garesko udala 20 urtez euskaraz
-
Upload
gares-euskara-zerbitzua -
Category
Documents
-
view
229 -
download
8
description
Transcript of garesko udala 20 urtez euskaraz
Garesko Udala 20 urtez euskaraz
Aurten Garesko Udalak beteko ditu 20 urte euskarazko zerbitzuak ematen. Legeak
dioena hobeki betetzeko Udalak euskara Zerbitzua antolatu zuen. Legeak aitortzen
dituen herritarren eskubide unibertsalak bermatze aldera, munduaren hizkuntza
dibertsitatea mantentzeko eta gurea den hizkuntza minorizatuari laguntza emateko
asmoz aritu da azken urteotan Garesko Udala. Izan ere inguruko herrientzat euskara
zerbitzuaren lana argia izan da euskalduntze bidean. Neurri batean eta hari esker egungo
ibarreko euskaldunen kopurua berreskuratu da XIX.mendearen porzentaiari eutsiz
(%15).
Baina, ezbairik gabe, berreskuratze honetan herritarrek izan dute protagonismo nagusia.
Askatasun osoz hautatuz, D ereduan matrikulazio kopurua Garesko eskolako eredu
nagusia da egun. Beste erronka batzuk egiteko geratzen dira Euskal komunitatearen
etorkizunari so haietariko garrantzitsu bat euskararen erabilera izanik. Ez da erronka
makala. Faktore aunitz daude dantzan, besteak beste, hizkuntza gaitasun mail eta
mantentzea, erabilera esparru falta, pertsona euskaldun eta talde euskaldun ereduen
gabezia, nerabeen eta gazteen artean erabilera bultzatze konplexua, herri txikiek berez
dituzten trabak lagun sareak egiteko unean, baliabide pertsonal eta ekonomikoak
mugatuak, euskara ez egiteko balizko kortesiari buruzko zabalduriko aurreiritziak,
erabilera ohiturak eta euskaldunen komunitatearen prestigio eta identifikazio falta, hots,
euskalduna izateko harrotasuna, etabar..
20. urteurrenaren ospakizunetan Udalak hainbat jarduera xume antolatu nahi ditu.
Hurrengo hilabetetan Euskara Zerbitzuak argazki atari bat zabalduko du interneten.
Bertan 20 urte hauetako euskara arloko irudiak zintzilikatu ahal izanen dira eta
herritarrek ere parte hartzen ahal izanen dute euren argazkiak eta bizipen pertsonalak
jarriz. Abuztuan jazz kontzertu bat antolatuko da, irailean Pirritx eta Porrotxek berriro
eginen digute bisita eta 20 urtetako argazki erakusketa bat paratuko da. Jarduera
guztietan parte hartzera gonbidatuta zaudete.