COMPROMETIDOS COA SAÚDE

No noso centro apostamos por un comedor escolar saudable no que

proporcionamos menús equilibrados e variados, ricos en verduras e

hortalizas.

Para concienciar as familias da importancia que ten comer san

enviarémoslle co menú mensual, “Consellos Saudables”. Algúns deles

son os que presentamos a continuación.

1. VANTAXES DO CONSUMO DE LEGUMES

O 2016 é o ano internacional das legumes, polo que a Organización das Nacións

Unidas para a Alimentación e a Agricultura (FAO), ten como obxectivo difundir

as súas calidades nutricionais, e promover o seu consumo e o seu cultivo.

Anxos Carbajal, profesora de Nutrición

da Facultade de Farmacia da

Universidade Complutense de Madrid

explica que as legumes xogan un papel

fundamental para a prevención de

moitas enfermidades crónicas e

ademais, son alimentos sustentables

para o medio ambiente. De feito deixan

menor pegada ecolóxica que outros

cultivos.

Estes alimentos non deberían faltar na dieta de ningunha persoa, especialmente

na dos nenos, pois son fontes ricas en ferro, vitaminas, hidratos de absorción

lenta, fibra e proteínas, sen incluír graxas saturadas, das que tan malo é abusar.

Conteñen, ademais, cobre, calcio e ácido fólico.

A experta explícanos cales son as súas vantaxes:

- Os legumes son as sementes secas de plantas leguminosas e formaron parte da

alimentación das persoas, durante séculos, polo seu alto valor nutritivo. Na

alimentación dos nenos son un alimento imprescindible.

- Son unha importante fonte de ferro, potasio,

magnesio e outros minerais; ácido fólico e outras

vitaminas B; achegan antioxidantes e outros

bioactivos como fitoesteroles, isoflavonas ou

saponinas; teñen un baixo índice glucémico; e non

conteñen glute, o que as fai aptas para os celíacos.

- Son ricas en hidratos de carbono de absorción

lenta que escasean en gran medida na dieta actual. Os nenos necesitan enerxía xa

que consomen moita durante o día.

-Teñen gran cantidade de proteínas de alta calidade especialmente cando se

consomen combinadas con outros alimentos.

- Son unha excelente fonte de fibra.

- Conteñen pouca graxa e pouco sodio e non teñen colesterol.

2. A COMER SAN TAMÉN SE APRENDE

Unha dieta adecuada ten que conter menús variados e equilibrados.

Non hai comidas malas, senón

alimentos que se deben consumir

menos veces. Calquera produto

consumido en exceso pode ser

prexudicial para a saúde dos máis

pequenos.

Nos primeiros anos de vida é

cando se aprenden os bos hábitos

en relación coa comida. Os pais, e

os titores sodes a influencia máis

directa para os nenos, e por iso

debedes predicar co exemplo á

hora de facer exercicio físico,

sentarse á mesa e ensinar rutinas

alimenticias. Deixade que o neno

vós vexa comer distintos alimentos e gozar deles.

Facer a compra xuntos pode ser unha forma divertida de coñecer distintos

ingredientes e aproveitar os alimentos de tempada para preparar comidas

atractivas que esperten o apetito do neno.

É moi importante eloxiar e animar cando o neno proba algo novo. E sobre todo,

ter paciencia.

Sabemos que a alimentación dos máis pequenos da casa é importante, por iso vós

damos uns consellos básicos para o día a día.

- Recomendámosche tomar, polo menos, cinco pezas de froita, verdura e

hortalizas ao día.

- Os cereais (pan, pasta, arroz, etc.), patacas e legumes son alimentos básicos.

Teñen que formar parte da nosa dieta diaria.

- É mellor comer peixe que carne, pero é importante introducir todos os

alimentos na dieta.

- Tende en conta que a graxa máis saudable é a do aceite de oliva e a máis

prexudicial é a de orixe animal.

- O ideal é acompañar as comidas con auga, que é a bebida máis sa por

excelencia. Os refrescos, só en ocasións especiais.

- Reduce a cantidade de sal nas comidas.

- Almorza todos os días, e da forma máis completa posible.

- Establecer un horario fixo de comidas, co obxectivo de que o neno se habitúe á

regularidade.

- Non saltedes ningunha das comidas, aínda que non se teña fame nese

momento.

Por último, ten en conta que os alimentos pequenos e duros son perigosos (uvas,

olivas, froitos secos enteiros, etc.). É recomendable que non os tomen os nenos

ata que teñan catro anos, e sempre baixo a supervisión dun adulto.

3. DECÁLOGO PARA UNHA BOA ALIMENTACIÓN

A alimentación ten un papel fundamental na saúde e no benestar dos nenos. As

familias e os educadores debemos transmitirlle aos pequenos hábitos para

comer san .

No noso centro somos conscientes

disto e por iso che damos unha serie

de consellos para unha alimentación

correcta e, sobre todo, moi saudable.

1. Unha alimentación completa e

equilibrada mantén a saúde e prevén

enfermidades. É fundamental unha

dieta variada, que inclúa todos os grupos de alimentos.

2. Froitas e verduras a diario. Ofrécelle ao neno froitas e verduras

diariamente, de tempada, que acheguen ao seu organismo vitaminas, minerais e

fibra. Os expertos recomendan unhas 5 racións ao día.

3. Hai que ter en conta a dieta mediterránea xa que está composta por vexetais,

froitas, cereais ou peixe. Cociñar con aceite de oliva e pouco sal, mellor iodada.

Trátase dunha dieta moi rica e variada.

4. É recomendable que se realicen cinco comidas ao día, Almorzo, comida e

cea. Ademais de tomar algo a media mañá como unha froita ou un zume e a

merenda. Así evitaremos que o neno "pique" entre horas.

5. O neno debe manterse hidratado. A auga é a bebida máis recomendable e sa.

Os refrescos só se deben consumir en momentos puntuais e sen cafeína.

6. É recomendable que a comida precociñada se consuma o menos posible.

Canto máis sa e caseira sexa a comida mellor.

7. Hai que evitar os doces e as lambetadas, debemos consumilas só en ocasións

especiais.

8. Tres ou catro racións de produtos lácteos ao día como leite, iogures ou queixo,

son moi necesarios para o organismo xa que teñen moito calcio, fundamental

para os ósos.

9. É recomendable que os nenos consuman a cantidade necesaria de proteínas e

de hidratos de carbono.

10. Os nenos aprenden a comer imitando aos maiores así que debemos predicar

co exemplo, polo que é moi importante que os nenos vexan que os adultos

comemos de todo , e que entendan os beneficios que ten cada alimento para o

noso organismo.