Bizkaiko Teknologi Parkea, 101 • 48170 Zamudio – Bizkaia

Tel: 944 03 23 00 • Fax: 944 03 23 01www.itelazpi.eus • itelazpi@itelazpi.eus

N.I.F

.: A-

9528

2216

Reg

istro

Mer

cant

il de

Bizk

aia,

Hoj

a BI

-380

47, F

olio

102

, T 4

347

, Ins

crip

ción

I. – S

ocie

dad

Unip

erso

nal

I.F.Z

.: A-

9528

2216

Bizk

aiko

Mer

kata

ritza

Erre

gist

roa,

BI-3

8047

O.a

, 102

Oh.

a, T

434

7 , I

. Ida

zp.a

– Pe

rson

a Ba

karre

ko

Baltz

ua

2015EKO MEMORIA

ITELAZPI

DOKUMENTUAREN KONTROLA

Parte hartzaileak

Zeregina Izena Kargua

Garatzailea: Juanjo Mendizabal E1 arduraduna

Eguneratuta: Olatz Arrieta Kanpoko aholkularia

Berrikusita: Juanjo Mendizabal E1 arduraduna

Nork onartua: Juanjo Baños Zuzendari nagusia

Memoria

Berrik. Data Aurreko berrikusketarekiko izandako aldaketa

01 2015/04/07 Lehen bertsioa

02 2014/04/13 Behin betiko bertsioa

2 / 15

AURKIBIDEA

1. ALDERDI OROKORRAK.............................................................................4

2. AKZIODUNAREKIN DUGUN KONPROMISOA...............................................6

3. GIZARTEAREKIN DUGUN KONPROMISOA...................................................8

4. PERTSONEKIN DUGUN KONPROMISOA....................................................10

5. BEZEROEKIN DUGUN KONPROMISOA......................................................135.1. BROADCAST ARLOA.....................................................................................................135.2. TETRA ARLOA...............................................................................................................145.3. AZPIEGITUREN ETA SISTEMEN KUDEAKETA.................................................................14

3 / 15

1. ALDERDI OROKORRAK

Barne mailan, 2015ek interes taldeekiko harremanen arloa indartzea ekarri du. Horrenbestez, 2014an antolamendurako marraztutako mapa itxi da.

Testuinguru ekonomikoa 2014ak jada iradoki zuen bidetik jarraitu du, hobekuntza zantzu nabarmenekin aurreko urteekiko. Aitzitik, aurretiaz bizi izandakoaren esperientziak ekitaldian zehar aholkatu du arrisku ekonomiko-finantzarioak kontu handiz tratatzeko.

Panorama ekonomiko berria gorabehera, gastua kontrolatzeko politikak funtsean bere horretan mantendu dira, eta halaber eutsi zaio zerbitzuen maila mantentzeko erronkari.

Ondoko taulan agertzen dira ekitaldiari aurre egiteko erabili ditugun parametro ekonomikorik garrantzitsuenak, eta parametro horiek 2014ko ekitaldiarekiko izan duten bilakaera erakusten da (urteko ikuskapenaren txostenetik aterea):

Kontzeptua Zenbatekoa % 2014arekiko

Fondo Propioak 22.571.241 +%10,80Aktibo ibilgetua 21.697.559 -%1,99

Ustiapen gastuak Amortizazioa barne

12.715.937 -%4,78

Negozio zifra zerbitzuen prestazioagatik

12.651.347 -%0,38

2015aren amaieran espainiar agintariek estatu mailako hainbat multiple digitaletan oraindik bete gabe zeuden programak esleitu dira, eta horrek, seguruenik, haien estaldura hedatu beharra eragingo du, nahiz eta hori Eusko Jaurlaritzak hartzen duen erabakiaren menpe geratuko den.

Arauketaren arloan, 2015ean Telekomunikazioei buruzko Lege Orokorra (9/2014 Legea, maiatzaren 9koa) garatzeko hainbat erregelamendu jarri dira indarrean. Gure jarduerari dagokionez, Telebista zerbitzuen kalitatea degradatzen duten gertakarien tratamendurako gida argitaratu da, Komunikazio elektronikoen zerbitzuak eskaintzerakoan zerbitzu kalitateari buruzko baldintzak arautzen dituen IET/1090/2014 Agindua, ekainaren 16koa, betez.

4 / 15

Horrez gain, EBko Auzitegi Nagusiak 2013an hasitako auzia ebatzi du, zeina Europar Batzordeak S.A.28599 bere alde hartutako Erabakiaren ondorioz hasi zen, eta horren ondorioz dagokion kasazio errekurtsoa formulatu behar izan dugu EBko Justizia Auzitegiaren aurrean. Berreskuratzeko prozesuari dagokionez, zeinean ITELAZPIk 2013ko amaieran egindako itzulketaren egokitasuna defendatu duen, 2015ean ez da nobedade esanguratsurik gertatu, Batzordeak egindako jarduerei buruz eskatutako azalpenei erantzutetik harantzago.

Halaber, auzien esparruan, 2015ean Arabako Foru Aldundiarekin eta Arinizko Administrazio Batzarrarekin 2014an hasitako gatazka judizialak zabalik mantendu dira, Zaldiarango komunikazio zentroko ondarea erregularizatzeari dagokionez.

Kontratazioaren arloan, 2015ean zehar ITELAZPIk 11 kontratu esleitu ditu, 4.335.000,-euroko zenbatekoarekin. Horiei guztira beste 139 kontratu txiki gehitu behar zaizkio, 3.000,-euro baino gehiagoko zenbatekoarekin.

2015ean berrikuntzaren alde egindako apustua nabarmendu behar da, hainbat proiektu garrantzitsu garatu baitira: audioko backup moduluak jartzea irrati publikoa hedatzeko zerbitzuetan, garraio sarerik ez duten zentroen monitorizazioa eta urruneko kudeaketa, eta LTE teknologia osatzea TETRA gainean. Proiektu horietako batzuk ongi burutu dira, eta beste batzuk 2016an zehar jarraituko dira garatzen.

ITELAZPIren jardueraren erreferentzia indarrean dagoen Plan Estrategikoa da, eta aldizka berrikusten diren Urteko Planen bitartez antolatzen da. 2015ean, egindako Plan guztietatik gauzatze maila %89,66koa izan da.

Azkenik, eta gure aliatuekin ditugun harremanen esparruan, azpimarratu behar da 2015ean ITELAZPIk UNIRED operadoreen elkarteko lehendakaritza hartu duela, gure zuzendari nagusiaren eskutik, elkartea suspertzeko eta gehiago ikusarazteko.

5 / 15

2. AKZIODUNAREKIN DUGUN KONPROMISOA

Denbora honetan akziodunarekin dugun konpromiso nagusia aurrekontuetako diziplina baino ez da, gastua kontrolatzeko kontsignei jarraituz, baina zerbitzuaren mailak kaskartu gabe. Krisi ekonomikoak markatu dituen azken ekitaldi hauetan ikasitakoari esker, hain neurri eta praktika hartu ahal izan ditugu, zerbitzuaren eskakizunak asetzeko, baina gure erabiltzaile eta bezeroen pertzepzioan inolako aldaketa negatiborik eragin gabe.

Horrenbestez, aurreko ekitaldietan kontratuen baldintzetan berrikusi ziren baldintzak mantendu egin dira 2015ean eskainitako kontratu berrietarako, eta halaber mantendu dira gure zerbitzu mailari buruzko exijentziak ere.

Horrez gain, gorago adierazi denez, antolamenduaren egitura indartu egin da, gure interes taldeen beharrak asetzeko baliabide bereziak gureganatuz, eta, beraz, erakundearen organigrama honela geratu da:

Administrazio Kontseiluaren osaeran aldaketak egin dira ekitaldian zehar:

Lehendakaria: Carmelo Arcelus Mugika Lehendakariordea: Xabier Patxi Arrieta Goiri (Jaime Dominguez-Macaya

Laurnagaren ordez) Kidea: Javier Losa Ziganda Kidea: Josu Zubiaga Nieva Kidea: Imanol Agote Alberro

6 / 15

Kidea: Mikel Agirre Arizmendi Idazkaria: Gonzalo Lopez Revuelta

2015ean, Kontseiluak lau bilera egin ditu: martxoaren 6an, martxoaren, uztailaren 29an eta abenduaren 11n, eta 14 akordio adostu dira.

Bereziki aipagarria da irailean Lehendakariak ITELAZPIra egindako bisita, LTE eta TETRA teknologiak elkartzeko probak zirela eta; horiei buruz aurrerago sakonduko dugu. Bisita hartan Lehendakariak Administrazio Kontseiluarekin eta Zuzendaritza Nagusiarekin elkartzeko aukera izan zuen, elkarrekin ITELAZPIren jardueraren egunerokotasuna eta etorkizuneko aurreikuspenak aztertzeko. Halaber, sareko zentro nagusi batera ere egin zuen bisita: Oiz, non ekipamenduaren egoera ikusi ahal izan zuen, eta lehen eskutik ezagutu ematen diren zerbitzuen irismena eta prestazioa zein baldintzatan egiten den.

7 / 15

3. GIZARTEAREKIN DUGUN KONPROMISOA

2015ean ITELAZPIren gardentasun ataria jarri da martxan bere eduki guztiarekin eta, aldi berean, erakundearen baitan lan betea egin da gardentasunaren irismena definitzeko, indarrean dagoen legediaz harantzago, erreferentziazko esparrutzat hartuta 19/2013 Legea baino zorrotzagoak diren beste arau eta arau proiektu batzuk.

Dimentsio sozial bereziki nabarmena duten proiektuen artean, non ITELAZPIk EAEko Administrazioaren bitarteko instrumental gisa diharduen merkatuko gabezia betez edo beste administrazio batzuen politika publikoak betez, honako bi hauek nabarmendu daitezke: banda zabala landa eremura hedatzea eta telebista digitalaren estaldura zabaltzea. Lehenari dagokionez, 2015 proiektua ixteko trantsizio ekitaldia izan da, 2016an itxiko baita, nahiz eta azpimarratu behar den ekitaldiaren amaieran guztira 3.148 erabiltzaile zeudela.

Dibidendu digitala kanal estataletara hedatzeari dagokionez, itzalaldi teknologikoaren unean aplikatu zen unibertsalizazio printzipioari jarraituz, ITELAZPIk fondo propioekin mantendu du hedapen hori, zeinak guztira 197 zentro igorleri eragiten dien.

Bestalde, irekita egon dira aurreko ekitaldietan landuz joandako konpromiso sozialeko ohiko lerroak: EHUko telekomunikazioetako ingeniaritzako ikasleei zuzendutako bekak (2 beka), ingeniaritza horretako karrera amaierako proiektu onenarentzako saria, ikastetxe eta unibertsitateetatik instalazioetara egindako bisitaldiak (114 ikasle), ingurumena eta teknologia sustatzeko jardueren babesa (Zuhaitz Eguna, Karrantzako mendi ibilaldia, Eureka Museoko standa); hala, Itelazpik sustatu edota babestuko ekitaldietan 18.500 pertsonak parte hartu du guztira.

Ingurumen gaietan, Europako EMAS araudiaren ziurtagiria daukagunez gero, igorpenak kontrolatzeko eta inpaktuen ordaina geure gain hartzeko konpromisoei eutsi diegu, baita hirugarrenekiko trakzio konpromisoei ere.

Urtero, gure CO2 igorpenak neurtzen ditugu; gainera, jatorria non dagoen eta igorpenok minimizatzeko zer neurri hartu ere aztertzen dugu. Era berean, aldizka energi kontsumoak zaindu egiten dira, eta hornidura kontratuak kontsumo horietara egokitzen. Ekintza horiek guztiek bermea ematen digute, STOP CO2 ekimeneko kide garenez gero.

Duela urte batzuk, ingurumen gaiei buruzko hezkuntzazko lanari ekin zitzaion; horretarako, ikastetxeetan zuhaitzak landatzea sustatu zen “Zuhaitz egunak” izeneko ekitaldien bidez. 2015ean Miramon (Gi), Tuesta (Ar) eta Ganguren (Bi) zentroetan egin dira halako ekitaldiak, eta bertako hainbat espezietako 300 zuhaitz landatu dira guztira.

8 / 15

Azkenik, komenigarria deritzogu krisi garaiotan bereziki gizartearekin dugun konpromiso maila handiaren erakusgarri diren zenbait adierazle hona ekartzeari:

batez besteko ordainketa epeak

14,85

langile bakoitzeko fakturazioa

703.166,67

salmenten errentagarritasuna

0,11

9 / 15

4. PERTSONEKIN DUGUN KONPROMISOA

ITELAZPIko lantaldean 2015ean 17 enplegatu eta Zuzendaritza Nagusia aritu dira.

guztira/total

emakumeak/mujeres

gizonak/hombres

Administrazio kontseilua/Consejo administración 6 0 6

ITELAZPI LANGILERIA / PLANTILLA ITELAZPI 18 5 13

Zuzendaritza nagusia / Dirección general 1 1

Administrazio zuzendaritza / Dirección Administración 1 1

Abokatua / Abogada/o 1 1

Finantza arduraduna / Responsable financiero 1 1

Zuzendaritza teknikoa / Dirección técnica 1 1

Ingeniariak / Ingenieros/as 5 2 3

Obra-burua / Jefes/as de obra 6 6

Administrazio langileak / Personal administrativo 2 2

Ehunekoak/Porcentajes 28% 72%

2015

ITELAZPIren jarduerak eta zentroen sarearen dimentsioak pertsona kopuru handia inplikatzen du, lantaldea osatzen duten pertsonetatik harantzago, eta 2015ari buruz egin den azken kalkuluaren arabera zeharkako enpleguen kopurua 110 pertsonakoa da. ITELAZPIren konpromisoa pertsona horiengana guztiengana hedatzen da. Beraien prestakuntzak arduratzen gaitu eta errazten dugu; segurtasunak arduratzen gaitu eta urteko planak egiten ditugu laneko arriskuen prebentzioari dagokionez; enpleguaren kalitateak arduratzen gaitu eta egonkortasuna eta soldata duinak bultzatzen dituzten kontratuak diseinatzen ditugu. Berau konpromiso etengabea da, eta 2015ean aurreko ekitaldietako ildo berean garatu da.

ITELAZPIko langileen ordainsariak izoztuta egon dira beste urte batez. Hori hala, enpresaren soldata masa, Zuzendaritza Nagusia barne, 1.138.595,-eurokoa izan da 2015ean (karga sozialak kontuan hartuta).

Prestakuntza arloan, 2015ean, dagokion urteko plana betez, honako adierazleek laburbiltzen dituzten jarduera hauek gauzatu dira:

10 / 15

Adierazlea Emakumeak

Gizonak Globala

Prestakuntzan egindako inbertsioa guztira 2.933,72 € 7.764,88 € 10.698,60 €

Prestakuntzan pertsona bakoitzeko egindako inbertsioa 733,43 € 597,30 € 629,33 €

Prestakuntza orduak pertsona bakoitzeko

60,75 54,46 55,94

Euskarako prestakuntza orduak 150 600 750

Prestakuntza teknikoko orduak 85 82 167

Prestakuntza ez-teknikoko orduak 8 26 34

Prestakuntzan parte hartu duten langileen %

100% 100% 100%

Genero Berdintasunaren arloan, 2015ean 2015-2018 Plan berri abiarazi da, genero berdintasunarekin dugun konpromisoa berrituz eta indartuz, bai barne mailan bai gure jarduerak eragindako lanpo mailan.

Laneko Segurtasun eta Osasun arloan, dagokion urteko plana gauzatu da eta berriz ere eskuratu dugu OHSAS 18001 ziurtagiria. Ekitaldian nabarmentzekoa izan da ITELAZPIk gai honetan jokatzen duen trakzio rola. Izan ere, azken urteetan izandako bilakaeraren ondorioz, sarean diharduten kontrata nagusiek bete behar duten kaudimen eskakizunetako bat aipatutako ziurtagiria edukitzea da.

Ondoren, Laneko Segurtasun eta Osasunean 2015ean hedatutako jarduerei buruzko datu eta adierazleak azalduko ditugu:

Jarduera Indizea

Urtean aurreikusitako/gauzatutako neurri zuzentzaileen % %93,53

Ikuskapen zuzenen %, ikuskapen guztiekiko %40

11 / 15

Jarduera Indizea

Gauzatutako neurri zuzentzaileen batez besteko antzinatasuna (egunak) 51

Kontratei egindako ikuskapenen kopurua 25

Laneko istripuak 0

Intzidente kopurua 2

LOS gastuaren ratioa zentroko 2.507,99

Hornitzaileen gogobetetzea LOS arloari dagokionez 9,12

Ebaluatutako edo berrebaluatutako zentroen kopurua 79

LOSari buruzko prestakuntza orduen kopurua 44

12 / 15

5. BEZEROEKIN DUGUN KONPROMISOA

5.1. BROADCAST ARLOA

2015eko lehen hilabeteetan dibidendu digitalaren ondorioz egin beharreko doikuntzak egin ziren, bai ETBren difusio sarean, bai ITELAZPIk hedatzen dituen multiple estatalen sarean.

Irrati publikoari dagokionez, euskal irrati publikoaren difusioa hobetzeko planaren barruan, zaharkitutako ekipamendua ordezteko hainbat jarduera egin dira. Horretarako, kasuan kasuko kontratazio espedienteak izapidetu dira, eta instalazioetako zereginak aurreikusitako ordenan eta epeetan gauzatu dira. Eskuratutako ekipamendu berriaren kalitate parametroak kendutakoarenen oso gainetik dabiltza, ekipamendu berriaren eraginkortasun energetikoa %74raino iristen da, eta gure sarerako bereziki berria eta irratidifusorerako balio erantsi handikoa den prestazioren bat eskaintzen du, esaterako, audioko backup modulua.

Zaharkitutako ekipamendua ordezteko prozesu hori aprobetxatuz, sistema erradiatzaileak ere berritu egin dira. Horrek berekin ekarriko du difusioaren kalitatearen hobekuntza; baita igorpen irratielektrikoen murrizketa ere.

Hona hemen 2015ean berritu diren zentroak:

Zentro igorlea Kostua

Usurbe 77.355,-

Orio-Zarautz 58.860,-

Herrera 60.045,-

Aldi berean, eta Hobekuntza Plan horren esparru berean, hainbat proba pilotu egin dira Talai, Artzubi eta Pagolarreko zentroetan, beraien bideragarritasuna aztertzeko, gaur egungo estaldu mailak hobetze aldera.

2015ean zerbitzuetan izandako kalitate mailari erreparatuta, esan beharra dago euskal telebista publikoaren difusioan lortu den batez besteko jarraitutasun indizea %99,50ekoa izan dela, eta FM euskal irrati publikoan %99,95ekoa. Kontuan harturik erkidegoko telebistaren difusioa 238 zentrotan oinarritzen dela, bost multiple estatalak 198 zentro igorletatik hedatzen direla, euskal irrati publikoaren programak 18 zentro igorletatik

13 / 15

hedatzen direla eta irrati pribatuetako hainbat programa beste 3 zentrotatik zabaltzen direla, 2015ean emandako 1.235 zerbitzuetatik 8 kasutan baino ez dira bete adostutako zerbitzu mailak.

5.2. TETRA ARLOA

Zerbitzu honen esparruan bezero tradizionalekin zeuden konpromisoak mantendu dira, eta egin beharreko hedapenak egin dira trenbide sareetan estaldura hobetzeko (ETS eta Metro Bilbao).

Zerbitzuaren kalitate mailari dagokionez, 2015ean lortu den balioa %99,97ko jarraitutasun indizea izan da, eta ez da zerbitzu mailarako adostutako akordiorik bete gabe utzi.

2015ean zehar proiektu bereziki garrantzitsu bat garatu da, LTE teknologia TETRA sistema baten gainean ezartzeak ematen dituen aukerak egiaztatzeari dagokionez. Proiektua Metro Bilbaoko zerbitzuetan egin da, eta guztiz asegarria izan da eta espero ez genuen kanporako proiekzio eta aitortza lortu du.

5.3. AZPIEGITUREN ETA SISTEMEN KUDEAKETA

2015ean ITELAZPIk datozen urteetan garatu beharko dituen proiekturik garrantzitsuenetako bat abiarazi da: garraio sarea berritzea. Urtean zehar proiektuaren definizio tekniko-ekonomikoa egiteko lanak egin dira, eta soluzio desberdinen errendimendua egiaztatzeko egin beharreko probak egin dira. Epe laburrera hobekuntza handiak lortzea espero da, bai arlo teknikoan bai efizientzia ekonomikoaren arloan.

Azpiegitura fisikoen atalean, azpiegiturok mantentzeko jarduera arruntei eutsi zaie (garbiketa, su itzalgailuak, arratoiak hiltzea, sastrakak kentzea…), eta horien nondik norakoak eta kostuak ohikoak izan dira. Ondoko taulan, kontzeptu nagusiak jasotzen dira:

Suteen kontrako sistemak mantentzea 28.160,-

Arratoiak hiltzeko mantentze lana 17.492,-

Garbiketa 18.338,-

Pista eta linea elektrikoetan sastrakak kentzea 43.003,-

Azpiegiturak hobetzeari eta eta egokitzeari dagokionez, hurren taulan obra zibilaren esparruko beste jarduera garrantzitsuak erakusten dira:

14 / 15

Neguko bide zaintza 87.440,-

Etxolak eta esparruak konpondu, hobetu eta zaintzea

521.993,-

Dorreak konpondu, hobetu eta ordeztea 104.056,-

Bideak eta pistak konpondu, hobetu eta zaintzea

71.913,-

Segurtasun orokorreko eta pertsonaleko sistemak mantendu eta hobetzea

147.045,-

Biltegiak konpondu, hobetu eta zaintzea 51.739,-

Klimatizazio sistemak konpondu, hobetu eta zaintzea

63.916,-

Deskarga elektrikoen inhibitzaileak 34.631,-

ITELAZPIren ahalegin ekonomikoaren zati handi bat energi sistemetara bideratzen da, eta horren arrazoia da sistema horiek direla sistema tekniko guztien amaierako euskarria. 2015ean atal honetako mantentze lan prebentibo eta zuzentzaileetara zuzendutako zenbatekoa 1.293.141,-euro izan da. Egindako ekintzak izan dira hainbat zentrotako bateriak eta artezgailuak ordeztea, etengabeko elikadurarako sistemak instalatze, lurreko hartuneak hobetzea…

Komunikazio zentroek, ITELAZPIk ematen dituen zerbitzuak ez ezik, hirugarrenen zerbitzuak ere biltzen dituzte. Prestazio horri aterpe edo baterako kokapena esaten zaio eta lege esparru berrian derrigorrezkoa da azpiegitura publikoen titularrentzat. 2015ean, baterako kokapenerako 169 eskari kudeatu dira gure sarean. Argi dagoenez, baliabide publikoen erabilpenaren eraginkortasuna handitzen da horrela, eta ingurumenerako mesedegarria da, natura ingurunean azpiegiturak ugaritzea ekiditen baita; eta botere publikoa bereziki ahalegindu behar da zeregin horretan.

Informazio Sistemen arloan, nabarmentzekoa da “Akitegia” izeneko tresnaren garapenean egindako aurrerapena. Hala, ITELAZPIk aktiboen inbentario sistema berri bat izango du, aktiboon kudeaketa integrala, dokumentazioa eta horiei loturiko zerbitzuak hobetuko dituena, eta dagoeneko abiarazi da datuen karga masiboa.

15 / 15