Espainiako Auzitegi Gorenak Kataluniako independentismoaren liderren aurka emandako

epaiaren aurrean, Zaldibarko udalak ondorengoa adierazten du: 1.- Epai honek agerian uzten du Estatuak, botere judiziala tresna politiko huts gisa hartuta, gure herrien autodeterminazio-eskubidea defendatzen dugunontzat ezarritako prezioa: gerra ekonomikoa, 155 eta espetxea. 2.- Berretsi egiten du funtsezko printzipio demokratiko guztiekiko konpromisoa, eta elkartasuna adierazten die Catalunyako herriari, independentista kondenatuei, haien senitarteko eta lagunei, baita Espainiako Gobernuak gidatuta demokraziaren aurkako errepresio politikoa pairatzen duten pertsona eta erakunde guztiei. 3.- Herrien autodeterminazio-eskubidea lantzeko konpromisoa bere egiten du, herrien asmo

demokratikoaren adierazpena ahalbideratu eta erabakiak errespetatuak izan daitezen. 4.- Gure etorkizuna erabaki nahi dugun herrien eta bertako herritarren borondate librearekiko errespetutik abiatuta, gure etorkizuna eraiki nahi dugula berresten du. 5.- Espainiako Gobernuari eskatzen dio bertan behera utz dezala demokraziaren oinarrizko printzipioen aurkakoa den errepresio estrategia. 6.- Espainiako Gobernuari eskatzen dio aske utz ditzala espetxeratuak eta bertan behera utz ditzala erbesteratuen aurkako auzibideak. 7.- Deialdia egiten dio jendarteari deitutako mobilizazio guztietan parte har dezan.

“ Espainiako Auzitegi Gorenak urriaren 14an eman zuen ezagutzera Kataluniako 'procésaren epaia, nazio hartako hainbat agintari politiko eta soziali 9 urtetik 13 urtera doazen zigor gogorrak ezarriz, ustezko sedizio eta bidegabeko erabiltze delituak egotzita. Epaiaren kontrako errekurtsoa Auzitegi Konstituzionalaren aurrean aurkeztu ahal izango da eta, bere kasuan, Giza Eskubideen Europako Auzitegian ere. Udal honen aburuz erabaki benetan [arria da, auzi politiko baten judizializazio arduragabea dakarrena. Ebazpen eta auto judizialen gainetik ere, auzi politiko horrek bere horretan jarraituko du eta zigor esparrura eramanda, are indar handiagoarekin. Organo jurisdikzionalaren epaia baino, hauxe izan da Estatuak eman duen erantzuna. Botere judizialaren baliabideak inoizko indarrik handienarekin erabilita, une honetan bizirik dagoen gatazka politikoari erantzun dio, gaur ezagutu den erabakiak are larriago bihurtzen duen krisia dagokion testuingurutik ateratzen duena. Une oro esan dugu prozedura judizial hau ez zela sekula eta inola ere eman behar. Bere garaian salatu genuen eta gaur orduan bezain tinko salatzen dugu kataluniar gizartearen ordezkari legitimoei presoaldi prebentiboa ezarri izana. Salbuespenezko zigorra izan zen eta oraingo epaiarekin are larriago bilakatu da, gatazkari amaiera eman beharrean bere gorenera eramaten baitu eta Espainiako estatuaren barruan elkarbizitza demokratikoa astintzen baitu. Katalunian auzi politiko bat dago, eta auzi politiko honek behar duen irtenbidea ez da etorriko epaiketetatik edo ebazpenetatik ezta 155. artikulua aplikatzetik ere. Horregatik guztiagatik, EAJ-PNVren Udal Taldeak eztabaidarako eta Osoko Bilkuran onartzeko proposatzen du ondorengo,

MOZIOA:

1.- Espetxeratuta dauden eta epai honek kondenatzen dituen kataluniar ordezkarien askatasuna erreklamatzen dugu, epaitutako gertakariak esparru politikora mugatzen direla ulertzen dugulako.

2.- Gure elkartasuna eta hurbiltasuna adierazten diegu egoera bidegabe honek kaltetzen dituen pertsona guztiei, beren senideei eta ordezkatzen dituzten erakunde politiko eta sozialei. Era berean aldarrikatzen dugu epai bidegabe honek behar duen erantzun irmo, bare eta anitza kataluniar gizarteak baliatu izan duen bide beretik eramatea, hau da, bide baketsu eta demokratikoen bidez.

3.- Espainiako jarduneko Gobernuari eta Espainiako gainerako indar politikoei dei egiten diegu eta eskatzen diegu auzi hau bide onetik eraman dezatela, epai honek dakartzan ondorio pertsonal eta politikoak arintzeko bidea ekarriko duten konponbideak bilatuz, eta elkarrizketari aukera bat eman diezaiotela legalitate eta zilegitasun demokratikoa uztartuz, aniztasuna errespetatuko den eta auzi politikoak baliabide politikoen bidez erabakiko diren egoera batean.

Irtenbidea elkarrizketatik eraman behar da eta elkarrizketatik etorriko da. Elkarrizketa ireki, eraikitzaile eta demokratikotik. Kataluniako biztanleriaren gehiengoaren borondateari asebetetzeko erantzuna emango dion negoziaketatik. Hiritargo honek bere etorkizuna erabakitzeko eskubidea dauka”

“1. Zaldibarko Udalak ziurtatzen du demokraziaren adierazpen baketsua, indibiduala zein kolektiboa, gauzatzea eta herriari hitza ematea ez dela delitua. Hori horrela, urriak 1eko erreferenduma tresna demokratiko eta zilegia izan zela, eta Kataluniak bezala Euskal Herriak ere, berezkoa dutela etorkizuna erabakitzeko eskubidea.

2. Zaldibarko Udalak argi eta garbi adierazten du ezin direla justifikatu Auzitegi Gorenak etaEstatuko botereek Kataluniako agintari eta gizarte eragileei bizkarreratutako auzia eta ezarritako zigorrak.

3. Zaldibarko Udalak nabarmentzen du Kataluniako Procesaren aurkako auziak eta epaiakZuzenbide Estatuaren itxuragabetzea dakartela eta ezbaian jartzen dutela espainiar demokraziaren homologazioa nazioartean.

4. Zaldibarko Udalak azpimarratzen du euskal herritarrei zuzenean eragiten digula Estatuespainiarraren erantzun bortitzak, izan ere herrien borondatea era demokratiko eta baketsuz erabakitzea mozten baitu eta arazo politikoari tribunalen indarrez, 155. Artikuluaren ezarpenez edo erabakitze eskubidearen alde egiten dutenei edonolako neurri bidegabeak ezarriz irtenbide elkarrizketatu eta negoziatua bilatu ordez eta herriari galdetu beharrean.

5. Zaldibarko Udalak Estatuko botereei eskatzen die, espetxean dauden preso politikoakberehala aske utz ditzala eta era berean, erbesteratu politikoen aurkako auzibideak bertan behera utz ditzala.

6. Zaldibarko Udalak elkartasuna adierazten die Kataluniako preso eta erbesteratu politikoeinahiz haien etxekoei hala nola Kataluniako herriari eta erakundeei, eta gipuzkoarrei dei egiten diete bat egin dezaten herriari hitza ematearen aldeko ekimen baketsuekin, demokraziaren eta askatasunaren alde.”