teknologia berriak hezkuntzan-ereduak

2011

Egilea: Buruntza taldea

Partaideak:

Amaia Esnal

Esti Mujika

Aitziber Ugartemendia

TEKNOLOGIA BERRIAK ESKOLAN

TEKNOLOGIA BERRIAK ESKOLAN 2011

2 BURUNTZA TALDEA

AURKIBIDEA

1. KOKAPENA ............................................................................................................ 3

1.1. SARRERA ......................................................................................................... 3

1.2. ABIAPUNTUA: EUROPAR BATASUNA ............................................................... 3

1.3. EUSKAL HERRIAN GARATU DIREN EGITASMOAK .............................................. 5

2. PROIEKTUAK.......................................................................................................... 9

2.1. IKASYS PROIEKTUA .......................................................................................... 9

2.1.1. KOKAPENA ............................................................................................... 9

2.1.2. IKASYS: ZER DA? ..................................................................................... 11

2.1.3. FUNTZIOAK ............................................................................................ 11

2.1.4. HELBURUAK ........................................................................................... 12

2.1.5. IKASYS SISTEMAREN OSAGAIAK ............................................................. 13

2.1.6. PROZEDURA ........................................................................................... 14

2.2. ESKOLA 2.0 .................................................................................................... 15

2.2.1. KOKAPENA ............................................................................................. 15

2.2.2. HELBURUAK ........................................................................................... 15

2.2.3. IRAKASLEEN PRESTAKUNTZA.................................................................. 16

2.2.4. EKIPAMENDUA ...................................................................................... 17

2.2.5. EDUKIAK ................................................................................................ 19

2.2.6. LANKIDETZA PROIEKTU TELEMATIKOAK ................................................. 19

2.3. IKT HELDUTASUN EREDUA............................................................................. 23

3. ONDORIOAK ........................................................................................................ 25

4. BIBLIOGRAFIAFIA ................................................................................................ 27


3 BURUNTZA TALDEA

11 KKOOKKAAPPEENNAA

1.1 SARRERA

Gaur egungo gizartean teknologia berriek duten eragina itzela da. Informazioa ulertu

eta lantzeko modu berri bat osatu da, teknologia berrien sarrera bizkorrarekin batera.

Aurrerakuntza handiak eman dira oso denbora laburrean. Komunikabideak nagusitu

dira elkarrekintza sozialerako lanabes gisa. Aurrerakuntza hauek, informatika,

telekomunikazioak eta ikus- entzunezkoen esparruen arteko loturarekin batera eman

dira.

Informazioaren gizartea sustatzeko eta aldaketak esparru guztietara hedatzeko,

administrazioek eta instituzio publikoek politika zehatzak indarrean jartzen dihardute

azken urteotan.

Orobat, testuinguru teknologiko berrira aldaketa sustatzeko helburua duten politika

eta egitasmoak dira, telekomunikazioen esparrua egituratzeaz gain, promozionatu,

sentsibilizatu, baliabideak zabaldu eta herritarren eskura jarriaz. Funtsean, herritarren

artean informazioaren gizartean bizi eta lan egiteko moduko jakintza eta joerak

sustatzeko.

1.2 ABIAPUNTUA: EUROPAR BATASUNA

Informazio gizartea sustatzeko abiapuntua Europar Batasunaren esparruan kokatzen

da. Zehazkiago, Bangeman Informean (1994). Bertan jasotzen dira IKT –en inguruko

lehen gogoetak. Informe honek inflexio une garrantzitsua suposatuko du, ordutik

aurrera ekintza plan garrantzitsuak jarri baitira martxan. Plan bakoitzak helburu

zehatzak jaso ditu, unean uneko helburu eta beharrei loturikoak.


4 BURUNTZA TALDEA

Hezkuntzari garrantzia handia eman zaio ibilbide honetan, aldaketa prozesu honetan

funtsezko papera jokatzen duen esparrua baita. Ikuspegi hau jasotzen du “Europa a la

vanguardia de la Sociedad de la Información” planak (1996).

Egitasmoen artean, duen garrantziagatik, eEurope 2000 iniziatiba aipatu behar da,

Lisboako estrategian oinarriturikoa (1999). eEurope iniziatibaren baitan, bi plan

estrategiko garatu dira: eEurope 2002 eta eEurope 2005. Oinarrian, Hezkuntzak

informazioaren, komunikazioaren eta ezagutzaren gizartera egokitzeko ikuspegia

biltzen du, bai eta horretarako hezkuntzak funtsezko duen digitalizaziorantz urratsak

emateko helburua ere.

Hezkuntzaren esparruan urrats garrantzitsua ekarri zuen 2001. urtean Europako

Batzordeak osaturiko informeak: “Futuros objetivos de los sistemas educativos”.

Etorkizunerako helburuak bateratzea lortu zuen. Hala nola, hezkuntzaren kalitatea

hobetzea Europan, irakasleen formazioa eta alfabetizazioari garrantzia emanez;

edozein adinetan ikasteko aukera erraztu eta zabaltzea; oinarrizko gaitasunen

definizioa eguneratzea, batez ere IKT –ei loturiko ezagutzen esparruan; mugikortasun

eta hizkuntzen ezaguera sustatuz, ikaskuntzaren lurralde esparrua Europara eta

mundura zabaltzea; eta baliabideak aprobetxatzea behar eta errekurtsoak egokituz.

Ekarpen honi esker, eEurope 2002 ekintza planaren bidez Europar Batasuneko partaide

guztiei IKT –en sarrera sustatzeko beharrezkoak ziren egokitzapenak burutzeko esparru

legala osatu zen.

Aipatzekoa da eLearning (ikaskuntza teknologikoa) programa, hezkuntzan IKT –en

sarrera burutzeko bitarteko gisa. Programak hiru ildo nagusi bildu zituen: azpiegiturak,

herritarren ezagutza maila, eta Hezkuntza Sistemaren egokitzapenak.

Urte guztiotan aurrerakuntza handiak eman dira, eta egun, Lisboako helburu

estrategikoetan oinarrituta, esparru estrategiko berria proposatzen du Europako

Batzordeak: i2010 deritzona. Estatu partaideei, informazioaren gizarteak eskatzen


5 BURUNTZA TALDEA

dituen aldaketei egokitzeko gomendio eta planak zuzentzeaz gain, herritarrek

ezagutzaren gizartean behar dituzten konpetentziak zehazten dira bertan, hezkuntzak

bermatu beharrekoak.

1.3 EUSKAL HERRIAN GARATU DIREN EGITASMOAK

Euskal Herrian, Eusko Autonomi Erkidegoan eta Nafarroan gobernu autonomiko eta

foralak sustatutako egitasmoak ditugu alde batetik. Bestalde, Euskal Herri osoan

hedapena duen Ikastolen Elkarteak, Teknologia Berriak eskolan txertatzeko azken 15

urteetan garatu duen ildoa kokatu behar dugu. Izan ere, aipagarria baita Ikastolen

Elkarteak aplikazio informatikoak berritu, egokitu eta eguneratzen diharduela azken

urteotan. Edonola ere, Ikasys egitasmoak biltzen ditu IKT –ak eskolan txertatzeko

Ikastolen Elkarteak indarrean jarritako helburu eta urrats nagusiak.

Europa mailakoek ez ezik, Espainia mailan sustaturiko egitasmoek ere eragina izan

dute EAE eta Nafarroan. Lehen saiakerek porrot egin zuten Espainian, Info XXI Sociedad

de la Informaci@n para todos egitasmoak ez baitzituen bere helburuak bete. Horren

ondotik, Comisión Especial para el Desarrollo de la Sociedad de la Información sortu

zen, 2003. urtean. Ikuspegi aldaketa garrantzitsua ekarri zuen honek, IKT –ak eskolan

presente egotetik, IKT –ak eskolan txertatzera igaro baitzen. Edonola ere, aldaketa

nagusia 2004. urtean emango da, España.es planaren bitartez. Teknologia berriak

eskolan sarrera izateaz gain, horien benetako integrazioa emateko, eduki eta

metodologia esparruko egokipenetan sakonduko baita.

Araba, Bizkaia eta Gipuzkoak osatzen duten marko autonomikoak 1999an eman zuen

informazioaren gizartea eraikitzen hasteko urratsa. Europako mailarekin parekatzea

helburu zuen iniziatiba jarri zen indarrean, eEuropa plana erreferentzi gisa hartuz.

Hezkuntzan azpiegitura eta baliabideak txertatzeko pausua 2000. urtean kokatzen da,

Iniciativa 2000tres planaren baitan. 2002an ordea, hobekuntza eman zen plan


6 BURUNTZA TALDEA

berriarekin (PESI), Europa eta Estatu mailako ekintza planak erreferentzi gisa hartuta.

Ekonomia esparruan ez ezik, hezkuntzan eragina izango du, pertsona guztiei beren

garapenerako aukerak bermatzea biltzen baitu. Honela bada, eFormación ildoak,

teknologi berriak baliatuz, hezkuntzako maila eta esparru guztietan erantzun

eraginkorrak ematea izango du helburu. Beharrezkoa izango da irakasleen formazioa

ildo horretan. Horretarako baliabideak eta ekintza planak jarriko dira martxan. Gaur

egun, irakasleen formazioa sustatzeko Garatu deritzon egitasmoa dago indarrean.

Euskadi en la sociedad de la información planetik eratortzen da. Irakasleak formatzea

funtsezkoa da eskoletan IKT txertatzeko. Helburu horrekin burutzen dira irakasleei

zuzenduriko ikastaroak.

Premia I planak, EAE –ko eskola guztietan gutxieneko azpiegitura eta baliabide

teknologikoak ezartzea sustatuko du. Plan Premia II berriz, IKT –ak ikasgelara hedatzea

bultzatuko du.

Oro har, urte guztiotan emaitza garrantzitsuak lortu dira hezkuntzan plan hauei esker.

Aipatzekoa da 175/2007 Dekretua, Oinarrizko Hezkuntzari buruzko kurrikuluma

ezartzen baitu, gaitasun digitala euskal herritarrentzat gako gisa kokatzen baitu,

Europako gomendioei eta Estatuko legediari jarraiki. Honi esker, IKT informatzeko,

ikasteko eta komunikatzeko funtsezko aldagai gisa kokatzen dira.


7 BURUNTZA TALDEA

Taula 1. EAEko dekretuaren kontzeptu mapa.

Hezkuntza esparrura figura berriak ekarri zituen PESI iniziatibak, gaur egun EAE –ko

eskoletan indarrean jarraitzen dutenak: arduradun teknikoa eta IKT –en

dinamizatzailea.

Nafarroako markoan, Nafar gobernuak azken urteetan sustaturiko IntegraTic eta

InnovaTic egitasmoak aurkitzen dira. IntegraTic egitasmoa, Hezkuntza Ministeritzak

indarrean jarritako Escuela 2.0 egitasmoarekin bat egiten du, bai helburuetan, bai eta

horiek lortzeko sustatzen diren egitasmo praktikoetan ere. Innovatic egitasmoa berriz,

Euroinnova planaren baitan kokatzen da. IKT –en sustapena eta garapena ditu helburu,

Nafarroako markoan aldaketa teknologikoa eta ekonomia garapena bultzatzeko


8 BURUNTZA TALDEA

asmoz. Izaera osagarria du egitasmoak, aurretiazko egitasmoen filosofia biltzen baitu:

II Plan de Actuación para la Promoción de la Sociedad de la Información de las

Telecomunicaciones en Navarra, eta Estudio Sectorial y Plan Estratégico del Sector TIC

en la Comunidad Foral de Navarra.

Ondorengo ataletan, IKT eskolan txertatzeko helburuarekin gaur egun EAE –ko

esparruan abian diren egitasmoak landuko ditugu: Ikasys, Eskola 2.0 eta

Heldutasunaren eredua.


9 BURUNTZA TALDEA

22 PPRROOIIEEKKTTUUAAKK

Gaur egun martxan dauden proiektuak honakoak dira: IKASYS, ESKOLA 2.0eta IKT

heldutasun eredua. Proiektu hauek banan-bana azalduko ditugu datozen orrietan.

2.1 IKASYS PROIEKTUA

2.1.1 KOKAPENA

Informazio eta Komunikazio Teknologia (IKT)

alorrean 15 urte baino gehiagoko eskarmentua

metatua du eta euskarazko eta euskal kulturan

ardaztutako software kurrikularra eta aisialdikoa

ekoiztean aitzindaria izan da Ikastolen elkartea.

Aplikazio informatiko propioak sortu eta berritzera

iritsi da eta eskola barneko komunikazioa errazteko aplikazioak sortzen eta

eguneratzen ere jarraitzen du.

Ikastolek IKT planarekin dituzten helburuak

Derrigorrezko irakaskuntza amaitzerakoan, ikasleek garatu beharreko gaitasunen

artean oinarrizko IKT konpetentziak barneratuak izatea eta IKT en erabilpenaren

bitartez, beste arlo edo ikasgaietan hobekuntzak lortzea da helburu bat eta bigarrena,

IKTak txertatuz, ikastolen antolaketa eta kudeaketa eredu egokiak arakatu eta

proposatzea. Hemen kokatzen da IKASYS.

irudia 1. Haurrak


10 BURUNTZA TALDEA

Ikasleek oinarrizko IKT konpetentziak barneratuak izatea eta erabiltzeko gai izate

horretan, baliabide kurrikularrak sortzen dira eta horri erantzuteko sortzen da

proiektua.

Proiektuaren abiapuntua

Kontuan izanik ikasle bakoitza ezberdina dela eta norberak bere erritmoa duela

ikasteko orduan, bakoitzaren behar eta berezitasun horiei erantzuten asmatzea da

hezkuntzaren arazo nagusietako bat.

Eskolako zenbait eduki ariketetan landuaz eta memorizatuz barneratzekoak dira, eta

arlo horietan sortzen da zalantza gehien, hor ikusten baita alde gehien edo berezitasun

handienak ikasletik ikaslera. Bakoitzaren berezitasun horri irtenbide egokia emateko,

Ikasleek ariketa batzuei erantzun behar izaten diete edo memoria ariketak egin behar

izaten dituzte.

Gaur egun arazo honi honela erantzuten zaio, memorizatzeko diren ariketak inolako

euskarririk gabe egiten dira eta ariketa bidez landu daitezkeen eduki batzuei bide

desberdinetatik ematen zaie konponbidea:

Ikasliburua erabiliz erantzuten zaio (baina ikasliburuek ariketa berak dituzte

ikasle guztientzat), eta, batzuetan, sakontze edo errefortzu jarduerak ere

egiten dira.

Jarduera liburuak edo koadernoak erabiliz.

Fitxen fotokopiak erabiliz, edo irakasleek beraiek prestatutako diktaketa

ariketen bidez.

Honek guztiak irakasleak ikasle bakoitzaren bilakaeraren jarraipen sistematikoa era

egokian burutzea izugarri zailtzen du. Testuinguru honetan, baliabide hauek ikasle eta


11 BURUNTZA TALDEA

irakasleengana modu pertsonalizatuan iritsi ahal izateko hutsunea bete nahian sortzen

da proiektua.

2.1.2 IKASYS: ZER DA?

Ikasys proiektua Ikastolen Elkarteak garatutako hezkuntza alorreko proiektu

berritzailea da, nahiz eta azkeneko hiru urte hauetan bultzada handia izan duen

aplikazioen eta edukien garapenean.

Ikasys proiektuaz hitz egiten dugunean hainbat logo erabiltzen dira hau adierazteko

baina guk jarraian dugun irudia aukeratu dugu oso ondo adierazten bait dute hitzek eta

irudiek zertaz ari garen.

Irudia 2. Ikasys proiektuaren logotipoa.

Norberak ordenagailu bidez ikasteko sistema da eta tresna informatikoak (hardware),

aplikazio informatikoak (software), estrategia kurrikularrak (edukiak) uztartzen dituen

multzoa da. Bitarteko hauen bidez landu daitezkeen oinarrizko konpetentziak lortzeko

beharrezkoak diren baliabideen sistematizazioa bideratzen da.

2.1.3 FUNTZIOAK

Proiektuak hiru funtzio betetzen ditu:

Trebatzeko: ikaskuntzaren hainbat prozeduratan trebatzeari zuzentzen zaizkion

jarduera sistematiko eta progresiboen bilduma da. Besteak beste, kalkulua, ortografia,

problemen ebazpena, fisikaren algoritmikoak, kimikaren formulazioa,...


12 BURUNTZA TALDEA

Memorizatzeko: ikaskuntzaren hainbat eduki memorizatzea lagundu dezakeen

jarduera sistematikoen bilduma da.

Besteak beste, datu eta gertaera historikoak, geografia- toponimia, literatur obrak eta

autoreak, hizkuntza-lexikoa, formulazioa,...

Norberak berea egiteko: ikaskuntzaren maila eta erritmoa ikasleak berak, era

autonomoan eta indibidualean, dituen ahalmenen informazio eta komunikazio

teknologiak eskolan baitan, bere buruari ezartzeko eta jarduerak egiteko eskaintzen

duen prozesua da.

Irudia 3. Teknologia berriak ikasgelan.

2.1.4 HELBURUAK

Euskal Currikulumeko konpetentzia orokor eta espezifikoen lorpenerako baliabideak

garatzea, pertsona konpetentea izatea.

Egoera sinpleetatik abiatuz (aprendizaia puntualak), ikasgelan eta eguneroko bizitzan

sortzen zaizkion egoera-problemak ulertzeko eta egoera hauei aurre egiteko, ikasleari


13 BURUNTZA TALDEA

bere beharrei egokitutako tresna sendoak ematea, ezagutzak, trebetasunak eta

jarrerak era bateratuan eta integratuan erabiltzeko.

2.1.5 IKASYS SISTEMAREN OSAGAIAK

Sistemaren osagaiez ari garenean, hardware aldetik eta software aldetik ditugunak

bereizi behar dira.

Hardware aldetik: eskola beharrei erantzungo dien

eta erabiltzeko erraza eta merkea den IKASBOOK

tresna informatiko mugikorra. Tresna hau gela

arruntean integratuko da eta ikasle bakoitza bere

ordenagailuarekin arituko da.

Irudia 4. Osagaiak.

Software aldetik: atal honek hiru web aplikazio biltzen ditu, jarduerak sortzeko

eta antolatzeko aplikazioa, tresna informatiko mugikorrean jarduerak

exekutatzeko aplikazioa eta irakasleek ikasleek egindako lanen garapenaren

jarraipena egiteko aplikazioa.

Eduki kurrikular aldetik: arloka eta zailtasunaren arabera mailakatutako

jarduera sorta biltzen du. 6-12 adin bitartean arlo bakoitzeko 45.000 ariketa

sortu dira, guztira, 225.000 ariketa bost arlotan banatuta (Euskara, Gaztelania,

Ingelesa, Matematika eta Ingurunea).


14 BURUNTZA TALDEA

2.1.6 PROZEDURA

Ikasys proiektuan jarraituko den prozedura aipatuko dugu jarraian:

Kontratu didaktikoa: ikaslearen gaitasuna eta ahalmena kontuan izanik

kontratu didaktikoa egingo da, bertan, irakasleak ikaslearekin batera adostuko

du zer lan egin behar duen (zenbat ariketa, gainditu beharreko zailtasun maila,

zenbat denboran,…).

Aniztasunari erreparatzea: ikasle bakoitzak bere mailaren arabera landuko ditu

aurrez hitzartutako ariketak. Bitartean, irakasleak lana gainbegiratuko du eta

behar duen laguntza emango dio.

Dibertsifikatzea: aurrekoarekin batera, behar bereziak dituzten ikasleen

jarraipenean edota etorkinen hainbat beharretan ere lagundu dezake

proiektuak.

Ebaluazioa: ikasleak ariketak egin ahala, aplikazioak zuzendu egingo ditu; aldi bereko

zuzenketa da. Lana bukatutakoan, ikasleak, irakaslearekin batera, jardueraren

balorazioa egingo du, zer zailtasun izan duen, eta egiten duten balorazioaren arabera,

erabakiko dute zein neurri hartu behar dituzten eta zein lan konpromiso ezarriko duten

hurrengorako.


15 BURUNTZA TALDEA

2.2 ESKOLA 2.0

2.2.1 KOKAPENA

Eskola 2.0 programaren bitartez Informazioaren eta komunikazioaren Teknologiak

eskoletan sartzen dira. Ez dira informatika gela hutsak, proiektu bat da bere

osotasunean. 2009ko ekainaren 5ean Jaurlaritzaren Kontseiluak erabaki zuen Euskadin

programa hori sartzea, eta hori 2010. urteko ekitaldian ikusiko da Lehen Hezkuntzako

hirugarren zikloko ikasgelak guztiz digitalizatu, irakasleak software librea eta

metodologia berriak erabiltzeko prestatu eta multimedia-edukiak egiten direnean.

Irudia 5. Eskola 2.0.

Eskola digitalizatzeko apustu honek, ikasgelak IKTak erabiltzeko beharrezko baliabideez

hornitzea suposatu du.

2.2.2 HELBURUAK

Eskola 2.0 proiektuarekin, beste proiektu guztietan bezala, diseinatzerakoan helburu batzuk

finkatu ziren eta jarraian aipatzen ditugunak dira:

Ohiko ikasgelak ikasgela digitalak bilakatzea.

Irakasleak IKTdun gaitasunetan trebatzea.


16 BURUNTZA TALDEA

Ikasgeletako metodologia aldaketari laguntzea.

Eten digitala murriztea.

Lan dinamikoa: partehartzailea, beste ikastetxeekin lankidetzan eta sarean

sustatzea.

Heziketa kalitatea hobetzea.

Aurrez aipatu dugun moduan proiektua aurrera eraman ahal izateko IKTak erabiltzeko

beharrezkoa da baliabidez hornitzea eta baliabide hauen artean aipatzekoa da

bakoitzak behar duen ekipamendua.

Ekipamendua ez da nahikoa proiektua aurrera eraman ahal izateko eta irakasleen

prestakuntza ezinbestekoa da egunerokoan haurrekin egongo direnak izango baitira,

ezagutza minimoak hartzea ezinbestekoa da ezezaguna zaien proiektu baten aurrean

daudelako.Lehen hezkuntzako 5.mailako tutoreek eta gela horietan sartzen diren

Ingeles eta Pedagogia Terapeutikoko irakasle guztiek beharrezko prestakuntza jasoko

dute, Irakasleen prestakuntzarako metodologia alderdiei eraginez egingo dute,

lankidetza sareak sortuz eta mintegi iraunkorrak antolatuaz.

2.2.3 IRAKASLEEN PRESTAKUNTZA

Prestakuntza honetan hiru talde ezberdin bereiz daitezke:

Informatika ezagupen urriak dituenak: gutxitan erabiltzen ditu IKTak azalpenak

eta irakasgaiak emateko.

Ordenagailu erabiltzailea, dokumentu eta kudeaketa pertsonaletarako

erabiltzen du ordenagailua, tarteka ikasleekin ere erabiltzen du.

Erabiltzaile arituak, goi mailakoak, irakasgaiak emateko IKT ak erabiltzen

dituena.


17 BURUNTZA TALDEA

Prestakuntza mailak:

Hiru maila bereiz ditzakegu emango zaien prestakuntza mailari dagokionez, aurrez

aipatu ditugun ezagutzaren eta beharren araberakoak izango dira hauek

Oinarrizko gaitasunak: Ofimatika, sistema eragilea, internet.

Arbel digitala: Arbel digital interaktiboaren erabilera didaktikoa.

Web 2.0: Tresnen multzoa eta bere aplikazioa ikasgelan.

2.2.4 EKIPAMENDUA

Gela bakoitzeko ekipamendua honakoa da:

Armairu elektrifikatua eramangarrien bateriak kargatzeko eta berauek

gordetzeko, 28 ekiporentzat.

Neurriak: 82 cm x 116 cm x 54 cm (zabalera x altuera x sakonera).

Arbela digital elkarreragilea: 77”-ko azalera aktiboduna eta altuera doigarria

duena.

Neurriak: 165,7 cm x 125,7 cm x 13,0 cm (zabalera x altuera x sakonera).

MinIeramangarri bat ikasle bakoitzeko eta bi minieramangarri + TFT + teklatua

irakasleentzat.

Wifiko sarbide gune bat, gelako ordenagailuak bai intranetera bai internetera

konektatzea ahalbideratuko duena.


18 BURUNTZA TALDEA

Aurrez aipaturiko mini eramangarriak ordea ez datoz beharrezkoak diren programekin

eta beraz, ikastresnak instalatu behar dira, ikastetxean landuko dituzten edukiak

txertatuz.

Minieramangarriekin bukatzen dutenean, azpiko irudian ikus daitekeen moduan jasoak

izango dira hauek.

Irudia 6. Armairua.

IKASTETXE BAKOITZAK BERE EKIPAMENDUA

Gela bakoitzak bere ekipamendua izateaz gain, ikastetxeak orokorrean izan behar du

ere ekipamendu bat bestela ez baita posible izango gela bakoitzak ekipamendu hori

behar bezala erabiltzea. Honakoa da ikastetxeak izan beharrekoa:

Wifi kontrolagailu bat sare birtualak definitzeko, erabiltzaileak esleitzeko eta

egiaztapena eta segurtasuna kontrolatzeko.


19 BURUNTZA TALDEA

2.2.5 EDUKIAK

Beharrezkoak diren edukiak lantzeko, Agrega sarearekiko loturak ezarri eta materialen

gida bat prestatuko da.

Edukiak , kurtsoaren araberakoak izango dira: ingurune arloa, matematika, gaztelania,

ingelesa eta euskara dira Lehen Hezkuntzan lantzen direnak eta horregatik lehen esan

bezala kurtsoa eta gaiaren arabera eduki digital hauek ordenagailuan txertatu behar

dira aurrez.

2.2.6 LANKIDETZA PROIEKTU TELEMATIKOAK

Lan kooperatiboa, informazio trataera, ezaguera sorrera, disziplinartekoa, zehar

lerroak, globalizazioa, harremanak ...lantzeko aukera aparta eskeintzen dutelako

proposatzen dituzte. Ikasleek gaitasun digitala, hizkuntza komunikaziorako, ikasten

ikastea, autonomia eta ekimena, eta beste oinarrizko gaitasunak lortzeko bitarteko

estrategikoak eskeintzen dituztelako.

Egun internet-ko web 2.0 tresna berriek lan aukera zabalak bezain erabilerrezak

ematen digutenez, esatebaterako: blog-ak, wikiak, webquest, txat mezularitza, sare

sozialak... izugarrizko indarra har dezakete, ikas-irakas prozesuetan estrategikoki

txertatuz gero. murgiltzeko. Beraz, Lankidetza Proiektu Telematikoak, ondo garatuz

gero etorkizun handiko proiektuak dira.

Jarraian, guztiak ez aipatzearren, bi proiektu aipatuko ditugu, asmakilo proiektua eta

Euskadin zehar izenekoa nahiz eta badiren proiektu gehiago.


20 BURUNTZA TALDEA

ASMAKILO (LEHEN HEZKUNTZAKO LEHEN ZIKLOA)

Asmakilo pertsonai bat da, honek asmakizunak proposatzen ditu hasiera batean eta

partaideak asmatzen saiatuko dira. Gero, ikasleek sortuko dituzte igarkizunak eta

LOGean argitaratzen joango dira, beste ikastetxeetako ikasleak asmatzen joango

direlarik.

Bloga http://asmakilo.blogspot.com/

Helburuak:

Proiektu honek bere helburu propioak ditu, jarraian aipatzen ditugunak dira:

Ikasle ezberdinen arteko harremanak zabaltzea.

Hizkuntza sormena eta alderdi ludikoa sustatzea.

Igarkizun testua lantzea.

Herrietako aho korapiloak, jolasak, kantak eta bitxikeriak ezagutaraztea.

Lankidetza jarrerak bultzatzea.

Lantzen diren gaitasunak hizkuntza komunikazioa, Giza eta arte kultura, ikasten

ikastea, autonomia zein ekimen pertsonala eta gaitasun digitala dira.

http://asmakilo.blogspot.com/


21 BURUNTZA TALDEA

EUSKADIN ZEHAR PROIEKTUA

Proiektu honen helburu nagusia IKTak modu eraginkorrean erabiliz Euskadiko

errealitate ezberdinen ezagutza partekatzea da, ikastetxe desberdinen arteko ikasleen

lankidetza eta harremanak sustatuz.

Lehen Hezkuntzako 2.-3.zikloko ikasleei zuzentzen zaie proiektua. Bi ikastetxeen

artean gela-bikoteak antolatzen dira. Ikastalde bakoitzak bere herri-auzo eskualde

inguruko ikerketa-lana (natura-historia-kultura-soziala) burutuko du eta beste

taldearekin partekatu/erkatuko ditu ezagupen horiek. Ekoizpen guztiak blogean

argitaratuko dira.

"Proiektuaren arrakasta ikastetxe bikote edota partehartzaileen artean suertatutako

harreman kalitateak eta elkarlanak baldintzatuko dute. Izan ere posta e-mailen edo

blog posten bitarteko komunikazio etengabea eta lan produkzioekiko feedbacka

ezinbestekoa gertatu behar da. Arrakastaren maila gorena elkarren arteko bisita

txangoa burutzea izan daiteke, bertatik bertara ikusiz ikertutako errealitateak"

Euskadin zehar proiektuarekin ibili duten irudia da azpian dagoena:

Irudia 7. Euskadin zehar proiektua.


22 BURUNTZA TALDEA

Helburuak:

Gainerako proiektuekin egin dugun moduan, zehatz azaltzen ditugu Euskadin zehar

proiektuaren helburuak zein diren:

Ikasleek IKTak, Informazioa eta Komunikaziorako Teknologiak, modu

esanguratsu eta funtzional batean erabiltzea.

Ikastetxe eta herri ezberdineko ikasleen arteko harremanak sortzea eta

bultzatzea, posta elektronikoa eta blogaren bitartez.

Ikasleek bere herriko/auzo/eskualde ingurua (natura-historia-kultura-soziala)

ezagutzea eta ezagutza partekatzea ekoizpen digitalak burutuz.

Ikasleen ekoizpenak lankidetzatik erdiestea.

Ikaseleek beste errealitate batzuk ezagutu eta baloratzea, beste ikastaldearen

ekoizpenak partekatu, interesa azalduz eta feeck-back bidaliz.

Edukiak:

Helburu hauek lortzeko, eduki batzuetan zentratuko dira ikasle eta irakasleak. Eduki

horiek ondorengoak dira:

Herria, eskualdea edo auzoko ingurune naturala, historia, kultura, gizartea.

Posta elektronikoa eta ofimatika

Google aplikazioak: docs, blogger, youtube, picasa ...

Multimedia aplikazioak: argazki digitalak, soinu-bideoa ...

Beste herrietako bisita birtualak edota in-situ eginak.


23 BURUNTZA TALDEA

2.3 IKT HELDUTASUN EREDUA

Eusko Jaurlaritzako Hezkuntza Unibertsitate eta Ikerketa Sailak, Ikastetxeetan

Informazio eta Komunikazio Teknologiak (IKT) era eraginkorrean aprobetxatzeko

helburua jarri dio bere buruari, haien administrazio eta kudeaketan eta irakatsi eta

ikasteko prozesuetan.

Lisboako estrategiaren eta Hezkuntzaren arloko 2010eko ekimen Europarraren ildotik

ikastetxeak irekiak, malguak, aldakorrak eta ingurune eta gizarteari irekiak planteatzen

ditu.

Jarraian aipatzen dugun aginduaren bidez finkatzen da honakoa:

AGINDUA, 2009ko apirilaren 1ekoa, Hezkuntza, Unibertsitate eta Ikerketa

sailburuarena. Honen bidez, ikastetxeetako teknologia-heldutasunaren eredua

finkatzen da eta ikastetxeek IKT arloan duten heldutasuna egiaztatzeko ziurtagiria

nahiz zigiluak onartzen dira.

Honek zera esan nahi du, teknologia-baliabideez hitz egiten dugunean ez garela soilik

kopuruaz eta kalitateaz ari, hauez gain bestelako ezaugarri batzuk ere badituela:

ikasleen gaitasuna eta inplikazioa Informazioaren eta Komunikazioaren Teknologietan;

irakasleen gaitasuna, IKTak dauden ikastetxeetan, irakasleak eman behar dizkio

ikasleari ezagutza eta trebezia berriak sortzeko baliabide nahiz tresnak. Ikasteko

esparru berri horietatik eratorrita, beste funtzio eta profil batzuk agertu dira: IKT

tresnak erabiltzen dituzten irakasleak, urruneko tutoreak, on-line aholkulariak,

urruneko prestakuntza-plataformetarako edukiak lantzen dituzten irakasleak,

zentroetako IKTren dinamizatzaileak, eta abar.

Gainera beharrezkoa da Hezkuntza-komunitateko gainerako eragileen inplikazioa

(gurasoak, udala, enpresak, eta abar).


24 BURUNTZA TALDEA

Eredu honek Hezkuntza-prozesuko eragileen parte hartzeak maila bakoitzean izan

dezakeen gradua eta gradu horiek egiaztatzeko erak definitzen ditu .

Ereduak bost maila ditu. Maila bakoitzean, digitalizazio-maila handituz doa eta, aldi

berean, mailak berak ezartzen ditu goragoko heldutasun-mailak lortzeko hezkuntza-ko-

munitate osoak jarraitu behar dituen lan ildoak teknologiei, prozesuei eta gaitasunei

dagokienez.

1. maila: Azpiegiturak eta gaitasuna

2. maila: Erabilera

3. maila: Ikasgela digitalizatzea

4. maila: Ikasgela birtual bihurtzea

5. maila: Ikastetxea birtual bihurtzea

Heldutasuna egiaztatzen duten ziurtagiria eta hau lortu bitarte maila bakoitza

egiaztatuko duen zigilua ezarri ditu Hezkuntza, Unibertsitate eta Ikerketa Sailak. Sail

honek berak egingo ditu dagozkion jarraipenak ikastetxeak dagokion maila edo azken

ziurtagiria jaso bitarte.


25 BURUNTZA TALDEA

33 OONNDDOORRIIOOAAKK

Egin dugun lana iturri ofizialetatik jasotako informazioan oinarritu dugu, horrez gain,

egunkari eta aldizkarietako hainbat artikulu eta irakurri ditugu ikuspegi kritiko batetik

osatuak izan direnak. Iritzi artikulu gehienen egileak irakasleak edo irakaskuntzarekin

lotura zuzena duten pertsonak eginak izan dira, honek erakutsi digu egitasmo hau

praktikara eramatean, beste hainbat esparrutan teoriatik praktikara dagoen urratsean

gertatu ohi den bezala, hainbat hutsune ageri direla.

Atal honetan beraz, erreferentzia bezala hartu ditugun edukiak ez dira mugatzen iturri

ofizialek diotenera, baizik eta gaiak berak sortu dituen kezkak eta ikuspegi kritikoak

kontutan hartu ditugu.

Teknologia Berriak ikastetxeetan sartu behar direla argi daukagu, gizartean daude eta

ikastetxeek teknologien mundu horretan bizitzeko trebetasuna garatu behar dute.

Gainera, Hezkuntza arloan aukera interesgarriak eskaintzen dizkigute.

Aipatu ditugu teknologia berriak behar bezala txertatzeko edo lantzeko egun eskoletan

dauden proiektuak.

Eskola 2.0 proiektua izan da besteak beste azkenaldian guztion ahotan egon dena.

Egitasmoa erakargarria bezain interesgarria dela uste dugu, hezkuntza sistema

iraultzeko lehen urratsa izan daiteke, baina irakasleen artean haserrea eta ezinegona

eragin ditu. Funtsarekin ados daude, zer esanik ez helburuarekin, baina programa hori

martxan jartzeko moduarekin, ez. Bat-bateko plangintza izan da, goitik behera ezarri

da, aldez aurretik prestatu gabea eta hezkuntza komunitatearekin hausnartu gabea.

Etorkizuneko irakasle gisa, bat egiten dugu irakasleen iritziarekin. Plangintza integrala

falta dela diote askok eta guk ere hori uste dugu. Irakasleek prestakuntza saioak jaso


26 BURUNTZA TALDEA

dituzte, baina, prestakuntza kaxkarra izan dela uste dugu. Besteak beste, arlo teknikoaz

gain, arlo pedagogikoari erreparatu behar zaiolako, eta programa honen helburu

pedagogikoak ez daudelako batere argi. Beste hutsune bat ere nabarmendu nahi dugu:

edukiak. Izan ere, teknologia berriak helburuak lortzeko bitarteko besterik ez dira, eta

azpiegitura horiek baliatuta ikasleak hezteko erabiliko diren edukiak sortzea

ezinbestekoa da. Ekipoak ikasgelan daude baina eramandako teknologiaren eta

irakasleen heziketaren artean desoreka dagoela uste dugu.

Ordenagailuak instalatu eta arbel digitala erabiltzeko prestakuntza jaso badute ere,

"pedagogiaren ikuspegitik" ez dute inolako azalpenik edo irakaspenik lortu

Administrazioaren partetik. Oraingoz, beraz, "irakaslearen baitan" geratuko da

ordenagailuen erabilpenaren neurria. Jakinda, gainera, ingelesez eta gaztelaniaz

material didaktikoak badauden arren, euskaraz ez dagoela ezer.

Dirutza inbertitu da teknologia berrietan baina ez da dirurik egon prestakuntza egokia

eskaintzeko.

Jaso dugun informazio guztietatik ondorio argi bat atera dezakegu: erronka honek giza

baliabideak falta dituela eta jaurlaritzak inbertsio bat egin beharko lukeela horretan.

Izan ere laguntzak ezin dira soilik bideratu azpiegitura berriak erostera. Erronka honek

giza baliabideak behar dituela azpimarratu nahi dugu, eta hainbat irakasleek esan

diguten moduan garrantzitsua iruditzen zaigu ikastetxe guztietan IKT dinamizatzaileak

izatea.


27 BURUNTZA TALDEA

44 BBIIBBLLIIOOGGRRAAFFIIAA

Losada Iglesias, D. (2009) “Marco estratégico de Euskadi ante la

Sociedad de la Información en la Escuela”. Ediciones paraninfo.

Eusko Jaurlaritza (2007)“Hezkuntza curriculuma. EHAA, 2007ko

azaroaren 13ko aldizkaria, 218 ZK. 26035-26074 eta gehigarriak”.

www .eskola20.euskadi.net

www.ikasys.net

http :/ /www.sc.ehu.es/plwlumuj/ebaluazioa_ pedagogia/praktikak/

http :/ / jakintza.net/ 2009/ 01/ 25/ ikasys -proiektuari-buruzko-iritziak/

h ttp :/ /www.slideshare.net/markelus2/heldutasun-teknologikoa

http://pnte.educacion.navarra.es/portal/

http://www.educacion.navarra.es/portal/

http://paperekoa.berria.info/harian/2009-10-

21/012/005/eskola_20_programa_egiteko_irakasleez_ahaztu_direla_uste_du_

eilas_sindikatuak.htm

http://paperekoa.berria.info/agenda/2010-03-

18/039/007/KOMUNIKAZIOA._Irlen_sarea._Eskola_digitala.htm

http://pnte.educacion.navarra.es/portal/

http://www.educacion.navarra.es/portal/

http://paperekoa.berria.info/harian/2009-10-21/012/005/eskola_20_programa_egiteko_irakasleez_ahaztu_direla_uste_du_eilas_sindikatuak.htm



http://paperekoa.berria.info/agenda/2010-03-18/039/007/KOMUNIKAZIOA._Irlen_sarea._Eskola_digitala.htm

http://paperekoa.berria.info/agenda/2010-03-18/039/007/KOMUNIKAZIOA._Irlen_sarea._Eskola_digitala.htm


28 BURUNTZA TALDEA

http://www.noticiasdegipuzkoa.com/2009/10/29/sociedad/con-eskola-20-el-

aula-se-informatiza-y-la-ensenanza-se-abre-al-mundo-digital

http://www.hikhasi.com/artikulua/1874

http://www.noticiasdegipuzkoa.com/2009/10/29/sociedad/con-eskola-20-el-aula-se-informatiza-y-la-ensenanza-se-abre-al-mundo-digital

http://www.noticiasdegipuzkoa.com/2009/10/29/sociedad/con-eskola-20-el-aula-se-informatiza-y-la-ensenanza-se-abre-al-mundo-digital

http://www.hikhasi.com/artikulua/1874

teknologia berriak hezkuntzan-ereduak

Documents

Transcript of teknologia berriak hezkuntzan-ereduak