EKINTZA PLANA - wearetipi.cowearetipi.co/public/docs/planotik_kalera-ekintza_plana.pdf1 AURKIBIDEA...

EKINTZA PLANADURANGON PAUSOZ PAUSO

HIRIGINTZA BARNERATZAILERANTZ 2017ko urtarrila

1

AURKIBIDEA

EKINTZA PLANA

Sarrera . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . o2

Neurriak· Zuzentze neurriak . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . o3 · 4 guneren eraldaketa proposameak · Zuzkidura publikoekin zerikusia duten mapako beste puntu batzuk · Prebentzio neurriak . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . o5

ERANSKINAK· Hiri Debekatuaren Mapan jasotako 4 guneren eraldaketa proposamenak . . . . . . . . . . . . . . . o6

2

SARRERA

Durangoko Berdintasunerako Komisio eta Kontseiluak sustatuta, 2016ko azaroa eta abenduan zehar Durangoko Udalak “Planotik kalera” prozesu parte-hartzailea gauzatu du Hiri Debekatuaren Mapa eguneratzeko. Prozesu honek bi emaitza nagusi izan ditu: alde batetik, Hiri Debekatuaren Mapa gaurkotu da, aurreko mapan jaso ziren puntuak berrikusiz eta gune berriak identifikatuz. Bestalde, detektatutako 4 puntutarako eraldapen proposamenak gauzatu dira udalerriko emakumeekin batera, eta txosten honetan atxikitzen direnak.

Honez gain, Udalak hirigintza barneratzailean sakontzeko adierazitako nahiari erantzuteko eta une honetan ematen ari den HAPOaren berrikuspen prozesua aprobetxatuz, “Planotik kalera” prozesuaren itxiera txostenarekin batera esku arteko ekintza plan hau garatzea erabaki da. Hirigintza barneratzaileak pertsonentzat hiri atseginagoak sortzea du helburu: emakume zein gizon, gazte zein zahar, kultura zein jatorria edozein izanda ere. Hiri atseginei buruz ari garenean, alde batetik irisgarritasunari buruz ari gara, bai mugikortasun anitzak kontutan hartuta eta bai gizarte-maila eta maila-ekonomiko anitzei erreparatuz. Honez gain espazio kolektiboei buruz ere ari gara, kontsumo dinamiketatik eta zeregin produktiboetatik haratago, lan erreproduktiboak gauzatzeko espazio publikoetaz. Azken finean, pertsonen eguneroko bizitza diseinuaren zentroan jartzean datza.

Hiri Debekatuaren Mapa egungo egoeraren diagnosia egiteko tresna baliagarria den arren, etorkizuneko zabalpenei begira, aproposena hirigintza barneratzailearen ikuspegi eta tresnetaz baliatzea dela ulertu da, gaur egun ematen diren egoerak aurretiaz ekiditeko helburuarekin. Prozesuaren itxierarekin fase bat bukatu den arren, hausnarketa eta eragin sakonagoa izango duen beste fase bat irekitzeko aukera zabaltzen da hemen.

Ekintza plan honetan beraz, udalak 2017 - 2018 urteei begira hirigintza arloan genero ikuspegia txertatzeko zenbait jarraibide zehazten dira.

3

NEURRIAK

ZUZENTZE-NEURRIAK

Zuzentze-neurrien helburua egungo egoera hobetzeko bideak ematea da. Lehenengo 4 puntuen proposamenak “Planotik kalera” parte-hartze prozesuko hiri-diseinu tailerraren emaitza izan dira, eta gainontzeko puntuak, udaleko bulego teknikoak gauzatutako balorazio txostetik eratorri dira.

• 4 guneren eraldaketa proposamenak

o1. Askatasuna etorbidearen atzealdea Epea: 2o17

Aurreikusitako aurrekontua: 15o.ooo €

Azalpena: Gune hau Askatasuna etorbidearen atzealdean kokatzen da. Trenbidea bera eta honen lurperatzeagatik sortutako orubea ditu alde batean eta etxebizitzak bestean. Oinezkoek trenbidera sartu eta irteteko igarobide bezala erabiltzen dute batez ere, eta kotxeek aldiz aparkatzeko eta etxebizitzetako garajeetara sartzeko. Gaur egun igarobide hotz eta xarmarik gabekoa dena, gune atsegin eta bizi bilakatzea da helburua.

Proposamenaren inguruko zehaztasun gehiago jakiteko kontsultatu hemen.

o2. Sasikoa kaleko parkea Epea: 2o17


Azalpena: Gune hau Sasikoa kalearen eta Estanislao Labairu kalearen arteko etxadian kokatzen da. Itxurari dagokionez, triangelu forma dauka eta arboladun berdeguneek eta parkea zeharkatzeko igarobide zolatuak osatzen dute parkea. Eraldaketa txikien bitartez lekua goxoagoa egitea da helburu nagusia, eta horrela, gaur egun ematen direnak baino jarduera gehiago gertatu ahal izatea.


o3. Zabalarra kalea Epea: 2o18

Aurreikusitako aurrekontua: 0 €

Azalpena: Gune hau Zabalarra kalearen mendebaldean kokatzen da. Gaur egun bi baserri eta baratzak dituen belardi hau urbanizatzeko bidean dago eta jada Sakoneko Azterketa eginda dauka. Egungo egoeran gabeziak detektatu dira eta helburua hauek konpontzea den arren, etorkizunera begira aukera eraginkorrago bezala ikusi da jada eginda dagoen Sakoneko Azterketaren gainean lan egitea eta modu honetara, egindako proposamenaren inpaktu eta eraginkortasuna handitzea.


o4. Francisco Ibarra kaleko etxe-irla Epea: 2o18


Azalpena: Gune hau Jose Antonio Agirre Lehendakaria kalearen eta Francisco Ibarra kalearen arteko etxadiaren barrualdean kokatzen da. Forma irregularra dauka eta arboladun berdeguneek eta gunea zeharkatzeko igarobide zolatuak osatzen dute espazioa gaur egun. Aldaketa txikiak proposatuz, lekua atseginagoa egin nahi da igarotzeko bideaz gain egoteko espazio ere bilakatu dadin.


4

• Zuzkidura publikoekin zerikusia duten mapako beste puntu batzuk

o1. Etxezarreta parkea zabaltzea Epea: 2o17


Azalpena: Aukera anitzak eskaintzen dituen parkea izanik, beronen manteinua gauzatu eta erabilera publikora irekitzea proposatzen da.

o2. Argiztapenaren eta irisgarritasunaren inguruan espazio publikoaren kalitatea berrikustea Epea: 2o17

Aurreikusitako aurrekontua: berrikuspena 3o.ooo €, esku-hartzea 1oo.ooo € / urteko

Azalpena: Argiztapenari dagokionez, espazio publikoaren kalitatea berrikustea proposatzen da. Garrantzitsua da argia dagoela ziurtatzeaz gain, nolakoa den eta aztertzea eta honen egokitasuna ziurtatzea. Honetarako, espazio mota bakoitzari moldatutako tipologiak azalduko dituen katalogo bat osatzea gomendatzen da. Detektatutako irisgarritasun arazoak konpontzea ere iradokitzen da.

o3. Erabilera publikoa eta jabetza pribatua duten espazioak hobetzeko, auzo-komunitatei bideratutako diru-laguntzak berreskuratzea

Epea: 2o17 - 2o18

Aurreikusitako aurrekontua: 18.ooo € /urteko

Azalpena: Miaketa ibilbidean zehar argiztapen eta itxura aldetik hobetu zitezkeen espazioak detektatu dira, erabilera publikoa izan arren auzo-komunitateen jabetzakoak direnak. Udaletik gune hauek hobetzeko emandako diru-laguntzak berreskuratzea proposatzen da. Hala ere, diru-laguntza jasotzeko baldintzak aldatzeko beharra ikusten da, esku-hartzeek puntu beltzen problematika modu aproposean konpondu dezaten.

Diru esleipenerako hurrengoa pausuak jarraitzea iradokitzen da: 1º Katalogo edo gida bat osatzea, ezaugarri komunak dituzten puntuak multzokatu eta

tipifikatutako esku-hartzeak jasoko dituena. Dokumentu hau auzo-komunitateei bidaliko zaie. 2º Auzo-komunitateek hobetze proiektua aurkeztea3º Hirigintza barneratzaileen kriterioen bidez baloratzea eta hauen arabera diru-laguntza

esleitzea.

o4. Landakoko bidegorria Epea: 2o18


Azalpena: Landakoko bidegorri tartea hobetzeko eta pertsona guztientzat egunez zein gauez irisgarria izan dadin, hainbat esku-hartze proposatzen dira:

1º Argiztapen publikoa berrikustea.2º Inguruko landaredia berrikustea, argiztapenarekin bat etor dadin.3º Kiroldegiari eta atletismo-pistari bidegorrian gauzatzeko ekintzak sustatu ditzaten proposatzea.4º Bidegorria Juan Olazaran kalearekin konektatuko duen oinezkoen zubiaren eraikuntza

bultzatzea.

5

PREBENTZIO NEURRIAK

Prebetzio-neurrien helburua etorkizunera begira udaleko hirigintza sailean genero perspektiba txertatzea da, orain berrikusten ari den HAPOan honen eragina islatzearekin batera. “Planotik kalera” parte-hartze prozesuaren sortutako interes eta sinergien emaitza dira hurrengo proposamenak.

o1. Hirigitza barneratzailearen inguruko formakuntza udaleko teknikarientzat Epea: 2o17

Aurreikusitako aurrekontua: 4.ooo €

Azalpena: Genero ikuspegiaren eta hirigintza barneratzailearen inguruko formakuntza HAPOaren berrikuste prozesuan parte hartzen ari diren udal teknikarientzat. Astean behin, 4 orduko saioak aurreikusten dira 4 astetan zehar, eta honez gain, eraikuntza ordenantza berrien sorrera gidatu eta jarraipena emateko 12 ordu aurreikusten dira.

o2. Eraikuntza ordenantza berrien sorrera Epea: 2o18

Aurreikusitako aurrekontua: o €

Azalpena: HAPOari begira, hirigintza barneratzailearen irizpideak barne hartzen dituen eraikuntza ordenantza berria sortzea edo daudenak berrikustea. Honen helburua, etorkizunari begira puntu beltzen eta eguneroko bizitza oztopatzen duten guneen sorrera sahiestea da.

o3. HAPOaren genero auditoretza Epea: 2o18

Aurreikusitako aurrekontua: 18.ooo €

Azalpena: HAPOaren hasierako onespenean Genero Auditoretza txertatzea. Genero Auditoretza HAPOa genero ikuspegiaren irizpideen bitartez berrikusten eta hobetzen

duen dokumentua da. Honen helburua planeamendua pertsonen egunerokotasun eta esperientziara hurbiltzea da, lan erreproduktiboaren beharrak ere bertan islatu daitezen. Honetarako, lehenik eta behin planaren aurrerapenaren analisi eta diagnostikoa gauzatzen da. Ondoren, detektatutako gabeziak hobetzeko neurri zuzentzaileak txertatzen dira eragina duten dokumentuaren atal guztietan.

Ingurumen inpaktuaren ebaluazio bateratuarekin batera txertatuko litzateke, hau da, aurrerapen dokumentuaren ondoren eta planaren hasierako onespena gauzatu baino lehen.

ERANSKINAK

[+]Hiri Debekatuaren Mapan jasotako

4 guneren eraldaketa proposamenak

7

ASKATASUNA ETORBIDEAREN ATZEALDEA

Gune hau Askatasuna etorbidearen atzealdean kokatzen da. Ez du kale-izenik baina trenbide berriaren sarrerako zonaldea hartzen du bere baitan. Trenbidea bera eta honen lurperatzeagatik sortutako orubea ditu alde batean eta etxebizitzak bestean. Oinezkoek trenbidera sartu eta irteteko igarobide bezala erabiltzen dute batez ere, eta kotxeek aldiz aparkatzeko eta etxebizitzetako garajeetara sartzeko.

• HelburuakGaur egun igarobide hotz eta xarmarik gabekoa dena, gune atsegin eta bizi bilakatzea da helburu

nagusia.

• Erabilera eta erabiltzaile motakGunea iragate gune oso erabilia bilakatu da tren geltoki berria egin denetik, eta igarotzea

mantendu nahi da erabilpen nagusi bezala, baina egoteko eta topaketarako aukerak ere eskaini nahi dira. Ez da erabiltzaile mota konkretu bat aurreikusten, trenaz baliatzen den oro da erabiltzaile potentziala.

• Esku-hartzearen deskribapenaEgun atzealde izatera kondenatuta dagoen espazio honi izaera propioa eman nahi zaio, igarobide

huts izatetik aktibitate propioa duen espazio bat lortuz. Paseorako erabili daitekeen kale atsegina sortu nahi da, argitasuna, kolorea, landaredia eta zuhaitzak gehituz.

Kalearen luzera guztian oinezkoei nagusitasuna emateko helburuarekin, kotxeen presentzia gutxitu nahi da. Aparkaleku gisara erabiltzen den espazioa oinezkoei eman eta kotxeen igarotzea garajeetarako sarbideetara heltzeko soilik mugatzea proposatzen da. Aldaketa honekin, posible izango litzateke espaloia zabaltzea eta gaur egun aparkatutako kotxeek sortzen duten oztopo bisuala desagerraraztea. Espaloi zabaltze honekin batera eserlekuak jartzea da iradokitzen dena, zehazki hormari lepoa emanez eta trebideari, zeruari eta Oiz mendiari so. Gainera, argitasuna hobetu eta espaloiaren argiztapen egokia lortze aldera, beheranzka argitzen duten luminariak jartzea aurreikusten da. Zoruan integratutako luminariak gehitzea ere proposatu da.

Honez gain, horma eta lurra hartuko ditzakete muralak margotuz espazioa kolorez betetzea proposatu da. Izan ere, kaleari luzera guztian zehar kolorea eta bizitasuna gehitzeko beharra ikusi da espazioa atseginagoa bilakatu dadin.

Trenbidearen orubera ematen duen kale atal hau lantzeaz gain, proposamenak egin dira baita Askatasuna etorbidearekin lotzen duen zeharkako kale zati batean [planoan dago adierazita]. Alde batetik, egun oinezkoena den baina orokorrean kotxeek okupatzen duten espazioa identifikatu da, eta gune honetan banku zirkularrak jartzea proposatu da. Banku hauek egurrezkoak izango lirakete eta zati batzuetan bizkarraldea edukiku lukete eta besteetan ez. Bertan dagoen eta zaintzen ez den pergola kentzea ere iradoki da. Honela, kotxeak desagerraraztearekin batera, kaleari eman nahi zaion topaketa zentzu hori nabarmentzenduko litzateke, eta kalearen luzera osoan zehar proposatu diren hiri altzariei jarraitasuna emango litzaieke baita. Gainera, gune honetan eguzkiak ematen duela hauteman da, eta topaleku izateko aukerak dituen espazio bezala detektatu da. Aurreikusten diren bankuak zirkularrak dira, bizkarraldedun eta bizkarralde gabeko eserlekuak konbinatzen dituztenak eta egurrezko akabera dutenak hain zuzen ere.

Guzti honez gain eta gehigarri bezala, parte-hartzeaileen artean umeentzako skate park-a jartzea proposatu da, leku zehatza zehaztu ez den arren.

8

IparraE: 1/1.500

• Material grafikoa

<

<

<

<

<

<

<

<

<

Beheranzko kale-argiaEserleku borobilaBizkarraldedun eserlekua

Koloredun muralaEfektu bisualak lurrean

Errepide oinezkotua

<

Leienda:

9

SASIKOA KALEKO PARKEA

Gune hau Sasikoa kalearen eta Estanislao Labairu kalearen arteko etxadian kokatzen da. Dorre itxura duten etxebizitzak ditu alde batean eta pabiloi industrialak bestean. Itxurari dagokionez, triangelu forma dauka. Arboladun berdeguneek eta parkea zeharkatzeko igarobide zolatuak osatzen dute parkearen egungo egoera.

• HelburuakLasaitasuna transmititzen duen topaleku bihurtu nahi da Sasikoako parkea. Eraldaketa txikien

bitartez lekua goxoagoa egitea da helburu nagusia, eta horrela, gaur egun ematen direnak baino jarduera gehiago gertatu ahal izatea: bazkari, umeen merienda edo bilkura forma duten harreman sozialak, paseoa edo atsedena besteak beste.

• Erabilera eta erabiltzaile motakErabilera anitzak jaso arren, lasai eta baketsuak direnak aurreikusten dira, mugimendu askodun

jolasak beraz herriko beste gune batzuetarako gordez. Erabiltzaileei dagokienez, generazio ezberdinetako eta kultura eta jatorri anitzetako banakoak

erakarri nahi dira lekura. Erabiltzaile perfil konkretu batean ardaztu baino, orotariko identitatedun pertsonak aurreikusten dira gunean.

• Esku-hartzearen deskribapenaSasikoako parkerako egin den proposamenak gaur egungo egoera izan du abiapuntu, eta aldaketa

txikiak eginez, espazioa altzari eta gehigarriz hornitu da helburuak lortzeko asmoz. Egun igarobide den parke txiki hau elkarleku bilakatzeko, lehenik eta behin hiri-altzariz hornitzea

erabaki da. Aipatutako bazkari, merienda eta bilkurak gertatu daitezen, existitzen den berdegunean egurrezko 5 mahai borobil ezartzea aurreikusi da, bizkarraldedun eserlekuz inguratuta [egurrezkoak baita]. Garrantzitsua da egurraren garrantzia azpimarratzea, material epela izanik, hiri-altzariak egun bero zein hotzagoetan erabiltzea ahalbidetzen baitu. Gainera, atsedenerako aukera anitzak eskaintzeko asmoz, belarretan etzatea eta esertzea ahalbidetu nahi da belar erresistentea jarriz, zapaltzean hondatuko ez dena hain zuzen ere.

Parkearen manteinu egokia sustatzeko, mahai bakoitzetik hurbil zakarrontziak ezarri dira erabiltzaileek sortutako hondakinak erreztasunez jaso ditzaten. Pertsona guztien erabilera bermatzeko, mahai bakoitzaren alboan beheranzka argitzen duten kale-argi bana ezarri da.

Egun pasorako zolatuta dagoen bidean ere, egurrezko eserleku arruntak aurreikusi dira, 3-4 personaren artean konpartitzekoak eta bizkarraldea dutenak. Jesarleku hauek igarobidera begira ezarri dira berdeguneari bizkarra emanez eta pasabidearen bi aldeetan.

Lekuaren goxotasuna handitzeko eta parkeari zentralitatea emango dion elementua kokatzeko, zolatutako igarobideko “oinezkoen rotonda” erdian iturri bat ezartzea iradoki da. Iturria gainera, landara usaintsuekin inguratu da. Gainera, guneari kutsu naturalagoa emateko, pabiloiengandik banatzeko dagoen hesi metalikoan landara igokariak edo baratza bertikalak jartzeko aukera ikusi da.

Azkenik, aipatzekoa da lekuak ez duela izenik eta miaketa ibilbidea egin zen egunetik emakume izena jartzearen nahia adierazi zela.

Guzti honez gain eta gehigarri bezala, parte-hartzeaileen artean lekuak berak usain txarra izaten duela aipatu da, arazo honi irtenbidea eman ahal izateko edo diseinatzerako orduan kontutan hartu dadin.

10

IparraE: 1/500


Leienda: IturriaBeheranzko kale-argi bikoitzaMahai borobilaZakarrontzia

Bizkarraldedun eserlekuaBizkarraldedun eserlekua

Bizikleta aparkalekuaLandaradun hesi metalikoa

<

<

<

<<

<

<

<

11

ZABALARRA KALEA

Gune hau Zabalarra kalearen mendebaldean kokatzen da. Gaur egun bi baserri eta baratzak dituen belardi hau urbanizatzeko bidean dago eta jada Sakoneko Azterketa eginda dauka. Egungo egoeran gabeziak detektatu dira eta helburua hauek konpontzea den arren, etorkizunera begira aukera eraginkorrago bezala ikusi da jada eginda dagoen Sakoneko Azterketaren gainean lan egitea eta modu honetara, egindako proposamenaren inpaktu eta eraginkortasuna handitzea. Hemen deskribatzen den proposamena beraz, Sakoneko Azterketak azaldutako proposamenaren gainean egin da.

• HelburuakErakargarria den eta erabilera anitzak jasoko dituen gunea sortzea da helburu nagusia, hiritargoa

osoak erabili eta gozatu ahal izango duena. Honez gain, berebiziko garrantzia eman zaio egun belardian dauden baratzei espazioa emateari, planean ez baita honetarako lekurik aurreikusten, eta aisialdirako guneak handitzeari.

• Erabilera eta erabiltzaile motakAurkeztutako Sakoneko Azterketak aurreikusten ez dituen hiri-baratzak eta entrenatzeko eta

kirola egiteko guneak proposatu dira erabilera gehigarri bezala, elkarleku atsegina izan daitekeen ibai ingurua osotuko luketenak. Ez da erabiltzaile mota konkretu bat aurreikusten, kirola egin edo lasai egon nahi duen oro da erabiltzaile potentziala.

• Esku-hartzearen deskribapenaAurreikusitako plana aberasteko helburuarekin, zenbait aldaketa proposamen egin dira Sakoneko

Azterketaren gainean.Landutako proposamenean, aurreikusten diren etxebizitza blokeen eta ibaiaren arteko espazio

hori trantsizio gune bezala ulertu da, eta ondorioz, gune urbanoa baina naturaz gozatzeko aukera ere ematen duena landu da. Honetarako, kotxeentzako aparkaleku gehiegi aurreikusi direla hauteman ondoren, hauetariko zenbait murriztea proposatu da aisialdirako espazioari leku egin ahal izateko.

Trantsizio gune honetan, espazioa hiritarra izatetik natural izatera igarotzen da. Honetarako, errepidearen beste aldean, etxebizitzetatik hurbilen dagoen zonaldean, saskibaloi kantxa bat eta skate egiteko gunea proposatu dira. Ondoren, gune naturalagoa izango litzatekeena proiektatu da, ortuak jasoko lituzkeena hain zuzen ere.

Sakoneko Azterketaren mugetatik at dagoen arren, ibai inguruko aisialdi eta natura zonaldeari jarraipena ematea aberasgarria izango litzatekeela aipatu da. Kirola egiteko gune bat [work-out gune bezala ezagutzen dena], haurrentzako parke bat eta merendero gune bat jarriz, aktibitate propioa izango lukeen ingurua sortzeko aukera ikusi da.

Hauen kokapen eta deskribapen zehatza garatu ez den arren, mahaiak, eserlekuak, kale-argiak, zaborrontziak, bizikletak aparkatzeko lekua eta bestelako hiri-altzarien beharra azpimarratu da sortuko den espazioa kalitatezko espazioa izan dadin.

12

IparraE: 1/1.000


Leienda: Skate guneaKirol kantxakBaratzak

Work-out guneaHaurren jolas parkeaMerenderoaLasaitzeko gunea

13

FRANCISCO IBARRA KALEKO ETXE-IRLA

Gune hau Jose Antonio Agirre Lehendakaria kalearen eta Francisco Ibarra kalearen arteko etxadiaren barrualdean kokatzen da. Etxebizitzaz iguratuta dago eta bi bulego ere baditu behe solairuko albo batean, gunera irteera zuzena dutenak. Itxurari dagokionez, forma irregularra dauka. Arboladun berdeguneek eta gunea zeharkatzeko igarobide zolatuak osatzen dute espazioa gaur egun.

• HelburuakAlde batetik, jada existitzen diren igarotze eta txakurren pasealeku erabilerak mantendu nahi

dira, bizitasuna ematen baitiote lekuari. Bestalde, aldaketa txikiak proposatuz, lekua atseginago egin nahi da egoteko espazio ere bilakatu dadin, bai pertsona adinduentzat, bai gazteentzat...

• Erabilera eta erabiltzaile motakAipatu bezala, proposatzen diren erabilerak igarotzea, topaketa-gunea eta txakurren aisialdia

dira. Aurreikusten diren erabiltzaileak beraz, pertsona zahar eta gazteak, txakurren jabeak eta txakurrak, eta igarobidea behar duen pertsona oro dira.

• Esku-hartzearen deskribapenaEgindako proposamenean aldaketa txikien bitartez espazioaren kalitatea hobetu nahi da. Egun

pasorako leku aproposa dena, egoteko leku atsegin sortu nahi da kolorea gehituz, hiri altzariak berpentsatuz eta landaredian aldaketa txikiak iradokiz.

Elkartzea sustatzeko helburuz, alde batetik, bidegorria kentzea proposatzen da egun dauden berdeguneak mantenduz. Modu honetara, oinezkoen pasabide zabalagoa lortuko litzateke, igarobidearen bi aldeetan elkar begiratzen duten bankuak jartzea ahalbidetuz. Aurreikusi diren hiri altzariak bizkarraldedun egurrezko jesarlekuak dira, materialtasunak bai egun hotz eta bai beroetan jesartzea ahalbidetu dezan. Jarleku indibidualak ere proposatu dira baina beti ere binaka jarrita eta aurrez aurre.

Landarediaren inguruan ere zuhaitz altuak aurreikusi dira eserlekuetatik hurbil. Adarrak erdialdetik goraka edukitzeari eman zaio garrantzia, itzala eman baina oztopo bisualik sortu ez dezaten. Gaur egun zuhaitzak egon badauden arren, gutxi dira eta espaloitik guztiz aldenduta daude. Aproposena igarobidetik hurbil kokatzea izango litzateke udako egunetan gerizpea nahi izaez gero, eserlekuetan eseri ahal izateko edo itzalpetik igaro. Honez gain, lekuaren xarma handitzeko, egonlekuaren inguruan landara usaintsudun loreontziak jarri daitezke. Esplizituki adierazi da zuhaixkarik ez jartzeko nahia, segurtasun eza trasmititzen baitute.

Kale-argiei dagokienez, beheranzka argitzen duten luminariak jartzea aurreikusi da argi zuria ematen duten lanparekin. Modu honetara, espaloiaren argiztapen egokia lortuko litzateke. Zaborrontziak hobetze aldera, birziklatzeko aukera ematen duten horietakoak jartzea proposatu da.

Proposatutako beste esku-hartze bat espazioaren alde batean dagoen horma handia margotzea izan da. Manteinu egokia emanez eta kolorez betez, ikuspegia hobetu eta espazioa erakargarriagoa bilakatu daiteke. Emakumeekin edo auzokoekin batera mural bat egiteko aukera ere azaldu da espazioarekiko jabetza sustatzeko ekintza bezala.

Azkenik, gunearen alde batean pasillo antzeko bat dago, luzea dena eta irteerarik ez duena. Gune hau gaur egun txakurrak ibiltzeko baino ez da erabiltzen. Espazioari ez zaionez aukera handirik ikuten, eta ulertuz gaur egun txakurrak hor ibiltzen direla, beraientzako propio egokitutako gunea egiteko aukera plazaratu da. Gorozkiak batzeko zaborrontzi aproposa jarriz eta jolasteko harmaila edo elementuren bat diseinatuz, txakurren aisialdirako gunea izan zitekeela aurreikusi da.

Honenbestez, kolorea duen eta lasaia den espazio atsegina sortu nahi da Francisco Ibarra kaleko etxe-irla barrualde honetan. Eserlekuen eta landarediaren kokapena moldatuz, eta kolorea eta elementu txikiak gehituz, igarotzeko lekua den hau auzokoentzako topaleku bilakatu daiteke.

14

IparraE: 1/750


Leienda: Beheranzko kale-argiaZakarrontziaLandara usaintsudun loreontziaKoloredun murala

Bizkarraldedun eserleku indibiduala

Bizkarraldedun eserlekua

Bidegorri oinezkotua

<<

<< <<

<<

<<

< <

< <

15


www.ttipistudio.com | [email protected]

WikiToki - Harrobia Enparantza 5 - 2, Bilbao

http://www.ttipistudio.com/

EKINTZA PLANA - wearetipi.cowearetipi.co/public/docs/planotik_kalera-ekintza_plana.pdf1 AURKIBIDEA...

Documents

Transcript of EKINTZA PLANA - wearetipi.cowearetipi.co/public/docs/planotik_kalera-ekintza_plana.pdf1 AURKIBIDEA...