaria salbuespen moduan onartuko da. Baimena behin-behinekoa izango da eta prekario gisa emontzat joko da. Udalak edozein momentutan baimen hau bertan behera utzi ahal izango dau, batez be osasun baldintza horreek mantentzea beharrezkoa ez dala ikusten danean, eta bertan botatako hormigoia kendu beharko da. Udalak horretarako, ez dau inolako izapiderik egin beharko ezta aurretiaz eretxirik entzun beharrik izango. Baimena bertan behera ixten danean, Hijos de Serrats SAk ez dau kalte-ordainik jasotzeko eskubiderik izango.

12

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Hijo de Jose Serrats enpresearen eskaria onartzea, goian aipatzen dan baldintza betetzeko baldintzapean, hau da, baimena behin-behinekoa izango da eta prekario gisa emantzat joko da 7.- LOPE DIAZ DE HARO KALEA 15EKO VENDING MAKINEN JARDUERA ZARRATZEKO EMONDAKO AGINDUA BALIOGABETZEA. Xedea Lope Diaz de Haro kalea 15eko Vending makinen jarduera zarratzeko emondako agindua baliogabetzea. Aurrekariak Lehenengoa: 2016ko urriaren 17an Tokiko Gobernu Batzarrak erabagi eban, Lope Diaz de Haro kalea 15eko Vending makinen jarduera zarratzeko agindua emotea. Bigarrena: 2017ko maiatzaren 22an Iñaki Ugalde Oleaga jaunak idaztia aurkeztu eban Udalean. Argudioak Bakarra: Lope Diaz de Haro kalea 15eko Vending makinen jarduera titularrak, Iñaki Ugalde Oleaga jaunak aurkeztutako idaztian adierazoten dau jarduera 2016ko urriaren 1etik aurrera zarratuta dagoala. Hori egiaztatzeko, ondoren zabaldu dan jardueraren titularragaz sinatutako kontratuaren kopia aurkeztu dau eta bertan ikusi daiteke 2016ko urriaren 1ean lokala bere esku itzi ebala. Hori dala-eta lokala zarratzeko emondako agindua baliogabetu behar da, jadanik zarratuta egon dalako. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Lope Diaz de Haro kalea 15eko Vending makinen jarduera zarratzeko emondako agindua baliogabetzea.

13

Arratsaldeko laurak eta hogei minutu diranean Irune Ormaetxea Legarreta andrea sartu da batzarrera. 8.- NAHITAEZKO JABETZA KENTZEETARAKO BIZKAIKO LURRALDE EPAIMAHAIAN UDALAREN INTERES LEGITIMOAK ETA ESKUBIDEAK DEFENDITUKO DAUAZAN ORDEZKARIA IZENDATZEA. Xedea Nahitaezko Jabetza kentzeetarako Bizkaiko Lurralde Epaimahaian Udalaren interes legitimoak eta eskubideak defendituko dauazan ordezkaria izendatzea. Aurrekariak Lehenengoa: Landabaso Industrialdeko sarrera barria egiteko okupatutako ondasunen baliojustua zehazteko, 2017ko apirilean, espedientea Nahitaezko Jabetza kentzeetarako Bizkaiko Lurralde Epaimahaira bialdu zan. Bigarrena: 2017ko maiatzaren 23an, Udalaren interes legitimoak eta eskubideak defendituko dauazan ordezkaria izendatzeko, Nahitaezko Jabetza kentzeetarako Bizkaiko Lurralde Epaimahaiaren idaztia jaso zan. Argudioak Lehenengoa: Lurzoruari eta Hirigintzari buruzko 12. xedapen gehigarriak, gai honen inguruan honako hau xedatzen dau:

Hamabigarrena.– Nahitaezko desjabetzeen lurralde-epaimahaien osaera. 1.– Desjabetzeen lurralde-epaimahaiak lurralde historiko bakoitzeko hiriburuan eratuko dira. Epaimahai bakoitzean presidente bat egongo da, eta kasuan kasuko auzitegiko presidenteak izendatzen duen magistratua izango da. Horrez gainera, honako kide hauek egongo dira epaimahaian: a) Eusko Jaurlaritzaren Lehendakariordetza Saileko legelari bat. b) Kasuan kasuko herri-administrazioetako goi-mailako teknikari bat, funtzionarioa edo kontratatua. Administrazio desjabetzaileko organo eskudunak izendatuko du, eta aldatu egingo da desjabetu beharreko ondasunaren edo eskubidearen izaeraren arabera, izaera horri egokituko baitzaio ezagupen tekniko egokienak dituen espezialitate profesionala. c) Desjabetu beharreko ondasunen edo eskubideen izaeraren arabera, dagokion elkargoak izendatutako goimailako tituludun bat. d) Notario bat, elkargo profesionalak askatasunez izendatuta. 2.– Idazkari lanetan, Eusko Legebiltzarrean etxebizitza-eskumena duen saileko legelari bat jardungo da epaimahi bakoitzean, sailak izendatuta.

Bigarrena: 12.1.b) artikuluak xedatutakoari jarraituz, Bermeoko Udalaren ordezkari Goio Allika Anduiza jauna izendatu da, Urigintza, Obra eta Ingurumen Saileko arkitektoa.

14

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Nahitaezko Jabetza kentzeetarako Bizkaiko Lurralde Epaimahaian Udalaren interes legitimoak eta eskubideak defendituko dauazan ordezkari GOIO ALLIKA ANDUIZA jauna izendatzea. 9.- TONPOI BIDEA 13AN DAGOAN TABERNAN KARPA BAT IPINTEKO ESKARIA. Xedea Tonpoi Bidea 13an dagoan tabernan karpa bat ipinteko eskaria. Aurrekariak Bakarra: 2017ko apirilaren 24an, Jose Gonzalo Careaga jaunak, Tonpoi Bidea 13an dagoan tabernan karpa bat ipinteko eskaria aurkeztu eban Udalean. Argudioak Lehenengoa: Terrazak instalatzeko indarrean dagoan Udal Araudiak ez dau terrazak holako instalazioekaz zarratzeko baimenik emoten. Hori horrela, 4. artikuluak honako hau xedatzen dau: Baimendutako mahai eta aulki kopurua bakarrik jarriko da. Baimendutako establezimendu bakoitzaren mahai kopuruak beragaz ekarriko dau mahai bakoitzean gehienez lau (4) aulki jartzeko baimena. Edozein aldaketa egiteko, eskaera barri bat egin, eta berorren baimena lortu beharko da. Terrazek, establezimenduaren fatxadaren paraleloan dagoan erabilera publikoko espazioa okupatu ahal izango dabe, establezimendurako sarrera barne. Beste espazio batzuen okupazinoa eskatzeko, auzoko interesatuen idatzizko onespena aurkeztu beharko da. Okupazinoaren sakonera bi eta lau metro bitartekoa izango da, beti ere, gutxienez lau metrotako pasabidea utzita. Terrazak jartzerakoan, etxebizitzen kolarretara pasoa bermatu beharko da. Gitxienez, irisgarritasunari buruzko arautegiak xedatzen dauan pasoa utzi beharko da. Terrazak ezin izango dira zarratu, eta terrazen sarrerako pasoa, gitxienez, hiru metrokoa izan beharko da.

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

15

BAKARRA: Jose Gonzalo Careaga jaunaren eskaria ez onartzea, ez datorrelako bat Udal Araudiak xedatutakoagaz. 10.- 20.3 EXEKUZINO UNIDADEKO URBANIZAZINOAREN AKATSAK ORDEZKO EXEKUZINO BIDEZ ZUZENTZEKO PROIEKTUA ONARTZEA. Xedea 20.3 exekuzino unidadeko urbanizazinoaren akatsak ordezko exekuzino bidez zuzentzeko proiektuaren 1. fasea onartzea. Aurrekariak Lehenengoa: 2016ko otsailaren 1ean Tokiko Gobernu Batzarrak erabagi eban, 20.3 exekuzino unidadeko urbanizazino obren akatsak zuzentzeko ordezko exekuzino bidezko espedientea hastea. Horretarako, urbanizazino obrak amaitzeko falta danaren kostua zehaztea eskatu jaken udal teknikariei. Bigarrena: 2016ko maiatzaren 23an, Tokiko Gobernu Batzarrak, 20.3 exekuzino unidadeko ezponden azterketa egiteko kontratua esleitu eban. Hirugarrena: 2016ko abuztuan, Euskontrol enpreseak ezponden azterketaren dokumentua aurkeztu eban Udalean. Laugarrena: Azterketa hori kontuan izanda, 2017ko martxoan, udal teknikariek urbanizazino akatsen zuzenketarako proiektua prestatu eben. Bosgarrena: 2017ko apirilaren 6an Urigintza, Obra eta Ingurumen Saileko batzordeak izandako batzarrean, proiektuaren aurrekontua ikusirik, faseka egitea onartu eban eta lehenengo eta behin ezponden arazoa konpontzeko obrekaz hastea onartu zan. Seigarrena: 2017ko maiatzean, ezpondak sendotzeko proiektuaren I. fasea egin da. Argudioak Bakarra: Ordezko exekuzinoaren inguruan indarrean dagoan legeriak xedatzen dauana honako hau da: Lurzoruari eta Urigintzeari buruzko 2/2006 Legeko 203. artikulua: 1.– Hondaturik dauden edo benetako erabilera legitimorako baldintza

nahikorik ez duten eraikuntzei dagokienez, eraikuntza horiek

konpontzeko, kontserbatzeko eta birgaitzeko obrak egiteko agindu

beharko du udalak.(…)

16

4.– Egikaritze-aginduak betearazi beharrekoak izango dira. Egikaritze-

aginduak arrazoirik gabe betetzen ez badira, administrazioak neurri

hauek hartu ahal izango ditu:

a) Egikaritze subsidiarioa, eginbeharra duenaren kontura,kontserbazio-

eginbehar normalaren mugara arte.

b) Hertsatze-isunak jartzea, gehienez hamar. Horien maiztasuna hilekoa

izango da, gutxienez. Bakoitzaren zenbatekoa, gehienez, agindutako

obren kostu estimatuaren % 10 izango da. Nolanahi ere, ezarritako

azken hertsatze-isunari dagokion borondatezko betetzea egiteko epea

igaro eta gero, administrazio jarduleak obligazioa izango du

aldatutako errealitate fisikoa subsidiarioki leheneratzeko, arau-

hauslearen kontura.

c) Nahitaezko desjabetze-espedienteari ekitea.

d) Birgaitze-programa bat egitea eta programa hori, lehiaketa bidez –

lege honen 190. artikuluan ezarritakoarekin bat etorriz–, eragile

birgaitzaile bati esleitzea, birgaitze-lanak ordezko egikaritzez

egiteko. Neurri hau eraikina egiturazko akatsengatik aurri-egoeran

gerta daitekeenean hartu ahal izango da, birgaitze-lanek egiturazko

akatsok konpontzeko balio duten kasuetan.

Administrazio prozedureari buruzko 39/2015 Legeko 99. eta 100. artikuluek honako hau xedatzen dabe:

Artículo 99. Ejecución forzosa.

Las Administraciones Públicas, a través de sus órganos competentes en

cada caso, podrán proceder, previo apercibimiento, a la ejecución

forzosa de los actos administrativos, salvo en los supuestos en que se

suspenda la ejecución de acuerdo con la Ley, o cuando la Constitución

o la Ley exijan la intervención de un órgano judicial.

Artículo 100. Medios de ejecución forzosa.

1. La ejecución forzosa por las Administraciones Públicas se

efectuará, respetando siempre el principio de proporcionalidad, por

los siguientes medios:

a) Apremio sobre el patrimonio.

b) Ejecución subsidiaria.

c) Multa coercitiva.

d) Compulsión sobre las personas.

2. Si fueran varios los medios de ejecución admisibles se elegirá el

menos restrictivo de la libertad individual.

3. Si fuese necesario entrar en el domicilio del afectado o en los

restantes lugares que requieran la autorización de su titular, las

Administraciones Públicas deberán obtener el consentimiento del mismo

o, en su defecto, la oportuna autorización judicial.

Ordezko exekuzinoari buruz, 102. artikuluak hau esaten dau: 1. Habrá lugar a la ejecución subsidiaria cuando se trate de actos que

por no ser personalísimos puedan ser realizados por sujeto distinto

del obligado.

2. En este caso, las Administraciones Públicas realizarán el acto, por

sí o a través de las personas que determinen, a costa del obligado.

3. El importe de los gastos, daños y perjuicios se exigirá conforme a

lo dispuesto en el artículo anterior.

17

4. Dicho importe podrá liquidarse de forma provisional y realizarse antes

de la ejecución, a reserva de la liquidación definitiva.

Udalak ordezko exekuzino bidez agindutakoa betetzeko proiektuaren lehenengo fasea prestatu dabe, aldez aurreko kitapena egin ahal izateko, behin betiko kitapenaren kalte barik. Proiektu horren aurrekontua 23.782,41 eurokoa (BEZ barne) da. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: 20.3 exekuzino unidadeko urbanizazioaren akatsak ordezko exekuzino bidez zuzentzeko proiektuaren 1. fasea onartzea, 23.782,41 euroko aurrekontuagaz, eta Konpentsazio Batzari 10 eguneko alegazino epea emotea. BIGARRENA: Behin alegazino epea igarota, aldez aurreko kitapena egitea eta Udalak ordezko exekuzino bidez egin beharreko obrak egitea. 11.- 21.2 EXEKUZINO UNIDADEAN ERAIKITZEKO OBRAK HASTEKO BAIMENA EMOTEKO INMOBILIARIA BEKOBASO, SLREN ESKARIA. Xedea 21.2 exekuzino unidadean eraikitzeko obrak hasteko baimena emoteko Inmobiliaria Bekobaso SLren eskaria. Aurrekariak Bakarra: 2015eko otsailaren 2an, Tokiko Gobernu batzarrak erabagi eban, 21.2 exekuzino unidadeko 5. partzelan 14 etxebizitza eraikitzeko obra lizentzia emotea Inmobiliaria Bekobaso, SLri. Urbanizazino obren I. faseko 1. etapako obrak bermatzeko abal bat ipintera baldintzatu zan obra lizentzia hau. Argudioak Bakarra: Lurzoruari eta Hirigintzari buruzko 2/2006 Legearen arabera, eraikitzeko ahalmena, eraikitzeagaz batera preminazkoak diran urbanizazino obrak egikaritzeari lotuta doa. Hori dala-eta, ezinezkoa da eraikitze obrak hasteko baimena emotea, arrazoi honeek dirala-eta: Alde batetik, 2014ko azaroaren 11n Urbanizatzeko Jarduketa Programa behin betiko onartu zan. Programa horren arabera, urbanizazio obrak 3 fasetan exekutatzea onartu zan.

18

21.2 exekuzino unidadeko 5. partzela, urbanizazio obran 1. faseko obren barruan sartzen zan, beraz, urbanizazio obrak egingo zirala bermatzeko abal bat ipintea eskatu jakon Inmobiliaria Bekobaso, SLri. 2016ko abenduaren 30ean, 21.2 unidadeko Konpentsazino Batzako lehendakaria dan Sabadell Real Estate Development, SLUren izenean, Xavier Tapias Xirau jaunak idaztia aurkeztu eban Udalean. Idazti horren bidez, 21.2 unidadeko Konpentsazino Batzako erabagia jakinarazoten dau Udalean eta bertan adierazoten da, 2016ko urriaren 20an izandako batzarrean, Konpentsazino Batzak erabagi ebala urbanizazino obrak fase bakar batean egitea. Ondorioz, 2017ko apirilaren 24ean Tokiko Gobernu batzarrak, 21.2 exekuzino unidadeko urbanizatzeko jarduketa programearen aldaketea onartzea eta urbanizazino obrak fase bakar batean egitea onartzea erabagi eban. Bestalde, Urbanizazio Proiektuari jagokonez, 2011ko apirilaren 20an Tokiko Gobernu batzarrak 21.2 exekuzino unidadeko urbanizazino proiektua behin betiko onartu eban. 2017ko apirilaren 7an, Konpentsazio Batzako lehendakari dan Sabadell Real Estate Development, SLUren izenean, Xavier Tapias Xirau jaunak urbanizazino proiektu barri bat aurkeztu eban, behin betiko onartuta egoana aldatzen. 2017ko maiatzarren 29an, 21.2 exekuzino unidadeko urbanizazino proiektuaren aldaketa hasieraz onartzea erabagi eban Tokiko Gobernu Batzarrak. Guzti hori kontuan izanda, ezinezkoa da eraikitze obrak hasteko baimena emotea, urbanizazino proiektua oraindik behin betiko onartu barik dagoala kontuan izanda. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Inmobiliaria Bekobaso SLren eskaria ez onartzea 12.- 2017. URTERAKO TABERNEN ORDUTEGIA ONARTZEA. Xedea 2017. urterako tabernen ordutegia onartzea.

19

Aurrekariak Bakarra: 2017. urtean tabernek bete behar daben ordutegia onartu behar da. Argudioak Bakarra: Eusko Jaurlaritzaren 296/1997 Dekretuak (210/1998, 36/2012 eta 14/2014 Dekretuek aldatuta) xedatutako kontuan izanda, tabernen egutegi eta ordutegia onartu behar da.

Erabagia Goian aitatutako guztia kontuan hartuta honako hau erabagi dau, aho batez, Tokiko Gobernu Batzarrak: BAKARRA: Ostalaritza establezimentuak ixteko ordutegia eta egutegi hau onartzea:

ORDUTEGI ARRUNTA:

Establezimentu moetea

Asteguna Neguan

Bariku, zapatu eta jai bezperak. Neguan

Asteguna Udan

Bariku, zapatu eta jai bezperak. Udan

Lehenengo taldea 23:00 00:30 23:30 01:00

Bigarren taldea 01:00 02:30 01:30 03:00

Hirugarren taldea 02:30 04:00 03:00 04:30

Laugarren taldea 04:30 06:00 05:00 06:30

Negualdia: urriaren 1etik, maiatzaren 31ra.

Udaldia: ekainaren 1etik, irailaren 30era.

Ordutegi hau, jentea kaleratzeko denporea kanpo itzita ulertu behar da (30 minutu kaleratzeko).

3. eta 4. taldeen kasuan, 6 ordu pasatu beharko dira ixten dan unetik, barriro zabaldu ahal izateko.

ORDUTEGI BEREZIA: Beste egun berezietan: ordutegi arrunta baino ordu erdi gehiago. ORDUTEGI BEREZIAREN EGUTEGIA: Ordutegi berezia egun honeetarako onartzen da:

20

Errege bezperea, Aratuste martitzena, Aratuste zapatua, Arrain Azokako zapatua, Doniene bezperea, Madalen bezperan, Madalen eguna, Roke Deuna eguna, Andra Mari bezperea, Andra Mari eguna, Arrantzale eguna, Sukalki eguna, Santa Eufemia bezperea, Gabon eguna eta Gabon Zahar eguna. Beste neurri batzuk:

Goizaldeko ordu 01:30ean, musika neurria bajatu beharko da.

Ateak itxita egon behar dira.

Ezin izango da kristalezko edalontzietan edaririk emon, edalontzi edo botila hori taberna barruan geratuko danaren segurtasuna euki barik.

Ezin izango da edari alkoholdunik emon 18 urtetik beherako jenteari. 13.- TALAKO KANTINA USTIATZEKO KONTRATUA URTE BETEZ LUZATZEA. Xedea Talako kantina ustiatzeko kontratua urte betez luzatzea. Aurrekariak Lehenengoa: 2015eko uztailaren 20an, Talako kantina ustiatzeko kontratua, Ekaitz Goienetxea Cereceda jaunari esleitzea erabagi zan. Bigarrena: 2015eko uztailaren 21ean Udalaren eta Ekaitz Goienetxea Cereceda jaunaren arteko kontratua sinatu zan. Hirugarrena: 2017ko apirilaren 12an Ekaitz Goienetxea Cereceda jaunak kontratuaren luzapena eskatu eban. Argudioak Lehenengoa: 2015eko uztailaren 21ean Ekaitz Goienetxea Cereceda jaunagaz sinatu zan kontratuan, urte biko epea finkatu zan, 2015eko uztailaren 21etik 2017ko uztailaren 21era arte.

Bigarrena: Administrazino baldintza agiriaren 2. puntuan, kontratua urtero luzatu ahal izango dala esaten da eta kontratuaren iraupena, luzapenak kontuan hartuta, 4 urte baino gehiagokoa ezin izango da izan.

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

21

BAKARRA: Goienetxea Cereceda jaunagaz Udalak daukan kontratua urte betez luzatzea, hau da, 2017ko uztailaren 21etik 2018ko uztailaren 21era arte. 14.- UDALEKO IRUDI KORPORATIBODUN KUTXA MONTAGARRIAK EROSTEA. Planteatutako gaia

Udaleko irudi korporatibodun artxibatzeko kutxa montagarriak erostea. Aurrekariak

Lehenengoa: Bulegoetako material inbentariaezinean gordetzeko artxiborako kutxa montagarrien beharrizana agertu da. Azken erosketea 2006an izan zan. Bigarrena: Ondorengo enpresei eskatu jakie eskaintza aurkezteko, ondorengo emaitzagaz:

Enpresa gitxiengo erosketa kopurua

banakako prezioa

bestelako gastuak

gastuak GUZTIRA BEZ%21 DANETARA BANAKAKO KOSTUA

MONTTE 3000 0,4200 KLITXEA 200,00 1.460,00 306,60 1.766,60 0,59

LYRECO 3000 0,5000 1.500,00 315,00 1.815,00 0,61

PAPYNDUX 3500 0,5860 2.051,00 430,71 2.481,71 0,71

Hirugarrena: Guzti honen aurrean, 3000 unitaterako MONTTE enpresearen eskaintza da abantailarik handienekoa. Laugarrena: Udal biltegizainagaz berba eginda, toki egokia dago kutxa guztiak gordetzeko San Jose eskoletako eraikinean (Hizkuntza Eskola). Argudioak Lehenengoa: Kontsignazino nahikoa dago gastu honetarako. RC2017/299 Bigarrena: TGB 2014-02-10/19. erabagiak onartutako kontratu txikietarako prozedurea bete da. Hirugarrena: Azaroaren 14ko 3/2011 Errege Dekretu Legegileak onartu dauan Sektore Publikoko Kontratuen Legearen Testu Bateratuaren 138.3 artikuluan xedatuta dago hornidura eta zerbitzuetako kontratu txikien mugak, hau da, 18.000,00 €-rainokoak BEZ BARIK, zuzeneko esleipen bidez gauzatu daitekezala. Xedapen hori eta gastu honen zenbatekoa kontuan izanda, legezkoa da zuzeneko esleipena.

22

Laugarrena: Esleipendunari jakinarazotea udalagaz izango dauzan ahozko eta idatzizko hartu-emonak euskeraz izango dirala eta fakturarik edo bestelako idazkirik aurkeztu behar dauenean euskeraz aurkeztu beharko dauzala. Bosgarrena: 2016ko urtarrilaren 25eko 43. zenbakidun Alkatetza Dekretu bidez, Tokiko Gobernu Batzarraren eta Ekonomiako Zinegotzi Delegatuaren artean honela banandu dira eskumenak gastuen faseak onartzeko: Tokiko Gobernu Batzarrak: AD faseak. Zinegotzi Delegatuek: AD faseak (600,00€ rainoko gastuetan). Kontu Batzordeko Zinegotzi Delegatua: OP faseak (edozein kopurutan). Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Erosketa hau MONTTE enpreseari esleitzea ondorengo ezaugarriekaz: Xedea: artxiborako kutxa montagarri 3000, udalaren irudiagaz. Entrega epea: Berehala. Entrega tokia: Jose Done ikastetxea (Hizkuntza Eskola). Matxitxako bidea z/g. Ordaintzeko epea: Ohikoa. Gastu osoa: 1.766,60€ BEZ barne. Garraio kosturik: Ez. 15.- 2017KO MAIATZAREN 22KO TOKIKO GOBERNU BATZARREKO 17. PUNTUA ZUZENTZEA. 2017ko maiatzaren 22ko Tokiko Gobernu Batzarreko 17. puntua, aho batez, zuzentzea erabagi dabe batzordekideak, eta holan geratuko da:

*17.- SYMANTEC ANTIVIRUSAREN URTEKO MANTENIMENTUA KONTRATATZEA.

Planteatutako gaia

SYMANTEC ANTIVIRUS urteko mantenimentua kontratatzea. Aurrekariak

Lehenengoa: Antolakuntza Sailak kontratu hau bideratzeko espediente hasierako agiria aurkeztu dau. Kontratu hau 2017ko otsailaren 23an amaitu zan eta urte beterako kontratatu beharra dago.

23

Bigarrena: CISTEC enpreseak bere eskaintzea aurkeztu dau. Guztira: 2.119,50€ + %21 BEZ .

Azalpena: Ren. Anual antivirus SYMC ENDPOINT PROTECTION SBE per user hosted and Onpremise sub upfron bill gov band a sb support 12 months. Actualizaciones y soporte incluido valido durante 1 año hasta el 23-02-2018,

Argudioak

Lehenengoa: Kontsignazino nahikoa dago gastu honetarako. RC2017/275 Bigarrena: TGB 2014-02-10/19. erabagiak onartutako kontratu txikietarako prozedurea bete da. Hirugarrena: Azaroaren 14ko 3/2011 Errege Dekretu Legegileak onartu dauan Sektore Publikoko Kontratuen Legearen Testu Bateratuaren 138.3 artikuluan xedatuta dago hornidura eta zerbitzuetako kontratu txikien mugak, hau da, 18.000,00 €-rainokoak BEZ BARIK, zuzeneko esleipen bidez gauzatu daitekezala. Xedapen hori eta gastu honen zenbatekoa kontuan izanda, legezkoa da zuzeneko esleipena. Laugarrena: Esleipendunari jakinarazotea udalagaz izango dauzan ahozko eta idatzizko hartu-emonak euskeraz izango dirala eta fakturarik edo bestelako idazkirik aurkeztu behar dauenean euskeraz aurkeztu beharko dauzala. Bosgarrena: 2016ko urtarrilaren 25eko 43 zenbakidun Alkatetza Dekretu bidez, Tokiko Gobernu Batzarraren eta Ekonomiako Zinegotzi Delegatuaren artean honela banandu dira eskumenak gastuen faseak onartzeko: Tokiko Gobernu Batzarrak: AD faseak. Zinegotzi Delegatuek: AD faseak (600,00€rainoko gastuetan). Kontu Batzordeko Zinegotzi Delegatua: OP faseak (edozein kopurutan). Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Erosketa hau CISTEC enpreseari esleitzea ondorengo ezaugarriekaz: Xedea: SYMANTEC –NORTON- ANTIVIRUS. Urteko mantenimentua Kontratu epea: 2017ko otsailaren 22tik 2018ko otsailaren 21era. Ordaintzeko epea: Ohikoa. Gastu osoa: 2.564,60€ BEZ barne. Garraio kosturik: Ez.

24

16.- ALKATETZEAREN DEKRETUAK.

Alkatetzearen dekretuen barri emon da, Udaleko Tokiko Gobernu Batzarra jakitun geratu daiten.

Preminatasuna guztien oneretxiagaz aitortuta, eguneko gai zerrendatik kanpo, erabagi honeek hartu dira: 17.- ERRIBERAKO KANTINA USTIATZEKO EMAKIDA. Xedea Erriberako kantina ustiatzeko emakida. Aurrekariak Bakarra: 2017ko apirilaren 12an izandako Tokiko Gobernu Batzarrean Erriberako kantina ustiatzeko emakidarako oinarriak onartu ziran eta deialdia zabaldu zan. Argudioak Lehenengoa: Eskaintzak aurkezteko epea amaitu ondoren, eskaera bakar bat aurkeztu da. Bigarrena: Zerbitzu Saileko teknikariak, bere balorazino txostenean honako hau adierazi dau: “Dokumentazioa egokia izanda eta eskaintza bakarra edukita ez da beharrezkoa topatzen puntuaketa egitea.”

Hirugarrena: Txosten berean, Zerbitzu Saileko teknikariak honako hau proposatu dau: “LEHENA: Erriberako kantina ustiatzeko emakida Nubia Ferreira Costa andreari esleitzea, hileroko ordaindu beharreko kanona 251,00 eurokoa izango delarik. BIGARRENA: Esleipendunari jakinaraztea, terraza jartzeko baimena tramitatu beharko duela dagokion udaleko sailaren aurrean.”

Laugarrena: Behin betiko bermea Diruzaintzan jarri da.

25

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Erriberako kantina ustiatzeko emakida Nubia Ferreira Costa andreari esleitzea eta hilero ordaindu beharreko kanona 251,00 eurokoa izango da. BIGARRENA: Esleipendunari jakinarazotea, terraza jartzeko baimena tramitatu egin beharko dauela. HIRUGARRENA: Honen barri Errenta eta Ogasun Sailari emotea esleipendunak jendaurreko zabalkunde gastuak eta hileko kanona ordaindu daizan. 18.- ENPRESA HAZITEGIA ERABILTZEKO ESKABIDEA. Xedea Enpresa hazitegia erabiltzeko eskabidea. Aurrekariak Lehenengoa: Bere enpresa-proiektua gauzatzeko prestakuntza eta aholkularitza Behargintzan jaso dauen Beverly Cruz Comas andreak, enpresa hazitegian jartzeko eskabidea aurkeztu dau 2017ko maiatzaren 9an. Bigarrena: Behargintzako enpresa hazitegiak 3 modulu daukaz. Hirugarrena: Enplegu Planetako teknikariak modulu bitan dagoz lanean eta maiatzaren 31n amaitzen jake kontratua. Bestalde, 3. modulua libre dago. Argudioak Lehenengoa: Beverly andreak zerbitzu juridikoen Sozietate Zibil bat sortu dau beste bazkide bategaz, atzerritarrei zuzendutako zerbitzuetan espezializatua. Bigarrena: Bulego nagusia Bilbon ipini dabe baina gure inguruko atzerritarrei zerbitzua eskaintzeko, Hazitegian jarri gurako leukie. Hirugarrena: Eskatzaileak, Hazitegia erabiltzeko baldintzak betetzen dauz.

26

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Beverly Cruz Comas andrearen eskabidea onartzea. 19.- ESKARIAK ETA ITAUNAK. Batzordekideek ez dabe ezelango eskari eta itaunik aurkeztu. Eta aztertzeko gai gehiago barik, lehendakari andreak amaitutzat emon dau batzarra goiburukoan aitatutako ordu, egun eta leku berean, eta eztabaidatutakoa eta erabagitakoa jasota geratu daiten, nik, idazkariak, agiri hau egin eta izenpetzen dodanak, horren fede emoten dot, lehendakariaren oneretxiagaz. Agiri hau Euskal Autonomia Erkidegoko toki administrazinoko ........(e)tik .......(e)ra arteko zenbakidun paperean jaso da.