AKTA-martxoko azken asanblada
description
Transcript of AKTA-martxoko azken asanblada
PIZTU ASANBLADA – martxoak 21-
Aktatxo honetan, joan den osteguneko asanbladan hitz egin zirenak biltzen saiatu gara. Aktalari lanak erdi purdi
egin ziren, beraz, elementu batzuk jaso gabe geratu dira agian. Gainera, norberak gauzak bere modura ulertu
eta interpretatzen ditu, beraz, beste begirada batzuk gehitu beharko zaizkio hemen idatzitakoari. Zerbaitekin
ezadostasuna baduzu, zerbait falta bada edo ekarpen berriak badituzu, idatzi dokumentuan bertan (kolore
gorriz?).
1. PROIEKTUAREN INGURUAN aritu ginen, dezente. Ideia hauetan laburbildu ditzakegu ateratako
ondorioak (osatu ezazue!):
o Analisi fasea indartu behar dugu, komunikazio eremuan dagoen beharra hobeto ezagutze
aldera. Aurretik dauden esperientziak aztertu, Donostiako errealitate komunikatiboaren
diagnostikoa osatu… Azterketa hau guztia, eragile eta pertsona askorekin harremanetan
burutu behar dugu > sinergiak bilatu.
� JARDUNALDIAK. Helburu hauei loturik, jardunaldi batzuk antolatzeko ideia
mahaigaineratu zen. Jardunaldi hauek, Donostian behar ditugun proiektuak
zehazteko baliagarriak izango lirateke.
� Harreman bira bati ekitea interesgarri ikusten da (lan hau iraunkorra izan beharko
dela aipatzen ere den arren).
o Proiektuaren izaeraren inguruan ideia hauek indartu ziren.
� Transbertsala. Ahalik eta elkarte eta pertsona gehienekin egon behar gara
harremanetan, asanblada beraien beharretarako eskainiz. Piztu ez da inorena,
denona da. Denon zerbitzura egongo den egitura eta funtzionamendua izan behar
da gurea.
� Horizontala. Asanblada da erabakiak hartzeko gunea, lanak banatzeko, gaiak
proposatzeko, eztabaidatzeko… Asanblada irekia da, eta bertan edozeinek parte
hartu dezake, puntualki edo iraunkorki.
o Piztu, webgune bat baino gehiago da. Komunikazioaren eremu zabala osotasunean landu
nahi dugu. Komunikazioaren eremuan, oro har, eragitea izan beharko luke gure helburua.
2. EPE LABURREAN, gure lanak bi zatitan banatu ditzakegu (biak elkarri loturik). Hau proposamen bat da:
o Zehaztapen, zabalpen, kontraste lanak... Hemen sartuko genituzke, harremanak egitea,
egoeraren analisia egitea, proiektuaren inguruko eztabaida, ekarpen eta zehaztapenak…
o Itsasargia. Orain artean zehaztu dugunaren ildotik, lanari ekitea; bideoekin frogak eginez,
webgunea eraikiz, lehen gaiei kobertura emanez… Itsasargia izango litzateke tarte honetan
egiten duguna zabaldu eta jendearekin konpartitzeko gunea. Tarte honetan egiten ditugun
lanak, proiektua ezagutarazteko, hausnarketak laguntzeko… baliagarriak izatea proposatzen
da (adibidez, harreman bira egitean eragileei galderak egitea beraien behar komunikatiboen
inguruan eta horrekin bideoa osatzea)
3. BESTE GAI BATZUK. Batzarraren hasieran honakoak aipatu ziren:
a. Iruñean gisa honetako proiektuetan lanean dauden lagunekin harremana du batzarreko kide
batek, eta ahal duten horretan guri laguntzeko prest daudela… Eskertzen da!
b. Donostian okupazioaren inguruan dokumental bat egiten ari da pertsona bat, eta gurekin
harremanetan jarriko da. Aurretik halako lana egina dagoela aipatu da ere. Horrekin batera,
70. hamarkadan poliziak Grosen eragindako hilketa baten inguruko dokumentala egin dute
ere; guztia hobeto azaltzeko eta zer egin daitekeen ikusteko, hurrengo batzar batera
etortzeko proposatuko zaie. Hemendik atera dira: egin eta egingo diren lanak biltzeko
beharra, emanaldi zikloak, proiekzio publikoak egiteko moduko ideiak.
4. ETXERAKO LANAK
a. Analisia eta diagnostikoa osatze aldera, eragileei egin beharreko galdera proposamenak.
b. Harremanetarako zerrenda osatzea
c. Orain arte Donostian egin diren lan ezberdinen artxiboa osatzeko, norberak eskura duen
materiala biltzea.
d. Sarea handitzen joateko, proiektuan era batera edo bestera laguntzeko prest dagoen
jendearen kontaktuak biltzea.
5. HURRENGO BILERA PROPOSAMENA: APIRILAK 3, asteazkena, 19:00etan San Jeronimo kaleko aretoan
(edo ostegunak nahiago ditu jendeak?)