Aurrekontu parte-hartzaileak Artean. Zehaztapenak
Click here to load reader
-
Upload
yo-ferrari-arte -
Category
Documents
-
view
227 -
download
11
description
Transcript of Aurrekontu parte-hartzaileak Artean. Zehaztapenak
Eztabaidarako zirriborroa. 2011-08-01
Aurrekontu parte-hartzaileak Artean.
Zehaztapenak
Egitasmoaren aurkezpena
Aurrekontu parte-hartzaileak udalaren demokratizazioranzko bidean ezinbestekoa dira,
herritarrak udal-mailako erabaki garrantzitsuenean inplikatzeko eta parte izateko.
Eman dezagun pausua.
Aurtengoa lehenengo pausua izango da, herritarren hitza eman nahi diegu era
zuzenean aurrekontuen inguruko iritzi, ekarpen eta kritikak jasoz. Hala ere, urterik
urtera findu beharko dugun lana izango da aurrekontuena, ahalik eta auzo- eta
sektore-batzar gehien burutuz, herritarren parte-hartzea eta izaera erabakitzailea
handituz. Lehen pausua izango da aurtengoa, hobetu beharrekoak izango dira,
datozen urteetan konpontzeko.
2012ko aurrekontuen diseinurako, lehentasunezkoa izango da auzo-batzarrak antolatu
eta burutzea. Auzo-batzarrak (3-4 guztira) leku publikoetan burutuko ditugu, ahal dela
lokal itxi batean. Horretarako, auzoetako txokoak eta baselizak erabiltzea proposatzen
dugu, Elexabeitikoa San Migel baselizan, esate baterako. Horrelakorik ez dagoen
kasuetan, Kultur Etxea edo Udalean burutzea proposatzen dugu (Plazako batzarra
zein auzoetakoak). Sektoreak zeharka lantzeko aukera ere ikusten dugu, Batzordeen
bidez artikulatutako deialdi espezifikoekin (kultur eta kirol taldeak, merkataritza txikia
eta gazteria).
Egun eta datei dagokienez, astegun iluntzeak (19ak edo 20etan hasi eta ordu t´erdiko
iraupenarekin) edo larunbat goizak (11 edo 12etan hasita) proposatzen ditugu.
Batzarren iraupena, ordu t´erdi. Praktikan, erraz luzatuko dira bi ordutara.
Komunikazioari dagozkion egitekoak
- Plenoan onartu bezain laster, komunikazio kanpaina indartsua, herritarrak
proiektuaren gainean izan arte: aguasila auzoz auzo megafoniarekin, prentsa-
oharra, kartelak, eskuorria auzo-batzarren data eta orduekin... Mezua: ARTEAKO
UDALA AURREKONTU PARTE-HARTZAILEAK EGITERA DOA.
- Batzarrak auzoetan girotzeko, kartel eta eskuorri bereziak beren deialdi
espezifikoarekin. Mezua: ARTEAKO UDALAK, AURREKONTUEN OSAKETARI
BEGIRA, ZURE IRITZIA JAKIN NAHI DU.
1
Eztabaidarako zirriborroa. 2011-08-01
- Batzarrak burutu. Horretarako ikusi “batzarrei” dagokion puntua.
- Batzarren ondoren, ahalik eta prozedura zabalena martxan ipini Udalean
aurrekontuak eztabaidatu eta onartu. Onarpeneko plenoan jendarte zabala
aurreikusten denez Kultur Etxean burutu daiteke.
- Emaitza gizarteratu. Bitartekoak: prentsa-oharra, prentsa aurrekoa, eskuorriak,
udal informazio aldizkaria, kartelak.
Batzarrak
Batzarretan hiru figura aurreikusten ditugu:
1. Aurkezlea: alkatea edo zinegotziren bat izango da. Prozesu osoaren eta batzar
konkretuaren helburuak zehaztuko ditu. Herritarrek udala kritikatzen badute,
gutxieneko argumentuekin erantzun beharko du, ezin daiteke “tenis partidarik”
sortu.
2. Dinamizatzailea. Ahal dela, “independientetzat” jo litekeen pertsona bat. Hitza
kudeatu eta gaiz aldatzea izango da bere egiteko nagusia. Gatazkak eta
eztabaida antzuak mozteaz arduratu beharko du. Helburua herritarren iritzi,
ekarpen eta kritikak jasotzea da. Batzarraren helburuak azpimarratu beharko
ditu behin eta berriz.
3. Aktalaria. Oharrak jasoko ditu eta printzipioz ez du hitzik egingo.
Mahaian talde-politiko bakoitzeko kide bat egotea aurreikusten dugu. Zehazteko dago
ea bakoitzak figura bat beteko duen ala hori aparte joango den.
Gai-ordenari dagokionez, hauxe da gure proposamena:
1. Aurkezpena. Helburua zehaztu beharko da, hots, udalean dagoen diru-
iturrien eta gastu finkoen azalpena egin eta aurrekontuei begira,
arteaztarren iritzi, ekarpen eta kritikak jasotzea. Horretaz gain, egitasmoaren
aukera eta mugak azpimarratu beharko dira. Garrantzitsua herritarren parte-
hartzea eskertzea.
Aukerei dagokienez...
- Artean antzeko ekimen bat egiten den lehen aldia da.
- Bide honetan hobetzeko konpromiso zintzoa daukagu.
- Udala herritarrei zabaldu behar zaienaren irizpidearen baitan kokatzen
dugu ekimen hau.
- Aurrekontuak Udaleko erabakirik garrantzitsuena dira.
2
Eztabaidarako zirriborroa. 2011-08-01
- Gai honen inguruan herritarren iritziak jasotzera goaz.
- Herritarren iritziak dauden mugen baitan kudeatuko dira (aurrekontu
aldetiko mugak, konpetentziei dagozkienak...)
Hala ere, eta espektatibak handiak izan daitezkeenez, mugak azpimarratu behar
dira.
- Herritarren iritziak jasotzera goaz. Auzo-batzarrek ez dute beraz, izaera
erabakitzailerik.
- Erabakiak Udalaren baitan hartuko dira, talde politikoen arteko
eztabaidan. Aurrerantzean, bide hau urra dezakegu, arlo honetan
esperientzia pilatzen dugun heinean.
- Gastatzeko dagoen dirua mugatua da. Gutxi gora-beherako zenbatekoa
zehaz badaiteke, hobeto, bestela erantzun ezin diren eskariak ager
daitezkelako.
2. Epe luzerako egitasmoak. Hiru kontu bereiz daitezke atal honetan:
- Martxan dauden egitasmo handiei buruzko iritzia: frontoia, kultur-
etxea…
- Herri ereduari buruzko gogoeta: arau ordezkoen inguruan egin
beharreko galderari erantzun posibleak (Zelango Artea gura dugu?):
hazkunde mota, dentsitate baxuko etxebizitzei buruzko iritzia...
- Bihar etziko proiektu estrategikoen inguruan: frontoi ondoko lokalak,
kultur-etxea, bestelako zerbitzuak…
Ezinbestekoa izango da bakoitzaren barruan, lehentasunak finkatzea, eta
batzarrean ahalik eta adostasun handiena biltzea.
3. Epe laburrerako egitasmoak. “Azkar” eta “merke” konpon daitezkeen gaiak
sartuko dira atal honetan (obra txikiak, etab.). Aurrekoan bezala, lehentasunak
finkatzea garrantzia berezia izango du.
4. Amaierako laburpena eta prozesuaren hurrengo faseak gogoratzea (udal
tramitazioa, noiz onartuko diren). Azpimarratu 2012koa lehen pausu edo
ahalegina dela.
3