NESKA IKUSEZINA

BAZEN BEHIN MARIA IZENEKO NESKA BAT. IBAI BATEN ERTZEAN BIZI ZEN.

MARIAREN ETXEA BI MENDIXKAREN ARTEAN ZEGOEN, ARAN BATEAN. MENDIXKA BATEN GAINEAN HERRI BERDEA ZEGOEN

ETA BESTEAREN GAINEAN, HERRI URDINA

HERRI BERDEKO UMEEK OSO ONDO PASATZEN ZUTEN. ANIMALIEK, BERRIZ, OSO GAIZKI PASATZEN ZUTEN.

HERRI URDINEKO UMEAK OSO POZIK BIZI ZIREN. BAINA HAIEN LANDAREEK OSO GUTXI IRAUTEN ZUTEN.

GAINERA, HERRI BERDEKO UMEAK EZ ZIREN HERRI URDINEKOEN LAGUNAK,

EZTA HERRI URDINEKOAK ERE EZ ZIREN HERRI BERDEKOEN LAGUNAK.

MARIA ERDI-ERDIAN BIZI ZEN: UME URDINEN ETA BERDEEN ARTEAN.

ANIMALIEN ETA LANDAREEN LAGUNA ZEN, BAINA BERAK UME URDINEN ETA BERDEEN LAGUNA IZAN NAHI ZUEN.

HERRI BERDEKO UMEEK EZ ZUTEN HURA MAITE, BERDEA EZ ZELAKO.

ETA HERRI URDINEKO UMEEK EZ ZUTEN MAITE, URDINA EZ ZELAKO.

MARIAK AHALEGIN GUZTIAK EGIN ZITUEN, BAINA, ALFERRIK.

NESKA-MUTIL HAIEK EZ ZUTEN HAREN LAGUNA IZAN NAHI.

MARIA GERO ETA BAKARTIAGO SENTITZEN ZEN. EGUN BATEAN, HAINBESTE NEGAR EGIN ZUEN, BERE MALKOEK DESAGERRARAZI EGIN ZUTEN.

MARIA IKUSEZIN BIHURTU ZENEZ, UME BERDEAK EZ ZIREN KONTURATU HAIEN ARTEAN ZEBILELA

ETA EZ ZUTEN ULERTZEN ZERGATIK HUTS EGITEN ZUTEN UME URDINEN AURKA PRESTATUTAKO TRANPA GUZTIEK

MARIAK DENBORA ASKO EMATEN ZUEN UME URDINEN ARTEAN, NAHIZ ETA HAIEK EZ KONTURATU, IKUSEZINA ZELAKO.

ETA EZ ZUTEN ULERTZEN ZERGATIK IZORRATZEN ZIREN UME BERDEEN AURKA PRESTATUTAKO ARMAK.

MARIAK ASTAKERIA GUZTIAK DESEGITEA LORTZEN ZUENEZ, UME BERDEEK BESTE JOKO BATZUK ASMATU BEHAR IZAN ZITUZTEN.

MARIA AHALEGINTZEN ZEN UME BERDEEK ASMATUTAKO JOKO BERRIAK EZ HAIN BASATIAK IZATEN.

UME URDINEK ERE , EZ ASPERTZEKO, EKINTZA BERRIAK ASMATU ZITUZTEN.

ETA HANDIK GUTXIRA, UME BERDEEN JOKOAK INTERESGARRIAK IRUDITU ZITZAIZKIEN ETA PENTSATU ZUTEN AGIAN HOBE IZANGO ZELA BESTEEKIN JOLASTEA BORROKATZEA BAINO.

AZKENEAN, UME BERDEAK ETA UME URDINAK LAGUN EGIN ZIREN, ETA ELKARREKIN JOLASTEN ZIREN ARAN HARTAN.

HANDIK AURRERA, MARIA EZ ZEN IKUSEZINA IZAN.

ETA OSO POZIK ZEGOEN LAGUN ASKO ZEUKALAKO. JADANIK EZ ZEGOEN BAKARRIK: INORI EZ ZITZAION AXOLA EZ BERDEA EZTA URDINA ERE EZ IZATEA.