Jalgi Hadi Garaipenera! (Araba)
-
Upload
gazteiraultzainfo -
Category
Documents
-
view
243 -
download
11
description
Transcript of Jalgi Hadi Garaipenera! (Araba)
Euskal Herria aro berri batean murgildu du urte luzeetako borrokak eta abiada hartzera
goaz. Garaipenera jalgitzeko ordua da. 2012a urte erabakigarria izango gure
herriarentzat, askapen politiko eta sozialarengatiko borrokan urrats gehiago emango
baititugu eta ekidin ezinezko egingo baitugu gure herriaren burujabetza prozesua.
Prozesu hori aurrera eramateak kaleetan, hezkuntza zentroetan, lantegietan, auzoetan
eta leku orotan alternatiba iraultzailea plazaratzea suposatzen du, alternatiba integral
bat proposatzea, zeinak aldaketa politiko eta sozialari beren interes propioak
mantentzeko ateak ixten dizkiotenen diskurtsoa gaindituko duen. Badakigu beren
sistema politikoa eta sozioekonomikoa krisi egoeran daudela eta nahi beste arrazoi
ditugula askapen politiko eta soziala aurrera eramateko. Baina boterea kosta ahala
kosta mantendu nahi dutenen diskurtsoa ez da alor horietara mugatzen: historiaren
irakurketa faltsu bat egiten dute, gezurrez eta ipuinez betea, historia erabili nahiaz
Euskal Herriaren askapen prozesua oztopatzeko.
2012an Nafarroako Foru Erkidegoko gobernuak Nafarroako Konkistari buruz duen
diskurtsoa alegiazko akordio batean oinarritzen da, zeinak 1512-1530 artean egon
zen konkista eta gerra ahaztu nahi duen. Ez zaie komeni gogoratzea zergatik garen
España gaur egun baina guk gogora araziko diegu. Historia erabili nahi dute
proposamen askatzaileak oztopatzeko eta ordua da esateko erakunde ofizialei
historiaren ikuspuntu hori gezurren gainean eraikia dagoela. Unea da herritarrok
historia ezagutu dezagun eta historiaren gainean eraikitako diskurtso ukatzaileak
gainditu ditzagun.
Hala ere, kontuan hartu behar dugu historiak badituela bere argi eta ilunak eta
euskaldunak ez garela beti izan heroi inbaditzaile gaiztoen aurka eta Nafarroako
estatua Europa mendebaldeko gainontzeko erreinuak bezalako beste erreinu bat izan
zela. Arabarrok batzuetan nafar erregearen alde eta bestetan gaztelauaren alde egin
genuen, bizkaitarrek bezala eta are gehiago, Nafarroako 1512ko konkistan parte hartu
genuen Arabako Diputazioko tropetan. Baina onartuta historiari zintzotasunez begiratu
behar diogula, hori ez da arrazoia 1512ko konkistari garrantzia kentzeko.
Izan ere, gaur egun Españaren menpe bagaude konkisten ondorio izan da. Araba, esan
bezala, alde batera eta bestera ibili zen Erdi Aroan, Asturies, Castilla eta Nafarroako
erregeen menpe. 1134an Nafarroako erreinua birsortu zen Aragoiren menpe egon
ondoren, 1076tik eta urte batzuez, Nafar Koroak egituratu zituen gutxi gora behera
gaur eguneko Nafarroa, Araba, Bizkaia, Gipuzkoa eta Baxe Nafarroa. Baina erreinu
birsortu hark ez zuen asko iraun eta 1199-1200 artean, Bizkaiko Jaunak leialtasuna
Castillako erregeari aldatu ondoren, tropa gaztelarrek Araba, Bizkaia eta Durangaldea
konkistatu zituzten. Gasteiz sei hilabetez setiatuta eduki zuten, azkenean nafar
erregeak baimena emanda errenditu zelarik. Ordutik Araba beti egon da Castillako
koroaren menpe.
Eta 1512ko konkistak eragin zuen Hego Euskal Herria bere osotasunean Castillako
erregearen menpe egotea. Horregatik da ezinbestekoa gogoratzea konkistaren
bostehungarren urteurrena, ez gure etorkizuna historian legitimatzeko (espainiar zein
frantses Estatuek egin duten eran), baizik eta historian gertatua gertatu dela ere Euskal
Herriak bere etorkizuna erabakitzeko eskubidea duela aldarrikatzeko.
- Frantses eta Espainiar monarkia modernoak eratzen ari ziren garaian, Nafarroako
koroa bien artean geratu zen, berau ere monarkia moderno bat (Vatikanoarekiko
independientea, majestate jainkotiarren aginduz eta errege justizia eta zergak
handituz) sortzen saiatu zen. Baina inguruko herrialdeak Europa mandebaldeko
lehentasuna izateko lehiatzen ari ziren garaian, ezin izan zuen neutraltasuna
mantendu.
- Urteetan espainiar eta frantses erregetzekin itunak egin ostean Bloiseko akordioa
lortu zuen frantses monarkiarekin Pirinioetako mugan gerra lehertzear zela bi
potentzien artean eta hori aprobetxatu zuen Fernando Katolikoak konkista abiatzeko.
- Gaztelarrak hiru zonaldetik sartu ziren: Sakana, Tutera eta Aragoi, eta erresistentzia
gutxi topatuta Iruñeko ateetara iritsi ziren, zein errenditu egin zen defentsa aukera
gutxi zituelako.
- 1512ko negu hasieran nafar errege-erreginek hiru zutabe antolatu zituzten
frantziako erregearen babesarekin erreinua berreskuratzeko; baina Iruñeako hiriak
ateak irekitzeko sublebatzeko aukerarik izan ez zuenez, tropek atzera egin behar izan
zuten Pirinioen iparraldera.
- 1516an, Fernando Katolikoa hiltzearekin batera, beste saiakera bat egon zen.
Oraingoan hasiera batean konkistatzaileen alde lerratu zen beumondarren leinua,
erreinua berreskuratzearen alde azalduz, baina frantziaren laguntza militarra ez zuten
eta lortutakoa berriro ere galdu zen.
- 1521ean Espainian komuneroen matxinada ematen ari zelako plazak militarrik gabe
zeudela aprobetxatuz, armada napar-frantses batekin Enrique II nafarroan sartu eta
Lizarra, Tafalla eta Tutera altxatu ziren; ondoren Hondarribia, Zangotza eta Amaiur ere
nafarren esku gelditu ziren, Iruñearekin batera. Baina berriro ere gaztelarrak lurralde
hoiek berreskuratu zituzten, Amaiur (1522) eta Hondarribia (1524) azken
erresistentzia guneak izango direlarik pirineoen hegoaldean.
- 1530 urtetik aurrera erreinuak independentea izaten jarraituko du pirineoen
iparraldean, Carlos V.ak lurralde hauei uko egin baitzien defenditzeko arazoak
zituelako. Hala ere, 1589an Enrique IIIa frantziako errege bilakatu zen, bi erreinuak
bere eta bere ondorengoen menpean geratzen zirelarik, 1789an frantziako matxinada
dela eta asanbladak Nafarroako titulua ezabatu zuen arte.
EZKUTUAK ESKURA saio berezia
Martxoaren 24, larunbata
10:00 Gasteizko Gaztetxean
Guerra, P. 2004. Requiem por Navarra. Astero, Iruñea
Guerra, P. 2009. Vitoria, asedio al reino de Navarra. Astero, Iruñea
Landaluze, K. 2009. Las hogueras del reino. Astero, Iruñea
Mtz. de Lezea, T. 2001. El señor de la guerra. Ttarttalo, Donostia
Orueta, J. 2004. Ortziren hortza / El cantar de Orreaga. Astero/Pamiela, Iruñea
Adot, Alvaro, 2005: Juan de Albret y Catalina de Foix o la defensa del estado navarro
(1483-1517), Pamiela.
Baraibar, A. 2010. Historia y memoria de los símbolos de Navarra. Pamiela, Iruñea
Correa, Luis, 2002. La conquista de Navarra, 1513, Biblioteca Básica Navarra, Iruña.
Esarte, Pedro, 2001. Navarra, 1512-1530, Conquista, ocupación y sometimiento
militar, civil y eclesiástico, Pamiela, Iruña.
Monteano, P.J. 2010. La guerra de Navarra (1512-1529).Crónica de la conquista
española. Pamiela, Iruñea
Sagredo, I. 2007. Los castillos que defendieron el reino (tomos I, II y III)
Sorauren, M. 1998. Historia de Navarra el Estado Vasco. Pamiela, Iruñea
Urzainqui, T. 2004. Navarra estado europeo. Pamiela, Iruñea
Baskoien defentsa. Pamiela, Iruñea.