A enerxía fósil

(carbón, petróleo e gas natural)

1. Fontes de enerxía

● As fontes de enerxía son os recursos da natureza que por si mesmos ou

modificados polo ser humano producen algún tipo de enerxía.

2. Tipos de fontes de enerxía

● Hai dous tipos de fontes de enerxía: renovables e non renovables.

2.1. Fontes de enerxía renovables

A enerxía renovable é a enerxía que se obtén de fontes naturais. Estas fontes

de enerxía non se esgotan cando as utilizamos, porque se renovan

constantemente ou porque as hai en cantidades tan enormes que son

practicamente inesgotables. Por exemplo: a enerxía do Sol, o vento, a auga en

movemento, a biomasa.

Solar Xeotermica

Biomasa

2.2.Fontes de enerxía non renovables Son recursos formados durante moitos millóns de anos, que están

almacenados no globo terrestre e que unha vez esgotados non volven a

xerarse antes doutro millón de anos.

As principais son:

● Os combustibles fósiles (o carbón, o gas natural e o petróleo).

Proceden de organismos mortos hai millóns de anos, que se foron

transformando ao quedar enterrados. Utilízanse como combustibles en

vehículos, calefaccións … Tamén se empregan para obter electricidade en

instalacións chamadas centrais térmicas.

● As substancias radioactivas. Son substancias que poden liberar

enerxía nuclear. Atópanse nalgúns minerais, dos que hai

cantidades limitadas. Utilizámolas para obter electricidade nunhas

instalacións chamadas centrais nucleares.

Fontes de

enerxio non

renovobles

Corb6n

Uronio e hidr6xeno

Petr61eo Gos natural

3. A enerxía fósil

A enerxía fósil é unha enerxía moi doada de obter e moi sinxela de utilizar.

Referímonos ao carbón e ao petróleo, a base das explotacións enerxéticas

actuais na humanidade.

Inconvenientes:

● O seu forte poder contaminante.

● Aumento de gases de efecto invernadoiro na atmosfera.

● Acelera o cambio climático.

Central petroleira

A enerxia fósil

Carbón Petró1eo Gas natural

3.1. O petróleo

● O petróleo é unha mestura homoxénea de compostos orgánicos,

principalmente hidrocarburos. É un líquido viscoso, de cor escura e cheiro

penetrante. Formouse a partir de restos de animais e vexetais que vivían

en mares ou lagos fai millóns de anos.

● Extráese en campos petrolíferos ou en plataformas petrolíferas no mar.

Plataforma petrolífera

● Unha vez que se atopa un pozo necesítase unha rede de transporte

de petróleo mediante barcos enormes, chamados petroleiros, ou a

través de canalizacións chamadas oleodutos.

Barco petroleiro

3.1.1. Oleoduto ● Denomínase oleoduto á

canalización e instalacións

conexas utilizada para o

transporte de petróleo, os

seus derivados e biobutanol,

a grandes distancias.

● O oleoduto actual da Coruña

comunica a refinería co

peirao petroleiro. Agora

construíuse un novo que

comunica o porto exterior coa

refinería. Oleoduto

3.1.2. Refinerías

● Unha refinería é unha instalación na que se transforma o petróleo cru en

produtos útiles para as persoas. Os compoñentes químicos do petróleo

sepáranse e obtéñense por destilación mediante un proceso de

refinamento. Del extráense diferentes produtos, entre outros: propano,

butano, gasolina, queroseno, gasóleo, aceites lubricantes, asfaltos, carbón

de coque, etc.

Refinería da Coruña

3.1.3. Usos do petróleo

● Combustibles: gasolina, gasóleo, fuel-oil, queroseno, gases coma o

butano, metano, propano, etc.

● Lubricantes: aceites para os motores.

● Plásticos.

● Asfalto.

3.1.4. Países produtores de

petróleo Os principais produtores de petróleo son: os países da antiga Unión Soviética,

os Estados Unidos, Arabia Saudí, México, Venezuela e China.

.... PR ODU C:CJ: ON P<>R R EG J: ON r1"' 0:s

FUE NTE : B P_. in-fo ..- me 2 0 0 4

3.1.5. Vantaxes e desvantaxes do

petróleo ● Vantaxes:

Del pódense obter moitos produtos. Tamén grazas a el prodúcese o

movemento de automóbiles, fábricas, industrias …

● Desvantaxes:

É unha enerxía contaminante. Ao utilizar os instrumentos de maneira

inadecuada, ao traballar co petróleo e os seus derivados pode causar ás

persoas que o executan certo tipo de enfermidades.

3.2. O carbón

● O carbón é un combustible fósil, de cor negra, moi rico en carbono.

Orixínase por descomposición de vexetais terrestres, que se acumulan en

zonas con auga, de pouca profundidade. Crese que a maior parte do

carbón foi formada fai millóns de anos.

● Existen distintos tipos de carbón (antracita, hulla, lignito e turba) en

función da cantidade de carbono que teña e doutros compostos que poida

ter.

3.2.1 Extracción do carbón

● O carbón extráese de dúas maneiras, a ceo aberto ou mediante extracción

subterránea.

3.2.2. Usos do carbón

● Xeración de enerxía eléctrica. As centrais térmicas de carbón pulverizado

constitúen a principal fonte mundial de enerxía eléctrica.

● Produción de coque utilizado como combustible e redutor en distintas

industrias, principalmente nos altos fornos.

● Siderurxia: Mesturando minerais de ferro con carbón obtéñense: ferro

doce, aceiros e fundicións.

● Industrias varias, como as fábricas de cemento e de ladrillos.

● O uso doméstico nos países desenvolvidos foi desprazado por outras

fontes máis limpas de calor (gas natural, propano, butano, enerxía

eléctrica) para rebaixar o índice de contaminación.

● Carboquímica: para obter numerosos produtos químicos como, por

exemplo o amoníaco.

● O carbón é o combustible fósil que máis CO2 produce por

unidade de electricidade xerada polo seu maior contido de

carbono. O CO2 é o principal gas do efecto invernadoiro.

● As dúas grandes e obsoletas centrais térmicas galegas son: as

Pontes e Meirama.

Central térmica de As Pontes

3.2.2.1. Central de As Pontes

● Central das Pontes: propiedade de ENDESA, potencia 2318 MW, a

Central Térmica máis potente do Estado español. Foi construída en 1972.

Produce electricidade a partir dunha mestura de lignito e carbón

subbituminoso.

● A partir de 2008 a central empezou a operar só con carbón subbituminoso

de importación, menos contaminante có lignito.

● ENDESA investiu uns 120 millóns de euros na recuperación ambiental da

mina de carbón ao descuberto de As Pontes que cesou a súa actividade

no 2007 e creouse un lago artificial.

3.2.2.2. Central de Meirama

● Central de Meirama: Esta central coruñesa pertence a UNION FENOSA.

Ten unha potencia de 563 MW. Comezou a funcionar hai 35 anos e a

partir de 2008 queimou carbón de importación; despois reformarase a súa

caldeira e prolongarase a súa vida útil en trinta anos máis.

3.2.3. Principais produtores de

carbón Os principais produtores de carbón son: China, Estados Unidos, India,

Suráfrica, Australia, Antiga Unión Soviética, Polonia, Ucrania, Kazakhistan e

Indonesia.

70..6 China

E EU U 111..9

Europa Occidental

27,7

Europa Oriental . _ y Antigua Union Sovaellca

135..4

Resto de

Asia

62,2

Australia

45..3

•

America Cential y Sudamerica

5.,6 y Medio Oriente

•

60,6

3.2.4. Vantaxes e desvantaxes

do carbón

● Vantaxes

As vantaxes do carbón son que é unha enerxía barata e con alto poder

enerxético xa que con pouco volume de carbón conséguese moita enerxía.

● Desvantaxes

Os inconvintes do carbón son, que é bastante contaminante e que as minas

das que se extraen ofrecen pouca seguridade aos traballadores e os

accidentes son habituais.

3.3. O gas natural

● O gas natural é unha mestura de gases que se atopa frecuentemente en

xacementos fósiles, só, disolto ou asociado con petróleo ou en depósitos

de carbón. Está composto fundamentalmente por metano. O gas natural é

un bo substituto do carbón como combustible debido á súa facilidade de

transporte e elevado poder calorífico e a que é menos contaminante que

os outros combustibles fósiles. As principais bolsas de gas atópanse na

Federación Rusa e Oriente Medio, pero tamén hai cantidades importantes

noutras zonas.

● Usos: doméstico e industrial para a produción de electricidade entre

outros.

● Para transportalo o gas licuase xa que é máis seguro de manexar e máis

doado de transportar. Licuado, o produto ten un volume seiscentas veces

menor que en estado gasoso. Ademais, convertido en líquido, o gas nin

arde nin explota.

● A licuefacción conséguese arrefriando o gas natural a 160 graos baixo

cero e a presión atmosférica.

3.3.1 Regasificadora

● Unha regasificadora é o elemento que existe entre a planta de extracción

do gas natural licuado e a rede de distribución de gas natural. Nela leva a

cabo o proceso que converte o gas natural licuado en gas natural.

3.3.2. ais produtores de

gas natural Os principais produtores de gas son: Rusia, Irán, Qatar, Turkmenistán,

Estados Unidos, Arabia Saudí, Emiratos Árabes Unidos, Venezuela, Nixeria e

Arxelia.

Estados Unidos Emiratos Árabes

Rusia

Turkmenistán

Irán

Qatar

Nixeria

Arabia Saudí

Arxelia Venezuela

3.3.3. Vantaxes e desvantaxes

do gas natural ● Vantaxes:

É moito máis limpo ca o petróleo. Como é gasoso a temperatura ambiente, non

contamina os ríos e os océanos. Ademais, como acostuma conter pouco xofre,

quéimase de forma limpa.

● Desvantaxes:

A utilización de gas natural produce moitos gases de efecto invernadoiro. O

gas natural non é unha fonte de enerxía renovable.

Traballo realizado por: Jhon Jairo, Dani G. F. e Antía Castro, de 5ºA. curso 2014-2015..Ceip. Rosalía de Castro (Lugo)