URTEKO TXOSTENA 2017

Toki xume askotan jende xume askok

gauza xume asko eginez, mundua alda dezake.

2

AURKIBIDEA

Orriak

1- Urteko kanpaina: Garapen eta Sentsibilizazio kanpaina 3

2.- Garapen hezkuntzako beste jarduerak 5

3- Sustatu triptikoa 12

4- Tandanacui Taldeak 12

5-Udako boluntariotza: “Jende Xumea” Taldeak 12

6- Udako boluntariotza: Helduak 15

7-Txosten ekonomikoa 15

7- Garapenerako Lankidetza Proiektuak 15

8- Erantzukizun sozio-korporatiboa 20

9- Eragin politikoa 20

10- Beste GGKEekiko harremanak 20

3

1. URTEKO KANPAINA: GARAPEN ETA SENTSIBILIZAZIO KANPAINA: “Kontsumitzeko gure moduak ahulenei eragiten die. Zure esku dago bidezko kontsumoa egitea”.

Urtero, Proyde-Proegak sentsibilizazio kanpaina bat sustatzen du. Kanpainako orientabidea eta materialak “Salletar GGKEen koordinakundearen” (Proyde, Proyde-Proega, Proide, Edificando, Proideba) eta Sed, Proclade-Yanapay eta Proclade Fundazio GGKEen artean osatutako Prestaketa Taldeak eginak dira. Kanpaina hau, batik bat, tokian tokiko Ordezkaritzetan egiten da, Euskadiko Salletar ikastetxe eta zentroetan txertaturik dauden Ordezkaritzetan, alegia.

Hara gure giza multzoa, ikastetxe eta hezkuntza erakundeetako ikasle eta erabiltzaileen kopuruari buruzko datuak:

IKASTETXEAK UDALERRIAK IKASLE KOPURUAK La Salle Berrozpe Andoain 1302 La Salle San José Beasain 719

La Salle Bilbo 1298 La Salle Donostia 972

La Salle San Luis Donostia 373 La Salle Isasi Eibar 509

Nuestra Señora de Azitain Eibar 345 Irungo La Salle Irun 1252

Begoñako Andra Mari Sestao 730 La Salle San José Zarautz 709 La Salle Legazpi Zumarraga 641

GUZTIRA IKASLEAK 8850 SOZIO-HEKUNTZA

OBRAK UDALERRIAK ERABILTZAILEAK

Elkarbanatuz Bilbao 1727 Asociación Artizar Sestao 74

EGOITZAK La Salle-Unibertsitarioak Donostia 86

GUZTIRA ERABILTZAILEAK 1887 GUZTIRA 10737

La Salle zentroen kokapena:

4

Kanpainan, ikasleekin, irakasleekin eta gurasoekin erabiltzen ditugu aipatutako Prestaketa Taldeak egindako material didaktikoak. Proegak euskarara itzuli eta egokitutakoak.

Ikasturteko kanpainaren goiburu motibagarria hau izan zen: “Kontsumitzeko gure moduak ahulenei eragiten die. Zure esku dago bidezko kontsumoa egitea”.

Aurtengo kanpaina aurreko bi urtetakoen jarraipena izan da: “Janaria ez da bota behar” eta “Utzi zure aztarna pobreziaren aurka”. Oraingoa, kontsumo arduratsuaren aldeko kanpaina izan da. Kontsumitzeko gure ohiturak aztertzera eraman gaitu eta ahulenengan duten eraginari buruz gogoeta egitera.

Gero eta gehiago erosten dugu, eta gero eta prezio merkeagoan; ez dugu, ordea, galdetzen kontsumo neurrigabe horrek zer ondorio dituen gainerako pertsonengan.

Kanpaina honen bidez, gure kontsumo-ohiturek milioika pertsonen bizi-balditzetan duten eragin izugarrian sakondu dugu eta uste genuena baino askoz handiagoa da eragin hori. Izan ere, egiten ditugun gauza guztiak elkarren artean lotuta daude, eta ondorio suntsitzaileak dituzte hainbat pertsonengan eta ekosistemetan. Ezin dugu, ez etikoki ez moralki, beste alde batera begiratu. Gure esku dago bidezko kontsumoa egitea.

2. GARAPEN HEZKUNTZAKO BESTE JARDUERAK

2.1 Eibar. Bakearen inguruko sentsibilizazio kanpaina (2017ko urtarrila)

Urtarrilean zehar burutu zen La Salle-Azitain Ikastetxean bakearen inguruko sentsibilizazio kanpaina. Ekitaldi nagusiko ospakizunean ikastalde guztiek hartu zuten parte keinu sinboliko baten bitartez.

Aurten, ospakizunaren hasieran motibatzeko Tandanacui taldeak dantza xume bat egin zuen, lagunarteko giro alaia sortuz.

2.2. Jende Xumea taldeen topaketa

Donostiako La Sallen egin zen topaketa 2017ko urtarrilaren 4an. Bilbo, Zarautz, Donostia, Eibar eta Andoaingo gure ikastetxeetako Jende Xume taldeek hartu zuten parte. Alde batetik iazko udako proiektuetan parte hartu zuten taldeek eta, bestetik, datorren udan parte hartuko dutenek.

Topaketa hezgarri honen helburua izan zen sektoreko talde ezberdinek elkarrekin topo egitea, burututako proiektuen inguruan partekatzea eta, halaber, joatekoak direnek beraiei dagozkien proiektuen inguruko ilusioak ere partekatzea.

Goizari hasiera eman zitzaion elkarren ezagutzako dinamika batzuekin taldea sortzen hasteko, oinarri garrantzitsua gero egin behar den lana egin ahal izateko.

Aurreko udan Boliviako eta Dominikar Errepublikako proiektuetan parte hartu zuten gazteek beren esperientziak partekatu zituzten aurkezpen orijinal bezain sentikorren bitartez. Hurrengo udan Bolivia eta Argentinako proiektuetan parte hartzekotan zirenek orain arte egindako bidea azaldu zuten eta uda iritsi arteko eta proiektua burutu bitarteko aurreikuspenak.

5

2.3. La Salle Donostia (martxoa eta maiatza, 2017)

Martxoa eta maiatzean zehar jarduera ugariak egin dira Bidezko Kontsumo arduratsuaren inguruan eta Guatemalako “San Marcos departamenduko herri-eskoletan neska eta nerabeen haurduntza goiztiarraren prebentziorako hezkuntza-proposamena” proiektuaren inguruan. Haur gazte eta irakasleekin ekintza ezberdinak egin dira neska eta nerabe hauen egoera ezagutarazteko.

Jarduera hauez gain eta martxoko Proega astearen barruan Bazkari solidarioa antolatu zen eta bizkotxo solidarioa.

6

2.4. Eibar. Lankidetzaren aldeko astea Eibarren

Lehenengoz, martxoaren 8an, Proegako kideok, Elikagaien Bankuarekin batera eta Udaletxeko Gizarte Zerbitzuek zuzenduta, beharrean dauden Eibarko familientzako hileroko elikagaien banaketa egin genuen. Martxoaren 6tik 11ra: Kontsumo arduratsuari eta Bidezko Merkataritzari buruzko astea ospatu zen. Astean zehar, eta Eibarko Udalaren finantzaketari esker, zenbait jarduera burutu ziren Eibarko La Salle Ikastetxe bietan (Isasin eta Azitainen), bi Ikastetxeak, batera, Bidezko Merkataritzaren aldeko Ikastetxeak izatera hel daitezen. Egin ziren ekintza zehatzak honako hauek izan ziren: • Martxoaren 8an, asteazkena: Formazio-tailerra helduentzat: Bidezko Merkataritza eta Kontsumo arduratsuari buruz. Ordua: 17:00-18:00. Non: La Salle-Isasin. • Martxoaren 10ean, ostirala: Formazio-tailerra Aisialdiko monitoreentzat: Bidezko Merkataritza eta Kontsumo arduratsuari buruz. Ordua: 19:00-20:00. Non: La Salle-Azitainen. Parte hartzeko izena proega@lasalle.es helbidean eman zuten. • Martxoaren 11ean, larunbata: goizean zehar jarduera ezberdinak Unzaga Plazan, haurrentzako Aisialdiko jarduerak, Bidezko Merkataritzaren produktuen salmenta, gai honi buruzko informazioa, etab.

2.5 Donostia. Lotu zaitez justiziaren alde.

“Lotu zaitez Justiziaren alde” lemapean, Caritas, Confer, Justizia eta Bakea, Manos Unidas eta Redes erakundeek Otoitz Topaketa bat aurrera eraman zuten Donostiako San Bizente Parrokian maiatzaren 6an. Proyde-Proega Redes-eko kidea izanik prestakuntzan parte hartu zuen Honen bitartez azpimarratu nahi dute pertsona pobretuenekin gaur egun nazioarteko solidaritateak eta lankidetzak duen garrantzia. Horregatik, bultzatu nahi duten nazioarteko lankidetza, bazterketa eta desberdintasuna jasaten duten biktimekiko elkarrekikotasun eta gupidan oinarritzen dena da. Erdigunetzat pertsona pobreenak hartzen dira, horretarako tokian tokiko elkarteei laguntasuna eta senidetasuna eskainiz.

7

2.6. La Salle Bilbo. Lasterketa solidarioa

Maiatzaren 7an III. lasterketa solidarioa egin genuen, auzotik barrena nagusientzat eta ikastetxeko jolastokietan umeentzat. Egun ederra, benetan, eta auzoan ere Proyde-Proega ezagutzeko aukera ona. Ikastetxean bertan ere, kirol-sailaren bitartez, Guraso elkartekoei eta boluntario askori esker motibazio handia izan genuen. 600 pertsonek hartu zuten parte ekintza honetan eta 1 572 euro jaso genituen. Egun berean, bidezko merkataritza salmenta gunea izan genuen eta bokata solidarioak saldu zituzten Jende Xumea taldekoek. Ekintza hau aurrera ateratzeko diru-laguntza batzuk jaso genituen erakunde hauengandik: Gastromía Vasca, EDP,Carrefour, Presley taberna, eta Laboral Kutxa.

2.7. Donostia. Bidezko Merkataritzaren Mundu Eguna.

Bidezko Merkataritzaren Munduko Eguna, maiatzaren bigarren larunbatean ospatzen da, egun berean 50 herrialde baina gehiagotan.

Bidezko Merkataritzaren Munduko Erakundeak sustatzen duen ekimen bat da. Donostian, ospakizuna Donostiako Bidezko Merkataritzaren Taldeak koordinatzen du, ikuspuntu parte-hartzaile eta inklusibo batetik, herritar guztiak bidezko merkataritzara gerturatzera gonbidatzen dituzte, bai bidezko merkataritzako produktuen dastatzetik abiatuz, bai txikienentzat tailer ludikoak antolatuz edo musika emanaldiekin.

8

Proyde-Proega talde honetako kidea izanik prestakuntzan parte hartzen du.

Bi egunetan ekintza ezberdinak antolatu ziren:

1. Maiatzak 10: Bidezko sukaldaritza tailerrera + afaria. Lakariko Leire Epelde eta Izaskun Sagartzazuren lagunen eskutik. 2. Bidezko merkataritzako festa: Bidezko merkataritzako azoka eta dastatzea.

2.8. Zumarraga. Antzerki solidarioa (2017ko maiatzak 19)

Antzerki solidarioak eman zion amaiera maiatzaren 19an, Zumarragako Kultur Asteari. Proyde-Proegarentzat diru-funtsak jasotzeko asmoz DBH 1. eta 4.goko ikasleek “Sister Act” (“Kontuz hartzeko moja”) antzerkiaren egokitzapen bar antzeztu zuten, Whoopi Goldberg-ek antzeztu zuen komedia ezaguna bera, gero musikala ere izan zena. Zelai Arizti Aretoa izan zen gazteen Broadway, publikoaren txaloak irabaziz.

2.9. Mundu zabala, errealitate anitz, Donostia (2017 ekainak 9)

Proyde-Proegak parte hartu zuen Euskadiko GGKEen Koordinakundeak kudeatutako “Mundu zabala, errealitate anitz” jardunaldiaren antolaketan.

Euskadiko Garapenerako GKEen Koordinakundeak –nazioarteko lankidetzan jarduten duten 80 euskal GKEk osatua– kaleko zinema-ekitaldi bat antolatu zuen ekainaren 9an, ostiralean, Donostiako Zuloaga Plazan.

Ilargi azpian: Mundu zabala, errealitate anitz izenburupean, gai sozialei eta solidarioei buruzko 16 film labur proiektatu ziren, planetako pertsona zaurgarrienen arazo sozialaren eta Donostian hain errotuta dagoen zinema-artearen arteko fusioa proposatuz.

Saioa hasi zen Oihulari Klown taldeak eskaini zuen animazio antzeztu eta dibertigarri batekin. Eguzkia ezkutatu ondoren eta plazako argiak erabat itzali zirenean, proiekzioei ekin zitzaien. Aurkezpena Aizpea Goenaga eta Telmo Irureta aktoreek egin zuten.

2.10. Irun. Bakearen eguna (2017ko irailak 30)

Irungo udaleko Gizarte Ongizate, Hezkuntza eta Gazteria Arloak urriaren 30 larunbatean antolatu zuen Bakearen Eguna, hamahirugarren aldiz, Zabaltza Plazan aurrekoetan bezala. 17:00etatik 20:00etara izan zen. Festa-giroan ospatu zen eta Irunen lanean dihardugun GGKEak ezagutzera eman genuen egiten dugun lana. Guztia euskal dantzekin girotuz aurrena, eta ondoren Afrikako dantzen musikarekin. Proegaren aldetik ezagutzera eman genuen Irunen Garapenerako Hezkuntzari buruz egiten duguna eta aurrera daramatzagun proiektuak Irungo udalari eta herritarrei esker.

9

2.11. Hondarribia elkarlanean, Hondarribia (2017ko urriak 1)

Urriaren 1ean "Hondarribia elkarlanean 2017" jardunaldian parte hartu zuen Proyde-Proegak. Butron Pasealekuan egin zen, Txingudi badiara begira. Asmoa, Bidasoa eskualdean gizarte eta lankidetza mailan dihardugun erakundeek, lankidetza eta boluntariotza arloetan eskaintzen ditugun ahalbideen berri ematea izan zen.

Proyde Proegak argazki erakusketa baten bidez hartu zuen parte, azkenengo urte hauetan Hondarribiko udalaren diru-laguntzei esker egindako lana azalduz. Eta partekatu genuen lankidetza proiektuetan eta boluntariotzan dugun esperientzia.

Eta gainera, aukera eskaini genien jolas kooperatiboetan parte hartzeko guregana hurbiltzen ziren haurrei eta helduei ere.

2.12. XVI. Boluntarioen Eguna, Beasain (2017ko urriak 7)

Joan zen urriaren 7an Proegak parte hartu zuen Beasaingo XVI. Boluntarioen Egunean, Beasain inguruan diharduten beste erakundeekin batera. Gure GGKEak jolas kooperatiboetan parte hartzeko aukera eskaini zuen. Jolas hauen animatzaile Beasaingo La Salle Ikastetxeko aisialdiko Izartxo taldeko begiraleak izan ziren.

10

2.13. Azoka solidarioa Zarautzen (2017ko urriak 7)

Proegak parte hartzen du Zarauzko Solidaritate Koordinadoran. Koordinadorak joan zen urriaren 7an Ekonomia Alternatibo eta Solidarioaren Zarauzko III. Azoka antolatu zuen. Eta Zarauzko Proegako boluntarioak Bidezko Merkataritzako produktuak salgai jartzeaz arduratu ziren.

2.14. Fratelli proiektua: argazkien erakusketa eta hitzaldiak

Urrian pobreziaren astean eta Zarauzko Solidaritate Koordinadorarekin adostuta, Zarauzko merkatu plazako lehenengo solairuan bai argazkien erakusketa eta baita rollupen erakusketa jarrita egon da urriaren 16tik 24ra bitartean.

Urriaren 24tik 26ra arte Libanoko Fratelli proiektuko Arduraduna den Andres Porras La Salleko Anaia etorri zen Errefuxiatuen egoeraren eta beraien lanaren inguruan hitz egitera.

Bere bisita aprobetxatuz bi motatako hitzaldiak antolatu genituen:

1.- Zarautz, Donostia eta Bilboko ikastetxeetan LH 3. mailatik hasita batxilergora arte, maila guztietako ikasleentzako hitzaldiak antolatu genituen. Harrera oso onarekin ikasle eta irakasleen aldetik.

2.- Hitzaldiak: Urriaren 23an, Andoainen, La Salle Berrozpen; Urriaren 24an, Zarautzen. Etxezabalan; Urriaren 25ean, Bilbon. Barrian; Urriaren 26an, Donostian. Iesu Parrokian.

11

2.15. Bilbon: Kontzertu solidarioa (2017ko azaroak 25)

Azaroaren 25an, Fair Saturday dela eta, Areetxo Ganbara abesbatzak kontzertu solidario bat eskaini zigun Proegako Fratelli proiekturako. Deustuko San Pedro elizan antolatu genuen auzoko familia elkartekoen laguntzaz ere, eta 1400 euro baino gehiago lortu genituen. Proiektuari buruzko erakusketa (Zarauztik ekarria) jarri genuen bai ikastetxean, aurreko egunetan, bai elizaren aurrean kontzertu egunean eta ikastetxeko ikasle boluntario batzuk informazioa eskaini zuten hari buruz.

12

2.16. Zarautz. Jai solidarioa (2017eko abenduak 16)

Urteroko ohiturari jarraituz abenduaren 16an Jai solidarioa ospatu zuten Zarauzko La Sallen. Bi ordu iraun zuen topaketan aukera izan zuten parte-hartzaileek txistorra jan, zerbait edan, Tandanacui-koen bitxien denda bisitatu, gabon kantak entzun eta eskulan tailer ezberdinetan parte hartzeko.

Gainera, Gabonetako gozokien bilketa ere egin zuten (turroiak, mazapanak, bonboiak...), ez dutenek ere izan ditzaten horrelako gozokiak.

Beste aldetik, eta Emaus Fundazioarekin koordinatuz, DBHko 3. mailako ikasleek larunbat honetan eman zuten bukatutzat aurreko astean zehar egindako arropa-bilketa. Erabilgarri den arropa salgai jarriko da Emausen bigarren eskuko dendetan eta gainontzekoa trapu moduan birziklatuko da.

3. SUSTATU TRIPTIKOA

Martxoan argitaratu zen Sustatu triptikoaren 22. zk, euskaraz eta gaztelaniaz. Ale gutxi inprimatu ditugu, hizkuntza bakoitzean, 150. Izan ere, bidalketa Gipuzkoa eta Bizkaiko La Salle Ikastetxeetako familiei eta Fundazioaren boluntario, lankide eta partaideei web orriaren bitartez egin da.

Triptikoan finantzatutako proiektuen taula ageri da eta urteko ekonomi txostena. Zenbait garapen-proiektuen informazioa ematen da eta udako boluntariotza-proiektuena ere, nola “Jende Xume” gazte taldeena hala pertsona helduena. 2015-2016ko sentsibilizazio kanpainaren berri ematen da eta “Lotu zaitez justiziaren alde” kanpainarena ere. Gainera, bazkide edo ongile izateko bolante bat ere badakar.

Triptikoa urteko txostenaren (memoriaren) laburpen txiki bat da. Bere xedea da gure GGKEaren bitartez egiten diren Garapenerako Lankidetza proiektu eta jarduerak ezagutzera ematea La Salle Ikastetxeetako ikasleen familiei eta Proyde-Proega Fundazioaren partaide eta adiskideei, eta horrela herrialde pobretuez sentsibilizatzea.

4. TANDANACUI TALDEAK

La Salle Ikastetxeetako 14-20 urte bitarteko gazteek osatzen dituzte talde hauek. Bi astean behin edo elkartzen dira Garapenerako Lankidetzaren inguruko gaien gainean gogoeta egin eta jarduera ugariak burutzeko. Hezkuntza elkarteen sentsibilizazioan jarduten dute, horretarako kanpaina solidarioetan parte hartuz, informazio panelak jarriz eta ekitaldi solidarioak burutuz, hala nola, merkatu solidarioa, bidezko merkataritzako produktuen salmenta, bizkotxo solidarioaren eguna edo Elikagaien Bankuan lagunduz.

Tandanacui taldeak jardunean dira Donostiako La Sallen eta San Luis La Sallen, Eibarren, Bilbon, Sestaon eta Zarautzen.

13

5. UDAKO BOLUNTARIOTZA: “JENDE XUMEA” TALDEAK

2017ko udan Gipuzkoako Jende Xume bi gazte talde izan ziren lau aste luzetan, bata Bolivian eta bigarrena Argentinan. Guztira 20 lagun –15 gazte eta 5 laguntzaile–.

Donostiako boluntario taldea, 8 gaztez osatua, euren 3 laguntzaileekin (Egoi San Jose, Gaizka Olasagasti eta Jaione Gutiérrez), Cordobako Malvinas Argentinas-en (Argentina) izan ziren, La Salleko Anaien elkartean eta eskolan; eta Eibar-Zarauzko 7 gaztez osatutako taldea, euren bi laguntzaileekin (Maite Pardina eta Santi Barrenetxea), Santa Cruz de la Sierra-n (Bolivia), Umezurtzen Zentroko Anaien elkartean.

Toki bietan aurrera eraman zituzten jarduerak, batik bat, hezkuntza izaerakoak izan ziren neska-mutilekin eta gazteekin. Malvinas-en Hector Valdivieso Salletar eskolan, ikasgelako jardueretan nahiz aisialdian, baita auzoko gazteekin ere. Santa Cruz-en berriz, Umezurtzen Zentroko nerabeekin partekatu zituzten ordu asko: ikasketetan lagundu zieten, inprimategiko lanetako momentuetan eta aisialdiko uneetan. Beren lankidetza ere eskaini zuten “Plataforma Solidaria” izeneko proiektuan errekurtso gabeko neska-mutilen aldeko jardueretan. Proiektu hau hiriko kanpo aldeko eraztunetako batean dago kokaturik.

Boluntario gazteak hunkiturik itzuli ziren ikusi eta bizi izandakoagatik, marjinaziozko egoeretara izan zuten hurbilketengatik eta haien aldetik jasotako begikotasun eta gertutasunagatik. Bizi izandako esperientziak beraien bizimodua birplanteatzera eraman ditu, konprometiturik jarraitzera, adibidez, aisialdiko programetan eta pobrezian bizi direnekiko solidaritate eginkorra gehitzera.

6. UDAKO BOLUNTARIOTZA: HELDUAK

Aurreko udan 9 boluntario helduk hartu zuten parte, hirunaka, hiru proiektuetan: Akwaba Etxean, Abidjan (Boli Kosta), Jujuy-n (Argentina, iparraldea) eta Trinidad-Benin (Bolivia).

Haien ekarpen esanguratsuena euren presentziarekin loturik dago, neska-mutilekin egotearekin edota gazteekin, eskolan nahiz aisialdian eta beraien hezitzaileekin, edota beste zenbait pertsona helduekin.

Zenbait tokitan bizipen xumeak bezain sakonak partekatu dituzte bertako kristau elkarte herritarrekin. Bestetan aldizkako topaketak izan dituzte kartzelako presoekin eta adin txikiko zentroko gazteekin. Beti onartuak eta errekonozituak sentitu dira. Adierazi dute bertako jendea ere baloratua sentitzen dela beraien presentziarekin: Beren oporraldietan datoz gurekin egon eta gurekin eta guretzat lan egitera!

14

Boluntarioek antzematen dute, momentu honetan beren bizitzetan badagoela proiektuaren aurrekoa, han bizitakoa eta ondorengoa. Balioztatzen dute pobreziaren eta zaurgarritasun munduarekin izandako topaketa, toki haietako jendearen bizimodu eta balioak. Aberasturik ikusi dute beren buruak eta beste era batera bizitzera bultzaturik sentitzen dira, xumeago eta solidaritate handiagoz bizitzera.

Hara hemen proiektuen eta parte-hartzaileen zerrenda:

1. ARGENTINA. Jujuy

(Iraupena: 5 aste, uztaila-abuztua)

Agustin Lucas Irungo La Salle David Zabaleta Zaragoza La Salle Montemolín Iñaki Meana Donostia-San Sebastián

2. BOLIVIA. Trinidad-Beni. La Salle Ikastetxea

(Iraupena: 5 aste, uztaila-abuztua)

Nerea Berciartua Zarautz La Salle Rocío Jiménez Errenteria Víctor Jalón Corera (La Rioja)

3. BOLI KOSTA. Abidjan. Akwaba Harrera-etxea

(Iraupena: 4 aste, uztaila)

Xabier Matarranz Beasain La Salle Úrsula Roy Zaragoza La Salle Montemolín Francho Blasco Zaragoza Gran Vía

15

7. TXOSTEN EKONOMIKOA

FUNTSEN BANAKETA

JATORRIAREN ARABERA ERREKURTSO PROPIOEN JATORRIA

GASTUEN BANAKETA FINANTZATUTAKO PROIEKTUEN

BANAKETA GEOGRAFIKOA

16

8. GARAPENERAKO LANKIDETZA PROIEKTUAK

Hara, 2017 urtean Proyde-Proega Fundazioak aurrera eraman dituen lankidetza-proiektuak. Askok diru-laguntza publikoak jaso dituzte, besteak diru-laguntza pribatuekin eta Proyde-Proega Fundazioaren beraren funtsekin finantzatu dira.

IZENBURUA

HERRIALDEA

Diru-laguntza eman duen Erakundea

Jasotako laguntza

Proyde-Proegaren ekarpena

GUZTIRA

1. Sofala eskualdeko lehortearen ondorioak arintzeko larrialdi-laguntza

Mozambike

Lankidetzaren Euskal Agentzia

177.192,73

4.000,00 244.529,20 Beasaingo Udala 15.000,00

Gipuzkoako Aldundia

48.336,47

2. Kerengo Anaien elkartearen birgaitzea Eritrea

211.199,77 211.199,77

3. Bigarren Hezkuntzako Ikastetxearen eraikuntza Malvinas Argentinas - Cordoban

Argentina Eibarko Udala 64.000,00 74.900,00

4. Populazio siriar eta irakiar errefuxiatuaren gizarteratzea eta oinarrizko zerbitzuen sarbidea sustatzea. Fratelli Proiektua

Libano Zarauzko Udala 9.988,77

33.387,27 54.099,80 Zumarragako Udala 10.723,76

5. Batxilergoko eraikinaren eraikuntza Akassatoko ikastetxean

Benin

Andoaingo Udala 12.000,00

31.474,40

Ausolan Koop. 12.550,00 Hondarribiko Udala 5.500,00 Zumarragako Udala 1.424,40

6. Neska-mutilen oinarrizko hezkuntzarako eskola, Muhanga-n

Ruanda Imaz Fundazioa 24.000,00

25.000,00

Orona Fundazioa 1.000,00

7. Populazio baztertuetako La Salle ikastetxeetako ikasleen sarbidea alfabetizazio zientifikoan

Argentina eta Paraguai

Eibarko Udala 16.700,00 4.300,00 21.000,00

8. Kaleko haurrentzako Akwaba Etxea Boli Kosta

19.000,00 19.000,00 9. Togo iparraldeko haurrentzako hezkuntza- programa

Togo Irungo Udala 9.550,00 5.000,00 14.550,00

10. Fratelli Proiektua. Ekintza humanitarioa Libano Donostiako Udala 12.338,00

12.338,00 11. Pildestiko Lanbide Eskola Errumania

5.000,00 5.000,00

12. Pozo Colorado-ko San Isidro Labrador-eko Eskola-Barnetegiko instalazio elektrikoen hobekuntza

Paraguai Zarauzko Udala 3.073,57

3.073,57

13. Babes-laguntzak 2017, Badenya Burkina Faso

1.500,00 1.500,00

14. Garapenerako Hezkuntza: Bidezko Merkataritzaren aldeko Ikastetxeak, Eibar

Eibar Eibarko Udala 6.000,00 1.922,20 7.922,20

15.Garapenertako Hezkuntza: Errefuxiatuen egoera: Fratelli Proiektua Libanon

Zarautz Zarauzko Udala 4.170,53 2.524,38 6.694,91

GUZTIRA 433.548,23 298.733,62 732.281,85

17

Hara hemen proiektu batzuen aipamen laburra:

1. Sofala eskualdeko lehortearen ondorioak arintzeko larrialdi-laguntza (Mozambike)

2017. urtearen hasierako El Niño gertaera naturalak gogor astindu zituen Hego Afrikako hainbat herrialde, Mozambike barne. Baldintza klimatikoak ez-ohikoak izan ziren, eta, bi urte baino gehiagoko lehorte luzearen ondoren, lurraldea gogor astindu zuten euriteak gertatu ziren aldian-aldian. Uholdeek laboreak kaltetu egin zituzten eta elikagaiak ekoizteko eta erosteko zailtasun handiak sortu. Herrialdeko iparraldeko eta erdialdeko biztanle askok elikagai-segurtasuna galdu zuten, eta, kasu askotan, baita etxebizitza prekarioa ere. Egoera hori pairatu zuten Buziko departamentuan, Sofala probintzian bizi diren 60.000ren bat lagunek.

Krisiaren ondorioz, Mozambikeko gobernuak, laguntzeko borondatea agertu arren, oso gutxi egin zezakeen landa-komunitateen alde, hau da, Buziko departamenduko biztanleriaren % 90aren alde. Biztanle horiek jatekoa izateko euren lursailetan ereindako nekazaritzako produktuen uzta jasotzeko abuztura arte itxaron beharko zuten.

Larrialdi proiektu honek biztanle horien oinarrizko elikagaien beharrari erantzun nahi izan dio 6 hilabetez, 2017ko martxotik irailera arte. 2.000ren bat pertsonei eskaini zaie arreta zuzena, eta premiazko elikagaiak helarazi. Proiektuaren lehentasuna inguru hartako biztanleria zaurgarrienari laguntzea izan da: adineko pertsonak, haurrak, gaixoak, haurdun zeuden edo bularra ematen ari ziren emakumeak, elikadura-urritasun larria zutenak.

2. Kerengo Anaien elkartearen birgaitzea, Eritrean

Joan zen urtean Proegan herentzia bat jaso genuen Anai Pedro Arrambidek hildakoarekin lankidetza arloan izan zituen harremanei esker. Eritrean erabiltzekoa izanik hildakoaren borondatea, Anai Pedrok han sustatutako proiektuen jarraipen gisa. Erromako Solidarietà salletar gobernuz kanpoko erakundearekin harremanetan jarri eta proiektu honetara izan da bidalia herentzia honetako dirua.

3. Bigarren Hezkuntzako Ikastetxearen eraikuntza Malvinas Argentinas - Cordoban, Argentina

2002 urtean hasi zen Salletar Anaien presentzia eta zeregina Cordobako Probintziako Malvinas Argentinas herrian (Argentina). Xedetzat beti izan dute gizarteko sektore zaurgarrienei kalitatezko hezkuntzaren aukera eskaintzea, pedagogia kritikoa eta herri-hezkuntza kontuan izanik. Horrela, ez dira norbanakoen formazioaz bakarrik arduratzen, baita komunitatearen barnean gizarte-loturak berreraikitzeaz ere.

Proiektu honen asmoa da, aipatutako lan-ildoari jarraituz, bigarren mailako hezkuntzarako eraikin bat jasotzea elektromekanika eta elikagai-industriako espezialitateak eskainiko dituena, kontuan hartuz eskualdeko lan-aukerak.

Bigarren mailako ikastetxe honek herriko gazteei pobreziari iraupena ematen dion zikloa hautsiko duen bizitza alternatiboa eskainiko diela espero da. Halaber, hezkuntza-proposamenak

18

pertenentzia-sentimendua areagotuko du gazteengan, horrela saihestuz zenbait sustantzien kontsumo problematikora jotzea eta delituzko taldetan parte hartzea.

Era berean, epe luzean Malvinas Argentinaseko komunitatearen garapenean lagungarri izango dela espero da eta arreta berezia izatea emakumeen parte hartzeari hezkuntza ziklo honetan.

4. Populazio siriar eta irakiar errefuxiatuaren gizarteratzea eta oinarrizko zerbitzuen sarbidea sustatzea, Libanon. Fratelli Proiektua

Salletar eta Maristen kongregazioek 2016. urtean jarri zuten abian gizarte-hezkuntzazko proiektu hau Libanon, gerratik ihes egin eta arrisku larrietan aurkitzen ziren siriar eta irakiar haur, gazte eta emakume errefuxiatuen alde.

Bi tokitan garatzen da proiektua: batetik, komunitate siriarra dagoen lekuan, eta, bestetik, komunitate irakiarra aurkitzen den lekuan. Siriarrak Libanoko hegoaldeko eskualdean daude kokatuta, Rmeileh-n. Komunitate irakiarreko kide gehienak, bestalde, Beirut hiriburutik iparraldera dauden auzoetan kokatu dira. Fratelli Proiektuak Bourj Hammoud auzoan garatzen ditu bere jarduerak.

Proiektuaren helburu nagusia, biztanle errefuxiatuen eta lekualdatuen premia ugariei erantzutea izan da. Alde batetik, haur errefuxiatuen egoera hobetzea eta programa egoki baten bidez haurrei laguntzea Libanoko eskoletan sar daitezen. Bestetik, emakume errefuxiatuei laguntza, babesa eta prestakuntza eskaintzea, haien egokiera ekonomikoak eta sozialak hobeagotu daitezen. Baita pertsona errefuxiatuen arazoari buruz Libanoko gizartea sentiberatzeko ekintzak aurrera eramatea ere, haien integrazioa eta gizarteratzea errazteko; konkretuki herrialdeko ikastetxe ezberdinetan (salletar, marista eta publikoetan) egiten da.

Proegak sentsibilizazio kanpainak egin ditu Euskal Herriko La Salle ikastetxeetan eta proiektua erakunde publiko ezberdinetan aurkeztu du.

5. Batxilergoko eraikinaren eraikuntza Akassatoko ikastetxean, Benin

Proiektu hau Hezkuntza Garapen Programa baten baitan kokatzen da. Programa honek erantzun nahi die Beningo hegoaldean, Cotonou hiriko kanpo-aldean, Akassato auzoko haur eta gazteen beharrei. Horretarako Programak Ikastetxe bat eraikitzea proposatzen du, non Guztientzako Kalitatezko Hezkuntza eskainiko den, emakumeen parte hartzea bermatuz.

Proiektu honek bultzatu nahi du, Batxilergoko Lizeorako eraikinaren beheko solairua eraikiz, emakumeen parte hartzea hezkuntza maila honetan (genero ikuspegia), eta horrela goi-mailako ikasketetarako bidea ere erraztu egingo du. Beraz, proiektu honetako jarduerek gaitasun handiagoak eragingo ditu populazioan, bereziki emakumeengan, unibertsitateko ateak irekiz ikasketa-adar ezberdinak egin ahal izan ditzaten.

19

6. Neska-mutilen oinarrizko hezkuntzarako eskola, Muhanga-n

Ruandako Muhanga herriko Kamazu auzoan neska-mutilek kalitatezko lehen hezkuntza eduki dezaten, Imaz eta Orona Fundazioen laguntzari esker, aurreko urtean hasitako Guadalupeko Andre Mariaren Lehen Hezkuntzako Eskolaren eraikuntza bukatu ahal izan dute La Salleko Ahizpa Guadalupearrak.

7. Populazioa baztertuetako La Salle ikastetxeetako ikasleen sarbidea alfabetizazio zientifikoan (Argentina eta Paraguai)

La Salle Fundazioak Argentina eta Paraguaiko bere hezkuntza zentroetan bazterketa sozialaren arriskuan aurkitzen diren gazte zaurgarrien sustapen integralerako bultzatzen duen programa bati lagundu nahi dio, joan zen urtean abian jarri zen proiektu honek.

Proiektuari esker, herrialde hauetako populazio baztertuetako 5 eskoletako Natur Zientzietako (Biologia eta Kimika) laborategien ekipamendu eta hornikuntza bukatzen ari da eta, gainera, eskola horietako Zuzendaritza-kideen eta irakasleen natur zientzien arloko formazioa garatzen.

Bestaldetik, eskola hauetako neska-mutil eta nerabeekin irteera pedagogiko - didaktikoak egiten jarraitzen dute beraien gizarte eta kultur altxorra handitzeko.

8. Kaleko haurrentzako “Akwaba” Etxea. Abidjan (Boli Kosta)

Proyde-Proega Fundazioak Akwaba Harrera-etxearen funtzionamendua sostengatzen jarraitzen du. Bere funtsekin eta erakunde pribatuen ekarpenekin Harrera-etxearen funtzionamendu gastuen zati bat bere gain hartzen du eta azpiegituren hobekuntzan ere laguntzen du zentroak zerbitzu hobea eskain dezan.

Akwaba Etxeak kalean jasotako mutilei eta auzoan eskolatu gabe dauden neska-mutilei, gizarte baztertze arriskuan direnei, aholku eraginkorra, eskolatze egokia eta bizi-egitasmoa eskaintzen die, gizarteratzea eta familian integratzea ahalbideratuz. Hiru-lau urtez egon ohi dira egoitzan. Urte horietan familiara berriro itzultzea prestatzen da. Akwaba Harrera-etxeak sare moduan lan egiten jarraitzen du Abidjaneko haurren alde diharduten beste erakundeekin, arrisku egoeren prebentzioan.

9. Togo iparraldeko haurrentzako hezkuntza-programa

20

Proiektu honi jarraipena eman zaio Irungo udalaren finantzaketari esker. Proiektu honek arazo garrantzitsu bati aurre egin nahi dio: Sabanak Eskualdeko (Les Savannes) hezkuntza-errekurtsoen eskasiari, bereziki, eskola instalazioen faltari. Oraingo honetan gure jarduerak bere gain hartuko du:

Cinkassé-ko eskolan 4 ikasgela bere komunekin eraikitzea, eta ikasgela berri hauek altzariekin eta oinarrizko ekipamenduekin hornitzea.

Eskola hau 2003an sortu zen eta urtero ikasleen kopurua handitzen joan da eta, ondorioz, ikastaldeak handiegiak egin dira (90 ingurukoak), ikasgelak txiki geldituz eta maisuentzat eskola-lana zailegia bihurtuz. 2016-2017 ikasturtean eskolak 8 gela zituen 730 ikasleentzat. Behar-beharrezkoa da ikasgelen kopurua 12ra iristea euren oinarrizko altzariekin. Ezinbestekoa da hiru komun duin egitea ere.

9. ERANTZUKIZUN SOZIO-KORPORATIBOA (ESK)

Proyde-Proega Fundazioak garapen global solidarioak eskatzen duen lankidetza ekonomikorako ildo serio eta eraginkorra eskaintzen die enpresa eta erakundeei. Proiektuak finantzatzeak egiazko globalizazioa burutzen lagundu egiten du, garapen solidarioaren bitartez.

Proyde-Proegari laguntzen jarraitzen dioten enpresa gehienek anonimatuan segitzea eskatzen dute.

10. ERAGIN POLITIKOA

Azken urte honetan esku hartu dugu gutxi garatutako lurraldeen pobrezia eragiten duten egiturak aldatzeko egiten diren ekitaldietan, bai Euskadin bai Estatu mailan. Lan hau partaide garen koordinakundeetako batzordeen bitartez egin ohi dugu. Azpimarratzekoa Proyde-Proegaren partaidetza Euskadiko GGKEn Koordinakundeak antolatzen duen Jardunaldian: “Mundu zabala, errealitate anitz” programan.

2017an “Janaria ez da bota behar” kanpainan hasitako ikastetxeetako elikagaien hondakinen neurketarekin jarraitu dugu Gipuzkoako La Salle Ikastetxeetan eta Mariaren Lagundikoetan. Lankidetza-akordio bat sinatu dugu Madrileko Unibertsitate Politeknikoko Elikagai Katedrarekin, beraiek ere helburu berdineko ikerketa bat abian baitzuten. Lankidetzazko akordio honen baitan Proyde-Proega Fundazioak bere gain hartu du, Ausolanekin lankidetzan, datuak jasotzearen koordinazioa.

“Lotu zaitez justiziaren alde” taldean integratutako “Planeta zaindu pobreziaren aurka egiteko” REDESen kanpainan parte hartu dugu. Gipuzkoako lan-taldea koordinatu dugu.

11. BESTE GGKE-KIKO HARREMANAK

Proyde-Proega Fundazioak solidaritate-sare hauetan hartzen du parte:

ARLEPeko (Espainia eta Portugal) salletar GGKEen koordinaziorako batzordean.

RELEMeko (Europa, Ekialde Hurbila eta Egipto-Sudan) salletar GGKEen koordinaziorako batzordean.

Euskadiko GGKEen Koordinakundean.

21

REDES sarearen Koordinakundean (Garapen Solidariorako Erakundeen Sara), bereziki Gipuzkoan.

Lankidetza eta Garapenerako udal plataformetan (Donostia - Eibar - Zarautz).

Euskadiko Pobrezia Zero.

Donostiako Bidezko Merkataritzaren Koordinakundean.

Lankidetza-hitzarmenak eginak ditugu zenbait asoziazio eta GGKEekin (Proyde, Elkarbanatuz, Caritas Gipuzkoa).