EkintzaLab 2012ko Edizioa

10 pilula sortzaileen emaitzak Bilboko ETE-tan garatuak 2012ko Uztaila

[Irudia: Christina Christoforou-ren marrazkia, Urbegi + Ania Bas proiektuaren barruan]

EkintzaLab. 2012ko edizioa. 2

Bit This + weareQQ

Bit This-en helburua: Ingurune lehiakor eta gainezka dagoen merkatuaren testuinguruan, egin eta pentsatzeko modu berriak, eta eguneroko lanean soluzio originalagoak eta eraginkorragoak aurkitzeko ikuspuntu desberdinak deskubritzea.

WeareQQ-ren proposamena: Bit This-ekin ditugun topaketetan mugitzen ari den irudiaren inguruko hainbat planteamendu azaltzea gustatuko litzaiguke. Gure eta gurea ez den materialarekin egingo dugu lan, bitarteko honetan, aldi baterako mugak eta potentziak marrazten joateko.

Garatutako proiektua

Kolaborazioa Bit This-ek bezeroetako batentzat kanpaina bat linean egiteko proposamenetik abiatu zen. WeareQQ-k, ikus-entzunezko narrazioan, elipsi-noziotik abiatzea planteatzen du.

Horrela antolatu zen lehen saioa eta bertan, elipsiaren erabilera eta ondorio ezberdinak aztertu ziren, pelikula zatiak ikustearekin batera. Ikus-entzunezkoan denborari eta espazioari gertatzen zaienaren inguruan lan egin zuten, hortik aurrera kanpaina garatzeko.

Lehen eta bigarren saioen artean Bit This-ek kanpainarako ohar bisual eta kontzeptualak jaurti zituen. Bigarren saioa ohar horietatik abiatuta hasi zen eta horiek eztabaidatu zituen. Solasaldi horretatik bi proposamen jaio ziren kanpaina ezberdinentzat.

Bit This komunikazio-agentzia 2011ko apirilean jaio zen. 5 oinarri xumeri jarraitzen die: 1. Publizitatearen elementurik boteretsuena egia dela uste dugu. 2. Publizitateak pertsonak adimenarekin tratatu behar dituela uste dugu. 3. Estrategiarik gabeko sormena artea da. Estrategia duen sormena publizitatea da. 4. Gure ideiarik onenak xumetasunean eta sinpletasunean oinarritzen dira. 5. Zure publizitatea nabarmentzen ez bada, dirua xahutzen ari zara. Besteek egiten duten gauza bera egiten baduzu, seguru asko ez da inor konturatuko. http://www.bit-this.com/ WeareQQ Vicente Vazquez-ek eta Usue Arrietak urteak daramatzate jendeak aisialdian egiten duena aztertzen. Kirola, makinen eraikuntza, zinetika, talde-osaketa eta elementu geografikoetan jarri dute arreta. Beren ikerketen bidez, mesfidantza eragiten dien natura edo kultura bezalako kategoriak, nortasuna edo lurraldea bezalako nozioak eta lana eta aisia bezalako bikoteak itxuragabetzen dituzte. http://weareqq.com/

EkintzaLab. 2012ko edizioa. 3

Capital Languages + Mikel Morlas

Capital Languages-en helburua: Eredu antolatzaileen inguruan berriz ere hausnartzea eta prozesu sortzaileak garatzea (berrikuntzarako barne-gaitasuna).

Mikel Morlas-en proposamena: Lankidetza honen helburua gestioan berrikuntza eta barne-botere sortzailea suspertzea da, erakundearen eginkizunak berriz diseinatuz eta gatazka eta enpatia leunki konbinatuz.

Garatutako proiektua ETEE askotan lehiakortasunaren sustapena berrikuntzan baino desfokuratuta dauden arazoak agerian uztean oinarritzen da. Capital Languages eta Mikel Morlas-en arteko elkarlanean irudikapen-joko bat aukeratu da –enpresaren logotipotik abiatuta fikziozko markak sortuz-, eta joko horren bitartez negozioaren etorkizunerako soluzioak eta garapen-bide posibleak bistaratu dira.

Capital Languages: hezkuntza-alorrean 35 urtetik gorako ibilbidea duen hizkuntza-zentroa da eta hiru sektoretara zuzendutako jarduera burutzen du: hizkuntzak (ingelesa, frantsesa, alemana eta txinera), ikastaroak atzerrian, eta espainiera Atzerriko Hizkuntza (garatzen ari da). Capital Languages-en helburu nagusia bere ikasleei ziurtagiri ofiziala ematea da, Cambridge, TOEFL edo Trinity College, oraingo edo etorkizuneko garapen profesionalean lagunduko dien gaitasuna egiaztatzeko. http://www.c-languages.com Mikel Morlas Diziplina anitzeko profil akademikoarekin (giza baliabide, arte eta hezkuntza-gestioa) eta jarduera artistikoen alorreko kolektiboetan eginiko ibilbidearekin, heziketa- eta prestakuntza-berritzaileen proiektuen garapena erakunde publiko eta pribatuetan, artista eta komisario jarduerarekin konbinatzen du. http://arnolfini.net

EkintzaLab. 2012ko edizioa. 4

Ideable solutions + Vivero de iniciativas ciudadanas

Ideable-ren helburua: sormena eta berrikuntza sistematizatzea. Sormena bideratzea, produktu berriak pentsatu eta erabiltzaileentzat erakargarriak egin. Beren filosofia eta produktuen komunikazioan berritzea.

[VIC]-en proposamena: erabiltzaile-komunitateak behar dituzten tresnen inguruan hausnarketa egitea, “hiritarren lehentasunen” mapa bat ezarriz, eta berrikuntza soziala eremu publikora errazago transferitzeko modua berriz marraztuz.

Garatutako proiektua Ideable (zerbitzu teknologikoen enpresa) eta VIC-en artean (berrikuntza sozialera eta haren espazio publikorantzako transferentziara dedikatzen den plataforma irekia) ekintza-eremua adostua Eldersarea izeneko proiektua izan zen. Eldersareatik hirugarren adinaren inguruko plataforma teknologiko bat diseinatzen ari dira, kolektibo horri zerbitzu espezifikoak eskaintzeko, haientzat modu erraz eta erosoan. Ikuspuntu teknologikoegia eta enpresarialegiaren aurrean, pilula sortzailearen bitartez alde soziala une garrantzitsuen egutegian eta proiektuaren garapenean integratu ahal izan zen, produktuaren garapenarekin batera plataforma horri lotutako komunitatea sortzeko. Aukerak sortu, ideiak eta elkarlanak eskaini eta beste ekimen batzuk komunikatu eta integratuko dituen komunitatea, prozesu holistikoago batean sinergiak sortuz. Horretarako proiektu-ereduaren aldaketa proposatu zen, berrikuntza itxi batetik eta

une teknologiko-enpresarial garrantzitsuen kronogramatik berrikuntza irekira (komunitatea) pasatuz, etorkizunean Ideable-ren proiektu guztietara estrapolatu ahal izango zena gainera. Pertsona nagusiak teknologiarekin duten harremanari buruz grabatutako bideo batek agerian utzi zuen zulo soziala dagoela, zeinak pertsona nagusiak aurrerapen teknologikoetatik eta haien erabilera eta ulermenetik kanpo uzten dituen, sarritan beren senitarteko edo ingurukoek eraginda. Ideable eta VIC-ek pilulaz haratago ere kolaboratzen jarraituko dute, Eldersarea eta haren garapenaren ingurune soziala modu partekatuan sortuz. Ideable fabrika bat da. Fabrikak ideiak jasotzen ditu lehengai gisa. Horiek aztertu, aukeratu, modelatu, itxura eman eta IT produktuak bihurtzen ditu, eta produktu horiek pertsonen bizimodua hobetzen dute. Izan ere, Ideable-ren helburua pertsonen bizi-kalitatea hobetzea da, tresna gisa teknologia berriak erabiliz. “Gizakientzat teknologia”. http://www.ideable.net/ [VIC] Vivero de Iniciativas Ciudadanas lankidetza proiektua da, irekia, eta hiritarrek proposatutako ekimen eta prozesu kritikoak sustatu, zabaldu, aztertu eta babestera bideratua dago, lurraldera, hirira eta eremu publikora egindako transferentzia bereziki azpimarratuz. Vivero de iniciativas ciudadanas-en helburua gizartean lotura eguneratuak sortzea da, egoera zehatzen inguruko ibilbideak entzun, aztertu eta proposatuz, teoria eta praktika elkartu ahal izateko. http://viveroiniciativasciudadanas.net/

EkintzaLab. 2012ko edizioa. 5

Imprintia + Mabi Revuelta

Imprintia-ren helburua: bezeroen beharren aldaketa eta sozio teknologiko berri batekin batera enpresaren garapen testuinguruan, ETE-ren irudiaren inguruan berriz ere hausnartzea.

Mabi Revuelta-ren proposamena: lana berriki gertatu den ETE-ren negozio-ereduaren aldaketaren analisira zuzenduko da, merkatu berrietara egindako irekiera hori modu ezin hobean komunikatzeko estrategiak aurkitzeko helburuarekin. Garatutako proiektua Artekopi Imprintia-n bihurtzeko bidean aldaketa beharrean zegoen, gaur egun den inprenta digitala bihurtzeko bidean. Elkarlana irudi korporatibo berriaren analisian, atera berri zen web orriaren grafikoan eta sare sozialetan izan zezakeen inpaktua antzematean oinarritu zen, eta puntu horiek aztertu ziren lehen lan-saioan. Hortik aurrera, Imprintia-ko taldeari irudi berri hori –binilo pixelazotik abiatuta- komertzioaren fatxadan ezartzea proposatu zitzaion.

Imprintia inpresio digitalera dedikatzen den enpresa da. http://www.imprintia.es/

Mabi Revueltak Arte Ederrak ikasi zituen Euskal Herriko Unibertsitatean eta 1990ean lizentziatu zen. Orduz geroztik, bere lana modu profesionalean erakusten du galeria, arte-zentro, feria eta museo nazional zein internazionaletan, bestek beste: Galerías Vanguardia, Bilbo eta Raquel Ponce, Madril; La Casa Encendida, Madril; ISCP, New York; Pekingo Cervantes Institutua, Txina eta Tokio, Japonia; ARTIUM, Gasteiz, TEA, Tenerife; Museo Erotikoa, New York eta Guggenheim Museoa, Bilbo. http://www.mabirevuelta.com/

EkintzaLab. 2012ko edizioa. 6

Iruña Catering + Laurita Siles

Iruña Catering-en helburua: produktu/zerbitzu berriak berriz pentsatu/sortzea eta horiek jakinaraztea.

Laurita Siles-en proposamena: janariarekin zerikusia duen guztiak gizakiaren bost zentzumenak ( ikusmena, entzumena, dastamena, usaimena eta ukimena) asetu behar dituela eta catering-zerbitzu horietan kontsumitzaileak norbaitekin bazkaltzen duela kontutan izanik, sukaldea zerbait soziala moduan hartuko da, izaera multisemantikokoa. Elkarrekin egingo dugu lan eta hausnarketa horietatik abiatuz “Iruña Catering”-en beharrentzako formula sortzaileak proposatuko ditugu.

Garatutako proiektua

Grupo Iruña-ren beharrak: publiko ezberdina, heldua zein gazteagoa, “Café Iruña” eta “Café La Granja”-ra erakartzea, bereziki, urtean zehar, jarduera kultural gehienak egiten diren lekura.

Pare bat hamarkada edo gehiago antolatzen diharduten egitaraua aztertzetik, eta ondare kultural gisa duen aberastasuna egiaztatzetik abiatu da hausnarketa. Horregatik, jarduera edo proposamen kulturalak berritu edo berriak sortzea baino, ospea duten jarduerak sustatzearen alde egin da, hiriko talde/sortzaile/elkarte/jaialdi aktiboek bultzatutako jarduera paraleloekin aberastuz.

Beste hainbat ideia ere hartu ziren kontutan, hala nola, establezimenduen “vintage” estetika eta Euskararen presentzia berrindartzea.

Iruña Catering Iruña Taldearen barruan dago, ostalaritza-gestio integralerako gaitasuna duen enpresa-taldean. Hainbat lokal tradizional kudeatzen ditu, Bilboko kafetegiak esate baterako, espazio ezberdinetako hostalaritza integrala kudeatzen du eta era guztietako catering-zerbitzuak eskaintzen ditu. http://www.cafesdebilbao.net/catering/index.htm Laurita Siles Artista nomada eta folklorikoa. Produkzio plastiko diziplinarik gabea eta noragabekoa egiten du, nortasun pertsonal eta kolektiboaren inguruan hausnarketa eginez, eta Folklorearen hizkuntzari arreta berezia jarriz. Valentzia, Reykjavík, Vancouver eta Bordeaux aldean ibili ondoren, gaur egun Algortan bizi da eta, aro globalean nortasuna aurkitzeko folklorearen erabileraren inguruko doktoretza-ikerketan dihardu lanean. http://folklorenomada.com/home.html

EkintzaLab. 2012ko edizioa. 7

Tesysal + Recetas Urbanas

Tesysal-en helburua: enpresaren egoera krisi-testuingurura egokitzea.

Recetas urbanas-en proposamena: Autoeraikuntza kolektiboaren esperientzia eta segurtasun-ikerketa grafikoak egin eta gero, hiritarrek egindako obra txikien gaineko azterketa proposatzen da. Adibide gisa, gaur egun hainbat autoeraikuntza-proiektu garatzen dihardugu ikastetxe publiko edo erakunde kulturaletan, eta obretako segurtasuna ez da halabeharreko moduan planteatzen. Modu hezigarrian eta ia ludikoan proposatu dezakegu, prozedura horiek dituzten onura sozialez gain.

Garatutako proiektua

Autoeraketa kolektiboan eta segurtasun grafikoen ikerketak egiten Recetas Urbanas-ek duen esperientziatik abiatuta, Tesysal-i hiritarrek egindako lan txikientzako azterketa bat egitea proposatu zitzaion.

Recetas urbanas-ek, une honetan, autoeraketako hainbat proiektu kudeatzen dihardu ikastetxe publiko edo erakunde kulturaletan, eta obra-segurtasuna ez da nahitaezko gisa planteatzen. Tesysal-i hezkuntza- eta jolas-alderdiekin gidak garatzea proposatzen zaio, autoeraketak berez dakarren onura sozialak indartuz.

Lan arriskuen Legeak sortzen duen ziurgabetasunak, zeinak ez duen autoeraketarako prozedurak barne hartzen, egonezina eta erantzukizun zibil zehaztugabea eragiten die eraikitzean parte hartzen dutenei. Horregatik da beharrezkoa gaur egun Europan alde batera utzita dagoen jarduera hori ordenatuko duen araudi bat sustatzea.

Recetas Urbanas-ek autoeraketako proiektu berri bat jarri du martxan Sevillan hainbat bizilagun eta erakunde sozialekin, eta eredu gisa erabili nahi da utzita dauden edo egoera kaxkarrean dauden eraikinak birgaitzeko. Komunitatean lan egiteko aukera gehiago sor ditzake horrek.

Tesysal (Lan-segurtasun eta osasunean teknikariak) Eraikuntza alorreko Lan Arriskuen Prebentziora dedikatzen den enpresa da. Obren Segurtasun- eta Osasun-ikerketak eta Segurtasun- eta Osasun-koordinazioak egiten ditu. Bilbon, Oiartzunen eta Gasteizen ditu bulegoak. 16 langile ditu, horietako gehienak Arkitekto Teknikoak eta Ingeniari Tekniko Industrialak. http://www.tesysal.es/caste/index.asp Recetas Urbanas (Santiago Cirugeda y cía). Recetas Urbanas-ek subertsio-proiektuak garatzen ditu hiriko errealitate-eremuetan, bizitza sozial konplikatua aurrera eramaten lagunduko dutenak. Eremu publikoak edukiontziz betetzen dituzte sistematikoki, eta protesiak eraikitzen dituzte fatxada, patio, estaldura eta orubeetan. Gaur egun sarean egiten du lan hainbat talderekin, eta administrazio eta hiritarren artean negoziatzen jarraitzen du. www.recetasurbanas.net

EkintzaLab. 2012ko edizioa. 8

Urbegi + Ania Bas

Urbegi-ren helburua: enpresa merkataritza-ereduaren berregituraketa-prozesuan murgilduta dago, Urbegi nazioarteko marka bihurtzeko helburuarekin. Ingurunearen erlazionatzeko modua berriz planteatu nahi du, ez soilik sarea ehuntzeko modua birmoldatuz, baizik eta mezua bera berriz pentsatuz.

Ania Bas-en proposamena: diseinuaren mugak testeatzea: zer lor daiteke plan bat sortu eta produzituz? Diseinuak beti izan behar du aplikazio argi bat? Jatorrizko pentsamenduaren iturriak eta horiek proiektura aplikatzeko moduak bilatuko dira.

Garatutako proiektua

Grupo Ubegi /Tenzing Centre eta Ania Blas artistaren arteko elkarlana enpresaren filosofiaren eta Tenzing-en espirituaren euskarria diren kontzeptu nagusiak ilustratzeko ikuste-lengoaia sortzean oinarritu zen. Hainbat ilustrazio egin ziren Christina Christoforou artista eta ilustratzailearen laguntzarekin.

Tenzing Centre-k eskaladaren metafora erabiltzen du baterako lanaren inguruan duen filosofia aurkezteko: langileak sherpa edo eskalatzaile deitzen dira, eta lanean jarduteaz gainera, abentura bila ere badoaz, elkarrekin gailurretara ailegatzeko.

Hala ere, enpresak ez du mendirako ekipamendurik saltzen, baizik eta informazioaren teknologiak eta berrikuntza-kontzeptuak garatzen ditu. Sortu diren irudien bitartez sherpen espiritua eta negozio berritzaileen eredua ezagutarazi nahi dira.

Urbegi 2002. urtean jaio zen. Zerbitzuetako 4 alorretan dibertsifikatutako 12 enpresez osatutako taldea da. Zerbitzu eta konpromiso sozialeko bokazioa dauka, eta etikan, balioetan eta jarduten duen ingurune ezberdinekin inplikazioan oinarritutako enpresa-ereduarekin zerbitzu Integral eta Industria-, Ingurune- eta Teknologia-zerbitzu alorretan berrikuntza eta hobekuntza lehiakorren sistemak bultzatzen ditu. http://grupo.urbegi.com/

Ania Bas-ek pertsonekin egiten du lan eta ez mihiseekin. Bere praktikaren bitartez lankidetza- eta parte-hartze-metodo eta prozesuak testeatzen ditu; bere lana ikerketan eta ekintzan oinarritzen da. Ania katalizatzailea da, bideratzailea, anfitrioia, zerbitzu-hornitzailea, produktorea -azken finean, artista. http://www.aniabas.blogspot.com.es/

EkintzaLab. 2012ko edizioa. 9

Urgarbi + Mobiolak

Urgarbi-ren helburua: sormen-prozesuak garatzea erakundearen barruan eta ingurunearekin erlazionatzeko mekanismo berriak bilatzea.

Mobiolak-en proposamena: bere lan-metodologia enpresarekin partekatzea, mahai-lanetik irten eta prozesu irudimentsuagoak eta sortzaileagoak aktibatuz, ekintza fisikotik eta jokotik.

Garatutako proiektua

Urgarbi-rekin lehen topaketa informala izan eta gero, eta enpresaren eta antzeko enpresen ezaugarriak ikertu ondoren, Mobiolak-ek sormen-lan bat proposatu zuen Urgarbik duen ingurumenarekiko sentsibilizazio-alorra garatzen laguntzeko.

Lehen saioko helburua izan zen enpresaren ohiko hizkuntza teknikoa deskodetzea, ezagutza teknikorik gabeko haur zein heldu batek ulertzeko moduko ikus-ideia eta terminoetan bihurtzeko.

Antzerti-jokoak planteatu ziren Urgarbiko bi kideen gaitasun espresiboa garatzeko, eta marrazketa eta idazketa ere erabili ziren. Bigarren saioan, metodologia berari jarraituz, enpresaren gizarte eta ingurumenarekiko sentsibilizazio-gaitasuna sustatzeko hainbat ekintza diseinatzea proposatu zen.

Urgarbi-k teknologia eta zerbitzuak garatzen ditu azaleko urarentzat. http://www.urgarbi.eu/es

Mobiolak proiektu artistiko, kultural eta sozialak sortu eta ekoizten lan egiten duen profesional-taldea da. Mobiolak-ek pertsona-taldeen artean loturak sortzen dituzten berrikuntza sozialeko prozesuetan jartzen du arreta, eta teknika artistikoen bitartez egin du hori, batik bat antzerti- eta ikusentzunezko-teknikak erabiliz. http://www.mobiolak.org/

EkintzaLab. 2012ko edizioa. 10

Worköholics + Amasté

Worköholics-en helburua: zerbitzu bat eskaintzeko aukeraren aurrean, produktu bat sortzeko aukera ikustea, eta bere marka produktu gisa saltzeko moduak bilatzea. Eta bere salmenta- eta komunikazio-inguruak zabaltzea.

Amasté-ren proposamena. Internet bidez ezagutu dugu “Lanaren menpe dagoen diseinu-alorreko jendea” bere taldea. Uste dugu haien obsesioetako batzuk guk ere baditugula eta taldean parte hartzea gustatuko litzaiguke, gure traumak bakardadean ez bizi izateko. “El club de la lucha”-n ikusi genuen horrelako talde disfuntzional bat, baina ez genekien existitzen zirenik, eta are gutxiago Bilbon bertan.

Garatutako proiektua: Terapia arriskutsua?

Zeu zarenaren aurka egiten duzunean hainbat gauza gerta daitezke, nor bere barruratzea, aurrerantz ihes egitea edo, Worköholics-ek egin duen moduan, besoak garbaldu eta zure barruan murgiltzea, barrentasuna eta leize-jatorria aztertzea, zaren horretatik etorkizunerantz ibilaldi berritzaileari ekiteko. Behar bada ez da ezer berria izango, baizik eta ispiluan begiratzekoan zure burua berriz ere ezagutzea eta ikusten duzuna gustukoa izatea, tik eta berezitasun guztiekin. Bakarrak, bereziak egiten gaituzten gauzatxo horiek.

Worköholics jokoan sartu da, biluztu egin da, terapia egin nahi izan du ondorio guztiekin. Horrek arriskuak bere gain hartzea esan nahi du, aldaketara irekia egotea. Eta modu zuzen edo zeharkakoan miniprozesu horrek izan ditu ondorioak. Gainera, Worköholics-ek mudantza egiten

zuen bitartean egin du hori guztia, bulegoz aldatzen zuen bitartean. Eta egoitzaz aldatzen duzunean erabaki behar izaten duzu zer ez duzun eramango, ekipaje arina izateko, bulegoa erreferente berriz betetzen joateko. Leiho handi bat duen bulegoa.

Egia esan prozesu guztia oso erraza izan da, hasieran zer zinen, orain zer zaren eta izatea gustatuko litzaizukenari buruz berba egitea, pentsatzea; norberaren pertzepzioak eta desioak, erreferenteak eta gaitasunak. Tabernako filosofia pixka bat, autoanalisia eta talde-terapia, kultura herrikoiaren background-a partekatzea, sinbolikotik pentsatzea. Eta hortik zer irteten zen ikustea. Zer irten da? Worköholics gehiago.

Worköholics SL-k web eta ikusentzunezkoen diseinu eta komunikazioan egiten du lan. Esperientzia bisualak sortzen ditu marka bakoitza bere audientziarekin erlazionatzeko beharrari erantzuteko. Erabiltzailearen bide, tresna eta ohitura berriei egokitutako formatuetan komunikazio-kanpainak egiten ditu, eta erabiltzaile horrek komunikazio-ekintza aukeratu, diskriminatu eta horietan parte hartzen du, ekintzako protagonista bihurtuz. http://www.workoholics.es/

AMASTÉ ideia-bulegoa da. Imajinazioa, hausnarketa aktiboa eta espiritu kritikoa sustatzeko bitartekotza-, harreman- eta partehartze-prozesuak antolatzen ditu, berrikuntza eta garapen sozial, kultural, ekonomiko eta/edo politikorako tresna gisa. Sormen aplikatua, partekatzeko komunikazioa, garaiarekin konprometitutako jarduera artistikoa eta besteengandik ikastean oinarritutako pedagogiaren inguruan egiten du lan. http://www.amaste.com