108. zenbakia 2011ko apirila Zuzendaritza: Donostiako Euskararen Udal Patronatua / Koordinazioa: Donostiako Berritzegunea

Ikasle artistak

Futbolari trebea

Mus-e proiektua

Oscar sariak

2011ko apirila

2

Fo

to i

nk

est

a

Nola kontrola dezakegu jateko irrika?

“Nire ustez, jateko ezinegona aspertuta gaudenean izaten dugu. Horregatik, sofan etzanda egotea ez da egokia. Asetzeko, ura edateaz gain, etxetik kanpo jarduerak egitea aukera ona da, ez zarelako goseaz arduratzen. Bestalde, farmazietan eta belar-dendetan ezinegona kontrolatzeko hainbat produktu aurki ditzakegu”.

AmAiA ibArluzeA DbH 4

“Aukera bat gustukoen dituzun gauzak hozkailutik eta armairue-tatik kentzea da, hots, tentazioak saihestea. Beste bat, serio hartzea eta epe batean litxarreriarik ez ja-tea. Hau esatea erraza da, nahiz eta erronka hori betetzea oso zaila den. Gogotik saiatu behar dugu, eta inoiz ez irabazitzat eman”.

NAiArA muro DbH 3

“Nire ustez, hoberena eta sinplee-na hiru otordu garrantzitsuenetatik kanpo ez jatea da; soilik, gosaria, bazkaria eta afaria egitea. Aska-ria eta hamaiketakoa hautazkoak dira. Kirola egitea osasuntsua da, distraitzeko bidea. Sukaldean ez egoten saiatu, mokaduak jateko tentaldia delako.”.

Aitor PAmPliegA DbH 3

ioritz ulAziADbH 3

“Jende askok jateko gogoa ezin du kontrolatu. Nire aholkuak hauek dira: dieta orekatua egitea, otordu artean fruta janez, azukrerik gabe-ko janaria hartuz eta neurri txikian; bestetik, kirola egitea, honela jate-ko gogoa txikiagotu egingo zaizu”.

Sergio VicuñADbH 1

“Nire ustez, ondo legoke kirola egi-tea edo kalera joatea eta ibiltzea. Adinekoa bazara edo kirolik ezin baduzu egin, jolastu mahai jokoe-tan edo entretenitu zerbaitekin, jateko gogoa duzula ahazten la-gunduko dizun edozer egin behar duzu. Litxarreriak gustuko baditu-zu, ahaztu haietaz!”.

“Goseak nagoenean, gozokiak jan ordez, ura edaten dut, eta horrek gosea kentzen dit denbora dezente-rako. Urik edateko aukerarik ez du-danean, txikleak jateko ohitura dut, efektu bera egiten didate. Horretaz gain, telebista saio batean ikusi nue-nez, jaten zaudela pentsatzen badu-zu, gero ez duzu goserik! ”.

KAtriN berguA DbH 3

Zenbat kilometro egin dituzu etxeko hozkailura nahiz apaletara egindako bidaie-tan? Sarritan, aurretik bapo bazkaldu arren, aspertzearen poderioz, urduritasuna dela medio, garunak ase sentsazioari traizio egiten dio eta sabelak bere zerga exijitzen du. Zenbaiten ustez, galdutako erronka da, baina nola ekidin genezake sukaldea maiz bisitatzea?

la salle

Sukaldera bidaiak

www.auzoka.net

Au

zok

a.n

et

3

Auzokako aurreko zenbakian jakinarazi genuenez, auzoka.net webgunean bideo--lehiaketa dibertigarria dago martxan. Sor-kuntza lehiaketa da, eta norberaren edo tal-dearen abilezia bideo labur batean azaltzea da gakoa.

Sariak ez dira nolanahikoak, beraz, bidali lehenbailehen zuen bideoa. Ipod-ak, tekno-logia berriko produktuak erosteko bonoak, kultur produktuak lortzeko bonoak eta abar banatuko ditugu. Erakutsi iezaguzu zeinen abilak zareten kantuan, dantzan, bertsotan, lip dubak egiten, antzezten… Jada jaso di-

tugu bide batzuk; ez galdu aukera, eta par-te hartu!

Gogoan izan honakoak direla bideoek izan beharreko ezaugarri nagusiak:

iraupena: bideoak ezin du 3 minututik go-rakoa izan.

epea: bideoak bidaltzeko azken eguna api-rilaren 15eko gauerdia izango da.

Parte-hartzaileak: Donostiako ikastetxee-tako LH5 eta 6 eta DBH1 eta 2ko ikasleek parte har dezakete.

Parte-hartzea: pertsona bakoitzak nahi adi-na bideo aurkez ditzake lehiaketara. Bideo lanak bakarkakoak zein taldekakoak izan daitezke. Bakarkako lanek sari bat izango dute eta taldekakoek beste bat.

Hizkuntza irizpidea: bideoan hitz egin behar izanez gero edo idatziz zerbait jarri behar izanez gero, euskaraz izatea ezin-bestekoa da. Hala ere, zure abilezia era-kusteko laguntza gisa musika erabili behar baduzu (esaterako, dantza egin behar ba-duzu), musika lagungarri hori edozein hiz-kuntzatan izan daiteke.

Parte har ezazu bideo-lehiaketan!

Sari bikainakbanakako saria: iPod nano bat + 50 €-ko bonoa kultur produktuetan.

taldekako saria: 400 €-ko bonoa tek-nologia berriko produktuetan + 125 €-ko bonoa kultur produktuetan.

ikuslegoaren saria: iPod shuffle bat + 25 €-ko bonoa kultur produktuetan.

Non ote dago zorria?Zenbaki guztietan bezala, oraingoan ere begiak zorroztu beharko dituzue. Ondoko irudikoa bezalako zorri bat ezkutatu dugu Auzokako zenbaki honetan, baina irudikoa baino askoz ere txikiagoa da, jakina. Izan ere, zorria topatzen duenak sari eder bat eramango du, eta lan apur bat egin behar-ko duzue aurkitzeko: Elkarren erabiltzeko 30 euroko bonoa lortuko du irabazleak. Sa-ria lortzeko lehenik eta behin aurkitu zorria, sartu webgune eta horretarako prestatuta-ko lekuan emaitza eman. Zuzen erantzu-ten duten guztien artean zotz egingo dugu Elkarreko bonoa.

Bestetik, Zein naiz? atalean ere beste lehia-keta bat dago. Testuaren azalpenei kasu egin eta asma ezazue zein pertsonari bu-ruz ari diren. Asmatu ondoren, webgunean propio horretarako prestatutako lekuan erantzuna eman eta Elkarren erabiltzeko 30 euroko beste bono bat lortzeko aukera izango baituzu.

107. zenbakiko zorriaren lehiaketako irabazlea: Aimar Arteaga Soroa, Amassorrain ikastola

Saria: bazen behin... bizitza jokoa.

2011ko apirila

4

IñAKI GrAcENEA

“Txikitan egindako artelan guztiak duela hamar urte hautsi nituen”

Iñaki Gracenea Hondarribian jaio zen 1972an. Institutuko ikasketak bukatu ondoren, Arte Ederrak egin zituen. Ikaske-tak ordaintzeko jatetxe batean sukaldari aritu zen zazpi urtez. Ikasketak bukatu ostean, Londresa joan zen, eta han ere su-kaldari aritu zen hotel batean. 1995ean Atenasera joan zen Erasmus gisa. Gaur egun, Guggenheim programarekin esko-laz eskola dabil.

Nola hasi zinen margolaria izaten?Nire aita margolaria da eta 7 urterekin hasi nintzen akuarela eta pastelekin margotzen, ia egunero margotzen nuen etxean aitare-kin.

zein da zure lanbidea?Nire lanbidea artista izatea da.

zenbat eskoletara joan zara jada?Guggenheim programarekin bederatziga-rren urtea da, eta eskola mota ezberdineta-ra joan naiz; guztietan oso ondo egon naiz.

Noiz bihurtu zinen artista? zergatik? Ikasketak bukatu aurretik hasi nintzen artis-ta lanetan.

zein da zure margolari gustukoena?Margolari garaikideen artean, Picasso, pintore oso garrantzitsua izan baita. Gaur egungoen artean, richter, beste batzuen artean.

zein pintura mota gustatzen zaizu? Nik ez daukat estilo bakar bat, nik proiek-tuetan lan egiten dut; adibidez, orain bideo--zaintza proiektu batean nago eta koadro batzuk oso errealistak dira, eta beste ba-

tzuk, abstraktuak. Proiektuaren arabera, oso koadro ezberdinak pintatzen ditut.

margolaria izatea dibertigarria al da?Batzuetan bai, beste batzuetan guztiz kon-trakoa. Ez dut ordutegi finkorik izaten, bai-na lanak entregatzeko epeak bai.

zenbat artelan egin dituzu?Urtero ehun bat koadro pintatzen ditut. Urte guztiak ez dira berdinak, erakusketa asko badauzkat, koadro gehiago pintatu behar baititut.

marrazkiak egitea gustatzen al zaizu? Marrazkia eta pintura dena batera ulertzen dut.

Asko bidaiatu duzu?Bai, dezente. Nire lehenengo bidaia Wies-badenera izan zen, aitari beka bat eman ziotelako. Ondoren, beste leku hauetan ere izan naiz: Grezia, Buenos Aires, Düsseldorf (beka batekin), New York, Londres, Ber-lin… Beti artearekin zerikusia duten gauzen harira bidaiatzen dut.

zergatik bidaiatzen duzu asko?Batzuetan proiektuengatik, beste batzue-tan, nire ohiko bizitza aldatzeko, eta beste batzuetan erakusketak ikusteko.

zenbat urterekin hasi zinen bidaiatzen?Lehenengo bidaia gurasoekin egin nuen.

“Koadroek nik baino gehiago bidaiatzen dute”

5www.auzoka.net

Elk

arriz

keta

Dena dela, bakarrik egin nuen lehen bidaia Atenasera izan zen, 21 urte nituenean.

zenbat urterekin joan zinen New Yorkera?New Yorkera joan nintzen dorre bikiena gertatu ondoren, 2001ean; beraz, 29 urte nituen.

zein da zure lehenengo artelana? Txikitan egindako artelan guztiak duela hamar urte hautsi nituen; ez nituen batere atsegin.

Gogoratzen dudan lehenengo artelana zuhaitz baten akuarela bat da, zazpi urte nituenean egin nuena.

zenbat sari dituzu? Sari asko eman dizkidate.

zenbat beka jaso dituzu?Asko. Estatu mailan artelan sozialek eta banketxeek ematen dituzte bekak, proiek-tuak egiteko.

zenbat feriatan egon zara?Azkena, Madrilgo Arco feria izan zen, eta bi hilabete barru Dubaiko feria batetara noa; beno, hobe esanda, nire koadroak joango dira, nik baino gehiago bidaiatzen baitute.

zenbat erakusketa egin dituzu?Bakarkakoak 10 bat eta taldekoak 100 bai-no gehiago.

oso zaila izan da “espacio distrito4” egi-tea? zergatik?

“Espacio distrito4” nire galeria da Madrilen. Zuek ulertzeko, arte galeria bat futbol ekipo bat bezalakoa da. Jabeak erabakitzen du zeintzuk izango diren artistak, hau da, jo-kalariak. “Distrito4”-n hogeita hamar artista daude, eta ni horietako bat naiz. Horrela, jabeak nire lana saltzen du, eta lan horren balioaren portzentaje bat eramaten du be-rak.

zer dira kontra-jokoak?2006an beka bat eskatu nuen bideo joko bat egiteko, dirua lortu nuenean talde bat kontratatu nuen eta bideo joko bat egin nuen. Artistak bideo jokoen munduan sar-tzerakoan, enpresek egindako bideo jokoak

hartzen dituzte, adibidez, Nintendok egin-dakoa eta birmoldatzen dituzte beraiek nahi dutena esateko. Hori da kontra-joko bat

zein da zure azken koadroa?Berlinen egindako bideo-zaintza proiektu bati buruzkoa da. Berriki bukatu dut. Koa-dro handi bat da 240 cm x 180 cm-koa; pin-tore txikiak koadro handiak, normalean.

zertara zatoz eskolara?Urtero Guggenheim programa egiten dut, urtero eskola ezberdin bat tokatzen zait eta aurten zuena egokitu zait.

zer egingo dugu zurekin ikasturte hone-tan? zein da helburua?Urtero gai bat lantzen dugu eskoletan eta aurten kultur aniztasuna landuko dugu. Hainbat lan egingo ditugu kultur aniztasu-naren inguruan, eta artearen bitartez gauza ezberdinak irakasten saiatuko gara.

Nola sortu zen guggenheim programa?1975. urtean sortu zen New Yorken. Estatu Batuetan, ez zuten eskoletan plastika ema-ten, beraz, museoak pentsatu zuen pro-grama hau sortzea ikasleak plastika izan zezaten.

gure lanak guggenheim museoan eraku-tsiko dira?Urtero programa honetan bederatzi eskolek hartzen dute parte, eta ikasturte bukaeran eskola horietan egin diren lanekin erakus-keta bat egiten da.

zergatik joan ginen guggenheim museo-ra?Urtero bisitaldi bat edo bi egiten dira mu-seora, beste artisten lanak ezagutzeko eta museoetan besten lanak nola ikusi behar diren ikasteko.

gustatzen al zaizu gurekin lan egitea? zer-gatik?Proiektu honetan parte hartzea oso interes-garria da, jendea ezagutzen duzu, urtero ariketa ezberdinak dira, ikasleek ariketa ho-riekiko duten jarrera oso ezberdina izaten da adinaren arabera, bizitzen dutenaren arabera, eta horiek guztiek ematen didate gizartearen isla bat, eta hori interesgarria iruditzen zait.

mendiola

“Hainbat lan egingo ditugu kultur aniztasunaren inguruan”

2011ko apirila

6

Ura, bizitza iturri: non du jatorri?

Ek

olo

gia

Urak itsasotik atmosferara eta alderantziz egiten dituen bidaietan aurkitutako hainbat elemen-tu ditu. Horregatik, gure etxeetara iristen den ura ez da naturatik zuzenean hartutakoa; ur hori garbitu egin behar baita, gaixotasunak ez hartzeko.

Pauso guztiak (ikus irudia):1. Lehenik, ura natura-erreserbatik har-tzen da, eta sare batzuetatik igarotzen da garbitzeko. Horrela, landare eta ha-rea kondarrak kentzen dira.

2. Ikatz aktibatua eta ozonoagatik ure-tan dauden bakterioak deuseztatzen dira.

3. Ura iragazten da, harea eta lohi fin fina kentzeko.

4. Kloroa gehitzen zaio urari, mikroor-ganismoak kentzeko. Ondoren, sufre oxidoa erabiltzen da, ia kloro gehiena kentzeko.

5. Urari kloro pixka bat gehitzen zaio gure etxeetara ondo iristeko.

Munduko Osasun Erakundeak dioenez, urak ezaugarri hauek izan behar ditu edan-garri izateko:

• Ez du osasunerako substantzia kalte-garririk eduki behar, hau da, ez kutsa-garri biologikorik, ez kimikorik, ez erra-dioaktiborik.

• Gas eta gatz ez-organikoen proportzio jakin bat eduki behar ditu disolbatuta, gaixotasunak saihesteko.

• Gardena eta zeharrargia izateaz gain, usaingabea eta zapore atseginekoa izan behar du.

uraren kalitatea gure esku Dakigunez, hondartzetan eta ibaietan bai-natzerakoan kontuz ibili behar dugu, is-tripurik ez izateko, jakina, baina baita ura kutsatuta baldin badago ere, osasunerako kaltegarria izan daiteke eta.

Esan beharra dago, uraren kutsadura ara-zo larria dela. Zerk eragiten du arazo hori? Hona hemen eragileetako batzuk:

• Industrien isurketak eta baserrietako urak.

• Hiriguneetako hondakin-urak.

• Petrolio-ontziek itsasoan egindako isurketak.

• Laborantzan erabilitako ongarriak eta pestizidak; izan ere, lurzoruan sartuz gero, ibaiak eta lur azpiko urak kutsa-tzen dituzte.

zer egin dezakegu guk?Denok lagun dezakegu, hidrosfera garbi egon dadin:

• Ez bota zaborrik. Bildu dena poltsa ba-tean eta bota zaborretara.

• Ez bota harraskatik edo komune-tik behera, ez pinturarik, ez oliorik, ez disolbatzailerik. Galdetu herriko zein lekutan biltzen dituzten horrelako subs-tantzia kimiko arriskutsuak .

• Ez bota pilak zaborretara. Erabili edu-kiontzi bereziak.

santa teresa

Ur araztegi baten eskema Gure hiriko uraren kalitatea bikaina dela zehaztu beharra dago. Donostiaren kasuan, dakigunez, Aiako Harriko Parke Naturaleko Añar-be urtegitik dator gure etxeetara ura. Gure txorrotetara iritsi aurretik, Añarbeko Urak Mankomunitatearen ur edangarrien tratamendu-rako gunean araztu egiten da. Urari, urtero, 2.000 analisi baino gehiago egiten zaizkio, ibilbide osoan.

1 2

3

4

5

7www.auzoka.net

Alb

iste

bit

xia

k

Sri Lankako ipar mendebalean elefante kumea aurkitu dute zuhaitz baten puntan, uholdeen ondorioz. Animalia Kaloya errekaren ondoan aurkitu zuten, errekako ura normala baino 5,5 metro gehiago igo zen.

Arduradunek elefante txikia ahalik eta hoberen jaisten saiatu ziren, elefanteak minik har ez zezan, baina ordurako hilda zegoen.

Uholdeak Elefante kumea zuhaitz puntaraino igo du

Zauritutako azeri batek tirokatu egin du ehiztaria Bielorrusian. Animaliak arma-ren katua jo du eta ehiztariari eman dio. Ehiztaria ospitalean dago hankan zau-rituta, eta animaliak ihes egin du.

Azeri batek ehiztaria tirokatu

du hankan

Dnipropetrovsko (Ukrania) akuarioan albaitariak kezkatuta daude ez baitakite nola lagundu eskuko telefonoa irentsi duen krokodiloari, jan zuenetik ez baitu jaten.

Dirudienez, bisitari bati, argazkia eskuko telefonoarekin ateratzen ari zela, telefonoa uretara erori zitzaion, eta Nilo ibaiko 15 urteko krokodiloak ziztu bizian irentsi egin zuen. Bi egunetan telefonoak deiak jaso zituen eta narrastiaren barrutik soinua en-tzuten zen eta kanpotik dardara nabaritzen zitzaion. Orduz geroztik, krokodiloa mugi-tu egiten da, uretan sartu-irtenak egiten ditu, baina ez du ezertxo ere jaten.

Bestalde, telefonoaren jabeak Akuarioko zuzendaritzari telefonoa itzultzeko eskatu dio, edo behintzat telefonoko txartela kontaktuak ez galtzeko.

Akuarioko zuzendaritzak ez daki zer egin: Guena izeneko krokodiloari ebakuntza egin, telefonoa ateratzeko, edo itxoin kaka egin arte.

Krokodiloak ez du jaten, eskuko telefonoa irentsi duelako

Egokitze arazoak dituen bikote bat oso gustura bizi da 28 arratoi potolorekin eta jendaurrean aurkezteko asmoz, arratoien klub bat eratu du.

Beraien 28 arratoiak

aurkeztu dituzte jendaurrean

herri ametsa

2011ko apirila

8

Kir

ola

Kaixo, ni Iñaki Gonzalez Villanueva naiz eta 2010eko abenduan kirol-epaile gisa hasi nin-tzen. Inoiz ez nuen pentsatu epaile izango nintzenik. Ni jokalaria nintzen eta ez zitzai-dan burutik pasatu epaile izatea; baina lagun artean txantxetan hasi ginen eta, azkenean, bost lagun Federaziora hurbildu ginen kirol--epaile izateko asmotan izena ematera.

Epailea izateko Federaziora joan behar duzu eta izena eman, gero klase batzuk jasotzeko deitzen zaituzte, arauak ikasketako, zelaian nola kokatu behar duzun jakiteko eta, oroko-rrean, jendearen aurrean nola egon argitze-ko, bai kirolarien eta zaleen aurrean. Beste zenbait gauza ere oso argi izan behar dituzu: adibidez, ezin diozula zelaitik kanpoko inori

kasu egin eta, beti, besteak zu baino handia-goak izan arren, gailendu behar duzula, bes-tela kristorena antola daiteke partidan edo partida bukaeran.

Partidan ondo epaitzeaz gain, askotan, parti-da ondo bukatzean pentsatu behar duzu!

Jarraitzaileak eta zaleak sututa badaude, nola lasaitu? Zaila da hori irakastea. Espe-rientziak erakusten du edozein teoriak baino gehiago.

Abantailak eta desabantailakOso gauza onak ditu, adibidez, leku asko ezagutzen dituzu, baita beste epaile asko ere. Bidaia luzeak egiten dituzu askotan eta, normalean, partida horiek onenak dira, inte-resgarrienak eta bizienak. Herri txikia bada areago, herriko ia jende guztia joaten baita partida ikustera.

Esperientzia hori gauza on bat dela esan daiteke, baina bestalde, zenbait jendek pre-sio handia sortzen du harmailetan eta hori partidan nabaritzen da, jokalariak ere piztu egiten baitira, eta horrekin kontuz ibili beha-rra dago.

Epailearen lana ere bada egoera kontrolatzen saiatzea, ezer larririk gerta ez dadin. Jokala-riek eta entrenatzaileek protesta egiten dute partidako jokaldi guztietan eta ez baduzu kontu handia izaten, arazoak izan ditzakezu. Adibidez: epaileren bat Ertzaintzaren lagun-tzarekin atera behar izan dute, harmailetatik gauzak botatzen zizkiotelako. Bestetan, par-tida bukatzean zelaitik kanpo zure zain dau-de jarraitzaile sutsuak eta bortitzak.

Oso garrantzitsua da burua ez galtzea, eta kontu handiz ibiltzea erabakiak hartzera-koan: justua izateko arauak ondo aplikatzen saiatu behar duzu.

iñaki gonzalez villanueva

“Epaile izateko bokazioa ere behar da, gustatzeaz gain, nortasun handia izan behar duzu”

Arbitroa kirolaria ere bada

Iñaki Gonzalez Villanueva epaile lanetan hasi berri da. Bere ustez, hauexek dira partida bat egoki zuzentzeko gakoak: arauak behar bezala aplikatzea, zelaian ondo kokatuta egotea, zaleek harmailetan diotenari kasurik ez egitea...

www.auzoka.net

Itxura fisikoari dagokionez, begi marroiak ditu eta ilea gaztaina-kolorekoa. Azal zu-rikoa da eta altu xamarra:1,83m neurtzen du.

Bere aita Barcelona Futbol clubeko fut-bolaria izan zenez, Xabik 6 urte bete arte Bartzelonan bizi izan ziren eta, ondoren, Donostiara etorri ziren.

Gazte-gaztetatik futbolerako grina erakutsi zuen eta maiz izaten zen hondartzan bere lagun min Xabi Prietorekin futbolean jolas-ten. 16 urte zituela Irlandako Kells herrira joan zen ingelesa ikastera, eta han futbola jokatzeko duten modua oso interesgarria iruditu zitzaion. Antiguoko taldean jokatzen zuela, Realeko teknikariek fitxatu zuten eta 18 urterekin hasi zen talde horretan. 1999ko abenduan jokatu zuen lehenen-

pelketa Nagusia irabazi zuen, eta 2010ean Munduko Txapelketa.

2011ko urtarrilean, Donostiako Udalak Urrezko Danborra eman zion Donostiaren izen ona munduan zabaldu duelako.

intxaurrondo hegoa

Xabier Alonso Olano Tolosan (Gipuzkoa) jaio zen 1981eko azaroaren 25ean. Futbolari ezaguna da eta erdilari gisa jo-katzen du. Bi anai ditu: Mikel eta Jon. Mikel futbolaria da eta, gaur egun, Tenerife futbol taldean jokatzen du, eta Jon futbol epailea da. Aitak Periko Alonso du izena eta futbolari ospetsua izan zen. Xabi Alonso Nagore Aranbururekin ez-konduta dago eta bi haurren guraso dira.

go partida realarekin, Logroñesen aurka. Hasieran, emaitzak ez ziren oso onak, ho-rregatik, Eibar futbol taldera bidali zuten, baina hurrengo denboraldian berriro rea-lera bueltatu zen, John Toshack entrena-tzaileak nahi izan zuelako. Xabiren jokoak reala jaitsieratik aldentzen asko lagundu zuen.

2004. urtean Liverpool futbol taldeak fitxa-tu zuen eta talde horrekin Europako Txa-peldunen Liga irabazi zuen. Liverpoolen bost denboraldi jokatu ondoren, real Ma-dril futbol taldeak fitxatu zuen, 35.000.000 eurogatik. Espainiako eta Euskal Herriko selekzioetan ere jokatu izan du. 2008an Espainiako selekzioarekin Europako Txa-

1977ko otsailaren 2an jaio nintzen eta abes-lari eta dantzari kolonbiarra naiz. Nire aita Libanon jaio zen eta nire ama Kolonbian. Hiru hizkuntza menperatzen ditut. Bost urte nituenean hasi nintzen dantza arabiarrak ikasten eta pixka bat geroago abestiak kon-

posatzen. Ile horia eta kizkurra dut eta po-lita naizela diote. Orain oso ospetsua naiz eta nire abestirik ezagunena Waka-waka da. Nire mutil-laguna futbolari ezagun bat da eta Bartzelona taldean jokatzen du.

intxaurrondo hegoa

Per

tso

na

ia +

zein

na

z?

Xabier Alonso, futbolari tolosar ospetsua

Zein naiz? ?

9

Emaiguzu zure erantzuna www.auzoka.net-en

2008an Espainiako Selekzioarekin Europako Txapelketa Nagusia irabazi zuen, eta 2010ean Munduko Txapelketa

107. zenbakiko Zein naiz? lehiaketako irabazlea olaia Atero lauaizeta institutuko ikaslea izan da.

Saria: mihiluze jokoa.

2011ko apirila

10

Katalin Erauso ikastetxe publikoa orain dela lau ikasturte murgildu zen proiektu berri ba-tean: Mus-e proiektuan, hain zuzen ere. Ordurako, Estatu mailan beste zenbait erkidegotan bazegoen eta Euskal Autonomia Erkidegoan, Donostiako bi ikatetxetan jarri zen martxan: Katalin Erauso LHI eta Herrera LHI.

Mus-e kulturartekotasuna kontuan hartzen duen Europako proiektu bat da, eta esko-lan artearen bidez (antzerkia, dantza, mu-sika, plastika...) ikasleen gizarte eta kultu-ra integrazioa bultzatu nahi du.

HelburuakHezkuntzan, artearen bitartez, honako hel-buruak lortu nahi ditu:

• Gizarte eta kultura integrazioa indar-tzea.

• Tolerantzia eta elkarrizketa garatzea ikasleen arteko harremanetan.

• Sormena eta irudimena areagotzea.

Nola sortu zen?Yehudi Menuhin biolin-jotzaile eta huma-nistak sortu zuen 1994an, Suitzan. Gaur egun, Europako 15 herrialdetako 217 ikas-tetxetan lantzen da, eta baita Israelen eta Brasilen ere.

mus-e euskal Herrian Euskal Autonomia Erkidegoan 2001ean

berriztatze proiektu bezala ezarri zen. Une honetan, Euskal Herriko 7 ikastetxetan ga-ratzen ari da: bi Gasteizen, hiru Bilbon eta bi Donostian.

Gure ikastetxean ikasturte honetan lau-garren urtez ari gara proiektu honetan la-nean

egindako bidea• 2006-07 ikasturtearen bukaeran, proiektua aurkeztu zuten: proiektuaren nondik norakoak ezagutu ondoren, par-te-hartzea erabaki genuen.

• 2007-08 ikasturteko lehenengo hi-

Mus-e proiektu interesgarria

Eskolan artearen bidez hainbat balio bultzatu nahi ditu egitasmoak

Errep

or

taje

a

11 www.auzoka.net

ruhilabetekoan: eskola bakoitzak bere proiektua zehaztu zuen (helburuak, ba-loreak, arte-diziplinak...) eta ikasleen fa-miliei informazioa eman zitzaien.

• 2007-08 ikasturtean, prestakuntza: zuzendariek, koordinatzaileek, musika irakasleek eta artistek prestakuntza jaso zuten.

Gaur egun, ikasturtean zehar, Estatu mai-lan antolatzen diren prestakuntza saioetan parte hartzen du gure eskolak, proiektua-ren zehaztasunen berri izateko.

Proiektuaren diseinua• Urtero, eskola bakoitzak landuko di-tuen balioak erabakitzen ditu eta bere helburu orokorrak zehazten ditu.

• Ikasleekin lan egiteko arte-diziplinak eskola bakoitzak aukeratzen ditu. Gure eskolan, gaur egun, gorputz adierazpe-na, euskal dantzak eta perkusioa lan-tzen ditugu.

• Proiektuaren azterketa egiten da eta kurtso bukaeran Mus-e eguna izaten da. Bertan, eskolako partaide guztiek parte hartzen dute: ikasleek, irakasleek eta gurasoek.

Proiektua gauzatzea• Lehenengo ikasturtean LHko 1. zikloko ikasleek parte hartu zuten, baina, gaur egun, eskolako Lehen Hezkuntzako hiru zikloetan lantzen da.

• Artistak, astean behin, eskolara etor-tzen dira eta ikasturtean zehar 18 saio ematen dituzte maila bakoitzeko taldee-kin. Artista taldearekin dagoen bitartean, taldeko tutorea ere gelan egoten da.

• Musika irakaslea proiektuaren koordi-natzailea da. Bere ardurapean gelditzen da artisten eta ikastetxearen arteko ha-rremana, eta administrazio lan guztia eramatea.

• Artistak, tutoreak eta koordinatzaileak ikasturte hasieran eta aurrera eramaten ari den bitartean elkartzen dira proiektua aurrera eramateko eta beharrezko ego-kitzapenak egiteko.

zer lantzen dugu?• Aurten lantzen ari garen Balorea: En-patia.

• Zehaztutako helburu orokorrak: Sor-mena eta pentsatzeko gaitasuna bultza-tzea; komunikaziorako eta adierazpene-rako beste lengoaia motak ezagutaraz-tea; talde lanerako jokaera egokiak eta parte-hartzaileak garatzea, autonomia bultzatuz; besteen lekuan jartzen jaki-tea.

• Lantzen ditugun arte-diziplinak: dantza (Estitxu cuesta), euskal dantza ( Amaia Germán), Perkusioa (Sergio Lopez de Landaluce).

Proiektuaren ekarpenak• Berrikuntzetan parte-hartzeko ilusioa.

• Kultur eta gizarte aniztasuna ikus-puntu positibotik hartzen dugu, hau da, aberastasun eta aukera bezala.

• Eskola irekitzea, irakasleak ez diren pertsonen ikuspuntuak ekartzen baititu, gure lana aberastuz.

• Daukaguna gehiago baloratzea.

• Tutorearentzat beste informazio iturri bat da, taldearekiko beste rol batean parte hartzen baitu, bere lana asko osa-tuz.

• Saio guztien ebaluaketa egiten da, bai artistaren bai tutorearen bitartez.

• Saioen bukaeran ikasleek ere eginda-koaz ebaluazioa egiten dute.

zailtasunak• Proiektua zehaztea eta martxan jar-tzea.

• Artistak aurkitzea eta mantentzea, as-kotan ordutegiak egokituz eta ordute-giak bateratuz.

• Tutorearen eta artistaren rola ez da erraza izaten, normalean, taldearen di-namika eramaten duena bigarren maila batera pasatzen baita.

Hurrengo urteetan• Proiektuan jarraitu ahal izateko asmoa daukagu, nahiz eta ekonomikoki asko murriztu diguten lan hau aurrera eraman ahal izateko emandako diru laguntza.

kattalin erauso

Artistak astean behin joaten dira ikastetxera; 18 saio ikasturte bakoitzean

iPad 2

Tek

no

log

ia b

erria

k

2011ko apirila

12

Applen azken asmakizuna iPad 2 da, cu-pertinoren eta Steve Jobs-en gailu berria. Ezaugarri esanguratsuenak, bideo-konfe-rentzietan erabiltzeko aurrealdeko kamera berria eta prozesadore azkarragoa dira. 10 orduko bateria du eta lehenengo iPad-a baino finagoa da eta diseinu argiagoa du.

Europako dendetara martxoaren 25ean iritsi zen. Lehenengo egunetik beltza edo zuria eros daitezke. Ameriketako Esta-tu Batuetan, iPad 2 merkeenak 499 dolar balio ditu. iPad 2 horrek 16 GB WI-FI (3G gabe) ditu.

mikel vergara, alexander jurado, iker llamas, igor martin, enara irurieta, alvaro uribe, asier paco eta joana gomez.

Angry Birds, 30 milioi deskarga Androiden Gaur egun, bideo-jokoen negozioak, diru asko mugitzen du. Arrakasta lortzeko, ideia on bat eta lan handia baino ez dira behar, eta horixe da Angry Birds jokoaren kasua. Eskuko telefonoen merkatuan arrakasta itzela izan du, izan ere, 30 milioi deskar-ga baino gehiago izan ditu Androiden. Jo-koak lau mundu desberdin ditu, zazpi txori

desberdin, mailak pasatu ahala, ezkutuan dauden urrezko 17 arrautza lortu beharko dituzu. Horrek guztiak bideo-joko oso inte-resgarri bihurtu du; gure klasean, adibidez, argi ikusi dugu hori, ikasleen %90ak jolas-ten baitu.

cebanc

Helbideak

Pixfans iraganeko eta gaur egungo bideo-jokoen munduari buruzko blog bat da. Blog horretan, zinemak, komikiak eta abarrek ere tokia dute. Blog honetan ibiltzen bazara, egunean egongo gara beti, estreinaldi berrienetatik, klasiko aipagarrienetara. Webgune honek, friki munduari buruzko informazio eguneratua ematen digu.

cebanc

http://www.pixfans.com/

Guztiok ezagutzen dugun spotify programaren antzekoa da webgunea. Ber-tan zuk aukeratzen duzun musika entzun dezakezu; baita zure lagunak mo-mentu berean entzuten ari direna ere. Horretarako, webgunean erregistratu beharko duzu, baina doan da. Erregistratzeko email-a jarri beharko duzu, ez besterik. Hori egin eta gero, zuk aukeratzen duzun musika entzun dezakezu. Bestalde, zure ordenagailuan dauzkazun kantak igo ditzakezu Grooveshar-ken entzuteko.

mikel vergara, alexander jurado, iker llamas, igor martin, enara irurieta, alvaro uribe, asier paco eta joana gomez.

http://listen.grooveshark.com

Erreze

ta +

esp

erim

en

tua

+ a

gen

da

kultur agenda

Errezeta+esperim

entua

arantzazuko ama ikastola, lh 5 b

13www.auzoka.net

Espirometroa: biriken

arnasketa-ahalmena

neurtzeko

Materiala:

Balde handi bat.•

Plastikozko ur botila handia.•

Gomazko hodia.•

Ura.•

Prozedura:

1. Bete baldea eta botila urez.

2. Sartu gomazko hodia botilan.

3. Jarri botila buruz behera baldearen

barruan.

4. Hartu arnasa botila urez bete arte.

Azalpena:

Gomazko hoditik arnas hartzen duzunean

urik gabeko botila urez betetzen da. Horrela

denok probatu dugu eta gure biriken

arnasketa ahalmena neurtu dugu.

17. Korrika Donostian bukatuko daApirilak 17 Aurtengo Korrika Trebiñun hasi eta Donos-tian bukatuko da. Euskararen alde korrika egitea proposatzen digu AEK-k eta Euska-lakaria izatea, euskara ikastea eta erabil-tzea. Apirilaren 17an lasterketa Donostian bukatuko denez, izugarrizko festa antola-tuko da: Bulebarrean, Konstituzio plazan, Trinitate plazan, Kaian eta abar. Horrez gain, apirilean hainbat kultur ekintza anto-latuko dituzte auzo guztietan, Korrika Kul-turalaren baitan.

Agenda honetan ekimen guztiak aipatzea ezinezkoa denez hona hemen batzuk:

Apirilaren 16an

Bertsotan korrika. Bertsolariak: Amets Arza-llus, Sustrai colina, Jon Maia, Miren Amu-

riza, Beñat Gaztelumendi eta Aitor Mendi-luze. Gai-jartzaile: Unai Elizasu. 20:00etan, Antzoki Zaharrean. Sarrera: 12 €.

Apirilaren 17an Gaztezulorekin elastikoa jantzi eta korrika egitera. Gaztezulo aldizkarikoek Korrikan parte hartzera gonbidatzen zaituzte. Kaleji-ra gaztea antolatuko dute. 11:00etan irtengo dira Bulebarretik kalejiran elektrotxaranga batekin eta Amararantz joango dira. Asto-ria aurrean kamisetak banatuko dituzte eta 12:02an lekukoa hartuta korrika egitera!

Musika eskaintza Trinitate plazan

14:50 Flash Mob-a zuzenean 15:00 Gose taldea 16:30 Izate19:00 Esne beltza21:00 Zesatek!Informazio gehiago: www.korrika.org

Txuri-beltz pastelaAzpiko oinarriarentzat: 25 oreo galleta kremarik gabe, 3 gurin koilarakada.

Barrukoa betetzeko: 190 gr gazta-krema, katilu eta laurden azukre, 3 koilarakada hirin, 4 arrautza, 3 gorringo, bainila koilaratxo bat, 2 katilu krema garratz eta 15 oreo galleta, karratuetan moztuta .

Apaintzeko: katilu eta erdi irabiatzeko krema, katilu heren bat azukre hauts, bainila koilaratxo bat, 6-8 oreo galleta erditik moztuta.

Prestatzeko era: Galletak txikitu, gehitu gurin urtua eta nahastu ondo. Moldean bota eta hatzekin estutu berdindu arte. Hozkailuan sartu barrukoa prestatu bitartean.Irabiatu gazta krema eta gehitu azukrea eta irina. Gehitu banan bana arrautzak eta gorringoak. Jarraitu irabiatzen, gehitu bainila eta krema garratza; saiatu osagai guztiak ondo nahasten.Egindako nahasketaren erdia moldean bota eta jarri galleta karratutxoak gainean. Bota gainontzeko nahasketa.Aurrez berotutako labean 220ºctan 15 minutuz eduki eta, ondoren, tenperatura 120ºctara jaitsi eta ordubetean eduki.Pastela moldetik atera, irabiatutako kremarekin, azukrearekin eta bainilarekin igurtzi eta galleta erdiekin apaindu.

2011ko apirila

14

LUIS RAMIRO "El mundo por delante"

Luis ramiro artista madrildarrak martxoaren 1ean hiruga-rren diskoa atera berri du; El mundo por delante izene-koa. Lan berria Dramas y caballeros diskoa atera eta urte erdi geroago argitaratu du. El mundo por delante lanak 11 abesti ezezagun ditu, baina badaude tartean jarraitzaileek ezagutuko dituztenak ere: Mi buena suerte eta Aviones de papel abestiak, esaterako.

MIcHAEL JAcKSON “Thriller”

Thriller da Michael Jacksonen diskorik ezagunenetakoa. Abesti gehienak martxadunak dira, eta horregatik entzutea gomendatzen dizuegu. Diskoa 1982. urtean kaleratutakoa da, eta cD honen harira eginiko bideoklipa oso beldurga-rria da. Dakizuen bezala, Michael Jackson orain dela bi urte hil zen, 50 urte zituela, baina oraindik bere abestiek hor diraute. Michael Jackson poparen erregea zen eta, be-netan, merezi du cDa entzuteak.

HAINBATEK“The Gaztea singles”

The Gaztea singles cDa biziki gomendatzen dizuegu. Tal-de euskaldunen abesti batzuekin osatutako cDa da. He-mezortzi abesti ditu eta, horien artean, Lau teilatu, Ilargia, Jamaika Clash, Aitormena eta beste hainbat kanta arra-kastatsu azaltzen dira. Diskoa Gaztea irrati kateak ate-ra zuen. Abestiak estilo desberdinekoak dira eta entzule gehienentzat oso ezagunak.

Mu

sik

a

PIRRITX ETA PORROTX “Patata-patata”

Patata-patata cDa Katxiporreta diskoetxeak egina da. cDa 2004ean sortu zuten, eta 15 abesti ditu. Euskara eta Tamagazight abestiak gomendatzen dizkizuegu, alaiak eta dibertigarriak direlako. cDak kontatzen duena hauxe da: atzerritik pertsona bat iritsi dela gurera eta, itxuraz desber-dina izan arren, eskubide berak dituela.

santo tomas lizeoa

15www.auzoka.net

Fil

ma

k

“Torrente 4”Krisi egoeran erabat murgilduta dago Torrente detektibea eta miseria go-rrian bizi da. Horregatik, gomendaga-rria ez den enkargu bat hartu behar-ko du: norbait hiltzea, hain zuzen ere. Hainbat laguntzaile hartzen ditu, bai-na berak baino lehen beste norbaitek hiltzen du berari errua leporatuz. Gar-tzelan sartzen dute eta han dagoela bere helburu bakarra errugabea dela frogatzea izango da. Horretarako oso begiko duen pelikula batean oinarri-tuko da Victoryn.

Pelikula askotako erreferenteak era-biliz betiko umorea, agian zakarra, batzuentzat oso desatsegina, baina benetan lehertzeko modukoa.zuzendaria: santiago segura aktoreak: santiago segura, kiko rivera, tony leblanc… espainia, 2011, 92 m.

"El oso Yogui"Garai bateko marrazki bizidunetan oinarritutako pelikula honetan Yogi hartza zaharrak eta haren lagun maitea Boo-Book abentura berriak biziko dituzte. Yellowstone parkeak arazo handiak sortu dizkio herriari, horregatik Brown alkateak (eskru-pulorik gabeko politikariak) parkea itxi eta lurrak saltzea erabaki du. Yogik bere etxea galdu nahi eta, beraz, bide bat aurkitu beharko du parkea salbatzeko, Boo-Boo eta Smith zaindariaren laguntzarekin.

Film honek baditu jendea erakar-tzeko elementuak. Batetik, 3Dn filmatu da eta, bestetik, bertsio ori-ginalean Dan Aykroyden (Ghost-busters) eta Justin Timberlakeren ahotsak entzun daitezke. Prestatu barrez lehertzeko.zuzendaria: eric brevig aeb, 2010, 80 m.

Oscarrak 2011Sorpresa handirik ez zen izan 2011. ur-teko Oscar sarietan. Aurtengo sari bana-keta jaialdiaren aurkezleak Anne Hatha-way eta James Franco aktoreak izan ziren eta, adituen iritziz, ez zuten lan ona egin. Jende askok espero zuen be-zala, The king´s speech izan zen egune-ko protagonista. 12 izendapenekin sari gehien jaso zezakeen filma zen arren, azkenean, 4 Oscar jaso zituen, horien artean, film hoberenaren saria. Sari hori Steven Spielbergek banatu zuen. Ori-gen filmak ere 4 Oscar eskuratu zituen.

Film britainiarrak pelikula hoberenaren Oscarra ez ezik, gizonezko aktore one-naren saria ere jaso zuen, colin Firth-en lan apartagatik. Emakumezko aktore

onenaren saria, espero zen bezala, Na-talie Portmanek jaso zuen, Black Swan filmeko protagonistaren papel hunki-garriarengatik. Familiari eskertu zion, emandako laguntzagatik eta izandako pazientziarengatik.

In a better world film danimarkarrak in-gelesez besteko pelikula onenaren saria jaso zuen. Javier Bardemen Beautiful filma Oscarrik gabe geratu zen, zortzi izendapen zituen arren.

Toy story 3k, eta Alicia in Wonderland pelikulak sari bana eraman zuten eta The Fighter pelikulak bi sari eraman zi-tuen.

axular lizeoa

2011ko apirila

16

Bid

eo

-jo

ko

ak

"Resident evil 5"

capcom enpresak egin zuen joko hau. Zonbiei buruzkoa da eta be-

netakoak dirudite. Jokoak ez du akatsik. Oso ondo saldu da mun-

duan baina afrikarrek jokoa salatu dute, jokoko zonbiak afrikarren

itxurarekin egin dituztelako. Xbox 360, Pc edo Playstation 3an joka

daiteke.

“Alone In The Dark”

Joko hau Alone in the dark 5 edo Alone in the dark near bezala ezagu-

nagoa da. 5. zati hori Infogamekoek egin dute, eta Pc, Xbox 360, Wii,

Playstation 3 eta Playstation 2rako da. Joko hauek guztiak Eden Game-

sek programatu ditu.

“Pokemon”

2011ko martxoaren 4an “ Pokemon edición Blanca” eta “Pokemon edi-

ción negra” atera zituzten. Pokemonen jokoa asko hobetu da. 3 dimen-

tsiotan ikusten da, pertsonai berriak eta mugimendu berriak ditu.

Joko honen testuingurua hau da : Tesalia eskualdean gertatzen dira

ekintza guztiak. Hasierako pokemonak hauek dira: Tegpig, Oshwatt eta

Snivy. Legendazkoak, berriz , hauek dira: Zekrom eta reshiram.

Aurreko Pokemonen bideojokoa gustatu baldin bazitzaizuen, hau ere

gustatuko zaizue.

Bideo joko berriak hobeak

Bideo joko berriak zaharrak baino hobeak dira; pixelak hobetzen dituzte eta benetakoak dirudite,

baina joko berri hauek guztiek gauza txar bat dute: menpekotasun-sortzaileak dira eta, gainera, be-

giak hondatzen dizkizute. Jokoak asko hobetu dira, teknologia berria eta ona daukatelako; adibidez,

capcom enpresak joko ospetsuenak ditu: resident evil 5 eta Devil My cry, esaterako.

peñaflorida

17www.auzoka.net

Lib

ur

ua

k

“Txakurrari gauean gertatutako istripu bitxia”idazlea: mark haddon itzultzailea: xabier olarra

argitaletxea: igela

Pertsonaia nagusia chris-topher da. Ez da besteak bezalakoa, autista da, eta 15 urte ditu. Baina jendeak, autista izateagatik, tontotzat hartzen du, eta hori ez da egia. christopher bere adi-neko beste mutiko batzuk baino askoz ere azkarragoa

da. Bere logika berezia da, baina oso ondo erabiltzen du. Egun batean, bere bizilagun baten etxean, txakur bat hil-tzen dute lorategiko sarde batekin. Jendeak horri ez zion garrantzirik eman, baina christopher pertsona ona da eta txakurrak asko gustatzen zaizkio; beraz, txakurra nork hil duen argitzea du helburu.

Niri liburua asko gustatu zait. Alde batetik, autista baten pentsamendua era garbi batean azaltzen digu. Bestalde, istorio polit bat kontatzen digu, oso entretenigarria. Hala ere, batzuetan, bere logikaren azalpena gehiegi luzatzen du, eta istorioaren haria gal daiteke.

nerea cuellar

“Iqbalen historia”idazlea: francesco d’adamo

itzultzailea: lurdes auzmendi

argitaletxea: aizkorri

Alfonbra lantegi batean lan egiten duten umeen historia da. Iqbal izeneko mutil baten familiak, saldu egiten du zer-gak ordaindu ahal izateko. Alfonbra lantegira eramaten dute, eta han tratu txarrak ja-sotzen dituzte. Iqbal oso au-sarta da, eta ugazabaren kon-tra azaltzen da. Ihes egiten du

eta umeen esplotazioaren kontrako frontea topatzen du. Talde horren laguntzaz, lantegiko umeak askatu egiten ditu.

Nire iritziz, liburu bikaina da. Oso ondo dago idatzia eta istorioa oso polita, tristea eta, batez ere, gogorra da. Idazleak oso era errealen idatzi du, eta hori gustatu zait. Irakurtzeko arina iruditu zait, euskara ulergarria erabili duelako. Liburu hau irakurleentzako soilik gomendatuko nuke, euskara ulertzeko zailtasunik ez duten pertsonei asko gustatuko zaie!

uxue sarriguren

“Harrizko haragia”

idazlea: cornelia funke

itzultzailea: aiora jaka

argitaletxea: elkar

Liburu honetan abentura

asko agertzen dira. Pertso-

naien izaera oso ondo deskri-

batuta dago, baina ez izaera

bakarrik, baita egoerak ere.

Hala, oso ondo irudikatzen

duzu dena.

Jacob, ispilu batetik pasata

joaten da beste mundu ba-

tera. Mundu hori arriskuz betea dago, eta oso ezberdina

da. Egun batean, Jacoben erruagatik, bere anaia harriz-

ko bihurtzen hasten da eta Jacob, bere anaia, anaiaren

neska-laguna eta Jacoben lagun misteriotsua konponbide

baten bila hasten dira mundu horretan zehar.

Irakurri liburua eta ikusiko duzu. Hasieran, lehenengo ha-

mar orrietan, ez nintzen oso ondo kokatzen baina gero,

oso ondo ulertu nuen dena. Erraza da irakurtzea eta ez da

oso luzea. Nik edozeini gomendatuko nioke.

maider arratibel

“Luna jaunaren azken lana”idazlea: césar mallorquí irudigilea: fernando krahn

itzultzailea: mikel hoyos

argitaletxea: giltza-edebé taldea

Abenturazko nobela da. Au-relio coronadok, Boliviako gizon aberats batek, Luna jaunari Flor Huanaco hiltzeko enkargua egin zion. Florren senarrak coronadorentzat

egiten zuen lan, eta senarra gidatzen ari zen hegazkinean ezezagun batek bonba bat jarri zuen eta Florren senarra hil egin zen. Florrek, mendeku gisa, coronadoren hegaz-kin bat hartu, urrutiko zelai batera eraman, eta erre egin zuen, 50.000 dolar kokaina barruan zeramatzala. Horre-gatik kontratatu zuen coronadok Luna jauna. Florrek Boliviatik ihes egin zuen eta, Madrilen lanean ari zen neskame moduan. Liburuak Luna jaunak Flor aurki-tzeko ematen dituen urratsak kontatzen ditu.Liburua asko gustatu zait, hasieratik erakarri egin naue-lako, eta oso gustura irakurri dut. Denbora guztian intriga mantentzen du.malen dominguez

2011ko apirila

18

Ieroglifikoak

Sudokua

8 4 9 6

2 4 9 6 5

6

1 7 8 3 9 2

4 9 7

4 3 8 6 5 7

6

6 8 4 3 5

5 1 2 7

Zer apurtu du?

Saiatu azpian duzun sudokua osatzen.Hizki SaldaMapan idatziak dauden hiriburuak topatu hizki saldan.

A m e z K e t A S S A A b Se r i o t z V A l l e t A At r D S A N o e t J S A N Ne S r l m S t e r u D e u AN A r o A m A t i b P t l tA r e u m i u P i l o A o eS A m K A A P A r i S S N NA J A X D F g H t A u i D AJ e S P r A g A r N t b r Se V i l i J u A N A W t e tb o o r l A J N g i Q i S el b r i S e o l l b l e l Ai b A K V u e r e S Y b o SN V A r S o V i A W P t u Ar P A g A r b t z K J i S D

erroma oslo madril PragaVarsovia ljublianaValleta Sarajevotbilisi DublinViena Parislondres lisboa Atenas

Ziurtasuna ez bada zer da?

DI DI DI

19www.auzoka.net

Hizki saldaBila itzazu hizki saldan behealdean dituzun euskal kirolariak.

Asmakizunak1.-Amak bi ditu, aitak ere bai, semeak bat ere ez eta alabak hiru. Zer da?

2.-Hiru ahatetxo gara uretan igerian, bakoitza bi eta batuketaz sei. Zer da?

3.-Anaietatik nagiena naiz ni, beti daukat jai, beti nago alai. Zer da?

Den

bo

ra

-pa

sak

J L E I R E O L A B E R R I A IO H M K D K D A I N J D N X G VV A C X M K N L A E T K A E K MJ R J H A F H H U X X L S X Z AY I X C X B E E N F H O O A J IW T S N F M I Y Q K L A I K E DS Z R A S K L P W E F U J U M EI A L Q M N E A R E R Y U I O RG R G V V Y P E X I A T B N E UE A X B O J D X X Q E Z M S B NT N K Q L N E D F H Y T N M D DS B H D A T X H F E R J O L G AU U Y L N W J S T H A G E O N NA R Q N A R O A A G I R R E T ML U W M G S B C K D B J D G Z HE H X K W V H S O E Q S J B X ZB S I K E R R O M E R O J S H VN H G N C Z F K S G X O P J S GO J G D L A U Q G E G B A G H LJ A L N A B A S A P E N R U D E

aitor ikastola

1- Haritz Aranburu 2-edurne Pasaban 3-Xabi Prieto

4-Ander elosegi 5-iker romero 6-Jon belaustegi

7-leire olaberria 8-Naroa Agirre 9-maider unda

Euskal kirolariak

Begiak zorroztu

Karratuak zuzenak al dira? Gerturatzen eta urruntzen bazara zirkuluak mugitzen

direla ikusiko duzu.

Zer ikusten duzu hemen?Gizona? Emakumea? Biak?

?

2010eko azaroa

kirola

Kirol-epaileen abenturak 8Arbitro izatea zer den jakiteko aukera

Foto Inkesta 2

Zenbaki honetan…

ekologia

Ura, bizitza iturri 6

erreportajea

Mus-e proiektu interesgarria 10Eskolan artearen bidez hainbat balio bultzatu nahi ditu egitasmoak

Albiste Bitxiak 7

Errezeta + Esperimentua + Agenda 13

Teknologia berriak 12Grooveshark, musika partekatzeko

Auzoka.net 3

Musika 14

Filmak 15

Bideo-jokoak 16

Liburuak 17

Denbora-pasak 18

Pertsonaia + Zein naiz? 9

elkarrizketa

Iñaki Gracenea 4“Txikitan egindako artelan guztiak duela hamar urte hautsi nituen”

Parte hartzen duten ikastetxeak:Aitor ikastola, Altza, Arantzazuko ama, Axular lizeoa, Belen ikastetxea, cEBANc-cDEA, Elizaran ikastetxea, Herri Ametsa, Ikas-bide ikastola, Intxaurrondo hegoa, Kattalin erauso, La asunción, La Salle Loiola, Lauaizeta institutua, Maria Auxiliadora, Mariaren Bihotza ikastola, Mendiola, Peñaflorida, Santa Teresa ikastetxea, Sto tomas lizeoa eta X. Zubiri-Manteo

zuzendaritza: Donostiako Euskararen Udal Patronatua

Koordinazioa: Donostiako Berritzegunea

Aldizkariaren diseinua, maketazioa eta zuzenketak: eragin.com

Webgunearen diseinua, garapena eta kudeaketa: eragin.com

Konstituzio plaza 2, 20003 Donostia

tel. 943483750. Faxa: 943483765 e-mail: udala_euskara@donostia.org

www.euskaraz.net

108zkia.

www.auzoka.net