Urtarrilaren 16tik 28ra, urtero egiten den modura, saharar errefuxiatuen kanpamenduetara bidaltzeko jatekoa batuko da. Aurten, egun hauek aprobetxatu nahi ditugu, Sahararen aldeko elkartasun astea antolatzeko.

egitaraua·Urtarrilak 16-28

Janari bilketaTokiak: Ikastetxeak, jateko dendak,

gaztelekua, udaletxea

·Urtarrilak 1919:00. Hitzaldia, Kofradia Zaharrean, “Egungo

egoera Saharan”.Hizlaria: Askapenako brigadista.

·Urtarrilak 2021:00etatik aurrera, afari sahararra gaztetxean

23:00. Dokumentala gaztetxean

·Urtarrilak 21Gaztelekuan: Sahararako kamisetak margotu,

Saharan egon diren herriko bi gazteren testigantzak. Dokumentala.

·Urtarrilak 24 - “Eman lata” bideoa ikastetxeetan

- 19:00. Antiguako Ama jubilatuen etxean dokumentala

Sahararen aldeko elkartasun asteaOndarroa | 2012ko urtarrila

Urtarrilak 28 Itsas Aurren

“Eman lata” eguna

11:00etatik aurrera:Jaima sahararra eta tea,

eskulanak Txirrimorraski eta Errebala txikiñek lagunduta,

Porrotx eta Marikalanbre

Antolatzaileak:· Txirrimorraski

· Sahela· Errebala Txikine

gaztelekua· Antiguako Ama

jubilatuen elkarteaOndarroako Udala

Aniztasun batzordea

Naiara eta IsabelSahela elkartearekin umeak ekartzen dituzte udan

“Uda oso ona pasateko aukeri emon ixana da geatzen gatsun poztasune”

Isabel eta Naiarak Sahela elkartetik ume sahararrak ekarri izan dituzte uda pasatzera. Birritan Isabelek eta lehen aldiz Naiarak, Fronte Polisarioak, hainbat herrialdeetako erakundeekin batera adostutako “Oporrak Bakean” programaren barruan. Sahela, saharar herriarekin elkartasuna lantzeko Lea Artibaiko antolakundea da eta Ondarroan urte gutxiago badaramatza ere eskualdean 1999tik hainbat egitasmo lantzen jardun du. Datorren udarako nahia ume gehiago ekarri ahal izatea da, horretarako ondarrutar familiak animatu nahi dituzte.

Zeatxik erabaki zenduen ume sahararrak ekarti?Beti euki dou umen bat ekarteko hori goguoi. Bagenkixen sahararrak eta ukraniarrak ekarteko aukeri eoten dala eta Saharan dan egoeri kontutan hartute ba anima ein ginan. Lehen be ibilli ixan ga galdetzen eta, baine baldintza gexa eta eskatzen ben. On Ondarrun pare bat ume euazenela ta galdetu eta ixelako baldintza berezirik eztala eskatzen ikusitxe ba hoixe pausuoi emon gendun.

Allaten dizenin zeindde euran inpresiñoi, zerreaz topaten diz?

Lelengoko bidar datozenin dana da eurantzako barrixe eta ezezagune, ohitxurak, lekuk, jenti, hizkuntzi… Ata kontuk, guk imajina be ezin geinken gauzak eurak eztotxuez ezautzen, eskillarak adibidez, Saharan ezta apenas… Itxosu, lelengoko egunin plaire jun ginanin arratsalde osu pasa ban urertzin belauniko itxosuai beire. Hasieri hizkuntzin aldetik nahiku gogorra ixaten da be bai, batzuk erderaz zeoze jakitxen daben arren, bañe segixan moldaten diz eta pare bat hilabetin dana ulertu eta, kaso batzutan, ondarrutarrez berbetan juten diz. Agindduk eta ein biharrak beteten famauk diz, errespetu handixe ixaten dosku eta kariñosuk be bai.

Zelako esperientzixi de ordun? Aurten 4 ume etorri diz Ondarrure, zuek gexa etorri ahal ixateko engozue ahalegiñe. Ze esango zentzake ondarrutarrai?Animateko ze esperientzixi oso positibu de duda baik. Gainea be pozik etorten dizen modun jun be gero pozik etxen diz, ze han egoeri oso gogorra ixan arren hantxe dauke eurana dan guzti, ama, atxe, lagunak… Ordun ikusitxe Saharan udak 50ºC-60ºC artin ixaten dizela, uda oso ona pasateko aukeri emon ixana da geatzen gatsun poztasune. Alimentazinoi be han jaten ez daben eta beharrezkuk daben jatekuk jatik etxetzen mesedi be handixe da, fruti adibidez.

7 eta 12 urte bitxartekuk etorten diz. 12 urtetik aurrea betirako bertan geatu biko diz?Bai eta horretxek argi erakusten dau gure laguntzin limitaziñoik. Arazu ez dala laguntzi bai ala ez, arazu beste bat da, politiku, eta hoixe konpontzen lagundu bitzau. 12 urtetik aurrea be bixitxa normala ein ahal ixateko, euran lurraldin.

Udan Saharatik umea ekartzeko, deitu: 666 427 708 (Zuriñe)

Saharako errepublika okupatutako herria

Saharako Errepublika Demokratiko Arabiarra estaturik gabeko nazioa da. 1975. urterarte Espainiaren menpeko “probintzia” izatetik, Maroko eta Mauritaniaren menpeko izatera igaro zen. Bukatu gabeko deskolonizazio prozesu baten ondorioz, Espainia Saharatik irten zen eta Marokok eta Mauritaniak lurralde horiek okupatzea ahalbidetu zuen, hiruren artean berbatutako “Madrileko Akordioen” ostean. Espainiar armadak Sahara utzi eta berehala, Sahararen indenpendentzia aldarrikatu zuten sahararrek, Maroko eta Mauritaniarekin urte luzeetan luzatu den gerrari hasiera ematearekin batera. Testuinguru horretan Marokok saharar lurraldeak okupatu eta bertako biztanleriaren exodoa bultzatu zuen “Martxa Berdea” legez ezagutua izan zenarekin. Orain saharar errefuxiatuen kokagune nagusia den Tindouferuntz (Aljeria) joan ziren. Ordutik, Saharar herriak bizi duen egoeraren erantzule nagusienetarikoa da espainiar estatua.1979an, Polisario Frontearekin mantendutako gerraren ondorioz, Mauritania saharar lurraldeetatik bota zuten. Halandabe, egoera hau saharar lurralde osoa okupatzeko baliatu zuen Marokok, eta hura bitan banatuko zuen 2700km.tako harresiaren eraikuntza hasi zuen.1985ean Nazio Batuek gatazkaren konponbiderako muina Saharar herriari dagokion autodeterminazio eskubidean dagoela aitortu zuten. Hala, 1987an, Maroko eta Polisario Frontearekin adostutako “Bake Plana” aurkeztu zuen, eta ondorioz 1990ean Saharan erreferenduma burutzeko planak eta data ezartzen zituen. Erreferenduma 1992an burutzearen truke Polisario Fronteak su etena iragarri eta gerrari amaiera eman zion. Hala ere, Maroko, nazioarteko hainbat e s t a t u r e n konplizitateaz, oraindik burutu ez den erreferenduma behin eta berriz a t z e r a t z e k o hamaika aitzakiz baliatzen da.