OINARRIZKO CURRICULO DISEINUA

MERKATARITZA KUDEAKETAKO ETA

MARKETINEKO GOI MAILAKO TEKNIKARIA

2

AURKIBIDEA 1. Tituluaren identifikazioa........................................................................................ 4 1.1. Izena.................................................................................................................... 4 1.2. Maila. .................................................................................................................. 4 1.3. Heziketa-zikloaren iraupena. .............................................................................. 4 2. Erreferentea (lanbide-perfila). ............................................................................... 4 2.1. Gaitasun orokorra. .............................................................................................. 4 2.1.1. Lanbide-gaitasunak. .......................................................................... 4 2.1.2. Erantzukizuna eta autonomia. ........................................................... 4 2.2. Lanbide-burutzapenak eta lanbide-portaerak. .................................................... 5 2.3. Produkzio-prozesuko kokapena. ......................................................................... 6 3. Irakaskuntzak. ........................................................................................................ 7 3.1. Heziketa-zikloaren helburu orokorrak. ............................................................... 7 3.2. Lanbide-moduluak. ............................................................................................. 8 1.Lanbide-modula: Merkataritza-ikerketa ............................................................. 8 2.Lanbide-modula: Marketin-politikak ................................................................. 13 3.Lanbide-modula: Merkataritzako logistika ........................................................ 17 4.Lanbide-modula: Salmenta-puntuko marketina ................................................. 22 5.Lanbide-modula: Salerosketaren kudeaketa ....................................................... 28 6.Lanbide-modula: Helburu orokurreko informatika-aplikazioak ........................ 34 7.Lanbide-modula: Atzerriko hizkuntza ................................................................ 39 8.Lanbide-modula: Lan-prestakuntza eta-orientabidea ......................................... 42 9.Lanbide-modula: Kalitatea eta etengabeko hobekuntza ..................................... 46 10Lantokiko prestakuntza ..................................................................................... 48 3.3. Heziketa-zikloaren sekuentziazioa eta denboralizazioa. .................................... 49 3.3.1. Iraupenak. .......................................................................................... 49 3.3.2. Sekuentziazioa. ................................................................................. 49 4. Irakasleak. .............................................................................................................. 51 4.1. “Merkataritza-kudeaketa eta marketina” heziketa-zikloko lanbide-moduluetan irakaskuntza-atribuzioa duten irakasleen

espezialitateak. ................................................................................................... 51 4.2. Titulazioen baliokidetasunak irakaskuntzan aritzeko. ........................................ 51 5. Irakaskuntzak emateko gutxieneko baldintzak. ..................................................... 52 5.1. Espazioak. ......................................................................................................... . 52 6. Sarbideak eta/edo ibilbideak. ................................................................................. 52 6.1 Oinarrizko Lanbide Heziketa............................................................................... 53 6.2. Unibertsitate-ikasketetarako sarbidea. ................................................................ 53 7. Konbalidazioak eta korrespondentziak. ................................................................. 53

3

7.1. Lanerako Lanbide Heziketarekin konbalida daitezkeen

lanbide-moduluak. .............................................................................................. 53 7.2. Lan-praktikarekin korrespondentzia izan dezaketen lanbide-moduluak. .............................................................................................. 53

4

1. Tituluaren identifikazioa 1.1. Izena: “Merkataritza-kudeaketa eta marketina”. 1.2. Maila: Goi-mailako Berariazko Lanbide Heziketa. 1.3. Iraupena: 1.400 ordu. 2. Erreferentea (lanbide-perfila) 2.1. Gaitasun orokorra • Merkatu, produktu, zerbitzu, prezio, banaketa eta komunikazioari buruzko

informazioa lortu eta/edo lantzea; produktuen eta/edo zerbitzuen erosketa, logistika eta salmentari buruzko jarduera-planak kudeatzea eta hauek guztiak jasotako aginduen arabera eta indarrean dagoen legeriari jarraiki egiten direla gainbegiratzea.

2.1.1. Lanbide-gaitasunak • Merkataritza-ikerketari buruzko datuak informazio-iturrien fidagarritasuna kontrolatuz lortzea eta

informazio hori estatistika-teknika egokiak aplikatuz prozesatu eta antolatzea. • Marketin-politika desberdinak ezartzeko beharrezkoa den oinarrizko dokumentazioa lantzea,

produktuaren edo zerbitzuaren definizioari buruzko informazioa, bere prezioa eta konpetentziak antzeko produktu edo zerbitzuetan eskaintzen duena lortu eta baloratuz, hori guztia publizitate-ekintzaren eraginkortasuna kontrolatu eta baloratuz.

• Merkataritzako logistika kudeatzea, biltegiaren espazioak eta funtzionamendua antolatuz, merkantzien mugimenduak kontrolatuz, produktuak banatzeko prozedurak antolatuz eta biltegiko izakinak eta merkantzien itzulketak kudeatuz.

• Denda-marketineko (merchandising) jarduerak planifikatu eta zuzentzea, erakusleihoak definituz, salmenta-azaleraren banaketa eginez, saltokian bertan promozioak antolatuz eta saltokian egiten diren denda-marketineko (merchandising) jarduerak kontrolatuz.

• Produktuen eta/edo zerbitzuen salerosketa-eragiketak kudeatzea, hornitzaileekin harremanetan jarriz, informazio-sistemak ezarriz merkataritza-jardueraren euskarri gisa, salmenta-eragiketaren ekintza-plana landu eta martxan jarriz eta salmenta-taldearen jardueren garapena eta bilakaera kontrolatuz eta hornitzaileekin itundutako baldintzak betetzen direla ziurtatuz.

• Marketin-politikak aplikatzeak sor ditzakeen ondorio desberdinen ikuspegi global eta integratua edukitzea.

• Merkatuen bilakaera aldakorrera, merkaturatzen dituen produktu eta zerbitzuen osaera eta prestazioetara eta bere lanean aplikatzen diren informatika-kontroleko sistemetara bizkor moldatzea.

• Teknika, antolamendu, ekonomia eta giza baliabideen alderdiei dagokienez, merkataritza-prozesuaren ikuspegi global eta integratua edukitzea.

• Teknikek, lan-antolamenduak eta lanbidearekin zerikusia duten alderdi ekonomikoek eragindako aldaketen ondorioz sortutako lan-egoera berrietara egokitzea.

• Bere lanaren garapenean komunikazio eraginkorrak izatea, bere jarduera antolamenduaren beste arlo batzuekin koordinatuz.

• Dagokion talde funtzionaleko kideekin etengabe harremanetan egotea, taldeari esleitutako helburuak lortzeko erantzukizuna hartuta, besteen lana errespetatuta, taldeko zereginak antolatu eta zuzenduta eta sortzen diren zailtasunak gainditzen lagunduta.

• Bere eta bere menpekoen burutzapenen eremuan eta ezarritako arau eta planen esparruan arazoak konpontzea eta erabakiak hartzea, hartutako konponbidea nagusiekin kontsultatuz sor daitezkeen ondorioek segurtasun-, antolamendu- edo ekonomia-baldintza normalak aldatzen dituztenean.

• Bere gaitasun-ataleko jarduera hobetzeko irizpide edo ekintza berriak aztertu eta proposatzea, berrikuntzei, joerei, teknologiari eta bere gaitasun-eremuan aplikagarria den araudiari buruzko informazioa jasoz.

2.1.2. Erantzukizuna eta autonomia

5

Teknikari honi, goragoko maila duten teknikariek esleitutako funtzioen eta helburuen esparruan eta dagozkion lanerako arloetan, oro har, ondoko autonomia-gaitasunak eskatuko zaizkio: • Merkatuari buruzko informazioa bildu eta datuen estatistika-azterketa egitea. • Merkataritza-ikerketaren ondorioak bilduko dituzten txostenak lantzea. • Biltegiaren funtzionamendua antolatzea. • Publizitate-ekintzetako materialak eta giza taldea prestatu eta koordinatzea. • Bezero eta hornitzaileekin eta komunikabideekin negoziatzea. • Biltegi desberdinetan merkantzien mugimenduak kontrolatzea. • Publizitate- eta promozio-ekintzaren jarraipena egitea. • Denda-marketineko (merchandising) plana definitzea. • Salerosketa burutzea. • Datu-iturriak aukeratzea. • Denda-marketineko (merchandising) jarduerak kontrolatzea. 2.2. Lanbide-burutzapenak eta lanbide-portaerak Ondokoak dira profesionalak burutu eta/edo azaldu behar dituen burutzapen eta portaera esanguratsuenak: 1. Merkataritza-ikerketan informazioa lortu, prozesatu eta antolatzea. • Lehen mailako eta bigarren mailako iturrietatik datorren informazioa lortzea, bere fidagarritasuna

ziurtatuz eta merkatu-ikerketaren kostua eta helburuak kontuan hartuz. • Lehen mailako iturrietatik datuak behar bezala biltzen direla kontrolatzea. • Merkataritza-ikerketan bildutako informazioa prozesatzea, azterlanaren xedeari aplika dakizkiokeen

ondorioak ateratzea ahalbidetuko duten estatistika-teknika egokiak aplikatuz. • Egindako landa-lanaren eta estatistika-azterketaren ondorioak garaiz eta taxuz aurkeztea. • Merkatuen informazio-sisteman (MIS) jardun eta bere funtzionamendua kontrolatzea, kostua eta

bertan biltegiratutako informazioa eskuratzeko denbora optimizatuz. 2. Marketin-politikak ezartzeko oinarrizko informazioa landu eta publizitate-ekintza kontrolatzea. • Produktu edo zerbitzuari buruzko informazioa eta hura definitzen duten faktoreena lortu eta

baloratzea, produktu-politika landu ahal izateko. • Norberaren prezioari eta konpetentziakoari buruzko informazioa lortu eta ebaluatzea, prezio-politika

lantzeko. • Banaketa-bidearen egitura ebaluatzea denbora eta kostuak optimizatu ahal izateko. • Publizitate-kanpaina definitutako helburuen arabera antolatzea eta garatutako ekintzaren

eraginkortasuna kontrolatzea. • Marketin-nahasketan (marketing-mix) esku hartzen duten aldagaien balorazioan lortutako oinarrizko

informazioa plana lantzeko antolatzea. 3. Merkataritzako logistika-prozesua kudeatzea. • Biltegiaren espazio fisikoa eta funtzionamendua barne-banaketako sistemaren eraginkortasuna eta

segurtasun- eta higiene-araudia kontuan hartuz antolatzea. • Sareko biltegi desberdinetako merkantzien mugimenduak kontrolatzea, banaketa-sistema eraginkorra

ziurtatuz. • Eskaerak banatzeko prozesua antolatu eta kudeatzea, entrega ezarritako eran eta epeetan egin ahal

izateko. • Biltegiko izakinak ezarritako irizpideen arabera kudeatzea, bezeroarentzako zerbitzu-maila eta

bilkinen kostuaren optimizazioa ziurtatuz.

6

• Merkantzien itzulketak kontrolatu eta kudeatzea, kontingentziei konponbidea aurkitzeko prozesua arinduz, ezarritako prozeduren arabera.

4. Saltokian denda-marketineko (merchandising) jarduerak planifikatu eta zuzentzea. • Erakusleiho aproposa definitzea, beharrezkoak diren tekniken arabera muntatu eta ezarritako irudi eta

efektuak lortzea. • Salmenta-azalera banatu eta bere egokitzapena antolatzea, espazio eta baliabide erabilgarriak

optimizatuz, segurtasun- eta higiene-araudiaren eta ezarritako helburuen arabera. • Lineala optimizatuko duen produktuen ezarpena zehaztea. • Saltokian burutzen diren denda-marketineko (merchandising) jarduerak kontrolatzea. • Saltokian beharrezkoak diren promozioak antolatzea aurreikusitako helburuak lortzeko. 5. Produktu edo zerbitzuen salerosketa-eragiketak kudeatzea. • Hornitzaile potentzialak ezarritako irizpideen arabera identifikatu eta aukeratzea eta erosketa-

eragiketaren alderdi jakin batzuk jasotako espezifikazioen arabera negoziatzea. • Salerosketa-jarduerei laguntza emateko informazio-sistema eraginkorra ezartzea. • Salmenta-eragiketan ekintza-plana enpresaren helburuen arabera landu eta antolatzea. • Salmenta-taldearen prestakuntza eta hobekuntza jasotako espezifikazioen arabera programatu eta/edo

irakastea. • Salmenta negoziatzeko prozesuan esku hartzea, dagokion erantzukizunaren araberako erabakiak

hartzea eskatzen duten eragiketaren alderdiak burutuz, merkataritza-harremana ahalik eta baldintza onenetan ezartzera iristeko, negoziazio- eta komunikazio-teknika egokiak aplikatuz.

• Salmenta-taldearen jardueren garapena eta bilakaera kontrolatzea, jarduera optimizatu eta aurreikusitako helburuak lortzeko.

• Hornitzaileekin hitzartutako baldintzak betetzen direla kontrolatzea, hornigaiak egindako eskaerekin bat datozela egiaztatuz.

2.3. Produkzio-prozesuko kokapena • Lanbide- eta lan-ingurunea Lanbide-irudi honek produkzio-sektore guztietan, merkaturatze-arloetan eta merkataritza-sektorean burutu ahal izango du bere jarduera. Bere jarduera ondoko azpisektoreetan garatu ahal izango du nagusiki: • Industria: Merkataritza-saila. Marketin-saila. • Bitartekoak: Merkataritza independentea (handizkako merkataritza, txikizkako merkataritza);

merkataritza integratua; merkataritza elkartua, merkataritza-aholkularitza eta merkataritza-agentziak. Profesional hauek besteren kontura lan egingo dute enpresa ertain edo handietan, bolumen ertaineko edo handiko erosketa zein salmentako merkataritza-eragiketak burutuz, hornitzaileak aukeratu eta bezeroak lortuz eta baldintzarik onurazkoenak negoziatuz enpresak ezarritako mugen barruan. Merkatua ezagutu behar dute dagokien sektorean eta beren jarduera garatzen duten eremuan. Hori dela-eta, ezinbestekoa izango da merkataritza-ikerketako ekintzak burutzeko beharrezkoa den prestakuntza izatea. Salmenta-sekzio desberdinak antola ditzake edo sekzioko arduraduna izan daiteke, denda-marketineko (merchandising) jarduerak definitu eta antolatuz.

7

Marketin-sailean, merkataritza-ikerketa egiten lagundu ahal izango du, marketin-politikak zehazten dituzten faktoreak aztertuz. Gainera, ezarritako planaren jarraipen eta kontrolean esku har dezake. Enpresaren tamainaren arabera, merkataritza-banaketaren arduraduna edo logistikako arduradunaren laguntzailea izan daiteke. • Ingurune funtzionala eta teknologikoa Lanbide-irudi hau ondoko funtzioetan kokatzen da batik bat: merkataritza-ikerketa, erosketak, salmentak, marketina eta merkataritzako logistika. Teknika eta ezagutza teknologikoek merkataritzaren esparrua hartzen dute eta ondokoei zuzenean loturik daude: • Merkataritza-ikerketako prozesuak: informazioa biltzeko metodoak. Txostenak lantzea. Landa-lanak

prestatzea. Bildutako informazioaren tratamendua. Merkatuen informazio-sistemekin eragiketak egitea.

• Merkaturatze-prozesuak: marketin-politikak. Publizitate-ekintzen balorazioa. Denda-marketineko (merchandising) teknikak. Produktu eta markaren oinarrizko informazioa (briefing) lantzea. Salmentetarako ekintza-plana antolatzea. Saltzaileentzako prestakuntza-planak lantzea. Hornikuntzaren kontrola.

• Merkataritzako logistika-prozesua: Biltegiak antolatzea. Izakinak kudeatzea. Produktuak eta materialak banatzeko sistemak.

• Negoziazio-prozesuak: komunikazio- eta negoziazio-teknikak. Salerosketa negoziatzeko planak lantzea.

• Informazioa informatikoki tratatzeko prozesuak: merkataritza-kudeaketako programa integratuak eta biltegiak kudeatzeko berariazko programak, merkatuen informazio-sistemak antolatzekoak, datu-baseak eta denda-marketina (merchandising) kudeatzekoak.

• Lanbideak, ereduzko lanposturik garrantzitsuenak Lanbide-orientazioko helburua izanik, ondoren, tituluaren perfilean definitutako lanbide-gaitasuna eskuratu ondoren bete daitezkeen lanbideak eta lanpostuak aipatzen dira: • Produktu-buruaren laguntzailea. • Erosketetako teknikaria. • Salmentetako teknikaria. • Instalazio berrietako teknikaria. • Merkaturatzailea (merchandiser). • Biltegiko arduraduna. • Logistika-buruaren laguntzailea. • Ordezkari-taldearen koordinatzaile burua. • Salmenta-burua. • Marketineko teknikaria. • Merkataritza-ikerketako landa-lanetako teknikaria. 3. Irakaskuntzak 3.1. Heziketa-zikloaren helburu orokorrak

8

I. Merkataritzako logistika-prozesuak garatzea, produktuak produkzio-zentroetatik kontsumo-puntuetaraino mugitu eta maneiatzearekin zerikusia duten jarduera desberdinak koordinatuz eta banaketaren helburuak enpresaren merkataritza-helburuekin erlazionatuz.

II. Landa-lanak planifikatu eta garatzea, lehen mailako eta bigarren mailako informazio-iturriak identifikatuz, jarraitu beharreko jarraibideak eta aplikatzekoak diren esparru geografikoak definituz eta aztergaiari egokitutako informazioa biltzeko teknikak erabiliz.

III. Aldagai makroekonomiko, mikroekonomiko, politiko, soziologiko eta merkataritzakoetatik lortutako informazioa interpretatu, hauen arteko erlazio funtzionala definitu eta merkataritza-estrategia desberdinetan sortzen dituzten ondorioak aztertzea.

IV. Marketin-politikak (prezioa, produktua, zerbitzua, komunikazioa eta banaketa) batera aplikatzeak enpresa baten merkataritza-politikan sortzen dituen ondorioak aztertzea, haien artean dagoen erlazio funtzionala ezarriz.

V. Datu-sorta bati berariazko estatistika-teknikak aplikatzea informazio jakin bat lortzeko, lortutako emaitzak interpretatuz eta ondorioak lortuz.

VI. Denda-marketineko (merchandising) estrategiak ebaluatu eta definitzea, espazioaren funtsezko ezaugarriak, saltokiak helarazi behar duen irudia eta jarduerak zehazterakoan eragina duten kontsumitzailearekin loturiko faktore psikologikoak identifikatuz eta teknikak eta prozedurak merkataritza-helburuaren eta lortu nahi den ondorio edo eraginaren arabera aukeratuz.

VII. Salerosketa-prozesuak antolatzea, jarduerak eta helburuak zehaztuko dituzten planak landuz, negoziazio-teknikak bezero- edo hornitzaile-motaren arabera aukeratuz eta aurreikuspenekiko lorpenen desbiderapenak antzemango dituzten kontrol-neurriak definituz.

VIII. Bezero edo hornitzaileekiko merkataritza-harremanetan eta lan-giroan komunikazio-teknikak erabiltzea informazioa igorri edo jasotzeko eta jarduera garatzen den bitartean sor daitezkeen gatazka-egoerei konponbidea aurkitzeko.

IX. Atzerriko hizkuntza jakin batean merkataritza-informazioa interpretatu eta dagokion hizkuntzan zuzen mintzatzea nazioarteko merkataritza-harremanetan.

X. Merkataritza-eragiketen eta merkatu-azterlanen kudeaketa integratua erraztu eta jarduera garatzerakoan sortutako informazioaren tratamendua eta antolamendua optimizatuko duten informatika-programekin lan egitea.

XI. Industria-jarduera arautu eta baldintzatzen duen lege-, ekonomia- eta antolamendu-esparrua interpretatzea, lan-giroko harremanetatik eratorritako eskubideak eta betebeharrak eta lan-munduratzeko mekanismoak identifikatuz.

XII. Bere kasa ikasteko gaitasuna garatzea eta bere lanbide-gaitasunak sektoreko teknologia- eta antolamendu-aldaketetara egokitu eta bilakatzea ahalbidetuko dioten lanbideari lotutako informazio-iturri desberdinak aukeratu eta kritikoki baloratzea.

3.2. Lanbide-moduluak 1. lanbide-modulua. MERKATARITZA-IKERKETA a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. Aldagai ekonomikoen eta merkataritzakoen balioa merkataritza-azterlan jakin baten xedean sortzen

dituzten ondorioekin erlazionatzea. 2. Merkataritza-azterlanetan lehen mailako iturrietatik informazioa biltzeko teknikak aplikatzea. 3. Merkataritza-azterlanetarako bigarren mailako iturrietatik informazioa biltzeko prozedurak definitzea. 4. Merkataritza-ikerketako prozesuetan bildutako informazioa estatistika-teknikak aplikatuz aztertzea. 5. Merkatu-azterlanen esparru geografikoaren definizioa abiapuntutzat hartuta, landa-lanerako planak

definitu eta lantzea. 6. Merkataritza-azterlanetan lortutako datuak antolatzeko prozedurak definitzea merkatuen informazio-

sistema (MIS) bat testuinguruan kokatzeko. b) Ebaluazio-irizpideak

9

1. Aldagai ekonomikoen eta merkataritzakoen balioa merkataritza-azterlan jakin baten xedean sortzen dituzten ondorioekin erlazionatzean, ikasleak ondoko gaitasunak lortu beharko ditu: • Magnitude makroekonomiko garrantzitsuenak banan-banan aipatu eta definitzea eta nazioko

ekonomian dituzten ondorioak azaltzea. • Sektore jakin batean eragina izan dezaketen aldagai mikroekonomikoak eta merkataritzakoak banan-

banan aipatu eta definitzea. • Azterlanean eragina duten aldagai makroekonomiko, mikroekonomiko eta merkataritzakoak

aukeratzea. − Aukeratutako aldagaiak adierazitako suposizioari aplikatzea. − Aldagaiek azterlanean edo beren artean duten eragina edo erlazioa azaltzea.

• Informazio-iturri desberdinak erlazionatzea. 2. Merkataritza-azterlanetan lehen mailako iturrietatik informazioa biltzeko teknikak aplikatzean, ikasleak ondoko gaitasunak lortu beharko ditu: • Merkataritza-ikerketan lehen mailako iturrietatik informazioa biltzeko gehien erabiltzen diren

teknikak identifikatu eta azaltzea. • Inkesta pertsonalen eredu desberdinak banan-banan aipatzea. • Telefono-inkestak lantzeko prozesua deskribatzea. • Lehen mailako iturrietan bildutako informazioaren fidagarritasuna balioestea. • Azterlanaren helburuak eta aurrekontu jakin bat abiapuntutzat hartuta, lehen mailako informazioa

biltzeko teknikarik egokiena aukeratzea. • Informazio-premia definituak dituen merkataritza-azterlan bat abiapuntutzat hartuta eta helburuko

populazioa ezarri ondoren: − Lagina definitzea. − Informazioa lortzeko galde-sorta bat prestatzea. − Inkesta pertsonalak eta telefono bidezkoak egitea. − Informazioa lortu eta lana aurkezteko informatika-aplikazio egokiak erabiltzea.

• Aldez aurretik diseinatu eta betetako galde-sorta batean izan litezkeen akatsak antzematea: galderen egituran, galdera eta erantzunaren arteko loturan eta galde-sortari erantzuteko hartutako laginean.

• Informazio fidagarriagoa emango diguten parametroak eta teknikak aukeratzeko aurrea hartzea. • Inkesta lantzerakoan edo burutzerakoan izandako akatsak aztertu eta antzematea. 3. Merkataritza-azterlanetarako bigarren mailako iturrietatik informazioa biltzeko prozedurak definitzean, ikasleak ondoko gaitasunak lortu beharko ditu: • Barruko eta kanpoko bigarren mailako iturriaren kontzeptua definitzea, iturriotara heltzeko

prozedurarik erabilienak azalduz. • Bigarren mailako iturrietan bildutako informazioaren fidagarritasuna neurtzeko aztertu behar diren

funtsezko parametroak deskribatzea. • Merkataritza-azterlanaren xedean eragina duten bigarren mailako informazio-iturrietatik lortu behar

diren aldagaiak identifikatzea. • Aldez aurretik identifikatutako aldagaien balioa eman dezakeen bigarren mailako informazio-iturria

aukeratzea. • Datuak biltzeko aurreikusitako helburuetara hobekien egokitzen den formatu-mota aukeratu eta

prestatzea. • Datu-base informatikoetan sartzea informazioa lortzeko. • Lanaren tratamendu eta aurkezpenerako informatika-programak aplikatzea. • Maneiatzen den informazioaren fidagarritasuna baloratzea. • Bigarren mailako informazio-iturriak aukeratzerakoan eta bertan dagoen informazioa bilatzerakoan

ekimena azaltzea. 4. Merkataritza-ikerketako prozesuetan bildutako informazioa estatistika-teknikak aplikatuz aztertzean, ikasleak ondoko gaitasunak lortu beharko ditu:

10

• Datuak interpretatzeko erabiltzen diren estatistiko nagusiak identifikatu eta deskribatzea. • Inferentzia estatistikoko metodoak identifikatu eta azaltzea zundaketa bidezko inkestetan eta

fidagarritasunaren kontrolean. • Merkataritza-azterlan baterako bildutako estatistika-datu batzuk abiapuntutzat hartuta:

− Datu-tratamendurako estatistika-programak azaltzea. − Datuen tabulazioa egitea. − Nahi den informazioa lortzeko beharrezkoak diren estatistikoak aukeratzea. − Estatistiko horiek aplikatzea. − Lortutako estatistika-emaitzak erreferentziazko parametro normalizatuekin konparatu eta

ondorioak ateratzea. − Ondorioak argi eta garbi eta laburbilduta adierazten dituen txosten bat prestatu eta azterlan

horretan estatistika-emaitzak erlazionatzea. − Datuen tratamendurako estatistika-programa egokiak aplikatzea.

• Lortutako informazioa interpretatu eta merkataritza-kudeaketa eta marketin-estrategia aproposenak aukeratzea erraztuko duten ondorioak ateratzea.

• Informazioa zorroztasunez tratatzea baloratzea, ondorio fidagarriak lortu ahal izateko. • Emaitzak aztertzeko metodo sistematikoak eta egiaztatuak erabiltzea. 5. Merkatu-azterlanen esparru geografikoaren definizioa abiapuntutzat hartuta, landa-lanerako planak definitu eta lantzean, ikasleak ondoko gaitasunak lortu beharko ditu: • Merkatuen segmentazioa zehazten duten aldagaiak deskribatzea. • Inkesten bidezko datu-bilketaren antolamenduan kontuan hartu behar diren funtsezko parametroak

identifikatzea. • Landa-laneko ereduzko aurrekontu bat osatzen duten partidak identifikatzea. • Inkestatzaileak hautatu, prestatu eta motibatzeko irizpiderik egokienak definitzea. • Inkestatzaileek lanean jardutean bete behar dituzten jarraibide nagusiak deskribatzea. • Merkatu-azterlan jakin batean aldez aurretik identifikatutako parametro batzuk eta horien balioa

lortzeko definitutako galde-sorta bat abiapuntutzat hartuta: − Desbiderapen-mota desberdinak identifikatzea. − Inkestatzaileak hautatzeko irizpiderik egokienak definitzea. − Edozein inkestatzailek lanean jardutean solaskidearen aurrean bete behar dituen portaera-

jarraibideak deskribatzea. − Azterlanaren xede den unibertsoaren lagin adierazgarriaren tamaina eta ezaugarriak definitzea. − Aurreikusitako helburuak betetzeko behar den denbora eta inkestatzaile-kopurua ondorioztatzea. − Aurrekontuaren partidak balioestea.

• Aurrekontuan sartutako datuak eta definitutako helburuak abiapuntutzat hartuta, landa-lana egiterakoan, datu errealak eta izandako lorpenak kontuan hartuta, izandako desbiderapenak aztertzea, arrazoiak ondorioztatuz eta zuzenduz.

• Garatu beharreko landa-lanaren zirkunstantzietara hobekien egokitzen diren langileak hautatzea zein garrantzitsua den baloratzea.

• Landa-lana egingo duten langileek bete beharreko arauak argi eta garbi ezartzea. 6. Merkataritza-azterlanetan lortutako datuak antolatzeko prozedurak definitzea merkatuen informazio-sistema (MIS) bat testuinguruan kokatzeko, ikasleak ondoko gaitasunak lortu beharko ditu: • Merkatuen informazio-sistema zer den definitzea. • MIS batek prozesatzen dituen datuen tipologia azaltzea. • MIS batek izan behar dituen egokitasun-ezaugarriak deskribatzea. • MISen funtsezko xedea deskribatu eta lortu nahi dituen helburuak ezagutzea. • MIS batean informazioa antolatzeko gehien erabiltzen diren teknikak azaltzea. • Iturri-mota desberdinetako merkataritza-ikerketari buruzko datuak bildu dituen suposizio bat

abiapuntutzat hartuta: − Datuak beren jatorri den informazio-iturri motaren arabera sailkatzea.

11

− Emandako informazioa antolatu eta artxibatzeko teknika egokia aplikatzea, informazioa erraz eskuratzeko modukoa.

− Informazioa tratatu eta antolatzeko informatika-programa egokiak erabiltzea. • Informazioa tratatzerakoan segurtasun- eta konfidentzialtasun-arauak betetzea. • MIS batean datuak antolatu eta prozesatzeko bizkor eta segurtasunez jardutea. c) Edukiak I. multzoa: MERKATARITZA-IKERKETAN INFORMAZIOA LORTZEA Prozedurazkoak: • Azterlanaren xede den sektoreko aldagai makroekonomikoak, mikroekonomikoak eta

merkataritzakoak zehaztea. • Merkataritza-ikerketaren xederako lehen mailako eta bigarren mailako iturri egokienak zehaztea. • Merkatua kontsumitzailearen portaera aztertzeko segmentatzea. • Azterlanaren xede den unibertsoaren lagin adierazgarriaren tamaina eta ezaugarriak definitzea. • Lehen mailako iturrietatik informazioa biltzeko teknikak deskribatzea. • Informazioa lortzeko galde-sortak prestatzea. • Inkesta pertsonalak eta telefono bidezkoak egitea. • Informazioa lortu eta lana aurkezteko informatika-aplikazioak erabiltzea. • Bigarren mailako informazio-iturriak eta informazioa biltzeko formaturik egokiena aukeratzea. • Inkestatzaileak prestatu eta hautatzeko irizpideak zehaztea. • Landa-lan jakin baten aurrekontua balioestea. • Aldez aurretik diseinatutako galde-sorta batean izan litezkeen akatsak antzematea. Gertakariak, kontzeptuak eta printzipioak: • Teoria Ekonomikoa:

− Makroekonomiarako sarrera. − Jarduera ekonomikoa. − Aldagai makroekonomikoak eta mikroekonomikoak. − Eskaintza eta eskaria EAEn.

• Merkataritza-aldagaiak. • Lehen mailako iturriak eta bigarren mailako iturriak. • Merkatuak eta kontsumitzailearen portaera:

− Merkatuaren segmentazioa zehazten duten aldagaiak. − Merkatu-azterlana. − Kontsumitzailearen portaeraren baldintzatzaileak. − Erosteko erabakia.

• Merkatuen ikerketa: − Ikerketaren helburuak. − Merkataritza-ikerketaren plangintza. − Informazioa biltzeko teknikak. − Merkatuak ikertzeko metodoak.

• Inkestatzailearen ezaugarriak: − Inkestatzaileak hautatu, prestatu eta kontrolatzea.

• Aurrekontuak eta hauen partidak. • Merkataritza-ikerketari aplika dakiokeen soziologia. • Merkataritza-ikerketari aplika dakiokeen psikologia. Jarrerazkoak: • Inkestatzailearen perfilaren alderdi psikologiko eta soziologikoen aldeko joera izatea, baita galde-sorta

prestatzerakoan ere. • Merkataritza-ikerketan erabili beharreko aldagaien fidagarritasuna egiaztatzerakoan jarrera kritikoa

izatea. • Lehen mailako eta bigarren mailako informazio-iturriak aukeratzerakoan autonomia eta erabakitzeko

ahalmena izatea.

12

• Garatu beharreko landa-lanerako langile egokiak hautatzea zein garrantzitsua den baloratzea. • Talde-lana baloratzea eta besteen iritziak errespetatzeko jarrera izatea. II. multzoa: EMAITZAK AZTERTU ETA TXOSTENAK EGITEA Prozedurazkoak: • Merkataritza-azterlan batean bildutako datuak tabulatzea. • Estatistikoak aukeratu eta aplikatzea. • Emaitzak lortzea. • Emaitzak erreferentziazko parametroekin konparatzea. • Merkataritza-azterlanean lortutako emaitzak aztertzea. • Aztergaiari aplika dakizkiokeen ondorioak ateratzea. • Lortutako estatistika-emaitzak interpretatzea. • Informazioaren estatistika-tratamenduari aplika dakizkiokeen pakete integratuak erabiltzea. • Ikerketaren ondorioak argi eta garbi eta laburbilduta adieraziko dituzten txostenak prestatzea. Gertakariak, kontzeptuak eta printzipioak: • Lagina eta laginketa merkataritza-ikerketari aplikatua. • Probabilitatea. Probabilitate-banaketak. • Estatistikoak datuen interpretazioan:

− Mediana. − Batezbestekoa. − Bariantza.

• Inferentzia estatistikoko metodoak inkesten interpretazioan. • Estatistika-funtzioak. Jarrerazkoak: • Merkataritza-azterlan jakin baten aldagai ekonomikoekin erlazionatutako datuak aukeratzeko jarrera

azaltzea. • Ondorio fidagarriak lortzearren estatistikoak aplikatu eta identifikatzean zorroztasunez jokatzea. • Merkataritza-ikerketak marketin-politiken euskarri gisa duen garrantzia baloratzea. • Informazioa argi eta garbi eta ordenatuta aurkezteko interesa izatea. III. multzoa: MIS BAT ANTOLATZEA Prozedurazkoak: • Datuak beren jatorri den informazio-iturriaren arabera sailkatzea. • MIS bateko datuen egokitasuna eta ezaugarriak egiaztatzea:

− Xedeak. − Informazio-fluxuak. − Helburuak zehaztea.

• Informazioa antolatu eta artxibatzea: − Aplikazioa behar bezala instalatzea. − Datuak informatika-paketeak erabiliz sartu eta prozesatzea. − Argi eta garbi eta labur aurkeztutako txostenen zerrendak. − Merkataritza-kudeaketako beste aplikazioekiko lotura.

Gertakariak, kontzeptuak eta printzipioak: • MIS: kontzeptua eta egitura. • MIS batean prozesatutako datuen tipologia. • Informazio-fluxuak. • MIS hori antolatzen duen informatika-aplikazioaren helburuak. • Menuaren atal desberdinen funtzioak. Jarrerazkoak:

13

• MIS aukeratu eta aztertzerakoan objektibotasunez jokatzea. • Informazioa bizkor, segurtasunez eta konfidentzialtasunez tratatzea. • Informazioa bizkor eta erosotasunez eskuratzea ahalbidetzen duten antolamendu-sistemekiko interesa

izatea. 2. lanbide-modulua. MARKETIN-POLITIKAK a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. Produktuen prezioak eta kostuak aztertzea, hauen osaeran esku hartzen duten aldagaiak erlazionatuz

eta estatistika- eta ekonomia-metodoak aplikatuz. 2. Produktu-lineek merkatuan duten egoera aztertu eta produktu berriak merkatura ateratzeko aukera eta

ezaugarriak ebaluatzea. 3. Banaketa-bideen egitura definitzen duten faktoreak aztertzea. 4. Produktu eta marken oinarrizko informazioa (“briefing”) lantzea marketin-planak garatzeko. 5. Enpresa-jardueran gara daitezkeen publizitate-ekintza desberdinak aztertzea. 6. Marketin-nahasketan (“marketing-mix”) esku hartzen duten aldagai desberdinak elkarrekin

erlazionatu eta ondorioak ateratzea. 7. Marketin-planen ezarpena ekonomikoki ebaluatzea. b) Ebaluazio-irizpideak 1. Produktuen prezioak eta kostuak aztertzean, hauen osaeran esku hartzen duten aldagaiak erlazionatuz eta estatistika- eta ekonomia-metodoak aplikatuz, ikasleak ondoko gaitasunak lortu beharko ditu: • Lokagunea kalkulatzeko burutzen den prozedura azaltzea. • Prezioak arautzen dituen araudia identifikatzea. • Joeren kalkuluan erabiltzen diren estatistika-teknikak identifikatu eta azaltzea. • Produktuaren kostuaren eta salmenta-prezioaren osagai desberdinak identifikatu eta sailkatzea. • Merkatu-ekonomia batean prezioen ezarpena eraentzen duten mekanismoak identifikatzea. • Kostuari eta prezioari buruzko datuak abiapuntutzat hartuta, kostuaren eta marjinaren bilakaera

kalkulatzea. • Produktu baten prezio batzuk eta salmenta-unitate kopuru bat abiapuntutzat hartuta, enpresaren

lokagunea kalkulatu eta emaitza interpretatzea. • Produktu baten prezioaren, kostuaren eta lokagunearen artean dagoen erlazioari buruzko ondorioak

ateratzea. • Kostuaren, salmenta-prezioaren eta lokagunearen azterlana egin ondoren, txostena egitea. • Enpresak finkatutako salmenta helburuak lortzeko prezio egokia zehaztea zein garrantzitsua den

baloratzea. 2. Produktu-lineek merkatuan duten egoera aztertu eta produktu berriak merkatura ateratzeko aukera eta ezaugarriak ebaluatzean, ikasleak ondoko gaitasunak lortu beharko ditu: • Produktu eta marken merkaturatzea arautzen duen araudia interpretatzea. • Produktu-linea jakin batek izan ditzakeen puntu sendoak eta puntu ahulak identifikatzea. • Merkatu batean produktu bati dagokionez izandako aldaketak identifikatu eta aztertzea, merkatu horri

buruzko datu batzuk oinarritzat hartuta. • Produktu berri bat merkatura ateratzeko aukera balioestea, horri buruzko hainbat datu aztertuz,

merkatuaren dimentsio-irizpideei jarraituz eta kontsumitzaile potentzialak kuantifikatuz. • Merkatu batean produktuak nola kokatuta dauden aztertzea, merkatu horretan izan litezkeen hutsuneak

antzemateko. • Produktu berriaren bereizgarri diren ezaugarriak merkatuaren eta bere premien arabera definitzea.

14

• Egindako azterlanean oinarrituta, merkatuari eta bere premiei buruzko txostena egitea. • Kontsumitzailearen gustukoak diren produktu berriak bilatzerakoan ekimena eta sormena azaltzea. 3. Banaketa-bideen egitura definitzen duten faktoreak aztertzean, ikasleak ondoko gaitasunak lortu beharko ditu: • Banaketa-bide mota desberdinak eta beren ezaugarriak aipatzea. • Banaketa-bidea aukeratzean eragina duten aldagaiak banan-banan aipatzea. • Merkaturatze-kostua kalkulatzea, ereduzko prezioak aplikatuz eta banaketa-bide batean esku hartzen

duten aldagaien multzo bat abiapuntutzat hartuz. • Hainbat banaketa-bide emanda, bidea aukeratu eta salmenta-sarerik egokiena zehaztea behar bezala

zehaztutako produktu batentzat. • Hainbat produktu merkaturatzen dituen enpresa baten datuak abiapuntutzat hartuta, enpresako

produktuak merkataritza-banaketaren arabera sailkatu eta aurreko azterlanaren txostena egitea. • Bitarteko bezeroak handizkako salmentatik txikizkako salmentara ordenatuta dituen sailkapen bat

emanda, bitarteko bezero jakin bat bertan kokatzea. 4. Produktu eta marken oinarrizko informazioa (“briefing”) lantzean, marketin-planak garatzeko, ikasleak ondoko gaitasunak lortu beharko ditu: • Produktu baten bizitzaren faseak deskribatzea. • “Briefing” bat zer den definitzea, bere helburua zein den eta osatzen duten zatiak zein diren adieraziz. • “Briefing” baten informazioa aztertzea, bere zati desberdinetan atalkatuz. • Produktu edo zerbitzu baten puntu sendoak eta puntu ahulak konpetentziakoekin alderatuta aztertzea. • Produktu batekin zerikusia duten datu guztien artean, “briefing” bat egiteko beharrezkoak direnak

aukeratzea. • “Briefing” bat egitea informatika-aplikazioak erabiliz. • Produktu bati buruzko informazioan garrantzizkoena laburbiltzea. 5. Enpresa-jardueran gara daitezkeen publizitate-ekintza desberdinak aztertzean, ikasleak ondoko gaitasunak lortu beharko ditu: • Publizitate-mota, -baliabide eta -euskarri desberdinak deskribatzea. • Publizitatearen mundua arautzen duen zuzenbide- eta erakunde-esparrua identifikatu eta

interpretatzea. • Publizitatearen helburuak zein diren eta merkataritza-jardueran zein inplikazio dituen azaltzea. • Publizitate-diseinuan erabiltzen diren teknika psikologiko desberdinak adieraztea. • Publizitatearen eta promozioaren artean dauden funtsezko diferentziak azaltzea. • Publizitate-aurrekontua zer den definitu eta zein zatik osatzen duten aipatzea. • Publizitate-kanpaina batean emaitza egokia lortzeko kontrolatu behar diren aldagaiak definitzea. • Publizitate-eraginkortasuna neurtzeko metodo desberdinak aztertzea, alde onak eta alde txarrak

azalduz. • Publizitate-erarik egokiena aukeratzea kostuei eta kontsumitzailearen psikologiari buruzko alderdiak

kontuan hartuta, produktu bat merkaturatzeko suposizio praktiko zehaztuetan. • Promozio-mezuaren edukia eta forma definitzea. • Promozio- edo publizitate-kanpaina bat praktikan jartzean irudimena azaltzea. • Publizitate-mezu bat diseinatzean balore etikoak eta sozialak errespetatzea. 6. Marketin-nahasketan (“marketing-mix”) esku hartzen duten aldagai desberdinak elkarrekin erlazionatu eta ondorioak ateratzean, ikasleak ondoko gaitasunak lortu beharko ditu: • “Marketin-nahasketa” (“marketing-mix”) kontzeptua definitzea eta osatzen duten elementuak

aipatzea. • Produktu, prezio, banaketa eta komunikazioaren artean dauden kausazko erlazioak adieraztea, aldagai

horiei buruzko datuak abiapuntutzat hartuta.

15

• Produktu baten bizitza-zikloko etapa batean eragina duten aldagaien arteko erlazioak azaltzea. • Behar bezala zehaztutako marketin-plan bat interpretatu eta ondorioak ateratzea. • Proposatutako helburuak lortzeko marketin-aldagaien nahasketak sortutako sinergiak baloratzea. 7. Marketin-planen ezarpena ekonomikoki ebaluatzean, ikasleak ondoko gaitasunak lortu beharko ditu: • “Marketin-plana” kontzeptua definitzea. • Produktu baten eskariari buruzko datu historikoak ematen dituen behar bezala zehaztutako suposizio

batean, produktu horren eskariaren joera kalkulatu eta une jakin batean izango duen eskaria aurreikustea.

• Marketin-aurrekontu bat osatzen duten partida desberdinak banan-banan aipatu eta definitzea. • Adierazitako aurrekontua osatzen duten partida desberdinen arteko konparazioa egin ondoren, gastuak

eta diru-sarrerak sailkatu eta ondorioak ateratzea. • Behar bezala zehaztutako suposizio batean, joeraren ondoriozko eskariaren igoera eta marketin-planak

aplikatzeak eragindakoa bereiztea. • Marketin-plana garatzearen ondorioz lortutako emaitzak zorroztasunez ebaluatzea. c) Edukiak I. multzoa: PREZIOAK ETA PRODUKTU-LINEAK Prozedurazkoak: • Produktuen salmenta-prezioak kalkulatzea. • Enpresaren lokagunea kalkulatzea. • Produktu berri bat merkatura ateratzeko prozedura azaltzea. • Merkatua segmentatzea eta segmentu bakoitzerako produktuaren ezaugarriak eta prezioa ezartzea. • Produktu baten prezioak denboran zehar duen bilakaera behatu eta ondorioak ateratzea. • Produktu jakin batek konpetentziakoekin alderatuta dituen puntu sendoak eta puntu ahulak aztertzea. • Produktu bat merkatura ateratzeko aukera balioestea. Gertakariak, kontzeptuak eta printzipioak: • Prezio-politika.

− Kostua eta bere osagaiak. − Kostu finkoak eta aldakorrak. − Merkataritza-marjina. − Produktuaren salmenta-prezioa. − Merkatuaren segmentazioa. − Prezio-estrategia.

• Produktu-politika. − Produktu-motak. − Produktu-politika definitzen duten faktoreak. − Analisi edo azterketa eta plangintzarako tresnak. − Markak eta marka-motak. − Merkatua eta bere ezaugarriak.

Jarrerazkoak: • Produktuek merkatuan dituzten prezioak, merkatura ateratako azken produktuak eta ontzi eta bilgarriei

buruzko estrategietako joera berriak behatzeko prest egotea. • Enpresak eskaintzen duen produktuarekiko jarrera kritikoa izatea, kalitatean, akaberan eta ontziratzean

egin litezkeen hobekuntzak aztertuz. II. multzoa: BANAKETA-BIDEAK Prozedurazkoak:

16

• Banaketa-bide mota desberdinak eta hauetako bakoitzaren egituran eragina duten aldagaiak azaltzea. • Produktu-mota bakoitzerako banaketa-biderik egokiena aukeratzea. • Produktu baten merkaturatze-kostua kalkulatzea. • Bezeroen sailkapen batean bitarteko bezero-mota desberdinak sailkatzea. • Banaketa-bideen eta produktua zuzentzen zaien merkatu-segmentuen arteko erlazioa. Gertakariak, kontzeptuak eta printzipioak: • Banaketa-politikak. • Merkataritza-banaketa. • Barne-merkataritza eta merkataritza-egiturak. • Merkataritza-antolamenduaren tipologia eta erak.

− Bitarteko bezeroa. − Azken bezeroa. − Banaketa-bidea eta motak (laburra, luzea). − Banatzailea. − Komisionista. − Xehekaria. − Handizkako eta txikizkako salmenta.

• Banaketa-kostuak. − Garraioa. − Hornidura. − Biltegiratzea.

• Banaketaren garapen berria. − Frankizia. − Prezio-txikizkariak (“of price”). − Banaketa-markak.

• Asoziazionismoa eta integrazioa. Jarrerazkoak: • Merkaturatze-prozesuaren emaitzak baloratzeko autokritika-jarrera azaltzea, hala badagokio

bidezkoak diren zuzenketak eginez. III. multzoa: KOMUNIKAZIO-POLITIKAK Prozedurazkoak: • “Briefing” jakin batean dagoen informazioa aztertzea. • Produktu eta markei buruzko datuak abiapuntutzat hartuta, “briefing” bat egitea informatika-

aplikazioak erabiliz. • Marka duen produktu batentzako publizitate-kanpaina diseinatzea. • Produktu berri batentzako promozio-kanpaina diseinatzea. • Promozio- edo publizitate-kanpaina batentzako aurrekontua kalkulatzea. • Publizitatearen eraginkortasuna neurtu eta kontrolatzeko metodoak aztertzea. Gertakariak, kontzeptuak eta printzipioak: • Komunikazio-politikak. • Publizitate- eta promozio-komunikazioaren prozesua:

− Elementuak. − Forma.

• “Briefing” bat osatzen duten elementuak. • “Briefing” baten egitura. • Publizitatea. Helburuak eta teknika psikologikoak.

− Baliabideak. − Mezuak. − Aurrekontua. − Ebaluazioa.

• Publizitatearen zuzenbide- eta erakunde-esparrua.

17

• Promozioa. Helburuak eta teknikak. − Baliabideak. − Mezuak. − Aurrekontua. − Ebaluazioa.

• Harreman publikoak. Helburuak eta teknikak. Jarrerazkoak: • Produktuaren datu garrantzitsuenak bilduko dituen laburpen-txosten bat egiteko informazioa

laburbiltzea zein garrantzitsua den baloratzea. • Publizitate-kanpaina prestatzerakoan praktikan jarriko diren ideiak garatzeko irudimena eta sormena

izatea. • Publizitate-mezu bat diseinatzean balore etikoak eta sozialak errespetatzea. • Kontsumitzailearen eskubideekiko errespetua izatea, publizitate engainagarria saihestuz. IV. multzoa: MARKETIN-PLANA ETA EMAITZEN EBALUAZIOA Prozedurazkoak: • Marketin-nahasketaren (“marketing-mix”) aldagaien artean dauden kausazko erlazioak aztertu eta

azaltzea. • Marketin-plan bat lantzea marketin-estrategia desberdinak konbinatuz. • Marketin-plana osatzen duten aurrekontu-partida desberdinen banaketa egitea. • Marketin-plana simulatutako suposizioetan praktikan jartzea. • Praktikan jarritako plan horretan lortutako emaitzak neurtu eta proposatutako helburuekin

konparatzea. • Lortutako emaitzak xehetasunez adierazten dituen eta hobekuntzak proposatzen dituen txostena

egitea. • Marketin-plana landu eta kontrolatzeko berariazko informatika-programak erabiltzea. Gertakariak, kontzeptuak eta printzipioak: • Marketina eta jarduera ekonomikoa.

− Marketinaren izaera eta hedadura. − Marketina sistema ekonomikoetan. − Politikak eta estrategiak.

• Marketin-plana. Helburuak eta estrategiak. − Aurrekontua. − Ebaluazioa. − Kontrola.

• Marketin-nahasketa (“marketing-mix”). Helburuak eta estrategiak. − Prezioa. − Produktua. − Banaketa. − Promozioa.

• Salmenta-maila eta merkataritza-estrategiaren antolamendua. • Marketin-plan bati aplika dakiokeen estatistika.

− Indize-zenbakiak. − Denborazko azterketa. − Korrelazioa.

Jarrerazkoak: • Marketin eta komunikazioarekin zerikusia duten argitalpenak eta testuak irakurtzeko interesa azaltzea. • Marketin-plan batetik lortutako emaitzak baloratzerakoan objektibotasunez jokatzea. 3. lanbide-modulua. MERKATARITZAKO LOGISTIKA

18

a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. Biltegiratze-prozesuak biltegi barruko antolamendua eta banaketa eta biltegiko merkantziak

manipulatu, enbalatu eta etiketatzeko sistema balioetsiz aztertzea. 2. Biltegi baten antolamenduan izakinak kudeatzeko aplika daitezkeen prozedurak aztertzea. 3. Merkataritza-eragiketak banatzeko prozedurak aztertzea. 4. Merkataritzako logistika-prozesuaren barruan bezeroentzako zerbitzuan izandako gorabeherak aztertu

eta konponbidea aurkitzeko prozedurak aplikatzea. 5. Merkataritzako logistikaren kudeaketaren euskarri diren hornidura, bilkin-kudeaketa, garraio eta

kontrol logistikorako informatika-pakete desberdinak behar bezala erabiltzea. b) Ebaluazio-irizpideak 1. Biltegiratze-prozesuak biltegi barruko antolamendua eta banaketa eta biltegiko merkantziak manipulatu, enbalatu eta etiketatzeko sistema balioetsiz aztertzean, ikasleak ondoko gaitasunak lortu beharko ditu: • Euskal Autonomia Erkidegoan eta Estatuaren gainerakoan ereduzko biltegi eta produktuetan aplikatu

behar den segurtasun- eta higiene-araudia identifikatu eta interpretatzea. • Ereduzko biltegi bateko eremu desberdinak identifikatu eta horietako bakoitzaren ezaugarriak eta

instalazio-premiak definitzea. • Produktuen biltegiratzean gehien erabiltzen diren banaketa, manipulazio eta barne-mugimenduko

baliabideak zehaztea. • Garraiobide bakoitzean gehien erabiltzen diren bilgarri-motak identifikatu eta deskribatzea. • Merkantzien etiketei buruzko nazioarteko araudia identifikatzea. • Merkantzia erraz identifikatzeko modukoa izan dadin eta manipulatzerakoan bere ezaugarriak kontuan

har daitezen etiketan azaldu behar duten datu garrantzitsuak definitzea. • Merkantziak lekualdatzeko babes fisikoari buruz indarrean dagoen araudia identifikatu eta

interpretatzea. • Produktu bakoitzerako etiketa egokia aukeratzea, nazioarteko etiketatze-sinbologia kontuan izanik. • Merkantziak manipulatzeko baliabide eta prozedurak ereduzko produktuekin lotzea, hauen ezaugarri

fisikoen eta biltegi jakin bateko instalazioen arabera. • Biltegi baten antolamenduan aplikatu ohi diren irizpide ekonomikoak eta egiturazkoak deskribatzea. • Biltegia antolatzeko eta bertako dokumentuak kontrolatzeko sistema eraginkorra ezartzea,

merkantzien kokalekuari buruzko informazioa lortu ahal izateko. • Espazioa banatzeko plangintza egitea, produktuen ezaugarriak eta segurtasun- eta higiene-araudia

kontuan hartuz eta espazioa, manipulatzeko mugikortasuna, barne-banaketa eta denbora baloratuz. • Biltegi batean beharrezkoak diren lanpostuen ezaugarriak deskribatzea. • Produktuak edo materialak maneiatzeari loturik merkatuan dauden berrikuntza teknologikoak

identifikatzea. • Biltegi bat eta produktu jakin batzuk abiapuntutzat hartuta, produktuen biltegi barruko banaketa

zehaztu eta eragiteko espazioa eta denbora optimizatuko dituzten fluxua eta mugikortasuna kalkulatzea.

• Bere ardurapean dituen langileei emandako zereginak justifikatzea, barne-funtzionamenduko norabide orokorrak definituz, jardueraren garapena optimizatu ahal izateko.

• Biltegiratze-prozesuaren produktibitatea areagotu dezaketen aldaketak eta inbertsioak proposatzea, zehaztutako suposizioetan.

2. Biltegi baten antolamenduan izakinak kudeatzeko aplika daitezkeen prozedurak aztertzean, ikasleak ondoko gaitasunak lortu beharko ditu: • Izakin-mota desberdinak ABC metodoa aplikatuz deskribatu eta sailkatzea. • Izakin-mota desberdinak kudeatu eta kontrolatzeko prozedura desberdinak identifikatzea.

19

• Biltegiratze-kostua zehazten duten aldagaiak deskribatzea. • Erosketa-preziorako eta produkzio-kosturako irizpideak zehaztea. • Izakinak baloratzeko metodo desberdinak identifikatzea. • Suposizio praktiko bat abiapuntutzat hartuta, lote ekonomikoaren balioa, eskaera-puntua, segurtasun-

bilkina, eskaera-maila egokia, batezbesteko bilkina, gehienekoa eta gutxienekoa definitu, kalkulatu eta grafikoki adieraztea.

• Salmenten kostuaren eta amaierako izakinen balioaren estimazioetan gertatzen diren diferentziak balorazio-metodo desberdinak aplikatuz kalkulatu eta ebaluatzea.

• Izakin-mota bakoitzerako biltegiratze eta fabrikaziorako batezbesteko aldia kalkulatzea, behar bezala zehaztutako suposizio batean.

• Izakinen batezbesteko heltze-aldi errealaren eta aurreikusitakoaren arteko desbiderapenak antzematea. • Biltegiko izakinen aurreikuspenak ezartzea, bilkinen hausturarik izan ez dadin eta izakin-mailaren eta

zerbitzu-mailaren arteko erlazioa egokia izan dadin. • Jasotze-epean izandako atzerapenaren ondorioz bezeroentzako arreta ez betetzea dakarren suposizio

batean bilkinen hausturaren ondorioak aztertu eta zuzenketa-neurriak proposatzea. • Datu batzuk emanik, inbentario bateko guztizkoak zehaztu eta emaitzak inbentarioak egiteko irizpide

baten arabera aurkeztea horretarako ezarritako egunean. • Dagokion sailari garaiz eta taxuz ematea merkantzien fluxuan antzemandako desbiderapenen berri,

zuzenketa-neurri egokiak aditzera emanez. 3. Merkataritza-eragiketak banatzeko prozedurak aztertzean, ikasleak ondoko gaitasunak lortu beharko ditu: • Garraiobideak merkataritza-banaketaren ikuspegitik banan-banan aipatzea, beren ezaugarriak

adieraziz. • Garraioaren eta salmenta puntuen horniduraren guztizko kostua osatzen duten partida desberdinak

identifikatzea. • Merkataritzako logistikako edo banaketa fisikoko prozesu baten oinarrizko funtzioak deskribatzea. • Logistika-prozesu orok lortu nahi dituen helburuak adierazi eta zerbitzuaren mailan dituen ondorioak

azaltzea. • Garraiobideen hainbat eskaintzaren artean aproposena aukeratzea, informazioa antolatu eta tratatzeko

teknikak aplikatuz eta errentagarritasun- eta segurtasun-irizpideak kontuan hartuz. • Merkantzia jakin batzuk banatzeko premiaren aurrean, ibilbide egokiak aukeratu eta garraioaren

kostua kalkulatzea. • Itxaronaldi eta kostu jakin batzuk emanda, kostua minimizatuko duten zerbitzu-puntuen kopurua,

itxaronaldi egokia eta eskaini behar den zerbitzu-maila kalkulatzea. • Ezarritako irizpideak eta bezeroarentzako arretaren premiak kontuan hartuta, eskaerak biltegi

desberdinetatik zein lehentasun-ordenarekin atera behar duten zehaztea. • Eskaera helmugara garaiz eta taxuz iristen dela kontrolatzea, kontratatutako zerbitzuaren baldintzak

betetzen direla ziurtatuz. • Merkantzien garraioan segurtasun-arauak bete eta betearaztea. 4. Merkataritzako logistika-prozesuaren barruan bezeroentzako zerbitzuan izandako gorabeherak aztertu eta konponbidea aurkitzeko prozedurak aplikatzean, ikasleak ondoko gaitasunak lortu beharko ditu: • Produktuen banaketan izan daitezkeen gorabehera arruntenak identifikatzea. • Merkantzien itzulketan jarraitu beharreko prozedura orokorra deskribatu eta horrek dakartzan

ondorioak azaltzea. • Banaketan bezeroari zerbitzuak egiteko baldintza aproposak identifikatzea. • Bezeroarentzako arreta-zerbitzu egokirako beharrezkoak diren giza baliabideak eta baliabide

materialak eta hauen kostuak deskribatzea. • Garraio-eragiketa batean izandako gorabehera baten aurrean, bezeroarentzako zerbitzuaren mailan

izandako akatsak ebaluatu eta konponbidea aurkitzeko beharrezkoak diren kudeaketak proposatzea. • Bezeroek egindako eskaera-itzulketen ohiz kanpoko mailak berehala antzeman eta zuzenketa-neurri

egokiak hartzea. • Arduradunei berehala ematea izandako gorabeheren berri, izan litezkeen konponbideak proposatuz.

20

5. Merkataritzako logistikaren kudeaketaren euskarri diren hornidura, bilkin-kudeaketa, garraio eta kontrol logistikorako informatika-pakete desberdinak behar bezala erabiltzean, ikasleak ondoko gaitasunak lortu beharko ditu: • Merkataritzako logistika-prozesu baterako informazio-sistema batean erabil daitezkeen aplikazio

desberdinak identifikatzea. • Datu-base desberdinetako logistika-prozesu jakin bati buruzko informazioa integratzea, tratatutako

informazioa era egokian aurkezteko. • Datuak informatika-aplikazio jakin batean sartu, informazio egokia lortu eta interpretatzea. • Hornitzaile, bezero eta artikuluen fitxategiak eguneratuta edukitzea. • Biltegiko sarrera eta irteeren mugimenduekin lan egitea. • Mugimendu, banaketa-ibilbide eta -bide, hornikuntza-premia eta izakin-mailen zerrendak lortzea. • Merkantziak hornitu eta banatzeko ibilbideak ezartzea, horien denborak eta kostuak esleituz. • Izakinen inbentario baloratua egitea. • Bidalketa-etiketak egitea. c) Edukiak I. multzoa: BILTEGIAK ANTOLATZEA Prozedurazkoak: • Produktu bakoitzari etiketa egokia esleitzea. • Merkantziak manipulatzeko baliabideak eta prozedurak zehaztea. • Biltegiaren antolamendu eta dokumentuzko kontrolerako sistema eraginkorra diseinatzea. • Espazioa banatzeko plangintza egitea, produktuen ezaugarriak eta segurtasun- eta higiene-araudia

kontuan hartuz. • Denbora eta espazioa optimizatuko dituzten biltegiratze-eragiketen fluxua eta mugikortasuna

kalkulatzea. • Merkantzien biltegi barruko banaketa antolatu eta kontrolatzearekin zerikusia duten informatika-

programak aplikatzea. Gertakariak, kontzeptuak eta printzipioak: • Logistikarako sarrera.

− Logistikaren garrantzia. − Informazio eta kudeaketako informatika-sistemak. − Logistikaren helburuak. − Logistika-kudeaketan izandako berrikuntzak.

• Biltegiratze-politika. − Biltegiratze-jarduerak. − Biltegiratzearen helburuak. − Merkantziak manipulatzeko teknikak. − Bilgarriak. − Etiketei buruzko nazioarteko araudia.

• Biltegiaren antolamendua. − Espazio fisikoaren antolamendua. − Biltegiratze-eragiketak.

• Biltegietako segurtasun eta higieneari buruzko Euskal Autonomia Erkidegoko araudia. − Espazioaren banaketa. − Produktuen manipulazioa. − Produktuen kokapena. − Biltegia egokitzen duten materialak.

• Giza baliabideen plangintza. − Biltegian behar diren giza baliabideak. − Barne-funtzionamendurako norabide orokorrak.

• Biltegiak kudeatzeko informatika-programak.

21

Jarrerazkoak: • Segurtasun- eta higiene-arauak eta merkantziak lekualdaketetan fisikoki babesteari buruzkoak

errespetatzea. • Biltegia ordenatuta eta txukun edukitzeko interesa. • Biltegiratze-prozesuaren produktibitatea areagotzeko egin litezkeen aldaketa eta inbertsioei buruzko

proposamenetan ekimena azaltzea. II. multzoa: IZAKINAK KUDEATZEA Prozedurazkoak: • Izakin-mota desberdinak ABC metodoa aplikatuz deskribatu eta sailkatzea. • Lote ekonomikoaren balioa, eskaera-puntua eta segurtasun-bilkina definitu eta kalkulatzea. • Eskaera-maila egokia, batezbesteko bilkina, gehienekoa eta gutxienekoa grafikoki adieraztea. • Izakinen batezbesteko heltze-aldi errealaren eta aurreikusitakoaren arteko desbiderapenak antzematea. • Salmenten kostuaren eta amaierako izakinen balioaren estimazioetan gertatzen diren diferentziak

kalkulatu eta ebaluatzea. • Biltegiratze eta fabrikaziorako batezbesteko aldia kalkulatzea. • Bilkinen kudeaketa produktuak jaso, biltegiratu eta banatzeko lanekin koordinatzea. • Biltegiko izakinen aurreikuspenak ezartzea, bilkinen hausturarik izan ez dadin. • Bezeroentzako arreta ez betetzea dakarren suposizio batean bilkinen hausturaren ondorioak aztertzea. • Inbentarioa egin eta emaitzak orokorki onartzen diren irizpideen arabera aurkeztea. • Bilkinen kudeaketa antolatu eta kontrolatzearekin zerikusia duten informatika-programak aplikatu eta

integratzea. Gertakariak, kontzeptuak eta printzipioak: • Bilkinen politikak.

− Izakin-motak. − Bilkinak baloratzeko metodoak. − Inbentarioak. − Izakinak kudeatu eta kontrolatzeko teknikak. − Biltegi-sarea. − Biltegiratze-kostua. − Produkzio-kostua eta erosketa-prezioa. − Batezbesteko biltegiratze-aldia. − Izakin-maila egokia. − Berriz hornitzea.

• Bilkinak kudeatzeko informatika-programak. Jarrerazkoak: • Bezeroei egindako zerbitzuetan erabateko kalitatea lortzeko interesa izatea. • Dagokion sailari merkantzien fluxuan antzemandako desbiderapenen berri garaiz eta taxuz emateko

interesa azaltzea, zuzenketa-neurri egokiak adieraziz. III. multzoa: MERKANTZIAK BANATZEA Prozedurazkoak: • Garraiobiderik aproposena aukeratzea errentagarritasun- eta segurtasun-irizpideak kontuan hartuta. • Eskaera prestatzea, merkantziaren kokalekua, beharrezkoa den etiketa, bilgarri egokia eta

produktuarekin batera bidali behar den dokumentazioa adieraziz. • Giza baliabideak eta baliabide materialak identifikatu eta esleitzea. • Ibilbide egokiak aukeratu eta garraioaren kostua kalkulatzea. • Itxaronaldiaren kostua minimizatuko duten eta zerbitzu-maila egokia bermatuko duten zerbitzu-

puntuen kopurua kalkulatzea. • Eskaerak biltegietatik zein lehentasun-ordenarekin atera behar duten zehaztea.

22

• Eskaera helmugara garaiz eta taxuz iristen dela kontrolatzea. • Garraioan izandako gorabeherak ebaluatu eta konponbideak proposatzea. • Eskaera-itzulketen ohiz kanpoko mailak berehala antzeman eta zuzenketa-neurri egokiak hartzea. • Merkantzien banaketaren kudeaketarekin zerikusia duten informatika-programak aplikatu eta

integratzea. Gertakariak, kontzeptuak eta printzipioak: • Salmenta-puntuetarako garraioa eta hornikuntza.

− Garraio-modalitateak. − Garraioaren ebaluazioa. − Hornikuntza-ibilbideak. − Eskaerak prestatzeko prozedura. − Garraioari Euskal Autonomia Erkidegoan eta Estatuaren gainerakoan aplika dakiokeen araudia.

• Banaketa-baliabideen plangintza. − Eskaria. − Bilkinen esleipena. − Karga eta garraioa.

• Banaketa-kostuak. − Banaketa-kostuen osaeran esku hartzen duten faktoreak. − Desbiderapenak. − Egokitasun-kostua.

• Bezeroentzako zerbitzua. − Eskaeren erabilgarritasuna. − Entrega-kalitatea. − Banaketan izandako gorabeherak. − Itzulketetako prozedura. − Kostu eta mozkinen azterketa.

• Giza baliabideen plangintza. − Banaketa-prozesuan eta bezeroarentzako arretan beharrezkoak diren giza baliabideak. − Barne-funtzionamendurako norabide orokorrak.

• Banaketa kudeatzeko informatika-programak. Jarrerazkoak: • Arduradunei berehala ematea izandako gorabeheren berri, izan litezkeen konponbideak proposatuz. • Erabilgarri dauden giza baliabideak eta baliabide materialak optimizatzeko kezka izatea. • Merkantzien garraioan segurtasun- eta higiene-arauak bete eta betearazteko interesa izatea. • Bezeroei arreta zuzena eta adeitsua eskaintzea eta hitzartutako baldintzak betetzea, bezeroaren

erabateko gogobetetasuna lortzeko. 4. lanbide-modulua. SALMENTA-PUNTUKO MARKETINA a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. Saltokien funtsezko ezaugarrietarako erakusleiho egokiak teknikarik ohikoenak aplikatuz definitzea. 2. Merkataritza-azaleretako oinplanoko banaketa indarrean dagoen araudia eta denda-marketineko

(merchandising) teknikak aplikatuz aztertzea. 3. Saltokietan linealak optimizatzea lortuko duen produktuen ezarpena definitzea. 4. Denda-marketineko (merchandising) ekintzak kontrolatzeko metodoak aplikatzea. 5. Merkataritza-azaleretako espazioei errentagarritasuna ateratzeko promozio-ekintzak definitzea. b) Ebaluazio-irizpideak

23

1. Saltokien funtsezko ezaugarrietarako erakusleiho egokiak teknikarik ohikoenak aplikatuz definitzean, ikasleak ondoko gaitasunak lortu beharko ditu: • Magnitude makroekonomiko garrantzitsuenak definitu eta ekonomia nazionalean dituen ondorioak

azaltzea. • Sektore jakin batean eragina izan dezaketen aldagai mikroekonomikoak eta merkataritzakoak banan-

banan aipatu eta definitzea. • Erakusleiho batek izan ditzakeen funtzioak eta helburuak azaltzea. • Erakusleiho-apainketan erabiltzen diren teknikek kontsumitzailearengan sortzen dituzten ondorio

psikologikoak azaltzea. • Erakusleiho batek salmenta-bolumenean sor dezakeen inpaktua baloratzeko irizpideak definitzea. • Erakusleiho-apainketako azken joerak identifikatzea. • Erakusleihoa osatu eta muntatzeko, materialak aukeratzeko eta aprobetxatu eta birziklatzeko

irizpideak definitzea. • Oinarrizko araudia definitzea, moralarekiko eta ordena publikoarekiko errespetua azpimarratuz. • Bezero potentzial baten erakusleihoa diseinatzerakoan aplikatzeko berariazko erakusleiho-apainketako

teknikak zehaztea. • Definitutako helburuetara egokitzen den erakusleihoa proiektu-metodo egokiak eta beharrezko

teknikak aplikatuz diseinatzea. • Saltoki-mota desberdinen hainbat erakusleihoren diseinua aztertuko duen azterlan bat egitea,

ondokoak zehaztuz kasu bakoitzean: − Joera. − Bezeroarengan sortzen dituen ondorio psikologikoak. − Material erabilienak, lehendik zeudenak aprobetxatuz. − Dimentsioak. − Espazioen banaketa.

• Ekimena eta irudimena azaltzea erakusleihoa diseinatzerakoan, bertan dauden baliabideak aprobetxatuz.

• Bezeroaren psikologia antzematea eta erabilitako teknika desberdinek sortzen dizkioten ondorioak zehaztea.

• Planteatzen diren arazoei konponbidea aurkitzeko taldean lan egiteko gaitasuna azaltzea. • Indarrean dauden usadio etiko eta moralak errespetatzea. 2. Merkataritza-azaleretako oinplanoko banaketa indarrean dagoen araudia eta denda-marketineko (merchandising) teknikak aplikatuz aztertzean, ikasleak ondoko gaitasunak lortu beharko ditu: • Salmenta-azalera baten banaketan erabiltzen diren denda-marketineko (merchandising) teknika

nagusiak identifikatu eta azaltzea. • Merkataritza-azalera baten oinplanoko banaketari dagokion indarreko segurtasun- eta higiene-araudia

identifikatu eta interpretatzea. • Saltokietan bezeroen zirkulazioa arina izan dadin eta saltoki barruan ahalik eta denbora luzeena eman

dezaten lortzeko aplikatu ohi diren neurriak deskribatzea. • Saltoki batean “eremu hotz” baten eta “eremu bero” baten ezaugarriak definitzea. • Zorua familia-produktuen arabera linealki banatzerakoan erabil daitezkeen irizpideak deskribatu eta

aukeratutako irizpide bakoitza aplikatzearen alde onak eta alde txarrak azaltzea. • Suposizio praktiko batean, oinplanoko banaketa grafikoki egitea, dagozkion denda-marketineko

(merchandising) teknikak aplikatuz eta araudia errespetatuz. • Saltokia egokitzeko altzari aproposak aztertzea produktuak eta salmenta-azalera kontuan hartuta. • Behar bezala zehaztutako suposizio batean, aukeratutako banaketa argudiatzea. • Banatu beharreko espazioaren perspektiba eta ikuspegi orokorra erakustea. • Lana antolatu eta banatzeko dohaina izatea. • Eskura dauden baliabideak aprobetxatzea eremu hotz bat berotzeko. • Indarrean dagoen segurtasun- eta higiene-araudia errespetatu eta aplikatzea. 3. Saltokietan linealak optimizatzea lortuko duen produktuen ezarpena definitzean, ikasleak ondoko gaitasunak lortu beharko ditu:

24

• Saltoki bateko artikuluen “aurrealdeak” (facing) optimizatzen dituzten antolamendu eta

merkataritzako irizpideak identifikatu eta azaltzea. • Lineal egokia kalkulatzeko erabiltzen diren parametroak identifikatzea. • Produktuen linealen plangintza egiterakoan eragina duten irizpide psikologikoak eta kontsumo-

ohiturei dagozkienak deskribatzea. • Segurtasun- eta higiene-araudia identifikatzea. • Salmenten garapen ona lortzeko edozein produktu-familiatan bete behar diren ezarpen-arau nagusiak

deskribatzea. • Produktuak denboralizatu eta berriz hornitzeko irizpideak adieraztea. • Saltoki jakin batean artikulu baten gutxieneko “aurrealdea” (facing) eta egokia kalkulatzea, artikulu

jakin baten kontsumo-ohitura, artikulu-familia, lineal eta abarri buruzko datuak abiapuntutzat hartuta. • Emandako suposizio batean, lineal egokiaren balioa lortu eta emaitzekin konparatzea. • Hasierako artikuluaren artikulu osagarriak eta ordezkatzaileak bilatzea, salmenta erraztuz. • Kudeaketako informatika-programa bat erabiltzea familia jakin baten ezarpena definitzeko. • Produktuen mantentzean eta birjarpenean zuhurra eta antolatua izatea. • Giza psikologia eta kontsumo-ohiturak identifikatzea emaitzak optimizatzeko. • Produktuen banaketa egitean segurtasun- eta higiene-araua errespetatzea. 4. Denda-marketineko (merchandising) ekintzak kontrolatzeko metodoak aplikatzean, ikasleak ondoko gaitasunak lortu beharko ditu: • Denda-marketineko (merchandising) ekintzak kontrolatzeko erabili ohi diren ratioak identifikatu eta

azaltzea. • Linealeko produktuen ezarpen baten eraginkortasuna baloratzeko erabili ohi diren neurketa-tresnak

identifikatu eta deskribatzea. • Aurreikusitako helburuen eta datu errealen artean egon litezkeen desbiderapenak zuzentzeko neurriak

deskribatzea. • Saltoki baten zehaztapenari buruzko datu batzuk, produktuen ezarpen bat eta salmentei (zergak eta

guzti) eta zergarik gabeko mozkin gordinari buruzko datu ekonomikoak abiapuntutzat hartuta, m² salmenta-azalerako eta metro lineal zoruko etekina kalkulatzea, beharrezkoak diren ratioak erabiliz eta emaitzak interpretatuz.

• Salmenta-puntuetako jendeari helarazitako irudi globala behaketa-metodo zorrotzen bitartez baloratzea.

• Denda-marketineko (merchandising) ekintzak kontrolatzean antolamendua eta zorroztasuna azaltzea. • Azterketa objektiboak eta zorrotzak egitea ingurunea kontuan hartuta. • Gaitasun kritikoa eta akatsak zuzentzearen aldeko jarrera azaltzea. • Lanean garbitasun eta ordenarekiko interesa azaltzea. 5. Merkataritza-azaleretako espazioei errentagarritasuna ateratzeko promozio-ekintzak definitzean, ikasleak ondoko gaitasunak lortu beharko ditu: • “Eremu hotza” eta “eremu beroa” deskribatzea. • Saltoki txiki batean erabili ohi diren promozio-baliabide desberdinak identifikatu eta deskribatzea:

erakusmahaiak, kartelak, pantailak, salmenta-makinak, argi-errotuluak, “stopper”-ak eta abar. • Azalera handi batean erabili ohi diren promozio-baliabide desberdinak identifikatu eta deskribatzea. • Promozio-ekintza batean aplikatzen diren teknika psikologiko nagusiak definitzea. • Promozio-ekintza bat sartzeko moduko egoerak balioestea. • Saltoki baten premiak eta aukerak definitu eta aldez aurretik seinalatutako “eremu hotz” bat berotzeko

errentagarritasun-irizpideak aplikatzea. • Erdietsi nahi den helburua lortzeko promozio-mota aukeratzea, bere ezaugarriak eta

kontsumitzailearengan sortzen dituzten ondorioak aztertuz. • Promozio-mezuaren edukia eta forma lortu nahi den helburuaren arabera definitzea. • Inguruko saltokiak egiten ari diren promozio-mota eta joera berriak identifikatzea, dagozkion

aldakuntzak aplikatu ahal izateko. • Egun dauden baliabideak aprobetxatzerakoan ekimena eta irudimena azaltzea. • Aztertu eta akatsak zuzentzeko gaitasuna azaltzea.

25

• Lana denborari eta gaitasunei errentagarritasuna atereaz antolatu eta banatzea. c) Edukiak I. multzoa: DENDA-MARKETINEKO (MERCHANDISING) JARDUERAK Prozedurazkoak: • Saltokiaren ezaugarriak eta aukera deskribatzea. • Merkaturatzailearen (merchandiser) zereginak jarduera-esparruan antolatzea. • Saltokiko “eremu hotzak” eta “eremu beroak” identifikatzea. • Eremu hotzak berotzeko denda-marketineko (merchandising) teknikak aplikatzea. • Kontsumitzailearen psikologia aztertzea bere premiak zehazteko. • Merkataritza-kudeatzaileak zuzentzen duen taldeko partaideei zereginak eta funtzioak antolatu eta

banatzea. • Produktuak ezartzerakoan kontuan hartu behar diren ekonomia- eta finantza-ratioak kalkulatzea. Gertakariak, kontzeptuak eta printzipioak: • Marketina eta denda-marketina (merchandising):

− Bi jarduera-esparruen arteko erlazioak. • Denda-marketinaren (merchandising) jatorria, kontzeptua eta bilakaera. • Denda-marketina (merchandising) aplikatzeko faseak:

− Merkatu-azterlana. − Azaleraren banaketa. − Saltokiaren ikusmoldea. − Zoruaren okupazio-koefizienteen kudeaketa. − Linealen zoruko banaketa. − Produktu-familien antolaera. − Aukeraren kudeaketa. − Prezio-politika. − Produktuen ezarpena.

• Denda-marketina (merchandising). Ezaugarriak: − Merkaturatzailearen zereginak. − Merkaturatzailearen jardunbideak.

• Lanaren antolamendua: − Zereginak esleitzea. − Denborak kalkulatzea. − Baliabideak.

• Denda-marketina (merchandising) eta aukera: − Aukeraren ezaugarriak eta egitura.

∗ Produktuen osagarritasuna. ∗ Kontsumitzailearen psikologia.

− Aukera-motak. Salmenta-motak: ∗ Lehia. ∗ Kontsumitzailearentzako eskaintza.

• Saltoki baten eremu hotzak eta eremu beroak. • Saltokiko altzariak. • Aukeraren azterketa:

− Premiak betetzea. − Merkatu-kuotak. − Markak.

• Denda marketineko (merchandising) ekintzak kontrolatzeko metodoak. • Saltoki bati aplikatutako segurtasun- eta higiene-araudia.

− Salmenta-espazioa. − Egokitzapena.

Jarrerazkoak:

26

• Azalera, linealak eta produktu-familiak banatzerakoan eta prezio-politikan planteatzen zaizkion aukera desberdinen artean objektibotasunez hautatzea.

• Antolamendua, agintzeko dohaina eta adeitasuna zereginak esleitzerakoan, errendimendua eta talde-lanaren martxa ona ziurtatuz.

• Planak zorroztasunez egitea, bezero potentzialaren gustuetara hurbiltzeko sentikortasuna zainduz. II. multzoa: PROMOZIOA ETA PUBLIZITATEA SALTOKIAN BERTAN (PSB) Prozedurazkoak: • Saltoki baten premiak eta aukerak aztertzea eremu hotz bat berotzeko errentagarritasun-irizpideak

aplikatuz. • Erdietsi nahi den helburua lortzeko promozio-mota aproposa aukeratzea. • Promozio-mezuaren edukia eta forma lortu nahi den helburuaren arabera definitzea. • Promozio-mezu hori eratzeko beharrezkoak diren tresnak aukeratzea, aurrekontua eta erabilgarri

dauden baliabideak errespetatuz. • Promozio- eta publizitate-jardueraren eraginkortasuna neurtzea. • Harreman publikoak ezartzea. Gertakariak, kontzeptuak eta printzipioak: • Publizitatearen definizioa eta funtzioak eta publizitate-motak. • Salmenten promozioa:

− Kontzeptua. − Helburuak. − Pizgarri- eta promozio-motak.

• Promozio-baliabideak: − Erakusmahaiak. − Kartelak. − Pantailak.

• Promozio-ekintzaren teknika psikologikoak. − Kontsumitzailearentzako pizgarriak eta promozioak. − Promozio-mezuak.

Jarrerazkoak: • Saltokiaren premiak eta bertan hobe daitezkeen alderdiak objektibotasunez ezartzeko sentikortasuna

eta interesa izatea. • Promozio-mota aukeratu eta garatzen den mezu edo jarduera lantzerakoan ekimena eta irudimena

azaltzea. • Saltokiak tokian bertan dituen baliabideak aprobetxatzearen aldeko jarrera izatea. • Zereginak banatzean ordena eta metodoz jokatzea, taldeko partaideak errespetatuz eta beren iritziak

kontuan hartuz. III. multzoa: ERAKUSLEIHO-APAINKETAKO TEKNIKAK Prozedurazkoak: • Aurrekontu erabilgarriaren arabera lortu beharreko helburuak zehaztea. • Erakusleihoaren diseinuan aplikatu beharreko erakusleiho-apainketako berariazko teknikak zehaztea. • Erabili beharreko tresnak eta euskarriak aukeratzea. • Ezarritako proiektuari egokituko zaion multzoa lortzeko kolore- eta argiztapen-konposizioa. • Adierazitako elementu guztiak konbinatzea saltokiko baliabideak aprobetxatuz, definitutako

helburuetara egokituko den erakusleihoa diseinatzeko. • Saltoki-mota desberdinetako hainbat erakusleihoren diseinua aztertuko duen azterlan bat egitea. • Landutako erakusleihoak sortzen dituen ondorioak aztertzea, bidezkotzat jotzen diren hobekuntzak

sartuz. Gertakariak, kontzeptuak eta printzipioak: • Ikus-promozioa:

27

− Jatorria eta esanahia. − Motak, esparruak eta aplikazioak. − Ikus-promozioaren esparru orokorra. − Erakusleiho baten funtzioa eta helburuak.

• Kontsumitzailearengan sortutako ondorio psikologikoak. • Erakusleihoen diseinua:

− Estilismoa, proiektu-metodologia. − Erakusleiho-motak.

• Erakusleiho-apainketako materialak: − Euskarriak. − Tresnak. − Erakusleiho-apainketako lantegia.

• Erakusleiho-apainketako prozedurak eta teknikak: − Marko tridimentsional dinamikoa. − Erakusleihoari aplikatutako kolore-, argiztapen- eta konposizio-teknikak.

• Materialak aprobetxatu eta birziklatzeko teknikak. • Moral eta ordena publikoari buruzko oinarrizko araudia. Jarrerazkoak: • Erakusleihoa diseinatzean eta teknikarik egokiena aukeratzean irudimena eta sormena azaltzea. • Modan dauden teknika eta diseinu berriekiko interesa izatea, eta aldizkariak, bideoak eta bestelako

iturriak aztertzea. • Talde-lanean jarduteko eta erakusleihoa lantzean iradokizunak onartzeko prest egotea. IV. multzoa: OINPLANOKO BANAKETA ETA LINEALAREN OPTIMIZAZIOA Prozedurazkoak: • Linealean produktu desberdinak ezartzeko eremu eta mailak zehaztea. • “Aurrealdeak” (facing) merkataritza-irizpideak eta irizpide psikologikoak kontuan hartuz antolatu eta

kudeatzea. • Artikulu bakoitzeko “aurrealde” egokia kalkulatzea. • Burututako zereginaren bideragarritasuna zehazteko neurketa kuantitatiboak eta kualitatiboak. • Modan dauden irizpide psikologikoak eta produktuen manipulazioari buruz indarrean dagoen araudia

erabiltzea. • Bere zuzendaritzapean produktuak kokatzeaz arduratuko den taldea antolatu eta kontrolatzea. Gertakariak, kontzeptuak eta printzipioak: • Lineala eta bere banaketa:

− Linealaren definizioa eta funtzioak. − Produktuak linealean ezartzea. − Linealeko eremuak eta mailak. − Linealaren banaketa. − Linealaren errentagarritasun-indizea.

• Artikulu bakoitzeko “aurrealdeen” optimizazioa: − “Aurrealde” kontzeptua. − “Aurrealdeen” kudeaketa. − Antolamendu- eta merkataritza-irizpideak.

• Ezarpen-arauak: − Produktua-altzaria-”aurrealdea” oreka. − Apalategiak kokatzea.

• Ezarpenaren eraginkortasuna neurtzeko tresnak. • Produktuak manipulatu eta kokatzeko segurtasun- eta higiene-araudia. • Kontsumitzailearen psikologia. Jarrerazkoak: • Modan dauden produktu eta markei buruzko informazioarekiko interesa izatea.

28

• Akatsak berehala zuzentzeko prest egotea, linealaren bideragarritasuna ziurtatuz. • Linealaren eraginkortasuna neurtzerakoan zehaztasun eta doitasunarekiko interesa azaltzea. 5. lanbide-modulua. SALEROSKETAREN KUDEAKETA a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. Esku hartzen duten faktore guztiak erlazionatzen dituzten eta aldez aurretik definitutako helburuetara

egokitzen diren salmenta-ekintzarako planak lantzea. 2. Salerosketa-eragiketen baldintzen negoziazioan prozesu eta metodo egokiak aztertu eta aplikatzea. 3. Merkataritza-harremanak garatzean komunikazio-teknikak aplikatzea. 4. Salerosketa-egoeretan sortzen diren datuak bildu eta tratatzeko sistemak definitzea, informazioa

antolatzeko teknikak aplikatuz eta, bidezkoa bada, eragiketak erraztuko dituzten informatika-programak erabiliz.

5. “Salmenta-indarrerako” prestakuntza- eta motibazio-planak definitzea. 6. Enpresetan produktu edo zerbitzuak erosteko prozesuak konfiguratzen dituzten funtsezko alderdiak

aztertzea. 7. Salerosketa-prozesuak garatu eta burutzean kontrol-metodoak aplikatzea. b) Ebaluazio-irizpideak 1. Esku hartzen duten faktore guztiak erlazionatzen dituzten eta aldez aurretik definitutako helburuetara egokitzen diren salmenta-ekintzarako planak lantzean, ikasleak ondoko gaitasunak lortu beharko ditu: • Salmenta-plan batean esku hartu behar duten alderdi nagusiak definitu eta deskribatzea. • Salmenta-prozesuak osatzen dituzten funtsezko faseak definitzea. • Saltzaileak hartzerakoan langileak aukeratzeko gehien erabiltzen diren metodo eta irizpideak

definitzea. • Denda-marketineko (merchandising) aurrekontuak eta merkatuko suposizioak barne hartzen dituen

behar bezala zehaztutako plan batean salmentetarako ezarritako helburuak interpretatzea. • Planak definitutako mugapearen barruan, erosteko ahalmenaren gainetik eta azpitik dauden eremu

geografikoak seinalatzea. • Muga geografiko horietan barne hartuta dauden bezero-mota nagusiak seinalatzea. • Aurreikusitako helburuetarako salmenta-taldearen tamaina ondorioztatzea. • Salmenta-helburuak ezartzea hainbat faktoreren arabera: bezeroak, eremuak, produktuak, produktuen

tamaina, hilabeteak, produktuaren bizitza-zikloa eta saltzailea. • Saltzaile, egun eta bezero bakoitzeko bisitaldi-kopurua kalkulatzea, produktu-zorroaren arabera. • Saltzaileentzako ibilbideak prestatzea, eremuz eremuko joan-etorrien kostuak eta hutsarteak

ebaluatuz. • Salmenta-planaren simulazioan desbiderapenak eta ezustekoak antzeman eta zuzenketa egokiak

egitea. • Ekintza-planaren eta marketin-aurrekontuaren artean lortutako egokitzapen-maila arrazoitzea. • Elkarlanean aritzea, salmenta-planaren lanketa koordinatuz. • Salmenta-plana ebaluatzerakoan kritikoa izatea, emaitzak hobetzeko jarduerak proposatuz. • Lanean metodikoa eta antolatua izatea, bere jarduera behar bezala garatu ahal izateko. 2. Salerosketa-eragiketen baldintzen negoziazioan prozesu eta metodo egokiak aztertu eta aplikatzean, ikasleak ondoko gaitasunak lortu beharko ditu: • Salerosketa-baldintzak negoziatzeko prozesu baten etapa desberdinak azaltzea. • Salerosketan gehien erabiltzen diren negoziazio-teknikak deskribatzea. • Eskaintza bat konfiguratzen duten parametro nagusiak definitzea. • Saltzeko ekintza eta negoziatzeko ekintza bereiztea.

29

• Bezero edo hornitzaile batekin izandako elkarrizketaren suposizio batean, solaskidea zehaztea, negoziazio-prozesuak irauten duen bitartean portaera-jarraibideak ezarriz.

• Definitutako egoerarako negoziazio-teknika egokia erabiltzea. • Erosketa edo salmentarako negoziazio-plan bat ezartzea. • Negoziazio batean, hurrenez hurreneko beharrak, puntu sendoak eta ahulak balioestea. • Negoziazioaren alderdi nagusiak identifikatzea. • Elkarri amore eman beharrekoak, hauen kostua eta bi alderdientzat duten balioa zehaztea. • Bezeroak edo hornitzaileak izan litzakeen jarrerak igartzea. • Saltzaile edo eroslearen berezko jarrerak prestatzea. • Hornitzaileen proposamen guztien artean, konparatiboki baldintza onenak eskaintzen dituena eta

definitutako merkataritza-helburuetara egokitzen dena aukeratzea. • Aukeratutako eskaintzan negozia litezkeen puntuak antzematea, bere mugak azalduz. • Salerosketa-kontratuak arautzen dituen merkataritza-araudia interpretatzea. • Salerosketa-kontratu batean aukerakoak diren klausulak bereiztea. • Kontratuak egiterakoan argia eta zehatza izatea. • Produktuaren ezaugarrien berri emateko limurtzailea izatea. • Itxura ona baloratu eta “egoten jakitea”, enpresak eman nahi duen irudia transmitituz. 3. Merkataritza-harremanak garatzean komunikazio-teknikak aplikatzean, ikasleak ondoko gaitasunak lortu beharko ditu: • Bezeroei informazioa eta arreta emateko egoeretan gehien erabiltzen diren ahozko eta idatzizko

komunikazio-teknikak definitzea. • Merkataritzara zuzendutako elkarrizketa pertsonal bat osatzen duten faseak definitzea. • Merkataritzara zuzendutako telefono-komunikazio bat osatzen duten faseak definitzea. • Bezeroarentzako zerbitzuari dagokion kontsumoari buruzko araudia deskribatzea. • Bezero edo hornitzaile batekin izandako telefono-elkarrizketaren suposizio batean, nork bere burua

aurkeztu eta solaskidea ezagutzea, protokolo-arau egokiak betez. • Bere jarrera eta berbaldia abiapuntuko egoerara behar bezala egokitzea. • Informazioa argi eta garbi eta zehaztasunez transmititzen dela kontrolatzea. • Bezeroarentzako arreta-egoera simulatu batean, bezeroaren portaera aztertu eta zehaztea. • Egoerari eta solaskideari egokitutako komunikazio-teknika erabiltzea. • Emandako gai zehatz bat ahoz adieraztea talde baten aurrean edo bi solaskidek esku hartzen duten

komunikazio-harreman batean. • Tratamendu egokia gordetzen duten idazkiak lantzea, behar bezala idatzita, ortografia-akatsik egin

gabe eta zehatz-mehatz, beren helburuaren arabera, bezero bati informazioa eskatu edo transmititzeko suposizio bat abiapuntutzat hartuta.

• Informatika-aplikazioak erabiltzea idazkiak lantzeko. • Autonomia Erkidegoko edo atzerriko hizkuntzak erabiltzea solaskidearen arabera. • Limurtzeko gaitasuna izatea. • Protokolo-arauak une orotan betetzea, bai ahoz bai idatziz. • Bere solaskideek plantea diezazkioketen egoera desberdinetara moldatzea. • Kontsumo-gaietan aplika daitekeen araudia betetzea. 4. Salerosketa-egoeretan sortzen diren datuak bildu eta tratatzeko sistemak definitzean, informazioa antolatzeko teknikak aplikatuz eta, bidezkoa bada, eragiketak erraztuko dituzten informatika-programak erabiliz, ikasleak ondoko gaitasunak lortu beharko ditu: • Salerosketa-jardueraren garapenean gehien erabiltzen diren artxibo-teknikak definitzea. • Bezero eta hornitzaileen fitxategi batean azaldu behar duten funtsezko datuak identifikatzea. • Ingurune erabilerrazetako datu-baseak, testu-prozesadoreak eta grafikoak tratatzeko informatika-

aplikazioak deskribatzea. • Barne-merkataritzan aginpideak dituzten erakundeak eta aplika daitekeen araudia definitzea. • Datu-baseetako informatika-programetan biltegiratuta dagoen informazioa eskuratzea. • Salerosketa-prozesuetatik datorren informazioa datu-base desberdinetan integratzea.

30

• Salmenta-eragiketen garapenaren bereizgarri diren parametro nagusiak zehaztuko dituen “salmenta-indarrari” buruzko informazioa biltzeko galde-sorta bat diseinatzea, horretarako informatika-programa egokia erabiliz.

• Bezero eta hornitzaileen fitxategi nagusia osatzea, informatika-programak erabiliz. • Fitxategi horretako salerosketa-eragiketari buruzko informazio garrantzitsua egituratzea. • Datuak, testuak eta grafikoak integratu eta informazioa eskatutako formatuen arabera aurkeztea,

informatika-inguruneak erabiliz. • Salerosketa-eragiketetako oinarrizko dokumentazioa prestatzea. • Datuak bildu eta jasotzerakoan ordena eta zehaztasunez jokatzea eta informazioa argi eta garbi eta

zehazki aurkeztea. • Informazioa tratatzerakoan gertatzen diren hutsegiteak zuzentzen jakitea. 5. “Salmenta-indarrerako” prestakuntza- eta motibazio-planak definitzean, ikasleak ondoko gaitasunak lortu beharko ditu: • “Salmenta-indarrerako” prestakuntza-plan batean esku hartu behar duten funtsezko parametroak

identifikatzea. • Prestakuntzan aplikatzen diren teknika eta metodo pedagogiko nagusiak definitzea. • Prestakuntzaren aprobetxamendu-maila ebaluatzeko gehien erabiltzen diren teknikak deskribatzea. • “Salmenta-indarra” motibatzeko erabili ohi diren metodoak deskribatzea. • Salmenta-talde batentzako prestakuntza-helburuen plangintza egitea. • Prestakuntza horren edukiak definitzea. • Laguntzaile eta adituen perfila zehaztea. • Prestakuntzaren denboralizazioa adieraztea. • Beharrezkoak diren material didaktikoak, prestakuntza ezartzeko lekuaren ezaugarriak eta

egokitzapena planifikatzea. • Planaren aurrekontua egitea. • Motibazioa, hobekuntza, metodoak, denboralizazioa eta, oro har, salmenta-planean definitutako

helburuak lortzeko beharrezkoak diren ekintzak barne hartuko dituen jarduera-plana lantzea. • Prestakuntza-planaren jarraipena ezartzea. • Prestakuntza-plana lantzerakoan sormena eta funtzionaltasuna erakustea. • Salmenta-taldea motibatzeko metodo psikologikoak eta pedagogikoak baloratzea. 6. Enpresetan produktu edo zerbitzuak erosteko prozesuak konfiguratzen dituzten funtsezko alderdiak aztertzean, ikasleak ondoko gaitasunak lortu beharko ditu: • Produktu edo zerbitzu bat erosteko prozesua konfiguratzen duten funtsezko faseak deskribatzea. • Hornitzaile edo zuzkitzaileen merkatuari buruzko datuak lortzean informazioa biltzeko metodorik

erabilienak identifikatzea. • Hornitzaileen eskaintzak aukeratzeko aplikatzen diren funtsezko irizpideak definitzea. • Produktu baten merkatuko eskaintza eta eskaria osatzen duten funtsezko indarrak azaltzea. • Produktu edo zerbitzu baten salerosketan erabiltzen diren merkataritza-kontratu motak eta dokumentu-

ereduak identifikatzea. • Hornitzaileen merkatuko datuak lortzeko informazioa biltzea. • Hornitzaileen eskaintzak erosketa-aldagaien haztapenean oinarrituta aukeratzea. • Produktuak edo zerbitzuak erosteko simulazioak egitea. • Produktu edo zerbitzuaren erosketa-prezioa aztertzea. • Produktu edo zerbitzuaren erosketa-kontratua egitea, informazioa kontratua osatzen duten klausuletan

egituratuz, honi buruzko informatika-programak erabiliz eta eragiketarako merkataritza-terminologia egokia erabiliz.

• Salerosketan beharrezkoak diren kalkuluak zorroztasun eta zehaztasunez egitea. • Salerosketa-kontratuak egiterakoan zehaztasuna, segurtasuna eta konfidentzialtasuna zein

garrantzitsuak diren baloratzea. 7. Salerosketa-prozesuak garatu eta burutzean kontrol-metodoak aplikatzean, ikasleak ondoko gaitasunak lortu beharko ditu:

31

• Behar bezala justifikatutako bezeroen erreklamazioen aurrean hartu beharreko neurriak azaltzea. • Salerosketa-prozesuetan gerta daitezkeen gorabehera arruntenak deskribatzea. • Hornitzaile bati egindako eskaerek biltegian jasotzen direnean jarraitu behar duten kontrol-prozesua

azaltzea. • Eskaera bat jasotzerakoan antzemandako anomalia bat konpontzeko hartu behar diren neurriak

azaltzea. • “Salmenta-indarraren” eraginkortasuna ebaluatzeko erabili ohi diren metodoak deskribatzea. • “Salmenta-taldearen” errentagarritasuna hobetzeko erabil daitezkeen neurriak eta prozedurak

deskribatzea. • Emandako suposizio batean, eskaera bat jasotzerakoan izan litezkeen anomaliak antzematea. • Emandako suposizio batean, salmenta-taldearen eraginkortasunik ezaren arrazoiak antzematea. • Lanean metodoa eta antolamendua baloratzea. • Bezeroek egindako erreklamazioen aurrean jarrera arduratsua eta atsegina azaltzea. c) Edukiak I. multzoa: SALMENTEN PLANGINTZA ETA SALMENTA-TALDEAREN

PRESTAKUNTZA ETA MOTIBAZIOA Prozedurazkoak: • Behar bezala zehaztutako plan batean salmentetarako ezarritako helburuak interpretatzea. • Eremu geografikoa seinalatu eta salmenta-sistema antolatzea:

− Salmenta-sarearen eta -eremuaren diseinua. − Bisitaldien plangintza eta maiztasuna. − Salmenta-taldearen tamaina eta esleipena.

• Salmenta-planaren simulazioan desbiderapenak eta ezustekoak antzeman eta zuzenketa egokiak egitea.

• Salmentetarako ekintza-planaren eta marketin-plan eta -aurrekontuaren artean lortutako egokitzapen-maila aztertzea.

• Lortu nahi diren helburuetarako saltzaile egokiaren perfila diseinatzea. • Ereduzko saltzailea lortzeko prestakuntza eta beharrezkoak diren baliabideak planifikatzea. • Saltzaileek etekinik onena lortzeko motibazio egokia aukeratzea. • Salmenta-taldearen antolamendu eta osaera egituratua. • Saltzaileen jarduera kontrolatzeko bilerak prestatu eta garatzea. • Saltzaile bakoitzari betetzen duen zereginaren arabera eman beharreko ordainsari egokia finkatzea. • Saltzaileak lortutako etekinak parametro egokiak aplikatuz aztertzea. Gertakariak, kontzeptuak eta printzipioak: • Salmenta-sistemaren plangintza:

− Faseak. − Plangintza-metodoak.

• Salmenta-helburuak: − Izaera. − Salmenta-helburuetan eragina duten aldagaiak.

• Salmenta-sistemaren antolamendua: − Salmenten sare eta lurraldearen diseinua. − Bisitaldien plangintza. − Salmenta-taldeen tamaina eta esleipena.

• Salmenta-taldea: − Salmenta pertsonalaren funtzioak, ezaugarriak eta helburua. − Salmenta pertsonalaren izaera.

• Salmenta-taldearen osaera eta antolamendua: − Taldeko kideen tipologia. − Egitura eta hierarkia. − Informazio-fluxuen egitura.

• Saltzaileen perfilak.

32

• Prestakuntzaren helburuak. • Taldeak zuzentzeko teknikak:

− Bilera baten etapak. − Taldeetako kideak. − Bilera bat prestatu eta garatzea.

• Motibazio-metodoak. • Salmenta-taldearen ordainketa-sistemak.

− Lanbide-kategoriak. − Komisioak. − Soldatak.

• Etekinaren determinatzaileak eta saltzaileen gogobetetasuna: − Parametroen izaera. − Salmenten ondorioak.

Jarrerazkoak: • Taldean lan egiteko prest egotea, suspertu eta buru izaten jakinez, salmenta-planaren helburuak lortu

ahal izateko. • Planaren garapenaren jarraipen zorrotza egitea. • Elkarrizketarako jarrera irekiak izatea saltzaileekiko harreman onak bermatzeko. • Lanean metodologia eta antolamendua izatea, proposatutako helburuak lortuko direla bermatzeko. • Lan-taldearekiko harremanetan konfidentzialtasun eta zuhurtasunez jokatzea. II. multzoa: EROSKETA-PROZESUA Prozedurazkoak: • Enpresak jardungo duen merkatua, sektorea eta lehia erreala aztertzea. • Hornitzaileen merkatuko datuak lortzeko informazioa biltzea. • Produktu edo zerbitzuaren erosketa-prezioa aztertzea. • Hornitzaileak parametro objektiboak aplikatuz aukeratzea. • Produktu edo zerbitzuen erosketa-kontratuak egitea, informazioa kontratua osatzen duten klausuletan

egituratuz eta horretarako informatika-programak aplikatuz. Gertakariak, kontzeptuak eta printzipioak: • Erosketaren antolamendua.

− Merkatua, sektorea eta lehia: ∗ Egitura. ∗ Tipologia. ∗ Lehia.

• Faseak: estrukturalak eta funtzionalak. • Erosketa-prozesuko elementuak: produktu edo zerbitzuaren izaera. • Erosketa-baldintzak:

− Erosketa-prezioa. − Entregatzeko epeak eta modua. − Kalitatea saldu ondoko zerbitzuan.

• Hornitzaileak aukeratzea: − Eskaintzak: ezaugarriak. − Hornitzaileen tipologia.

• Merkataritza-zuzenbidearen elementuak: − Aplikazio-esparrua. − Erosketa-kontratua.

Jarrerazkoak: • Hornitzaileek aurkeztuko dituzten eskaintza desberdinak aukeratzerakoan irizpide objektiboak

erabiltzea. • Erosketa-prozesuan beharrezkoak diren kalkuluak zorroztasun eta zehaztasunez egitea. • Erosketa-kontratuaren zehaztasuna eta konfidentzialtasuna zein garrantzitsuak diren baloratzea.

33

III. multzoa: KOMUNIKAZIOA ETA SALEROSKETAREN NEGOZIAZIOA Prozedurazkoak: • Egoerari eta solaskideari egokitutako komunikazio-teknikak erabiltzea. • Informazioa argi eta garbi eta zehaztasunez transmititzea. • Ahozko eta idatzizko komunikazioak burutzea, faseak errespetatuz eta informazioaren kontrola lortuz. • Salerosketa kokatuko deneko merkataritza-harremanen ingurunea zehaztea. • Solaskidea zehaztea, negoziazio-prozesuan portaera-jarraibideak ezarri ahal izateko. • Negoziazio-teknikarik egokiena aukeratzea hornitzaile edo bezeroaren eta produktuaren arabera eta

negoziazioa zein girotan garatzen den kontuan hartuta. • Negoziazioa burutzea, enpresarentzat ahalik eta onurazkoena den akordio batera iritsiz. • Negoziazioak irauten duen bitartean plantea litezkeen erreklamazio eta kontingentziei erantzutea. Gertakariak, kontzeptuak eta printzipioak: • Komunikazioaren elementuak:

− Igorleak/hartzaileak. • Komunikazio-prozesuak:

− Faseak. − Bideak eta baliabideak. − Informazioaren kontrola.

• Gaitasunak eta teknikak komunikazioan: − Arauak. − Aplikazioa. − Baliabideak eta ekipoak.

• Telefono bidezko informazioa eta aurrez aurrekoa: − Mezuak transmititu eta hartzea. − Solaskidea identifikatzea.

• Komunikazio-motak: − Ahozkoa. − Hitzik gabekoa. − Idatzizkoa.

• Prospekzioa: − Merkataritza-harremanen ingurunea. − Salerosketa.

• Negoziazioa: − Prozesuaren azterketa.

• Negoziazioaren plangintza: − Negoziazioaren oinarrizko osagaiak. − Faseak.

• Negoziazioaren garapena: − Elkarrizketa. − Limurtzea. − Helburua. − Amaiera, akordioa.

• Jarrerak azaltzea: − Eroslea. − Saltzailea.

• Negoziazio-teknikak: − Hornitzaile edo bezeroaren tipologia. − Produktu-tipologia. − Giroa.

• Negoziazioaren finkapena: − Adostasun-puntuak. − Negoziazioa burutzeko unea. − Negoziazioa burutzerakoan dauden arazoak.

34

Jarrerazkoak: • Ahozko zein idatzizko mezuetan protokolo-arauak errespetatzea. • Mezuak onartu eta transmititzerakoan jarrera zorrotza eta metodikoa izatea. • Enpresak eman nahi duen irudiari egokitutako itxura izatea komunikazioa ahozkoa eta zuzena den

kasuetan. • Bezeroaren psikologia antzemateko interesa izatea, solaskidearengana ahalik eta modurik egokienean

hurbildu ahal izateko. • Limurtzeko dohaina baloratzea. IV. multzoa: SALEROSKETAREN KUDEAKETA ETA KONTROLA Prozedurazkoak: • Artxibo-teknikarik egokiena aukeratzea. • Bezero eta hornitzaileen informazioa tratatzeko fitxategi nagusi bat egitea, informatika-baliabideak

erabiliz. • Erosketak eta salmentak kudeatzeko programa integral egoki bat aplikatzea. • Jasotako zein bidalitako eskaerak aztertzeko teknika eta kontrol-parametroak aukeratzea. • Bezeroen erreklamazioak tramitatzea, horien arrazoiak aztertu eta zuzenketa-neurriak hartuz. • Erreklamazioak erregistratzea estatistikoki tratatu eta neurri egokiak hartzeko. • Eskaerak jasotzerakoan izaten diren anomaliei konponbidea aurkitzea. • Salmenta-taldearen ebaluazioa egin eta bidezkoak diren zuzenketa-neurriak sartzea. Gertakariak, kontzeptuak eta printzipioak: • Artxibo-teknikak:

− Izaera. − Artxiboaren helburua.

• Salmenta-indarrari buruzko informazioa biltzeko galde-sortak lantzeko teknikak. • Fitxategi nagusiak:

− Bezeroak/Hornitzaileak. − Formatuak, elementuak.

• Salerosketa kudeatzeko programa integratuak: − Testu-prozesadoreak. − Kalkulu-orria. − Datu-basea.

• Eskaerak: − Kontrol-parametroak. − Kontrol-teknikak. − Kontrol-sekzioak.

• Eskaerak jasotzerakoan eta salmenta-prozesuan izaten diren anomaliak. • Salmenta-taldearen ebaluazioa eta kontrola:

− Ebaluazio-metodoak. − Zuzenketa-neurriak.

Jarrerazkoak: • Informazioa biltzerakoan eta funtsezkoak ez diren datuak ezabatzerakoan zehaztasunez jokatzea. • Erabiltzen diren dokumentuak eta informazioa laburbildu eta aztertzea. • Taldean lan egiteko gaitasuna izatea, saltzaileen lana koordinatu eta baloratuz eta bidezkoak diren

zuzenketa-neurriak hartuz. • Bezeroen erreklamazio eta demanden aurrean jarrera kritikoa izatea eta akatsak zuzentzeko prest

egotea. 6. lanbide-modulua. HELBURU OROKORREKO INFORMATIKA-APLIKAZIOAK a) Amaierako gaitasunak

35

Lanbide-modulu hau amaitzean, ikasleak ondoko gaitasunak lortu beharko ditu: 1. Informatika-sistema bat osatzen duten elementu logiko eta fisikoen oinarrizko funtzioak

interpretatzea. 2. Erabiltzaile bakarreko sistema operatibo baten utilitateak, funtzioak eta prozedurak erabiltzaile gisa

aplikatzea. 3. Sare lokalean konektatutako sistema batekin oinarrizko eragiketak burutzeko beharrezkoak diren

komandoak edo instrukzioak aplikatzea. 4. Testu-prozesadore bat, kalkulu-orri bat, aplikazio grafiko bat eta datu-base bat erabiltzaile gisa

maneiatu eta gordetako informazioaren osotasuna, segurtasuna, eskuragarritasuna eta konfidentzialtasuna bermatuko duten prozedurak aplikatzea.

b) Ebaluazio-irizpideak 1. Informatika-sistema bat osatzen duten elementu logiko eta fisikoen oinarrizko funtzioak interpretatzean, ikasleak ondoko gaitasunak lortu beharko ditu: • Prozesatzeko unitate zentralaren eta ekipo periferikoen oinarrizko funtzioak azaldu eta datu-

prozesaketa baten ohiko faseekin erlazionatzea. • Barne-memoriaren oinarrizko funtzioak bereiztea, memoriaren edukierak informatika-sistemaren

prestazioetan duen eragina zehaztuz. • Erabili ohi diren ekipo periferikoak datu-prozesaketan duten funtzioaren arabera sailkatzea. • Ordenagailu pertsonalen segmentuan erabili ohi diren artxibo-euskarri desberdinen oinarrizko

ezaugarriak bereiztea. • Ordenagailu pertsonalen merkatuko eredu gisako modelo batzuen ezaugarri orokorrak deskribatzea. • “Byte” kontzeptua zehaztu eta bere multiploak definitzea. • “Programa” kontzeptua definitzea. • Informatikako “erregistro” eta “artxibo” kontzeptuak zehaztea. • “Informatika-aplikazio” kontzeptua azaldu eta enpresa-kudeaketako eredu gisako aplikazioak banan-

banan aipatzea. • Informatika-sistema bati buruzko kasu praktiko batean eta softwarea instalatuta eta oinarrizko

dokumentazioa izanik, ondokoak identifikatzea: − Sistemaren “hardwarea”. − Sistema operatiboa eta bere ezaugarriak. − Sistemaren konfigurazioa. − Instalatutako aplikazioak. − Sistemak erabilitako informazio-euskarriak.

2. Erabiltzaile bakarreko sistema operatibo baten utilitateak, funtzioak eta prozedurak erabiltzaile gisa aplikatzean, ikasleak ondoko gaitasunak lortu beharko ditu: • Erabiltzaile bakarreko sistema operatibo baten egitura, funtzioak eta oinarrizko ezaugarriak azaltzea. • Erabiltzaile bakarreko sistema operatibo bat instalatzea. • “Komando” kontzeptua zehaztea, barneko eta kanpoko komandoak bereiziz. • Informatika-ekipoa abiaraztea eta gertatzen diren urrats desberdinak egiaztatzea, sistema operatiboa

kargatzeko funtzioak identifikatuz. • Utilitateak, funtzioak eta prozedurak sistema operatibo desberdinetan erabiltzea, eragiketaren sintaxia

edo, hala badagokio, protokoloa justifikatuz, behar bezala zehaztutako suposizio praktikoetan. • Sistema operatiboaren aginduak maneiatzen dituzten fitxategiak sortzea. 3. Sare lokalean konektatutako sistema batekin oinarrizko eragiketak burutzeko beharrezkoak diren komandoak edo instrukzioak aplikatzean, ikasleak ondoko gaitasunak lortu beharko ditu: • Sareko zerbitzariaren oinarrizko funtzioak deskribatzea.

36

• Garatutako prozesuetan erabilitako sareko sistema operatiboaren oinarrizko komando eta instrukzioei buruzko sintaxia azaltzea.

• Kasu praktiko batean, aldez aurretik disko gogorrean gordetako artxibo bat edo gehiago erabiliz, informazioa kopiatu, eguneratu eta transmititzeko eragiketak burutzea sareko sistema operatiboaren bitartez.

• Sare lokalean lanean jardunez, aplikazio desberdinetatik egindako lanak ustiatu eta inprimatzeko prozedurak burutzea.

4. Testu-prozesadore bat, kalkulu-orri bat, aplikazio grafiko bat eta datu-base bat erabiltzaile gisa maneiatu eta gordetako informazioaren osotasuna, segurtasuna, eskuragarritasuna eta konfidentzialtasuna bermatuko duten prozedurak aplikatzean, ikasleak ondoko gaitasunak lortu beharko ditu: • Honako aplikazio hauen funtzioa bereizi, identifikatu eta azaltzea: testu-prozesadorea, kalkulu-orria,

datu-basea. • Informatika-aplikazioak behar bezala instalatzea. • Aurkezpen-formatu edo -ereduaren krokisak egitea, informazioaren antolamendua eta aurkezpena

azalduz. • Testu-prozesadore, kalkulu-orri, aplikazio grafiko eta datu-baseetan definitutako prozeduren bitartez

sartzea. • Lehendik gorde eta ustiatutako informazioa berreskuratu eta erabiltzea, betiere ahal bada eta

beharrezkoa eta gomendagarria bada, transkripzio-akatsik izan ez dadin. • Suposizio praktikoak abiapuntutzat hartuta:

− Testu-prozesadorea maneiatzea, testuak editatu, berreskuratu, aldatu, gorde eta integratzeko oinarrizko funtzioak, prozedurak eta utilitateak erabiliz.

− Kalkulu-orriak maneiatzea, datuak gordetzeko oinarrizko funtzioak, prozedurak eta utilitateak erabiliz.

− Datu-baseak maneiatzea, datuak gordetzeko oinarrizko funtzioak, prozedurak eta utilitateak erabiliz.

− Aplikazio grafikoak maneiatzea autoedizioko utilitateak lantzeko oinarrizko funtzioak eta prozedurak erabiliz.

− Aplikazioen artean, hots, testu-prozesadore, kalkulu-orri eta datu-basearen artean, datuak edo informazioa trukatzea.

− Informazio-motarako formatu egokia erabiltzea, bere egokitasuna zehaztu edo aukeratu ondoren. − Informazioa eta dokumentazioa landu, kopiatu, transkribatu eta betetzea.

• Kasu praktikoak abiapuntutzat hartuta: − Sisteman ezarritako segurtasun-, babes- eta osotasun-prozedurak interpretatzea. − Aurreko prozedurak sistema operatibotik, “hardwaretik” eta/edo aplikazio batetik aplikatzea. − Ezarri eta erabilitako segurtasun- eta babes-prozeduretan akatsak antzematea. − Soluzioak argudiatu eta proposatzea.

• Kontingentzien aurrean erantzutea edo, bestela, hauen berri ematea beharrezko informazioa transmitituz.

c) Edukiak I. multzoa: LANBIDE-ESPARRUA: TEKNIKA, BALIABIDE ETA EKIPO

OFIMATIKOAK Prozedurazkoak: • Dokumentuak eta informazioa landu eta aurkezteko beharrezko ekipoak, aplikazioak, baliabide fisiko

eta logikoak eta euskarriak identifikatzea. • Egungo ekipo eta aplikazioen ahalmen teknologikoa, gaitasuna eta mugak aztertzea. • Ikasgela/bulegoa, ekipoak, materialak eta baliabide osagarriak antolatzea. • Ekipoak, materialak eta baliabide osagarriak prestatzea. • Informatika-ekipoa eta ekipo osagarria ustiatzea:

− Prozesadorea, pantaila…

37

− Aginduak eta informazioa sartzeko periferikoak: teklatuak, saguak… − Informazioa eta datu prozesatuak paperean edo antzeko euskarrian lortzeko periferikoak:

inprimagailuak… − Informazio informatizatua lortzeko/transmititzeko periferikoak: modema, ordenagailuari

konektatutako faxa… − Datuak eta informazio digitalizatu gabea informatizatzeko periferikoak: eskanerra, OCR,

irakurgailu optikoa… Gertakariak, kontzeptuak eta printzipioak: • Lanbidea dokumentazioa landu eta aurkezteari dagokionez: ezaugarriak, jarduerak eta lanbide-

perfilaren berezko eskakizunak. • Prozesu desberdinetan erabili ohi diren informatika- eta ofimatika-ekipoak:

− Ustiapenekoak: prozesadorea, pantaila, disko-unitateak, konexioak, memoria… − Erabiltzaileak datuak sartzekoak: sagua, teklatua. − Inprimatu eta biltegiratzekoak: inprimagailuak, hainbat disko, CD-ROM… − Datuak eta informazio digitalizatu gabea sartzekoak: eskanerra, lapitz optikoa… − Datuak lortu eta transmititzekoak: modema, ordenagailuari konektatutako faxa… − Proiekziokoak: ikus-entzunezko ekipoak…

• Ekipo bakoitzaren eskakizunak, ezaugarriak, elementuak eta mugak. • Ekipo indibidualak eta partekatuak, monopostuan eta sarean. Partekagailuak eta erabiltzeko aukerak.

Prestazioak. Kasu eta baliabide bakoitzaren potentzialtasuna (memoria, diskoa…). • Aplikazioak, independenteak edo integratuak. Exijitutako baliabideak: memoria, disko-edukiera… • Helburu orokorreko informatika-aplikazioekin ustiatu eta autoedizioan aritzeko teknika nagusiak. • Teklatua eta sagua: teklak, botoiak, mugimenduak eta funtzio interesgarriak. • Monitorea edo pantaila: botoiak, funtzioak eta bistaratze-efektuak. • Inprimagailuak: ezaugarriak, eskakizunak, funtzioak, etengailuak eta botoiak. • Eskanerra, OCR eta irakurgailu optikoa. • Ikus-entzunezko ekipoak: funtzioak eta manipulatu beharreko elementuak. • Informazio digitalizatua lortu eta transmititzeko ekipamendua. • Ekipoak ustiatzerakoan prozesuetan sortzen diren arazo sarrienak: mugak, bateraezintasunak… eta

soluzioak. Jarrerazkoak: • Informatika orokorraren esparruan dokumentazioa lantzen zehaztasunez lan egiteko prest egotea. • Ikasgela/bulegoaren, instalazioen, ekipoen, artxiboen eta erabilitako gainerako baliabideen

funtzionamendu-arauekiko errespetua. II. multzoa: SISTEMA OPERATIBOAK Prozedurazkoak: • Egungo sistema operatibo garrantzitsuenen prestazioak, funtzioak eta ezaugarriak identifikatzea. • Diskoak, erabiltzaile-artxiboak, aplikazioak eta programa-artxiboak kudeatzeko prozesuetan

beharrezkoak diren prozedurak, komandoak eta funtzioak ezagutu, bereizi, aukeratu, erabili eta kontrolatzea.

• Artxiboak antolatu, kokatu eta izendatzeko egitura eta sistema egokiak aukeratu eta aplikatzea. • Artxiboak zaindu, babestu, beren osotasuna eta segurtasuna bermatu eta atzipena mugatzeko

prozedurak eta sistemak identifikatu, aukeratu eta aplikatzea. • Informatika-ekipoak transmititzen dituen mezuak bereizi eta interpretatzea. • Baliabideak sare lokalen bidez optimizatzeko berariazko funtzioak eta komandoak aplikatzea. Posta

elektronikorako hastapenetarako funtzioak eta komandoak. • Sistema operatiboak erabiliz kudeaketa-prozedura desberdinak burutzea. Gertakariak, kontzeptuak eta printzipioak: • Sistema operatiboa: Motak. Hardware, software eta ingurune operatiboen arteko erlazioa.

Eskakizunak eta mugak. Programak, fabrikatzaile handiak eta markak, ingurune operatiboen bertsioak eta programekin duten erlazioa. Prestazioak.

38

• Egungo sistema operatiboen egitura eta ezaugarriak: monoataza eta multiataza, monopostua eta multipostua.

• Diskoak, disko-unitateak eta artxiboak: ezaugarriak eta egitura. • Ingurune operatiboa/k, bere/n egokitasuna aldagai eta helburu desberdinen arabera. • Sistema operatiboaren komandoak. Sintaxia: izena, argumentua eta aldatzailea. • Sistema operatiboaren funtzioak: segurtasuna, eraginkortasuna eta autonomia sarbideen mugaketari

dagokionez, konfidentzialtasuna eta segurtasuna bermatuz. • MS-DOS: Sistema Operatibo monopostua eta monoataza:

− Artxiboak, diskoak eta unitateak kudeatzeko oinarrizko komandoak. − Informazioaren osotasuna babesten duten komandoak.

• NOVELL, WINDOWS NT…: Sistema multipostu eta multiatazak: − “Sare” kontzeptua eta baliabide partekatuak. − Zerbitzariak eta lan-estazioak. Sareko inprimagailuak. Sareko sistema operatiboa. − Sareko kudeatzailea eta erabiltzaileak. − Erabiltzailearen menuak. Saioko elementuak. − Sareko segurtasuna. − Sare lokalaren bidezko posta elektronikoa.

• WINDOWS: Ingurune grafikoa: − Hainbat kontzeptu: leihoa, ikonoa, leihoaren ikonoa, aplikazioaren eta dokumentuaren leihoa,

aplikazioen ikonoa… − Programa-administratzailea. Artxibo-administratzailea. Inprimaketa-administratzailea.

Jarrerazkoak: • Teknologia berrien bilakaerara moldatzeko jarrera ona. • Informatika-joera berrietan eguneratzeko interesa, operatibotasunaren zentzuzko muga kalibratuz. • Kalitatearen aldeko konpromisoa, sistema operatiboak erraztasunez erabiliz eta disko eta artxiboen

kudeaketa egokian oinarrituta baliabideak optimizatuz. III. multzoa: HELBURU OROKORREKO INFORMATIKA-APLIKAZIOAK.

INTEGRAZIOA ETA APLIKAZIO PROFESIONALAK Prozedurazkoak: • Helburu orokorreko aplikazio bat abiapuntutzat hartuta:

− Irakatsi eta ikasteko prozesuak aztergai duen aplikazioren bat instalatu eta berrinstalatzea. − Erabiltzailearen eta ordenagailuaren arteko komunikazio-elementuak maneiatu eta erabiltzea.

Aplikazio bakoitzean laguntza lortzea. − Testua, datuak, formulak, kalkulu-ereduak eta grafikoak aplikazio egokian sartu eta editatzea

funtzioak eta prozedurak ustiatuz. − Dokumentuak landu, eguneratu eta aldatzea, fitxategi batekin edo gehiagorekin lan eginez. − Artxiboak grabatu eta kudeatzea eta adierazitako aplikazioetako bakoitzak sortutako fitxategiak

berreskuratzea. − Aldez aurretik landutako dokumentu burutuak aztertu eta ebaluatzea. − Sortutako artxiboak zaindu, babestu, beren osotasuna eta segurtasuna bermatu eta sarbidea

mugatzeko software bidezko prozedurak eta sistemak aplikatzea. − Antzemandako erroreak araztu eta landutako dokumentazioa eguneratu eta suntsitzea, ezarritako

araudiari eta prozedurei jarraiki. − Lortutako emaitza euskarri, formatu eta aurkezpen egokiak aukeratu edo erabiliz inprimatzea eta

inprimaketa-prozesua kudeatzea. − Testu-prozesadore bat erabiliz korrespondentzia, dokumentuak eta inprimakiak landu eta editatzea,

testu jarraitua, grafikoak, zutabeetan antolatutako testua eta taulak txertatuz. − Helburu eta premia jakin batzuei erantzuteko datu-base baten egitura sortzea. Datu-basea bete,

mantendu eta eguneratzeko lanak egitea. − Kalkulu-orriko problema eta eredu errazak lantzea eta eredu konplexuagoetan datuak bete eta

eguneratzea. − Aldagaien balioak aldatzen direnean sortzen dituzten ondorioak aztertzea. Kalkulu-orriko ereduak

barne hartzen dituzten dokumentuak lantzea. − Orri anitzeko ereduen, murriztapenak dituzten ereduen eta orri-estekaduren analisia eta ustiapena.

39

− Grafiko desberdinak diseinatu, sortu eta aurkeztea, horretarako berariazko aplikazio grafiko bat, testu-prozesadore bat eta kalkulu-orri bat erabiliz. Grafiko horiek barne hartzen dituzten dokumentuak lantzea.

− Teknikak prozesu automatizatuei aplikatzea: ∗ Dokumentuak lantzea estiloak sortuz eta/edo ustiatuz. ∗ Dokumentuak lantzea makroak ustiatuz. ∗ Prozesu automatizatuak (eskemak, aurkibideak…) barne hartzen dituzten dokumentuak

lantzea. − Ondokoak konbinatzen dituzten dokumentuak integratu eta lantzea:

∗ Testu-prozesadorearen beraren irudiak eta grafikoak. ∗ Aldez aurretik programa grafiko batekin sortutako irudiak eta grafikoak. ∗ Kalkulu-orriaren irudiak eta grafikoak. ∗ Testu-prozesadorearen beraren eta kalkulu-orrien taulak. ∗ Testu-prozesadorearen beraren eta datu-basearen datuak eta txostenak.

Gertakariak, kontzeptuak eta printzipioak: • Testu-prozesadore baten, datu-base baten, aplikazio grafiko baten eta kalkulu-orri baten ezaugarriak,

helburua, elementuak, egitura, menuak, laguntzak, oinarrizko eta berariazko terminologia eta mezuak. Aplikazio bakoitzaren berezitasunak. Instalazio-motak eta arrazoiak. Aplikazio horiek instalatu eta ustiatzeko beharrezkoak diren baliabideak.

• Honako aplikazio hauekin lan egiteko funtsezko eragiketak: − Testu-prozesadoreak: testu eta dokumentu globalak sartu, editatu, gorde, ireki edo berreskuratu,

aurkeztu, bistaratu eta inprimatzea. − Datu-baseak: fitxategiak, erregistroak, eremuak eta datuak sartu, editatu, gorde, ireki edo

berreskuratu, ordenatu, indexatu, sailkatu, aukeratu, bistaratu eta inprimatzea. − Kalkulu-orriak: datuak sartu eta editatzea, dokumentua gorde edo grabatzea, kalkulu eta birkalkulu

automatikoa, ireki edo berreskuratzea, bistaratzea eta aurkeztea. − Aplikazio grafikoak: grafiko independenteak edo dokumentazio bati lotutakoak sortu, editatu,

aurkeztu, bistaratu, proiektatu eta inprimatzea. • Integrazioaren helburuak, teknikak eta prozesuak:

− Aplikazioen arteko oinarrizko estekadura. Inportazioa eta esportazioa. − Datuak eta informazioa integratzeko beharrezkoak diren baldintzak. Aldez aurretik bihurketa egin

beharra. − Testu-artxibo, grafiko eta abarren formatu-bihurketa. − Grafikoak, taulak, datuak, kalkulu-ereduak eta abar inportatzea. Estekadurak eta

bateraezintasunak. − Utilitate profesionalak.

• Aplikagarritasuna lanbide-esparruan eta prozesu errepikakorren mekanizazioan: − Aurkibideak eta eskemak lantzerakoan. − Zerrendak egiterakoan. − Korrespondentzia konbinatzerakoan edo fusioak, mailingak eta abar egiterakoan. − Etiketak, gutunazalak eta formularioak lantzerakoan. − Portadak edo kontraportadak, tituluak eta abar lantzerakoan.

Jarrerazkoak: • Prozesu konplexuak burutzerakoan antolamendu eta plangintza ona zein beharrezkoak diren

baloratzea. • Kontsultatzeko prestasuna azaltzea eta, aplikazio bakoitzaren laguntzarekin, bere kasa ikastea. • Lanak bizkortasun eta eraginkortasunez burutzerakoan autonomia izatea. • Emaitza zorroztasunez baloratzea: edukia, zuzentasuna, aurkezpena, irudia. • Eguneratzeko eta prestakuntza-mailan berrikuntzetara egokitzeko eta hauek lanbide-esparrura

aplikatzeko interesa. • Lanketa- eta inpresio-prozesuetan denbora eta materiala murrizteko interesa. • Lanak diseinatu eta aurkezterakoan txukun eta zorrotz jokatzea. 7. lanbide-modulua. ATZERRIKO HIZKUNTZA

40

a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. Aurrez aurreko zein urrutiko komunikazio-egoeretan informazio globala, berariazkoa eta lanbideari

dagokiona lortzea. 2. Atzerriko hizkuntzan ahozko mezuak sortzea, bai orokorrak, bai sektoreko alderdiei buruzkoak,

egoera bakoitzera egokitutako hizkuntza erabiliz. 3. Lanbide-jarduerarekin zerikusia duten testu errazak autonomiaz irakurtzea, kontsulta-liburuak eta

hiztegi teknikoak behar bezala erabiliz. 4. Datu orokorrak eta/edo berariazkoak abiapuntutzat hartuta, lanbide-sektoreari dagozkion oinarrizko

dokumentuak atzerriko hizkuntzan landu eta betetzea. 5. Atzerriko hizkuntzaren alderdi soziokulturalak baloratzea eta edozein komunikazio-egoeratan

herrialde desberdinetako portaerazko jarraibideak aplikatzea. b) Ebaluazio-irizpideak 1. Aurrez aurreko zein urrutiko komunikazio-egoeretan informazio globala, berariazkoa eta lanbideari dagokiona lortzean, ikasleak ondoko gaitasunak lortu beharko ditu: • Ahozko zuzeneko komunikazio baten ideia nagusiak hartzea. • Ahozko mezuetan erregistro desberdinak bereiztea. • Lanbidearekin zerikusia duten hitzak eta adierazpenak antzematea. • Bere lanbidearekin zerikusia duten argibideak eta informazioak zuzen interpretatzea. 2. Atzerriko hizkuntzan ahozko mezuak sortzean, bai orokorrak, bai sektoreko alderdiei buruzkoak, egoera bakoitzera egokitutako hizkuntza erabiliz, ikasleak ondoko gaitasunak lortu beharko ditu: • Eguneroko adierazpenak erraztasunez erabiltzea, erregistro-aniztasuna antzeman eta errespetatuz. • Aurrez aurreko egoeretan ahozko mezuak elkartrukatzea komunikazioko formulak eta estrategiak

erabiliz. • Lanbideari dagozkion berariazko egoerekin zerikusia duten urrutiko elkarrizketa errazetan parte

hartzea. • Aldez aurreko oinarrizko ahozko komunikazioetatik datozen mezu errazak ahoz transmititzea. 3. Lanbide-jarduerarekin zerikusia duten testu errazak autonomiaz irakurtzean, kontsulta-liburuak eta hiztegi teknikoak behar bezala erabiliz, ikasleak ondoko gaitasunak lortu beharko ditu: • Sektorean erabili ohi diren oinarrizko argibideen eskuliburuetako baten ideia nagusiez jabetzea hiztegi

tekniko baten laguntzarekin. • Lanbidearekin zerikusia duten informazio-iturri desberdinetatik (gastronomia-gidak, aldizkari

espezializatuak, turismo-liburuxkak eta abar) berariazko informazioa lortzea. • Lanbidearekin zerikusia duten aurrerapen eta teknika berrietara heltzeko irakurtzea zein garrantzitsua

den baloratzea. 4. Datu orokorrak eta/edo berariazkoak abiapuntutzat hartuta, lanbide-sektoreari dagozkion oinarrizko dokumentuak atzerriko hizkuntzan landu eta betetzean, ikasleak ondoko gaitasunak lortu beharko ditu: • Idatzizko testuetan hizkuntz egiturak, hiztegia eta oinarrizko esapideak identifikatu eta aplikatzea. • Lanbidearekin zerikusia duten elementu grafiko edo ahozko testuetako informazioa idatzizko

testuetara eramatea eta alderantziz. • Idatzizko testuak lanbidearen oinarrizko hizkuntzarekin osatzea.

41

• Lanbidearekin zerikusia duten dokumentu errazak idaztea. 5. Atzerriko hizkuntzaren alderdi soziokulturalak baloratzea eta edozein komunikazio-egoeratan herrialde desberdinetako portaerazko jarraibideak aplikatzean, ikasleak ondoko gaitasunak lortu beharko ditu: • Hizkuntza, kultura eta gizarte desberdinak aintzat hartu eta errespetatzea. • Norberaren eta besteren portaerak identifikatu eta ebaluatzea, lanbide-eremuan autonomia handiagoa

lortzeko. • Beste herrialde batzuetako lanbide-portaerak baloratu eta horiekiko interesa azaltzea. • Beste kultura batzuetako lanbide-joerak norberaren kulturakoekin kontrastatzea. c) Edukiak I. multzoa: ATZERRIKO HIZKUNTZA HARREMAN PERTSONALETAN Prozedurazkoak: • Eguneroko bizitzarekin zerikusia duten ahozko testu errazak aurrez aurreko eta urrutiko komunikazio-

egoeretan ulertzea. • Eguneroko bizitzari buruzko elkarrizketetan parte hartzea. • Eskueran dituen komunikazio-estrategiak erabiltzea beste pentsamolde batzuetara ohitzeko. Gertakariak, kontzeptuak eta printzipioak: • Alderdi formalak (solaskidearekiko egokitzapena). • Alderdi funtzionalak (egoerarekiko egokitzapena). • Beste herrialde batzuetako portaerak eguneroko bizitzako egoeretan. • Alderdi soziokulturalak. Jarrerazkoak: • Errespetuzko jarrera eta ulertzeko eta bere burua ulertarazteko interesa. • Errespetuzko jarrera beste pertsonekiko harremanetan. • Aldez aurretik bereganatutako ezagutzak aplikatzeko norberaren gaitasunaz jabetzea. • Errespetuzko jarrera beste kultura eta gizarteetako ohituren aurrean. II. multzoa: ATZERRIKO HIZKUNTZA IKASKUNTZAN Prozedurazkoak: • Kontsulta-liburuak autonomiaz erabiltzea. • Ikus-entzunezkoak eta informatika-baliabideak erabiltzea. • Idatzizko testuetan osatutako egitura tipikoak eta funtsezkoak aukeratu eta aplikatzea. • Idatzizko testuak interpretatu eta sortzea. Gertakariak, kontzeptuak eta printzipioak: • Oinarrizko elementu lexiko eta fonologikoak. • Formazko egitura tipikoak eta funtsezkoak idatzizko testuetan (erlazio-egiturak, aditzen denbora,

loturak…). Jarrerazkoak: • Kontsulta-liburuak eta hiztegi teknikoak erabiltzeko interesa azaltzea. • Informazio-iturrien aurrean jarrera pentsakorra eta kritikoa azaltzea. III. multzoa: ATZERRIKO HIZKUNTZA LANBIDE-MUNDUAN Prozedurazkoak:

42

• Lanbidearekin zerikusia duten ahozko eta ikusizko testu errazak ulertzea. • Lanbideari buruzko elkarrizketetan parte hartzea. • Lanbide-esparruan erabili ohi diren adierazpenak eta esapide idiomatikoak eta lanbide-elkarreragineko

oinarrizko formulak erabiltzea. • Lanbide-jarduerarekin zerikusia duten idatzizko testu errazak ulertu eta sortzea. • Lanbide-egoeretan norberaren portaerak atzerriko herrialdeetakoekin konparatzea. Gertakariak, kontzeptuak eta printzipioak: • Lanbideko hitzen glosategia (lanbideari buruzko hiztegia). • Lanbide-premietara egokitutako ahozko eta idatzizko testuak. • Lanbidearen berezko elementu lexikoak. • Beste herrialde batzuetako lanbide-portaerak. Jarrerazkoak: • Atzerriko hizkuntzak lanbide-munduan duen garrantziaz jabetzea. • Norberak hartutako erabakiak eta besteek hartutakoak baloratzea. • Beste kulturetako lanbide-alderdiekiko interesa azaltzea. 8. lanbide-modulua LAN-PRESTAKUNTZA ETA -ORIENTABIDEA a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. Prebentzio- eta/edo babes-ekintzak zehaztea, titulazioan aipatzen diren ekintzek sortzen dituzten

arrisku-faktoreak eta osasunarentzako eta ingurumenarentzako ondorioak txikiagotuz. 2. Egoera simulatuetan, istripuaren lekuan oinarrizko osasun-neurriak berehala aplikatzea. 3. Lan-kontratazioaren modalitateak eta norberaren konturako langile gisa lan-munduratzeko prozedurak

aztertzea. 4. Lanbide-ibilbideak ezartzea, norberaren gaitasunak eta interesak identifikatuz eta eskueran dagoen

informazio publikoa erabiliz. 5. Lanaren lege-esparrua interpretatzea eta lan-harremanetatik ondorioztatzen diren eskubideak eta

betebeharrak bereiztea. 6. Estatuko eta EAEko egitura sozioekonomikoa identifikatzea, titulazioak aipatzen duen produkzio-

sektorearen neurria, osaera eta aurreikusitako bilakaera bereziki aztertuz. 7. Sektoreko enpresa esanguratsu baten oinarrizko antolamendu-egitura identifikatzea. 8. Sektoreko ereduzko enpresa baten memoria ekonomikoaren parametro azpimarragarriak

interpretatzea. b) Ebaluazio-irizpideak 1. Prebentzio- eta/edo babes-ekintzak zehaztu eta titulazioan aipatzen diren ekintzek sortzen dituzten arrisku-faktoreak eta osasunarentzako eta ingurumenarentzako ondorioak txikiagotzean, ikasleak ondoko gaitasunak lortu beharko ditu:

• Sektorean garatzen diren industria-prozesuetatik eratortzen diren ingurumenarentzako ondorioak

azaltzea. • Bere lan-esparruan ohikoenak diren arrisku-egoera eta/edo -faktoreak identifikatzea. • Sektorean ohikoak diren gaixotasun profesionalak, osasunari egindako kalteak eta/edo lan-istripuak

deskribatzea. • Aipatu diren lan-jardueren burutzapenean sortzen diren ohiko gaixotasun profesionalak, osasunari

egindako kalteak eta lan-istripuak sailkatzea. • Prebentzio- eta/edo babes-jarduneko teknika orokorrak bere lan-esparruan ohikoak diren arrisku-

egoera eta/edo -faktoreekin erlazionatzea. • Bere lan-esparruan ohikoenak diren arriskuei dagozkien prebentzio- eta/edo babes-jarduerak

proposatzea.

43

• Lehen laguntzetarako botikina egoera egokian edukitzea. • Enpresaren barruan eta kanpoan segurtasunaren alorrean eskumena duten organoak identifikatzea. • Ohiko prebentzio- eta/edo babes-elementuak egiaztatzea, ezarrita dauden arauak kontuan izanik. • Lana burutzerakoan ingurumenari egindako kalteak saihestu edo txikiagotzeko har daitezkeen

neurriak proposatzea. 2. Egoera simulatuetan, istripuaren lekuan oinarrizko osasun-neurriak berehala aplikatzean, ikasleak ondoko gaitasunak lortu beharko ditu: • Lanbidearen burutzapenean ohikoak diren lesio eta/edo istripuen aurrean jarduteko prozesua edo

protokoloa azaltzea. • Lesioak bizitzarentzat duten arriskuaren arabera sailkatzea. • Lesionatu bat baino gehiago dagoenean edo pertsona batek lesio bat baino gehiago duenean, esku-

hartzean lehentasuna nork duen identifikatzea. Hau egiteko irizpidea honakoa izango da: lehendabizi bizitzarentzat arrisku handiena duen lesioari arreta eskaintzea.

• Aurreko kasuan agertzen diren lesioen arabera aplikatu behar diren neurrien sekuentzia identifikatzea. • Osasun-teknikak gauzatzea (erreanimazioa, inmobilizazioa, eramatea…), ezarrita dauden protokoloak

aplikatuz. • Bidezko organismoetara deitzea zaurituta dauden pertsonak eraman eta zaintzeko. • Istripuren bat egonez gero, azkar eta eraginkortasunez jardutea. 3. Lan-kontratazioaren modalitateak eta norberaren konturako langile gisa lan-munduratzeko prozedurak aztertzean, ikasleak ondoko gaitasunak lortu beharko ditu:

• Norberaren konturako langile gisa jarduteko eratze-prozesuan inplikatuta dauden erakundeak

adieraztea, burutu behar diren tramiteak azalduz. • Norberaren konturako langile gisa zergei eta Gizarte Segurantzari dagokionez dauden betebeharrak

deskribatzea. • Bere produkzio-sektorean (indarrean dagoen legeriaren arabera) dauden lan-kontrataziorako

modalitate desberdinak identifikatzea. • Kontratazio-modalitate desberdinak konparatzea, bakoitzaren ezaugarriak adieraziz (iraupena, soldata

edo beste edozein aldagai azpimarragarri kontuan izanik). • Sektorean normalki egiten diren kontratuak formalizatzea, dagozkien eredu ofizialetan. • Norberaren konturako langile gisa jartzearen ondoriozko zergei eta Gizarte Segurantzari loturiko

betebeharrei buruzko dokumentazioa betetzea inprimaki ofizialetan. • Langile autonomo gisa jartzeko egon daitezkeen finantzaketa-iturriak, dirulaguntzak eta/edo bestelako

abantailak ezagutzea. • Norberaren konturako langile gisa jartzeko beharrezko dokumentazioa betetzea inprimaki ofizialetan. • Norberaren konturako lana eta besteren konturako lana alderatzea, lan-munduratzeko modu posible

gisa. 4. Lanbide-ibilbideak ezartzean, norberaren gaitasunak eta interesak identifikatuz eta eskueran dagoen informazio publikoa erabiliz, ikasleak ondoko gaitasunak lortu beharko ditu: • Lortutako gaitasun, jarrera eta ezagutzetatik eratortzen den lanbide-balioa identifikatzea. • Bere esparruan dagoen lan-eskariaren baldintzak interpretatzea, lortutako lanbide-balioarekin

erlazionatuz. • Lan-munduratzeko aukerak izan ditzakeen zonako prestakuntza-eskaintzari eta enpresa-ehunari

buruzko informazio-iturriak erabiltzea, enplegu-eskaintzarekiko dituen iguripenei lotuta enpresaren datuak eta informazioa lortuz.

• Prestakuntza-premia osagarriak ondorioztatzea, dituen enplegu-aukerak zabaltzeko eta/edo behin enplegua lortu ondoren aberastasun profesionala lortzeko.

• Prestakuntza-ibilbideak ezartzea antzemandako beharren arabera. • Enplegua lortzeko teknikak prestatzea eta, horretarako elkarrizketak egitea, testak betetzea eta abarri

buruzko simulazioak egingo dira.

44

• Enplegu batean aurkezteko eta/edo eskaria egiteko dokumentuak lantzea. 5. Lanaren lege-esparrua interpretatzean eta lan-harremanetatik ondorioztatzen diren eskubideak eta betebeharrak bereiztean, ikasleak ondoko gaitasunak lortu beharko ditu: • Lan-zuzenbidearen oinarrizko iturriak azaltzea (Konstituzioa, Langileen Estatutua, Europako

Batasunaren Arteztarauak, Hitzarmen Kolektiboa eta abar), dagozkion eskubideak eta betebeharrak bereiziz.

• Negoziazio kolektiboko prozesu bat, suposiziopean, deskribatzea, negoziatu ohi diren aldagai garrantzitsuenak adieraziz: soldatak, segurtasuna eta higienea, produktibitatea eta abar.

• Besteren konturako langileentzako Gizarte Segurantzari eta INEMi (edo bere funtzioak bere gain hartzen dituen EAEko organismoari) lotutako prestazioak eta betebeharrak identifikatzea, suposizio desberdinen arabera.

• Besteren konturako langile batentzako soldata-agiriak formalizatzea, suposizio desberdinetan oinarrituz.

• Hartzekoen likidazio batean agertzen diren kontzeptu desberdinak interpretatzea. • Suposizio desberdinetan oinarrituz hartzekoen likidazioak kalkulatzea. • Inprimaki ofizialetan errenta-aitorpen sinpleak betetzea, lortutako errendimendu desberdinak

identifikatuz eta zerga-zorra kalkulatuz. 6. Estatuko eta EAEko egitura sozioekonomikoa identifikatzean, titulazioak aipatzen duen produkzio-sektorearen neurria, osaera eta aurreikusitako bilakaera bereziki aztertuz, ikasleak ondoko gaitasunak lortu beharko ditu: • Magnitude makroekonomiko nagusiak (BPG…) interpretatzea eta hauen artean dauden erlazioak

azaltzea. • Produkzio-sektore desberdinak sailkatzea, bai eta hauek euskal ekonomian duten garrantzi erlatiboa

ere. • Bere produkzio-sektorearen egituraketa deskribatzea, hau da, bere tamaina, enpresen tamaina, kopurua

eta mota, populazio aktiboa, okupazio-tasa eta abar, ezaugarri bereizgarriren bat ote dagoen adieraziz. • EAEko sektorearen informazioa eta egituraketa Estatuko gainontzekoarekin erlazionatzea, lan-

munduratze posible baterako zonei buruzko datuak lortzeko moduan. • Sektorean aurreikusten den eboluzioa, hazkundea, egon daitezkeen aldaketa teknologikoak eta abar

adieraztea. 7. Sektoreko enpresa esanguratsu baten oinarrizko antolamendu-egitura identifikatzean, ikasleak ondoko gaitasunak lortu beharko ditu: • Sektoreko kudeaketa-eredu esanguratsuaren deskribapena egitea. • Sektoreko enpresa esanguratsu baten funtzio-arloen azalpena egitea. • Sektoreko enpresa baten oinarrizko organigrama interpretatzea, azpian dauden aginte- eta

komunikazio-erlazioak eta abar azalduz. • Suposizio baten pean, enpresa baten egituran bere lanbideari loturiko funtzioak kokatzea. • Bere lanbideari datxezkion jardueren garapen normalean enpresa bateko funtzio-arlo desberdinekin

sor daitezkeen erlazioak adieraztea. • Bere jarduerak burutzerakoan enpresako beste sekzio batzuekin sortzen diren koordinazio-beharrak

azaltzea. 8. Sektoreko ereduzko enpresa baten memoria ekonomikoaren parametro azpimarragarriak interpretatzean, ikasleak ondoko gaitasunak lortu beharko ditu: • Sektoreko enpresa bateko balantze baten eta galdu-irabazien kontu baten partida nagusiak azaltzea. • Aztergai dugun sektoreko enpresa baten suposizio batean finantza-egoera zehazten duten oinarrizko

ratioak (finantza-autonomia, kaudimena…) kalkulatu eta interpretatzea. • Sektoreko enpresa baten oinarrizko aurrekontuen egituraren eta hauek barne hartzen dituzten

kontzeptuen deskribapena egitea.

45

• Sektoreko enpresa baten oinarrizko aurrekontuak interpretatzea. • Aurrekontuak lantzerakoan laguntzea. • Egon daitezkeen finantzaketa-bideak bereiztea (autofinantzaketa, leasing…). c) Edukiak I. multzoa: SEGURTASUNA ETA OSASUNA Prozedurazkoak: • Segurtasun eta higienearen alorrean eskuduntza duten organismoak identifikatzea. • Arriskuen prebentzioa: prozedurak. • Lehen laguntzetarako botikina edukitzea. • Lesioen arriskuaren arabera esku hartzea: lehentasunak identifikatzea eta aplikatu beharreko neurriak

sekuentziatzea. • Osasun-teknikak gauzatzea. • Zaurituen ebakuazioa eta laguntza: antolaketa. • Lanbide-jardueraren ondorioz ingurumenari eragiten zaizkion kalteak gutxitzea. Gertakariak, kontzeptuak eta printzipioak: • Lanbide-gaixotasunak, osasunari egindako kalteak eta lan-istripuak: arriskuaren araberako sailkapena. • Lesioak: bizitzarentzat duten arriskuaren araberako sailkapena. • Lehen laguntzak. • Ingurumena eta industria- edo zerbitzu-prozesuak. • Lanean babes- eta/edo prebentzio-teknikak. Jarrerazkoak: • Ingurumen-kontingentzietarako erantzunak emateko ekimena. • Talde-lanean jardutea istripuen eta osasunari egindako beste kalte batzuen prebentzioan lorpenak

izateko. • Lanbidearen burutzapenean arduraz jokatzea ingurumena babesteko. • Egon daitezkeen istripuen aurrean erantzun azkarra eta eraginkorra ematea. • Segurtasun- eta higiene-arauak errespetatu eta betetzea. • Prebentzioa osasunarentzako kalteak saihesteko baliabiderik eraginkorrena bezala baloratzea. II. multzoa: LAN-ESPARRUA Prozedurazkoak: • Eskuratutako gaitasun, ezagutza eta jarreretatik eratorritako balio profesionala identifikatzea. • Bere eremuko lan-eskariaren eskakizunak interpretatzea eta prestakuntza-beharrak ezagutzea. • Enplegua lortzeko teknikak eta dokumentuak prestatu eta lantzea. • Enpresa-ehunari eta prestakuntza-ahalbideei buruzko informazio-iturriak erabiltzea. • Bere hasierako prestakuntzaren prestakuntza-ibilbide osagarriak ezartzea. • Dagozkion eredu ofizialetako kontratu-modalitate desberdinak formalizatu eta alderatzea, horien

ezaugarrien arabera. • Interpretazioa, kalkulua eta formalizazioa: hartzekoen likidazioa. Oinarrizko alokairuaren

ordainagiria. • Inprimakiak betetzea eta inplikatutako erakundeen zerrenda: norberaren konturako langile gisa ezarri

eta funtzionatzea. • Norberaren kontura ezartzeko finantzaketa-iturriak, dirulaguntzak eta/edo abantailak ezagutzea. • Norberaren konturako lana eta besteren konturakoa elkarrekin alderatzea. • Beste pertsonekiko eta erakundeekiko lan-munduratzetik eratortzen diren betebeharrak eta eskubideak

interpretatu eta betetzea. Gertakariak, kontzeptuak eta printzipioak:

46

• Lan-zuzenbidearen oinarrizko iturriak: konstituzioa, arteztarau komunitarioak, langileen estatutua eta hitzarmen kolektiboa.

• Kontratazio-modalitateak, indarrean dagoen legeriaren arabera. • Betebehar fiskalak eta gizarte-segurantzakoak norberaren konturako lanean. • Negoziazio kolektiboa. • Gizarte-segurantzaren eta INEMen sariak eta haiekiko betebeharrak norberaren konturako lanean. Jarrerazkoak: • Beste pertsonekiko eta erakundeekiko lan-munduratzetik eratortzen diren betebeharrak betetzea. • Lan-harremana erregulatzen duten arauak errespetatzea. • Behin enplegua lortu ondoren, prestakuntza osagarriaren eta/edo etengabekoaren beharra bere egitea. • Lanarekiko konpromisoa. III. multzoa: EKONOMIA-ESPARRUA Prozedurazkoak: • EAEn eta Estatuaren gainerakoan dagokion sektorea aztertu eta alderatzea. • Dagokion sektorean aurreikusitako eboluzioa balioestea. • Enpresa-egitura eta garatu beharreko jarduerei lotutako funtzioen kokapena interpretatzea. • Oinarrizko organigramak lantzea. • Lanbide-jarduera garatzean enpresaren beste sekzioekin koordinatzeko beharra antzematea. • Aurrekontuak lantzen laguntzea. • Sektoreko ereduzko enpresa baten oinarrizko ekonomia- eta finantza-ratioak kalkulatu eta

interpretatzea. • Lanbide-jardueren garapenari buruzko oinarrizko aurrekontuak interpretatzea.

Gertakariak, kontzeptuak eta printzipioak: • Magnitude makroekonomiko nagusiak eta horien arteko erlazioa. • Produkzio-sektoreak eta horien ekarpena Euskal Herriko eta Estatuaren gainerako ekonomian. • Titulazioari dagokion produkzio-sektorea: konfigurazioa eta aurreikusitako eboluzioa. • Dagokion sektoreko ereduzko enpresa baten funtzio-arloak eta horien arteko erlazioak. • Sektorearen kudeaketa-eredu adierazgarria. • Balantzearen galera- eta irabazi-kontuaren partida nagusiak sektoreko ereduzko enpresa batean. • Enpresa baten oinarrizko aurrekontuak: egitura eta kontzeptuak. • Finantzaketa-motak: oinarrizko eskemak.

Jarrerazkoak: • Laneko bileretan bat etortzeko konpromisoa eta interesa. • Enpresaren beste sekzioek garatzen duten lanarekiko errespetua. • Bestelako sailekin koordinatzeko beharra bere egitea. 9. lanbide-modulua. KALITATEA ETA ETENGABEKO HOBEKUNTZA a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. “Kalitatearen” kontzeptua, esanahia eta bilakaera historikoa aztertzea, tituluari dagokion lanbide-

sektore edo -eremuari dagokionez bereziki. 2. Kalitatea ziurtatzeko aplika daitezkeen arauak eta hauen funtzioak eta alderdirik bereizgarrienak

aztertzea, lanbide-jarduera edo -burutzapenari lotuz. 3. Lanbide-eremu edo -sektoreari lotutako prozesu edo funtzio esanguratsuetan kalitatea etengabe

hobetzeko proiektu edo ekintzetan parte hartzea. b) Ebaluazio-irizpideak

47

1. “Kalitatearen” kontzeptua, esanahia eta bilakaera historikoa aztertzean (tituluari dagokion lanbide-sektore edo -eremuari dagokionez bereziki), ikasleak ondoko gaitasunak lortu beharko ditu: • Kalitatearen kontzeptuaren bilakaera historikoa deskribatzea, tituluari dagozkion jarduera

esanguratsuei eta sektoreari lotuta. • Erabateko Kalitateko eredu baten oinarrizko funtsak eta printzipioak identifikatzea. • Europako Erabateko Kalitateko ereduaren bereizgarriak diren funtsezko alderdi eta elementuak

identifikatzea.

2. Kalitatea ziurtatzeko aplika daitezkeen arauak eta hauen funtzioak eta alderdirik bereizgarrienak aztertzean (lanbide-jarduera edo -burutzapenari lotuz), ikasleak ondoko gaitasunak lortu beharko ditu: • Bere lanbide-eremuari dagokionez, kalitatea ziurtatzearen helburuak identifikatzea, arauen beharrak

ondorioztatuz. • Kalitatea ziurtatzeko arauen (Europakoak bereziki) edukia interpretatzea. • Prozesuetan kalitatea ziurtatzeko aplika daitezkeen arauak bere lanbide-eremuko jarduerarik

esanguratsuenekin lotzea. 3. Lanbide-eremu edo -sektoreari lotutako prozesu edo funtzio esanguratsuetan kalitatea etengabe hobetzeko proiektu edo ekintzetan parte hartzean, ikasleak ondoko gaitasunak lortu beharko ditu: • Suposizio erreal edo simulatuetan:

− Esku-hartze eta hobekuntzarako aukera-arloak identifikatzea. − Oinarrizko kalitate-erremintak erabiltzea. − Lanbide-harremanen hobekuntzan eta jardueren garapenean inplikatzeko azturak hartzea. − Etengabeko hobekuntzan oinarritutako soluzioetan esku hartzea. − Etengabeko hobekuntzan oinarritutako eta bere lanbide-eremu edo -sektoreari lotutako soluzio edo

planak ezartzearen emaitzak ebaluatzea. c) Edukiak • Kalitatearen kontzeptuaren bilakaera historikoa aztertzea, tituluari dagozkion jarduera esanguratsuei

eta sektoreari lotuta. • Erabateko Kalitateko eredu baten oinarrizko funtsak eta printzipioak identifikatzea. • Europako Erabateko Kalitateko ereduaren bereizgarriak diren funtsezko alderdiak eta elementuak

identifikatzea. • Bere lanbide-eremuari dagokionez, kalitatea ziurtatzearen helburuak identifikatzea, arauen beharrak

ondorioztatuz. • Kalitatea ziurtatzeko arauak (Europakoak bereziki) interpretatzea. • Kalitatea ziurtatzeko aplika daitezkeen arauak eta Merkataritza eta marketinaren sektoreko prozesu eta

jarduerarik esanguratsuenekiko loturak identifikatzea. • Tituluari dagokion lanbide-gaitasunaren prozesu edo jarduera esanguratsu baten edo batzuen

datuetatik eta gainerako aldagai deskribatzaileetatik abiatuta eta guztia sektoreko balizko enpresa batean kokatuta: − Esku-hartze eta hobekuntzarako aukera-arloak identifikatzea. − Oinarrizko kalitate-erremintak erabiltzea. − Harremanetan eta jardueren garapenean hobekuntza pertsonaleko jarrerak eta azturak hartu eta

ezartzea. − Bere mailan, etengabeko hobekuntzan oinarritutako soluzioetan esku hartzea. − Etengabeko hobekuntzan oinarritutako eta bere lanbide-eremuari lotutako soluzio edo planak

ezartzearen emaitzak ebaluatzea.

48

10. lanbide-modulua. LANTOKIKO PRESTAKUNTZA a) Amaierako gaitasunak Lanbide-modulu hau amaitzean, ikasleak ondoko gaitasunak lortu beharko ditu: 1. Definitutako helburu jakin batzuen arabera merkataritza-azterlanak egiteko landa-lanak garatzea. 2. Enpresan garatzen diren biltegiratze eta banaketako prozesuak kudeatu eta egiaztatzeko lanak egitea. 3. Enpresaren salerosketa-eragiketetan kudeaketak egitea. 4. Salmentak optimizatuko dituzten denda-marketineko (merchandising) planak garatzea. 5. Enpresak ezarritako marketin-planaren garapenean jarraipen-lanak egitea. 6. Egiten duen lanarekin loturik esleitutako edozein jarduera edo zeregin erantzukizun profesionalarekin

betetzea, ardurazko eta errespetuzko jarrera erakutsiz. b) Ebaluazio-irizpideak 1. Definitutako helburu jakin batzuen arabera merkataritza-azterlanak egiteko landa-lanak garatzean, ikasleak ondoko gaitasunak lortu beharko ditu: • Azterlanean eragina izango duten parametroak identifikatzea. • Datuak biltzeko aukeratutako teknika aplikatuko zaien subjektu edo organismoen ezaugarriak

identifikatzea. • Azterlana proiektatuko deneko esparru geografikoa identifikatzea. • Lagin adierazgarri bat atera eta laginketa-teknika egokia aukeratzea. • Informazioa lortzeko prozesuan, lehen mailako eta bigarren mailako iturrietatik informazioa biltzeko

teknika kuantitatiboak eta kualitatiboak behar bezala aplikatzea. • Estatistika teknikak behar bezala erabiltzea informazioa tratatu eta ondorioak lortu ahal izateko. • Egindako landa-lanaren ondorioak garaiz eta taxuz aurkeztea txosten baten bitartez. 2. Enpresan garatzen diren biltegiratze eta banaketako prozesuak kudeatu eta egiaztatzeko lanak egitean, ikasleak ondoko gaitasunak lortu beharko ditu: • Garraio-eragiketetan behar diren dokumentuak garaiz eta taxuz lortu eta tramitatzea, indarrean dauden

arauen arabera. • Enpresan ezarritako banaketa-bideak identifikatu eta hauen egiturak dakarren kostua aztertzea. • Biltegi barruko espazioak eta banaketa-ibilbideak aztertzea, egokiak diren ebaluatu eta, hala

badagokio, kudeaketa hobetuko duten aldaketak proposatzea. • Izakinak baloratzeko kalkuluak behar bezala egitea, emaitzak zehaztutako dokumentuan antolatuz. • Biltegiak kudeatzeko informatika-programak behar bezala erabiltzea informazioa transmititu eta

lortzeko. • Sare logistikoko biltegiko buru desberdinei beharrezkoa den informazioa helaraztea. • Inbentarioak ezarritako irizpide eta arauei jarraiki prestatzea. • Enpresan aplikatutako bilkin-politikari buruzko azterlanak egin eta, hala badagokio, kudeaketan

hobekuntzak proposatzea. 3. Enpresaren salerosketa-eragiketetan kudeaketak egitean, ikasleak ondoko gaitasunak lortu beharko ditu: • Hornitzaile eta bezeroen merkatu-segmentua identifikatzea. • Hornitzaileen eskaintzei buruzko informazio zehatza lortzea. • Bezero eta hornitzaileekiko tratuan zuzentasun eta adeitasunez jokatzea. • Salerosketa kudeatzeko enpresan erabilgarri dauden informatika-programak erabiltzea. • Enpresaren merkataritza-kudeaketak eskatzen duenean, hornitzaile eta bezeroekin harremanetan

jartzea, salmenta-teknikak aplikatuz.

49

• Bezero eta hornitzaileen fitxategi nagusiak prestatu eta eguneratuta edukitzea. 4. Salmentak optimizatuko dituzten denda-marketineko (merchandising) planak garatzean, ikasleak ondoko gaitasunak lortu beharko ditu: • Enpresak transmititu nahi duen irudia eta bezeroen tipologia identifikatzea. • Salmentei errentagarritasuna ateratzeko denda-marketineko (merchandising) metodo desberdinak

aztertu eta, beharrezkoa bada, kudeaketa hobetuko duten neurriak sustatzea. • Produktuak saltokian finkatutako baldintzen arabera ezartzen direla kontrolatzea. • Salmenta-puntuaren barruan produktuak kokatzeko eremu eta leku egokia aztertzea. • Produktuen ezarpenaren eraginkortasuna baloratzea, neurketa-tresna kualitatiboak eta kuantitatiboak

erabiliz. 5. Enpresak ezarritako marketin-planaren garapenean jarraipen-lanak egitean, ikasleak ondoko gaitasunak lortu beharko ditu: • Marketin-planaren helburuak identifikatzea. • Informazioa prozedura egokiak aplikatuz eta beharrezkoak diren informazio-iturrien bitartez biltzea,

ezarritako planak merkatuan duen eragina aztertzeko. • Publizitate-kanpaina kontratatutako baldintzetan burutzen dela egiaztatzea. • Burututako publizitate-kanpainaren eraginkortasunari buruzko azterlana egin eta, hala badagokio,

geroztiko estrategiak proposatzea. • Publizitate-eraginkortasuna baloratzeko inkesta-ereduak prestatu eta enpresari proposatzea. 6. Egiten duen lanarekin loturik esleitutako edozein jarduera edo zeregin erantzukizun profesionalarekin betetzean, ardurazko eta errespetuzko jarrera erakutsiz, ikasleak ondoko gaitasunak lortu beharko ditu: • Enpresaren prozedura eta arauekiko errespetuzko jarrera azaltzea une orotan. • Lanean garaiz hastea, baimendutako atsedenez gozatzea eta lantokia ezarritako denboraren aurretik ez

uztea behar bezala justifikatutako arrazoirik gabe. • Jasotako aginduak interpretatu eta ganoraz betetzea eta esleitutako lanaz arduratzea, une bakoitzean

pertsona egokiarekin komunikatuz. • Lantokiko kideekin pertsonarteko harreman arin eta zuzenak ezartzea. • Bakoitzaren jarduera taldeko gainerakoekin eta sailekin koordinatzea, edozein aldaketa, behar

garrantzitsu edo aurreikusi gabeko kontingentziaren berri emanez. • Jarduerak enpresaren merkataritza-prozesuetan eta enpresaren irudian duen eragina balioestea. • Enpresako jarduera edo zereginen, helburuen, burutzapen-denboren eta hierarkia-mailen aurrean,

ezarritako arau, prozesu eta prozedurak arduraz betetzea. c) Edukiak Ikastetxeak “lan-egoeretan” kokatutako jarduera gisa finkatuko ditu edukiak, Hezkuntza, Unibertsitate eta Ikerketa Sailak argitaratutako Lantokiko prestakuntza lanbide-modulua diseinatzeko curriculum-esparruaren arabera. 3.3. Heziketa-zikloaren sekuentziazioa eta denboralizazioa 3.3.1. Iraupenak Lanbide-modulua Oinarrizko

iraupena Iraupen finkoa

1. Merkataritza-ikerketa 90 ordu 95 ordu 2. Marketin-politikak 110 ordu 130 ordu

50

3. Merkataritzako logistika 124 ordu 160 ordu 4. Salmenta-puntuko marketina 90 ordu 95 ordu 5. Salerosketaren kudeaketa 110 ordu 130 ordu 6. Helburu orokorreko informatika-aplikazioak 110 ordu 130 ordu 7. Atzerriko hizkuntza 120 ordu 160 ordu 8. Lan-prestakuntza eta -orientabidea (LPO) 60 ordu 60 ordu 9. Kalitatea eta etengabeko hobekuntza 40 ordu 40 ordu 10. Lantokiko prestakuntza (LP) 336 ordu 400 ordu GUZTIRA 1.190 ordu 1.400 ordu 1. Ikastetxe bakoitzak curriculum-proiektua bere gizarte- eta ekonomia-ingurunera eta

ikasleen ezaugarrietara egokitzeko, ikastetxeek beren esku izango dute guztizko ordutegiaren %15 ─kasu honetan 210 ordu─ eta ordu-kopuru hau lanbide-modulu desberdinetan banatu ahal izango dute, baldin eta irakaskuntza desberdinak eskaintza oso baten parte badira.

Horrenbestez, modulu bakoitzerako ezarritako oinarrizko iraupena errespetatu egin

beharko da eta aurrerago azalduko diren irizpideen arabera gehitu ahal izango da. 2. Irakaskuntzak eskaintza partzial bateko parte badira, iraupen finkoa ezarri da modulu

bakoitzerako eta ezin izango da aldatu. 3. Moduluen behin betiko iraupenek, hau da, ikastetxeak berak esleitu behar duen

denbora banatu ondoren, heziketa-zikloak irauten dituen 1.400 orduak osatu beharko dituzte guztira.

4. Ikastetxeetako curriculum-proiektu desberdinetan oreka egokia gordetzeko asmoz,

eskaintza osoko modalitatea jarraitzen duten irakaskuntzek ondoko zehaztapena errespetatu beharko dute: lanbide-moduluek ezin izango dute oinarrizko iraupena 64 ordu baino gehiagotan gehitu.

5. Ikastetxean bertan garatu beharreko Lantokiko prestakuntza lanbide-moduluko fase

desberdinen iraupenek ez dute ikastetxeak modulu honetarako ezartzen duen behin betiko iraupenaren %10 gainditu behar.

3.3.2. Sekuentziazioa Heziketa-zikloaren sekuentziazioan 1. Eskaintza osoan: • Lantokiko prestakuntza moduluaren iraupenaren %80 gaitasun-atalei loturiko modulu

guztien irakaskuntzak amaitu ondoren eman beharko da. • Ikastetxe bakoitzak heziketa-ziklo honi hasiera emateko aukeratzen dituen moduluak

kontuan izan gabe, modulu horien artean honako hauek egon beharko dute: Helburu orokorreko informatika-aplikazioak, Merkataritzako logistika, Marketin-politikak eta Atzerriko hizkuntza. Azken modulu hori heziketa zikloaren aldi honetan zehar asteko ordutegi uniformeaz garatu beharko da.

2. Eskaintza partzialean:

51

• Lantokiko prestakuntza modulua heziketa-zikloa osatzen duten gainerako moduluak

egiaztatu direnean (ondorio horretarako finkatutako bide desberdinen bidez) soilik eman beharko da.

4. Irakasleak 4.1. “Merkataritza-kudeaketa eta marketina” heziketa-zikloko lanbide-moduluetan irakaskuntza-atribuzioa duten irakasleen espezialitateak a) Lanbide Heziketako irakasle teknikoen kidegoan “Merkataritza-prozesuak” espezialitatea duten irakasleek ondoko lanbide-modulu hauek irakats ditzakete: • Merkataritzako logistika. • Salmenta-puntuko marketina. • Helburu orokorreko informatika-aplikazioak. b) Lanbide Heziketako irakasle teknikoen kidegoan “Informatika-sistemak eta -aplikazioak” espezialitatea duten irakasleek ondoko lanbide-modulu hauek irakats ditzakete: • Helburu orokorreko informatika-aplikazioak. c) Bigarren Irakaskuntzako irakasleen kidegoan “Merkataritzako antolamendua eta kudeaketa” espezialitatea duten irakasleek ondoko lanbide-modulu hauek irakats ditzakete: • Merkataritza-ikerketa. • Marketin-politikak. • Salerosketaren kudeaketa. d) Bigarren Irakaskuntzako irakasleen kidegoan “Alemana”, “Frantsesa”, “Ingelesa”, “Italiera” edo “Portugesa” espezialitatea duten irakasleek ondoko modulu hauek irakats ditzakete, hautatutako hizkuntzaren arabera: • Atzerriko hizkuntza. e) Bigarren Irakaskuntzako irakasleen kidegoan “Lan-prestakuntza eta -orientabidea” espezialitatea duten irakasleek ondoko modulu hauek irakats ditzakete: • Lan-prestakuntza eta -orientabidea. • Kalitatea eta etengabeko hobekuntza. f) Heziketa-ziklo bereko beste lanbide-moduluren bat irakasten duten a), b) eta c) ataletan adierazitako espezialitatea duten irakasleek ondoko modulua ere irakats dezakete: • Lantokiko prestakuntza. 4.2. Titulazioen baliokidetasunak irakaskuntzan aritzeko

52

4.2.1. “Merkataritzako antolamendua eta kudeaketa” espezialitateari dagozkion lanbide-moduluak irakasteko, doktore-, ingeniari-, arkitekto- edo lizentziatu-tituluen eta ondoko tituluen arteko baliokidetasuna ezartzen da irakaskuntzan aritzeko: • Enpresa-zientzietan diplomatua. 4.2.2. “Lan-prestakuntza eta -orientabidea” espezialitateari dagozkion lanbide-moduluak irakasteko, doktore-, ingeniari-, arkitekto- edo lizentziatu-tituluen eta ondoko tituluen arteko baliokidetasuna ezartzen da irakaskuntzan aritzeko: • Enpresa-zientzietan diplomatua. • Lan-harremanetan diplomatua. • Gizarte-lanean diplomatua. • Gizarte-hezkuntzan diplomatua. • Kudeaketa eta administrazio publikoan diplomatua. 5. Irakaskuntza hauek emateko gutxieneko baldintzak 5.1. Espazioak Apirilaren 30eko 777/1998 Errege Dekretuko 19. artikuluaren arabera, “Merkataritza-kudeaketa eta marketina” goi-mailako Lanbide Heziketako heziketa-zikloak ondoren adierazitako gutxieneko espazioak eskatzen ditu dekretu honek definitzen dituen irakaskuntzak emateko. Prestakuntza-espazioa Azalera

20 ikasle (m2) Erabilera-maila

(%) Kudeaketa-gela ...................................................................... 60 60 Gela balioanitza ..................................................................... 40 40 “Erabilera-mailak” ikasle-talde batek oinarrizko irakaskuntzak irakasteko espazioa zenbat orduz okupatzea aurreikusten den adierazten du; alabaina irakaskuntza hauen guztizko iraupenarekiko ehunekoetan adierazten da. Horrenbestez, ikastetxeek curriculumaren guztizkoa ezartzeko definitzen dutenerako orientagarria da. “Erabilera-mailak” onartutako marjinan, heziketa-ziklo bereko edo beste ziklo batzuetako edo beste hezkuntza-etapa batzuetako beste ikasle-talde batzuek okupatu ahal izango dituzte ezarritako prestakuntza-espazioak. Dena dela, prestakuntza-espazioei lotutako ikaskuntza-jarduerak (erabilera-mailak adierazitako okupazioarekin) antzeko beste prestakuntza-jarduera batzuetarako erabilitako azaleretan ere burutu ahal izango dira. Identifikatutako prestakuntza-espazio desberdinak ez dira zertan itxitura bidez bereizi behar. 6. Sarbideak eta/edo ibilbideak Heziketa-ziklo honetan onartua izateko, batxilergoko ondoko modalitate hauek izango dute lehentasuna:

53

• Natur eta Osasun Zientziak. • Giza eta Gizarte Zientziak. 6.1. Oinarrizko Lanbide Heziketa Heziketa-ziklo honetan lantzen den Berariazko Lanbide Heziketaren oinarri den Oinarrizko Lanbide Heziketa osatzen duten edukiak batxilergoko ondoko jakintzagaietan aurki ditzakegu: • Enpresen ekonomia eta antolamendua. • Gizarte-zientziei aplikatutako matematika II. • Administrazio- eta kudeaketa-prozesuak. Gainera, eskaeren kopuruak eskainitako ikaspostuena gaindituz gero, Enpresen ekonomia eta antolamendua jakintzagaia onarpenerako kontuan hartuko da. 6.2. Unibertsitate-ikasketetarako sarbidea: • Maisua (espezialitate guztietan). • Bibliotekonomia eta dokumentazioan diplomatua. • Enpresa-zientzietan diplomatua. • Gizarte-hezkuntzan diplomatua. • Estatistikan diplomatua. • Kudeaketa eta administrazio publikoan diplomatua. • Lan-harremanetan diplomatua. • Gizarte-lanean diplomatua. • Turismoan diplomatua. • Kudeaketa-informatikako ingeniari teknikoa. • Sistema-informatikako ingeniari teknikoa. 7. Konbalidazioak eta korrespondentzia 7.1. Lanerako Lanbide Heziketarekin konbalida daitezkeen lanbide-moduluak • Merkataritza-ikerketa. • Marketin-politikak. • Salmenta-puntuko marketina. • Salerosketaren kudeaketa. • Helburu orokorreko informatika-aplikazioak. 7.2. Lan-praktikarekin korrespondentzia izan dezaketen lanbide-moduluak • Merkataritza-ikerketa. • Marketin-politikak. • Salmenta-puntuko marketina. • Salerosketaren kudeaketa. • Helburu orokorreko informatika-aplikazioak. • Lantokiko prestakuntza. • Lan-prestakuntza eta -orientabidea.