AKTEA OSOKO BILKUREA - Bermeo · taldeak esan ebanean bermatuta ez egoazala eta, ondorioz,...

1

AKTEA OSOKO BILKUREA

(2015/02)

Bilkurea: OhikoaDatea: 2015-03-04Lekua: Kultura eta Gizarte Etxeko Gaztelekuko

lokalaHasiera-ordua: 19:30Amaiera-ordua: 21:00

BertaratuakLehendakaria: Idurre Bideguren Gabantxo (BILDU) Batzarkideak:

Josu Imanol Unanue Astoreka (BILDU) Irune Ormaetxea Legarreta (BILDU) Juan Carlos Agirre Santa Maria (BILDU) Aingeru Astui Zarraga (BILDU) Maria Amaya Elorza Elortegui (BILDU) Josune Barturen Ortega (BILDU) Gaizka Gabantxo Zabala (BILDU) Ana Tere Bengoetxea Uriondo (BILDU)

Xabier Legarreta Gabilondo (EAJ) Amaya Gaztelu Imatz (EAJ) Aritz Abaroa Cantuariense (EAJ) Asier Gabantxo Larandagoitia (EAJ) Carmen Zulueta Abaroa (EAJ) Jon Iñaki Unanue Astoreka (EAJ) Jon Garro Larrauri (EAJ) Alazne Zumeta Garro (EAJ)

Idazkaria: Karmele Muñoa Arrigain

Bertaratu ez diranak Batzarkidea/k:

2015/02

2

Aztergaiak

1. Aurreko aktea irakurri eta onestea. 2. 25.2 exekuzino unidadeko II. orubean dagozan 5 etxebizitza babes

ofizialeko etxebizitzen baldintzetan esleitzeko hitzarmena. 3. Aritzatxu hondartzarako eraikina eraikitzeko, Bizkaiko Foru Aldundiagaz

hitzarmena onartzea. 4. Industrialde barrirako sarbidea egiteko okupatu zan lur zatia eskuratzeko

hitzarmena hasikeraz onartzea. 5. Alde zaharreko peatonalizazinorako ordenantza barria hasikeraz

onartzea. 6. Bizikidetza udal ordenantzea hasikeraz onartzea. 7. Bermeon animaliak eukitea eta babestea arautzen dauen ordenantzearen

aldaketea hasikeraz onartzea. 8. Kale salmenta araudiaren aldaketea hasikeraz onartzea. 9. Ur Agentziagaz lan hitzarmena sinatzea onartzea. 10. Listu laginen analisiak egiteko Eusko Jaurlaritzeagaz lankidetza

hitzarmena sinatzea onartzea. 11. Ordenantza Fiskalen aldaketea hasikeraz onartzea. Subjektu pasiboa. 12. Euskal Autonomia Erkidegoko administrazinoari zuzendutako idazkiak,

Bermeoko udal erregistroetan aurkezteko, administrazino bien arteko hitzarmena onartzea.

13. Bermeoko saihesbideko zubi-bide eta tunelen izenak onartzea. 14. Merkataritza establezimentuetan errotuluak euskeraz ipinteko 2015.

urteko laguntza deialdia onartzea. 15. Erabilera Plana: 2015eko Kudeaketa Plana. 16. Auzo-taxi zerbitzua erabilteagaitik diru-laguntzak emoteko oinarri bereziak

onartzea. 17. Itsuki irratia kudeatzen dauen Berko kultur taldeagaz lankidetza

hitzarmena sinatzea. 18.Lea-Artibaialdeko Hedabideak SL enpreseagaz lankidetza hitzarmena

sinatzea. 19. 2014ko abenduaren 31ko 1084. zenbakidun Alkatetzearen Dekretua

berrestea: Bermeoko Udalaren eta Busturialdeko Ur Partzuergoaren artean sinatu beharreko lankidetza hitzarmena aldatzea.

20. 118. zenbakidun Alkatetzearen Dekretuaren barri emotea. 21. 2014ko abenduaren 31ko 1085. zenbakidun Alkatetzearen Dekretuaren

barri emotea. 22. Martxoaren 8ko deklarazino instituzionala. 23. Mendebaldeko Saharako auziari bidezko eta behin betiko konponbidea

bilatzearen aldeko mozinoa. 24. Erregistro zibilak pribatizatzearen kontrako mozinoa. 25. Ganerako organoen kontrola. 26. Eskariak eta itaunak.

2015/02

3

1.- AURREKO AKTEA IRAKURRI ETA ONESTEA.

Udalaren Osoko Bilkureak hasikerea emon deutso batzarrari eta jarduneko idazkariak 2015eko urtarrilaren 22ko 01/2015 aktea irakurri ostean, batzordekide danen adostasunagaz zuzenketa honeek egitea erabagi dabe, eta holan geratuko da:

Aritz Abaroa jaunaren eskariz:

23. orrialdeko 8. paragrafoan, “Gogorarazo dau be, 2012. urtean 110.000 euro aurreikusi zirala patrozinioetan, eta EAJ udal taldeak esan ebanean bermatuta ez egoazala eta, ondorioz, proiektuak be ez egoazala bermatuta, kritika gogorrak jaso ebezala”, jartzen dauen lekuan, “Gogorarazo dau be, 2012. urtean 114.000 euro aurreikusi zirala patrozinioetan, eta EAJ udal taldeak esan ebanean bermatuta ez egoazala eta, ondorioz, proiektuak be ez egoazala bermatuta, kritika gogorrak jaso ebezala, nahiz eta urte amaierak arrazoia emon, 400 euro jaso ziralako, azkenean, aurreikusitako 114.000 eurotik”, ipintea. 24. orrialdeko 2. paragrafoaren ondoren, beste paragrafo hau gehitzea: “Itsasontzien mantenimentua, urtero, 50.000 eurotik gora kostatzen da eta, orain, 50.000 euro gehiago aurreikusten dirala mantenimenturako, helburua zehaztu barik”.

Orrialde bereko 5. paragrafoari, honakoa gehitzea: “aurrekontu horreek ez dabenean programa horren emoitza bat bera be agertzen”.

Orrialde bereko 6. paragrafoari honakoa gehitzea: “partida bakar bat be eta euro bakar bat be ez baita agertzen”.

2.- 25.2 EXEKUZINO UNIDADEKO II. ORUBEAN DAGOZAN 5 ETXEBIZITZA BABES OFIZIALEKO ETXEBIZITZEN BALDINTZETAN ESLEITZEKO HITZARMENA.

Alkate andreak azaldu dau aurreko legealdian erabagi zala, EAren abstentzinoagaz, gune horretako etxebizitzen kopurua igotea eta, horren ondorioz, babes ofizialeko 5 etxebizitza gehiago egin behar ebezala.

Horren ondorioz, 5 etxebizitza horreen erregimenaren inguruko hitzarmena sinatzea proposatzen dala agertu dau.

Xedea

25.2 exekuzino unidadeko II. orubean dagozan 5 etxebizitza babes ofizialeko etxebizitzen baldintzetan esleitzeko hitzarmena onartzea.

2015/02

4

Aurrekariak

Lehenengoa: 2011ko apirilaren 20an, Osoko Bilkurak, 25.2 exekuzino unidadeko II. orubeko etxebizitza kopurua handitzeko Plan Berezia behin betiko onartzea erabagi eban.

Bigarrena: Umpro Bermeo, SL enpreseak, 25.2 exekuzino unidadeko II. orubean dagozan 5 etxebizitza babes ofizialeko etxebizitzen prezioan esleitzeko hitzarmena prestatu da.

Argudioak

Bakarra: 25.2 exekuzino unidadeko II. oruberako Plan Bereziaren bidez, 25.2 exekuzino unidadeko II. orubeko etxebizitza kopurua handitu zan (105 etxebizitzatik 128 etxebizitzara). Aldaketa horrek ez eban urigintza-eraikigarritasuna ikutzen.

Horren ondorioz, 25.2 exekuzino unidade osoko etxebizitza kopurua 209etxebizitzatik 232 etxebizitza izatera pasatu zan, beraz, etxebizitza babestuak 44 etxebizitzatik 48,84 etxebizitza izatera pasatzea beharrezkoa zan. Beraz, babes ofizialeko 5 etxebizitza gehiago egitea beharrezkoa zan.

Unidade horretako etxebizitza ofizialak, IV. orubean eraiki dira eta aldaketa hori tramitatu zanean orube hori jadanik eraikita egoan. Babes ofizialeko 5 etxebizitza horreek II. orubean egiteak suposatzen ebazan arazo teknikoak ikusirik, orube horretako 5 etxebizitza babes ofizialeko baldintzetan esleitzea erabagi zan.

Erabagia

Goian aitatutako guztia kontuan hartuta, aho batez, honako hau erabagi dau Udalaren Osoko Bilkureak:

BAKARRA: 25.2 exekuzino unidadeko II. orubean dagozan 5 etxebizitza babes ofizialeko etxebizitzen baldintzetan esleitzeko hitzarmena onartzea.

3.- ARITZATXU HONDARTZARAKO ERAIKINA ERAIKITZEKO, BIZKAIKO FORU ALDUNDIAGAZ HITZARMENA ONARTZEA.

Alkate andreak argitu dau denporalaren ondoriozko kalteak konpontzeko, Itsasertz Mugarteak, Bizkaiko Foru Aldundiak eta udalak, esku-hartze ezbardinak adostu ebezala eta, euren artean, Bizkaiko Foru Aldundiagaz, hau adostu ebela: udalak lurren desjabetzea eta azpiegituren kudeaketea egingo ebala eta, Aldundiak, eraikina.

2015/02

5

Amaya Gaztelu andreak galdetu dau, lurrak pribaduak diran heinean, desjabetu daitekezan.

Alkate andreak erantzun deutso pauso guztiak emon zirala, baina gaia Epaitegietan dagoala adostasunik lortu ez zalako.

Hori horrela, Epaitegietako gaia konpontzen danean, ahalik eta arinen, BizkaikoForu Aldundia bere eginbeharrakaz hasiko dala, azaldu dau.

Gaztelu andreak galdetu dau ea orduan gaia konpontzen danean hasiko diranentz, eta alkate andreak baiezkoa erantzun deutso.

Xedea

Aritzatxu hondartzarako eraikina eraikitzeko, Bizkaiko Foru Aldundiaren eta udalaren arteko lankidetza hitzarmena onartzea.

Aurrekariak

Bakarra: Aritzatxu hondartzan zerbitzuetarako egurrezko eraikina eraikitzeko obrak egiteko, Bizkaiko Foru Aldundiaren eta Bermeoko Udalaren arteko hitzarmena prestatu da.

Argudioak

Bakarra: Espediente honetan legezko urrats guztiak bete dira.

Erabagia

Goian aitatutako guztia kontuan hartuta, aho batez, honako hau erabagi dau Udal Osoko Bilkureak:

LEHENENGOA: Aritzatxu hondartzarako eraikina eraikitzeko, Bizkaiko Foru Aldundiaren eta udalaren arteko lankidetza hitzarmena onartzea.

BIGARRENA: Udaleko alkatea ahalmentzea hitzarmen hau sinatzeko.

2015/02

6

4.- INDUSTRIALDE BARRIRAKO SARBIDEA EGITEKO OKUPATU ZAN LUR ZATIA ESKURATZEKO HITZARMENA HASIKERAZ ONARTZEA.

Alkate andreak azaldu dau okupazino bat egon zala eta aldaketak egon ziranez, jaubeetako bategaz lagapenaren hitzarmena sinatzea proposatzen dala.

Gaztelu andreak galdetu dau berak egiten dauenentz.

Alkatea andreak baietz erantzun deutso eta argitu deutso okupatu zanaren zati batena dala, hasieran Bizkaiko Foru Aldundiaren lurrak ziranak, baina gero aurreko jaubeei bueltatu jakezanez eta, horreetatik batzuk bidea egiteko okupatu ziranez, desjabetzea ekiditeko, adostasunez sinatzea proposatu dabela.

Xedea

Industrialde barrirako sarbidea egiteko okupatu zan lur zatia eskuratzeko hitzarmena hasikeraz onartzea.

Aurrekariak

Lehenengoa: Bermeoko Udalak, 20.3 exekuzino unidadetik industrialde barrira sarrerea egiteko obrea egin eban. Obra horren ondorioz, Jesus Uriarte Muruaga jaunaren eta Juana Egaña Magunacelaya andrearen lur zatiaren zati bat okupatu zan.

Bigarrena: Okupatutako lur zatia eskuratzeko, 2015eko otsailean, Bermeoko Udalaren eta Jesus Uriarte Muruaga jaunaren eta Juana Egaña Magunacelaya andrearen arteko hitzarmena prestatu da.

Argudioak

Bakarra: Espediente honetan legezko urrats guztiak bete dira.

Erabagia


LEHENENGOA: Bermeoko Udalaren, eta Jesus Uriarte Muruaga jaunaren eta Juana Egaña Magunacelaya andrearen arteko hitzarmena onartzea.

BIGARRENA: Hitzarmen hau Bizkaiko Egunkari Ofizialean argitaratzea, eta 30eguneko jendaurreko epea zabaltzea. Epe honetan alegazinorik egongo ez balitz, hitzarmena behin betiko onartuta geratuko litzateke.

2015/02

7

HIRUGARRENA: Udaleko alkatea ahalmentzea hitzarmen hau sinatzeko.

5.- ALDE ZAHARREKO PEATONALIZAZINORAKO ORDENANTZA BARRIA HASIKERAZ ONARTZEA.

Alkate andreak argibideak emon dauz eta azaldu dau Ordenantza eginda egon dala baina kontrol sistema lez piboteduna agertzen zanez eta, orain, mantenimentu kontratua esleitzerakoan, hobekuntza moduan planteatu danez kontrol sistemea aldatzea eta kameran sistemea ipintea, Ordenantzea aldatu beharra dagoala aprobetxatuta, Ordenantza argiagoa eta ulerterrazagoa onartzea proposatzen da.

Adierazo dau prozedurea, etab. komunikatzen joango dirala gitxika, baina ordenantzen aldaketa prozesuak bere epeak daukazanez eta, sistemearen aldaketea apirilerako planteatzen danez, aurreratzen joatea pentsatu dala.

Lehengo Ordenantzeagaz alderatuta, ordutegia eta baimenduak bardin mantentzen dirala azaldu dau. Kontrol sistemea bakarrik aldatzen dala eta, hori aprobetxatuta, Ordenantza labur eta argiagoa onartzen dala esan dau.

Gaztelu andreak agertu dau batzordean azaldu zala eta ez ebela ikusi arazorik, baina uste dauela ez dala hasi behar Osoko Bilkuratik pasatzen, baizik eta egoileakaz, alkarteakaz, etab. berba egiten.

Eragindakoakaz berba egin behar dala uste dabela esan dau, lehen be lan asko egin zalako zentzu horretan eta, pausoak emon baino lehen, herritarrakaz zuzenean planteatu behar dalako.

Juan Karlos Agirre jaunak esan dau ia hilabete dala batzordea egin zanetik eta orain planteatzen dabela hau. Eta argitu dau alde zaharrekoalkarteagaz berba eginda dagoala aspalditik eta alde zaharra oinezko izaten jarraituko dauela, hobekuntza batzuekaz, etab., eta ondo funtzionatzen.

Funtzionamentua aitatu dauela aprobetxatuta, gogorarazo dau, zamalanak egiteko 30 minutu dagozala egun be, bardin mantentzen dana.

Informatu dau bai aldatzen dala ziklomotor eta motozikleten zirkulazinoa, baimenduak egon beharko diralako alde zaharrera sartzeko. Eta hori beerabiltzaileakaz komentatuta dagoala agertu dau.

Gaztelu andreak galdetu dau merkatariakaz berba egin dauenentz.

Alkate andreak erantzun deutso asmoa bardin jarraitzea dala eta ez deutseela eragozpenik suposatu behar, kontrol sistemea bakarrik aldatzen dalako.

2015/02

8

Gogorarazo dau lehen be kontrol sistema bat egon dala eta sistema horrek arazo ugari emon dauzala. Eta ez bazan jaso izan sistemarik aldatzeko proposamenik, bardina mantenduko litzakela, informatu dau.

Argitu dau, besteak beste, Bilbo, Donostia eta Aguraineko ereduak hartu dirala Ordenantzearen testu barria egiteko eta, etorkizunari begira, aldatu behar ez izateko, kontrol sistemearen aitamena kendu egin dala.

Beraz, esan dau, herritarrei ez deutseela aldaketarik suposatu behar.

Xabier Legarreta jaunak galdetu dau bolardoak desagertu egingo diranentz eta kontrola beste sistema baten bidez egingo ahal dan.

Alkate andreak baietz erantzun deutso eta kontrola kamara eta kartelen bidez egingo dala.

Legarreta jaunak galdetu dau pasatzen danari baimen barik isuna ipiniko jakonentz eta alkate andreak baietz erantzun deutso.

Gaztelu andreak esan dau aldaketea bai dagoala, orain goizez pasa leikelako eta sistema barriagaz aldaketa nagusia egongo dalako.

Adierazo dau hobe dala derrigorrezkoa ez bada, edo bizilaguna ez bada, ez pasatzea, baina ezer egin orduko herrian zabaldu behar dala eta onartu aurretik eztabaidatu behar dala esan dau.

Hori horrela, gaia mahai ganean ixtea eskatu dabe, aldaketak bai dagozalako: orain goizez pasatzen dira eta aparkatzeko lekua egonda, aparkatzen dabe, txarto egonda be, gero ezin izango dana egin.

Alkate andreak argitu deutso aginduak bardinak dirala eta murrizketak be bai. Lehen eta orain bardinak dirala errepikatu dau eta, erabilera okerren ondorioz lehen isunak ipinten zirala eta orain be isunak ipiniko dirala azaldu dau, nahiz eta orain agian errazago ipiniko diran.

Adierazo dau kanpaina bat egingo dala eta jakinaren ganean egoteko epe bat egongo dala, eta epe horretan ez dala isunak ipiniko.

Esan dau berak be zalantzak euki dauzala gai hau orain onartzearen inguruan, baina azkenean konbentzitu egin dabela kontrol sistemea bakarrik aldatzen dalako eta ez beste ezer.

Adierazo dau asmoa izan dala apirilerako sistema barria ezarrita egotea eta, horregaitik, oraindik ez onartzea pentsatu ebala. Baina Bizkaiko Aldizkarian argitaratu behar danez eta horrek hilabete atzeratzen dauenez, azkenean orain pasatzeko konbentzitu dabela, esan dau.

2015/02

9

Legarreta jaunak adierazo dau dagozan esperientziak ikustea falta dala, aurreko sistemea martxan ipini orduko egin zan moduan, Zerbitzuetako zinegotzi delegaduagaz joan zirala beste herri batzuetara hango sistemak ikusten.

Esan dau orain errez daukiela, bolardoen arabera pasatzen diralako edo ez.

Erabagia hartzeko informazino gehiago behar dala esan dau.

Josu Imanol Unanue jaunak erantzun dau alde zaharrean kexak dagozala bolardoek ez dabelako funtzionatzen eta ez dalako peatonala.

Sistema barriagaz kontrol zehatzagoa egongo dala argitu dau, egun bolardoak beheran dagozanean, danak pasatzen diralako, bardin baimena euki edo ez.

Legarreta jaunak esan deutso hortik datorrela zalantzea, hau da, bolardo barik zelan bermatuko dan oinezko gune izatea.

Alkate andreak errepikatu dau sistema aldaketea hobakuntza moduan planteatu dauela esleipendunak eta beste herri batzuetako adibideak ipini dabezala.

Juan Karlos Agirre jaunak azaldu dau Donostian eta Madrilen sistema honeek ipinita dagozala eta ez dirala barriak.

Legarreta jaunak galdetu dau, lehen errespetatu ez bada, orain zelan lortuko dan errespetatzea.

Agirre jaunak erantzun deutso Ordenantzan ez dirala ez zamalanen ordutegiak ez epeak aldatzen.

Azaldu dau motozikleta eta motorrak barneratu dirala sisteman eta, sarrereatxartel bidez egin beharrean, sistemea aldatzen dala.

Gogorarazo dau 30 egun dagozala, Bizkaiko Aldizkarian iragarkia argitaratzen danetik, alegazinoak, hobekuntzak, proposamenak, etab., aurkezteko.

Azaldu dau sistema aldaketeak bere denporea eroango dauela baina orain Ordenantzaren aldaketea izapidetu beharra dagoala.

Abaroa jaunak galdetu dau ez ahal diran ordutegiak eta denporak aldatzen, ez dabelako argi ikusten.

Agirre jaunak hori guztia bardin geratzen dala erantzun dau.

2015/02

10

Gaizka Gabantxo jaunak adierazo dau bolardoen sistemeagaz istripu asko egon dirala eta diru asko galdu dala sistemearen akatsakaitik.

Jon Iñaki Unanue jaunak esan dau praktika desegokiak ohitura dirala batzuetan eta, denporea behar dala ohitura barrietara egokitzeko.

Gaztelu andreak zabalkunde kanpaina bat egin behar dala esan dau.

Agirre jaunak hori argi dagoala eta aurreikusita daukiela esan deutso.

Alkate andreak azaldu dau kontrol sistema barria ipinten ez bada, bardin mantenduko litzakela, baina Ordenantzan ez dala jasoko barriztapenak, etab., zelan egingo diran.

Ordutegia, denporak, etab., bardin mantentzen dirala esan dau.

Legarreta jaunak erantzun dau ez daukiela arazorik Ordenantzeaonartzeko, baina sistemearen informazino gehiago beharko litzakela eta, lehen, ikusten joan zirala, errepikatu dau.

Alkate andreak Madrilekoa ikusteko esan eutseela adierazo dau.

Legarreta jaunak agian Donostiakoa ikusi daikiela erantzun deutso.

Gaztelu andreak adierazo dau bere kezkea herritarrei zabaltzea dala eta, egoile eta merkatariakaz landu ezkero, parte badira, lagundu daikiela. Haitz Nagusije, merkatariak, etab., bozeroale izan leikezala esan dau.

Xedea Alde zaharreko peatonalizazinorako ordenantza barria hasikeraz onartzea.

Aurrekariak

Lehenengoa: Egun alde zaharreko peatonalizazinorako ordenantza bat indarrean dago.

Bigarrena: Ordenantza honek eguneraketa bat behar dau ez dauzelako bere helburuak bete.

Hirugarrena: Alde zaharreko sarbide sistemearen mantentze lanetarako esleitutako enpreseak hobekuntza batzuk proposatu dauz eta hobekuntza horreek ezarteko araudia aldatu egin behar da.

2015/02

11

Argudioak

Lehenengoa: Enpresa esleipendunak alde zaharreko sarbideetan dagozankontrol sistemak (interfonoak eta txartel irakurgailuak) eta oztopo fisikoak (bolardoak) kentzea proposatu dau.

Bigarrena: Kontrola ibilgailuen matrikulak, kameren bidez, kontrolatzean datza. Horretarako ibilgailuak baimendutakoak eta ez baimendutakoetan bananduko dauz, ez baimendutakoei zuzenean zigorra ezarriz. Honen ondorioz txartelen bidezko kontrola desagertu egingo da.

Hirugarrena: Araudi barria hobekuntza honeetara egokitu da.

Erabagia


BAKARRA: Alde zaharreko peatonalizazinorako ordenantza barria hasikeraz onartzea.

6.- BIZIKIDETZA UDAL ORDENANTZEA HASIKERAZ ONARTZEA.

Alkate andreak azaldu dau, Ordenantzearen proposamen teknikoa aspaldikoa dala, beste herritakoak ikusita egin zana eta, partaidetza lantaldean landu eta gero, teknikoki barriro aztertuta, lehenengo onarpenera datorrela.

Esan dau agian gauza asko geratu dirala arautu barik eta, legeetan egon arren, ordenantzetan jasoten ez badira, ez dala egoten aukerarik zigorrak ipinteko, txisak, ekintza bandalikoak, etab, esate baterako.

Hori dala eta, argi ikusi diranak behintzat, onarpenera datozela esan dau.

Xedea

Bizikidetza Udal Ordenantza hasikeraz onartzea.

Aurrekariak

Lehenengoa: Udal ordenantzetan, eguneroko bizitzan sortzen diran kasu asko arautzeko orduan, gabeziak dagozala antzeman da.

Bigarrena: Gabezia honeek estaltzeko araudi barri bat behar da, kasu honeek araudi bakar batean batzeko.

2015/02

12

Argudioak

Lehenengoa: Gabezia honeek estaltzeko eta danon artean eguneroko alkar bizitzan sortu daitekezan arazoei aurre egiteko Partaidetza prozesuan landu dan araudi hau egin da.

Bigarrena: Araudi honek arlo ezbardinak beteten dauz baina azken finean, bere helburua, gizalegezko portaerak bultzatzea da.

Erabagia


BAKARRA: Bizikidetza Udal Ordenantzea hasikeraz onartzea.

7.- BERMEON ANIMALIAK EUKITEA ETA BABESTEA ARAUTZEN DAUEN ORDENANTZEAREN ALDAKETEA HASIKERAZ ONARTZEA.

Alkate andreak adierazo dau puntu hau eta hurrengoa datozela, orain arte, ordenantza betearazoteko bermatzailea Udaltzaingoa bada be, behin salaketea ipinita espedientearen izapidetza sailetan egiten dalako eta, horrek atzeratzea ekarten dauelako eta, arina izateko dana Udaltzaingoak egitea erabagi dalako.

Hori horrela, aplikazino baten bidez dana automatizatu egingo dala eta bulego berean izapidetuko dala esan dau eta, errazteko, legeak finkatutako heinetan, kopuru zehatzak onartzea proposatzen dala.

Xedea

Bermeon animaliak eukitea eta babestea arautzen dauen ordenantzearen aldaketea hasikeraz onartzea.

Aurrekariak

Bakarra: Udaltzainburuak Udal Ordenantzen erabilerea aztertu egin dau. Azterketa horretan animaliak eukitea eta babestea arautzen dauen ordenantzearen itzulketan akats batzuen zuzenketea proposatu dau.

2015/02

13

Aurrekariak

Lehenengoa: Aurkitutako akatsak dirala eta ordenantzeari zuzenketa bat egin behar jako.

Bigarrena: Honez gain, Udaltzainburuak zuzenketa proposamen bat prestatu dau eta proposamen horretan arau hausteetan, kasu bakotxean ezarri beharko dan zenbateko finko bat be proposatzen dau. Aldaketa hori egitea egoki ikusten da.

Erabagia

Goian aitatutakoa kontuan hartuta, aho batez, honako hau erabagi dau Udalaren Osoko Bilkureak:

BAKARRA: Bermeon animaliak eukitea eta babestea arautzen dauen ordenantzearen aldaketea hasikeraz onartzea.

8.- KALE SALMENTA ARAUDIAREN ALDAKETEA HASIKERAZ ONARTZEA.

Xedea

Kale salmenta araudiaren aldaketea hasikeraz onartzea.

Aurrekariak

Bakarra: Udaltzainburuak Udal Ordenantzen erabilerea aztertu egin dau. Azterketa horretan Kale Salmenta Araudi barrian zigorrei ezarritako isunen diru kopuruan akats batzuk dagozala antzeman dau.

Aurrekariak

Lehenengoa: Aurkitutako akatsak dirala eta ordenantzeari zuzenketa bat egin behar jako.

Bigarrena: Honez gain, Udaltzainburuak zuzenketa proposamen bat prestatu dau eta proposamen horretan arau hausteetan, kasu bakotxean ezarri beharko dan zenbateko finko bat be proposatzen dau.

Erabagia


2015/02

14

BAKARRA: Kale salmenta araudiaren aldaketea hasikeraz onartzea.

9.- UR AGENTZIAGAZ LAN HITZARMENA SINATZEA ONARTZEA.

Alkate andreak azaldu dau hitzarmen honen bidez lan talde bat eratzea proposatzen dala, plangintza zehatz baten arabera, errekak mantentzeko eta garbitzeko helburuagaz.

Xedea

Ur Agentziagaz lan hitzarmena sinatzea.

Aurrekariak

Bakarra: Udalak Ur Agentziatik jabari hidraulikoetan egin beharreko ekintzetarako protokoloa finkatzen dauen lan hitzarmen proposamena hartu dau.

Argudioak

Lehenengoa: Bermeoko Udalean jabari hidraulikoen (errekak, etba.) mantentze lanak Ur Agentziaren esku egon behar diranaren eretxi izan dogun arren, dirudienez, badagoz epaiak zenbait lan udal administrazinoaren esku geratzen diraka agintzen dabezanak.

Bigarrena: Ur Agentziatik luzatu daben lan hitzarmen proposamenean alkar lanetarako protokolo bat ezarten da.

Hirugarrena: Edozein kasutan, udalak lan batzuk egin behar dauzala kontuan hartuta, hobe ikusten da alkar lanerako talde bat izatea, gure eretxiak planteatzeko, ez Ur Agentziatik agindu hutsak hartzea baino.

Erabagia


BAKARRA: Ur Agentziagaz lan hitzarmena sinatzea.

2015/02

15

10.- LISTU LAGINEN ANALISIAK EGITEKO EUSKO JAURLARITZEAGAZ LANKIDETZA HITZARMENA SINATZEA ONARTZEA.

Alkate andreak argitu dau drogei aurre egiteko planean, aukerea egon dala lankidetza hitzartzeko drogen frogak egiteko. Lagina hartzea Udaltzaingoari egokituko jakola eta analisia egitea Ertzaintzari adostu da, hain zuzen be.

Legarreta jaunak udalaren betebeharra lagina hartzea baino ez danentz izango galdetu dau.

Alkate andreak erantzun deutso lagina hartzeko materialaren hornidureaz be udala arduratuko dala.

Xedea

Listu laginen analisiak egiteko Eusko Jaurlaritzeagaz lankidetza hitzarmena sinatzea.

Aurrekariak

Bakarra: Trafikoaren legearen aldaketak listu analisiak sartu dauz gidatzerakoan drogak kontsumidu diranentz aztertzeko.

Argudioak

Lehenengoa: Herri txikiek ez daukie analisi honeek egiteko mediorik, hori dala eta, Eusko Jaurlaritzeak bere laguntzea eskaini dau froga honeek burutzeko.

Bigarrena: Herri barruan Udaltzaingoak egiten dauzan kontroletan listu laginak hartzeko material hutsa erosi beharko genuke eta analisiak Eusko Jaurlaritzeak egingo leukez euren kostua hartuta.

Erabagia


BAKARRA: Listu laginen analisiak egiteko Eusko Jaurlaritzeagaz lan hitzarmena sinatzea.

2015/02

16

11.- ORDENANTZA FISKALEN ALDAKETEA HASIKERAZ ONARTZEA. SUBJEKTU PASIBOA.

Alkate andreak azaldu dau proposatzen dan aldaketea Arartekoaren gomendioetatik datorrela, Foru Arauetara egokitu eta interpretazino okerrak zuzentzeko proposatzen ebala eta.

Xedea

Zergadunen ordezkoei jagokenean, tasa jakin batzuen udal ordenantza fiskalak Toki Ogasunei buruzko 9/2005 FORU-ARAUAaren 24. artikuluko 2. atalean xedatutakoari egokitzea.

Aurrekariak

Lehenengoa: Toki Ogasunei buruzko ekainaren 30eko 5/1989 Foru Arauan, baita, geroagoko, Toki Ogasunei buruzko abenduaren 16ko 9/2005 Foru-Arauan, tasen subjektu pasiboei buruz honako hau xedatuta dago:

24. artikulua. Zergapekoak.

1. Pertsona fisiko nahiz juridikoak eta Zergei buruzko Foru Arau Orokorraren 34.3. artikuluan aipaturiko erakundeak dira tasen zergapekoak, zergadun diren adinean izan ere:

a) Tokiko herri jabaria norberaren onurarako gozatu, erabili edo bereziki aprobetxatzen badute, foru arau honen 21. artikuluko 3. paragrafoan aurreikusitako kasuetariko baten baten arabera.

b) Toki erakundeek egiten dituzten zerbitzu edo jardueretariko baten bat eskatzen badute edota haien onura edo eragina jasotzen badute, foru arau honen 21. artikuluko 4. paragrafoan aurreikusitako kasuetariko baten baten arabera.

2. Zergadunaren ordezkoak hauek izango dira:

a) Etxebizitza edo lokalen okupatzaileei onurarik edo eraginik dakarkieten zerbitzu edo jardueren ondoriozko tasetan, higiezin horien jabeak; egokituz gero, jabeek onuradunei jasanarazi ahal izango dizkiete kuotak.

b) Lurzoruari eta hiri antolamenduari buruzko arautegian aurreikusitako hirigintza-lizentziak ematearen ondoriozko tasetan, obren eraikitzaile eta kontratistak.

c) Suteak galarazi eta itzaltzeko zerbitzuak, aurrien prebentziokoak, eraikuntza eta eraispenak, salbamenduak eta, oro har, pertsonak eta ondasunak babesteko zerbitzuak egiteagatik ezarritako tasetan -halakoen barnean sarturik dago zerbitzua mantentzea-, arriskua aseguratzen duten erakunde edo sozietateak.

d) Ibilgailuetarako sarbideak eginik, espaloiak modu pribatiboan erabiltzeagatik edo bereziki aprobetxatzeagatik, eta horrelako sarbideak egiteagatik, mantentzeagatik, aldatzeagatik edo kentzeagatik ezarritako tasetan, ibilgailuen sarbide horiek

2015/02

17

dauzkaten finka eta lokalen jabeak; egokituz gero, jabeek onuradunei jasanarazi ahal izango dizkiete kuotak.

Bigarrena: Bermeoko Udalarentzat aspalditik jakinak izan diran tasen subjektu pasiboei buruzko xedapen horreek kontuan izan barik kudeatu eta kitatu dira tasak. Batez be ur, estolderia eta sastar-batze zerbitzuetako tasaren ordezko subjektu pasiboa higiezinaren jaubea izatea maizterrak dagozanean ez zalako ikusi justoa danik. Horrela adibidez, aspaldikoa dan AGU aplikazinoa jaubea eta erabiltzailea bereiztuta erregistratzeko eta maizterrari kitatzeko eginda dago. Baita, ordenantza fiskala be.

Hirugarrena: Herritar batek Arartekoari aurkeztutako 3001/2013/QC kexearen ondorioz Arartekoak ez eban onartu udal ordenantzan abonaduaren titularra dan subjektu pasiboari ezarritako tasea ordaintzeko bete beharrak, jaubearen bete beharra dala argudiatuta.

Laugarrena: Ararteko 3001/2013/QC kexaren erabakirako azterpen argudioetan, zazpigarrenean eta zortzigarrenean honako hau jasota geratu zan:

Zazpigarrena: Toki Ogasunei buruzko 9/2005 FORU-ARAUAaren 24. artikuluko 2. atalean zergadunaren ordezkoak nortzuk izango diran aitatzea derrigorrezko betebeharra bada, inkilinoak inoiz ezin dira izan abonaduen titularrak. Beraz XXXX andrea ez beste maizter guztiak ezin izan ziran eta ezin dira izan tasaren zordunak. Ondorioz, sastar-batze zerbitzuaren tasaren kudeaketa guztiz aldatu beharra dago, maizterrak abonaduen titularrak izatea debekatu behar da eta orain arteko guztien zordunak aldatu.

Zortzigarrena: Toki Ogasunei buruzko 9/2005 FORU-ARAUAaren 24. artikuluko 2. atalean zergadunaren ordezkoak nortzuk izango diran aitatzea derrigorrezko betebeharra bada, 2. b), c) eta d) ataletakoak be txarto kudeatzen dauz Bermeoko Udalak, adibidez, obra lizentzien tasea ez jake kitatzen kontratistei.

Bosgarrena: Arartekoaren 3001/2013/QC kexeari buruzko erabagia 2014ko urriaren 14an hartu zan Alkatetzaren 778. zenbakidun Dekretuz. Baita, bertan honako hau be, erabagi zan:

HIRUGARRENA: Udal tasen kudeaketa egokia izan daiten Toki Ogasunei buruzko 9/2005 FORU-ARAUAaren 24. artikuluko 2. a), b), c) eta d) ataletan zergadunaren ordezkoak nortzuk izango diran aitatzea derrigorrezko betebeharra dan ala ez informatu daian eskatzea udaleko zerbitzu juridikoari.

Seigarrena: Udaleko zerbitzu juridikoari agindutako txostena 2014ko abenduaren 29an egin eban jarduneko idazkariak. Egindako proposamena honako izanda:

2015/02

18

Ordenantza fiskalak Foru Arauetara egokitzeko eta, ondorioz, subjektu pasibo lez zergadunaren ordezkoa agertzeko beharrezko aldaketak egitea.

Argudioak

Lehenengoa: Bizkaiko Lurralde Historikoko Zergei buruzko martxoaren 10eko 2/2005 FORU-ARAUAn honako hau xedatuta dago:


1. Hauek dira zergapekoak: zerga-arautegiaren arabera zerga- betebeharrak (materialak nahiz formalak) dituzten pertsona fisikoak edo juridikoak eta erakundeak. Zergapekoak izango dira, halaber, elkarren laguntzari buruzko araudiaren arabera zerga-betebeharrak ezarri ahal zaizkienak.

2. Besteak beste, hauexek dira zergapekoak:

a) Subjektu pasiboak

35. artikulua. Subjektu pasiboak: zergaduna eta zergadunaren ordezkoa.

1. Subjektu pasiboa zerga-betebehar nagusia eta hari datxezkion betebehar formalak zergadun gisa nahiz haren ordezko gisa bete behar dituen zergapekoa da. Zerga-kuota beste zergapeko bati jasanarazi behar diotenak ere subjektu pasibo izango dira, zergari buruzko foru arauan besterik ezarri ezean.

2. Zergaduna zerga-egitatea egiten duen subjektu pasiboa da..

3. Zergadunaren ordezkoa da foru arau batean ezarritakoaren arabera zerga-betebehar nagusia eta hari datxezkion betebehar formalak zergadunaren ordez bete behar dituen subjektu pasiboa.

Ordezkoak ordaindutako zerga-betebeharren zenbatekoa eskatu ahal izango dio zergadunari, foru arau bidez besterik ezarri ezean.

Bigarrena: Toki Ogasunei buruzko abenduaren 16ko 9/2005 FORU-ARAUAan honako hau xedatuta dago:


1. Pertsona fisiko nahiz juridikoak eta Zergei buruzko Foru Arau Orokorraren 34.3. artikuluan aipaturiko erakundeak dira tasen zergapekoak, zergadun diren adinean izan ere:

a) Tokiko herri jabaria norberaren onurarako gozatu, erabili edo bereziki aprobetxatzen badute, foru arau honen 21. artikuluko 3. paragrafoan aurreikusitako kasuetariko baten baten arabera.

2015/02

19

b) Toki erakundeek egiten dituzten zerbitzu edo jardueretariko baten bat eskatzen badute edota haien onura edo eragina jasotzen badute, foru arau honen 21. artikuluko 4. paragrafoan aurreikusitako kasuetariko baten baten arabera.

2. Zergadunaren ordezkoak hauek izango dira:

a) Etxebizitza edo lokalen okupatzaileei onurarik edo eraginik dakarkieten zerbitzu edo jardueren ondoriozko tasetan, higiezin horien jabeak; egokituz gero, jabeek onuradunei jasanarazi ahal izango dizkiete kuotak.

b) Lurzoruari eta hiri antolamenduari buruzko arautegian aurreikusitako hirigintza-lizentziak ematearen ondoriozko tasetan, obren eraikitzaile eta kontratistak.

c) Suteak galarazi eta itzaltzeko zerbitzuak, aurrien prebentziokoak, eraikuntza eta eraispenak, salbamenduak eta, oro har, pertsonak eta ondasunak babesteko zerbitzuak egiteagatik ezarritako tasetan -halakoen barnean sarturik dago zerbitzua mantentzea-,arriskua aseguratzen duten erakunde edo sozietateak.

d) Ibilgailuetarako sarbideak eginik, espaloiak modu pribatiboan erabiltzeagatik edo bereziki aprobetxatzeagatik, eta horrelako sarbideak egiteagatik, mantentzeagatik, aldatzeagatik edo kentzeagatik ezarritako tasetan, ibilgailuen sarbide horiek dauzkaten finka eta lokalen jabeak; egokituz gero, jabeek onuradunei jasanarazi ahal izango dizkiete kuotak.

Hirugarrena: Foru Arauera egokitu beharreko tasak honako honeek dira:

- SASTARRAK BATZEAGAITIK ORDAINDU BEHARREKO TASEA ARAUTZEN DAUEN ORDENANTZA FISKALA

- URIGINTZA LIZENTZIEN TASEA ARAUTZEN DAUEN ORDENANTZA FISKALA - URIGINTZA ETA INGURUMEKO ZERBITZUEN TASEA ARAUTZEN DAUEN

ORDENANTZA FISKALA - IBILGAILUAK ESPALOIETATIK SARTU, BIDE PUBLIKOAN APARKATZEKO

ERRESERBEA EGIN ETA EDOZEIN ERATAKO SALGAIEN ZAMALANAK EGITEAGAITIK ORDAINDU BEHARREKO TASEA ARAUTZEN DAUEN ORDENANTZA FIZKALA

Laugarrena: Subjektu pasiboak dirala-eta ordenantza fiskalak aldatzearen ondorioz, tasen kudeaketak eurak be aldatu egin behar dira. Tasen kudeaketeaErrenta Sailaren funtzinoa izan arren, beste sail batzuren esku egonik eskarien eta lizentziak bideratzea, ba, hori be aurreikusi eta beharrizanetara egokitu behar dira.

Bosgarrena: Toki Ogasunei buruzko abenduaren 16ko 9/2005 FORU-ARAUAn honako hau xedatuta dago:

15. artikulua. Zerga-ordenantzen edukia.

1. Honako foru arau honetan aipatzen diren tributuak ezarri, arautu eta mantentzeko beharrezkoak diren zerga-ordenantzek eduki hauek izango dituzte, gutxienez: a) Zerga-egitatea, zergapekoa, arduradunak, salbuespenak, txikipen eta hobariak, zerga-oinarria eta

2015/02

20

oinarri likidagarria, karga-tasa edo zerga-kuota, zergaldia eta sortzapena zehaztu beharko dituzte.

b) Aitorpena eta sarrera egiteko araubideak.

c) Onespenaren data eta aplikatzen hastekoa.

2. Horrez gain, foru arau honen 7. artikuluaren 2. paragrafoan aipaturiko arauak jaso ahal izango dira zerga-ordenantza hauetan, beharrezkoa bada.

7. artikulua. Udal tributuen ordenamenduaren iturriak.

2. Zerga-ordenantzen bitartez, toki erakundeek beren barruko antolaketa- eta funtzionamendu-araubidearen eredura egokitu ahal izango dute aurreko paragrafoaren lehen lerroaldean aipaturiko arautegia, baina egokitzapen hori ezin izan daiteke arautegi horren eduki materialaren aurkakoa.

Seigarrena: Aurreko ataletan aitatutako guztia kontuan izanda, aldatu beharrekoen azterketea egin da, eranskinetan jasota dago.

Erabagia


LEHENENGOA: Toki Ogasunei buruzko 9/2005 FORU-ARAUAaren 24. artikuluko 2. atalean xedatutakoari egokitzeko beharrezko aldaketak honeek onartzea:

◊ SASTARRAK BATZEAGAITIK ORDAINDU BEHARREKO TASEA ARAUTZEN DAUEN ORDENANTZA FISKALA

► Subjektu pasiboari jagokon 4. artikulua baliogabetzea eta honela berridaztea:

4. artikulua: SUBJEKTU PASIBOA Bizkaiko Lurralde Historikoko Zergei buruzko martxoaren 10eko 2/2005 FORU-ARAUko 34. artikuluko 1 eta 2 ataletan eta Toki Ogasunei buruzko abenduaren 16ko 9/2005 FORU-ARAUko 24. artikuluko 1.b eta 2.a ataletan oinarrituta, zerbitzua emoten jakon etxebizitza, lokal edo bestelako higiezinetako jaubeak dira tasearen subjektu pasiboak, hau da, tasea ordaintzeko bete beharra daukienak.

2015/02

21

► Abonaduen kudeaketeari jagokon 8. artikulutik erabiltzailea kontzeptua baliobagetzea, ondorioz honela berridaztea:

8. artikulua: ABONADUEN KUDEAKETEA1- Sastar-batze derrigorrezko zerbitzuaren erroldea osatuko dabe abonaduek. Horrela, aspaldiko zerbitzu hartzaile diran higiezinak abonadu lez erregistratuta egongo dira.

2- Eraikin barrietako banakako higiezinei, ofizioz, abonadu altea emongo jake bizigarritasun lizentzia edo lehen erabilerarako lizentzia eskuratzen daben hiruhilekoan bertan.

3- Abonadua izan behar baina ez dan higiezinaren jaubeak altea eskatzeko bete beharra dauka.

4- Zerbitzuko abonadu bakotxak datu honeek eukiko dauz:

Abonadu zenbakia: aldaezina, beti bera

Abonaduaren identifikazinoa = higiezinaren identifikazinoa = egite ezargarriaren lekua: zuzena dan heinean aldaezina eta oinarria katastroan daukana.

Jaubea = Abonaduaren titularra = tasea ordaindu behar dauana: momentuan momentukoa

Epigrafea: benetako erabilerea/jarduerearen araberakoa: momentuan momentukoa

Tasea ordaintzeko erea (eskuz edo banketxean helbideratuta): momentuan momentukoa

5- Higiezin batean garatzen edo garatuko dan jarduerearen titularrak daukazan bete beharren kalte barik, jaubearen bete beharra da bere jaubegoko higiezinean garatzen edo garatuko dan jarduerearen edo emoten jakon erabilerearen barri udal administrazinoari emotea, epigrafe egokia aplikatzeko.

► Maizterrak udalari tasea ordaintzeko bete beharretik kanpo geratzen diran ezkero, 14. artikulua baliogabetzea eta honela berridaztea:

14. artikulua: TITULARTASUNA ALDATZEA

1- Titularidade aldaketa eskariak:

2015/02

22

a) Abonaduen titulartasuna aldatzeko bereziki dagoan inprimaki bidez eskatu beharko da beren beregi berh@z bulegoan, jaubegoaren titular aldaketeaerakusten dauen agiria aurkeztuta.

b) Aurreko jaubea da, nahitaez, bajea emon gura dauela adierazoteko bete beharra daukana, beraz eskaria egiteaz arduratu behar dana. Heriotza kasuetan oinordekoak.

c) Eskaria egin eta hurrengo hiruhileko naturalean izango dauz ondorioak erroldan,eskualdatzea eskaria egin dan hiruhilekoaren aurretik egin dala erakusten bada izan ezik. Halan danean, eta beti be tasearen sortzapen eguna kontuan izanda eta errolda fiskala onartu barik badago, titulartasuna aldatzeak eskaria egiten dan hiruhilekoan izango dauz ondorioak

d) Abonaduen titulartasuna aldatzeko inprimakian izenpea eta titularra itziko dira jasota beren beregi, aldaketeagaz bat datozala frogatzeko.

e) Titulartasuna aldatu baino lehen hartutako zorrek aurreko titularraren izenean jarraituko dabe, beti be berorrek eukan kobrantza jardunbidearen kopuruaren eta egoeraren arabera. Inondik be ezin izango da hartutako zorraren titularra aldatu.

2- Ofizioz egindako titular aldaketak

Tributu Kudeaketa Sailak agiri edo bestelako baliabideen bidez jaubegoaren titularra aldatu dala jakin ezkero, eskuz aldatutako higiezinari jagokon abonaduaren titularra aldatzeko eskaririk aurkeztu dan egiaztatuko dau. Eskaririk aurkeztu ez bada, ofizioz aldatzeko espedientea igirita aurreko titularrari eta barriari entzunaldia emongo jake. Titularraren aldaketearen eragina espedientea igiri dan egunaren hurrengo hiruhilekoan izango da.

3- Bestelako eskariak:

Edozein arrazoigaitik titulartasuna inprimaki bidez aldatzerik ez badago titular barria izan behar dauenak inprimakirik bete edo sinatu ez dauelako, aurreko titularrak instantzia bidez eskatu leike titulartasuna aldatzeko, eskritura publikoa edo titulartasuna aldatzeko eskaerea justifikatzen dauen agiria aurkeztuta.

Eskaria egin eta hurrengo hiruhileko naturalean izango dauz ondorioak erroldan, jaubegoaren eskualdatze data eskaria egin dan hiruhilekoaren aurretik izan dala erakusten bada izan ezik. Halan danean, eta beti be tasearen sortzapen eguna kontuan izanda eta errolda fiskala onartu barik badago, titulartasuna aldatzeak eskaria egiten dan hiruhilekoan izango dauz ondorioak.

2015/02

23

Kasuz-kasu titularra aldatzeko erabagia hartuta jakinarazoko jake aurreko titularrari eta barriari. Jakinarazpen hori nahikoa izango da errolda fiskaleko aldaketarako be, beraz, bertan aitatzen dan hiruhilekoko erroldan titular barria izango tasearen zorduna.

► Ordenantza aldaketearen ondorioak kontuan izanda, xedapen gehigarri honeek onartzea:

Xedapen gehigarriak

Lehenengoa: Erabiltzaile-maizterrari egiten jakozan aitamen guztiak baliogabetuta geratzen dira.

Bigarrena: Aldaketa honeek indarrean sartuko dira Toki Ogasunei buruzko abenduaren 16ko 9/2005 FORU-ARAUko 16. artikuluan ezarritakoa beteten danean. Beraz, indarrean sartze data horretatik aurrera ez da onartuko maizterrik tasa honen subjektu pasibo lez.

Hirugarrena: Gaur egun, hau da, 2015eko otsailaren 9an, aldaketak planteatu diranean, Toki Ogasunei buruzko 9/2005 FORU-ARAUko 24. artikulua beteten ez daben tasaren subjektu pasibo lez erregistratuta dagozan maizterren kasuak 1.200 diran ezkero, aplikazino informatikoa egoera barriari egokitzeko, maizterrei eta jaubeei kudeaketearen aldaketea jakinarazoteko eta beharrezko erregistroak egiteko edota zuzentzeko denporea behar dan ezkero, 2015. urtean zehar egingo dira plangintza baten bidez 2. , 3. eta 4. hiruhilekotako erroldetan subjektu pasiboak aldatuta. Aldaketea gauzatzen ez dan artean ordenantzearen oraingo aldaketea onartu baino lehenago egoana izango da aplikagarria.

◊ URIGINTZA LIZENTZIEN TASEA ARAUTZEN DAUEN ORDENANTZA FISKALA


3. artikulua. ZERGADUNAK ETA SUBJEKTU PASIBOAK

1.- Tasa honetako zergadunak dira zerbitzuak eskatu, eragin edo interesa daukien pertsona naturalak edo juridikoak, edo egoera arriskutsuan dagoan eraikineko elementuen jaubeak diranak, udal administrazinoak lizentzia, egiaztagiri, txosten edo jarduketea eragin daualako. 2.- Era berean, Tributuen Lege Orokorraren 34. artikuluan aitatzen diran erakundeak edo pertsona fisikoak edo juridikoak izango dira zergadunak

2015/02

24

jaubeak badira, edo, halan danean, eraikuntzak edo instalazinoak egiten diran edo lanak egiten diran higiezinen errentariak. 3.- Edozelan be, zergadunaren ordezkoak, hau da, tasea ordaindu behar daben subjektu pasiboak eraikitzaileak eta kontratistak izango dira. Horregaitik lizentzia eskatzean eraikitzailea edo kontratistea nor dan bere datu guztiakaz identifikatuta deklaratu beharko da.

► Sortzapena eta kudeaketeari jagoken 6. artikuluko 1. atala honela berridaztea:

6. artikulua. SORTZAPENA ETA KUDEAKETEA

1- Tasea ordaindu beharra zerga egitatea dakarren udal jarduerea hasten danean sortuko da. Horretarako, edozelan be, jarduerea hasi egin dala ulertuko da zergadunak edo bere ordezko subjektu pasiboak eskabidea edo beste agiriren bat aurkezten dauen egunean.

► Sortzapena eta kudeaketeari jagoken 6. artikuluari 4. atala gehitzea, honela:

4- Eraikuntza, instalazino edo obrea egiteko kontratista bat baino gehiago dagoanean, aurrekontuari edo kasuan kostu osoari jagokon tasa kuotearen subjektu pasiboa aurrekontuan edo kasuan kostu osoan proportzinorik handiena daukan kontratistea izango da.

◊ URIGINTZA ETA INGURUMEKO ZERBITZUEN TASEA ARAUTZEN DAUEN ORDENANTZA FISKALA


3. artikulua. ZERGADUNAK ETA SUBJEKTU PASIBOAK

1.- Tasa honetako zergadunak dira zerbitzuak eskatu, eragin edo interesa daukien pertsona naturalak edo juridikoak, edo egoera arriskutsuan dagoan eraikineko elementuen jaubeak diranak, udal administrazinoak lizentzia, egiaztagiri, txosten edo jarduketea eragin dauelako. 2.- Era berean, Tributuen Arau Orokorraren 34. artikuluan aitatzen diran erakundeak edo pertsona fisikoak edo juridikoak izango dira zergadunak jaubeak badira, edo, halan danean, eraikuntzak edo instalazinoak egiten diran edo lanak egiten diran higiezinen errentariak. 3.- Edozelan be, zergadunaren ordezkoak, hau da, tasea ordaindu behar daben subjektu pasiboak honako honeek dira:

2015/02

25

- Eraikuntza, instalazino eta obrei lotutako kasuetan eraikitzaileak eta kontratistak .

- Pasabide lizentzietan: lokalen jaubeak - Aurrien prebentzinokoak, eraikuntza eta eraispenak, salbamenduak eta,

oro har, pertsonak eta ondasunak babesteko zerbitzuak egiteagatik ezarritako tasetan -halakoen barruan sarturik dago zerbitzua mantentzea-, arriskua aseguratzen daben erakunde edo soziedadeak.

Horregaitik lizentziak edo udal jarduna eskatzea, kasuz-kasu, eraikitzailea, kontratistea, jaubea edo arriskuaren aseguratzailea nor dan bere datu guztiakaz identifikatuta deklaratu beharko da.

◊ IBILGAILUAK ESPALOIETATIK SARTU, BIDE PUBLIKOAN APARKATZEKO ERRESERBEA EGIN ETA EDOZEIN ERATAKO SALGAIEN ZAMALANAK EGITEAGAITIK ORDAINDU BEHARREKO TASEA ARAUTZEN DAUEN ORDENANTZA FIZKALA


3. artikulua – Zergadunak eta subjektu pasiboak

1- Orokorrean lizentziak edo emakidak jasoten dabezan eta aprobetxamentuen onuradunak diran pertsonak edota erakundeak dira zergadun subjektu pasiboak.

2- Ibilgailuetarako sarbideak eginik, espaloiak modu pribatiboan erabilteagaitik edo bereziki aprobetxatzeagaitik ezarritako tasan, ibilgailuen sarbide horreek daukiezan finka eta lokalen jaubeak izango dira zergadunaren ordezko subjektu pasiboak.

Horregaitik pasabide lizentzia eskatzean higiezinaren jaubea nor dan be izen-abizen, NAN eta helbideagaz identifikatuta deklaratu beharko dau eskatzaileak, horrela egin ezean ez da bideratuko lizentzia eskaria.

► Zeharkako xedapena jartea

Zeharkako xedapena

2015. urteko Pasabide eta espaloien erroldea

2015. urterako erroldako zordun guztiak ez dira subjektu pasiboak izan behar daben higiezinetako jaubeak. Beraz, guztiei jakinarazo behar jake

2015/02

26

ordenantzearen aldaketaren ondorioa eta jaubeak nortzuk diran zehaztu, zuzendu eta abar.

2015. urterako onartutako tributu egutegian ekainaren 1ean egin behar da erroldea. Ordenantzearen aldaketea indarrean sartuta ekainaren 1erako jaubeak zehazteko eta zuzenketa guztiak egiteko astirik ez da egongo. Beraz, Errenta Saila lana egiten berehala hastearen kalte barik, 2015eko erroldako danak ez dira izango higiezinen jaubeak.

BIGARRENA: Ordenantza fiskalen aldaketa horreek indarrean sartzeko Toki Ogasunei buruzko abenduaren 16ko 9/2005 FORU-ARAUko 16. artikuluan ezarritakoa betetea BAO-n iragarrita.

HIRUGARRENA: Sastar-batze zerbitzuaren tasearen kudeaketearen AS/400eko AGU aplikazinoari tasearen subjektu pasiboak higiezinetako jaubeak izan daitezan beharrezko aldaketak egitea, Teinsoft SL enpreseari lana aginduta.

LAUGARRENA: Onartutako aldaketen ondoriozko kudeaketea errazteko eta beharrizanakaz bat etorteko, eskari inprimakiak egokitzeko agintzea AITB Sailari.

BOSGARRENA: Sastar-batze zerbitzuko eta pasabide eta espaloien tasen subjektu pasiboak jaubeak izan daitezan egin beharreko jakinarazpenak eta ondoriozko erregistro aldaketak abian jarteko agintzea Errenta Sailari.

SEIGARRENA: Aldatzea onartu diran ordenantza fiskaletako udal zerbitzu eta jardueren sail arduradunak zeintzuk diran kontuan izanda, baita, tasen kudeaketa eta diru-bilketen arduradunak be, erabagia udal sail honeei jakinarazotea:

- AITB – Berh@z - Urigintza eta Ingurumen Saila - Errenta Saila - Derrigorrezko diru-bilketa zerbitzua

12.- EUSKAL AUTONOMIA ERKIDEGOKO ADMINISTRAZINOARI ZUZENDUTAKO IDAZKIAK, BERMEOKO UDAL ERREGISTROETAN AURKEZTEKO, ADMINISTRAZINO BIEN ARTEKO HITZARMENA ONARTZEA.

Alkate andreak argitu dau hitzarmen honen bidez, Eusko Jaurlaritzarako diran agiriak, Berh@zen aurkeztu leikezela, udaleko erregistro datea, Jaurlaritzan aurkeztutako datatzat onartuta.

2015/02

27

Aurreko hitzarmenaren iraunaldia amaituta dagoanez, aukera horregaz jarraitzeko, hitzarmen barria sinatu behar dala azaldu dau.

Xedea

Euskal Autonomi Erkidegoko Administrazinoari zuzendutako idazkiak, Bermeoko Udal Erregistroetan aurkezteko, administrazino bien arteko hitzarmen barria izenpetzea beste 4 urteko iraunaldiagaz.

Aurrekariak

Lehenengoa: Euskal Autonomia Erkidegoko Administrazinoari zuzendutako idazkiak, Bermeoko Udal Erregistroetan aurkezteko, administrazino bien arteko azken hitzarmena, 2006ko ekainaren 29an sinatu zan, eta horren iraunaldia 4 urteko luzapena barru 2014ko azaroaren 20an amaitu zan.

Bigarrena: Autonomia Erkidegoko Administrazinoak, hitzarmenaren iraungipenaren barri emon deutso Bermeoko Udalari 2015eko otsailak 5ean eta egun berean EHAOean iragarkia publikatu zan.

Hirugarrena: Bermeoko Udala Autonomia Erkidegoko Administrazinoagaz hartu emonetan jarri da, hitzarmen barri bat izenpetu eta egungo lan dinamikeagaz jarraitzeko nahia adierazo ez ezik, beharrezko tramite guztiak lehenbailehen martxan ipinteko.

Argudioak

Lehenengoa: Bemeoko Udalak, azken urteetan, Bermeoko herritarrei, eskaintzen deutsen zerbitzu hau mantentzea eta ahal bada hobetzea nahitaezkoa da.

Bigarrena: Udalak, zerbitzu hau eskaintzeko, hitzarmena izenpetu ez ezik, banaketak egiten dauzan enpresa baten zerbitzuak be kontratatu behar dauz,dokumentazinoa, hitzarmenaren hirugarren puntuko c) apartaduan adierazo dan moduan, gehienez erregistroan jaso eta handik egun bira jagokon organo edo erakundera bideratu daiten. Lan dinamika hau, asko hobetuko leiteke, apartadu berean jasoten diran teknika eta bitarteko elektroniko informatiko eta telematikoak erabilteko aukerarik egongo balitz. Ganera be, hitzarmeneko laugarren puntuko c) apartaduan, EAEko administrazinoak erregistroak antolatzeko eta informatizatzeko laguntza teknikoa eta behar dan lankidetzeaeskaintzeko konpromisoa bere gain hartzen dau.

Hirugarrena: Bermeoko Udalak, pasa dan otsailak 16ean, bere kudeaketeaeraginkorragoa izan daiten eta informatizaturik egin daiten, baliabide informatiko barri bat eskuratu dau eta momentu egokia izan daiteke, EAEko administrazinoari honen barri emon eta interkomunikazino aukerak zein

2015/02

28

bateragarritasun erispideak aztertzeko, posible balitz, erregistroen artekokoordinazinoa bermatzeko hitzarmena be sinatzeko.

Erabagia


LEHENENGOA: Euskal Autonomia Erkidegoko Administrazinoari zuzendutako idazkiak, Bermeoko Udal Erregistroetan aurkezteko, administrazino bien arteko hitzarmen barria izenpetzea.

BIGARRENA: Hitzarmen horren indarraldia, lau urterako sinatu eta sinatzaileetako batek hitzarmena amaitu baino gitxienez hilabete bi lehenago espresuki kontrakorik esan ezean, beste barik, beste lau urterako luzapena aplikatuko jakonez, 8 urtekoa izango da.

HIRUGARRENA: EAE Administrazinoari, Bermeoko Udalak sarrera erregistroa informatizaturik egiteko eukan baliabidea eguneratu dauela jakinarazotea, erregistroen arteko koordinazino eta lotura posiblea aztertu ahal izateko.

13.- BERMEOKO SAIHESBIDEKO ZUBI-BIDE ETA TUNELEN IZENAK ONARTZEA.

Alkate andreak adierazo dau toponimiara jo dala proposamena egiteko eta, toponimiako lanaren egileek euren proposamena egin ondoren, Euskaltzaindiaren erispenagaz, Euskera sailetik datorrela proposamen hau.

Xedea

Bermeoko saihesbideko zubi-bide eta tunelen izenei buruzko irizpena.

Aurrekariak

Lehenengoa: Bizkaiko Foru Aldundia eraikitzen ari dan Bermeoko saihesbideko zubi-bideak eta tunelak izendatzeko beharrizana dago eta obrak amaitu eta seinaleak jarri baino lehen erabagia hartzeko udalak toponimo egokiak erabilteko proposamena egingo dau.

Bigarrena: Bizkaiko Foru Aldundiak proiektuan jaso eta etxerik etxe banatu dauen esku-orriak dakarzan izenak ez datoz bat inguru horreetako toponimo egokiakaz eta hori dala eta, Euskara Sailak erispena eskatu deutse Irune Allikari eta Bitor Uriarteri, Bermeoko Toponimiaren ikerleak diranez gero.

2015/02

29

Hirugarrena: Ikerleek emondako erispena Euskaltzaindiak gainbegiratu dau eta bere erispena emon.

Argudioak

Bakarra: Bizkaiko Foru Aldundiak proiektuan jaso dauzan izenak aztertu dabez ikerleek, Euskaltzaindiak erispena emon dau, eta izen proposamena egokia da.

Erabagia


BAKARRA: Bizkaiko Foru Aldundiari jakinaraztea Bermeoko saihesbideko zubi-bide eta tunelen izen egokiak.

TUNELA: - Gainzabalako tunela (EZ) = “GANETA” [NON: Ganetan; NONGO: Ganetako] [gazteleraz: tunel de Ganeta] TUNEL FALTSUAK: - Mikel Deuna (EZ) = “DIBIO” [NON: Dibion; NONGO: Dibioko] [gazteleraz: tunel de Dibio] - Txarakane (EZ) = “ALMIKAONDO” [NON: Almikaondon; NONGO: Almikaondoko] [gazteleraz: tunel de Almikaondo] BIDE-ZUBIAK: - San Andres (EZ) = “ARANONDO” [NON: Aranondon; NONGO: Aranondoko] [gazteleraz: tunel de Aranondo] - Artigas (EZ) = “UTZUENEONDO” [NON: Utzueneondo; NONGO: Utzueneondoko] [gazteleraz: tunel de Utzueneondo] - Perretxina (EZ) = “ZARRAN” [NON: Zarranen; NONGO: Zarraneko] [gazteleraz: tunel de Zarran]

14.- MERKATARITZA ESTABLEZIMENTUETAN ERROTULUAK EUSKERAZ IPINTEKO 2015. URTEKO LAGUNTZA DEIALDIA ONARTZEA.

Alkate andreak azaldu dau urtero egiten dan deialdia dala eta euskal paisaia linguistikoa sustatu gura dala.

2015/02

30

Xedea

Dendetako, tabernetako edo zerbitzu-enpresa txikietako errotuluak euskeraz ipinten dauenari diru laguntzea emoteko modua arautzea.

Argudioak

Lehenengoa: Udalerriko hizkuntza paisaian merkataritza establezimentuetako errotulazinoa elementu garrantzitsua da hizkuntzea zabaltzeko eta indartzeko.

Bigarrena: Horixe sustatzearren, Bermeoko Udalak laguntzak emoten dauz, merkataritza establezimentuetan errotuluak euskeraz ipinteko eta urteko deialdia zabaldu behar dau, 38/2003 Legeak xedatzen dauenaren arabera.

Horretarako, 2015. urteko Euskera Sailaren aurrekontuan, 2.000 euroko partidea aurreikusita dago.

Hirugarrena: Udalak emoten dauzan diru laguntzetarako marko orokorra idaztea eta bertan alorkako deialdiak txertatzea aurreikusita badago be, beharrezkoa da deialdi hau urte hasieratik indarrean izatea.

Erabagia


BAKARRA: Merkataritza establezimentuetan errotuluak euskeraz ipinteko 2015. urteko diru laguntza deialdia onestea. Zenbatekoa: 2.000 euro.

15.- ERABILERA PLANA: 2015-EKO KUDEAKETA PLANA.

Alkate andreak agertu dau sailez saileko erabilera planak landu dirala, bakotxa bere helburuakaz eta, orain, sail bakotxeko arduradunak jarraipena egin eta beteten dala bermatu behar dauala.

Xedea

Erabilera Plana: 2015eko Kudeaketa Plana.

Aurrekariak

Lehenengoa: Bermeoko Udaleko, bere erakunde autonomoetako eta Beruala, SAko Euskerearen Erabilerea Normalizatzeko V. plangintzaldirako (2013-17) Plana onartu eban Osoko Bilkureak, 2014ko urtarrilaren 9an.

2015/02

31

Bigarrena: EraLan esku-hartzean ondorioztatu zan moduan, 2015eko Kudeaketa Plana besteak beste, lidergo gehiagogaz bideratu gura da; sailei, arloei edo erakundeei protagonismo handiagoa emonda, hau da, sail bakotxak bere plana edo bere helburuak edo egitekoak definiduta; alkarlanean eta komunikazinoan oinarrituta.

Horretarako, sail guztiakaz batzarrak egin(go) dira honako helburuagaz: 2013an egin zan diagnostikoaren barri emoteko; udalaren arlo, sail edo erakunde bakotxaren helburu estrategikoen barri emoteko eta 2015eko helburuak finkatzeko, hau da, Erabilera Planaren 2015eko Kudeaketa Plana zehazteko.

Argudioak

Lehenengoa: Sail, arlo edo erakundeakaz finkatu diran helburuak lagungarriak izango dira 2013-17 plangintzaldirako ezarrita dagozan helburu orokorrak beteten joateko. Izan be, Kudeaketa Planerako ezarri diran helburuak lotura zuzena daukie Osoko Bilkureak onartutako helburu orokorrakaz, edo kasuren batean helburu orokorretan zehaztu barik egon arren, udalak eskaintzen dauen zerbitzuagaz.

Bigarrena: 2015eko Kudeaketa Planerako zehaztu diran helburuak egingarriak dira eta sailak eurak izango dabe helburu horreek beteteko erantzukizun nagusia Euskera Sailaren koordinazino eta gidaritzapean.

Hirugarrena: Tokiko Gobernu Batzarrak 2014ko uztailaren 24ko batzarrean, Erabilera Planetarako eragile gisa, euskera arduradunen egitekoak zehaztu ebazan.

Jada, Kudeaketa Plana ia definiduta dagoanez, euskera arduradunak izendatuko dira.

Erabagia


LEHENENGOA: Bermeoko Udalaren, bere erakunde autonomoen eta Beruala, SAren 2015eko Kudeaketa Plana onartzea. (I. eranskina)

BIGARRENA: Plan horri beste helburu batzuk gehituko jakoz, behin helburuak finkatu barik dagozan sailagaz eta erakundeagaz batzarrak egin eta helburuak adosten diranean.

2015/02

32

HIRUGARRENA: 2015eko Kudeaketa Planaren helburuak sail, arlo edo erakunde bakotxaren helburuen artean egongo dira, udalaren kudeaketa sistemearen barruan; eta Euskera Sailaren koordinazino eta gidaritzapean bideratuko dira.

LAUGARRENA: Sail, arlo edo erakunde bakotxak bere euskera arduraduna izendatuko dau.

16.- AUZO-TAXI ZERBITZUA ERABILTEAGAITIK DIRU-LAGUNTZAK EMOTEKO OINARRI BEREZIAK ONARTZEA.

Alkate andreak azaldu dau aspaldiko eskariari urteetan egon dirala formea emoten, auzoetatik herrira etorteko erraztasunik ez daukienentzat formula egokia topatzeko.

Formula ezbardinak aztertu ondoren, egokiena, Auzo-taxiena dala ikusi dala eta, horregaz lotuta, diru-laguntza bidez laguntzea.

Hori horrela, erabiltzaileak taxilariari deituko deutso eta onartuta dagoan tarifeaordainduko deutso eta gero, beste zatia, udalak ordainduko deutso zuzenean taxilariari.

Abaroa jaunak agertu dau ados dagozala auzo taxien zerbitzua ipinteagaz eta, aurreko asteko Lugintza batzordean aurkeztu zanean, proposamen batzuk egin eutsiezala zerbitzuari, -diru-laguntza bidez bideratzen dan arren, zerbitzu bat dalako- eta horren arabera egindako aldaketak eskertzen dabezala.

Azaldu dau bere taldeak proposatu ebala kentzea zertarako erabilten dan justifikatu beharra, gauez emergentzietarako mugatzen zalako eta, egunez, erabilerearen arabera mugatzen zalako, -gero taxilariek justifikatu behar ebena.

Adierazo dau horrek zerbitzua jasoteko eskubidea mugatzen ebanez, kentzeko eskatu ebela eta, azken proposamenaren arabera, gauez emergentzietarako mantentzen bada be, egunekoa asko malgutu dala eta ez dala justifikatu beharko.

Esan dau modu horretan zerbitzua osotuta geratzen dala eta zerbitzu hori gehiago eskainiko dala.

Bestalde, kilometro aldaketea zergaitik egin dan galdetu dau.

2015/02

33

Amaia Elorza andreak erantzun deutso banatutako proposamenean akatsak egon dirala eta zuzendu egin dirala eta, informatu dau eguenean auzo alkateakaz egindako batzarrean, taxilaria egon zala be, eta aldaketa hori egitea eskatu ebala. Eta eskaria onartzea egoki ikusi dala, esan dau.

Alkate andreak argitu dau bere taldea be erabilerea mugatzearen kontrakoa izan dala, baina, arrazoitu egin behar zanez, teknikoki jaso beharra ikusi zala eta holan proposatu zala. Gero, kentzeko aukera egoala ikusi danez, proposamena zentzu horretan aldatu dala esan dau.

Xedea

Auzo-taxi zerbitzua erabilteagaitik diru-laguntzak emoteko oinarri bereziak onartzea.

Aurrekariak

Bakarra: Auzo-taxi zerbitzua erabilteagaitik diru-laguntzak emoteko oinarri bereziak prestatu dira.

Argudioak

Bakarra: Lugintza eta Kontu batzordeak proposamenaren aldeko erispenak emon dabez eta, gastuari aurre egiteko kontsignazino nahikoa dago.

Erabagia


BAKARRA: Auzo-taxi zerbitzua erabilteagaitik diru-laguntzak emoteko oinarri bereziak onartzea eta deialdia zabaltzea.

17.- ITSUKI IRRATIA KUDEATZEN DAUEN BERKO KULTUR TALDEAGAZ LANKIDETZA HITZARMENA SINATZEA.

Alkate andreak azaldu dau urtero sinatzen dan hitzarmena dala, herrian irrati euskaldun bat izaten jarraitzeko eta herritarren informazinoa eta udal informazinoa emoten jarraitzeko 2015. urtean zehar. Baldintzak igazko ber-berak dirala argitu dau.

2015/02

34

Xedea

Itsuki Irratiagaz hitzarmena sinatzea.

Aurrekariak

Bakarra: Itsuki Irratiagaz sinatuta egon zan hitzarmenaren iraunaldia igaz amaitu zanez, lankidetzea bultzatzeko, hitzarmen barri bat sinatu beharra dago.

Argudioak

Lehenengoa: Lankidetzeagaz jarraitzea egoki ikusten da eta, ondorioz, ezinbestekoa da Itsuki Irratiagaz lankidetza hitzarmen barri bat sinatzea.

Bigarrena: Lankidetza honek suposatzen dauen gastuari aurre egiteko kontsignazino nahikoa dago. Erabagia


BAKARRA: Itsuki irratiagaz lankidetza hitzarmena sinatzea eta alkate andrea ahalmentzea horretarako. Hitzarmenaren gastua danetara: 18.000,00€

18.- LEA-ARTIBAIALDEKO HEDABIDEAK SL ENPRESEAGAZ LANKIDETZA HITZARMENA SINATZEA.

Alkate andreak adierazo dau, hitzarmena hau be urtero sinatzen dala eta 2015. urtean igazko moduan mantentzen dala.

Xedea

Hitzagaz hitzarmena sinatzea.

Aurrekariak

Bakarra: Lea-Artibaialdeko Hedabideak SLgaz, sinatuta egon zan hitzarmenaren iraunaldia igaz amaitu zanez, lankidetzea bultzatzeko, hitzarmen barri bat sinatu beharra dago.

2015/02

35

Argudioak

Lehenengoa: Lankidetzeagaz jarraitzea egoki ikusten da eta, ondorioz, ezinbestekoa da Lea-Artibaialdeko Hedabideak SLgaz lankidetza hitzarmen barri bat sinatzea.

Bigarrena: Lankidetza honek suposatzen dauen gastuari aurre egiteko kontsignazino nahikoa dago.

Erabagia


BAKARRA: Hitzagaz lankidetza hitzarmena sinatzea eta alkate andrea ahalmentzea horretarako. Hitzarmenaren gastua danetara: 20.000,00€

19.- 2014-KO ABENDUAREN 31-KO 1084. ZENBAKIDUN ALKATETZEARNDEKRETUA BERRESTEA: BERMEOKO UDALAREN ETA BUSTURIALDEKO UR PARTZUERGOAREN ARTEAN SINATU BEHARREKO LANKIDETZA HITZARMENA ALDATZEA.

Alkate andreak esan dau Ogasun batzordean zalantzak egon diranez, argibideak emon dauzala. Eta halan, azaldu dau Itsaspeneko diru-laguntzak eskatu eta gero, Bermeoko Udala Busturialdeko Ur Partzuergoan sartu zanez, Eusko Jaurlaritza prest egon zala udalari onartutako diru-laguntzeaPartzuergora bideratzeko.

Azaldu dau Busturialdeko Ur Partzuergoak bere aldetik, egiteko prest egoala esan ebala, baina euren eskulanagaz eta euren proiektuagaz, eta udalak ez dauela horregaz arazorik euki.

Baina Osoko Bilkureak hitzarmena onartu eta gero, Busturialdeko Ur Partzuergoko Batzar Nagusian aurrekariak kentzea proposatu zala eta, hori aldatuta, Dekretuz onartu ebala, eta gaur berrestera datorrela, azaldu dau.

Abaroa jaunak esan dau zalantzak sortu dirala Osoko Bilkuratik lehenago pasata egon zana kontu hartzaileak fiskalizatu ez ebalako, eta argi ez dauelako euki sinatu beharrik dagoanentz be, Busturialdeko Ur Partzuergoari tokatzen bajako egin beharko dauelako.

Adierazo dau hortik agertu zala, Itsaspen eta Lugintzatik pasatu zala, Itsaspeneko diru-laguntzak onartu eta gero Busturialdeko Ur Partzuergoan sartu zalako udala.

2015/02

36

Azaldu dau helburua, materialak emoteaz aparte, Itsaspeneko diru-laguntzearen titularidade aldaketea egitea zala, baina diru-laguntzea galdu egin danez, orain Partzuergoak bere kabuz egin behar dauela.

Hori horrela, zalantzea honakoa izan dala esan dau: Partzuergoan sartu bagara eta Partzuergoari tokatzen bajako obrea egitea, zergaitik sinatu behar dan hitzarmen hau.

Gaztelu andreak adierazo dau Itsaspeneko diru-laguntzea lortu bazan, Busturialdeko Ur Partzuergoko bazkide moduan, udalari be eragin egingo eutsola, diru-laguntza hori erabili barik, baztertzen bada, udala parte dan Partzuergoa zameagaz geratuta.

Alkate andreak argitu dau diru-laguntzea lortuta be, obrearen zati bat udalak ordaindu behar ebanez eta Partzuergoko parte izanda, ez zala ikusten udalak ordaintzea izaterik. Hori horrela, udala eta Eusko Jaurlaritza titularidadealdaketea egiteko ados egon dirala, esan dau. Baina enpresa bateri esleitzea baino, Partzuergoko proiektu eta langileriagaz eginda merkeago urteten ebala esan dau, nahiz eta bestea diruz lagunduta egon.

Agertu dau udalari ardura deutsona ur edangarria egotea dala eta, Partzuergoaren betebeharra bada be, agian 10 urtetara egingo ebenez, udalak behar ez dauen materialaren truke orain egitea lortzen dala eta hori gura dala.

Gogorarazo dau lehendik be onartuta egon dala orain egitea materialen truke eta, beste aukerea, diru-laguntzeagaz, udalak beste zatia ipinita, egitea zala.

Gaztelu andreak zenbat kostatuko litzatekeen galdetu dau.

Alkate andreak Eusko Jaurlaritzak %50a ipinten ebala erantzun deutso.

Gaztelu andreak galdetu dau justifikatuta ete dagoan modu honetara % 50a baino gitxiago kostatuko dala.

Juan Karlos Agirre eta Josu Imanol Unanuek baietz erantzun deutse.

Agirre jaunak azaldu deutso diru-laguntzea 2012. urtean eskatu zala eta urrian, Busturialdeko Ur Partzuergora sartu zala udala, baina diru-laguntzaren ebazpena urte amaieran heldu zala. Diru-laguntzea ur edangarria eta urbanizazinoa egiteko zala, azaldu dau.

Azaldu dau be, Bizkaiko Foru Aldundia ezin zala sartu aukerarik ez eukielako, ezta Busturialdeko Ur Partzuergoak be. Eta argitu dau argi dagoala ur hornikuntzearen estimazino ekonomiko hutsa, behar ez diran materialakaz, eskulana Partzuergoak ipinita, askoz gitxiago urteten dauela.

Gaztelu andreak barriro galdetu dau % 50a baino gitxiago danentz.

2015/02

37

Agirre jaunak baietz erantzun deutso.

Abaroa jaunak urbanizazino barik izango litzakela zehaztu dau.

Gaztelu andreak esan dau orduan ez dala %50a baino gitxiago.

Agirre jaunak esan dau aukera bi egoazala, edo eurek egin edo kaleratu, eta eurek egitea merkeagoa dala.

Alkate andreak argitu dau diruz lagundutako proiektua udalarena izan zala.

Abaroa jaunak galdetu dau hori izan bada Eusko Jaurlaritzara aurkeztu zana eta alkate andreak baietz erantzun deutso.

Gaztelu andreak galdetu dau diru-laguntzea ez danentz erabili eta alkate andreak ezetz erantzun deutso.

Jarraian, 2014ko abenduaren 31ko 1084. zenbakidun Alkatetzearen Dekretua, aho batez, berrestea erabagi dabe batzordekideek:

*1084. Dekretua

Xedea

Bermeoko Udalaren eta Busturialdeko Ur Partzuergoaren artean sinatu beharreko lankidetza hitzarmena aldatzea.

Aurrekariak

Lehenengoa: 2014ko irailaren 4an, Bermeoko Udal Osoko Bilkureak, Bermeoko Udalaren eta Busturialdeko Ur Partzuergoaren artean sinatu beharreko Lankidetza hitzarmena onartu zan.

Bigarrena: 2014ko abenduaren 1ean, Busturialdeko Ur Partzuergoko Kontseilu Nagusiak, hitzarmenaren testuan aldaketa batzuekaz onartzea erabagi eban.

Argudioak

Bakarra: Busturialdeko Ur Partzuergoak Lankidetza hitzarmenaren ganean onartutako aldaketak ez dabe hitzarmenaren funtsik aldatzen eta, ondorioz, sinatu aurretik, aldaketa horreek onartu beharra dago, Udal Osoko Bilkureak onartu eban testua beste bat izan zalako.

2015/02

38

Erabagia

Goian aitatutako guztia kontuan hartuta, honako hau erabagi dot:

BAKARRA: Bermeoko Udalaren eta Busturialdeko Ur Partzuergoaren artean sinatu beharreko lankidetza hitzarmenaren aldaketak onartzea eta testu barria sinatzea, Osoko Bilkureak erabagia berrestearen kalte barik.

20.- 118. ZENBAKIDUN ALKATETZEAREN DEKRETUAREN BARRI EMOTEA.

Jarraian, 118. zenbakidun Alkatetzearen Dekretuaren barri emon da, eta batzordekideak jakitun geratu dira:

*118. Dekretua

Xedea

Kreditu Aldakuntzarako 2015/01 espedientea.

Argudioak

Bakarra: Abenduaren 2ko 10/2003 Foru Arauak, Bizkaiko Lurralde Historikoko Toki Erakundeen Aurrekontuei Buruzko 32. artikuluan dinoanaren arabera, 2010eko ekitalditik datozen ordainketak kredituak udal honen aurtengo ekitaldiko Aurrekontuan txertatzeko baldintzak beteten diranez gero,

ZERA ERABAGI DOT:

1) 2015. urteko ekitaldira kreditu txertaketak sartzea, Kreditu Aldakuntzarako 2015/01 espedientea onarturik.

Hona hemen bere laburpena:

KREDITU ALDAKETA GUZTIA…………………..: 1.142.603,62.-Euro.

FINANTZAKETEA:

a) Diruzaintzako gerakin lotua…………...: 1.142.603,62- Euro.

2) Udal Osoko Bilkureari onespen honen barri emotea.

2015/02

39

21.- 2014-KO ABENDUAREN 31-KO 1085. ZENBAKIDUN ALKATETZEAREN DEKRETUAREN BARRI EMOTEA.

Jarraian, 1085. zenbakidun Alkatetzearen Dekretuaren barri emon da, eta batzordekideak jakitun geratu dira:

*1085. Dekretua

Xedea

Espediente zenbakia: 2/2014. Ordaindu bako Obligazinoen bajea.Kopuru guztia: 41.766,31€ Urteak: 2009 - 2012

Aurrekariak

Bakarra: Diruzaintzeak proposatuta.

Argudioak

Lehenengoa: Aurrekontuaren betearazpeneko indarreko araudi erregulatzailean jarritakoa: Bizkaiko Lurralde Historikoko Toki Erakundeen Aurrekontuei buruzko abenduaren 2ko 10/2003 Foru-Araua.

Bigarrena: 2004ko abenduaren 15eko 235/2004 Foru Dekretua, Bizkaiko Toki Erakundeetako aurrekontuen egitura eta kontabilidade publikoko plan onetsian jarritakoa.

Hirugarrena: Azaroaren 26ko 47/2003 Aurrekontuen Lege Orokorrean preskripzinoko instituzino juridikoari buruz jarritakoaren arabera (25. artikulua): lau urte obligazinoaren onarpenaren jakinarazpen datatik kontatzen hasita ordaindu barik agertzen bada preskripzinoagaitik bajeaemon beharko jako ordainketa obligazino horri.

Laugarrena: Nahiz eta Kontu Auzitegiak bere kontrol-txostenetan pentsatu Osoko Bilkureari jagokola bajak emoteko eskumena, berak onartutako Kontu Orokorretan eragiten dauelako; konpetentzia alkatearena da apirilaren 2ko 7/1985 Erregimen Lokaleko Legearen 21-1s) artikuluak esaten dauenaren arabera. Eta baita be 2014ko Aurrekontua Exekutatzeko onartutako Araudiaren 31. oinarrian bardin agertzen da.

Bosgarrena: Aurreko urteetako gastuen ordaindu bako obligazinoak depuratzea izango da espediente honen helburua, bai aurrekontuak, bai kontabilidadeak ekonomiko-finantziario errealidade fidela islatzeko.

2015/02

40

Erabagia

Goian aitatutako guztia kontuan hartuta, honako hau erabagi dot:

LEHENENGOA: Aurrekontu itxietatik datozen ordaindu bako obligazinoen espediente kolektiboen baja zenbakia 2/2014 onartzea, zenbateko nagusia 41.766,31€ dalako.

2009. urtekoa: Preskripzinoagaitik: 1.015,07.- euro 2010. urtekoa: Preskripzinoagaitik: 5.498,00.- euro Faktura duplizidadeak:

2011. urtea 400,00.- euro 2012. urtea 34.853,24 .- euro

GUZTIRA : 41.766,63.- EURO

Subjektu pasibo eta kontzeptuen xehetasunak espedientearen eranskinean agertzen diran zerrendetan adierazten dira.

BIGARRENA: Kontu-hartzailetza zerbitzuak baliogabetutako espedienteei kontabilidadeko kontuetan bajea emon deutso.

HIRUGARRENA: Erabagi honen onarpena Osoko Bilkureari jakinarazotea egiten dan lehenengo saioan.

22.- MARTXOAREN 8-KO DEKLARAZINO INSTITUZIONALA.

Alkate andreak azaldu dau EAJk bere mozinoa euki dauela eta BILDUk be berana, baina gai sensiblea izanda, adostu egin dabela.

Hori horrela, laburbilduz onartzen dana irakurri dau.

Arratsaldeko zortzirak eta hogeta hamasei minutu diranean Amaia Gaztelu Imatz andreak urten egin dau batzarretik.

Jarraian, Martxoaren 8a dala eta, deklarazino instituzionala, II. eranskineanidatzita agertzen dan moduan, aho batez, onartzea erabagi dau Udal Osoko Bilkureak.

2015/02

41

23.- MENDEBALDEKO SAHARAKO AUZIARI BIDEZKO ETA BEHIN BETIKO KONPONBIDEA BILATZEAREN ALDEKO MOZINOA.

Alkate andreak onartzen dana irakurri dau eta nora notifikatuko dan esan dau.

Legarreta jaunak adierazo dau bat datozela eta udalak aspalditik daukala onartuta.

Adierazo dau be, beste batzuetan otsailaren 27an Saharako banderea ipinten zala eta, orain ezin danez, datorren urtean, ahal bada, ipini beharko litzakela.

Josu Imanol Unanue jaunak erantzun deutso besteetan eurek ekarri dabela eta igaz be Kultura Etxean ipini zala, baina aurten ez dabela ekarri.

Ondoren, Mendebaldeko Saharako auziari bidezko eta behin betiko konponbidea bilatzearen aldeko mozinoa, III. eranskinean idatzita agertzen dan moduan, aho batez, onartzea erabagi dau Udal Osoko Bilkureak.

24.- ERREGISTRO ZIBILAK PRIBATIZATZEAREN KONTRAKO MOZINOA.

Alkate andreak azaldu dau Bake Epaitegietan egiten diran lanak, sozialisten sasoian, udaletara pasatzea erabagi zala, baina Raxoik, aldiz, udatik aurrera, merkataritza-erregistrora pasatzea erabagi dauela.

Adierazo dau zerbitzu publikoa mantentzea garrantzitsua dala, pribaduaren ganetik, datu pertsonal asko dagozalako. Hori dala eta, erregistro zibiletako langileak mobiten ari dirala esan dau.

Legarreta jaunak bat datozela, baina mozinoa nork sinatzen dauengaldetu dau.

Alkate andreak Bake Epaitegitik bialdu dabela erantzun deutso.

Idazkari andreak esan dau Bake Epaitegiko idazkariak bialdu ebala, baina sindikatu ezbardinek prestatutakoa dala.

Alkate andreak mozinoan agertzen diran sindikatuen izenak irakurri dauz.

2015/02

42

Ondoren, Erregistro Zibilak pribatizatzearen kontrako mozinoa, IV. eranskineanidatzita agertzen dan moduan, aho batez, onartzea erabagi dau Udal Osoko Bilkureak.

25.- GANERAKO ORGANOEN KONTROLA.

Abaroa jaunak Auzo-bideen espedientea dala eta, sortu dan arazoari buruz esan dau, udal bideak eguneratzeko, dirudienez, BAOn argitaratzen danetik alegazino epea zabaltzean, auzotarrakaz komentatzeko gestinoa auzo alkateengan itzi dala eta auzoetako jendea joan jakela eta auzo alkateek be zalantzak daukiezala.

Adierazo dau lan konplexua dala, bide zaharrak agertzen diralako, desagertuta dagozan bideak, errepikatutako bideak, etab.

Epeak aurrera joan dirala eta auzotarrak, gauza serioa danez, kezkak helarazo dabezala, esan dau.

Eta auzo alkateek epearen luzapena eskatu eben arren, jakin dabenagaitik, behin epe osoaren erdia luzatuta, legeak ez dau aukerarik emoten barriro luzatzeko.

Hori horrela, esan dau, beste modu batera egin behar izan dala, auzotarrakaz eta jaube pribaduakaz egonda, BAOn argitaratu beharrean.

Adierazo dau ez dakiela urtenbidea zein dan, baina auzoetara joan beharko litzatekela eta gaia lotuta eroan, barriro ez pasateko.

Amaia Elorza andreak erantzun deutso proposamen tekniko bat egon dala eta ondo topa dauela egitea, arazoak dagozalako aspalditik, eta auzo alkateeri irailaren 4an aurkeztu jakela proposamena.

Azaldu dau 1996. urtearen inguruan diru-laguntzak egon zirala inbentarioak gauzatzeko eta ez dagoala argi garai hareetan aukera emon bazan alegazinoak egiteko, etab. Eta arazo asko egon diranez bideakaz, teknikariaren proposamenaren arabera, espediente hau zabaltzea pentsatu zala, esan dau.

Informatu dau irailean barri emon zanean, erabagia hartu barik egon zala eta, behin erabagita, BAOn argitaratu eta alegazinoetarako epea zabaldu zala.

Informatu dau be, abenduan auzo alkateakaz egindako batzarrean, epea luzatzeko eta auzotarrei banan bana notifikatzeko eskatu ebela, eta halan egin zala. Eta epe barria zabaldu arte be, eskatu dabenakaz batzarrak egon dirala eta argibideak emon jakezala.

2015/02

43

Esan dau be, informatu jakela alegatu ahal dabela eta dokumentazinoa gero aurkeztu.

Adierazo dau agian ez dabela ondo ulertu eta denporea pasatu jakela, baina argitu gura dauela ez jakela ezer kendu, ez antzekorik.

Abaroa jaunak esan dau ados dagoala egin beharragaz, baina arazoak eta kezkak daukiezala, adibidez, errepidea, estratzea, gurdibidea etab. agertzen diralako eta ez diralako gauza bera.

Argitu dau kritikatzen dauena dala legezko tramiteak hasi orduko landu beharreko gauzea zala, BAOra bialdu orduko auzo alkateakaz, nagusiakaz, etab. egonda egin behar zana.

Elorza andreak esan deutso erabagia hartu baino lehen aurkeztu jakela auzo alkateeri eta ados egon ziranez, aurrera egin zala.

Azaldu deutso San Andres egunean esan ebela lan gatxa dala, etab. Baina informatu jakenean ados eta prest egon ziranez, horregaitik egin zala aurrera, esan dau.

Eta adierazo dau otsaileko batzarrean be esan jakela, alegazinoak aurkezteko epea amaituta egonda be, geroago aurkeztuko dabela dokumentazinoa, udalaren asmoa argitzea besterik ez dalako.

Idazkari andreak adierazo dau lehenengo epea abenduan amaitu zala eta, luzapena BAOn iragartzen zanetik zenbatzen zanez, iragarkia bialtzeko presarik be ez dala egon eta, ondorioz, hiru hilabete baino gehiagoko epea egon dala alegazinoak aurkezteko.

Abaroa jaunak errepikatu dau aurretik landu behar zala, BAOra bialdu orduko.

Esan dau, arazoa Artika eta Demiku auzoetatik urten dauela, jaubego pribadubi inbaditu diralako alegazino epea zabalik egon danean, eta pribadua dan edo ez erakutsiko dabela.

Elorza andreak erantzun deutso Demiku Auzoko 4 baserritar egon dirala materiala ezin atarata eta sinadura bilketa egin ebela bidea garbitzeko, eta ez zabaltzeko, herri bidea inbentarioan egoalako.

Gero badino pribadua bada, hor dagoala arazoa, baina gauza batek ez daukala bestegaz zer ikusirik, argitu dau.

Abaroa jaunak galdetu dau ea zer gertatuko dan gero azkenean pribadua bada, plano batean oinarrituta sartu diralako.

2015/02

44

Alkate andreak esan deutso ezin dirala egon geldirik.

Abaroa jaunak galdetu dau ezin izan danentz itxaro alegazino epea orain zarratzen dala jakinda, eta argitzen danean egin, gaia aste bitan ixten dalako eta halan eztabaidea ekidituko zalako.

Elorza andreak esan deutso asteburuan batzarra daukala eurakaz eta gonbidatuta dagoala batzar horretara.

Abaroa jaunak galdetu deutso ea zertara datorren onartzeko aste bi falta diranean orain sartzea eta, esan dau, pribadua bada, hori garbitzeak eragin dauzan kalteak egon diranez, ahal izan dala itxaron eta hori ekidin.

Elorza andreak erantzun deutso Lugintza batzordean argitu ebala eta ez daukala ezelako arazorik.

Abaroa jaunak adierazo dau udala Artika eta Demikuko hainbategaz egon dala baina kaltetuak ez dirala enteratu makinak lanean hasi diran arte.

Elorza andreak erantzun dau berak esan deutsela eta azaldu deutsela.

Herri bideak garbitu egin behar dirala eta materiala atarateko laguntzea behar dabela esan dau.

Abaroa jaunak esan dau baso guztiek daukiezala bideak.

Elorza andreak ados dagoala esan deutso.

26.- ESKARIAK ETA ITAUNAK.

Batzordekideek ez dabe ezelango eskari eta itaunik aurkeztu.

Eta aztertzeko gai gehiago barik, lehendakari andreak amaitutzat emon dau batzarra goiburukoan aitatutako ordu, egun eta leku berean, eta eztabaidatutakoa eta erabagitakoa jasota geratu daiten, nik, idazkariak, agiri hau egin eta izenpetzen dodanak, horren fede emoten dot, lehendakariaren oneritxiagaz. Agiri hau Euskal Autonomia Erkidegoko toki administrazinoko ........(e)tik .......(e)ra arteko zenbakidun papelean jaso da.

AKTEA OSOKO BILKUREA - Bermeo · taldeak esan ebanean bermatuta ez egoazala eta, ondorioz,...

Documents

Transcript of AKTEA OSOKO BILKUREA - Bermeo · taldeak esan ebanean bermatuta ez egoazala eta, ondorioz,...