Bases do Concurso do Día do Libro Infantil e Xuvenil da OEPLI
-
Upload
biblioteca-anxel-casal -
Category
Education
-
view
111 -
download
6
Transcript of Bases do Concurso do Día do Libro Infantil e Xuvenil da OEPLI
CONCURSO DÍA DO LIBRO INFANTIL E XUVENIL 2015
“Nós lemos, e ti?”
Con ocasión do DÍA INTERNACIONAL DO LIBRO INFANTIL, a Organización Española para o
Libro Infantil e Xuvenil, xunto coas súas catro seccións: Asociación Galega do Libro Infantil e
Xuvenil (GÁLIX), Consejo General del Libro Infantil y Juvenil, Consell Català del Llibre Infantil i
Juvenil (ClijCAT) e Galtzagorri Elkartea, co patrocinio do Ministerio de Educación, Cultura e
Deporte, convoca o concurso “Nós lemos, e ti?”.
PARA PARTICIPAR:
1. Poden participar todos os lectores e lectoras que estean cursando Primaria ou primeiro ciclo
de Secundaria, a través do seu centro docente ou dende a biblioteca.
2. Reunir membros da familia ou amigos que queiran participar.
3. Escoller un libro cada un e co móbil ou cunha cámara facerse unha selfie. É imprescindible
que se vexan os libros.
4. A Biblioteca Pública de Santiago “Ánxel Casal” súmase á celebración deste concurso e
anuncia que os participantes poden enviar os seus traballos impresos ou en formato dixital
antes das 21.00h do 27 de marzo de 2015 ao enderezo :
Concurso Día do Libro Infantil e Xuvenil 2015
Biblioteca Pública de Santiago de Compostela "Ánxel Casal"
Avda. Xoán XXIII, s/n.
15704 Santiago de Compostela
ou por correo electrónico a [email protected] respectivamente.
Deberá acompañar á selfie un breve texto explicando o motivo polo que o/a participante
escolleu ese libro. Tamén deberán constar o nome e apelidos do/a participante, o domicilio,
poboación, teléfono, ano de nacemento, nome da biblioteca, domicilio, poboación, teléfono
e correo electrónico.
5. A Biblioteca Pública de Santiago “Ánxel Casal” seleccionará tres traballos por cada
categoría e os enviará antes do día 2 de abril á Organización do concurso.
6. Establécese un premio para cada unha das seguintes categorías e ámbito lingüístico:
◦ Primeiros lectores (1º, 2º e 3º de Primaria)
◦ Lectores avanzados (4º, 5º e 6º de Primaria)
◦ Superlectores (1º e 2º de Secundaria).
Cada un dos premios estará dotado cun diploma e lote de libros para os premiados e a
entidade (biblioteca ou centro docente) que presente os traballos.
7. O xurado cualificador estará integrado por representantes de cada unha das seccións de
OEPLI.
8. O fallo do Premio terá lugar no mes de xuño e a entrega dos premios será nas sedes de cada
unha das seccións da OEPLI.
9. Non serán devoltos os orixinais aos seus respectivos autores e autoras unha vez rematado o
concurso. A OEPLI poderá empregar as selfies gañadoras en diferentes soportes e usos
relacionados co DÍA INTERNACIONAL DO LIBRO INFANTIL E XUVENIL, sen que
este feito dea dereito a retribución algunha para os concursantes. Será imprescindible enviar
a correspondente autorización dos pais/titores para a súa reprodución e difusión na páxina
web e facebook da Organización.
10. A simple presentación de orixinais para o concurso supón a aceptación e conformidade coas
presentes bases.
Biblioteca Pública de Santiago Ánxel Casal, Tlf. 881 999 401
[email protected] (rbgalicia.xunta.es/santiago)
Avda. Xoán XXIII, s/nº, 15704 Santiago de Compostela