EUSKAL HERRKO AGNTARTAREN ALDKARAEUSKAL HERRIKO AGINTARITZAREN ALDIZKARIA 2015/3029 (150/3) 2....

127. zk.

2015eko uztailaren 8a, asteazkena

EUSKAL HERRIKO AGINTARITZAREN ALDIZKARIA

2015/3029 (150/1)

XEDAPEN OROKORRAKINGURUMEN ETA LURRALDE POLITIKA SAILA

302965/2015 DEKRETUA, maiatzaren 12koa, Ordunte Kontserbazio Bereziko Eremu izendatzen duena

(ES2130002), Bizkaiko Lurralde Historikoan.

Gobernu Kontseiluak 1997ko abenduaren 23an, 2000ko azaroaren 28an eta 2003ko ekainaren 10ean egindako bilkuretan hartutako Erabakien bidez, Hegaztientzako Babes Bereziko 6 Eremu (Hegaztientzako BBE) izendatu ziren, eta 52 gune proposatu ziren Batasunaren Garrantzizko Leku (BGL) izendatzeko. Proposamena Europako Batzordera eraman zen, eta han ontzat eman zuten Batasunaren Garrantzizko Lekuen zerrenda (BGL), 2004/813/EE eta 2006/613/EE Eraba-kien bidez. Erabakiok Atlantikoko eta Mediterraneoko eskualde biogeografikoei dagozkie, hurrenez hurren, eta hortxe kokatzen da gure autonomia-erkidegoa; Ordunte eremua (ES2130002) ere tar-tean zegoen.

Habitat Naturalak eta Basoko Fauna eta Flora zaintzeari buruzkoa den Europako Kontseilua-ren 1992ko maiatzaren 21eko 92/43/EEE Zuzentarauaren 4. artikuluak eta Natura-ondareari eta Biodibertsitateari buruzko abenduaren 13ko 42/2007 Legearen 44. eta 45. artikuluek ezarritakoari jarraiki, autonomia-erkidegoek, jendaurrean jarri ondoren, beren lurralde-eremuko BGL guztiak Kontserbazio Bereziko Eremu (KBE) izendatu eta eremuok behar bezala kontserbatzeko neurri egokiak ezarri beharko dituzte, kontuan hartuta lekuan lekuko habitat naturalaren eta espezieen berezitasunen araberako eskakizun ekologikoak. Kontserbazio-neurri horiek izango dira, batetik, kudeaketako planak eta baliabideak, eta, bestetik, erregelamenduzko neurriak, administratiboak edo kontratuzkoak.

Bizkaiko Batzar Nagusiek, Kolitza mendiak dituen ezaugarri naturalistikoen garrantziaz jabe-tuta, eta identifikatutako lekuaren luzapen naturala dela iritzita, aho batez onartu zuten 2010eko ekainaren 15ean, Eusko Jaurlaritzari eskatzea leku hori zabaldu eta Kolitza mendia sartzea bertan, emandako arrazoiak direla eta. Guztiz eraginkorra izateko, KBEa zabaltzeak Europako Batzordearen Erabaki bidezko aldez aurretiko balidazioa eskatzen du; beraz, eremuaren muga-ketaren kartografiak eremu hori mugatzeko bi lerroak jasotzen ditu. Horrela, mugaketa berriaren eraginkortasuna eta zabaldutako eremua kontserbatzeko neurrien ezarpena Dekretu honen Azken Xedapenetatik Lehenengoan jasotako baldintzapean daude.

92/43/EEE Zuzentarauak Kontserbazio Bereziko Eremu izendatzeko ezarritako eskakizunak betetze aldera, sakon aztertu da Ordunte inguru hori, Bizkaiko Batzar Nagusiek proposatutako gunea barne. Gainera, eskala egokian adierazi da Europar Batasunaren intereseko habitaten bana-keta, baita horien kontserbazio-egoera ebaluatu ere. Horretaz gain, eremu horretako fauna- eta flora-espezie bereizgarrien banaketa eta kontserbazio-egoera ere aztertu da.

Ikusi ahal izan denez, Ordunte eremuan Batasunaren intereseko 13 habitat-mota daude, gutxienez; eta haietatik lau lehentasunezkoak dira. Ildo horretatik, azpimarratzekoa da heze-gune higroturbosoen kontzentrazio handia, Zalamako zohikaztegia bereziki, estalki motako zohikaztegi bakarra baita Euskal Autonomia Erkidegoan. Halaber, eremu horretan, 43/92/EE Zuzentarauaren II. eranskinean jasotako hamasei espezie daude, gutxienez. Gune askok kon-tserbazio-egoera ona dute; beraz, fauna interesgarria dago. Nabarmentzekoak dira hezegune txikiak, bertan anfibio-komunitate interesgarria bizi baita, hau da, bereziki menditar eta erlikti-koak diren espezieak bizi dira bertan, adibidez, gailurretako uhandrea edo baso-igel iberiarra.

127. zk.



2015/3029 (150/2)

Era berean, KBEan, azpimarratzekoa da harkaizti horretan dagoen hegazti errupikolen komu-nitatea, horiek guztiak baitaude Hegaztien 2009/147/EE Zuzentarauaren 1. eranskinean jasota, hala nola Aquila chrysaetos, Bubo bubo, Corvux corax, Falco peregrinus, Gyps fulvus, Neophron percnocterus, Pyrrhocorax graculus edo Pyrrhocorax pyrrhocorax. Aipagarria da, halaber, badirela ornogabeen beste espezie batzuk ere; besteak beste, Rosalia alpina, Euphydras aurinia edo Calli-morpha quadripunctaria. Intereseko florari dagokionez, honako espezie hauek daude, besteak beste: Eriophorum vaginatum, Bartsia alpina, Gentiana lutea, Menyanthes trifoliata, Trichomanes speciosum edo Woodwardia radicans. Orduntek duen kasuistika berezi hori dela-eta, komeni da mendialde horretarako berariazko dekretu-proiektua egitea.

Horretaz gain, xehetasun-lanei esker lortu diren habitat moten azalerari buruzko datuak, zenbait kasutan, ez datoz bat Europako Batzordera –Euskal Autonomia Erkidegoko tokien zerrendaren proposamenarekin batera– igorri eta jakinarazitako datuekin. Gainera, xehetasun-azterketari esker habitat jakin batzuen interpretazioa zuzentzeko aukera izan da. Esate baterako, egiaztatu ahal izan da, eremu batzuetan, inprimakian adierazitako zenbait habitat-mota ez zeudela; eta, aitzitik, hasierako proposamenean adierazi ez ziren habitat-mota batzuk bazirela.

Kontserbazio Bereziko Eremu izendatzeko prozeduran, parte-hartze sozialaren prozesua behar bezala bete da, ingurumenaren alorrean informazioa eskuratzeko, herritarrek parte hartzeko eta justiziara heltzeko eskubideak arautzen dituen uztailaren 18ko 27/2006 Legearen printzipioei jarraiki. Prozesu horretan, interes sozial eta ekonomikoen ordezkari diren hainbat eragilek hartu dute parte. Parte hartzeko bideak zabalik egon dira izapidetze-prozesu osoan, publiko interesdu-nari komunikazioak helarazita eta egoitza elektronikoaren bitartez. Zehazki, http://www.euskadi.eus/natura2000 webgunean, eremuari buruzko informazio eguneratua egongo da.

Ordunte kontserbatzeko baliabideak Europako Batzordeak ezarritako printzipioei jarraiki landu dira, 92/43/EEE Zuzentarauan jaso eta eremuan topatutako habitat eta taxonen eskakizun ekolo-gikoei erantzuna emateko asmoz.

Horrenbestez, alde batetik, apirilaren 15eko 1/2014 Legegintzako Dekretuaren bidez onartutako Euskal Autonomia Erkidegoko Natura Kontserbatzeko Legearen testu bateginaren 22.5. artikuluan eta, bestetik, Natura-ondareari eta Biodibertsitateari buruzko abenduaren 13ko 42/2007 Legearen 44. eta 45.1 artikuluetan ezarritakoarekin bat, jendaurrean jarri ondoren, Ingurumen eta Lurralde Politikako sailburuak proposatuta, eta Gobernu Kontseiluak –2015eko maiatzaren 12an egindako bilkuran– eztabaidatu eta onartu ondoren, honako hau

XEDATZEN DUT:

1. artikulua.– Helburua eta lurralde-eremua.

1.– Ordunte (ES2130002) Kontserbazio Bereziko Eremu (hemendik aurrera, KBE) izendatzen da, Bizkaiko Lurralde Historikoan.

2.– KBEaren mugaketa Dekretu honi atxikitako I. eranskinean jasotakoa da. Eranskin horrek Atlantikoko eskualde biogeografikoko Batasunaren Garrantzizko Lekuen Zerrenda onartzen duen Europako Batzordearen 2004/813/EE Erabakian bildutako Batasunaren Garrantzizko Lekuen mugak ez ezik, eguneratutako mugaketa ere jasotzen du, azken horrek eremua handitzea baitakar.

3.– Onartu egiten dira KBEa kontserbatzeko II. eranskineko neurriak. Horiek bat datoz Dekretu honen 3. artikuluak ezarritako edukiarekin.

127. zk.



2015/3029 (150/3)

2. artikulua.– Helburua.

1.– Arau honen xedea honako hau da: KBEan bermatzea Batasunaren intereseko habitat natura-lak eta basoko fauna- eta flora-espezieen habitatak kontserbazio-egoera onean mantentzen direla edo egoera horretara berriro ekarriko direla. Habitat horiek ezarrita daude Kontseiluak 1992ko maiatzaren 21ean emandako Habitat Naturalak eta Basoko Fauna eta Flora zaintzeari buruzko 92/43/EEE Zuzentarauan. Horretaz gain, arauaren helburua da hegazti-espezieen biziraupena eta ugalketa ziurtatzea dagokion kokaleku-eremuan, eta, bereziki, Europako Parlamentuak eta Kon-tseiluak basoko hegaztien kontserbazioari buruz 2009ko azaroaren 30ean emandako 2009/147/EE Zuzentarauaren I. eranskinean adierazitako espezieena, bai eta eranskin horretan adierazi ez diren baina gurera iritsi ohi diren espezie migratzaileena ere. Horren guztiaren azken helburua da ahalegina egitea Europako lurraldean biodibertsitatea kontserbatuko dela bermatzeko.

2.– KBEan, honako hauek ezarritako araubide orokorra aplikatuko da: 92/43/EEE Zuzentaraua eta Natura-ondareari eta Biodibertsitateari buruzko abenduaren 13ko 42/2007 Legea.

3. artikulua.– Kontserbazio-neurriak.

1.– Apirilaren 15eko 1/2014 Legegintzako Dekretuaren bidez onartutako Euskal Autono-mia Erkidegoko Natura Kontserbatzeko Legearen testu bateginaren 22.4 artikuluarekin bat, II. eranskinak izendapena argudiatzen duten Batasunaren intereseko habitat motak eta ani-malia- eta landare-espezieak ez ezik, horien kontserbazio-egoeraren ebaluazioa, eremu horren kontserbazio-helburuak, kontserbaziorako arauak eta jarraipen-programa ere jasotzen ditu.

2.– Bizkaiko Foru Aldundiak onartutako kudeaketarako jarraibideak eta neurriak Dekretu honen eranskin gisa argitaratuko dira, Euskal Autonomia Erkidegoko Natura Kontserbatzeko Legearen testu bategina onartzen duen apirilaren 15eko 1/2014 Legegintzako Dekretuaren 22.5 artikuluak ezarritakoari jarraiki.

4. artikulua.– Funtsezkoa ez den berrikuspena edo aldaketa.

II. eranskinean funtsezkoa ez den berrikuspen edo aldaketarik behar izanez gero, egoerak berak edo eskura dauden ezagutza tekniko eta zientifikoek hala egitea eskatzen badute, inguru-menaren alorrean eskumena duen sailburuak emango duen agindu baten bidez egingo da, eta, betiere, 92/43/EEE Zuzentarauaren 11. eta 17. artikuluetan ezarritakoarekin bat. Izan ere, helbu-rua da kontserbazio eta kudeaketa moldaerraz, etengabe eta malgu baterantz jotzea. Prozedura horretan, bermatu egin behar da herritarren parte-hartzea benetakoa eta eraginkorra izan dela, 26/2007 Legeak ezarritakoari jarraiki; eragindako administrazioei eta erakundeei kontsulta egingo zaie, eta Naturzaintzaren txostena jasoko da.

5. artikulua.– Arau-hausteen eta zehapenen araubidea.

Naturagune babestu honi ezarri beharreko zehapen-araubidea, honako hauek araututakoa izango da: apirilaren 15eko 1/2014 Legegintzako Dekretuaren bidez onartutako Euskal Autonomia Erkidegoko Natura Kontserbatzeko Legearen testu bategina eta Natura-ondareari eta Biodibertsi-tateari buruzko abenduaren 13ko 42/2007 Legea.

XEDAPEN GEHIGARRIA

Ingurumen eta Lurralde Politikako sailburuari ahalmena ematen zaio Eusko Jaurlaritzaren ize-nean betetzeko legeak ezarritako tramite eta komunikazio guztiak, bai Estatuaren Administrazio Orokorrean, bai Europar Batasunean. Eta, hala badagokio, neurriak ezartzeak eragingo duen

127. zk.



2015/3029 (150/4)

kostu ekonomikoa zenbatekoa den kalkulatuko du, 92/43/EEE Zuzentarauaren 8. artikuluak eza-rritakoa betetze aldera.

AZKEN XEDAPENETATIK LEHENENGOA

Atlantikoko eskualde biogeografikoko Batasunaren Garrantzizko Lekuen Zerrenda onartzen duen Europako Batzordearen 2004/813/EE Erabakian bildutako mugei dagokienez, Batzordeak KBEa zabaltzeko erabakia hartu izanaren berri ematen duen Ingurumen eta Lurralde Politika Sai-laren titularraren Agindua EHAAn argitaratu eta biharamunean jarriko da indarrean. Orduan izango dira eraginkorrak Dekretu honetan aurreikusitako kontserbazio-neurriak. Ordura arte, eremu horretan, 92/43/EE Zuzentarauaren 6.3 eta 6.4 artikuluek ezarritako prebentzio-araubidea aplika-tuko da, baita Natura-ondareari eta Biodibertsitateari buruzko abenduaren 13ko 42/2007 Legearen 45. artikuluaren 4., 5. eta 6. atalek ezarritakoa ere.

AZKEN XEDAPENETATIK BIGARRENA

Dekretu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean, aurreko xedapenean KBEa zabaltzeko eremurako aurreikusitako araubidea izan ezik.

Vitoria-Gasteizen, 2015eko maiatzaren 12an.

Lehendakaria,IÑIGO URKULLU RENTERIA.

Ingurumen eta Lurralde Politikako sailburua,ANA ISABEL OREGI BASTARRIKA.

127. zk.



2015/3029 (150/5)

I. ERANSKINA, MAIATZAREN 12KO 65/2015 DEKRETUARENA

KARTOGRAFIA

http://www.euskadi.eus/r33-bopvmap/eu?conf=BOPV/capas/D_065_2015/conf_MUGLIM.json&lang=eu

http://www.euskadi.eus/r33-bopvmap/eu?conf=BOPV/capas/D_065_2015/conf_MUGLIM.json&lang=euhttp://www.euskadi.eus/r33-bopvmap/eu?conf=BOPV/capas/D_065_2015/conf_MUGLIM.json&lang=eu

II. ERANSKINA, MAIATZAREN 12KO 65/2015 DEKRETUARENA

ORDUNTE KBE-AREN INFORMAZIO EKOLOGIKOA, KONTSERBAZIO HELBURUAK, KONTSERBAZIO ARAUAK ETA JARRAIPEN PROGRAMA

127. zk.EUSKAL HERRIKO AGINTARITZAREN ALDIZKARIA


2015/3029 (150/6)



2015/3029 (150/7)



2015/3029 (150/8)



2015/3029 (150/9)



2015/3029 (150/10)



2015/3029 (150/11)



2015/3029 (150/12)



2015/3029 (150/13)



2015/3029 (150/14)



2015/3029 (150/15)



2015/3029 (150/16)



2015/3029 (150/17)



2015/3029 (150/18)



2015/3029 (150/19)



2015/3029 (150/20)



2015/3029 (150/21)



2015/3029 (150/22)



2015/3029 (150/23)



2015/3029 (150/24)



2015/3029 (150/25)



2015/3029 (150/26)



2015/3029 (150/27)



2015/3029 (150/28)



2015/3029 (150/29)



2015/3029 (150/30)



2015/3029 (150/31)



2015/3029 (150/32)



2015/3029 (150/33)



2015/3029 (150/34)



2015/3029 (150/35)



2015/3029 (150/36)



2015/3029 (150/37)



2015/3029 (150/38)



2015/3029 (150/39)



2015/3029 (150/40)



2015/3029 (150/41)



2015/3029 (150/42)



2015/3029 (150/43)



2015/3029 (150/44)



2015/3029 (150/45)



2015/3029 (150/46)



2015/3029 (150/47)



2015/3029 (150/48)



2015/3029 (150/49)



2015/3029 (150/50)



2015/3029 (150/51)



2015/3029 (150/52)



2015/3029 (150/53)



2015/3029 (150/54)



2015/3029 (150/55)



2015/3029 (150/56)



2015/3029 (150/57)



2015/3029 (150/58)



2015/3029 (150/59)



2015/3029 (150/60)



2015/3029 (150/61)



2015/3029 (150/62)



2015/3029 (150/63)



2015/3029 (150/64)



2015/3029 (150/65)



2015/3029 (150/66)



2015/3029 (150/67)



2015/3029 (150/68)



2015/3029 (150/69)



2015/3029 (150/70)



2015/3029 (150/71)



2015/3029 (150/72)



2015/3029 (150/73)



2015/3029 (150/74)



2015/3029 (150/75)



2015/3029 (150/76)



2015/3029 (150/77)



2015/3029 (150/78)



2015/3029 (150/79)



2015/3029 (150/80)



2015/3029 (150/81)



2015/3029 (150/82)



2015/3029 (150/83)



2015/3029 (150/84)



2015/3029 (150/85)



2015/3029 (150/86)



2015/3029 (150/87)



2015/3029 (150/88)



2015/3029 (150/89)



2015/3029 (150/90)



2015/3029 (150/91)



2015/3029 (150/92)



2015/3029 (150/93)



2015/3029 (150/94)



2015/3029 (150/95)



2015/3029 (150/96)



2015/3029 (150/97)



2015/3029 (150/98)



2015/3029 (150/99)



2015/3029 (150/100)



2015/3029 (150/101)



2015/3029 (150/102)



2015/3029 (150/103)



2015/3029 (150/104)



2015/3029 (150/105)



2015/3029 (150/106)



2015/3029 (150/107)



2015/3029 (150/108)



2015/3029 (150/109)

EUSKAL HERRKO AGNTARTAREN ALDKARAEUSKAL HERRIKO AGINTARITZAREN ALDIZKARIA 2015/3029 (150/3) 2....

Documents

Transcript of EUSKAL HERRKO AGNTARTAREN ALDKARAEUSKAL HERRIKO AGINTARITZAREN ALDIZKARIA 2015/3029 (150/3) 2....