Fervenzas galegas.2015
Transcript of Fervenzas galegas.2015
O relevo galego fai que as borrascas que chegan dende o Atlántico se atopen cun obstáculo, orixinando precipitacións que dan lugar a unha gran cantidade de cursos fluviais, encargados de erosionar o terreo e, unha vez que perden forza, acumular estes materiais erosionados.
As fervenzas pódense
producir por un afundimento do
terreo, pola diferente
resistencia que presentan as rochas ou por variacións do
nivel da desembocadura
do río.
É moi frecuente que se formen
fervenzas cando un río atravesa unha zona formada por rochas de distinta
dureza intercaladas
formando capas horizontais
chamadas estratos, xa que a auga
erosiona a rocha máis branda pero
non consegue facer o mesmo coa que presenta maior
dureza, dando lugar así a unha fervenza.
Tamén pode formarse unha
fervenza cando un río desemboca nun val de orixe glaciar
máis grande e profundo ca el,
como por exemplo un afluente que
chega ó río principal formando unha fervenza xa que este último
erosionou o val por ter unha forza erosiva maior.
O tipo de rochas tamén inflúe na
forma das fervenzas, xa que as
graníticas fan que estas presenten
bloques desordenados e con diferentes estados de erosión e as e
estratificadas, que poden ser
sedimentarias ou metamórficas, fan
que as súas paredes sexan rectas e non presenten apenas
fracturas.
A principal causa das fervenzas en Galicia
son as fallas, xa que a separación de dous
bloques e o afundimento dun deles produce un
salto da auga entre eles. Aínda así, a formación destes
monumentos naturais soe resultar da
mestura de varias causas moi difíciles
de distinguir debido ó paso do tempo e á acción dos axentes
xeolóxicos externos.
Debido á súa situación
estratéxica e ó complicado que soe ser chegar a elas,
adoitan ser unha das mellores exposicións
da flora e fauna autóctonas, polo que
moitos concellos están levando a cabo
unha labor de recuperación destes espazos para tratar
de aproveitalos como atractivo
turístico.
Debido á súa situación estratéxica e ó complicado que
soe ser chegar a elas, adoitan ser
unha das mellores exposicións da flora e fauna autóctonas,
polo que moitos concellos están
levando a cabo unha labor de
recuperación destes espazos para tratar
de aproveitalos como atractivo
turístico.
Algúns exemplos das fervenzas do Salnés e Caldas son a Fervenza de Segade, onde o Umia salva un desnivel de 20 metros
con rochas graníticas que o río vai erosionando, polo que a fervenza vai retrocedendo lentamente. Arredor preséntase unha
vexetación de ribeira con salgueiros, carballos, fentos...
A Fervenza de Valga, onde un afluente do Valga forma un estreito val entre rochas graníticas con varios rápidos e
fervenzas, presentando a máis grande uns 10 metros de altura, e a Fervenza de Meis, onde o rego da Armenteira forma varias
fervenzas e pequenas zonas de rápidos tamén con rochas graníticas.
As fervenzas non posúen unha gran biodiversidade debido ós
seus grandes desniveis, correntes cunha gran velocidade, etc, pero si teñen un gran valor estético,
polo que deberían ser coidadas e preservadas, moi lonxe do que se
fai hoxe en día con elas, por aproveitamentos hídricos como os encoros, ou hidroeléctricos como as centrais hidroeléctricas, que causan un gran impacto e limitan outras posibilidades económicas,
como o turismo natural, que poderían producir grandes
beneficios sen levar consigo unha destrución do medio.