TALLER DE PAN DE MILLO

Durante dous mércores seguidos, o 24 de febreiro e o 2 de

marzo, desenvolvemos o taller de pan de broa.

OBXECTIVOS: 1.Coñecer e valorar a importancia do millo na nosa

alimentación.

2.Fomentar o traballo en grupo.

3.Gozar aprendendo, e aprender gozando.

4.Valorar todo o traballo que hai detrás dos alimentos que chegan á nosa mesa.

5.Obter fariña para facer o pan, e farelo para a nosa brigada de “Amigos dos Paxaros”,

que se encargan cada día de aliméntalos, levándolles comida a nosa carballeira.

6. Implicar a varios membros da comunidade educativa.

7.Aumentar o vocabulario.

8.Sementar e cultivar millo.

9.Comprobar como o esforzo trae bos resultados... neste caso en forma de pan.

CONTIDOS

Comezamos o noso taller cun traballo previo na aula, escoitando a canción pan de millo do

grupo MIGALLAS:

Se pan de millo Hai que amasar.

vas merendar Hai que furar.

mira o traballo Logo cocer

que hai detrás. (Bis) e a papar. (Bis)

Hai que plantar. Ñam, ñam, ñam…

Hai que esperar.

Logo nacer

e esfollar. (Bis)

Se pan de millo...

Hai que gardar.

Hai que debullar.

Logo moer

e peneirar. (Bis)

Se pan de millo…

A partir desta canción dividimos o noso taller en varias zonas.

A primeira estaba dedicada a GARDAR O MILLO e nela podían ver un cabaceiro con

espigas.

Na segunda aprendemos a DEBULLAR, cando xa tiñamos o gran separado do carozo,

explicámoslle que había que moelo ata conseguir fariña.

Foi entón cando aprendemos a PENEIRAR, para separar a fariña do farelo.

Coa fariña, Sergio ensinounos a AMASAR.

O farelo gardámolo para entregarllo a nosa brigada de “Amigos dos Paxaros” que

cada día , se encargan de visitar a nosa carballeira para levarlles comida.

A continuación cada un dos nenos foi pasando a zona seguinte na que TENDEMOS a

masa e fixemos o nosos boliños de pan.

E como isto era “pan comido” fomos á cociña para COCER o noso pan.

Mentres probamos o rico pan de broa que xa estaba preparado, e alí rematou o noso taller,

na zona dedicada a PROBAR.

Cando o pan estaba cocido empaquetámolo para a merenda.

E alá marcharon para a casa dos nenos o pan de millo e a

nova mascota do comedor, que irán levando aqueles que se

atrevan a comer millo, xa que é o novo alimento que

estamos introducindo no noso comedor 5S (saudable,

solidario, silencioso, sorrinte e sensible).

E xa só nos queda desexarlle BO PROVEITO AOS

RAPACES!!! E darlle as grazas a todos os que nos axudaron

a facer pan de millo.

PAN DE BROA

A palabra broa ten orixe xermánico, probablemente se incorporou ao léxico do noroeste

peninsular na Alta Idade Media, coa chegada dos suevos, séculos antes de que se cultivase

millo en Europa.

É un son antigo que dá nome a un pan con cortiza grosa, faragulla densa , húmida e aceda e

cun toque doce. En Galicia, na noite de San Xoán, é tradición saltar lumeiradas ou

cacharelas, deixar repousar á luz da lúa as herbas de San Xoan remolladas en auga recollida

de sete fontes e comer sardiñas asadas sobre unha grosa rebanda de broa.

INGREDIENTES PARA UN BROA DUN QUILO

380 g de fariña de millo

450 g de auga

125 g de fariña panadeira

125 g de auga

19 g de sal

6 g de fermento seco

1. Verte sobre a fariña de millo auga fervendo e mestura cunha culler de madeira ou

cun amasador manual. Deixa repousar ata que arrefríe.

2. Mestura o resto de ingredientes, tapa e deixa repousar.

3. Une ambas mesturas e remove ben ata que teñas unha masa homoxénea.

4. É moi importante que a masa sexa alta. Se queda moi plana, o pan será todo codela .

O molde de pan inglés grande é perfecto. Úntao con manteiga, rechea coa masa, tapa e deixa

repousar un mínimo de 8 horas.

5. Se non tes molde, cobre unha pota pequena con filme transparente, unta con aceite,

rechea coa masa, tapa e deixa repousar. Á hora de cocer, envorca a masa fermentada sobre a

bandexa de forno e quita o filme.

6. Coce a 200º durante unha hora e cuarto (se usas molde, saca o pan del aos 35

minutos e segue forneando). O pan debe quedar escuro. Deixa arrefriar sobre un pano.

PROPIEDADES NUTRICIONAIS DO MILLO

O millo é un cereal sen glute, polo que resulta facilmente dixerible, é un alimento que aporta

hidratos de carbono, fibra, magnesio, vitamina B, vitamina B9, fósforo, vitamina B6,

vitamina B2, acedos graxos poliinsaturados, ferro, zinc e vitamina B3. O resto de nutrientes

presentes neste alimento, ordenados por relevancia da súa presenza, son: proteínas, potasio,

graxa, vitamina E, iodo, acedos graxos instaurados, selenio, acedos graxos saturados, auga,

calcio e sodio.

Polo seu contido en hidratos de carbono, é un alimento ideal para aportar enerxía, pois

estímase que o 55-60% da enerxía diaria que necesitamos debe provir de carbohidratos, ben

pola inxesta de alimentos ricos en amidón, ben polas reservas de glucóxeno presentes no

noso organismo. Ademais, a principal enerxía que necesita o cerebro para funcionar é a

glucosa, que atopamos en alimentos ricos en carbohidratos.

Polo seu contido en fibra, axuda a que se

dean no organismo as condicións favorables

para a eliminación de determinadas

sustancias nocivas como colesterol ou certos

sales biliares, e colabora na disminución de

glucosa e acedos graxos no sangue.

Ademais, colaboran na eliminación de

axentes canceríxenos.

Ao tratarse dun alimento rico en magnesio, contribúe a mellorar tanto o ton muscular como

o neuronal, favorecendo a transmisión dos impulsos nerviosos, a contracción e a relaxación

dos músculos.

Grazas ao contido de vitamina B9, contribúe á formación de células sanguíneas e glóbulos

vermellos, axudando a previr a anemia e a manter sa a pel.

Debido ao achegue de fósforo, contribúe á mellora de determinadas funcións do noso

organismo como a formación e desenvolvemento de ósos e dentes, a secreción de leite

materno, a división e metabolismo celular ou a formación de tecidos musculares.

Por tratarse dun alimento cun importante achegue de vitamina B6 evita a formación de

pedras ou cálculos de oxalato de calcio no ril.

O contido de acedos graxos converten ao millo nunha fonte de enerxía que axudará a regular

a temperatura corporal, a envolver e protexer órganos vitais como o corazón e os riles, e a

transportar as vitaminas liposolubles (A, D, E, K) facilitando así a súa absorción.

Por ser un alimento rico en ferro (necesario para a síntese de

hemoglobina), o millo colabora na renovación das células

sanguíneas, posibilitando o transporte de osíxeno desde os

pulmóns cara aos diferentes órganos, como os músculos, o

fígado, o corazón ou o cerebro, sendo o ferro indispensable

en determinadas funcións deste último, como a capacidade de aprendizaxe.