PROXECTO CURRICULAR DO MÓDULO · 2019-12-31 · ies ricardo mella- departamento de sanitaria-...

IES RICARDO MELLA- DEPARTAMENTO DE SANITARIA- PROXECTO CURRICULAR DO MÓDULO

CICLO: SAÚDE AMBIENTAL- MÓDULO: ORGANIZACIÓN E XESTIÓN DA UNIDADE DE SAÚDE AMBIENTAL-

CURSO 2018 -2019 1

PROXECTO CURRICULAR DO MÓDULO:

CS: SAÚDE AMBIENTAL

FAMILIA DE: SANITARIA

CURSO 2018-2019

PROFESORA: Isidro Sande Fernández

ORGANIZACIÓN E XESTIÓN

DA UNIDADE DE SAÚDE

AMBIENTAL



CURSO 2018 -2019 2

Indice

1. INTRODUCCIÓN

2.OBXECTIVOS

3.DESENVOLVEMENTO DO MÓDULO E RELACIÓN DE UNIDADES DIDÁCTICAS

4.SECUENCIACIÓN E TEMPORALIZACIÓN DAS UNIDADES DE TRABALLO

5.PROCEDEMENTO DE AVALIACIÓN E CUALIFICACIÓN DO ALUMNADO

5.1 Criterios de avaliación

5.2 Instrumentos e sistema de avaliación

5.3 Criterios de cualificación

5.4 Sistema de recuperación

6.METODOLOXÍA DIDÁCTICA

7.RECURSOS MATERIAIS E DIDÁCTICOS

8.TEMAS TRANSVERSAIS

9.ATENCIÓN AO ALUMNADO CON NECESIDADE ESPECÍFICA DE APOIO

EDUCATIVO

10.SISTEMA DE RECUPERACIÓN DE ALUMNOS PENDENTES

11.ACTIVIDADES COMPLEMENTARIAS.

12.SISTEMA DE AVALIACIÓN DA PROGRAMACIÓN DIDÁCTICA E AVALIACIÓN

DA PRÁCTICA DOCENTE.

13.CONSTANCIA DE INFORMACIÓN AO ALUMNADO

14. BIBLIOGRAFÍA



CURSO 2018 -2019 3

1. INTRODUCCIÓN

A presente programación didáctica realízase tomando como referencia o contido do

Decreto 106/2000, do 27 de abril, polo que se establece o currículo do ciclo

formativo de grado superior correspondente ao título de Técnico superior en saúde

ambiental.

O Módulo de Organización e xestión da unidade de saúde ambiental encóntrase

asociado á unidade de competencia nº 1 do correspondente RD do título: “Organizar

e xestionar a unidade de saúde ambiental”.

2. OBXECTIVOS

Analiza-los métodos e condicións de almacenamento e de conservación dos

diferentes materiais, escollendo o máis axeitado en función deles.

Diferencia-los métodos de control de existencias, e as principais aplicacións para

elaboralos, co obxecto de efectua-los inventarios dos diferentes materiais.

Emprega-los documentos de control de existencias relacionándoos co uso que

teñen no funcionamento do almacén.

Xestionar un almacén de saúde ambiental debidamente caracterizado, realizando

o inventario de existencias, mantendo a base de datos e identificando as

carencias.

Realizar ordes de pedido, precisando o tipo de material pedido, as súas

características e a entidade subministradora.

Precisa-las condicións de conservación do material segundo as súas

características.

Elaborar un deseño de presentación de datos, para a posterior implementación

nunha aplicación informática.

Precisa-las características necesarias para que a aplicación informática sexa

adecuada ás particularidades da unidade ou consulta sanitaria.

Facer unha inspección de saúde ambiental debidamente caracterizada,

codificando os datos do suposto.

Introducir correctamente os datos nunha aplicación informática, e arquiva-lo

material gráfico.



CURSO 2018 -2019 4

Manexa-la aplicación co obxecto de obter táboas, gráficos, informes e datos

estatísticos, que mostren a evolución dos indicadores de saúde ambiental e de

calidade máis importantes.

Redactar resumos de actividade ou informes de resultados, partindo dos datos

na base de datos.

A partir de plans de seguridade e hixiene debidamente caracterizados, identificar

e describi-los aspectos máis salientables en cada un, describindo neles os

factores ou situacións de risco para a saúde e a seguridade.

Describir e relaciona-las axeitadas medidas e medios de prevención que

establece a normativa vixente nos plans de seguridade e hixiene.

Describi-las normas de simboloxía e a situación física de sinais e alarmas,

equipos contraincendios e equipos de primeiros auxilios.

Explica-los medios e equipos de seguridade e protección específicos en función

das diferentes unidades e/ou servizos sanitarios.

Elabora-la documentación técnica de apoio nun plan de seguridade e hixiene.

Explicar, sinalando fonte e rango, as diferentes lexislacións sobre os distintos

sectores da saúde e medio ambiente.

Explica-los requisitos técnicos necesarios para as inspeccións e elaboracións de

informes, describindo os procedementos administrativos para empregar, segundo

o sector.

Identifica-la lexislación sobre saúde ambiental e elaborar resumos de referencias

lexislativas sobre sectores concretos da saúde ambiental.

Elaborar un censo de fontes de información lexislativa sobre medio ambiente e

saúde.

Preparar unha inspección “tipo”, describindo a lexislación que se empregue, os

medios que se utilicen e o modelo de informe que se elabore.

Describi-la estrutura do sistema sanitario español, incidindo nas características

diferenciais do sistema sanitario en Galicia.

Explica-la organización e relación funcional do centro, servizo ou unidade no

ámbito da súa actividade.

Explica-las funcións e resultados para lograr na unidade, servizo e postos de

traballo máis relevantes.



CURSO 2018 -2019 5

Describi-lo proceso de prestación do servizo relacionando as distintas fases cos

recursos humanos e materiais necesarios.

Identifica-los factores que determinan a calidade de prestación do servizo.

Explica-los factores que interveñen e os compoñentes do custo da prestación do

servizo.

3. RELACIÓN DE UNIDADES DE TRABALLO E BLOQUES DE CONTIDOS

CONTIDOS CONCEPTUAIS

Os contidos están estruturados en catro bloques temáticos, que contemplan a

totalidade das capacidades terminais que o alumnado debe adquirir ó remate do

módulo.

BLOQUE I: ORGANIZACIÓN SANITARIA:

Unidade Didáctica 1: Organización do sistema sanitario

-Modelos Sanitarios

-Normativa básica que regula o Sistema Nacional de Saúde.

-Estrutura do Sistema Sanitario público en España.

-Ordenación Territorial.

-Sanidade Privada en España

-Estrutura do Sistema Sanitario Galego

Unidade didáctica 2: Niveis de asistencia sanitaria e tipos de prestacións

-Niveis de asistencia: atención primaria e especializada

-Función e competencias dos diferentes profesionais sanitarios.

-Tipos de prestacións do Sistema Nacional de Saúde.

Unidade Didáctica 3: Saúde pública e comunitaria.

-Conceptos de saúde e de doenza.

-Factores condicionantes da saúde: Ambientais, biolóxicos, propios do sistema

sanitario, estilo de vida, etc...

-Niveis de prevención sanitaria: Primario, secundario e terciario.

-Concepto de saúde pública e saúde comunitaria.

-Indicadores de saúde.

-Normativa de seguridade e hixiene nos centros sanitarios. Lexislación específica do

sector.



CURSO 2018 -2019 6

BLOQUE II: DOCUMENTACIÓN SANITARIA:

Unidade Didáctica 4: Documentación

-Tipos de documentación

-Documentación Non Sanitaria

-Documentación Non Clínica: Tipos de documentos, utilidades, aplicacións, criterios

de formalización e métodos de circulación.

Unidade Didáctica 4: Documentación clínica

-Documentos clínicos: Tipos, utilidades, aplicacións, criterios de formalización e

métodos de circulación.

-Tratamento da información e da documentación: Arquivo, rexistros, mantemento,

conservación e seguridade da información.

Unidade Didáctica 5: Operacións compravenda.

-A operación compra-venda.

-Documentos mercantís: Propostas de pedido, albarás, facturas, notas de pagamento

ou cargo.

-Os impostos.

-O pago de servizos e produtos.

BLOQUE III: XESTIÓN DE EXISTENCIAS E

INVENTARIOS.

Unidade Didáctica 6: Almacéns sanitarios. Xestión de existencias e

inventarios.

-Almacenaxe: Sistemas e técnicas.

-Criterios de ordenación dos recursos materiais sanitarios.

-Control de existencias: Fichas de almacén e inventarios.

-Xestión de existencias no almacén

-Valoración de existencias no almacén: Método FIFO, LIFO, PMP.

-Normas de seguridade e hixiene en almacéns sanitarios: condicións de

almacenamento dos materiais.

BLOQUE IV: APLICACIÓNS

Unidade Temática 7: Aplicacións informáticas

-Aplicacións informáticas de xestión do ficheiro de pacientes e historias clínicas.

-Aplicacións informáticas de xestión e control do almacén, facturación e xestión



CURSO 2018 -2019 7

económica.

-Aplicacións informáticas específicas.

Unidade Temática 8: Conceptos Básicos de estatística

-Conceptos xerais de estatística.

-Medidas estatísticas.

CONTIDOS PROCEDIMENTAIS

BLOQUE I: ORGANIZACIÓN SANITARIA.

-Identificación de áreas de saúde e zonas de saúde da Comunidade Autónoma de

Galicia.

-Cálculo dos indicadores de saúde.

-Realización de gráficos representativos dos principais indicadores.

BLOQUE II: DOCUMENTACIÓN SANITARIA.

-Análise do contido e do tipo de documentación.

-Identificación dos datos e selección do medio e do soporte.

-Rexistro de datos e emisión de informes cos datos.

-Clasificación da documentación e rexistros informático e convencional. Distribución

ao destinatario.

-Definición do tipo de datos para tratar cos clientes e provedores.

BLOQUE III: XESTIÓN DE EXISTENCIAS E INVENTARIOS.

-Identificación das necesidades de reposición do material.

-Formalización dos documentos para efectuar o pedido e envío do mesmo.

-Comprobación do material recibido e distribución do mesmo ás distintos servizos ou

gabinetes.

-Realización do rexistro.

BLOQUE V: APLICACIÓNS

-Selección da aplicación ofimática axeitada.

-Introdución da información nos medios ofimáticos.

-Almacenamento dos datos.



CURSO 2018 -2019 8

-Edición e difusión dos datos.

-Identificación e estudio dos conceptos básicos de estatística.

-Cálculo de medidas estatísticas.

CONTIDOS ACTITUDINAIS

• Actitude responsable do técnico de saúde ambiental.

•Responsabilidade no manexo e custodia de datos e documentación, das

inspeccións de saúde ambiental.

• Rigor no control das operacións de compravenda.

• Rigor na aplicación das normas de funcionamento, inspección e control dos datos.

• Responsabilidade no uso dos equipos informáticos e toma de conciencia da

importancia do

emprego de medidas que preveñan a perda de información.

• Valoración da importancia dunha axeitada posta ó día da normativa e lexislación

vixente.

4.- SECUENCIACIÓN E TEMPORALIZACIÓN DAS UNIDADES DE TRABALLO

O módulo desenvolverase durante 110 horas divididas en 4 sesións semanais de 50

minutos cada unha.

A proposta de temporalización que se presenta ten un carácter orientativo, as

necesidades educativas do alumnado serán as que marquen a evolución do curso.



CURSO 2018 -2019 9

BLOQUES DE TRABALLO SECUENCIADOS

DESENVOLVEMENTO DOS CONTIDOS

DOS BLOQUES

PERIODO DE REALIZACIÓN E DURACIÓN

DAS SESIÓNS

1 Organización

Sanitaria

-Modelos Sanitarios -Normativa básica que regula o Sistema Nacional de Saúde. -Estrutura do Sistema Sanitario público en España. -Ordenación Territorial. -Sanidade Privada en España -Estrutura do Sistema Sanitario Galego -Niveis de asistencia: atención primaria e especializada -Función e competencias dos diferentes profesionais sanitarios. -Tipos de prestacións do Sistema Nacional de Saúde. -Conceptos de saúde e de doenza. -Factores condicionantes da saúde: Ambientais, biolóxicos, propios do sistema sanitario, estilo de vida, etc. -Niveis de prevención sanitaria: Primario, secundario e terciario. -Concepto de saúde pública e saúde comunitaria. -Indicadores de saúde. -Normativa de seguridade e hixiene nos centros sanitarios. Lexislación específica do sector.

40 sesións

1ª a 13ª semana

2 Documentación

sanitaria

-Tipos de documentación -Documentación Non Sanitaria -Documentación Non Clínica: Tipos de documentos, utilidades, aplicacións, criterios de formalización e métodos de circulación.

8sesións 14ª a 15ª semana

-Documentos clínicos: Tipos, utilidades, aplicacións, criterios de formalización e métodos de circulación.

--Tratamento da información e da documentación: Arquivo, rexistros, mantemento, conservación e seguridade da información.

8 sesións 17ª a 18ª semana

--A operación compra-venta.

--Documentos mercantís: Propostas de pedido, albarás, facturas, notas de pagamento ou cargo.

--Os impostos. --O pago de servizos e produtos.




CURSO 2018 -2019 10

BLOQUES DE TRABALLO SECUENCIADOS

DESENVOLVEMENTO DOS CONTIDOS

DOS BLOQUES

PERIODO DE REALIZACIÓN E DURACIÓN

DAS SESIÓNS

3 Xestión de

existencias e Inventarios

-Almacenaxe: Sistemas e técnicas. -Criterios de ordenación dos recursos materiais sanitarios. -Control de existencias: Fichas de almacén e inventarios. -Gestión de existencias no almacén -Valoración de existencias no almacén: Método FIFO, LIFO, PMP. -Normas de seguridade e hixiene en almacéns sanitarios: condicións de almacenamento dos materiais.


4 Aplicacións

Aplicacións informáticas de xestión e control do almacén, facturación e xestión económica. Aplicacións informáticas de xestión do ficheiro de pacientes e de historias clínicas. Aplicacións informáticas específicas. -Conceptos xerais de estatística. -Medidas estatísticas.

28 sesións Impartiranse en función da dispoñibilidade da aula de informática

Dende a 26ª a 33ª semana

5. PROCEDEMENTO DE AVALIACIÓN E CUALIFICACIÓN DO ALUMNADO

5.1 CRITERIOS DE AVALIACIÓN

Compróbase que os recursos materiais recibidos son os correspondentes ó

pedido realizado, tanto en calidade como en cantidade.

• As altas e baixas de material son rexistradas, manual ou informáticamente,

axustándose ós procedementos e códigos establecidos.

• Na conservación, almacenamento, distribución e colocación dos materiais,

reactivos, mostras e aparellos da unidade, cúmprense as normas de seguridade do

fabricante e da unidade.

• Ó realiza-lo inventario e control de existencias do material, tanto en uso como no

almacén, séguese o procedemento da unidade.

• Compróbase a correcta conservación e mantemento do material inventariable e

funxible da unidade.



CURSO 2018 -2019 11

Realízase o mantemento preventivo do equipo e aparellos de medida

axustándose ó procedemento recomendado polo fabricante e á ficha de

mantemento.

• Realízanse as operacións necesarias de substitución de pezas e pequenas

reparacións dos aparellos ó seu cargo.

• Despois de os técnicos de mantemento efectuaren reparacións nos equipos,

compróbase o seu adecuado funcionamento.

• Verifícase que as calibracións de rutina efectuadas nos equipos se axustan ós

protocolos normalizados de traballo.

• Compróbase que todo o material está preparado para o seu uso inmediato.

Defínense as fichas tipo adecuadas ás distintas necesidades da unidade.

• Efectúase a depuración e actualización periódica dos arquivos e da documentación

técnica.

• Clasifícase e codifícase a documentación científico técnica (libros e revistas) e de

uso laboral (manual de procedementos), manténdoa actualizada e procedendo ó

arquivo da previa.

Rexistro de actuacións está axustado ós procedementos e códigos establecidos.

• Anótanse os resultados obtidos nas correspondentes follas de traballo, realizando

as operacións de cálculo necesarias para expresa-los resultados obtidos nas

unidades habituais, trala súa validación polo responsable da unidade.

• Efectúase o rexistro dos resultados e actividades realizadas en cada unha das

unidades (campo, laboratorio e administrativa), permitindo avalia-la xestión humana

do proceso e o seu control.

• A emisión de informes está dentro do tempo establecido nos protocolos,

dependendo da actividade realizada e da área de traballo.

• Introdúcense na base informática os resultados xerados, cos criterios de

periodicidade establecidos, segundo criterios do sistema de vixilancia e trala súa

confirmación.

• Obtéñense, co tratamento de datos, os indicadores estatísticos (censos sobre

instalacións e fontes de risco para a saúde, gráficos, táboas e gráficos sobre a

evolución da calidade e/ou indicadores controlados) que permiten avalia-lo grao de

cumprimento de obxectivos, actividades e programas da unidade.

A información ou instruccións escritas son claras, precisas e adaptadas ós

medios da unidade.



CURSO 2018 -2019 12

• A información producida concreta, nun caso:

– Técnica que se debe empregar.

– Equipos e instrumentos que interveñen.

– Secuencia e operacións precisas.

– Parámetros que cómpre controlar.

– Material auxiliar.

– Necesidade de calibracións.

A programación permite cumpri-los obxectivos asignados á unidade e/ou as

demandas de intervención.

• A programación asigna eficazmente e optimiza os recursos.

• A programación integra tódalas fases e obxectivos, conxugando adecuadamente

as necesidades e situacións operativas de medios, recursos humanos e materiais.

• O material preparado e os protocolos e normas de inspección adoptadas son os

necesarios e adecuados ó traballo.

• Realízase a verificación do funcionamento e calibraxe dos equipos de medida e

toma de mostras segundo as normas establecidas, permite detecta-los erros e

queda rexistrada adecuadamente.

5.2 INSTRUMENTOS E SISTEMA DE AVALIACIÓN

Os procedementos a utilizar para levar a cabo a avaliación serán variados e

flexibles. Serán rexistrados na ficha de avaliación do alumno.

Observación directa na aula: valorarase o comportamento, a capacidade de

traballo en equipo, o interese e o traballo desenvolvido durante o curso, a

asistencia, puntualidade, etc.

Proba escrita de carácter teórico ao final de cada trimestre.

Exercicios escritos e cuestionarios.

Presentación e exposición de traballos (individuais e grupais) que permitan

valorar actitudes como a responsabilidade, iniciativa, cooperación e respecto. Así

como a comprensión, capacidade de síntese, a expresión e o dominio do

vocabulario científico.

O Sistema de avaliación será continuo ao longo de todo o proceso de ensino-

aprendizaxe co obxectivo de coñecer o progreso do alumno respecto da formación

adquirida e a consecución das capacidades terminais do módulo profesional que



CURSO 2018 -2019 13

contribúen á adquisición da competencia xeral do Título. Realizarase unha

avaliación inicial, que permita coñecer as características e os coñecementos

previos do grupo de alumnos, como punto de partida do proceso de ensino-

aprendizaxe e levarase a cabo por medio de chuvias de ideas, cuestionarios

iniciais ou lecturas de textos. Ao longo do proceso de ensino-aprendizaxe,

realizarase unha avaliación formativa por trimestre, para coñecer como se

desenvolve o proceso e que permita modificar as pautas seguidas, a metodoloxía

aplicada (intervención do profesor, recursos utilizados, etc.) así como a

temporalización para mellorar o proceso de ensino-aprendizaxe e garantir a

adquisición das capacidades terminais do módulo profesional. Levarase a cabo

mediante a revisión de traballos e a observación directa do alumno na aula

(constancia, actitude, etc.).

Realizarase, por último, unha avaliación final, para establecer as capacidades

terminais alcanzadas e o grao de consecución das mesmas. En cada trimestre

realizarase unha avaliación final global por medio dunha proba escrita que valore

os contidos que os alumnos adquiriron durante ese período.

5.3 CRITERIOS DE CUALIFICACIÓN

Todo o proceso de avaliación culmina nunha cualificación e lévase a cabo da

seguinte maneira en cada trimestre:

Observación directa: 10%

Proba escrita: 70%

Actividades na aula e traballos: 20%

Para que o alumno/a supere o periodo avaliativo será indispensable realizar todas as

actividades programadas para cada unha das avaliacións.

Consideraranse positivas as calificacións iguais ou superiores a cinco e negativas as

restantes.

A nota final do curso obterase como media das tres avaliacións.

Para que a nota final do módulo sea positiva é necesario superar (coa calificación

mínima de cinco) cada unha das probas escritas.

Non se superará o módulo cando o alumno/a teña unha ou máis evaluacións

negativas a pesar de que a nota media das dúas avaliacións sea igual ou superior a

5.



CURSO 2018 -2019 14

5.4 SISTEMA DE RECUPERACIÓN

Para os alumnos que non superen os obxectivos, programaranse actividades de

reforzo e recuperación, que permitan ao alumno a adquisición das capacidades

avaliadas tanto conceptuais como procedimentais. Podemos enumerar as seguintes

probas de recuperación:

-Recuperación Ordinaria: realizarana aqueles alumnos que non aproben algunha

avaliación, e examinaranse da materia correspondente sendo a nota máxima un 5 xa

que se examinará dos contidos básicos traballados nesa avaliación

-Recuperación extraordinaria: realizarana aqueles alumnos que non aprobasen en

ordinaria ou o alumnado que perdese o dereito á avaliación continua. O número de

faltas que implica a perda do dereito á avaliación continua será do 10% respecto da

súa duración total.

Os alumnos que non superen a materia na convocatoria ordinaria, irán á convocatoria

extraordinaria de Xuño. Esta consistirá nun exame tipo test e/ou resposta curta na

que se incluirán todos os contidos traballados no módulo.

6. METODOLOXÍA.

Propoño unha metodoloxía participativa e activa que, partindo das ideas ou

coñecementos previos, potencie a autonomía do alumnado na súa aprendizaxe

(Aprender a aprender). Na que o alumnado, ademais de ser a diana pasiva do

proceso formativo, sexa tamén un elemento activo que participe na realidade da súa

aprendizaxe. En todo momento, o alumnado deberá ser consciente da realidade dos

requirimentos laborais futuros que lle competen, co fin de alcanzar de maneira

adecuada unha preparación psicolóxico-laboral. Ademais estará baseada na

aprendizaxe significativa, partindo dos coñecementos previos dos alumnos,

favorecendo o desenvolvemento autónomo e planificando actividades que leven a

integración dos contidos científicos, tecnolóxicos e organizativos do módulo

profesional. O material presentado será significativo e motivante. Potenciarase o

traballo en grupo, fomentando a iniciativa, cooperación e repartición de tarefas e o

respecto polas ideas e opinións dos demais. A metodoloxía adaptarase ás

necesidades do grupo e de cada alumno en particular, atendendo ás diferentes

motivacións e ritmos de aprendizaxe, propoñendo actividades diferentes para

conseguir un mesmo obxectivo e adaptando a temporalización ao ritmo daqueles



CURSO 2018 -2019 15

alumnos que requiran un maior tempo para a adquisición das capacidades terminais

do módulo.

O tratamento na aula seguirá, como norma xeral, un método expositivo revisando

para cada unha das unidades propostas os obxectivos específicos, contidos e

actividades que se propoñen. A continuación exporanse por parte do profesor os

aspectos que poidan resultar máis dificultosos para os estudantes procurando unha

interrelación cos alumnos aclarando aqueles aspectos que entrañen máis

dificultades. Neste sentido, continuamente farase referencia ás posibles dúbidas que

poidan ter os alumnos e daráselles a oportunidade de formulalas abertamente

tratando de relacionalas con aspectos prácticos reais.

En determinados contidos modificarase a metodoloxía propoñendo debates sobre

temas de interese utilizando as novas de prensa relacionados coa temática do

módulo e ábrense debates de libre participación incentivando que todos os

alumnos/as expoñan a súa opinión.

7. RECURSOS MATERIAIS E DIDÁCTICOS

Para a realización das unidades didácticas desta programación será necesario:

Material funxible.

Libros de texto, manuais, protocolos e revistas científicas.

Medios audiovisuais: reprodutor de DVD, canón de proxección.

Material didáctico audiovisual: vídeos, DVDs, diapositivas en PowerPoint.

Recursos relacionados coas Tics: ordenadores con conexión a internet e

impresoras.

8. TEMAS TRANSVERSAIS

Acorde cos principios constitucionais e cos acuñados pola LOE (no seu título

preliminar, capítulo I), desde o módulo pódense fomentar os seguintes temas

transversais, que deben impregnar a práctica docente e estar presentes de forma

permanente na aula:

- Educación para o coidado da saúde.

- Educación moral e cívica.

-Educación para a igualdade entre sexos.

-Educación para o coidado do medio ambiente.



CURSO 2018 -2019 16

9. ATENCIÓN Á DIVERSIDADE

Irase facendo un seguimento o máis individualizado posible do mesmo que permita

detectalas dificultades que presenten os alumnos e tratalas particularmente con

medidas de reforzo.

Actuarase segundo o detectado na avaliación inicial. Se detectamos casos nos que

se teña que aplicar un tratamento de diversidade farase un seguimento de cada

alumno destas características, creando actividades especiais de reforzo que lles

permita acadar as capacidades terminais indicadas para este módulo. En xeral

tratarase, na medida do posible, de levar a todo o alumnado ó mesmo nivel de

realizacións, procurando que ningún alumno/a teña que abandonar a materia.

10. SISTEMA DE RECUPERACIÓN DE ALUMNOS PENDENTES.

Cando un alumno/a acade cualificación negativa na avaliación final do módulo o

profesor proporá as actividades recuperadoras aplicadas ás capacidades terminais

non acadadas. En concreto, realizaranse os traballos escritos necesarios en función

das capacidades non acadadas así como unha proba escrita baseada nos contidos

mínimos do módulo.

Para cada un destes alumnos/as establecerase ademais un calendario de avaliación

propio, coas datas das entregas parciais que terá que realizar durante o período de

recuperación.

11. ACTIVIDADES COMPLEMENTARIAS

12. SISTEMA DE AVALIACIÓN DE PROGRAMACIÓN DIDÁCTICA E DA

PRÁCTICA DOCENTE

Ao final do curso realizarase a avaliación final desta programación didáctica, na que

se anotarán todas as incidencias acaecidas ao longo do mesmo. Esta avaliación

será realizada en principio polo profesorado, que anotará as súas observacións nun

impreso que recolla todos os apartados da mesma, tal como este:



CURSO 2018 -2019 17

13. CONSTANCIA DE INFORMACIÓN AO ALUMNADO

O profesorado, nos primeiros días de clase explicará ó alumnado a programación do

módulo. Así coma os criterios de avaliación e a ,etodoloxía que se empregará na

aula.

14. BIBLIOGRAFÍA

Decreto 106/2000, de 27 de abril, por el que se establece el currículo del ciclo

formativo de grado superior correspondiente al título de técnico superior en salud

ambiental.

Arturo Ortega. Editorial McGrawHill. Operaciones administrativas y

documentación sanitaria.

G.Sánchez-Casado/ G.J Mingo. Editorial Editex. Operaciones administrativas y

documentación sanitaria

Vigo , Outubro de 2018

PROFESOR DO MÓDULO:

Isidro Sande Fernández

PROXECTO CURRICULAR DO MÓDULO · 2019-12-31 · ies ricardo mella- departamento de sanitaria-...

Documents

Transcript of PROXECTO CURRICULAR DO MÓDULO · 2019-12-31 · ies ricardo mella- departamento de sanitaria-...