Un día no castro de viladonga
Transcript of Un día no castro de viladonga
Velaquí un anaco da historia do home
galego que nos levará a percorrer os
camiños e os arredores do Castro de
Viladonga, integrado hoxe, como hai case
dous mil anos, na paisaxe chairega.
Desde 1971, foise retirando a terra que o
cubrira co paso dos séculos, deixando á
vista así moitas das súas construccións e
dos obxectos que foran feitos e
empregados polos homes, mulleres e
nenos que deron vida a este poboado
castrexo na época galaico-romana.
Aqueles días do ano 290 da nosa Era
serían especialmente bós para Caelio,
porque os ía pasar no Castro de Vila
Dominica, a aldea dos seus avós
Circino e Alona.
Caelio, sempre atento ó que sucedía ó seu arredor e vendo que as cousas
eran algo distintas ás desta urbe na que el residía, quixo saber como era a
vida por este lugar da grande chaira lucense...
Neste Castro vivira tamén a súa nai
Nantia antes de casar co seu pai
Ambato, un bó canteiro que labraba
pedra para facer casas na cidade de
Lucus Augusti.
-- Eu sempre vivín aquí no
Castro, pero aínda recordo
ben cando me achegaba con
meu pai ata as terras dos
Coporos, perto de Lucus.
Polo camiño, el sempre me ía
contando historias dos nosos
pobos veciños, os Cibarcos,
os Seurros...
- Avó, ¿Por que non me contas o que facías cando eras pequeno
coma min?
- Moitas veces saía moi cedo da nosa casoupa para botar unhas carreiras
polo monte, pero como tiña que reparar das ovellas non podía chegar moi
lonxe. Ás veces, os homes maiores saían cazar cervos ou xabaríns, pero a
min gustábame máis ir pescar ó río e ós regatos que arrodean o Castro.
- ¿E en que pasabas
o tempo?
- ¡Que sorte tiñas!, podías
pasar case todo o día fóra da
casa. A miña nai non lle gusta
moito que ande aboiado
polas rúas de Lucus, que ás
veces están cheas de xentes
procedentes de moitos sitios,
mesmo de moi lonxe.
- Aquí no Castro sempre había algo que facer fóra da casa: eu ía
ver como traballaba o ferreiro Cloutio, que facía e arranxaba
ferramentas nun obradoiro que tiña por fóra da muralla máis alta
do noso poboado.
- Unha vez fixeramos un
taboleiro de xogo con fichas,
igualiño ós que meu pai, o teu
bisavó, vira a uns soldados
romanos que estaban na Lexión
Séptima, para aló dos montes de
Bergidum.
E cando facía bó tempo saía xogar fóra da casa co meu irmán,
mentres miña nai poñíase a fiar a lá ou o liño co que as mulleres
facían a tea dos vestidos.
-¿Ti vivías nunha desas casas redondas?
-- Si, eu vivía nunha desas e meus pais tamén o fixeron, pero agora xa van
quedando poucas, porque hai anos que se constrúen doutra forma, case
sempre cadradas. Nelas adoitaba haber unha lareira con lume, para cociñar
a comida e tamén para quentarse, porque os invernos aquí eran fríos e
longos.
- Era doutro xeito. Lembro que, cando eu era aínda un cativo, chegaban
mercaderes que viñan de Lucus, de Brigantium ou de máis lonxe, traendo
cousas feitas fóra de aquí para cambialas por outras que tiñamos ou que
faciamos nós. Pero agora utilizamos máis as moedas para mercar vidros,
ou pezas para adornar ás mulleres -e tamén ós homes-, ou algunhas
ferramentas especiais, ou vasos e pratos dun barro moi arrubiado que fan
fóra da Gallaecia, e outras cousas que xa case non recordo.
- Pois logo, se case todo o faciades
vós aquí, non tiñades que ir ás
tendas coma nós para mercar
comida, olas, teas, xerras e
cuncas...
Oíndo estas historias, Caelio foi
comprendendo como a vida mudara
dende a época en que na Gallaecia non
había máis que castros para vivir. Agora,
el dábase conta que había máis sitios
onde a xente se instalaba e traballaba,
espallados polo territorio que, desde que
el recordaba, formaba parte dun Estado
que dirixía desde moi lonxe, -desde
Roma, no Mare Nostrum- un emperador
que chamaban Diocleciano.
Puido comprobar, ademais, que moitas das ferramentas, dos costumes e das formas de vida no Castro existían desde tempos moi antigos, pois o seu avó xa as lembraba de cando el era neno.
Velaquí un anaco da historia do home galego
que nos levará a percorrer os camiños e os
arredores do Castro de Viladonga, integrado
hoxe, como hai case dous mil anos, na
paisaxe chairega.
Desde 1971, foise retirando a terra que o
cubrira co paso dos séculos, deixando á vista
así moitas das súas construccións e dos
obxectos que foran feitos e empregados polos
homes, mulleres e nenos que deron vida a
este poboado castrexo na época galaico-
romana.