TXORIERRIKO ZERBITZUEN MANKOMUNITATEA€¦ · Hala nola, WhatsApp bidez, Instagram, Tuenti,...

0

TXORIERRIKO ZERBITZUEN MANKOMUNITATEA

EUSKARA ZERBITZUA

2014KO KUDEAKETA PLANAREN MEMORIA

AURKIBIDEA

1. AURKEZPENA 1

2. ZERBITZUEN ZEREGINAK 2

2.1 KOORDINAZIO LANAK:

ERAKUNDE PUBLIKOAK 2

- Bizkaiko Foru Aldundia

- Eusko Jaurlaritza

MANKOMUNITATEKO ZERBITZUAK 2

UDALAK 2

HEZKUNTZA 2

ESLEITUTAKO ENPRESAK 3

ELKARTEAK 3

HEDABIDEEKIKO HARREMANA 3

2.2 BESTELAKOAK:

ZABALKUNDEA 3

HERRITARREI ARRETA 4

EUSKARA ETA KULTURA BATZORDEA 4

FORMAKUNTZA 4

DIRU-LAGUNTZAK

- Bizkaiko Foru Aldundia 4

- Eusko Jaurlaritza 4

3. PROGRAMAK

3.1. IRAKASKUNTZA EREDUEN KOMUNIKAZIORAKO EKINTZAK 5

3.2. EUSKARA IKASTAROAK- TALDE BEREZIAK 7

3.3. EUSKARAREN IKASKUNTZA BULTZATU 8

3.4.- BERBALAGUN EGITASMOA 9

3.5. UME ZAINTZAILE, BEGIRALE, ESKOLA PARTIKULARREKO 11

3.6. EUSKARAZKO PRODUKTUEN KATALOGOA 13

3 7. HAUR JAIOBERRIEN GURASOAK SENTIBERATZEKO EGITASMOAK 15

3.8. AISIALDI TALDEENTZAKO SENTSIBILIZAZIO KANPAINA 17

3.9. IPUIN LEHIAKETA 18

3.10. EUSKARAREN EGUNA TXORIERRIN 19

3.11. EUSKARA ZINE ARETOETARA PROGRAMA 21

3.12.- EUSKARA BULTZATZEKO EKINTZAK 22

3.13. MERKATARITZA 24

3.14. LUKIE KOIU PROGRAMA 26

3.15. FUTBOLA ETA SASKIBALOIA OINARRITIK EUSKARAZ TXORIERRIN 28

3.16. BERTSOLARITZA ESKOLETARA EGITASMOA 30

3.17. ESKUALDEAN IDATZIZKO PRESENTZIA AREAGOTU 31

3.18. MIHILUZE PROGRAMA TXORIERRIN 32

3.19.- IPUIN BILDUMA 34

4. FINANZIAZIOA 36

1

1.- AURKEZ PENA

Txorierriko Euskara Zerbitzua

Zerbitzu honen helburua euskara esparru guztietan bultzatzea da (hala nola, eskoletan, kalean, familietan, dendetan, aisialdian, tabernetan, administrazioan, gazteen artean…), Txorierri gero eta euskaldunagoa izan dadin.

Euskara Zerbitzuak euskararen ezagutzan eta bereziki erabileran sakondu nahi du, eta horretarako urtean zehar adin tarte desberdinei zuzendutako hainbat programa eta egitasmo jartzen ditu martxan.

2

2.- EUSKARA ZERBITZUAREN ZEREGINAK

2.1. KOORDINAZIO LANAK

-ERAKUNDE PUBLIKOAK

Bizkaiko Foru Aldundia eta Eusko Jaurlaritza:

Alkarbide bilguneko kideekin hilean behin batzarrak izaten ditugu.

Alkarbide bilgunea: Bizkaiko Udal eta Mankomunitateetako Euskara Zerbitzuen Bilgunea da,

Bizkaiko Foru Aldundiak sortua Eusko Jaurlaritza eta EUDELekin lankidetzan.

Lan mahaian honako euskara teknikariok batzartzen gara:

Abadiño, Amorebieta-Etxano, Berriz, Elorrio, Durango, Laukiz eta Maruri-Jatabe, Mungia,

Zaldibar, Durangoko Merinaldearen Amankomunazgoa, Arakaldo, Arrankudiaga-Zollo, Orozko,

Ugao eta Zeberio,Bakio,Bedia, Lemoa eta Txorierriko Zerbitzuen Mankomunitateko euskara

teknikariak.

Alkarbideko idazkaritza teknikoko ordezkaria ere egoten da bertan.

Ondoren, Bizkaiko beste lan mahaikoekin ere koordinatzen gara.

Batzar hauetatik elkarlanean aritzeko proiektu estrategikoak sortzen ditugu, hala nola gurasoei zuzendutako “eman giltza.eus” web orriaren diseinua eta elikatzea, “Kuku” liburuxka eta dvd interaktiboa, “Nahi dudalako.com” gazteentzako web orria, Etbrako iragarkia, “Euskarazko Produktuen Katalogoa”ren diseinua eta elikatzea…

MANKOMUNITATEKO ZERBITZUAK

Berdintasun, Gazteria, Berbalagun, Esku-hartze Komunitario eta EGAZeko teknikariekin,

trebatzailearekin, Mankomunitateburuordearekin, alkate eta zinegotziekin eta Txorierriko

Udal Euskaltegiarekin etengabeko koordinazioa daukagu proiektuak gauzatzerako orduan.

UDALAK

Txorierriko kultur teknikari eta kiroldegiko zuzendariekin hilean behineko maiztasunez

batzartzen gara, proiektu amankomunak aurrera eramateko eta gure artean koordinatzeko.

Txorierriko Gazteleku, Ludoteka, Gaztegune…ekin urte osoan zeharreko koordinazioa

dago, proiektu amankomunak garatzeko.

HEZKUNTZA

Txorierriko bost herri ikastetxeetako zuzendari edo eta euskara arduradunekin bataz beste

bi hilabetetik behin koordinazio batzarrak egiten ditugu Mankomunitatean bertan. Horretaz

gain, beharrizana dagoen guztietan ikastetxeetara bisitak egiten dira, geletan

aurkezpenak….

Txorierri institututuko euskara arduradun eta ikasketa buruarekin ere batzarrak egiten

ditugu proiektuak aurkezteko eta elkarlanerako. Kasu honetan ere, beharrizana dagoen

guztietan bisitak egiten dira ikastetxera, geletan aurkezpenak egiten dira….

3

Guraso elkarteei itzulpen zerbitzua eskaintzen diegu doan. Hori dela eta, interesa erakutsi

dutenekin zuzeneko harremana daukagu.

ESLEITUTAKO ENPRESAK

ARTEZ euskara zerbitzuarekin etengabeko bilerak egiten ditugu Merkataritza eta Ostalaritza

programa gauzatzeko.

BIZKAIKO BERTSOZALE ELKARTEArekin bataz beste bi koordinazio batzar egiten dira

urtean.

TOPAGUNEko “Kultur Kabia” rekin bi hiletik behin egiten dira batzarrak eta etengabeko

koordinazioa daukagu bereziki gazteei zuzendutako “Lukie koiu” programari begira.

TOTOANekin proiektu zehatzetarako batzarrak egiten ditugu.

ITZARRI CONSULTING enpresarekin bi koordinazio batzar egiten dira urtean “Futbola

Oinarritik Euskaraz” proiektuaren jarraipena egiteko.

ELKARTEAK

TINKO euskara elkartearekin eta “GUREA ARETO”ko teknikoekin koordinatzen gara

“Euskara Zine Aretoetara” programa antolatu ahal izateko.

Aisialdi eta kirol elkarteei itzulpen zerbitzua eskaintzen diegu doan. Hori dela eta, interesa

erakutsi dutenekin zuzeneko harremana daukagu.

Loiuko elkarte guztiekin koordinazio batzarrak egin ditugu Euskararen Eguna 2014 denon

artean antolatzeko.

HEDABIDEEKIKO HARREMANA

Irrati desberdinekin, udal aldizkariekin, egunkariekin, euskal telebistarekin… urte osoan

zehar daukagu harremana, burutzen ditugun programen zabalkundea egin ahal

izateko.

Aikor aldizkariarekin besteak beste hilabetero koordinatzen gara Mankomunitateak

aldizkari horretan hilero argitaratzen dituen bi orrialdeak idazterako orduan.

2.2. BESTELAKOAK

ZABALKUNDEA

BISCAYTIK-ekin urte osoan zeharreko koordinazioa daukagu Mankomunitateko eta

udaletako web orriak elikatzeko. Horiek horrela, sartu behar diren albiste,programa,

kartel… guztiak bertara bidaltzen ditugu web orriak eguneratuta egon daitezen.

Zenbait programetako kartelen eta eskuorrien diseinua egiteaz arduratzen gara, ondoren

hedabideetara, etxez-etxe, leku estrategikoetara… zabaltzeko.

4

Sortzen ditugun programa eta ekintza guztiak sare sozialen bidez ere hedatzen ditugu.

Hala nola, WhatsApp bidez, Instagram, Tuenti, Facebook….

“EUSKARAREN TXOKOA” web gunea sortu dugu eta etengabe elikatzen goaz.

Euskararen txokoa: Mankomunitateko web orrian, euskararen atalaren barruan dagoen beste atal bat da. Bertan 10 azpisail sortu ditugu: Informatikako baliabideak, gazteen txokoa, euskara ikasteko txokoa, bizkaiera, toponimia edo leku izenak euskaraz, hiztegiak, merkataritza eta ostalaritza…. Norberaren interesaren arabera txoko bakoitzaren barruan oinarrizko hainbat argitalpen eta web gune interesgarri daude sartuta. Hau guztia, urtean zehar etengabe eguneratzen goaz. HERRITARREI ARRETA

Urte osoan zehar elkarrizketak egiten dizkiegu herritarrei eta eskaerak jasotzen ditugu,

“Berdinean Euskeraz” eko lan poltsa eraginkorra eta eguneratua izateko.

Euskara Zerbitzua, euskarari dagokionez, herritarrek izan dezaketen edozein zalantza edo

argibide emateko, edozein beharrizanei erantzuteko eta iradokizunak jasotzeko dago bai

telefonoz, bai e-mailez eta bai aurrez aurre.

EUSKARA ETA KULTURA BATZORDEA

Txorierriko Mankomunitateko Euskara eta Kultura batzordea, bi hiletik behin,

azkenengo astelehenean batzartu izan da.

Batzar horietan, euskara zerbitzuaren programen aurkezpena eta idazkaritza lanak egin izan ditu Euskara Zerbitzuak. FORMAKUNTZA

Euskara Zerbitzuak, Alkarbide bilguneak antolatutako bi ikastarotan hartu du parte:

1.- “Komunikazio estrategiak garatzeko ikastaroa” (4 orduko saioa, ekainaren 17an).

2.- “Transmisioa lantzeko mintegia” (5 orduko saioa, azaroaren 18an)

DIRU-LAGUNTZAK

Bizkaiko Foru Aldundiak eta Eusko Jaurlaritzak, diru-laguntza deialdia ateratzen

dute urtero. Euskara Zerbitzuak diru-laguntza horiek kudeatzen ditu bai diru-

laguntzak eskatzeko kudeaketa plana osatuz eta bai urte osoko ekintza planen

zuriketa eginez.

5

3.- PROGRAMAK EKINTZAREN IZENA: IRAKASKUNTZA EREDUEN KOMUNIKAZIORAKO EKINTZAK

1.- Ekintzaren esparrua a) Administrazioa b) Familia c) Herritarren ezagutza eta erabilera d) Helduen prestakuntza e) Lan mundua f) Merkataritza g) Haur eta gaztetxoen erabilera h) Sentsibilizazioa i) Egitasmo berritzaileak

2.- Ekintzaren helburua Euskara ondorengoetaratzea

3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Irakaskuntza sisteman sartzear dauden haurren gurasoei zuzendutako komunikazio ekintza zehatzak gauzatu ditugu gutunak bidaliz. Herritarrei, bada, irakaskuntza ereduen berri eman diegu, D ereduan ikastearen onurak azaldu dizkiegu eta eleaniztasunaren abantailak azpimarratu ere bai. Horretarako bi komunikazio ekintza desberdin burutu ditugu, lehenengoa 2-3 urteko umeen gurasoei zuzendutakoa, eta bestea 1998an jaiotako gazteei. 2-3 urteko umeen kasuan, 510 gutun bidali ditugu, eta 1998an jaiotako gazteen kasuan 170 gutun. Gazteen kasuan gainera, gutunak bidaltzeaz gain, Institutuan bertan motibazio hitzaldi bi ere egin ditugu. Horretarako gazteengandik hurbil dagoen hizlari bat eraman dugu, Jon Gomez ETBko aurkezlea eta abeslaria, hain zuzen ere, bere bizipenaz, euskaraz bizitzeak daukan garrantziaz, ikasketak euskaraz egitearen garrantziaz…. hitz egin dezan, eta bertan www.nahidudalako.com web orriaren berri ere eman die gazteei. Bi ekintzak aurrematrikulazio epea hasi baino lehen burutu ditugu txorierriko sei herrietan, ikasleek eta gurasoek erabakiak hartu baino lehen ahalik eta informazio gehien izan dezaten.

4.- Balorazio erreala Orokorrean esan dezakegu gure aurreikuspenak bete direla, ume eta gazte kopuru handiena D ereduan apuntatu baita. Matrikulazioaren ondoren eskolekin bilerak egin izan ditugu apuntatutako umeen kopuruak aztertzeko.

5.- Baliabide errealak

Gastua 2.556,23 euro

http://www.nahidudalako.com/

6

6.- Hartzaileak

Lehen aipatu bezala, kanpaina honen hartzaileak 2-3 urteko umeen gurasoak izan dira alde batetik (510 guraso), eta 1998an jaiotako gazteak bestetik (170 gazte).

7.- Aurrera begirako proposamenak

Ekintza honekin jarraitzeko asmoa daukagu, gure ustez oso garrantzitsua baita bai gurasoei eta bai gazteei D ereduak dauzkan abantailen berri ematea, gero eurek erabaki dezaten zer den aukerarik egokiena.

7

EKINTZAREN IZENA: EUSKARA IKASTAROAK- TALDE BEREZIAK-

1.-Ekintzaren esparrua a) Administrazioa b) Familia c) Herritarren ezagutza eta erabilera d) Helduen prestakuntza e) Lan mundua f) Merkataritza g) Haur eta gaztetxoen erabilera h) Sentsibilizazioa i) Egitasmo berritzaileak


3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Aurten ere aurreko urteetako ildoari jarraituz, ahalegin berezia egin da talde gehienak homologatuen barruan sar daitezen. Horiek horrela, aurten ere talde berezi bat dago egoera horretan, Derioko “Sutondoan” emakume elkarteko taldea hain zuzen ere. Talde hau, beraien ezaugarriak kontutan hartuta ezin da homologatuen barruan sartu eta aurrera begira ere berdin jarraitzeko asmoa dago.

4.- Balorazio erreala Esan bezala, aurten ere talde guztiak bat izan ezik talde homologatuen barruan sartu dira zenbait aukera murriztuz, baina aurrekontua kontuan hartuta ezinbestean hartu behar izan da neurri hau.



6.- Hartzaileak

Lehen aipatu bezala, kasuan kasuko eragileak eta herrietan eragina duten taldeak hartu ditugu kontutan, kasu honetan Derioko “Sutondoan” etxeko andre taldea hain zuzen ere.

7.- Aurrera begirako proposamenak Aurrera begira ere ezinbestekoak diren taldeak aterako ditugu, hau da gure ustez estrategikoak izan daitezkeenak eta talde homologatuetan inola ere sartu ezin direnak.

8

EKINTZAREN IZENA: EUSKARAREN IKASKUNTZA BULTZATU

1.- Ekintzaren esparrua

a) Administrazioa b) Familia c) Herritarren ezagutza eta erabilera d) Helduen prestakuntza e) Lan mundua f) Merkataritza g) Haur eta gaztetxoen erabilera h) Sentsibilizazioa i) Egitasmo berritzaileak

1.- Ekintzaren izena Euskararen ikaskuntza bultzatu.


3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Helduen artean ere , euskararen ikaskuntza bultzatu nahi dugu Txorierrin. Euskararen ikaskuntzak erabilera ekarriko duen ustea dugu. Horretarako, irailean, euskaltegi homologatuetan ikasten ari diren ikasleei zuzendutako dirulaguntza deialdia banatu dugu Txorierri osoan. 8500 ale banatu ditugu guztira. Hilabeteko epea izan dute ziurtagiriak ekarri ahal izateko, urriaren 6tik azaroaren 6ra arte, hain zuzen ere. Guztira 40 ikaslek eskatu dute dirulaguntza. 9 ikasleri ezetza eman zaie baldintzak betetzen ez zituztelako. Hortaz, azkenean 31 ikaslek jaso dute dirulaguntza.

4.- Balorazio erreala Iaz baino ikasle gutxiago aurkeztu dira aurten, baina azken urteetan kopuru antzekoekin gabiltza.



6.- Hartzaileak

Lehen aipatu bezala, deialdi honen hartzaileak euskaltegi homologatuetan ikasten ari diren ikasleak dira. Kasu honetan 40 ikaslek hartu dute parte.


Ekintza honekin jarraitzeko asmoa daukagu, gure ustez oso garrantzitsua baita euskara ikasten ari direnei baldintza batzuen truke, laguntza ematea eta euren bidea nola edo hala erraztea.

9

EKINTZAREN IZENA: BERBALAGUN EGITASMOA


2.- Ekintzaren helburua Euskararen erabilera

3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Euskararen erabilera Txorierrin bultzatzeko, 2008 urtean Berbalagun egitasmoa jarri genuen martxan eskualdean, eta 2014 urtean ekimen honekin jarraitu dugu. Horiek horrela,eta euskararen erabilera indartu asmoz aurten ere euskaldun zaharrak eta euskaldun berriak bildu ditugu taldetxoetan, euren harreman euskaldunaren bitartez, euskara susper dezaten. Honen guztiaren jarraipena koordinatzaile batek egin du eta euskara teknikariarekin batera lanean aritu da. Iazko antolaketarekin jarraitu da aurten ere. Horiek horrela, koordinatzaileaz gain, herri bakoitzean arduradun bat jarri da, eta arduradun horien egitekoa berbalaguneko dimanizatzaileari laguntzea izan da bai kontaktuak egiten, bai gauzak antolatzen…

4.- Balorazio erreala Guztira 130 txorierritarrek hartu dute parte 2014 urtean. Aurten ere ez da inor taldekatu barik gelditu. Izena eman duten guztiak taldeetan sartu ahal izan ditugu. Herri guztietan lortu ditugu taldeak. Guztira 24 talde aritu dira:Derion 9,Sondikan 3, eta Gurasolagun talde bat, Larrabetzun 1, Lezaman 1, Loiun 2, Zamudion 2 eta Gurasolagun talde bat. Aurten lehen aldiz, eta ahalegin berezia egin ostean, aipatu beharra daukagu bi gurasolagun talde lortu ditugula, bata Sondikan eta bestea Zamudion, eta aurrera begira ere, ildo horretatik jarraitu nahi dugu, gurasoengan eragitea estrategikoa iruditzen baitzaigu. Honetaz gain beste 50 partaide ere badauzkagu ohiko taldeetan sartuta ez daudenak, baina antolatzen ditugun ekintza desberdinetan parte hartzen dutenak. Koordinatzailea astero elkartu da talde bakoitzarekin, euren aurrerapen eta arazoak jakiteko. Gainera,gerenteak, euskara teknikariak eta koordinatzaileak hilero egiten dute bilera bat taldeak ebaluatu eta jarraitu beharreko pausuak erabakitzeko. Honetaz gain ikastaro bereziak, mendi irteerak eta hainbat ekintza antolatzen dira hilabetero(bataz beste 3-4 ekintza hilean), nahi duen berbalagunek edo herritarrek parte har

dezan eta euskaraz hitz egiteko aukera gehiago izan dezaten. Egin diren ekintzetako batzuk aipatuko ditugu: Perretxiko bilketaren garaian (urrian): Perretxikoen hitzaldia, Sarriara perretxikotan, Perretxikoak prestatzen, Perretxikoen argazki lehiaketa eta erakusketa; Bilboko Arte Ederretara irteerak; Sukaldaritza tailerra; Suhiltzaileen parkera irteera ume eta gurasoekin batera; Mendi irteerak; Pintxo bazkaria; Astroen behaketa; Talo tailerra; Barbakoa ikastaroa, Mintza egunera irteera ….). Oso balorazio ona egin dugu, herri guztietan talde kopurua mantendu egin baitugu, eta berbalagunek eurek ere oso pozik daudela adierazi digute eurek egindako balorazioetan.

10



6.- Hartzaileak

Txorierrin bizi diren eta euskaraz hitz egin nahi duten euskaldun guztiak dira hartzaileak. Aurten guztira 180 herritarrek hartu dute parte.


Egitasmo honekin jarraitzeko asmoa daukagu, eta ahal dela berbalagun kopurua gehitu. Ahalegin berezia egin nahi dugu “Gurasolagun” taldeak bultzatzen eta guraso eta umeen arteko ekintzak euskaraz bultzatzen.

11

EKINTZAREN IZENA: UME ZAINTZAILE, BEGIRALE, ESKOLA PARTIKULARREKO IRAKASLE EUSKALDUNEN LAN POLTSA




3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Mankomunitateak ezin ditu arlo guztiak zuzenean kudeatu, baina ume zein gazteei begira, zerbitzu hauek euskaraz eskaintzea da helburua. Haurrak zaintzeko, klase partikularrak emateko, kirol eta aisialdiko begirale aritzeko edo eta jendaurreko aurkezpenak egiteko prest dauden pertsonen zerrenda eguneratu, indartu eta osatu dugu, pertsona horien hizkuntza gaitasuna kontutan hartuta. Aurten ere, EGAZekin (Ekonomi Garapenerako Zerbitzua) elkarlanean aritu gara. Horrela, lehenengo irailean 8500 eskuorri banatu ditugu Txorierri osoan, zerbitzu hori daukagula jakinaraziz. Lan bila dabiltzanei elkarrizketa pertsonala egiten diegu euren euskara maila zein den jakiteko eta horren ondoren EGAZen bitartez euren curriculumak www.txorierri.eu web orriko lan poltsan sartzen dituzte. Lan eskaintzak izan ahala, web-orri horretan dauden curriculumetatik egiten ditugu aukeraketak. Urte osoan zehar zabalik dago zerbitzu hau eta urtetik urtera erabiltzaile kopurua etengabe igotzen ari da bereziki ahoz-ahoko zabalkundearen eraginez. Aurten gainera, aurrekontuan aurreikusita geneukana baino diru gutxiago gastatu dugu, orain arte propagandan ahalegin berezia jartzen genuelako, baina ahoz ahoko sistemaren bitartez hain ondo funtzionatzen duen programa denez, aurten ez dugu hainbeste diru gastatu zabalkundean, ez dugulako horretarako beharrizanik ikusi.

4.- Balorazio erreala Oso ondo funtzionatzen duen zerbitzua da hau. Alde batetik eskolekin, guraso elkarteekin… bilerak egiten ditugu gure zerbitzu hau eskainiz, eurek adierazi baitziguten honen falta sumatzen zela, eta gaur egun edozein gurasok edo guraso elkartek irakasle edo begirale euskaldun bat behar badute guregana jotzen dute. Bestetik txorierriko gazteei lan egiteko aukera bat ematen diegu, eta interesdunak guregana datoz. Urterik urte bai eskaerak eta bai eskaintzak igotzen doaz, eta beraz oso pozik gaude egitasmo honekin. EGAZekin elkarlanean aritzeak ere lana erraztu egin digu. Curriculumak informatizatu egin ditugu, eta interesdunek Mankomunitatera etorri barik, nahi dutenean euren curriculumetan sartu eta aldaketak egin ahal dituzte. Gainera guretzako ere kudeaketa askoz errazagoa da horrela. Orain arteko emaitza oso ona izan da eta gure ustez herritarrei zerbitzu hobea ematea lortu dugu bide hau jarraituz.

http://www.txorierri.eu/

12


Gastua 949,51 euro

6.- Hartzaileak

Txorierritar guztiei zuzendutako ekimena da


Egitasmo honekin jarraitzeko asmoa daukagu,eta baita EGAZekin elkarlanean ere, oso harrera ona baitauka herritarren artean.

13

EKINTZAREN IZENA: EUSKARAZKO PRODUKTUEN KATALOGOA


2.- Ekintzaren helburua Euskara ondorengoetaratzea. Familia bidezko jarraipena.

3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Gaur egun merkatuan dauden euskarazko produktuen berri herritarrei eman diegu. Horretarako aipaturiko katalogoa sortzen lagundu, argitaratu eta eskualdeko herritarren artean zabaldu dugu, katalogoa eskoletara, udaletxeetara eta liburutegietara bidaliz, eta webgunearen bidez eta iragarki-taulen bidez horren berri emanez. Horiek horrela, 2.000 katalogo leku desberdinetara eraman ditugu interesa dutenek har dezaten ( udaletxeetara, liburutegietara…). Eskoletan ere familia bakoitzari katalogo bat banatu zaio, opariak prestatzerakoan aukera zabala izan dezaten. Aurten ere, iazkoari jarraiki, web orria ezagutzera ematen ahalegin berezia egin dugu, eskoletan…. jendeak bertara sartu eta urte osoan zehar informazio zuzena jasotzeko aukera izan dezan.

4.- Balorazio erreala Aurten ere eskolek hala eskatuta, familia bakoitzeko katalogo bat banatu dugu. Programaren oso balorazio ona egiten dugu, alde batetik katalogoak berrikuntza nabarmenak izaten baititu bere formatura begira, eta bestetik herritarren harrera oso ona izaten baita. Gainera, www.katalogoa.org web orria martxan egotea eta herritarrak orri horretara sartu eta unean unean berrikuntzak ikusteko aukera izatea, oso baliagarria dela iruditzen zaigu,


Gastua 1.841 euro

6.- Hartzaileak

Txorierriko ikasle eta gurasoak bereziki dira gure hartzaileak kasu honetan.

http://www.katalogoa.org/

14


Katalogoaren web orriko erabiltzaile kopurua aztertu beharko da, zenbat jende sartzen den zehatz-mehatz jakiteko. Datorren urtera begira ere, zabalkundea web orrien bidez egitea aurreikusten da.

15

EKINTZAREN IZENA: HAUR JAIOBERRIEN GURASOAK SENTIBERATZEKO EGITASMOAK



3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Haur jaioberrien gurasoentzat euskararekiko sentiberatzeko egitasmoarekin jarraitu dugu aurten, www.emangiltza.com web gunearekin, DVD interaktiboarekin… hain zuzen ere. Horretarako urtebeteko eta 2-3 urteko haurren gurasoei triptiko informatiboa (euskaraz, gaztelaniaz eta frantsesez) bidali diegu seme-alabei euskaraz egiteak daukan garrantzia azpimarratuz, eta esku-orriaren bitartez web orria edo eta facebooka erabiltzera bultzatu nahi izan ditugu. Aurten ere gurasoek egindako iradokizunak jarraituz web orria gurasoentzako ulergarriagoa izateko zenbait aldaketa eta berriztapen egin ditugu bertan. Aurtengo beste berrikuntza bat Kuku liburuxkarekin batera doan DVD interaktibo berria diseinatzea izan da. Lan handia suposatu digu honek, baina oso pozik gaude emaitzarekin: Gurasoen atalean liburuxkako informazioa digitalizatu egin da eta besteak beste, hiztegiko hitzak, esamoldeak esaldi zuzenak… euskaraz zelan esan behar diren entzuteko aukera daukate gurasoek. Horrez gain, liburuxkan ikasitakoa ariketen bitartez praktikan jar dezakete eta umeekin zelan jolasten den ere erakusten zaie adibide interaktiboekin. Umeek, bestalde, sarrerako pantailan zazpi pertsonaia aurkituko dituzte eta pertsonaia bakoitzak eduki bat lantzen du: ( zenbakiak, forma geometrikoak, hiztegia, koloreak…). Umeek, pertsonaia bat aukeratu eta jolastu besterik ez dute egin behar, eta horrela trebetasun batzuekin batera hizkuntza bera ere landuko dute. DVD hau Ku-ku liburuxkarekin batera banatu diegu 2-3 urteko umeak dauzkaten guraso guztiei. Honetaz gain, irailean eskola publiko guztietan, gurasoekin egindako bileretan, irakasleek guk prestatutako gutun bat banatu diete guraso guztiei, web orriaren berri eman eta gurasoak bertan sartzera bultzatzeko.

4.- Balorazio erreala Aurten sartu dugun berrikuntzaren emaitzarekin oso pozik gaude. Kuku liburuxkan sartu dugun DVD berriak guraso eta umeak elkarrekin jolasteko aukera asko ematen du eta badakigu gainera eskoletan ere 2, 3 eta 4 urteko geletan erabiltzen ari direla oso praktikoa eta dinamikoa iruditzen zaielako.

16



6.- Hartzaileak

Gurasoak eta umeak dira hartzaileak


Aurrera begira ere egitasmo honekin jarraituko dugu, web orriari indarra ematen gurasoentzako erreferentzia izan dadin, Kuku-liburuxka banatzen…

17

EKINTZAREN IZENA: AISIALDI TALDEENTZAKO SENTSIBILIZAZIO KANPAINA



3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Aisialdiko taldeek erabiltzen duten materiala euskaraz izateko laguntzak bideratu nahi ditugu. Aisialdi eta kirol taldeetan euskara gero eta gehiago erabiltzea da helburua, horretarako itzulpen eta aholkularitza zerbitzuak dohainik eskainiz. Dena den, gaur egun taldeek gehien erabiltzen dituzten gutun, deialdi, kartel eta abarrak itzultzen ditugun arren, dokumentu oso luzeak badira (memoriak eta antzekoak kasu)ez itzultzeko erabakia hartu da, gure helburua elkarteen zabalkundea egitea baita, hau da bazkideei bidaltzen zaizkien gutunak, kartelak… egitea Hori dela eta, 3 orri baino gehiagoko dokumentuak badira ez ditugu gure gain hartzen.

4.- Balorazio erreala Pozik gaude zerbitzu hau jasotzen ari den erantzunarekin. Bai guraso elkarte, kirol talde, aisialdi talde…. eta abarrek guregana jotzen dute itzulpen edo aholkularitza eske. Gaur egun badakite edozein gutun edo antzekorik bidaltzerako orduan guregana jo dezaketela. .


Gastua 0,00 euro

6.- Hartzaileak

Txorierriko aisialdi eta kirol talde guztiak dira gure hartzaileak


Aurrera begira ere zerbitzu hau eskaintzen jarraituko dugu, baina lehen aipatu bezala herritarrengan eragin zuzena duten dokumentuak izango dira itzuliko ditugunak (gutunak, kartelak…). Dokumentu luzeak badira (memoria eta antzekoak kasu) ez ditugu gure gain hartuko.

18

EKINTZAREN IZENA: IPUIN LEHIAKETA

1.- Ekintzen esparrua a) Administrazioa b) Familia c) Herritarren ezagutza eta erabilera d) Helduen prestakuntza e) Lan mundua f) Merkataritza g) Haur eta gaztetxoen erabilera h) Sentsibilizazioa i) Egitasmo berritzaileak

2.- Ekintzaren helburua Euskararen elikadura

3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Eragin esparruko ikastetxeekin batera euskal literaturarekiko zaletasuna bultzatzeko ekitaldia antolatu dugu, XVII.Ipuin lehiaketa hain zuzen ere. Urtero legez, urrian lehiaketan parte hartzeko oinarriak argitaratu ditugu; lanak azaroan aurkeztu dira eta irabazleak abenduan erabaki dira. 2015ko urtarrilaren 30ean egin dugu sari banaketa Loiuko frontoian. Aurten 565 lan aurkeztu dira kategoria desberdinetan banatuta. Beraz oso pozik gaude lehiaketa honek daukan arrakastarekin. Irailean eskolei, lehiaketaren nondik norakoak aurkeztu genizkien umeekin geletan lan zezaten eta irailaren bukaeran 8.500 ale buzoneatu ziren lehiaketaren oinarriak azaltzeko. Abenduan epaimahaikideok lan galanta izan dugu saridunak erabaki ahal izateko, baina benetan merezi izan du egindako lanak, zer nolako ipuinak aurkeztu diren kontutan hartuta.

4.- Balorazio erreala Esan bezala, oso lehiaketa arrakastatsua da Txorierri mailan, aurkezten den ipuin kopurua kontutan hartuta. Eskolekin ere irailetik lantzen dugun zerbait da, eta argi dago gure eta eskolen arteko elkarlanak emaitza onak dituela. Urtarrilaren 30ean izan genuen sari banaketa eta Loiuko frontoia jendez bete zen. Aurrera begira ere noski, lehiaketa arrakastatsu honekin jarraituko dugu.



6.- Hartzaileak

Bost urtetik gorako txorierritar guztiak dira hartzaileak

7.- Aurrera begirako proposamenak Oso ekintza arrakastatsua denez, horrela jarraitzeko asmoa daukagu.

19

EKINTZAREN IZENA: EUSKARAREN EGUNA TXORIERRIN


2.- Ekintzaren helburua Euskararen elikadura

3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Abenduaren 3a Euskararen Nazioarteko Eguna dela eta, Txorierriko ikastetxe, euskaltegi eta herriko kultur eta kirol elkarteekin batera hainbat ekintza antolatu ditugu azaroaren 28an hasi eta abenduaren 4ra arte. Plangintza hau guzti hau antolatzeko, irailetik hasi gara lanean. Irailean bertan hasi ginen ikastetxeekin bilerak egiten umeentzako eta gazteentzako ikuskizun erakargarri eta egokiak aukeratzeko. Guztira 1600 ume eta gazterentzako ekintzak antolatu ditugu abenduaren 1,2,3 eta 4an zehar (aste barruan). Honetaz gain, eta aurten euskararen eguna ospatzea Loiuri zegokionez, irailetik, bertan dauden elkarte guztiekin bilerak egin ditugu, denon artean egitarau erakargarria eta adin guztietara egokitutakoa egin ahal izateko. Hona hemen burututako ekintzak: Azaroaren 28tik hasita, “Aurreko mendeko argazki erakusketa”. Azaroaren 29an, Berbalagunekin irteera ermitaz ermita, Gazte bazkaria, Euskal jolasak, Goi mailako bertso-saioa eta “Taberna ibilitaria” taldea.Bertso saioan honako hauek izan ziren bertsolariak: Sustrai Kolina, Jone Uria, Igor Elortza eta Alaia Martin. Saioa frontoian izan zen. Azaroaren 30ean Talo tailerra umeentzat, Zirika Zirkusen “Txarlestrup ikuskizuna”. Abenduaren 3an, “Euskal Herriko altxorretan barrena (bizikletan)” hitzaldi-dokumentala; Abenduak 1, 2, 3 eta 4an eskolentzat: ”Bat-batean” ikuskizuna, “Patxin eta Potxin” pailazoak, Eriz magoa, eta “Erdaldun berrien kluba” institutukoentzako antzerkia. Ikus daitekeen moduan, hainbat ikuskizun desberdin izan dira adin tarte desberdinetara egokituak.

4.- Balorazio erreala Aurten ere oso pozik gaude egitasmo erraldoi honen aurrean txorierritarrek izandako erantzunaz. Ikastetxe guztiak oso inplikatuta egon dira hasiera-hasieratik eta Loiun dauden elkarte guztiek hartu dute parte antolakuntzan (Loiuko Bakarrak Gazte Elkarteak,Herri kirol taldeak,Nagusien elkarteak, Pilota elkarteak, Karate taldeak,Jai Batzordekoak, Berbalagunekoek…) Ekintzetan ere oso erantzun ona izan dugu txorierritar guztien aldetik. Eskolekin ere ebaluzio bilerak egin ditugu eta datorren urtera begirako nondik-norakoak aztertzen ibili gara.

20



6.- Hartzaileak

Txorierritar guztiak dira hartzaileak


Datorren urtean Zamudion ospatuko dugu “Euskararen eguna”. Argi dago herritarren inplikazioa ezinbestekoa dela denon parte-hartzea ziurtatu ahal izateko, eta azken urteetan izan dugun erantzuna datorren urtean ere mantentzen ahaleginduko gara. Bestalde eskolekin hilabetero bilerak egiten ditugu, datorren abendura begirako ekintzak hobeto antolatu ahal izateko. Kontutan hartu behar dugu azken urteetan ikasleen kopurua izugarri igotzen ari dela, eta denon lana da mugitzen ditugun kopuruak kontutan hartuta, ikasleen ahalik eta inplikaziorik handiena lortzea.

21

EKINTZAREN IZENA: EUSKARA ZINE ARETOETARA



3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Eragin esparruko ikastetxeekin batera, aurten ere “Euskara Zine Aretoetara” programan parte hartu dugu. Euskarazko proiekzioak ikusteko aukera eman diegu ume eta gazteei, eta hori gauzatzeko beharrezkoak diren baliabideak eskaini: zine aretoa, sarrerak merkatzeko diru-laguntzak, esku-orriak prestatu... Kultura teknikariekin eta ikastetxeekin elkarlanean aritu gara urte osoan zehar,eta denon artean zein pelikula ikusi eta noiz erabaki dugu. Eskola publikoko 952 ume eta gaztek hartu dute parte aurten programa honetan.

4.- Balorazio erreala Film bakoitza ikusi ondoren, eskoletara ebaluazio fitxa bidali dugu, eta film guztiak ikusi ostean, ebaluazio bilera egin dugu. Eskoletako balorazioa oso ona izan da, lehen ikasleak filmak ikusteko Bilbora joan behar izaten baitziren eta orain txorierrin bertan daukate filmok ikusteko aukera. Gainera aurten lehen aldiz pelikula bakoitza ikusi aurretik bidali zaie zuzenean materiala eskoletara. Orokorrean egokia dela esan digute eskolek, eta beraz aurrera begira ere egitasmo honekin jarraitzeko gogoa erakutsi dute.



6.- Hartzaileak

Eskola publikoetako sei urtetik hamaikara arteko umeek hartu dute parte egitasmo honetan.


Ez diogu egitasmo honi inolako aldaketarik aurreikusten, orain arte bai eskolak eta bai gu oso pozik baikaude jasotako emaitzaz eta beraz berdin jarraitzeko asmoa daukagu.

22

EKINTZAREN IZENA: EUSKARA BULTZATZEKO EKINTZAK



3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Aisialdian ere euskararen erabilera bultzatzeko asmoz, herriko gazteei ikastolek antolatzen dituzten ekintzetara joateko baliabideak eman dizkiegu; besteak beste, Ibilaldira, Kilometroetara, Eskola publikoko jaira… Ekintza hau bultzatuz, euskararen erabilera eta euskararen aldeko jarrera indartuko dugula uste dugu, kontuan hartuta gazte hauek berebiziko garrantzia dutela euskararen erabileran. Aurten ere, beste urteetako ildoari jarraituz, txorierriko sei udaletako kultur teknikariekin elkar-lanean aritu gara irteerak antolatzeko, monitoreak ipintzeko… Hona hemen datuak: Guztira 109 pertsona joan dira gurekin ekintza desberdinetara. Aurten, Ibilaldira, Araba Euskarazera eta Kilometroetara autobus bana joan dira, bus bakoitzeko bina begiralerekin.

4.- Balorazio erreala Irteera bakoitzaren ostean, kultur teknikariekin ebaluazio bilerak egin ditugu. Orain arte ez da inolako arazorik gertatu irteeretan eta jendea oso pozik egon da eskainitako zerbitzuaz. Baina aurten, arrazoia zein den ez dakigun arren, jende gutxiago apuntatu zaigu irteeretara joateko. Adibidez eskola publikoaren jaira joateko lehen aldiz aukera eman dugun arren, ezin izan dugu autobus bat osatu. Horrexegatik gastatu dugu guk aurreikusita geneukana baino diru dezente gutxiago. Datorren urtera begira indar berezia jarriko dugu honetan, aurreko urteetako kopuruetara heltzeko.



23

6.- Hartzaileak

Txorierriko 14 urtetik gorakoak dira hartzaileak. Baina 14 urtetik 18ra arteko gazteak joan ahal izateko gurasoen baimena ekartzea ezinbestekoa da.


Hurrengo urtera begira ahalegin berezia egingo dugu aurreko urteetako kopuruetara heldu ahal izateko. Bestalde , joaten den bakoitzari 5€ kobratzen jarraituko dugu.

24

EKINTZAREN IZENA: MERKATARITZA


2.- Ekintzaren helburua

Euskararen erabilera

3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea...

Merkatal guneetako hizkuntza-paisaian, euskararen presentzia txukundu eta areagotzen jarraitzen dugu eta baita euskararen erabilera handitzera bideratutako ekintzak aurrera eramaten ere. Aurten ere ARTEZ enpresa kontratatu dugu proiektu hau aurrera eraman ahal izateko. Iaz merkatari eta ostalari guztiei egindako inkestetan, gehiengoak esaten zuen ondoen baloratzen zuten zerbitzua, eskaintzen zaien itzulpen zerbitzua zela. Beste zerbitzuak, ostera, sustapen kanpainak… ez dira hain ondo baloratuak izan. Horrexegatik aurten, gehien bat itzulpen eta errotulu zerbitzua izan da eskaini duguna. Txorierriko merkatariekin lan egiten duten gestoriengana ere jo dugu euren dokumentuak euskaraz bidaltzen laguntzeko eta harremana euskaraz izan dadin. Honetaz gain enpresa txikietan sustapen kanpaina egiten jarraitu dugu, eta bi bisita egin dizkiogu bakoitzari.

4.- Balorazio erreala Gaur egun denda guztiek itzulpen zerbitzua doan daukagula badakite eta urte osoan zehar jotzen dute guregana laguntza eske. Dena den, inkestetatik ondorioztatu genuena honako hau izan zen: Oro har, orain arte egin ditugun motibazio kanpainek ez dutela guk espero izan dugun eragina izan, eta beraz aurrera begira ez duela gehiegirik merezi horrelako sustapen kanpainekin jarraitzeak. Gure hitzarmenkideek gehien baloratzen dutena urte osoko itzulpen eta errotulu zerbitzua da, eta denek zerbitzu hori matentzea eskatzen digute. Beraz datorren urtera begira ere ildo honetatik jarraitzeko asmoa daukagu.



25

6.- Hartzaileak

Txorierriko merkatari eta ostalariak zuzenean eta txorierritar guztiak dira hartzaileak


Datorren urtera begira ere, iaz burututako inkestetatik ateratako ondorioak jarraituko dugu kontuan hartzen.

26

EKINTZAREN IZENA: GAZTEEI ZUZENDUTAKO EUSKARA ERABILTZEKO KANPAINA: “LUKIE KOIU” PROGRAMA





3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Oso argi daukagu une honetan euskararen erabilera bultzatzea izan behar dela gure erronka, eta nerabeengan eragitea estrategikoa dela iruditzen zaigu. Horrexegatik 3 urte daramatzagu beraientzako programa bereziak antolatzen. Lehenengo 3 urteetan "Izarren distira " programa antolatu izan dugu, baina bere emaitzak lortu dituen arren, iaz ebaluazioa egin ostean, ondorioztatu genuen urrutiago joan behar ginela eta beste programa desberdin eta berri bat asmatu behar genuela. Bilera eta hausnarketa dezente egin ostean "Lukie Koiu" programa da aurten sortu duguna: 12-16 urteko gazteei zuzendutako programa bat da, hau da DBHko 1 - 4 mailetan dauden gazteentzako. Gure helburua oso argia da: euskara, eskolako hizkuntza izatetik atera eta nerabeentzako erakargarria izan daitekeen programa bat sortzea, euskara aisialdiko erabilera hizkuntza izan dadin, euskararekin dibertitzeko eta beraien artean euskaraz egin dezaten. Horretarako ginkana estiloko lehiaketa bat antolatu dugu. Web orri bat sortu dugu (www.lukiekoiu.com ) eta sarearen bitartez frogak proposatu, gazteek hauek egin, guk froga horiek guztiak web orrian eskegi, eta puntuak (lukiek) lortzen dituzte. Puntu gehien lortzen dituzten 3 bikoteek finalerako txartela lortzen dute. Gazteek bikoteka eman dute izena eta 6 astetan zehar , sei proba desberdin burutu dituzte (astean bat) eta sarean eskegi. Euskara eta Txorierri izan dira lehiaketako gai nagusiak, beraz probek euskal kultura, bertako ondare linguistikoa eta historikoa eta bertako ohiturak izan dute ardatz. Hona hemen prestatu ditugun probetako batzuk: - “Aukeratu Txorierriko pertsonaia, leku edo gertaera bat eta honen inguruan 10 bat lerrotako iruzkintxo bat idatzi”. -“Zuen herriko baserriei argazkiak egin, eta baserri etxearen izenarekin eta bere jatorriarekin batera bidali”. -“Bilatu zuen herrian 65 urte edo gehiago dituen pertsona bat eta bideo elkarrizketa bat egin (gutxienez 5 galdera). Gaia: Nola aldatu diren gauzak. - Txorierrin propio erabiltzen diren 10 hitz bilatu. Beraiekin kartelak egin eta proba egin

http://www.lukiekoiu.com/

27

duzuela frogatzeko kartelarekin argazki bat egin”. Horrelako 6 proba desberdin prestatu ditugu eta gazteek urriaren 23tik abenduaren 4ra arteko epea izan dute proba guztiak egin eta gure web orrian eskegitzeko. Hauxe izan da lehenengo fasea. Honen ondoren, eta herritarrak, familiakoak, lagunak... inplikatu nahi izan ditugunez, astebete eman dugu publikoak internet bidez euren 3 talde gustukoenak bozkatzeko. Bukatzeko, 3. fasea, finala izan da. Abenduaren 13an , parte hartu duten taldeen artean puntu gehien lortu dituzten 3 taldeak pasatu dira finalera. Bertan, nerabeek aurreko proba guztietan batutako materiala erakutsi da, eta material hau finaleko proba batzuekin tartekatu dugu. Hiru bikote hauek sariak jaso dituzte: 1. saria: 600€ko bono-txartela, 2. saria: 400€ko bono-txartela, eta 3. saria: 200€ko bono-txartela. Zabalkundea egiteko, institutuko arduradunei programa azaldu diegu eta baita ludoteka eta gazteguneetako arduradunei ere. Ondoren, irailean nerabeekin jarri gara zuzenean harremanetan proiektua azaltzeko guztiei.

4.- Balorazio erreala Benetan oso pozik gaude proiektu berri honek izan duen arrakastarekin. Zabalkundea egin genuenean 100 gaztek eman zuten izena. Gero dena den, gazte batzuk bidean geratu zaizkigu, eta benetan lana egin dutenak eta proba guztietan parte hartu dutenak 60 gazte izan dira. Oso datu ona gure ustez, gazteei suposatu dien esfortzua kontuan hartuta. Gainera gure helburuak bete-betean lortzen ditu programa honek: euren asialdian euskaraz aritzea, euskal kultura, teknologia berriak euskaraz, nagusien ondarea ere ezagutzea eta belaunaldien arteko harremana, hizkuntzaren lanketa… Egia esan dena dauka.



6.- Hartzaileak

Kanpaina honen hartzaileak Txorierriko 12-16 urteko gazteak dira.


Datorren urtera begira, egitasmo berri honekin jarraitzeko asmoa daukagu. Proba berriak sortu, web orriarekin jarraitu... Gure helburua aurten izan duen arrakasta mantentzea da helburu berberak mantenduz.

28

EKINTZAREN IZENA: FUTBOLA ETA SASKIBALOIA OINARRITIK EUSKARAZ TXORIERRIN

Ekintzaren esparrua a) Administrazioa b) Familia c) Herritarren ezagutza eta erabilera d) Helduen prestakuntza e) Lan mundua f) Merkataritza g) Haur eta gaztetxoen erabilera h) Sentsibilizazioa i) Egitasmo berritzaileak



3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Hona hemen aurten burututako urratsak: 1.- FUTBOLA: 41 taldetan aritu izan gara. Orotara 58 entrenatzailerengan izan dugu eragina. Talde hauetatik futbolean euskaraz normaltasunez dabiltzanak 51 dira. Baina oraindik ere normaltasunez ez dabiltzanak 7 talde. Beraz euskara estrategia moduan talde guztietan txertatu gabe daukaten entitateak honako hauek dira: - Sondika K.E. - Zamudio K.E. - Derio K.E. Datorren ikasturtera begira, futbol talde hauekin beste pausu batzuk ematea aurreikusten dugu gure helburuak lortu ahal izateko.

Honetaz gain, apirilaren 24an, errekonozimendu ekitaldia egin zen Derioko eskola politeknikoan. Bertan talde guztiek (bai futbol eta bai saskibaloikoek) hartu zuten parte eta partidu guztiak euskaraz burutu ziren. 2.- SASKIBALOIA: 27 taldetan aritu gara. Orotara 37 entrenatzailerengan izan dugu eragina. Talde hauetatik saskian normaltasunez dabiltzanak 36 dira. Talde bakarra da oraindik ere euskara normaltasunez erabiltzen ez duena.

Bestalde proiektuari jarraipen egokia egiteko 2 koordinazio bilera egin dira eta bertan talde guztiak aztertu eta jarraitu beharreko pausuak zehaztu ditugu.

Bukatzeko, hona hemen proiektu honen helburuak: 1.- Euskara, eskola hizkuntza izatetik atera eta aisialdian erabiltzea. 2.- Euskara gozamenarekin lotzea 3.- Orain arte sortu ez den euskal eskola bat sortzea, eta Euskal Herri osora zabaltzea.

4.- Balorazio erreala Oso pozik gaude egitasmo honekin. Hala ere talde batzuetan ez ditugu gure helburuak bete, eta aurrera begira talde horiengan eragin nahi dugu bereziki.

29


Benetako gastua

17.968,50 euro

6.- Hartzaileak

Txorierriko 16 urtetik 25era arteko futbol eta saskibaloi entrenatzaile euskaldunak.


Esparru hau estrategikotzat jotzen dugunez, aurrera begira ere egitasmoarekin jarraitzeko asmoa daukagu.

30

EKINTZAREN IZENA: “BERTSOLARITZA ESKOLETARA” EGITASMOA





Euskara sustatzeko programa berezietan ikastetxeak ere parte hartzera bultzatzen ditugu eta horietako programa bat da "bertsolaritza tailerrarena". Gure ustez oso onuragarria da hala nahi duten gazteei bertsolaritza lantzeko aukera eskaintzea. Beraz, aurten ere ikastetxeekin batera adostu dugu astean behin irakasle bat joatea eskoletara bertsolaritza ematera; alde batetik kantu eta bertso zaharrak ikas ditzaten, eta bestetik, euskaraz sortu, komunikatu eta jolas dezaten. Eskola publikoetako 6. mailako ikasle guztiek hartu dute parte egitasmo honetan. Institutuaren kasuan, eskola orduz kanpoko ekintza bat moduan eskaintzen zaie eta 20 gazteko talde bat egon da urte osoan zehar klaseak jasotzen Urtean zehar hainbat saio eraman dituzte aurrera, irratiko programak, bertso topaketak.... Urtean zehar Bizkaiko Bertsolari elkarteko arduradunekin jarraipen bilerak egin ditugu jarraitu beharreko pausuak zehazteko.

4.- Balorazio erreala Bai eskolek, bai bertsolari elkarteak, bai guk egiten dugun balorazioa oso ona da. Urtean zehar hainbat ekintza eramaten baitituzte aurrera ikasleek, eta merezi duen egitasmo bat dela uste dugu.



6.- Hartzaileak

Eskola publikoetako 6. mailako umeak eta institutuko 2. hezkuntzako ikasleak.


Ez diogu egitasmo honi inolako aldaketarik aurreikusten, orain arte bai eskolak eta bai gu oso pozik baikaude jasotako emaitzaz eta beraz berdin jarraitzeko asmoa daukagu.

31

EKINTZAREN IZENA: ESKUALDEAN EUSKARAREN IDATZIZKO PRESENTZIA AREAGOTU

1.- Ekintzaren esparrua a) Administrazioa b) Familia c) Herritarren ezagutza eta erabilera d) Helduen prestakuntza e) Lan mundua f) Merkataritza g) Komunikabideak h) Sentsibilizazioa i) Egitasmo berritzaileak


Euskarazko komunikabideen garapena sustatu

3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea… Eskualdean euskararen idatzizko presentzia areagotu nahi dugunez, urte osoan zehar Aikor aldizkariarekin elkarlanean aritu gara. Horiek horrela, besteak beste Mankomunitateak aldizkarian, bi orrialde hartuta dauzka eta bertan Mankomunitateak egiten dituen ekintzen berri ematen dugu. Horretaz gain artikulu desberdinak ere idazten ditugu euskaraz antolatzen diren ekintzen berri emanez. Euskararen idatzizko presentzia areagotzea da azken finean lortu nahi duguna, Txorierrin argitaratzen den euskarazko aldizkari bakarrari bultzada emanez.

4.- Balorazio erreala Kontuan hartu behar dugu Aikor aldizkaria Txorierriko etxe guztietara zabaltzen dela eta 11.000 lagunek baino gehiagok irakurtzen dutela, ondorioz gure ustez oso garrantzitsua da aldizkari honi ahalik eta laguntzarik handiena ematea Mankomunitate eta Aikorreko kazetariak etengabe aritu gara elkarlanean. Hilabetero erabakitzen dugu zein artikulu idatzi,zelan jarri… Oso pozik gaude emaitzarekin.


Gastua 6.500 euro

6.- Hartzaileak

Txorierritar guztiak dira hartzaileak 7.- Aurrera begirako proposamenak Lehen aipatu bezala ekintza honekin jarraitzeko asmoa daukagu, txorierri mailan euskara hutsean argitaratzen den aldizkari bakarra dela hartu behar baitugu kontuan, eta ezinbestekoa da euren eta gure arteko elkarlana.

32

EKINTZAREN IZENA: MIHILUZE PROGRAMA TXORIERRIN





Txorierriko 10-12 urteko umeengan eragin nahi dugu proiektu honekin, euren aisialdian ere euskara erabili eta euskaraz goza dezaten. Horretarako lehenengo Txorierriko ikastetxe eta ludoteka guztiekin jarri ginen harremanetan proiektua azaldu eta beraien laguntza eskatzeko. Beraien bitartez egin genuen propaganda. Umeak ludoteketan apuntatu behar ziren eta hilabete eta erdiko epea jarri genuen horretarako. Guztira 94 bikotek eman zuten izena, hau da 188 umek herrika honela banatuta: Larrabetzun 32 ume, Zamudion 24 ume, Derion 74 ume, Lezaman 20 ume,eta Sondikan 38 ume. Iazko urtearekin alderatuta, 58 ume gehiago apuntatu dira aurten. Kontutan hartu behar dugu, Txorierrin herri ikastetxeetan dauden adin horretako ume kopurua 281ekoa dela eta hortik 188 ume egon direla gure programa honetan sartuta. Beraz datuak eta jasotako emaitza ezin hobeak dira. Ondoren herri bakoitzean kanporaketak egin ziren, eta horretarako beste hilabeteko epea eman genuen. Kanporaketen ostean bi finalaurreko egin genituen bata Lezaman eta beste Zamudion, eta bukatzeko finala Derioko Kultur Birikan egin genuen maiatzean, 3 bikote onenekin. Azkeneko final honetarako Kike Amonarriz bera ekartzea lortu genuen (ETBko Mihiluze programaren sustatzaile eta aurkezlea) gure finalean aurkezpen lanak egin zitzan eta herritar guztientzako zabalik egon zen. Ostiral arratsalde batean, bi autobus umez beteta eramatea lortu genuen Derioko finalera.

4.- Balorazio erreala Guztira Txorierrin bizi diren adin horretako ume kopurua kontuan hartzen badugu, 281etik 188k gure programa honetan hartu dute parte. Beraz kopuru aldetik begiratuta erabat arrakastatsua izan dela esan dezakegu. Urterik urtera parte-hartze kopurua itzel igotzen ari da: 2012 urtean 114 ume, 2013an 130 ume, eta 2014an 188 ume. Beraz oso pozik gaude programa honek daukan arrakastarekin. Bestalde, hiru hilabetetan zehar ludoteketan,etxean, eskoletan eguerdian… Mihiluze jolasa praktikatzen (eta ondorioz euskara lantzen eta euskaraz jolasten) ibili dira, eta horregatik ere oso balorazio ona egiten dugu. Guztira bada, martxotik maiatzera, eskolaz kanpo euskara erabiltzen ibili dira finalera iritsi ahal izateko, eta horrexegatik gure helburuak bete dira. Programaren ostean, bai ludotekekin eta baita eskolekin ere balorazioa egin ahal izateko batzarrak egin ditugu eta denek oso pozik daudela esan digute eta aurrera begira ere

33

programa honekin jarraitzeko, umeak oso motibatuta egon baitira, eta euskara pila bat lantzen baita gainera.



6.- Hartzaileak

Txorierriko 10-12 urteko haurrak dira hartzaileak.


Aurten izandako arrakasta kontuan izanda datorren urterako ere laugarren edizioa egitea aurreikusten dugu eta aldaketa berezirik sartu gabe. Dauzkagun kopuruak mantentzea da gure helburua une honetan.

34

EKINTZAREN IZENA: IPUIN BILDUMA




Euskararen elikadura

3.- Ekintzaren deskribapena: ekintzak, emandako urratsak, egindako jarraipena, ekintzaren ibilbidea... Urtero, antolatzen dugun ipuin lehiaketako 1. sarituak gorde egiten ditugu eta 3 urtetik behin liburua argitaratzen dugu. Horiek horrela, aurten egokitu zaigu lan hori egitea: 2011-2013 urteko 1. saritutako ipuinekin "Ipuin bilduma liburua" argitaratu dugu azaroan. Guztira 300 ale argitaratu ditugu eta eskoletara, institutura, liburutegietara ,euskaltegietara ,irabazleei etxeetara zuzenean... bidali ditugu aleok. Kontuan izan behar dugu, parte hartzaile gehienak eskola eta institutuetako ume eta gazteak izaten direla, eta liburu hauek oso erabilgarriak izaten dira gero geletan lantzeko. Gainera irabazle guztiei liburua etxera bidaltzearekin, egindako sormen lana erakutsi nahi diegu eta irakurtzera bultzatu nahi ditugu.

4.- Balorazio erreala Oso harrera ona izan dute liburuok. Alde batetik eskoletan gelako materialerako erabili dute, ikasleek eurek egindako lanak irakurri eta aztertzea oso motibagarria dela esan baitigute irakasleek. Bestetik irabazleei eurei ere bidaltzen diegu ale bana etxeetara, eta honekin, euren ipuinarekin batera beste irabazleen ipuinak irakurtzera bultzatu nahi ditugu, eta baita bide horretatik jarraitu eta idazten jarraitzera ere.



6.- Hartzaileak

Txorierritar guztiak dira hartzaileak, liburutegietan,anbulategietako pediatria zentruetan, euskaltegietan, udaletan eskoletan… uzten baititugu aleok edonork irakur ditzan.

35


Aurrera begira ere egitasmo honekin jarraitzeko asmoa daukagu, bai ipuin lehiaketak eta bai ipuin bildumak oso harrera ona baitute herritarrengan eta horrela txorierritarrak bai euskaraz idaztera eta bai irakurtzera bultzatu nahi ditugu.

36

4. FINANZIAZIOA

GASTUA

152.768,29€

DIRU-LAGUNTZAK: EUSKO JAURLARITZA

19.539 €

DIRU-LAGUNTZAK: ALDUNDIA

22.619,48 €

UDALEN APORTAZIOA

110.609,81€

TXORIERRIKO ZERBITZUEN MANKOMUNITATEA€¦ · Hala nola, WhatsApp bidez, Instagram, Tuenti,...

Documents

Transcript of TXORIERRIKO ZERBITZUEN MANKOMUNITATEA€¦ · Hala nola, WhatsApp bidez, Instagram, Tuenti,...