HIRIGINTZAKO ARAU OROKORRAK - Elorrioko Udala · Katalogoak eta haren zati grafikoak arauzko...

PLAN GENERAL DE ORDENACIÓN URBANA DE ELORRIO ELORRIOKO HIRI-ANTOLAMENDURAKO PLAN NAGUSIA

LIBRO II. Liburua

DOCUMENTO “3.1” Dokumentua NORMAS URBANÍSTICAS GENERALES HIRIGINTZAKO ARAU OROKORRAK Marzo 2011 martxoa

Behin betiko onarpenerako dokumentua. Testu bategina. EHLAB osoko bilkuraren arabera (2010-XII-22).

ELORRIO. HIRI-ANTOLAMENDURAKO PLAN NAGUSIA. 3.1. Dok. HIRIGINTZAKO ARAU NAGUSIAK. (HAN) 2011ko martxoa. Testu bategina. Behin betiko onarpena.

1

DOCUMENTO “3.1” Dokumentua. / HIRIGINTZAKO ARAU NAGUSIAK. Marzo 2011. martxoa

AURKIBIDEA.

ATARIKO TITULUA PLAN NAGUSIA APLIKATZEAN KONTUAN HARTU BEHARREKO XEDAPEN OROKORRAK.

1. artikulua. APLIKAZIO-EREMUA. ................................................................................................................................Or. 1

2. artikulua. INDARRALDIARI BURUZKO BALDINTZAK. ........................................................................................................1

3. artikulua. PLAN NAGUSIAREN EDUKIEN ETA DOKUMENTUEN SISTEMATIZAZIOA.....................................................1

4. artikulua. PLAN NAGUSIKO DOKUMENTUAK, HORIEN MAILA ETA INTERPRETAZIOA................................................2

5. artikulua. ERAIKUNTZA ETA URBANIZAZIOARI BURUZKO UDAL-ORDENANTZAK. .....................................................3

6. artikulua. PLAN NAGUSIAREN ALDAKETAK. ......................................................................................................................4

7. Artikulua. PLAN NAGUSIAREN BERRIKUSPENA.................................................................................................................4

LEHEN TITULUA LURZORUAREN HIRIGINTZA-SAILKAPENAREN ARAUDIA.

8. artikulua. LURZORU MOTAK. ................................................................................................................................................6

9. artikulua. HIRI-LURZORUA. ...................................................................................................................................................6

10. artikulua. LURZORU URBANIZAGARRIA. ............................................................................................................................7

11. artikulua. LURZORU URBANIZAEZINA. ...............................................................................................................................8

12. artikulua. JABEEN ESKUBIDE ETA BETEBEHARRAK SAILKAPEN-ARAUDIAREN ARABERA. .....................................8

BIGARREN TITULUA LURZORUAREN HIRIGINTZA-KALIFIKAZIOAREN ARAUDIA.

1. KAPITULUA. HIRIGINTZAKO ERABILERAK.

13. artikulua. HIRIGINTZAKO ERABILEREN SISTEMATIZAZIOA ETA ARAUDI NAGUSIA. .................................................11

14. artikulua. HIRIGINTZAKO ERABILEREN ARTEKO ERLAZIOA ETA EDUKIAK. ..............................................................12

ETXEBIZITZA ERABILERAK ................................................................................................................................12

JARDUERA EKONOMIKOETAKO ERABILERAK ...............................................................................................15

KOMUNITATEAREN HORNIDURETAKO ERABILERAK ...................................................................................26

ESPAZIO LIBREETAKO ERABILERAK ...............................................................................................................29

BIDE- ETA TRENBIDE-KOMUNIKAZIOETAKO ERABILERAK..........................................................................31

OINARRIZKO AZPIEGITURA ETA ZERBITZUETAKO ERABILERAK...............................................................35

NEKAZARITZA ERABILERAK ..............................................................................................................................38

2. KAPITULUA. KALIFIKAZIO GLOBALERAKO ARAUDI OROKORRA

Lehenengo atala. KALIFIKAZIO GLOBALEKO EREMUEN ARAUDIA

15. artikulua. KALIFIKAZIO GLOBALAREN DEFINIZOA ETA KODEA ....................................................................................43

16. artikulua. HIRI-LURZORUKO ETA LURZORU URBANIZAGARRIKO ETA SISTEMA OROKORREN ERABILERA OROKORREKO GUNEETARAKO ARAUDIA

................................................................................................................................................................................44

1.- ETXEBIZITZA-EREMUAK (R). ...................................................................................................................44 2.- INDUSTRIA-EREMUAK (I) ...........................................................................................................................45 3.- HIRUGARREN MAILAKO EREMUAK (T). ...................................................................................................47 4.- HORNIDURA KOMUNITARIOKO SISTEMA OROKORRA (E)...................................................................48 5.- ESPAZIO LIBREEN SISTEMA OROKORRA (L) .........................................................................................49 6.- BIDE- ETA TRENBIDE-KOMUNIKAZIOEN SISTEMA OROKORRA (B). ..................................................51 7. AZPIEGITUREN ETA ZERBITZUEN SISTEMA OROKORRA (Z). .............................................................53


2

17. artikulua. LURZORU URBANIZAEZINAREN KALIFIKAZIO GLOBALEKO ARAUDIA.......................................................54

NEKAZARITZAKO EREMUEN kalifikaziorako kategoriak (N). ...................................................................54 NEKAZARITZAKO EREMUETARAKO irizpideak, helburuak eta antolamendurako zehaztapenak (N). ..55 “N-1. BABES BEREZIKO LURZORUA” eremua. ........................................................................................57 “N-2. NEKAZARITZA-BASOGINTZA” eremua.............................................................................................59 “N-3. NEKAZARITZA-ABELTZAINTZA ETA LANDAZABALAK” eremua. ..................................................62 “N-4. IBAI-IBILGUEN ETA IBAIERTZEN BABESERAKO” eremua. ...........................................................66 “N-5. LANDA-GUNEA” eremua.....................................................................................................................71 “N-6. SISTEMEN EREMUA”. ........................................................................................................................74

18. artikulua. KALIFIKAZIO GLOBALAREN ARAUDIA APLIKATZEKO IRIZPIDE NAGUSIAK. ............................................75

Bigarren atala. HIRIGINTZA-ANTOLAMENDUARI GAINJARRITAKO BALDINTZAK

19. artikulua. IRIZPIDE NAGUSIAK ETA GAINJARRITAKO BALDINTZEN ARTEKO ERLAZIOA. ........................................77

20. artikulua. GAINJARRITAKO BALDINTZEN ARAUDI NAGUSIA. .......................................................................................78

3. KAPITULUA. KALIFIKAZIO XEHATUAREN ARAUDI NAGUSIA.

Lehenengo atala. XEDAPEN OROKORRAK.

21. artikulua. KALIFIKAZIO XEHATUAREN ARAUDI NAGUSIAREN TESTUINGURUA. .......................................................90

22. artikulua. KALIFIKAZIO XEHATUAREN ARAUDIAREN GARAPENA. ...............................................................................91

23. artikulua. KALIFIKAZIO XEHATUKO EREMUAREN DEFINIZIOA ETA SISTEMATIZAZIOA. .........................................91

24. artikulua. ERABILERA XEHATUEN BATERAGARRITASUNA. .........................................................................................92

25. artikulua. LURSAILEN JABARIKO IRIZPIDE NAGUSIAK ...................................................................................................93

Bigarren atala. HIRI-LURZORU ETA LURZORU URBANIZAGARRIKO LURSAILEN ERABILERAKO BALDINTZA ZEHATZAK

26. artikulua. BALDINTZA OROKORRAK. .................................................................................................................................94

27. artikulua. ETXEBIZITZA-LURSAILEN ERABILERAKO BALDINTZAK. ..............................................................................94

28. artikulua INDUSTRIA-LURSAILEN ERABILERAKO BALDINTZAK. ..................................................................................97

29. artikulua. HIRUGARREN MAILAKO LURSAILEN ERABILERAKO BALDINTZAK.............................................................98

30. artikulua. HORNIDURA-LURSAILEN ERABILERAKO BALDINTZAK. ...............................................................................99

31. artikulua. ESPAZIO LIBREEN KALIFIKAZIO XEHATUKO LURSAILEN ERABILERAK. .................................................100

32. artikulua. BIDE- ETA AZPIEGITURETAKO SISTEMEN KALIFIKAZIO XEHATUKO LURSAILEN ERABILERAK ........101

4. KAPITULUA. HIRIGINTZA-KALIFIKAZIOAREN ZEHAZTAPENA

33. artikulua. KALIFIKAZIO GLOBALA ARAUTZEN DUEN HAPNren DOKUMENTAZIOA. .................................................103

34. artikulua. KALIFIKAZIO GLOBALEKO ARAUEN LOTURA. .............................................................................................103

35. artikulua. KALIFIKAZIO GLOBALAREN ARAUDIKO DOIKUNTZAK. ..............................................................................103

36. artikulua. KALIFIKAZIO XEHATUA ARAUTZEN DUEN HAPNren DOKUMENTAZIOA. ................................................104

37. artikulua. KALIFIKAZIO XEHATUKO LURZORUEN ETA HIRIGINTZA-EREDUEN ARTEKO LOTURA. ......................104

38. artikulua. HIRI-LURZORUAREN KALIFIKAZIO XEHATUAREN ZEHAZTAPENA EGIKARITZE ZUZENAREN ETA PLANGINTZAREN BITARTEZ............................................................................................................................105

39. artikulua. LURZORU URBANIZAGARRIAREN KALIFIKAZIO XEHATUA SAILKATZEKO ARAUBIDEA ..........................................................................................................................................................................................................106

40. artikulua. KALIFIKAZIO XEHATUKO ZEHAZTAPENEN BERRAZTERKETA. ................................................................106

41. artikulua. LURZORU URBANIZAEZINAREN PLANGINTZA BEREZIA ...........................................................................107

42. artikulua. PLANGINTZA XEHATUAREN EDUKI MATERIALA ETA DOKUMENTALA. ...................................................108


3

5. KAPITULUA. ERAIKIGARRITASUNERAKO ARAUDI OROKORRA

43. artikulua. ERAIKIGARRITASUNAREN DEFINIZIOA ETA ARAUDI OROKORRA. .........................................................109

HIRUGARREN TITULUA PLANGINTZA EGIKARITZEKO ARAUDI OROKORRA

1. KAPITULUA. HIRIGINTZA-ANTOLAMENDUAREN EGIKARITZEA

44. artikulua. ZEHAZTAPEN OROKORRAK ............................................................................................................................112

45. artikulua. HIRIGINTZA-ANTOLAMENDUAREN EGIKARITZEA HIRI-LURZORUETAN. ................................................112

46. artikulua. HIRIGINTZA-ANTOLAMENDUAREN EGIKARITZEA LURZORU URBANIZAGARRIETAN ...........................113

47. artikulua. HIRIGINTZA-ANTOLAMENDUAREN EGIKARITZEA LURZORU URBANIZAEZINETAN ..............................114

2. KAPITULUA. HIRIGINTZA EGIKARITZEKO XEDAPEN OROKORRAK

48. artikulua. HIRIGINTZA-LANEN PROIEKTUAK GAUZATZEA. ..........................................................................................116

49. artikulua. HIRIGINTZA-PROIEKTUAK GAUZATZEKO BALDINTZAK. ............................................................................116

3. KAPITULUA. ERAIKIGARRITASUNA EGIKARITZEKO XEDAPEN OROKORRAK

50. artikulua. ERAIKIGARRITASUNA FINKATZEKO IRIZPIDE NAGUSIAK. .........................................................................118

51. artikulua. ERAIKUNTZAREN EGIKARITZEA HIRI-LURZORUETAN .............................................................................118

52. artikulua. ERAIKUNTZAREN EGIKARITZEA LURZORU URBANIZAGARRIETAN. .......................................................119

53. artikulua. ERAIKUNTZAREN EGIKARITZEA ETA JARDUEREN GAUZATZEA LURZORU URBANIZAEZINETAN ....120

4. KAPITULUA. PLANGINTZAREN EGIKARITZEAN ERABILERAK ETA ERAIKUNTZAK GAUZATZEARI BURUZKO BESTE XEDAPEN BATZUK 54. artikulua. ERAIKUNTZAREKIN ETA PLANGINTZAREKIN BAT EZ DATOZEN JARDUERAK .......................................122

55. artikulua. BEHIN-BEHINEKO ERABILERAK, ERAIKUNTZAK ETA INSTALAZIOAK HIRI-LURZORU ETA LURZORU URBANIZAGARRIETAN. ....................................................................................................................................123

LAUGARREN TITULUA INGURUMENA ETA ONDAREA BABESTEKO ARAUDIA.

56. artikulua. HONAKO HAPN HONEN INGURUMEN-ARAUDIAREN TESTUINGURUA. ...................................................124

57. artikulua. INGURUMEN-ARLOKO IRIZPIDE OROKORRAK. ...........................................................................................124

58. artikulua. INGURUMEN-ARLOKO ARAUAK ETA JARRAIBIDEAK ................................................................................125

59. artikulua. HOTS-KUTSADURATIK ETA ARGI-KUTSADURATIK BABESTEA. ................................................................127

60. artikulua. ONDAREAREN BABESA. ..................................................................................................................................129

ERANSKINA

KULTURA-INTERESEKO ONDASUN HIGIEZINEN ZERRENDA.


4

ATARIKO TITULUA PLAN NAGUSIAREN APLIKAZIOARI BURUZKO XEDAPEN OROKORRAK

1. artikulua. PLANA APLIKATZEKO ESPARRUA

Hiri-antolamendurako plan nagusi hau (aurrerantzean, HAPN edo Plan Nagusia) Elorrioko udal-barruti osoan aplikatu behar da, indarrean sartzen denetik.

2. artikulua. INDARRALDIARI BURUZKO BALDINTZAK

1. Plan nagusi hau Elorrion indarrean dauden plangintza-arau subsidiarioen ordezkoa da, baita haiei buruz behin betiko onartutako aldaketena ere, eta batzuk zein besteak indargabetzen ditu, artikulu honen eta araudi honen barnean aplikatu beharreko xedapen iragankorren edukiarekin bat.

2. Aipatutako arau subsidiarioak garatzeko onartutako mendeko plangintzaren xedapenak eta zehaztapenak (zatiko planak, plan bereziak eta xehetasun-azterketak) ere indargabetzen ditu Planak, kontraesana dagoenean haien eta Planaren xedapenen eta zehaztapenen artean edota haiek eta Planaren xedapenak eta zehaztapenak bateraezinak direnean. Plan nagusi honen hirigintza-eremuetako arau partikularrekin bat datozen xedapenek eta zehaztapenek, berriz, indarrean jarraitzen dute.

3. Plan nagusi honen eduki jakin batzuk baliogabetzeak, indargabetzeak edo aldatzeak ez du ekarriko gainerakoak baliogabetzea, kasu honetan izan ezik: edukiren bat aplikaezina denean elkarren arteko harremana edo mendekotasuna dela eta.

3. artikulua. PLAN NAGUSIAREN EDUKIEN ETA DOKUMENTUEN SISTEMATIZAZIOA

1. Plan nagusi hau zenbait eduki multzo nagusitan banatuta dago, eta zenbait zehaztapen mota ezartzen ditu: hirigintza antolatzekoak, hirigintza-arauak garatzekoak eta betearaztekoak eta ondasunak (batetik, interes kulturala dutenak eta, bestetik, ingurumenaren, naturaren eta paisaiaren ikuspegitik interesa dutenak) babestekoak. Hiri-antolamendurako plan honek hirigintza antolatzeko ezartzen dituen arauek lurraldean zein denboran antolatzen dituzte lurzoruari buruzko hirigintza-arauak, plangintzaren bidez, eta, besteak beste, oinarrizko zehaztapentzat hartzen dute, lurzoruaren sailkapenaren eta kalifikazioaren bidez, lurzorua helburu eta erabilera jakin batzuekin lotzea, legez lurraldea antolatzeko tresnei buruz xedatutakoari kalte egin gabe. 2. Hirigintza antolatzeko zehaztapenak bi motatakoak dira funtsean:

- Egiturazko antolamenduari buruzko zehaztapenak. - Antolamendu xehatuari buruzko zehaztapenak.

a. Egiturazko antolamenduari buruzko zehaztapenak Lurzoruari eta hirigintzari buruzko 2/2006 Legeak (bereziki, 53. artikuluak) definitzen ditu. Hiri-antolamendurako plan nagusi honek legezko definizioekin bat egiturazko antolamenduari buruzko zehaztapentzat hartzen dituenez gain, hauek ere egiturazko antolamenduari buruzko zehaztapenak dira berariaz: - Hirigintza-eremuetako arau partikularretako egiturazko hirigintza-araubideak ezartzen dituen

zehaztapenak. - Egiturazko antolamenduari buruzko planoak.

Zehaztapen horiek guztiak edo haien zati bat aldatzeko, ezabatzeko edo osatzeko, plangintza nagusiaren mailako espediente bat prestatu behar da nahitaez, kasu honetan izan ezik: aldaketak, ezabaketak edo osaketak hiri-antolamendurako plan nagusi honek berariaz ezartzen dituen kasuekin bat datozenean.

b. Antolamendu xehatuari buruzko zehaztapenak Lurzoruari eta hirigintzari buruzko 2/2006 Legeak (bereziki, 56. artikuluak) definitzen ditu. Hirigintza-arau orokor hauek legezko definizioekin bat antolamendu xehatuari buruzko zehaztapentzat hartzen dituztenez gain, hauek ere antolamendu xehatuari buruzko zehaztapenak dira berariaz: - Hirigintza-eremuetako arau partikularretako hirigintza-araubide xehatuak ezartzen dituen

zehaztapenak –dagokion epigrafeak biltzen ditu–.


5

- Antolamendu xehatuari buruzko planoak.

Oro har, plan nagusi honek berariaz adierazten dituen kasuetan eta baldintzetan izan ezik, honela alda daitezke zehaztapen horiek: - Plan nagusi honek edo hura garatzeko plangintzak ezartzen duenarekin eta indarrean dagoen

legediarekin bat, zatiko plan bat, plan berezi bat edo xehetasun-azterketa bat prestatuz. - Plangintza nagusiaren mailako espediente bat prestatuz. Horretarako, ez dago zehaztapenen

xehatutasuna aldatu beharrik, hori egiteko arrazoiak daudenean izan ezik.

3. Aipatutako zehaztapenez gain, legezko xedapenetatik, plangintzetatik eta proiektuetatik sortzen diren zehaztapenek ere eragina izan dezakete plan nagusi honek hirigintza antolatzeko ezartzen dituen arauetan, baita lurraldeko eta sektoreko legediak xedatzen dituen antzeko beste tresna batzuek ere, baldin eta behin betiko onartu badituzte eta udalerriko hirigintzaren antolamenduan edo haren garapenean eta betearazpenean eragina badute, haien arauzko maila dena delakoa ere. Hirigintza-arau orokor hauek, hirigintza antolatzeko planoek eta, hala badagokio, hirigintza-eremuetako arau partikularrek hirigintza antolatzeko zehaztapentzat hartzen dituztenak dira hirigintza antolatzeko zehaztapenak.

4. Oro har, plan nagusi honek hirigintza antolatzeko ezartzen dituen arauak garatzeko eta betearazteko zehaztapenak arau orokorrek eta hirigintza antolatzeko planoek biltzen dituzte, eta arau partikularretako eta hirigintzaren antolamendua gauzatzeko planoetako araubide espezifikoak zehazten ditu.

5. Hirigintza antolatzeko eta antolamendua garatzeko eta betearazteko zehaztapenez gain, interes kulturala eta naturala duten ondasunak eta ingurumena, paisaia eta natura babesteko zehaztapenak biltzen ditu plan nagusi honek. Interes kulturala eta naturala duten ondasunak eta ingurumena, paisaia eta natura babesteko, beste zehaztapen batzuk ezar daitezke, edo dagozkion katalogoak erabil daitezke, nahiz eta ez izan plangintza orokorraren mailakoak.

6. Plan nagusi honek beste xedapen batzuetatik (lurraldeko edo sektoreko plangintzatik edo legezko eta arauzko beste proiektu eta tresna batzuetatik) hartzen dituen zehaztapen grafikoek informazioa eman bakarrik egin dezakete, eta, hortaz, lurraldeko edo sektoreko plangintza edo legezko eta arauzko beste proiektuak eta tresnak hartu behar dira araudiaren erreferentzia zehaztzat, desadostasunak edo kontraesanak daudenean batez ere.

4. artikulua. PLAN NAGUSIA OSATZEN DUTEN DOKUMENTUAK ETA HAIEN MAILA ETA INTERPRETAZIOA

1. Dokumentu hauek dira plan nagusi honen osagaiak:

- 1. dokumentua. “OROITIDAZKIA". Era berean, hauek osatzen dute oroitidazkia: Hirigintza antolatzeko arauak eta

antolamendua garatzeko eta betearazteko arauak justifikatzeko oroitidazkiak. Ingurumenaren gaineko eraginaren ebaluazioa justifikatzeko

oroitidazkiak.

- 2. dokumentua. “PLANOAK". Zehatz-mehatz, hauek dira planoak: - Informazioa emateko planoak. - Egiturazko antolamenduari buruzko planoak. - Antolamendu xehatuari buruzko planoak. - Antolamenduaren gainetik dauden baldintzei buruzko planoak. - Hirigintzaren antolamendua gauzatzeko planoak. - Antolamenduaren irudidun planoak.


6

- 3. dokumentua. “HIRIGINTZA-ARAUAK ". Era berean, hauek osatzen dituzte hirigintza-arauak: 3.1. Hirigintza-arau

orokorrek. 3.2. Hirigintza-arau partikularrek.

- 4. dokumentua. “AZTERKETA EKONOMIKOA”.

Gainera, dagokionean, dokumentu hauek Plan Nagusiaren osagarri izango dira:

- “ERAIKUNTZARI ETA URBANIZAZIOARI BURUZKO ORDENANTZAK”. - “KATALOGOA” (Kultur Ondare Higiezinaren Katalogoa).

2. Hirigintza-arauetako, egiturazko antolamenduari buruzko planoetako, antolamendu xehatuari buruzko planoetako eta hirigintzaren antolamendua gauzatzeko planoetako zehaztapenak arauzkoak dira funtsean, arau orokor hauek ezartzen dituzten kasuetan izan ezik.

Oroitidazkiak hirigintza antolatzeko eta antolamendua garatzeko eta betearazteko arauak eta ingurumenaren gaineko eraginaren ebaluazioa justifikatzen ditu eta haiei buruzko informazioa ematen du eta, gainera, oinarrizko erreferentzia da Plan Nagusia eta hirigintza-legediak hirigintza antolatzeko ezartzen duen estrategia finkatzeko eta ulertzeko, baita araudiari eta gainerako dokumentuei buruzko zalantzak interpretatzeko ere.

Informazioa emateko planoek, azterketa ekonomikoak eta antolamenduaren irudidun planoek informazioa eta orientabidea ematea dute helburu funtsean: zehazki, informazioa emateko planoek informazioa ematea dute helburu funtsean, eta azterketa ekonomikoak eta antolamenduaren irudidun planoek, orientabidea ematea. Nolanahi ere, Plan Nagusiaren edukiak hobeto ulertzeko eta interpretatzeko eta, hala badagokio, hobeto balioesteko erreferentziak dira horiek guztiak.

Eraikuntzari eta urbanizazioari buruzko ordenantzek Plan Nagusia osatzen dute, eta arauzko xedapenak ezartzen dituzte. Hala ere, irekiak dira eta, askotan, ez dute zerikusirik Plan Nagusiak hirigintza antolatzeko egiten dituen proposamen zehatzekin.

Katalogoak eta haren zati grafikoak arauzko zehaztapenak ezartzen dituzte funtsean, baina ondasunen zerrenda irekia da, Katalogoko eta haren zati grafikoko xedapenekin eurekin bat.

3. Oro har, indarrean dagoen legediak xedatzen dituen irizpideekin bat ebatzi behar dira plan nagusi hau osatzen duten dokumentuetako zehaztapenen artean sortzen diren desadostasunak.

Maila bereko zehaztapenen arteko kontraesanak ebazteko, lehenik, zehaztapen arautzaileei eman behar zaie lehentasuna, antolamendua deskribatzeko eta justifikatzeko eta informazioa emateko zehaztapenen gainetik, eta, bigarrenik, idatzizko zehaztapenei eman behar zaie lehentasuna, zehaztapen grafikoen gainetik.

Azalerei dagokienez, benetako azalerak zehazki egiaztatu egin behar da beti. Oro har, benetako azalerak zehazki egiaztatzeko, eskala txikiei eta metodo digitalei eman behar zaie lehentasuna.

Arauzko zehaztapenei dagokienez, hirigintzaren antolamenduaren helburu esplizituekin bat datorren soluzioaren alde egin behar da beti, edo, bestela, zuzkidura publikorako azalera handiagoa, eraikuntzaren dentsitate txikiagoa, ingurumenaren kalitate hobea, kultur ondarearen eta ingurumenaren babes handiagoa edo onura kolektibo handiagoa dakarrenaren alde.

Zehaztapen grafikoen arteko desberdintasunak eta kontraesanak ebazteko, oinarri kartografiko zehatzagoaren gainean emandakoei eman behar zaie lehentasuna, edo, bestela, eskala txikiagoko oinarri kartografikoaren gainean emandakoei. Betiere, plano digitalizatuei eman behar zaie lehentasuna.

5. artikulua. ERAIKUNTZARI ETA URBANIZAZIOARI BURUZKO UDAL-ORDENANTZAK

1. Lurzoruari eta hirigintzari buruzko 2/2006 Legeko 62.2. artikuluak xedatzen duenarekin bat, eraikuntzari eta urbanizazioari buruzko udal-ordenantzak erantsi behar zaizkio hiri-antolamendurako plan nagusi honi, dagokionean.

Plan Nagusiak hirigintza antolatzeko ezartzen dituen arauen osagarri izan behar dute ordenantza horiek, edo, bestela, antolamendua garatzeko arauek ezarri behar dute haien izaera.

Hirigintza-legediak ezartzen dituen eskakizunekin eta irizpideekin bat etorri behar dute, hirigintzaren antolamendua betearazteko arauak osatzeko.

2. Besteak beste, hauek arautu behar dituzte eraikuntzari eta urbanizazioari buruzko udal-ordenantzek:


7

- Eraikuntza. Bolumena, teknikak, segurtasuna eta tratamendu estetikoa. - Eraikinak mantentzeko eta eraisteko lanak.

- Lanak egiteko modua eta lanen babesa eta segurtasuna. - Urbanizazioen kalitatea eta diseinua.

- Kanpoko hiri-eremuaren baldintzak. - Ingurumenaren, paisaiaren eta naturaren babesa. - Lurzoru urbanizaezinaren erabilerak eta lurzoru mota horretako jarduketak.

6. artikulua. PLAN NAGUSIA ALDATZEA

1. Plan nagusi hau aldatzeko, indarrean dagoen hirigintza-legedia bete behar da. Interes orokorreko helburuetan oinarritu behar da, eta aldaketen edukia argi eta zehazki azaldu. Aldaketek beren helburuak lortzea izan behar dute xede bakarra, eta ezin da eman haiekin zerikusirik ez duen zehaztapenik.

2. Plan Nagusia aldatzeko dokumentuek behar bezala ebaluatu behar dute zer-nolako eragina duten aldaketek Plan Nagusiko xedapenetan eta, bereziki, aztertu eta azaldu behar dute zer ondorio dituzten biztanlerian, enpleguan, zuzkidura eta ekipamendu publikoan, eremu libreetan eta berdeguneetan, bide-sarean, mugikortasunean, aparkalekuetan eta azpiegituretan. Betiere, proposatzen den aldaketaren neurrikoa izan behar du azterketa eta azalpenak.

3. Plan Nagusiaren aldaketak dagokion eremuko eraikigarritasuna handitzea badakar, indarrean dagoen legediko xedapenak (bereziki, Lurzoruari eta hirigintzari buruzko 2/2006 Legeko 105. artikulukoak) bete behar ditu aldaketak, eta ziurtatu behar da zuzkidura publiko guztiak neurrian hazten direla gutxienez, 2/2006 Legeak xedatzen duenarekin bat, baldintza beretan.

4. Plan nagusi honen aldaketek indarrean dagoen legediak ezartzen dituen irizpideekin bat etorri behar dute, eta, bereziki, Lurzoruari eta hirigintzari buruzko 2/2006 Legeko 103. eta 105. artikuluek eta lege hori osatzeko edo garatzeko legezko gainerako xedapenek ezartzen dituztenekin.

7. artikulua. PLAN NAGUSIA BERRIKUSTEA

1. Plan nagusi hau zortzi urtean garatuko da printzipioz. Ondoren, berrikusi egin beharko litzateke. Nolanahi ere, Planaren indarraldiko zazpigarren edo azken-aurren urtean, Hiri Antolamendurako Plan Nagusia behin betiko onartu eta zortzigarren urtea igaro aurretik (edo, hala badagokio, luzapena amaitu aurretik), Udalak txosten tekniko bat eskatu behar du, Plana berrikustea komeni den aztertzeko, eta administrazioko organo eskudunari aurkeztu behar dio, hark behin betiko onar dezan. Prozesua lehenago has daiteke, baldin eta hori egitea komeni bada. Irizpenen arabera, Udalak erabaki behar du Planaren indarraldia lau urtez luzatzen duen, Planaren elementuren bat aldatzen duen edo Plana berrikusten duen. Planaren indarraldia lau urtez luzatzea erabakitzen badu, hiru urte igarotakoan, aipatutako prozedura aplikatu behar du berriz.

2. Kasu hauetan besteak beste, Plan Nagusia berrikusi behar da edo, hala badagokio eta nahikoa bada Planaren eta egoera berriaren arteko disfuntzioak eta desadostasunak gainditzeko, Planaren elementuren bat aldatu behar da:

a. Elorrioko biztanleriaren urtetik urterako hazkunde begetatiboa % 2,0tik gorakoa denean lau urtez jarraian edo biztanleria 7.600 lagunekoa denean.

b. Planak xedatzen dituen etxebizitza berrien % 70 egiten denean.

c. Industriako lursailen azaleraren % 70 eraikita dagoenean. Era berean, industriako lursailek Planak industriarako xedatzen dituen lursailen % 70 eratu behar dute.

d. Plan nagusi honek hiria bilakatzeko eta lurzorua okupatzeko ezartzen duen estrategia nabarmen aldatu dela ondorioztatzen denean.

e. Agindu berriek edo legediaren edo araudiaren aldaketek (lurraldeko eta sektoreko legeek, planek, proiektuek eta xedapenek) Plan Nagusiko xedapenetan edota zehaztapenetan eragina dutenean.


8

3. Baldin eta dena delakoagatik Planak antolatzen duen lurraldearen zati baten antolamendua edota multzo homogeneo bat eratzen duten Planeko zenbait xedapen berriz aztertu behar badira, Plan Nagusiaren zati bat berrikusi behar da. Horretarako, dagokion lurralde zatiaren baldintzak eta ezaugarriak kontuan izanik, hura bere osotasunean aztertzeko eta tratatzeko aukera izan behar da, Lurzoruari eta hirigintzari buruzko 2006ko ekainaren 30eko 2/2006 Legeko 102.2. artikuluak xedatzen duenarekin bat. Bestalde, dagokion eremuaren egiturazko antolamendua azter daiteke, baina ez, ordea, udalerri osokoa.

4. Udalak uste badu aipatutako egoeraren batean dagoela, beharrezko txosten teknikoak eskatu behar ditu, Plana berrikustea komeni den ala ez aztertzeko eta, erabakiaren arabera, zer egin zehazteko. Horretarako, artikulu honetako 1. atalak xedatzen duena bete behar da.


9

LEHEN TITULUA LURZORUA HIRIGINTZARAKO SAILKATZEKO ARAUBIDEA

8. artikulua. LURZORU MOTAK

1. Lurzorua sailkatzea da, hirigintzaren egiturazko antolamenduaren bidez, lur-eremuak Lurzoruari eta hirigintzari buruzko 2/2006 Legeko 10. artikuluak xedatzen dituen lurzoru moten legezko araubidearekin lotzea. Hirigintza antolatzeko helburuetarako, lurzoru mota hauek daude Elorrioko udal-barrutian: - "Hiri-lurzorua", "lurzoru urbanizagarria" eta "lurzoru urbanizaezina".

Nagusiki, Hiri Antolamendurako Plan Nagusiko dokumentu honetako 2. eta 3. planoek mugatzen dituzte lurzoru motak.

2. Era berean, hiri-lurzoruaren eta lurzoru urbanizagarriaren barruan badira beste zenbait lurzoru mota, hurrengo artikuluek zehazten dituztenak.

9. artikulua. HIRI-LURZORUA A. Hiri-lurzoruaren definizioa

1. HIRI-LURZORUA dira indarrean dagoen hirigintza-legediak lurzorua horrelakotzat hartzeko ezartzen dituen irizpideak betetzen dituzten lurrak:

a. Gutxienez zuzkidura hau dutenak: ibilgailuentzako sarrerak, bide zolatuz osatuak eta herritarrek benetan erabiltzeko modukoak; ur-hornidura; euri-ura eta ur beltza husteko sarea; eta behe-tentsioko elektrizitate-hornidura. Zuzkidura horren neurriak, emariak, ahalmenak eta tentsioak lehendik dauden eraikinei eta hirigintza antolatzeko arauek xedatzen dituztenei zerbitzu egokia emateko adinakoak izan behar dute.

b. Nahiz eta aurreko paragrafoan aipatutako zerbitzuren bat ez izan, antolamendua finkatuta dutenak. Hain zuzen ere, lur hauek dute antolamendua finkatuta: hirigintza antolatzeko arauek eraikuntzarako egoki izendatzen duten eremuaren bi heren gutxienez eraikita dituztenak.

2. Aipatutako legediarekin bat, bi hiri-lurzoru mota daude: B. Hiri-lurzoru finkatua

1. Hiri-lurzoru finkatua da ezaugarri hauetakoren bat duen hiri-lurzorua:

- Urbanizatuta eta eraikita eta egungo egoeran finkatuta dagoena, baimendutako eraikigarritasuna txikitzeko aldaketak bakarrik egin ahal izateko moduan.

- Eraikigarria dena, eraiki gabe dagoena eta orubetzat hartzeko legezko eskakizunak betetzen dituena.

- Eraikigarria dena, eraiki gabe dagoena eta orubetzat hartzeko legezko eskakizunak betetzen ez dituena baina, indarrean dagoen legediak (bereziki, Lurzoruari eta hirigintzari buruzko 2/2006 Legeko 195.1. artikuluak) ezartzen dituen eskakizunak betetzen dituzten urbanizazio-lanak eginez gero, orubetzat har daitekeena.

- Eraikigarria ez dena, urbanizatuta dagoena eta, urbanizazioa hobetzeko lanak egitea xedatzeari kalte egin gabe, egungo egoeran finkatuta dagoena.

- Eraikigarria ez dena, hiri-bilbe finkatuaren barnean dagoena eta neurri eta kostu jakineko urbanizazio-lanak egitekoak direna.

2. Plan Nagusiko antolamenduak lurzoruaren sailkapenari buruz ezartzen dituen xedapenei kalte egin gabe, antolamendua garatzeko eta betearazteko fasean izendatu behar da hiri-lurzoru finkatua, hirigintzaren plangintzak ezartzen duen antolamendua eta antolamendua betearazteari buruzko informazio zehatzagoa kontuan izanik.


10

Hirigintzaren plangintzak lurzoru motak grafikoki edo idatziz izendatu zein ez, lurzoru motak aurreko paragrafoan azaldutako metodoari jarraituz zehaztu behar dira behin betiko, eta zehaztapenak ezin du izan inolako eraginik egiturazko antolamenduan ez gainerako antolamendu xehatuan.

Aurreko paragrafoek xedatzen dutenarekin bat lurrak "hiri-lurzoru finkatu" izendatzea hartu behar da antolamendu xehatuari buruzko zehaztapentzat.

C. Hiri-lurzoru finkatugabea

1. Hiri-lurzoru finkatugabea dira indarrean dagoen legediak hiri-lurzorua sailkatzeko ezartzen dituen eskakizunak edo lurrak "hiri-lurzoru finkatugabe" izendatzeko irizpideak betetzen dituzten lurrak.

Era berean, bi lurzoru mota daude hiri-lurzoru finkatugabearen barruan: a. Urbanizazioak gabeziak dituelako finkatu gabeko hiri-lurzorua

Urbanizazioak gabeziak dituelako finkatu gabeko hiri-lurzorua dira hirigintzaren antolamenduak lehendik dauden eraikinei edo lurzorua hiri-lurzoru finkatutzat hartu ezin izateko neurrian egitekoak direnei zerbitzu egiteko ezartzen dituen eskakizunak ez betetzeko moduan urbanizatuta dauden lurrak. Plan nagusi honetako 3. planoak edo hura garatzeko plangintza xehatuak bereizten dute zehazki lurzoru mota hau.

b. Eraikigarritasun haztatua handitzekoa delako finkatu gabeko hiri-lurzorua

Eraikigarritasun haztatua handitzekoa delako finkatu gabeko hiri-lurzorua da aurreko paragrafoko lurzoru mota ez dena eta, sestra gainean zein azpian, lehendik dagoen hirigintzarako eraikigarritasuna handitzekoa dena. Kasuan-kasuan, lursail osoaren azalera edo eraikigarritasuna hazten den lursail zatia hartu behar da kontuan lurzorua "hirigintzarako eraikigarritasuna handitzekoa delako finkatu gabeko hiri-lurzoru" izendatzeko.

2. Hirigintzaren antolamendua garatzeko eta betearazteko behin betiko fasean izendatu behar da hiri-

lurzoru finkatugabea, berdinbanaketa-proiektuaren edo are eraikuntza-proiektuaren bidez, idatziz edo grafikoki, hirigintzaren plangintzak antolamenduari buruz ezartzen dituen xedapenak eta proiektuei buruzko informazio zehatzagoa kontuan izanik

Lurzorua "eraikigarritasun haztatua handitzekoa delako finkatu gabeko hiri-lurzoru" izendatzeko helburuetarako, kontuan hartu behar da arau orokor hauetako 43.3. artikuluak industria finkatuak handitzeko aukera ematen duela baldintza jakin batzuetan.

Grafikoki edo idatziz, hirigintzaren plangintzak "hirigintzarako eraikigarritasuna handitzekoa delako finkatu gabeko hiri-lurzoru" izendatzen badu lurzorua, aurreko paragrafoan azaldutako metodoa aplikatu behar da izendapen hori behin betiko zehazteko.

Ondorioen eta plangintzaren artean sortzen diren desadostasunek ezin dute ekarri egiturazko antolamendua ez plangintzako gainerako antolamendu xehatua aldatzea.

Aurreko paragrafoek xedatzen dutenarekin bat lurrak "hiri-lurzoru finkatugabe" izendatzea hartu behar da antolamendu xehatuari buruzko zehaztapentzat.

10. artikulua. LURZORU URBANIZAGARRIA

LURZORU URBANIZAGARRIA dira plan nagusi honek hirigintzarako ezartzen dituen irizpideekin eta helburuekin bat, hirigintzarako eraldatzen badira, hiri-erabileretarako egokitzat hartzen diren eta hiri-bilbearen barruan eta hiri-bilbearen barruan egoteko moduan ere ez dauden lurrak. Era berean, lurzoru urbanizagarriaren barruan, bi lurzoru mota daude: lurzoru urbanizagarri sektorizatua eta lurzoru urbanizagarri sektorizatugabea.

LURZORU URBANIZAGARRI SEKTORIZATUKO lurretan, dagokion zatiko plana prestatzeko beharrezko sektoreak mugatzen ditu plan nagusi honek.

Nagusiki, Hiri Antolamendurako Plan Nagusiko dokumentu honetako 2. eta 3. planoek mugatzen dute lurzoru urbanizagarria.


11

LURZORU URBANIZAGARRI SEKTORIZATUGABEA dira urbanizagarritzat sailkatu diren baina Plan Nagusiak edo, hala badagokio, sektorizazio-planak sektore baten barruan ere sartzen ez dituen lurrak.

11. artikulua. LURZORU URBANIZAEZINA

LURZORU URBANIZAEZINA dira, euren berezko balioak direla-eta, indarrean dagoen legediak xedatzen duenarekin eta plan honek ezartzen dituen helburuekin eta irizpideekin bat, hiri-garapenetatik babestuta dauden lurrak. Gainera, beste irizpide batzuk hartzen dira kontuan, hala nola lurraldea antolatzeko tresnek arriskuetatik babesteko eta haiei aurrea hartzeko ezartzen duten araubide espezifikoa, sektoreko legedia, jasangarritasun-eskakizunak eta interes orokorreko beste eskakizun batzuk, ingurumen-arlokoak, ekonomia-arlokoak edo gizarte-arlokoak izan. Nagusiki, Hiri Antolamendurako Plan Nagusiko dokumentu honetako 2. eta 3. planoek mugatzen dute lurzoru urbanizaezina.

12. artikulua. JABEEN ESKUBIDEAK ETA BETEBEHARRAK, LURZORUA SAILKATZEKO ARAUBIDEAREN ARABERA

1. Lurzoruaren jabetzaren eta lurzorua sailkatzeko araubidearen arteko lotura

Lurzoruari eta hirigintzari buruzko 2/2006 Legeak eta, bereziki, Legeko 18.-27. artikuluek xedatzen dutenarekin bat, lurzoruaren jabeek hirigintza-arloan dituzten eskubideak eta betebeharrak zehazten eta mugatzen ditu hirigintzaren antolamenduak eta, sailkapenaren eta kalifikazioaren bitartez, antolamenduak xedatzen dituen erabilerekin lotzen du lurzorua. Testuinguru horretan, lurren jabeen eskubideen eta betebeharren araubidea plan nagusi honek legediarekin bat bereizten dituen lurzoru moten araberakoa da. Hain zuzen ere, lurzoru mota hauek bereizten ditu plan nagusi honek: hiri-lurzorua (finkatua eta finkatugabea), lurzoru urbanizagarria eta lurzoru urbanizaezina. 2. Hiri-lurzoru finkatuaren jabeen eskubideak eta betebeharrak

Indarrean dagoen legediak ezartzen dituen xedapenei kalte egin gabe, orubetzat hartzen ez diren lurren jabeek zera egin behar dute besteak beste:

- Hirigintza-arloan indarrean dagoen antolamenduarekin bat lurrak orube bihurtzeko egin beharreko urbanizazio-lanak egin eta ordaindu.

- Urbanizazioarekin zerikusia duten gainerako kostuak ordaindu. - Administrazioari dohainik laga zuzkidura publikoetarako lurrak.

3. Eraikigarritasun haztatua handitzekoa delako finkatu gabeko hiri-lurzoruaren jabeen eskubideak eta betebeharrak

Indarrean dagoen legediak ezartzen dituen xedapenei eta artikulu honetako 6. atalak xedatzen duenari kalte egin gabe, laga zera egin behar dute besteak beste:

- Udalerriko sistema orokorreko eremu libreetarako lurrak Udalari laga, indarrean dagoen legediak gaiari buruz ezartzen duen estandarra kontuan izanik, edo haien balio ekonomikoa ordaindu, Udalak eskura ditzan. Jabeek kasu honetan bakarrik dute betebehar hori: eraikigarritasun haztatua handitzeagatik, dagokion eremuko bizitegitarako eraikigarritasuna eta biztanleria handitzen denean.

- Udalerriko tokiko sistemetarako lurrak laga, legezko estandarrekin bat, hala badagokio, noren lurren barnean betiere, edo haien balio ekonomikoa ordaindu, Udalak eskura ditzan. Jabeek kasu honetan bakarrik dute betebehar hori: eraikigarritasun haztatua sestra gaineko hirigintzarako eraikigarritasuna handitzeagatik handitzen denean. Hau da, jabeek ez dute laga behar tokiko sistemetarako lurrik baldin eta sestra gaineko hirigintzarako eraikigarritasuna handitzen ez bada edo sestra azpiko eraikigarritasuna handitzen bada.

- Landareak aldatu edo mantendu, indarrean dagoen legediarekin bat, kasu honetan izan ezik: eraikigarritasun haztatua handitzeaz gain, dagokion eremuko hirigintzarako eraikigarritasuna ere handitzen denean. Jabeek euren lurretan bete dezakete betebehar hori, edo, bestela, beste batzuetan, plan nagusi honek Lurzoruari eta hirigintzari buruzko ekainaren 30eko 2/2006 Legea garatzen duten premiazko


12

neurriei buruzko ekainaren 3ko 105/2008 Dekretuko 3.e. artikuluarekin bat xedatzen duenarekin bat.

- Dagokion zuzkidura-jarduketaren aurretik urbanizazio- eta birpartzelazio-lanik egin behar bada jabeen lurrei dagozkien eremuetan, urbanizazio- eta birpartzelazio-lanak egiteko proiektuek ezartzen dituzten lanak eta urbanizazio-kostuak ordaindu eta, hala badagokio, lanak egin.

- Aipatutako proiektu espezifikoetako bat ere prestatzen ez bada, dagokion eremua urbanizatzeko edo berrurbanizatzeko aurrez ikusten diren lanak egiteko kostuen kuota proportzionala ordaindu. Betiere, behar bezala justifikatu behar dira kuotak.

- Gutxienez, urbanizazio-lanek etxebizitza babestuetan dituzten ondorioen kostuaren baliokidea ordaindu.

- Birpartzelazio-proiekturik prestatu behar bada, hark zehaztu eta formalizatu behar ditu aipatutako betebeharrak.

4. Urbanizazioak gabeziak dituelako finkatu gabeko hiri-lurzoruaren jabeen eskubideak eta betebeharrak

Indarrean dagoen legediak ezartzen dituen xedapenei eta artikulu honetako 6. atalak xedatzen duenari kalte egin gabe, batetik, hirigintzaren plangintzako eta, bestetik, urbanizazio-jarduketen programetako eta berdinbanaketa-proiektuetako xedapenen araberakoa da urbanizazioak gabeziak dituelako finkatu gabeko hiri-lurzoruaren jabeen eskubideen eta betebeharren araubidea. 5. Lurzoru urbanizagarriaren jabeen eskubideak eta betebeharrak

Indarrean dagoen legediak ezartzen dituen xedapenei eta artikulu honetako 6. atalak xedatzen duenari kalte egin gabe, batetik, hirigintzaren plangintzako eta, bestetik, urbanizazio-jarduketen programetako eta berdinbanaketa-proiektuetako xedapenen araberakoa da lurzoru urbanizagarri sektorizatuaren jabeen eskubideen eta betebeharren araubidea.

Hiri Antolamendurako Plan Nagusiak ezartzen dituen estrategiarekin eta gainerako baldintzekin bat, Lurzoruari eta hirigintzari buruzko 2/2006 Legeko 53. artikuluan oinarrituz, Lurzoru urbanizagarri sektorizatugabeko lurren jabeek lurrak zer sektoreren barruan egongo diren mugatzeko eska diezaiokete Udalari, eta, horretarako, Legeko 64. Artikuluak eta hurrengoek zehazten duten sektorizazio-plana onartzeko. 6. Hiri-lurzoru finkatugabea eta lurzoru urbanizagarria dohainik lagatzea eta eraikigarritasunerako

eskubidea lurzoru mota horietan

Lurzoruari eta hirigintzari buruzko 2/2006 Legeko 53. artikuluak xedatzen duenarekin bat, erkidegoak erakunde publikoen hirigintza-lanetatik sortzen den gainbalioan parte hartzeko, hiri-lurzoru finkatugabearen eta lurzoru urbanizagarriaren jabeek doan laga behar diote Udalari dagokion eremuko (edo unitateko) hirigintzarako batez besteko eraikigarritasunaren (edo, hala badagokio, eraikigarritasun haztatuaren hazkundearen) % 15i dagokion lurzorua, urbanizazio-kostuetatik libre.

Jabeek erakunde publikoen hirigintza-lanetatik sortzen den gainbalioan parte hartzeko, birpartzelazio-proiektuak lursail eraikigarri baten jabetza osoa egokitu behar die gutxienez. Birpartzelazio-proiektuak lursail eraikigarri baten jabetza osoa egokitzen ez badie, berriz, partaidetzaren balioa ordain dakieke, eskudirutan.

Desjabetze-sistemaren bidez gauzatzekoak diren jarduketa integratuei dagokienez, erkidegoak hirigintza-lanetatik sortzen den gainbalioan parte hartzeko, balioa eskudirutan ordain dakieke, baina, horretarako, aurrez, jabeek erakunde publiko desjabetzailearekin adostu behar dute, lurzoru-ondare publikoari buruzko araudiari kalte egin gabe betiere.

Zuzkidura-jarduketei dagokienez, berriz, erkidegoak hirigintza-lanetatik sortzen den gainbalioan parte hartzeko, balioa eskudirutan ordain dakieke.


13

BIGARREN TITULUA LURZORUA HIRIGINTZARAKO KALIFIKATZEKO ARAUBIDEA

1. KAPITULUA HIRIGINTZARAKO ERABILERAK

13. artikulua. HIRIGINTZARAKO ERABILEREN SISTEMATIZAZIOA ETA ARAUDI

OROKORRA 1. Oinarrizko erabilera orokorren zerrenda

Oro har, plan nagusi honek hirigintzarako erabilera hauek bereizten ditu funtsean: I ...........Bizitegiak

II ........... Jarduera ekonomikoak III ..........Erkidegoarentzako ekipamendua

IV..........Eremu libreak V...........Komunikabideak eta garraiobideak

VI..........Azpiegiturak eta zerbitzuak VII.........Landa

2. Erabileren sailkapena, bateragarritasunaren arabera

a. Hiri-antolamendurako plan nagusi honek hirigintza antolatzeko ezartzen dituen arauek kalifikazio orokorreko eta kalifikazio xehatuko zenbait eremu mugatzen dituzte. Hirigintzarako erabilerak haietan kokatzeko prozedura arautzearen ikuspegitik, honela sailka ditzakegu erabilerak funtsean:

- Ohikoak Ohiko erabilerak dira, eremuaren barnean eraikitako azaleraren (tartean, erabilera osagarrietarako eraikitakoaren), kantitate jakin baten edo gainazal mota jakin baten azaleraren gehiengoa osatzen dutelako, dagokion eremuan nagusi diren edo sustatzen diren erabilerak.

- Baimendutakoak, bateragarriak edo onargarriak Erabilera baimendu, bateragarri edo onargarriak dira nagusi ez diren baina dagokion eremuan nagusi diren erabilerekin edo eremuaren funtzioarekin bateragarri edota haren osagarri diren erabilerak.

- Debekatutakoak Erabilera debekatu edo onartezinak dira dagokion eremuaren izaerarekin eta funtzioarekin bateraezinak diren erabilerak.

b. Erabilera motak zehazkiago sistematizatze eta arautze aldera, erabilera hauek gehitu behar zaizkio aurreko sailkapenari:

- (Erabilera jakin batekin) Parekagarriak Erabilera parekagarriak dira, beren izaera eta gainerako erabileretan duten eragina direla medio, erreferentziazko erabileraren antzekoak diren erabilerak. Adibidez, gasolina-zerbitzugune bat industriarako erabilerarekin edo komunikabide-sistemarako erabilerarekin pareka daiteke.

- Osagarriak Erabilera osagarriak dira beste erabilera batzuei zerbitzu egiten dietenak, baldin eta haien azalera ez bada handiagoa beste erabilerena (lurzoruarena edo eraikitakoa) baino, lursail berean badaude eta beren funtzioa erabilera nagusiarekin bat badator, eta berariaz erabilera osagarritzat hartzen direnak. Esaterako, trastelekuak, ezkaratzak, instalazio-gelak eta garajeak etxebizitzatarako erabileraren osagarri dira.

- Autonomoak Erabilera autonomoak dira bereiz ezartzen direnak (hau da, osagarritzat hartzen ez direnak). Hala ere, litekeena da osagarritzat baimentzea eta, aldi berean, autonomotzat debekatzea, berariaz adierazten diren eremu edo egoeretan.


14

Bere izaera dela medio osagarritzat har daitekeen erabilera bat autonomotzat hartu behar da baldin eta erabilera horretarako eraikitako azalera handiagoa bada zerbitzu egiten dion erabilerarako eraikitako azaleraren heren bat baino.

c. Eremu jakin batean erabilera bat ohiko edo sustatutzat edo baimendutzat hartuz gero, eremu horretan dagozkion erabilera parekagarriak koka daitezkeela jo behar da inplizituki, berariaz besterik adierazten ez bada betiere.

d. Kalifikazio orokorreko eremuetan, baldin eta kalifikazio orokorraren araubideak, kalifikazio xehatuaren araubideak edota hiri-antolamendurako plan nagusi honetako arau partikularrek besterik adierazten ez badute berariaz, erabilera edo jabari publikoko eremuetan baimendutako erabileratzat hartu behar dira azpiegituretarako eta zerbitzutarako erabileraren barruko erabilerarik arrunt eta soilenak, hala nola instalazio-sareak, oinezkoentzako bideak, ibilgailuentzako bideak, baimendutako erabilerei zerbitzu egiteko aparkalekuak, eremu libreak eta erkidegoarentzako ekipamendua. Erabilera horiek guztiek jabari publikoaren araubidearen barnean egon behar dute, salbuespenak salbuespen.

3. Aurrez ikusi gabeko erabilerak

Hiri-antolamendurako plan nagusi honek sistematizatzen dituen erabilera orokorrek eta xehatuek zerrenda eta definizio irekia osatzen dutela jo behar da, ez dutela erabilera bat ere baztertzen, eta, horregatik, analogia bidez, zerrendaren barnean ez dauden beste erabilera batzuk sailka ditzake Udalak. Hain zuzen ere, irizpide analogikoan oinarrituz, arau subsidiario hauetako erabileren zerrendan berariaz agertzen ez diren erabilerak baimendu edo debeka ditzake eremu edo lursail jakin batzuetan.

4. Baimendutako erabilerei aplikatu beharreko beste baldintza batzuk

a. Beren neurria edo ezaugarriak direla medio, erabilerek eta eraikinek arazo funtzional berezi edo nabarmenak (bideekin, aparkalekuekin, zamalanekin, paisaiaren gaineko eraginarekin, lur-erauzketarekin... zerikusia dutenak) sorrarazten badituzte antolamendu xehatua garatzeko eta arazo horiek (saltoki handiek, ibilgailuak konpontzeko lantegiek, txatar- eta material-biltegiek...) dagokion eremurako edo inguruko eremuetarako finkatutako helburuak eta baldintzak eragozten badituzte argi eta garbi edo haiekin nabarmen bateraezinak badira, berezitzat edo neurri eta eragin berezikotzat kalifika daitezke; debekatutakotzat har daitezke, eta horrelakoak kokatzea mugatu; edo baldintza eta betebehar bereziak ezar daitezke dagokion lizentzia emateko, nahiz eta plangintzak oro har baimendu.

b. Hirigintzarako erabilera bat baimendutakotzat hartzeak ez du esan nahi administrazioak erabilera hori kokatzea eta garatzea baimentzeko aplikatu beharreko gainerako araudia bete behar ez denik. Legediak edo araudiak agintzen duen kasuetan, gainera, izapide espezifiko batzuk egin behar dira dagokion lizentzia lortzeko.

14. artikulua. HRIGINTZARAKO ERABILEREN ZERRENDA ETA EDUKIA

Dagokion bateragarritasun-araubidearekin bat, erabilera orokorretarako eremuek eta arau partikularretako planoekin eta orri grafikoekin bat kalifikazio xehatua duten lursailek eta sistemek hauetako erabileraren bat hartu behar dute barnean, baita plangintza garatzetik sortzen direnek ere:

I. BIZITEGITARAKO ERABILERAK

Bi bizitegi mota bereizten dira: ETXEBIZITZA (I.a) ETA EGOITZA KOLEKTIBOA (I.b).

I.a. ETXEBIZITZA

1. Definizioa eta motak

Etxebizitza da banako, familia edo talde bat bere kasa bizitzeko bakarrik erabiltzen den eraikin bat edo haren zati bat, hamar pertsona kabitzen dituena gehienez ere okupatutako unitateko. Etxebizitza batean zenbat pertsona kabitzen diren kalkulatzeko, batentzako oheen (0,70 eta 1,30 m arteko zabalera dutenen) eta birentzakoen (1,30 m baino zabalago direnen) kopurua hartzen da oinarri. Bizitegitarako bi lokal mota bereizten dira:

- Etxebizitzatarako lokala (etxebizitza)


15

Etxebizitza da bi logela edo gehiago, egongela, sukaldea eta bainugela dituen eta 50 m2-ko azalera erabilgarria baino handiagoa duen bizitegitarako lokala.

- Apartamentutarako lokala (apartamentua) Apartamentua da jateko eta egoteko gela, bainugela eta logela bakarra dituen eta 30 eta 50 m2 arteko azalera erabilgarria duen bizitegitarako lokala.

- Bizitegitarako lokalen gutxieneko neurria Plangintzaren helburuetarako eta eraikitzeko, bizitzeko eta lehendik dauden etxebizitzak zatitzeko lizentziak eskuratzeko helburuetarako, etxebizitza edo apartamentu berriek inola ere ezin dute izan 30 m2-ko azalera erabilgarria baino txikiagoa.

- Bizitegitarako lokalak zatitzea Etxebizitzak zatitu egin daitezke, hirigintza-eremu bakoitzeko arau partikularrek ezartzen dituzten eskakizunak, udal-ordenantzak eta eskakizun orokor hauek betetzen badira betiere: - Etxebizitzak zatitzetik sortzen diren bizitegitarako lokalen (etxebizitzen eta apartamentuen)

kopurua ezin da izan handiagoa arau partikularrek eta udal-ordenantzek hirigintza-eremu bakoitzean baimentzen duten gehieneko kopurua baino.

- Etxebizitzak zatitzetik sortzen diren bizitegitarako lokalak inola ere ezin dira izan txikiagoak arau orokor hauek gutxienekotzat ezartzen dituztenak baino.

- Etxebizitzak zatitzetik sortzen diren bizitegitarako lokalek (apartamentuek edota etxebizitzek) eremu bakoitzari eta eraikin mota bakoitzari buruzko araudi teknikoak eta segurtasun-, osasungarritasun-, higiene-, ibilerraztasun- eta independentzia-araudiak ezartzen dituzten eskakizun guztiak behar dituzte eta, betiere, udal-ordenantzekin bat edo, bestela, babes ofizialeko etxebizitzak diseinatzeko indarrean dagoen araudiarekin bat etorri behar dute.

- Eraikinak Alde Zaharreko bizitegiak edo baserriak badira edo Euskal kultur ondareari buruzko 7/1990 Legearekin eta kultur ondarearen katalogoekin bat ezarritako babes-araubideak aplikatu behar badira, bizitegitarako lokalek bete beharreko eskakizunak berrikusi egin daitezke, baldintzen arabera eta are aplikatu beharreko legezko edota arauzko perdoien arabera.

2. Etxebizitzatarako erabileraren kategoriak

Eraikin motaren arabera, hauek dira lursail bateko etxebizitzatarako erabileraren kategoriak:

- Etxebizitzatarako erabilera – A kategoria

Lurzoru librean atxikitako lursail bateko eraikin bakartua, etxebizitza bat eta lau etxebizitza artekoa.

Era berean, bi azpikategoria daude kategoria honen barnean:

- A-1 kategoria. Lursaileko etxebizitza bateko edo biko (gehienez ere, lau apartamentuko) eraikin bakartua.

- A-2 kategoria. Lursaileko bi eta lau etxebizitza arteko (gehienez ere, sei apartamentuko) eraikin bakartua.

- Etxebizitzatarako erabilera – B kategoria Lursaileko lau etxebizitza edo sei apartamentu edo gehiagoko eraikin bikoitza, jabetza horizontalaren araubideaz kanpokoa.

- Etxebizitzatarako erabilera – C kategoria Lursail edo funts batean solairuetan banatutako etxebizitza kolektiboen eraikina, jabetza horizontalaren araubidearen barnekoa.

- Etxebizitzatarako erabileraren erabilera osagarriak Ezkaratzak eta sarbide komunak. Biltegi txikiak, trastelekuak, instalazio-gelak, esekitokiak eta 40 m2-ko azalera erabilgarria baino txikiagoa duten lokal komunak. Lorategi pribatuak. Kirol-instalazio pribatu txikiak: igerilekua, frontoia, tenis-zelaia... 1. eta 2. kategoriako bizitegiekin zuzeneko lotura duten garajeak eta aparkalekuak. Erregaia biltzeko etxeko deposituak. Erabilera xehatuari buruzko baldintzek arautu behar dute haiek kokatzeko modua, eta, betiere, sektoreko eta erabilera espezifikoei buruzko baldintza teknikoak bete behar dira.


16

- Etxebizitzatarako erabilerarekin pareka daitezkeen erabilerak 1.a. kategoriako industriarako erabilerak eta gehienez ere hamar bezero har ditzaketen edo batentzako hamar ohe dituzten apopilo-etxeak. Profesionalen bulego txikiak.

I.b. EGOITZA KOLEKTIBOA

1. Definizioa

Egoitza kolektiboa da familiarteko harremanik ez duten baina beste harreman sozial, erlijioso edo ideologiko bat duten taldeen bizitegia. Adibidez, hauek egoitza kolektiboak dira:

Ikasleen eta gazteen egoitzak, zaharren egoitza edota atseden-etxe partikularrak, aterpeak, babes-etxeak, komentuak eta elkarteak.

Era berean, egoitza kolektiboak dira familiarteko harremanik ez duten baina beste harreman sozial, erlijioso edo ideologiko bat duten taldeen bizitegitarako erabileraren antzeko erabilerak, hamar lagunetik gora kabitzen badituzte unitateko –bizitegi batean zenbat pertsona kabitzen diren kalkulatzeko, batentzako oheen (0,70 eta 1,30 m arteko zabalera dutenen) eta birentzakoen (1,30 m baino zabalago direnen) kopurua hartzen da oinarri–, laguntzea helburu ez badute eta titulartasun pribatukoak badira, baita alokairuko apartamentuen eraikinak ere, unitate bat osatzen badute eta erregistroek egiaztatzen badute ezinezkoa dela horizontalean zatitzea.

Azalera eraikia 500 m2-tik gorakoa bada, neurri bereziko erabileratzat hartu behar dira, eta arau partikularrekin bat erabilera xehatu espezifikoa duen lursail batean kokatu.

2. Erabilera osagarriak eta parekagarriak

Erabilera osagarriak etxebizitzei buruz aipatutako berberak dira, apopilo-etxetarako erabilera izan ezik. Erabilerak parekatzeko, berriz, bizitegiko bertako langileek, biztanleek eta titularrek aritu behar dute dagokion jardueran.


17

II. JARDUERA EKONOMIKOETARAKO ERABILERAK

Hiru multzotan sailkatzen dira jarduera ekonomikoetarako erabilerak: industriarako erabilera, biltegitarako erabilera eta hirugarren sektorerako erabilera.

II. a. INDUSTRIARAKO ERABILERAK

1. Industriarako erabileren esparrua

Industriarako erabilerak dira artisautza eta lehengaiak eskuratzeko eta eskuztatzeko jarduerak, lehengaien eraldaketa, ontziratzea, biltegiratzea, garraioa, banaketa eta konponketa. Oro har, industriarako erabileren barruan daude jarduera hauek ere: erabiltzen, eskuztatzen edo zerbitzatzen diren materialak, erabiltzen diren elementu teknikoak edo ibilgailuak sartu eta erabili beharra direla medio, pertsonak gogait edo arriskuan jar ditzaketenak edo ondasunei kalte egin diezaieketenak.

Era berean, industriarako erabilerak dira ekoizteko beste jarduera batzuk: - Ibilgailuak, makinak, tresnak eta nolanahiko gailuak konpontzeko lantegiak. - Txikizkako salmentarako erregai-deposituak eta -biltegiak. - Makinen, txatarraren, ibilgailuen eta materialen kanpoko biltegiak eta deposituak. - Landareak eta loreak hazteko mintegi finkoak, egitura egonkor edo zurrunekoak, zoladunak,

lurrarekin loturarik ez dutenak edo landareak eta loreak lurrean bertan hazten ez dituztenak.

Industriako ekoizpenerako jarduerez gain, industriarako erabilerak dira pertsonei eta ondasunei traba edo kalte gutxi edo batere egiten ez dieten beste jarduera batzuk. Horietako zenbait ikerketarekin eta balio erantsi handiko produktuekin lotuta daude, hala nola ekoizpenerako, analisirako, ikerketarako eta antzeko beste jarduera batzuetarako laborategiak eta askotariko zentroak.

Ohiko erabileratzat industriarako erabilera duten lokaletan edo lursailetan kokatzeko, merkataritzako edo, oro har, hirugarren sektoreko funtzioak betetzen dituzten industriako jarduerak jarduera bakartzat hartu behar dira. Horrek ez du esan nahi, aipatutako erabilerei aplikatu beharreko araudiaren helburuetarako, erabilera horietarako eremu espezifikoak bereiz kalifikatu ezin direnik.

2. Industriarako erabileren kategoriak

Baimendutako erabilerak zehazki zerrendatzeari kalte egin gabe, industriarako erabilerak hirigintzaren antolamenduan sartzearen eta hirigintzan duten eraginaren ikuspegitik, kategoria hauetan sailkatzen dira industriarako erabilerak, gainerako jarduerentzat edo ingurumenarentzat gogaikarriak, deserosoak, kaltegarriak, osasungaitzak edo arriskutsuak diren kontuan hartuz:

- Industriarako erabilera – 1.a. kategoria

Kategoria hau osatzen dute batere gogaikarri edo arriskutsuak ez diren industriako eta artisautzako jarduera kaltegabe txikiek, baldin eta haietarako erabiltzen den azalera 125 m2 baino txikiagoa bada. Etxebizitzatarako, hirugarren sektorerako eta erkidegoarentzako ekipamendutarako erabileren parekoak dira eta, hortaz, erabilera nagusitzat horietako bat duten lokaletan eta lursailetan koka daitezke. Besteak beste, etxean egin daitezkeen jarduerak daude kategoria honen barnean, hala nola joskintza, moda-sorkuntza, jantzigintza, argazkilaritza, arte plastikoa (eskultura izan ezik), ile-apainketa, estetika eta antzeko beste batzuk, eta badira mugak. Hain zuzen ere, aipatutako azalera baino txikiagoko lokal edo eremuetan dauden baina, su-karga kontuan izanik besteak beste, gogaikarri edo arriskutsuak izan daitezkeen industriarako erabilerak ez daude kategoria honen barnean.

- Industriarako erabilera – 1.b. kategoria

Kategoria hau osatzen dute bizitegitarako, hirugarren sektorerako edo erkidegoarentzako ekipamendutarako erabilerekin bateragarriak diren industriako eta artisautzako jarduerek, baldin eta, usainen, hautsaren eta gasen, zarataren eta bibrazioen ondorioz bereziki, gogaikarriak, kaltegarriak, osasungaitzak edo arriskutsuak ez badira inguruko erabilerentzat eta jarduera gogaikarriei, osasungaitzei, kaltegarriei eta arriskutsuei buruzko araudia bete behar badute.


18

Jarduera txikiak dira kategoria honetakoak, hala nola oinetako-konponketa, planoen eta fotokopien erreprodukzioa, brikolajea eta zerbitzutarako artisautza, igeltserotza, zurgintza, iturgintza, elektrizitatea, ibilgailu-konponketa eta antzeko beste batzuk, eta badira mugak:

. Instalazioko gehieneko sabai-azalera: 250 m2 erabilgarri.

. Unitateko gehieneko potentzia: 4 kW tresnako eta, guztira, 20 kW

. Instalatutako gehieneko potentzia: 0,135 ZP / m2 e Kategoria honetako erabilerak baimendutakotzat hartu behar dira bizitegitarako eta hirugarren sektorerako eremuetan eta lursailetan, eta hiri-lurzoruan eta urbanizatzeko egokia den lurzoruan erabilera nagusitzat aipatutako bat duten lokal edo eraikinetan koka daitezke, baldin eta beheko solairuetan edo erdisotoetan badaude, arau partikular edo ordenantza batek besterik xedatzen ez badu betiere. Euren sarrerak izan behar dituzte, eta ziurtatu behar da inguruko etxebizitzak eta erabilerak behar bezala babestuta daudela instalazioaren jarduera gogaikarri, osasungaitz, kaltegarri eta arriskutsuen kontra.

- Industriarako erabilera – 2. kategoria

Kategoria hau osatzen dute bizitegitarako, hirugarren sektorerako eta zuzkiduratarako erabilerekin bateragarriak diren industriako jarduerek, baldin eta industriarako erabilera xehatuko lursailetan 1.000 m2 baino gutxiago okupatzen duten eraikuntza-unitate edo eraikinetan badaude. Era berean, kategoria honen barnean daude "belaunaldi berriko" delako industriarako jarduerak eta instalazioak. Balio erantsi handiko ondasunak (doitasun-tresnak, ondasun berritzaileak, elektronikoak, laborategikoak...) ekoizten dituzte eta, horrez gain, garbiak dira, edo oso gutxi kutsatzen dute; zarata gutxi egiten dute; eta, oro har, inguru atseginean egoten dira, kalitateko giroa, urbanizazioa eta diseinua izaten dute eta ongi eginda daude. Industriarako kalifikazio orokorra duen lurzoruan badaude, "belaunaldi berriko" industrien sabai-azalera eta instalatutako gehieneko potentzia ez daude mugatuta, arau partikularrek mugatzen ez badituzte betiere. Era berean, hirugarren sektorerako kalifikazio orokorra duen lurzoruan erabilera xehatu espezifikoko lursailetan koka daitezke "belaunaldi berriko" industriak, baita bizitegitarako kalifikazio orokorra duen lurzoruan ere salbuespen gisa, arau partikularrek azalerari eta beste ezaugarri batzuei buruz ezartzen dituzten mugen barnean betiere.


- Kategoria hau osatzen dute, 1. eta 2. kategorietakoak izateko eskakizunen bat betetzen ez dutelako, bi kategoria horietatik kanpo dauden edo, eragozpenak gutxitzeko neurriak hartu arren, inguruko bizitegitarako, hirugarren sektorerako edo erkidegoarentzako ekipamendutarako erabilerei gogait eragin diezaieketen industriako jarduerek. Oro har, kategoria honen barruan daude jarduera hauek ere: eragina txikiagotzeko neurriak hartu arren, aipatutako erabileraren batekin bateragarriak ez direnak eta jarduera nagusi asko edo ibilgailuen zirkulazio handia (adibidez, maniobrak, zamalanak, biltegiratzea eta aparkatzea) dakarten eta inguruko erabilera edota eremuetan eragina dutenak. Kategoria honetako industrian instalatutako gehieneko potentzia ez dago mugatuta, sektoreko araudiak mugatzen ez badu betiere. Industriarako bakarrik kalifikatutako lurzoruan kokatu behar da 3. kategoriako industria, lehendik baimendu diren industriak izan ezik.

- Hiru multzo bereizten dira kategoria honetako industriaren barruan:

- 3.a. kategoriako industriak ("industria txikia"). Industria txikiak eta ertainak dira –eraikuntzak ezin du okupatu 4.000 m2 baino gehiago atxikitako lursail bakoitzeko–; 1. eta 2. kategorietatik kanpo daude; eta ez dira bateragarriak inguruko erabilerekin, jarduerekin eta instalazioekin, dela gatazka funtzionalak sortzen direlako edo dela kaltegarriak, osasungaitzak edo gogaikarriak direlako eragina txikiagotzeko neurriak hartu arren. Horregatik, industriarako bakarrik diren lekuetan bakarrik egon daitezke.

- 3.b. kategoriako industriak ( "industria ertain eta handia"). Industria ertain edo handiak dira –eraikuntzak 4.000 m2 baino gehiago okupa dezake atxikitako lursail bakoitzeko–, eta ez dira bateragarriak inguruko erabilerekin, jarduerekin eta instalazioekin, dela gatazka funtzionalak sortzen direlako edo dela kaltegarriak, osasungaitzak edo gogaikarriak direlako eragina txikiagotzeko neurriak hartu arren. Horregatik, industriarako bakarrik diren lekuetan bakarrik egon daitezke.


19

3.b. kategoriako industrietan, zaintzailearen etxebizitza bakarrik jar daiteke, azalera erabilgarria 90 m2-tik beherakoa bada betiere, hiri-antolamendurako plan nagusi honetako eta arau partikular bakoitzeko baldintza espezifikoekin bat.

- 3.c. kategoriako industriak ("eragin bereziko industria"). Tamaina dena delakoa ere, ezaugarri bereziak dituzte, gogaikarriak, kaltegarriak, osasungaitzak edo arriskutsuak direlako inguruko edozein erabilerarentzat (bereziki, etxebizitzatarako erabilerarentzat). Sektoreko araudiari jarraiki kalifikatu behar dira, eta Hiri Antolamendurako Plan Nagusiak berariaz adierazten dituen lurretan bakarrik koka daitezke, eragina txikiagotzeko neurriak eta segurtasun-neurriak hartuta betiere.

- Gasolina-zerbitzuguneak hirugarren sektorerako edo merkataritzarako erabileren artean daude, baina industriarako II.a. erabileraren 3.a. kategoriako industriekin parekatzen dira, eta ohiko erabileratzat industriarako edo hirugarren sektorerako erabilera duten kalifikazio orokorreko edo kalifikazio xehatuko lurretan egon daitezke, hiri-antolamendurako plan nagusi honek eta hura garatzeko plangintzak berariaz baimentzen badute betiere.

Komunikabidetarako erabilerekin ere parekatzen dira zerbitzuguneak eta, hortaz, komunikazio-sistemako edozein lekutan jar daitezke, lurzoru urbanizaezinean, sektoreko araudiarekin eta bideak ustiatzeko araudiarekin bat. Hiri-lurzoruan, lurzoru urbanizagarrian eta haien inguruan, berriz, mugatuta edo are debekatuta dago erabilera hori, kasu honetan izan ezik: plangintzak, ingurumena babesteko aplikatu beharreko araudiak edo, hala badagokio, eraikuntzari eta urbanizazioari buruzko ordenantzek baimentzen dutenean.

- Industriarako ez den kalifikazio orokorreko edo kalifikazio xehatuko lurretan lehendik dauden industriek plangintzako, hiri-antolamendurako plan nagusi honetako arau orokorretarako eta arau partikularretako eta eraikuntzari eta urbanizazioari buruzko ordenantzetako xedapen espezifikoak bete behar dituzte, ingurumena babesteko aplikatu beharreko araudiarekin bat hartu beharreko neurriak hartzeari kalte egin gabe.


- Kategoria hau osatzen dute batez ere lurzoru urbanizaezinean dauden industriako jarduerek, baldin eta nekazaritza eta abeltzaintzarekin eta basogintzarekin, erauzketarekin, herri-lanekin edo hiri-lurzoruan kokatzen zailak diren beste jarduera batzuekin lotuta badaude.

Azpikategoria hauek daude kategoria honen barnean:

- 4.a. Nekazaritzako industriak

Industriek okupatzen duten azalera edo sabai-azalera ustiategiko 2.000 m2-tik beherakoa da, eta industriak landa-ingurunearekin lotuta daude ezinbestean, nahiz eta ez duten zertan nekazaritza eta abeltzaintzako ustiategi tradizional batekin (adibidez, baserriarekin) zuzenean lotuta egon. Kategoria honen barruan daude nekazaritzarako instalazio industrializatuak eta are zerealak eta beste produktu batzuk gordetzeko biltegiak, kasu honetan izan ezik: tamaina eta instalazioak bereziak direla eta, industriarako beste eremu batzuetan kokatu behar direnean, lurzoru urbanizaezinari buruzko xedapenekin bat. Ustiategiko etxebizitza bat izan daiteke, baldintza espezifikoekin bat.

- 4.b. Erauzketa-industriak

Kategoria honen barruan daude kanpoko eta lurpeko harrobiak eta meategiak; ura, lurruna eta hidrokarburoak erauzteko industriak; eta horiei guztiei dagozkien erabilera osagarriak, hala nola harrobiko agregakinak erabiliz hormigoia eta asfaltozko produktuak ekoizteko instalazioak. Instalazio osagarriek harrobietan eta meategietan egon behar dute nahitaez. Ezin da jarri etxebizitzarik.

- 4.c. Herri-lanak egiteko industriak

Komunikazio-sistemak, azpiegiturak eta beste herri-lan batzuk egiteko eta mantentzeko eta horiei zerbitzu egiteko industriak dira. Komunikazio-sistemarekin (bide-sistemari atxikitako erabilerekin) pareka daitezke. Ezin da jarri etxebizitzarik.


20

- 4.d. Eragin berezia duten industriak Erabilera arriskutsuak edota ingurune fisikoari eta ingurumenari kalte egin diezaioketenak dira, hala nola txatar-biltegiak, ibilgailuen hilerriak eta hormigoia ekoizteko instalazioak. Kategoria honetako erabilerak kokatzeko, zer-nolako eragina izango duten analizatzeko azterketa bat egin behar da aurrez. Gainera, berariaz kalifikatutako eremuetan bakarrik koka daitezke kategoria honetako erabilerak, salbuespen gisa, muga askoren barnean.

- 3.a., 3.b. eta 3.d. kategorietako industriak lurzoru urbanizaezinean kokatzeko, beharrezkoa da lurren berariazko kalifikazio xehatua adieraztea.

- Industriarako erabileraren erabilera osagarriak

Hauek dira erabilera nagusitzat industriarako erabilera duten eremuetako erabilera osagarriak: Administrazioko bulegoak, laborategiak, kalkulu-zentroak eta enpresei zerbitzu egiteko zentroak, zerbitzutarako instalazioak, langileentzako garajeak, ibilgailu eta makina-parkeak, produktuen biltegiak eta erakustokiak... eta kafetegiak eta jatetxeak. Betiere, industriarako erabileren erabilera osagarriek industriako jarduera nagusirako beharrezkoak izan behar dute. Bestela, erabilera autonomotzat hartu behar dira, eta xedapen espezifikoekin bat arautu. Baimendutako erabilera osagarrien zerrendatik kanpo daude erakusgai dauden produktuen zuzeneko salmenta eta zaintzaileen etxebizitzak, berariaz arautu eta baimendu behar baitira.

3. Industriarako erabilerak izendatzeko eta arautzeko erreferentziak

a. Industriarako erabilerak kategoriatan sailkatzeko, kontuan hartzen da erabilerak deserosoak, kaltegarriak, osasungaitzak edo arriskutsuak diren baimendutako beste erabilera batzuentzat edo ingurunearentzat eta, oro har, ingurumenarentzat.

b. Industriako jarduera bat industriarako erabilera jakin bati atxikitzeko, hauek balioztatu behar dira oro har, baita instalatutako gehieneko potentzia ere:

- Eragozpenak - Zarata, lokalaren beraren kanpoaldean eta gehien entzuten den inguruko lokaletan. - Beroa. - Bibrazioak. - Hautsa. - Hondakin-ura. - Industriako hondakinak. - Salgaien zamalanak. - Aparkatzeko beharrak. - Ageriko instalazioak eta biltegiak. - Langile-piloak.

- Kaltegarritasuna eta osasungaiztasuna - Gas kutsagarriak, toxikoak eta osasungaitzak. - Hondakin-ur kutsagarria, toxikoa edo osasungaitza. - Materia toxikoak. - Erradiazioa. - Hondakin solido kutsagarriak, toxikoak edo osasungaitzak.

- Arriskugarritasuna - Material erregaiak, sukoiak eta lehergaiak. - Presio arriskutsupeko ekoizpen-prozesuak eta ontziak. - Erasotzaile kimikoak isurtzeko eta jariatzeko arriskua. - Su-karga.


21

c. Jarduera batean instalatutako potentzia da elementu mekaniko higigarriak dituzten makina finko guztien potentzia, ZPtan. Hau da, aire-erauzgailuen, igogailuen eta antzeko beste instalazio mekaniko batzuen potentzia ez da kontuan hartzen instalatutako potentzia kalkulatzeko, haien helburuak ez baitu zerikusirik jardueraren beraren helburuekin, baizik eta lokalaren funtzionamendua eta giroa hobetzearekin, langileek eta erabiltzaileek balia dezaten. Hala ere, litekeena da instalazio osoaren potentzia txikiagotzeko neurriak hartu behar izatea instalazio horietan ere.

d. Kasuan-kasuan, gaiaren gaineko eskumena duen administrazioak zehaztu behar du gehienez egin daitekeen zarata, eta zaratari buruz indarrean dagoen legedia bete behar da betiere.

e. Industriarako erabilerak kategoria jakin bati atxikitzeko helburuetarako, zamalanak egiteko edo, ibilgailuak konpontzeko lantegietan, ibilgailuak gordetzeko barruti itxien azalera kontuan hartu behar da betiere. Garaje osagarritarako erabiltzen diren lokalen azalera, aldiz, ez da hartu behar kontuan.

II.b. BILTEGIAK

Produktuak gordetzeko, kontserbatzeko eta banatzeko eremuak eta lokalak dira biltegiak. Ez dituzte eraldatzen produktuak, eta fabrikatzaileei eta instalatzaileei, saltzaileei eta banatzaileei bakarrik banatzen dizkiete. Produktuak erakuts ditzakete, baina ezin dituzte oro har saldu.

Biltegiez gain, produktuak lehortzeko, garbitzeko, ehotzeko, nahasteko, ebakitzeko, zerratzeko eta sailkatzeko instalazioak eta makinak ere egon daitezke, baldin eta haien helburua ez bada produktuak eraldatzea, baizik eta produktuak prestatzea. Errepideko garraio-agentzien jarduna ere biltegitarako erabileraren barnean dago.

- Biltegitarako erabileren kategoriak

Baimendutako erabileren zerrenda zehatza osatzen duten erabilera motei kalte egin gabe, industriarako erabilerak hirigintzaren antolamenduan sartzearen eta hirigintzan duten eraginaren ikuspegitik, kategoria hauetan sailkatzen dira biltegitarako erabilerak, gainerako jarduerentzat edo ingurumenarentzat gogaikarriak, deserosoak, kaltegarriak, osasungaitzak edo arriskutsuak diren kontuan hartuz:

- Biltegitarako erabilera – 1.a. kategoria Kategoria honen barruan daude biltegi txikiak eta bizitegitarako, hirugarren sektorerako edo erkidegoarentzako ekipamendutarako erabilerekin lotuta dauden edo haien osagarri diren erabilerak, baldin eta gogaikarriak, kaltegarriak, osasungaitzak edo arriskutsuak ez badira etxebizitzentzat eta aipatutako gainerako jarduerentzat: bulegoak, saltokiak, jolaserako erabilerak, erabilera publikoak... Hori dela eta, ez da beharrezkoa jarduera gogaikarriei, osasungaitzei, kaltegarriei eta arriskutsuei buruzko espedientea bideratzea. Betiere, sabai-azalerak 200 m2-tik beherakoa izan behar du. Besteak beste, erabilera hauek daude kategoria honen barruan: Trastelekuak eta ganbarak, ikaztegiak eta egurtegiak; dendetako, bulegoetako eta zerbitzuetako artxibategiak eta biltegiak; industriarako 1. kategoriako biltegiak; etab. Horiek guztiek beheko solairuetako, erdisotoetako edo sotoetako lokaletan egon behar dute, arau partikularrek eta ordenantzek besterik xedatzen ez badute betiere. Kasu jakin batzuetan, arau subsidiario hauek berariaz baimentzen badute erabilera jakin batzuetarako, sotoetan, behegainetan, lehen solairuan eta estalkipeko solairuan ere egon daitezke. Kategoria honetako erabilerak bizitegitarako eta hirugarren sektorerako erabileren parekotzat hartu behar dira, eta hiri-lurzoruan eta urbanizatzeko egokia den lurzoruan erabilera nagusitzat aipatutako bat duten lursail, lokal edo eraikinetan koka daitezke, arau partikular edo ordenantza batek besterik xedatzen ez badu betiere.

- Biltegitarako erabilera – 1.b. kategoria Kategoria honen barnean daude baimendutako jarduera xehatu baten mendeko biltegitarako erabilera osagarriak, baldin eta jarduera horren eraikinari dagokion lursail berean edo eraikin horretako lokal batean badaude, edo jarduera horren eraikinari dagokion lursailaren edo eraikin horren mugakide den edo harengandik hurbil dagoen lursail edo lokal batean, harekin lotuta. Ezin dira izan gogaikarriak, kaltegarriak, osasungaitzak edo arriskutsuak inguruko etxebizitzentzat eta inguruko gainerako erabilerentzat eta, eragina txikiagotzeko neurriak hartzeko helburuetarako, jarduera gogaikarriei, kaltegarriei, osasungaitzei eta arriskutsuei buruzko araudia bete behar dute.


22

Azalera eraikia (sabai-azalera) 200 eta 1.500 m2 artekoa izan daiteke. 1.500 m2-tik gorakoa bada, 2. kategoriaren barruan sartu behar dira biltegiak. Kategoria hau osatzen dute, adibidez, bizitegitarako edo hirugarren sektorerako eremuetan baimendutako saltokietako biltegiek, industriako biltegi osagarriek eta abarrek. Lursail bakoitzean kategoria honetako biltegietarako eraikitako gehieneko azalera ezin da izan handiagoa jarduera nagusirako eraikitako azaleraren % 50 baino edo lursail osoaren heren bat baino. Hiri-lurzoruko eta urbanizatzeko egokia den lurzoruko bizitegitarako, hirugarren sektorerako eta erkidegoarentzako ekipamendutarako eremuetan eta lursailetan, aipatutako erabilera nagusietarako lokal edo eraikinetan koka daitezke kategoria honetako biltegiak, beheko solairuetan edo erdisotoetan betiere. Kasu jakin batzuetan, hiri-antolamendurako plan nagusi honek edo hura garatzeko plangintzak berariaz baimentzen badute erabilera jakin batzuetarako, sotoetan, behegainetan eta lehen solairuan ere egon daitezke. Bakoitzak bere sarrera izan behar du, eta, hala badagokio, baita erabilera nagusiarekin lotzeko bideak ere.

- Biltegitarako erabilera – 2. kategoria

Kategoria honen barruan daude gehienez ere 2.000 m2 okupatuta dauden lursailetako lurretako, lokaletako eta eraikinetako biltegitarako erabilera autonomoak, baldin eta erabilera nagusirako bakarrik erabiltzen badira eta inguruko etxebizitzentzat eta inguruko gainerako erabilerentzat gogaikarriak, kaltegarriak, osasungaitzak edo arriskutsuak ez badira. Era berean, kategoria honetakoak dira beste jarduera batzuen osagarri diren biltegiak (1.b. kategoriakoak), baldin eta lursail bakoitzean 1.500 m2-ko azalera eraikia baino handiagoa badute, aipatutako mugen barruan betiere.

Erabilera nagusia zein den kontuan hartuz, hirugarren sektorerako, industriarako, erkidegoarentzako ekipamendutarako edo azpiegituretarako eta zerbitzutarako erabilerekin pareka daitezke kategoria honetako erabilerak eta, horrenbestez, aipatutako erabileretarako kalifikazio orokorra duten eremuetan koka daitezke, arau partikular batek baimentzen badu betiere, hark ezartzen dituen baldintzetan.


Kategoria honen barruan daude biltegi handiak (lursaileko 2.000 m2 baino gehiago okupatzen dutenak) edota inguruko erabilerentzat eta, bereziki, etxebizitzentzat gogaikarriak, kaltegarriak, osasungaitzak edo arriskutsuak direnak edo izan daitezkeenak. Sektoreko araudiari jarraiki kalifikatu behar dira, eta Hiri Antolamendurako Plan Nagusiak berariaz adierazten dituen lurretan bakarrik koka daitezke, eragina txikiagotzeko neurriak eta segurtasun-neurriak hartuta betiere.


Kategoria honen barruan daude nekazaritza eta abeltzaintzako jardueretarako berezko erabilerak, baldin eta biltegiek 2.000 m2 okupatzen badute gehienez ere eta 2.000 m2-ko sabai-azalera badute gehienez ere. Aipatutako erabileretarako baliatzen den lurzoruan egon behar dute biltegiek, lurzoru urbanizaezinari buruzko araudiak ezartzen dituen baldintzetan. Salbuespen gisa, erabilera jakin batzuetarako, industriarako kalifikatutako eremuetan egon daitezke, baldin eta dagokion eremuko arau partikularrak baimentzen badu, hark ezartzen dituen baldintzetan.

- Biltegitarako erabileraren erabilera osagarriak

Hauek dira erabilera nagusitzat biltegitarako erabilera duten eremuetako erabilera osagarriak: Administrazioko bulegoak, produktuen erakustokiak, zerbitzutarako instalazioak, garajeak, ibilgailu-parkeak eta antzekoak, eta jarduera nagusi baten osagarri diren taberna txikiak.

Betiere, biltegitarako erabileren erabilera osagarriek jarduera nagusirako beharrezkoak izan behar dute. Bestela, erabilera autonomotzat hartu behar dira, eta xedapen espezifikoekin bat arautu.

Baimendutako erabilera osagarrien zerrendatik kanpo daude erakusgai dauden produktuen zuzeneko salmenta eta zaintzaileen etxebizitzak, berariaz arautu eta baimendu behar baitira.


23

II.c. HIRIUGARREN SEKTORERAKO ERABILERAK

1. Hirugarren sektorerako erabileren zerrenda eta edukia

Mota hauetako irabazi-asmodun jarduerak dira hirugarren sektorerako erabilerak: - II.c.1. Bulegotarako eta zerbitzutarako erabilera. - II.c.2. Merkataritzarako erabilera. - II.c.3. Hoteletarako erabilera. - II.c.4. Jolaserako erabilera. - II.c.5. Osasunerako erabilera. - II.c.6. Laguntzarako erabilera. - II.c.7. Gizarte eta kulturarako erabilera. - II.c.8. Irakaskuntzarako erabilera. - II.c.9. Kirolerako erabilera. - II.c.10. Turistentzako kanpalekutarako erabilera.

- II.c.1. BULEGOTARAKO ETA ZERBITZUTARAKO ERABILERA

Kategoria honen barruan daude jarduera nagusitzat administrazioaren eta burokraziaren alorreko irabazi-asmodun jarduera pribatuak dituzten eraikinak eta lokalak, hala nola zerbitzuen sektoreko zuzendaritza-zerbitzu teknikoak, saltokien eta enpresen bulegoak, bankuak, aseguru-etxeak, finantza-zerbitzuak eta zerbitzu teknikoak, ikerketa-zentro zientifikoak eta industrialak, kutsatzen ez duten laborategiak, akademiak, profesionalen bulegoak, etab.

Administrazio publikoko bulegoak erabilera publikotzat hartzen dira, baina kategoria honekin pareka daitezke. - Bulegotarako eta zerbitzutarako erabileraren kategoriak

Bulegotarako erabileraren barruan, kontuan izanik zer ezaugarri dituzten bulegoak dauden eraikinek, hiru kategoria bereizten dira:

- Bulegotarako erabilera – 1.a. kategoria

Bulegoak hirugarren sektorerako, bizitegitarako edo erkidegoarentzako ekipamendutarako erabiltzen diren lursail edo eraikinetan daude, beheko solairuan, erdisotoan edo lehen solairuan, eta 200 m2 neurtzen dute gehienez. Bizitegitarako lursail edo eraikinetan dauden bulegoek etxebizitzatarako erabilerarekin bateragarriak izan behar dute (alegia, zerbitzu profesional edo tekniko txikiak izan behar dute), eta ezin dira gogaikarriak izan eta zirkulazio txikia ekarri behar dute. Besteak beste, hauek daude kategoria honen barruan: - Profesionalen estudioak eta bulegoak, gestoriak, administrazio pribatuko agentziak eta

aholkularitza-bulegoak, medikuen kontsultategiak, akademia txikiak, etab. Profesionalen bulegoak (tartean, medikuen kontsultategiak) etxebizitzekin pareka daitezke eta, horrenbestez, etxebizitzetan koka daitezke, baldin eta lokaletan bulegotarako erabiltzen den azalera erabilgarria txikiagoa bada lokal osoaren azaleraren erdia baino edo azalera erabilgarria 150 m2-koa bada gehienez ere. Betiere, kalifikazio xehatuari buruzko araubideak, ordenantzek eta arau partikularrek diotena bete behar da. Gainera, medikuen kontsultategiek edo instalazio bereziak (bereziki, X izpiak) behar dituzten jarduerek araudi espezifikoak ezartzen dituen neurriak hartu behar dituzte. Erakundeek (turismo-arlokoek, udalekoek eta abarrek) informazioa emateko kaleko kioskoak merkataritzarako erabileraren 1. kategoriako erabilerarekin pareka daitezke araudiaren helburuetarako.

- Bulegotarako erabilera – 1.b. kategoria

Bulegoak hirugarren sektorerako, bizitegitarako edo erkidegoarentzako ekipamendutarako erabiltzen diren lursail edo eraikinetan daude, beheko solairuan edo erdisotoan, edo, lehen solairuak eta


24

behekoak unitate funtzional bat eratzen badute eta lehen solairurako sarrera beheko solairuan badago, lehen solairuan, eta 750 m2 neurtzen dute gehienez. Kategoria honetakoak dira etxebizitzatarako eta erkidegoarentzako ekipamendutarako erabilerekin bateragarriak diren baina zirkulazio handia dakarten eta, horregatik, inguruko beste jarduera batzuentzat gogaikarriak izan daitezkeen erabilerak. Arau partikularrek, haiek garatzeko plangintzak edo, zuzenean, lizentzia ematerakoan, Udalak baldintza espezifikoak ezar ditzakete sarrera publikoen, aparkalekuen eta zamalanetarako eremuen ezaugarriei buruz. Betiere, kategoria honetako bulego bakoitzak bere sarrera izan behar du, bide publikoan.

- Bulegotarako erabilera – 2. kategoria

Bulegoak hirugarren sektorerako, industriarako, garajetarako, biltegitarako edo etxebizitzaz beste erabilera baterako baliatzen diren eraikinetan daude. Lursail bakoitzean bulegotarako erabiltzen den azalera eraikia txikiagoa da jarduera nagusirako erabiltzen den azaleraren % 50 edo jarduera guztietarako erabiltzen denaren heren bat baino eta, gehienez ere, 1.500 m2-koa da.

- Bulegotarako erabilera – 3. kategoria

Bulegoak erabilera nagusitzat bulegotarako erabilera duten eraikin askeetan daude. Kategoria honetakoak dira zirkulazio handia dakarten eta, horregatik, inguruko bizitegientzat eta beste jarduera batzuentzat gogaikarriak izan daitezkeen hirugarren sektoreko zerbitzuak eta abar. Kategoria honetako bulegoek oro har hirugarren sektorerako erabiltzen diren eremuetan egon behar dute, baina bizitegitarako, industriarako, erkidegoarentzako ekipamendutarako eta azpiegituren eta zerbitzuen sistema orokorretarako erabiltzen diren eremuetan ere egon daitezke, antolamendu xehatu espezifikoa duten lursailetan betiere, dagokion eremuko arau partikularrek edo haiek garatzeko plangintzak berariaz ezartzen dituen baldintzetan.

- II.c.2. MERKATARITZARAKO ERABILERA

Jendearentzako zerbitzuak daude erabilera honen barruan:

- Produktuak handizka edo txikizka salerosteko, aldatzeko, erakusteko edo banatzeko jarduerak. - Zerbitzu pertsonalak emateko jarduerak (tartean, ile-apainketa, estetika, tindaketa, etab.). - Ostalaritza (tabernak, kafetegiak, pubak, jatetxeak...). - Aurrekoen antzeko jarduerak.

Autonomoak ez badira eta jarduera nagusirako ezinbestekoak ez badira betiere, merkataritzarako erabileren osagarritzat hartu behar dira erabilera hauek:

Instalazio-gelak, 1. kategoriako biltegiak, 1. kategoriako bulegoak eta garajeak.

Jarduera nagusiaren eraikin berean egon behar dute erabilera osagarriek, eta haren unitate funtzional bera eratu. Garaje osagarriak, ordea, ohiko erabileratzat merkataritzarako erabileraz beste bat duen lurzoruan koka daiteke, baldin eta lurzoru horretan aplikatu beharreko araudia betetzen bada.

Ostalaritzako establezimenduak, bilera-aretoak, jolas-aretoak eta osasun- eta laguntza-zerbitzuak merkataritzarako erabilerarekin pareka daitezke, baldin eta pribatuak eta irabazi-asmodunak badira.

Merkataritzarako erabileren edozein kategoriatako eraikinak eta establezimenduak egiteko baimena emateko, irizpide hauek hartuko dira kontuan: jardueraren garrantzia, aukeratutako kokalekuaren ezaugarriak, ingurua, jarduerak sor ditzakeen eragozpenak eta zirkulazioa, eta aparkalekuei buruzko aurreikuspenak.

Betiere, merkataritzarako erabiltzen diren lokalak behar bezala, udal-ordenantzek eta legedi espezifikoak ezartzen dituzten mugak inola ere ez gainditzeko moduan intsonorizatzen direla ziurtatu behar zaio Udalari.

Kasuan-kasuan, legedi espezifikoak edo sektoreko legediak ezartzen dituen baldintzak bete behar dituzte merkataritzarako erabiltzen diren lokalek.


25

- Merkataritzarako erabileraren kategoriak Merkataritzarako erabileraren barruan, kontuan izanik zer ezaugarri dituzten eraikinek, zer-nolako eragina duten erabilerek beste erabilera batzuetan, zenbat leku behar den eta zer behar den jendea sartzeko, zenbat aparkaleku behar diren erabileretarako, zenbat leku behar den maniobrak egiteko eta zenbat leku behar den salgaien zamalanetarako, bost kategoria bereizten dira:

- Merkataritzarako erabilera – 1. kategoria Saltokiak txikiak dira (25 m2-ko azalera erabilgarria dute gehienez), aldi baterako eraikin edo eraikin desmuntagarrietan (kioskoetan) daude, eremu publikoetako berezko erabilerekin (espaloiekin, lorategiekin, oinezkoentzako eremuekin...) bateragarriak dira eta administrazioaren emakiden araubidearen barnean daude. Ez dute zertan berariaz agertu plangintzan. Kategoria honetako saltokiak eremu pribatuetan ere koka daitezke, garapen-plangintzak edo mendeko plangintzak baimentzen badute edo Udalak lizentzia ematen badu, Lurzoruari buruzko Legeak xedatzen duenari kalte egin gabe.

- Merkataritzarako erabilera – 2. kategoria

Saltokiak txikiak dira (300 m2-ko azalera erabilgarria dute gehienez ere). Etxebizitzatarako eta hirugarren sektorerako erabilerekin eta beste batzuekin bateragarriak dira eta, horregatik, erabilera horietarako lursail edo eraikinetan koka daitezke, beheko solairuan edo erdisotoan. Solairuartean edo lehen solairuan ere egon daitezke, baldin eta lehen solairuak eta behekoak unitate funtzional bat eratzen badute eta lehen solairurako sarrera beheko solairuan badago.


Saltokien azalera eraikia 300 eta 750 m2 artekoa da, eta erabilera nagusitzat hirugarren sektorerako erabilera edo beste bat duten lursail edo eraikinetan daude saltokiak. Erabilera nagusitzat beste erabilera bat duten lursail edo eraikinetan dauden saltokiak beheko solairuan edo erdisotoan bakarrik egon daitezke. Hala ere, kategoria honetako saltokiak lehen solairuan koka daitezke, baldin eta lehen solairuak eta behekoak unitate funtzional bat eratzen badute eta lehen solairuak bere sarrera badu, bide publikoan; hala badagokio, lehen solairurako sarrera merkataritza beste instalazio batzuetarako sarrera ere izan daiteke. Sarrerek, zamalanetarako eremuek, maniobrak egitekoek eta ibilgailuak aparkatzekoek barnealdean egon behar dute, eta garapen-plangintzak edo, zuzenean, lizentzia ematerakoan, Udalak baldintza espezifikoak ezar ditzakete eremu horien ezaugarriei buruz. Hirigintzaren plangintzak, udal-ordenantzek edo, dagokion udal-lizentzia ematerakoan, Udalak baldintzak jar ditzakete kategoria honetako saltokiak kokatzeko: jendearentzako sarrerek, salgaiek, aparkalekuek, zamalanetarako eremuek... ezaugarri jakin batzuk izatea.


Kategoria honetako saltokiek 750 eta 2.000 m2 arteko azalera eraikia dute, hirugarren sektorerako erabilera xehatua duten eraikin aske edo lursailetan egon behar dute ahal dela eta dagozkion hirigintza-eremuetako arau partikularrek edo plangintza xehatuak baimendu behar ditu. Kategoria honetako erabilerak beste kalifikazio xehatu bat duten lursailetan ere koka daitezke, baldin eta arau partikularrek berariaz baimentzen badute. Jendearentzako sarrerek, maniobrak egiteko eremuek eta zamalanetarako eremuek merkataritzako jardueretarako erabiltzen diren lokalen eta barrutien barnean egon behar dute.


Kategoria honetako saltokiak handiak dira: azalera eraikia 2.000 m2-tik gorakoa da.

Oro har hirugarren sektorerako kalifikatutako eremuetan egon behar dute, eraikin askeetan betiere. Era berean, oro har industriarako kalifikatutako eremuetan egon daitezke, baldin eta dagokion eremuko arau partikularrak, hura garatzeko plangintzak edo mendeko plangintzak berariaz baimentzen badute.


26

Sarrerek, zamalanetarako eremuek, maniobrak egitekoek eta ibilgailuak aparkatzekoek barnealdean egon behar dute, eta garapen-plangintzak edo, zuzenean, lizentzia ematerakoan, Udalak baldintza espezifikoak ezar ditzakete eremu horien ezaugarriei buruz.

- II.c.3. HOTELETARAKO ERABILERA PRIBATUA Hoteletarako erabilera pribatua da jendeari ostatu emateko irabazi-asmodun erabilera, eta hauek

hartzen ditu barnean: hotelak, ostatuak, egoitzak, motelak, apopilo-etxeak eta apartamentu-hotelak. Arau subsidiario hauekin bat, egoitza kolektibo edo etxebizitzatzat hartu behar dira apartamentu-hotelei buruzko sektoreko legediaren eskakizunak betetzen ez dituzten alokairuko apartamentuen multzoak, haien ezaugarrien arabera.

Bi kategoria bereizten dira hoteletarako erabilera pribatuaren barruan:

- Hoteletarako erabilera – 1. kategoria Hoteletarako eraikitako azalera 1.000 m2-tik beherakoa da, eta bizitegitarako edo hirugarren sektorerako kalifikazio xehatua duen lurzoruan egon daitezke hotelak, antolamendu xehatuarekin edo dagokion ordenantzarekin bat betiere.

- Hoteletarako erabilera – 2. kategoria Hoteletarako eraikitako azalera 1.000 m2-tik gorakoa da. Urbanizatzeko egokia den eta oro har hirugarren sektorerako edo bizitegitarako kalifikatu den lurzoruan egon daitezke hotelak, baita hirugarren sektorerako kalifikazio xehatua duen lurzoruko edozein lur edo eraikinetan ere, baldin eta hiri-antolamendurako plan nagusi honek berariaz baimentzen badu, hark ezartzen dituen baldintzetan betiere.

- II.c.4. JOLASERAKO ERABILERA PRIBATUA

Jolaserako erabilerak dira erkidegoak aisia eta aisialdia emateko titulartasun pribatuko edota ondarearen gaineko titulartasuneko erabilerak, baldin eta erkidegoarentzako ekipamendutzat hartu ezin badira haien helburuak eta ezaugarriak kontuan izanik. Hain zuzen ere, kategoria hau osatzen dute jolas- eta sukaldaritza-elkarteek, zinema-aretoek eta antzokiek, dantzalekuek, jolas-parkeek eta aisia emateko beste erabilera batzuek, zorizko jokoetan aritzeko aretoek eta kasinoek eta abarrek.

Betiere, jolaserako erabiltzen diren lokalak behar bezala, udal-ordenantzek eta legedi espezifikoak ezartzen dituzten mugak inola ere ez gainditzeko moduan intsonorizatzen direla ziurtatu behar zaio Udalari.

Kasuan-kasuan, legedi espezifikoak edo sektoreko legediak ezartzen dituen baldintzak bete behar dituzte jolaserako erabiltzen diren lokalek.

- II.c.5. OSASUNERAKO ERABILERA PRIBATUA Osasunerako erabilerak dira gaixoei tratamendua eta ostatua emateko erabilerak eta antzeko beste

batzuk, baldin eta erkidegoarentzako ekipamendutzat hartu ezin badira haien helburuak eta ezaugarriak kontuan izanik. Besteak beste, osasunerako erabilerak dira ospitaleak, klinikak, medikuen eta albaitarien kontsultategiak eta osasunarekin zerikusia duen beste edozein erabilera. - II.c.6. LAGUNTZARAKO ERABILERA PRIBATUA

Besteak beste, laguntzarako erabilerak dira biztanleria babesgabeari ostatua eta laguntza emateko erabilerak (hala nola zahar-etxeak eta zaharren eta babesgabeen egoitzak), baldin eta erkidegoarentzako ekipamendutzat hartu ezin badira haien helburuak eta ezaugarriak kontuan izanik. Era berean, laguntzarako erabilerak dira hildakoak tratatzeko erabilerak; adibidez, beilatokiak. Errausketa-labeak, aldiz, industriarako erabileratzat hartu behar dira.

- II.c.7. GIZARTE ETA KULTURARAKO ERABILERA PRIBATUA Besteak beste, gizarte eta kulturarako erabilerak dira kultura sustatzeko eta artea sortzeko titulartasun

pribatuko edo ondarearen gaineko titulartasuneko erabilerak (arte-galeriak, museoak, antzokiak, zinema-aretoak), erlijio-heziketa emateko titulartasun pribatuko edo ondarearen gaineko titulartasuneko erabilerak (katolikoen elizak, ermitak, kaperak eta parrokiak eta beste erlijio batzuetako zentroak), horien guztien osagarri diren titulartasun pribatuko edo ondarearen gaineko titulartasuneko erabilerak eta jolasteko jardueretarako eta jarduera soziopolitikoetarako titulartasun pribatuko edo ondarearen gaineko titulartasuneko erabilerak, baldin eta ekipamendutzat hartzen ez badira berariaz. Hain zuzen ere, kategoria honen barruan daude erakusketa-areto pribatuak, erlijio-zentroak, elkarteak, alderdi politikoen eta sindikatuen egoitzak eta abar.


27

- II.c.8. IRAKASKUNTZARAKO ERABILERA PRIBATUA Kategoria hau osatzen duten nolanahiko irakaskuntzarako titulartasun pribatuko erabilerek eta haien

osagarri diren erabilerek, baldin eta erkidegoarentzako ekipamendutzat hartu ezin badira haien helburuak eta ezaugarriak kontuan izanik. - II.c.9. KIROLERAKO ERABILERA PRIBATUA

Kirolerako erabilerak dira nolanahiko kiroletan aritzeko eta nolanahiko kirolak irakasteko titulartasun pribatuko eraikinak (lokal itxietako kirol-instalazioak: gimnasioak, igerilekuak, etab.), horretarako berariaz prestatutako titulartasun pribatuko eremu libreak (kanpoko jolas- eta kirol-parkeak) eta horien osagarri diren erabilerak, baldin eta erkidegoarentzako ekipamendutzat hartu ezin badira haien helburuak eta ezaugarriak kontuan izanik. - II.c.10. TURISTENTZAKO KANPALEKUTARAKO ERABILERA

Turistentzako kanpalekutarako erabilerak dira jendeari alde baterako ostatua emateko irabazi-asmodun erabilerak, baldin eta aldi baterako baliabideak (kanpadendak, ibilgailu egokituak, karabanak...) erabiltzen badira haiek antolatzeko.

Hauek dira kategoria honetako erabilera osagarriak: langileen etxebizitzak (bat), bulegoak, ostalaritza-zerbitzuak, oinarrizko produktuak erosteko saltokiak eta apopiloentzako kirol- eta jolas-instalazioak. Eraikuntza finkoetan koka daitezke horiek guztiak.

Etxoletan, bungalowetan eta nolanahiko beste eraikuntza finkoetan ostatu emateko erabilerak, berriz, hoteletarako erabileratzat hartu behar dira. 2. Zuzkidurarako lurzorua erreserbatzeko betebeharra

Hirigintza-legediak zuzkidurarako (tokiko sistemen sareko eta, hala badagokio, sistema orokorren sareko ekipamendu pribaturako) lurzorua erreserbatzera behartzen du, baina betebehar hori betetakotzat jo daiteke, baldin eta zuzkidurarako sabai-azalera tokiko sistemen sareko eta, hala badagokio, sistema orokorren sareko ekipamendu pribatuarekin pareka daitezkeen hirugarren sektorerako (merkataritzarako, kulturarako, irakaskuntzarako, osasunerako, kirolerako, laguntzarako...) erabiltzen dela jotzen bada.

Zuzkidurarako lursailak eta zuzkiduratarako erabilerarekin pareka daitekeen beste edozein erabileratarako (bizitegitarako, hirugarren sektorerako eta abarretarako) lursailak har daitezke zuzkidurarako lurzorua antolatzeko oinarritzat.

Betiere, indarrean dagoen hirigintza-legediak xedatzen duenarekin bat, zuzkidurarako erreserbatzen den lurzoruko sabai-azalerak irabazi-asmoa duela jo behar da, erkidegoarentzako ekipamendutarako erabili edo hirugarren sektorerako erabili.


28

III. ERKIDEGOARENTZAKO EKIPAMENDUTARAKO ERABILERAK 1. Erkidegoarentzako ekipamendutarako erabileren esparrua

a. Oro har, erkidegoarentzako ekipamendutarako erabilerak dira herritarrei zerbitzu egiteko eta herritarrek aisia emateko jarduerak, baldin eta erakunde publikoek antolatzen badituzte eta irabazi-asmorik ez badute. Era berean, erkidegoarentzako ekipamendutarako erabilerak dira herritarrei zerbitzu egiteko eta herritarrek aisia emateko jardueren osagarri diren erabilerak.

Irabazi-asmodunak badira, hirugarren sektorerako erabilerekin parekatu behar dira herritarrei zerbitzu egiteko eta herritarrek aisia emateko jarduerak.

Udalak erkidegoarentzako ekipamendutarako jardueratzat har ditzake erakunde pribatuek antolatzen dituzten jarduera batzuk, baldin eta ondorioztatzen badu zuzkidurarako zerbitzu publikoak direla eta ez dutela irabazi-asmorik.

b. Erkidegoarentzako ekipamendutarako erabilerak neurri berezikotzat hartu behar dira baldin eta, kalifikatutako lursailaren neurria dela medio, Udalak jotzen badu eraikuntza eta haren ezaugarri bolumetrikoak nabarmen bestelakoak direla dagokion eremu edo multzokoen (adibidez, Alde Zaharrekoen) aldean edo paisaiari, itxurari, zirkulazioari, segurtasunari eta abarri kalte egiten dietela.

2. Erkidegoarentzako ekipamendutarako erabileren zerrenda eta edukia

Erabilera publiko eta ekipamendutarako erabilera mota hauek daude:

- III.a. Irakaskuntzarako ekipamendua. - III.b. Kirolerako ekipamendua. - III.c. Gizarte eta erakundeentzako ekipamendua. - III.d. Zerbitzu publikotarako ekipamendua. - III.e. Osasunerako ekipamendua. - III.f. Laguntzarako ekipamendua. - III.g. Gizarte eta kulturarako ekipamendua. - III.h. Jolaserako ekipamendua. - III.i. Erlijiorako ekipamendua.

III.a. IRAKASKUNTZARAKO EKIPAMENDUA

Kategoria hau osatzen dute maila guztietako irakaskuntzarako titulartasun publikoko eremu eta eraikin guztiek.

Akademia pribatuak, aldiz, hirugarren sektorerako (merkataritzarako) erabileren edo ekipamendu pribatuaren parekotzat hartzen dira.

Era berean, hirugarren sektorerako (merkataritzarako) erabilera edo ekipamendu pribatutzat hartu behar dira irakasteko titulartasun pribatuko jarduerak, bereziki, indarrean dagoen legediak ekipamendu pribatuaren zuzkidurari buruz ezartzen dituen estandarren barruan badaude. Hirugarren sektorerako mota bereko erabilerarekin pareka daiteke erabilera hori, eta irabazi-asmoa duela jo behar da.

III.b. KIROLERAKO EKIPAMENDUA

Kategoria honen barruan daude kirolean aritzeko titulartasun publikoko zelaiak eta lokalak.

Era berean, kirolerako ekipamendutzat hartu behar dira kirolean aritzeko titulartasun pribatuko edo ondarearen gaineko titulartasuneko jarduerak, bereziki, indarrean dagoen legediak tokiko sistemen sareko edo, hala badagokio, sistema orokorren sareko ekipamendu pribatuaren zuzkidurari buruz ezartzen dituen estandarren barruan badaude. Hirugarren sektorerako mota bereko erabilerarekin pareka daiteke erabilera hori, eta irabazi-asmoa duela jo behar da.

Lokal pribatuak (gimnasioak, igerilekuak, etab.), aldiz, hirugarren sektorerako (merkataritzarako) erabileren edo ekipamendu pribatuaren parekotzat hartu behar dira.

III.c. GIZARTE ETA ERAKUNDEENTZAKO EKIPAMENDUA


29

Kategoria hau osatzen dute erakundeen, ordezkaritzen eta zerbitzu publikoen beharretarako erabilerek, hala nola udalek, udaletako zerbitzu administratiboek eta teknikoek, epaitegiek, Poliziak, postak eta abarrek, baldin eta haien funtzioak inguruan edo hurbil beste erabilera batzuk izatearekin eta erabilera osagarriekin bateraezin ez badira.

III.d. ZERBITZU PUBLIKOTARAKO EKIPAMENDUA

Kategoria honen barruan dago herritarrei zerbitzu egiteko antolatzen den baina aurreko kategorien barruan sartzen ez den ekipamendua. Horrelako ekipamendua askotarikoa da, eta ez du zertan administraziokoa bakarrik izan. Adibidez, kategoria hau osatzen dute azokek, hilerriek, suhiltzaileen parkeek, herritarrentzako segurtasun-zerbitzuek, aterpeek... eta haien osagarri diren erabilerek, baldin eta administrazioko publikoko erakundeek antolatzen badituzte.

Erabilera horien guztien ezaugarri funtzionalak direla medio, baliteke erabilerak bateraezinak izatea beste mota bateko kalifikazio orokor edo xehatua duen lurzoruan beste erabilera batzuk izatearekin, eta, horregatik, kasuan-kasuan arautu behar da kategoria honetako erabileren kokapena, sektoreko araudiarekin bat besteak beste.

Zerbitzu publikotarako ekipamendutarako erabilerak neurri berezikotzat hartu behar dira baldin eta, kalifikatutako lursailaren neurria dela medio, Udalak jotzen badu eraikuntza eta haren ezaugarri bolumetrikoak nabarmen bestelakoak direla dagokion eremu edo multzokoen (adibidez, Alde Zaharrekoen) aldean edo paisaiari, itxurari, zirkulazioari, segurtasunari eta abarri kalte egiten dietela, eta, horrexegatik, mugatuta daude, nahiz eta baimenduta egon oro har.

III.e. OSASUNERAKO EKIPAMENDUA

Kategoria hau osatzen dute ospitaletarako, anbulatoriotarako, klinikatarako, kontsultategitarako eta abarretarako titulartasun publikoko eremuek eta eraikinek.

Irabazi-asmodun erabilera pribatuak, aldiz, merkataritzarako erabileren parekotzat hartu behar dira.

Era berean, osasunerako ekipamendutzat hartu behar dira osasuna zaintzeko titulartasun pribatuko edo ondarearen gaineko titulartasuneko jarduerak, bereziki, indarrean dagoen legediak tokiko sistemen sareko edo, hala badagokio, sistema orokorren sareko ekipamendu pribatuaren zuzkidurari buruz ezartzen dituen estandarren barruan badaude. Hirugarren sektorerako mota bereko erabilerarekin pareka daiteke erabilera hori, eta irabazi-asmoa duela jo behar da.

III.f. LAGUNTZARAKO EKIPAMENDUA

Kategoria hau osatzen dute zahar-etxetarako, zaharren egoitzatarako, errehabilitazio-zentrotarako, aterpetarako, ongintzarako eta abarretarako titulartasun publikoko eremu eta eraikin ofizialek.

Era berean, laguntzarako ekipamendutzat hartu behar dira babesgabeei laguntzeko titulartasun pribatuko edo ondarearen gaineko titulartasuneko jarduerak, bereziki, indarrean dagoen legediak tokiko sistemen sareko edo, hala badagokio, sistema orokorren sareko ekipamendu pribatuaren zuzkidurari buruz ezartzen dituen estandarren barruan badaude. Hirugarren sektorerako mota bereko erabilerarekin pareka daiteke erabilera hori, eta irabazi-asmoa duela jo behar da.

III.g. GIZARTE ETA KULTURARAKO EKIPAMENDUA

Kategoria honen barruan daude kultura sustatzeko eta artea sortzeko titulartasun publikoko jarduerak, hala nola museoak, liburutegiak, kultur etxeak, biltzar-aretoak, erakusketa-aretoak, etab.

Era berean, gizarte eta kulturarako ekipamendutzat hartu behar dira kultura sustatzeko eta artea sortzeko titulartasun pribatuko edo ondarearen gaineko titulartasuneko jarduerak, bereziki, indarrean dagoen legediak tokiko sistemen sareko edo, hala badagokio, sistema orokorren sareko ekipamendu pribatuaren zuzkidurari buruz ezartzen dituen estandarren barruan badaude. Hirugarren sektorerako mota bereko erabilerarekin pareka daiteke erabilera hori, eta irabazi-asmoa duela jo behar da.

Erabilera xehatu espezifikoko lursailetan egon behar dute kategoria honetako erabilerek. Beste erabilera batzuekin bateragarriak badira lehendik zeudela-eta edo haien neurria eta jarduera direla-eta, bizitegitarako lursailetako eraikinen beheko solairuan kokatu behar dira, edo, jarraitutasuna badago beheko solairuaren eta erdisotoaren edo lehen solairuaren artean, erdisotoan edo lehen solairuan. Baldintza beretan, hirugarren sektorerako lursailetan ere koka daitezke.


30

Kategoria honetako erabilerak ikuskizun-aretoekin pareka daitezke, sektoreko araudiarekin edo araudi espezifikoarekin bat.

Gizarte eta kulturarako ekipamendutarako erabilerak neurri berezikotzat hartu behar dira baldin eta, kalifikatutako lursailaren neurria dela medio, Udalak jotzen badu eraikuntza eta haren ezaugarri bolumetrikoak nabarmen bestelakoak direla dagokion eremu edo multzokoen (adibidez, Alde Zaharrekoen) aldean edo paisaiari, itxurari, zirkulazioari, segurtasunari eta abarri kalte egiten dietela. Printzipioz, Udalak jarraibide bat izan dezan, hauek hartu behar dira neurri bereziko erabileratzat: 1.500 m2 baino gehiago neurtzen duten lursailetan daudenak, 6.000 m2 baino gehiagoko azalera eraikia duten eraikinetan daudenak, 16 m baino garaiagoak diren eraikinetan daudenak edo, beheko solairua kontuan hartuz, bost solairu baino gehiago dituzten eraikinetan daudenak.

III.h. JOLASERAKO EKIPAMENDUA

Kategoria honen barruan daude antzokitarako, zinema-aretotarako, musika-auditoriumetarako, kirol-ekitaldietarako eta abarretarako titulartasun publikoko lokal irekiak eta itxiak; titulartasun publikoko jolas-parkeak, aisia emateko parke tematikoak eta parke kulturalak; etab. Era berean, kategoria honen barruan daude horien guztien barneko jarduerak.

Era berean, jolaserako ekipamendutzat hartu behar dira jolasteko titulartasun pribatuko edo ondarearen gaineko titulartasuneko jarduerak, bereziki, indarrean dagoen legediak tokiko sistemen sareko edo, hala badagokio, sistema orokorren sareko ekipamendu pribatuaren zuzkidurari buruz ezartzen dituen estandarren barruan badaude. Hirugarren sektorerako mota bereko erabilerarekin pareka daiteke erabilera hori, eta irabazi-asmoa duela jo behar da. Gainera, sektoreko araudia eta araudi espezifikoa bete behar ditu.

III.i. ERLIJIORAKO EKIPAMENDUA

Kategoria hau osatzen dute edozein sinesbidetako gurtzarako edo erlijio-heziketarako eraikinek, hala nola elizek, meskitek, aretoek, ermitek, kaperek, parrokiek eta baimendutako beste batzuek.

Komentuak bizitegitarako erabileratzat hartu behar dira, eta erlijiorako erabilerekin parekatzen dira. 3. Erkidegoarentzako ekipamendutarako erabilerak, nahitaezkoak eta oinarrizkoak

Indarrean dagoen hirigintza-legediak nagusiki bizitegitarako edo jarduera ekonomikoetarako (industriarako eta hirugarren sektorerako) erabiltzen diren eremuetan nahitaezko zuzkiduratzat hartzen dituen erkidegoarentzako ekipamendutarako erabilerak, oro har, oinarrizko zerbitzuetarako erabilerak dira horrelako eremuetan, eta, hortaz, plangintzak ez ditu baimendu behar berariaz.


31

IV. EREMU LIBRETARAKO ERABILERAK 1. Eremu libretarako erabileren definizioa eta esparrua

Kategoria honen barruan daude atseden hartzeko, aisia emateko eta jolasteko kanpoko erabilerak. Oro har, eremu handiak izaten dira, jabari eta erabilera publikokoak, eta nornahik balia ditzakeenak, eta, salbuespenak salbuespen, ez dute izaten eraikinik, baina lorategiak izan ditzakete. Herritarrek aisia ematea eta elementu naturalak mantentzea, babestea eta gozatzea dute helburu. Eremu libreen ezaugarri nagusia da eraiki gabe daudela eta zorupe naturala ahal bezainbat kontserbatzen dutela, edozein eraikuntza edo instalaziotatik babestuta baitaude eta errepide-sareak eta aparkalekuek ahalik eta eragin txikiena baitute. Hala ere, plangintzak berariaz adierazten eta baimentzen duen kasuetan, ekipamendutarako eraikuntzak koka daitezke sistema orokorren sareko eremu libreetan, oinezkoentzako eta txirrindularientzako bideen sareak eremu libre orokorretan eta tokiko eremu libreetan, eta eremu libretarako erabileraren osagarri diren eraikuntzak eta instalazioak eta nekazaritza ustiatzeko erabilerak (tartean, horien osagarri diren erabilerak) landako eremu libreetan. Sestra naturalaren edo sestra urbanizatuaren azpian beste erabilera batzuetarako lurpeko eraikuntzak egitea debekatuta dago oro har, baina garajeak, aparkalekuak eta erabilera publikoak koka daitezke, baldin eta dagokion kalifikazioaren araubideak, arau partikularrek edo haiek garatzeko plangintzak berariaz baimentzen badituzte. Bidetarako eta zerbitzutarako eta hornikuntzarako instalaziotarako sestra gaineko eta sestra azpiko erabilerei dagokienez, berriz, ezinbestekoak bakarrik koka daitezke, beste soluzio orokorrik ez badago betiere.

2. Eremu libre publikotarako erabilera moten zerrenda eta edukia

Eremu libre publikotarako lau erabilera mota daude: . IV.a. Hiriko eremu libretarako erabilera.

. IV.b. Babeserako eremu libretarako erabilera.

. IV.c. Landako eremu libretarako erabilera.

. IV.d. Lurraldeko eremu libretarako erabilera.

Erabilera mota horiei guztiei berdegunetarako erabilera ere esaten zaie. Lorategiak, parkeak eta abar izaten dira oro har, eta, haietan, landaretza da nagusi, baina berdeguneen barruan daude hirian zoladura gogorra duten plazak, eremuak eta pasealekuak ere. Eremu libretarako erabileren erabilera osagarriak dira lorategiak mantentzekoak (makinak, lanabesak eta materiala gordetzeko txabolak, etab.) eta erabiltzaileei zerbitzu egitekoak (komun publikoak, etab.).

- IV.a. Hiriko eremu libreak

Funtsean hirikoak diren eremu libreak eraikuntzetatik eta bideetatik gertu egoten dira oro har, eta, horregatik, erraza da haietara joatea. Kategoria honen barruan daude, neurri eta funtzio jakin batzuk dituztela-eta, legezko edo arauzko xedapenek edo garapen-plangintzak sistema orokorren eta tokiko sistemen estandarrei buruz ezartzen dituzten jabari eta erabilera publikoko eremu libreen sistema orokorraren eta tokiko sistemaren barneko eremu libreak ere, baita horietako sistema baten barruan egon daitezkeenak ere. Betiere, oinarrizko zerbitzuetarako erabilerak dira eremu libretarako erabilerak, eta erabilera orokorreko eremu guztietan baimenduta daude, zuzenean; hau da, ez da beharrezkoa baimena berariaz ematea. Lau eremu libre mota bereizten dira kategoria honen barruan:

. IV.a.1. Haurrak jolasteko eremuak . IV.a.2. Tokiko lorategi publikoak

Azpikategoria honen barruan daude eremu edo auzo jakin bati zerbitzu egiteko plazatarako, lorategitarako eta parketarako eremu libreak.

. IV.a.3. Hiriko parkeak


32

Azpikategoria hau osatzen dute, haien azalera edo garrantzi funtzionala dela-eta, herriko zuzkidura osatzen duten eta nagusiki herritar guztiek erabiltzen dituzten eremu libreek (berdeguneek eta lorategiek, parkeek, plazek eta beste eremu libre batzuek).

. IV.a.4. Pasealekuak Pasealekuak dira oinezkoak nagusiki linealki ibiltzeko eremuak, baldin eta haien azalera eta garrantzi funtzionala direla-eta sistematzat har badaitezke tokiko estandarrak betetzearen helburuetarako. Kasu eta leku jakin batzuetan, ibilgailuak (nagusiki, bizikletak) ibiltzeko erabileren ondoan egon daitezke pasealekuak. Kasu horietan, dagokion udal-ordenantzak arautu behar ditu erabilerak.

- IV.b. Babeserako eremu libreak

Kategoria hau osatzen dute eraikuntzak eta azpiegiturak babesteko eremuek, eraikuntzak eta azpiegiturak egin ondoren libre gelditu direla-eta eraikiezinak diren eta beste erabilera mota batekin lotuta ez dauden eremu publikoek eta aipatutakoen antzeko izaera eta helburuak dituzten beste eremu batzuek.

- IV.c. Landako eremu libreak

Landako eremu libretarako erabilera osatzen dute herritarrek landan aisia emateko eremuek eta bertakoek eta arrotzek landako jolas-parkeetako eta jolas-eremuetako titulartasun publikoko lurretan aisia ematekoek.

Landako eremu libretarako erabileren erabilera osagarriak dira landako eremu libreak mantentzekoak eta landako eremu libreak herritarrek aisia emateko moduan prestatzekoak.

- IV.d. Lurraldeko eremu libreak

Landako eremu libretarako erabilera osatzen dute, haien geomorfologia edo lurraldean betetzen dituzten funtzioak direla-eta, esanguratsuak diren beste zenbait elementu naturalek, hala nola hiriko eta landako ibaiertzek, mendialdeak, natura-parkeek, naturaren ikuspegitik interesgarriak diren eremuek, ermita inguruek...

Hiri-antolamendurako plan nagusi honek arautzen ditu lurraldeko eremu libreak, haietan eragina duten lege espezifiko edo sektorialei kalte egin gabe. Lurzoru urbanizaezinean dauden lurraldeko eremu libreek babes-arau espezifikoak ere bete behar dituzte.

3. Beste eremu libre mota batzuk: eremu libre pribatuak

Oro har, eremu libre pribatuak ez dira zuzkidurarako eremu publikoak. Eremu libre pribatuak dira eraikitako eta eraiki gabeko bizitegitarako lursail pribatuetako eremu libreak, hala nola familia batentzako etxebizitzetako lorategiak, bi familiarentzako etxebizitzetakoak eta etxebizitza atxikietakoak, baita hiri-antolamendurako plan nagusi honek edo hura garatzeko plangintzak industriarako, hirugarren sektorerako edo azpiegituretarako kalifikazio xehatua duten lursailetan ezartzen dituzten lur eraikiezinak ere. Era berean, eremu libre pribatuak dira lorategi bihurtutako eremu libreak eta eraikin publikoetako patioak, baldin eta mugatutako edo kontrolatutako talde batek erabiltzen baditu. Kalifikazio xehatu espezifikoarekin bat arautu behar dira eremu libre pribatuak eta, nahitaezko estandarrak betetzearen helburuetarako, hirigintza-legediak, arau partikularrek eta, hala badagokio, antolamendu xehatuak ezartzen dutena bete behar da.


33

V. KOMUNIKABIDETARAKO ETA TRENBIDETARAKO ERABILERAK 1. Komunikabidetarako eta trenbidetarako erabileren esparrua eta zerrenda

Komunikabidetarako eta trenbidetarako erabilerak dira edozein prozedura motaren bidez (mekanikoki edo animaliek tiratuta) lurraldean batetik bestera joateko eta ibiltzeko bideak. Linealak dira nagusiki, salbuespen hauek izan ezik: aparkatzeko eremuak eta siloak, zerbitzuguneak eta zerbitzu osagarriak.

Ibilgailuak, motordun ibilgailuak, oinezkoak, bizikletak eta trenak ibiltzeko erabilerek elementuetatik eta jardueretatik libre egon behar dute, pertsonak eta ibilgailuak ibiltzea ez galarazteko.

Betiere, kategoria honetako erabilerek, espezifikoak direla eta interes publikoko oinarrizko gaietan (besteak beste, jarduera kolektiboetan, teknikan eta segurtasunean) eragina dutela-eta, dagozkion legediak, araudiak eta sektoreko plangintzak xedatzen dutena bete behar dute.

Komunikabidetarako erabilera mota hauek daude:

V.a. Motordun ibilgailuak ibiltzeko erabilera. V.b. Oinezkoak ibiltzeko erabilera. V.c. Bizikletak ibiltzeko erabilera. V.d. Aparkalekutarako erabilera. V.e. Garajetarako erabilera. V.f. Errepideko garraiorako ibilgailuak aparkatzeko eta ibiltzeko erabilera. V.g. Bide-sistemari atxikitako erabilerak. V.h. Trenbidetarako erabilera.

2. Komunikabidetarako erabileren edukia

- V.a. MOTORDUN IBILGAILUAK IBILTZEKO ERABILERA

Kategoria honen barruan daude motordun ibilgailu publikoen edo pribatuen (nagusiki, autobusen, kamioien, autoen, motorren eta abarren) bidez ibiltzeko jarduerak. Motordun gurpil-aulkiak eta haiekin pareka daitezkeen beste garraiobide batzuk, aldiz, kategoria honetatik kanpo daude; hain zuzen ere, oinezkoak ibiltzeko erabileraren barruan daude. Ohiko eta baimendutako gainerako erabilerei zuzeneko zerbitzua egiteko motordun ibilgailuak ibiltzeko erabilera oinarrizko zerbitzutzat hartu behar da betiere eta, hortaz, erabilera orokorreko eremuetan baimenduta dagoela jo behar da; hau da, ez da beharrezkoa baimena berariaz ematea. Jakina, oinezkoak edo, hala badagokio, bizikletak ibiltzeko erabilerekin gatazkarik ez sortzeko, beharrezko lehentasunak ezarri behar dira. Hala ere, eremu libreetan eta kalifikazio xehatua duen lurzoruan, baldin eta aplikatu beharreko araudiak hauxe ezartzen badu, motordun ibilgailuak ibiltzeko erabilera mugatuta dago, erabilera nagusiei balioa ez galarazteko eta haiek ez eragozteko. Kasu eta leku jakin batzuetan, oinezkoak ibiltzeko erabileren ondoan egon daitezke motordun ibilgailuak ibiltzeko erabilerak. Kasu horietan, dagokion udal-ordenantzak arautu behar ditu erabilerak: sarrerak; ordutegia; ibilgailu motak; zamalanak egiteko lekuak, ordutegia eta modua; aparkalekuak; etab. Bizikletak ibiltzeko erabilera eta aparkalekutarako erabilera baimenduta daude, araudiak besterik xedatzen ez badu betiere.

- V.b. OINEZKOAK IBILTZEKO ERABILERA

Oinezkoak ibiltzeko erabilera da jendea oinez edo beste mekanismo bakun batzuen bidez ibiltzeko erabilera. Mekanismo bakun horiek ezin dira izan ez bizikleta eta abar, ez motordun ibilgailuak, baina bai gurpil-aulkiak (eskuz eragitekoak zein motordunak), haurren kotxeak, etab.

Lurzoru urbanizaezinean, bereziki garrantzitsuak dira udalerriko eraztun berdeak eratzen dituzten bidezidorrak eta, haien barruan, mendiko ibilbide luzeak eta GR-3 ibilbidea.

Erabilera orokorreko eremu guztietan dago baimenduta oinezkoak ibiltzeko erabilera, eta ez da beharrezkoa baimena berariaz ematea.


34

- V.c. BIZIKLETAK IBILTZEKO ERABILERA

Bizikletak ibiltzeko erabilera oinarrizko zerbitzutzat hartu behar da betiere eta, hortaz, erabilera orokorreko eremuetan baimenduta dagoela jo behar da; hau da, ez da beharrezkoa baimena berariaz ematea. Jakina, oinezkoak edota motordun ibilgailuak ibiltzeko erabilerekin gatazkarik ez sortzeko, beharrezko lehentasunak ezarri behar dira. Erabilera hau motordun ibilgailuak ibiltzeko erabileraren parekotzat hartu behar da, araudiak besterik xedatzen ez badu betiere.

- V.d. APARKALEKUTARAKO ERABILERA

Aparkatzea da ibilgailuak jabari publikoko edo pribatuko eremuetan kanpoan edo sestra gainean geldi uztea.

Ohiko eta baimendutako gainerako erabilerei zuzeneko zerbitzua egiteko aparkalekutarako erabilera oinarrizko zerbitzutzat hartu behar da betiere eta, hortaz, erabilera orokorreko eremuetan baimenduta dagoela jo behar da; hau da, ez da beharrezkoa baimena berariaz ematea. Jakina, oinezkoak edo, hala badagokio, bizikletak ibiltzeko erabilerekin gatazkarik ez sortzeko, beharrezko lehentasunak ezarri behar dira.

Hala ere, eremu libreetan eta kalifikazio xehatua duen lurzoruan, baldin eta aplikatu beharreko araudiak hauxe ezartzen badu, aparkalekutarako erabilera mugatuta dago, erabilera nagusiei balioa ez galarazteko eta haiek ez eragozteko.

Kasu eta leku jakin batzuetan, oinezkoak ibiltzeko erabileren ondoan egon daitezke aparkalekutarako erabilerak. Kasu horietan, dagokion udal-ordenantzak arautu behar ditu erabilerak: sarrerak; ordutegia; ibilgailu motak; zamalanak egiteko lekuak, ordutegia eta modua; aparkalekuak; etab.

Erabilera hau motordun ibilgailuak ibiltzeko erabileraren parekotzat hartu behar da, araudiak besterik xedatzen ez badu betiere. Oinezkoak eta bizikletak ibiltzeko erabilera eta aparkalekutarako erabilera baimenduta daude, araudiak besterik xedatzen ez badu betiere.

Garajetarako erabilera bezalaxe, oro har, bizitegitarako, industriarako, hirugarren sektorerako eta erkidegoarentzako ekipamendutarako erabileren osagarritzat hartu behar da aparkalekutarako erabilera eta, hortaz, erabilera nagusiei zerbitzu egiteko beharretara egokitu behar da dagokion lursaileko aparkalekuen gehieneko kopurua.

- V.e. GARAJETARAKO ERABILERA

1. Garajetarako erabileren definizioa eta esparrua

Garajeak dira ibilgailuak gordetzeko lokal edo eremu estali eta oro har itxi edo kontrolatuak, baita haiei atxikita ibilgailuak pasatzeko, itxaroteko edo egoteko dauden lekuak eta horien guztien osagarri diren zerbitzuak eta instalazioak ere. Alde horretatik, garajetarako erabileraren erabilera osagarriak dira komunak, instalazio-gelak, eta abar, baita ibilgailuak garbitzeko instalazioak ere. Ibilgailuei erregaia botatzeko erabilerak, zerbitzuguneak eta ibilgailuak konpontzeko lantegiak, aldiz, ez dira garajetarako erabileraren erabilera osagarriak. Oro har, bizitegitarako, industriarako, hirugarren sektorerako eta erkidegoarentzako ekipamendutarako erabileren osagarritzat hartu behar dira garajetarako eta aparkalekutarako erabilerak eta, hortaz, erabilera nagusiei zerbitzu egiteko beharretara egokitu behar da dagokion lursaileko aparkalekuen gehieneko kopurua. Kategoria honen barruan daude sestra gaineko eta sestra azpiko aparkaleku publikoak ere.

2. Garajetarako erabileren zerrenda eta edukia

Lau azpikategoriak osatzen dute garajetarako erabilera:

- 1. kategoriako garajeak Kategoria honen barruan daude partikular edo banakoek autoak gordetzeko eta bizitegiei zerbitzu egiteko garajeak. Nahitaezkoak dira bizitegitarako eraikuntza berrietan, arau partikularrek berariazko salbuespena ezartzen ez badute betiere. Kategoria honetako garajeetan, debekatuta dago kamionetak, kamioiak, traktoreak eta antzeko ibilgailuak gordetzea.


35

Honela koka daitezke: a. A eta B kategorietako etxebizitza-eraikinei atxikita edo haien beheko solairuan, erdisotoan, sotoan

edo lonjan. Etxebizitza bakoitzeko auto bat kabitu eta 15 m2 neurtu behar dute gutxienez, eta etxebizitza bakoitzeko hiru auto kabi eta 80 m2 neur dezakete gehienez.

b. A eta B kategorietako etxebizitzei atxikita, beste eraikin batean. Etxebizitza bakoitzeko auto bat kabitu eta 15 m2 neurtu behar dute gutxienez, eta etxebizitza bakoitzeko hiru auto kabi eta 80 m2 neur dezakete gehienez.

Hiri-antolamendurako plan nagusi hau indarrean sartzen denerako antzeko edo pareko kokalekuetan dauden garajeak baimenduta daude, baldin eta antolamendu xehatuarekin bat badatoz, nahiz eta aipatutako baldintzak hertsiki ez bete, kasu honetan izan ezik: ibilgailuak, bizikletak eta oinezkoak ibiltzeko edo zirkulazioa arina izateko arazoak, arriskua, segurtasunik eza edo interes orokorreko beste edozein gatazka funtzional sorrarazten dutenean.

- 2. kategoriako garajeak Kategoria hau osatzen dute bizitegitarako eraikinetan autoak gordetzeko garaje osagarri kolektiboek. Nahitaezkoak dira bizitegitarako eraikuntza berrietan, arau partikularrek berariazko salbuespena ezartzen ez badute betiere. Kategoria honetako garajeetan, debekatuta dago kamionetak, kamioiak, traktoreak eta antzeko ibilgailuak gordetzea, eta jarduera gogaikarri edo arriskutsuen eragina txikiagotzeko neurriak hartu behar dira. Ahal dela, erdisotoetan eta sotoetan kokatu behar dira, baina etxebizitzatarako, bulegotarako, saltokitarako eta industriarako eraikin kolektiboen beheko solairuetan eta lonjetan ere koka daitezke. Auto bakoitzeko 25 m2 neurtu behar dute gutxienez eta, guztira, 100 m2 neurtu behar dute gutxienez, eta lau auto kabitu. Gehieneko azalera eraikia, berriz, 1.000 m2-koa izan daiteke, erabilera osagarriak barnean hartuta.

- 3. kategoriako garajeak Kategoria hau osatzen dute autoak gordetzeko garaje kolektiboek. Kategoria honetako garajeetan, debekatuta dago kamionetak, kamioiak, traktoreak eta 6 m baino luzeagoak diren autoak gordetzea, eta jarduera gogaikarri edo arriskutsuen eragina txikiagotzeko neurriak hartu behar dira. Azpikategoria hauek bereizten dira:

- 3.a. kategoria Garajetarako eraikuntzek 4.000 m2 neur dezakete gehienez, osagarriak zein autonomoak izan daitezke, kalifikazio xehatuko lursail eta eraikinetan egon behar dute eta erabilera nagusiak bizitegitarako, hirugarren sektorerako, industriarako, erkidegoarentzako ekipamendutarako edo zerbitzutarako azpiegituretarako erabilera izan behar du. Eremu libre pribatuen azpian ere koka daitezke eta, hala badagokio, erabilera publikorako zortasuna ezar daiteke. Garaje osagarrien sabai-azalerak gainerako erabileren sabai-azaleraren % 50 baino txikiagoa izan behar du, antolamendu xehatuak besterik xedatzen ez badu betiere.

- 3.b. kategoria Eraikin edo lursail aske pribatu edo publikoetan egon behar dute azpikategoria honetako garajeek, eta garajetarako bakarrik edo garajetarako eta komunikabidetarako erabilera bateragarri baterako (hala nola autobus- edo tren-geltokitarako) erabil daitezke. Kalifikazio xehatuko lursail batean egon behar dute. Azpikategoria honen barruan daude parking edo erabilera publikoko garajeak: bai erakunde publikoek ustiatzen dituztenak, bai emakida bidez ustiatzen direnak. Era berean, azpikategoria honen barruan daude autobus-geltokietako lurzorua, eraikinak eta instalazioak. Zertarako erabiltzen diren kontuan izanik, bertakoentzat izan daitezke azpikategoria honetako garajeak, edo txandaka aparkatzeko. Gainera, egoki jotzen diren beste helburu baterako (adibidez, erdiguneko zirkulazioa arintzeko) erabil daitezke, baita erabilera mistoetarako ere. Arau partikularrek edo antolamendu xehatuak ezarri behar dute garajeen azalera eta gehieneko azalera eraikia, erabilera osagarriak barnean hartuz.

- 4. kategoriako garajeak


36

Garaje industrialak daude kategoria honen barruan, eta nolanahiko ibilgailuak gordetzeko erabil daitezke, baita kamioiak, autobusak eta traktoreak ere.

Azpikategoria hauek bereizten dira:

- 4.a. kategoria Partikularrek erabiltzeko garajeak dira. Lau ibilgailu kabi ditzakete gehienez, eta azalera eraikiak 200 m2 baino txikiagoa izan behar du. Ezin dira kokatu oro har bizitegitarako erabiltzen diren eremuetan, baina lehendik daudenak onartu egin daitezke, Udalak lizentzia luzatuta. Hala ere, Udalak lizentzia baliogabetu ere egin dezake, garajeek gogait eragiten badute edo inguruko erabilerekin nabarmen bateraezinak badira.

- 4.b. kategoria Oro har industriarako eta garraiorako erabiltzen diren eremuetan daude, eta ez dago inongo mugarik, legedi espezifikoak, sektoreko legediak, hirigintzaren antolamenduak eta babes eta segurtasun publikoari buruzko araudiak ezartzen dituztenak izan ezik.

- V.f. ERREPIDEKO GARRAIORAKO IBILGAILUAK APARKATZEKO ETA IBILTZEKO ERABILERA

Kategoria honen barruan daude errepideko garraiorako ibilgailuentzako eremuak: gehienbat, kamioiak aparkatzeko eremuak.

Inoiz, zerbitzutarako eraikuntzak ere izan daitezke, hala nola gasolina-zerbitzuguneak, ibilgailuak konpontzeko lantegiak eta biltegiratze- eta trukatze-pabiloiak. Halakorik badago, 3. kategoriako industriarako erabileren edota 2. edo 3. kategoriako biltegitarako erabileren parekoak dira, kasuan-kasuan.

- V.g. BIDE-SISTEMARI ATXIKITAKO ERABILERAK

- V.g.1. Herri-lanak egiteko industriak eta biltegiak

Komunikazio-sistemak, azpiegiturak eta beste herri-lan batzuk egiteko eta mantentzeko eta horiei zerbitzu egiteko industriak dira, hala nola material- eta tresneria-biltegiak eta herri-lanak egiteko betegarriak.

Kategoria honetako eraikuntzak eta material-biltegiak 3. kategoriako industriarako erabileren edota 2. edo 3. kategoriako biltegitarako erabileren parekoak dira, kasuan-kasuan.

- V.g.2. Zerbitzuguneak

Nagusiki, 3. kategoriako industriarako erabileren parekoa da erabilera mota hau, edo, bestela, 2. edo 3. kategoriako saltokitarako erabileren parekoa, kasuan-kasuan, jarduera mota honi buruzko araudi espezifikoa aplikatzeari kalte egin gabe.

- Herri-lanak egiteko industriak eta biltegiak eta zerbitzuguneak kokatzeko, beharrezkoa da kalifikazio xehatuak hori berariaz baimentzea, dela plangintza orokorraren bidez, dela plangintza bereziaren bidez, dela garapen-plangintzaren bidez, dela mendeko plangintzaren bidez.

- V.h. TRENBIDETARAKO ERABILERA

Trenbidetarako erabilerak barnean hartzen ditu trenbideak eta haien osagarri diren erabilerak (tartean, geltokiak eta geralekuak). Erabilera horien inguruan baimena izanik kokatzen diren nolanahiko etxebizitzak eta lantegiak, aldiz, erabilera honetatik kanpo daude.


37

VI. OINARRIZKO AZPIEGITURETARAKO ETA ZERBITZUETARAKO ERABILERAK

1. Oinarrizko azpiegituretarako eta zerbitzuetarako erabileren zerrenda eta esparrua

Kategoria hauek bereizten dira:

VI.a. Edateko ura hornitzeko eta arazteko azpiegiturak.

VI.b. Hondakin-ura husteko eta arazteko azpiegiturak.

VI.c. Elektrizitatea hornitzeko azpiegiturak.

VI.d. Telefonia- eta telekomunikazio-azpiegiturak.

VI.e. Erregaiak hornitzeko azpiegiturak.

VI.f. Hondakinak kudeatzeko azpiegiturak.

Dagokion eremu orokorra oro har erabiltzeko araubidearekin bateraezinak ez badira, 1. kategoriako azpiegiturak oinarrizko zerbitzuetarako erabileratzat hartu behar dira, eta erabilera orokorreko eremu guztietan koka daitezke; ez da beharrezkoa baimena berariaz ematea.

Energia aurrezteko instalazioak (eguzki-plakak, etxeko ur beroa ekoizteko instalazioak eta plaka fotovoltaikoak) ere baimenduta daude, beharrezkoak edota arrazoizkoak badira, baita argitzeko energia modu eraginkorrean erabiltzeko eta energia mota hori aurrezteko instalazioak, etab.

2. kategoriako instalazioak ere oinarrizko zerbitzuetarako erabileratzat hartu behar dira, baina eremu bakoitzera egokitu behar dira. Gainera, haien eragina txikiagotzeko beharrezko neurriak hartu behar dira, eta are ingurumenaren gaineko eragina aztertu behar da, baldin eta erabilerak bateraezinak badira edo ingurumenaren egoerak edo sektoreko arauek edo segurtasun-arauek horretara behartzen badute. Lurzoru urbanizaezinean badaude eta haren ezaugarriek behartzen badute, berriz, plan berezi bat prestatu ere egin behar da.

Zerbitzutarako azpiegitura-sareetako elementuak egiturazko kalifikazioan zein kalifikazio xehatuan azaldu behar dira, baldin eta lurzoruaren okupazioa sestra gainekoa bada nagusiki eta okupazioak beste erabilera batzuk ezarri ahal izatea baztertzen badu.

Sektoreko araudiak edo araudi espezializatuak ezarri behar ditu zerbitzutarako azpiegiturak kokatzeko baldintza fisikoak eta juridikoak, baina enpresa hornitzaileei ere baimendu dakizkieke, eta are udal-ordenantzen barruan berariaz sartu.

2. Oinarrizko azpiegituretarako eta zerbitzuetarako erabileren zerrenda eta edukia

Oro har, multzo honetako zerbitzu motak bi kategoriatan sailkatzen dira:

- 1. kategoria. Oinarrizko banaketa-sareak eta -instalazioak, linealak eta lurpekoak batez ere, baita elementu edota lotune jakin txikiak, kutxatilak eta estazioak, panelak, etab. Hiriko eta landako habitatetako erabilerekin bateragarriak izan behar dute horien guztien neurriek eta ezaugarriek. Dagozkion erabilera osagarriak ere daude kategoria honen barruan.

- 2. kategoria. Kategoria honen barruan daude, neurriak edo jarduera direla-eta, ingurumenean edota hiriko eta landako habitatetako erabileretan nolabaiteko eragina duten edota horiekin guztiekin nolabait bateraezinak diren instalazioak, hala nola jariakinak, solidoak eta, hala badagokio, gasak biltegiratzeko eta arazteko instalazioak; energia ekoizteko eta eraldatzeko estazioak; parke eolikoak; aireko linea nagusiak; ura erregulatzeko eta ponpatzeko estazioak; gasbideak; etab. Salbuespen gisa bakarrik koka daitezke, eremu bakoitzera egokituta betiere, eta eragina txikiagotzeko neurriak hartu behar dira, ingurumenaren gaineko eragina aztertu, eta plan berezi bat prestatu, baldin eta instalazioak lurzoru urbanizaezinean badaude eta haien ezaugarriek behartzen badute. Dagozkion erabilera osagarriak ere daude kategoria honen barruan.

VI.A. EDATEKO URA HORNITZEKO ETA ARAZTEKO AZPIEGITURAK - 1. kategoria


38

Kategoria hau osatzen dute edateko ura banatzeko oinarrizko sareek eta instalazioek (batez ere, lurpekoek), edateko ura ponpatzeko estazio txikiek eta are nork bere ur beroa ekoizteko panelek.

- 2. kategoria Kategoria hau osatzen dute urtegiek, edateko ura arazteko estazioek, edateko ura hornitzeko arteria nagusiek, biltegiratzea eta banaketa erregulatzeko deposituek, lurpeko sareek eta are ur beroa ekoizteko estazioek eta panel multzoek, baita dagozkion erabilera osagarriek ere.

VI.B. HONDAKIN-URA HUSTEKO ETA ARAZTEKO AZPIEGITURAK

- 1. kategoria Kategoria hau osatzen dute hondakin-ura husteko oinarrizko sare eta instalazioek eta estolderiak (batez ere, lurpekoek).

- 2. kategoria Kategoria hau osatzen dute hondakin-ura biltzeko hodi nagusiek; hondakin-ura arazteko estazio handiek eta ertainek; hondakin-ura tratatzeko, erregulatzeko eta erregistratzeko elementu txikiek; hondakin-ura ponpatzeko estazio nagusiek; eta gainezkabideek.

VI.C. ELEKTRIZITATEA HORNITZEKO AZPIEGITURAK

- 1. kategoria Kategoria hau osatzen dute elektrizitatea banatzeko oinarrizko sareek eta instalazioek (batez ere, lurpekoek) eta are habitatari kalte egiten ez dioten transformadore txikiek.

- 2. kategoria Kategoria hau osatzen dute elektrizitatea ekoizteko eta biltegiratzeko zentralek, parke eolikoek, eguzki-energia ekoizteko estazioek, elektrizitatea eraldatzeko eta banatzeko estazioek eta azpiestazioek, elektrizitatea banatzeko aireko eta lurpeko lineek, kaleak argitzeko aireko eta lurpeko lineek eta abarrek.

VI.D. TELEFONIA- ETA TELEKOMUNIKAZIO-AZPIEGITURAK

- 1. kategoria Kategoria hau osatzen dute telefonoa- eta telekomunikazio-zerbitzuak emateko oinarrizko sareek eta instalazioek (batez ere, lurpekoek).

- 2. kategoria Kategoria hau osatzen dute telefonia-zentralek, irrati- eta telebista-kateek eta ekoizpen-zentroek, nolanahiko antenek, faroek eta abarrek, baita kable bidezko telefonia- eta telekomunikazio-sareek ere.

Telefonia-zentralak eta irrati- eta telebista-kateak eta ekoizpen-zentroak merkataritzarako eta bulegotarako erabileren parekotzat hartu behar dira.

VI.E. ERREGAIAK HORNITZEKO AZPIEGITURAK

- 1. kategoria Kategoria hau osatzen dute gasa jendeari zuzenean banatzeko oinarrizko sareek eta instalazioek (batez ere, lurpekoek) eta are depositu txikiek, baldin eta haien eragina txikiagotzeko neurriak hartzen badira eta berariaz baimenduta badaude.

- 2. kategoria Kategoria hau osatzen dute erregaiak ekoizteko, tratatzeko eta biltegiratzeko instalazioek. Era berean, kategoria honen barruan daude zuzeneko erabiltzaileen erregai-deposituak eta petrolioaren deribatu astunak (gasolioa eta fuel-olioa), baita gas likidotua biltegiratzeko deposituak ere. Saltzeko erregaiak ekoizteko eta biltegiratzeko instalazioak industriarako erabileratzat hartu behar dira helburu guztietarako.

VI.F. HONDAKINAK KUDEATZEKO AZPIEGITURAK

- 1. kategoria


39

Kategoria hau osatzen dute hondakinak sistema pneumatiko baten bidez edo harekin pareka daitekeen sistema baten bidez husteko sareek eta instalazioek eta are hondakinak biltzeko tokiko estazioek, haien neurriek eta kokalekuak eta gainerako baldintzek habitatari kalte egiten ez badiote.

- 2. kategoria Kategoria hau osatzen dute hondakin organiko eta bizigabeak zentralizatzeko eta, hala badagokio, horiek suntsitzeko hondakindegi kontrolatuek, berariazko baimena badute eta indarrean dagoen ingurumen-legediak xedatzen dituen baldintzak betetzen badituzte. Era berean, kategoria honen barruan daude nolanahiko hondakinak tratatzeko, berreskuratzeko eta eraldatzeko (are konpostatzeko) instalazio bereziak eta energia ustiatzeko eta eskuratzeko instalazio bereziak, baldin eta metodo espezializatuak erabiltzen eta sektoreko eta lurraldeko planen xedapenak betetzen badira, indarrean dagoen legediak eta sektoreko araudi espezifikoak ezartzen dituzten baldintzetan.


40

VII. LANDAKO ERABILERAK A. Definizioa

Gehienbat, landako erabilerak dira ingurumena babesteko, landako ingurunea produktuak (nekazaritza eta abeltzaintzako eta sektore horrekin lotutako industrietako produktuak) ekoizteko ustiatzeko, landako habitata zaintzeko eta aisia emateko jarduerak. Era berean, landako erabilerak dira herritarrei zerbitzu egiteko beste erabilera batzuk, hala nola azpiegiturak, hiritik kanpoko ingurunekoak badira berez. B. Motak

Landako erabilera eta jardun mota hauek bereizten dira: VII.A. Ingurumena babesteko erabilerak. VII.B. Lehengaiak ustiatzeko erabilerak. VII.C. Ekipamendutarako erabilerak. VII.D. Aisialdia emateko erabilerak. VII.E. Azpiegituratarako erabilerak. VII.F. Eraikuntzarako beste erabilera eta jarduera batzuk.

C. Deskripzioa

VII.A. INGURUMENA BABESTEKO ERABILERAK

Ingurumena babesteko erabilerak dira ingurune naturala mantentzeko eta babesteko, hobetzeko, lehengoratzeko eta balioztatzeko erabilera guztiak, eraikuntza izan ezik. Natura aztertzeko eta behatzeko eraikuntzak, ordea, izan badira ingurumena babesteko erabilerak. Besteak beste, kategoria honen barruan daude ingurumena mantentzeko eta hobetzeko jarduera kulturalak, zientifikoak, etab. Honela sailkatzen dira ingurumena babesteko erabilerak: 1. Ingurumena kontserbatzeko

erabilerak. 2. Ingurumena hobetzeko erabilerak.

VII.B. LEHENGAIAK USTIATZEKO ERABILERAK

1. Nekazaritza eta abeltzaintzarako erabilera komunak Nekazaritza eta abeltzaintzarako erabilera arruntak dira neurri batean profesionalak diren edo guztiz profesionalak diren langileen ustiategiak. Ustiategi berriak kokatzeko, alde ekonomikotik bideragarriak izateko gutxieneko ekoizpenari buruzko eskakizunak bete behar dira, eta gaiaren gaineko eskumena duen administrazioak (adibidez, Bizkaiko Foru Aldundiko Nekazaritza Sailak) eskakizun horiek betetzen direla egiaztatu behar du. Besteak beste, hauek dira nekazaritza eta abeltzaintzarako erabilera arruntak:

a. Bizitegi ere badiren baserriak Nekazaritza eta abeltzaintzarako ustiategi eta instalazio komunek osatzen dituzte, eta bizitegitarako erabilerarekin bateragarriak dira. Tradizionalak (baserriak, etab.) izan daitezke, eta nekazaritza eta abeltzaintzako produktuak ekoizteko egungo sistemetara egokituta egon, edo berriak izan daitezke, eta, baimena lortzeko, alde ekonomikotik bideragarriak izateko gutxieneko ekoizpenari buruzko eskakizunak bete. Baserri berriek gutxieneko ekoizpenari buruzko eskakizunak betetzeak, baina, ez du esan nahi arauzko edo legezko beste eskakizun batzuk ere behar ez direnik baimena lortzeko. Kategoria honen barruan daude etxebizitzarekin bateragarriak diren landako industriak, oinplanoaren okupazioa 2.000 m2-tik beherakoa bada eta, etxebizitzaren eraikin berean egon zein pabiloi batean egon, baserria ustiatzearekin lotuta badaude: abeltzaintza intentsiboan aritzen diren baserriak; nekazaritza eta abeltzaintzako produktuak jatorrian biltegiratzeko eta eraldatzeko industriak; mintegi industrialak, baldin eta zoladunak badira eta produktuak ez badira ustiatzen lurrean; ibilgailuak eta makinak gordetzeko garajeak; eta landako turismoa.

Bereziki, bi erabilera mota bereizten dira kategoria honen barruan:


41

- Baserri tradizionala Aipatutako erabilerekin lotutako edo haiei atxikitako lursailak ez du izan behar lursail hartzaile izateko gutxieneko neurria, kasu honetan izan ezik: zatitu egiten denean. Kasu horretan, gainera, baserri berritarako erabileratzat hartu behar da zati berria.

- Baserri berria Lursailak lursail hartzaile izateko gutxieneko azalera izan behar du eta aipatutako erabilerekin lotuta egon behar du eta, gainera, etxebizitzatarako erabiltzen ez den nekazaritzako ustiategia eta, hala badagokio, nekazaritza eta abeltzaintzarako gainerako erabilerak kokatzeko beharrezko azalera izan behar du.

- VII.F.4. erabilera ere multzo honen barruan sar daiteke.

b. Bizitegi ez diren baserriak

Kategoria hau osatzen dute nekazaritza eta abeltzaintzako ustiategiek eta basogintzako ustiategiek, lurrak edo laborantza-lur emankorrak behar izan ala ez izan. Lurrak edo laborantza-lur emankorrak behar ez dituzten ustiategiak nekazaritza eta abeltzaintza intentsiboan aritu daitezke. Lurrik behar ez duten nekazaritza eta abeltzaintzako produktuak ekoizteko industriak (zerrategiak, esnekiak ekoizteko industriak, etab.) erabilera mota honetatik kanpo daude printzipioz, eta ezin dira kokatu lurzoru urbanizaezinean.

c. Mintegiak eta berotegiak: 1. Zolagabeak. 2. Zola eta itxitura finkodunak.

d. Ukuiluko azienda edo abeltzaintza intentsiboa

e. Ukuilutik kanpoko azienda edo abeltzaintza estentsiboa -Abereentzako edota artzainarentzako bordak.

2. Profesionalizatu gabeko nekazaritza eta abeltzaintzarako erabilerak

Kategoria hau osatzen dute nekazaritza eta abeltzaintzarako erabilera komun izateko beharrezko bideragarritasun eta autonomia-eskakizunak betetzen ez dituzten nekazaritza eta abeltzaintzako ustiategiek. Era berean, kategoria honen barruan daude hiri inguruko baratzeak eta aisia emateko baratzeak. Erabilera osagarri bakarrak lanabesak gordetzeko etxolak dira, eta erabilera atxikiak, berriz, aldi baterako txabolak, batentzat ala askorentzat izan.

3. Basogintzarako erabilerak

Basogintzarako erabilerak dira basoak zuzenean ustiatzetik sortzen diren produktuak lehenengoz eraldatzeko jarduerak. Basogintzarako erabileren erabilera osagarriak dira, batetik, basoak zuzenean ustiatzetik sortzen diren produktuak lehenengoz eraldatzeko jarduerak, industriarako erabilerekin parekagarriak ez badira beren ezaugarriak direla-eta, eta, bestetik, beren ezaugarriak eta izaera kontuan hartuz, erabilera osagarritzat har daitezkeenak, baldin eta erabilera osagarritzat hartzea behar bezala eta zorrozki justifikatzen bada aurrez. Etxebizitza inola ere ezin da hartu erabilera osagarritzat.

4. Nekazaritza eta abeltzaintzako produktuak eraldatzeko industriarako edota nekazaritza eta abeltzaintza intentsiboan aritzeko baserritarako erabilerak

Nekazaritza eta abeltzaintzako produktuak eraldatzeko industriarako edota nekazaritza eta abeltzaintza intentsiboan aritzeko baserritarako erabilerak dira etxebizitzarekin lotuta ez dauden industriarako eta nekazaritza eta abeltzaintzako biltegitarako erabilerak. Kategoria hau osatzen dute 4.a. kategoriako industriarako erabilerak eta 4. kategoriako biltegitarako erabilerak, nekazaritzarekin, abeltzaintzarekin edo basogintzarekin lotuta badaude zuzenean, baita nahitaez lurzoru urbanizaezinean kokatu behar diren jarduerek ere: nekazaritzarako instalazio industrializatuek, nekazaritzako produktuak gordetzeko biltegiek, lanabesak eta abar gordetzekoek, baserriek, nekazaritza eta abeltzaintzako produktuak


42

lehenengoz eraldatzeko instalazioek... baldin eta nekazaritza eta abeltzaintzako ustiategi tradizional batekin (adibidez, baserriarekin) lotuta ez badaude. Lurrik behar ez duten nekazaritza eta abeltzaintzako produktuak ekoizteko industriak (zerrategiak, esnekiak ekoizteko industriak, etab.) erabilera mota honetatik kanpo daude printzipioz, eta ezin dira kokatu lurzoru urbanizaezinean.

5. Arrain-haztegitarako erabilerak

Kategoria hau osatzen dute arrainak hazteko eta zaintzeko jarduerek eta arrainak lehenengoz eraldatzeko jarduerek.

6. Erauzketarako erabilerak

Kategoria honen barruan daude geologiarekin zuzenean lotuta dauden industriako jarduerak (erauzketa-industriak, 4.b. kategoriako industriarako erabilerak). Kategoria honen barruan daude kanpoko eta lurpeko harrobiak eta meategiak; ura, lurruna eta hidrokarburoak erauzteko industriak; eta horiei guztiei dagozkien erabilera osagarriak, hala nola harrobiko agregakinak erabiliz hormigoia eta asfaltozko produktuak ekoizteko instalazioak, dauden tokian daudela ere. Kategoria honetako erabilerak kokatzeko eta abian jartzeko, beharrezkoa da lurzorua ustiatzeko baimena lortzea, eta baliteke udal-lizentzia ere behar izatea.

VII.C. EKIPAMENDUTARAKO ERABILERAK

Kategoria honen barruan dago landako herritarrei zuzeneko zerbitzua egiteko ekipamendu publikoa eta pribatua, baita herritar guztiei zerbitzu egiteko ekipamendu publikoa eta pribatua ere, landan kokatu behar bada nahitaez. Horrelakoak dira, adibidez, hilerriak, erlijiorako eta gizarte eta kulturarako erabilerak eta eremuak, frontoiak, ostatuak, etab.:

1. Erlijiorako ekipamendua. 2. Gizarte eta kulturarako eta kirolerako ekipamendua. 3. Osasunerako eta laguntzarako ekipamendua. 4. Landako turismorako eta ostalaritzarako ekipamendua. 5. Bidetarako ekipamendua edota landako ingurunearekin bateragarria edo landako ingurunean komenigarria dena.

Definizioak lurralde-antolamendurako artezpideek ematen dituztenekin bat datoz, baina zenbait ñabardura egin behar dira:

Landako turismorako eta ostalaritzarako ekipamendua. Ekipamendu mota hau osatzen dute landako ingurunean aisia emateko eta harremanetan egoteko beharrezko erabilerek eta, landako ingurunearen erakargarritasuna dela-eta, landako ingurunearen gaitasun ekonomikoa aprobetxatzeko erabilerek, landako ingurunea egoera onean mantentzearekin bat badatoz betiere. Ekipamendu mota honen barruan daude hotel txikiak, landako turismorako establezimenduak eta ostalaritzarako erabilerak: jatetxeak, sagardotegiak, etab. VII.D. AISIALDIA EMATEKO ERABILERAK

Aisialdia emateko erabilerak dira aisia emateko erabilera hutsak eta ingurune naturala eta landako ingurunea erabiltzeko eta gozatzeko erabilerak, aisialdiarekin, turismoarekin edo natura-gaietan heztearekin eta natura interpretatzearekin lotuta badaude. Eraikuntza da salbuespen bakarra, baina natura aztertzeko eta behatzeko eraikuntzak izan badira aisialdia emateko erabilerak.

1. Aisialdia emateko erabilera estentsiboak: a. Mendi-ibili kontrolatuak. Mendizaletasuna. b. Beste batzuk. 2. Aisialdia emateko erabilera intentsiboak: a. Kirola eta jolasak. b. Kultura eta jolasa. 3. Ehiza eta arrantza.


43

Lurzoru urbanizaezinean eraztun berdeak eratzen dituzten bidezidorrak eta mendiko ibilbide luzeak eta GR-3 ibilbidea aisialdia emateko erabileraren parekotzat hartzen dira. VII.E. AZPIEGITURATARAKO ERABILERAK

Erabilera hauek daude kategoria honen barruan:

1. Komunikabidetarako erabilerak eta, tartean, landako bideak, eraztun berdeak eratzen dituzten bidezidorrak eta mendiko ibilbide luzeak eta GR-3 ibilbidea.

Komunikazio-sistemak, azpiegiturak eta beste herri-lan batzuk egiteko eta mantentzeko eta horiei zerbitzu egiteko industriak eta instalazioak (4.c. kategoriako industriarako erabilerak) komunikazio-sistemako jardueren parekoak dira, baita komunikazio-sistemaren barruan kalifikazio xehatuko lurzoruan ez dauden zerbitzuguneak ere.

2. Azpiegituretarako aireko lineak eta antenak.

3. Azpiegituretarako lurpeko lineak.

4. Azpiegituretarako zerbitzutarako instalazio tekniko ez-linealak (urtegiak, araztegiak, estazioak...).

5. Hondakin solidoak tratatzeko instalazioak, hondakindegiak, zabortegiak... VII.F. ERAIKUNTZARAKO BESTE ERABILERA ETA JARDUERA BATZUK

1. Hiria landako guneetan oinarrituta haztea - Landako guneak biztanleria-gune txikiak dira. Gehienak historikoak dira, baina, hiritik hurbil

daudela eta etxebizitzen eta bertakoen kopurua dela-eta, hiriko egitura bihurtzen hasiak dira. Gaur egun, erabilera bereziak dira landako ingurunean. Nekazaritza eta abeltzaintzako ustiapenarekin harremanetan egon izan dira, baina harreman hori aldatu egin da, industrializazioaren eta ekonomia mistoaren (bertakoak nekazari eta abeltzain eta, aldi berean, industriako langile izatearen) ondorioz. Hori dela eta, landako guneen izaera pixka bat aldatu da, eta, nolabait, dentsitate txikiko bizitegi bilakatu dira landako guneak. Hala ere, bereziak direnez eta landako ingurunearekin harremanetan daudenez gero, espezifikoki arautu behar dira, indarrean dagoen araudiarekin bat.

- Hiri-antolamendurako plan nagusi honek ezartzen duen antolamenduak arautzen du hiria landako guneetan oinarrituta haztea.

2. Hiria landako guneetan oinarritu gabe haztea - Hiria landako guneetan oinarritu gabe haztea da hiri-antolamendurako plan nagusi honek

ezartzen duen lurzoru urbanizagarrian haztea hiria. Horrenbestez, hazkunde horretatik kanpo dago urbanizaezintzat sailkatutako lurzorua, eta debekatuta dago lurzoru urbanizaezinean hirigintza inola garatzea, VII.F. epigrafeak zehazten dituen kasu jakinetan izan ezik.

3. Erabilera publikoko eta interes sozialeko erabilerak eta eraikinak - Erabilera publikoko eta interes sozialeko erabilerak eta eraikinak dira landako ingurunean

kokatu behar den eta berariaz halakotzat hartzen den erkidegoarentzako ekipamendua, hala nola zerbitzu publikorako ekipamendu berezia: osasunerako ekipamendua, turistentzako kanpalekuak, etab. Horrelako erabilerak kokatzeko, beharrezkoa da kalifikazio xehatua berariaz adieraztea, dela plangintza orokorraren bidez, dela plangintza bereziaren bidez, dela garapen-plangintzaren bidez, dela mendeko plangintzaren bidez.

4. Nekazaritzako ustiategiekin lotutako landako bizitegi bakartuak - Nekazaritzako ustiategiekin lotutako landako bizitegi bakartuak dira landetxe tradizionalak

(baserriak) eta A-1 eta A-2 kategorietako etxebizitzak, nekazari, abeltzain edo basoginak bertan bizi badira beti. Apartamentuak, aldiz, ez dira horrelakoak. Etxebizitzatarako eremuez gain, kategoria honen barruan daude nekazaritza eta abeltzaintzako ustiategi komunen erabilera osagarriak: ukuiluak, nekazari eta abeltzainen lanabesak eta produktuak gordetzeko biltegiak eta 1. eta 4.a. kategorietako garajeak.


44

Era berean, kategoria honen barruan daude lehendik zeuden baserrietarako eta etxebizitza berrietarako erabilerak, baita lehendik dauden baserriak eta etxeak zaharberritzeko, handitzeko eta ordezkatzeko jarduerak eta ustiategiekin lotutako bizitegien eranskinak.

5. Nekazaritzako ustiategiekin lotuta ez dauden landako bizitegi bakartuak - Oro har, guztiz debekatuta dago landako bizitegi bakartu berriak sortzea, landako ingurunean

sortzen badira izan ezik [VII.F.7 atala]. Legediarekin eta hiri-antolamendurako plan nagusi honetako xedapenekin bat, salbuespen gisa, erabilera publikoko eta interes sozialeko ekipamenduaren eta eraikinen eta berariaz adierazten diren beste batzuen osagarri diren bizitegiak baimendu daitezke landako ingurunean.

- Etxebizitzatarako eraikin berriak egiteko lizentzia lortzeko, ezinbestekoa da eraiki nahi den etxebizitza nekazaritza eta abeltzaintzako ustiategi batekin lotzea eta ustiategi ekonomikoaren titular eta kudeatzailearen ohiko etxebizitza izatea. Hori dela eta, lizentziaren eskatzaileak baimena eskatu behar dio aurrez Bizkaiko Lurralde Historikoko Nekazaritza Sailari, Lurzoruari eta hirigintzari buruzko 2/2006 Legeko 31. artikuluak ezartzen dituen baldintzetan.

6. Eragin berezia duten instalazioak a. Instalazio edo industria arriskutsuak

b. Ingurunea degradatzen duten instalazioak eta industriak.

- Eragin berezia duten instalazioen ezaugarria da arriskutsuak direla edo bereziki kaltegarriak direla ingurune fisikoarentzat eta ingurumenarentzat. Adibidez, horrelakoak dira txatar-biltegiak; ibilgailuen hilerriak; hormigoia ekoizteko instalazioak, harrobietan ez badaude; etab. Kategoria honetako erabilerak eta eraikinak kokatzeko, zer-nolako eragina izango duten analizatzeko azterketa bat egin behar da aurrez. Gainera, dela plangintza orokorraren bidez, dela plangintza bereziaren bidez, dela garapen-plangintzaren bidez, dela mendeko plangintzaren bidez, berariaz kalifikatutako eremuetan eta lursailetan bakarrik koka daitezke kategoria honetako erabilerak, salbuespen gisa, muga askoren barnean.

7. Landako guneetako bizitegiak eta haien erabilera osagarriak - Bizitegitarako erabilerak dira nagusiki, baserrietan eta baimendutako beste etxebizitza-eraikin

batzuetan daudenak, baita lehendik dauden nekazaritza eta abeltzaintzako ustiategiekin eta zuzkidurarako beste erabilera batzuekin (hala nola ostatuekin, elizekin, frontoiekin eta eremu libre pribatuekin) lotutako erabilerak ere.

8. Beste erabilera eta jarduera batzuk - Araudi honek edo, hala badagokio, plangintza orokorrari kalte egin gabe, garapen-plangintzak

ezartzen dituen arauek edo ordenantzek arautzen dituzte eraikuntzarako beste erabilera eta jarduera batzuk: lur-mugimenduak, eraispenak, propaganda egiteko kartelak eta abar, hirigintza-legediaren arabera aldi baterako diren lanak eta udal-lizentzia behar duten gainerako jarduerak.


45

2. KAPITULUA KALIFIKAZIO OROKORRAREN ARAUBIDE OROKORRA

Lehen atala

KALIFIKAZIO OROKORREKO EREMUEI BURUZKO ARAUDIA

15. artikulua. KALIFIKAZIO OROKORRAREN DEFINIZIOA ETA KODEAK 1. Lurzoruari eta hirigintzari buruzko 2/2006 Legeko 15. artikuluarekin bat, lurzorua kalifikatzea da "plangintzak erabilera orokorrak eta erabilera xehatuak esleitzea udal-mugarte osoko edo haren zati bateko zonei, zonetan banatzen baita udal-mugarte osoa edo haren zati bat". Definizio horrekin bat, Elorrioko udal-barrutia kalifikazio orokorraren araubidearen barnean dago. Hain zuzen ere, 4., 5. eta 7. planoek eta kapitulu honek ezartzen dute kalifikazio orokorraren araubidea, eta kapitulu honek, zehazki, eremuen zerrenda eta definizioa dakartza, baita eremu bakoitzeko lurzoruaren erabilera arautzeko xedapenak ere. Oinarrizko erabilera orokor nagusi bat duten eremuen barnean, –funtsean, pribatuak dira horrelako erabilerak–, sistema orokorrak bereizten ditu kalifikazio orokorrak: azpiegituretarako eta zerbitzutarako sistemak. Printzipioz, sistema orokorrak ez dira pribatuak, eta herritar guztiei egiten diete zerbitzu. Erabilera orokorreko eremu batean erabilera orokor edo ohiko bat nagusi izateak ez du esan nahi eremu horretan beste erabilera batzuk izan ezin direnik. Horretarako, baina, beste erabilerek ezin dute osatu gehiengoa; hau da, ezin dute osatu erabilera xehatuko lursailen azaleraren edo sestra gainean eraikitako azalera (sabai-azalera) edo eraikigarritasunaren gehiengoa.

2. Plan nagusi honek ezartzen duen antolamenduak lurzoruaren kalifikazioa sistematizatzen du, eta zazpi eremu eta sistema mota nagusi bereizten ditu. Zazpi eremu eta sistema mota horiek kalifikazio orokorreko eremuekin bat datoz:

- R. Bizitegitarako eremuak

- R-1 eremua. Alde Zaharra. - R-2 eremua. Zabalgune berria. - R-3 eremua. Dentsitate txikiko bizitegia.

- I. Industriako jarduera ekonomikoetarako eremuak (industriarako eremuak) - I. eremua. Industriakoa.

- T. Hirugarren sektoreko jarduera ekonomikoetarako eremuak (hirugarren sektorerako eremuak) - T eremua. Hirugarren sektorekoa.

- E. Erkidegoarentzako ekipamenduaren sistema orokorrak - E. Erkidegoarentzako ekipamenduaren sistema orokorra.

- L. Eremu libreen sistema orokorrak - L-1.a. Hiriko eremu libreen sistema orokorra. - L-1.b. Landako eremu libreen sistema orokorra. - L-2. Ibaien sistema orokorra.

- B. Komunikabideen eta trenbideen sistema orokorrak - B-1. Komunikabideen sistema orokorra. - B-2. Trenbideen sistema orokorra.

- Z. Zerbitzutarako azpiegituren sistema orokorrak - Z. Zerbitzutarako azpiegituren sistema orokorra.

- N. Landako eremuak - N-1 eremua. Babes berezia behar duen landako eremua. - N-2 eremua. Basoa. - N-3 eremua. Nekazaritza eta abeltzaintzarako lurrak eta landazabala.


46

- N-4 eremua. Ibaiak eta haiek babesteko ertzak. - N-5 eremua. Landa-gunea. - N-6 eremua. Sistemak.

16. artikulua. HIRI-LURZORUAN ETA LURZORU URBANIZAGARRIAN KALIFIKAZIO OROKORRA DUTEN EREMUEI ETA SISTEMA OROKORREI BURUZKO ARAUDIA

A. KALIFIKAZIO OROKORREKO EREMUETAN HIRIGINTZA ANTOLATZEKO ARAUAK

APLIKATZEKO IRIZPIDE OROKORRAK

1. Kalifikazioaren araubideak zehazten du zein den lurren erabilera nagusia edo ohikoa kalifikazio orokorreko eremu bakoitzean eta zein diren erabilera edo jarduera bateragarri edo baimenduak eta zein bateraezin edo debekatuak. Kasuan-kasuan, hiri-antolamendurako plan nagusi honetako arau partikularrek eta antolamendu orokorrak baimenak eta debekuak baldintzatu ditzakete, eta ñabardurak egin.

2. Kalifikazio orokorreko eremu bati erabilera nagusi bat egokitzeak ez du esan nahi halabeharrez beste erabilera bateragarri edo onargarri batzuk ere izan ezin direnik. Betiere, erabilera bateragarri edo onargarrien kantitateak txikiagoa izan behar du ohiko erabilera baino. Hiri Antolamendurako Plan Nagusiak lehendik dauden erabilera xehatuak finkatzen dituen kasuetan, nahiz eta erabilera xehatu horiek ezberdinak izan eta nahiz eta printzipioz are bateraezinak izan ohiko erabilera orokorrarekin, jo behar da artikulu honek bateragarritasunari eta bateraezintasunari buruz ezartzen duen araubideak ez diola kalte egiten Hiri Antolamendurako Plan Nagusiak ezartzen duen hirigintzaren antolamendu xehatuarekin bat onartutako bigarren mailako erabilerak salbuespen gisa kasu jakin batzuetan bateragarriak izateari.

B. KALIFIKAZIO OROKORREKO EREMUEN ETA SISTEMA OROKORREN ZERRENDA ETA

ARAUDIA

1. BIZITEGITARAKO EREMUAK (R)

Hauek bereizten dira, eremuen eta sistemen tipologiaren eta erabilera nagusien arabera: - R-1 eremua. Alde Zaharra. - R-2 eremua. Zabalgune berria. - R-3 eremua. Dentsitate txikiko bizitegia.

R-1 eremua. Alde Zaharra

Eremu honen ezaugarri nagusia da bizitegitarako kokalekuak daudela eta eremuak alde zaharreko ezaugarri morfologikoak dituela. Hori dela eta, eremua babestu egin behar da, berezitasun morfotipologikoak kontuan izanik eta hirigintzaren eta arkitekturaren, historiaren eta, oro har, kulturaren ikuspegitik interesgarriak direla kontuan izanik. Plangintza bereziak ezartzen du erabilerari eta eraikuntzari buruzko araubide zehatza.

R-2 eremua. Zabalgune berria

Eremu honetan, bloke bakartuak edo etxadi irekiak eratzen dituzten bizitegi-eraikinak eta familia askorentzako etxebizitzak dira nagusi. Eraikuntzen sakonera ezberdina da, eta eraikin batzuek eraiki gabeko eremuak dituzte atxikita. XX. mendeko eta ondoko zabalguneetako berezko eremua da hau. Halako aniztasun tipologikoa dago eremu honetako erabileren artean, eta dentsitate handiko edo ertaineko multzoak eta, batzuetan, erabileren nahasketak sortzen dira.

- Erabilerari buruzko araubide orokorra

- Ohiko erabilera: bizitegitarako erabilera.

- Erabilera bateragarri edo onargarriak

- Oro har, zuzkidura publikorako nolanahiko erabilerak (komunikabidetarako, eremu libretarako, ekipamendutarako, azpiegituretarako... erabilerak) dira bateragarri edo onargarriak, eremuko ohiko erabilerari kalte egiten ez badiote.


47

- Eremu orokor honetan antolamendu xehatua duten bizitegitarako lursailetan, R-2 eremuko lursailetan eta R-2 eremuan bizitegitarako antolatzen diren beste lursail mota batzuetan oro har baimentzen diren erabilerak ezar daitezke.

- Bizitegitarako kalifikazioaz beste kalifikazio xehatu bat duten eta zuzkidura publikorako erabiltzen ez diren lursailetan eta eremuetan, hauek dira erabilera bateragarri edo onargarriak: . Erkidegoarentzako ekipamendutarako nolanahiko erabilerak, oro har, eremuan sustatzen

diren erabilerekin bateragarriak badira. . c.2. kategoriako 1., 2. eta 3. azpikategorietako merkataritzarako erabilerak, oro har. . kategoriako industriarako erabilerak, oro har, eta jarduera ekonomikoetarako erabilerak, plan

nagusi honetan dagokion arau partikularrak edo plangintza xehatuak baimentzen duen lursailetan.

. 2. kategoriako industriarako erabilerak, betiere, hiriko bizi-kalitatea hobetzeko kokatzen direla justifikatzen bada eta segurtasuna eta osasungarritasuna ziurtatzeko neurriak hartzen badira ingurunean, haietarako bakarrik diren edo haiekiko erabilera bateragarriak dituzten orubeetan eta eraikinetan, eta inola ere ez bizitegitarako orubeetan eta eraikinetan.

. Zerbitzuguneak eta erregaia hornitzeko guneak, berariaz horretarako erabiltzen diren lursailetan bakarrik.

. Aparkalekutarako eta garajetarako erabilerak.

- Erabilera debekatuak

- Eremuan ohikoak edo onargarri edo bateragarriak ez diren erabilerak.

- Eraikuntzari buruzko araubide orokorra

Eremu honetako eraikuntzari buruzko araubidea R-2 eremuko lursailetako araubidearekin bat dator, baita lursailei dagozkien hirigintza-eremuetako arau partikularretako xedapenekin ere.

- Bizitegitarako erabilerarekin bateragarriak diren beste erabilera batzuetarako hirigintzarako gehieneko eraikigarritasuna

Oro har, dagozkion arau partikularrek xedatzen dutenari kalte egin gabe, eremuko hirigintzarako eraikigarritasun guztiaren % 40 erabil daiteke gehienez ere bizitegitarako erabileraz beste irabazi-asmodun erabilera batzuetarako.

- Araubide juridikoa

Erabilera pribatuko eremua edota ondarezkoa da hau.

R-3 eremua. Dentsitate txikiko bizitegia Eremu honetan, etxebizitza bakartu edo atxiki txikiak daude. Etxebizitzek lorategi pribatuak dituzte, eta dentsitatea hektareako 20 etxebizitzakoa da gutxi gorabehera, edo txikiagoa. Kalifikazioaren araubide orokorra R-2 eremuko bera da, eraikuntzari buruzko araubideari dagokionez izan ezik. Hain zuzen ere, eraikuntzari buruzko araubidea da R-3 eremuko lursailetakoa eta lursailei dagozkien hirigintza-eremuetako arau partikularretako xedapenek ezartzen dutena.

2. INDUSTRIARAKO EREMUAK (I)

Hauek bereizten dira, eremuen eta sistemen tipologiaren eta erabilera nagusien arabera: - I-1 eremua. Industria arrunterako eremua. - I-2 eremua. Berrikuntza-industriarako eremua.

I-1 eremua. Industria arrunterako eremua

Eremu honen ezaugarri nagusia da produktuak ekoizteko jarduera ekonomikoetarako erabilerak (industriarako erabilerak) eta erabilera horietarako eta haien osagarri diren beste erabilera batzuetarako eraikinak daudela gehienbat.


- Ohiko erabilera: industriarako erabileraren kategoria guztiak.


48

- Ohiko erabilerak kokatzeko eta baimentzeko helburuetarako, dagozkion hirigintza-eremuetako arau partikularrek edo plan nagusi hau garatzeko plangintza xehatuak kasuan-kasuan xedatzen dutena bete behar da.

- Salbuespen gisa, biltegitarako erabilerak koka daitezke antolamendu xehatuko lursailetan, baldin eta lursail bakoitzeko erabilera nagusitzat hartzen badira, arau partikularrak xedatzen dituen baldintzetan, eremuko ohiko erabilera bihurtzen ez badira betiere.

- Erabilera bateragarri edo onargarriak - Oro har, jarduera ekonomikoetarako erabilerak dira bateragarri edo onargarriak, baita eta

zuzkidura publikorako nolanahiko erabilerak ere, eremuko ohiko erabilerari kalte egiten ez badiote.

- Antolamendu xehatua duten industriarako lursailetan, I-1 eremuko lursailetan oro har baimentzen diren erabilerak ezar daitezke, plan honek eta, hala badagokio, plangintza xehatuak ezartzen dituzten baldintzetan.

- Industriarako kalifikazioaz beste kalifikazio xehatu bat duten eta zuzkidura publikorako erabiltzen ez diren lursailetan eta eremuetan, hauek dira erabilera bateragarri edo onargarriak: . Biltegitarako erabileraren kategoria guztiak, baldin eta arau hauek ohikoak ez diren erabilerei

ezartzen dizkieten gehieneko ehunekoak errespetatzen badira gutxienez. Hala ere, arau partikularrek edo haiek garatzeko plangintzak baldintza zorrotzagoak ezar ditzakete, eremuaren erabilera ez desitxuratzeko.

. Bizitegitarako erabilera, plan hau onartu aurretik horretarako erabiltzen ziren lursailetan eta eraikinetan bakarrik, dagokien eremuko araudi partikularrak berariaz debekatzen ez badu betiere.

. Hirugarren sektorerako erabilerak, dagokion arau partikularrak edo hura garatzeko plangintzak erabilera horietarako bakarrik izendatzen dituen lursailetan eta horietako xedapenek baimentzen duten kasuetan. 1., 2., 3. eta 4. Kategorietako merkataritzarako erabilerak.

. Erkidegoarentzako ekipamendutarako erabilerak, ohiko erabilerarekin bateragarriak badira betiere.





Eremu honetako eraikuntzari buruzko araubidea I-1 eremuko lursailetako araubidearekin bat dator, baita lursailei dagozkien hirigintza-eremuetako arau partikularretako xedapenekin ere.

- Bizitegitarako erabilerarekin bateragarriak diren beste erabilera batzuetarako hirigintzarako gehieneko eraikigarritasuna

Oro har, dagozkion arau partikularrek baldintza zorrotzagoak ezartzeari kalte egin gabe, eremuko hirigintzarako eraikigarritasun guztiaren % 40 erabil daiteke gehienez ere industriarako erabileraz beste irabazi-asmodun erabilera batzuetarako.




49

I-2 eremua. Berrikuntza-industriarako eremua

Eremu honen ezaugarri nagusia da 2. kategoriako industriarako erabilerak daudela gehienbat, "belaunaldi berriko" produktuak ekoizteko. Jarduera horien ezaugarri nagusiak dira balio erantsi handiko ondasunak (doitasun-tresnak, ondasun berritzaileak, elektronikoak, laborategikoak...) ekoiztea, garbiak izatea edo oso gutxi kutsatzea, zarata gutxi egitea edo batere zaratarik ez egitea eta, oro har, inguru atseginean egotea eta kalitateko giroa (nagusiki, ongi diseinatutako eta egindako urbanizazioan oinarritutakoa) izatea.

Erabilera nagusiak izan ezik, I-1 eremuetako erabileren (tartean, 3. kategoriako industriarako erabileren) arteko bateragarritasunari buruzko xedapenak bete behar dituzte erabilerek, eta eremuko hirigintzarako eraikigarritasun guztiaren % 40 erabil daiteke gehienez ere 3. kategoriako industriarako erabileretarako.

3. HIRUGARREN SEKTORERAKO EREMUAK (T) T-1 eremua. Hirugarren sektorekoa

Eremu honen ezaugarri nagusia da hirugarren sektoreko jarduera ekonomikoetarako erabilerak (administraziorako, merkataritzarako, hoteletarako, jolaserako, irabazi-asmodun ekipamendu pribatutarako... erabilerak) eta erabilera horietarako eta haien osagarri diren beste erabilera batzuetarako eraikinak daudela gehienbat.

Beste mota batzuetako erabilerak ezarri ahal izateari kalte egin gabe, hauek bereizten dira eremu honetan:


- Ohiko erabilera: merkataritzako jarduera ekonomikoetarako erabileraren kategoria guztiak.


- Oro har, zuzkidura publikorako nolanahiko erabilerak (komunikabidetarako, eremu libretarako, ekipamendutarako, azpiegituretarako... erabilerak) dira bateragarri edo onargarriak, eremuko ohiko erabilerari kalte egiten ez badiote.

- Antolamendu xehatua duten hirugarren sektorerako lursailetan, oro har, merkataritzako jarduera ekonomikoetarako erabilera guztiak ezar daitezke, nahiz eta ohikoak ez izan, arau partikularrek besterik xedatzen ez badute betiere.

- Industriarako kalifikazioaz beste kalifikazio xehatu bat duten eta zuzkidura publikorako erabiltzen ez diren lursailetan eta eremuetan, hauek dira erabilera bateragarri edo onargarriak: . Etxebizitzatarako erabilerak, dagokion arau partikularrak edo hura garatzeko plangintzak

erabilera horretarako bakarrik izendatzen dituen lursailetan eta horietako xedapenek baimentzen duten kasuetan, bakarrik edo erabilera osagarriekin batera.

. 1. kategoriako industriarako erabilerak. Salbuespen gisa, 3.a. kategoriako industriarako erabilerak ere onar daitezke, dagokion arau partikularrak edo hura garatzeko plangintzak erabilera horietarako bakarrik izendatzen dituen lursailetan.

. 1. eta 2. kategorietako biltegitarako erabilerak, baldin eta eremua bere helburuetarako erabili beharra desitxuratzen ez bada. Horretarako, arau partikularrek edo haiek garatzeko plangintzak baldintza zorrotzagoak ezar diezazkiekete ohikoak ez diren erabileren gehieneko ehunekoei.

. Erkidegoarentzako ekipamendutarako erabilerak, ohiko erabilerarekin bateragarriak badira betiere.





50


Eremu honetako eraikuntzari buruzko araubidea T-1 eremuko lursailetako araubidearekin bat dator, baita lursailei dagozkien hirigintza-eremuetako arau partikularretako xedapenekin ere.

Plangintzarekin bat ezartzen den merkataritzarako ekipamenduak EAEko Jarduera Ekonomikoetarako Lurzoru Publikoa eta Merkataritzarako Ekipamendua Sortzeko Lurraldearen Arloko Planeko 14. artikuluak xedatzen duena bete behar du, eta, bereziki, baldintza tekniko hauek: - Berdindutako plataformaren gehieneko azalera: 15.000 m2 - Gehieneko sabai-azalera: 5.000 m2

- Bizitegitarako erabilerarekin bateragarriak diren beste erabilera batzuetarako

hirigintzarako gehieneko eraikigarritasuna

Oro har, dagozkion arau partikularrek baldintza zorrotzagoak ezartzeari kalte egin gabe, eremuko hirigintzarako eraikigarritasun guztiaren % 40 erabil daiteke gehienez ere industriarako erabileraz beste irabazi-asmodun erabilera batzuetarako. Araubide juridikoa


4. ERKIDEGOARENTZAKO EKIPAMENDUAREN SISTEMA OROKORRAK (E) E. Erkidegoarentzako ekipamenduaren sistema orokorra

Erkidegoarentzako ekipamendu orokorretarako udalerriko erabilerek osatzen dute, baita erabilera horietarako eraikinek eta instalazioek ere, eta herritarren beharrei erantzutea du helburu.

Ekipamendu orokorretarako eremuez gain –oro har, nahiko handiak izaten dira–, erabilera horretarako eraikinak, lursailak eta eremu txikiak daude kalifikazio orokor honen barnean. Besteak beste, hauek osatzen dute kategoria hau:

E-1. Eskolek eta ikastetxeek (IK). E.2. Administrazioarentzako eta erakundeentzako ekipamenduak (EP). E.3. Osasunerako ekipamenduak (OZ). E.4. Laguntzeko ekipamenduak (AS). E.5. Gizarte eta kulturarako ekipamenduak (GK). E.6. Jolasteko eta aisia emateko ekipamenduak (AA). E.7. Kirolerako ekipamenduak (KI). E.8. Merkataritzarako ekipamenduak (ME). E.9. Erlijiorako ekipamenduak (ER). E.10. Ekipamendu zehaztugabe edo balioaniztunak (ZE). E.11. Ekipamendu bereziak / hilerriak (HH).


- Ohiko erabilera: - erkidegoarentzako ekipamendutarako erabileren kategoria guztiak.


51


- Erkidegoarentzako ekipamenduaren sistema orokorraren barneko erabilera guztiak dira onargarri edo bateragarriak, eremu edo lursail bakoitzerako ezarritako ohiko erabileraren aldean ezberdinak badira eta, betiere, interes publiko edo soziala dutela justifikatzen bada eta eremuko gainerako erabilerekin bateragarriak badira.

- Eremu libretarako, aisialdirako eta zerbitzutarako azpiegituretarako erabilerak ere ezar daitezke, eremu mota edo lursail bakoitzeko erabilera espezifikoekin bateragarriak badira betiere.

- Hirugarren sektorerako erabilerak, salbuespen gisa, beharrezkoak edo komenigarriak direla justifikatuta, plan nagusi honetan dagokion arau partikularrak edo plangintza xehatuak ezartzen dituen baldintzetan.

- Garajetarako erabilera. - Eremurako finkatutako helburuekin bateragarriak diren beste erabilera batzuk.


- Eremuan ohikoak edo onargarri edo bateragarriak ez diren erabilerak, eremuaren izaera edo helburuekin edo eremua antolatzeko irizpideekin bateragarriak ez badira.


Kasuan-kasuan ekipamendu mota honetarako erabilerak eta jarduerak eta bateragarri edo onargarri diren erabilera osagarriak garatzeko beharrezko irizten zaien eraikinak eta instalazioak koka daitezke, plan nagusi honetan dagokion arau partikularrak eta hura garatzeko plangintzak ezartzen duten araubidearen barruan. Era berean, garajeak eta azpiegiturak eraiki daitezke sestra azpian, aurreko paragrafoan aipatutako araudiak eta plangintzak ezartzen dituzten baldintzetan.


Erabilera publikoko eremua da hau, edo, kasuan-kasuan, ekipamenduaren izaeraren eta titulartasunaren arabera, erabilera pribatukoa.

5. EREMU LIBREEN SISTEMA OROKORRA (L)

L-1.a. Hiriko eremu libreen sistema orokorra Plangintza nagusiak herritarrek aisia emateko ezartzen dituen eremu libreek (parkeek, lorategiek, plazek, jolaserako eremuek, pasealekuek...) osatzen dute sistema hau, eta herritarren beharrei eta legediak sistema orokorraren kategoria honetako hirigintzarako estandarrei ezartzen dizkien eskakizunei erantzuten diete.


- Ohiko erabilera: hiriko eremu libretarako erabilera.

- Erabilera bateragarri edo onargarriak Arau orokor hauetako 14. artikuluak, arau partikularrak edo, hala badagokio, garapen-plangintzak xedatzen dutena bete behar dute erabilerek. Horiek guztiek ezartzen dituzten salbuespenak kontuan izanik betiere, erabilera hauek dira bateragarri edo onargarriak: - Merkataritzarako erabileraren 1. kategoriako erabilerak eta erabilera osagarriak edota ohiko

erabilerari zerbitzu egiten diotenak: kioskoak, komunak, biltegi txikiak... - Ekipamendutarako erabilerak, eremu libretarako erabilerekin bateragarriak badira. - Garajetarako erabilera, lurpean bakarrik, baldin eta eremu libretarako erabilerekin, landare-

espezieak aldatzearekin eta mantentzearekin eta ibilgailuen zirkulazioa arina izatearekin bateragarria bada. Horretarako, dagokio plan berezia onartu behar da, eta, haren barruan, mugikortasun-azterketa bat.




52


Eraikuntzari eta urbanizazioari buruzko ordenantzek, arau partikularrak edo, hala badagokio, garapen-plangintzak ezartzen dituzten baldintzak bete behar dituzte eraikinek. Erkidegoarentzako ekipamendu publikotarako eraikinak badaude lehendik eta horiek mantentzeko arrazoirik badago, finkatutzat hartu behar dira. Era berean, eraikin horiek handitu daitezke, eremu librearen izaera eta helburuak inola desitxuratzen ez badira betiere. Apaingarritarako eraikinak egin daitezke sestra gainean, eta eremu libretarako erabileren osagarri diren erabileratarako eraikuntza finkoak edo aldi baterako eraikuntzak sestra gainean eta sestra azpian, zenbait mugaren barruan betiere. Era berean, azpiegiturak eta garajeak eraiki daitezke sestra azpian. Eremu honetako erabilerei buruzko araubide orokorrak ezartzen dituen baldintzetan eraiki behar dira garajeak.


Erabilera publikoko eremua da hau.

L-1.b. Landako eremu libreen sistema orokorra

Plangintza orokorrak lur gainean ezartzen dituen eremu libreek (parkeek, lorategiek, plazek eta jolaserako eremuek) eta eremu libre linealek (pasealekuek eta aisia emateko bidezidorrek) osatzen dute sistema hau. Lurzoru urbanizaezinean dago, eta herritarrek aisia emateko jardueretarako erabiltzen da, haien beharrei erantzuteko. Lurzoru urbanizaezineko sistemen N-6 eremuan ere sar daiteke sistema orokor hau.


- Ohiko erabilera: landako eremu libretarako erabilera.


Arau orokor hauetako 14. artikuluak, arau partikularrak edo, hala badagokio, garapen-plangintzak xedatzen dutena bete behar dute erabilerek. Horiek guztiek ezartzen dituzten salbuespenak kontuan izanik betiere, erabilera hauek dira bateragarri edo onargarriak: - Ekipamendutarako erabilerak, landako eremu libretarako erabilerekin bateragarriak badira.



- Eraikuntzari buruzko araubide orokorra Eraikuntzari eta urbanizazioari buruzko ordenantzek, arau partikularrak edo, hala badagokio, garapen-plangintzak ezartzen dituzten baldintzak bete behar dituzte eraikinek. Erkidegoarentzako ekipamendu publikotarako eraikinak badaude lehendik eta horiek mantentzeko arrazoirik badago, finkatutzat hartu behar dira. Era berean, eraikin horiek handitu daitezke, eremu librearen izaera eta helburuak inola desitxuratzen ez badira betiere. Apaingarritarako eraikinak egin daitezke sestra gainean, eta eremu libretarako erabileren osagarri diren erabileratarako eraikuntza finkoak edo aldi baterako eraikuntzak sestra gainean eta sestra azpian, zenbait mugaren barruan betiere.



L-2. Hiriko ibaien sistema orokorra

Elorrioko hiriko lurzoruko (hiri-lurzoruko eta lurzoru urbanizagarriko) ubideek eratzen dituzten eremu libreek osatzen dute sistema hau. Nagusiki, linealak dira eremu libreok. EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planarekin bat arautu eta tratatu behar da sistema hau, eta, oro har, gaiari buruzko legezko xedapenekin bat. Ubideetako erabilerari eta eraikuntzari buruzko araubide orokorra gaiari buruz indarrean dagoen legediak, sektoreko plangintzak eta garapen-plangintzak ezartzen dute, lurraldeko plangintza kontuan izanik betiere.


53


- Ohiko erabilera - Lurraldeko eremu libretarako (hiriko ibaietarako) erabileraren barnean eremu honen funtzioekin

bateragarri diren kategoriak, ibaiei buruzko legediarekin eta EAEko Ibaien eta Erreken Ertzak Antolatzeko Lurraldearen Arloko Planarekin bat.

- Ingurumena babesteko erabilerak. L-2 kalifikazioak EAEko Ibaien eta Erreken Ertzak Antolatzeko Lurraldearen Arloko Planaren mugak gainditzen dituen kasuetan, L-1 eremuko araudia bete behar dute erabilerek.


Arau orokor hauetako 14. artikuluak, arau partikularrak edo, hala badagokio, garapen-plangintzak xedatzen dutena bete behar dute erabilerek. Horiek guztiek ezartzen dituzten salbuespenak kontuan izanik betiere, erabilera hauek dira bateragarri edo onargarriak: - Eremu libretarako erabilera mota guztiak, aisia emateko erabilerak eta zerbitzutarako

azpiegituretarako erabilerak, baldin eta ingurumena babesteko helburuekin bateragarriak badira. - Ingurumena babesteko helburuekin bateragarriak diren beste erabilera batzuk.

- Erabilera debekatuak - Eremuan ohikoak edo onargarri edo bateragarriak ez diren erabilerak.


Oro har, debekatuta dago eremu honetan eraikuntzarik egitea. Dagokion araudiarekin bat eraikuntzarik baimentzen bada eremu honetan, gaiari buruz indarrean dagoen legediko xedapenak eta EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Plana bete behar ditu eraikuntzak. L-2 kalifikazioak EAEko Ibaien eta Erreken Ertzak Antolatzeko Lurraldearen Arloko Planaren mugak gainditzen dituen kasuetan, plangintza xehatuak salbuespen gisa bakarrik onar dezake eraikuntzarik egitea, oso justifikatuta eta aldi baterako betiere, eta L-1 eremuko araudia bete behar dute erabilerek.


Erabilera publikoko eremua da hau. 6. KOMUNIKABIDEEN ETA TRENBIDEEN SISTEMA OROKORRA (B)

B-1. Komunikabideen sistema orokorra

Motordun ibilgailuak, motorrik gabekoak eta oinezkoak ibiltzeko azpiegitura orokorrek eratzen dute sistema hau: automobilak, bizikletak eta abar erabiltzeko elementu eraiki edo plataforma linealek (errepideek eta, neurriaren eta galtzadaren funtzioen arabera, aparkalekuz eta espaloiz eratutako kaleek) eta elementu eraiki edo plataforma ez-linealek (garaje eta aparkaleku publikoek eta pribatuek), baita pasealekuek eta bidegorriek ere. Hauek bereizten dira sistema honen barruan:

- B.1.a. Hiriarteko errepideak eta saihesbideak. - B.1.b. Hiriko bide-sare nagusia eta bigarren mailakoa. - B.1.c. Landako bideen sare nagusia. - B.1.d. Bizikletentzako bide nagusia (BG). - B.1.e. Garaje edo aparkaleku publikoa (P). - B.1.f. Autobus-geltokia (AG). - B.1.g. Zerbitzugunea (ZE), industriako edo hirugarren sektoreko jarduera ekonomikoetarako

eremuen parekoa.

Kasuan-kasuan, dagozkion urbanizazio- eta zirkulazio-planek eta -proiektuek eta abarrek zehaztu behar dute zer garraiobide erabili behar diren.

Erabilerari eta eraikuntzari buruzko araubide orokorra gaiari buruz indarrean dagoen legediak, sektoreko plangintzak eta garapen-plangintzak ezartzen dute, lurraldeko plangintza kontuan izanik betiere.



54

- Ohiko erabilera

- Komunikabidetarako eta trenbidetarako erabileren a., b., c., d., e., f. eta g. kategoriak, beren osotasunean.

- Motordun ibilgailuen, bizikleten eta oinezkoen zirkulazioa, eremu edo sistema motaren arabera.


- Erabilera osagarriak Sektoreko araudiak mota bakoitzeko erabilera osagarri arrunten osagarritzat edo onargarritzat hartzen dituen erabilerak ezar daitezke, eremuaren erabilera espezifiko bakoitzarekin bateragarriak badira betiere, dela eremuaren erabilera espezifikoa bizitegitarakoa, hirugarren sektorerakoa, ekipamendutarakoa edo landakoa.

- Eremu libretarako erabilera - Sestra gaineko aparkalekuak eta sestra azpiko garaje publikoak ezar daitezke, antolamendu

xehatuak edo plangintzak berariaz adierazten duten lekuetan, bideetan izan ezik. Bideetan debekatuta dago sestra azpiko aparkaleku edo garajerik egitea.

- Zerbitzutarako azpiegituretarako erabilera: sestra azpian bakarrik.


- Eremuan ohikoak edo onargarri edo bateragarriak ez diren erabilerak, eremuaren eta landako ingurunearen izaera edo helburuekin edo eremua eta landako ingurunea antolatzeko irizpideekin bateragarriak ez badira.


Oro har, ez dago eraikuntzak egiterik, bide-sarretako elementuak eta instalazioak ezartzeko izan ezik, hala nola autobus-geltokiak; aparkalekuak eta garajeak; zerbitzuguneak; eta, errepideetan, gasolina-zerbitzuguneak. Betiere, beharrezkoa, posible eta komenigarria izan behar du horrelakoak jartzea.

Bideetan bertan izan ezik, garaje publikoak egin daitezke sestra azpian, beharrezkoak direla eta eremuaren ohiko erabilerekin bateragarriak direla justifikatzen bada, plangintzaren irizpideei eta helburuei kalte egin gabe.



Kalifikazio orokorreko azpieremuak

- B.1.e. Garaje edo aparkaleku publikoa (P) 3. eta 4.b. kategorietako garajetarako eremua da. Erabilera orokorreko eremu espezifikoetan kokatu behar da, edo kalifikazio orokorraren araubideak

baimentzen duen antolamendu xehatudun lursailetan. Erabilerari eta eraikuntzari buruzko araubideak hiri-antolamendurako plan nagusi honetako

xedapenekin eta eraikuntzari eta urbanizazioari buruzko ordenantzekin bat etorri behar du, eta ezin die kalte egin sektoreko xedapenei. Bereziki, lurraldeari eta antolamenduari buruzko xedapenak eta erabilera espezifikoari dagozkion ibilerraztasunari, segurtasunari, hustuketari eta suteen kontrako babesari buruzko xedapenak hartu behar dira kontuan.

- B.1.f. Autobus-geltokia (AG) 3. kategoriako garajetarako (zehazki, autobus-geltokitarako) eremua da. Erabilera orokorreko eremu espezifikoetan kokatu behar da, edo kalifikazio orokorraren araubideak

baimentzen duen antolamendu xehatudun lursailetan. Erabilerari eta eraikuntzari buruzko araubideak hiri-antolamendurako plan nagusi honetako

xedapenekin bat etorri behar du, eta ezin die kalte egin sektoreko xedapenei. Bereziki, lurraldeari eta antolamenduari buruzko xedapenak eta erabilera espezifikoari dagozkion ibilerraztasunari, segurtasunari, hustuketari eta suteen kontrako babesari buruzko xedapenak hartu behar dira kontuan.

- B.1.g. Zerbitzugunea (ZE), industriako edo hirugarren sektoreko jarduera ekonomikoetarako eremuen parekoa


55

Gasolina-zerbitzuguneak erabilera orokorreko eremu espezifikoetan kokatu behar da, edo kalifikazio orokorraren araubideak baimentzen duen antolamendu xehatudun lursailetan.

Erabilerari eta eraikuntzari buruzko araubideak hiri-antolamendurako plan nagusi honetako xedapenekin eta eraikuntzari eta urbanizazioari buruzko ordenantzekin bat etorri behar du, eta ezin die kalte egin sektoreko xedapenei. Bereziki, lurraldeari eta antolamenduari buruzko xedapenak eta erabilera espezifikoari dagozkion segurtasunari eta suteen kontrako babesari buruzko xedapenak hartu behar dira kontuan.

Oro har, ezin da zerbitzugune berririk ezarri oro har bizitegitarako kalifikatutako eremuetan, ezta haietatik 100 m baino gutxiagora ere, eta lehendik dauden zerbitzuguneek denborarekin lekuz aldatzeko baldintzak bete behar dituzte, baita sektoreko araudia eta segurtasun-araudi aplikagarria ere. Lehendik dauden zerbitzuguneen titularrek Udalarekin hitzartu behar dituzte denborarekin lekuz aldatzeko baldintzak.

B-2. Trenbideen sistema orokorra

Trenbidetarako azpiegitura orokorrek eratzen dute sistema, nagusiki linealak diren plataformetan. Lur gainean edo tunelen barruan egon daitezke plataforma horiek, eta trenbideak berak eta behar dituzten instalazio eta elementu osagarriak egoten dira bertan: geltokiak, geralekuak, deposituak, zerbitzu-sareen kanalak eta lineak... Erabilerari eta eraikuntzari buruzko araubide orokorra gaiari buruz indarrean dagoen legediak, sektoreko plangintzak eta garapen-plangintzak ezartzen dute, lurraldeko plangintza kontuan izanik betiere.


- Ohiko erabilera

- Ohiko erabilera: trenbidetarako erabilera.


- Trenbidetarako erabileren osagarri diren erabilerak. - Komunikabidetarako erabilerekin bateragarriak diren erabilerak eta, tartean, garajetarako

erabilera.


- Eremuan baimenduta ez dauden erabilerak, eremuaren eta landako ingurunearen izaera edo helburuekin edo eremua eta landako ingurunea antolatzeko irizpideekin bateragarriak ez badira.


Eremuan ohikoak eta onargarriak diren erabilerekin lotutako eraikuntzak eta instalazioak bakarrik koka daitezke, indarrean dagoen sektoreko legediak ezartzen dituen baldintzetan. Azpiegiturak eta hiriaren eta ingurumenaren funtzioak eta kalitatea hobetzeko beharrezko lanak egin daitezke, hala nola trenbidea eta instalazioak lurperatu, pasabideak eta bideak egin trenbidearen eta instalazioen azpian, etab.



7. ZERBITZUTARAKO AZPIEGITUREN SISTEMA OROKORRA (Z) Z. Zerbitzutarako azpiegituren sistema orokorra

Ura eta energia hornitzeko eta hondakin-ura husteko eta arazteko azpiegiturek, telekomunikaziotarako azpiegiturek eta eremu bakoitzeko erabilerei zerbitzu egiteko beste azpiegitura batzuek eratzen dute sistema hau. Sestra azpiko edo sestra azpiko jarduerak, elementuak edo eraikuntzak izan daitezke eta, horrenbestez, azpiegituretarako eremuez beste eremu mota batzuetan eragina izan dezakete. Plan nagusi honetako antolamenduak zehazten du beste erabilera batzuekiko bateragarriak diren edo, hala badagokio, beste erabilera batzuekiko zortasuna duten erabileren araubidearen barnean dauden hiriko instalazioetako eta zerbitzuetako hodi biltzaileetako sareen eta lineen okupazioa, nahiz eta ez adierazi denak grafikoki.


56

Hauek bereizten dira sistema honen barruan: Z.1. Ur-bilketa, -hornikuntza eta -arazketa (UZ). Z.2. Saneamendua (SZ). Z.3. Elektrizitatea (EZ). Z.4. Telekomunikazioak (KZ). Z.5. Gasa (GZ). Z.6. Hiriko hondakinen kudeaketa (ZZ).


- Ohiko erabilera - Zerbitzutarako oinarrizko azpiegituretarako erabilera mota guztiak.


- Ekipamendutarako erabilerak. - Eremuaren izaerarekin eta helburuekin bateragarri diren beste erabilera batzuk.




Eremu bakoitzean ohikoa den edo baimenduta dagoen zerbitzua emateko beharrezko eraikuntzak eta instalazioak ezar daitezke. Sektoreko legediak eta gaiari buruzko legedi teknikoak kasuan-kasuan ezartzen duten eraikuntzari buruzko araubide espezifikoarekin bat etorri behar dute eraikuntza eta instalazio horien ezaugarriek eta, gainera, plangintzak ezartzen duen antolamendu funtzionalaren eta espazialaren helburuak bete behar dituzte, baita plangintzak ezartzen duen eraikuntzari buruzko araubidea eta eraikuntzari eta urbanizazioari buruzko ordenantzak ere.


Sistema hau (eta, tartean, haren oinarrizko elementuak, hala nola hodi biltzaileak, estazioak, etab.) titulartasun eta erabilera publikokoak dira udalerriko hiri-lurzoru eta lurzoru urbanizagarri osoan eta, kasuan-kasuan, baita lurzoru urbanizaezinean ere, zerbitzuen araubide publikoari edo pribatuari kalte egin gabe, alor honetan indarrean dauden legezko xedapen aplikagarriekin bat.

17. artikulua. KALIFIKAZIO OROKORRAREN ARAUBIDEA LURZORU URBANIZAEZINEAN 1) LANDA-GUNEAK KALIFIKATZEKO EZARRITAKO KATEGORIEN ZERRENDA

ELORRIOko lurzoru urbanizaezina sei kategoria edo multzo nagusitan banatuta dago, hura babesteko eta arautzeko. Plan nagusi honetako 5. planoak identifikatzen ditu grafikoki sei eremuak, eta hauek dira:

N-1 eremua. Babes berezia behar duen eremua. N-2 eremua. Basoa. N-3 eremua. Nekazaritza eta abeltzaintzarako lurrak eta landazabala. N-4 eremua. Ibaiak eta haiek babesteko ertzak. N-5 eremua. Landa-gunea. N-6 eremua. Sistemak.

2). LANDAKO EREMUAK ANTOLATZEKO IRIZPIDE, HELBURU ETA ZEHAZTAPEN NAGUSIAK

a. Landako guneak babestutako lurzorutzat hartzea oro har Urbanizazioa egokia ez dela-eta lurzoru urbanizaezin guztia urbanizaziotik (eta onargarriak ez diren beste jarduera batzuetatik) babestu beharreko eremu orokortzat hartzeari kalte egin gabe, Lurzoruari eta hirigintzari buruzko 2/2006 Legeko 13. eta 28. artikuluekin bat, hau hartu behar da babes handia behar duen lurzorutzat, N-1 eremukoaz gain:


57

N-2 eremua. Basoa. N-3 eremua. Nekazaritza eta abeltzaintzarako lurrak eta landazabala. N-4 eremua. Ibaiak eta haiek babesteko ertzak. N-5 eremua. Landa-gunea. Artikulu honek eremu bakoitzean ezartzen duen jarduketei, erabilerari eta eraikuntzari buruzko araubideak xedatzen ditu eremu horiek guztiak babesteko baldintzak.

b. Antolamenduaren eta jarduketen helburu nagusiak

Helburu eta irizpide hauek izan behar dituzte Elorrioko lurzoru urbanizaezinaren antolamendua arautzeko plangintzak eta araudiak eta lurzoru mota horretan gauzatzen diren jarduketek:

- Udalerriko natura-gune interesgarriak susta daitezen eta, tartean, naturaren ikuspegitik balio berezia duten beste gune batzuekin lot daitezen ziurtatzea.

- Egun dauden bertako basoak babestea, kontserbatzea eta hobetzea eta haz daitezen bultzatzea, haiek lehengoratzeko ekintzen eta basoko ekoizpen-prozesuetan bertako espezieak sartzeko basogintza-politikaren bidez

- Fauna- eta flora-espezie basatiak kontserba daitezen bultzatzea, aniztasun genetikoa eta haien habitatak (bereziki, desagertzeko arriskuan dauden espezieenak) mantentzea ziurtatuz.

- Paisaia-multzo baliagarriak eta kultur ondarea babestea.

- Lurrazaleko uraren kalitatea eta ibaiertzeko ekosistemak hobetzea eta mantentzea, haietan eragina duten faktoreei (aldaketei, isuriei) erreparatuz.

- Lurpeko uraren kalitatea mantentzea eta hura neurriz kanpo ustia ez dadin bultzatzea, hiriko eta nekazaritza eta abeltzaintzako isuriak kontrolatuz.

- Ahalmen agrologiko handiko lurzorua eta, oro har, nekazaritzarako eta basogintzarako lurzorua babestea eta lehen sektoreko jarduerak garatzen laguntzea, lanpostuak sortzen, landako biztanleria bertan gera dadin bultzatzen eta lurraldea kudeatzen laguntzen baitu sektore ekonomiko horrek.

- Higatzeko arriskuan dauden edo materialak lekuz aldatzeko arriskua dagoen eremuetako landare-estalkia manten edo hobetu dadin ziurtatzea, higadura-fenomenoak mugatzeko oihantze-politikaren bidez eta eragin larria duten jarduerak ezar daitezen saihestuz.

- Lurzoruaren ahalmenarekin bateragarriak ez diren jardueren ondorioz degradatutako eremuak (harrobi eta hondakindegi abandonatuak, lurzoru eta eremu degradatuak eta higatzeko arriskuan dauden eremuak) lehengora daitezen bultzatzea

- Orain arte erabili ez diren edo nahikoa aprobetxatu ez diren baliabide naturalak balia daitezen bultzatzea, landako ingurunea garatzeko eta baliabide natural horiek zentzuz erabiltzeko estrategiaren esparruan.

- Aisialdirako erabilera eta turismoa bultzatzea, ondare naturalean eta kulturalean oinarrituta lurraldea areago erabiltzea bultzatzen duen jolaserako eta kulturarako ekipamendua sustatuz.

- Eremu funtzional eta udal-barruti ezberdinetako lurzoru urbanizaezinaren antolamendua eta babesa bateragarri egitea eta koordinatzea.

c. Nekazaritza eta abeltzaintza Nekazaritza eta abeltzaintzako jarduerek kontuan hartu behar dituzte Euskal Autonomia Erkidegoko Nekazaritza Lanetan Egoki Jarduteko Kodeko irizpideak (Eusko Jaurlaritzaren abenduaren 22ko 390/1998 Dekretua).

d. Abeltzaintzako ustiategiak sortzeko lizentziak

- Lehendik dauden eta jarduteko lizentzia behar duten abeltzaintzako ustiategiek 15 urteko epea dute irailaren 22ko 515/2009 Dekretuak ezartzen dituen baldintzetara egokitzeko, baina ez dituzte bete behar distantziari eta kokalekuari buruzko arauak, Dekretuak berak aipatzen duenez.

- Abeltzaintzako ustiategi berriek unean-unean indarrean dagoen araudia bete behar dute. Gaur egun, araudi hau dago indarrean:


58

- 515/2009 Dekretua, irailaren 22koa, abeltzaintzako ustiategietako arau teknikoak, higieniko-sanitarioak eta ingurumenekoak ezartzen dituena.

- 165/1999 Dekretua, martxoaren 9koa, otsailaren 27ko 3/1998 Legean, Euskal Herriko ingurugiroa babesteko lege orokorra, jasotzen den jarduerarako lizentzia eskuratzetik salbuetsitako jardueren zerrenda finkatzen duena. Irailaren 22ko 515/2009 Dekretuko hirugarren xedapen gehigarriak dekretu hori aldatu zuen.

e. Eraikuntza-lanak eta etxebizitza berriak egiteko lanak lurzoru urbanizaezinean

- Lehendik dauden eraikuntzak, ustiategiak eta baserriak - Oro har, plan nagusi hau indarrean sartzen denerako dauden baserriak eta nekazaritzako ustiategiak

finkatutzat hartu behar dira, betiere, eraikinak eta erabilerak araudiarekin eta legezko lizentziarekin bat badatoz. Plangintzak antolamenduz kanpokoak direla adierazten duen eraikinak eta erabilerak, berriz, ez dira hartu behar finkatutzat, ezta eremuko naturaren eta paisaiaren ezaugarriekin edo plangintzak eremu honetarako finkatzen dituen helburuekin bat ez datozenak ere.

- Hiri-antolamendurako plan nagusi honek ezartzen duen antolamenduarekin bat datorren baserri zahar bakoitzean bi etxebizitza izan daitezke gehienez ere. Baserriak zatitzeko lanak egin behar badira, baserrien ezaugarri arkitektonikoak errespetatu behar dira, ordenantzek eta plangintzak ezartzen dituzten baldintzetan.

- Eraikuntza finkatuetan, eremuko ohiko erabilerak ezartzeko beharrezko lanak egin daitezke, baita haiekin bateragarriak diren erabilerak ezartzekoak ere, baserrietan izan ezik. Baserriak kontserbatu egin behar dira nahitaez, eta haietan egiten diren lanek Hiri Antolamendurako Plan Nagusiko eta harekin bateragarriak diren erabilerari eta eraikuntzari buruzko ordenantzetako xedapen espezifikoekin bat etorri behar dute.

- Eraikuntza berriak - Oro har, ez dago eraikuntza berriak egiterik, antolamendu orokorraren eta eremu bakoitzeko

antolamenduaren helburuak lortzekoak izan ezik. Gainera, antolamendu orokorraren eta eremu bakoitzeko antolamenduaren helburuak lortzeko eraikuntzak arau orokor hauek ezartzen dituzten baldintzetan egin behar dira.

Bereziki, ez dago etxebizitzatarako eraikuntza berriak egiterik, baldin eta etxebizitzak ez badaude nekazaritzako ustiategiekin lotuta indarrean dagoen legediak (bereziki, Lurzoruari eta hirigintzari buruzko ekainaren 30eko 2/2006 Legeko 31. artikuluak) ezartzen dituen baldintzetan.

Oro har, debekatuta dago industriako nolanahiko jarduera berriak ezartzea, kasu honetan izan ezik: arau hauek edo haiekin bat datorren plangintzak berariaz baimentzen dutenean baliabide naturalak ustiatzeko jarduera berriak ezartzea.

- Etxebizitza berriak

- Nekazaritza eta abeltzaintzako ustiategi batekin lotutako etxebizitza bat eraikitzeko lizentzia lortzeko, ezinbestekoa da etxebizitza ustiategi ekonomikoaren titular eta kudeatzailearen ohiko etxebizitza izatea. Hori dela eta, lizentziaren eskatzaileak baimena eskatu behar dio aurrez Bizkaiko Lurralde Historikoko Nekazaritza Sailari, eta hau egiaztatu behar du gutxienez: - Ustiategiak autonomoa eta alde ekonomikotik bideragarria izateko gutxieneko eskakizunak

betetzen dituela. - Eskatzailea Gizarte Segurantzan dagokion araubide bereziaren barnean dagoela eskaera egin

baino urtebete lehenagotik gutxienez. - Eskatzaileak nekazaritza eta abeltzaintzako ustiategitik lortu dituela aurkeztutako azken errenta-

aitorpeneko diru-sarrera arrunten % 50 baino gehiago.

- Aurreko paragrafoan aipatzen den baimena lortu gabe edo hura lortzeko baldintzak bete gabe lortzen diren lizentziak baliogabeak dira erabat.

- Betiere, legezko baldintza bat bete behar dute lurzoru urbanizaezinean bizitegitarako eraikuntzak egiteko lanak baimentzeko lizentziek: bizitegitarako erabilera nekazaritza eta abeltzaintzako ustiategiarekin edo landako ingurunea garatzeko beste erabilera batzuekin lotuta egotea 25 urtez gutxienez, jarraituki eta etengabe. Bestalde, bizitegitarako erabileraren eta nekazaritza eta abeltzaintzako ustiategiaren edo landako ingurunea garatzeko beste erabilera batzuen arteko lotura


59

egiaztatzeko erabiltzen diren lursailek baimentzen den eraikuntzarekin lotuta egon behar dute hirigintzaren eta erregistroaren aldetik.

- Legezko baldintza hori betetzen ez bada, bizitegitarako erabilera ez da legezkoa hirigintzaren aldetik, eta etxebizitza edo eraikuntza antolamendutik kanpo dago. Gorabehera bat zein bestea jabetza-erregistroan idatzi behar dira, legez ezarrita dagoen eran, jabearen kontura.

- Legezko baldintza hori betetzen ez bada, lizentziaren titularra entzun, eta lizentzia iraungi dela adierazi behar du Udalak. Lizentziaren titularrak ez du inongo eskubiderik kalte-ordainik hartzeko.

f. Beste erabilera eta jarduera batzuk

Oro har, eremu bakoitzeko xedapen espezifikoak alde batera utzita, zera egin daiteke:

- Ingurune naturala eta paisaia babestu: adibidez, oihandu eta fauna birpopulatu, hirigintzaren eta lurraldearen antolamenduarekin bat ez datozen eraikuntza eta instalazio itsusgarriak eraitsi eta kaltetutako ingurumena lehengoratu.

- Plangintzak eraztun berdeak eratzeko xedatzen dituen bidezidorrak, mendiko ibilbide luzeak eta GR-3 ibilbidea ezarri, lurzoru urbanizaezin guztian, plan nagusi honek ezartzen dituen baldintzetan eta, betiere, lurraldeko eta sektoreko araudiko xedapenekin bat.

3) LANDAKO GUNEAK ORO HAR KALIFIKATZEKO ARAUBIDEA

N-1 eremua. BABES BEREZIA BEHAR DUEN EREMUA

- N-1.a. Udalatx (eremu interesgarria naturaren aldetik)

Babes berezia behar duen eremuak ezaugarri eta balio natural bereziak ditu, eta horregatik babestu behar da.

Babes berezia behar duen eremuaren barnean, Udalatx dago, eremu interesgarria naturaren aldetik, eta hauek hartzen ditu barnean: larre menditarrak, interes geologikoa duten eremuak, naturaren aldetik interesgarriak diren basoak eta interes zientifiko eta kulturala duten eremuak. Era berean, interes zientifiko eta kulturala duten eremuak dira interes geologiko eta geomorfologikoa duten eremuak eta interes arkeologiko eta historiko arkitektonikoa duten eremuak.

Zehazki, hauek hartzen ditu barnean kategoria honek: egoera onean dauden bertako basoak, ekosistema berezi adierazgarrien hondarrak eta, oro har, ekologiaren, kulturaren eta paisaiaren ikuspegitik baliotsuak diren elementu guztiak, baita udal-barrutiko natura-gune esanguratsuak ere, hala nola Udalatx mendia. Udalatx mendia mugatzeko, ingurumenaren gaineko eraginaren baterako azterketak proposatzen dituen mugak onartu dira. Udalatx mendiaren iparraldeko isurialdea (Elorriokoa) ipar-mendebaldetik hego-ekialdera doan mendilerro bat da, irregularra eta malkartsua, eta malda piko bat du, 600 m baino gehiagokoa. Oso garaia dela eta leku askotatik ikusten dela-eta, erreferentea da paisaiaren barnean, eta kalitate handia du berez. Ikuspegi geologikotik, Berant Kretazeoko arrezifeetako kareharri masiboez eratutako mendi bat da Udalatx, oso kolore argiko harrizko substratuduna, eta fenomeno karstikoak ageri dira mendigune osoan. Mendi-hegaletan, berriz, hartxingadi ugari daude. Egituraren ikuspegitik, bestalde, tolestura antiklinal bat da Udalatx, eta faila bat du iparraldean. Oro har, lurzorua oso sakonera txikikoa eta harritsua da, eta horrek neurri handi batean baldintzatzen du landare-estalkia. Flora harkaiztarra espezie menditarren adierazgarri da, eta, tartean, badira Iberiar penintsulako iparraldeko mendietako espezie endemikoak eta gure floraren barnean oso bitxiak diren zenbait espezie. EAEn naturaren aldetik interesgarriak diren eremuetako bat da Udalatx. Udalatx izeneko eremuaren mugen barruan, udal-barrutian larre menditarren barruan dagoen lurzorua dago. Era berean, larre menditarren barruan, goi-larreak edo mendiguneetako eremu kakuminalak daude. Bertako basoei kendutako eremuak dira goi-larreak edo mendiguneetako eremu kakuminalak, eta, balio ekonomikoa izateaz gain abeltzaintzarako ustia daitezkeelako, oso estimatuak dira ingurumenaren, paisaiaren eta kulturaren ikuspegitik. Eremu hau antolatzeko irizpide nagusiak izan behar du artzaintzari eustea.


60

- Jarduketei, erabilerari eta eraikuntzari buruzko araubide orokorra

a. Eremu honetan esku hartzeko irizpide nagusiak izan behar du eremuak naturaren ikuspegitik dituen balioei eustea; hala badagokio, haiek lehengoratzea edota balioztatzea; eta artzaintzari eustea.

b. Eremuko baliabideak babesteko eta antolatzeko araubide espezifikoa ezartzen ez den bitartean, jarduera hauek debekatuta daude oro har:

- Energiaren eta uraren sektoreko jarduerak, salbu eta energia elektrikoa ekoizteko, garraiatzeko eta banatzeko jarduerak eta ura biltzeko, arazteko eta banatzeko jarduerak.

- Mineral ez-energetikoak eta deribatuak erauzteko eta eraldatzeko jarduerak. - Industriako jarduerak, direla kimikoak; direla metalak eraldatzekoak; direla zementua, morteroa edo

hormigoia prestatzekoak; direla manufaktura-industriak; eta, tartean, baliabide naturalak ustiatzeko jarduera berriak.

c. Gainera, oro har, debekatuta dago hau egitea:

- Floraren, faunaren eta paisaiaren barruko elementuei eta elementu geologikoei kalte egin edo haiek suntsitu, baimendutako erabileretarako izan ezik.

- Bertakoak ez diren eta basati bihur daitezkeen animalia- eta landare-espezieak sartu. - Bertako landare-espezieek populatutako basoetan arrasean moztu eta erabilera aldatu. - Makineria autopropultsatua erabili % 50etik gorako malda dagoen lurretan, salbu eta hori egitea oso

justifikatuta dagoenean eta ingurumen-gainen gaineko eskumena duen udalaz gaindiko administrazioak baimentzen duenean.

- Makineria erabili % 30 eta % 50 arteko malda dagoen lurretan, salbu eta zuloak egiteko, zaborra kentzeko eta azaleko erretenak egiteko.

- Motordun ibilgailuak erabili bideetan eta pistetan, salbu eta nekazaritzarako, abeltzaintzarako, basogintzarako eta zerbitzutarako.

- Berariaz prestatuta ez dauden lekuetan, hondakindegiak, zabortegiak edo txatar-biltegiak ezarri; hiriko eta industriako hondakinak bildu, metatu eta suntsitu; eta hondakinak, zaborra edo nolanahiko isuriak utzi.

- Eraikuntzetatik edo bereziki prestatutako lekuetatik kanpo, sua piztu, edo nekazaritzarako edo basogintzarako sua piztu, organo eskudunaren baimena izan arren.

- Nolanahiko eraikuntza edo instalazio berriak ezarri, salbu eta plan nagusi honek berariaz baimentzen baditu.

- Eremuko balio naturalak babestearekin bateragarria ez den beste edozein erabilera eta jarduera.

d. Indarrean dagoen legediak ezartzen dituenak alde batera utzi gabe, ingurumenaren gaineko eragina ebaluatu behar da jarduera eta instalazio hauek ezartzeko eta lan hauek egiteko, publikoak ala pribatuak izan:

- Ibaiak bideratzeko lanak eta ubideen aldaketak. - Zentral hidroelektrikoak eta haiei atxikitako instalazioak, hala nola presa txikiak eta ura desbideratzeko

eta biltzeko instalazioak. - Presa handiak eta txikiak eta haiei atxikitako instalazioak. - Presak handitzeko lanak, baldin eta gehieneko ur-mailaren azalera % 25 edo 5 ha baino gehiago

haztea badakarte. - Erkidegoarentzako ekipamendutarako instalazioak, ubideekin edo urtegiekin lotuta badaude. - Akuikulturarako instalazioak, baldin eta 10 t baino gehiago kabitzen badute, baita haztegiak eta

animaliak gizentze-aurreko fasean hazteko zentroak ere. - Lehen mailako energia elektrikoa (100 kW-koa edo handiagoa) eta energia fosil jariakorra, lurruna eta

ur beroa garraiatzeko lineak eraikitzeko proiektuak. - Autobideak, autobiak, bide lasterrak eta errepide arruntak egiteko proiektuak, baita saihesbideak eta

bide-aldaketak ere, 2 km baino luzeagoak badira. - Funikularrak, teleferikoak eta abar instalatzeko azpiegiturak. - Produktu toxikoak edota arriskutsuak biltzeko edo eskuztatzeko instalazioak. - Telekomunikazioetarako antenen instalazioak eta haietara iristeko bideak.


61

e. Epigrafe honetako e. paragrafoak xedatzen duenari kalte egin gabe, hondakin bizigabeak ezartzea eta harrobi berriak irekitzea baimendu daiteke, zenbait mugaren barruan, baldin eta interes orokorreko jarduerak badira, ingurumena eta paisaia lehengoratuko direla ziurtatzen bada eta, indarrean dagoen legediarekin bat, ingurumen-gainen gaineko eskumena duen udalaz gaindiko administrazioak ematen badu baimena.


Araubide juridikoa pribatua edo publikoa izan daiteke, aipatutako legezko xedapenek, planek, proiektuek eta plan nagusi honetako arau partikularrek xedatzen dutenaren arabera.

N-2 eremua. BASOA

Eremu hau kalifikatzeko bi kategoria daude: - N-2.a. Naturaren aktiboak kontserbatzeko eta hobetzeko basoa. - N.2.b. Ekoizteko basoa.

N-2 eremuak ekoizpenaren edo ustiapenaren ikuspegitik zein babesaren ikuspegitik basotzat har daitekeen eremua hartzen du barnean.

- N-2.a. Naturaren aktiboak kontserbatzeko eta hobetzeko basoa Kategoria honen barruan dauden eremuetan, baliabideak ustiatzea baino garrantzitsuagoa da basoek higaduraren eta luiziak izateko arriskuen aurka babesteko eta baliabide hidrikoak erregulatzeko balio izatea eta ekologiaren eta paisaiaren aldetik baliotsuak izatea.

- N-2.b. Ekoizteko basoa Kategoria honen barruan daude konifero-espezieak hazten diren mendi-hegalak eta, oro har, % 30etik gorako malda duten eta aurreko kategoriaren barruan sartzen ez diren lur guztiak. Bi kategoria horiek bereizteko irizpideak dira EAEko Landarediaren Mapakoak, EAEko Nekazaritza eta Basoak Antolatzeko Lurraldearen Arloko Planekoak eta ingurumenaren gaineko eraginaren baterako azterketako sintesi ekologikoaren planokoak.


- Ohiko erabilera edo erabilera sustatua - Basogintzarako erabilera.


- Nekazaritza ustiatzeko erabilerak, baldin eta basogintzarako erabilerekin bateragarriak badira.

- Ingurumena kontserbatzeko eta hobetzeko erabilerak.

- Bizitegitarako erabilerak N-2.a eremuan, debekatuta dago eraikuntza berriak egitea. Gainerakoan (N-2.b eremuan), ustiategiekin lotutako etxebizitza osagarriak ezar daitezke, baita, zenbait mugaren barruan, erabilera onargarriekin lotutako etxebizitza osagarriak ere, Elorrioko lurzoru urbanizaezinaren eraikuntzari eta urbanizazioari buruzko ordenantzek eta indarrean dagoen legediak ezartzen dituzten baldintzetan, lehendik dauden eraikuntzetan, ondoko kasuan izan ezik. Plan nagusi hau indarrean sartu aurretik zeuden nekazaritzako ustiategien osagarri diren etxebizitza berriak ezar daitezke, indarrean dagoen hirigintza-legediak eta plan nagusi honek ezartzen dituzten baldintzetan. Plan nagusi hau indarrean sartu aurretik zeuden eta harekin bat datozen eraikuntzetan bakarrik ezar daitezke etxebizitza autonomoak, baldin eta eraikuntzak bizitegitarako erabiltzen baziren lehendik.

- Erkidegoarentzako ekipamendutarako erabilerak Aisia emateko erabilera estentsiboak, aisia emateko erabilera intentsiboak, ehizarako eta arrantzarako erabilerak eta nekazaritzarako erabilerak. N-2.b eremuan bakarrik ezar daitezke, justifikatuta, eta N-2.a. eremuan, salbuespen gisa, interes publikoko helburuak lortzeko. Betiere, txikiak izan behar dute, eta ingurune naturalarekin


62

eta, bereziki, basoko eta landako ingurunearekin bateragarriak izan behar dute. Ahal dela, lehendik dauden, plan nagusi honekin bat datozen eta haien helburuetarako ezaugarri egokiak dituzten eraikuntzetan ezarri behar dira. Hala ere, eraikuntza berrietan ere ezar daitezke, zenbait mugaren barruan, salbuespen gisa, ingurumenean ahalik eta eragin txikiena izateko moduan. Horretarako, baina, dagokion plan berezia onartu behar da.

- Hiriugarren sektorerako erabilerak Erabilera mota hauek soilik ezar daitezke: hoteletarako, ostalaritzarako, osasunerako, laguntzarako, jolaserako, kirolerako eta abarretarako erabilerak. Gainera, lehendik dauden eta hirugarren sektorerako ezaugarri egokiak dituzten eraikuntzetan bakarrik ezar daitezke, justifikatuta betiere, interes publikoko helburuak lortzeko. Hirugarren sektorerako erabilera horiek ekipamendutarako erabilerekin pareka daitezke.

- Erauzketarako erabilerak Plan nagusi honek ingurumena babesteko ezartzen dituen helburuekin eta eremuak basogintzarako dituen balioekin bateragarriak badira bakarrik ezar daitezke. Aurrez, baimena eman behar dute erakunde eskudunek, eta, hala badagokio, Udalaren lizentzia lortu behar da.

- Zerbitzutarako azpiegituretarako erabilerak Justifikatuta badaude bakarrik ezar daitezke, interes publikoko helburuak lortzeko, ingurune naturalarekin eta, bereziki, basoko eta landako ingurunearekin bateragarriak badira betiere.

- Zerbitzutarako azpiegituretarako ohiko erabilerak eta erabilera bateragarriak ezartzeko, legediak, sektoreko araudiak eta lurraldeko plangintzak ezartzen dituzten irizpideekin bat etorri behar dute erabilerek.



- Esku hartzeko araubide orokorra

1. N-2 eremuan esku hartzeko irizpide orokorrak izan behar du eremua modu ordenatuan erabiltzen dela ziurtatzea. Alde horretatik, sektoreko administrazioari dagokio erabakitzea zer espezie diren egokienak kasuan-kasuan, basoa txukun ustiatzeko eta kudeatzeko beharren arabera.

- N-2.a eremuan esku hartzeko irizpide orokorrak izan behar du, egoera topografikoa dela-eta besteak beste –asko eta asko erreken buruak eta labarrak dira–, maila handiagoko beste kategoria bateko bihur daitezkeen ekosistema funtzional interesgarriak mantentzea eta lehengoratzea. Espezie exotikoen ordez bertako espezieak landatzea bultzatu behar da, bertako hostozabalen azken eremuak handitzeko, eta arrazoizko basogintza-politika aplikatu behar da, kontserbazioa duena helburu. Ildo horretan, debekatuta dago bertakoak ez diren eta tokian tokiko ingurunera egokituta ez dauden espezieak landatzea.

- N-2.b eremuan esku hartzeko irizpidearen oinarria izan behar du basoen ekoizpen iraunkorrari eustea, basoak txukun ustiatuz.

2. N-2.b. eremua osatzen du gure ingurumenaren egoeraren aldean berezitasun botanikoak dituen lurzoruak edo alde ekologikotik oso ahula denak, eta, hain zuzen ere, horregatik babestu behar da. Eremu honen balioak bateragarriak dira bertan egon izan diren erabilerekin. Are gehiago, zenbaitetan, eremu honen balioa erabilera horien emaitza da.

Eremu honetan esku hartzeko helburuak izan behar du eremua babestea eta hobetzea, baliabideen kontserbazio aktibo eta arrazoizkoari kalte egin gabe.

N-2.a. eremuan, ezin da ezarri zuhaiztiei kalte egiten dien edo zuhaiztiak txikitzea edo hondatzea dakarren jarduerarik, eremua ustiatzeko, kontserbatzeko eta hobetzeko baimentzen diren jarduketetarako izan ezik. - Landare-sail berrietan, bertako espezieak bakarrik erabil daitezke. - Pistak eraikitzeko eta handitzeko baimentzen diren lanek ezin dute ekarri higatzeko arriskua.


63

Inola ere ezin da erabilera aldatu, baldin eta bertako espezieak hazten diren eremuen zati bat soildu behar bada horretarako.

- Inguruko eremuetan baimentzen diren eraikinek N-2 eremuaren ertzetik eta harekin pareka daitezkeen zuhaiztietatik 30 m-ra egon behar dute.

3. Oro har, debekatuta dago N-2.a. eremuan hau egitea: - Dagokion foru-organoaren baimena izan gabe moztu eta ustiatu. - Lurra iraultzea dakarren edozein lan baimena izan gabe egin, lurra zulatu izan ezik. - Arrasean moztu eta erabilera aldatu. - Zuhaiztiei kalte egin edo zuhaiztiak suntsitu, baimendutako erabileretarako izan ezik. - Bertakoak ez diren eta basati bihur daitezkeen landare-espezieak sartu. - Lurra irauli, zuloak egiteko, bideak mantentzeko eta balizak instalatzeko izan ezik. - Higatzeko arriskua dakarren edozein jarduketa egin. - Lurzorua eraldatu eta lurzoruari kalte egin. Horregatik, kableak edo beste teknikaren bat

erabili behar da produktu materialak ateratzeko. - Makineria autopropultsatua erabili % 50etik gorako malda duten lurretan. - Makineria erabili % 30 eta % 50 arteko malda dagoen lurretan, salbu eta zuloak egiteko,

zaborra kentzeko eta azaleko erretenak egiteko. - Motordun ibilgailuak erabili bideetan eta pistetan, salbu eta baimendutako erabileretarako eta

zerbitzutarako. - Pistetatik kanpo makineria autopropultsatua erabili.


1. Oro har, aipatutako araubideari kalte egin gabe, zehaztapen hauek bete behar dituzte eremu honetako eraikuntzek: - Oro har, eraikuntza berrietan erabilerak kokatzeari buruzko araubide orokorrak besterik

adierazten ez badu, ezin da ezarri eraikuntza berririk. - Lehendik dauden baserriak eta nekazaritzako ustiategiak finkatutzat hartu behar dira, ondoko

baldintzak eta irizpideak aplikatzeari kalte egin gabe. - Hiri-antolamendurako plan nagusi hau indarrean sartzen denerako dauden eraikinak finkatutzat

hartu behar dira, betiere, araudiarekin eta legezko lizentziarekin bat badatoz. Plan nagusi honek edo hura garatzeko plangintzak antolamendutik kanpo uzten dituzten eraikinak, berriz, ez dira hartu behar finkatutzat, ezta eremu honetako naturaren eta paisaiaren ezaugarriekin edo eremuko plangintzaren helburuekin bat ez datozenak ere.

- Aipatutako eraikuntza finkatuetan, eremu honetako ohiko erabilerak eta haiekin bateragarriak diren erabilerak ezartzeko beharrezko lanak egin daitezke: eraikuntzak berritzeko lanak zein eraikuntzak eraistekoak eta ordezkatzekoak. Salbuespen bakarra baserriak dira, kontserbatu egin behar baitira nahitaez, plan honek ezartzen dituen baldintzetan. Lan horiek guztiak behin betiko baimentzeko, dagokion lizentzia eman behar du Udalak, eta dagozkion txostenak eta baimenak eman.

2. Baimendutako eraikuntzek Elorrioko lurzoru urbanizaezina eraikitzeari eta urbanizatzeari buruzko ordenantzak eta indarrean dagoen legedia bete behar dituzte.


Erabilera pribatuko eremua edota ondarezkoa da hau. N-3 eremua. NEKAZARITZA ETA ABELTZAINTZARAKO LURRAK ETA LANDAZABALA

- Eremu hau kalifikatzeko bi kategoria daude:

- N-3.a. Berezia, balio estrategiko handia dela medio. - N-3.b. Erkidea edo landazabal atlantikoa.


64

N-3 kategoria osatzen du nekazaritzarako erabiltzeko egokiena den lurzoruak. Era berean, nekazaritzarako erabiltzeko egokiena den lurzorua dira malda txikiko edo ertaineko belardiak. Hain zuzen ere, haranen beheko aldean eta ertzetan egon ohi dira horrelakoak. Eremu honetan, nekazaritza eta abeltzaintzarako erabilerari eman behar zaio lehentasuna. Hala ere, erabilera hori bateragarria da eremu honetako zenbait lursail basogintzarako erabiltzearekin –horixe gertatzen da egun– eta hostozabalez eratutako zuhaizti edo unadak izatearekin. Udal-plangintzak horiek guztiak babestea ziurtatu behar du, balio ekologiko handikoak baitira hirigunetik nahiko gertu dauden landako guneetan daudelako eta, gainera, baliotsuak baitira paisaiaren aldetik.

- Eremuko erabilerei buruzko araubide erkidea - Erabilera hauek dira erabilerei buruzko araubidearen oinarria:

- Ohiko erabilera edo erabilera sustatua Eremu batean sustatzen den erabilera da eremu horretan nagusi den eta eremua ikuspegi funtzional eta fisikotik ezaugarritzen duen erabilera.

- Erabilera onargarriak - Ingurumena ebaluatu ondoren onargarriak diren erabilerak

Kategoria honetako lurzoruaren okupazioa ezartzen duten planak eta proiektuak ingurumenaren ikuspegitik aztertu behar dira, baterako ebaluazioaren bitartez. Ebaluazio horren atal nagusietako batek izan behar du beste aukera batzuk aztertzea, ingurumenaren zein nekazaritzaren ikuspegitik. Baldin eta ez bada aztertu behar erabilerek ingurumenean duten eragina, nekazaritza- eta abeltzaintza-sektoreko administrazioak txostena egin behar du nahitaez, erabilerak ezar daitezkeen zehazteko.

- Erabilera debekatuak, lurraldeko edo sektoreko plangintzak besterik xedatzen ez badu Erabilera debekatuak dira antolamenduko kategoriekin bat komenigarriak ez direnak, eta lurraldea antolatzeko maila handiagoko beste tresna batzuek (beren eskumenen esparruan, lurraldearen arloko planek eta lurraldearen zatiko planek) ezartzen badituzte bakarrik dira onargarriak.

- Eraikuntzari buruzko araubide erkidea

1. Oro har, zehaztapen hauek bete behar ditu eremu honetako eraikuntzak:

- Eremu honetan ohikoak edo onargarriak diren erabilerekin lotutako eraikuntzak bakarrik ezar daitezke, plan nagusi honek, indarrean dagoen legediak eta plan nagusi hau garatzeko plangintzak lurzoru urbanizaezinari buruz ezartzen duten araubidearekin bat badatoz betiere.

- Lehendik dauden baserriak eta nekazaritzako ustiategiak finkatutzat hartu behar dira, ondoko baldintzak eta irizpideak aplikatzeari kalte egin gabe.

- Plan nagusi hau indarrean sartzen denerako dauden eraikinak finkatutzat hartu behar dira, betiere, araudiarekin eta legezko lizentziarekin bat badatoz. Plan nagusi honek edo hura garatzeko plangintzak antolamendutik kanpo uzten dituzten eraikinak, berriz, ez dira hartu behar finkatutzat, ezta eremu honetako naturaren eta paisaiaren ezaugarriekin edo eremuko plangintzaren helburuekin bat ez datozenak ere.

- Eraikuntza berriak nekazaritzako ustiategiekin lotuta bakarrik egin daitezke, edo, interes publikokoak badira eta landan kokatu behar dira, ingurune naturalaren edo landako ingurunearen helburuekin eta izaerarekin bateragarriak badira.

2. Baimendutako eraikuntzek Elorrioko lurzoru urbanizaezina eraikitzeari eta urbanizatzeari buruzko ordenantzak eta indarrean dagoen legedia bete behar dituzte.



- N-3.a. Berezia, balio estrategiko handia dela medio Ezaugarri hauek ditu kategoria hau osatzen duen lurzoruak: - Ahalmen agrologiko handia, I., II. edo III. (eta, zenbait lekutan, are IV.) mailakoa. Gainera,

lurzorua oso emankorra da, eta laborantza iraunkorra edo beste edozein laborantza-sistema


65

erabiliz ustia daiteke. % 12tik beherako malda duten lurretan, berriz, lurzoru alubial sakona dago.

- Nekazaritzako ustiategien presentzia. Modernoak, errentagarriak edo jasangarriak direla-eta, EAEko Nekazaritza eta Basoak Antolatzeko Lurraldearen Arloko Planak estrategikotzat ditu nekazaritza-sektorearen barruan.


- Ohiko erabilera edo erabilera sustatua - Nekazaritza eta abeltzaintzarako erabilera komunak. Nekazaritzarako erabilerak.

- Erabilera onargarriak - Ingurumena hobetzeko erabilerak. - Aisialdia emateko erabilera estentsiboak. - Ehizarako eta arrantzarako erabilerak. - Abeltzaintzarako erabilerak.

- Ingurumena ebaluatu ondoren onargarriak diren erabilerak - Aisialdia emateko erabilera intentsiboak. - Basogintzarako erabilerak, araubide honek besterik xedatzen ez badu betiere*. - Landako bideak eta pistak. - Azpiegituretarako aireko lineak. - Azpiegituretarako lurpeko lineak. - Zerbitzutarako instalazio jakinak: dorreak, igorgailuak, antenak, faroak... - Lehendik ustiategi batekin lotuta dauden bizitegi bakartuak.

- Erabilera debekatuak, lurraldeko edo sektoreko plangintzak besterik xedatzen ez badu - Nekazaritzako, abeltzaintzako edo basogintzako ustiategiekin lotutako eraikuntza berriak*. - Nekazaritzako industria berriak*. - Zerbitzutarako lur gaineko instalazioak: araztegiak eta edateko uraren araztegiak, ur-depositu

handiak, energia-zentralak eta eraldaketa-zentralak, aparkalekuak... *. - Hondakin solidoen zabortegiak eta hondakindegiak*. - Hiria lehendik dauden guneetan oinarrituta hazteko erabilerak*. - Erabilera publikoko eta interes sozialeko eraikinak*. - Hiria lehendik dauden guneetan oinarritu gabe hazteko erabilerak*. - Instalazio arriskutsuak*.

- Erabilera debekatuak - Ustiategiekin lotuta ez dauden bizitegi bakartuak. - Erauzketarako erabilerak. * Erabilerari eta eraikuntzari buruzko araubide orokorrak baditu zenbait salbuespen:

- Ezin da landatu baso berririk, kasu hauetan izan ezik: nekazaritzako baliabideak ustiatzeko onartzen diren plan publikoek xedatzen dituztenean edo baso berriak plan horiekin bat datozenean.

- Bizitegitarako ez diren eta 2.000 m2 baino gehiago neurtzen duten erabilerak eta eraikinak ezartzeko, dagokion plan berezia onartu eta ingurumenaren gaineko eragina aztertu behar da; alde horretatik, erabilerek eta eraikinek oso eragin txikia izan behar dute ingurumenean, edo batere eraginik ez izan. Gauza bera egin behar da bizitegitarako ez diren eraikin berriekin, zertarako erabiltzen diren eta zenbat neurtzen duten gorabehera.

- Aisialdirako erabilerak Onargarriak dira, eremuaren ezaugarriekin eta izaerarekin bat badatoz betiere.

- Bizitegitarako erabilerak


66

Ustiategi berriekin lotutako etxebizitzak lehendik dauden eraikuntzetan kokatu behar dira ahal dela.

- Erkidegoarentzako ekipamendutarako erabilerak Justifikatuta badaude bakarrik ezar daitezke, salbuespen gisa, interes publikoko helburuak lortzeko, ingurune naturalarekin eta, bereziki, nekazaritza eta basogintzako erabilerarekin bateragarriak badira betiere. Gainera, lehendik dauden, plan nagusi honekin bat datozen eta haien helburuetarako ezaugarri egokiak dituzten eraikuntzetan ezarri behar dira.

- Hirugarren sektorerako erabilerak Erabilera mota hauek soilik ezar daitezke: hoteletarako, ostalaritzarako, osasunerako, laguntzarako, jolaserako, kirolerako, gizarte eta kulturarako, turistentzako kanpalekutarako eta abarretarako erabilerak. Gainera, lehendik dauden eta hirugarren sektorerako ezaugarri egokiak dituzten eraikuntzetan ezarri behar dira, justifikatuta betiere, interes publikoko helburuak lortzeko. Hirugarren sektorerako erabilera horiek ekipamendutarako erabilerekin pareka daitezke.


- Eraikuntza finkatuetan, eremu honetako ohiko erabilerak eta haiekin bateragarriak diren erabilerak ezartzeko beharrezko berrikuntza-lanak egin daitezke. Salbuespen bakarra baserriak dira, kontserbatu eta babestu egin behar baitira nahitaez, plan honek ezartzen dituen baldintzetan.

- Lan horiek behin betiko baimentzeko, dagokion lizentzia eman behar du Udalak, eta dagozkion txostenak eta baimenak eman.

- N-3.b. eremua. Erkidea edo landazabal atlantikoa

Eremu erkide edo landazabal atlantikoa osatzen dute balio estrategiko handia dela medio berezia den eremukoak bezain emankorrak ez diren laborantza-lurrek, belardiek eta zuhaizti edo baso txikiek. Landazabalak badu balio agrologikoa eta, gainera, nahiz eta atzera egiten ari den basoak landatzeagatik eta hirigintza eta azpiegiturak garatzeagatik, balio ekologiko eta biologiko handia ere badu, faunaren habitat interesgarria baita.


- Ohiko erabilera edo erabilera sustatua - Nekazaritza eta abeltzaintzarako erabilera komunak. Nekazaritzarako erabilerak.

- Erabilera onargarriak - Ingurumena hobetzeko erabilerak. - Aisialdia emateko erabilera estentsiboak. - Ehizarako eta arrantzarako erabilerak. - Abeltzaintzarako erabilerak. - Basogintzarako erabilerak, araubide honek besterik xedatzen ez badu betiere*.

- Ingurumena ebaluatu ondoren onargarriak diren erabilerak - Aisialdia emateko erabilera intentsiboak. - Nekazaritzako, abeltzaintzako edo basogintzako ustiategiekin lotutako eraikuntza berriak. - Basogintzarako erabilerak, araubide honek besterik xedatzen ez badu betiere. - Nekazaritzako industria berriak. - Landako bideak eta pistak. - Azpiegituretarako aireko lineak. - Azpiegituretarako lurpeko lineak. - Zerbitzutarako instalazio jakinak: dorreak, igorgailuak, antenak, faroak... - Zerbitzutarako lur gaineko instalazioak: araztegiak eta edateko uraren araztegiak, ur-depositu

handiak, energia-zentralak eta eraldaketa-zentralak, aparkalekuak... *.


67

- Hondakin solidoen zabortegiak eta hondakindegiak*. - Ustiategiekin lotuta dauden bizitegi bakartuak. - Hiria lehendik dauden guneetan oinarrituta hazteko erabilerak*.

- Erabilera debekatuak, lurraldeko edo sektoreko plangintzak besterik xedatzen ez badu - Erabilera publikoko eta interes sozialeko eraikinak*. - Hiria lehendik dauden guneetan oinarritu gabe hazteko erabilerak*. - Instalazio arriskutsuak*.

- Erabilera debekatuak - Ustiategiekin lotuta ez dauden bizitegi bakartuak. * Erabilerari eta eraikuntzari buruzko araubide orokorrak baditu zenbait salbuespen:

- Basogintzarako erabilera berriak zenbait mugaren barruan bakarrik ezar daitezke, % 30etik gorako malda duten lurretan soilik, sektoreko araudiak, lurraldeko eta sektoreko plangintzak eta Hiri Antolamendurako Plan Nagusia garatzeko plangintzak ezartzen dituzten baldintzetan.

- Bizitegitarako ez diren eta 2.000 m2 baino gehiago neurtzen duten erabilerak eta eraikinak ezartzeko, dagokion plan berezia onartu eta ingurumenaren gaineko eragina aztertu behar da; alde horretatik, erabilerek eta eraikinek oso eragin txikia izan behar dute ingurumenean, edo batere eraginik ez izan. Gauza bera egin behar da bizitegitarako ez diren eraikin berriekin, zertarako erabiltzen diren eta zenbat neurtzen duten gorabehera.

- Aisialdirako erabilerak Onargarriak dira, eremuaren ezaugarriekin eta izaerarekin bat badatoz betiere.

- Erkidegoarentzako ekipamendutarako erabilerak Interes publikoko helburuak lortzeko ezar daitezke, ingurune naturalarekin eta, bereziki, nekazaritza eta basogintzako erabilerarekin bateragarriak badira betiere. Ahal dela, lehendik dauden, plan nagusi honekin bat datozen eta haien helburuetarako ezaugarri egokiak dituzten eraikuntzetan ezarri behar dira. Hala ere, eraikuntza berrietan ere ezar daitezke, baldin eta behar bezala justifikatzen bada erabilera nagusirako beharrezkoak direla.

- Hiriugarren sektorerako erabilerak Erabilera mota hauek soilik ezar daitezke: hoteletarako, ostalaritzarako, osasunerako, laguntzarako, jolaserako, kirolerako, gizarte eta kulturarako, turistentzako kanpalekutarako eta abarretarako erabilerak. Gainera, lehendik dauden eta hirugarren sektorerako ezaugarri egokiak dituzten eraikuntzetan ezarri behar dira ahal dela, justifikatuta betiere, interes publikoko helburuak lortzeko. Hala ere, eraikuntza berrietan ere ezar daitezke, zenbait mugaren barruan, salbuespen gisa, ingurumenean ahalik eta eragin txikiena izateko moduan. Horretarako, baina, dagokion plan berezia onartu behar da. Era berean, baimendu daitezke behar bezala justifikatzen bada erabilera nagusirako beharrezkoak direla. Hirugarren sektorerako erabilera horiek ekipamendutarako erabilerekin pareka daitezke.

- Erauzketarako erabilerak Eremuko balio landatarrekin bateragarriak badira bakarrik ezar daitezke. Gainera, erakunde eskudunek baimena eman behar dute aurrez, eta udal-lizentzia lortu behar da.


- Eraikuntza finkatuetan, eremu honetako ohiko erabilerak eta haiekin bateragarriak diren erabilerak ezartzeko beharrezko lanak egin daitezke: eraikuntzak berritzeko lanak zein eraikuntzak eraistekoak eta ordezkatzekoak. Salbuespen bakarra baserriak dira, kontserbatu egin behar baitira nahitaez, plan honek ezartzen dituen baldintzetan.

- Lan horiek behin betiko baimentzeko, dagokion lizentzia eman behar du Udalak, eta dagozkion txostenak eta baimenak eman.


68

N-4 eremua. IBAIAK ETA HAIEK BABESTEKO ERTZAK

1. DEFINIZIOA

N-4 eremua eratzen dute udalerriko ibaien eta erreken ibilguek, baita indarrean dauden legediak eta plangintzak haiek babesteko ezartzen dituzten ertzek ere.

Eremu honetako ibilguak lurzoru urbanizaezinean daude, EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planarekin bat.

N-2.a. eremua (lurrazaleko ura babestekoa) ubide bakoitzaren alde bietan 100 m zabal diren zerrendek eratzen dute, baita Elorrioko udal-barrutiko urtegien inguruan 200 m zabal diren zerrendek ere, eta haiei buruzko arauen helburuak izan behar du uraren kalitateari eustea, ubideak eta ibaiertzak ez okupatzea eta eraldatzea eta arrisku naturalen ondoriozko kalteak ahalik eta txikienak izatea.

Arau hauek xedatzen ez dituzten gai guztietan, EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Plana aplikatu behar da eta, arauen eta Planaren artean kontraesanak daudenean ere, Plana aplikatu behar da.

2. IBAIERTZEN KATEGORIAK

Elorrioko ibaien, erreken eta urtegien ertzak kategoria hauetan banatzen dira, zenbait irizpideren arabera:

- Ingurumenaren ikuspegitik

. Naturaren ikuspegitik interesgarriak diren eremuak (Udalatx).

. Egoera onean dagoen ibaiertzeko landaretza duten ertzak.

. Akuiferoak egoera ahulean dauden eremua.

- Arro hidraulikoko tarteen ikuspegitik Arro isurlearen azaleraren arabera, EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planak tarte hauek bereizten ditu arro hidraulikoan, hura arautzeko: Elorrioko udal-barrutiko tarteak

- 1. maila (10 eta 50 km2 arteko arro isurlea) Zumelegi ibaia, udal-barrutiaren mendebaldeko muturretik (Atxondoko mugatik) 11,5. km-raino

(ibaia Zabaleta errekarekin elkartzen den lekuraino) gutxi gorabehera.

- 0. maila (1 eta 10 km2 arteko arro isurlea) Zabaleta, Aidasu, Abola-Kiñaurri (zati bat), Larramendi, Intxorta, Aldape, Mendraka eta Toloto

errekak.

- 00. maila (1 km2-ko arro isurlea baino txikiagoa) Larrarte, Kiñaurri eta Arabios errekak eta gainerako erreka txikiak.

- Hirigintzaren ikuspegitik

. Landako ertzak.

. Hiriarteko komunikazioetarako azpiegiturak dauden ertzak.

. Hirigune garatuetako ertzak.

. Hirigintzarako gara daitezkeen ertzak.

3. IBAIAK ETA HAIEK BABESTEKO ERTZAK ERABILTZEKO ETA BERTAN ESKU HARTZEKO IRIZPIDE OROKORRAK

Interes kulturala duten elementuak babestea


69

a. Euskal kultur ondareari buruzko 7/1990 Legearekin bat kalifikatuta edo inbentarioaren barruan dauden ondasunek (eraikuntzek, zubiek eta gainerako elementuek) haiek babesteko araudia bete behar dute.

b. Sektoreko plangintzarekin edota arau subsidiario hauekin bat babestu beharreko elementuen edo katalogoen zerrendetan dauden ondasunek (eraikuntzek, zubiek eta gainerako elementuek) sektoreko araudiak eta arau subsidiario hauetako V. tituluak ezartzen duten araubidea bete behar dute.

c. EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planarekin berarekin bat, Elorrioko Alde Zaharreko eraikuntzak ez dira atzeratu behar Planeko araudi orokorrak xedatzen dituen parametroei jarraituz. Aitzitik, lehendik eraikitako ertzetara egokitu behar dute ubideek, eta ibaiak babesteko ertzak balio arkitektonikoetara egokituta eraiki behar dira, portaera mekaniko egokia oinarri hartuta.

Ubideetatik gertu dauden azpiegiturak

a. Ubideen ondoan lurpeko azpiegitura linealak (hodi biltzaileak, ur-hodiak, gasbideak, sare elektrikoak eta komunikazio-sareak...) instalatzeko, araubide hau aplikatu behar da azpiegituren eta ubideen arteko distantziari dagokionez:

- Lurzoru urbanizaezinean, 15 m utzi behar da azpiegituren eta ubideen artean, salbu eta lehendik dauden bideen azpian kokatzen direnean azpiegiturak. Hodi biltzaileek eta ur-hodiek, berriz, ez dute bete behar baldintza hori, tarte hori ez uztea oso justifikatuta badago betiere.

- Hirigune garatuetan eta hirigintzarako gara daitezkeen eremuetan, azpiegiturak bideen edo espaloien azpian kokatu behar dira, edo kanalizazioaren barnealdean.

b. Landako eremuan, ezin da instalatu azpiegitura linealak bideratzeko kanalizaziorik, salbuespen gisa izan ezik, kanalizazioak instalatzea behar bezala justifikatzen denean. Orduan, ubideen gurutzaguneetan instalatu behar dira, ahalik eta txikienak izanik. Gainera, ibaiertzeko landaretzari eta interes naturala duten elementuei eutsi behar zaie. Desagertu egin badira, berriz, lehengoratu egin daitezke.

c. Aurreko epigrafeak egitura linealei ezartzen dizkien eskakizun berak bete behar dituzte ubideetatik gertu dauden zerbitzutarako instalazio tekniko ez-linealek.

Urpean gera daitezkeen eremuak Batetik, EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planarekin bat urpean gera daitezkeen eremuek eta, bestetik, Planak aipatzen ez dituen baina ezagunak diren eremuek, hiri-antolamendurako plan nagusi hau indarrean dagoen bitartean izendatzen direnek eta plan nagusi hau indarrean dagoen bitartean urpean geratzen direnek Lurraldearen Arloko Planeko E.1. kapituluak (urpean gera daitezkeen eremuei buruzko araudi espezifikoak) xedatzen duena bete behar dute, baita arau nagusi hauetako 20.h. artikuluak (baldintzatzaile gainjarrien eta urpean gera daitezkeen eremuen araubideari buruzkoak) ezartzen dituen irizpideak (lurzorua urpean geratzeko arrisku-mailaren arabera erabiltzeari buruzkoak).

- Lan hidraulikoak Ibaiertzetan ubideak bideratzeko, estaltzeko, zuzentzeko, mozteko eta abarretarako egiten diren lan hidrauliko guztiek EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planeko E.1. kapituluak (urpean gera daitezkeen eremuei buruzko araudi espezifikoak) xedatzen duena bete behar dute, baita arau nagusi hauetako 20.h. artikuluak (baldintzatzaile gainjarrien eta urpean gera daitezkeen eremuen araubideari buruzkoak) ezartzen dituen irizpideak (lurzorua urpean geratzeko arrisku-mailaren arabera erabiltzeari buruzkoak).

4. INGURUMENAREN ARABERAKO XEDAPENAK

Ubide guztiei buruzko xedapenak Ahal den neurrian, ibaiertzetako baldintza naturalei eta ibaiertzeko landaretzari eutsi behar zaie, eta degradatutako edo soildutako tarteak lehengoratzea eta oihantzea bultzatu behar da. Ubideak bideratu edo zuzendu behar badira uholdeen aurka babesteko, azpiegiturak eraikitzeko edo hiria hazteko, ubideak haraneko esparru bereziko ingurunean integratzen laguntzen duten tratamenduak erabili behar dira ubideak bideratzeko edo zuzentzeko, eta, ahal den neurrian, soluzio


70

bigunak erabili behar dira, hala nola ezponda berdeak, berriz oihandu daitezkeen harri-lubetak, ubide bikoitzak...

Erabilerei buruzko arauak

Oro har, hauek dira erabilerei buruzko arauak lurzoru urbanizaezineko ertzetan:

- Erabilera sustatuak: Ingurumena kontserbatzeko eta hobetzeko erabilerak.

- Erabilera onargarriak: Aisia emateko erabilera estentsiboak, aisia emateko erabilera intentsiboak eta ehizarako eta arrantzarako erabilerak.

Nekazaritzarako, zolarik gabeko berotegitarako, abeltzaintzarako eta basogintzarako erabilerak.

Ibaiertzeko erauzketa-jardueretarako erabilerak, harrobiak eta meategiak izan ezik.

Aireko eta lurpeko lineak. Zerbitzutarako instalazio tekniko ez-linealak, urtegia funtzionala izatekoak izan

ezik. Erabilera publikoko eta interes sozialeko erabilerak eta eraikinak, zenbait

mugaren barruan. Ustiategiekin lotuta dauden bizitegi bakartuak.

- Erabilera debekatuak: Sustatuak edo onargarriak ez diren erabilerak eta, bereziki, nekazaritzako industriak, arrain-haztegiak izan ezik.

Hondakin solidoak botatzeko zabortegitarako erabilerak, 3 km2-ko arro isurlea baino txikiagoa duten erreketan izan ezik.

Bizitegi bakartutarako erabilerak. Eragin berezia duten instalazioak.

Bertako espezieen basoetako eta unadetako ertzak

a. Lurzorua eraldatzeko lanek, eraikinek, instalazioek, nolanahiko eraikuntzek (finkoek zein desmunta daitezkeenek), zabalguneek, lur-mugimenduek... ubide publikoen mugatik 50 m-ra egon behar dute gutxienez. Salbuespen bakarra herri-lanak eta azpiegituretarako instalazioak dira, baita ingurunea eta kultur ondarea babesteko lanak ere, behar bezala justifikatuta badaude betiere.

b. Ubideak babesteko zer eremutan dauden ertzak, eremu horiei buruzko araudia aplikatu behar da, artikulu honek eta hurrengoak xedatzen dutena kontuan izanik:

- Erabilera debekatuak: Berotegitarako erabilerak. Nekazaritzako industriak eta, tartean, arrain-haztegiak. Erauzketarako erabilerak. Zerbitzutarako instalazio tekniko ez-linealak, urtegia funtzionala izatekoak izan ezik. Hondakin solidoak botatzeko zabortegitarako erabilerak, are 3 km2-ko arro isurlea baino txikiagoa duten erreketan. Bizitegi bakartutarako erabilerak. Eragin berezia duten instalazioak.

Kontraesanik badago, administrazio eskudunaren ustez ingurumena eta ekologia hobekien babesten duten xedapenei eman behar zaie lehentasuna.

Egoera onean dagoen ibaiertzeko landaretza duten ertzak

a. Ekosistema klimax-egoeratik gertu badago, lehendik dagoen landaredia babestu behar da eta, bestela, ekosistema klimax-egoerara irits dadin bultzatu behar da, ertzak lehengoratzeko jarduketa bigunen bitartez eta, betiere, landaretza baliotsuari eusten ahaleginduz. Horrenbestez, debekatuta dago helburu horien kontra egitea.

b. Betiere, lurzorua eraldatzeko lanek, eraikinek, instalazioek, nolanahiko eraikuntzek (finkoek zein desmunta daitezkeenek), zabalguneek, lur-mugimenduek... ibaiertzeko landaretzaren kanpoko ertzetik 10 m-ra egon behar dute gutxienez. Salbuespen bakarra herri-lanak eta


71

azpiegituretarako instalazioak dira, baita ingurunea eta kultur ondarea babesteko lanak ere, behar bezala justifikatuta badaude betiere.

c. 4. atalak (ingurumenaren araberako xedapenei buruzkoak) erabilerei buruz ezartzen duen araudia aplikatu behar da. Gainera, debekatuta dago ibaiertzeko landaretza osatzen duten zuhaitzak eta zuhaixkak moztea, kasu honetan izan ezik: zuhaitzak eta zuhaixkak espezie aloktonoetakoak direnean edo helburua ekosistema lehengoratzea eta hobetzea denean.

Akuiferoak egoera ahulean dauden eremuetako ertzak

a. Debekatuta dago landare-estalkia honda dezakeen edo lurra mugitzera behartzen duen jarduera oro.

b. 4. atalak (ingurumenaren araberako xedapenei buruzkoak) erabilerei buruz ezartzen duen araudia aplikatu behar da. Gainera, debekatuta dago hau egitea:

- Zuhaitzak eta zuhaixkak moztea, salbu eta espezie aloktonoetakoak direnean edo helburua ekosistema lehengoratzea eta hobetzea denean.

- Solidoak edo likidoak isurtzea, lurpeko akuiferoetako ura higatzeko arriskua badago. - Hondakin solidoak botatzeko zabortegitarako erabilerak, are 3 km2-ko arro isurlea baino

txikiagoa duten erreketan.

5. HIRIGINTZAREN ARABERAKO XEDAPENAK

Landako ertzak

a. Hirigintzaren ikuspegitik landako eremuen kategoriaren barnean dauden ertzetan, distantzia hau utzi behar da gutxienez ubide publikoen mugaren eta lurzorua eraldatzeko lanen, eraikinen, instalazioen, nolanahiko eraikuntzen (finkoen zein desmunta daitezkeenen), zabalguneen, lur-mugimenduen... artean: - 50 m urtegietan. - 30 m I. edo II. kategorietako tarteetan. - 15 m 0 kategoriako tarteetan. - 5 m 00 kategoriako ubideetan. Esan bezala, lurzorua eraldatzeko lanek, eraikinek, instalazioek, nolanahiko eraikuntzek (finkoek zein desmunta daitezkeenek), zabalguneek, lur-mugimenduek... egon behar dute ubide publikoen mugatik distantzia horietara. Salbuespen bakarra herri-lanak eta azpiegituretarako instalazioak dira, baita ingurunea eta kultur ondarea babesteko lanak ere, behar bezala justifikatuta badaude betiere.

b. Gainera, lurzoru urbanizaezineko berezko eraikuntzak, jarduerak eta erabilerak bakarrik ezar daitezke 100 m zabal den zerrendan, dagokion eremuaren kalifikazioarekin bat dagokion araudiari kalte egin gabe betiere.

c. Ubideak ezin dira artifizialki eraldatu, estali edo zuzendu, uholdeei aurrea hartzeko izan ezik. d. Arroen buruan, zabalguneak edo hondakin bizigabeen zabortegiak sortzeko hala badagokio,

3 km2-ko arro isurlea baino txikiagoa duten errekak zuzendu daitezke, baita 0,5 km2-ko arro isurlea baino txikiagoa duten errekak bideratu eta estali ere, administrazioko organo eskudunak edo agintari eskudunak ezartzen dituen baldintzetan. Betiere, arro isurle osoaren azterketa hidraulikoa egin behar da, eta jarduketen eragina txikiagotzeko neurriak aztertu behar dira.

Komunikaziotarako azpiegiturak dauden ertzak

a. Ezinezkoa dela agerikoa bada izan ezik, Uraren Legeak ezartzen duen 5 m-ko zortasun-zerrenda utzi behar da.

b. Ezinezkoa dela berariaz justifikatzen bada izan ezik, debekatuta daude interes naturala duten elementuak eta ibaiertzeko landaretza kontserbatzeari kalte egiten dioten edo horren aurka doazen jarduketak.

c. EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planeko F.2. kapituluko gainerako irizpideak eta xedapenak aplikatu behar dira, hala badagokio.

Hirigune garatuetako ertzak.


72

a. Zumelegi ibaiaren I. mailako tarteak dauden Elorrioko hiri-lurzoruko eremuetan, ubideen lerroak argi daude, eta eraikuntzek ubide publikoaren mugatik 10 m-ra egon behar dute gutxienez. Hala ere, 10 m-ko zerrenda hori pasealeku bat balitz bezala trata daiteke, ubidea babesteko eta handitzeko. Lehendik dauden eraikuntza finkatuei dagokienez, gutxi gorabeherakoa da tarte hori, baina, lehendik dauden eraikuntzak ordezkatzen badira eta eraikuntza berriak egiten badira, berriz, bete egin behar da, Alde Zaharrean izan ezik, uholdeak izateko arrisku larria ez badago betiere.

b. Hiri-lurzoruko eraikuntza berrien zorupeko okupazioak (sotoek eta lurpeko aparkalekuek) ubide publikoaren mugatik 10 m-ra egon behar dute gutxienez.

Hiria hazteko erabil daitezkeen eremuetako ertzak

a. Kategoria hau eratzen dute hirigintzarako gara daitekeen hiri-lurzoruko ertzek, lurzoru urbanizagarrikoek eta urbanizatzeko egokiak diren eremuetakoek.

b. Hirigintzaren ikuspegitik hiria hazteko erabil daitezkeen eremuen kategoriaren barnean dauden ertzetan, distantzia hau utzi behar da gutxienez ubide publikoen eta elementu hauen artean:

- I. mailako tarteak: Eraikuntzek 12 m-ra egon behar dute gutxienez, eta ubideetatik 2 m-raino arte urbaniza daiteke. - 0 mailako tarteak: Eraikuntzek 12 m-ra egon behar dute gutxienez, eta ubideetatik 2 m-raino arte urbaniza daiteke.

Eraikuntza berriek distantzia horiek errespetatu behar dituzte. Lehendik dauden eraikuntzei eta lehendik urbanizatutako eremuei dagokienez, berriz, gutxi gorabeherakoak dira, baina, eraikuntza edo urbanizazioa ordezkatzen badira, bete egin behar dira.

d. Lehendik dagoen ibaiertzeko landaretza babestu behar da, baldin eta ubideak bideratzeko lanak egitea bideragarria bada uholdeen aurka babesteko. Soluzio bigunak edo ezpondak erabili behar dira horretarako, eta debekatuta dago helburu eta xedapen horiekin bateragarria ez den edozein erabilera edo eraikuntza ezartzea.

e. EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planeko F.2. kapituluko gainerako irizpideak eta xedapenak aplikatu behar dira, hala badagokio.


Oro har, jabari hidrauliko publikoaren barneko ubideak eta ertzak erabilera publikoko eremuak dira, eta jabari hidrauliko publikotik kanpo daudenak, erabilera pribatuko eremuak edota ondarezkoak, baldin eta lurraldeko plangintzak edota hirigintzaren plangintzak beste jabari mota bat ezartzen ez badute.

N-5 eremua. LANDA-GUNEA

- Definizioak

a. Landako gunea

Lurzoruari eta hirigintzari buruzko ekainaren 30eko 2/2006 Legeko 29. artikuluak eta Lurzoruari eta hirigintzari buruzko ekainaren 30eko 2/2006 Legea garatzen duten premiazko neurriei buruzko ekainaren 3ko 105/2008 Dekretuak xedatzen dutenarekin bat, landako guneak dira 6tik 25era bitarteko baserriek izaera ematen dion eremu publiko baten inguruan bilduta lurzoru urbanizaezinean osatzen dituzten multzoak. Landako guneetako erabilera nagusiak dira nekazaritza eta abeltzaintzako ustiategiekin lotutako bizitegiak eta landako guneetako bizitegiak eta haien erabilera osagarriak. Landako guneak biztanleria-gune txikiak dira. Gehienak historikoak dira, baina, hiritik hurbil daudela eta etxebizitzen eta bertakoen kopurua dela-eta, hiriko egitura bihurtzen hasiak dira.

b. Baserria Lurzoruari eta hirigintzari buruzko ekainaren 30eko 2/2006 Legea garatzen duten premiazko neurriei buruzko ekainaren 3ko 105/2008 Dekretuak xedatzen duenarekin bat, gutxienez baldintza hauek guztiak betetzen dituzten eraikinak dira baserriak:


73

- Eraikin bakartuak izatea eta erabilera nagusia etxebizitzatarako erabilera izatea. - Gutxienez etxebizitza bat izatea lehendik, Jabetza Erregistroan xedaturikoaren arabera. - Eraikina lehenengoz okupatzeko lizentzia izatea edo eraikina 1950eko urtarrilaren 1aren aurretik

bizitegitarako erabiltzen zela frogatzen duen dokumentu bat izatea. - Elorrioko landako guneen zerrenda eta mugak

Azaldutako legezko definizioekin bat, hiri-antolamendurako plan nagusi honek Elorrioko udal-barrutiko baserri multzo edo auzo hauek sailkatzen ditu N-5 eremuaren (landako guneetako lurzoru urbanizagarriaren) barruan:

- LEIZ-MIÑOTA. - ALDAPE. - BERRIO. - GAZETA. - MENDRAKA. - ZENITA.

Hiri Antolamendurako Plan Nagusiak udal-barrutia oro har antolatzeko planoek (bereziki, lurzoru urbanizaezina oro har kalifikatzeko 5. planoak) mugatzen dituzte baserri multzo edo auzoak, baita arau partikularrek landako guneak xehatuki antolatzeko fitxek ere. Lurzoruari eta hirigintzari buruzko Legeko 29. artikuluarekin bat, dagokion antolamendu xehatua garatzeko plan berezi baten bidez alda daitezke landako guneen mugak, baina, betiere, aipatutako legezko aginduari kalte egin gabe, hiri-antolamendurako plan nagusi honek ezartzen dituen irizpideetara eta xedapenetara (bereziki, landako guneei buruzko araudira) egokitu behar da plan berezia.

- Landako guneetako baserrien inbentarioa

Lurzoruari eta hirigintzari buruzko 2/2006 Legeko 29. artikuluak xedatzen duena betetze aldera eta "landako guneak" zehazte aldera, landako gune bakoitzaren antolamendu xehatuak landako gune horretako baserrien inbentario bat hartu behar du barnean. Elorrioko landako guneetako baserrien inbentarioa da legezko "baserri" kontzeptuaren barruan sailkatzeko modukoak diren eraikinen zerrenda. Arau partikularren barruan dagokion eranskinak zehazten du zerrenda hori, eta eraikinak baserritzat hartzea justifikatzen.

- Antolamenduaren helburu eta irizpide orokorrak

Landako guneak antolatzeko helburu nagusia da landako baserri multzo edo auzoetako berezko habitata babestea, balio argiak baititu naturaren, lurraldearen eta kulturaren ikuspegitik. Era berean, landako guneak antolatzeko helburu bat bada ingurunearen kalitatea eta kalitate funtzionala eta formala (azken finean, banakoen eta taldeen bizi kalitatea) ona izatea ere. Helburu horiek lortzeko, landako guneetako baserriak, eremu publikoak eta landaretza kontserbatu eta balioztatu behar dira, bai alde arkitektonikotik bai eta ingurunearen ikuspegitik ere, eta, gainera, beharrezko erabilerak eta eraikuntzak ezartzeko bide eman behar da, interes orokor garbiko beste jarduketa batzuei kalte egin gabe. Aipatutako helburu nagusiaren mendean, badira beste helburu batzuk, indarrean dagoen legediak baimentzen dituen jarduketekin bat datozenak, hala nola eraikuntza berriak.


- Ohiko erabilera edo erabilera sustatua - Landako guneetako bizitegitarako erabilera eta haren erabilera osagarriak

Landako guneetako bizitegitarako berezko erabilerak dira landako guneetako bizitegitarako erabilerak, hau da, landako multzoen ezaugarri espezifikoak dituzten dentsitate txikiko etxebizitza multzoak. Tartean, landako guneetako bizitegitarako erabilerak dira lehendik zeuden nekazaritza eta abeltzaintzako ustiategitarako erabilerak, eremu libre pribatiboak eta erabilera publikoko eremuak eta eraikinak, hala nola elizak eta frontoiak.


- Hauek dira erabilera bateragarri eta onargarriak: - Landako ekipamendutarako erabilera.


74

- Ingurumena babesteko landako erabilerak, lehengaiak ustiatzeko landako erabilerak eta aisialdia emateko landako erabilerak, lehendik badaude eta plan bereziak baimentzen baditu betiere.

- Landako azpiegituretarako erabilerak, landako guneak funtzionalak izateko edo interes orokorrerako beharrezkoak badira eta guneen kalitate funtzionalari eta ingurunearen kalitateari kalte egiten ez badiote, hiri-antolamendurako plan nagusi honetako eta udal-ordenantzetako araudi orokorra aplikatuta betiere.

- Landako eraikuntzarako beste erabilera eta jarduera batzuk Erabilera publikoko eta interes sozialeko erabilerak eta eraikinak, hiri-antolamendurako plan

nagusi honetako arau orokorretako 14. artikuluak haiei buruz ezartzen dituen baldintzetan.

Nekazaritzako ustiategiekin lotuta ez dauden landako bizitegi bakartuak, hiri-antolamendurako plan nagusi honetako arau orokorretako 14. artikuluak haiei buruz ezartzen dituen baldintzetan.

Beste erabilera eta jarduera batzuk, landako guneak funtzionalak izateko edo interes orokorrerako beharrezkoak badira eta guneen kalitate funtzionalari eta ingurunearen kalitateari kalte egiten ez badiote, hiri-antolamendurako plan nagusi honetako eta udal-ordenantzetako araudi orokorra aplikatuta betiere.

- Ostalaritzarako erabilerak, arau partikularrek eta lurzoru urbanizaezina eraikitzeari eta urbanizatzeari buruzko ordenantzek ezartzen dituzten baldintzetan.

- Arau orokor hauetako 53.4. artikuluko xedapenekin bat, eraikuntzetako erabilerak (are lursailekiko loturak) finkatutzat hartu behar dira, bere horretan.

- Erabilera debekatuak:



- Eraikigarriak izateko, baldintza hauek bete behar dituzte lursailek: - Ibilgailuentzako sarrerak izatea, herritarrek benetan erabiltzeko modukoak eta gutxienez 3,5 m

zabal direnak. - Perimetroko 10 m gutxienez ibilgailuentzako sarreren mugakide izatea eta tarte horretan lursailetarako

zuzeneko sarrerak izatea. - Gehieneko eraikigarritasunari buruzko xedapenak kontuan izanik, lursail osoan edateko ura banatzeko

zerbitzu nahikoak izatea. - Hondakin-ura husteko, saneatzeko eta arazteko sistemak izatea, kontrolatzen errazak eta mantentzen

errazak eta seguruak. Lursailetan bertan instalatu behar dira isuriak kontrolatzeko sistemak, erkidego osoarentzat ahal dela, eta debekatuta dago efluenteak bide, ubide edo sare publikoetara isurtzea, baldin eta gutxieneko neurrian araztuta ez badaude.

- Lursailen azalera 2.000 m2 baino handiagoa izatea eta eremu hori beste eraikin bati lotuta ez egotea. Debekatuta dago lursaila zati txikiagoetan banatzea. Hain zuzen ere, lursailen azalerak izan behar du barruan 30 m-ko diametroa duen zirkulu bat inskribatzeko modukoa.

- Plan berezi batek xedatzen badu antolamendu xehatua, arau partikularretako xedapenak betetzea. Egoera horretan, lursailak 2.000 m baino txikiagoak izan daitezke.

- Eraikuntza berriek baldintza hauek bete behar dituzte:

- Eraikuntzen oinplanoak prisma soilen parekoak izatea eta gutxienez 150 m2 eta gehienez 300 m2 hartzea.

- Gehienez 0,2 m2s/m2 eraiki ahal izatea ekarritako lursailean. Lursailek hartzaile izan behar dute betiere, eta ezin dira batu lursail osagarriak, ezta lursail beraren barrukoak izanda ere.

- 700 m2-ko azalera eraikia baino txikiagoa izatea, teilatupeko azalera kontuan izanik.

- Gehienez ere bi solairu izatea, beheko solairua kontuan izanik, ondoko paragrafoak ezartzen dituen baldintzetan izan ezik.

Udal-ordenantzek kasuan-kasuan xedatzen dutenari kalte egin gabe, teilatupea bizitzeko erabil daiteke. Teilatupea bizitzeko erabiltzen bada, kontuan hartu behar da azalera eraikia kalkulatzeko, baina ez solairuak zenbatzeko, betiere, teilatupea berezkoa bada. Alde horretatik, teilatupea berezkoa izateko, isurkiek plano jarraitua eratu behar dute, eta inola ere ezin dituzte eten irtenguneek edo goraguneek.


75

- Sestra azpian solairu bakarra (sotoa edo erdisotoa) izatea eta, betiere, eraikuntzen gehieneko garaiari buruzko baldintzak betetzea.

- Eraikuntzak mugatik 5 m-ra eta beste eraikin batetik 10 m-ra egotea gutxienez. - Eraikuntza osagarriak (adibidez, etxolak, garajeak eta estalpeak) ez izatea. Eraikuntzen gorputzaren

barruan egon behar dute eraikuntza osagarriek.

- Arau horiez guztiez gain, hiri-antolamendurako plan nagusi honetako arau partikularrek eta udalerriko lurzoru urbanizaezina eraikitzeari eta urbanizatzeari buruzko ordenantzek osatzen dute eraikuntzari buruzko araubide orokorra.


N-5 eremua erabiltzeko araubidea hiri-antolamendurako plan nagusi honek edo hura garatzeko plangintza bereziak ezartzen duten kalifikazio xehatuaren araberakoa da. Oro har, bizitegitarako eta hirugarren sektorerako baimendutako lursailen erabilera pribatiboa da; ekipamendutarako baimendutakoena, erabilera publikokoa edo pribatukoa, kasuan-kasuan; eta sistematarako (bereziki, bidetarako) lurzorua, erabilera publikokoa.

- Landako guneen plangintzari buruzko araubidea

1. Plan bereziak idatz daitezke, landako guneak eta haren ingurune naturalak osatzen duten ingurunea hobetzeko, hirigintza-legediak xedatzen duenarekin bat betiere.

2. Zera egin behar du plan berezien edukiak: a. Hiri Antolamendurako Plan Nagusiko araubide orokorrari eta landako guneei buruzko arau

partikularretako xedapenei kalte egin gabe, landako guneak antolatzeko irizpideekin (Durangoko Eremu Funtzionaleko Lurraldearen Zatiko Plana behin-behinean onartzeko dokumentuko 46. artikulukoekin) bat etorri.

b. Hiri-antolamendurako plan nagusi honetako planoen mugak grafikoki adierazi, 1:10.000 eskalan.

c. Eraikuntzak antolatzeko xedapenei buruzko argibideak eman, ingurumenera egokitzeko betebeharra betetzeko. Horrenbestez, berez sortutako kokalekuaren ezaugarriekin bat etorri behar du eraikuntzen kokalekuak; ahal dela, eraikuntzak kokatu ondoren sortzen den antolamenduak ez du izan behar zurruna edo errepikakorra, hirikoago edo planifikatuagoa.

3. Eraikuntzen kokalekua eta eraikigarritasuna kontrolatzeko mekanismoak zehaztu eta arautu, eskala egokian, Lurzoruari eta hirigintzari buruzko 2/2006 Legeko 29.4. artikuluak azalera eraikia eta etxebizitza kopurua handitzeari buruz xedatzen duena betetzeko eta bermatzeko moduan.

4. Aukeran, indarrean dagoen hirigintza-legediak baimentzen duen gehieneko eraikigarritasuna txikitu.

N-6 eremua. SISTEMAK

Sistemen eremua osatzen dute berez landako ingurunearen edo ingurune naturalaren barruan ez dauden baina helburu funtzional oso edo zabalak betetzeko ezinbestean bertan kokatu behar diren udaleko zein udalaz gaindiko ekipamenduetarako eta azpiegituretarako erabilerek. Eremu hauek bereizten dira sistemen eremuaren barruan: N-6.a. Ekipamendutarako eremua. N-6.b. Bidetarako azpiegituretarako eremua. N-6.c. Trenbidetarako azpiegituretarako eremua. N-6.d. Zerbitzutarako azpiegituretarako eremua.


- Ohiko erabilera edo erabilera sustatuak Eremu bakoitzari dagozkionak dira eremu honetako erabilera ohiko edo sustatuak: - N-6.a. Ekipamendutarako eremua.......................... Ekipamendutarako erabilera.


76

- N-6.b. Bidetarako azpiegituretarako eremua........... Bidetarako azpiegituretarako erabilera eta parekoak. - N-6.c. Trenbidetarako azpiegituretarako eremua .... Bidetarako azpiegituretarako erabilera eta parekoak. - N-6.d. Zerbitzutarako azpiegituretarako eremua...... Azpiegituretarako aireko lineak eta antenak, azpiegituretarako lurpeko lineak, azpiegituretarako zerbitzutarako instalazio tekniko ez-linealak (urtegiak, araztegiak, estazioak...) eta hondakin solidoak tratatzeko instalazioak, hondakindegiak, zabortegiak...

Landako eremu libreen sistema orokorra eremu honen parekotzat har daiteke.

Betiere, eremu hau babesteko irizpideekin eta helburuekin eta sektoreko araudiarekin, lurraldeko plangintzarekin, plangintza orokorrarekin eta haiek garatzeko plangintzarekin bateragarriak izan behar dute erabilerek.


- Erabilera bateragarri edo onargarriak dira ingurune naturala eta landako ingurunea antolatzeko irizpideekin eta helburuekin, eremu bakoitzeko irizpideekin eta helburuekin eta sektoreko legediarekin eta araudiarekin, lurraldeko plangintzarekin, plangintza orokorrarekin eta, oro har, haiek garatzeko plangintzarekin bat datozenak.

- Aipatutako erabilerak kokatzeko, interes publiko eta orokorrak bakarrik erabil daitezke justifikazio edo oinarritzat.

- Udalak plan bereziak idatz ditzake eraztun berdeak eratzen dituzten bidezidorrei eta, haien barruan, mendiko ibilbide luzeei eta GR-3 ibilbideari buruz, tarteka edo zatika, aisialdia emateko erabilera estentsiboarekin lotutako zuzkidura-zerbitzuak ezartzeko hala badagokio. Gainera, beharrezkoa bada, 20 m zabal diren zerrendak mugatu behar ditu bidezidorren ardatzaren alde bietan, eta zortasun-zerrendak, eraikuntzen mugak eta inguruko funtsen itxiturak ezarri ere egin dezake, bidezidorren ardatzaren alde bietatik 5 m-ra arte gehienez ere. Muga horiek ezartzeko irizpideek murriztaileak izan behar dute, behar bezala arrazoitu behar dira eta beharrezkoa den azalera baino ez dute hartu behar barnean.

- Erabilera debekatuak:



Arau orokor hauek eta lurzoru urbanizaezina eraikitzeari eta urbanizatzeari buruzko ordenantzek xedatzen dute eraikuntzari buruzko araubide orokorra, baita plangintza bereziak ere, ordenantza horiekin bat. Aurreko paragrafoko xedapenei kalte egin gabe, sektoreko legediak eta gaiari buruzko legedi teknikoak kasuan-kasuan ezartzen duten eraikuntzari buruzko araubide espezifikoarekin bat etorri behar dute eraikuntzen eta instalazioen ezaugarriek eta, gainera, plangintzak ezartzen duen antolamendu funtzionalaren eta espazialaren helburuak bete behar dituzte. Interes sozial eta orokorreko instalazioei eta txabolei dagokienez, lurzoru urbanizaezina eraikitzeari eta urbanizatzeari buruzko ordenantzek ezartzen dituzten baldintzak bete behar dituzte lurzoru urbanizaezineko eremu libreen sistemekin lotutako eraikuntzek. Betiere, proiektuek ingurumenean duten eraginaren gaineko azterketa eta horri buruzko txosten tekniko eta administratiboa egin behar dira, eta proiektuek ingurumenean eraginik ez izateko edo ahalik eta eragin txikiena izateko baldintzak bete behar dira.


Oro har, kasuan-kasuan besterik behartzen duen arrazoirik ez bada, erabilera publikokoa da eremua.

18. artikulua. KALIFIKAZIO OROKORRAREN ARAUBIDEA APLIKATZEKO IRIZPIDE OROKORRAK


77

a. Erabileren bateragarritasuna eta bateraezintasuna

1. Erabilera orokorreko eremuetako erabilera bateragarriei eta bateraezinei buruzko arauak ondoko kapituluak zehazten ditu, kalifikazio xehatuaren araubideari buruzkoak. Hain zuzen ere, hiri-antolamendurako plan nagusi honek ezartzen duen antolamenduko, hura garatzeko plangintzako edo arau partikularretako lursailei aplikatu behar zaie kalifikazio xehatuaren araubidea. Hiri-antolamendurako plan nagusi honek ezartzen duen antolamenduak, hura garatzeko plangintzak eta arau partikularrek ez ezik, eraikuntzari eta urbanizazioari buruzko udal-ordenantzek osatzen dute udalerriko lursailetan eta eraikuntzetan ezar daitezkeen jarduerei buruzko araubidea, zehatzagoak baitira.

2. Eremu bakoitzeko ohiko erabileraz beste erabilera batzuk onargarriak edo bateragarriak izanda ere, ezin da desitxuratu lurraldea antolatzeko eta egituratzeko onartzen den eremua, ezta kalifikazio orokorraren helburuak ere. Hori dela eta, zenbait baldintza bete behar dira:

a. Oro har, eremu bakoitzean baimentzen diren baina ohikoak ez diren erabileretako (tartean, erabilera osagarrietarako) hirigintzarako eraikigarritasuna ezin da izan handiagoa eremuaren barnean erabilera orokorretarako erabiltzen den eremuko gehieneko eraikigarritasunaren herena baino, ezta handiagoa eremuaren barnean erabilera orokorretarako erabiltzen den eremuko erabilera nagusi edo ohikorako eta pareko erabileretarako (tartean, erabilera osagarrietarako) gehieneko eraikigarritasunaren erdia baino. Eremu bat muga horietara iristen bada edo muga horiek gainditzen baditu hiri-antolamendurako plan nagusi hau onartzen denerako edo, dena delakoagatik, geroago, baimendutako erabilera berrietarako lizentziak emateari uko egin behar zaio.

b. Kalifikazio orokorreko eremuetan, baldin eta kalifikazio orokorraren araubideko, kalifikazio xehatuaren araubideko edo hiri-antolamendurako plan nagusi honetako arau partikularretako xedapenek besterik adierazten ez badute, ekipamendutarako eta eremu libretarako erabilerak baimendutzat hartu behar dira oro har, legezko estandarrak betetzen badituzte motaren eta kantitatearen aldetik. Era berean, komunikabidetarako (sare-bidetarako eta aparkalekutarako) erabilera eta zerbitzutarako azpiegituretarako erabilera ere baimendutzat hartu behar dira oro har.

b. Urpean geratzeko arriskuan dauden eremuetako lurzorua erabiltzeko irizpide orokorrak

Oro har, batetik, Euskal Autonomia Erkidegoan Ibaizabal ibaiaren komunitatearteko arroko hiriguneetan ibaiak eta errekatxoak bideratzeari eta uholdeei aurre egiteari buruzko azterketarekin bat eta EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planarekin bat urpean gera daitezkeen eremuetan eta, bestetik, Planak aipatzen ez dituen baina ezagunak diren eremuetan, hiri-antolamendurako plan nagusi hau indarrean dagoen bitartean izendatzen direnetan eta plan nagusi hau indarrean dagoen bitartean urpean geratzen direnetan, arau nagusi hauetako 20.h. artikuluak (baldintzatzaile gainjarrien eta urpean gera daitezkeen eremuen araubideari buruzkoak) ezartzen dituen irizpideekin (lurzorua urpean geratzeko arrisku-mailaren arabera erabiltzeari buruzko irizpideekin) bateragarria den araubide orokorra bete behar dute erabilerek. c. Eraikigarritasuna eta titulartasuna, kalifikazio orokorraren arabera

Hauek dira erabilera orokorretarako eremuetako eta sistemen eremuetako eraikigarritasuna ezartzeko irizpide orokorrak:

a. Ondoko eremu hauek eraikigarriak dira nagusiki, eta titulartasun pribatukoak oro har: - Bizitegitarako eremuak. - Industriarako eremuak. - Hirugarren sektorerako eremuak.

b. Ondoko eremu hauek eraikigarriak dira, eta titulartasun publikokoak edo pribatukoak: - Erkidegoarentzako ekipamendutarako sistemen eremuak, hilerriak izan ezik. Hilerrietan,

erabileraren berezko eraikuntzak eta instalazio txiki osagarriak bakarrik ezar daitezke. - Komunikazio-sistemen eremuak (batetik, garajeak eta aparkalekuak eta, bestetik, autobus-

geltokiak). - Azpiegituratarako sistemen eremuak, landako guneetakoak barne.


78

c. Ondoko eremu hauetan, ezin da ezarri eraikuntzarik oro har, eraikuntza pribatu jakin batzuk izan ezik, edo Bestela, erabilerak ez daude eraikuntzen barruan, edo oso neurri txikian daude eraikuntzen barruan: - Landako eremu erkideak.

d. Ondoko eremu hauetan, ezin da ezarri eraikuntzarik oro har, ezta eraikuntza pribatuak ere, edo erabilerak ez daude eraikuntzen barruan, edo oso neurri txikian daude eraikuntzen barruan, salbuespen gisa betiere: - Eremu libretarako eremuak. - Komunikazio-sistemaren barruko bidetarako eta trenbidetarako eremuak. - Ingurumena babesteko landako eremuak, naturaren aktiboak kontserbatzeko eta hobetzeko

basoak, ibaiak eta haiek babesteko ertzak eta landako sistemen eremuak. - Hilerriak.

Debekatuta dago berariaz lurzorua erabiltzeko jarduketak, plangintzak eta eraikuntzak aipatutako irizpideen eta helburuen kontrakoak izatea edo haiek desitxuratzea. Hirigintza-eremuetako arau partikularrek osatzen eta zehazten dute erabilerari eta eraikuntzari buruzko araubidea. Kontraesanik badago haien eta arau orokorren edo eraikuntzari eta urbanizazioari buruzko udal-ordenantzen artean, eremu bakoitzeko arau partikularrak xedatzen duenari eman behar zaio lehentasuna, hiri-antolamendurako plan nagusi honetako antolamenduak ezartzen dituen irizpide eta helburu orokorrei kalte egin gabe.


79

Bigarren atala

HIRIGINTZAREN ANTOLAMENDUAREN BALDINTZATZAILE GAINJARRIAK

19. artikulua. IRIZPIDE OROKORRAK ETA BALDINTZATZAILE GAINJARRIEN ZERRENDA 1. Baldintzatzaile gainjarriak arautzeko irizpide orokorrak

a. Hirigintzaren plangintzatik ondorioztatzen den antolamenduaren osagarri, artikulu honetako hurrengo paragrafoek zerrendatzen dituzten eremuei eta elementuei buruzko zehaztapenak daude. Izan ere, badira eremu eta elementu jakin batzuk bereziki arautu behar direnak, haiek babesteko eta kontserbatzeko, haiek lehengoratzeko edo hobetzeko edo, kasuan-kasuan, beste helburu batzuk lortzeko.

Eremu eta elementu horiei buruzko zehaztapenei hirigintzaren antolamenduaren baldintzatzaile gainjarri esaten zaie.

b. Hauek dira baldintzatzaile gainjarrien oinarriak: Elorrioko hirigintzaren plangintzarenaz goragoko arauzko maila duten legezko xedapenak, lurraldea antolatzeko behin betiko onartutako tresnak eta are plangintza bera. Bakoitzak dagokion heinean (nahitaez, gutxi gorabehera edo bestela) izan behar du lotesle, araudi mota bakoitzarekin bat.

c. Hiri-antolamendurako plan nagusi honetako 6. Planoak (baldintzatzaile gainjarriei buruzkoak) adierazten du baldintzatzaile bakoitzaren esparrua.

Baldintzatzaile gainjarriak plan nagusi honenaz goragoko arauzko mailako xedapenek edo tresnek ezarritakoak badira, haiek xedatzen dutena bete behar da, eta, tartean, dagozkion eremuen mugak errespetatu behar dira. Hori dela eta, hiri-antolamendurako plan nagusi honetako planoak adierazten dituen mugak gutxi gorabeherako edo adierazgarritzat hartu behar dira, lurralde handiagoa hartzen ez badute betiere.

Bestalde, hiri-antolamendurako plan nagusi honek proposatzen dituen baldintzatzaileen mugak egokitu edo osatu egin daitezke, hura garatzeko plangintza bereziaren bitartez.

2. Baldintzatzaile gainjarrien zerrenda a. Lurzoru urbanizaezineko baldintzatzaile gainjarrien zerrenda

CS-1. Bertako basoak babesteko eremuak. CS-2. Akuiferoak eta ura hartzeko eremuak babesteko eremuak.

CS-3. Bistako mugak eta paisaiaren mugak babesteko eremuak. CS-4. Flora eta fauna babesteko eremuak (lurzoru urbanizaezina babesteko kalifikatutako eremuen

barrukoak). CS-5. Korridore ekologikoen eremuak.

CS-6. Ingurumena hobetzeko eremuak. CS-7. Larre menditarren eremuak.

CS-8. Urpean gera daitezkeen eremuak. CS-9. Higatu egin daitezkeen eremuak.

CS-10. Interes kulturala duten eremuak. CS-11. Kutsatuta egon daitezkeen eremuak. CS-12. Sistemak aurrez ikusten diren eremuak.

2. Garapen-plangintza bereziaren bidez, baldintzatzaile gainjarrien aldagai berriak zehaztu daitezke, esku hartzeko araubide partikular eta komenigarriak ezartzeko. Helburu horixe lortzeko, azterketa edo lan espezializatuetatik ondorioztatzen diren aldagaiak ere sar daitezke araudian.

20. artikulua. BALDINTZATZAILE GAINJARRIEN ARAUBIDE OROKORRA


80

a. BERTAKO BASOAK BABESTEKO EREMUEN ARAUBIDEA

- Definizioa Eremu hauek arautzeko eta babesteko helburuetarako, "bertako" baso esaten zaie mendi-hegaletan, landazabalean eta ibaien eta erreken ertzetan dauden baso eta zuhaiztiei eta unadei. Hain zuzen ere, bertako basoak dira harizti azidofiloak eta baso misto atlantikoak, harizti/erkamezti kaltzikolak eta pagadiak. Baso horietaz eta horietako landareez gain, sastraka eta larre menditarrak ere har daitezke bertako landaretzatzat. Besteak beste, espezie hauek osatzen dute bertako landaretza: arte kantauriarrak (Quercus ilex), haritzak (quercus robur), lizarrak (Fraxinus excelsior), hurritzak (Coryllus avellana), gaztainondoak (Castanea sativa), astigarrak, haltzak, sahatsak, akaziak, erkametzak eta pagoak. Oro har, txilarrak, ote zuriak eta iratzeak osatzen dute sastraka eta oihanpeko landaretza, baita kideko beste landare batzuek ere.

- Erabilerari buruzko araubide gainjarria Naturaren aktiboak kontserbatzeko eta hobetzeko basoetan ezarritako araubidea aplikatu behar da, dagokion erabilera orokorretarako eremuko araubidearen (hiri-antolamendurako plan nagusi honetako 5. planokoaren) osagarri. Kontraesanik badago, araubide gainjarriari eta eremua hobekien babesten duten xedapenei eman behar zaie lehentasuna. Aipatutako zuhaiztiak tratatzeko (bakanduz mozteko eta entresaka egiteko, suebakiak sortzeko eta abarretarako) araubide orokorra da gaiaren gaineko eskumena duen administrazioak ezartzen duena.

- Eraikuntzari buruzko araubidea Debekatuta dago eraikuntza berriak (tartean, naturaren aktiboak kontserbatzeko eta hobetzeko basoetan baimendutakoak) ezartzea, zer neurritakoak diren edo zertarako erabiltzen diren edo behin-behinekoak diren gorabehera.

- Araubide gainjarriaren izaera Eremu hauetako eraikuntzari eta erabilerari buruzko xedapenak kalifikazio xehatuaren arauzko mailakoak dira. Baldintzatzaile honen inguruko gaien araubidea legezko eta arauzko xedapenek eta are lurraldeko plangintzak ezartzen dute, eta horien araberakoa da araudiaren izaera juridikoa, kasuan-kasuan.

b. AKUIFEROAK ETA URA HARTZEKO EREMUAK BABESTEKO EREMUEN ARAUBIDEA

- Definizioa

Eremu hauen ezaugarri geologikoak eta geomorfologikoak direla-eta (batez ere, karsta nagusi dela eta), lurpeko ura iragazi, batetik bestera ibili eta pilatu egiten da, eta, horregatik, dagozkion neurriak hartu behar dira, ur hori babesteko eta ez kutsatzeko.

- Erabilerari buruzko araubide gainjarria

- Arau orokor hauetako araubidea aplikatu behar da, dagokion erabilera orokorretarako eremuko araubidearen (hiri-antolamendurako plan nagusi honetako 5. planokoaren) osagarri. Kontraesanik badago, araubide gainjarriari eta eremua hobekien babesten duten xedapenei eman behar zaie lehentasuna.

- Oro har, nekazaritza eta abeltzaintzako jarduerek kontuan hartu behar dituzte Euskal Autonomia Erkidegoko Nekazaritza Lanetan Egoki Jarduteko Kodeko irizpideak (Eusko Jaurlaritzaren abenduaren 22ko 390/1998 Dekretua).

- Debekatuta dago lurzorura gai kutsatzaileak isuraraz ditzaketen erabilerak eta zuzenean edo zeharka lurpeko uraren kalitatea okerraz dezaketenak (simaurtegi berriak, minda-putzuak, hilobiak, bizkarroiak hiltzeko ontziak eta gai kutsatzaileak isuraraz ditzaketen abeltzaintzako beste azpiegitura batzuk) ezartzea. Aitzitik, beste kokaleku bat bilatu behar da horrelakoak instalatzeko.


81

Ezinezkoa bada beste kokaleku bat aurkitzea, berriz, ezarri egin daitezke, zenbait baldintza beteta betiere:

- Beste kokaleku batzuk ez aurkitu izana eta proposatutako kokalekua bideraezina izatea justifikatzeko azterketa bat egitea aurrez.

- Gaiaren gaineko eskumena duten agintariek baimena edo oniritzia ematea aurrez.

- Prebentzio-neurriak eta azpiegituren eragina txikiagotzeko neurriak zehaztea eta, hala badagokio, hartzea.

- Eraikuntzari buruzko araubidea

Baimentzen diren erabilerekin lotutako eraikuntza eta instalazio berriak proiektatu eta egin behar dira lurrazaleko eta lurpeko ura kutsatzeko arriskurik ez izateko moduan.

Era berean, isuri kutsatzailerik ez izateko neurriak hartu behar dira, baita sortzen diren isuriak desagerraraztekoak ere hala badagokio. Bestela, eraikuntzarik kokatzeko lizentzia emateari uko egin behar diote agintari eskudunek, eta are erabilera ezartzeko lizentzia emateari.

Lehendik dauden eraikuntza eta instalazio finkatuetan, pixkana-pixkana hartu behar dira horrelako neurriak, eraikuntzak eta instalazioak hobetzeko eta zaharberritzeko lanak egiterakoan batez ere.

Betiere, eraikuntzen eta instalazioen (bai lehendik daudenen, bai berrien) isuriak eremuetatik kanpo bideratu behar dira.

- Araubide gainjarriaren izaera

Eremu hauetako eraikuntzari eta erabilerari buruzko xedapenak kalifikazio xehatuaren arauzko mailakoak dira.

Baldintzatzaile honen inguruko gaien araubidea legezko eta arauzko xedapenek eta are lurraldeko plangintzak ezartzen dute, eta horien araberakoa da araudiaren izaera juridikoa, kasuan-kasuan.

c. BISTAKO MUGAK ETA PAISAIAREN MUGAK BABESTEKO EREMUEN ARAUBIDEA

- Definizioa

Lurzorua bereziki ederra da, eragin ona du bistan eta paisaia baldintzatzen du.

Eremu hauez gain, haien mugetatik 100 m-rainoko zerrendak daude araudi honen barruan.

Lurzoruaren oinarrizko kalifikazio edo kalifikazio nagusiarekin bat aplikatu beharreko zehaztapenak aplikatu behar dira, baina zehaztapen horiek zuzendu edo mugatu egin behar dira, ondoko xedapenen arabera.

- Erabilerari eta jarduketei buruzko araubide gainjarria

Arau orokor hauetako araubidea aplikatu behar da, dagokion erabilera orokorretarako eremuko araubidearen (hiri-antolamendurako plan nagusi honetako 5. planokoaren) osagarri. Kontraesanik badago, araubide gainjarriari eta eremua hobekien babesten duten xedapenei eman behar zaie lehentasuna.

Debekatuta dago bertako zuhaiztiak moztea edo ustiatzea, haiek ustiatzeko planik ez badago eta foru-organo eskudunak baimenik ematen ez badu.

Basoak bertakoak ez diren baina baimenduta dauden espezieak erabiliz oihantzeko, hala badagokio, landare-sail berrien % 25 gutxienez bertako espezieek osatu behar dute.

- Eraikuntzari buruzko araubidea

Debekatuta dago gorako inolako eraikuntzarik kokatzea: eraikinak, antenak eta instalazioak.




82

Baldintzatzaile honen inguruko gaien araubidea legezko xedapenek eta are lurraldeko plangintzak ezartzen dute, eta horien araberakoa da araudiaren izaera juridikoa, kasuan-kasuan.

d. FLORA ETA FAUNA BABESTEKO EREMUEN ARAUBIDEA

- Definizioa

Flora- eta fauna-espezieak babesteko eremuek lurzoru urbanizaezin osoa hartzen dute, zenbait arrazoi direla eta: espezieen izaera, haien (zehazki, fauna-espezieen) joan-etorriak eta haien sakabanaketa. Hala ere, horrek ez du esan nahi espezie bakoitzaren habitata areago zaindu behar ez denik.

Besteak beste, aipatzekoak dira fauna-espezie hauek: bisoi europarra, txirritxo txikia, elur-lursagua, ugatza, igaraba, belatz handia, sai arrea, sai zuria, uhalde-enara...



Bisoi europarra babesteko araubidea 118/2006 Foru Dekretuaren bidez onartutako planeko xedapenetara egokitu behar da.

Beste fauna-espezie batzuk babesteko araubidea, berriz, espezie bakoitza kudeatzeko planeko xedapenetara egokitu behar da. Espezieak banan-banan kudeatzeko planak sustatzen ez diren bitartean, araubidea osatu edota egokitu egin behar da, espezie bakoitza lehengoratzea eta kontserbatzea ziurtatzeko eta, aldi berean, espezieei ahalik eta kalte txikiena egiteko moduan.

Flora-espezieak babesteko, aurreko paragrafoak xedatzen duena bete behar da.

Oro har, fauna eta flora babesteko beharrezko jarduketak sustatu behar dira.



Baldintzatzaile honen inguruko gaien araubidea legezko eta arauzko xedapenek, kudeaketa-planek eta abarrek ezartzen dute, eta horien araberakoa da araudiaren izaera juridikoa, kasuan-kasuan.

e. KORRIDORE EKOLOGIKOEN EREMUEN ARAUBIDEA

- Definizioa

Natura 2000 sarea osatzen duten eremuak lotzeko eremuek eta korridoreek eratzen dituzte eremu hauek. Besteak beste, haien helburua da zatitu egin daitezkeen basa-espezieen habitatak lotzea, biodibertsitatearen galera geldiarazteko.

Besteak beste, Urkiola Parke Naturala antolatzeko xedapenek osatzen dute korridore ekologikoen araubidea; zehazki, Urkiola eta Udalatx lotzen dituzten eremuak antolatzekoek, eremu interesgarria baita naturaren ikuspegitik.

Era berean, korridore ekologikoen eremuak eratzen dituzte udalerriko ibai-sistemaren barneko ubideek eta ubide-ertzek (tartean, korridore ekologikotarako erabil daitezkeenek), baita ubideak eta ubide-ertzak lehengoratzeko neurriak hartuta korridore ekologiko bihur daitezkeenek.




83

Xedapenak osatu edo egokitu ere egin behar da, helburu hauek lortzeko: lehendik dauden habitat naturalak kontserbatzea eta babestea; degradatutako edo eraldatutako eremuetako eta, tartean, hezeguneetako eta putzuz betetako eremuetako ingurumena lehengoratzea eta hobetzea; erreken eta ibarren ertzetan eta funtsen eta larreen mugetan unadak, hesiak, landare-pantailak eta ibaiertzeko landaredia manten eta landa daitezen bultzatzea; ingurumen egokia eratzeko espezierik egokienak erabil daitezen bultzatzea; eta basoko faunaren joan-etorria eragotz dezaketen oztopoen (azpiegituren, ehizarako itxituren, funtsen itxituren…) ondorioak ezabatzea edo txikiagotzea.



Baldintzatzaile honen inguruko gaien araubidea legezko eta arauzko xedapenek, kudeaketa-planek eta abarrek ezartzen dute, eta horien araberakoa da araudiaren izaera juridikoa, kasuan-kasuan.

f. INGURUMENA HOBETZEKO EREMUEN ARAUBIDEA

- Definizioa

Eremu hauetan, ingurumena lehengoratzeko edota hobetzeko jarduketak sustatu behar dira, haien egoera ekologikoa ahalmen naturaletara egokitzeko eta eremuak dibertsitatean aberatsagoak izateko. Horretarako, hain zuzen ere, ekosistemak hobetzea eta lehengoratzea bultzatu behar da.

Eremuen izaeraren eta ezaugarrien arabera, eremu mota hauek bereizten dira:

- Giza jardunaren ondorioz aldatutako eta, hala badagokio, degradatutako eremuak edota giza jardunaren ondorioz kutsagarriak izan daitezkeenak (abian dauden hondakindegiak, martxan egoteari utzi diotenak, erauzketa-jarduerak izan diren lekuak, hala nola harrobiak, etab.). Horrelakoak lehengoratu egin behar dira.

- Landare-lur eskasa eta kareharrizko substratua duten malda handiko eremuak. Horrelakoetako ingurumena hobetu behar da.

- Sastrakak eta zuhaitz eta zuhaixka kolonizatzaileen edo aldatuen multzoek hartutako eremuak eta bazterreko lurrak. Horrelakoetako ingurumena hobetzea bultzatu behar da.


Arau orokor hauetako araubidea aplikatu behar da, dagokion erabilera orokorretarako eremuko araubidearen (hiri-antolamendurako plan nagusi honetako 5. planokoaren) osagarri. Kontraesanik badago, araubide gainjarriari eta eremua hobekien babesten duten xedapenei eman behar zaie lehentasuna. Xedapenak osatu edo egokitu ere egin behar da, helburu hauek lortzeko besteak beste: eremuetako ingurumena bere osotasunean lehengoratzea eta paisaian integratzea bultzatzea; uraren kalitatea eta hondakinen kudeaketa hobetzea; eta airerako isuriak txikiagotzea. Ingurumena hobetzeko helburuak arauzkoa izan behar du betiere, eta Udalak zehaztu behar ditu horretarako egoki deritzon neurriak.


Eremu hauetako eraikuntzari eta erabilerari buruzko xedapenak kalifikazio xehatuaren arauzko mailakoak dira, Udalak ingurumena hobetzeko ezartzen dituen zehaztapenei kalte egin gabe.

g. LARRE MENDITARREN EREMUEN ARAUBIDEA

- Definizioa

Goi-mendian (Udalatx mendiaren hegaletan) abeltzaintzarako erabiltzen diren eremuak dira larre menditarrak, eta kontserbatu egin behar dira, abeltzaintzarako ustiatzeko eta inguruneak ingurumenaren, paisaiaren eta kulturaren aldetik dituen balio handiak babesteko eta hobetzeko.



84

Arau orokor hauetako araubidea aplikatu behar da, dagokion erabilera orokorretarako eremuko araubidearen (hiri-antolamendurako plan nagusi honetako 5. planokoaren) osagarri. Kontraesanik badago, araubide gainjarriari eta eremua hobekien babesten duten xedapenei eman behar zaie lehentasuna. Lurzoruaren erabilera sustatuak dira ingurumena babesteko, kontserbatzeko eta hobetzeko erabilerak. Lurzoruaren erabilera onargarriak dira aisia emateko erabilera estentsiboak, abeltzaintzarako erabilerak eta lehendik dauden baserrietarako erabilerak. Lurzorua erabiltzeko jarduketa hauek zenbait mugaren barruan bakarrik dira onargarriak, betiere, ekintza- edo antolaketa-plan berezi espezifiko bat onartzen bada aurrez: - Ehiza eta arrantza, sektoreko araudiarekin bat. - Lehendik dagoen kirol-ekipamendua. - Bertako espezieen basoak. - Lehendik dauden eta segurtasunerako beharrezkoak diren garraiobideak, planarekin bat. - Aireko lineak. - Erabilera publikoko eta interes sozialeko erabilerak eta eraikinak

Oro har, lurzoruaren erabilera debekatuak dira sustatuak edo onargarriak ez diren erabilerak. Bereziki, hauek dira: nekazaritza, aisialdia emateko erabilera intentsiboak, berotegiak, bertako espezieenak ez diren basoak (pinudiak, izeidiak, eukalipto-sailak, etab.), nekazaritzako nolanahiko industriak, erauzketa-jarduerak, lurpeko lineak, zerbitzutarako instalazio tekniko ez-linealak, antenak eta abar, hondakindegiak eta hondakin solidoak botatzeko zabortegiak, hiriaren nolanahiko hazkundeak, etxebizitza berriak eta eragin berezia duten instalazioak.


Eremu hauetako eraikuntzari eta erabilerari buruzko xedapenak kalifikazio xehatuaren arauzko mailakoak dira. Baldintzatzaile honen inguruko gaien araubidea legezko eta arauzko xedapenek eta are lurraldeko plangintzak ezartzen dute, eta horien araberakoa da araudiaren izaera juridikoa, kasuan-kasuan.

h. URPEAN GERA DAITEZKEEN EREMUEN ARAUBIDEA

- Definizioa

Urpean gera daitezkeen eremuak dira Euskal Autonomia Erkidegoan Ibaizabal ibaiaren komunitatearteko arroko hiriguneetan ibaiak eta errekatxoak bideratzeari eta uholdeei aurre egiteari buruzko azterketarekin bat eta EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planarekin bat 10, 100 edo 500 urteko birgertatze-aldian ohiko gehieneko uraldietan urpean geratzeko benetako arriskuan dauden eremuak. Eremu hauetan, antolamenduaren helburu orokorra da ura libre ibili ahal izan dadin, uraren zirkulazioan etenik izan ez dadin eta ibilguak eta gainezkabideak itxi ez daitezen ziurtatzea.


Arau orokor hauetako araubidea aplikatu behar da, dagokion erabilera orokorretarako eremuko araubidearen (hiri-antolamendurako plan nagusi honetako 5. planokoaren) osagarri. Kontraesanik badago, araubide gainjarriari eta eremua hobekien babesten duten xedapenei eman behar zaie lehentasuna. Eremu hauetan esku hartzeko eta, bereziki, eraikuntza eta instalazio berriak kokatzeko, ebaluazioa egin behar da aurrez, indarrean dagoen legedia betetzen dela ziurtatzeko. Era berean, uraren gaineko eskumena duen administrazioari kontsulta egin behar zaio.

Jabari hidrauliko publikoan edo haren barneko zortasun- eta zaintza-eremuetan esku hartzeko, arroko erakundearen baimen administratiboa lortu behar da aurrez. Hain zuzen ere, URA Agentziaren Ekialdeko Kantauriar Arroen Bulegoan bideratu behar da baimena.

Garapen-plangintza zein jarduketak EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Planera eta alor honetan indarrean dauden gainerako xedapenetara egokitu behar dira. Gainera, agindu horiei kalte egin gabe, beste zenbait irizpide aplikatu behar dira.


85

Lurzorua erabiltzeko irizpideak, urpean geratzeko arrisku-mailaren arabera

I. Irizpide orokorrak a. 100 urtera bitarteko birgertatze-aldian urpean geratzeko arriskuan dauden eremuetako pertsonak eta ondasunak uholdeen aurka babesteko defentsak diseinatzeko, printzipio gehigarri bat hartu behar da kontuan: ibai tarteen egoera ekologiko onari eusten saiatzea edo, ibai tarteak egoera ekologiko onean ez badaude, egoera onean egon daitezen saiatzea. Horregatik, lanak egiteko behar adina leku erreserbatzen saiatu behar da, arriskua txikiagotzeko eta, posible bada, dagokion ur masaren egoera ekologiko onari eusteko edo, ibai tarteak egoera ekologiko onean ez badaude, egoera onean egon daitezen lortzeko. b. Pertsonak eta ondasunak uholdeen aurka babesteko, besteak beste, ubideetako eta ubideen ertzetako oztopo artifizialak kendu edo txikiagotu beharko lirateke ahal dela. c. Uholdeak izateko arriskua desagerrarazteko, lehenik eta behin, urpean gera daitezkeen eremuetan lehendik dauden eraikuntzak beste nonbait kokatu behar dira ahal dela, baldin eta ikuspegi sozialetik eta ekonomikotik eta ondarearen ikuspegitik egokia, arrazoizkoa eta bideragarria bada. Horretarako, planak egin daitezke, dagozkion lurren erabilera lehengoratzea eta kalte-ordainak xedatzeko. Diru-zenbatekoa balioztatzeko, faktore hauek hartu behar dira kontuan: arrisku-maila, kapital naturala berreskuratzea, ingurumenaren gaineko eragina eta espero den etekina. d. Uholdeen aurka babesteko neurriak hartuz gero, neurrien ondorioz sortzen den arrisku-mailaren arabera aplikatu behar dira erabilerari eta jarduketei buruzko araubidea eta irizpide hauek. Neurriak hartu bitartean, berriz, unean uneko egoeraren arabera aplikatu behar dira irizpideak.

II. 10 urteko birgertatze-aldiko uraldietan urpean gera daitezkeen eremuak

II.a. Gaur egun urbanizatuta ez dauden eremuak Lur-zerrenda hauetan, alde batera utzi behar da hirigintzarako edozein erabilera, baldin eta

ekosistema ibaitarra eta haren gaitasun hidraulikoa mantentzearekin eta erabiltzearekin hertsiki lotuta ez badago. Ibaiertzetako jardueren helburuak izan behar du dagokion ibai tartearen egoera ekologiko onari eustea edo, ibai tarteak egoera ekologiko onean ez badaude, egoera onean egon daitezen lortzea.

Paralelismorik izan ez dadin ahalegindu behar da; hau da, ahalegindu behar da lur-zerrenda hauetan bideratutako azpiegiturak luzetarakoak ez izatea. Izan ere, ibaiaren ondoko ingurua eta ibaia bera ez dira hartu behar zerbitzutarako zulotzat, baizik eta errespetatu beharreko gunetzat, ezinbestekoak baitira ibaiertzeko korridoreak garatzeko eta, haien bidez, ibaietako ekosistemaren egoera ekologikoaren higadura, kutsadura eta narriadura kontrolatzeko.

Azpiegitura linealen gurutzaguneak eta hornikuntza- eta saneamendu-azpiegiturak bakarrik jar daitezke, ahalik eta eragin txikiena izateko moduan betiere, baldintza hauek beteta: - 10 urteko birgertatze-aldiko uraldietan urpean gera daitezkeen eremuaren mugatik kanpo eragin

ekologiko txikiagoa duen aukera bideragarririk ez dagoela frogatzea. - Ibaiertzeko korridoreetako ekosistema ibaitarrean eraginik ez izatea eta hari kalte ez egitea. - Uraren maila gehiegi ez igoaraztea.

Ingurunearekin zerikusia duten erabilerak koka daitezke, hala nola ekosistema ibaitarra eta ibaiertzeko ekosistema babesteko, gaitasun hidraulikoa babesteko, ingurunea modu iraunkorrean drainatzeko eta zaintza- eta salbamendu-lanak egiteko erabilerak.

Era berean, nekazaritzarako, abeltzaintzarako eta basogintzarako erabilerak ere ezar daitezke, baldin eta erabilerek ez badute eraginik ibaiertzeko korridoreetako ekosistema ibaitarraren gainean eta hura degradatzen ez badute eta nekazaritza eta abeltzaintzako eraikuntza, azpiegitura edo instalaziorik jartzen ez bada.

Azkenik, jolaserako, aisia emateko eta kirolean aritzeko jarduerak ezar daitezke, baldin eta lurzorua edo ibaiertzak eraldatzea edo bertan eraikuntzak egitea ez badakarte. Hala badagokio, segurtasun publikorako beharrezko neurriak zehaztu behar dira, urpean geratzen diren lautadetako isuriek oztoporik ez izateko eta ibaiertzen eta ibilguen egoera arriskuan ez egoteko.

II.b. Gaur egun urbanizatuta dauden eremuak Zehaztapen hauek bete behar dira gaur egun urbanizatuta dauden eremuetan:


86

1. Ezin da baimendu eremu hauek eraikitzea edo urbanizatzea dakarren ustiapen berririk, kasu hauetan izan ezik: batetik, hiri-bilbearen barruan okupatu gabeko tarteak daudenean eta, bestetik, unean uneko garapena zaharkituta gelditu dela eta berritu egin behar dela-eta, lehendik dauden eraikuntzak birmoldatu edo ordezkatu behar direnean. Gainera, horretarako, bi baldintza hauek bete behar dira: - Lurzorua hiri-lurzorutzat sailkatu izana ordurako eta, hiria urpean geratzeko arriskuan ez dauden

eremuetan hazteko muga handiak daudela-eta lurraldearen morfologiaren ondorioz, beste lur batzuk erabilgarri ez daudela justifikatzea.

- Instalazioetan giza osasunarentzat eta ingurunearentzat (lurzoruarentzat, urarentzat, landaretzarentzat eta faunarentzat) kaltegarriak izan daitezkeen produktuak ez biltzea, eraldatzea, eskuztatzea, sortzea edo isurtzea arrasteen, diluzioen edo iragazketen ondorioz eta ikastetxeak, osasun-etxeak, zahar-etxeak, ezindu fisikoen edo psikikoen egoitzak, suhiltzaileen parkeak, babes zibileko zerbitzuak, erregai-hornitegiak, etxaldeak edo animalia-haztegiak ez instalatzea.

2. Aipatutako jarduketak baimenduz gero, kontuan izan behar da oso arrisku-maila handia dagoela, eta behar adinako segurtasun-neurriak hartu behar dira jarduketa martxan jarri bitartean, baita martxan dagoen bitartean ere, ingurua urpean geratzeko arriskuan eraginik ez izateko. Horregatik, jarduketak martxan jarri aurretik, xehetasun-azterketa hidrauliko bat egin behar da, benetako arriskua zenbaterainokoa den zehazteko eta segurtasun-neurriak hartzeko. Besteak beste, komeni da kontuan hartzea epigrafe honetako VI. puntuak eraikuntza egokitzeko proposatzen dituen neurriak.

3. Betiere, administrazio hidraulikoaren baimena lortu behar da aurrez. Hura bideratzeko, aurreko paragrafoan aipatutako azterketa aurkeztu behar da.

4. 10 urteko birgertatze-aldian urpean geratzeko arriskuan eta urbanizatuta dauden eremuetako pertsonak eta ondasunak uholdeen aurka babesteko defentsak diseinatzeko, printzipio hau hartu behar da kontuan: ibai tarteen egoera ekologiko onari eusten saiatzea edo, ibai tarteak egoera ekologiko onean ez badaude, egoera onean egon daitezen saiatzea. Horregatik, lanak egiteko behar adina lur erreserbatzen saiatu behar da, arriskua txikiagotzeko eta, posible bada, dagokion ur masaren egoera ekologiko onari eusteko edo, ibai tarteak egoera ekologiko onean ez badaude, egoera onean egon daitezen lortzeko.

III. 10 eta 100 urte arteko birgertatze-aldiko uraldietan urpean gera daitezkeen eremuak

III.a. Gaur egun urbanizatuta ez dauden eremuak 10 eta 100 urte arteko birgertatze-aldiko uraldietan urpean gera daitezkeen eta gaur egun urbanizatuta

ez dauden eremuetan, ezin da ezarri bizitegitarako, merkataritzarako edo industriarako eraikuntzarik, ezta ubideekiko paralelo doan azpiegitura linealik, saneamendu- eta hornikuntza-azpiegiturak izan ezik. Gainera, eremu hauetan ezin da izan oztopo fisiko artifizialik.

Eremu hauek egokiak izan daitezke aisia emateko, eraikuntzarik behar ez duen kirolen batean aritzeko, haien balio naturalak areagotzeko berdeguneren bat sortzeko, lurraldea babesteko eta azpiegitura linealak gurutzatzeko. Betiere, prozedura egokiak ezarri behar dira larrialdietarako eta abisu emateko eta eremuak husteko.

Salbuespen gisa bakarrik onar daitezke lehendik dauden eraikuntza bakartuak, betiere, baldin eta eraikuntza historikoak edo beste inon kokatu ezin diren ezinbesteko azpiegiturak badira. Eraikuntza historikoak ezin dira erabili bizitegitarako, eta, haiek zaharberritzeko edo handitzeko baimena emateko, baldintza bat bete behar da: eraikuntzek uraldietako ur-lasterren erregimenean eraginik ez izatea eta tokian-tokian eta inguruan uholdeak izateko arrisku-maila ez handitzea.

Ubideak inola ere ezin dira berriz bideratu eremu hauetan uholdeak izateko arriskua gutxitzeko bakarrik

III.b. Gaur egun urbanizatuta dauden eremuak Zehaztapen hauek bete behar dira gaur egun urbanizatuta dauden eremuetan: 1. Ezin da baimendu eremu hauek eraikitzea edo urbanizatzea dakarren ustiapen berririk, kasu hauetan

izan ezik: batetik, hiri-bilbearen barruan okupatu gabeko tarteak daudenean eta, bestetik, lehendik dauden eraikuntzak birmoldatu edo ordezkatu behar direnean. Kontuan izan behar da uholdeak izateko arriskua dagoela, eta ziurtatu behar da eraikuntzen diseinua egokia dela eta tokian-tokian eta inguruan uholdeak izateko arrisku-maila ez dela handiagoa eraikuntza berrien ondorioz.


87

Baimena lortzeko, ondasunak eta pertsonak uholdeak izateko arriskuaren aurka babesteko neurriak hartu behar dira. Besteak beste, komeni da kontuan hartzea epigrafe honetako VI. puntuak eraikuntza egokitzeko proposatzen dituen neurriak.

2. Betiere, administrazio hidraulikoaren baimena lortu behar da aurrez. Hura bideratzeko, lehen paragrafoan aipatutako azterketa aurkeztu behar da.

3. Ekipamendu publiko berria kokatzeko, ahal dela, udal-agintariek ez dituzte aukeratu behar uholdeak izateko arrisku handia dagoen lekuak, bereziki, mugitzeko arazoak dituzten pertsonentzat (haurrentzat, zaharrentzat, gaixoentzat...) bada edo larrialdietan funtsezkoak diren zerbitzuetarako bada ekipamendua.

4. Aurreko paragrafoak xedatzen duenaren salbuespen gisa, berdegunetzat kalifikatutako parke ibaitarrak koka daitezke ibaien inguruan, ibaien balio naturalak areagotzeko, baldin eta uholdeak izateko arriskuaz ohartarazteko baliabideak eta pertsonak bertatik ateratzeko bideak (ezinduentzako arrapalak, etab.) badaude.

5. Larrialdi-zerbitzurik badago, hura erabili ahal izatea ziurtatu behar da betiere. 6. 10 eta 100 urte arteko birgertatze-aldian urpean geratzeko arriskuan eta urbanizatuta dauden

eremuetako pertsonak eta ondasunak uholdeen aurka babesteko defentsak diseinatzeko, printzipio hau hartu behar da kontuan: ibai tarteen egoera ekologiko onari eusten saiatzea edo, ibai tarteak egoera ekologiko onean ez badaude, egoera onean egon daitezen saiatzea. Horregatik, lanak egiteko behar adina lur erreserbatzen saiatu behar da, arriskua txikiagotzeko eta, posible bada, dagokion ur masaren egoera ekologiko onari eusteko edo, ibai tarteak egoera ekologiko onean ez badaude, egoera onean egon daitezen lortzeko.

IV. 100 eta 500 urte arteko birgertatze-aldiko uraldietan urpean gera daitezkeen eremuak

IV.a. Gaur egun urbanizatuta ez dauden eremuak 100 eta 500 urte arteko birgertatze-aldiko uraldietan urpean gera daitezkeen eta gaur egun

urbanizatuta ez dauden eremuetan, komeni da urpean geratzeko berezko arriskuarekin bateragarriak diren erabilerak kokatzea, baina hirigintza-jarduketa berriak ere onar daitezke, irizpide hauek betetzen badituzte betiere:

1. Hirigintzarako askotariko erabilerak onar daitezke, oinarrizko zerbitzu publikoak (ospitaleak, suhiltzaileen parkeak, etab.) izan ezik.

2. Betiere, hirigintzarako ustiapen onargarriak kokatu behar dira 500 urteko birgertatze-aldian uholdeak izateko arriskua ez dagoen kotan. Ildo horretan, ingurumen- eta hidraulika-gaien xehetasun-azterketa bat egin behar da, ustiapenen eragina txikiagotzeko neurriak zehazteko eta arrazoitzeko. Neurriek onargarriak izan behar dute ingurumenaren ikuspegitik, eta inola ere ezin dute handitu inguruan uholdeak izateko unean uneko arriskua.

IV.b. Gaur egun urbanizatuta dauden eremuak

100 eta 500 urte arteko birgertatze-aldiko uraldietan urpean gera daitezkeen eta gaur egun urbanizatuta dauden eremuetan, lehendik dauden erabilerei euts dakieke, baina komeni da haien eragina txikiagotzeko neurri jakinak hartzea, uholdeak izateko arriskua eta uholdeen ondorioz izan daitezkeen kalteak eta lehendik dauden eraikuntzen gaineko arriskua txikitzeko. Horretarako, egiturazko hobekuntzak egin daitezke eraikuntzetan, sarbideetan eta bideetan. Erabileren eragina txikiagotzeko neurriak hartzeko proiektuak justifikatzeko, azterketa hidrauliko bat aurkeztu behar da, egiten diren hobekuntzak arrazoitzen dituena eta kalteak edo eraikuntzen gaineko arriskua txikitzen direla frogatzen duena.

V. 500 urteko birgertatze-aldiko uraldietan urpean gera daitezkeen eremutik kanpoko eremuak

V.a. Gaur egun urbanizatuta ez dauden eremuak Ez dago erabilera bat ere ezartzeko murrizketarik, salbu eta ziurtatzea jarduketaren ondorioz isurketa

ez dela handitzen berezko edo, gutxienez, aurreko balioaren aldean. Gainera, urbanizazioan ura modu iraunkorrean drainatzeko diseinuak ezartzen saiatu behar da.

500 urteko birgertatze-aldiko uraldietan urpean gera daitezkeen eremutik kanpo dauden eta gaur egun urbanizatuta ez dauden eremuak ezin aproposagoak dira oinarrizko azpiegitura publikoak kokatzeko, hala nola ospitaleak, suhiltzaileen parkeak, segurtasun publikorako zerbitzuak eta larrialdietarako


88

deposituak. Horiek guztiak larrialdietan (eta, tartean, uholde larriak daudenean) erabili ahal izatea ziurtatu behar da.

V.b. Gaur egun urbanizatuta dauden eremuak Bideragarria bada, urbanizazioa berritzerakoan, ura modu iraunkorrean drainatzeko diseinuak

ezartzen saiatu behar da, ura iragazteko eta emaria ubideetara geroago iristeko.

VI. Urpean gera daitezkeen eremuetako eraikuntzak egokitzeko neurriak 1. Uholdeei aurre egiteko arrisku-planak eta jarraibideak eman behar dira, baldin eta beharrezkoak

badira segurtasuna bermatzeko aldi baterako edo etengabean jendetza dagoen eremuetan. 2. Ahal dela, beheko solairua ez da erabili behar bizitegirako, eta haren kota igo behar da. 3. Eraikuntza berriak gainezka egiten duen emariaren noranzko berean orientatu behar dira, eta inola ere

ez zeharka jarri. 4. Sotoak kendu behar dira eta, sotoak kentzea ezinezkoa bada, itxitura estankoen bidez iragazgaiztu

behar dira. Urpean geratzen den kotatik gorako arnasbideak izan behar dira sotoetan, eta sotoetara sartzeko atalasea goratu behar da, arrapalen edo eskaileren bidez. Betiere, ahal dela, lurreko edo kaleko sestraren azpian ez da ezarri behar bizitegitarako, industriarako eta merkataritzarako erabilerarik, salbu eta arrasteen, diluzioen edo iragazketen ondorioz giza osasunari eta inguruneari kalte egin ezin dioten ondasunak eta gaiak biltzeko erabilerak.

5. Eraikuntzak babesteko egiturazko neurriak aplikatu behar dira. Hain zuzen ere, diseinatzen diren zimenduek, forjatuek, egiturek eta itxiturek gai izan behar dute 500 urteko birgertatze-aldiko uholdeari dagokion ur-mailak sorrarazten dituen talkei, bultzadari eta presio edota azpipresioari aurre egiteko.

6. Beheko solairuko azalera itxia gutxitu behar da eta, horretarako, irekiguneak gutxitu behar dira eta itxitura hermetikoak jarri behar dira ateetan eta leihoetan. Gainera, zutabeen gainean antolatu behar da lehen solairua.

7. Goiko solairuetarako, teilaturako eta teilatu lauetarako sarrerak antolatzea, etxe txikietan batik bat. 8. Eusteko balbulak jarri behar dira etxebizitzetako hustubideetan, eta drainatze-ponpak instalatu behar

dira eraikuntzako gunerik beherenean. Drainatze-ponpek ez dute egon behar estolderiarekin lotuta, eta multzo elektrogenoen bidez elikatu behar dira.

9. Arriskurik ez dagoen lekuetan kokatu ezin diren elementu higikorrak finkatu behar dira, hala nola gas- eta ur-deposituak.



i. HIGATU EGIN DAITEZKEEN EREMUEN ARAUBIDEA

- Definizioa

Eremu hauetan, ezaugarri litologikoak eta erliebearen ezaugarriak direla-eta, higadura-fenomenoak izateko arrisku handia dago. Hain zuzen ere, eremu hauek dira EAEko Nekazaritza eta Basoak Antolatzeko Lurraldearen Arloko Planarekin bat higatu egin daitezkeen edo higatzeko arriskuan dauden lurrak, baina haien kantitatea handitu egin daiteke, maldei buruzko azterketa eta arraseko mozketen ondoriozko higadura-prozesuak egiaztatzeko azterketa espezifikoagoak direla medio.



Eremu hauetan, higadurak eragin handia du, eta lurzorua bilakatzea galarazten du. Horregatik, esku hartzeko irizpide nagusiak izan behar du zuhaitz-estalkiari eustea edo zuhaitz-estalki babesgarri bat sortzea eta zuhaitz-estalkia kontuz erabiltzea.


89

- Lurrari eusteko eta landare-estalkia mantentzeko jarduerak bultzatu behar dira, eraikuntza erabili gabe, eraikuntza ezinbestekoa bada izan ezik. Edonola ere, lurrari eusteko eta landare-estalkia saneatzeko jarduketa jakin edo linealak bakarrik dira onargarriak, betiere, ingurune naturalari edo paisaiari kalte egiten ez badiote.

Era berean, ikuspegi tekniko eta biologikotik egokiak diren landareak aldatzea bultzatu behar da.

Lurraren egonkortasunari kalte egin diezaioketen eta landare-estalkia galaraz dezaketen jarduerak bereziki kontrolatu behar dira. Ondoko kasuetan, berriz, debekatuta daude horrelakoak:

Aurreko paragrafoak xedatzen duena kontuan izanik, aisialdia emateko erabilera intentsiboak eta askotariko ekipamendua ezar daitezke, ehizan eta arrantzan ibil daiteke eta, gainera, lehengaiak ustia daitezke, harrobietan eta meategietan izan ezik, eta azpiegiturak eta eraikuntzak ezar daitezke, debekatuta daudenak izan ezik.

- Erabilera hauek debekatuta daude:

Hondakin edo isuri solido, likido edo gaseoso kutsatzaileak sorrarazten dituen edozein jarduera, etxebizitza berriak eta eragin berezia duten instalazioak.



Baldintzatzaile honen inguruko gaien araubidea legezko eta arauzko xedapenek edota lurraldeko plangintzak ezartzen dute, eta horien araberakoa da araudiaren izaera juridikoa, kasuan-kasuan.

j. INTERES KULTURALA DUTEN EREMUEN ARAUBIDEA

- Definizioa

Eremu hauek eurek edo bertako elementuek balio historikoa, arkitektonikoa, artistikoa, arkeologikoa, etnografikoa edo teknikoa duten ezaugarriak edo are aztarnak dituzte, eta horregatik, dagozkion neurriak hartu behar dira, haiek babesteko edota balioztatzeko.

Eremu hauen barruan daude balizko arkeologia-guneak.

Hiri-antolamendurako plan nagusi honetako 6. planoak (baldintzatzaile gainjarriei buruzkoak) biltzen dituen interes kulturaleko elementuez gain, Lurzoruari eta hirigintzari buruzko Legeko 76. artikuluak definitzen duen katalogoko elementuak ere hartu behar dira kontuan, baina, betiere, irekitzat hartu behar dira ondasunen bi zerrenda horiek.

Oro har, antolamendu- eta babes-plangintza bereziak ezartzen dituen mugez gain, ondasunen kanpoaldeko perimetroaren inguruan bada harekiko paralelo doan beste perimetro bat, 30 m-ra dagoena gutxienez eta "inguruko eremu" deritzona.

Interes kultural higiezina duten elementuen edo ondasunen inguruan eremu kultural bat, paisaia eta elementu eta ondasun horiek erabiltzeko eta gozatzeko eremu bat mugatzen dute perimetro horiek, Euskal kultur ondareari buruzko 7/1990 Legearekin bat dagokien babes-araubideari eta kultur ondasun higiezinen sektoreko araubideari kalte egin gabe.

Kontraesanik badago erabilerari eta jarduketei buruzko araubideen artean, Euskal kultur ondareari buruzko 7/1990 Legeko eta kultur ondasun higiezinen sektoreko araubideko xedapenei eman behar zaie lehentasuna, baita horietatik ondorioztatzen direnei.



Ohiko erabilerak dira gizarte eta kulturarako erabilerak. Gainera, nekazaritzarako, abeltzaintza estentsiborako eta bertako espezieen basogintzarako erabilerak ezar daitezke, eraikuntza berriak egitea ez badakarte. Gainerako erabilerak, berriz, debekatuta daude.


90

Sortzen diren eremu libreetan aisia emateko eta egoteko erabilerak ere ezar daitezke. Sortzen diren eremu libreak lorategi bihurtu behar dira, eremuaren sorburuari (interes kulturala duen ondasunari) kalte egin gabe.

- Ondasunek eta inguruak eratzen duten eremuan, debekatuta dago inongo eraikuntza edo instalazio berririk ezartzea, baita haren segurtasunari kalte egin diezaiokeen edo hari begiratzea eragotz dezakeen edozein erabilera ere.

Aurreko paragrafoak ezartzen duen baldintzarekin bat, Eusko Jaurlaritzak edo Foru Aldundiak baimentzen dituzten eraikuntzak ezar daitezke, dagokion kultur ondarearen araubideari jarraituz.

- Lurrean edo landare-estalkian eragina duen edozein laborantza-lan egiteko edo lurra 30 cm baino sakonago dagoen lurra mugitzeko, Udalaren lizentzia lortu behar da berariaz eta, gainera, sektoreko edo plangintzako araudia bete behar da, hala badagokio.

Bertako landare-sailak bakarrik alda daitezke, ondasuna babesteko eta edertzeko, ikuspegi teknikotik eta biologikotik bideragarriak badira betiere.

- Eremu hauetan esku hartzeko, beharrezkoa da plan berezi bat onartzea, eremuen mugak zehazteko eta erabilerari eta jarduketei buruzko araubide xehatua behin betiko ezartzeko.




k. KUTSATUTA EGON DAITEZKEEN EREMUEN ARAUBIDEA

- Definizioa

Kutsatuta egon daitezkeen eremuak dira bere ezaugarriak eta baldintzatzaileak direla-eta Lurzorua ez kutsatzeko eta kutsatutakoa garbitzeko otsailaren 4ko 1/2005 Legeko neurriak bete behar dituen lurzorua.



Oro har, eraikuntzari eta erabilerari buruzko araubidea da kutsatuta egon daitekeen eremu orokor edo xehatu bakoitzean kasuan-kasuan ezarritakoa. Araubide hori aplikatzeaz gain, lurzorua lehengoratzeko eta saneatzeko beharrezko neurriak ere hartu behar dira, aipatutako legearen edukiekin bat.

Kutsatuta egon daitezkeen eremuak eta lurzorua kutsaduratik garbitzeko, aipatutako legeak ezartzen dituen irizpideei jarraitu behar zaie, kasuan-kasuan, eta xedatzen dituen azterketak eta proiektuak egin behar dira, baita horiek xedatzen dituzten jarduketak ere.


Baldintzatzaile gainjarri hau indarrean dagoen gaiari buruzko legediak ezartzen duen arauzko mailakoa da.

l. SISTEMAK AURREZ IKUSTEN DIREN EREMUEN ARAUBIDEA

- Definizioa

Eremu hauek lurzoru urbanizaezinean daude, eta udalaz gaindiko herritarrentzako, udalerri osoko herritarrentzako edo landako herritarrentzako ekipamendutarako, bidetarako azpiegituretarako eta zerbitzutarako erabiltzen dira. Hauek bereizten dira:


91

- Ekipamendutarako eremuak. - Bidetarako eta trenbidetarako eremuak. - Zerbitzutarako azpiegituretarako erabilerak.



- Hauek dira lurzoruaren erabilera sustatuak:

Finkatzen diren ohiko erabileretarako lurzorua eskuratzea eta eraikitzea eta ohiko erabilerak erabiltzea eta mantentzea baino ez, sektoreko legediarekin, plan nagusi honetako antolamenduarekin eta arau orokorrekin eta lurzoru urbanizaezina eraikitzeari eta urbanizatzeari buruzko udal-ordenantzekin bat betiere. Eraikuntza, azpiegitura edo instalazio berriak sortzeko, plan berezi bat onartu behar da aurrez, legezko eta arauzko eskakizunekin bat zuzenean esku hartzen denean izan ezik.

- Hauek dira lurzoruaren erabilera onargarriak: Ingurumena babesteko, kontserbatzeko eta hobetzeko erabilerak, finkatzen diren ohiko erabilerekin bat badatoz.

Lurzorua erabiltzeko eta eraikitzeko jarduketak, baldin eta behin-behinekoak badira hirigintza-legediak edo hiri-antolamendurako plan nagusi honek zehazten duten bezala eta berariaz debekatuta ez badaude.

- Oro har, erabilera debekatuak dira finkatzen den ohiko erabilerarekin zerikusia ez duten erabilerak eta eraikuntzak eta, bereziki, hiria nolanahi hazteko erabilerak, etxebizitzatarako erabilerak (salbu eta dagokion plan bereziak baimentzen dituenak) eta landako guneak.





92

HIRUGARREN KAPITULUA KALIFIKAZIO XEHATUAREN ARAUBIDE OROKORRA Lehen atala XEDAPEN OROKORRAK

21. artikulua. KALIFIKAZIO XEHATUAREN ARAUBIDEAREN ESPARRUA a. Kalifikazioaren esparrua: antolamendu xehatuko lursailak

Lurzoruaren kalifikazio orokorraren araudiaren barruan, praktikan, mailaka aplikatzen dira lurzorua erabiltzeko, erabilerak bateragarriak izateko eta eraikuntzak egiteko baldintzak, lurraldearen eremu txikiagoetan: hiri-antolamendurako plan nagusi honetako edo hura garatzeko plangintzako antolamendu xehatutik sortzen diren erabilera xehatuko lursailetan. Lursailak eraikigarriak edo eraikiezinak izan daitezke, eta jarduera desberdinak har ditzakete, batera, elkarren ondoan edo bata bestearen gainean. Atal honek eta arau orokor hauetako hirugarren tituluak ezartzen duten araubideak arautzen du zehazki haien arteko bateragarritasuna, baita arau partikularrek eta eraikuntzari eta urbanizazioari buruzko ordenantzek ere.

b. Erabilera xehatuko lursailen erabilera

1. Erabilera bakarra (nagusia) edo erabilera batzuk dagozkio lursail bakoitzari, antolamenduak erabilerak bateragarriak izateko ezartzen dituen baldintzen arabera, eta lursail bakoitzak araubide bakarra du jabariaren gainean, publikoa ala pribatua, indarrean dagoen legediarekin bat finka daitezkeen zorrei kalte egin gabe.

2. Lursailak eraikigarriak edo eraikiezinak izan daitezke. Lursail eraikigarrietan, eraikuntzarik gabeko lurzorua eta eraikuntzak okupatzen duena bereizi behar dira, hala badagokio. Lurrak eta eraikuntzak bat egiten duten lekuan sestra gainean edo azpian okupa dezake eraikuntzak lurzorua. Sestra gainean eraikiezina den baina sestra azpian eraikigarria den lurzoruan, erabilera publikoko zorra finka daiteke. Sestra gainean eraikigarriak diren lursailetan, erabilera publikoko zorra finka daiteke eraikinen azpian: adibidez, arkupeak. Lursail eraikigarrietan, eraikuntza kantitateak bereiz daitezke eta, erabilerak zehazteaz gain, eraikinetako solairu bakoitzean erabilerak bateragarriak izateko baldintzak ezar daitezke.

c. Partzelazioa

1. Eraikuntza berrien lursailek hiri-antolamendurako plan nagusi honetako arau partikularrek eta hura garatzeko plangintzak xedatzen dutenarekin bat etorri behar dute. Lehendik dauden eta finkatu egiten diren edo antolamenduz kanpoko izendatzen ez diren eraikuntzen lursailak, berriz, finkatu egin behar dira, are eraikuntzak ordezkatzen badira.

2. Lursailak zatitu egin daitezke, gutxieneko lursailari buruz ezarritako baldintzak betez betiere. Hiri-lurzoruan eta lurzoru urbanizagarrian baimentzen diren lursailen neurriek Hiri Antolamendurako Plan Nagusiak ezartzen duen hirigintzaren antolamenduaren edo hura garatzeko plangintzaren araberakoak izan behar dute, eta solairu bakoitzeko etxebizitza bat egiteko nahikoak izan behar dute edo Elorrioko eraikuntzari eta urbanizazioari buruzko ordenantzek finkatzen dituzten beste erabilera batzuk ezartzeko gutxieneko azalera funtzionala eman behar dute. Lurzoru urbanizaezinean baimentzen diren lursailen neurriek Elorrioko eraikuntzari eta urbanizazioari buruzko ordenantzek lurzoru mota horri buruz finkatzen dituzten irizpideen eta xedapenen araberakoak izan behar dute.

3. Salbuespen gisa, lursailak kultur ondare higiezinaren barruko ondasunei atxikiz gero, Katalogoak xedatzen duenarekin bat, gutxieneko lursailei buruzko baldintzak ondarea babestea ziurtatzeko baldintzetara egokitu behar dira, ondarea babesteko baino ez.

d. Gutxieneko diseinu-, eraikuntza- eta urbanizazio-unitateak

Lurzorua erabiltzeko jarduketei kalte egin gabe, arau bidez kontrolatzen edo arautzen baitira betiere, indarrean dagoen legediarekin eta hiri-antolamendurako plan nagusi honekin bat,


93

plangintzaren xedapenak garatzea eta, horretarako, hirigintzaren antolamendua gauzatzea da eraikuntza- eta urbanizazio-lanak egitea eta, Elorrioko eraikuntzari eta urbanizazioari buruzko ordenantzekin bat, eraikuntzak eta urbanizazioa erabiltzeko lizentziak ematea edo lortzea. Hori dela eta, eraikuntzari eta urbanizazioari buruzko ordenantzek xedatzen dutenarekin bat, hirigintzaren antolamendu xehatuak zehaztu behar du gutxieneko zer diseinu-, eraikuntza- eta urbanizazio-unitate ezar daitezkeen lursail bakoitzean.

22. artikulua. KALIFIKAZIO XEHATUAREN ARAUBIDEAREN GARAPENA

1. Hiri-lurzoruan eta lurzoru urbanizagarrian irabazi-asmoz ustiatzen diren eta hiri-antolamendurako plan nagusi honen bitartez onartutako eta finkatutako garapen-plangintza duten lursailetan, kalifikazio xehatuari eta eraikigarritasunari, eraikuntzari buruzko ordenantzei eta haiei buruzko gainerako xedapenei eutsi behar zaie. Hala ere, plan nagusi honek nahitaez laga beharreko erabilera publikoko lurzoruari buruz ezartzen dituen xedapen berriek dagokion eremuaren eta tokiko sistemen edo sistema orokorren mugak alda ditzakete, eraikitzeko eskubideei kalte egin gabe betiere.

2. Eremu urbanizagarrien kalifikazio xehatua adierazi egin daiteke, lehentasunezkoa izan daiteke edo inposatu egin daiteke, kasuan-kasuan. Hain zuzen ere, garapen-plangintzak definitu behar du zehazki kalifikazio xehatua.

3. Kalifikazio xehatuko lursailak erabiltzeko araubidea plan nagusi honetako hirugarren kapituluak (kalifikazio xehatuaren araubide orokorrari buruzkoak) ezartzen du funtsean; zehatz-mehatz, hirugarren kapituluko bigarren atalak.. Kalifikazio xehatuko lursailak eraikitzeko araubidea, berriz, eraikuntzari eta urbanizazioari buruzko udal-ordenantzek ezartzen dute.

4. Hasiera batean, ez da beharrezkoa lurzoru urbanizaezinaren kalifikazio xehatua zehaztea. Aitzitik, nahikoa da sistema orokorrak eta eremu bakoitza erabiltzeko baldintza orokorrak zehaztea, kalifikazio orokorraren barruan.

23. artikulua. KALIFIKAZIO XEHATUKO EREMUEN DEFINIZIOA ETA SISTEMATIZAZIOA

1. Kalifikazio xehatuaren araubide orokorra hiri-antolamendurako plan nagusi honek hiri-lurzoru finkatuan ezartzen dituen hirigintzarako lursailetan (lehendik daudenetan) eta plan horrek sortzen dituen lursailetan aplikatu behar da, baita hiri-lurzoruaren eta lurzoru urbanizagarriaren antolamendu xehatuak plangintza hori garatzeko ezartzen dituen lursailetan ere.

Hauek dira hiri-antolamendurako plan nagusi honek erabilera xehatukotzat kalifikatzen dituen eremu edo lursailak:

- R. Bizitegitarako lursailak - R-1 lursaila. Alde Zaharreko bizitegitarako lursaila. - R-2 lursaila. Zabalgune berriko bizitegitarako lursaila. - R-3 lursaila. Dentsitate txikiko bizitegitarako lursaila.

- I. Industriarako lursailak - I-1 lursaila. Industria arrunterako lursaila. - I-2 lursaila. Berrikuntza-industriarako lursaila.

- T. Hirugarren sektorerako lursailak - T-1 lursaila. Hirugarren sektorerako lursaila.

- E. Erkidegoarentzako ekipamenduaren sistemak E.1. Eskolak eta ikastetxeak (IK). E.2. Administrazioarentzako eta erakundeentzako ekipamendua (EP). E.3. Osasunerako ekipamendua (OZ). E.4. Laguntzeko ekipamendua (AS). E.5. Gizarte eta kulturarako ekipamendua (GK). E.6. Jolasteko eta aisia emateko ekipamendua (A). E.7. Kirolerako ekipamendua (KI). E.8. Merkataritzarako ekipamendua (ME).


94

E.9. Erlijiorako ekipamendua (ER). E.10. Ekipamendu zehaztugabe, balioaniztun edo orokorra (ZE)

- L. Hiriko eremu libreen sistemak - L-1.a. Hiriko oinarrizko eremu libreen sistema. - L-1.b. Hiriko eremu libre arrunten sistema.

- B. Komunikabideen eta trenbideen sistema orokorra - B-1 sarea. Komunikabideen sarea. - B-1.e. lursaila. Aparkalekutarako edota garajetarako lursaila. - B-2 sarea. Trenbideen sarea.

- Z. Zerbitzutarako azpiegituretarako sistemak - Z-0. Zerbitzutarako azpiegiturak.

2. Plangintza xehatuak erabilera xehatuko eremu horien aldaerak ezar ditzake, antolamenduaren helburuak lortzeko.

3. Lursailen barruan, erabilera pribatukoak, erabilera publiko mugatukoak edo erabilera publikokoak diren edo erabilera-zorra duten eremu libreak izan daitezke, plangintzako titulartasun- eta kalifikazio-araubidearen arabera.

4. Erkidegoarentzako ekipamenduaren sistema orokorraren barneko edozein erabilera ezar dezake Udalak, lursail bakoitzerako ezarritako ohiko erabileraren aldean ezberdina bada eta, betiere, interes publiko edo soziala duela justifikatzen bada eta eremuko gainerako erabilerekin bateragarria bada.

24. artikulua. ERABILERA XEHATUEN ARTEKO BATERAGARRITASUNA 1. APLIKAZIOAREN ARAUBIDEA

Kalifikazio xehatuko lursailei eta sistemei esleitzen zaizkien erabileren arteko bateragarritasunaren araubidea 16. artikuluak (kalifikazio orokorrari buruzkoak) ezartzen du, hirugarren tituluko xedapenei (lursailak erabiltzeko eta eraikitzeko baldintzei buruzkoei) kalte egin gabe.

Arau partikularrek eta haiek garatzeko plangintzak zehaztu behar dituzte erabilerak.

2. ONESPENAREN MUGAK Erabilera batzuk onartzeak ez du esan nahi erabilera horiek ezar daitezkeenik automatikoki. Hiri-antolamendurako plan nagusi honek edo hura garatzeko plangintzak zehazten dute zer erabilera ezar daitezkeen.

3. NEKAZARITZA ETA ABELTZAINTZAKO ERABILERAK ETA BEHIN-BEHINEKO ERABILERAK Hiri-lurzoruko lursailetan, debekatuta daude nekazaritza eta abeltzaintzako produktuak ekoizteko landako erabilerak, baina, lurzoru urbanizagarrian, txabolarik eta animaliarik gabeko behin-behineko ortu txikiak ezar daitezke, lurzoru urbanizagarria garatzen hasi bitartean betiere. Behin-behineko erabilera horiek hirigintza-legediko eta hiri-antolamendurako plan nagusi honetako xedapenak bete behar dituzte.

4. ERABILERA PUBLIKO MUGATUAK Erabilera publiko mugatua edo erdipublikoa da jabari publikoko edo pribatuko lursailetako eta eraikinetako erabilera publikoa, baldin eta kontrol-araubide batek mugatzen badu egitez. Horrelakoak dira, oro har, ekipamendutarako eraikinak eta haiekin lotutako lurzoru librea, itxi edo hesitu badaiteke. Aldiz, erabilera libreko bestelako eremuak, bideak, plazak, parkeak... ez dira horrelakoak.


95

25. artikulua. LURSAILEN JABARIARI BURUZKO IRIZPIDE OROKORRAK 1. Oro har, irabazi-asmodun erabilera duten lursail eraikigarriak eta haiekin lotutako lurzoru librea

erabilera eta titulartasun pribatukoak edo erabilera publiko mugatukoak dira, eta etxebizitzatarako, industriarako eta hirugarren sektorerako kalifikazioa dagokie batez ere, baita ekipamendu pribatutarako kalifikazioa ere. Lurzoru mota horretako lursail eraikigarriak nahitaez eraiki behar dira, ezarritako baldintzekin eta epeekin bat.

2. Erkidegoarentzako ekipamendutarako lurzorua jabari pribatukoa izan daiteke, baina, jabari pribatukoa bada, erabilerak publiko mugatua izan behar du. Zuzkiduratarako jabari publikoko lurzorua ere publiko mugatua izan daiteke.

3. Ekipamendu publikotarako eta azpiegituratarako lurzoruan, irabazi-asmoz ustiatzen diren lursailak emakida-araubidearen barruan daude oro har.

4. Eremu libreen sistematarako lurzoruak jabari eta erabilera publikokoa izan behar du. Hala ere, parkeetan, lorategietan eta kirol-eremuetan sartzeko mugak ezar daitezke inoiz edo behin aldi baterako.

5. Komunikazio-sistematarako lurzorua jabari eta erabilera publikokoa da oro har, baina ordainpeko errepideak eta trenbideak titulartasun pribatukoak izan daitezke.


96

Bigarren atala

HIRI-LURZORUKO ETA LURZORU URBANIZAGARRIKO LURSAILAK ERABILTZEKO BALDINTZA ESPEZIFIKOAK

26. artikulua. BALDINTZA OROKORRAK

Oro har, plan nagusi honetako eta hura garatzeko plangintzako antolamenduak erabilera xehatuko izendatzen dituen lursailetan, arau orokor hauen barruan erabilera orokor bakoitzari dagokion erabileren lehentasun-, bateragarritasun- eta bateraezintasun-araubide orokorra aplikatu behar da, eta lurzoru zati eta solairu bakoitzaren araubide orokorra zehaztu behar da.

27. artikulua. BIZITEGITARAKO LURSAILAK ERABILTZEKO BALDINTZAK 1. Bizitegitarako lursailetako sotoetako eta erdisotoetako erabilerak a. Alde Zaharreko eta zabalgune berriko bizitegitarako lursailetako sotoak

Erabilera baimenduak:

- 1.a. kategoriako biltegiak.

- Goiko solairuetan baimentzen diren erabileren erabilera eta instalazio osagarriak, berariazko araudi teknikoarekin bat.

- 2. kategoriako garajeak, zabalgune berriko eta dentsitate txikiko bizitegitarako lursailetan. Alde Zaharreko bizitegitarako lursailetan, dagokion plan bereziak besterik xedatzen ez badu, lehendik dauden erabilerei euts dakieke, baldin eta ez badira ez-seguruak, osasungaitzak, gogaikarriak, kaltegarriak edo arriskutsuak higiezin eta eremu publikoentzat eta ez badituzte oztopatzen bideak eta mugikortasuna.

- Erdisotoetan eta beheko solairuetan baimentzen diren erabilera publikoak eta merkataritzarako erabilerak sotoetan ere ezartzeko, ezinbestekoa da baldintza hau betetzea: sotoetan erabilera horietarako erabiltzen den azalera erabilera horietarako erabiltzen den azalera guztiaren heren bat izatea gehienez. Gainera, araudi espezifikoa eta, bereziki, oinarrizko segurtasun-, osasungarritasun- eta ibilerraztasun-arauak eta suteen kontra babesteko oinarrizko arauak bete behar dira.

Erabilera debekatuak: - Etxebizitzak. - Baimentzen ez diren erabilerak. - Lurpeko garajeak eta biltegiak debekatuta daude Alde Zaharreko lursailetako sotoetan, aurreko

epigrafeak eta plangintza bereziak besterik xedatzen badute izan ezik. a. Alde Zaharreko eta zabalgune berriko bizitegitarako lursailetako erdisotoak


- Goiko solairuetan baimentzen diren erabileren erabilera eta instalazio osagarriak, osasungarritasun- eta higiene-arauekin eta berariazko edo sektoreko araudi teknikoarekin bat.

- 1. kategoriako bulegoak. - 2. eta 3. kategorietako saltokiak. - 1. kategoriako industriak. - 1.a. kategoriako biltegiak. - Etxebizitzentzat gogaikarria ez den ekipamendu publikoa. - 2. kategoriako garajeak, zabalgune berriko eta dentsitate txikiko bizitegitarako lursailetan.

Alde Zaharreko bizitegitarako lursailetan, dagokion plan bereziak besterik xedatzen ez badu, lehendik dauden erabilerei euts dakieke, baldin eta ez badira ez-seguruak, osasungaitzak, gogaikarriak, kaltegarriak edo arriskutsuak higiezin eta eremu publikoentzat eta ez badituzte oztopatzen bideak eta mugikortasuna.


97

Baimentzen diren erabilerek zorrozki bete behar dute indarrean dagoen araudi espezifikoa eta, bereziki, oinarrizko segurtasun-, osasungarritasun- eta ibilerraztasun-arauak eta suteen kontra babesteko oinarrizko arauak. Ondoko epigrafeak aipatzen dituen erabilerak ez dira onargarriak, debekatutakoak baizik.

Erabilera debekatuak: - Etxebizitzak. - Baimentzen ez diren erabilerak. - Lurpeko garajeak eta biltegiak debekatuta daude Alde Zaharreko lursailetako erdisotoetan, aurreko

epigrafeak eta garapen-plangintza bereziak besterik xedatzen badute izan ezik. c. Dentsitate txikiko bizitegitarako lursailetako sotoak eta erdisotoak


Sotoetan - 1.a. kategoriako biltegiak. - Goiko solairuetan baimentzen diren erabileren erabilera eta instalazio osagarriak, berariazko araudi

teknikoarekin bat. - 1. kategoriako garajeak. - Erdisotoetan eta beheko solairuetan baimentzen diren erabilera publikoak eta merkataritzarako

erabilerak sotoetan ere ezartzeko, ezinbestekoa da baldintza hau betetzea: sotoetan erabilera horietarako erabiltzen den azalera erabilera horietarako erabiltzen den azalera guztiaren heren bat izatea gehienez. Gainera, araudi espezifikoa eta, bereziki, oinarrizko segurtasun-, osasungarritasun- eta ibilerraztasun-arauak eta suteen kontra babesteko oinarrizko arauak bete behar dira.

Erdisotoetan - Sotoetan ezar daitezkeen erabilerak eta beste hauek:

- 1. kategoriako bulegoak. - 1. kategoriako bulegoak, arau partikularrak edo hura garatzeko plangintzak debekatzen ez baditu. - 2. eta 3. kategorietako saltokiak. - 1. kategoriako industriak. - Etxebizitzentzat gogaikarria ez den ekipamendu publikoa.

Erabilera debekatuak: - Baimentzen ez diren erabilerak. - Sotoetan, egoteko gelak, logelak, egongelak, sukaldeak eta txoko edo elkarteak debekatuta daude

berariaz. Sukaldeak eta txokoak erdisotoetan instala daitezke, ordenantza teknikoak eta osasungarritasun-ordenantzak eta aplika daitekeen gainerako araudia beteta.

2. Bizitegitarako lursailetako beheko solairuetako erabilerak a. Alde Zaharreko eta zabalgune berriko bizitegitarako lursailetako beheko solairuak

Erabilera baimenduak: - c. kategoriako etxebizitzak eta egoitza kolektiboak, arau partikularrak edo garapen-plangintzak

besterik xedatzen badute izan ezik. - Goiko solairuetan baimentzen diren erabileren erabilera eta instalazio osagarriak, berariazko araudi

teknikoarekin bat. - 1. kategoriako bulegoak. - 2. eta 3. kategorietako saltokiak. Arau partikularrak baimentzen badu, berriz, 4. kategoriako saltokiak

ere ezar daitezke, zabalgune berriko bizitegitarako lursailetan bakarrik. - 1. kategoriako hoteletarako erabilerak (goiko solairuetako hoteletarako erabileretara sartzekoak eta

haiei zerbitzu egitekoak) - 1.a. kategoriako biltegiak.


98

- 1. kategoriako industriak. Zabalgune berriko bizitegitarako lursailetan lehendik dauden 1. Kategoriako industriak baimendutakoak dira, baldin eta arau hauek ezartzen dituzten baldintzak betetzen badituzte.

- 2. kategoriako garajeak, zabalgune berriko bizitegitarako lursailetan. - Etxebizitzentzat gogaikarria ez den ekipamendu publikoa.


Erabilera debekatuak: - Baimentzen ez diren erabilerak. - 2. kategoriako garajeak debekatuta daude Alde Zaharreko lursailetako beheko solairuetan, garapen-

plangintza bereziak besterik xedatzen badu izan ezik. b. Dentsitate txikiko bizitegitarako lursailetako beheko solairuak

Erabilera baimenduak: - A eta B kategorietako etxebizitzak. - Egoitza kolektiboak. - Goiko solairuetan baimentzen diren erabileren erabilera eta instalazio osagarriak, berariazko araudi

teknikoarekin bat. - 1. kategoriako bulegoak. - 2. eta 3. kategorietako saltokiak eta, arau partikularrak baimentzen badu, baita 4. kategoriakoak ere. - 1. kategoriako hoteletarako erabilerak. - 1.a. kategoriako biltegiak. - 1.a. kategoriako garajeak


Erabilera debekatuak: - Baimentzen ez diren erabilerak.

3. Bizitegitarako lursailetako beheko solairuen gaineko solairuetako erabilerak a. Bizitegitarako lursailetako goiko solairuetako erabilerak

- Erabilera nagusia etxebizitzarako erabilera da, eta lehentasuna du.

Erabilera baimenduak: - Egoitza kolektiboak. - Etxebizitzekin pareka daitezkeen 1.a. kategoriako bulegoak. - 1.b. kategoriako bulegoak, beheko solairuaren jarraipena badira, zarata egiten ez badute eta

etxebizitzei beste oztoporik eragiten ez badiete. - 1.a. kategoriako industria. - 1. kategoriako hoteletarako erabilerak. - 2. eta 3. kategorietako saltokiak, dentsitate txikiko bizitegitarako lursailetan. - Ekipamendu publikoa, bizitegitarako lursailetako lehen solairuan eta behegainetan bakarrik, araudi

espezifikoa eta, bereziki, oinarrizko segurtasun-, osasungarritasun- eta ibilerraztasun-arauak eta suteen kontra babesteko oinarrizko arauak beteta.



99

4. Bizitegitarako lursailetako teilatupeko solairuetako erabilerak a. Bizitegitarako lursailetako teilatupeko solairuak

- Erabilera nagusia trastelekutarako, esekitokitarako eta erabilera nagusiaren (etxebizitzatarako erabileraren) osagarri diren instalazioetarako erabilera da, eta lehentasuna du.

Erabilera baimenduak: - Eraikinetako instalazio komunak.


28. artikulua. INDUSTRIARAKO LURSAILAK ERABILTZEKO BALDINTZAK 1. Industriarako lursailetako sotoetako erabilerak

Sotoek inola ere ezin dute okupatu eraikinaren sestra gaineko gehieneko lerrokaduratik kanpoko lurzorua, arau partikularrak edo garapen-plangintzak besterik xedatzen badute izan ezik.


- Industriaren osagarri diren 2. kategoriako biltegiak, produktu bizigabeak biltzeko erabiltzen badira eta gogaikarriak, osasungaitzak, kaltegarriak edo arriskutsuak ez badira.

- Industriaren osagarri diren 4. kategoriako garajeak. - Industriaren osagarri diren instalazioak eta zerbitzuak, araudi espezifikoarekin bat.

Erabilera debekatuak: - Industriako ekoizpena. - Baimentzen ez diren erabilerak.

2. Industriarako lursailetako erdisotoetako erabilerak


- Ohiko erabileraren kategoriako industria, aireztapenari, argiztapenari, osasungarritasunari, segurtasunari eta higieneari buruzko arauzko baldintza espezifikoak eta lan-araudia betetzen baditu, baita 1. eta 2. kategorietako industriak ere.

- Industriaren osagarri diren biltegiak, produktu bizigabeak biltzeko erabiltzen badira eta gogaikarriak, osasungaitzak, kaltegarriak edo arriskutsuak ez badira. 3. kategoriako biltegiak baimentzeko, berriz, jarduera gogaikarriak, osasungaitzak, kaltegarriak eta arriskutsuak edo ingurumena babesteko aplika daitekeen legediak haien parekotzat hartzen dituen jarduerak instalatzeko baimena bideratu eta lortu behar da.

- Ohiko erabileraren kategoriako bulegoak, aireztapen-, argiztapen-, osasungarritasun-, segurtasun- eta higiene-baldintzak egokiak badira eta lan-araudia betetzen bada.

- 3. eta 4. kategorietako garajeak. - Industriaren osagarri diren instalazioak eta zerbitzuak, araudi espezifikoarekin bat.

Erabilera debekatuak: - Industriako ekoizpena, baimentzen diren kasuetan izan ezik. - Baimentzen ez diren erabilerak.

3. Industriarako lursailetako beheko eta goiko solairuetako erabilerak

- Arau orokor hauen barruan oro har industriarako kalifikatutako eremuari dagokion erabileren lehentasun-, bateragarritasun- eta bateraezintasun-araubide orokorra aplikatu behar da. Araubide horretako xedapenekin bat, biltegitarako erabilera ezar daiteke.

- Beheko solairuetan, 2., 3. eta 4. kategorietako garajeak koka daitezke, betiere, haien azalerak ez badu desitxuratzen lursailen ohiko erabilera.

- Erabilera bateragarrietarako eraikigarritasunak eraikigarritasun osoaren heren bat baino txikiagoa eta ohiko erabilerarako sestra gaineko eraikigarritasunaren erdia baino txikiagoa izan behar du.


100

29. artikulua. HIRUGARRENS EKTORERAKO LURSAILAK ERABILTZEKO BALDINTZAK 1. Hirugarren sektorerako lursailetako sotoetako eta erdisotoetako erabilerak

Nagusiki hirugarren sektorerako erabiltzen diren baina hirugarren sektorerako kalifikazioaz beste kalifikazio xehatu bat duten (adibidez, bizitegitarako eremuetako 1. kategoriako hoteletarako kalifikatuta dauden) lursailetan dauden edo baimentzen diren eraikuntzetan ere aplikatu behar da hirugarren sektorerako lursailetako sotoetako eta erdisotoetako erabileren araubidea.


Sotoetan

- Goiko solairuetan baimentzen diren erabileren erabilera eta instalazio osagarriak, berariazko araudi teknikoarekin bat, hoteletako eta ostatuetako sukaldeak izan ezik, debekatuta baitaude.

- 1. kategoriako biltegiak. - 2. eta 3. kategorietako garajeak. - Erdisotoetan eta beheko solairuetan baimentzen diren erabilera publikoak sotoetan ere ezartzeko,

ezinbestekoa da baldintza hau betetzea: sotoetan erabilera horietarako erabiltzen den azalera, gehienez, azalera guztiaren heren bat izatea. Gainera, araudi espezifikoa eta, bereziki, oinarrizko segurtasun-, osasungarritasun- eta ibilerraztasun-arauak eta suteen kontra babesteko oinarrizko arauak bete behar dira.

Erdisotoetan - Hirugarren sektorerako erabilera orokorreko eremuetako ohiko erabilera. - Kategoria guztietako saltokiak. - Goiko solairuetan baimentzen diren erabileren erabilera eta instalazio osagarriak, berariazko araudi

teknikoarekin bat. - 1. eta 2. kategorietako bulegoak. - 1. kategoriako industriak eta 1. kategoriako biltegiak. - 2. eta 3. kategorietako garajeak. - Jarduerarekin bateragarria den ekipamendu publikoa.


Erabilera debekatuak: - Etxebizitzak. - Hoteletarako erabilerak (bereziki, logelak eta egoteko gelak), zerbitzu eta instalazio osagarriak izan

ezik. Hoteletako eta ostatuetako sukaldeak, sotoetan. - Jarraituki lan egiteko edota/ produktuak jarraituki ekoizteko eremuak, sotoetan. - Baimentzen ez diren erabilerak.

2. Hirugarren sektorerako lursailetako beheko eta goiko solairuetako erabilerak

- Arau orokor hauen barruan oro har hirugarren sektorerako kalifikatutako eremuari dagokion erabileren lehentasun-, bateragarritasun- eta bateraezintasun-araubide orokorra aplikatu behar da.

- Beheko solairuetan, 2. eta 3. kategorietako garajeak koka daitezke, betiere, haien azalerak ez badu desitxuratzen lursailen ohiko erabilera.

- Beheko solairuetan, ekipamendutarako erabilerak koka daitezke, betiere, haien azalerak ez badu desitxuratzen lursailen ohiko erabilera.


Erabilera debekatuak:


101

- Etxebizitzak. Hala ere, zaintzailearentzako etxebizitza-unitate bat (bakarra) ezar daiteke 70 m2-ko azalera erabilgarria edo txikiagoa duten goiko solairuetan.

- Baimentzen ez diren erabilerak.

30. artikulua. EKIPAMENDUTARAKO LURSAILAK ERABILTZEKO BALDINTZAK 1. Ekipamendutarako eta zerbitzu publikotarako lursailetako sotoetako eta erdisotoetako erabilerak a. Ekipamendu publikotarako lursailetako sotoak eta erdisotoak

Nagusiki ekipamendutarako erabiltzen diren baina ekipamendutarako kalifikazioaz beste kalifikazio xehatu bat duten lursailetan dauden edo baimentzen diren eraikuntzetan ere aplikatu behar da ekipamendu publikotarako lursailetako sotoetako eta erdisotoetako erabileren araubidea. Sotoetako eta erdisotoetako erabilerek erabilera nagusien edo erabilera baimenduen osagarri izan behar dute.


Sotoetan

- Goiko solairuetan baimentzen diren erabileren erabilera eta instalazio osagarriak, berariazko araudi teknikoarekin bat.

- 1. kategoriako biltegiak. - 2. eta 3. kategorietako garajeak. - Erdisotoetan eta beheko solairuetan baimentzen diren erabilera publikoak sotoetan ere ezartzeko,

ezinbestekoa da baldintza hau betetzea: sotoetan erabilera horietarako erabiltzen den azalera azalera guztiaren heren bat izatea gehienez. Gainera, araudi espezifikoa eta, bereziki, oinarrizko segurtasun-, osasungarritasun- eta ibilerraztasun-arauak eta suteen kontra babesteko oinarrizko arauak bete behar dira.

Erdisotoetan - Goiko solairuetan baimentzen diren erabileren erabilera eta instalazio osagarriak, berariazko araudi

teknikoarekin bat. - 1. kategoriako biltegiak. - 1. eta 2. kategorietako bulegoak. - 1. kategoriako saltokiak. - 2. eta 3. kategorietako garajeak. - Jarduerarekin bateragarria den ekipamendu publikoa.


Erabilera debekatuak: - Etxebizitzak. - Jarraituki lan egiteko edota/ produktuak jarraituki ekoizteko eremuak, sotoetan. - Baimentzen ez diren erabilerak.

b. Zerbitzu publikoetarako lursail eraikigarrietako sotoak eta erdisotoak

Erabilera baimenduak: - Erabilera osagarriak bakarrik, dagokion erabilera nagusiari zerbitzu egiten badiote zuzenean eta argi

eta garbi.

Erabilera debekatuak: - Etxebizitzak.


102

- Jarraituki lan egiteko edota/ produktuak jarraituki ekoizteko eremuak, sotoetan. - Baimentzen ez diren erabilerak.

2. Ekipamendutarako eta zerbitzu publikotarako lursailetako beheko eta goiko solairuetako erabilerak

- Arau orokor hauen barruan ekipamendutarako kalifikatutako eremu bakoitzari dagokion erabileren lehentasun-, bateragarritasun- eta bateraezintasun-araubide orokorra aplikatu behar da.

- Beheko solairuetan, 2. eta 3. kategorietako garajeak koka daitezke, betiere, haien azalerak ez badu desitxuratzen lursailen ohiko erabilera.


Erabilera debekatuak: - Etxebizitzak. Hala ere, zaintzailearentzako etxebizitza-unitate bat (bakarra) ezar daiteke 70 m2-ko

azalera erabilgarria edo txikiagoa duten goiko solairuetan. - Baimentzen ez diren erabilerak.

3. Erabilera publikoko lursailetako aukerako erabilerak 1. Jabari publikoko ekipamendu orokorrerako edo tokiko ekipamendurako lursailak eta eraikinak arau

hauek proposatzen duten erabilerarako baliatu behar dira ahal dela. Hala ere, erabakia behar bezala justifikatzen badu, Udalak arau hauek proposatzen duten erabileraz beste erabilera baterako (zuzkiduratarako) balia ditzake lursail eta eraikin horiek. Horretarako, adostu egin behar du aurrez. Gainera, erabilerek Lurzoruari eta hirigintzari buruzko Legeak nahitaez ezartzen dituen gutxieneko estandarrak errespetatu behar dituzte, eta ezin diote egin kalte nabarmenik zuzkiduraren eta ongizate kolektiboaren estandar edo mailari. Baldintza horiek guztiaz betez gero, ez da beharrezkoa arau subsidiarioak aldatzea.

Aukerakotasun hori ez da plan orokorraren mailakoa, kalifikazio xehatuaren mailakoa baizik.

31. artikulua. EREMU LIBRETARAKO KALIFIKAZIO XEHATUKO LURSAILETAKO ERABILERAK

1. Eremu libretarako kalifikazio xehatuko lursailak

a. Definizioa

- Hiriko eremu libreen sistemak - L-1.a. Hiriko oinarrizko eremu libreen sistema

Hiriko oinarrizko eremu libreen sistema eratzen dute Hiri Antolamendurako Plan Nagusiak, arau partikularrek edo garapen-plangintzak antolatzen dituzten eremu libreetako berezko erabileretarako baliatzen diren kalifikazio xehatuko lursailek, baldin eta aisia emateko eta jolasteko funtzioak egokiro betetzeko azalera eta ezaugarriak badituzte.

Sistema honen barruan daude plangintzako xedapenak garatzeko legezko estandarrak aplikatzetik sortzen diren tokiko sistemetako eremu libreak, baldin eta hirigintza-legediak ezartzen dituen lekuzko ezaugarriak badituzte.

Hiriko oinarrizko eremu libreak landaretza erabiliz era daitezke, eta parke edo lorategiak sortu, edo zolatu egin daitezke, eta plazak sortu. Oro har, ez dute eraikuntza esanguratsurik, baina, plangintzak aipatzen dituen kasu jakin batzuetan, garajetarako eta hiriko zerbitzu publikoetarako eremuak izan daitezke sestra azpian. Sestra azpian garajetarako eta hiriko zerbitzu publikoetarako eremuak kokatu ahal izatea xedatzen badu plangintzak, dagokion emakida administratiboa eta erabilerari eta ustiapenari buruzko araubidea finkatu behar da.

- L-1.b. Hiriko eremu libre arrunten sistema

Hiriko eremu libre arrunten sistema eratzen dute Hiri Antolamendurako Plan Nagusiak, arau partikularrek edo garapen-plangintzak antolatzen dituzten eremu libreetako berezko erabileretarako baliatzen diren kalifikazio xehatuko lurrek eta lursailek. Oro har, sistema honen barruko lurrek eta lursailek ez dituzte aisia emateko eta jolasteko erabiltzeko beharrezko


103

ezaugarriak, baina eginkizun esanguratsua betetzen dute paisaian; urbanizazioak akabatzen dituzte; eremuak, eraikinak eta azpiegiturak babesten dituzte; eta hiriko bizi-kalitatea hobetzen duten beste hainbat funtzio betetzen dituzte.

b. Erabilerari buruzko araubidea

- Arau orokor hauen barruan erabilera orokor bakoitzari dagokion erabileren lehentasun-, bateragarritasun- eta bateraezintasun-araubide orokorra aplikatu behar da, baita eraikuntzari eta urbanizazioari buruzko udal-ordenantzak ere.

Era berean, plangintzak ezartzen duen antolamendu xehatuko xedapenekin bateragarriak diren zehaztapenak aplikatu behar dira.

2. Erabilera publikoko eremu libreen zuzkidurarako erabiltzen diren lursail pribatuak

a. Definizioa

Erabilera publikoko eremu libreen zuzkidurarako erabiltzen diren lursail pribatuak dira eremu edo eraikin pribatuetako kalifikazio xehatuko lursailak, baldin eta haien erabilera nagusiak inguruan eraikitako multzoaren estandarrak hobetzea badu helburu. Oro har, sestra azpian egoten dira eremu eta eraikin horiek, eta garajetarako, zerbitzu pribatuetarako eta azpiegituratarako erabiltzen dira

b. Erabilerari buruzko araubidea

- Oro har, debekatuta dago aipatutako lursailetan berariaz izendatutako eremu librea eraikitzea, plangintzak besterik xedatzen ez badu edo arau partikularrak berariaz baimentzen badu izan ezik.

- Eraikuntzari eta urbanizazioari buruzko ordenantzak aplikatu behar dira. - Dagokion erabilera publikoko zorra eta elementu eta instalazio publikoak eta pribatuak mantentzeko

araubidea finkatu behar dira. 3. Sarrera mugatuko lursail libre pribatuak

1. Oro har, Elorrioko eraikuntzari eta urbanizazioari buruzko ordenantzek besterik xedatzen badute izan ezik, plangintza xehatuak eraiki gabekotzat hartzen duen lursail pribatuetako lurzoruan eta erabilera mugatuko lursail publikoko lurzoruan (adibidez, dentsitate txikiko bizitegitarako lursailetako lorategietan, ekipamendutarako lurzoruan, industriarako lursailetako lurzoru librean…), sestra gainean ezin da egin eraikinik, eta baimendutako erabilerekin bateragarriak diren erabileretarako baliatu behar da lurzorua.

2. Dentsitate txikiko bizitegitarako lursail pribatu libreetan, 1. kategoriako garajeak bakarrik koka daitezke, sestra gainean, baldin eta arau partikularrak eta garapen-plangintzak baimentzen badute, haiek ezartzen dituzten baldintzetan.

3. Industriarako, biltegitarako eta abarretarako lursail pribatu libreetan, biltegitarako eta lanerako jarduerak ezar daitezke, sestra gainean, behin-behinekoak badira, baita instalazio eta egitura osagarriak ere.

4. Arau partikularrak edo hura garatzeko plangintzak ezartzen dituzten kasuetan eta baldintzetan, lurzoru librea sestra azpian okupa daiteke. Lurzoru librea sestra azpian okupatzea baimentzen bada, kalifikazio xehatuko lursailetako sotoetan eta erdisotoetan kasuan-kasuan baimentzen diren erabileren berdinak izan behar dute sestra azpian baimentzen diren erabilerek eta, nahitaez, eraikinaren azpiko solairuen jarraipen fisiko eta funtzionala izan behar dute. Hortaz, debekatuta dago sestra azpian solairu bakartu edo autonomorik izatea.

32. artikulua. KOMUNIKABIDEEN ETA AZPIEGITUREN SISTEMATARAKO KALIFIKAZIO XEHATUKO LURSAILETAKO ERABILERAK

1. Komunikabideen sistemako elementuak (hiriarteko errepideak eta saihesbideak, hiriko bide-sare

nagusia eta hiriko bigarren mailako bide-sarea, landako bideen sarea eta txirrindularientzako bideak) berezko erabileretarako bakarrik baliatu behar dira; alegia, ibilgailuak eta, hala badagokio, pertsonak ibiltzeko eta lur gainean aparkatzeko. Debekatuta dago erabat erabilera horietarako kalifikatzen diren lurrak eraikitzea, eta, betiere, arau orokor hauetako 16.b.6. artikuluko xedapenak aplikatu behar dira


104

haietan. Komunikabideen sistema orokorra arautzen du 16.b.6. artikuluak, baita erabilera orokorreko azpieremu hauek ere: - B-1.a. Hiriarteko errepideak eta saihesbideak. - B-1.b. Hiriko bide-sare nagusia eta bigarren mailakoa. - B-1.c. Landako bideen sare nagusia. - B-1.d. Bizikletentzako bide nagusia (BG).

2. Garajetarako, aparkaleku publikotarako eta zerbitzugunetarako (gasolina-zerbitzugunetarako eta

abarretarako) erabilera espezifikoetarako eraikinek eta eraikuntzek arau orokor hauetako 16.b.6. artikuluko xedapenak eta eraikuntzari eta urbanizazioari buruzko ordenantzak bete behar dituzte. Komunikabideen sistema orokorra arautzen du 16.b.6. artikuluak, baita erabilera orokorreko azpieremu hauek ere: - B-1.e. Garaje edo aparkaleku publikoa (P). - B-1.f. Autobus-geltokia (AG). - B-1.g. Zerbitzugunea (ZE), industriako edo hirugarren sektoreko jarduera ekonomikoetarako

eremuen parekoa. 3. Zerbitzutarako azpiegituretarako erabilera espezifikoetarako eraikinek eta eraikuntzek arau orokor

hauetako 16.b.7. artikuluko xedapenak eta eraikuntzari eta urbanizazioari buruzko ordenantzak bete behar dituzte. Azpiegituren eta zerbitzuen sistema orokorra arautzen du 16.b.7. artikuluak.


105

LAUGARREN KAPITULUA HIRIGINTZARAKO KALIFIKAZIOAREN ZEHAZTAPENA

33. artikulua. KALIFIKAZIO OROKORRA ARAUTZEN DUTEN HIRI-ANTOLAMENDURAKO PLAN NAGUSIKO DOKUMENTUAK

1. Funtsean, Hiri Antolamendurako Plan Nagusia osatzen duten atal eta dokumentu hauek dakarte Elorrioko udal-barrutiaren kalifikazio orokorraren araubidea:

a. Arau orokor hauetako III. tituluko 2. kapituluak eta hiri-antolamendurako plan nagusi honetako arau partikularrek.

b. Plano hauek: - 5. planoak (lurzoru urbanizaezinaren kalifikazioari buruzkoak). - 6. planoak (baldintzatzaile gainjarriei buruzkoak). - 7. planoak (gune nagusiaren kalifikazio orokorrari buruzkoak).

2. Hirigintzarako kalifikazioari buruzko xedapenak osatzeko eta, hala badagokio, argitzeko, 4., 9. eta 10. planoen edukiak erabil daitezke, baita Hiri Antolamendurako Plan Nagusiko arau orokorretako zenbait zehaztapen eta kalifikazio orokorrari buruzko planoak ere. Hain zuzen, 4., 9. eta 10. planoak udalerriaren egitura funtzionalari, bide-egiturari eta azpiegituren eskemei buruzkoak dira, hurrenez hurren.

34. artikulua. KALIFIKAZIO OROKORRAREN ARAUZKO LOTURA-MAILA

Plan nagusi honetako kalifikazio orokorra egiturazko antolamendurako zehaztapen orokorren artean dago, eta plangintza nagusiaren arauzko mailakoa da. Ondoko artikuluak azaltzen dituen irizpideekin bat araubide horretan egiten diren egokitzapenak ere maila berekoak izango dira, eta, hortaz, egokitzapenak egiteak ez du ekarriko plan nagusi honek alde horretatik ezartzen duen araubidea aldatzea. Alabaina, egiten diren egokitzapenak ez badatoz bat aipatutako irizpideekin, plan nagusi honen aldaketatzat hartu behar dira, eta, horrenbestez, dagokion espedientea prestatu.

35. artikulua. KALIFIKAZIO OROKORRAREN ARAUBIDEAREN EGOKITZAPENAK 1. Hiri-lurzoruko eta lurzoru urbanizagarriko eremu eta sistema orokorren mugen aldaketak

Oro har, arau orokor hauek alor honetan ezartzen dituzten salbuespenak alde batera utzita, hiri-antolamendurako plan nagusi hau hiri-lurzoruan eta lurzoru urbanizagarrian garatzeko plangintza xehatuak eremu eta sistema orokorren mugak egokitu ditzake, baldin eta egiten diren aldaketek ez badakarte dagozkion eremuen azalera % 5 baino gehiago txikitzea edo handitzea. Salbuespen gisa, plangintza xehatuak berak edo, hala badagokio, sistemak gauzatzeko proiektuek % 5 baino pixka bat gehiago txikitu edo handitu dezakete dagozkion eremuen azalera, baldin eta aldaketak ez badu eraginik kalifikazio orokorraren ereduan edo baldin eta antolamenduaren mamiari eusten badio argi eta garbi; hau da, baldin eta ez badu handitzen proposatutako gehieneko eraikigarritasuna eta ez badu txikitzen eremu libreetako sistema orokorren eta hiri-antolamendurako plan nagusi honek xedatzen duen bestelako zuzkiduraren azalera. Egokitzapenak egiteko, arrazoiak ebaluatu behar ditu Udalak, eta arrazoi objektiboak izan behar dira: egoera fisiko edo geomorfologikora egokitu behar izatea egoera jakin batzuetan, zailtasun topografikoak edo funtzionalak, ingurune naturalaren gaineko eragina txikitu nahi izatea edo interes publikoko beste edozein.

2. Lurzoru urbanizaezineko eremu eta sistema orokorren mugen aldaketak

Oro har, arau orokor hauek, sistemak gauzatzeko proiektuek eta hiri-antolamendurako plan nagusi hau garatzeko baimentzen diren kalifikazio orokorraren egokitzapenek alor honetan ezartzen dituzten salbuespenak alde batera utzita, lurzoru urbanizaezineko beste eremu eta sistema batzuen mugak egokitu daitezke, baldin eta egiten diren aldaketek ez badakarte dagozkion eremuen azalera % 5 baino gehiago txikitzea edo handitzea. Betiere, behar bezala arrazoitu behar dira egokitzapenak. Ildo horretan, bideei zerbitzu egiteko elementuak (gasolina-zerbitzuguneak, zerbitzuguneak eta laguntza-guneak, autobus-geralekuak, etab.) ezar daitezke bideei atxikita, sistema horietarako kalifikatutako zerrendetatik kanpoko lurzoruan, are okupazioa edo erabilera horiek berariaz


106

baimenduta ez badaude ere. Antolamenduaren helburuetarako, sistema orokorren eremua handitzea dakar horrek. Oro har, babes berezia behar duten eremuetan, ubideetan eta hiri-antolamendurako plan nagusi honetako baldintzatzaile gainjarrien peko eremuetan, debekatuta dago lurzorua horrela okupatzea. Hala ere, salbuespen gisa, interes orokor eta publikoko kasuetan, baimendu egin daiteke, bereziki, baldin eta argi frogatzen bada okupazioa bateragarria dela dagokion babes-araubidearekin eta baldin eta ez bazaio kalte egiten paisaia babesteari.

3. Lehendik dauden eta eremuaren araubide orokorrarekin bat ez datozen eraikuntzak onartzea

Oso kasu berezietan, oso arrazoi sendoak badaude betiere, arau orokor hauetako edota arau partikularretako zehaztapenek Hiri Antolamendurako Plan Nagusiko antolamenduarekin bat ez datozen eraikuntzei buruz ezartzen dituzten baldintzetan, lehendik dauden eraikuntzak utzi egin daitezke, nahiz eta dagokion erabilera orokorreko eremuaren eraikuntza- eta erabilera-araubide orokorrarekin bat ez etorri, baldin eta ingurune naturalean edo paisaian eraginik ez badute eta eremuko berezko erabileretan zuzeneko eraginik ez badute. Plangintzak antolamenduz kanpoko izendatzen dituen eraikinak, aldiz, ez daude baimenduta.

36. artikulua. KALIFIKAZIO XEHATUA ARAUTZEN DUTEN HIRI-ANTOLAMENDURAKO PLAN NAGUSIKO DOKUMENTUAK

1. Funtsean, Hiri Antolamendurako Plan Nagusia osatzen duten atal eta dokumentu hauek zehazten dute Elorrioko udal-barrutiaren kalifikazio orokorraren araubidea:

a. Arau orokor hauetako III. tituluko 3. kapituluak eta hiri-antolamendurako plan nagusi honetako arau partikularrek.

b. 8. planoak (hiri-lurzoruaren eta lurzoru urbanizagarriaren kalifikazio xehatuari buruzkoak).

2. Hiri Antolamendurako Plan Nagusiko beste dokumentu batzuek ere balio dute hirigintzarako kalifikazioari buruzko xedapenak osatzeko eta argitzeko, hala nola 4., 9., 10. eta 12. planoek. Hain zuzen ere, 4., 9., 10. eta 12. planoak udalerriaren egitura funtzionalari, bide-egiturari, azpiegituren eskemei eta finkatu gabeko eremuen gutxi gorabeherako antolamenduari buruzkoak dira, hurrenez hurren. Eraikuntzari eta urbanizazioari buruzko ordenantzetako zehaztapenak ere arautzaileak dira, Hiri Antolamendurako Plan Nagusiko zehaztapenen osagarri diren aldetik, eta antolamendu xehatuaren helburuak dituzte eta haren mailakoak dira.

37. artikulua. KALIFIKAZIO XEHATUKO LURZORUA HIRIGINTZARAKO ESTANDARREKIN LOTZEA

Erabilerak egokitzeko kalifikazio xehatuko lursailei, arau orokor hauek eta, hala badagokio, haiek garatzeko arau partikularrek erabileren bateragarritasunari buruz ezartzen duten araubidea aplikatu behar da.

Bereziki, nahitaezko legezko estandarrak betetzeko helburuetarako, irizpide hauei jarraitu behar die esleipenak:

a. Tokiko sistemetarako ekipamendu pribatuari buruzko legezko estandarra titulartasun pribatu eta lursail xehatuetan bete daiteke, baldin eta haien kalifikazioa ezartzen diren sistemetarako erabilerekin (merkataritzarako, kulturarako, kirolerako, osasunerako, laguntzarako, erlijiorako... erabilerekin) bat badator edo harekin bateraezina ez bada. Zehazki, ahal dela, hirugarren sektorerako eta ekipamendutarako kalifikatutako lursailetan bete behar dira aipatutako estandarrak.

b. Merkataritzarako ekipamendua eta nagusiki beste erabilera nagusi edo ohiko batzuetarako erabiltzen diren eraikinetan koka daitekeen bestelako zuzkidura (laguntzarako, kulturarako eta abarretarako zuzkidura) beheko solairuetan kokatu behar da ahal dela, eta ekipamendu mota horretarako eraikitako azalera edo sabai-azalera kontuan hartu behar da.

Legezko estandarra ez bada sabai-azalerari buruzkoa baizik eta lurzoru kalifikatuari buruzkoa, zuzkidurarako erabiltzen den lursailaren zati espezifikoa hartu behar da kontuan estandarra betetzeko helburuetarako.

c. Aparkalekuei buruzko legezko estandarrak betetzeko, legediaren garapenak araudi bidez edo beste nolabait berariaz aipatzen dituen kasuetan izan ezik, hirigintza-eremuaren barnean kokatu behar da horrelako zuzkidura.


107

Zuzkidurak dagokion eremu osoari zerbitzu egiten diola ziurtatu ondoren, eremutik kanpo ere koka daiteke, zerbitzu bera behar duten inguruko eremuei zerbitzu egiteko. Betiere, zehazki justifikatu behar da zuzkidura hirigintza-eremutik kanpo kokatzea. Garapen-plangintzak, urbanizazio-jarduketen programak edo are urbanizazio-proiektuek zehatz-mehatz adierazi behar dute zein diren irizpide honen peko tokiko zuzkidurak zerbitzu egiten dien eremuak eta zein diren haien mugak.

d. Landaretza aldatzeari buruzko legezko estandarrei dagokienez, aurreko paragrafoetan azaldutako irizpide berak aplikatu behar dira.

e. Babes publikoko edozein araubideren barneko etxebizitzei buruzko legezko estandarrei dagokienez, berriz, zuzkidura mota horretarako lursailen kalifikazio xehatua lursail osoari edo lursailaren zati bati egokitu dakioke, kontuan izanik lursaileko eraikigarritasun osoa edo haren zati bat egokitzen den zuzkidura horretarako. Antolamendu xehatuak zehaztu behar ditu etxebizitzatarako kalifikatutako lursail zatiaren kokalekua eta neurriak, dagozkion zifra absolutuekin edo ehunekoekin bat.

38. artikulua. HIRI-LURZORUKO KALIFIKAZIO XEHATUA ZUZENEKO GAUZATZEAREN ETA PLANGINTZAREN BIDEZ ZEHAZTEA

1. Zuzeneko gauzatzea

- Plan nagusi honek antolamendu xehatuaren barnekotzat hartzen dituen hiri-lurzoruko eremuak zuzenean gauzatu behar dira, berariaz besterik xedatzen ez bada betiere.

Eremuen ezaugarri fisikoek, funtzionalek edo beste mota batekoek edo eremuetako ondareak eremu horietako hirigintzaren antolamendua zuzenean gauzatzeko bide ematen badute, eraikuntza-proiektu baten bitartez eta, hala badagokio, urbanizazio-proiektu osagarri baten bitartez gauzatu behar dira eremuak.

- Eremuen ezaugarri fisikoek, funtzionalek edo beste mota batekoek edo eremuetako ondareak ez badute bide ematen eremu horiek hirigintzarako zuzenean gauzatzeko, kasuan-kasuan, aurrez xehetasun-azterketa bat, urbanizazio-jarduketen proiektu bat, berdinbanaketa-proiektu bat, urbanizazio-lanak egiteko proiektuak edo are hiria antolatzeko plan berezi bat bideratu beharra ezar daiteke.

2. Plan bereziak eta xehetasun-azterketak

Hirigintza-legediak xedatzen ditu plan bereziak eta xehetasun-azterketak, hiri-antolamendurako plan nagusi honek hiri-lurzoruan ezartzen duen eremu bakoitzaren antolamendu xehatua zehazteko.

Plan nagusi honek xehatuki antolatzen ez dituen hiri-lurzoruko eremuak antolatzeko, hiri-antolamendurako plan berezi bat prestatu eta bideratu behar da, legezko xedapenekin, hiri-antolamendurako plan nagusi honekin eta dagozkion arau partikularrekin bat.

Era berean, xehetasun-azterketak prestatu behar dira, arau partikularrak xedatzen duenarekin bat, edo indarrean dagoen legediak finkatzen dituen helburuetarako, plangintzari buruzko zehaztapenak argitzeko edo aldatzeko, plangintzaren edukiei eurei jarraituz. Gainera, xehetasun-azterketak prestatu behar dira baldin eta eraikinen edota urbanizazioaren lerrokadurak eta sestrak zehazten ez badira.

- Plan bereziak

- Plan bereziek antolatzen duten eremuak Plan Nagusia garatzeko araudi partikularrak bereizten dituen hirigintza-eremu jarraituekin edo etenekin bat etorri behar du printzipioz, arau partikularrak berak eta epigrafe honen ondoko atalek besterik xedatzen ez badute betiere.

- Plan bereziak dagokion eremuaren azalera baino handiagoa antola dezake, baina, betiere, zehaztu behar du zer-nolako eragina duen dagozkion eremuetan eta, gainera, ziurtatu behar du eremu horietan zuzkidurari buruz ezarritako estandar guztiak betetzen direla, indarrean dagoen legediak hiri-lurzoruari buruz xedatzen duenarekin bat. Betiere, zorrozki justifikatu behar da plan bereziak dagokion eremuaren azalera baino handiagoa antolatzea.

- Xehetasun-azterketak


108

- Lerrokadurak, sestra, bolumenak eta itxuraren eta konposizioaren inguruko beste zenbait gai zehazteko prestatu behar dira, Lurzoruari eta hirigintzari buruzko 2/2006 Legeko 73. artikuluak xedatzen duenarekin bat.

- Erabilera publikoko zorra duten bideetako, eremu publikoetako eta lursail pribatuetako sestrak egokitzeko, nahitaezkoa da xehetasun-azterketak prestatzea, baldin eta egokitzapenak eraginik badu lursailen euren edo beste lursail batzuen antolamenduan. Bereziki, nahitaezkoa da xehetasun-azterketak prestatzea garajeetarako sarrerak egiteko edo aldatzeko, baldin eta eraikuntzak edo aldaketak eraginik badu lurzoru publikoan.

- Xehetasun-azterketek ezin dute ezarri maila handiagoko plangintzaren (plangintza orokorraren, zatiko plangintzaren edo plangintza bereziaren) berezko zehaztapenik, eta, Hiri Antolamendurako Plan Nagusiak garapen-plangintzaren bidezko antolamendua xedatzen duen eremuetan, ezin dira prestatu garapen-plangintza onartu bitartean.

- Xehetasun-azterketen bidez egiten diren egokitzapenek dagokion kalifikazio xehatua aldatzea ekar dezakete, haien zehaztapenekin eta legediarekin bat.

3. Antolamendu xehatu finkatua

Plan nagusi honek finkatzen dituen eremuetan, indarrean dagoen plangintzak aurrez ezarritako antolamendu xehatuari eutsi behar zaio, hura finkatuta, dela plangintza orokorra, dela zatikoa, dela berezia, dela xehetasun-azterketa bat. Desadostasunik edo kontraesanik badago indarrean dagoen plangintzako zehaztapenen eta plan nagusi honetakoen artean, indarrean dagoen plangintzako zehaztapenei eman behar zaie lehentasuna, salbu eta Plan Nagusiak finkatu gabeko elkarren ondoko eremuak antolatzeko aldatzen dituen mugei dagokienez. Kasu jakin batzuetan, bideak eta hiriko eremu publikoak arautzeko edo haien kalitatea hobetzeko, plan nagusi honek ezartzen duen antolamendu xehatuak (8. planokoak) eraikuntza txikiak kentzea ekar dezake, nahiz eta aurretik indarrean dagoen plangintzak eraikuntza horiek antolamenduz kanpoko ez izendatu, bereziki, eraikuntza horiek itsusgarriak badira eta eraginik badute eraikin multzoen osotasunean eta izaeran. Kasu horietan, desjabetze-prozedurari ekin behar zaio.

39. artikulua. LURZORU URBANIZAGARRIKO KALIFIKAZIO XEHATUA ZEHAZTEKO ARAUBIDEA

Plan nagusi honek lurzoru urbanizagarrian ezartzen dituen eremuak xehatuki antolatzeko, zatiko plan bat eta, hala badagokio, plan berezi bat prestatu eta bideratu behar dira, legezko xedapenekin, hiri-antolamendurako plan nagusi honekin eta dagozkion arau partikularrekin bat, kasu honetan izan ezik: horietakoren batek eremua xehatuki antolatzen duenean eta, horrenbestez, zatiko plan bat edo plan berezi bat prestatzea eta bideratzea beharrezkoa ez denean. Garapen-plangintzak plan nagusi honek egiturazko antolamenduari buruz ezartzen dituen zehaztapenak errespetatu behar ditu nahitaez. Garapen-plangintza prestatzeko gutxieneko epea lau (4) urtekoa da, dagokion arau partikularrak beste epe batzuk xedatzen ez baditu betiere.

40. artikulua. KALIFIKAZIO XEHATUARI BURUZKO ZEHAZTAPENAK BERRIKUSTEA 1. Oro har, plan nagusi honek kalifikazio xehatuari buruz ezartzen duen araubidea antolamendu xehatuaren mailakoa da, salbu eta Plan Nagusiak plan orokorraren mailako kalifikazio xehatua ezartzen duenean berariaz. Hortaz, hura aldatzeko, maila horretako garapen-plangintza prestatu behar da.

Baldin eta Plan Nagusiak kalifikazio xehatuari buruz ezartzen duen zehaztapenen bat plan orokorraren mailako zehaztapen izendatzen bada berariaz, dokumentu horretako elementuak aldatzeko hirigintza-espediente bat bideratu behar da hura aldatzeko.

2. Aurreko paragrafoak xedatzen duenari kalte egin gabe, kalifikazio xehatuaren edukiak, arau partikularrak edo plangintza xehatua egokitu egin daitezke, plangintza prestatzeko prozesuan hobeto antzematen diren baldintzetara egokitzeko antolamendua, egokitzapena behar bezala justifikatzen bada eta hiri-antolamendurako plan honetako oinarrizko zehaztapenetan inolako eraginik ez badu betiere.


109

Hauek dira ondorioak:

- Plan nagusi honek arautzen dituen erabilera xehatuko eremu motetan, azpieremu motak ezar daitezke, haiek ezartzea eremu motarekin bat badator eta arrazoizkoa bada.

- Xehetasun-azterketen bitartez, plan honek edo hura garatzeko plangintza xehatuak kalifikazio xehatuari buruz ezartzen dituzten zehaztapenak alda daitezke, lerrokadurak, sestrak eta bolumenak egokitzeko; baldintza topografikoetara egokitzeko; edo irabazi-asmodun erabileretarako lursailen zatiketa aldatzeko. Betiere, ondoko paragrafoek xedatzen dituzten baldintzetan egin behar da hori.

- Oro har, arau orokor hauek alor honetan ezartzen dituzten salbuespenak alde batera utzita, hiri-antolamendurako plan nagusi hau hiri-lurzoruan eta lurzoru urbanizagarrian garatzeko plangintza xehatuak kalifikazio xehatuko eremuen mugak egokitu ditzake, baldin eta egiten diren aldaketek ez badakarte dagozkion eremuen azalera % 5 baino gehiago txikitzea edo handitzea. Baldintza beretan, eremu orokorren mugetan eta dagozkion lurren sailkapenean ere egin daitezke egokitzapen horiek. Egokitzapenak egiteko, arrazoiak ebaluatu behar ditu Udalak, eta arrazoi objektiboak izan behar dira: egoera fisiko edo geomorfologikora egokitu behar izatea egoera jakin batzuetan, zailtasun topografikoak edo funtzionalak, ingurune naturalaren gaineko eragina txikitu nahi izatea edo interes publikoko beste edozein. Egokitzapenek inola ere ezin dute ekarri hiri-antolamendurako plan nagusi honek eta hura garatzeko plangintzak eremu libretarako xedatzen dituzten sistemen azalera txikitzea.

2. Dagozkion eraikuntza-proiektuek bide-sarearen eta zerbitzutarako azpiegituren ibilbidea, diseinua eta sestrak egokitu ditzakete, hiri-antolamendurako plan nagusi honetako zehaztapenekin bat.

41. artikulua. LURZORU URBANIZAEZINEKO PLANGINTZA BEREZIA

1. Indarrean dagoen legediarekin eta plan nagusi honek xedatzen duenarekin bat, antolamendu- eta babes-plan bereziak presta daitezke, baita antolamenduaren helburuak lortzeko beharrezko irizten zaien beste mota batzuetako plan bereziak ere.

Zehazki, Udalak dagokion plangintza berezia prestatu behar izatea ezar dezake kasu hauetan: - Interes publikoko eraikuntzak eta instalazioak kokatu behar direnean landako ingurunean. - Bide-elementu eta zerbitzutarako azpiegitura berriak, urbanizazio-lanak eta abar egin behar direnean

eta horiek baimendutako erabileren osagarri ez direnean. - Neurria edota ezaugarriak direla medio ingurune naturalean, paisaian edo beste balio eta elementu

batzuetan eragin nabarmena izan dezaketen erabilerak ezartzen direnean.

Inguruko lurraldeetako plan berezietako antolamenduarekin koordinatu behar da plan berezietako antolamendua, baita haien ezaugarri funtzionalekin eta gainerako ezaugarriekin ere.

Betiere, ebaluazio-azterketa egin behar da nahitaez, indarrean dagoen legediak xedatzen duenarekin bat.

3. Besteak beste, bidezidorren plan berezi bat prestatu behar du Udalak, "eraztun berde bat", ibilbide luzeak eta GR-3 ibilbidea zehazteko, arautzeko eta babesteko.

2. Plan honek baimentzen dituen baina plangintza berezia prestatzera behartzen ez duten jarduketak zuzenean egin behar dira.

42. artikulua. PLANGINTZA XEHATUAREN EDUKI MATERIALA ETA DOKUMENTUAK

a. Plan bereziak eta zatiko planak

1. Plan bereziak eta zatiko planak prestatzerakoan, ziurtatu behar da dagokion eremuaren antolamendua behar bezala koordinatuta dagoela inguruko lurraldekoarekin, eta, horretarako, beharrezkoa bada, planek esparru handiagoan izan behar dute eragina hasiera batean aurrez ikusten denean baino. Proposatutako antolamendua aldatzen bada, inguruko eremuetan aldatzen diren urbanizazio-elementuak aldatzea ziurtatzeko beharrezko zehaztapenak hartu behar dituzte barnean planek, eta inguruko eremuetako urbanizazio-elementuak aldatzeko beharrezko espedienteak bideratu behar dira.

2. Indarrean dagoen hirigintza-legediak ezartzen dituen edukiez gain, hauek zehaztu behar dituzte plan bereziek eta zatiko planek:


110

Lur publikoen eta lur pribatuen urbanizazio berria eta xedatzen diren eraikuntza berriak proposatzen den antolamenduarekin bat zehazteko behar adinako kotak eta sestrak, arau orokor hauetako eta eraikuntzari eta urbanizazioari buruzko ordenantzetako irizpideekin bat. Proiektatzen diren eraikuntzak zehazki kokatzeko eta lerrokatzeko beharrezko koordenatuak. Jarduketen gutxi gorabeherako programazioa edo hura ezartzeko irizpideak. Etxebizitzetan bizi direnei eta proposatzen den antolamenduarekin bat ez datozen jarduerei beste ostatu bat emateko eta haiek lekualdatzeko irizpideak. Ondotik, antolamendua gauzatzeko fasean, irizpideok egokitu edota zehaztu egin daitezke . Esku hartzen duten eragileek, sustatzaileek, Udalak eta orubeen jabe izango direnek elkarrekin har ditzaketen konpromisoak (bereziki, eremuaren urbanizazioa mantentzeari buruzkoak). Betiere, arau orokor hauetako 5. artikuluak aipatzen dituen udal-ordenantzetako xedapenak bete behar ditu plan berezien eta zatiko planen edukiak. Nahi izanez gero, aipatutako baldintzak egokitu eta osa ditzakete udal-ordenantza horietako xedapenek.

3. Plan bereziek eta zatiko planek euren esparruko jarduketa integratuen eremuetako urbanizazio-jarduketen programak har ditzakete barnean, baita haien dokumentuak ere, nahiz eta urbanizazio-jarduketen programak bereiz bideratu.

b. Xehetasun-azterketak

1. Lurzoruari eta hirigintzari buruzko Legeko 73. artikuluko xedapenak bete behar dituzte xehetasun-azterketek eta, gainera, antolamendu xehatuaren zehaztasun-maila eskasa bada, lursail eraikigarri bakoitzari dagokion hirigintzarako eraikigarritasuna zehaztu behar dute, plangintzako gainerako xedapenei kalte egin gabe.

2. Xehetasun-azterketetako zehaztapenak zehazki finkatzeko, eraikuntzari eta urbanizazioari buruzko udal-ordenantzek xedatzen dutena bete behar da.


111

BOSGARREN KAPITULUA. ERAIKIGARRITASUNARI BURUZKO ARAUBIDE OROKORRA

43. artikulua. ERAIKIGARRITASUNAREN DEFINIZIOA ETA ARAUDI OROKORRA 1. Definizio eta zehaztapen orokorrak

a. Plan nagusi honek eta hura garatzeko plangintzak eraikigarritasun fisiko edo gordinari buruz eta hirigintzarako eraikigarritasunari buruz darabiltzaten definizioak Lurzoruari eta hirigintzari buruzko 2/2006 Legeko 35. artikulukoak dira.

b. Hirigintzarako eraikigarritasuna irabazi-asmoduna da, eta bizitegitarako, industriarako, biltegitarako eta hirugarren sektorerako lursailei eta erkidegoarentzako ekipamendu pribatutarako eta zerbitzutarako azpiegituretarako titulartasun pribatuko lursailei dagokie. Lurzoru urbanizaezinean baimentzen diren eraikuntzei dagokien hirigintzarako eraikigarritasuna halakotzat hartu behar da, alegia, hirigintzarako eraikigarritasuntzat. Zuzkidura publikorako edo erkidegoarentzako ekipamendutarako, eremu libretarako, komunikabide-sistematarako eta zerbitzutarako azpiegituretarako sistemetarako eremuek eta lursailek, berriz, ez dute irabazi-asmorik, ezta plangintzak berariaz erabilera publikoko izendatzen duen zuzkidura pribatuak ere, eta, hortaz, ez dagokie hirigintzarako inongo eraikigarritasunik.

c. Zuzenean ezarri behar da eraikigarritasuna, eremu finkatu bateko eraikigarritasun osoa kuantifikatuz edo, bestela, finkatu gabe edo garatzeko dauden eremuetako eraikigarritasuna kuantifikatuz, zifra absolutuen bidez (m2s-tan) edo zifra absolutuaren eta erreferentziazko eremuaren azaleraren arteko zatiduraren bidez (m2s/m2-tan). Zeharka ere ezar edo kuantifika daiteke eraikigarritasuna, eraikuntzaren formaren arabera, hiri-antolamendurako plan nagusi honek eta eraikuntzari eta urbanizazioari buruzko ordenantzek eraikigarritasuna kuantifikatzeko xedatzen dituzten irizpideekin bat betiere. Beharrezkoa edo komenigarria bada hirigintzaren antolamendua hobeto zehazteko, sestra gaineko eraikigarritasuna eta sestra azpikoa zehaztu eta bereizi behar dira, zuzenean edo zeharka. Eremu edo lursail bateko eraikigarritasuna ez bada ezartzen metodo homogeneo baten bitartez (adibidez, zuzenean eta zeharka ezartzen bada aldi berean), lehenik, arauzko eraikigarritasunak lehentasun handiagoa izan behar du gutxi gorabeherakoak baino. Bigarrenik, eraikigarritasunik murriztaileenari eman behar zaio lehentasuna.

d. Titulartasun publikoko zuzkidurarako sistemetarako eremuei edo lursailei dagokien eraikigarritasun fisiko edo gordina antolamendu xehatuak zehaztu behar du berez.

2. Eraikigarritasun fisikoa ezartzea

a. Eraikuntza berrietako hirigintzarako eraikigarritasunak Plan Nagusiko arau partikularrek eta haiek garatzeko plangintza xehatuak xedatzen dutenarekin bat etorri behar du, eta inola ere ezin du ekarri egiturazko antolamendua ezartzeko zehaztapenak aldatzea.

b. Artikulu honetako 3. paragrafoak aipatzen dituen kasuetan izan ezik, lehendik dauden eraikuntza finkatuetako eraikigarritasuna ere finkatutzat hartu behar da, betiere, eraikinak egiterakoan indarrean zegoen legedia bete bazuen eraikuntzak. Hirigintzarako eraikigarritasun horretaz gain, sestra azpiko eraikigarritasuna baimendu dezake Plan Nagusiko zehaztapenen araberako hirigintzaren antolamenduak.

c. Eremuetako eta lursailetako eraikigarritasun fisikoak izan behar du eraikin guztietako solairu guztietako estalpeko eremuetan eraikitako oinplanoko azalera guztien batura, itxiturak, eraikuntza-elementu beteak eta kontuan har daitezkeen gainerako elementuak barne, eraikuntzari eta urbanizazioari buruzko ordenantzekin bat. Eraikigarritasun hori neurtzeko, sabai-azalera eraikigarriko metro koadroa (m2s) hartu behar da unitatetzat. Eraikigarritasuna adierazteko, sabai-azalerako metro koadro eraikigarria (m2s) edo baimendutako sabai-azalera eraikigarri osoa erabili behar da, edo, bestela, sabai-azaleraren eta eremuaren azalera eraikigarri osoaren zifra absolutuaren eta erreferentziazko eremuaren azaleraren arteko zatidura (m2s/m2).


112

Eraikigarritasuna neurtzeko beste modu batzuk erabiltzeko, erabakia justifikatu behar da eta, betiere, erabiltzen diren parametroen eta epigrafe honek ezartzen dituenen arteko baliokidetasun zehatza adierazi behar da.

3. Lehendik dauden industrien azalera handitzea

. Hiri Antolamendurako Plan Nagusiak finkatutzat hartzen dituen industriarako eta biltegitarako biltegietan, egungo antolamendu eta forma orokorrari eutsi behar zaie, baita egungo eraikigarritasunari ere. Hala ere, Hiri Antolamendurako Plan Nagusia onartzen denerako dauden eta Planak ezartzen duen antolamenduarekin bateraezinak ez diren industrien eta biltegien azalera eraikia edo sabai-azalera dagozkion eremuan eta lursailean baimentzen den gehieneko eraikigarritasun osoaren % 10 ere handitu daiteke, arau partikularrekin eta udal-ordenantzetako zehaztapenekin bat betiere, salbu eta arau partikularrek hori egitea berariaz debekatzeko zehaztapenak edo aurrez plangintza xehatua onartu beharra ezartzen dutenean. Debekatuta dago dagozkion eremuan eta lursailean baimentzen den gehieneko eraikigarritasun osoaren % 10 baino gehiago hartzen duten industrien eta instalazioen azalera handitzea. Betiere, eraikigarritasunaren hazkunde baimenduaren araberakoa izan behar du dagokion lursaileko lurzoruaren behin betiko sailkapenak, eta hazkunde hori kontuan hartu behar da plangintza indarrean dagoen legediarekin bat gauzatzeko helburuetarako, bereziki, nahitaezko lagapenei dagokienez eta, Lurzoruari eta hirigintzari buruzko 2/2006 Legeko 137. artikuluak xedatzen duenarekin bat, eremuak zuzkidura-jarduketen eremutzat hartzeari dagokionez.

4. Sestra azpiko eraikigarritasuna

a. Sestra azpiko eraikigarritasuna da hiri-antolamendurako plan nagusi honetako hirigintza-eremuetako arau partikularrek xedatzen dutena, epigrafe honek aipatzen dituen kasuetan izan ezik.

b. Oro har, hiri-lurzoruko eremu finkatuetan, hiri-antolamendurako plan nagusi hau onartzen denerako sestra azpian legez baimentzen diren eraikuntzak eta eraikigarritasuna ere finkatutzat hartu behar dira, kasu honetan izan ezik: tokian edo oro har segurtasun- eta osasungarritasun-eskakizunak edo beste eskakizun funtzional batzuk (ibilerraztasun- eta mugikortasun-eskakizunak) sortzen direla-eta, horiek antolamenduz kanpoko izendatu behar direnean, dagokion hirigintza-espedientearen bidez. Alde zaharreko eraikinetan eta kultur ondarea babesteko araudiaren barruko espedienteen pean dauden multzo eta lursailetako eraikinetan, eraikuntzak, eremuak, elementuak eta gainerako balioak mantentzearekin eta babestearekin bateragarri den eraikigarritasuna bakarrik baimendu daiteke sestra azpian eta, betiere, dagokion plangintza bereziak xedatzen duena bete behar da.

c. Xehatuki garapen-plangintzaren bidez antolatu behar diren eremuetan, sestra azpiko eraikigarritasuna bi (2) solairukoa izan daiteke gehienez ere, edo hirigintzarako xedatzen den eraikigarritasun osoaren % 40koa. Aurreko paragrafoak ezartzen dituen parametroak gehienekotzat hartu behar dira betiere, eta, sestra azpiko hirigintzarako eraikigarritasuna erabiltzeko, eraikuntza egiteak bideragarria izan behar du alde teknikotik, lurzoruaren eta zorupearen izaera, ibilerraztasuna eta beste gai batzuk kontuan izanik. Hain zuzen ere, eraikuntza bideragarria izatearen araberakoak dira hasiera batean xedatzen den antolamenduaren emaitzak, baita ondarearen balioespena eta hirigintzarako eskubide partikularrak eta publikoak ere. Hori dela eta, zehazten den eraikigarritasuna justifikatzeko azterketak egin behar dira, plangintza xehatuaren edo plangintza gauzatzeko programen eta proiektuen osagarri, haiekin batera. Gainera, urbanizazio-proiektuak azterketa geotekniko bat hartu behar du barnean, behin betiko eraikigarritasuna eta berdinbanaketarako gainerako baldintzak zehazteko.

d. Lur eta eremu publikoetan, sestra azpiko eraikigarritasuna bi (2) solairukoa da, baina hiru (3) solairukoa ere izan daiteke behar bezala justifikatzen diren kasuetan.

5. Eraikigarritasuna arautzeko xedapenen maila eta izaera alde juridikotik eta hirigintzaren aldetik

- Artikulu honen aurreko ataletan eraikigarritasuna arautzeko azaldutako irizpide orokorrak egiturazko antolamenduaren mailakoak dira.

- Hirigintzarako eraikigarritasuna arautzeko xedapenak eta zuzkidura publikorako eremuetako eta lursailetako eraikigarritasun fisikoa arautzekoak antolamendu xehatuaren mailakoak dira.


113


114

HIRUGARREN TITULUA PLANGINTZA GAUZATZEKO ARAUBIDE OROKORRA

1. KAPITULUA HIRIGINTZAREN ANTOLAMENDUA GAUZATZEA

44. artikulua. ZEHAZTAPEN OROKORRAK 1. Lurzoruaren jabetzaren eskubideen eta betebeharren eta plangintzaren arteko lotura

Plangintza gauzatzeko helburuetarako, hirigintza-arau orokor hauek eta hiri-antolamendurako plan nagusi honetako gainerako zehaztapenek lurzoruaren sailkapenari eta kalifikazioari buruz ezartzen dituzten araubideek zehazten eta mugatzen dituzte lurzoruaren jabetzaren ondoriozko hirigintzarako eskubideak eta betebeharrak, Lurzoruari eta hirigintzari buruzko 2/2006 Legeko 18. artikuluak xedatzen duenarekin bat.

2. Beste ostatu bat ematea Legez instalatutako biztanleek edota martxan dauden jarduera ekonomikoek funtsetatik irten behar

badute hirigintzaren antolamendua gauzatzeagatik, higiezinak antolamenduarekin bateraezinak direlako, haiei beste ostatu bat emateari buruz indarrean dagoen legedia bete behar da, eta, bereziki, Lurzoruari eta hirigintzari buruzko 2/2006 Legeko bigarren xedapen gehigarria.

45. artikulua. HIRI-LURZORUKO HIRIGINTZAREN ANTOLAMENDUA GAUZATZEA 1. Hirigintzaren antolamendua gauzatzeko jarduketa motak

Hiri-antolamendurako plan nagusi honek antolatzen duen hiri-lurzoruan, indarrean dagoen legediak arautzen dituen lau jarduketa motetako bat erabiliz gauzatu behar da Planak berak xedatzen duen hirigintzaren antolamendua, kasuan-kasuan:

- Jarduketa bakartuak. - Zuzkidura-jarduketak. - Jarduketa integratuak. - Sistema orokorren eta tokiko sistemen sareen barruko zuzkidura publikoak gauzatzeko jarduketak.

2. Jarduketa bakartuak

Orubeetan egin behar dira jarduketa bakartuak, haien legezko definizioa kontuan izanik. Era berean, eraiki daitezkeen lursailetan ere egin daitezke, baldin eta lursailek baldintza bakarra bete behar badute orube bihurtzeko: eraikuntza-lanak egin aurretik edo haiekin batera, indarrean dagoen legediak ezartzen dituen urbanizazio-lan osagarriak egitea. Eraikuntzak egiteko, beharrezkoa da jabeek legezko baldintza hauek guztiak betetzea, eraikuntza-lanak egin aurretik edo haiekin batera: berdinbanaketari buruzkoak, Udalari zuzkidura publikotarako lurrak lagatzeari buruzkoak eta urbanizazioari buruzkoak. Jabeek dagokion eraikuntza-proiektua bideratu eta dagokion nahitaezko udal-lizentzia eskuratu aurretik edo horrekin batera laga behar dizkiote zuzkidura publikotarako lurrak Udalari, kasuan-kasuan egin behar den birpartzelazio-proiektuari jarraituz edo legediarekin bat egoki irizten zaion beste edozein metodoren bidez. Udalari zuzkidura publikotarako lurrak lagatzeko betebeharra betetzen dela jotzeko, Jabetzaren Erregistroan erregistratu behar da lagapena. Urbanizazioari buruzko betebeharrak betetzen direla jotzeko, berriz, Udalak urbanizazioa onartu behar du, edo, bestela, dagozkion urbanizazio-kostuak ordaindu behar ditu jabeak. Gainera, dagozkion urbanizazio-lan osagarriak egin behar ditu.


115

3. Zuzkidura-jarduketak

Zuzkidura-jarduketak eraikigarritasun haztatua handitzekoa delako finkatu gabeko hiri-lurzoruko lurretan eta lursailetan egin behar dira, dela Hiri Antolamendurako Plan Nagusia gauzatzeko, dela hura garatzeko plangintza gauzatzeko, dela xedatzen den antolamendua gauzatzeko. Eraikuntzak egiteko, jabeek eraikigarritasun haztatua handitzeagatiko legezko betebehar guztiak bete behar dituzte aurrez edo aldi berean. Dagokionean, hirigintzaren antolamendua gauzatzeko eremua mugatu eta, ondoren, birpartzelazio-proiektu bat prestatu behar da. Dagokion eraikuntza-proiektua bideratu aurretik onartu behar da birpartzelazio-proiektua, baita urbanizazio-proiektua ere.

4. Jarduketa integratuak

Hiri-antolamendurako plan honek edo hura garatzeko plangintza xehatuak jarduketa integratuak egiteko mugatzen dituzten hirigintza-eremuetan egin behar dira horrelako jarduketak. Urbanizazio-jarduketen programa bat prestatu behar da jarduketa integratuen eremu bakoitzean. Haren bidez, nahi izanez gero, hirigintzaren plangintzak eremuari ezartzen dizkion mugak egokitu daitezke, erabakia behar bezala justifikatuta betiere. Urbanizazio-jarduketen programek hirigintzaren antolamendua gauzatzeko unitateak mugatu behar dituzte, adierazi behar dute zein den haien barneko lurzorua eta finkatu behar dute zein den eremu bakoitzean esku hartzeko sistema. Gainera, nahi izanez gero, plangintzak gai horiei buruz ezartzen dituen zehaztapenak egokitu ditzakete. Beharrezkoa bada hirigintza-eremuei hasiera batean haietatik kanpo dauden lurrak atxikitzea zuzkidurari buruzko estandarrak (are landaretza aldatzeari buruzkoak) betetzeko edo beste arrazoi sendo batzuk direla medio, garapen-plangintzak edo urbanizazio-jarduketen programak ezar dezakete lurrak atxikitze hori.

5. Sistema orokorren eta tokiko sistemen sareen barruko zuzkidura publikoak gauzatzeko

jarduketak

Lurzoruari eta hirigintzari buruzko 2/2006 Legeko 186. artikuluak xedatzen duenarekin bat, sistema orokorren eta tokiko sistemen sareen barruko zuzkidura publikorako lurzorua eta eskubideak hirigintza antolatzeko edo hirigintzaren antolamendua gauzatzeko unitateen kontura eskuratu behar dira baldin eta jarduketa integratuen barruan edo haiei atxikita badaude, eta, ez badaude, berriz, desjabetu egin behar dira. Desjabetu egiten badira, lurrak balioztatzeko helburuetarako, hirigintzarako eraikigarritasuna ezar dezake hirigintzaren antolamenduak, ohiko erabilera batean oinarrituz. Sistema orokorren eta tokiko sistemen sareen barruko zuzkidura publikorako lurrak jarduketa integratuen barruan edo haiei atxikita badaude, aldez aurretik eskura daitezke, desjabetze bidez, eta administrazioak jabea ordezka dezake eskubideei eta betebeharrei dagokienez. Era berean, lurrak aldez aurretik eskuratzeko, administrazioak zuzenean okupa ditzake. Horretarako, hirigintzaren antolamendua gauzatzeko unitatea garatzearen kontura, okupatzen dituen lurrei dagokien hirigintzarako eraikigarritasunerako eskubidea aitortu behar die lurren titularrari, aldez aurretik hitzarmenik egin behar izan gabe.

46. artikulua. LURZORU URBANIZAGARRIKO HIRIGINTZAREN ANTOLAMENDUA GAUZATZEA

a. Lurzoru urbanizagarri sektorizatuko lurretako hirigintzaren antolamendua gauzatzeko, plan honen barruan dagozkion arau partikularrek eta haiek garatzeko plangintzak xedatzen dutena bete behar da, eta antolamendu xehatuaren mailako jarduketa integratuen eremu bat edo zenbait mugatu.

Eremu horien barruan, haiei atxiki behar zaizkien lurrak sartu behar dira eta, gainera, dagokion urbanizazio-jarduketen programa prestatu behar da eremu bakoitzean. Nahi izanez gero, erabakia behar bezala justifikatuta, hirigintzaren plangintzak ezartzen duen jarduketa-eremuaren mugak egokitu ditzake urbanizazio-jarduketen programak.

Urbanizazio-jarduketen programek hirigintzaren antolamendua gauzatzeko unitateak mugatu behar dituzte, adierazi behar dute zein den haien barneko lurzorua eta finkatu behar dute zein den eremu bakoitzean esku


116

hartzeko sistema. Gainera, nahi izanez gero, plangintzak gai horiei buruz ezartzen dituen zehaztapenak egokitu ditzakete. b. Lurzoru urbanizagarri sektorizatugabeko lurrak antolatzeko, lurzoru urbanizagarri sektorizatu bihurtu behar dira aurrez eta, horretarako, dagokion sektorizazio-plana prestatu behar da, Lurzoruari eta hirigintzari buruzko 2/2006 Legeko 64. artikuluak xedatzen duenari jarraituz. Lege bereko 65. eta 66. artikuluek aipatzen dituzten edukiak eta dokumentuak hartu behar dituzte barruan sektorizazio-planek. Sektorizazio-planek azpiegiturekiko eta lehendik dauden edo sortzekoak diren sistema orokorren sareekiko loturak xedatu behar dituzte hirigintza antolatzeko zehaztapenen artean.

47. artikulua. LURZORU URBANIZAEZINEKO HIRIGINTZAREN ANTOLAMENDUA GAUZATZEA

1. Esku hartzeko zehaztapen orokorrak

Kalifikazio orokorraren eta kalifikazio partikularraren araubidetik eta artikulu honek xedatzen duen araubidetik ondorioztatzen dira lurzoru urbanizaezina erabiltzeko sustatzen, baimentzen, onartzen edo debekatzen diren jarduketak.

Oro har, administrazioak desjabetze bidez eskuratu behar ditu lurzoru urbanizaezinean dauden zuzkidura publikoa, komunikazio- eta ekipamendu-sistemak, eremu libreak eta zerbitzutarako azpiegiturak, indarrean dagoen legediak aipatzen dituen kasuetan eta egoeretan izan ezik.

Indarrean dagoen legediak baimentzen dituen eraikuntzak zuzenean gauzatu behar dira, baimena lortzeko prozedurari jarraitzeari kalte egin gabe, eta, betiere, kasuan-kasuan ekarri beharreko gutxieneko lursaila ekarri behar da, eta eraikuntzak hari atxiki.

2. Lursail hartzaileak eta lursail osagarriak

a. Lurzorua erabiltzeko eta eraikitzeko jarduketak ezartzeko, euren izaeraren araberako gutxieneko lursailak izan behar dituzte atxikita. Kasuan-kasuan zehazten den azalera izan behar dute gutxieneko lursailek.

Jarduketa bakoitzerako eremua lursail bakarrean edo zenbait lursailetan banatuta egon daiteke. Eraikuntzak egiteko helburuetarako, lursail hartzaileak dira eraikuntzei eusten dietenak; lursail osagarriak, berriz, kasuan-kasuan izan beharreko gutxieneko lursailaren azalera osatzeko beharrezkoak.

Erabilera bakoitzari buruzko araudi espezifikoak ezartzen dituzten eskakizunak eta baldintzak bete behar dituzte lursail hartzaileek.

Lursail osagarriek baldintza hauek bete behar dituzte lursail osagarri izateko:

- Lurzoru mota bakoitzari buruzko araudi espezifikoak ezartzen duen gutxieneko azalera izan behar dute eta, gutxieneko azalerarik ezartzen ez bada, 0,25 ha edo 2.500 m2 neurtu behar dute gutxienez.

- Barruan 30 m-ko diametroa duen zirkulu bat inskribatzeko moduko azalera izan behar dute.

- Lursail hartzaileen jabeenak izan behar dute. Bestalde, lizentzia eskuratzeko, eraikigarriak ez direla erregistratu behar da Jabetzaren Erregistroan, eta lursail hartzailean baimentzen den eraikuntzari edo jarduerari atxikita daudela betiko. Eraikuntza berriaren adierazpenarekin batera, lursail hartzaileen eta lursail osagarrien planoak ere gorde behar dira.

Legedi zibila eta nekazaritza- eta hirigintza-legedia bete behar dituzte lursailekin egin daitezkeen eragiketa juridiko guztiek, eta, betiere, lursail osagarriak eraikiezinak direla eta lursail hartzaileetako eraikuntzari eusten diotela adierazi behar dute eskualdatze-tituluek, indarrean dagoen legediak xedatzen duenari jarraituz.

Araudi hau indarrean sartzen denean lurzoru urbanizaezinean baimentzen diren erabilerekin bat datozen eraikinak, eraikuntzak edo instalazioak dituzten lursailak lursail hartzailetzat hartu behar dira, diren neurrikoak direla ere.

Lursailen bat ez bada kasuan kasuko erabilera mota ezartzeko adinakoa aurreko paragrafoarekin bat, zatiezintzat hartu behar da, eta dagokion eraikuntzari edo instalazioari atxiki behar zaio betiko. Kasu


117

horretan, araudi hau indarrean dagoen bitartean, dagozkion eraikin edo instalazio baimenduak ez dira hartu behar antolamenduz kanpokotzat.

b. Salbuespen gisa, kultur ondare higiezinaren barneko ondasunak dituzten lurretan, lursail hartzaileen eta lursail osagarrien gutxieneko azalerari buruzko baldintzak ondarea babesteko moduan egokitu behar dira, ondarea babesteko baino ez, Kultur Ondare Higiezinaren Katalogoak xedatzen duenarekin bat.

3. Hirigintzarako partzelazioak

Lurzoru urbanizaezinean, debekatuta dago hirigintzarako partzelaziorik egitea. Alde horretatik, lurzoru urbanizaezineko partzelazioa da lursail bat lote batean edo gehiagotan zatitzea eta zati horien ezaugarri, neurri, kokaleku eta antolamendu orokorrak biztanleria-gune bat osatzeko moduko eraikinak egiteko aproposak izatea.

Era berean, debekatuta dago lurzorua erabiltzeko eta eraikitzeko edozein jarduketa, baldin eta hiria eraldatzeko prozesuaren barnean egon behar badu.

Landako guneetako lurzoruan, landako partzelazioen araubidea bete behar dute partzelazioek.

Gutxieneko lursailaren eta lursail zatiezinaren definizioak lurzoru urbanizaezina eraikitzeari eta urbanizatzeari buruzko ordenantzetan ageri dira, eta katastroan nekazaritza- eta abeltzaintza-arloan egiten diren aldaketa guztiek eta landako guneak garatzeko egiten direnek haiekin bat etorri behar dute.

Jatorrizko lursailen zatiketak eta banaketak inola ere ezin du ekarri sektorean aplikatu beharreko legediak gutxienekotzat xedatzen duena baino unitate txikiagorik sortzea, eta, bereziki, hau hartu behar da kontuan: legediak nekazaritzako ustiategien gutxieneko laborantza-unitateei buruz xedatzen duena. Gainera, sortzen diren funtsak inola ere izan dira izan 10.000 m2 baino txikiagoak.

Desjabetzeen ondoriozko zatiketak eta banaketak alde batera utzita, oro har, dagokion udal-lizentzia lortu behar da aurrez lurzoru urbanizaezineko funtsak zatitzeko edo banatzeko.

Eremu bat partzelatzeko, ezinbestekoa da aurrez udal-lizentzia eskuratzea, lurrak zatitzeko eskritura notariotzan formalizatzeko edo Jabetzaren Erregistroan erregistratzeko.


118

2. KAPITULUA URBANIZAZIO-LANAK EGITEARI BURUZKO XEDAPEN OROKORRAK

48. artikulua. URBANIZAZIO-LANAK EGITEKO PROIEKTUAK 1. Urbanizazio-lan hauek Lurzoruari eta hirigintzari buruzko 2/2006 Legeko 194. artikuluak arautzen dituen urbanizazio-proiektuen bidez egin behar dira:

- Jarduketa integratuen eremuetakoak eta plan honek, hura garatzeko plangintzak edo indarrean dagoen legediak xedatzen duen edozein mekanismok hirigintzaren antolamendua gauzatzeko mugatzen dituzten unitateetakoak.

- Urbanizazio-lanak egiteko dauden zuzkidura-jarduketen eremuetakoak, baldin eta lanen izaria dela-eta halako zehaztasun teknikoa behar bada Legearekin bat.

- Herri-lanen, sistema orokorren eta tokiko sistemen barrukoak, baldin eta lanen izaria dela-eta halako zehaztasun teknikoa behar bada.

2. Urbanizazio-lan hauek Lurzoruari eta hirigintzari buruzko 2/2006 Legeko 195.1. artikuluak urbanizazio-lan osagarriak egiteko arautzen dituen proiektuen bidez egin behar dira:

- Jarduketa bakartuen eremuetakoak eta, hala badagokio, urbanizazio-lanak egiteko dauden zuzkidura-jarduketen eremuetakoak, 2/2006 Legeko 195.1. artikuluak ezartzen dituen baldintzetan.

- Herri-lanen, sistema orokorren eta tokiko sistemen barrukoak, baldin eta lanen izaria dela-eta halako zehaztasun teknikoa behar bada.

3. Urbanizazio-lan hauek Lurzoruari eta hirigintzari buruzko 2/2006 Legeko 195.2. artikuluak herri-lan arruntak edo zuzkidura publikorako lanak egiteko arautzen dituen proiektuen bidez egin behar dira, eta, lanen izaeraren arabera, sektoreko izaera bereko lan-proiektuen bidez:

- Herri-lanen, sistema orokorren eta tokiko sistemen barrukoak.

- Bere espezifikotasunarekin bat, behar bezala justifikatuta dagoen beste edozein urbanizazio-lan, nahiz eta jarduketa integratuen eremu edo hirigintzaren antolamendua gauzatzeko unitate batekoa izan, betiere, nahitaezko urbanizazio-proiektuetatik euretatik bereizten bada.

49. artikulua. URBANIZAZIO-PROIEKTUAK GAUZATZEKO BALDINTZAK 1. Eremuen antolamendua egokitzea, urbanizazioa gauzatzeko a. Eremu libretarako, komunikaziotarako eta zerbitzutarako azpiegituretarako zuzkiduraren perimetroak

eta are hirigintzaren antolamenduak ezartzen dituen diseinuak eta sestrak egokitu egin daitezke arrazoizkoa izanez gero, zehaztasun topografiekoetara, eskalara edo hirigintzaren egoerara hobeto egokitzeko.

Hiri-lurzoruan eta lurzoru urbanizagarrian, ordea, hauek ezin dira egokitu:

- Lursail eraikigarrien banaketa xehatua zonatan.

- Aplikatu beharreko estandarrak betetzeko helburuetarako kontuan hartu behar diren eremu libreen banaketa xehatua zonatan.

Aipatutako egokitzapenek ezin dute ekarri plangintzak xedatzen ez dituen bide-elementuak sortzea ez xedatzen dituenak kentzea.

b. Komunikabideen sistemetako zerrenden barruan, oinezkoak eta txirrindulariak ibiltzeko eremu

espezifikoak, lorategi bihurtzen diren zerrendak eta abar zehaztu eta diseina ditzakete urbanizazio-lanak egiteko proiektuek, baina ezin dute aldarazi hirigintzaren antolamendua.


119

c. Ildo berean, plangintzak zehazten dituen zerbitzutarako azpiegitura-sareen diseinua eta ezaugarriak gutxi gorabeherakoak dira, eta, horregatik, urbanizazio-lanak egiteko proiektuen bidez zehaztu behar dira behin betiko.

2. Urbanizazio-proiektuen eta -lanen baldintza teknikoak

a. Urbanizazio-lanak egiteko proiektuen edukiak indarrean dauden legezko xedapenen eskakizun teknikoak bete behar ditu, baita arau hauenak eta eraikuntzari eta urbanizazioari buruzko udal-ordenantzenak ere.

Bereziki, ibilerraztasun-baldintzak eta oztopo arkitektonikoak eta hirigintzaren oztopoak kentzeari buruzko legezko gainerako eskakizunak bete behar ditu.

b. Lanak egiteko moduak ere eskakizun berak bete behar ditu. Hala ere, araudi hori nahikoa ez bada, Udaleko zerbitzu teknikoek baldintza espezifikoak ezar ditzakete lanak egin aurretik, udal-lanak egiteko arrazoizko eta ohikoak direnen artean. Gainera, eraikitzaileek horrelako argibideak eska ditzakete.

Betiere, azterketa geotekniko bat eska dezake Udalak.

c. Ahal dela, urbanizazio-lanak egiteko proiektuetako sestrek eta kotek plangintzako antolamendukoekin bat etorri behar dute, baina aldatu egin ditzakete, arrazoizkoa bada.

Berezko orografia aldatu behar bada, ahal bezain gutxien aldatu behar da, ordenantzekin bat. Kasu horretan, proiektuek inguruko lursail pribatuak ere har ditzakete.


120

3. KAPITULUA ERAIKUNTZA-LANAK EGITEARI BURUZKO XEDAPEN OROKORRAK

50. artikulua. ERAIKIGARRITASUNA FINKATZEKO IRIZPIDE OROKORRAK 1. Eraikuntzak egin behar badira plangintza gauzatzeko, eraikigarritasuna (dela eraikigarritasun fisikoa,

dela hirigintzarako eraikigarritasuna, dela eraikigarritasun haztatua) egokitu edo esleitu behar zaio lurzoruari, Lurzoruari eta hirigintzari buruzko 2/2006 Legeko 35. artikuluak ezartzen dituen definizioekin bat.

2. Hiri-antolamendurako plan nagusi honetako arau partikularren arabera, hirigintzarako eraikigarritasuna

plan nagusiko zehaztapena da, egiturazko antolamenduaren mailakoa.

Eraikigarritasun haztatua, berriz, hirigintzaren plangintzako zehaztapena da, antolamendu xehatuaren mailakoa, eta eremu bakoitzeko erabilerak haztatzeko dagozkion koefizienteak hartzen ditu barnean. Erabilerak haztatzeko koefizienteak eguneratu egin daitezke haiek garatzeko tresnak gauzatzeko prozesuan.

Jarduketa-eremu bateko edo hirigintzaren antolamendua gauzatzeko eremu bateko batez besteko eraikigarritasuna, azkenik, hau da: kasuan-kasuan xedatzen den eraikigarritasun haztatu osoa zati eremuaren barnean hirigintzaren antolamendua gauzatzeko helburuetarako kontuan hartu behar diren lur atxikien azalera osoa egitetik ateratzen dena.

3. Kasuan-kasuan, honela ezarri behar dira eraikigarritasun haztatua eta batez besteko eraikigarritasuna:

- Jarduketa integratuen eremuetan, urbanizazio-jarduketen programaren edo berdinbanaketa-proiektuaren bitartez.

- Zuzkidura-jarduketen eremuetan, berdinbanaketa-proiektuaren bitartez, hura nahitaez egin behar bada, edo, egin behar ez bada, eraikuntza-proiektua bideratzeko prozesuan.

51. artikulua. HIRI-LURZORUKO ERAIKUNTZA-LANAK EGITEA 1. Eraikuntza-lanak hiri-lurzoruko lursailetan egiteko eta, hartara, hiri-antolamendurako plan nagusi hau garatzeko, alor honetan indarrean dauden legezko xedapenez eta plangintzak ezartzen duen antolamenduaz gain, baldintza hauek bete behar dira, hertsiki bete ere:

a. Plangintza eta antolamendu xehatua onartzea aurrez

- Onartzeko dauden antolamendu-plan edo xehetasun-azterketa baten bidez garatu behar diren eremuetan, ezin da eskuratu eraikuntza berriak egiteko lizentziarik tresna horiek onartu bitartean.

Horrelako eremuetan lehendik dauden eraikuntzak erabiltzeko jarduketak eta horiek segurtasun, osasungarritasun eta apaintasun publikoko baldintzetan mantentzeko beharrezko lanak egin daitezke, baita eraikuntzak aldi baterako erabili ere. Betiere, antolamenduarekin eta indarrean dagoen araudiarekin bat etorri behar dute jarduketa eta erabilera horiek guztiek.

- Antolamendu xehatua duten lursailetan (lerrokadurak, sakonera eraikigarria, garaiera eta sestrak finkatuta dituztenetan) eraikuntza-lanak egiteko lizentzia eskuratzeko, ezinbestekoa da lursailak orube bihurtzea. Horretarako, gutxieneko urbanizazioa izan behar dute lursailek, eta legediak xedatzen dituen gainerako baldintzak bete behar dituzte.

b. Lursailak urbanizatzeko eta berdinbanatzeko betebeharrak betetzea

Eraikuntza-lanak egiteko lizentzia eskuratzeko, zenbait baldintza bete behar dira:

- Urbanizazio-jarduketen programa behin betiko onartzea. - Hirigintzaren antolamendua gauzatzeko unitatearen etekinak eta kostuak banatzeko proiektua behin

betiko onartzea.


121

- Eraikuntzak egin aurretik edo aldi berean, beharrezko urbanizazio-lanak egitea, urbanizazio-lanak egiteko onartutako proiektu batean oinarrituz. Alde horretatik, lursaila urbanizatzea ziurtatzeko bermeak eska ditzake Udalak.

- Plangintzaren arabera lehendik dagoen eraikigarritasun haztatua handitzea dakarten eraikuntzak egiteko lizentzia eskuratzeko, berdinbanaketa-proiektua onartu izana eta, eraikuntzak egin aurretik edo aldi berean, beharrezko urbanizazio-lan osagarriak egitea, urbanizazio-lan osagarriak egiteko onartutako proiektu batean oinarrituz.

- Urbanizazio- eta eraikuntza-lanak aldi berean egiteko baimena emanez gero, lursaila urbanizatzea ziurtatzeko bermeak eska ditzake Udalak.

c. Eraikuntza-lanak egiteko epeak betetzea

Oro har, arau partikularrek aipatzen dituzten kasuetan izan ezik, epe hauek igaro behar dira eraikuntza berriak egiteko lanak eta, hala badagokio, urbanizazio-lan osagarriak hasteko eta egiteko lizentzia eskatzeko:

- Jarduketa integratuen eremuen edo hirigintzaren antolamendua gauzatzeko unitateen barruan ez dauden lursail eraikigarrietan, berdinbanaketa-proiektua onartu eta bi urte.

- Jarduketa integratuen eremuen barruan ez dauden unitateen barruko lursail eraikigarrietan, antolamendu xehatua onartu eta bi urte.

- Jarduketa integratuen eremuen barruko unitateen barruko lursail eraikigarrietan, urbanizazio-jarduketen programak zehazten duena.

- Dagokion lizentziak ezarri behar ditu lanak eteteko eta amaitzeko gehieneko epeak. - Era berean, lizentzia eskatzeko eta eraikuntza-lanak hasteko epeak ezarri behar ditu gutxienez

garapen-plangintzak.

d. Hiri-lurzoruko eremuetako plangintza berezia onartzea

- Dagokion plan berezia onartzen ez den bitartean, hiri-lurzoruko eremuetan bere garaian indarrean zegoen hirigintzaren antolamenduarekin bat egindako eraikuntzak lehendik dauden eraikuntzatzat hartu behar dira, Lurzoruari eta hirigintzari buruzko 2/2006 Legeko 101.3.c. artikuluko definizioarekin bat. Eraikuntza horietan ezin da haiek ordezkatzeko, goratzeko edo handitzeko eta haien hirigintzarako ustiapena handitzeko lanik egin, baina haiek mantentzeko eta kontserbatzeko eta erabilera eta jarduera baimenduak ezartzeko beharrezko lanak egin daitezke, baita Lurzoruari eta hirigintzari buruzko Legeak zehazten dituen aldi baterako erabilerak ezarri ere, Legeak berak xedatzen dituen baldintzetan.

2. Sistema orokorren barruko zuzkidura publikorako eraikuntzak eta eremuak egiteko lanak hiri-antolamendurako plan nagusi honetako zehaztapenetara eta hura garatzeko plangintzara egokitu behar dira proiektuei eta epeei buruzko eskakizunei dagokienez, salbu eta interes orokorreko arrazoiren bat dagoenean hori ez egiteko. Gainera, indarrean dagoen legediko xedapenak bete behar dituzte.

52. artikulua. LURZORU URBANIZAGARRIKO ERAIKUNTZA-LANAK EGITEA 1. Jarduketa integratuen eremuetako plangintza xehatuak edo urbanizazio-jarduketen programak ezarri behar dituzte lurzoru urbanizagarrian eraikuntza-lanak egiteko lizentzia eskatzeko eta lanak hasteko eta amaitzeko epeak. 2. Dagokion garapen-plana onartzen ez den bitartean, hiri-lurzoruko eremuetan bere garaian indarrean zegoen hirigintzaren antolamenduarekin bat egindako eraikuntzak ez dira hartu behar antolamenduz kanpokotzat, Lurzoruari eta hirigintzari buruzko 2/2006 Legeko 101.3.c. artikuluko definizioarekin bat. Eraikuntza horietan ezin da haiek ordezkatzeko, goratzeko edo handitzeko eta haien hirigintzarako ustiapena handitzeko lanik egin, baina haiek mantentzeko eta kontserbatzeko eta erabilera eta jarduera baimenduak ezartzeko beharrezko lanak egin daitezke, baita Lurzoruari eta hirigintzari buruzko Legeak zehazten dituen aldi baterako erabilerak ezarri ere, Legeak berak xedatzen dituen baldintzetan.


122

3. Sistema orokorren barruko zuzkidura publikorako eraikuntzak eta eremuak egiteko lanak hiri-antolamendurako plan nagusi honetako zehaztapenetara eta hura garatzeko plangintzara egokitu behar dira. Gainera, indarrean dagoen legediko xedapenak bete behar dituzte.

53. artikulua. LURZORU URBANIZAEZINEKO ERAIKUNTZA-LANAK EGITEA ETA JARDUERETAN ARITZEA

1. Legedira eta araudira egokitzea

Lurzoru urbanizaezinean eraikuntza-lanak egiteko eta jardueretan aritzeko modua hiri-antolamendurako plan nagusi honek eta hura garatzeko plangintzak xedatzen dutenera egokitu behar dira, baita lurraldeko eta sektoreko plangintzako eta indarrean dagoen legediko nahitaezko gainerako xedapenetara ere. Artikulu honetako zehaztapenak orokorrak dira, eta hiri-antolamendurako plan nagusi honetako arau orokorrek eta eraikuntzari eta urbanizazioari buruzko udal-ordenantzek gaiari buruz ezartzen dituzten gainerako xedapenek osatzen dituzte.

2. Nekazaritzako ustiapen ez-profesionalizatuan aritzea

Horrelako erabilerak ezartzeko eta haietan aritzeko, nahikoa da udal-lizentzia eskuratzea zuzenean, kasu honetan izan ezik: hiri-antolamendurako plan nagusi honek araudi orokorraren edo araudi espezifikoaren mendean jartzen dituen eraikuntza-lanak egitea dakartenean erabilerek. Betiere, erabilerak ezartzeko eta haietan aritzeko baldintzak zehaztu behar ditu lizentziak.

3. Lehendik dauden eraikuntzak

Eraikuntza-lanak egiteko araubidea aplikatzeko helburuetarako, lehendik dauden eraikuntzatzat hartu behar dira zegokion udal-lizentzia lortu ondoren bere garaian indarrean zegoen hirigintza-araubideko irizpideekin bat egindako eraikuntzak, baldin eta erortzear edo erorita ez badaude eta antolamenduz kanpoko izendatu ez badira. Bere garaian indarrean zegoen araudiarekin eta udal-lizentziarekin bat egindako eraikuntza nagusiak (tartean, haien ezaugarri guztiak, eta are lursailekiko lotura) finkatutzat hartu behar dira, baldin eta txabolak, teilapeak edo ingurua itsusten duten beste elementu batzuk ez badira, hiri-antolamendurako plan nagusi honek eta hura garatzeko plangintzak gaiari buruz xedatzen dutena kontuan izanik. Lurzoruari eta hirigintzari buruzko 2/2006 Legeko 30. artikuluak arautzen ditu lehendik dauden eraikuntzetan egiten diren lanak, baita arau orokor hauek eta Elorrioko lurzoru urbanizaezinean aplikatu beharreko ordenantzek ere.

4. Hiri-antolamendurako plan nagusi hau onartu aurretik dauden eraikuntzetako erabilerak

Bere garaian indarrean zegoen araudiarekin eta udal-lizentziarekin bat egindako eraikuntza nagusietako erabilera nagusiak (tartean, haien ezaugarri guztiak, eta are lursailekiko lotura) finkatutzat hartu behar dira, salbu eta txabolatarako eta teilapetarako erabilerak eta ingurua itsusten duten beste elementu batzuetakoak, hiri-antolamendurako plan nagusi honek eta hura garatzeko plangintzak gaiari buruz xedatzen dutena kontuan izanik. Landako guneak antolatzeko plan berezia onartu bitartean, finkatutzat hartu behar dira Hiri Antolamendurako Plan Nagusiko araudi orokorrarekin bateragarriak diren erabilerak, baita lehendik dauden etxebizitzen kopurua ere, aurreko paragrafoak ezartzen dituen baldintzetan.

5. Bizitegitarako eraikuntza berriak

Nekazaritzako ustiategiekin lotutako bizitegitarako eraikuntza berriak eta landako guneetakoak bakarrik dira onargarriak, hiri-antolamendurako plan nagusi honek, hura garatzeko plangintza bereziak eta eraikuntzari eta urbanizazioari buruzko udal-ordenantzek ezartzen dituzten baldintzetan. Baimentzen diren eraikuntzak egiteko, beharrezkoa da udal-lizentzia lortzea aurrez.

6. Landakoak ez diren erabilera eta eraikuntza berriak Aplikatu beharreko sektoreko legediak edo lurraldeko plangintzak interes publikoko izendatzen dituzten zuzkidurarako, ekipamendurako eta jardueretarako erabilerak ezar daitezke. Gainera, betiere,


123

Bizkaiko Foru Aldundiak interes publikoko izendatu behar ditu landakoak ez diren erabilera eta eraikuntza berriak, ebazpen bidez. Era berean, erabilera eta eraikuntza horiek ezartzeko, dagokion plan berezia onartu behar da aurrez, nahitaez. Betiere, horrelako erabilerak eta eraikuntzak ezartzea onartzeko, eremu bakoitzeko berezko erabilerak ezartzeko eskakizunak bete behar dira, eta aurrez eskatu behar da lizentzia, erabilerak eta eraikuntzak bateragarriak ala bateraezinak diren aztertzeko.

7. Herri-lanekin lotutako eraikuntzak erabiltzea eta egitea Herri-lanekin lotutako eraikuntzak eta erabilerak ezartzeko, aplikatu beharreko sektoreko legediarekin bat datozela egiaztatu behar da aurrez, kasuan-kasuan eskumena duen administrazioaren egiaztagiri baten bitartez.

8. Erabilerak eta eraikuntzak ezartzeko beste irizpide batzuk

- Arau hauek azalera jakin bat egokitzen dieten erabilerak eta eraikuntzak baimentzeko, Jabetzaren Erregistroaren ziurtagiri bat aurkeztu behar da aurrez, lotura hori egiaztatzen duena.

- Debekatuta dago bizitegitarako eraikuntzak egitea, baldin eta eraikuntzek biztanleria-gune bat sortzea ekar badezakete. Alde horretatik, biztanleria-gunea da beren osotasunean edo neurri batean bizitegitarako erabiltzen diren lau eraikuntzak edo gehiagok 100 metroko erradioa duen zirkulu batean eratzen duten multzoa, nahiz eta eraikinen baten zati bat zirkulu horretatik kanpo egon.

- Lurzoru urbanizaezina erabiltzeko edo eraikitzeko, lurzorua erabiltzeko edo eraikitzeko jarduketek ingurumenaren gainean duten eragina ebaluatu behar da, gaiari buruz indarrean dagoen legediak ezartzen dituen baldintzetan.


124

4. KAPITULUA PLANGINTZAREKIN BAT EZ DATOZEN ERAIKUNTZAK ETA JARDUERAK ETA BEHIN-BEHINEKOAK

54. artikulua. PLANGINTZAREKIN BAT EZ DATOZEN ERAIKUNTZAK ETA JARDUERAK 1. Lehendik dauden baina ezaugarriren bat dela-eta Hiri Antolamendurako Plan Nagusiko edo hura garatzeko plangintza bereziko zehaztapenekin bat ez datozen eraikinak, eraikuntzak eta instalazioak hirigintzaren antolamenduarekin bat ez datozela jo behar da, Lurzoruari eta hirigintzari buruzko 2/2006 Legeko 101.3. artikuluko definizioekin bat. Hain zuzen ere, zera agintzen du Legeak:

a. Antolamenduz kanpokotzat hartu behar dira indarrean dagoen hirigintzaren plangintza onartu aurretik zeuden eraikinak, eraikuntzak, instalazioak eta erabilerak, baldin eta epe jakin batean horiek desagertzea xedatzen badu plangintzak, aurrez ikusten den jarduketa isolatu edo integraturen baten barruan edo sistema orokorrak eta tokiko sistemak gauzatzeko jarduketaren baten barruan daudela eta.

b. Indarrean dagoen hirigintzaren plangintzarekin bat ez datozen eraikinak, eraikuntzak, instalazioak eta erabilerak plangintzarekin bat ez datozela jo behar da, baldin eta hirigintzaren plangintzak ez badu xedatzen horiek desagertzea edo baldin eta ez badu jartzen horretarako eperik.

c. Antolamendu xehatua prestatzeko dagoen eremuetako eta sektoreetako eraikinak, eraikuntzak, instalazioak eta erabilerak lehendik daudela jo behar da.

2. Plangintzak berariaz adieraz dezake eraikin, eraikuntza, instalazio edo erabileraren bat harekin bat ez datorrela, edo bat ez etortze hori ondorioztatu egin daiteke, elementu horiek eta hiri-antolamendurako plan honek edo hura garatzeko hirigintza-tresnek ezartzen duten hirigintzaren araubidea bat ez datozenean.

Zehatz-mehatz, hauek ez datoz bat hiri-antolamendurako plan honek ezartzen duen hirigintzaren antolamenduarekin:

- Jarduketa integratuen eremuetan lehendik dauden eraikuntzak, instalazioak eta erabilerak, plan nagusi honek zehazten duen antolamendu xehatuarekin bat ez badatoz. Izan ere, loteslea da plan nagusi hau.

- Zuzkidura publikotarako lursailetan lehendik dauden eraikuntzak, instalazioak eta erabilerak, lanak epe jakin batean gauzatu behar diren edozein lurzoru motatan badaude.

- Lurzoru urbanizaezineko lursailetan lehendik dauden eraikuntzak, instalazioak eta erabilerak –salbuespen bakarrak bizitegitarako eraikinak eta baserriak dira–, baldin eta erabilera debekatuak ezartzeko erabil badaitezke haien ezaugarriak direla-eta, eta argi eta garbi abandonatuta daudenak.

3. Oro har, antolamenduz kanpokotzat hartu behar dira prekarioan dauden eraikuntzak, hala nola txabolak, teilapeak, eranskinak eta instalazioak, baita landako ingurunerako eta paisaiaren kalitatea babesteko desegokia den antzeko beste edozein elementu itsusgarri ere.

4. Antolamenduz kanpoko izendatzen ez diren eraikinek eta instalazioek plan honetako zehaztapenen bat betetzen ez badute, haien zati bat edo osotasuna planera egokitzeko eska dezake Udalak, noiznahi.

5. Lehendik dauden eraikuntzetan, haiek erabiltzeko beharrezko jarduketak bakarrik egin daitezke, betiere, lurzoruaren hirigintzarako erabilerarekin bateragarriak badira. Gainera, Lurzoruari eta hirigintzari buruzko 2/2006 Legeko 101.5. artikuluak xedatzen duena aplikatu behar da betiere.

6. Euren osotasunean edo neurri batean sistema orokorretarako edo tokiko sistemetarako eremuetan dauden eraikuntzek eta instalazioek plangintza betetzea eragozten badute, ezin da egin haiek finkatzeko, modernizatzeko edo handitzeko lanik, ezta haiek desjabetzeko balioa handitzeko lanik ere. Hala ere, ezartzekoak diren sistema orokorrek edo tokiko sistemek lehendik dauden eraikuntzen edo instalazioen oinplanoko azaleraren % 25 baino gutxiagoan badute eragina eta ez badakarte eragozpen larririk aipatutako zuzkidura publikoa martxan jartzeko, Udalak, salbuespen gisa, lehendik dauden eraikuntzak eta instalazioak konpontzeko eta finkatzeko beharrezko deritzon lanak egiteko baimena eman dezake.


125

7. Antolamenduz kanpoko izendatzen diren eta lurzoru urbanizaezinean dauden bizitegitarako, merkataritzarako, industriarako edo zerbitzutarako eraikinetan eta instalazioetan, debekatuta dago haien bolumena eta azalera eraikia handitzeko lanak egitea, jarraian aipatzen diren kasuetan izan ezik. Nekazaritza eta abeltzaintzako produktuak ekoizteko, jarduera ekonomikoetan aritzeko eta zerbitzu egiteko erabiltzen diren lurzoru urbanizaezineko eraikinak eta instalazioak berritu edo modernizatu egin daitezke, eta haien azalera eraikia plangintza orokorra indarrean sartzen denean dagoenaren % 20 ere handitu daiteke, betiere, plangintza orokorra indarrean sartzen denean jarduera abian dagoela frogatzen bada eta Hiri Antolamendurako Plan Nagusiak ez badu xedatzen funtsak lizentzia eskatu eta hamabost urteko epearen barnean desjabetzea. Nekazaritza eta abeltzaintzako produktuak ekoizteko, jarduera ekonomikoetan aritzeko eta zerbitzu egiteko erabiltzen diren lurzoru urbanizaezineko eraikinak eta instalazioak ezin dira berritu edo modernizatu, ordea, baldin eta bide-azpiegituren sistemen barnean edo oinarrizko edo interes orokorreko beste sistema batzuen barruan badaude funtsak edo babes berezia behar duen eremutzat kalifikatutako eremu batean, ibai edo erreka baten ertzean edo urpean gera daitekeen eremu batean badaude.

8. Eraikinak, eraikuntzak eta instalazioak zenbateraino ez datozen bat plangintzarekin, horren araberakoa da haiek zaharberritzeko, handitzeko edo aldatzeko lanak egiteko araubidea. Hiri Antolamendurako Plan Nagusiko arau partikularrek adierazten dute zer eraikin, eraikuntza eta instalazio ez datozen bat plangintzarekin eta zer mailatan ez datozen bat, baita haiek garatzeko plangintzak ere, legedi orokorrarekin bat.

9. Antolamenduz kanpo dauden edo plangintzarekin bat ez datozen eraikinei, eraikuntzei eta erabilerei buruzko araudia zehazteko, Lurzoruari eta hirigintzari buruzko 2/2006 Legeko 101. artikuluak xedatzen duenari kalte egin gabe, eraikuntzari eta urbanizazioari buruzko udal-ordenantzetako xedapenak aplikatu behar dira.

55. artikulua. HIRI-LURZORUKO ETA LURZORU URBANIZAGARRIKO BEHIN-BEHINEKO ERABILERAK, ERAIKUNTZAK ETA INSTALAZIOAK

- Udalak interes publikoko behin-behineko erabilerak, eraikuntzak eta instalazioak (hala nola aparkalekuak, kirol-eremuak, aisia emateko eremuak, etab.) hitzar ditzake hiri-lurzoruko edo lurzoru urbanizagarriko titulartasun publikoko edo pribatuko lursail hutsetan, baldin eta plangintza gauzatzea eragozten ez badute ondoren, lursail horiek garatzeko proiektuak behin betiko onartzen ez diren bitartean.

Horretarako, lurrak erabakitzen den erabilerara egokitzeko proiektu bat onartu behar du, eta proiektuak dagokion eremuan duen eragina aztertu behar du besteak beste. Era berean, hala badagokio, lurrak desjabetzeko espediente bat bideratu behar du, haiek behin-behinean erabiltzeko, baina lurren jabeekin adostu ere egin daiteke.

Lurren titularrek plangintzak xedatzen dituen jarduketak martxan jartzeko beharrezko eremua okupatzeko eskatu eta hilabetean, lurrak behin-behinean erabiltzeari utzi behar dio Udalak, edo jarduketei erabat uzteko eskatu behar die erabilera eskualdatzen dien titularrei.

Udalak kendu behar ditu behin-behinean egiten diren eraikuntzak, instalazioak eta urbanizazioa, hirigintzaren garapenean eragina badute betiere, baina ordaindu behar dituen kalte-ordainetatik ken dezake lurrak urbanizatzeko berrerabil daitezkeen lanen kostua, hirigintzaren antolamenduarekin bat.


126

LAUGARREN TITULUA INGURUMENA ETA ONDAREA BABESTEKO ARAUAK 56. artikulua. HIRI-ANTOLAMENDURAKO PLAN NAGUSI HONETAKO INGURUMEN-ARAUDIAREN ESPARRUA 1. Plan nagusi honetako hirigintzaren antolamenduak ezartzen dituen irizpideak eta zehaztapenak ingurumena, paisaia eta natura babesteko indarrean dauden legezko eta arauzko xedapenekin bat datoz, oker edo hutsik ezean, baita eremu naturalei, urari, hondakinei, nekazaritzari, basoei, harrobiei, zaratari eta lurraldearen eta sektorearen plangintzari buruzko beste tresna batzuekin ere. Besteak beste, nabarmentzekoak dira hauek:

- 3/1998 Legea, Euskal Herriko ingurugiroa babesteko lege orokorra. - 9/2006 Legea, plan eta programa jakin batzuek ingurumenari eragindako ondorioen ebaluazioari

buruzkoa. - 1/2006 Legea, ekainaren 23koa, Urarena. - 1/2005 Legea, lurzorua ez kutsatzeko eta kutsatutakoa garbitzekoa. - EAEko hiri-hondakinen plangintza eta kudeaketarako jarraibideak. - 42/2007 Legea, abenduaren13koa, natur ondareari eta biodibertsitateari buruzkoa (07/12/14ko EAO). - 167/1996 Dekretua, uztailaren 9koa, Basa eta Itsas Fauna eta Landaredian Arriskuan dauden

Espezieen Euskadiko Zerrenda arautzeko dena. - EAEko Isurialde Kantauriarreko Ibaien eta Erreken Ertzak Antolatzeko Lurraldearen Arloko Plana,

1998. - EAEko Nekazaritza eta Basoak Antolatzeko Lurraldearen Arloko Plana.

Gainera, hirigintza-lanak kontrolatzeko eta haiei buruzko araudia interpretatzeko eskumenak erabiltzeko oinarri, onartu diren edo prestatzen ari diren estrategien eta ekintza-planen edukiak hartu behar ditu kontuan Udalak:

- 2002-2020 aldirako Garapen Jasangarrirako Ingurumen Estrategia. - II. Ingurumen Esparru Programa. - Lurzoru Kutsatuen Plana, 2006-2010. - Bizkaiko Uri Hondakinak Kudeatzeko II. Plan Integrala, 2005-2016. - Hondakin arriskutsuak eta ez-arriskutsuak ez sortzeko eta haiek kudeatzeko planak, 2008-2010. - Ingurumenaren aldetik jasangarria den 2006-2010 aldirako Kontsumo Plana. - EAEko Uholdeak Saihesteko Plan Integrala. - Basogintza Plana, 1994-2030.

2. Ingurumena babesteko zehaztapen horiek guztiak, arau partikular hauetako kapitulu honetan ez ezik, arau partikularretan, eraikuntza- eta urbanizazio-ordenantzetan eta 5. eta 6. planoetan ageri dira. Hain zuzen ere, lurzoru urbanizaezinaren antolamendu orokorrari eta baldintzatzaile gainjarriei buruzkoak dira plano horiek, hurrenez hurren.

57. artikulua. INGURUMEN-ARLOKO IRIZPIDE NAGUSIAK 1. Gaiari buruzko legedia eta araudia betetzeari kalte egin gabe, lurzorua erabiltzeko eta plangintza gauzatzeko jarduketek eta lurraldearen gaineko gainerako jarduketek irizpide hauek bete behar dituzte:

- Hiri-lurzoruko eta lurzoru urbanizagarriko eraikuntzetako, instalazioetako eta jardueretako hondakin-ura Udalaren saneamendu-sarera isuri behar da, arazteko. Beharrezkoa bada, dagokion bezala tratatu behar da aurrez, eta debekatuta dago ubideetara araztu gabeko urik isurtzea.

- Nekazaritza eta abeltzaintzako instalazioetako eta ustiategietako hondakin-likidoa ezin da isuri lurrera edo ubideetara zuzenean. Aurrez, behar adina araztu behar da.


127

- Ubideen eta ubideen ertzen tratamenduak gaiari buruz indarrean dagoen legediak ezartzen dituen irizpideekin, lurraldea antolatzeko tresnekin eta gaiaren gaineko eskumena duen administrazioak sustatzen dituen beste tresna batzuekin bat etorri behar du, baita ondoko artikuluko zehaztapenekin bat ere.

- Zarama eta hondakinak hondakindegi kontrolatuetan bota behar dira, edo lurraldeko sail eskudunen planek xedatzen dituzten tratamendu-instalazioetan, edo lurraldearen eta sektorearen plangintzak ezartzen duen lekuetan, hark xedatzen duen bezala. Salbuespen bakarrak jazo daitezke, nekazaritzarako eta basogintzarako erabilerak hobetzeko edo sestrak plangintzak edo baimendutako beste plan edo proiektu batek ezartzen dituzten xedapenetara egokitzeko, hondeatutako lurrak berrerabiltzeko baimena ematen duenean Udalak.

- Kutsatuta egon daitekeen lurzoruan, gaiari buruz indarrean dagoen legediak (bereziki, Lurzorua ez kutsatzeko eta kutsatutakoa garbitzeko 1/2005 Legeak) xedatzen dituen baldintzetan esku hartu behar da.

- Kutsatuta egon daitekeen lurzoruan eta lurzorua kutsa dezaketen jarduerak dituzten hirigintza-eremuetan, kontuan izan behar da zer xedatzen duten Euskal Herriko ingurugiroa babesteko 3/1998 Lege Orokorreko 83. eta 84.2. artikuluek eta Lurzorua ez kutsatzeko eta kutsatutakoa garbitzeko otsailaren 4ko 1/2005 Legeak (bereziki, IV. kapituluak). 1/2005 Legeko 17. artikuluak aipatzen dituen egoeretan, lurzoruaren kalitatea aztertu behar da, Legeak berak ezartzen dituen baldintzetan, eta, azterketaren bukaeran, Eusko Jaurlaritzako Ingurumen Sailburuordetzak lurzoruaren kalitatearen adierazpen bat eman behar du.

- Ezinbestean zuhaitzak kentzea dakarten jarduketak egiterakoan, kendutako aleen kopuruaren bikoitza landatu behar da gutxienez, galera orekatzeko. Kendutako zuhaitzen espezie berekoak edo Udalak aukeratzen dituen antzeko beste espezie batzuetakoak izan behar dute zuhaitz berriek, eta Udalak erabaki behar du haien itxura eta tamaina. Ezinezkoa bada zuhaitzak leku berean edo hirigintza-eremuan bertan landatzea, beste kokaleku bat ere aukeratu behar du Udalak.

- Atmosferaren kutsadurari buruzko legediak xedatzen duenaz gain, debekatuta dago biztanleriarentzat gogaikarriak diren keak eta gasak (bai industriako jardueretatik eta antzekoetatik sortzen direnak, bai etxeetatik eta zuzkidurarako erabileretatik sortzen direnak) atmosferara isurtzea.

- Garapen-plangintzetako eta eraikuntza- eta urbanizazio-proiektuetako oroitidazkiek eta zehaztapenek energia garbia ekoizteko eta energia aurrezteko banakako sistemak eta sistema kolektiboak ezartzeko aukerak aztertu behar dituzte: adibidez, batetik, panel fotovoltaiko edota termiko txikiak instalatzea eraikuntza bakoitzean eta, bestetik, ur beroaren ekoizpena energia ekoizteko instalazio ez-kutsagarrietan zentralizatzea, gas naturala eta biomasa erretzeko motorrak, panel fotovoltaikoak eta aerosorgailu txikiak, eta are energia eolikoa ekoizteko instalazioak.

2. Eraikuntzari eta urbanizazioari buruzko udal-ordenantzez gain, gaiari buruzko ordenantza espezifikoak prestatu behar ditu Udalak, baina haien barruan sar ditzake.

58. artikulua. INGURUMEN-ARLOKO ARAUAK ETA JARRAIBIDEAK 1. Hiri Antolamendurako Plan Nagusia garatzeko dokumentuetako ingurumen-arauak

Hiri-antolamendurako plan nagusi hau garatzeko plangintzak eduki hauek hartu behar ditu barnean berariaz:

- Eremuetako eta inguruko landaretza eta baliabide hidrikoak kontserbatzeko neurri egokiak, etorkizuneko eskariari buruzko aurreikuspenak eta hari ingurumenaren aldetik onargarria den modu batean erantzutea ziurtatzeko baliabide teknikoei eta finantzarioei buruzkoak.

- Landare-sailen, hesien eta ibaiertzetako landaretzaren azalera eta aniztasuna kontserbatzeko betebeharra, babesgarriak direla, produktuak ematen dituztela eta ekosistemak lotzen dituztela eta.

- Garraiobide publikoen geltokiei eta geralekuei buruzko aurreikuspenak, mugikortasun jasangarria sustatzeko politikaren esparruan. Aurrez garatutako eremuetan ere aplikatu behar du Udalak horrelako politika.

- Energia modu eraginkorrean erabiltzea bultzatze aldera, airea girotzeko, etxeko ur beroz hornitzeko, hiri-hondakinak biltzeko eta euri-ura eta ur grisa biltzeko, arazteko eta biltegiratzeko hiriko instalazio kolektiboak, zentralak eta, hala badagokio, banakakoak ezartzeari buruzko aurreikuspenak.


128

- Gainazal iragazgaitzen, zolatuen edo eraikien aldean, gainazal iragazkorrak maximizatzea eta, beharrezkoa bada, zorupea iragazketa bidez ez kutsatzeko moduko diseinua eta neurriak dituen zoladura iragazleari ematea lehentasuna.

- Urbanizazioa eta berdeguneak lurra berez drainatzeko moduan proiektatzea. - Urbanizazio-proiektuek barnean ingurumena eta paisaia lehengoratzeko proiektu bat hartu beharra,

kaltetutako eremuak aztertzen dituena eta urbanizazioa paisaiaren barruan sartzeko beharrezko ekintzak xedatzen dituena.

2. Energia modu eraginkorrean erabiltzeko udal-politika

Elorrioko Hiri Antolamendurako Plan Nagusia garatzeko plangintzak energia modu eraginkorragoan erabiltzeari buruz aipatutako zehaztapenak biltzeari kalte egin gabe, ondasun higiezinen gaineko zergaren barruan zerga-hobariak sortu behar ditu Udalak ahal dela, energiaren erabileraren eraginkortasuna gutxienez % 50 hobetzen duten etxebizitzen titularrentzat.

Bestalde, energia-ekoizpenaren autonomiari eta energiaren erabileraren eraginkortasunari buruzko tokiko planak prestatu behar ditu Udalak, administrazioaren mendeko eraikin guztietan esku hartzea xedatzen dutenak. 3. Ibaiak eta ibaiertzak diseinatzeko ingurumen-arloko jarraibideak

Ubideetan eta ibaiertzetan esku hartzeko, arau hauek aplikatu behar dira, salbu eta argi eta garbi dagoenean ezinezkoa dela edo ez dela komenigarria eremuan bertan edo beste eremu batean eragin larria izango luketela eta: a. Proiektu hidraulikoa idazteko fasea

- Eraikuntza-teknika "bigunak" edo bioingeniaritza-teknikak erabili behar dira ahal dela, errazagoa izan dadin ibaiertzeko landaredia lehengoratzea.

- Ahal dela, ezponda zabal edo lauko ibaiertzak diseinatu behar dira, egokiagoak baitira landaretza hazteko eta hobeto bat egiten baitute paisaiarekin.

- Uberka bere berezko egoeran utzi behar da ahal dela eta, esku hartuz gero, emaitza irregularra izan dadin saiatu behar da. Horretarako, zenbait substratu mota (harria, harri-koskorrak eta lohia) eta ibai barneko dinamikak (ur-lasterrak eta ur bilduak) erabili behar dira. Hartara, errazagoa da makroornogabeak ugaltzea, eta ubideko habitataren kalitatea nabarmen hobea da.

- Hutsune txikiak sortu behar dira ibaiertzetan urpean geratzen diren eremuetan, iktiofauna babesteko eta erruteko.

- Ahal dela, ubide bikoitzak sortu behar dira; hau da, ur behereko ubide bat eta, uholdeetako emaria hartzeko, pixka bat gorago dagoen terraza bat eratu behar dira. Gainera, ur behereko ubidea pixka bat bihurria edo irregularra izan dadin bultzatu behar da.

b. Lehengoratze-proiektua idazteko fasea

- Ibaien ertzak oihantzeko, bertako ibaiertzeko espezieak erabili behar dira. - Ura itzaletan egotea ziurtatzeko moduan aldatu behar da landaretza, uraren kalitatea hobea baita

hartara eta errazagoa baita bertako faunak koloniza dezan. c. Lanak egiteko fasea

Uholdeetako emaria Ur behereko ubidea


129

- Ahal dela, ez da egin behar espezie aloktonoak eta inbaditzaileak barreiatzea ekar dezakeen ekintzarik. Horretarako, erabiltzen den lurra nongoa den kontrolatu behar da, eta horrelako landare-espezieak dauden lekuetakoa izan ez dadin ziurtatu behar da.

59. artikulua. KUTSADURA AKUSTIKOAREN ETA ARGI-KUTSADURAREN AURKAKO BABESA

a. ZARATAREN AURKAKO BABESA 1. Hiri Antolamendurako Plan Nagusiak 14. planoa hartzen du barnean. Hain zuzen ere, udalerriko zona

akustikoak adierazten ditu 14. planoak, 1:5.000ko eskalan, eta udalerriko zona akustiko bakoitzeko helburuak ezartzen ditu, soinuaren kalitateari dagokionez.

Zarataren 37/2003 Legearekin eta Zarataren Legea garatzeko 1367/2007 Errege Dekretuarekin (eta haren V. eranskinarekin) bat, Elorrioko zona akustikoak lurzoruaren erabilera nagusien (bai egungoen, bai aurrez ikusten direnen) araberakoa da.

2. Zarataren Legea garatzeko 1367/2007 Errege Dekretuko 14. eta 16. artikuluek zehazten dituzte zona

akustiko bakoitzeko soinuaren kalitate-helburuak, Errege Dekretuko bertako II. eranskinarekin bat. Hain zuzen ere, urteko batez besteko soinu-maila hauek zehazten ditu aipatutako dekretuak: eguneko (07:00etatik 19:00etara bitarteko), zarata-indizea, arratsaldekoa (19:00etatik 23:00etara bitartekoa) eta gauekoa (23:00etatik 07:00etara bitartekoa). Zarata-indize osoak dira indize horiek; alegia, inguruko zarata-iturri guztiak hartzen dituzte kontuan.

3. Zona akustikoak ezin dira izan txikiegiak, lurraldea gehiegi ez zatitzeko, Zarataren Legea garatzeko

1367/2007 Errege Dekretuko II. eranskinarekin bat. Zehatz-mehatz, zona akustiko hauek bereizten dira:

Nagusiki bizitegitarako erabiltzen den lurzoruak eratutako lurraldeko sektorea. Zona honen barruan daude Alde Zaharra; zabalgune berria; dentsitate txikiko bizitegitarako eremuak; bizitegitarako lurzoru urbanizagarri sektorizatugabea; hiri-bilbearen barruko ikastetxeak, osasun-etxeak eta kultur etxeak; eta parkeak, eremu libreak eta oinezkoak egoteko eremuak.

Nagusiki industriarako erabiltzen den lurzoruak eratutako lurraldeko sektorea. Industriarako eremuak eta araztegia daude zona akustiko honen barruan.

Etorkizunean nagusiki industriarako erabiliko den lurzoruak eratutako lurraldeko sektorea. Pulla industrialde berriak osatzen du zona hau. Beste kolore batez nabarmenduta dago, baina industriarako erabiliko da.

4. Zarataren Legea garatzeko 1367/2007 Errege Dekretuko II. eranskineko A taulak ezartzen ditu zona

bakoitzeko kanpoaldeko soinuaren kalitate-helburuak, eta hauek dira:


130

Zarata-indizeak Eremu akustiko mota

Ld Le Ln

e Batez ere sanitaterako, irakaskuntzarako edo kulturarako erabilerako lurzorua duten lurralde-sektoreak, kutsadura akustikoaren aurkako babes bereziarekin.

60

60

50

a Batez ere egoitza erabilerako lurzorua duten lurralde-sektoreak.

65

65

55

d Batez ere c) atalean jasotakoaz bestelako hirugarren mailako erabilerako lurzorua duten lurralde- sektoreak.

70

70

65

c Batez ere jolasketarako eta ikuskizunetarako erabilerako lurzorua duten lurralde-sektoreak.

73

73

63

b Batez ere industria-erabilerako lurzorua duten lurralde-sektoreak.

75

75

75

f Garraio-azpiegiturak edo beharrezkoak dituzten bestelako ekipamendu publikoen sistema orokorrek hartutako lurralde-sektoreak. (1).

Zehaztu gabe

Zehaztu gabe

Zehaztu gabe

Urbanizatutako eremuetan muga akustikoak gainditzen ari badira, maila horiek helburu izan behar dute. Urbanizazio berrietan, berriz, errespetatu beharreko mugatzat hartu behar dira, Zarataren 37/2003 Legeko 20. artikuluak (soinuaren aldetik babes berezia behar duten eremuei eta soinuaren aldetik egoera berezian dauden eremuei buruzkoak) zehazten dituen kasuetan izan ezik.

5. Kanpoaldeko soinuaren kalitate-helburuen osagarri, badira eraikuntzen barnealdeko soinuaren

kalitate-helburuak. Zarataren Legea garatzeko 1367/2007 Errege Dekretuko II. eranskineko B taulak ezartzen ditu, dekretu bereko 16. artikuluak arautzen, eta hauek dira:

Zarata-indizeak

Eraikinaren erabilera

Esparru mota

Ld Le Ln Gelak 45 45 35 Etxebizitza edo

egoitza- erabilera Logelak 40 40 30

Egoteko lekuak 45 45 35 Ospitaletarako erabilera Logelak 40 40 30

Ikasgelak 40 40 40 Hezkuntza edo kulturarako

erabilera Irakurketa-gelak 35 35 35

6. Udalerriko zona akustikoen banaketa zehaztuta, trantsizio akustikoko zonak zehaztu ditzake Udalak. Izan ere, Zarataren 37/2003 Legearekin eta Zarataren Legea garatzeko 1367/2007 Errege Dekretuarekin bat, elkarren ondoko zona akustikoen arteko zonak aztertu behar dira, baldin eta bi zona akustikotako soinuaren kalitate-helburuen arteko aldea 5 dB(A)-tik gorakoa bada [ikusi Zarataren Legea garatzeko 1367/2007 Errege Dekretuko V. eranskinaren d. atala].

Elorrion, horrelako aldea dago industriarako lurzoru finkatuaren eta bizitegitarako lurzoruaren artean [ikusi zona akustikoen mapa]. 7. Zarataren aldetik gatazkatsuak izan daitezkeen egoerak kudeatu behar ditu Udalak. Horretarako, berez (dagokion zonaren kategoriaren arabera) kalitate-helburu jakin batzuk izan beharko lituzketen zona


131

akustiko batzuek beste kalitate-helburu batzuk izatea ebatz dezake, nor zarataren aurka babesteko neurriak hartu, edo soinu-iturriek zarata egiteko ahalmena txikiarazi.

Zarataren aldetik gatazkatsuak izan daitezkeen egoerak kudeatzeko, TOKIKO ADMINISTRAZIOEK INGURUNEKO ZARATA KUDEATZEKO GIDA TEKNIKOA aplikatu behar du. Bizkaiko Foru Aldundiko Ingurumen Sailak prestatu zuen gida hori, 2010eko urtarrilean.

Hiri-antolamendurako plan nagusi honek gida hori interpretatu, eta balio hauek finkatu ditu trantsizio akustikoko zonetako soinuaren kalitate-helburutzat –zona akustikoen mapan ageri da zein diren trantsizio akustikoko zonak–: 70 dB(A) egunez eta arratsaldez, eta 60 dB(A) gauez.

b. ARGI-KUTSADURAREN AURKAKO BABESA

Urbanizazio-proiektuek, bide-azpiegituren proiektuek eta, betiere, eremu berriak urbanizatzeko proiektuek irizpide hauei jarraitu behar diete, ezinbestean ezinezkoa bada edo komenigarria ez bada izan ezik:

- Kanpoaldea argiztatzeko instalazioek energia modu eraginkorrean erabiltzeari buruzko 1890/2008 Errege Dekretua eta EA-01 eta EZ-07 bitarteko jarraibide tekniko osagarriak bete behar dira.

- Kanpoaldea argiztatzeko instalazioetatik sartzen den argiaren eraginak ahalik eta txikiena izan behar du, zona bakoitzeko erabileraren arabera.

- Kanpoaldea argiztatzeko instalazioek ahalik eta argi gutxien egin behar dute zerurantz, eta, horretarako, luminariak erabili behar dira eta euskarriak egokiro diseinatu eta kokatu behar dira.

60. artikulua. ONDAREA BABESTEA 1. Kultur Ondare Higiezinaren Katalogoak arautzen du Elorrion interes kulturala duten elementuen babesa.

Aipatutako katalogoak, dagokion babes-araudiaz gain, babestu beharreko ondasunen zerrenda hartu behar du barnean. Gutxienez, araudi orokor honetako eranskineko zerrendako ondasunak (ondare historiko arkitektonikoko elementuak eta ondare arkeologikokoak) bildu behar ditu zerrenda horrek, eta Eusko Jaurlaritzako Kultura Sailak izendatutako ondasunak, inbentarioan sartu dituenak eta izendatzeko proposatu dituenak bereizi behar ditu, baita Elorrioko Udalak proposatu dituenak ere.

2. Ondare historiko arkitektonikoko eta ondare arkeologikoko ondasunak babesteko indarrean dagoen legedi eta araudi aplikagarriari kalte egin gabe, aipatutako katalogoa onartzen ez den bitartean, zerrendako ondasunen batean edo haren zati batean eragina duen edo izan dezakeen edozein jarduketak zehaztapen orokor hauek bete behar ditu:

- Euskal kultur ondareari buruzko 7/1990 Legearen pean dauden ondasunen (ondasun kalifikatuen, inbentarioaren barruan daudenen eta interes kulturala duen monumentu izendatzeko espedientea abian dutenen) gaineko jarduketek legezko xedapenekin bat dagokien araubidea bete behar dute.

- Euskal kultur ondareari buruzko 7/1990 Legearen araberako babes-araubiderik edo harekin bat datorren babes-araubiderik ez duten zerrendako interes arkitektonikoko ondasunen gaineko jarduketak egiteko metodoak kasuan-kasuan dagokion kategoriako "kontserbatzeko eraberritzea" izan behar du, Ondare urbanizatu eta eraikia birgaitzeko jarduketa babestuei buruzko abenduaren 30eko 317/2002 Dekretuko definizioei eta edukiei jarraituz.

- Zerrendako ondasunen gainean inola esku hartzeko, dagokion lizentzia eskatu behar zaio Udalari eta, gutxieneko mantentze-lanak bakarrik egin behar direnean izan ezik, dena delako eraikinaren edo elementuaren unean uneko egoeraren plano oso eta zehatzak aurkeztu behar dira nahitaezko proiektuarekin batera.

- Debekatuta dago hiri-antolamendurako plan nagusi honetan interes kulturaleko ondasunek osatzen duten zerrendako eraikuntzak eta elementuak osorik edo neurri batean eraistea, oso gutxi bada ere, baita hau guztia: zerrendako eraikuntzen eta elementuen egitura edo barne-antolamendua aldatzea; fatxadako baoen (are kanpoaldeko zurajearen) forma eta tamaina aldatzea; fatxadaren eta hura osatzen edo apaintzen duten elementuen materialak, akaberak eta antolamendua aldatzea; solairuen eta estalkiaren planoen garaiera, egitura euskarri nagusia eta bigarren mailakoa, eta teilatua edo estalkia eraikitzeko erabiltzen diren materialak eta soluzioak aldatzea; eta, oro har, eraikuntzetan eragina duen beste edozein jarduketa egitea. Salbuespen bakarrak dira instalazioak konpontzeko behar-beharrezko lanak, paragrafo honetan aipatutako elementuetan eta guneetan eraginik ez badute betiere; pitzadurak eta pintura


132

errepasatzeko lanak; eta dagokion higiezina bizitzeko egokia izatea eragotz dezaketen hezetasunen arrazoi jakinak konpontzeko lanak.

2. Plan nagusi honetako antolamendu- eta babes-zehaztapenek (bereziki, kalifikazio orokorrari eta baldintzatzaile gainjarriei buruzkoek) arautzen dute naturaren eta paisaiaren ikuspegitik interesgarriak diren Elorrioko elementuen babesa, baita eraikuntza- eta urbanizazio-ordenantzek ere.

Lurzoruari eta hirigintzari buruzko 2/2006 Legeko 60. eta 76. artikuluekin bat, Udalak Naturaren eta Paisaiaren Ondarearen Katalogoa prestatzen badu babes-zehaztapenak garatzeko, hura ere zehaztapen horietara egokitu behar da.

EERRAANNSSKKIINNAA--

KKUULLTTUURRAA--IINNTTEERREESSEEKKOO OONNDDAASSUUNN HHIIGGIIEEZZIINNEENN ZZEERRRREENNDDAA..

EELLOORRRRIIOOKKOO HHAAPPNN..


133

EELLOORRRRIIOO.. KKUULLTTUURRAA--IINNTTEERREESSEEKKOO OONNDDAASSUUNN HHIIGGIIEEZZIINNEENN ZZEERRRREENNDDAA..

EEUUSSKKOO JJAAUURRLLAARRIITTZZAARREENN ZZEERRRREENNDDAA ((EEJJ)) EEJJ--11.. OONNDDAARREE HHIISSTTOORRIIKKOO--AARRKKIITTEEKKTTOONNIIKKOOAA ((GGVV)) EJ-1.1. EAEk AITORTURIKO ONDASUN ARKITEKTONIKOAK Euskal Herriko Kultur Ondareari buruzko 7/1990 Legeari jarraikiz.

EJ-1.1.1. EAEk AITORTURIKO ONDASUN ARKITEKTONIKOAK MONUMENTU-MULTZO

KATEGORIAREKIN.

KATALOGO-ERREGIMENA IZENA ALDIZKARIA

Zk. Maila Elorrioko Gune Historikoa 1998-05-29 EHAO

EJ-1.1.2. EAEk AITORTURIKO ONDASUN ARKITEKTONIKOAK MONUMENTU

KATEGORIAREKIN.


Zk. Maila 142. Arregi baserria 2008-07-24 EHAO IV EJ-1.2. MONUMENTU IZENDA DAITEZEN PROPOSATURIKO ONDASUN

ARKITEKTONIKOAK. KALIFIKATU BEHARREKO ondasunak (KAL.)

KATALOGO-ERREGIMENA IZENA AUZUNEA

Zk. - Mota Maila 54. Iturria Gune historikoa (KAL) A-V 104. Teileria San Agustin (KAL) A-IV 241. Berriozabaletako iturria Berriozabaleta (KAL) A-V


134

1.3. MONUMENTU IZENDA DAITEZEN PROPOSATURIKO ONDASUN ARKITEKTONIKOAK. INBENTARIATU BEHARREKO ondasunak (INB)

KATALOGO-ERREGIMENA IZENA

AUZUNEA

Zk. - Mota Maila

1. San Agustingo eliza San Agustin 3. San Agustingo santutxoa San Agustin 5. Santa Katalina eta San Plazido baseliza Berriozabaleta 7. San Bartolome baseliza Miñota 9. San Adriango baseliza Mendraka/Zenita 10. Gaztanekua oinetxea Gaztañeta, 10 (INB) A-III 17. Andra Mari baseliza Gazeta 18. Santa Katalina baseliza Iguria 78. San Fausto baseliza San Fausto 100. Albert, S.A. 100-1. Talleres Anaiak 108. Azkarrekola burdinola/errota Urkizuaran, 5 (INB) A-III 111. Zenitaolea errota/burdinola Zenita, 9 (INB) A-III 119. Labakua zubia 124. Aldapebeitia baserria Aldape, 5 (INB) A-III 126. Zenitaldekoa baserria Zenita, 14 (INB) A-III 127. Upategi baserria Aldape, 8 (INB) A-III

129. Arabio Goikoa baserria Berriozabeleta-Aramiño, 9. (Aramiño) (INB) A-III

130. Araungoxeaskoa baserria Arauneta, 6 (INB) A-III 131. Iperrare (Iparragirre) baserria Arauneta, 3 (INB) A-IV 132. Arrate baserria Berrio, 24 (INB) A-IV 133. Berriolope baserria Berrio, 10 (INB) A-III 134. Isuarte baserria (Uriarte) Berrio, 18 (INB) A-III 135. Urbe Bekoa baserria Berrio, 3 (INB) A-III 138. Aldekoa garaia Zenita, 14 (INB) A-IV 141. Areanza baserria Iguria, 15 (INB) A-III 144. Olakua baserria Iguria, 20 (INB) A-III 145. Olalde baserria Iguria, 22 (INB) A-III 146. Ugalde baserria Iguria, 9 (INB) A-III 147. Uriaazpikoa baserria Iguria, 6 (INB) A-III 148. Uriaganekoa baserria Iguria, 8 (INB) A-III 149. Zabala baserria Iguria, 21 (INB) A-III 150. Zuizar baserria Iguria, 3 (INB) A-III 151. Lekerikaonandia baserria Lekeriketa, 10 (INB) AIII 152. Larrazabal baserria Urzabal, 18 (INB) AIII 157. Leizbeaskoa baserria Leiz-Miñota, 40 (INB) A-III 158. Estakasolo baserria Leiz-Miñota, 7 (INB) A-IV 162. Seroretxe baserria San Agustin (INB) A-III 163. Telleria baserria San Agustin, 50 (INB) A-III 166. Sanbizente baserria Elizalde, 5 (INB) AIII 168. Torre Urkizu baserria Urkizuaran. Torrekobide, 2 (INB) AIII 170. Santa Anako iturria 171. Santa Marina baseliza San Agustin 239. Lourdesko Ama Ikastetxea Zenita 242. Elorrioko Udal Hilerria 242-2. Berriozabal-Beitia panteoia 243. San Juango iturria Gune historikoa 249. Etxeberriabein baserria San Agustin 254. Lince 254-1. Bulegoak 254-2. Fundizio tegia 257. Elorrioko frontoia Gune historikoa 258. San Faustoko txaleta 17 Herrigunea


135

1.4. UDALAK BABESTEKO PROPOSATURIKO ONDASUN ARKITEKTONIKOAK (UD).

KATALOGO-ERREGIMENA IZENA

AUZUNEA

Zk. - Mota Maila 2. Abadetxea San Agustin, 44 (UD) A-III 4. Santa Eufemia baseliza Arauneta 6. San Lorentzo baseliza Leiz 8. Santo Tomas baseliza Mendraka 12. San Urbano baseliza Berrio 13. San Esteban baseliza Berrio 14. San Juan baseliza Aldape 15. San Jose baseliza Aldape 16. Santiago baseliza Aldape 19. San Jose baseliza Urkizuaran 20. San Anton baseliza Urkizuaran 109. Aldapeko errota Aldape 110. Errotatxiki errota Zenita 115. Ugalde zubia Iguria 120. 9 zk.dun zubia 121. Gurutze Berri 3 zubia San Agustin 122. Gurutze Berri 2 zubia San Agustin 123. Gurutze Berri 1 zubia San Agustin 125. Maortu baserria Aldape 128. Aramiñoazpikoa baserria Berriozabeleta-Aramiño, 8 (Aramiño) (UD) A-II

136. Berriozabalurrutia baserria Berriozabeleta-Aramiño, 1 (Berriozabaleta) (UD) A-III

137. Belar baserria Gazeta, 6 (antzinakoa) (UD) A-III 139. Garaizabal baserria Gazeta, 19 (UD) A-III 140. Amuskibar baserria Iguria, 3 (UD) A-III / A-II 143. Igartua baserria Iguria, 17 (UD) A-III 153. Mendrakaaldekoa baserria Mendraka, 6 (UD) A-II 154. Ulaortua baserria Mendraka, 5 (UD) A-III 155. Arespakotxaga baserria Leiz-Miñota, 32 (UD) A-III 156. Arrieta baserria (Arieta Bekoa) Leiz-Miñota, 36 (UD) A-III 159. Gozeaskoa baserria Leiz-Miñota, 42 (UD) A-II 160. Zearsolo Erdikoa baserria Leiz-Miñota, 3 (UD) A-III 161. Etxebarria baserria San Agustin 164. Ibarra baserria Ibarra, 30 (UD) A-III 165. Elizalde baserria Ategortua, 1 (UD) A-III 167. Errementerikoa baserria Urkizuaran (Arrasate Et., 24) (UD) A-III 169. Sananton baserria Urkizuaran 172. Santa Eufemia Aramiño 173. Santa Luzia baseliza Iguria

240. Betikoa etxea Berriozabeleta-Aramiño, 2 (Berriozabaleta) (UD) A-II

242. Elorrioko Udal Hilerria Herrigunea 242.1- Elorrioko Udal Hilerriko Kapera Herrigunea 242-3. Goyeneche-Hormaza panteoia Herrigunea 242-4. Identifikatu gabeko kapera Herrigunea 242-5. Gonzalez Lasa kapera Herrigunea 244. Iturria – Aska - Garbilekua Berrio 245. Iturria San Agustin 246. Berazar iturria Gune historikoa 247. Iturria Gune historikoa 252. Fytasa San Juan 252-2. Bulegoak San Juan 254-3. Sarrailgintzako tegia 254-4. Tratamenduetarako eta bukatutako piezen tegia 254-5 Langileen etxebizitzak


136

255. Indefunsa 256. Argiñetako bolatokia Argiñeta 258. Elorrioko probalekua Gune historikoa 259. Gazetako probalekua Gazeta 260. Leizko probalekua Argiñeta 261. Txanberi 4-10 etxea Herrigunea 264. Belerin taldea Anduetxeta 2-12- 265. Nizeto Urkizu 49-57 etxea 266. Montorra 1-5 etxea 267. Argiñeta etorbidea 26-30 etxea 269. Auzuneko eskola Berrizko bidea 270. Kurutzondo


137

EEJJ--22.. OONNDDAARREE AARRKKEEOOLLOOGGIIKKOOAA ((GGVV))::

EJ-2.1. EUSKAL HERRIKO ONDARE-INBENTARIO OROKORREAN MONUMENTU MULTZO KATEGORIAN JASOTA DAUDEN GUNE ARKEOLOGIKOAK

Euskal Herriko Kultur Ondareari buruzko 7/1990 Legeari jarraikiz.


Zk. - Mota Maila Argiñetako nekropolia 265/84 dekretua

Herriguneko gune arkeologikoa 37/98 dekretua, 98-3-10ekoa 56 zk.dun EHAO, 98-3-24koa

EJ-2.2.- EAEk PRESUNTZIO ARKEOLOGIKOTZAT ADIERAZITAKO GUNEAK

(GV) Kultura, Gazteria eta Kiroletako sailburuordearen 1997ko maiatzaren 21eko EBAZPENA, Elorrioko (Bizkaia) Presuntzio Arkeologikoko Guneen Adierazpena egiten duena. / 113 zk. EHAO, 1997ko ekainaren 16koa.

KATALOGO-

ERREGIMENA IZENA AUZUNEA Zk. - Mota Maila

7. Ossako errotak (bistako egiturarik gabe) (E) 8. San Fausto baseliza (A) 10. Santa Elena baseliza (bistako egiturarik gabe) (E) 11. Dorretxea / Ibarrako errota (A/D) 14. Ibarguen dorretxea (gaur egun Torre baserria) (A) 16. Aldekonagusi baserria (A) 18. San Bizente baseliza (bistako egiturarik gabe) (E) 19. Urbelekua baserria (A) 20. Isuarte baserria (A) 21. Belar baserria (A) 22. San Esteban baseliza (B) 23. Urigarai baserria (A) 24. Santiago baseliza (B) 26. Azkarraga burdinola (gaur egun baserria) (D) 27. Errotatxiki / Aretzaga errota (D) 28. Arregi baserria (A) 29. Zuizar baserria (A) 30. Igartua baserria (A) 31. Zabalekua baserria (A) 32. Santa Luzia baseliza (A) 36. Santa Katalina tenplua eta nekropolia (B) 37. Santa Eufemia tenplua eta nekropolia (B) 38. Arabio Goikoa dorretxea (A)


138

EJ-2.3. EAEko MONUMENTU /MONUMENTU MULTZO ADIERAZTEKO PROPOSATUTA DAUDEN ONDARE ARKEOLOGIKOKO ELEMENTUAK


Zk. - Mota Maila 9. San Jose baseliza (A) 12. Memaia-I tenplua eta nekropolia (E) 13. Memaia-II tenplua (desagertua) (E) 15. Mendrakako Santo Tomas tenplua eta nekropolia (B) 25. Andra Mari tenplua eta nekropolia (B) 35. Miñotako San Bartolome tenplua eta nekropolia (B)

EJ-2.4. PRESUNTZIO ARKEOLOGIKOKOTZAT ADIERAZTEKO PROPOSATUTAKO GUNE ARKEOLOGIKOAK


Zk. - Mota Maila 40. Amurdiko tumulua

OHARRAK

A gakoa: Eraikinaren horma barruko eremua. B gakoa: Eraikinaren horma barruko eremua + kanpoen dauden ertzetatik hasita, 15 metro haren

inguruan. C gakoa: Elementuak hartzen duen eremua + kanpoen dauden ertzetatik hasita, 5 metro haren

inguruan. D gakoa: Eraikinak eta hari atxikiriko instalazioek hartzen duten eremua. E gakoa: Planoan zehazten den eremua.


139

EELLOORRRRIIOOKKOO UUDDAALLAARREENN ZZEERRRREENNDDAA ((EEUU)) EEUU--11.. UUDDAALLAARREENN OONNDDAARREE HHIISSTTOORRIIKKOO--AARRKKIITTEEKKTTOONNIIKKOOAA EU-1.1 UDAL BABESPEKO ONDASUN ARKITEKTONIKOAK.


Zk. - Mota Maila ZEARSOLOGOIKOA Leiz-Miñota, 5 (Miñota) 1-01 A-II

LARRAMENDI Leiz-Miñota, 9 (Miñota) 1-02 A-II

ALTZERREKA Leiz-Miñota, 11 (Miñota) 1-03 A-III

ARROITABE Leiz-Miñota, 13 (Miñota) 1-04 A-II

ARIETATXIKIA Leiz-Miñota, 30 (Miñota) 1-05 A-II

ARIETAGANEKOA Leiz-Miñota, 36 (Miñota) 1-06 A-III

MIÑOTAAURREKOA Leiz-Miñota, 38 (Miñota) 1-07 A-III

LEIZBEASKOA Leiz-Miñota, 10 (Leiz) 1-08 A-III

OGITZATXIKIA Leiz-Miñota, 24 (Leiz) 1-09 A-III

OGITZA Leiz-Miñota, 26 (Leiz) 1-10 A-III

MENDRAKAELEXALDE Mendraka, 1 2-01 A-III

MENDRAKAGOIA Mendraka, 2 2-02 A-III

MENDRAKAURIARTE Mendraka, 7 2-03 A-II

ATEGORTUA Mendraka, 16 2-04 A-III

ATEGORTUA ETXEBARRI Mendraka, 18 2-05 A-III

MENDRAKABEITIA Mendraka, 19 2-06 A-II

GAZTEA BEKOA (AURREKOA) Gaztañeta, 3 2-07 A-III

GASTAÑABURU Gaztañeta, 11 2-08 A-III

JAUREGIA Berriozabaleta-Aramiño, 3 (Berriozabaleta) 3-01 A-III

BERRIOZABALGOITIA Berriozabaleta-Aramiño, 4 (Berriozabaleta) 3-02 A-III

BERRIOZABALURRUTIA (AMINURTI) Berriozabaleta-Aramiño, 6 (Aramiño) 3-03 A-II

BEÑIKOA Arauneta, 5 4-01 A-III

ARAUNAONANDIA Arauneta, 7 4-02 A-III

GOIKOETXE Lekeriketa, 3 4-03 A-III

LEKERIKAMARTENA Lekeriketa, 5-6-7 4-04 A-II

LEKERIKARTE Lekeriketa, 8 4-05 A-III

LEKERIKAORBE Lekeriketa, 9 4-06 A-III

TELLETXE Lekeriketa, 11 4-07 A-III

ITURR.IKUZTEGIA Lekeriketa, z/g 4-08 A-III

ARESTIKOA Zenita, 3 5-01 A-III

GALARTZA GOIKOA Zenita, 4 5-02 A-III

ARESTIKOA Zenita, 6 5-03 A-III

ERROTALDE Zenita, 8 5-04 A-III

ORTUGUREN Zenita, 11 5-05 A-III

LANDA BEKOA Zenita, 13 5-06 A-III

LANDA Zenita, 15 5-07 A-II

GARAITA Zenita, 16 5-08 A-II partziala

GARAIKOETXEA Zenita, 17 5-09 A-III


140

KATALOGO-

ERREGIMENA IZENA AUZUNEA Zk. - Mota Maila

ORBEGOIKOA Berrio, 5 6-01 A-III

BERRIOALDEKOA Berrio, 6 6-02 A-III

AMURDI Berrio, 7 6-03 A-II

BERRIO GOIKOA TXIKIA (AURREKOA) Berrio, 12 6-04 A-II

BERRIOITURRI (ITURRI) Berrio, 20 6-09 A-II

BERRIOBEÑIA Berrio, 22 6-05 A-II

URRUTIA (AMINURTI) Aldape, 13 6-06 A-III

OTSABARRENA Aldape, 15 6-07 A-III partziala

OTSAGUENA Aldape, 15 6-07 A-III

IBARGUEN Torrekobide, 3 8-01 A-II

ANGIOBEKOA Murgaondo, 4 8-02 A-III

AMANDARRO Murgaondo, 7 8-03 A-II

AZKARRAGAKOLEA Urkizuaran, 3 9-01 A-III

ETXEBARRIA (ZUBIBARRI) Arrasate Et., 1 9-02 A-III

AZKARRENA Arrasate Et., 7 9-03 A-III

AZKARRETA Arrasate Et., 9 9-04 A-III

GERBILLAO Gazeta, 1 10-01 A-II

URIZARGANEKOA Gazeta, 2 10-02 A-III

ARANTZETA Gazeta, 3 10-03 A-III

BARRUTIETA ZAHARRA Gazeta, 6 10-04 A-III

GAZETABEITIA Gazeta, 8 10-05 A-III

ESTEIBAR Gazeta, 9 10-06 A-II

BASAIL Gazeta, 10 10-07 A-III

BOLUNGARAI Gazeta, 11 10-08 A-III

ONDOZORROTZ Gazeta, 12 10-09 A-III

ANGUREN Gazeta, 14 10-10 A-II

MADARIETA Gazeta, 15 10-11 A-III

BARRUTIBARRIA Gazeta, 17 10-12 A-III

GARAIZABALGANEKOA (ALKORTA) Gazeta, 20 10-13 A-II

URIZAR Gazeta, 22 10-14 A-II

ARTEALDE Gazeta, 23 10-15 A-II

ARZUBIALDE Iguria, 2 11-01 A-III

ORTUETA Iguria, 5 11-02 A-III

ALDEKO AREANTZA Iguria, 7 11-03 A-II

JAUREGI Iguria, 10 11-04 A-III

IBARLUZEA Iguria, 18 11-05 A-III

IZIAR (ETXEBARRIA) Iguria, 26 11-06 A-II

OXANGURENAZPIKOA Iguria, 28 11-07 A-II

HIRIGINTZAKO ARAU OROKORRAK - Elorrioko Udala · Katalogoak eta haren zati grafikoak arauzko...

Documents

Transcript of HIRIGINTZAKO ARAU OROKORRAK - Elorrioko Udala · Katalogoak eta haren zati grafikoak arauzko...