1 unitate didaktikoa
-
Upload
ikastenikasi -
Category
Documents
-
view
275 -
download
2
Transcript of 1 unitate didaktikoa
UNITATE DIDAKTIKOA
1. Izenburua
Bidai "ZINEstezina" / Un viaje de CINE
2. Sarrera
2.1. Justifikazioa
Kurtsoa amaitzear dago. Umeak nekatuta eta oporrak iristear daude.
Horregatik, jarduera hauen helburua umeak gustura eta lasai asko egiteko 12
problemaz osatuta daude.
Jarduera hauek kurtsoan zehar emandako guztia aurkezten dute joko
baten antzera. Nahiz eta matematikako problemak diren, hauek zerbait
bereziagoak dira. Gai konkretu bat jarraitzen dute: zinea eta honen bidez ikusi
daitekeen kulturartekotasuna.
Horretarako, problema bakoitza pelikula eta munduko toki konkretu
batekin erlazionatu ditugu. Nolabait, honen helburua da umeek buruari ematea,
baino aldi berean pozik jardutea eta gustura lan egitea. Ez dituzte azterketa edo
saio normal bateko ariketak bezala ikusi behar. Ia-ia joko baten antza hartu
behar diote. Ikastea ere ondo pasatzea da.
Gainera, jarduera hauek taldean egingo dira eta ez zaio batere gaizki
etorriko klaseari gehiago erlazionatzea beraien artean.
Lehenengo jarduera mundu osoko mapa batekin egin beharko dute, eta
mundu osoan zehar landuko dituzten zonaldeak ezagutuz, beste hamaika
jarduera itxaroten diete. Seguru asko, saio hauei esker, luze gogoratuko dituzte
herrialde ezberdinak, eta hori etorkizunean oso lagungarria egingo zaie.
Jarduera guztiak badute erlazio zuzena dagokion zonaldearekin, eta
zonalde hauek dagozkien pelikularekin: China (Mulan, Afrika (Tarzan), Virginia
(Pocahontas)...
Beste begi batzuekin ikusiko dituzte geroztik pelikula hauek, eta horrekin,
bidaiatzeko eta kultura ezberdinak ezagutzeko grina piztea du helburu jarduera
hau, bidean ikasitako guztia errepasatuz.
2.2. Kokapena
Guk erabaki dugu Lehen Hezkuntzako 4. mailako klase batean
proposatutako problemak egiten saiatzea.
Klase hau 24 ikaslez osatuta dago. 11 mutil eta 13 neska dira, denak
adin berekoak. Nesketako bat Txinatar jatorrikoa da. Gurasoak bertakoak dira
eta oraindik ez du gure hizkuntza guztiz menperatzen, baina gehiena ulertzen
du. Mutiletatik, ume bat errumaniar adoptatu bat da. Beste bat perutarra,
adoptatuta ere. Azkenik, aita afrikarra eta ama tokikoa duen beltzaran bat dago.
Lau jatorri kanpotarreko ume hauek ez daude klasean oso ondo
integratuta. Gehienak Lehen Hezkuntzan sartu ziren lehenengo aldiz eskolan,
eta ordurako arraroak ziren beraien gelakideentzako. Hala ere, badaude beste
sei bat ume irekiagoak irenak eta saiatzen direnak hauen lagunak izaten.
Umeak Piagetek deitutako Haurtzaro etapan kokatzen dira (7-11 urte).
Adin honi eragiketa konkretuen adina deritzo, eta pentsamendu logiko-
sistematikoa garatzen ari da. Horregatik oso aproposa da guk proposatutako
problemak ebazten saiatzea, logika matematikoa guztietan errepikatzen baita.
Unitatea aurrera eramateko 12 jarduera ezberdin egin beharko
dituztenez, 4 saiotan banatzea erabaki dugu. 3 problema saioko egin beharko
dituzte batez beste, baina batzuk luzeagoak direnez, eta beste batzuk aldiz
motxagoak, gure lana izango da buruketak banatzea mailakatuta eta luzeraren
arabera antolatuta. Ordutegia bestela, malgutu egin daiteke.
Saioak emango dira kurtsoko azken aurreko astean. Aste berezia izango
da. Tutoretza eta matematika saioak hartuko dira, horrela lau saioak aste
batean beteko dira.
3. Metodologia
Espazioaren antolakuntzari dagokionez, ikasleek taldeka egingo dute
beti lan, eta beraz, ikasgelako mahaiak talde hauek egongo diren bezala
ageriko dira. Lau zirkulutxo egingo dituzte mahaiekin, talde bakoitzeko ikasle
guztiek elkarri aurrez aurre begira diezaioten.
Ikasleen taldekatzeak badu zerikusia bertan ditugun ikasleekin. Hain ongi
integratuta ez dauden ikasle batzuk baditugunez hauek taldetan banatuta
jarriko ditugu, hau da, ikasleak seiko lau taldetan banatuta ageriko dira.
Denboraren antolaketan ezin gara zorrotzegiak izan baina ikasleei beti
jarri behar zaizkie muga batzuk. Saio bakoitzean hiru ariketa egiteko daude
pentsatuta baina litekeena da buruketaren batean ikasle gehienak geldotzea.
Hori gertatu ezkero lasaitasun osoz hartu behar da eta azaldu behin eta berriro
denbora aurrera doala kontutan izan gabe. Ikasleek ulertzea ezinbestekoa
baita.
Giza baliabide gisa oso interesgarria litzateke integraziorako laguntzaile
bat ikasgelan izatea. Ez da beharbada saio guztietara etortzea beharrezkoa
baina, bai bi saioz behin etortzea.
Materialen aldetik, beharrezkoak dira ondorengo materialak, batzuk
ekartzea irakaslearen zeregina izango da eta beste batzuk (oinarrizkoenak:
boligrafoa, kalkulagailua...) ikasleen zeregina.
(Hemen bakarrik material gehigarria behar duten jardueren izenak eta
materiala ageri da. Horregatik bakarrik 9 titulu daude. Beste guztiak ikasleen
oinarrizko materialarekin, dagoeneko daukatena, egin daitezke)
Mulan- Guraizeak, Erregela, arkatza, ezeztekoa.
Pocahontas eta Ratatouille- Erregela, arkatza.
Tarzan- Musika kaxa, mp3 prestatu bat.
El libro de la selva- Erregela, arkatza.
Pinotxo- Plastilina eta hortz txotxak.
El emperador y sus locuras- 10, 20 eta 50 xentimoko txanponak,
bakoitzetik batzuk.
Aladdin- 3 eta5 litroko edukiontziak,hondarra (proba hondarrarekin egin
nahi bada uraren ordez).
4. Konpetentziak
Konpetentzia komunikazio linguistikoan:
Problema batzuetan hizkuntza maila on bat eskatzen da. Hauek
hiztegi aberatsa eduki behar dute problema batzuk ulertzeko. Beste
batzuk aldiz, behin baino gehiagotan irakurri beharko dituzte guztiz
ulertzeko. Horretarako, hizkuntza eta hiztegiaren maneiatze ona eduki
beharko dute. Azalpenen bat ere eman beharko dute euren erantzunak
argudiatzeko. horrek ere gaitasun komunikatibo bat eskatuko du.
Konpetentzia matematikoa:
Jarduera guztiak matematikako problemez osatuta daude. Bertan,
kontzeptu matematikoen beharra ezinbestekoa da. Umeek gehiketak,
kenketak, biderketak eta zatiketak erabili beharko dituzte. Gainera,
jarduera batzuk zerikusi handia dute eguneroko bizitzan gertatu
daitezkeen arazoekin, eta hauei, baliabide matematiko batez konpontzen
ikastea oso interesgarria izan daiteke adin hauetan.
Konpetentzia mundu fisikoaren ezagutza eta interakzioan :
Lehenengo jardueratik, mundu osoko herri desberdinetan daudela
esaten zaie umeei. Horrela, hauen ezagutzak munduko herrialde
ezberdinen kokapena aurkezten zaie, eta beraiekin operazio batzuk egin
beharko dituzte. Ez horrekin bakarrik, herrialde bakoitza umeen pelikula
batean oinarritzen da, non herrialde hori pelikulako gertakizunen
eszenatoki da.
Konpetentzia digitala eta informazioaren tratamenduan:
Hainbat datu kalkulatzeko beharrezkoak izango dira
kalkulagailuak. Beste aldetik, ordenagailua edo interneteko konexioa
duen bestelako aparatu elektronikoen beharra ere ikusiko dute problema
ebazteko informazioa bilatzeko orduan.
Konpetentzia sozial eta herritarra:
Klaseko giroa ez da oso aproposa. Ume batzuk baztertuta daude
etnia ezberdinetakoak izateagatik. Horregatik, taldeak bereziki prestatuta
daude hauek banaka joateko integratzen talde txikietan. Beti saiatuz
talde egokienak sortuz. Modu horretara, bertako umeek toleranteak
izaten lagundu eta etorkinek, berriz, bertako umeei irekitzen ikasiko dute.
Konpetentzia autonomia eta norberaren iniziatiban :
Konpetentzia hau lantzeko, pelikulak erabiltzea iruditu zaigu
aproposa. Gustuko gaiekin beti egiten da lan gogo gehiagorekin. Bide
batez, lan egiten dute, eta beste batez, ikasten dute ikastea ez dela beti
liburu baten aurrea geratzea. Pelikuletan edota kalean ere bizitzeko
beharrezkoak diren gauza asko ikasten dira. Horrela, ikusiko dute zein
izan daitekeen ikastearen alde dibertigarria, gero beraiek errazago
hartzeko lana.
5. Helburuak
BURUKETAK EBAZTEA, TEKNIKA DESBERDINAK ERABILIZ
Buruketa bat ebaztea, batuketak edo kenketak eginez.
Buruketa bat ebaztea, logika erabiliz.
Buruketa bat ebaztea, grafiko bidez.
Buruketa bat ebaztea, nork bere estrategia erabiliz.
Datuak interpretatzea grafiko bidez.
Erantzun bat baino gehiago bilatzea, teknika desberdinak erabiliz.
Erantzuna justifikatzea, idatziz edo hitzen bidez.
Irudi geometrikoak beraien artean ezberdintzea, irudi horiek paper
batean marraztuz eta sailkatuz.
Zenbaki arruntak ordenatzea, zenbakien balore posizionala interpretatuz.
Talde lanean aritzea, elkarren artean lagunduz eta jarrera positiboa
edukiz.
Maketak (tangram, kuboa…) egitea, emandako pausoak jarraituz eta
guraizeak eta kola erabiliz.
Etnia ezberdineko ikasleak integratzen ikastea.
Umeen munduko kulturei buruzko ezagutzak bultzatzea eta hauekiko
aurreiritziak hobetzea.
Kurtso osoan ikasitako kontzeptuak erabiltzen jakitea.
6. Edukiak
Kontzeptuzkoak: (jakitea)
Eragiketak: kenketak, gehiketak, biderketak eta zatiketak testuinguru
desberdinetan numero naturalekin, osoekin, dezimalekin eta
frakzionarioekin.
Jarraitasuna.
Maketak.
Neurketa magnitudeak: luzera, bolumena, denbora, masa…
Irudien arteko antzekotasunak.
Prozedurazkoak: (egiten jakitea)
Diagrama eta irudi bidez, zenbaki oso, zatizko edo hamartarren nahiz
zenbakizko problema sinpleen errepresentazioa.
Bizitzako eguneroko problemak ebazteko metodoak non monetak eta
geometriak esku hartzen duten.
Moneta desberdinekin ordaintzeko jarraibideak baliokidetasuna erabiliz.
Eskalak erabiliz maketak interpretatzeko eta eraikitzeko jarraibideak.
Perimetroa kalkulatzeko formula
Jarrerazkoak: (izaten jakitea)
Kuriositatea, interesa problemei eta bizitzako eguneroko arazoei aurre
egiteko.
Gogoa taldeko lanetan problemak era eraginkorrean ebazteko, lanen
banaketa ondo egiteko eta iritzi desberdinak kontuan hartzeko gaitasuna.
Problemak ebazteko norbere gaitasunetan konfiantza izatea.
Egindako prozesuen eta lortutako erantzunen berrikustea bere
baliotasuna konprobatuz.
7. Ebaluazio irizpideak
Ebaluatzeko orduan, gauza desberdinak hartuko dira kontuan.
Lehenengoa, zuzentasuna hartuko da kontuan, bai matematikoki nahiz
gramatiko eta ortografikoki. Bigarrena, taldeko parte-hartzea eta laguntasuna
ere kontuan hartuko da.
Bi hauek ebaluatzeko hainbat era daude. Guk guretzako aproposenk
iruditzen zaizkigunak erabiliko ditugu:
Holistikoa / Espezifikoa:
Nahiz eta bi ikuspuntu polarizatuak diren, ezin dira
banandu. Umeen jarraipena bai orokorki nahiz espezifikoki ebaluatu
behar da. Horrek suposatzen du irakasleak klase osoari arreta jarriko
diola ikusteko, batez ere, taldeen arteko giroa.
Baina zuzentasuna ebaluatzeko orduan, taldez talde joan beharko
du ikusteko ea zer moduz doazen umeek euren jarduerekin.
Kualitatiboa:
Umeei geroz eta maila altuago bat eskatzen zaie.
Horregatik, oso garrantzitsua izango da hauek egindako lanaren kalitatea
neurtzea. Kontuan hartu beharko da ume bakoitzaren ekarpena taldeari
hau ondo ebaluatzeko. Horretarako, jarduerak aurrera eramaterakoan
erabiliko duten prozesua kontuan hartzea beharrezkoa izango da.
Formatiboa / Sumatiboa:
Ebaluazio kualitatibo bat egin nahi bada, era normatibo
batean egin beharko da. Era honek prozesuaren arabera ebaluatzen du,
baina ezin gara era sumatiboaz ahaztu. Jarduerak bukatzerakoan, lan
hori kalifikatu egin beharko da, behatuz ea zer moduz eraman dituzten
jarduerak aurrera kurtso osoan zehar ikasitakoaz baliatuz.
Normatiboa:
Jarduerak hainbat erantzun posible eduki ditzakete, eta
dagoeneko idatzi eta onartuak izan dira. Horregatik, lanaren zuzenketa
egiterakoan, onartutako erantzun horiek izango dira kontuan hartu behar
izango direnak. Erantzuna desberdina baldin bada, esan nahiko du
jarduera oker dagoela.
Amaierakoa:
Jarduera honen helburu nagusia kurtso osoan zehar
ikasitako guztia praktikan jartzea da. Horregatik, ebaluaketa hau prozesu
osoaren amaieran hartu beharko da kontuan. Nahiz eta hainbat
ezaugarri prozesuan zehar ebaluatzen joan beharko diren, azkenean
ebaluaketa orokor bat egin beharko da, prozesu amaieran.
8. Jarduerak
(Hurrengo dokumentura pasa)