XIANA FAI O PAN

Para facer o pan, primeiro tivemos que ir ao monte buscar un gastullo de leña.

Cunhas pólas de loureira tamén amañamos unha vasoira para varrer o forno.

A continuación chegou a hora de amasar e deixar en repouso para que levede.

Mentres, cocemos unhas mazás e despois xa puidemos ir estirando a masa.

Seica é importante envolver ben para evitar que a empanada verta no forno.

Despois fómoslles dando forma aos bolos e preparándonos para enfornar.

O forno xa está roxado. Axiña ficarán só as brasas e poderemos meter o pan.

Despois dun pedazo xa puidemos sacar as empanadas listas para comer. Mmmmm…

E aquí me tedes, agardando a que veñades celebrar comigo esta marabilla.

;-)