SEMANA DE LA PAZAmets bat dut: Egunen batean, Georgiako muino gorrietan, antzinako esklaboen...

BAKEAREN ASTEA

ASTELEHENA,URTARRILAK 28

3 24/01/2019 Agregar un pie de página

AITAREN ETA SEMEAREN ETA ESPIRITU SANTUAREN IZENEAN

➢ 1964 geroztik, Gandhiren heriotza oroituz, Indarkeria eza eta Bakearen aldeko Eskolarteko Eguna ospatzen dugu urtarrilaren 30ean.

➢Antonio Flores abeslariaren abesti bat entzunez emango diogu hasiera gaurko otoitzari

https://www.youtube.com/watch?v=xrNbeLISa1c

PROMETO VER LA ALEGRÍA,

ESCARMENTAR DE LA EXPERIENCIA

PERO NUNCA MÁS USAR LA VIOLENCIA.



Bazen behin izaera zaileko gazte bat. Bazirudienhaserre zegoela beti mundu osoarekin eta harremanlatza zuen ingurukoekin. Iltzez betetako poltsa emanzion egun batean aitak pazientzia galdu eta aiurritxarrez jartzen zen bakoitzean bere logelako ateatzean iltze bat iltzatzeko esanez. 37 iltze iltzatuzituen gazteak lehenengo egunean ate atzean.

Gero eta hobeto kontrolatzen joan zen gaztea bereizaera zaila, eta iltzatutako iltze kopurua ere gutxitzenjoan zen egunak joan ahala.

Bere izaera menderatzen joatea hobe zuela pentsatuzuen iltzea gora eta behera ibili beharrean, eta iltzebakar bat iltzatu behar izan ez zuen eguna ere iritsizitzaion.

Harro eta pozik joan zitzaion aitari lortu zuena ikus zezan.Zoriondu egin zuen aitak, izaera menderatzea lortzenzuen egun bakoitzeko iltze bat ateratzen joan zedinesanez. Iltzatutako iltze guztiak ateratzea lortu zuengazteak denbora pasa ahala. Aitari dei egin zion berriroeta hala esan zion hark zentzuz: “Majo saiatu zara zureaiurri txarra menderatzen, baina begira itzazu zulotxohoriek guztiak, ate hori ez da berriro lehengoa izango.Norbaitekin haserretu eta pazientzia galtzen duzunbakoitzean, zure jokabideak eta jarrerak hemen aurreanikusten dituzun moduko aztarnak uzten dituzte.”

Irakaspena: Erdeinuz eta min emanez tratatzen ditugu zenbaitetaningurukoak, baita gehien maite ditugunak ere. Gero barkamenaeskatzen badiegu ere, egina da mina dagoeneko eta orbana betirakogeldi daiteke. Zaindu zure hitzak eta pentsa ezazu gauzak eginaurretik.

Jauna,

gure Lurra Unibertsoan galdutako astro txiki bat

baino ez da.

Guri dagokigu ideologiek, arrazak edo

koloreak zatiturik,

goseak edo beldurrak jota,

gerrek oinazetuta edukiko ez gaituzten

planeta osatzea.

Emazkiguzu indarra eta ausardia

gure seme-alabek eta

haien seme-alabek

bere buruei harro-harro

“gizaki” deitzeko aukera

izan dezaten.

BAKEAREN ALDEKO OTOITZA

“Bakea ez da desio duzun zerbait; sortzen duzun, zaren eta oparitzen duzun zerbait baizik.”


AITAREN ETASEMEAREN ETAESPIRITU SANTUARENIZENEAN.

ASTEARTEA, URTARRILAK 29

➢ Seguru jakingo duzula nor den Martin Luther King, Estatu Batuetako beltzen bozkatzearen alde, bereizkeriaren aurka eta oinarrizko beste zenbait eskubideren alde borrokatu zen Atlantan jaiotako artzain bautista.

➢Vietnamgo gerraren eta pobreziaren aurkako beste ekintza askotan ere hartu zuen parte.

➢Bakearen Nobel Saria jaso zuen 1964ean Estatu Batuetako arraza- bereizkeriaren aurka borrokatzeagatik indarkeriarik erabili gabe. Lau urte geroago, Menphisenerail zuten lagun batzuekin afaltzera zihoala.

➢Washingtonen 1963an egindako Lanaren eta Askatasunaren aldeko Martxaren bukaeran egin zuen “I have a dream” hitzaldiaren zenbait pasarte irakurtzea proposatzen dizugu.

“TXORIEN ANTZERA IKASI DUGU HEGAN EGITEN; ARRAINEN ANTZERA IGERI EGITEN; BAINA EZ DUGU ANAIA-ARREBEN ANTZERA BIZITZEKO ARTE ERRAZA IKASI.

Amets bat dut: Egunen batean, Georgiako muino gorrietan, antzinako esklaboen seme-alabak eta esklabo horien jabe ziren jauntxoen seme-alabak anaitasunaren mahaian elkarrekin eseriko direla egin dut amets.

Amets bat dut: Egunen batean, nire lau seme-alaba txikiak lurralde batean biziko direla, non ez dituzten azalaren koloreagatik epaituko, bere izaeragatik baizik.

Amets bat dut: Egunen batean, arrazistez josita dagoen Alabaman bertan, neska-mutil beltzek eta neska-mutil zuriek elkarri eskua luzatuko diotela anai-arreba bezala.

Eta hau gertatuko denean, askatasunaren oihartzuna entzun ahal izango dugunean edozein herri nahiz herrixka, estatu nahiz hiritatik, eta Jainkoaren seme-alaba guztiek - beltz nahiz zuri, judutar nahiz jentil, protestante nahiz katoliko- bere eskuak elkartuko dituztenean, orduan abestu ahal izango dugu antzinako espiritual beltz haren esana: Azkenean, aske gara!

Azkenean, aske gara! Jainkoari esker, azkenean, aske gara!

➢ Ezaguna dugu Asisko Frantziskoren otoitza: “Jauna, egin nazazu bake-lanabes”.

➢ Bakearen alde egiten dugu otoitz gaur geure eginez otoitz hori.

“Gorrotoa nagusi den lekuan maitasuna jar dezadala,

iraina nagusi den lekuan, barkamena…”

➢ Ikusi ondoko bideoa

https://www.youtube.com/watch?v=Nsl28lNo8z0




“Mundua bihar bertan amaituko dela jakingo banu ere, gaur zuhaitza landatuko nuke”.

ASTEAZKENA, URTARRILAK 30

➢ 1948ko urtarrilaren 30ean Mahatma Gandhi (arima handia) erail zuten.

➢Britainiarren esku zegoen Indiaren independentzia-prozesua gidatu zuen pentsalari, politikari eta legegizon hindua izan zen Gandhi.

➢ Borroka sistema berriak asmatu zituen, horien artean hain ezaguna den “indarkeria eza aktiboa”. Behin baino gehiagotan espetxeratu zuten, ia heriotzeraino eraman zuten zenbait gose-greba egin zituen. Fanatiko integrista batek erail zuen 78 urte zituela.

“BEGIARI BEGI ETA MUNDUA

ITSU GELDITUKO

DA.”

➢Zaila gertatzen da munduko bakeaz hitz egitea errefuxiatuek bizi duten egoera latza kontutan hartu gabe.

➢Gainditu egiten gaituen arazoa bada ere, ezin dugu ez ikusiarena egin edo beste aldera begiratu arazoa gurekin joango ez balitz bezala.

➢ Singularreko eta pluraleko lehenengo pertsonan jokatu behar ditugun lau aditzaz mintzo zaigu Frantzisko Aita Santua: babestu, onartu, sustatu, gizarteratu.

➢Ikusi ondoko bideoahttps://www.youtube.com/watch?v=VzbOWS9sVsk&feature=youtu.be

ONARTUBABESTUSUSTATU

GIZARTERATU

https://www.youtube.com/watch?v=VzbOWS9sVsk&feature=youtu.be


JAUNA,

Lagun iezadazu egia esaten boteretsuen aurrean eta gezurrik ez esaten behartsuen txaloak lortzearren.

Ondasunen jabe egiten banauzu, ez iezadazuzentzurik kendu. Arrakasta ematen badidazu, ez iezadazu apaltasunik kendu. Apaltasuna ematen badidazu, ez kendu duintasunik.

Egizu dominaren beste aurpegia ere ikus dezadala beti. Ez dezadala inor baztertu nik bezala pentsatzen ez duelako.

Nik neuk neure burua bezala maite ditzadala ondokoak. Ez nadila harro izan garaipenean, ezta etsipenean erori porrot egitean.

Gogoan izan dezadala porrota garaipenaren aitzindari dela. Erakuts iezadazu barkamena handitasunaren zeinu dela eta mendekua makurra izatearena.

Arrakasta kentzen badidazu, porrot egitetik ikas dezadala. Norbait iraintzen badut, eman indarra barkamena eskatzeko eta ni iraintzen banaute, barkatzeko.

Jauna… Zu ahazten bazaitut ez zaitez nirekin ahaztu!

“Bere buruarekin bakean ez dagoen pertsonak

mundu osoarekin izango du liskarra ”.

OSTEGUNA, URTARRILAK 31

➢Bakeari buruz hitz egitean aukera genezakeen pertsona multzo zabalaren artean, emakume ezaguna aukeratu dugu: Santa Teresa Kalkutakoa edo Kalkutako Ama Teresa.

➢ 1950ean kalkutan Karitateko Misiolarien Kongregazioa sortu zuen monja albaniarra izan zen. Kalkutako kaleetan zehar, erabat baztertuta, hil zorian zeuden pobreak, gaixoak eta umezurtzak zaindu zituen 45 urte luzez.

➢Hasiera batean Kalkutan 13 lagun baino ez zituen Kongregazioa mundu osoko umezurtz-etxe, babes-etxe eta IHESA-zentroetan zehar lau mila lagun baino gehiago izatera pasa zen. Itsu, elbarri, alkoholiko, agure, pobre, etxe gabeko, uholde, izurrite zein gosearen biktima ziren errefuxiatuei ere eskaini zien laguntza Kongregazioak.

➢ Ikusi ondoko bideoa

https://www.youtube.com/watch?v=OOMuLQE0COU

➢ Soberan daude hitzak.

➢Zenbat daukagun ikasteko gure burua “mundu garatukotzat” jotzen dugunok! Denetatik daukagu gauza bat izan ezik: gure mundua leku bizigarri, solidario, bakezale, guztiok leku eta duintasun eta eskubide berberak izango ditugun “denon etxe” egiteko “jakinduria”, alegia.

➢ Inoiz ez da berandu hasteko. Nahikoa da nahi izatea

https://www.youtube.com/watch?v=OOMuLQE0COU

➢Ama Teresaren otoitz honekin egingo dugu otoitz.

(ikasle bakoitzak esaldi bana)

Bizitza aukera bat da; aprobetxa ezazu.Bizitza edertasuna da; mirets ezazu.

Bizitza gozoa da; dasta ezazu. Bizitza ametsa da; bihurtu egia.Bizitza erronka da; egiozu aurre.

Bizitza betebeharra da; bete ezazu.Bizitza jolasa da; jolas ezazu.

Bizitza zoragarria da; zain ezazu.Bizitza aberastasuna da; kontserba ezazu.

Bizitza maitasuna da; goza ezazu.Bizitza misterioa da; argi ezazu.

Bizitza agintzaria da; bete ezazu.Bizitza tristura da; gaindi ezazu.

Bizitza gorazarrea da; abes ezazu.Bizitza borroka da; onar ezazu.

Bizitza tragedia da; mendera ezazu.Bizitza abentura da; bizi ezazu.

Bizitza zoriontasuna da; merezi ezazu.


“Bakea irribarre batekin hasten

da”.

OSTIRALA, OTSAILAK 1

➢ Gaur, ostirala, bakearekin lotuta dauden Jesusen hitz batzuk ekarriko ditugu gogora. Kontraesanak gerta dakizkiguke guri eta gizarteari. Zoratu egin ote da? Hori izan al daiteke zoriontsu izateko bidea?

ZORIONEKOAK behartsu direnak, haiena baita Zeruetako Erreinua.

ZORIONEKOAK negar egiten dutenak, poztuko baitira.

ZORIONEKOAK apalak, lurraren jabe izango baitira.

ZORIONEKOAK justiziaren gose-egarri direnak, ase egingo baitira.

ZORIONEKOAK errukitsuak, errukia jasoko baitute.

ZORIONEKOAK bihotz garbiak, Jainkoa ikusiko baitute.

ZORIONEKOAK bakezaleak, Jainkoaren Seme-alaba esango baitzaie.

ZORIONEKOAK justiziarengatik erasotuak, haiena baita Zeruetako

Erreinua.

ZORIONEKOAK niregatik jazarri eta irainka eta gaizki esaka erabiltzen zaituztenean. Poztu zaitezte eta alaitu handia izango baita zuen irabazia zeruetan, hala jazarri baitzituzten zuen aurreko profetak ere.

ZORIONEKOAK BAKEZALEAK,

JAINKOAREN SEME-ALABA ESANGO

BAITZAIE.

➢ Dozenaka nazio daude une honetan gerran: Siria, Afganistan, Pakistan, Kongoko Errepublika Demokratikoa, Irak, Nigeria… Zerrenda luzea.

➢Familia hondatuak, herrialde suntsituak, haur-soldaduak, migrazioa, errefuxiatuak…

➢ Behar- beharrezkoa dugu ekonomia, politika, gizartea eta kultura mailako aldaketa… Baina, batez ere, norberaren mailako aldaketa da beharrezkoena.

➢Ikusi ondoko bideoa. Bat egiten dugu Siriako haur hauen eskariarekin.

https://www.youtube.com/watch?v=de3B7o4MLVs



➢Zeinu txiki bat egingo dugu gaurko otoitzean:

- Zutitu egingo gara isilik.

- Gelan denok ondo ikusteko moduko Kandela txikia piztuko dugu. Musika lasaia jar daiteke lagungarri.

- Minutu bateko isilunea egingo dugu bakoitzak gerraren, terrorismoaren, bake ezaren ondorioak pairatzen ari direnen alde eskatuz.

- Gure inguruan bakean bizi ez diren pertsonen alde ere eskatuko dugu, bakardadean, baztertuta bizi direnen alde.

- Jesusek berak erakutsitako otoitza errezatuko dugu elkarrekin:

“Gure Aita, zeruetan zarena, santu izan bedi zure izena,

etor bedi zure erreinua, egin bedi zure nahia…”

GOGOAN IZAN

BAKEA EREIN ETA BABESTEA DENON EGITEKOA DA

SEMANA DE LA PAZAmets bat dut: Egunen batean, Georgiako muino gorrietan, antzinako esklaboen...

Documents

Transcript of SEMANA DE LA PAZAmets bat dut: Egunen batean, Georgiako muino gorrietan, antzinako esklaboen...