8/3/2019 Berria.info 20111111

1/2

Inprimatzeko bertsioa

Inprimatu

2011-11-11

Gaur izango du estreinaldia

aretoetan 'Azken bidaia'dokumentalak

Comete sarearen parte izandako kideen ibileren berri ematen du IurreTelleria eta Enara Goikoetxearen lanak

Erredakzioa

Donostia

Donostiako Nazioarteko Zinemaldian aurkeztu ondoren, zinema aretoetara iritsiko da gaur

Azken bidaia dokumentala. II. Mundu Gerran Comete sarean parte izan ziren ehunka

lagunen istorioa du ardatz; Iurre Telleriak eta Enara Goikoetxeak zuzendu dute. Sare

korapilatsu eta zabala izaki, pasarte bat hartu dute oinarri zuzendariek, Urruan (Lapurdi)

izandako atxiloketa bat, hain zuzen. 1943. urteko gau batean sei lagun atxilotu zituzten

Pirinioetatik gertu dagoen baserri batean. Lagun horietako bakoitzaren istorioari jarraituz

landu dute dokumentala; sei horien atzean, ordea, ehunka lagunen pasadizoak daude.Istorio handia kontatzeko pertsonaia txikiak behar ziren. Hori izan da hasieratik

helburuetako bat. Parte hartze txikiagoa izan zutenena ere kontatu nahi genuen. Hala

azaldu zuen Telleriak, dokumentala Zinemaldian aurkeztu ondoren.

Lekuko bat Hernanin

Atxiloketa hartatik aske geratu zen Florentino Goikoetxea hernaniarra. Haren berri jakiteak

piztu zuen bi zuzendarien interesa, eta hala erabaki zuten Comete sarearen inguruko lan bat

egitea. Kontrabandista izan zen Goikoetxea, eta II. Mundu Gerran erresistentziarentzat egin

zuen lan, hainbat hegazkinlari aliaturi muga igarotzen lagunduz. Erresuma Batuko

Berria.info | Inprimatzeko bertsioa http://paperekoa.berria.info/papera_inprimatu.php?htmla=B...

1 / 2 11/11/11 18:41

8/3/2019 Berria.info 20111111

2/2

erregearen kondekorazioa jaso zuen gerraren ondoren; AEBetan, Belgikan eta Frantzian ere

saritu zuten egindako lanagatik. 1980. urtean zendu zen. Joxean Goikoetxea haren

senideak jarri dio musika dokumentalari. Beharrezkoa zen istorio hori kontatzea, gal ez

zedin. Musikariak azaldu duenez, pertsonaia bakoitzarentzat obra propio bat ondu du.

Elkarrizketatu dituzten lagunak adinduak izan dira; eurek kontatutakoa eta iraganean

egindakoa, ordea, dena zen mugimendua eta bizitasuna. Horregatik, zenbait pasarte

dramatizatu dituzte, garai hartako ingurune lazgarri hura ahal ik eta hoberen islatzeko, dio

Goikoetxeak.

berria.info

Berria.info | Inprimatzeko bertsioa http://paperekoa.berria.info/papera_inprimatu.php?htmla=B...

2 / 2 11/11/11 18:41