20 YEARS OF ECO DESIGN MADE IN EUSKADI › wp-content › upload… · bat zuzen bete gabe egonez...

20 YEARS OFECODESIGN MADE IN EUSKADIERAKUSKETAREN BALDINTZAK

20 YEARS OF ECODESIGN MADE IN EUSKADI

ERAKUSKETAREN BALDINTZAK

2

AURKIBIDEA

1. XEDEA 3

2. PARTE HARTZEKO BALDINTZAK 4

3. HAUTAGAITZAK AURKEZTEA 6

4. HAUTAKETA PROZESUA 9

5. ERAKUSKETAN PARTE HARTZEA 12

6. BALDINTZAK ONARTZEA 13



3

1. XEDEA20 urte bete dira Euskadin ekodiseinuko lehenengo proiektuak egin zirenetik. 20 urte horietan zehar hainbat euskal enpresek ingurumen irizpideak ezarri dituzte produktuak diseinatzeko eta garatzeko faseetan.

Horri esker, merkatuan ingurumen inpaktu gutxiago duten produktu hobeak daude, eta era berean, lehengaien erabilera murriztu da, material birziklatuak gehiago erabiltzen dira, ontziak eta enbalajeak hobetu egin dira, gai suntsikor gutxiago dituzten produktu eraginkorragoak lortu dira eta errazago birziklatzen diren produktuak sortu dira. Gainera, ikuspegi berriak txertatu dira, zirkularragoak, eta horri esker ekipamendu iraunkorragoak lortu dira eta produktuak errazago konpondu daitezke. Horretarako bermanufaktura gehitu da, eta azkenik, negozio eredu zirkular berriak erraztu dira.

Hori guztia kontuan hartuz, 2020ko otsailaren 26an, 27an eta 28an

Bilboko Euskalduna Jauregian Europa hegoaldeko ekodiseinuko eta

ekonomia zirkularreko ekimen handienaren edizio berria antolatuko

da, BASQUE ECODESIGN MEETING-BEM2020 hain zuzen ere.

Edizio berri horretan produktuen diseinu industrialeko Europako adituak egongo dira Europako industrian eredu ekonomiko zirkularrerako trantsizio prozesuak dituen eraginak aztertzeko eta eredu horrek eskaintzen dituen negozio aukerei eta lehiakortasun hobekuntzari buruz eztabaidatzeko.

Enpresei eta industriari lotutako jardunaldietan honako gaiei buruz hitz egingo dute besteak beste:

ZERBITIZAZIOAPRODUKTUEN INGURUMEN

DISEINUA

ZAHARKITZE PROGRAMATUA ETA

HAUTEMANDAKO ZAHARKITZEA

EKODISEINUA

EKOBERRIKUNTZAEKONOMIA ZIRKULARRA

INDUSTRIA BERDEA 4.0

BIZI ZIKLOAREN ANALISIA

PRODUKTUEN INGURUMEN

ADIERAZPENABERMANUFAKTURA

PRODUKTUEN ZERBITZU SISTEMAK



4

20 urte horietan zehar enpresa euskaldunek egindako lana

ezagutarazteko eta Eusko Jaurlaritzak egindako lana aintzatesteko

tresna izan dadin, 2020ko Basque Ecodesign Meeting-arekin batera

Euskalduna Jauregian erakusketa handi bat antolatuko dute ekodiseinatutako euskal produktuak erakusteko, izen hau izango

duena: “20 years of ECODESIGN made in EUSKADI”.

Agiri honetan ekodiseinatutako euskal produktuen erakusketaren lehenengo ediziorako baldintzak ezarri dira. Agiriaren xedeak interesa duten enpresei hautagaitza aurkezteko baldintzak zeintzuk diren jakinaraztea eta Ihobe sozietate publikoak gauzatuko duen hautagaitzen hautaketa prozesua deskribatzea dira.

2. PARTE HARTZEKO BALDINTZAK

“20 years of ECODESIGN made in EUSKADI” erakusketaren helburua

azken 20 urteetan ekodiseinatutako produktuak garatu dituzten euskal

enpresa guztiei ikusgarritasuna eta babesa ematea da, enpresa

horiek guztiek horri esker zirkularragoa den ekonomia eredurako

trantsizio prozesua hasi dutelako bizi zikloan zehar ingurumen eragin txikiagoa duten produktuak merkaturatuz.

Erakusketan parte hartu ahal izango dute produktuetan ekodiseinu

irizpideak aplikatu dituzten euskal enpresa guztiek, bai Ihobe

sozietatearen laguntza izan dutenek, bai bitarteko propioak erabili

dituztenek.



5

Hauek dira erakusketan parte hartzeko bete beharreko baldintzak:

PRODUKTUAK:

• Produktuak guztiz garatuta egon behar dira, eta horrez gain, gaur egun edo azken urteetan ekoizpen prozesuan edo merkaturatze prozesuan egonak izan behar dira (ez dira onartuko funtzionalak ez diren prototipoak edo produktuei buruzko etorkizuneko proiektuak).

• Erakundeak frogatu egin beharko du produktuan ingurumen hobekuntza lortu duela aurreko modeloekin edo lehiatzaileen antzeko modeloekin alderatuz (ingurumen inpaktuen murrizketa kuantifikatzea, bai norberak egindako ebaluazioaren bidez edo ahal dela ingurumen inpaktuak neurtzeko txosten ofizial baten bidez), adibidez Produktuaren Ingurumen Adierazpenarekin (EPD), egiaztatutako karbono aztarnarekin, kanpoko berrikuspen kritikoko ACVrekin eta abar. *

ENPRESA:

• Enpresaren egoitza soziala edo gutxienez lantegi bat Euskal Autonomia Erkidegoan kokatuta egon beharko dira.

• Zerga betebeharrak eta Gizarte Segurantzarekikoak erregularizatuta izatea, indarrean dagoen legeriarekin bat eginez aplikatu beharreko mugen arabera.

*OHARRA: Kuantifikatutako ingurumen informaziorik ez badago baina produktuarekin egiaztatu ahal badin bada

ingurumen jokaera hobea sustatzeko diseinuko neurri garrantzitsuak aplikatu direla, Ihobe sozietate publikoak doako

zerbitzua eskaini ahal izango du produktuaren ingurumen inpaktua ebaluatzeko, eta hala, irizpide horri erantzuteko.

Horretarako, zerbitzu hori jaso nahi duten enpresek sozietate publikoarekin lan egin beharko dute, eta horrenbestez,

produktuaren ingurumen ebaluazioa egiteko beharrezko informazioa eman beharko dute.



6

3. HAUTAGAITZAK AURKEZTEAHautagaitzak aurkezteko BASQUE ECODESIGN MEETING-BEM2020 biltzarreko webgune ofizialean (https://www.basqueecodesignmeeting2020.eus/es/) eskuragarri dagoen eskaera inprimaki ofiziala bete beharko da. Inprimakia “20 years of ECODESIGN made in EUSKADI” erakusketaren atalean dago. Eskaera Interneten bete ahal izango da edo deskargatu eta mezu elektroniko bidez bidali ahal izango da helbide honetara: [email protected]

Eskariak aurkezteko epea 2019ko abenduaren 30an amaituko da.

Enpresa berak hainbat produktu aurkeztu ahal izango ditu, baina espazio kontuak direla-eta eta ahalik eta ordezkaritasun gehien egoteko, erakunde bakoitzeko bi produktu erakutsi ahal izateko irizpidea ezarri ahal izango da. Parte hartuko duten enpresek Ihoben aurkeztu beharko dituzte erakusketan jartzeko produktuak, dagokion epean eta moduan, eta erakusketaren ondoren produktuok jaso egin beharko dituzte berriz ere.

Hautagaitzak aurkezteko inprimakiak bi atal izango ditu, bata orokorra enpresaren datuekin eta harremanetan jartzeko informazioarekin, eta bestea espezifikoa, erakusketan jarri nahi den produktuari buruzko informazioa jasoko duena. Era berean, beste agiri batzuk ere gehitu ahal izango dira (ziurtagiriak, zifrak, eskemak, bideoetarako loturak, argazkiak, eta abar), hautagaitza bakoitzak gehienez ere hiru eranskin aurkeztu ahal izango dituelarik.

Hauek izango dira beharrezkoak izango diren DATU OROKORRAK:

ENPRESAREN DATUAK:

• Enpresaren izena.

• Helbidea (kalea, zenbakia, PK, udalerria eta probintzia).

• IFK.

• Webgunea.

• ELGEren arabera enpresaren sektore ekonomikoa zein den.

1. Hezkuntza

2. Osasuna

3. Biztanleria eta ugalketa osasuneko politikak/programak

4. Ura eta saneamendua

5. Gobernua eta gizarte zibila

6. Garraioak eta biltegiratzea (logistika)

7. Banaketa

https://www.basqueecodesignmeeting2020.eus/es/

mailto:[email protected]



7

8. Telekomunikazioak

9. Komunikazioa

10. Energia sortzea, banatzea eta energiaren eraginkortasuna

11. Bankuak eta finantza zerbitzuak

12. Negozioak eta beste zerbitzu batzuk

13. Nekazaritza, abeltzaintza, arrantza eta basogintza

14. Industria

15. Meatzaritza eta baliabide mineralak

16. Eraikuntza eta hirigintza zerbitzuak

17. Merkataritza politikak eta araubideak eta merkataritzarekin lotutako doikuntzak

18. Turismoa

19. Ingurumena eta natura kontserbatzea

20. Arkitektura eta hiri eta eskualde plangintza

21. Ingeniaritza eta teknologia

• Enpresak badu ingurumen kudeaketarako sistema? Zehaztu.

ISO 14001

EMAS

ISO 14006

HARREMANETARAKO DATUAK:

• Hautagaitza kudeatzeko harremanetarako pertsona edo pertsonak. Izen-abizenak, eta kargua.

• Hautagaitza kudeatzeko helbide elektronikoa edo elektronikoak.

• Hautagaitza kudeatzeko telefono zenbakia.

Hauek izango dira eman beharreko DATU ESPEZIFIKOAK:

PRODUKTUARI BURUZKO DATUAK (AURKEZTUTAKO PRODUKTU BAKOITZEKO BETE BEHARKO DIRA):

• Aurkeztu den produktua (mota, modeloak eta abar).

• Produktuaren deskribapena (funtzionaltasuna, ezaugarri teknikoak eta abar).

• Produktuaren garapen faseari buruzko xehetasunak (prototipoa, pilotua, merkatuan edo merkatutik kenduta).

• Produktuaren dimentsioak, gutxi gorabehera (luzera*altuera*sakontasuna).

• Erakutsi ahal izateko behar bereziak dituen edo ez (forjatuaren erresistentzia, sarerako konexioak eta abar).



8

• Aurkeztutako produktuaren ingurumen abantailen deskribapen kualitatiboa

• Zehaztu produktuaren ekodiseinu estrategiak zeintzuk diren (aukeratu beharrezko guztiak).

1. Enpresan inpaktua murriztea.

Ingurumen inpaktu baxuko materialak (birziklatuak, berriztagarriak eta abar)Gutxitutako pisua eta/edo bolumenaEkoizpen teknika eraginkorrak erabiltzea

2. Produktuaren banaketa prozesuan aplikatutako ingurumen optimizazioa.

Optimizatutako ontziak eta enbalajeakBanaketa eraginkorreko logistika modua

3. Erabilera faseko ingurumen optimizazioa.

Kontsumo energetiko baxuaGai suntsikorrak murriztea edo optimizatzea

4. Produktuaren bizitza luzeagoa izatea.

Bezeroak fidelizatzeko egindako diseinuaIraunkortasun tekniko handiagoaMantentze eta konpontze prozesu errazak

5. Bigarren bizitza sustatzeko diseinatutako produktua.

Berrerabiltzeko egindako diseinuaBerrikuntza / berregokitze / bermanufaktura gaitasunaBermanufakturatutako produktua

6. Produktua partzialki berreskuratzeko diseinua.

Desmuntatzeko erraztasunaPiezak eta ezinbesteko osagarriak estandarizatzeaPiezak eta osagarriak berrerabiltzeko diseinua

7. Produktuaren bizitza amaierarako diseinua.

Oso erraz birziklatu daitekeen produktuaSegurtasunez suntsitzen dena

8. Negozio eredu berrien esparruan dagoen produktua.

Produktu berean funtzioak integratzeaZerbitizaziorako produktuaErabileraren irisgarritasunean oinarritutako produktuaren negozio ereduaEmaitzaren eskuragarritasunean oinarritutako negozio eredua duen produktua



9

• Aurkeztutako produktuaren ingurumen onuren kuantifikazioa, bizi zikloaren analisian edo garrantzitsuak diren beste alderdi batzuetan oinarrituta, besteak beste hauetan: energiaren, uraren eta materialen kontsumoa; hondakinak; atmosferari, urari eta lurzoruari egindako emisioak; CO2 emisioak; eta lurzoruaren erabileraren murrizketa.

• Produktuak ingurumen etiketa du produktu osoarentzat - I. motako ingurumen etiketak (Ekoetiketak, besteak beste Europako Ekolabel, Zisne Nordikoa, edo Aingeru Urdina) edo bere bizi zikloaren alderdi zehatz batentzat? - I.-erdi motakoak (erabilitako materialen baten ziurtagiria, erabilera faseko Eraginkortasun Energetikoko zigiluak, baso kudeaketa jasangarria, birziklatu edo konpostatu ahal izatea eta abar). Baiezkoa bada, zehaztu zein.

• Enpresak UNE-EN ISO 14006:2011 batean oinarritutako SGA baldin badu, produktua ziurtagiriaren irismenaren barne dago? (bai/ez).

• Produktuak egiaztatutako ingurumen informaziorako mekanismorik badu (ACV, EPD, Karbono Aztarna, eta abar)? Baiezkoa bada, zehaztu zein.

• Finantzazio programa baten esparruan garatu izan da (Europakoa, EAEkoa, eskualdekoa eta abar) ingurumen inpaktu gutxien duten produktuak garatzeko? Baiezkoa bada, zehaztu zein.

“20 years of ECODESIGN made in EUSKADI” erakusketari buruzko

zalantzak argitzeko edo hautagaitza inprimakia betetzeko jarraibideak

jasotzeko, enpresek Ihobe sozietate publikoarekin harremanetan

jartzeko aukera izango dute helbide elektroniko hau erabiliz:

[email protected]

4. HAUTAKETA PROZESUAEnpresaren hautagaitza inprimakia Ihoben jasotzean, Ihobek hautagaitzako dokumentuak eta alderdi teknikoak ebaluatuko ditu.

Lehenik eta behin ikusiko dute ea enpresek hautagaitza ebaluatzeko informazio guztia aurkeztu duten. Inprimakian harremanetarako zehaztutako pertsonari mezu elektroniko bat bidaliko zaio hautagaitza jaso dela baieztatzeko, eta hasiera batean inprimakiko eremu guztiak beteta

mailto:[email protected]



10

daudela jakinarazteko, eta ondoren ebaluazioa egiten hasiko dira. Informazio eremuetako bat zuzen bete gabe egonez gero, hautagaitza jaso izana egiaztatzeko mezu elektronikoa aprobetxatuko da horren berri emateko, eta inprimakia betetzen bukatzeko beharrezko laguntza emateko eta/edo ingurumen hobekuntzaren kuantifikazioa egiteko.

Inprimakia zuzen beteta dagoela egiaztatu ondoren emandako

ingurumen informazioa objektiboa, zehatza eta zalantzarik gabekoa

dela egiaztatuko da, eta enpresak produktuaren garapenean

ingurumen hobekuntza nabarmena lortu duela justifikatu dezakeela

ere egiaztatuko da.

Nahikoa justifikatuta dagoela adierazteko epigrafe hauetako batean zehaztutakoak bete beharko dira:

• Produktua ziurtatutako Ekodiseinuaren Kudeaketa Sistema baten irismenarekin gauzatu da (UNE-EN ISO 14006:2011).

• Produktuak produktuaren ingurumen etiketa du eta horrekin, ingurumen jokaera hobea duten produktuak identifikatu ahal izango dira, besteak beste I. motako ingurumen etiketak (Ekoetiketak, adibidez Europako Ekolabela, Zisne Nordikoa edo Aingeru Urdina) eta “I.-erdi motakoak ” (adibidez ingurumen eraginkortasuneko zigiluak edo baso kudeaketa jasangarrikoak).

• Produktuak Ingurumeneko Europako Sari bat jaso du Produktu/Zerbitzu kategorian.

• Produktua Produktu Ekologikoen Zerrenda Ofizial batean dago, besteak beste Teknologia Garbien Euskal zerrendan, Flandriako Ecologiepremium zerrendan, Holandako MIA-VAMIL zerrendan edo Erresuma Batuko ECA List izeneko zerrendan.

• Produktua IHOBEk euskal enpresei eskainitako zerbitzuen esparruan garatu da, eta beraz, IHOBEk egindako lanari buruzko balioztatzea jaso du. Beste programa batzuen artean hauek aipatu daitezke: Basque Ecodesign Hub, Ekodiseinuko produktuak garatzeko enpresei laguntzak emateko programa, Ekonomia zirkularreko eta ekoberrikuntzako erakustaldia, Ekodiseinuko antzinako gela edo ingurumen jokaera hobea duten produktuak eta/edo zerbitzuak garatzeko aurreko programak.

• Produktua ekoberrikuntza edo ingurumen babesa sustatzeko Europako programetan garatu da, besteak beste Horizon2020 programa, LIFE+ programa, CIP-Ecoinnovation programa edo jarduketa eremu horretako beste programa batzuk. Beraz, produktuak Europar Batzordeak egindako lanari buruzko baliozkotzea du, betiere horien garapenean produktuaren bizi zikloaren azterketa egin bada, edo gutxienez modu objektiboan kuantifikatu baldin bada produktuaren bizitza ziklo osoan eskuratutako ingurumen hobekuntza egon dela, etapen artean karga aldaketak saihestuz.



11

• Produktua bestelako administrazio publikoen ingurumena babesteko laguntza jarduketen programa esparruan garatu da, besteak beste foru aldundietakoak, udaletakoak, sozietate publikoetakoak (SPRI, EEE eta abar), eta beraz, administrazio publiko horrek egindako lanaren baliozkotzea du, betiere horietan garatutako produktuaren bizi zikloaren azterketa egin baldin bada, edo gutxienez modu objektiboan kuantifikatu baldin bada produktuaren bizi ziklo osoan eskuratutako ingurumen hobekuntza egon dela, etapen artean karga aldaketak saihestuz.

• Produktuak jasotako ingurumen hobekuntza balioztatzen duen saria du, ezaguna den hirugarren erakunde independente batek emandakoa, besteak beste, iF DESIGN AWARD saria edo James Dyson Award saria.

• Produktuak bere bizi zikloan sortzen duen ingurumen inpaktuari buruzko kanpoko egiaztatze independentea du, eta modu objektiboan egiaztatu daiteke homologoen aurrean ingurumen abantaila duela. Adibidez, Produktuaren Ingurumen Aintzatespena (EPD) duen produktu bat, programa ofizial batean erregistratutakoa (Global-EPD, International EPD System, PEP Ecopassport, EPD-norge, …), eta irismen bera duen ingurumen adierazpena egotea edo iturri ofizialek kontrastatutako ingurumen informazioa egotea, EPDk emandakoarekiko baliokidea dena, edo EPDren eguneratzea da eta ingurumen abantailak daude aurreko adierazpenarekin alderatuz.

Enpresak beste metodo batzuk gehitu ahal izango ditu, modu objektiboan, zehatzean eta zalantzarik gabekoan egiaztatzeko garatutako produktuaren ingurumen abantaila zein den, nahiz eta aurreko aukeren artean ez egon. Kasu horretan, Ihobe sozietate publikoak eskumena izango du proposatutako metodoa onartzeko edo ez onartzeko.

Enpresak emandako informazioa egiaztatu behar bada, Ihobe sozietate publikoa enpresarekin harremanetan jarriko da informazio gehiago eskatzeko. Ebaluazioa egin ondoren produktua erakusketarako hasiera batean onartu den edo ez den jakinaraziko da, edo parte hartzeko irizpideak ez dituela betetzen adieraziko da, eta ondoren, erakusketan parte hartzeko zehaztasunak emango dira.

Kontuan hartuz erakusketaren xedeetako bat ekodiseinua hedatzea eta sustatzea dela, Ihobe sozietate publikoak hautaketa irizpide gisa lehenetsi egingo ditu ikusgarritasuna eta inpaktua kontuan hartuz helburu horiek modu argian betetzeko ekarpenak egiten dituzten piezak edo produktuak.

“20 years of ECODESIGN made in EUSKADI” erakusketan parte hartu ahal izateko behin betiko baieztapena hautagaitza guztiak ebaluatu ondoren egingo da, eta horretarako kontuan hartuko dira aurrez aukeratutako produktuen kopurua, motak eta sektoreak.



12

5. ERAKUSKETAN PARTE HARTZEA

Enpresari modu formalean jakinarazi ondoren produktua erakusketan

parte hartzeko aukeratua izan dela, enpresa bakoitzari telefono

dei bat egingo zaio ekimeneko parte-hartzea bukatu arte jarraitu

beharreko pausoak jakinarazteko.

Enpresek Ihobe sozietate publikoan erakusketarako produktuak aurkeztu eta jaso beharko dituzte adierazitako epean eta moduan, eta produktua erakusketan egongo den denboran zehar bere egoera ona bermatzeko beharrezko jarraibideak emango ditu.

Erakusketako produktu bakoitzarentzako fitxa tekniko bat sortuko da, eta bertan produktua, ezaugarri nagusiak, funtzionaltasunak, eta bereziki lortutako ingurumen hobekuntzak deskribatuko dira. Txosten hori Ihobe sozietate publikoko teknikariek egingo dute enpresek emandako informazioan oinarrituz, eta argitaratu aurretik enpresei bidaliko zaie.

Erakusketarekin batera argitalpen bat egingo da, eta bertan jasoko dira produktu bakoitzaren ezaugarri eta alderdi nagusiak jasotzen dituzten banakako fitxa teknikoak. Ekodiseinuko irizpideak aplikatu dituzten euskal erakundeen katalogo ofiziala modu fisikoan eta APP gisa sortuko da, eta Ihobe sozietate publikoaren argitalpena izango da. Hauxe izango da izenburua: “20 years of ECODESIGN made in EUSKADI”. Euskaraz, gaztelaniaz eta ingelesez idatzita egongo da. Horretarako, enpresek produktuak katalogoan zuzentasunez jasotzeko material grafikoa emango dute eta Ihobe sozietate publikoari emango dizkiote lotutako material grafikoa erabili ahal izateko baimenak.

Produktuak erakusketan jarriz gero, katalogo ofizialean agertu beharko dira derrigorrez. Hala ere, salbuespenak egon ahal izango dira, betiere erakusketan ez egon izana arrazoi logistikoen edo teknikoen bitartez justifikatu ahal baldin bada (formatu handiko produktuak, oso pisutsuak direnak edo garraiatzeko zailak direnak izatea). Kasu horietan produktua ordezkatzen duen zerbait erakutsi ahal izatea baloratuko da, adibidez produktuaren zati adierazgarri bat, maketak edo eskala txikiagoko kopiak.

Produktu bat erakusketan egotean, hala nahi duten enpresek Basque Ecodesign Meeting 2020 biltzarreko bigarren saioan hizlari gisa aritzeko aukera izango dute, eta hitzaldi horretan egindako lana aurkeztu ahal izango dute. Enpresa kopurua eta hitzaldien iraupena eskarien arabera zehaztuko dira, eta une oro bermatuko da Euskadiko jarduera industrialeko sektore nagusiak bidezko moduan ordezkatuta daudela.

Erakusketa bukatzean, enpresek produktuak Ihobek jakinarazitako epeetan eta moduan jaso beharko dituzte.



13

6. BALDINTZAK ONARTZEA

“20 years of ECODESIGN made in EUSKADI” erakusketan parte

hartzean, aurretik adierazitakoak ezagutzen eta onartzen dira, eta

interpretazioa Ihobe sozietate publikoak egingo du, Basque Ecodesign

Meeting 2020 ekimenaren eta erakusketaren antolatzailea den

heinean, eta hala, parte-hartzaileek aurretik adierazitako guztiak

onartuko dituzte.

20 YEARS OF ECO DESIGN MADE IN EUSKADI › wp-content › upload… · bat zuzen bete gabe egonez...

Documents

Transcript of 20 YEARS OF ECO DESIGN MADE IN EUSKADI › wp-content › upload… · bat zuzen bete gabe egonez...