Download - GUEÑES KONTZEJUKO UDALAREN GIZA BALIABIDEEN PLAN … Baliabideen plan... · GIZA BALIABIDEAK GUEÑES KONTZEJUKO UDALA BERRIKUSPENA:1 Sarrera. Aldaketak datoz zientzian, teknologian

BARNE ARAUBIDEKO ZINEGOTZIGOA 2015eko uztaila

Giza Baliabideen Plan Estrategikoa EDIZIOA: PERH 1 -15/07

ARLOA: BARNE ARAUBIDEA GIZA BALIABIDEAK

GUEÑES KONTZEJUKO UDALA BERRIKUSPENA:1

GUEÑES KONTZEJUKO UDALAREN GIZA BALIABIDEEN PLAN ESTRATEGIKOA

2015-07-24 Orrialdea: 1





AURKIBIDEA

Orrialdea

AURKEZPENA 03

SARRERA 04

IKUSPUNTUA ETA PREMISAK 06

MISIOA, IKUSPEGIA ETA BALIOAK 08

PRINTZIPIOAK ETA EKINTZA ESPARRUAK 11

GIZA BALIABIDEEI BURUZKO POLITIKA 13

HELBURUAK 19

PROIEKTU ESTRATEGIKOAK 21

PLAN ESTRATEGIKOA GAUZATZEA 26

2015-07-24 Orrialdea: 2





Gueñes kontzejuko Udalaren giza baliabideei buruzko politika

» Giza baliabideak kudeatzeko sistema modernoa, berritzailea, eraginkorra eta profesionala ezartzea, herritarrei behar duten arreta ematera bideratuta dagoena. » » Gueñesko Udalean lan egiten duten pertsona guztiak ezinbesteko piezak dira Udalaren jardueran eta administrazioan. » Ezinbestekoa da Udaleko langile bakoitzak dagozkion ardurak bere gain hartzea helburuak eta emaitzak lortzeko. » Gure erakundearen egiturak herritarren beharrak modu eraginkorrean asetzea izan behar du helburu. » Funtzio publikoa bermatu behar du. Horretarako, ezinbestekoa da lan-baldintzak udalerriaren beharretara egokitzea. » Zenbat langile beharko diren aurreikustea. » Langileen prestakuntzan eta garapenean inbertitzea. » Motibazioak garrantzi handiko estrategia izan behar du. » Laneko bizi-kalitatea hobetzea. » Laneko arriskuak ebaluatzea eta beharrezko neurriak hartzea, arrisku horiek prebenitu ahal izateko. » Barneko komunikazioa eta parte-hartzea ahalbidetzeko konpromisoa.

Imanol Zuluaga Gueñes kontzejuko Udaleko alkatea.

2015-07-24 Orrialdea: 3





Sarrera

Aldaketak datoz zientzian, teknologian eta gizartean; hori ikusirik, gure Udalak langile motibatuak eta gaitasun handikoak izan behar ditu, bai eta herritarren espektatibei eta beharrei erantzuteko gai den administrazio-egitura bat ere.

Egun, zerbitzu publikoak etengabe aldatzen eta hobetzen ari dira. Testuinguru

horretan, udal-administrazio honetako langileak ezinbesteko eta funtsezko faktore dira herritarren beharrei erantzun ahal izateko.

Hori dela eta, Giza Baliabideen Plan Estrategiko hau egin dugu. Bertan,

datozen urteetarako (2015-2019) langileen arloan ezarri ditugun helburuak eta proiektuak biltzen dira.

Plana dokumentu dinamikoa da, eta urtero berrikusi beharko da, hurrengo

urterako ekintzen programazioa zehazterakoan. Horrez gain, lau urtetik behin behar bezala eguneratuko da; izan ere, hala erakundea nola haren ardura den gizartea etengabe aldatzen dira, eta Plana sortu zen unean zeuden baldintzak ere aldatu egiten dira.

Hausnarketa estrategikoa egin bitartean, Gueñes kontzejuko Udalaren Barne

Araubideko Zinegotzigoaren misioa, ikuspegia eta balioak zehaztu dira. Ondoren, Planaren ekintza guztien oinarrian egongo diren printzipioak ezarri

dira: berdintasuna, parte-hartzea, komunikazioa, plangintza, deszentralizazioa, elkarlana, konpromisoa eta ardura. Horrez gain, ekintza-esparruak ere zehaztu dira: langileak, administrazio-unitateen arduradunak, zinegotzigoak, sindikatuak eta, azkenik, herritarrak.

2015-07-24 Orrialdea: 4





Bestalde, giza baliabideei buruzko politika ere ezarri da, langileen arloan hartuko diren erabakien bideratzaile gisa.

Hona hemen 6 helburu estrategiko, labur azalduta:

Giza baliabideak estrategikoki kudeatzeko eredu bat ezartzea. Giza baliabideak planifikatzea, eskuratzea eta egokitzea, bai eta langileen

promozio- eta garapen-nahiei erantzutea ere. Prestakuntza-prozesuak sustatzea. Erakunde barruko komunikazio- eta informazio-sistemak ezartzea. Laneko osasun eta segurtasunari buruzko planak garatzea. Apurka-apurka zerbitzuen kalitatea bermatzeko teknikak eta tresnak

ezartzea.

Bukatzeko, Plan Estrategikoa gauzatzeko mekanismoak artikulatu dira: proiektuak kudeatzeko metodologia proposatu da, erantzukizun mailak ezarri dira, urteko programa eta plangintzaren beharra azpimarratu da eta Jarraipen eta Ebaluazio Batzordea sortu da.

2015-07-24 Orrialdea: 5





Gueñes kontzejuko Udala modernizatzeko prozesua 2014ko urtarrilean abiatu zen, tokiko gobernua gidari eta Tokiko Berrikuntza Agendaren onespenarekin. Bilakaera prozesu hori 2015 eta 2019 bitartean gauzatuko da, eta honako hau du helburu: tokiko antolakuntza eta kudeaketa eraldatzea, Gueñes kontzejuko herritar guztiei eskaintzen dizkiegun zerbitzuen kalitatea etengabe hobetzen jarraitzeko.

Ukaezina da herritarrei ematen diegun zerbitzua etengabe hobetu ahal izateko,

langile publikoak, hau da, Gueñesko Udalarentzat lan egiten duten pertsona guztiak, elementu gakoa eta ezinbestekoa direla; horien laguntzarekin baino ez dugu lortuko etengabe hobetzen eta kalitatea eskaintzen jarraitzeko helburu anbiziotsua erdiestea.

1.1. IKUSPUNTUA

Ikuspuntu hau erabili dugu Gueñesko Udaleko giza baliabideak nola kudeatu

zehazteko: posiblea eta ezinbestekoa da herritarrei zuzenduriko zerbitzu publikoak behar bezala ematea eta, aldi berean, gure administrazioko langileen lan-baldintzak hobetzea.

1.2. PREMISAK

Ideia hori da gure testuinguru orokorra giza baliabideen politika gauzatzeko. Hori kontuan hartuta, Gobernu Taldeak honako premisa hauek izango ditu oinarri ekintza-ildoa zehazteko:

Lehenik eta behin, uste dugu Gueñes kontzejuko Udaleko langile publikoak

elementu gako eta erabakigarria direla zerbitzu publikoa behar bezala eskaini eta garatzeko.

IKUSPUNTUA ETA PREMISAK

2015-07-24 Orrialdea: 6





Bigarrenik, uste dugu elkar ulertzean eta gizarte-elkarrizketan oinarritutako harremanak sortu eta mantendu behar ditugula sindikatuekin, eta etengabe akordioak bilatu behar ditugula desadostasunak sortzen dituzten egoeretan.

Hirugarrenik, uste dugu laneko bizi-kalitatea etengabe hobetu behar dela.

Horretarako, lanarekin loturiko baldintza guztiak hartu beharko dira kontuan, besteak beste, lan-ingurunea, ibilbide profesionalean aurrera egiteko edo mailaz igotzeko aukerak ematea eta laneko osasuna hobetzea.

Laugarrenik, ezinbestekoa da giza baliabideak kudeatzeko modua

modernizatzea eta eraldatzea. Horretarako, kalitatea bermatzeko tresnak eta teknikak ezarri behar dira, eta komunikabide zein teknologia berriek eskaintzen dituzten aukerak erabili eta haiei etekina atera behar diegu.

2015-07-24 Orrialdea: 7





Giza baliabideak kudeatzeko plan estrategiko bat gauzatu ahal izateko, ezinbestekoa da gure udal-administrazioko Barne Araubideko Zinegotzigoaren misioaren, ikuspegiaren eta balioen inguruan hausnartzea.

2.1. MISIOA

Misioak edo izateko arrazoiak justifikatzen du administrazio-unitate hau egotea Udaleko antolakuntza-egiturako zuzendaritza-unitateen artean.

Gueñes kontzejuko Udaleko Barne Araubideko Zinegotzigoaren Misioa honako

hau da:

2.1. IKUSPEGIA

Misioa izateko arrazoia den heinean, Ikuspegia izan nahi dena da, hau da, lortu nahi den errealitatea, jarraitu beharreko norabidea zuzenduko duena. Hori dela eta, ikuspegiak azaltzen du nolakoa izan nahi duen Barne Araubideko Zinegotzigoak eta etorkizunean eman nahi duen itxura nolakoa izango den.

MISIOA, IKUSPEGIA ETA BALIOAK

2015-07-24 Orrialdea: 8





Gueñes kontzejuko Udaleko Barne Araubideko Zinegotzigoaren Ikuspegia honako hau da:

2.3. BALIOAK

Gueñes kontzejuko Udaleko Barne Araubideko Zinegotzigoak balio hauek ditu, haren ikuspegia eta misioa gauzatu ahal izateko:

Efikazia eta eraginkortasuna.- Kudeaketa ez dago soilik helburuak

betetzera bideratuta; horrez gain, eraginkorra ere izan nahi du, hau da, ahalik eta kosturik txikienarekin erdietsi nahi ditu helburu horiek, arrazionaltasun, ekonomia eta eraginkortasun printzipioei jarraituz.

Zerbitzu publikoa. Herritarren zerbitzura eta gehiengoaren interesen alde

jokatuko du; hala, behar diren zerbitzuak emateaz gain, langile guztien garapen-helburuei ere arreta eskainiko die.

Legezkotasuna.- Arauak beteko ditu, legezkotasun-printzipioari jarraikiz.

Profesionaltasuna.- Gaitasundun langileak, profesionaltasunez jokatzen dutenak, herritarrei zerbitzua emateko konpromisoa dutenak eta sentikortasun soziala dutenak.

2015-07-24 Orrialdea: 9





2015-07-24 Orrialdea: 10





OINARRIZKO PRINTZIPIOAK

Hauek dira Giza Baliabideen Plan Estrategiko hau gauzatzeko inspirazio-iturri gisa erabili diren oinarrizko printzipioak:

Berdintasuna. Langileek egin beharreko lanek berdinak izan beharko dute

langile publiko guztientzat, legeak eta sektorekako politikek ezartzen dituzten mugen barruan. Ezin izango da inor baztertu, diskriminatu edo zokoratu sexua, kategoria edo bestelako arrazoiren bat dela eta.

Parte-hartzea. Etengabe hitz egingo da zinegotziekin, langileekin eta

sindikatuekin.

Komunikazioa. Komunikazio-kanalak ezarriko dira, bai barrukoak bai

kanpokoak, teknologia berriek eskaintzen dituzten aukerak aprobetxatuz. Horren helburua da informazioa partekatzea administrazio-erakundeekin, langile publikoekin eta sindikatuetako kideekin.

Plangintza. Efikazia eta eraginkortasuna bermatuko duten integrazio-,

koordinazio- eta kudeaketa-sistemak ezartzea eta aplikatzea.

Kooperazioa eta elkarlana. Planean ezarritako helburuak erdiesteko

ahaleginak optimizatzea eta sailen, zerbitzuen, langileen eta sindikatuen arteko kooperazioa eta elkarlana indartzea.

Konpromisoa eta erantzukizuna. Sail, administrazio-unitateetako

arduradun eta langile publiko guztien inplikazio etengabea eta konpromiso aktiboa. Helburuen betetze maila neurtzea eta erantzukizunak exijitzea.

PRINTZIPIOAK ETA EKINTZA ESPARRUAK

2015-07-24 Orrialdea: 11





EKINTZA ESPARRUAK

Giza Baliabideen Plan Estrategikoko helburuak erdieste aldera, hainbat arlotan ekingo da:

Langile publikoak. Horiei bideratzen zaizkie zuzenean giza baliabideak

kudeatzeko politikak eta praktikak; hala, Gueñes kontzejuko Udalarentzat lan egiten duten langile publikoek osatzen dute Planaren ekintza-esparru nagusia.

Administrazio-unitateetako arduradunak. Administrazio-unitateetako

arduradunek erantzukizun handia dute giza baliabideen arloko proiektu eta helburu estrategikoak aplikatzeko unean; izan ere, haien kudeaketa helburuak erdiesteko ezinbestekoa zaie prestakuntza egokia duten nahikoa langile izatea.

Zinegotzigoak. Gobernuaren arlo bakoitzeko helburu politikoak

herritarrekin hartzen diren konpromisoetan eta zinegotzien eskumenak erabili bitartean lortutako akordioetan gorpuzten dira; hala, esparru hori ezinbestekoa da zerbitzuen zuzendaritza politikoa errazteko eta, era horretan, herritarren beharrei eta espektatibei erantzuteko.

Sindikatuak. Langileen interesak defendatzen dituzte, dela ordezkaritza

organoetan dela delegatuen bitartez. Hala, sindikatuak ezinbestean izango dira Giza Baliabideen Planaren ekintza-esparruetako bat; izan ere, harreman positiboa eta irekia egonez gero, askoz ere errazagoa izango da haien eskumenen arloan beharrezko akordioak lortzea eta hobetzea.

Herritarrak. Udalaren zerbitzuen hartzaile direnez gero, Gueñes kontzejuko

herritarrek berebiziko garrantzia duen erreferente bat osatzen dute. Ez dezagun ahaztu, azken batean, Udaleko langileek ahalbidetzen dutela zerbitzuak herritarrengana heltzea.

2015-07-24 Orrialdea: 12





2015-2019 aldirako Gueñes kontzejuko Udalaren langileei buruz erabakiak hartzeko ekintza-esparru gisa, uste dugu komenigarria dela Giza Baliabideen Politikari buruzko adierazpen bat egotea.

Ondorioz, honela gelditu da 2015-2019 aldirako Gueñes kontzejuko Udalaren

Giza Baliabideen Politika:

Aldaketak egiteko eta modernizatzeko beharra.- Egun existitzen den giza baliabideak kudeatzeko sistema hobetu egin daiteke, batez ere langileek Udalak eskaintzen dituen zerbitzu publikoen kalitatean duten eragina ikuspuntu estrategiko batetik kontuan hartuz gero. Hala, beharrezkoa da giza baliabideen kudeaketa-eredu modernoa, aurreratua, berritzailea, eraginkorra eta profesionala ezartzea. Eredu berri horrek egungo gabeziak konponduko ditu eta, elementu estrategiko gisa, herritarrei eta zerbitzu publikoari zuzenduriko ekintzak izango ditu ardatz.

Giza baliabideak, elementu gakoa eta erabakigarria.- Gueñesko Udalean lan egiten duten pertsona guztiak ezinbesteko piezak dira Udalaren jardueran eta administrazioan. Horrez gain, elementu gakoa eta erabakigarria ere badira; hori dela eta, ezinbestekoa da kudeaketa eredu berri bat sustatzea eta garatzea (horixe izango da aldaketaren motorra), eta eredu berri horrek herritar guztien interesak, oro har, eta langileen interesak eta espektatibak, bereziki, kontuan hartzea.

Kultura berria: etengabe aldatzea eta hobetzea.- Gure ustez Udalean kultura aldaketa bat egon behar da nahitaez; aldaketa horrek balioen, printzipioen eta usteen sistema osoari eragin beharko dio; izan ere, erakundearen kultura ezinbesteko elementua da modernizatzea eta etengabe hobetzea helburu duen edozein prozesutan. Badakigu kultura aldatzea lan zaila eta prozesu luzea dela; hala ere, ziur gaude gai izango garela kultura hori benetan aldatzeko.

GIZA BALIABIDEEI BURUZKO POLITIKA

2015-07-24 Orrialdea: 13





Langileen funtzioa toki estrategikoan kokatzea.- Gure ustez, giza baliabideen kudeaketa elementu erabakigarria da gure tokiko administrazioak behar bezala funtziona dezan. Kudeaketa horrek egiaz izan behar du izaera estrategikoa eta, erabakiak hartzeko unean, mailarik gorenean kokatu beharra dago. Horretarako, estrategia hau esplizituki barne hartzen duen giza baliabideen kudeaketa-eredu bat ezarri behar dugu. Kudeaketa-eredu honek profesionala izan behar du, eta helburu izan behar du langileek gaitasunak eskuratzea, eta gaitasun horiek estimulatzea eta mantentzea. Horrez gain, kontsulta-, aholku- eta koordinazio-zerbitzuak eskaini behar ditu erakunde barruan, dela sailetan eta administrazio-unitateetan dela langileen artean.

Giza baliabideak kudeatzeko lana kudeatzaileen esku uztea.- Giza baliabideen kudeaketa hedatu egin behar da, eta eskumenak eskuordetu egin behar zaizkie administrazio-unitateetako arduradunei. Behar izanez gero, lan hori betetzeko prestakuntza emango zaie. Ildo horretan, langileak kudeatzeko ardura hartzeak esan nahi du jarrera aktiboa hartu beharko dutela honako alderdi hauetan: lanak esleitzea, helburuak ezartzea, prestakuntzaren arloko beharrak hautematea, langileak motibatzea, parte-hartzea sustatzea...

Helburuetan eta emaitzetan oinarritutako udal-kudeaketa.- Langileek euren gain hartu behar dute helburuak eta emaitzak erdiesteko erantzukizuna; asmo hori lortzeko aurrerapausoak motelak eta zailak izango dira hasieran, baina epe luzera lortzeko gai izango gara. Arauak, jarraibideak eta prozedurak formalki betetzeari baino, garrantzi handiagoa eman behar zaio baliabideak modu eraginkorrean erabiltzeari eta helburuen erdieste maila ahalik eta altuena lortzeari; horretarako, ezinbestekoa izango da emaitzak ebaluatzea. Langileei prestakuntza emateaz gain, beharrezko neurriak ere eskaini beharko dizkiegu kudeaketa-kultura berri horretan hobeto moldatu daitezen.

Antolakuntza-egiturak egokitzea.- Gure ustez, Erakundearen egiturak eta diseinua aldatzea ezinbesteko urratsa da herritarren eskaerei modu efikazean eta eraginkorrean erantzun ahal izateko. Hori dela eta, ezinbestekoa da antolakuntza-egiturak lortu nahi diren helburuetara egokitzea. Ildo horretan, antolakuntzaren egituraren diseinu hori gure Udalaren antolakuntzaren etengabeko egokitze-prozesu gisa ulertu behar dugu, barneko zein kanpoko eskaerei erantzuteko gai izango dena; hala, egitura gure misioari eusteko euskarri sendoa izango da.

2015-07-24 Orrialdea: 14





Erakunde osoarentzako antolakuntza-eredu uniforme bat sortu beharrean, guk nahiago dugu eredu malguak aplikatu; hala, administrazio-unitate bakoitzak berea izango du, bere xedearen, helburuen, funtzioaren, jardueren, teknologiaren, aurrekontuaren eta produktu edo zerbitzuen araberakoa.

Zerbitzuen beharretara egokitzeko gaitasuna.- Gure ustez, funtzio publikoa bermatzeko erarik onenetako bat lan-baldintzak udalerriko beharretara egokitzea da, betiere, akordioen bitartez eta araudien araberako gutxieneko irizpide batzuei jarraituz.

Giza baliabideen aurreikuspenen kudeaketa hobetzea Aurreikuspenen kudeaketaren helburua da udal-administrazioei aukera ematea haiek nahi duten unean behar beste langile izan ditzaten eta langile horiek esleitu zaizkien lanak egiteko gaitasun, motibazio eta prestakuntza egokia izan dezaten. Horretarako, ezinbestekoa da aurreikuspen bat egitea epe batean Udalak zer langile behar izango dituen jakiteko; horretarako, beharrezko azterketak egingo dira eta une horretan Udalak eskura dituen giza baliabideak aintzat hartuko dira.

2015-07-24 Orrialdea: 15





Prestakuntza, aldaketarako elementu estrategikoa.- Gueñes kontzejuko herritarren eskaerak eta beharrak etengabe aldatzen dira; horretara egokitzeko, ezinbestekoa da langileen prestakuntzan eta garapenean inbertitzea. Horrez gain, prestakuntza kudeatzeko orduan, oinarrizko helburuetako bat izan beharko da langile publikoen gaitasunak mantentzea eta garatzea, ezagutzei, trebetasunei eta jarrerari dagokionez.

Prestakuntza, gainera, tresna estrategiko nagusia da baldintza ekonomiko, sozial, kultural eta legal berrietara egokitzeko eta aldaketak eragindako arazoak konpontzeko. Horregatik, ezinbesteko elementutzat dugu Udala eraginkortasunez erantzuteko gai izango bada. Bestalde, prestakuntzak pertsonen gaitasunak eta trebetasunak garatzeko aukera eman eta sustatu beharko du, horri esker lan arloan hobetzeko espektatibak beteko baitira.

Prestakuntzak, beraz, gai izan behar du balioak transmititzeko, kultura garatzeko eta langileen artean kohesioa sortzeko, gure Erakundearen misioan aurrerapausoak eman ditzagun. Prestakuntzak ohiturak aldatuko ditu eta aldaketaren aurrean dugun jarrera eraldatuko du; prestakuntzari esker, aldaketa edozein erakundetako elementu natural eta berezko gisa ikusiko dugu.

Motibazioaren garrantzia.- Motibazioak lehen mailako estrategia bat izan behar du, haren araberakoak baitira oinarrizko bi alderdi hauek: langileen asebetetze maila eta erakundearen eraginkortasuna. Pertsonak gidatzeko lanetan txertatu beharreko alderdi bat, hortaz, langileen ahaleginak bideratzea da, eta norantz jo behar duten edo zer helburu erdietsi behar duten adieraztea. Motibazioa hauxe da, beraz: kide guztien ahaleginak elkartu eta norabide berean gidatzea. Ahaleginak bateratzeko, langileek Udalaren helburuen, estrategien, balioen eta kulturaren parte sentitu behar dute. Horrez gain, ezinbestekoa izango da kohesioa eta konpromisoa piztuko dituen eta taldeen arteko gatazkak gutxituko dituen gidaritza bat ezartzea, guztiok taldean lan egin dezagun.

Barneko komunikazioa eta konpromisoa garatzea.- Gure ustez, barneko komunikazioak berebiziko garrantzia du, gardentasuna eta informazioa banatzeko kanalak hobetzen baititu maila guztietan eta norabide guztietan. Izugarri zaila izango da langileak zerbitzu publikoa ardatz duen kultura batean inplikatzea langileek proiektuan parte hartzen ez badute eta ez badituzte gobernu-organoek eta kudeaketa-unitateek diseinatutako planak, proiektuak, metak eta helburuak ezagutzen. Helburua, beraz, kultura komun bat sortzeko ekarpenak egitea da, baita komunikazio- eta informazio-tresnen bitartez ere.

2015-07-24 Orrialdea: 16





Betetze maila neurtzeko ebaluazio-sistemak ezartzea.- Gaur egun, gero eta argiago dago beharrezkoa dela langileen errendimendu edo betetze maila ebaluatzeko sistema formalak ezartzea. Langile Publikoen Oinarrizko Estatutuak berak kapitulu bat du betetze mailaren ebaluazioari buruz. Errendimendua edo betetze maila ebaluatzeko prozesua azterketa-prozesu sistematikoa eta aldizkakoa izango da; prozesu horren bitartez, langile bakoitzak bere funtzioak zenbateko efikazia eta eraginkortasunez betetzen dituen eta zer emaitza erdiesten dituen jakin ahalko dugu; hala, langileak Udalaren helburu orokorrei zenbateko ekarpena egiten dien ikusiko dugu.

Bestalde, ebaluazio hau lotuta dago ordainsariaren zati aldakorrarekin; horrek konpentsatu egingo ditu erdietsitako helburuak. Gainera, ebaluazio hori administrazio-unitateen arduradunen oinarrizko egitekoetako bat izango da, langileak edo lantaldeak baitituzte ardurapean.

Barneko informazio- eta kontrol-mekanismoak.- Erabakiak hartzeko, kudeaketa-informazio sistema egoki baten bidez eskuratutako informazioa hartu behar da oinarri. Hori egiten ez bada, berehala ekiteko presioa eta erabakiak azkar hartzeko beharrak zera eragingo dute, informazio-fluxuen eraginez, batzuetan informazio gehiegi izango dugu eta beste batzuetan, berriz, informazio gutxiegi. Hala, ezinbestekoa da kudeaketa kontrolatzeko eta ebaluatzeko sistema bat izatea; sistema horren bitartez, errazagoa izango da une bakoitzean erabakirik egokienak hartzeko beharrezkoa den informazioa eskura izatea, hautatzea, antolatzea eta ekoiztea.

Laneko bizi-kalitatea hobetzea.- Ahaleginak egin behar ditugu laneko ingurunea hobetzeko eta, aldi berean, herritarrei eskaintzen dizkiegun zerbitzuak hobetzeko.

2015-07-24 Orrialdea: 17





Laneko osasun eta segurtasun zerbitzuak indartzea.- Laneko arriskuak ebaluatu eta neurri zuzentzaileak ezarri behar dira, prebenitu ahal izateko; prebentzio maila, beraz, mantendu eta hobetu egin behar da, laneko segurtasun eta osasun maila gorena lortu ahal izateko. Halaber, alor honetan aplikatu beharreko araudiak betetzeaz gain, Udalak elkarlan aktiboan jardun beharko du administrazio-unitate bakoitzeko arduradunekin, prebentzioaren arloko ordezkariekin eta langile publikoen arduradunekin; hala, guztion artean, laneko segurtasuna eta osasuna hobetzea lortuko dugu.

Parte hartzeko bide zuzenak eta zeharkakoak hobetzea.- Langileek eskura dituzten parte hartzeko bideak bi dira: zuzenak eta zeharkakoak.

Parte-hartze zuzena da langileei aukera ematen diena erabakiak hartzeko prozesuetan ekarpenak egiteko edo aktiboki elkarlanean jarduteko haiei ere eragin diezaieketen proiektuetan, bai eta herritarrei eskaintzen zaizkien zerbitzuekin zerikusia duten proiektuetan ere. Hona hemen zuzenean parte hartzeko bide batzuk: hobekuntza taldeak, aholkularitza-batzordeak edota proiektu taldeak sortzea... Zeharkako parte-hartzeak, berriz, barne hartzen ditu Udalaren goreneko mailetan hartzen diren erabakietan ekiteko langileen ordezkariek erabiltzen dituzten bitarteko eta egitura guztiak. Hau da, sindikatuetako ordezkariak eta antzerakoak.

Langileen legezko ordezkariekin sortzen diren harremanak elkar ulertzeko nahia eta gizarte elkarrizketa izan behar dituzte oinarri. Horrez gain, etengabe bilatu behar dira gatazkak konpontzeko bideak eta arazoei elkarrekin aurre egiteko moduak. Laneko harremanek, beraz, lankidetza izan behar dute oinarri, eta ez konfrontazioa, negoziazio-estrategiak eta gatazka kudeatzeko estrategiak aukeratzeko unean.

2015-07-24 Orrialdea: 18





HELBURUAK DEFINITZEA

Gueñes kontzejuko Udaleko Barne Araubideko Zinegotzigoak sei helburu ezarri ditu 2015-2019 eperako. Agertzeko hurrenkera ez da lehentasunen edo garrantziaren araberakoa, ausazkoa baino. Izan ere, beherago ageri diren sei helburu hauek garrantzia berdina dute.

Helburua DESKRIPZIOA

1 Giza baliabideen funtzioa antolatzeko eta kudeatzeko eredu estrategiko bat diseinatzea, ezartzea eta garatzea. Eredu horrek zerbitzu publikoak eskaintzen dituen erakunde honen helburuei erantzungo die, eta kontuan izango du langileak direla gure Udaleko elementurik baliotsuenak.

2 Beharrezko giza baliabideak planifikatzea, eskuratzea eta egokitzea, bai eta langileen ibilbide profesionalaren garapena eta sustapena bultzatzea ere.

3 Prestakuntza-prozesuak sustatzea eta hobetzea, langileen gaitasunak eta kualifikazioak hobetzeko eta zerbitzu publikoetan eskaintzen duten zerbitzuetatik eratorritako beharretara egokitzeko.

4 Erabakiak hartzen laguntzeko barneko komunikazio- eta informazio-sistemak eta kontrol- eta jarraipen-sistemak ezartzea, teknologia berrien eta informatikaren bitartez.

HELBURUAK

2015-07-24 Orrialdea: 19





5 Langile publikoen laneko segurtasunarekin eta osasunarekin zerikusia duten alderdiak garatzea eta hobetzea.

6 Zerbitzuen kalitatea bermatzeko teknikak eta tresnak apurka-apurka ezartzea: zerbitzu-eskaintza, prozesuen mapak, kudeaketa-unitateen ebaluazioak eta abar.

2015-07-24 Orrialdea: 20





KONTZEPTUAK ARGITZEA

Gorago ezarritako helburuak erdiesteko, hainbat proiektu estrategiko ezarri dira. Proiektu horiek ekintza-ildoak dira, Barne Araubideko Zinegotzigoaren misioari erantzuten diote, eta helburuak erdiesteko balio dute. Gauzak horrela, helburu bakoitzari proiektu bat edo gehiago esleitu zaizkio, eta proiektu horiek ekintza-gida edo hobekuntzak ezartzeko plan gisa jokatuko dute.

PROIEKTUEN ZERRENDA

Hurrengo orrietan bildu da Gueñes kontzejuko Udaleko Barne Araubideko

Zinegotzigoak 2015-2019 aldirako diseinatu dituen proiektu estrategikoen zerrenda. Proiektuak sailkatzeko eta multzokatzeko, Plan Estrategikoaren helburuak hartu dira kontuan.

Aurreko atalean helburuekin egin dugun bezalaxe, kasu honetan ere proiektuen hurrenkerak ez du zerikusirik haien lehentasunarekin; gure helburua izan da errazago bilatzeko, identifikatzeko eta helburuak eta proiektuak lotzeko kode-sistema bat ezartzea.

PROIEKTU ESTRATEGIKOAK

2015-07-24 Orrialdea: 21





HELBURUAK


1. HELBURUA:

Giza baliabideen funtzioa antolatzeko eta kudeatzeko eredu estrategiko bat diseinatzea, ezartzea eta garatzea. Eredu horrek zerbitzu publikoak eskaintzen dituen erakunde honen helburuei erantzungo die, eta kontuan izango du langileak direla gure Udaleko elementurik baliotsuenak.

1.1.- Giza baliabideak estrategikoki kudeatzeko eredu bat diseinatzea eta ezartzea; eredu horrek hautatutako aukera estrategikoak formulatu eta aplikatuko ditu.

1.2.- Giza baliabideen sailaren egitura organikoa eta funtzionala diseinatzea.

1.3.- Giza baliabideen kudeaketa-unitateak hobetzeko ekintzen plana egitea.

2015-07-24 Orrialdea: 22





HELBURUAK


2. HELBURUA:

Beharrezko giza baliabideak planifikatzea, eskuratzea eta egokitzea, bai eta langileen ibilbide profesionalaren garapena eta sustapena bultzatzea.

2.1.-Langileak kudeatzeko antolamendu-tresnak etengabe eguneratzeko sistemak.

2.2.- Lanpostuak: beharrezko gaitasunak eta profilak.

2.3.- Langileen antolakuntza eta kudeaketari buruzko azterketa.

2.4. Langile berriei ongietorria egiteko plana.

2015-07-24 Orrialdea: 23





HELBURUAK


3. HELBURUA Prestakuntza-prozesuak sustatzea eta hobetzea, langileen gaitasunak eta kualifikazioak hobetzeko eta zerbitzu publikoetan eskaintzen duten zerbitzuetatik eratorritako beharretara egokitzeko.

3.1.- Prestakuntza kudeatzeko eredu bat ezartzea.

3.2.- Internet bidezko urruneko prestakuntzak (eLearning) eskaintzen dituen ikasteko aukerak aprobetxatzea.

HELBURUAK


4. HELBURUA Erabakiak hartzen laguntzeko barneko komunikazio- eta informazio-sistemak eta kontrol- eta jarraipen-sistemak ezartzea, teknologia berrien eta informatikaren bitartez.

4.1.- Barneko komunikazio plana.

2015-07-24 Orrialdea: 24





HELBURUAK


5. HELBURUA Langile publikoen laneko osasunarekin eta laneko arriskuak prebenitzearekin zerikusia duten alderdiak garatzea eta hobetzea.

5.1.- Lan Arriskuak Prebenitzeko Plana.

5.2.- Prebentzio-jardueren programazioa.

5.4.- Prebentzioaren arloko informazioa eta prestakuntza.

HELBURUAK


6. HELBURUA Zerbitzuen kalitatea bermatzeko teknikak eta tresnak apurka-apurka ezartzea: zerbitzu-eskaintzak, prozesuen mapak, kudeaketa-unitateen ebaluazioak eta abar.

6.1. Giza baliabideen arloko zerbitzu-eskaintzak prestatzea.

2015-07-24 Orrialdea: 25





PROIEKTUAK KUDEATZEA

Gueñes kontzejuko Udalaren Giza Baliabideen Plan Estrategikoak barne hartzen dituen proiektuak gauzatzeko, proiektuen kudeaketarako metodologia bat erabili da. Horren bitartez, baliabideak (langileak, materialak, dirua eta beste) antolatu eta administratu daitezke, proiektuak eskatzen duen lan guztia ezarritako epean eta aurrekontua errespetatuz gauzatu ahal izateko.

EKINTZA ILDOAK

Planifikazio estrategikoaren azken fasea ekintza-ildoak martxan jartzea da.

Ekintza-ildo horiek aurrez aipatu diren proiektuekin loturik daude.

Ekintza-ildoei dagokienez, hainbat alderdi definituko dira, adierazleen

jarraipenaren bitartez kontrol-sistema bat dagoela bermatzeko.

Adierazle horiek aldian-aldian berrikustea ezinbesteko egitekoa da Giza

Baliabideen Plan Estrategikoa gauzatzeko fasean.

Ekintza-ildoekin lotura estua duten beste alderdi garrantzitsu batzuk

arduradunak izendatzea eta epea ezartzea dira. Arduradunak izendatzeari dagokionez, erantzukizunak emateak bermatu egin dezake ekintzaren jarraipena egiten dela hasieratik amaierara. Gauzatze-epeari dagokionez, horixe da lehenengo adierazlea planetik desbideratzen ari garen ala ez ikusteko. Desbideratuz gero, desbideraketa zergatik gertatu den ulertu eta bidea zuzendu beharko dugu.

Gauzatze-epeaz gain, proposatu diren gainerako adierazleek haien

erreferentziako ekintza-ildoaren izaerari erantzuten diote. Hori dela eta, batzuetan, adierazleak “ekintza gauzatu al da?” galderari erantzungo dio. Beste kasu batzuetan, balioespen kuantitatiboa egin beharko da, eta hori erreferentziatzat hartuko da aldian-aldian egiten den kontrolean.

PLAN ESTRATEGIKOA GAUZATZEA

2015-07-24 Orrialdea: 26





ERANTZUKIZUN MAILAK

Gueñes kontzejuko Udalaren Giza Baliabideen Plan Estrategikoa gauzatzeko,

hainbat erantzukizun maila daude.

Proiektu estrategiko bakoitzak sustatze-, koordinazio-, gauzatze- eta ebaluazio-

ekintza batzuk izango ditu, kasu bakoitzean bilatzen diren helburuak erdiesten direla bermatzeko.

Proiektu estrategiko bakoitzak lau erantzukizun maila ditu:

- Sustatzea: Proiektu bakoitzaren irismenaren edo garrantziaren arabera,

Alkateari dagokio, langileen burua edo Zinegotzigoaren burua den heinean, hautatutako proiektuak sustatzea.

- Koordinazioa: Proiektu bakoitzeko jarduerak koordinatzea hauen ardura

izango da: langileen zuzendaria, Gueñes kontzejuko Udaleko alkatea, Barne Araubideko Zinegotzigoko burua eta giza baliabideen idazkaria eta burua.

- Gauzatzea: Giza Baliabideen Zinegotzigoko burua arduratuko da, urte

bakoitzeko plangintzari jarraituz, proiektu bakoitzerako prestatzen diren dokumentuetan bildutako jarduerak edo egitekoak gauzatzeaz.

- Ebaluazioa: Jarraipen eta Ebaluazio Batzordea, Gueñes kontzejuko Udalaren

Giza Baliabideen Zinegotzigoaren bitartez, arduratuko da Giza Baliabideen Planean bildutako proiektu estrategikoen garapena jarraitzeaz eta ebaluatzeaz.

2015-07-24 Orrialdea: 27





URTEKO PROGRAMAZIOA ETA PLANGINTZA

Proiektuak garatzeko eta ezartzeko, ezinbestekoa izango da geroago plangintza-agiri bat idaztea. Agiri horretan honako hauek agertuko dira, gutxienez: gauzatuko diren proiektuen zerrenda, inplikatutako arduradunak, beharrezko baliabideak eta adierazleak. Hori Giza Baliabideen Plan Estrategikoaren urteroko programazioan bilduko da.

JARRAIPENA ETA EBALUAZIOA

Ebaluazioa ezinbesteko tresna da Plana eta proiektuen eraginkortasuna aztertzeko; ebaluazio horri esker, tresnen edo adierazleen bitartez lortutako emaitzak eta ondorioak zehaztu daitezke.

Bestalde, jarraipenari eta ebaluazioari esker, gabeziak edo desbideratzeak

(halakorik egongo balitz) hauteman ahal izango ditugu, eta Plan Estrategikoan ezarritako helburuak erdiesteko urratsak eman ahal izango ditugu.

Hori kontuan harturik, Giza Baliabideen Plan Estrategikoaren Jarraipen eta

Ebaluazio Batzordea sortuko dugu Gueñes kontzejuko Udalean. Batzorde horretako kide izango dira Barne Araubideko Batzordeko kide guztiak eta sindikatuetako ordezkariak.

2015-07-24 Orrialdea: 28





HEDAPENA

Gueñes kontzejuko Giza Baliabideen Plan Estrategikoa ahalik eta gehien hedatzen ahaleginduko gara, administrazio-unitate, kudeatzaile politiko, sindikatu eta langile publiko guztiek ezagutu dezaten.

TESTUINGURU EKONOMIKOA

Giza Baliabideen Plan Estrategikoa behar bezala hornituko da, 2015-2019

eperako aurrekontuaren arabera, Gueñes kontzejuko Udalaren aurrekontu orokorren bitartez.

Behar beste baliabide ekonomiko egotea da zenbait proiektu estrategiko egi

bihurtzen direla bermatzeko elementua, batez ere aholkularitza teknikoa edo kanpoko laguntza behar duten proiektuen kasuan eta giza baliabideak, baliabide materialak edo baliabide teknologikoak behar dituzten proiektuen kasuan.

ZUZENBIDE ESPARRUA

Administrazioaren jarduera osoak, besteak beste, legezkotasunaren printzipioa

bete beharko du; hori dela eta, Planak, nola diseinatzerakoan hala aplikatzerakoan, oinarrizko lege-babesa du, Gueñes kontzejuko Udalari kudeaketa hobetzeko proiektuak martxan jartzeko tokiko autonomia ematen diona, hain zuzen ere.

2015-07-24 Orrialdea: 29