EGILEAK: Arantza Iribar Begoña Ibañez Susana Urien Rakel Intxauspe

1

AURKIBIDEA

1. SARRERA.............................................................................................3. orrialdea

2. IKASLEAREN EGOERAREN INFORMAZIO OROKORRA.................3. orrialdea

2.1. IKASLEAREN GARAPENA ARLOETAN......................................4. orrialdea

2.2.HEZKUNTZA-BEHARRAK.............................................................4. orrialdea

2.3.HEZKUNTZA-ERANTZUNAK........................................................6. orrialdea

2.3.1. Egokitzapenak curriculumean............................................6. orrialdea

2.3.2. Curriculum-sarbiderako egokitzapenak............................7. orrialdea

3. UNITATE DIDAKTIKOA: EUROA ZERTARAKO?..............................8. orrialdea

3.1.OINARRIZKO GAITASUNAK.........................................................8. orrialdea

3.2.HELBURU DIDAKTIKOAK.............................................................9. orrialdea

3.3.EDUKIAK........................................................................................9. orrialdea

3.4.METODOLOGIA...........................................................................10. orrialdea

3.5.JARDUEREN SEKUENTZIAZIOA...............................................11. orrialdea

3.6.ANIZTASUNAREN TRATAERA...................................................40. orrialdea

3.7.EBALUAZIOA...............................................................................40. orrialdea

3.7.1. Ebaluazio-irizpideak..........................................................41. orrialdea

3.7.2. Ebaluazioa noiz eta nola...................................................41. orrialdea

4. BIBLIOGRAFIA...................................................................................43. orrialdea

2

1. SARRERA

Proiektu hau Matematika irakasgaiaren programazioaren barnean kokatuta dago. Programazioa LHko bigarren zikloko lehen mailako ikasleentzat egina dago, eta horietako batek hezkuntza-premia bereziak (HPB) ditu.

Programazioa euskara hutsean ikasten duten ikasleei zuzenduta dago, eta ingurune euskaldunean dagoen ikastetxe batean landuko da. Euroa ondo erabiltzen ikastea beharrezkoa da eguneroko bizitzarako: erosketak egitean prezioak ulertu eta konparatzeko, erosi nahi dutena erosteko adina diru daukaten jakiteko, etab. Lan honetan, euro billeteak eta euro txanponak landuko ditugu, eta haien arteko baliokidetasunak ere bai. Aldi berean, ikasleak erosketa txikiak egitera animatuko ditugu, hori guztia praktikan jartzeko.

Tutoreak dira ordu gehien egoten direnak gela barruan, eta gai gehienak haiek ematen dituzte. Beraz, ikasleentzat, ikasgela bakoitzeko erreferente nagusia tutorea da.

Pedagogia Terapeutikoko Espezialista (PTE) eta batez ere Hezkuntza Bereziko Espezialista (HBE) egongo dira aldizka gela barruan, hezkuntza- premia bereziak dituen ikasleari erantzun egokia emateko. Halere, ikasle horrentzat planteatutako Matematika irakasgaiko programazioa gelako besteenaren berdina da, eta, noski, orain garatuko duguna ere bai; berak, tutoreaz gain, PTEaren eta HBEaren laguntza izango du irakasgai honetako saio guztietan, eta materialen beharrezko egokitzapenak egingo zaizkio.

Lehendabizi, HPBko ikaslearen egoeraren informazio orokorra, haren garapena arloetan, hezkuntza-beharrak eta hezkuntza-erantzunak ahalik eta garbien azaltzen ahaleginduko gara; eta ondoren, Matematika irakasgaiko programazioaren barnean dagoen euroaren unitate didaktikoa garatuko dugu.

2. IKASLEAREN EGOERAREN INFORMAZIO OROKORRA

Ikasle honek garun-paralisia du. Horrek eragin handia du haren garapen psikomotorrean: oreka mantentzeko eta bi eskuekin manipulatzeko zailtasunak ditu, baita espazioaz jabetzeko ere.

Ikusmen-pertzepzioan distortsioak dauzka (nola ikusten duen). Horren ondorioz, ikasleak ingurua, ikusmenaz baino, nahiago du entzumenaren eta ukimenaren bidez aztertu.

Haren eskolatzean ikusten denez, Haur Hezkuntzako azken maila errepikatu zuen, baina, gaur egun, Lehen Hezkuntzako lehen zikloko helburuak gaindituta dauzka.

Oztopo horiek gainditzeko, materiala egokitu behar zaio.

3

2.1. IKASLEAREN GARAPENA ARLOETAN Autonomia-arloan

Arazo fisikoa dela eta, autonomian zailtasunak ditu, eta helduen laguntza behar du egunerokoan moldatzeko. Lan erritmo motela du, eta beste ikasleek baino denbora gehiago behar du.

Arlo psikomotorreanMotrizitate orokorra baldintzatua du, eta, dituen zailtasunak

ikusita, Curriculum Egokitzapen Indibiduala (CEI) dauka Soinketa arloan. Motrizitate finari dagokionez, zailtasun handiak ditu. Motrizitatearen eta begi-eskuen koordinazioaren aldetik du atzerapen handiena; horren ondorioz, ezin du eskuz idatzi, eta zailtasunak ditu ikusteko eta margotzeko.

Arlo kognitiboanHaren mundua besteena baino mugatuagoa da, zentzumenen

informazioa gutxiagotuta daukalako eta inguruarekiko eta besteekiko duen elkarreragina baldintzatuta dagoelako.

Informazioa ahoz eman behar zaio, ingurua hobeto ezagutu dezan. Hala ere, egokitzapenei esker, gai da bere adinari dagozkion hainbat helburu eta gaitasun lortzeko.

2.2. HEZKUNTZA-BEHARRAK

Nortasuna eta autonomia pertsonala- Gelako kide sentitzea eta taldeko ekintzetan parte hartzea.- Bere garbitasunaz eta gauzez arduratzea (materiala, arropa).- Erabili behar dituen gelen, espazioen, txokoen eta materialaren kokapena ezagutzea.- Ordutegiaz jabetzea.- Lagunengana jotzea laguntza eskatzeko, interesa adierazteko, jolasteko...- Une batzuetan, bakarrik, heldurik gabe, zerbait egitea: gelan, patioan, autobusean, jangelan...- Tutorearenganako harremana bultzatzea: tutoreari lanak erakustea, tutoreak esandakoa jasotzea, tutoreari galdetzea.- Jangelan, bazkaria bakarrik jatea.

Psikomotrizitate-garapena- Psikomotrizitate fina garatzea: marrak ezkerretik eskuinera eta goitik behera, biribilak, karratuak, marratik atera gabe margotu, kolatu...- Gorputzeko postura egokia mantentzea: ondo eseri, bizkarra zuzen eta burua tente. - Gorputz Hezkuntzako orduan, CEIa daukanez, egokituta dituen jarduerak landuko ditu.

4

Lanarekiko jarrerak- Lanarekiko interesa, arreta eta intentzionalitatea azaltzea: zer eta nola egin behar duen jakitea.- Inpultsibitatea murriztea. Ondo pentsatu eta erabaki ondoren egitea.- Lanak, denbora jakin batean hasi eta bukatzea, eta amaitzen duenean adieraztea.

Ingurune sozial eta fisikoaren ezaguera- Berarekin erlazionatzen diren pertsonak eta bera mugitzen den espazioa ezagutzea.- Ohiko gaien eta gai berrien inguruan interesa adieraztea.- Irakurri, ikusi edo entzundakoari buruzko galderak erantzuteko gai izatea.- Gelan landutako gaietan parte hartzea, informazioa, materiala eta argazkiak ekarriz.- Talde-lanetan partaide sentitzea eta erantzukizunak hartzea.

Hizkuntza- Aginduak jaso eta betetzea, ahoz eta irakurriz.- Esaldiak eta ipuin motzak irakurri eta ulertzea.- Doinu egokiz, besteek ongi ulertzeko moduan irakurtzea.- Esaldiak, ipuin motzak, olerkiak kopiatzeko gai izatea.- Esaldi, ipuin, albiste eta gutun motzak idazteko gai izatea.- Ipuinak eta istorioak ordenatzea.- Diktaketa motzak egiteko gai izatea.- Aurkezpenetan, doinu egokiz, lexiko zehatza erabiliz eta ordenatuta adieraztea egin duena.- Hiztegia zabaltzea eta zehaztasunez hitz egitea.- Egindakoa eta gertatutakoa gogoratu eta kontatzeko gai izatea.

Matematika- 100.000 arteko zenbakikuntza ezagutzea: irakurketa eta grafia.- Batuketak eta kenketak egitea, burukoarekin.- Biderketa-taulak buruz ikastea.- Biderketak eta zatiketak egiten ikastea.- Segidetan falta den zenbakia aurkitzea.- Zenbakiak 100 arte kontatzea, goitik behera eta behetik gora, binaka, hirunaka, bosnaka, hamarnaka...- Batekoa, hamarrekoa, ehunekoa, milakoa eta hamar milakoa bereiztea.- Zenbakien deskonposaketa egitea.- Neurtzeko unitateak ezagutzea eta bereiztea.- Denbora:

- Data: urtea, hilak eta asteko egunak ikastea.- Gelako ordutegia erabiltzea.- Ordulariaren funtzioa eta beharra ezagutu eta sentitzea.- Erlojua modu digitalean eta analogikoan irakurtzea.

5

- Dirua: euro billeteak eta euro txanponak ezagutzea, haien balioaz jabetzea eta ondo erabiltzea.- Irudi geometrikoak ezagutzea.- Buruketak egitea: egoera errealak, berak manipulatuta.- Kalkulagailua ongi erabiltzen ikastea.

2.3. HEZKUNTZA-ERANTZUNAK

2.3.1. EGOKITZAPENAK CURRICULUMEANGorputz Hezkuntzan CEIa dauka LHko lehenengo ziklotik.

Aurten, Ingelesean ere CEIa tramitatu zaio. Nortasun eta autonomia pertsonaleko, psikomotrizitate-garapeneko eta fisioterapiako helburuak eta eduki asko Haur Hezkuntzakoak ditu.

Ingurune sozial eta fisikoari dagokionez, helburu batzuk LHko lehen ziklokoak dira.

Euskara eta Matematikako edukiak eta helburuak, berriz, LHko bigarren zikloko lehen mailakoak dira. Beraz, bere kideen programazio berdina jarraitzen du arlo horietan, hezitzailearen eta PTEaren laguntzaz, eta beharrezkoak dituen material egokituak erabiliz.

2.3.2. CURRICULUM-SARBIDERAKO EGOKITZAPENAK

1- Ingurunearen plangintzaIkastetxean, haren gela lehenengo solairuan dagoenez,

igogailua erabiltzen du. Egokitutako komuna ere beharrezkoa du.Ikasgelan, zenbait faktore kontuan hartu behar dira:- Ikasgelan duen kokapena mugatzea.- Objektuen eta materialen kokapena, eskura izan ditzan. - Argitasuna kontrolatzea, bai naturala eta bai artifiziala.Autobuseko joan-etorrietako eta jangelako denbora-tarteak,

autonomia eta ohitura batzuk lantzeko izateaz gain, une egokiak izango dira beste ikaskideekin harremanak sendotzeko.

2- Baliabide pertsonalak Ikasleak ia beti bere erreferentzia-taldearekin egingo du lan.

PTEak sei saiotako laguntza eskainiko dio: lau saio Matematika irakasgaian eta bi Euskaran, gehienetan gela barruan. Beste saioetan, HBEaren laguntza jasoko du.

3- Materialen egokitzapenak- Mahai eta eserleku egokituak erabiliko ditu, eguneroko lanak

behar bezala egin ahal izateko.- Ezin du eskuz idatzi, eta ordenagailua erabiliko du lan asko

egiteko. Tamaina handiko hizkiak erabiliko ditu (Verdana 46).- Ordenagailuan, liburuetako ariketak eta fitxak egokituko

zaizkio.

6

- Ordenagailuko teklatuan zulatutako babes bat erabiliko du, teklak banaka zanpatu ahal izateko. Teklatuko hizkiak, berriz, tamaina handikoak jarriko dizkiogu, ondo ikus ditzan.

- Materialak, jokoak eta ipuinak egokitu egingo zaizkio, tamaina handiko hizkiak erabiliz.

- Zenbaki handidun kalkulagailua erabiliko du.- Margo eta errotulagailu lodiak erabiliko ditu margotzeko.- Idatzizko bidea baino, ahozko bidea gehiago erabiliko dugu,

edukiak ahalik eta era manipulatiboenean lantzeko.- Marrazkiak egiteko, irudiez baliatuko da, eskuz ezin duelako.- Lanak bakarka egin behar direnean, berak ordenagailuz

egingo ditu, tamaina handiko hizkiak eta zenbakiak erabiliz. Ahal den guztietan, ahoz eta manipulatuz ere egingo ditu.

- Talde-lanetarako (binaka, launaka...) fitxak egokituko zaizkio, Verdana 46 tamaina erabiliz. Eskuz idatzi ezin duenez, PTEak fitxa bakoitzerako beharrezko eranskailuak (zenbakiak, ikurrak, objektu edo produktuen izenak...) prestatuko dizkio, horiek itsatsiz jarduerak egin ahal izateko.

- Material manipulatiboa ere egokitu egingo zaio: plantilak eragiketak lantzeko eta segidak egiteko, egutegia, erlojua, karta-jokoak, izen itsaskorrak…

3. UNITATE DIDAKTIKOA: EUROA ZERTARAKO?

Jarraian, euroaren unitate didaktikoa garatuko dugu. Alde batetik, oinarrizko gaitasunak, helburuak, edukiak eta metodologia azalduko ditugu; bestetik, jardueren sekuentziazioa egingo dugu, eta hainbat ariketa erantsi.

3.1. OINARRIZKO GAITASUNAK Unitate honetan, eginkizun hauen bidez landuko dira oinarrizko gaitasunak:

Matematikarako gaitasuna Euro billeteak eta euro txanponak sartzen diren problemak ebaztea. Benetako egoeretan, euro-txanponak egoki erabiltzea.

Hizkuntza-komunikaziorako gaitasuna Ahozko azalpenetan diru kopurua adierazteko gaiak txertatzea, komunikazio-trebetasunak hobetzeko. Dirua gaia izanda, asmatutako problemak idaztean, datuak ondo adieraztea eta gramatika, ortografia eta puntuazio-zeinu egokiak erabiltzea.

Zientzia-, teknologia- eta osasun-kulturarako gaitasuna Dirua ondo erabiltzen ikastea, eguneroko bizitzan eta hainbat egoeratan behar den bezala erabiltzeko.

7

Informazioa tratatzeko eta teknologia digitala erabiltzeko gaitasuna Diru kantitate bera hainbat modutan adieraz daitekeela konturatzea. Kalkulagailua erabiltzen ikastea. Matematika-programak erabiltzea ordenagailuan, unitateko edukiak ulertzen eta barneratzen laguntzeko.

Gizarterako eta herritartasunerako gaitasuna Europako moneta-sistema komunaren garrantziari buruz hitz egitea. Kontsumo arduratsua egiteak duen garrantzia adieraztea, jarrera kritikoa indartuz eta eskaintza onenak aztertuz. Aurreztearen zentzua eta dirua balioestea.

Ikasten ikasteko gaitasuna Proposatutako egoerak ebazteko eman dituzten urratsak ahoz adieraztea.

Norberaren autonomiarako eta ekimenerako gaitasuna: Problemak ebazteko plangintza egitea, estrategiak bilatzea eta erabakiak hartzea. 3.2. HELBURU DIDAKTIKOAK

Unitate honetan lantzen diren helburu didaktikoak honako hauek dira:

1. Euro billeteak eta euro txanponak ezagutzea.2. Euroen eta zentimoen arteko baliokidetasunak jakitea.3. Eurotan eta zentimotan adierazitako prezioak batzen eta

kentzen jakitea.4. Dirua kontatzen jakitea.5. Salerosketetako egoera errazak lantzea.6. Diruarekin lotutako eguneroko bizitzako problemak

ebaztea.

3.3. EDUKIAKAurreko puntuan aipatutako helburuei erreferentzia zuzena

egiten diete eduki hauek:- Diru-sistemaren unitateak: euroa, zentimoa. Baliokidetasunak.- Diru-sistemako txanponak eta billeteak. Baliokidetasunak eta

trukeak.- Diru kopuru jakin bat unitate desberdinetan adieraztea. - Diru kantitateen arteko batuketak eta kenketak egitea.- Ordainketak egiteko beharrezko txanponak aukeratzea.- Erosketekin erlazionatutako problemak ebaztea.- Eguneroko bizitzako egoeretan dirua ondo erabiltzea.

8

3.4. METODOLOGIA

Aniztasuna errespetatu, desberdintasunak gainditu eta egungo gizarteak eskatzen duenari erantzun ahal izateko, ikasleen ikasketa- prozesua indartu eta bultzatu beharrean gaude:

- Ahalik eta giza eta material baliabide gehienak eskainiz.- Elkarreraginak ahalbidetuz.- Gizartean bizi izateko gaitasunak garatuz.

Beste edozein unitate didaktikotan bezalaxe, zati eta lan egiteko modu hauek bereiz ditzakegu:

Sarrera-jarduera Ikasleen aurre-ezagutzetatik abiatuko gara, eta hezkuntza eraikitzailearen ildotik jarraitu. Irakasleak ikasleak inplikatuko ditu zirikatuz, egoera aproposak aurkeztuz, galderak eginez… Modu horretan, irakasleak taldearen eta ikasleen maila neurtuko du, aldi berean gai berria ikaslearen aurre-ezagutzekin lotuz. Horrekin guztiarekin batera eta aldi berean, ahozko hizkuntza, txanda errespetatzea, besteak entzutea, bizipenak adieraztea, etab. landuko dira.

Garapena Ezagutza berriak txertatuz, jarduera praktikoak egingo dira, bai talde handitan eta baita talde txikitan ere; jakina, bakarkako lanez gain. Hala, jarrera kooperatiboen garapena indartu, eta berdinen arteko ikaskuntza bultzatuko dugu.

Bukaera Azken saioa errepaso modura erabiliko dugu, talde elkarreragileen bidez. Gela lau ikasle-taldetan banatuko dugu. Talde kopurua bezainbeste jarduera egingo dira. Jarduera bakoitza heldu (edo boluntario) baten tutoretzapean egongo da, eta talde guztiak jarduera batetik beste batera pasatuko dira, guztietatik pasatu arte. Heldua toki batean finkaturik geratuko da.

3.4.1. BALIABIDEAK

Baliabide didaktikoak ulerterrazak eta unitateari lotuak izango dira. Hiru baliabide mota erabiliko ditugu:

9

-Idatziak: tutoreak edo PTEak prestatutako fitxak, argitaletxeetako ikasliburuak (Elkar, Erein, Anaya-Haritza, Zubia-Santillana), fotokopiak, publizitate-katalogoak...

-Manipulagarriak: euro billeteak eta euro txanponak, benetakoak izan ez arren tamaina eta kolore berekoak.

-Ikus-entzunezkoak: ordenagailua, CDak (Morganek hamar, Xarpak marmar; Eurojolasak; KLIK) eta Internet (www.thatquiz.com).

3.4.2. DENBORA Denbora antolatzea beharrezkoa da, eta unitate hau lantzeko

bederatzi saio prestatu ditugu. Saioak astean lau izango dira, ordubetekoak.

3.4.3. ESPAZIOA

Ikasgelaren antolaketa ikur honen formakoa da: “∏”; baina jardueraren arabera, talde txikiak antolatuko dira, hau da, binaka, launaka, bosnaka. Beste egoera batzuetan, talde handia izango da erreferentzia, eta batzuetan bakarkako lanak ere egin beharko dituzte. Ikasgelaz aparte, informatika-gela ere erabiliko dugu; hor, binaka arituko dira lanean. Bederatzi saioetatik zortzi gela arruntean emango dira, eta bat informatika-gelan.

3.5. JARDUEREN SEKUENTZIAZIOA

Hainbat saiotan landuko da ikasunitatea, eta, metodologian aipatu dugun bezala, ikaslearen aktibitateak hiru motatakoak izango dira: 1. Hasiera edo sarrera-jarduera 2. Garapena edo aplikazio-jarduerak 3. Unitatea errepasatzeko edo ikaskuntza berriak finkatzeko jarduerak

EUROA ZERTARAKO?2.ZIKLOA – 1.MAILA

SAIOA- 1 / 9HASIERA EDO SARRERA-JARDUERA

Talde osoari zuzendutako jarduera da. Mahaiak baztertu, eta bai ikasleak eta bai irakasleak (tutorea + PTEa + HBEa)

10

aulkietan eseriko dira, biribilean jarrita. Euroari buruz dituzten aurre-ezagutzak aztertuko ditugu, hori

motibazio-ekintza bezala erabiltzeko. Horretarako, irakasleak galdera batzuk idatziko ditu arbelean (ikus 13. or.).

Ikasleek aukera izango dute galdera horiei buruz dakitena adierazteko, batak bestearen txanda errespetatuz. Irakasleek parte hartzera animatuko dituzte denak.

Ikasleen kontsumo- eta aurrezte-ohiturei buruz ere hitz egingo dugu, beharrezkoa bakarrik erosi behar dela ondorioztatzeko.

Guztiek dakitena adierazi ondoren, tutoreak mapa handi bat aterako du; gero, euroa Europar Batasuneko hamasei herrialdetako moneta ofiziala denez, herrialde horiek arbelean idatzi, eta ikasleak mapan topatzen saiatuko dira. Beharrezkoa bada, irakasleek lagunduko diete.

Bukatzeko, irakasleek, sarrera honetan jasotako informazioa laburbilduz, informazio idatzia emango diete, eta billete eta txanponen orria ere bai (ikus 14. eta 15. or.).

Denen artean bi orrialde horiek irakurri eta ulertu ondoren, eta billete eta txanponen desberdintasunak eta balioak aztertu eta gero, bukatuko dugu saioa.

EGOKITZAPENAK: HPBko ikasleari, arbelean idatzitako galderak paperean

tamaina handiko hizkiz (Verdana 46) idatzita emango dizkiogu. Ozenki irakurriko ditugu galderak.

Bukaeran banatutako bi orrialdeak tamaina handiagoan emango zaizkio, ondo ikusteko. Ordenagailuz eginak daudenez, bertan tamaina egokian ikusteko aukera ere izango du.

EUROARI BURUZKO GALDERAK

-Ba al dakizue noiz hasi ginen euroa erabiltzen?

-Ezagutzen al duzue euroaren sinboloa?

-Zenbat herrialdetan erabiltzen da euroa? Ba al dakizue zein diren

herrialde horiek?

-Zenbat billete ezagutzen dituzue? Eta zenbat txanpon?

-Berdinak al dira billeteak herrialde guztietan? Eta txanponak?

-Ezagutzen al duzue billete eta txanpon bakoitzaren balioa?

-Zenbat zentimo behar dira euro bat osatzeko?

11

-Begiratzen al dituzue erakusleihoetan, publizitate-katalogoetan…

interesgarriak iruditzen zaizkizuen objektu edo artikuluen prezioak?

-Egiten al duzue erosketaren bat bakarrik?

-Aurrezten al duzue dirurik? Zertarako?

-Euro txanponak eta euro billeteak ondo erabiltzen jakitea garrantzitsua

dela iruditzen al zaizue? Zergatik?

EUROA

Gogoratu:

EUROAREN SINBOLOA : €

EURO BAT = 100 ZENTIMO

Euroa Europar Batasuneko hamasei herrialdetako moneta ofiziala

da: Alemania, Austria, Belgika, Zipre, Eslovenia, Eslovakia, Espainia,

Finlandia, Frantzia, Grezia, Irlanda, Italia, Malta, Luxenburgo, Herbehereak

eta Portugal.

12

2002ko urtarrilaren 1ean hasi zen euroa erabiltzen. Euroak zazpi

billete eta zortzi txanpon ditu. Zazpi billete horiek kolore eta tamaina

desberdina dute balioaren arabera, baina billeteen diseinua berdina da

lehen aipatutako herrialde guztietan. Txanponek tamaina jakin bat dute

balioaren arabera, eta kolorea ere bai. Diseinuari dagokionez, monetaren

balioa erakusten duen aldea berdina da herrialde guztietan, baina beste

aldea desberdina; herrialde bakoitzari erreferentzia egiten dion irudi bat

agertzen da: pertsonaia ospetsuak izan daitezke, sinboloak edo herrialde

bakoitzeko monumentu garrantzitsuak.

Beste herrialde bateko txanponak izan arren, hemen erabil

ditzakegu.

Txanpon bakarra izateak segurtasun eta egonkortasun ekonomiko

handiagoa izatea ahalbidetzen du. Gainera, beste herrialde batzuetara

bidaia dezakegu txanponik aldatu gabe.

EURO TXANPONAK ETA EURO BILLETEAK

Txanponak zortzi dira:

1 EURO 2 EURO

10 ZENTIMO 20 ZENTIMO 50 ZENTIMO

13

1 ZENTIMO 2 ZENTIMO 5 ZENTIMO

Billeteak zazpi dira:

5 EURO

10 EURO 20 EURO

50 EURO 100 EURO

200 EURO 500 EURO

EUROA ZERTARAKO?2.ZIKLOA – 1.MAILA

SAIOA- 2 / 9GARAPENA EDO APLIKAZIO-JARDUERAK

Euroen eta zentimoen lotura azalduko diegu ikasleei. Horretarako, ezagutzen dituzten zenbaki-sistemako ehunekoen eta batekoen arteko lotura erabiliko dugu, euroa eta ehun zentimo baliokideak baitira. Hori lantzeko, bakarka egingo dituzte jarduerak. (ikus 17., 18. eta 19. or.)

Prezioak bi modutan idazten eta irakurtzen ere ikasiko dute, komaren ezkerreko zenbakia euro kopurua dela eta eskubikoa zentimo kopurua dela adieraziz. Adibidez, 29,35 € = 29 euro eta 35 zentimo. Izan ere, dendetan modu laburtuan ikusiko dituzte prezio guztiak. Hori praktikan jartzeko jarduera bat egingo dute bakarka. (ikus 20. or.)

Txanponak eta billeteak (benetakoak ez izan arren, tamaina

14

eta kolore berekoak) erabiliko ditugu baliokidetasunak lantzeko. Horrela, manipulatuz ikasiko dute. Adibidez, ikasle batek diru kopuru bat erakutsiko du, eta gainerako ikaskideek zenbat diru dagoen idatziko dute beren koadernoetan bi moduetan. Lau edo bosteko taldetan egingo dugu jarduera hau.

Hainbat kantitate emango diegu ikasleei, eta zentimotan eta eurotan adierazteko eskatuko diegu. Bakarka egingo dute (ikus 21 or.).

EGOKITZAPENAK: HPBko ikasleak gela arruntean dagoen ordenagailuaz egingo ditu bakarka egin beharreko lanak. Jarduerak ondo egiteko beharrezkoa duenean, txanponak eta billeteak ere erabiliko ditu, eta PTEaren laguntza zuzena izango du.

- Hutsuneak bete, euro bat osatzeko.

15

- Osatu txanponen marrazkiak, berdintasunak bete daitezen.

- Behatu eta lotu balio bera duten diru multzoak.

- Erreparatu Ikerrek duen diru kopuruari, eta adierazi 5,18 € ordaintzeko bi

modu.

Soluzioa:

16

- Zenbat diru dago itsulapikoan?

…….€……… zentimo daude.

- Kalkulatu billete eta txanpon hauen multzoei zenbat euro eta zentimo

dagozkien:

………. € ……….zentimo ………. € ……….zentimo

17

………. € ……….zentimo ………. € ……….zentimo

………. € ……….zentimo ………. € ……….zentimo

………. € ……….zentimo ………. € ……….zentimo- Erakusleiho honetako artikuluen prezioak eurotan adierazita daude.

18

Osa ezazu taula:

ARTIKULUA PREZIOA EUROTAN

EUROAK ETA ZENTIMOAK BANATUTA IDATZI.

Patinetea 29,35 € 29 euro eta 35 zentimo

30,05 €

0 euro eta 95 zentimo

Kometa

0,06 €

7 euro eta 80 zentimo

19

Autoa

- Osatu:

a) 438 ZENTIMO = ………. € ………. ZENTIMO = …………€

b) 324 ZENTIMO = ………. € ………. ZENTIMO = …………€

c) 535 ZENTIMO = ………. € ………. ZENTIMO = …………€

d) 603 ZENTIMO = ………. € ………. ZENTIMO = …………€

- Zer txanpon erabiliko zenituzke aurreko zenbateko horiek ordaintzeko?

a)

b)

c)

d)

- Osatu:

e) 1,25 € = ……….€ ………. ZENTIMO = ………. ZENTIMO

f) 2,37 € = ……….€ ………. ZENTIMO = ………. ZENTIMO

g) 0,39 € = ……….€ ………. ZENTIMO = ………. ZENTIMO

h) 3,08 € = ……….€ ………. ZENTIMO = ………. ZENTIMO

- Zer txanpon erabiliko zenituzke aurreko zenbateko horiek ordaintzeko?

e)

f)

g)

20

h)

EUROA ZERTARAKO?2.ZIKLOA – 1.MAILA

SAIOA- 3 / 9GARAPENA EDO APLIKAZIO-JARDUERAK

Ikasleek euroen eta zentimoen arteko batuketak eta kenketak egiten ikasiko dute. Horretarako, irakasleak azalpena emango du, euroak euroekin eta zentimoak zentimoekin batu edo kendu behar direla azalduz.

Jarraian, arbelean euroen batuketa eta kenketa batzuk egingo ditugu denon artean; tamaina handian jartzeaz gogoratuko gara, gure ikasleak ongi ikusteko.

Aldi berean, euroen eta zentimoen arteko batuketak eta kenketak egiten jakiteak duen garrantzia adieraziko diegu. Adibidez, bi gauza erosten ditugunean zenbat ordaindu behar dugun jakiteko, bi prezioak batu beharko ditut. Bi gauza horiek 3 € eta 24 zentimo balio badute, eta nik 5€ badauzkat ordaintzeko, kenketa egin beharko dut dendariak zenbat bueltatu behar didan jakiteko.

Hori guztia praktikan jartzeko, ikasleek ariketak egingo dituzte bakarka (ikus 23., 24. eta 25. or.) Jarduera horiek ondo egiteko, behar duenak txanponak eta billeteak erabil ditzake, manipulatuz egiteko.

EGOKITZAPENAK: HPBko ikasleak bakarkako lanak ordenagailuz egingo ditu, tamaina handiko hizkiak eta zenbakiak erabiliz, ezin baitu eskuz idatzi. Txanpon eta billeteak ere erabiliko ditu, manipulatuz soluzioak aurkitzen laguntzeko, eta, noski, PTEaren laguntza zuzena izango du.

- Begiratu, kalkulatu eta osatu:

21

EROSI NAHI DUT DAUKADAN DIRU KOPURUA

EROSAL

DEZA-KET?

ZENBAT DIRU FALTA ZAIT?, EDO ZENBAT SOBRATZEN ZAIT?

Bai

Ez

Eragiketa:

………zentimo

Bai

Ez

Eragiketa:

………zentimo

Bai

Ez

Eragiketa:

………zentimo

Bai

Ez

Eragiketa:

………zentimo

22

Bai

Ez

Eragiketa:

………zentimo

- Kalkulatu:

43 € 64 cent 46 € 25 cent 21 € 55 cent

+ 25 € 33 cent + 37 € 17 cent + 36 € 60 cent______________ ______________ _______________

97 € 65 cent 49 € 87 cent 38 € 27 cent

- 23 € 32 cent - 26 € 43 cent - 13 € 85 cent________________ _______________ _______________

- Zenbat balio du salgai bakoitzak?

OLIOA ESNEA TOMATEA KAKAOA OGIA JOGURTAK

3,02 € 0,79 € 0,52 € 1,74 € 0,90 € 1,04 €

23

- Osatu taula:

EROSTEN DITUT ZENBAT BALIO DUTE?

DIRU KOPURU HONEKIN

ORDAINTZEN DUT.

ZENBAT DIRU

BUELTATU-KO

DIDATE?

Eragiketa:

………….€

Eragiketa:

…………€

Eragiketa:

………….€

Eragiketa:

………….€

24

Eragiketa:

………….€

Eragiketa:

…………..€

Eragiketa:

………….€

Eragiketa:

…………..€

EUROA ZERTARAKO? 2.ZIKLOA – 1.MAILA

SAIOA- 4 / 9GARAPENA EDO APLIKAZIO-JARDUERAK

Saio honetan, ikasleek eurotan dauden prezioak konparatzen eta handitik txikira edo txikitik handira ordenatzen ikasiko dute. Adibidez, 8,15 € eta 10,33 € konparatuko ditugu. Ikasleek dagoeneko badakite komaren ezkerreko kopurua euroena dela, eta eskuinekoa zentimoena; hortik abiatuko gara konparazioa nola egin behar den azaltzeko. Prezioak konparatzeko, beti euro kopuruari begiratu behar zaio lehenengo, eta bata bestea baino txikiagoa bada, badakigu bietatik kopuru altuena izango dela handiena, eta bestea, txikiena. Beraz, aurreko adibidean, 8,15 € izango da bietatik txikiena, eta 10,33 €, bietatik handiena. Euro kopuru bera izanez gero, adibidez, 4,22 € / 4,34 €, zentimo gehien duena izango da handiena, eta bestea, txikiena; beraz, adibide horretan, 4,22 € izango da bietatik txikiena, eta 4,34 €, bietatik handiena.

Hori guztia praktikan jartzeko, binaka jarriko dira, eta jarduera batzuk egingo dituzte (ikus 27. eta 28. or.).

EGOKITZAPENAK : HPBko ikasleari jarduerak Verdana 46 tamainan inprimatuta emango dizkiogu, ondo ikusteko. Jarduerak PTEak berak prestatutako eranskailu egokiak (>, <, zenbakiak, objektuen izenak…) hautatuz eta itsatsiz egingo ditu. Laguntza behar badu, bere bikotekideari eskatuko dio,

25

eta, hala ere, ulertuko ez balu, PTEak lagunduko lioke.

- Begiratu jostailu hauen prezioei:

Zein da jostailu horietatik merkeena? Eta garestiena?

Merkeena ……………………….. da.

Garestiena ……………………… da.

Ordenatu jostailu horien prezioak handitik txikira:

………. > ………. > ………. > ………

- Zein da bi jostailu hauetatik

garestiena? Zergatik?

…………………………………………

…………………………………………

…………………………………………

…………………………………………

- Zein da merkeena, autoa ala

kometa? Zergatik?

…………………………………………

…………………………………………

…………………………………………

…………………………………………

26

- Prezio bikote bakoitzaren artean, jarri dagokion ikurra: > edo <.

42,14 € ………. 42,67 € 6,17 € ………. 6,11 €

54,28 € ………. 54,29 € 0,75 € ………. 0,79 €

- Begiratu ongi artikulu hauei. Zein da garestiena? Eta merkeena?

Garestiena ……………………….. da.

Merkeena …………………………. da.

27

- Ordena itzazu etiketa hauen prezioak txikitik handira.

Soluzioa:

………. < ………. < ………. < ………. < ………. < ……….

EUROA ZERTARAKO? 2.ZIKLOA – 1.MAILA

SAIOA- 5 / 9GARAPENA EDO APLIKAZIO-JARDUERAK

Orain arte landutakoa praktikan jartzeko, ikasleak binaka jarri eta bi jarduera egingo dituzte:

a) Bikote bakoitzari merkataritzagune handietako produktuen katalogoa banatuko diogu. Ikasle bakoitzak hiruzpalau artikulu eta haien prezioak dituen collage bat egingo du, eta, ondoren, bere bikotekideari pasatuko dio. Bakoitzak honako galdera hauei erantzun beharko die:

- Zenbat balio du aukeratutako artikuluen multzoak? - Zein da artikulu horietatik garestiena? Eta merkeena? - Ordenatu artikuluen prezioak txikitik handira.

b) Bikote bakoitzari txanponak eta billeteak emango dizkiogu. Bikotekide batek produktu baten prezioa idatziko du; besteak beste bat, baina baxuagoa izan beharko du hura baino. Adibidez, 13,35 eta 9,18. Bien artean, diru kopuru horiek adieraziko dituzte, ahalik eta billete eta txanpon gutxien erabiliz. Ondoren, bi kantitateen batura kalkulatuko dute. Gero, kopuru altuenarekin gutxien balio duen produktua erosten badute, dendariak zenbat diru itzuliko dien kalkulatu beharko

28

dute. Azkenik, itzulketa horretan dendariak zer txanpon eta billete itzuliko dien adierazi beharko dute.

EGOKITZAPENAK: HPBko ikasleak katalogoko prezioak tamaina handiagoan izango ditu. Kalkuluak, idatziz egin beharrean, zenbaki eranskailuak txertatuz egingo ditu, eta erantzunak ahoz adieraziko ditu.

29

EUROA ZERTARAKO? 2.ZIKLOA – 1.MAILA

SAIOA- 6 / 9GARAPENA EDO APLIKAZIO-JARDUERA

Prezioen irakurketa eta idazketa praktikatzeko, ikasleek azoka antolatuko dute ikasgelan. Bertan, janariak edo artikuluak salduko dituzte; merkataritza-katalogoetatik moztu, eta bakoitzak bere prezioa izango du. Batzuk erosleak izango dira; beste batzuk, saltzaileak, eta beste batzuk, berriz, banketxeko langileak. Horrela, beharrezko dirua atera, sartu edo aldatu ahal izango dute erosleek eta saltzaileek. Erosketak txandaka egingo dituztenez, tutorea eta PTEa behatzen egongo dira, bihurketak eta kalkuluak ondo egiten dituztela ziurtatzeko. Ikasleren batek zailtasunik izanez gero, kideek laguntzea bultzatuko da. Jolasa amaitzean, egindako erosketak eta salmentak aztertuko ditugu guztion artean.

EGOKITZAPENAK: HPBko ikasleak artikuluen prezioak tamaina handian izango ditu, bestela ez baititu ondo ikusiko. Zerbait erostea edo saltzea tokatzen zaionean, laguntza behar badu, kide batek emango dio, eta, hala ere, zailtasunen bat izango balu, PTEak lagunduko lioke.

30

EUROA ZERTARAKO? 2.ZIKLOA – 1.MAILA

SAIOA- 7 / 9GARAPENA EDO APLIKAZIO-JARDUERAK

a) Orain arte ikasitakoa praktikan jartzeko, ikasleek erostean sortu ohi diren problemak edo euroarekin zerikusia dutenak ebatziko dituzte. Lau problema ebatzi beharko dituzte, eta bakarka egingo dute lan hori. Horretarako, ikasle bakoitzak irakasleak emandako orria bete beharko du, problemak ondo ebazteko (ikus 33. or.). Problema bakoitza ebazteko eman beharko dituen pausoak honako hauek izango dira:

Problema ondo kopiatu. Problema ondo irakurri eta ulertu ondoren, datuak

zeintzuk diren eta zer galdetzen den idatzi. Marrazki bidez egin ebazpena. Kalkulua: erantzun egokia lortzeko beharrezko eragiketa

edo eragiketak egin. Erantzuna idatzi. Egiaztapena egin. Kalkulagailua erabil daiteke.

Ondoren, ikasleak binaka jarriko dira, eta batak besteari ahoz azalduko dio problema horietako bat ebazteko prozesua.

b) Ikasle bakoitzak problema bat asmatu, eta idatzi egingo du. Ondoren, binaka jarri, eta batak bestearena ebatziko du, lehen aipatutako pauso guztiak jarraituz. Azkenik, prozesu osoa ahoz adierazi beharko diote elkarri.

EGOKITZAPENAK: HPBko ikasleak ordenagailua erabiliko du problemak

ebazteko eta asmatzeko, eta, egiaztapena egiteko, zenbaki handidun kalkulagailua.

PTEaren laguntza zuzena izango du. Problemak ebazteko lagungarri, txanponak eta billeteak

erabiliko ditu. Ebazpena marrazki bidez egiteko, PTEak lagunduko dio

Interneten bilatzen.

PROBLEMAK

31

- Nereak kalkulagailua eta karpeta erosi nahi ditu. Kalkulagailuak 12,38 €

balio du, eta karpetak, 8,25 €. Zenbat ordaindu beharko du? 50 € baldin

badauka, zenbat diru sobratuko zaio?

- Atzo osaba Iñigok zinemara gonbidatu gintuen. Etxetik irten zenean,

41,69 € zituen, eta, etxera itzuli zenean, 13,09 €. Zenbat diru gastatu zuen

osaba Iñigok?

- Gorkak, itsulapikoan, bi euroko lau txanpon, euro bateko hiru txanpon,

berrogeita hamar zentimoko lau, hogei zentimoko zortzi, hamar zentimoko

bi eta bost zentimoko lau txanpon ditu. Zenbat diru du Gorkak

itsulapikoan?

- Xabierrek 2 € eta 35 zentimo balio duen koaderno bat eta 5 € eta 58

zentimo balio duen liburu bat erosi nahi ditu. Zenbat ordaindu behar du

guztira? 10 €-ko billetea baldin badauka, zenbat diru itzuliko dio

dendariak?

PROBLEMAK EBAZTEKO EMAN BEHARREKO PAUSOAK

Problema:

32

Datuak:

Galdera:

Ebazpena: Kalkulua:

Erantzuna:

Egiaztapena:

EUROA ZERTARAKO?

33

2.ZIKLOA – 1.MAILASAIOA- 8 / 9

GARAPENA EDO APLIKAZIO-JARDUERA Orain arte landutakoa praktikatzeko, informatika-gelara joango

gara. Han, ikasleak, binaka arituko dira lanean. Erabiliko ditugun CDak: Morganek hamar, Xarpak marmar;

KLIK; eta Eurojolasak. Internet: www.thatquiz.com.

EGOKITZAPENAK: HPBko ikasleak zailtasunak izango ditu ordenagailuaren pantailan agertzen dena ondo ikusteko, ezin baitugu berak behar duen tamainara egokitu. Horregatik, saio honetan, PTEarekin egingo du lan. Berak ondo ikusten ez duena ahoz adieraziko dio PTEak, eta, era berean, jarduerak egiteko behar duen laguntza eskainiko dio. Zenbait ariketa egiteko, txanponak eta billeteak ere erabiliko ditugu.

EUROA ZERTARAKO? 2.ZIKLOA – 1.MAILA

SAIOA- 9 / 9IKASKUNTZA BERRIAK FINKATZEKO JARDUERAK

Unitatea errepasatzeko eta ikaskuntza berriak finkatzeko, talde elkarreragileak egingo ditugu. Ikasgelan 18 ikasle direnez, bost ikasleko bi talde eta lauko beste bi egingo ditugu. Talde bezainbeste jarduera egingo dira, eta jarduera bakoitza heldu baten tutoretzapean egingo dute. Talde bakoitzerako

34

jarduera desberdina prestatu dugu: A taldea: baliokidetasunak (ikus 36. or.). B taldea: erosketen kalkulua (ikus 37. or.). C taldea: prezioak konparatu eta ordenatu (ikus 38. or.). D taldea: problema bat ebatzi eta beste bat asmatu

(ikus 39. or.). Saioa ordubetekoa denez, jarduera bakoitzean hamabost

minutu egongo da talde bakoitza. Saio honetan, ikasgelan bost pertsona heldu egongo dira: PTEa, aholkularia, laguntzailea, atezaina eta tutorea. Aurreneko laurek, ikasle-talde banaren ardura izango dute; tutoreak, berriz, jarduerak programatu, saioa dinamizatu eta denborak koordinatuko ditu.

EGOKITZAPENAK: Fitxak Verdana 46 tamainan emango dizkiogu HPBko ikasleari. Txanponak, billeteak, kalkulagailua eta eranskailuak (zenbakiak, ikurrak, beharrezko artikulu edo produktuen izenak…) izango ditu jarduerak egiteko. Laguntza behar duenean, bere taldekideei eskatu beharko die.

- Zenbat diru dauka ume bakoitzak bere itsulapikoan? Adierazi emaitza

euro eta zentimotan.

35

……….euro ……….zentimo ……….euro ……..zentimo

- Mirenek 8 € balio duen karpeta bat erosi nahi du. Begiratu ondo daukan

diruari, eta adierazi ordaintzeko hiru modu, ezer itzuliko ez diotela jakinik.

- Bilatu 50 zentimo, 20 zentimo eta 10 zentimorekin euro bat osatzeko

erak. Soluzioak aurkitzeko, txanponen jokoa erabil dezakezu.

- Kalkulatu erosketa bakoitzaren zenbatekoa:

36

Konpasa, minadun arkatza eta

borragoma erosi ditut.

…………..€

Margoak, konpasa eta erregela

erosi ditut.

…………..€

Bi orri-pakete eta margoak erosi

ditut.

…………..€

Borragoma eta erregela erosi ditut.

…………..€

- Bi liburuak ordaintzeko, Amaiak 20 € dauzka. Zenbat diru sobratuko

zaio?

- Beheko produktuetatik zein da garestiena? Eta merkeena? Ordena itzazu

prezioak handitik txikira.

37

Garestiena ………………………..da.

Merkeena………………………….da.

…………….>……….……>……..…….>……..…….

- Prezio-bikote bakoitzaren artean, jarri dagokion ikurra: > edo <.

9,32 €………. 8,95 € 21,18 € ………… 21,19 €

6,05 €………. 6,08 € 44,35 € ………… 45,86 €

- Asma ezazu zenbat diru daukan Ikerrek:

Hiru billete eta txanpon bat dauka.

Mahai-jokoa ezin du erosi.

Motxila erosten badu, dirua sobratzen zaio.

Soluzioa 6ko taulan agertzen den kopuru bat da.

PROBLEMAK

38

Problema bat ebatzi behar duzu. Gero, beste bat asmatu, eta zeure

aldamenekoari eman, hark ebaz dezan. Biak egiteko, irakasleak

“problemak ebazteko eman beharreko pausoak” fitxa emango dizu (ikus

33. or.). Hona hemen bi eginbeharrak:

a. Maialenek bi liburu erosi ditu. Liburu batek 7 € eta 60 zentimo balio du,

eta besteak, 5 € eta 75 zentimo. Zenbat ordaindu behar du guztira? 20 €-ko

billetea baldin badauka, zenbat diru itzuliko dio dendariak?

b. Asma ezazu problema bat, eta, ondoren, aldamenekoari eman ebazteko.

3.6. ANIZTASUNAREN TRATAERA Unitate didaktiko hau gelako ikasle guztientzat prestatuta

dago, baita HPBak dituen ikaslearentzat ere. Matematika irakasgaiko

39

saio guztietan bere gelakideekin batera dago. Horregatik, aniztasunaren trataera aipatu beharreko puntua dela iruditzen zaigu.

Aniztasunaren trataerarako neurriek xede hauek dituzte: ikasleen berariazko hezkuntza-premiei erantzutea eta ikasleek curriculumean jasotako oinarrizko gaitasunen gutxieneko mailak eskuratzea. Neurri horiek bide bat ireki behar dute, alde batetik, ikasleek helburuak lortzeko eta oinarrizko gaitasunak ahalik eta gehien garatzeko, eta, bestetik, haien ikasteko interesa, motibazioa eta ahalmena aintzat hartuta, ingurune normalizatu eta inklusiboan ikas dezaten. Ikasle guztien balio positiboak azaltzen dituzten ereduak proposatuko dira.

Eredu orokorrak: gelaren barnean egingo diren lanak indartzeko eta sakontzeko. Irakaslea saiatuko da bakarkako arreta ematen. Beste egoera batzuetan, gelako kideen artean elkarri laguntzea eta irakastea bultzatuko da, ikasbide kooperatiboa sustatzeko.

Berariazko ereduak: ikasle-talde arruntean laguntza emateko indartze-neurriak eta curriculumaren egokitzapenak, betiere, lan horietan adituak diren irakasleen eskutik.

Matematika-saio bakoitzean bakarka egin beharreko jarduerak lehenago bukatzen dituenari ariketa osagarriak eta sakontzekoak emango zaizkio. Talde-lanetan lehendabizi bukatzen duena, berriz, gelakideei laguntzera bultzatuko dugu.

Ebaluazioa aurrera doan neurrian, ikasleren batek Matematika irakasgaian emaitza desegokiak izanez gero, laguntza jasoko luke. PTEa, tutorearekin batera, irakasgai honetako saio guztietan gela arruntean dagoenez, beharrezko laguntza ematea errezagoa izango da.

3.7. EBALUAZIOAAtal honen barnean daude ebaluazio-irizpideak, eta ebaluazioa

noiz eta nola egin. Ebaluazioa burutu eta gero, zuzenketa-neurriak jarri behar dira, emaitzen arabera.

3.7.1. EBALUAZIO-IRIZPIDEAKEbaluazio-irizpideek lotura zuzena dute helburu didaktikoekin.

Lotura hori adierazteko, helburu didaktiko bakoitzari dagokion ebaluazio- irizpidearen zenbakia jarriko diogu. Kontuan hartuko diren irizpideak hauek dira:

1. Euro billeteak eta euro txanponak identifikatzen ditu.2. Euroen eta zentimoen arteko baliokidetasunak erabiltzen ditu. 2.1. Eurotan adierazitako kopuruak zentimotan adierazten ditu. 2.2. Zentimo kantitateak eurotan eta zentimotan idazten ditu.

40

3. Eurotan eta zentimotan adierazitako diru kantitateak batzen eta kentzen badaki.

4. Txanpon multzoaren balioa adierazten du, euro eta zentimo bihurtuz.

5. Kalkulatzen du zenbat diru geratzen zaion gastu bat egin eta gero, edo zenbat falta zaion zerbait erosteko.

6. Problemak diru-unitateak erabiliz ebazten ditu.

3.7.2. EBALUAZIOA NOIZ ETA NOLAEbaluazioak bi ikuspegi izango ditu: formatiboa eta

informatiboa. Alde batetik, ikasleari bere ikaskuntza-prozesuan laguntzeko eta irakasleari irakaskuntza-prozesuan laguntzeko. Bestetik, ikasleen aurrerabidea ezagutzeko.

Ebaluatu beharko dira, bai gaitasunak, bai edukiak. Hori lortzeko, aplikazio-jarduerak eta ikaskuntza berriak finkatzeko jarduerak erabiliko ditugu ikasegoeretan bertan. Ebaluazioa etengabea izango da, ikasle bakoitzaren jarraipen zuzena maiztasun handiz behatuz egiten dugulako.

Bi motatako behaketa egingo da:Behaketa zuzena: ikaslea ekintzetan parte hartzen ari dela

datuak bilduz: zer galdetzen duen, nola egiten dituen jarduerak, zerk urduritzen duen...

Zeharkako behaketa: egindako lanak aztertuz, hau da, ondo eginda ote dauden; edo zuzenketak ongi egin diren ziurtatzeko, lanen antolaketa eta txukuntasuna baloratzeko...

Datu-bilketa egiteko, jarraipen-pistak dituen orria beteko da, informazio hau biltzeko:

Ikaslearekikoa- Unitate bakoitzean zehazten diren helburu, eduki eta

oinarrizko gaitasunetan oinarritutako ebaluazioa.- Ikasle bakoitzaren honako alderdi hauek aztertuko dira:

irakasleak nola ikusten duen eta zertan oinarritzen den, bere burua nola ikusten duen... Eguneroko lana, jarrera, ahalegina eta aurrerapenak balioetsiko dira; talde-lanetan parte hartzea eta ikaskideei laguntzea ere bai.

Irakaskuntza-ikaskuntza prozesuarekikoa- Helburuak, edukiak eta oinarrizko gaitasunak ikasleen maila

curricular eta beharrekin bat ote datozen.- Proposatutako jarduerek helburuak eta gaitasunak lortzen

laguntzen ote duten.- Egokitutako materialak jardueren garapenerako baliagarriak

izan ote diren. - Unitatea garatzeko denbora nahikoa izan den ala ez.

41

4. BIBLIOGRAFIA

-Ikastetxeko Hezkuntza Proiektua

- HERNÁNDEZ CÁRCELES, Daniel: Modelo para la elaboración de programaciones y unidades didácticas por competencias <http://redes-cepalcala.org/inspector/DOCUMENTOS%20Y%20LIBROS/COMPETENCIAS/PROGRAMACION%20POR%20COMPETENCIAS.pdf>.

-Ikasliburuak: MATEMATIKA, LH-KO BIGARREN ZIKLOKO LEHEN MAILA. Argitaletxe hauetan:

-Elkar / Ikastolen Elkartea-Erein-Anaya – Haritza-Zubia – Santillana

-Web-orriak- www.smprimaria.profes.net- www.gipuztik.net /urria18 - www.euskadi.net- www.hezkuntza.net- www.anayamascerca.com- www.erein.com

42

- www.santillana.es- www.ibaizabal.com- www.elkar argitaletxea.com - www.sortzen-ikasbatuaz.org

-Aldizkariak- Aula - Cuadernos de pedagogía

43