Na lingua do amor… Textos gañadores do concurso de cartas de amor:

Presentes están os teus fermosos ollos esmeralda na memoria dos meus, as cóxegas no corazón cando me preguntas nas clases de ximnasia: “Imos xuntos”?, “Ata a fin do mundo, miña amada…”, responderíache. Sen esquecer eses efémeros roces cando buscamos nos dicionarios, que quedarán gravados na xema dos meus dedos, as caricias que emigran das túas mans, cálidas e tan suaves coma a seda.Tamén está presente a tristura, a melancolía porque un gran muro me aparta de ti. Cada vez que non o dou cruzado, non me dou por vencido. Sigo intentándoo, e fareino todas as veces que sexa necesario, porque sempre estás presente no meu corazón.

O da cabeza de lobo

Caldas de Reis, Madrugada do 14 de febreiro de 11

Sei o que sinto e o que sinto por ti,O que sinto dende a fría distancia,Lonxe a tristeza faise abundanciaOxalá esteas preto por sempre de min.

Se cadra ás veces estou tola de máisOu pode que ao compartir a loucuraLogo de mesturar a miña coa túaObserves máis tolo todo o demais.

Meu é o premio como meu o castigoIncoherencia andante a que chego ser!Ou non era o non ser nada malo contigo?

Mira o que digo por aquí non te ter…Igual é o sono, o meu inimigo;Ou es ti quen chama para en soños te ver?

Antía González