UNHA PROPOSTA PEDAGÓXICA PARA O GRUPO 1-2 ESCOLA INFANTI DE … · 2017-11-28 · Unha proposta...

UNHA PROPOSTA PEDAGÓXICA PARA O GRUPO 1-2ESCOLA INFANTI DE TUI

CURSO 2017/18

Unha proposta pedagóxica para o grupo 1-2

INDICE

1. O PROCESO DE FAMILIARIZACIÓN

2. ALIMENTACIÓN

3. DESENVOLVEMENTO MOTOR

4. DESCANDO

5. HIXIENE

6. O XOGO E MATERIAIS DE XOGO

7. O ROL DO ADULTO

Escola Infantil TuiR/Colón s/n 36700

[email protected]://www.facebook.com/relatosdunhaescola

http://www.escolasinfantisdegalicia.es/tui/tlf: 986 60 71 49 /638299553

mailto:[email protected]

http://www.escolasinfantisdegalicia.es/tui/

https://www.facebook.com/relatosdunhaescola


1.PERÍODO DE FAMILIARIZACIÓN Á ESCOLA INFANTIL

Tempos progresivos.

Manter continuidade na persoa de referencia que permanece os primeiros días

coas nenas e nenos na aula.

Preparación dos espazos previo á incorporación das nenas e nenos á aula.

Materiais comúns e adaptados ao momento evolutivo de nenas e nenos.

Respectar os obxectos de transición. Respectar costumes familiares e

incorporar progresivamente ás rutinas da aula.

Xerar un ambiente tranquilo e relaxado. Coidar a temperatura (nin demasiado

frío nin demasiada calor).

Actitude atenta aos sinais das nenas e nenos que indiquen unha necesidade

(durmir, cambiar o cueiro, comer,...).

Os tempos das familias na aula, as acollidas e recollidas aproveitaranse para

trasladar información sobre o desenvolvemento do neno.

De ter maiores inquedanzas as familias, emprazaremos a unha titoría.

A comunicación coas familias será de xeito individualizado, evitando dar

información sensible (estado de saúde, incidencias,...) que poidan escoitar

terceiros.

Abanear para durmir e consolar pero non empregar como recurso para entreter.

O cambio de espazos, materiais e actividades para o xogo autónomo será

prioritario.








O uso do chupete limitarase á demanda da nena e neno; antes do seu uso

excesivo, teranse en conta outras estratexias (cambio de actividade, de espazo,

de materiais,...).

A propia familia poderá entrar na aula para deixar ao neno no espazo de xogo;

cando camiñen poderán entrar por eles mesmos sen necesidade de que invadan o

espazo de xogo. Que as familias entren na aula non supón que a educadora deixe

o que está facendo para atendela: a prioridade será sempre o neno que está

connós. A familia pode agardar. A familia debe coñecer de antemán a

importancia de respectar as dinámicas de aula e a función do educador en cada

momento.








2. ALIMENTACIÓN

Colaboración e participación da figura de referencia.

Incorporación progresiva atendendo ao seu desenvolvemento evolutivo:

. Na trona cando se manteña sentado e teña interese pola culler. Técnica das

dúas culleres.

. Na mesa cando teña interese por comer só.

O espazo do comedor deberá coidarse para xerar un ambiente tranquilo e

relaxado:

Material ordenado.

Material accesible á nena ou neno (pan, vaso, pano, culler).

O ton de voz do educador marcará en gran medida o ritmo da dinámica.

Procurarase falar baixo e poucas interacción entre adultos para manter a

atención nas interaccións coas nenas e nenos.

O resto de persoal evitará entrar na quenda de comedor para non

interromper a dinámica.

Atención grupal:

En grupos de oito en mesa dobre atendidos por unha educadora.

Apoio do PSX sempre que sexa posible.

Dinámica de alimentación:

Agardar a que o neno abra a boca para introducir o alimento.

Permitir que coma coa man.

Ofrecer a culler cando mostre interese.








Ofrecer o vaso para beber cando mostre interese (sempre visible).

Manter á nena e neno limpos (favorecer a autonomía non supón que se bañen

en puré). Manter o espazo limpo (limpar mesa entre prato e prato).

Respectar o apetito da nena e neno. Poden repetir, poden deixar.

Favorecer a autonomía de xeito progresivo e tendo en conta o ritmo

individual de cada nena e neno.








3.DESENVOLVEMENTO MOTOR

⁂ Respectar os ritmos e rutinas que as crianzas traen do seu fogar.

⁂ Na aula favorecerase que permanezan descalzos.

⁂ Anticipar e verbalizar as accións. O adulto comunicará ao neno que é o que vai

acontecer co seu corpo (voute coller, voute soar, ven comer, imos durmir,...).

⁂ O traslado das nenas e nenos que non camiñan e non gatexan será no colo. Cando

gatexen favoreceremos que o fagan polos seu propios medios, aínda que lles leve

máis tempo. Na medida do posible evitaremos trasladar ás crianzas que non

camiñan da man.

⁂ Evitaremos o uso de colchonetas porque dificultan o movemento. Usaremos o

propio chan ou tapices.

⁂ Facilitaremos o desenvolvemento motor a través do xogo espontáneo, en

diferentes espazos e superficies: aula, patio, corredoiro, usos múltiples,

camiños sensoriais,...








4. DESCANSO

Evitar situacións de angustia que alteren o descanso.

Respectarase o ritmo de descanso de cada nena e neno. Non se espertan nin se

manteñen espertemos para comer.

No primeiro trimestre pódese utilizar a zona de descanso de 0-1, para nenas e

nenos que precisan maior intimidade á hora do descanso.

Manter o espazo de durmir limpo, ordenado e ben ventilado. As mantas

mándanse a lavar para a casa cunha frecuencia mensual.

Respectarase o uso de chupetes e obxectos de transición, aínda que se

procurará a independencia dos mesmos. Identificar estes materiais.

Anticipar a acción: agora imos durmir, recollemos e imos durmir, logo de comer

imos durmir,...

Favorecer a autonomía respectando o ritmo de cada crianza.

Establecer unha rutina común que sexa doada de identificar por educadores e

nenos:

o Coller a caixa persoal.

o Quitar zapatos, calcetíns e pantalón.

o Gardar a roupa dentro da caixa.








o Agardar a ser chamado para cambiar o cueiro.

o Cambio de cueiro.

o Coller chupete da caixa (no centro da aula) ou repartir chupetes.

o Deitarse na cama, taparse, durmir.

Establecer rutinas á hora de levantar do descanso:

o Non levantalos nada máis abrir os ollos. Respectar cada ritmo, algúns

levantaranse de seguida outros precisaran dun tempo.

o Gardar chupete na caixa do chupetes.

o Coller a caixa persoal e levar á educadora para que o prepare.

o A medida que avanza o curso, poden quedar sentados na cama coa caixa e

intentar vestir os calcetíns, pantalón e zapatos unha vez que xa se

efectuou o cambio de cueiro.

A partir do terceiro trimestre ofréceselles sentar no WC antes e despois de

durmir aos que mostren interese (poderá ser antes se observamos ese interese

nalgunha crianza).

Unha vez vestidos, collen a axenda da gabeta (progresivo segundo a idade) e

favorecemos que a coloquen no seu casilleiro.








5. HIXIENE

Individualizada. Momento tranquilo e relaxado para a nena e neno.

Na medida do posible, todas as educadoras manterán a mesma rutina no cambio:

Anticipar a acción (trasladarlle ao neno que o colles para levalo a cambiar,

avisar cando é máis pequeno e preguntar cando é máis maior).

Tombar con coidado no cambiador (cunha man na cabeza para tombalo), ou

solicitar que se deite aos máis maiores.

Ter sempre as cousas necesarias antes de iniciar a actividade: roupa de

cambio, luvas, toalliñas, cueiro, crema,...

Quitar os zapatos (de telos postos) e logo o pantalón. Se é necesario, logo a

camiseta e body.

Solicitar a colaboración (estirar brazos, responder coa mirada, coa actitude

relaxada,...) e agardar por ela. Tanto no desvestido como no vestido. Na

medida do posible, a educadora verbalizará as súas accións e as anticipará.

Se está moi entretido no seu xogo, pódese esperar a cambialo ou a que o

propio neno manifeste sinais de estar incómodo.








Nas nenas e nenos maiores favorecerase o cambio de pé:

o Porque os nosos ollos están ao mesmo ángulo e podemos aproveitar

para conectar e falar.

o Porque poderá comezar a ver como baixa e sobe o

pantalón/braga/calzón e incluso colaborar a facelo.

o Porque podrá coller o cueiro e tiralo ao lixo.

o Porque estando de pé será máis consciente de porqué precisa ser

cambiado.

o Porque pode comezar a limparse el mesmo.

Durante o cambio de cueiro ou hixiene evitaremos interromper a actividade,

e evitaremos interrupcións innecesarias (na medida do posible garantir que a

outra educadora está co resto de nenos, senón deixar unha proposta para

evitar conflitos mentres atendemos ao neno na súa hixiene persoal).

As zonas de hixiene non son almacén: deben permanecer libres e

coidadosamente ordenadas e ventiladas.

En canto se poñen de pé por si mesmos, lavan as mans; antes e despois de

comer na pía, mentres a hixiene será na zona da bañeira sentados.








6. O XOGO E MATERIAIS DE XOGO

O principal xogo vai ser o seu PROPIO CORPO.

Na medida do posible, trataremos de empregar materiais naturais para

traballar as sensacións a través do seu corpo: teas, botellas de sons,

axóuxeres,...

NON SE LLES OFRECE O MATERIAL NA MAN.

O material de xogo será presentado en CESTOS para facilitar a orde e a

accesibilidade libre e voluntaria.

Na medida do posible, o material e a proposta de xogo manterase nos recantos,

alfombras ou tapices, para favorecer un ambiente ordenado.

Unha vez se advirta a dispersión da nena e neno co material proposto,

recollerase e farase outra proposta.

Na medida do posible, á hora de recoller solicitamos o material ao neno, non llo

retiramos da man sen avisar.

Favorecemos a súa colaboración para recoller e ordenar, non a impoñemos. A

maior garantía de neno ordenado é que o seu referente afectivo sexa ordenado.








PROPOSTAS ESPECÍFICAS PARA 1-2

PROPIO CORPO TEAS

BOTELLAS SENSORIAISCESTO DOS TESOUROS (pedras, piñas,

flores, cabazas, cunchas, CD's,..)

CAIXAS SORPRESA TOBOGÁN








CONSTRUCIÓNS. ENCAIXABLES EAPILABLES.

BOTES E TAPAS

PELOTAS MÓDULOS DE PSICOMOTRICIDADE

TIPI (tenda campaña)EXPERIENCIAS, PANEIS E CAMIÑOS

SENSORIAIS








ESCONDITE CONTOS

TRICICLOS E COCHES BALANCÍN

TRASVASES HEURÍSTICO








AUGA AREA

INSTRUMENTOS MUSICAIS ANIMAIS

INSTALACIÓNS XARDÍN SONORO








MESA EXPERIMENTACIÓN COIDADO DE ANIMAIS/HORTA

XOGO DE LUCES/LANTERNAS RODAS/CAIXAS FROITA

GARAXES/COCHES/TRENS MATERIAL SIMBÓLICO/DISFRACES








DESENVOLVEMENTO DO XOGO NO SEGUNDO ANO DE VIDA

IDADE COMO ACTÚA A NENA ENENO

MATERIAIS

12-15 meses Deixa caer e colocaobxectos máis pequenosdentro dun obxecto maior econ abertura, sácao e volvemetelo.Coloca, move e empurraobxectos.Manipulan e experimentancon todo tipo de obxectos.

Botes e tapas.Cesto con obxectosPelotas Recipientes Contos

15 – 18 Apila tres cubos

Empurran/arrastranxoguetes

Disfruta mirándose aoespello

Lanza unha pelota

Baila cando escoita música

Deslízase polo esvaradoiro

Apilables

Encaixables

Bloques

Recipientes

Pelotas

Espellos

Contos

18 -24

Apila máis de tres pezasChuta unha pelotaSalta/Trepa/CorreHeurísticaImitación

Espellos

Bloques

Animais

Contos

Triciclos

Area e AugaBonecosMaterial heurístico








MOBILIARIO PICKLER

MATERIAL CARACTERÍSTICAS

A motricidade libre e a posibilidade de despregar assúas iniciativas propicia na nena e neno recorrer atodo o repertorio de movementos que ten á súadisposición; de acordo ao seu nivel dedesenvolvemento escolle o que mellor se adapta ásúa acción.

O triángulo de Pickler é un elemento motriz que llespermite moitas accións ás nenas e nenos: subir,baixar, trepar, saltar, xirar,…

O descubrimento por parte dos bebés de que podendesprazarse, cara os sete u oito meses, representaun gran cambio na súa vida: ademais do cambiopostural que xa tiñan conseguido, poden ir descubriro espazo ou un obxecto que lles chame a atención. Ocrecemento psicomotriz toma impulso e os bebésmostran unha gran satisfacción ao comprobar assúas capacidades.

A motricidade libre e a posibilidade de despregar assúas iniciativas propicia na nena e neno a posibilidadede recorrer a todo o repertorio de movementosque ten á súa disposición; de acordo ao seu nivel dedesenvolvemento escolle o que mellor se adapta ásúa acción.

O arco Pickler é un elemento motriz que llespermite moitas accións ás nenas e nenos: subir,baixar, trepar, saltar, xirar,…








7. ROL DO ADULTO

Atención aos sinais de comunicación da nena e neno. Os silencios e as miradas

como formas de comunicación. Anticipación das súas accións co corpo do neno ao

neno (vouche limpar o nariz, collereite,...)

Traballo en equipo.

Comunicación bidireccional coas familias. Non xulgar. Informar das nosas liñas

de actuación, respectar as súas.

Seguimento do desenvolvemento evolutivo da nena e neno a través do diario de

aula.

Compromiso coa formación permanente.

Xerar espazos que estimulen a aprendizaxe autónoma.

Favorecer a autonomía da nena e neno. Autorregulación. Darlles tempos.

Facer propostas, solicitar, pedir axuda, evitar dar ordes,...

Acompañamento respectuoso no caso dos conflitos ente iguais. Avaliación da

situación. Evitar xulgar.







UNHA PROPOSTA PEDAGÓXICA PARA O GRUPO 1-2 ESCOLA INFANTI DE … · 2017-11-28 · Unha proposta...

Documents

Transcript of UNHA PROPOSTA PEDAGÓXICA PARA O GRUPO 1-2 ESCOLA INFANTI DE … · 2017-11-28 · Unha proposta...