Gelaren antolaketa

Haga clic en el icono para agregar una imagen

KORROA ALFONBRAN: Eguneroko errutinak, hizkuntza, elkarrizketa…lantzeko unea.

-Egun bakoitzean ikasle bat arduratzen da errutinen segidari jarraitzeaz (makinista) eta berak zailtasunak erakusten baditu beste ikasleek laguntzen diote edo andereinoak ere.


GELAREN ANTOLAKETA:

Arbeletik begiratuta gelaren antolaketa ikusten da. Txokoetan hizkuntza, matematika, plastika, trebetasun motoreak, jolas sinbolikoa…lantzen dira . Andereinoa idazketa txokoan esertzen da ikasleei fitxekin zuzenean laguntzeko.


ETXE TXOKOA:

Haurrek bere kabuz jolasten dute hemen, jolas sinbolikoan aritzen dira eta euren artean elkarreragiten dute. Txokoetako araua: bakoitza dagoen txokotik ezin da beste txoko batera joan, ezta materialik eraman.


PUZZLE ETA ERAIKETA TXOKOA:

Txoko honetan aurkitzen diren haurrek, dagokien fitxa egin ondoren, puzzleak edo eraiketak egiten dituzte. Alfonbra ere erabil dezakete txoko honetako haurrek.


IDAZKETA TXOKOA:

Dagokien fitxa egin ondoren, ordenagailua erabil dezakete, edo ipuinak ikusi edo hizkien jolasak manipulatu.


PLASTIKA TXOKOA:

Txoko honetan plastikako materiala eta gelako materiala dago: arkatzak, margoak, errotulkiak, tenperak, orri zuriak, birziklatzeko orriak, guraizeak, plastilina, marrazteko plantilak, lekeda,…Fitxa egin ondoren, bakoitzak aukeratzen du zerekin lan egin.


IKASLEEN FITXAK ETA LANAK GORDETZEKO BANDEJAK:

Haur bakoitza bere fitxa edo lana gordetzeaz arduratzen da.Bandeja bakoitza ikaslearen argazki eta izenarekin identifikatuta dago


AMANTALA ETA JAKA ESKEGITEKO TOKIA:Egunero haur bakoitzak, jaka kendu eta eskegi ondoren, amantala jartzen du. Orokorrean autonomoak dira arropak jantzi eta eranzteko baina baina badira bat edo bi laguntza eskatzen dutenak.


KONKETA:

Egunero erabiltzen duten tokia, ogia jan eta ura edan baino lehen eta patiotik etorri eta jarraian.Makinistak xaboia ematen dizkie eta banan-banan eskuak garbitzen dituzte. Bitartean “Xalala” abesten dute.


BALIABIDEAK:

Hizkien jolasak.Hitzak osatzen eta hizkiekin jolasten gozatzen eta ikasten dute.


BALIABIDEAK:

Horman itsatsita, haurrek ondo ikusteko lekuan hizki handiak. Hizki txikiekin beranduago hasiko dira.


SEGURTASUN NEURRIAK:

Ateen ertzak goma beltz batekin estaliak daude haurrek minik ez hartzeko. Leihoek ere, zabaltzeko sistema berezi bat dute arriskuak ekiditzeko.

Gelaren antolaketa

Documents

Transcript of Gelaren antolaketa