PLAN GENERAL DE ORDENACIÓN URBANA HIRIA ANTOLATZEKO … · jarduera horiek era antolatu, orekatu...

PLAN GENERAL DE ORDENACIÓN URBANA

HIRIA ANTOLATZEKO PLAN OROKORRA

AVANCE DEL PLAN GENERAL

PLAN OROKORRAREN AURRERAPENA

JULIO 2010 EKAINAK

ARRIGORRIAGAKO

UDALA

AYUNTAMIENTO DE

ARRIGORRIAGA

PLAN GENERAL DE ORDENACIÓN URBANA

HIRIA ANTOLATZEKO PLAN OROKORRA

AVANCE DEL PLAN GENERAL

PLAN OROKORRAREN AURRERAPENA

TXOSTENA

ARRIGORRIAGAKO HIRI ANTOLAMENDURAKO PLAN OROKORRA PLANGINTZAREN AURRERAPENA

IRIZPIDEAK ETA HELBURUAK:.................................................................................................................... 2 OROKORRAK.................................................................................................................................................... 2 SOZIO-EKONOMIKOAK.................................................................................................................................. 2

DemografIa ete Etxebizitza ............................................................................................................................. 2 Jarduera ekonomikoa ...................................................................................................................................... 3

HIRI EGITURA .................................................................................................................................................. 3 Plangintza eta antolamendu eredua ................................................................................................................ 3 Lurzoruaren sailkapena................................................................................................................................... 3 Irisgarritasuna eta mugikortasuna.................................................................................................................. 4

HIRIGINTZAREN KUDEAKETA ETA KONTROLA..................................................................................... 4 Ekimen publikoa .............................................................................................................................................. 4 Herritarren partaidetza ................................................................................................................................... 5 Ordenantzen kudeaketa independentea ........................................................................................................... 5

LURRALDE EGITURAN PROPOSATUTAKO EREDUA ............................................................................. 6 AZPIEGITURAK ETA EKIPAMENDUAK ...................................................................................................... 6

Udalaz gaineko azpiegiturak ........................................................................................................................... 6 Udal sareak ..................................................................................................................................................... 6 Ekipamendu komunitarioak............................................................................................................................. 7

ETXEBIZITZAK ................................................................................................................................................ 7 JARDUERA EKONOMIKOAK......................................................................................................................... 8

IndustrialA....................................................................................................................................................... 8 Zerbitzuen sektorea ......................................................................................................................................... 9 Lehen sektorea................................................................................................................................................. 9

INGURUMENA.................................................................................................................................................. 9 ONDARE HISTORIKO, ARTISTIKO ETA KULTURALA............................................................................. 9

PROPOSAMENAK ETA ALTERNATIBAK .................................................................................................. 10 KOMUNIKAZIO AZPIEGITURAK ................................................................................................................ 10 UR-HORNIDURARAKO AZPIEGITURAK................................................................................................... 15 ETXEBIZITZAK .............................................................................................................................................. 16

Hiri lurzorua.................................................................................................................................................. 18 Lurzoru urbanizagarria................................................................................................................................. 18

JARDUERA EKONOMIKOAK....................................................................................................................... 23 Etxebizitzetarako hiri-lurzoruko jarduerak ................................................................................................... 23 Lurzoru industrialeko jarduerak ................................................................................................................... 23 Lurzoru urbanizaezineko jarduerak .............................................................................................................. 25

LURZORUAREN SAILKAPENA ................................................................................................................... 28 Udal mugartea............................................................................................................................................... 28

HIRI LURZORUA............................................................................................................................................ 28 LURZORU URBANIZAGARRIA ................................................................................................................... 29 LURZORU URBANIZAEZINA....................................................................................................................... 30

Landa guneak ................................................................................................................................................ 30 Antolamendurako kategoriak ........................................................................................................................ 31

EKIPAMENDUA ETA ESPAZIO LIBREAK ................................................................................................. 33 Ekipamenduak ............................................................................................................................................... 33 Espazio libreak .............................................................................................................................................. 37

1


IRIZPIDEAK ETA HELBURUAK:

OROKORRAK

Garapen iraunkorra

Etorkizuneko belaunaldiek euren premiei aurre egiteko duten gaitasuna arriskuan jarri gabe oraingo premiak estali ditzakeen garapen‐eredua da.

Garapen orekatua

Lurraldearen oreka erreferentzia‐esparrutzat hartu da, sektore ekonomikoen garapenerako beharrezkoak diren espazioak kontuan hartzen dituen hiri eredua edo sistema ezartzeko. Horrela, jarduera ekonomikoaren eta biztanle egoiliarren pisua berrorekatu ahal izango da, gune espezializaturik ez sortzeko eta euren arteko lekualdaketak gutxitzeko.

Helburu horiek lortzeko, plangintzak honako hauxe lortu beharko du:

• Lehendik zegoen hiri‐lurzorua ahalik eta gehien ustiatzea.

• Hiri‐lurzorua ez hedatzea, eremu naturala desargertu ez dadin.

• Etxebizitzetako ekipamenduak eta guneak elkartzea, energia aurrezteko eta kutsadura murrizteko.

• Oinezkoen barne‐mugikortasuna sustatzea eta, horretarako, oinezko eta bizikletentzako sareak jartzea espazio publiko, etxebizitza‐gune eta jarduera ekonomikoen artean.

SOZIO‐EKONOMIKOAK

DEMOGRAFIA ETE ETXEBIZITZA

Arrigorriagako udalerriko biztanle eta etxebizitzen kopuruari buruzko azterketa egin ondoren eta Bilbo Metropolitarraren Lurralde Plan Partzialean (LPPn) xedatutakoarekin bat datorrela ikusi ondoren, hazkuntza demografikoari buruzko hipotesiaren arabera ezarri dira etxebizitza‐premiak.

Gaur egungo arau subsidiarioak garatzeko erabilitako aurreikuspenetan, biztanle‐kopurua 13.926 lagunekoa izango zela adierazten zen.

Lehendik zeuden datu demografikoak kontuan hartuta, Bilbo Metropolitarraren Lurralde Plan Partzialaren esparruaren barruan, gaur egungo aurreikuspenek adierazten dutenez, Arrigorriagako erreferentzia‐balioa 14.000 biztanlekoa da, gehienez ere.

Balio horiek bat datozenez, agerikoa da gaur egungo arau subsidiarioen arabera garatutako hiri‐eredua indarrean dagoela eta Plan Orokor berriak gaur egungo hiri‐eredua sendotzea eta hobetzea duela helburu.

Plan Orokorraren arabera, lehendik zeuden hiri‐lurzoruko eta lurzoru urbanizagarriko jarduketak garatzeko orduan, birdentsifikazio‐irizpideak eta “hirigintza‐kirurgiako” jarduera puntualak hartu behar dira kontuan. Horrela, bada, lehendik zegoen hiri‐sarea hobeto erabiliko da, eta ez da helburu horretarako lurzoru berririk okupatuko, gaur egungo etxebizitza‐lurzoruak aukeratutako hiri‐ereduaren aurreikuspenen araberako eskaria bermatzeko daukan ahalmena aztertu eta kuantifikatu ostean.

2


JARDUERA EKONOMIKOA

Udalerriko jarduera ekonomikoei eta lan‐okupazioari buruzko azterketa egin ondoren eta Bilbo Metropolitarraren Lurralde Plan Partzialean xedatutakoarekin bat datorrela ikusi ondoren, jarduera ekonomikoetarako lurzoru‐premiak ezarri dira.

Gaur egungo premien arabera, udalerriko industria‐sarea handitu behar da, eta Jarduera Ekonomiko eta Merkataritza Ekipamenduetarako Lurzoruaren Sorrera Publikoari buruzko Lurralde Plan Sektorialean (LPSn) gomendatutako guneetara egokitu behar da kokagunea.

Ekimen horren helburua ez da epe laburrean jarduera ekonomikoetarako lurzorua okupatzea eta garatzea, jarduera horiek era antolatu, orekatu eta iraunkorrean garatzeko orduan lurraldea antolatuta egotea baizik. Horretarako, gainera, udal‐ikuspegia ez ezik, eskualde‐ikuspegia ere hartuko da kontuan (Bilbo Metropolitarreko Eremu Funtzionala).

HIRI EGITURA

PLANGINTZA ETA ANTOLAMENDU EREDUA

Antolamendu‐eredua oinarrizko faktore hauen inguruan dago egituratuta:

• Azpiegiturak eta ekipamenduak

• Herriguneak, industria‐guneak eta landa‐guneak

• Ingurumena, baliabide naturalak eta paisaia

• Ondare historiko eta kulturala

Herriguneak, industria‐guneak eta landa‐guneak oinarrizko bi taldetan garatuko dira:

• Etxebizitzak

• Jarduera ekonomikoak

LURZORUAREN SAILKAPENA

Plangintzaren arabera, hiru lurzoru‐mota daude, benetako eta ustezko garapena kontuan hartuta. Sailkapen hori, ordea, ez da arbitrarioa, Lurzoruari buruzko Legean zehaztutako errealitate fisikoaren araberakoa baizik:

3


• Hiri‐lurzorua (11. artikulua)

Sailkapenean, eraldatuta dauden lursailak hiri‐lurzorutzat hartuko dira, lehendik zegoen hiri‐bilbean integratuta daudenean edo integratu daitezkeenean, betiere sailkapena egiten duen plan orokorrean bertan onartuz gero:

a) Gutxienez, honako hauxe dutenean: benetako erabilera publikoko bide zolatuetatiko ibilgailu‐sarbidea, ur‐hornidura, euri eta gorotz uren hustubidea, behe‐tentsioko energia elektrikoaren hornikuntza eta lehendik zeuden eraikinei eta hirigintza‐antolamenduaren arabera aurreikusitakoei zerbitzu egokiak emateko behar besteko dimentsioa, emaria, ahalmena eta tentsioa.

b) Aurreko paragrafoan aipatutako zenbait zerbitzu eduki ez arren, lursailen antolamendua finkatuta dagoenean, gutxienez eraikuntzak horretarako egokiak diren espazioen bi heren okupatzen dituelako, horretarako proposatutako hirigintza‐antolamendua kontuan hartuta.

• Lurzoru urbanizagarria (14. artikulua)

Sailkapenean, honako lursail hauek hartuko dira lurzoru urbanizagarritzat:

a) Nahiz eta hiri‐bilbean integratuta egon ez eta bertan integratzeko aukerarik eduki ez, hirigintza‐erabileretarako euskarri moduan egokiak direnean, hirigintza‐eraldaketa gauzatu baino lehen.

• Lurzoru urbanizaezina (13. artikulua)

Honako irizpide hauek ezarriko dira, sailkapenean lurzoruak urbanizazezinak direla adierazteko:

a) Lursailen hirigintza‐eraldaketa bidegabea denean.

b) Hiri‐garapenari begira, lursailak desegokiak direnean.

IRISGARRITASUNA ETA MUGIKORTASUNA

Aukeratutako hiri‐ereduko elementu egituratzaileak birzehaztu behar dira: bideak, ekipamendu komunitarioak eta sistema orokorrak.

Birzehaztapen hori garapen iraunkor eta orekatuaren helburuetan egongo da oinarrituta, honako hauxe lortzeko:

• Eskualdean duten kokapen estrategikoaren arabera, udalerrian eragina duten udalaz gaineko azpiegituren eragina murriztea.

• Eraginkortasun eta iraunkortasunaren printzipioak kontuan hartuta, azpiegitura egituratzaileak hobeto erabiltzea.

• Oinezko eta bizikletentzako sarea sustatzea, etxebizitza‐guneak ekipamendu komunitario zein jarduera ekonomikoen garapenerako guneekin lotzeko.

HIRIGINTZAREN KUDEAKETA ETA KONTROLA

EKIMEN PUBLIKOA

Hirigintzako jardueretan, ekimen publikoa berreskuratuko da, udal‐ekimenaren bitartez, batik bat.

4


• Horretarako, hirigintza‐antolamenduaren kudeaketa malgutuko da, egiturazko antolamendua eta antolamendu xehea bereiziko dira eta udalen eskumenak handituko dira.

• Bestetik, hirigintza‐arloko kudeaketa eta betearazpenerako tresna eraginkorrak jarriko dira abian, eta, espazioaren antolamenduaren kontzeptuan, zehaztapenak betetzeko epealdiak eta epeak hartuko dira kontuan.

Plangintzako epeak betetzea ondasun publikotzat hartzen da, eta interes pribatuaren monopolioak ez du zer eginik antolamendua forman eta epean garatzeko interes publikoaren aurrean. Beraz, administrazioak eta hirugarren pribatuek jabea ordezkatu ahal izango dute, urbanizazio, eraikuntza eta zaharberrikuntzaren arloan dituen hirigintza‐betebeharrak betetzen ez dituenean.

• Administrazio publikoek lurzoruaren eta higiezinen merkatuan esku hartzeko mekanismo berriak ezarriko dira. Hartara, lehentasunez erosteko eta atzera eskuratzeko eskubideen eraginpeko arloen arauketa berreskuratuko da, hiria biziberritu eta zaharberritzeko jardueretan eta lurzoru‐ondare publikoen eraketan.

Hori dela eta, Lurzoruari buruzko Legeak administrazio publikoei urbanizazio‐jarduketa integratuen eraketarako ematen dien erantzukizuna onartu beharra dago.

Programen bitartez, enpresen eta profesionalen ekimen pribatuaren partaidetza sustatzen da, ezinbesteko tresna delako hirigintza‐antolamenduko aurreikuspenen denborazko betearazpena zehazten duen interes publikoa gauzatzeko orduan.

HERRITARREN PARTAIDETZA

Herritarren partaidetza‐eskubidea bermatu behar da, egiturazko antolamendurako eta Plangintzako Aholku Kontseiluko planetan herritarren partaidetzari begira derrigorrezkoak diren programen bitartez.

ORDENANTZEN KUDEAKETA INDEPENDENTEA

Lurzoruari buruzko Legeak udal‐ordenantzak Plan Orokorraren edukian sartzeko edo ez sartzeko aukera ematen duenez, agiri horiek banatu egin daitezke.

Banaketa horri esker, udalerriko hirigintza‐jardueraren kontrola eta kudeaketa arinagoak izan daitezke, plangintza aldatu gabe aldatu daitezkeelako ordenantzak.

5


LURRALDE EGITURAN PROPOSATUTAKO EREDUA

Hona hemen jarduketa‐arlo bakoitzean garatu behar diren ekimenak, aurreko idatz‐zatian azaldutako helburuak lortu egiten direla bermatzeko.

AZPIEGITURAK ETA EKIPAMENDUAK

UDALAZ GAINEKO AZPIEGITURAK

Bide‐sarea

• Udalaz gaineko bide‐egitura lurraldean integratzea eta, horretarako, honako komunikazio‐trazatu hauek lurraldeko egiturara egokitzea: “Superhegoaldea”, ekialdeko saihesbidea, A8/AP‐68 lotunea...

• BI‐625 errepideak Txakoko industria‐gunean duen eragina kentzea.

Trenbidea

• Udalaz gaineko trenbide‐egitura lurraldean integratzea eta, horretarako, hiri‐continuuma banatzen duen trenbide‐trazatuko barrera kentzea eta trenbide‐azpiegiturekin lotutako espazioak hobeto erabiltzea.

• Bidaiari eta merkantzien ibilbide luzeko garraioa kentzea eta trazatua hiri‐trazatuarekin bateragarria den metro arina bihurtzea.

• Liberatutako espazio horietan, etxebizitza eta/edo zuzkidura erabilerak jartzeko aukera aztertzea.

• Industria‐guneetarako geraleku berriak sortzea.

Bilbo Handiarentzako ur‐hornidura

• Hodiak lurraldean integratzea.

• Beteluriko araztegiko instalazioak antolatzea.

UDAL SAREAK

Toki‐bideak

• Herriguneen eta gune habitatuen arteko ibilgailu‐lotuneak hobetzea eta, horretarako, garraio publiko zein industria‐guneekiko lotuneak erraztea.

6


Aparkalekuak

• Etxebizitza‐guneetako aparkalekuen azterketa xehea egitea eta behar besteko lehentasunak ezartzea, lurralde osoan zentzuzko ratio homogeneoak erdiesteko.

• Gabeziadun eta txandakako herriguneetako egoiliarrentzako hobe beharrezko aparkalekuen sarea jartzea udalerrirako sarbideen alboan, administrazio, gizarte, kultura, merkataritza eta aisialdi arloko jarduera handiagoa duten lekuetan.

Oinezko eta bizikletentzako sarea

• Oinezko eta bizikletentzako lotuneak hobetzea, espazio publikoen eta zuzkidura‐ekipamenduen artean.

• Oinezko eta bizikletentzako sarea jartzea herrigune, gune habitatu eta industria‐guneen artean.

• Espazio publiko eta zuzkidura‐ekipamenduetako oztopo arkitektonikoak kentzea.

EKIPAMENDU KOMUNITARIOAK

Plangintzako aurreko fasean udalerriak ahalegin handia egin zuenez, ekipamendu kolektiboak eraginkortasun handiz garatu dira.

Gaur egun, osasun‐zentroko instalazioak baino ez dira goitik behera berritu behar. Hori dela eta, honako hauexek mugakide dituen eremuan esku hartzea proposatzen da: Barua parkea, Urgoiti pasealekuko 12. zenbakiko etxebizitzak eta trenbidea. Horrela, osasun‐ekipamendu modernoa egongo da inguruan, eta RENFEko azpiestazio elektrikorako lurzorua berreskuratuko da, hiri‐sarean txertatzeko.

Jarduketaren bideragarritasuna bermatzeko, ekipamendu hori eta etxebizitza‐ustiapena bateratuko dira.

Era berean, etorkizunean irakaskuntza zein gizarte arloko ekipamenduetan egin beharreko jarduketetarako lurzorua ere erreserbatuko da plangintzan.

ETXEBIZITZAK

• Etxebizitzetarako hiri‐lurzoru eta lurzoru urbanizagarriaren garapena hobetzea eta lehentasuna ematea, etxebizitza‐lurzoruaren azalera handiagotu beharrean.

• Etxebizitza hutsetan esku hartzea. Horretarako, inbentario zehatza eta azterketa egitea, etxebizitza hutsak alokairuko edo salerosketako merkatuan sartzeko.

• Etxebizitza babestuei lehentasuna ematea: babes ofizialeko etxebizitzak edo udal‐etxebizitza tasatuak.

• Alokairuko etxebizitzak sustatzea egoera txarragoan dauden gizarte‐taldeentzat (tratu txarrak jasan dituzten emakumeak, birkokapenak...) eta gazteentzat. Horretarako, garatu gabeko ekipamendu edo lagapenetatik datorren doako udal‐lurzoruan egindako txandakako (5 urterako) zuzkidura‐etxebizitzak bultzatzea (tutoretzapeko apartamentuak...).

• Betearazi ez diren jarduketak berrikustea, honako irizpide hauek kontuan hartuta:

7


o “EZ BETEARAZTEKO” zergatiak edo arrazoiak aztertzea eta jarraipena edo aldaketak balioestea, garapenean eta/edo garatu gabe dauden jarduketetan lurzoruaren okupazioa eta eraikuntza‐dentsitateak hobeto erabiltzeko.

o Kudeaketa errazteko asmoz, bakoitzaren aukera, premia eta egokitasuna berrikustea, hurbil dauden unitateak elkartzea, eraikigarritasuna handitzea...

o Betearazpen‐epeak zehaztea. Horretarako, lurzoru‐jabearen eraikuntza‐betebeharra eta administrazioak plangintzaren betearazpenean esku hartzeko daukan aukera arautzea, Lurzoruari buruzko 2/2006 Legeko 190.1. artikuluan xedatutakoa kontuan hartuta. Horren arabera, administrazio jarduleak ahalmena dauka, lur‐zatia edo orubea desjabetzeko, nahitaezko salmenta gauzatzeko edo plangintza bera betearazteko. Halakoetan, eraikuntza‐programa esleitu ahal izango dio eraikuntza‐eragileari, udalak nahita nahiez eraiki behar dela adierazi ondoren.

• Espazio publiko berriak sortzea eta lehendik zeudenak hobetzea. Horretarako, honako hauxe egin beharra dago:

o Oinezkoentzako guneak eta aparkalekuak berrikustea.

o Oinezko eta bizikletentzako ibilbideak sortzea, espazio publikoen eta ekipamenduen artean.

o Aurreko arau subsidiarioetan aurreikusitako eta bete gabeko urbanizazio‐proiektuak birzehaztea eta jarduketa berriak zehaztea.

JARDUERA EKONOMIKOAK

INDUSTRIALA

• Hiri‐lurzoruan eta lurzoru urbanizagarrian lehendik zegoen industria‐sarea sendotzea eta hobeto ustiatzea.

• Jarduera ekonomikoetarako lurzorua handitzea.

• Komunikazioak eta industria‐guneetarako sarbideak hobetzea, lantoki zein ekoizpen‐lurzoruko okupazio berrietarako mugikortasuna errazteko eta lehendik zegoen garraio publikoa hurbiltzeko eta bultzatzeko.

• Bete gabeko jarduketak berrikustea, honako irizpide hauek kontuan hartuta:

o Irisgarritasuna hobetzea eta Txakoko inguruan geralekua jartzeko aukera aztertzea.

o Jarduera berriak abian jartzea.

o Betearazpen‐epeak zehaztea. Horretarako, lurzoru‐jabearen eraikuntza‐betebeharra eta administrazioak plangintzaren betearazpenean esku hartzeko daukan aukera arautzea, Lurzoruari buruzko 2/2006 Legeko 190.1. artikuluan xedatutakoa kontuan hartuta. Horren arabera, administrazio jarduleak ahalmena dauka, lur‐zatia edo orubea desjabetzeko,

8


nahitaezko salmenta gauzatzeko edo plangintza bera betearazteko. Halakoetan, eraikuntza‐programa esleitu ahal izango dio eraikuntza‐eragileari, udalak nahita nahiez eraiki behar dela adierazi ondoren.

• Lehendik zegoen lurzoru industrialaren eskaintza handitzea.

o Jarduera ekonomikoetarako lurzoru berriaren premia eta, hala badagokio, aurreikuspena balioestea, tokian tokiko langabezia‐tasaren eta gaur egungo krisi ekonomikoaren arabera bigarren zein hirugarren sektoreko enplegua handitzeko.

ZERBITZUEN SEKTOREA

• Etxebizitzetarako hiri‐espazioaren barruan, merkataritza‐erabilerak arautzea.

• Zerbitzuetako eta merkataritzako jarduerak etxebizitza‐erabilerekin bateratzea.

LEHEN SEKTOREA

• Lehen sektorea babestea eta, horretarako, lurzoru urbanizaezina eta nekazaritzako zein basogintzako lurzorua bere horretan uztea.

INGURUMENA

Euskadiko Autonomia Erkidegorako Ingurumeneko Esparru Programaren arloan, garapen iraunkorraren printzipiorantz bideratzen da hirigintza, eta hiri‐ereduetan ezartzen da, ingurumenarekin eta herri zein hirietako ondare historiko, artistiko eta kulturalaren babesarekin daukan loturaren bitartez.

Alde horretatik, Lurzoruari buruzko Legeko artikuluetan azaldutako hirigintza‐estrategiak garatzen dira, honako helburu hauek lortzeko:

• Lurzorua zentzuz eta modu intentsiboan erabiltzea. Horretarako, gutxieneko eraikigarritasuna eta eraikuntzaren guztieneko okupazioa zehaztea, kasuan kasuko antolamendu‐esparruen azalera guztia kontuan hartuta. Hartara, “familia bakarreko etxeen eta etxe atxikien kultura” eta hazkuntza sakabanatuak saihestuko dira, lur asko kontsumitzen dutelako, oso funtzionalak ez diren hiri‐ereduak sortzen dituztelako eta, horren ondorioz, oso iraunkorrak ez direlako.

• Lurzoru urbanizaezina babestea eta zentzuz erabiltzea. Horretarako, baserriak berreraikitzeko lege‐baldintzak mugatzea, landa‐guneen hazkuntza mugatzea eta baratzezaintzako nahiz abeltzaintzako ustiategietara lotutako etxebizitzen eraikuntzarako baldintzak mugatzea.

ONDARE HISTORIKO, ARTISTIKO ETA KULTURALA

Ondare historiko, artistiko eta kulturalaren inbentarioa eguneratuko da, aurreko plangintzan horrelaxe sailkatutako elementuen arabera.

9


PROPOSAMENAK ETA ALTERNATIBAK

KOMUNIKAZIO AZPIEGITURAK

Bilbo Metropolitarreko Eremu Funtzionala kontuan hartuta, Arrigorriaga benetako komunikazio‐korapiloan dago kokatuta, trenbideei edo errepideei begira.

Hori dela eta, hiru mailatako bide‐sareak daude udalerrian:

• Udalaz gainekoak. Ingurunean non dagoen kokatuta kontuan hartuta, udalerriari berari zerbitzu berezirik eman gabe udalerriko lurraldea zeharkatzen dutenak:

o Trenbideak

RENFEko merkantzien Bilbo‐Urduña linea.

Abiadura handiko trena: “Euskal Y” (betearazten).

Hegoaldeko trenbide‐saihesbidea (proiektuan).

o Errepideak

AP‐68 autopista.

Metropoliko hegoaldeko saihesbidea: Superhegoaldea (betearazten).

Bilboko ekialdeko saihesbidea (proiektuan).

• Egituratzaileak. Lurraldea egituratzeko eta udalerriko etxebizitza eta industria arloko kokaguneak Bilbo Metropolitarreko Eremu Funtzionaleko sarearen gaineratikoarekin lotzeko, udalerria zeharkatzen dutenak:

o Trenbideak

RENFEko aldirietako Bilbo‐Urduña linea.

o Errepideak

BI‐625, ipar‐hegoa, Basauri / Arrigorriaga / Ugao‐Miraballes.

BI‐712, Urgoiti pasealekua Basaurirantz luzatzea Atxukarron; eta Aixarte etorbidea, BI‐625 errepidearen lotuneraino, Rezolan.

BI‐3723, eki‐mendebala, Bilbo / Abusu / Arrigorriaga (erdialdea).

• Tokian tokikoak. Auzoak edo etxebizitza‐guneak, ekipamenduak, industria‐guneak... egituratzeko erabiltzen direnak.

o Bideak

10


Bide‐sare nagusia ezartzen da, udalerriko gainerako bide kapilarrak egituratzeko. Horrez gain, honako hauexek ditu osagai: erdialdeetako kale nagusiak eta auzo, ekipamendu eta industria‐guneen lotuneak.

o Oinezkoak eta bizikletak

“Bizikletetarako Oinarrizko Udal Sarea” oinarritzat hartuta, oinezkoentzako pasealeku eta bizikletetarako bideen (bidegorrien) sare alternatiboa ezartzen da, Bizkaiko “Bizikletetarako Gida Planaren” esparruan.

Arlo honetan Plan Orokorrean oinarrituta egiten diren proposamenak eraginpeko azpiegitura‐motaren araberakoak izango dira.

Udalaz gaineko sareak:

Abiadura handiko trenak, “Euskal Y trenbideak”, udalerria gurutzatzen du Malmasinpeko tunelean zehar, metropoliko hegoaldeko saihesbideak bezala. Azken horrek, ordea, Beteluri inguruan dauka tunelaren ahoa. Bideen Sistema Orokorraren zedarripena aldatuko da AP‐68 autopistako ingurunean.

Hegoaldeko trenbide‐saihesbidea proiektuan dagoen azpiegitura da, eta Bilboko portuko merkantzien trafikoa lotuko du abiadura handiko sarearekin. Trenbide‐sare horren eragina ez da hainbesterako izango abiadura handiko sarearen lotunean, udalerriko lurpean egingo delako tunelen bidez, Bilbo‐Urduña linearekin lotzeko trazatuan baizik.

Aurreikuspenen arabera, lotune hori Basauriren parean egingo da, eta bi alternatiba daude:

Lehenengoaren arabera, tunelaren bidez egingo litzateke, harik eta Ollarganen parean AP‐68 autopistaren azpitik igaro arte. Leku horretan, FEVEko linearen, BI‐3723 errepidearen eta Bolintxu errekaren gainetik igaroko litzateke, eta bidezubiaren bitartez helduko litzateke Montefuerte parkeraino. Bertan, tunelaren ahoa egongo litzateke, Basauriko iparraldean Bilbo‐Urduña linearekin lotzeko. Alternatiba horrek Ollargango parkean eta kirol‐instalazioetan izango luke eragina.

Bigarrenaren arabera, tunelen bitartez egingo litzateke, abiadura handiko sarearen lotune‐tarteetatik Basauriko San Migeleraino. Bertan, hain zuzen ere, Bilbo‐Urduña linearekin lotuko litzateke. Alternatiba hori oso‐osorik tuneletan egingo denez, ez luke inolako eraginik izango udalerrian.

Nolanahi ere, bi alternatibetan, merkantzien gaur egungo trafikoak lehendik zegoen lineatik jarraituko duenez, eragin handia edukiko du Arrigorriagako, Basauriko eta Ugao‐Miraballesko hiri‐sarean.

Plan Orokorrean, hirugarren alternatiba proposatzen da, eta, horren arabera, Agirre, Txako edo Bakiolatik egingo litzateke lotunea.

Alternatiba honek herriguneetatik kendu nahi du merkantzien trafikoa, gaur egungo trazatua tranbia erako trazatu atseginagoa izan dadin eta lehendik zegoen hiri‐trazatuarekin bateragarria izan dadin. Izan ere, aldirietako bidaiarien garraioa murriztuko litzateke, merkantzien trafikoa eta abiadura handia trazatu berrietarantz desbideratzean.

11


Bilboko ekialdeko saihesbideari dagokionez (proiektuan), arau subsidiarioetan aurreikusitako trazatuari eutsiko zaio funtsean. Hori dela eta, bere trazatuak okupatutako lurzoruaren sailkapena Komunikazio Sistema Orokorrarena izango da berriro.

Sare egituratzaileak:

BI‐625 errepideak Basauriko korapiloa (A‐8 autopista eta N‐634) lotzen du Laudioko saihesbidearekin, eta oso ondo bereizitako bi tarte ditu Arrigorriagan.

Lehenengoa iparraldean dago, eta bertako trafikoa ugari‐ugaria da bi autopisten lotunean (A‐8 eta AP‐68), harik eta Martiartuko lotunera iritsi arte.

Bigarrena puntu horren eta Ugao‐Miraballesko mugaren artean dago, eta, bere alboetan, Rezola, Martiartu, Agirre, Bentakoerreka eta Txakoko industria‐guneak daude egituratuta.

Bentakoerrekako industria‐sektorea garatu egin denez, bi biribilgune egin dituzte errepide horretan: lehenengoa industria‐sektoreko sarbidean bertan dago; eta bigarrena, AP‐68 autopistarako sarbidean, Martiartun bertan.

Plangintzan, bigarren biribilgune hori handiagotzeko lurzorua erreserbatu da. Hartara, Martiartu II industrialderako eta Rezolako instalazioetarako sarbideak errazagoak izango dira, Nerbioi ibaiaren gainean lehendik zegoenaren parean eraikitako bigarren zubiaren bitartez.

Era berean, BI‐625 errepidea bikoizteko aurreikuspenari eutsiko zaio. Banaketa hori, hain zuzen ere, autopisten lotuneen eta trazatu honetatik Martiartuko antzinako pilotalekuaren lur‐zatira dagoen lotunearen artean egingo denez, arau subsidiarioetan Aixartetik ibaiaren gainean aurreikusitako zubia kenduko da.

Azkenik, Bizkaiko Foru Aldundia Ugao‐Miraballeserako sarbideak hobetzeko egiten ari den alternatibaren eraikuntza sustatuko da. Horren arabera, tunela egin eta Bentakoerrekako biribilgunea lotuko luke Usilarekin. Horrez gain, iragaitzako trafikoa desagertuko litzateke Txakotik, eta tarte hori hiri‐bidea izango litzatekeenez, funtzionaltasuna eta segurtasuna handiagoak izango lirateke.

Toki‐sareak:

Erdialdean, Severo Ochoa eta Torre Barua kaleak bide nagusiak izango dira, eta zirkulazio‐eraztuna eratuko dute, Urgoitiko pasealekutik trafiko handiena kentzeko eta, zehaztutako tarteetan, azken kale hori oinezkoentzako bide partziala izateko.

Abusun, Santa Isabel kalea bide nagusia izango da betiko moduan.

Hiri‐lurzoruko bide‐trazatuaren gaineratikoak udalerriko irisgarritasunerako beharrezkoa den sare kapilarra eratzen du.

Hiri‐bideek partekatzen duten oinezkoentzako sareak berdeguneak, plazak... ditu osagai.

“Bizikletetarako Oinarrizko Udal Sarea” oinarritzat hartuta, bizikletetarako bideen (bidegorrien) sare alternatiboa garatuko da, Bizkaiko “Bizikletetarako Gida Planaren” esparruan.

Sare horrek ondo bereizitako bi trazatu ditu Arrigorriagan.

12


Lehen trazatua Nerbioi ibaiaren parean dago, eta Basauritik datorren tartearekin bat egiten du Lonboko iparraldean. Ibaiko ezkerraldetik, ordea, erdialdeko herrigunea zeharkatzen du ibai‐bazterrean zehar, harik eta Aixarte etorbidearen amaierara arte heldu arte. Bertan, ibaia gurutzatzen du pasabide berriaren bitartez, eta beste ibai‐bazterretik jarraitzen du, harik eta Ugao‐Miraballesko mugara heldu arte.

Bigarren trazatua, ostera, erdialdea eta Abusu lotzen dituen errepidean zehar doa (BI‐3723), Arandian eta Abusurantz ezkerreko alboan lehendik zeuden errepide‐tarteen bitartez.

Trazatu honi jarraipena emateko, bi tarteak lotzea proposatzen da. Horretarako, AP‐68 autopistaren gaineko pasabidea egingo litzateke Arandiatik Mendikosolo parkeraino, eta parkerako sarbidetik egingo litzateke lotunea.

Montefuerte parkeko behealdean, Ballonti errekaren alboan, Beteluritik Abusura dagoen lotuneak Bilboko udal‐lurraldea zeharkatuko du.

PROPOSAMENAK:

• Beteluriren inguruko tunelaren ahoan, Metropoliko Hegoaldeko Saihesbideko (Superhegoaldeko) trazatura egokitzea.

• Hegoaldeko Trenbide Saihesbidea eta RENFEko Bilbo‐Urduña linea lotzeko trazatuan, hirugarren alternatiba proposatzea, gaur egun herrigunea zeharkatzen duen trazatutik merkantzien trafikoa desagertzeko eta gaur egungo trazatua metro arina edo tranbia izateko.

• Komunikazio Sistema Orokorraren zedarripena Martiartu parean AP‐68an eta Martiartu II zein Rezola industrialdeetan sartzeko biribilguneen trazatura egokitzea.

• Gaur egungo arau subsidiarioetan adierazi bezala, autopistetarako sarbideen arteko tartean, BI‐625 bikoizteko proiektuari eustea eta sustatzea eta, batez ere, ingurumenaren gaineko eragina gutxitzea, zaratei, kutsadurari eta segurtasun‐baldintzei dagokienez

• BI‐625 errepidetik, Martiartun BI‐625ren eta ibaiaren artean herrigunerako dagoen sarbide berria atontzea (“pilotalekuaren” lur‐zatia), errepidea eta AP‐68ren lotune‐korapiloa bikoizteko testuinguruaren barruan. Horren ondorioz, arau subsidiarioetan aurreikusitako zubia kentzea.

• Ugao‐Miraballesen sartzeko saihesbidearen betearazpena sustatzea. Horretarako, tunela egingo litzateke Bentakoerrekako etorkizuneko biribilgunea Usila auzoarekin lotzeko, Txakoko BI‐625 errepideko tartea hiri‐bide bihurtzeko, aurreko arau subsidiarioetan aurreikusitako zerbitzu‐bideak kentzeko eta lur‐zati industrialen erabilera hobetzeko.

• Bizkaiko Bizikletetarako Gida Plana garatzean, bizikletetarako sare berria jartzea, udalerriko herriguneen, industria‐guneen eta ekipamenduen arteko komunikazioa errazteko, aisialdiari eta hiri‐garraio iraunkorrari begira.

ALTERNATIBAK:

Bizkaiko Bizikletetarako Planaren garapena Arrigorriagan

13


1. ALTERNATIBA

GIDA PLANA

2. ALTERNATIBA 3. ALTERNATIBA

BGPren arabera, bizikletetarako sarearen trazatua egitea eta Agirre‐Txakon sarea jartzea ibaiko eskuinaldean zehar.

Agirre‐Txakon, sarea egitea ibaiko ezkerraldean zehar eta Bentakoerrekarekin lotzea.

BGPren arabera, bizikletetarako sarearen trazatua egitea eta Buian sarea jartzea gaur egungo BI‐3723 errepidean zehar.

Beteluritik Buiako guneraino, Buian bertan sarea egitea, autopistapean BI‐3723 errepidearekin bat egiteko.

2. alternatiba justifikatuta dago, ibai‐bazterreko malda oso handia delako eskuinaldean, baina batez ere, autopistako trazatuaren inguruan. Horrez gain, trazatua ezkerraldetik eginez gero, Agirre eta Txakoko industrialdeak lotuta geratuko lirateke, baita Bentakoerrekakoa eta bailarako baso‐gunea ere. Ugao‐Miraballesko udalerriko kirol‐gunean amaituko litzateke, hain zuzen ere.

Trazatu berriak Bizikletetarako Gida Planarekin bat egiten du Martiartu I industrialdean sartzeko zubian. Hortik aurrera, trazatuak ibaiko ezkerraldea zeharkatzen du berriro, harik eta Ugao‐Miraballesko mugara heldu arte. Bertan, udalerri horretako sarearekin bat egiten du. Bentakoerrekako biribilgune berrian, gaur egungo trenbideen azpiko pasabidearen bitartez, bide‐adarra banatuko da, eta Bentakoerreka zeharkatuko du errekan gora.

3. alternatibak BI‐3723 errepidearen gaur egungo trazatuaren zailtasunei erantzuten die, Buiako tartean. Izan ere, estua da eta zailtasunak dauzka, oinezko eta bizikletentzako ibilbideetara segurtasunez egokitu ahal izateko. Beteluriko zubitik ez igarotzea proposatzen denez, autopistaren parean joango litzateke Buiaraino, eta, bertatik, errepidearen trazatuarekin bat egingo luke. Bide‐adar horren bitartez, Buiako herrigunearen lotunea errazagoa izango litzateke, eta gaur egun zabalera gutxi nahiz malda handia dituen errepidea aske geratuko litzateke.

14


UR‐HORNIDURARAKO AZPIEGITURAK

PROPOSAMENAK:

• Beteluriko lantegirako ur‐hornidurako sarea lurperatzea, hodiek lurraldearen jarraitutasuna eteten duten tarteetan.

15


ETXEBIZITZAK

Honako hauexek dira “Plangintzaren Azterketa” agirian aukeratutako metodoaren arabera zehaztutako premiak:

1.‐ Demografiaren eta etxebizitzen azterketako datuak.

Bilbo Metropolitarraren Lurralde Plan Partzialean, honako balio demografiko hauek zehazten dira Arrigorriagarentzat:

2001 2010 2018Biztanle‐kopurua 11.140 11.667 11.943 Batez besteko familia‐tamaina 2,64 2,44 2,27 Etxebizitza okupatuak 4.216 5.261

Nolanahi ere, badakigu Arrigorriagan 2010eko urtarrilaren 1ean benetako biztanle‐kopurua 12.395 lagunekoa zela; eta batez besteko familia‐tamaina, 2,62koa.

Beraz, honako hauexek izango lirateke benetako balioak, Lurralde Plan Partzialean zehaztutako metodoaren arabera:

2010 2018Biztanle‐kopurua 12.395 12.726 Batez besteko familia‐tamaina 2,62 2,50 Etxebizitza okupatuak 4.738 5.090

2018. urteari begira, etxebizitzen okupazioaren udal‐batezbestekoa etxebizitza okupatuko 2,50 biztanlera aldatuz gero (LPPren arabera), 5.090 etxebizitza egon beharko lirateke okupatuta.

Udalerrian erroldatutako etxebizitzen gaur egungo parkea 5.222 etxebizitzakoa da, eta, euretatik, 4.738 etxebizitza daude okupatuta, hau da, 352 etxebizitza berri egon beharko lirateke okupatuta. Izan ere, nahikoa izango litzateke 484 etxebizitza hutsen %72 okupatzea, 8 urterako premiei aurre egiteko.

2.‐ Bilbo Metropolitarraren Lurralde Plan Partzialean zehaztutako metodoa

Gure kasuan ezarri beharreko metodoa lau osagaitan dago oinarrituta:

A osagaia: eremu funtzionalaren kanpo‐berroreka. Ez du eraginik Arrigorriagan.

B osagaia: barne‐berroreka. Udalerri finkatuen gaitasuna hartzen du kontuan, Arrigorriagarena, esaterako. Udal‐mugartean lurzoru erabilgarririk ez dutenak edo agortzear daudenak izango dira, beraz.

LPPn zehaztutako “B” balioa finkoa da, eta, Arrigorriagari dagokionez, ‐886 izango da 8 urterako (ezarpen‐datua, plangintzaren indarraldia delako).

Kalkuluari begira, badirudi zenbait udalerritako balio negatiboek eskaintza barik eskaria ematen dutela. Beraz, gainerako udalerriek eskari hori estali dezakete, euren premiak baino handiagoa den harrera‐gaitasuna

16


dutelako. Hori dela eta, eremu funtzionaleko udalerrien arteko barne‐‐berrorekarako balioak dira, eta batzuk hartzaileak dira (B positiboa); eta beste batzuk, defizitarioak (B negatiboa).

C osagaia: premia endogenoak. Etxebizitza‐premiak gehitu egiten dira, batez besteko familia‐tamainaren bilakaeraren arabera (BFT). Izan ere, 2ko harrotze‐koefizienteaz zuzendu da, eskaintzaren zurruntasuna zuzentzeko asmoz.

Arrigorriagarentzat, formula polinomikoaren arabera kalkulatutako eta biztanleak zein batez besteko familia‐tamaina lotzen dituen balioa 1.437koa da, LPPn 2010. eta 2018. urteetarako azaldutako aurreikuspenak erabiltzen baditugu; eta 1.518koa, 2010erako benetako balioak eta 2018rako aurreikuspenak erabiliz gero.

D osagaia: bigarren bizilekuaren eskaintza. Ez du eraginik Arrigorriagan.

Hona hemen metodo horren bidez lortutako LPPko balioen eta benetakoen arabera egindako kalkulua:

BILBO METROPOLITARRAREN LPP 8 URTERAKO ETXEBIZITZA ESKAINTZAREN KUANTIFIKAZIOA (2010‐2018ko EPEALDIA)

B Kuantifikazioa

A Gehienez Gutxienez

C D Gehienez Gutxienez

LPPko balioak Arrigorriaga ‐886 ‐886 1.437 551 551 Benetako balioak (bertoko estimazioa) Arrigorriaga ‐886 ‐886 1.518 632 632

Bi metodoek emandako datuak zentzuzkoak dira, lehen metodoko 352 etxebizitzetan 2 inguruko harrotze‐koefizientea ezarri beharko litzatekeelako, eskaintzaren zurruntasuna zuzentzeko.

Beraz, etxebizitza berriak eraikitzeko gaitasuna sortu beharko litzateke, 551‐632 etxebizitza, alegia.

Balioesten den gehienezko eskaintza horretan, hiri‐lurzoruan eta lurzoru urbanizagarrian proposatutako etxebizitza berriak hartzen dira kontuan eta ez lurzoru urbanizaezinean sortu daitezkeenak.

Udalerri finkatua denez, Arrigorriagarentzat LPP honetan zehaztutako kuantifikazioa ez da loteslea, orientagarria baizik. Beraz, bertako etxebizitza‐eskaintza dimentsionatzeko, bere gaitasuna aztertzean sortutakoa hartuko da kontuan, eta, batez ere, udal‐esparrutik barne‐eraldaketarako proposatutako jarduerak izango ditu helburu.

Plan Orokorraren Aurrerapenean aurreikusitako etxebizitza berrien eskaintza 738 etxebizitza berrikoa da, eta, hiri‐lurzoruan lehendik zeuden 5.119 etxebizitzak kontuan hartuta, etxebizitzen parkea 5.857koa izango litzateke.

Gaur egun bezala, %91 okupatuta egongo liratekeela kontuan hartuz gero, 5.330 etxebizitza okupatu egongo lirateke 2018rako aurreikusitako 12.726 biztanleentzat. Batez besteko familia‐tamaina 2,39koa izango litzateke, beraz.

17


Balio horiek hazkuntza iraunkor bezain orekatua bermatzen dute Arrigorriagako udalerriarentzat, Bilbo Metropolitarraren LPPko aurreikuspen eta postulatuen eta idazketa‐taldeak “Plangintzaren Azterketa” agirian zehaztutakoen arabera.

Etorkizuneko biztanle‐kopurua 14.000 lagunekoa izango dela kontuan hartuta, udalerriaren garapen‐eredua aurreko arau subsidiarioetan proposatutakoa bezalakoa da. Hori dela eta, aurreko plangintzako lerro orokorrak balioztatuta daude, eta Plan Orokor berria indarreko plangintzaren jarraipena izango omen da.

Hona hemen hiri‐lurzoruak eta lurzoru urbanizagarriak lehen aipatutako etxebizitza‐eskariari erantzuteko duten gaitasuna:

HIRI LURZORUA

“Birdentsifikazioa” esku hartzeko aukeratutako modua da, hektareako zehaztutako etxebizitza‐dentsitatea edo erabilera‐intentsitatea oso txikia denean eta, horren ondorioz, kokalekuen eskariari erantzuten ez dionean edo lurzoruaren baliabidea behar bezala erabiltzen ez denean. Oso dentsitate txikia da, balioak hektareako 15 etxebizitzatik beherakoak direnean.

Hiri‐lurzoruko “birdentsifikazioa” “hirigintza‐kirurgiako” jarduera isolatuen bidez egin behar da, aurreko plangintzan betearazi ez diren jarduketa asistematikoak, betearazpen‐unitateak eta hiri‐lurzoruko bertako jarduera berriak kontuan hartuta.

Etxebizitzen tamaina txikitzeko eta birdentsifikatzeko irizpideak ezarriz gero, aurreko arau subsidiarioetan hiri‐lurzoruan aurreikusitako jarduketen ondorioz, 156 etxebizitza berri sortu daitezke.

Hiri‐sareko jarduera berrien ondorioz, beste 160 etxebizitza berri sortu daitezke.

Beraz, gaur egungo hiri‐lurzoruak 316 etxebizitza berri sortzeko gaitasuna dauka.

Adierazi egin behar da etxebizitza berri horien %24 Abusun sortuko liratekeela eta gaur egun udalerriko bi herriguneen artean dagoen harremanari eutsiko litzaiokeela.

LURZORU URBANIZAGARRIA

Etxebizitzetarako lurzoru urbanizagarriko jarduketetan, hiri‐lurzoruko irizpide bera ezarriko da: birdentsifikazioa eta iraunkortasuna.

Agerikoa denez, garatu gabeko lurzoruan baino ez dago jarduterik, hau da:

• AR‐R1 Torrontegi II sektorean (2. betearazpen‐unitatea).

o Atxikitako familia bakarreko etxebizitzen tipologia alde batera uztea eta etxadi nagusikoen altuera bereko etxebizitza kolektiboak sustatzea (PB+2+A).

o Aurreikusitako 194 etxebizitzatatik ustezko 222 etxebizitzatara igo liteke, hau da, 28 etxebizitza gehiago.

• AR‐R2 Lanbarketa sektorean.

18


o Atxikitako familia bakarreko edo ilarako etxebizitzen tipologia alde batera uztea eta etxebizitza kolektiboak sustatzea (PB+3).

o Sektorearen eta autopistaren arteko espazioan kokatutako Espazio Libreen Sistema Orokorra sektorera atxikitzea.

o Bideak murriztea, “orrazian” 3 kale egiteko, atzealdean egoiliarrentzako biribilgunea jartzeko eta iragaitzako trafikoa kentzeko.

o Aparkalekurako ekipamendua proposatzea inguru horretarako, osasun eta higienerako eta Lanbarketaren gaineratikorako.

o Aurreikusitako 100 etxebizitzatatik ustezko 200 etxebizitzatara igo liteke, eta, euretatik, 150 babes publikokoak izango lirateke.

Lurzoru urbanizagarrian, 422 etxebizitza eraiki litezke.

19


PROPOSAMENAK:

HIRI LURZORUA

• Garatu gabeko jarduketa asistematiko eta betearazpen‐unitateetan ustiapenak birdentsifikatzea eta hobeto erabiltzea.

• Martiartu eta Ollargango lur‐zatien erabilerak handitzea, gaur egun etxebizitza‐erabilerarako tutoretzapeko apartamentuetarako erabiltzen dira‐eta.

• Osasun‐zentro, pilotaleku eta RENFEko azpiestazio elektrikoaren ingurunean, betearazpen‐unitatea ezartzea, osasun zein kirol arloko ekipamendua modernizatzeko. Izan ere, etxebizitza‐erabilera eta aparkalekuak hartuko dira kontuan, unitatea errazago finantzatzeko. Prozesu guztian, plangintzako irizpide orokorrak hartuko dira kontuan.

ALTERNATIBAK:

HIRI LURZORUA

7. BU Erdialdea (Larrasko):

1. ALTERNATIBA

GAUR EGUNGO EGOERA

2. ALTERNATIBA

BIRDENTSIFIKAZIOA

Xehetasun Azterketako zehaztapenei eustea. Birdentsifikatzea eta ustiapenak handitzea.

Eraikuntza‐tipologia: familia bakarreko etxebizitza, familia bikoa eta atxikia.

Etxebizitza kolektiboak hartzen dira kontuan (S+PB+I+A).

Gehienezko etxebizitza‐kopurua: 18 Gehienezko etxebizitza‐kopurua: 48

Dentsitatea: 7,3 etx/Ha Dentsitatea: 19,4 etx/Ha

1. alternatiban, dentsitatea hektareako 15 etxebizitzatik beherakoa denez, lurraldearen antolamendurako artezpideetan eta Bilbo Metropolitarraren LPPn egokia ez dela adierazten da, eta dentsitate txikiko eremuetako balioa hektareako 15‐30 etxebizitzakoa izatea gomendatzen da.

20


2. alternatiban, eraikitako lur‐zatietako eraikigarritasuna handitzeko aukerak aztertzen dira. Era berean, etxebizitza‐kopurua gehitzea ere bada aztergaia, eta, ahal dela, familia bakarreko etxebizitzatik bi familiakora pasatzea. Halaber, etxebizitza kolektiboen tipologia (sotoa, beheko solairua, lehen solairua, atikoa) garatu gabeko guneetan sartzea proposatzen da, gaur egungo ingurunean haustura bolumetrikorik ez gertatzeko eta birdentsifikazioaren irizpideak ezartzeko. inguruko garapen‐maila kontuan hartuta, dentsitatea handitzea nahikoa da goragoko mailako plangintzan gomendatutako balioak lortzeko.


AR‐R1 Torrontegi II sektorea (2. betearazpen‐unitatea)

1. ALTERNATIBA

GAUR EGUNGO EGOERA

2. ALTERNATIBA

BIRDENTSIFIKAZIOA

Sektorearen azalera (m²) 78.927 Sektorearen azalera (m²) 78.927

2. BUren azalera (m²) 27.452 2. BUren azalera (m²) 27.452

1. BUko etxebizitza‐kopurua 356 Betearazita

2. BUko etxebizitza‐kopurua 194 2. BUko etxebizitza‐kopurua 222

Sektoreko dentsitatea (etx/Ha) 70 Sektoreko dentsitatea (etx/Ha) 73

1. alternatiban, Betearazpen Unitate honetako Xehetasun Azterketan onartutako hirigintza‐balioei eusten zaie.

2. alternatiban, ordea, unitateko hego‐mendebaldeko mugan aurreikusitako familia bakarreko etxebizitzak kentzea proposatzen da, hau da, Torrontegi II sektoreko aurreko unitateko espazio libreen mugakideak direnak.

Lur‐zati horietan, etxebizitza kolektiboen tipologia garatzea proposatzen da, unitate bereko gune mugakideko eraikuntza‐baldintza berberetan. Horrela, multzoaren homogeneotasunari eutsiko zaio, dentsitatea eta ustiapena hobetzeko. hori dela eta, 28 etxebizitza gehiago egongo omen dira.

AR‐R2 Lanbarketa sektorea

1. ALTERNATIBA

LURZORU URBANIZAEZIN BIHURTZEA

2. ALTERNATIBA

GAUR EGUNGO EGOERA

3. ALTERNATIBA

BIRDENTSIFIKAZIOA

Sektorearen azalera 50.682 Sektorearen azalera 50.682 Sektorearen azalera 50.682

Eraikigarritasuna handitzeagatiko sistema orokorra (m²)

0 Eraikigarritasuna handitzeagatiko sistema orokorra (m²)

1.000 Eraikigarritasuna handitzeagatiko sistema orokorra (m²)

2.200

21


Sistema orokor atxikia (m²)

0 Sistema orokor atxikia (m²)

0 Sistema orokor atxikia (m²)

25.973

Etxebizitza‐kopurua 0 Etxebizitza‐kopurua 100 Etxebizitza‐kopurua 200

Sektoreko dentsitatea (etx/Ha)

0 Sektoreko dentsitatea (etx/Ha)

20 Sektoreko dentsitatea (etx/Ha)

39

Sektore honetan, 2. alternatiban, sektorearen gaur egungo garapenari eutsiko zaio, gaur egungo arau subsidiarioetan zehaztutako baldintza berberetan.

1. alternatiban, gune hau ez da aurrerantzean lurzoru urbanizagarria izango, lurzoru urbanizazezin bihurtuko delako. Egiaztatu egin da zehaztutako epeetan sektorea garatu ez dela, lursailaren malda handiaren, erreka‐ibilguaren babesaren eta beste baldintzatzaile batzuen ondorioz zailtasunak handiak izan direlako diseinuari eta kostuei begira.

3. alternatiban, ordea, sektorea garatzea proposatzen da, baina jarduketa‐irizpideak aldatzen dira, plangintza berrirako zehaztutako jarduketa‐irizpideetara egokitzeko: hiri‐lurzoruaren birdentsifikazioa, iraunkortasuna eta oreka.

Horrela, bada, familia bakarreko eta bi familiako etxebizitzen tipologiak ez lirateke lehentasunezkoak eta gehiengodunak izango, eta sektorearen garapena PB + 3 etxebizitza kolektiboen tipologian oinarrituko litzateke. Egindako zenbatespenen arabera, 200 etxebizitza eraiki litezke, 2. alternatibako 100 etxebizitzen aldean.

Beraz, hektareako 15‐30 etxebizitzako “A” motako dentsitate txikiko eredua alde batera utzi (Bilbo Metropolitarraren LPP) eta hektareako 30‐50 etxebizitzako “B” motako dentsitate ertaineko eredua ezarriko litzateke.

Aldaketa horren ondorioak eta jabeen hirigintza‐gainbalioen gehikuntza konpentsatzeko, 300 autotarako aparkalekua eraikiko litzateke, inguruko aparkaleku‐defizitari aurre egiteko. horrez gain, sektorearen eta autopistaren artean kokatutako espazio libreen sistema orokorrak atxikiko lirateke, administrazio publikoak errazago kudeatu ditzan.

Gaur egungo arautegia kontuan hartuta, 200 etxebizitza horietatik 150 babes publikokoak izango lirateke: babes ofizialeko etxebizitzak edo etxebizitza tasatuak.

Jarduketa horiek ez dituzte gainbalioak murriztuko, gaur egungo egoera hobetuko dutelako (2. alternatiba) eta, eurei esker, sektorearen garapenak bideragarritasun ekonomikoa edukiko duelako.

22


JARDUERA EKONOMIKOAK

ETXEBIZITZETARAKO HIRI‐LURZORUKO JARDUERAK

Hiri‐lurzoruaren garapena orekatua bada, oso garrantzitsua da nagusi den etxebizitza‐erabilerarekin bateragarria den jarduera ekonomikoa sustatzea. Plangintzan bertan, jarduera horiek, euren ezaugarriak eta kokaguneak arautzen dira.

Jarduera horiek honako hauexek dira funtsean: hurbileko merkataritza edo txikizkaria, jarduera profesionalak eta ostalaritza. Toki Plan 21en adierazten zenez, “lohiria” izatean, jarduera horien garapena mugatuta zegoen erabat.

Bestetik, beheko solairuko lokal asko ezertarako erabiltzen ez direnez, oro har eskari handia dago, euren erabilera etxebizitza‐erabilerara aldatu dadin: "beheko solairuko etxebizitza".

Plan Orokorrean bertan, erabilera berri hori ordenantza bereziaren bitartez arautzea proposatzen da.

Edonola ere, hiri‐lurzoruko eremu horrek lehentasunezko merkataritza‐erabilera izango du beheko solairuetan, eta beheko solairuko etxebizitza‐lekurapenetan salbuetsi egingo da. Hiri‐lurzoruaren gaineratikoan, ordenantza berriak eta Plan Orokorrean zenbait eraikinetarako azaldutako zehaztapenak hartuko dira kontuan.

LURZORU INDUSTRIALEKO JARDUERAK

Bilbo Metropolitarreko Eremu Funtzionaleko Lurralde Plan Partzialean jarduera ekonomikoei buruz azaltzen den idatz‐zatian, eremu funtzionaleko azpiesparruetako enpleguaren eta lurzoru industrialaren artean dagoen lotura aztertzen du. Bertan, egiaztatu egiten da lan‐okupazioa hektareako 48 lanpostukoa dela.

Behe Nerbioiko azpiesparruan, hau da, Arrigorriaga eta Txorierriko azpiesparruan, saldoa positiboa da. Ia‐ia lurzoru industrialik ez duen Bilbon, Ezkerraldean eta Plentzia‐Leioa barne‐bidean, ordea, defizitarioa da. Edonola ere, eremu funtzionaleko premiak kontuan hartuta, industrial moduan sailkatutako lurzoruari eustea da Behe Nerbioiko udalerrientzako gomendioa, nahiz eta gaur egun bete gabe edo zaharkituta egon. Beraz, ez da etxebizitza‐erabilera moduan birkalifikatu behar.

“Plangintzaren Azterketa” agirian, jarduera ekonomikoetarako lurzoru‐premiaren azterketa egin da, udalerriko enpleguari eta langabeziari buruzko datuen arabera. Horretarako, honako hauxe hartu da kontuan:

• Lurzoru industrialeko jarduera ekonomikoek (industria, zerbitzuak, eraikuntza...) ez dute udalerriko lanpostuen %80 baino gehiago sortzen, gainerakoak etxebizitza‐lurzoruan daude‐eta (hurbileko merkataritza eta txikizkaria, zerbitzu profesionalak, ostalaritza...). 715 lanpostu eskaintzeko moduko lurzorua sortzea izango litzateke helburua.

• Lurzoru industrialaren gaur egungo eskaintzak, hutsik edo garapenean dagoenak, 253 lanpostuko enplegua sortzeko ahalmena dauka. Dena dela, euretako batzuk ez dira sorrera berrikoak izango, aurreko jardueren lekualdaketen ondorioz sortuko direlako.

• Jarduera ekonomikoetarako azalera %10 igo behar da gutxienez, sistema orokorretarako.

23


Datu horiek kontuan hartuta, jarduera ekonomikoetarako “lurzoru‐premia” 211.750 m²‐koa omen da, hurrengo taulan azaltzen den bezala:

Izena Kokapena Azalera Enplegua/Ha dentsitatea

Aurreikusitako enplegua

Enplegu berria

Enplegu berria (%)

1999tik ZEGOEN LURZORU INDUSTRIALA 576.459,62 1999a baino lehen zegoena 529.501,00 F. gabeko HL ald. puntuala Bentakoerreka CARTISA 49.958,62 GARATUTAKO LURZORU INDUSTRIALA 62.081,01 4. BUI garatuta Atxukarro, 16. pab. 16.335,00 5. BUI garatuta Atxukarro, 28. pab 2.446,01 AR‐R2 garatuta Martiartu II 43.300,00 GARAPENEAN DAGOEN LURZORU INDUSTRIALA 158.052,43 SI‐1 garapenean 158.052,43 25 400 100 25% GARATU GABEKO LURZORU INDUSTRIALA 63.252,00 48 32 16 50% 1. BUI garatu gabe 6.577,00 48 49 25 50% 2. BUI garatu gabe 10.146,00 48 31 16 50% 3. BUI garatu gabe 6.529,00 48 192 96 50% SI‐2 garatu gabe 40.000,00 LEHENDIK ZEGOEN LURZORU INDUSTRIALA GUZTIRA 859.845,06 BEHARREZKO LURZORU INDUSTRIALA (SORTU BERRIA) 192.500,00 48 924 462 50% GUZTIRA 715 Sektore industrialaren dimentsioa, %10eko SGEL kontuan hartuta 211.750,00

Euskadiko Autonomia Erkidegoko Jarduera Ekonomiko eta Merkataritza Ekipamenduetarako Lurzoruaren Sorrera Publikoari buruzko Lurralde Plan Sektorialean xedatutakoaren arabera, Arrigorriaga eta Ugao‐Miraballes artean BI‐625 errepidetik hurbil dagoen eremua “jarduera ekonomikoak garatzeko lehentasunezko esparrua da” Behe Nerbioiko esparruan. Beraz, inguru horretan jarduera puntualak eta udalaz gaineko intereseko industrialdeak jartzea proposatzen da.

Hori dela eta, Plan Orokorrak eremu horretan proposatuko du jarduera ekonomikoetarako lurzoru berria sortzea.

Kokapen horren helburua ez da lurzoru hori horretarako berehala okupatzea, bere garaian horrelako lurzorua behar duten jarduerak lekuratzeko erreserba edukitzea baizik.

24


LURZORU URBANIZAEZINEKO JARDUERAK

Gaur egun lurzoru urbanizaezinean garatzen diren jarduera ekonomikoak erauzketa, nekazaritza eta abeltzaintza dira funtsean.

Lehenengoari dagokionez, erauzketa‐jardueren baimenerako muga ezarriko da, ustiapena amaitutakoan azalera horretako ingurumena biziberritzeko eta hobetzeko beharrezkoak diren baldintzak kontuan hartuta.

Nekazaritzari eta abeltzaintzari dagokienez, lehendik zeuden jarduerei eutsiko zaie, baita landa‐guneetako inguruneetan erabilera horietarako zehaztutako eremu bereziei ere.

Hona hemen lurzoru‐mota bakoitzerako proposamenak eta alternatibak:

PROPOSAMENAK:

HIRI LURZORUA

• Agirren eta Txakon hutsik dauden industria‐guneei eutsiko zaie, euren zedarripena bideen errealitatera egokituko da eta euren ustiapena hobetuko da.

• Bentakoerrekako arau subsidiarioen aldaketa puntualean “Cartisan” ezarritako ezaugarriei eutsiko zaie.


• Bentakoerreka SI‐1 Eroski sektorearen gaur egungo garapenari eutsiko zaio.

• Bentakoerreka SI‐2 Orue sektoreari eutsiko zaio.

LURZORU URBANIZAEZINA

• Gaur egungo egiturari eutsiko zaio, eta Lurraldearen Antolamendurako Artezpideetan eta izapidepean dagoen Nekazaritza eta Basozaintzako Lurralde Plan Sektorialean zehaztutako parametroetara egokituko dira izenak.

• Erauzketa‐jardueren baimenerako azalera mugatuko da (Rezola).

ALTERNATIBAK:


Lurzoru urbanizaezina jarduera ekonomikoetarako sektorizatu gabeko lurzoru urbanizagarri moduan sailkatzea:

25


1. ALTERNATIBA

2. ALTERNATIBA

3. ALTERNATIBA

Kokapena:

Rezolako herrigune industrialaren eta Bentakoerrekako sektore industrialeko iparraldeko mugaren artean dauden lursailak

Kokapena:

Rezolako herrigune industrialetik Bentakoerrekako biribilgunera, BI‐625 errepidearen pareko eremuan dauden lursailak

Kokapena:

Agirre auzoaren eta Bentakoerrekako sektore industrialeko iparraldeko mugaren artean dauden lursailak

Azalera:

384.262 m²

Azalera:

238.931 m²

Azalera:

282.436 m²

Konpentsazio‐neurriak:

Larraskoko lursailak Espazio Libreen Sistema Orokorrean sartzea. Izan ere, Mendikosolobarrena eta Mintegi parkearen mugakideak dira, eta parke horretako Plan Berezian sartuko dira (7.000 m², gutxi gorabehera)





1. alternatibaren azalera besteak baino handiagoa da, eta jarduera ekonomikoetarako lurzoruaren sorrerari buruzko LPSko irizpideari eusten zaio. Hartara, hegoaldean zabalduko da, Bentakoerrekan lehendik zegoen sektore industrialarekin bat egiteko. Alternatiba honen azalera handiagoa denez, kasuan kasuko sektorizazio‐proiektuan badago lurzoru‐kopuru handia espazio libreetarako erreserbatzerik, babes bereziko edo ingurumenaren hobekuntzako kategorietan.

2. alternatibaren zabalera iraunkorra da Rezolatik Bentakoerrekaraino doan BI‐625 errepidearen alboan. Hartara, badago errepidetik bertatik sartzerik, baina malda handiko lursailean dago kokatuta.

Trenbidea eragozpentzat hartu daiteke, oztopo fisikoa delako; edo komunikazioa hobetzeko aukeratzat ere bai, betiere trenbide‐sare horretan industria‐gune honetarako geralekua jartzerik balego.

Alternatiba honen azalera beste biena baino txikiagoa denez, bideragarritasun ekonomikoa izan dezake. Nolanahi ere, kostuen gehikuntza eta lur‐zatietarako sarbide zailak hartu beharko lirateke kontuan, errepidetik trenbidea eta malda handia gainditu behar direlako.

3. alternatiban, ordea, ezarpena Bentakoerrekako gaur egungo sektoreko iparraldeko mugara egokituko da, dimentsioa moldatuko da eta 2. alternatiban azaldutako arazoa saihestuko da.

26


1. alternatiban bezala, jarduketa hori lehendik zegoen sektorearekiko bide‐lotunearekin egongo litzateke lotuta. Dena dela, baliteke Agirretik beste sarbide batzuk aztertzea. Agerikoa denez, irisgarritasun‐baldintza horiek bere bideragarritasun ekonomikoa hobetzen dute.

3. alternatiban (1. alternatibaren aldean) proposatutako azalera trinkotu egin daitekeenez, baliteke alternatiba horren bideragarritasun ekonomikoa hobea izatea.

27


LURZORUAREN SAILKAPENA

UDAL MUGARTEA

Lurzoruko jabeen eskubide eta betebeharren inguruan lehendik zeuden hutsuneei segurtasun juridikoa emateko asmoz, lehendik zeuden kategoriak handitu dira hiri‐lurzoruan, lurzoru urbanizagarrian eta lurzoru urbanizaezinean.

Legearen arabera, bi kategoria daude hiri‐lurzoruan: hiri‐lurzoru finkatua eta finkatu gabeko hiri‐lurzorua. Bestetik, beste bi kategoria daude lurzoru urbanizagarrian: lurzoru urbanizagarri sektorizatua eta sektorizatu gabeko lurzoru urbanizagarria.

HIRI LURZORUA

Etxebizitzetarako hiri‐lurzorua

Herrigunea: Gaur egungo arau subsidiarioetako zedarripenari eutsiko zaio, Atxukarroko iparraldeko mugaren eta Aixarte etorbideko amaieraren artean dagoen eremua kontuan hartuta.

Abusu: Gaur egungo arau subsidiarioetako zedarripenari eutsiko zaio, Santa Isabel kalearen, Olatxuren eta Ollargan auzoaren artean lehendik dagoen eremua kontuan hartuta.

Hiri‐lurzoru industriala

Atxukarro Gaur egungo arau subsidiarioetako zedarripenari eutsiko zaio.

Rezola Gaur egungo arau subsidiarioetako zedarripenari eutsiko zaio.

Martiartu I Gaur egungo arau subsidiarioetako zedarripenari eutsiko zaio.

Martiartu II Gaur egungo arau subsidiarioetako zedarripenari eutsiko zaio.

Agirre Inguruko zedarripenarekin bat dator, BI‐625 errepiderako proposatutako trazatura egokituko da eta zerbitzu‐bideak kenduko dira.

Txako Inguruko zedarripenarekin bat dator, BI‐625 errepiderako proposatutako trazatura egokituko da eta zerbitzu‐bideak kenduko dira.

Cartisa Gaur egungo arau subsidiarioetan finkatu gabeko hiri‐lurzoru moduan egindako zedarripenari eutsiko zaio.

28


egindako zedarripenari eutsiko zaio.

Lurzoruari buruzko Legeko 11. artikuluan xedatutakoarekin bat datozen ezaugarriak dituzten hiri‐lurzoruko

eremuak finkatu gabeko hiri‐lurzoru moduan sailkatuko dira, hau da:

• Finkatutako urbanizaziorik ez dutenean, hirigintza‐antolamenduak eskatutako zuzkidurarik, zerbitzurik

edo azpiegiturarik ez edukitzeagatik edo nahikoak ez izateagatik; edo, hirigintza‐eraldaketaren bidez,

urbanizazioa berritu, hobetu edo zaharberritu egin behar denean.

• Antolamenduaren arabera, lehendik aurreikusitakoa baino hirigintza‐eraikigarritasun haztatu

handiagoa duenean.

Ezaugarri horien barruan, Cartisako finkatu gabeko lurzoru industrialari eutsiko zaio, eta ezaugarri horiekin bat

datozen betearazpen‐unitateak edo jarduketa asistematikoak sartuko dira bertan.


Etxebizitzetarako lurzoru urbanizagarria

AR‐R1 sektorea, 2. BU Torrontegi II

Gaur egungo arau subsidiarioetako zedarripenari eutsiko zaio.

Aurrerapen honetan sektore horretarako alternatiben onarpenean xedatutakoaren arabera egokituko dira hirigintza‐parametroak.

AR‐R2 sektorea, Lanbarketa Gaur egungo arau subsidiarioetako zedarripenari eutsiko zaio.

Aurrerapen honetan sektore horretarako alternatiben onarpenean xedatutakoaren arabera egokituko dira hirigintza‐parametroak.

Lurzoru urbanizagarri industriala

SI‐1 sektorea, Bentakoerreka Eroski


SI‐2 sektorea, Bentakoerreka Orue


Sektore horiek sektorizatuta daude.

Emaitzaren arabera, aurrerapen honen onarpenean, jarduera ekonomikoetarako lurzoru berria sortzeko aurkeztutako alternatibei dagokienez, sektorizatu gabeko lurzoru urbanizagarri industrial moduan sailkatuko dira proposatutako lursailak.

29


LURZORU URBANIZAEZINA

LANDA GUNEAK

Aurrerapen Agiri honetan, indarreko plangintzan landa‐guneetarako zehaztutako zedarripenari eutsi zaio. Zedarripen horiek plangintza egiteko osteko fasean egokituko dira, EAEko Lurzoruari buruzko Lege berriko 29. artikuluan zehaztutako muga‐irizpideak kontuan hartuta.

Nolanahi ere, honako jarduketa hauek proposatzen dira aurrerapen honetan:

PROPOSAMENAK:

• Brisketa eta Larraskoko guneetako zedarripenari eustea.

• Beretzako gunea handiagotzea. Ugao‐Miraballesko udalerriko mugan handiagotuko litzateke, eta Bilbo Metropolitarraren LPPko “Lurralde‐eredua” planoan konpatibilizazio‐gune moduan zehaztutako gunea hektareako 15‐30 etxebizitzako “A” motako birdentsifikazio‐gunea izango litzateke.

• Bi landa‐gune gehiagoren zedarripen berria egitea, lehendik zeudela eta EAEko Lurzoruari buruzko Lege berriko 29. artikuluan zehaztutako muga‐irizpideetara egokitzen direla kontuan hartuta.

Honako hauexek izango lirateke gune berriok:

• Altamira

• Goriko

30


ANTOLAMENDURAKO KATEGORIAK

Lurzoru urbanizaezinak hiri‐lurzoruaren eta lurzoru urbanizagarriaren negatiboa dauka mugatzat.

Lurzoru urbanizaezinaren barruan, lurzoru‐kategoriak bereizteko orduan, edukia, ezaugarriak eta proposatutako lurralde‐egituraren eskeman garatu behar duten eginkizuna edo plangintzako helburu orokorren arabera bertan ezarri beharreko babes‐mota hartu dira kontuan. Era berean, honako hauexek hartu dira erreferentziatzat: ingurune fisikoa antolatzeko lurralde‐antolamendurako artezpideetan zehaztutako irizpideak eta Bilbo Metropolitarraren LPPn zehaztutako babes‐guneen kategorizazioa.

Horren ondorioz, honako hauexek dira lurzoru urbanizaezinean zehaztutako lurzoru‐kategoriak:

A) Babes bereziko gunea

Bertoko basoetako edo asimilatuetako orbanak bildu dira, BMLPPko Lurralde Ereduaren agiri grafikoetan azaltzen den bezala.

B) Ingurumenaren hobekuntzarako gunea

Hondatutako basoetako edo asimilatuetako orbanak bildu dira, BMLPPko Lurralde Ereduaren agiri grafikoetan azaltzen den bezala. Era berean, eremu baztertuak ere bildu dira, balio handiagoko eremuetatik hurbil egotean kalitate‐maila handiagoetarantz bilakatu behar direlako; esate baterako, Mendikosolobarrena eta Mintegi parkearen zabalkundea.

C) Landa‐ingurunearen babesa

Osteko arauzko tratamenduari begira, intsinis pinua eta eukaliptoak landatzeko baso‐esparru nagusiak bereizi dira, baita nekazaritza zein abeltzaintzarako esparruak eta landazabalak ere. Bertan, hain zuzen ere, nekazaritza eta abeltzaintza erabilerarako ahalmen handiena duten lurzoruak daude sartuta.

D) Azaleko uren babes‐tartea

Lurzoru urbanizaezinaren kategoria honetan, udal‐mugartean lehendik zeuden ubide guztiak daude sartuta, baita Nerbioi ibaiko ubideak, Mendikosolobarrena eta Mintegi parkeko ur‐lamina eta urak bertara isurtzen dituzten erreka guztiak ere.

Bertako bazterrak babesteko esparrua zedarritzeko eta babes‐araubidea zehazteko, Ibai eta Erreketako Bazterrak Antolatzeko Lurralde Plan Sektorialeko gune‐zatiketan eta arautegian zehaztutako irizpideak ezarriko dira.

E) Paisaia aldetik interes handikoa den landa‐gunea

Lurzoru‐kategoria honen barruan, ingurumen zein paisaia aldetik dituzten balioengatik gaur egun dauden moduan babestu beharreko esparruak agertuko dira.

PROPOSAMENAK:

• Lehendik dagoen egiturari eustea. Horretarako, guneen kategorizazioa Bilbo Metropolitarraren LPPn lurralde‐antolamendurako zehaztutako artezpideetara egokitzea.

31


• Montefuerte parke metropolitarra eta Mendikosolobarrena eta Mintegi parkea modu berezian zedarritzea.

• Landa‐guneetako inguruneetan eta Dimution, landa‐babeserako guneak zedarritzea.

• Azaleko uren babes‐tarteen zedarripen grafikoa egitea.

32


EKIPAMENDUA ETA ESPAZIO LIBREAK

EKIPAMENDUAK

“Indarreko Plangintzaren Garapenari buruzko Azterketa” aurretiazko agiriaren arabera, honako hauxe da Arrigorriagako udalerriko ekipamenduen gaur egungo egoera:

Kirol‐ekipamendua

Erdialdea Kristo Santuko kirol‐instalazioak eta udal‐kiroldegia daude.

Ekipamendua egokia da.

Abusu Montefuerteko kirol‐instalazioak daude; eta kirol anitzeko jarduerei dagokienez, Bilbo inguruko instalazioak. Beraz, nahikoak eta hurbilak dira.

Futbol‐zelaiaren ondoan, Montefuerten lehendik dagoen eremua garatu daiteke.

Irakaskuntza‐ekipamendua

Hezkuntza‐eskaintza nahikoa da, hurrengo urteetako eskariaren proiekzioak kontuan hartuta.

Horretarako lurzorua dagoenez, lanbide‐heziketako erdi eta goi mailako lerroak garatu daitezke uraren teknologiaren inguruan, esaterako; Beteluriko araztegia (Ur Partzuergoa) udalerrian dagoela kontuan hartuta.

Osasun‐ekipamendua

Erdialdeko osasun‐zentroa funtzionaltasun, ustiapen eta eraginkortasun baldintzak betetzen ez dituen eraikinean dago kokatuta.

Ekipamendu administratiboa

Udaletxe berria eraikitzean, arlo honetako premiak estalita daude, gaur egungo eraikinak zuzkidura berrietarako erabili ahal izango direla hartu behar delako kontuan.

Ekipamendu soziokulturala

Lonbo, Gaztegune eta Abusuko Zentro Soziokulturaleko ekipamenduen garapena eta Kultur Etxea zein Baruako parkeko tailerrak kontuan hartuta, eskaintza egokia da, udalerriaren herri‐garapenaren arabera.

Gizarte‐zerbitzuetako ekipamendua

33


Altamirako adinekoentzako egoitza berria, Eguneko Zentroa eta Erdialdeko eta Abusuko erretiratuen etxeak kontuan hartuta, ekipamendua egokia da udalerriaren premiei begira.

Hilerria

Hilerri berriak gaur egungo premiak modernizatu eta eguneratu egiten ditu.

Aparkalekua

Erdialdea Egokia da egoiliarrentzat.

Ez da nahikoa txandakako aparkamendurako.

Kubo Egokia da egoiliarrentzat.

Lanbarketa Ez da nahikoa egoiliarrentzat.

Torrontegi Egokia da egoiliarrentzat.

Martiartu Egokia da egoiliarrentzat.

Santa Isabel ‐ Olatxu Ez da nahikoa egoiliarrentzat.

Ez da nahikoa txandakako aparkamendurako.

Ollargan Egokia da egoiliarrentzat.

34


PROPOSAMENAK:

Kirol‐ekipamendua

• Lehendik zegoen egiturari eustea.

Kirol‐erabilerako sistema orokorren azalera 66.955 m²‐koa denez (6,69 Ha), 5,40 m² daude biztanleko (12.395 biztanle).

Kirol‐ekipamenduen osagarri, lurzoru urbanizagarriko sektoreen garapenetik datozen toki‐sistemen 25.583 m²‐ak daude, Bentakoerrekakoa kontuan hartuta. Beraz, azalera 92.538 m²‐koa denez, 7,47 m² daude biztanleko.

Irakaskuntza‐ekipamendua

• Bigarren Hezkuntzako Institutuko ingurunean, irakaskuntza‐erabilerako lurzoru‐eskaintzari eustea.

Irakaskuntza‐erabilerako sistema orokorren azalera 46.217 m²‐koa denez (4,62 Ha), 3,73 m² daude biztanleko (12.395 biztanle). Gaur egun, erabilera horretarako eraikitako azalera 21.544 m²‐koa da (1,86 m²/biz.).

Irakaskuntza‐ekipamenduetarako lurzoru‐erreserbaren osagarri, lurzoru urbanizagarriko sektoreen garapenetik datozen toki‐sistemen 11.553 m²‐ak daude. Beraz, azalera 57.771 m²‐koa denez, 4,66 m² daude biztanleko.

IKEIk egindako txostenaren arabera, gaur egungo instalazioek lehendik zegoen eskaria eta hurrengo urteetarako aurreikusitakoa bermatzen dituzte.

IKEIk egindako txosteneko aurreikuspenen arabera, ez da inolako ahaleginik egin behar, udalerriko irakaskuntza‐zuzkidurak umeen eskariaren arabera handitzeko.

Edonola ere, eskari kuantitatiborik ez badago ere, 0 eta 2 urte arteko umeen hezkuntza‐premiak estali ondoren (lehen zikloko lehengoa), defizita dago Lanbide Heziketako erdi eta goi mailako zikloetan.

Ziklo horien eskaria eskualde‐ikuspegitik hartu behar da kontuan, baina Arrigorriaga eskola‐zirkunskripzioko biztanle gehien dituen udalerria denez, oso egokia izango litzateke bertan kokatzea.

Azalerari eta kokapenari begira, ekipamendu horiek nahikoak eta egokiak direnez, plangintza berrian ez da proposatu irakaskuntza‐erabilerarako lurzorua handitzea.

Osasun‐ekipamendua

• Gaur egungo osasun‐zentro, pilotaleku eta RENFEko azpiestazio elektrikoaren eremuan, betearazpen‐unitatea zehaztea, lehendik zeuden erabilerak behar den moduko baldintzetan garatzeko, etxebizitza‐erabilera eta aparkalekua kontuan hartuta. Horrela, jarduketaren finantziazioa eta bideragarritasun ekonomikoa bermatu ahal izango dira.

Gaur egun, osasun‐erabilerako sistema orokorren azalera 841 m²‐koa denez, 0,07 m² daude biztanleko (12.395 biztanle). Bestetik, erabilera horretarako eraikitako azalera 1.038 m²‐koa da gaur egun (0,08 m²/biz.).

35


Azalera bera nabarmen handitu gabe, osasun‐agintariek xedatutakoaren araberako proposamena egingo da. Dena dela, instalazioak modernizatu, espazioak hobeto erabili eta zerbitzua hobetuko da.

Ekipamendu komunitarioa


Zerbitzu administratiboetan, zerbitzu soziokulturaletan eta gizarte‐zerbitzuetan azken urteotan garatutako eta gaur egungo arau subsidiarioetan aurreikusitako gaur egungo ekipamenduak egokiak dira, udalerriaren dimentsioa kontuan hartuta.

Gaur egun, administrazio‐erabilerako sistema orokorren azalera 2.020 m²‐koa denez, 0,16 m² daude biztanleko (12.395 biz.). Bestetik, erabilera horretarako eraikitako azalera 3.872 m²‐koa da gaur egun (0,31 m²/biz.).

Gaur egun, erabilera soziokulturaleko sistema orokorren azalera 1.710 m²‐koa denez, 0,14 m² daude biztanleko (12.395 biz.). Bestetik, erabilera horretarako eraikitako azalera 5.663 m²‐koa da gaur egun (0,46 m²/biz.).

Ekipamendu soziokulturalerako lurzoru‐erreserbaren osagarri, lurzoru urbanizagarriko sektoreen garapenetik datozen toki‐sistemen 5.647 m²‐ak eta antzinako hiltegiaren erabilera‐aldaketa daude. Beraz, azalera okupatua 7.356 m²‐koa denez, 0,59 m² daude biztanleko, baita 13.048 m²‐ko azalera eraikia ere (1,05 m²/biz.).

Gizarte‐zerbitzuen erabilerako sistema orokorren azalera okupatua 4.334 m²‐koa denez, 0,35 m² daude biztanleko (12.395 biz.). Bestetik, erabilera horretarako eraikitako azalera 10.248 m²‐koa da gaur egun (0,83 m²/biz.).

Hilerria


Gaur egun, Landaerreagako hilerri‐parke berriaren proiektua garatu eta betearazi egin da.

Azalera‐erreserbari dagokionez, hilerri‐erabilerako sistema orokorren azalera 24.083 m²‐koa denez, 1,94 m² daude biztanleko (12.395 biztanle).

Aparkalekua

Udalerrian aparkalekuen arloan dagoen arazoari aurre egiteko orduan, Lurzoruari buruzko Legean zehaztutako iraunkortasun‐irizpideak hartu behar dira kontuan, herriguneetan ibilgailu‐trafikoa murrizteko eta, horren ondorioz, zuzkidura‐zerbitzuekin, administrazioarekin, aisialdiarekin... lotutako aparkalekuen eta, batez ere, txandakako aparkalekuen premia gutxitzeko.

Aparkalekuek eremu bakoitzeko premiak estali beharko dituzte. Horretarako, garraiobideetako geltokien eta herriguneetarako sarbidean alboan jarriko dira, etxebizitza‐guneetako ibilgailu‐zirkulazioak murrizteko asmoz.

Hori guztiori dela eta, honako hauexek dira proposamenak:

• Aparkaleku‐sistemak egitea, hau da, berriak sortzea edo lehendik zeudenak handiagotzea, udalerrirako ibilgailu‐sarbideen edo lehendik zeuden garraio‐azpiegituren bidezko sarbideen alboan (trena, autobusak...).

36


• Batez ere, egoiliarrentzat diren aparkalekuetarako lurzoruak hornitzea, gaur egun defizitarioak diren guneetan eta, batez ere, Lanbarketan eta Santa Isabel‐Olatxun.

ESPAZIO LIBREAK

“Indarreko Plangintzaren Garapenari buruzko Azterketa” aurretiazko agiriaren arabera, honako hauxe da Arrigorriagako udalerriko espazio libreen gaur egungo egoera:

Espazio libreak

Sistema orokorra Espazio Libreen Sistema Orokorra Lurzoruari buruzko Legean zehaztutakoa baino askoz handiagoa da.

Eutsi egin behar zaio, eta bere garapen iraunkorrerako hirigintza‐tresnak garatu behar dira.

Toki‐sistema Espazio Libreen Toki Sistema Lurzoruari buruzko Legean sektore urbanizagarrietarako zehaztutakoa baino handiagoa denez, egokia da erabat.

Gaur egun, Arrigorriagako Espazio Libreen Sistema Orokorraren azalera 2.327.250 m²‐koa denez (232 Ha), udalerriko azaleraren (16.281.319 m²) %14,29koa da, eta 187,76 m² daude biztanleko (12.395 biztanle). Beraz, Lurzoruari buruzko Legeko 78. artikuluan zehaztutakoa (5 m²/biztanle) baino askoz handiagoa da.

Espazio libreen osagarri, toki‐sistemen 133.258 m²‐ak daudenez, espazio libreen azalera 2.460.509 m²‐koa da. Beraz, udalerriko azaleraren %15,11koa da, eta 198,51 m² daude biztanleko (12.395 biztanle).

37


PROPOSAMENAK:

• Lehendik zegoen egiturari eta, batez ere, Montefuerte parkeari zein Mendikosolobarrena eta Mintegi parkeari eustea. Honako hauexek izango dira lehentasunezko jarduketa biak:

1. Montefuerte parkean jabetza pribatukoak diren lursailak eskuratzea, bertako mugarte osoan ingurumenaren hobekuntzarako eta parkearen kudeaketarako jarduerak garatu ahal izateko.

2. Mendikosolobarrena eta Mintegi parkean, Larraskoko magaleko lursailak sartzea, ingurumenaren hobekuntzarako eta parkearen kudeaketarako jarduerak garatu ahal izateko.

• Espazio libreen sarerako, Beteluriko araztegirako ur‐hornidurako hodiak babesteko esparru‐erreserbak berreskuratzea, azpiegitura hori lurpean dagoen guneetan.

Arrigorriagan, 2010eko uztailean

38

PLAN GENERAL DE ORDENACIÓN URBANA HIRIA ANTOLATZEKO … · jarduera horiek era antolatu, orekatu...

Documents

Transcript of PLAN GENERAL DE ORDENACIÓN URBANA HIRIA ANTOLATZEKO … · jarduera horiek era antolatu, orekatu...