RURAL_06012eu

ALKATETZA ALCALDIA LEHENDAKARITZA PRESIDENCIA

GAROÑA 2013an ITXI / GAROÑA CIERRE 2013

LANDA ARLOKO AUZO ASANBLADA

Noiz: Astelehena, 2012ko ekainaren 4a, 18:00ak izanik.

Lekua: Herriko Plazako udal bilera-gela

Bertaratuak:

Udal ordezkaritza politikodun mahaia: Natxo Urkixo (alkatea-BILDU), Koldo

Zabala (BILDU), Amets Meaza (BILDU), Aroa Cerrada (EAJ), Juanma Ibarretxe (EAJ),

Nerea Gonzalezs (OMNIA), Paula Cuesta (PP), Julian Larisgoitia (PSE-EE).

Udal teknikari eta langile beharginak: Jokin Arruti (Obra, Zerbitzu eta Mantentze-lan

Arloko burua), Felipe Markuartu (Obra eta Zerbitzu kapataza), Fernando Hevia (Udal

Arkitektoa), Asun Duñabeitia (Landa Garapen Arloko Burua), Jon Ander Gastaka

(Basoen Arduraduna), Javi Pagaza (Ondare Arduraduna), Nerea Garaio (Aialur-

Ahokularitza Teknikoa)

Moderazioa: Jose Cerro

Aktak. Epi Zurimendi

Auzokoak: 3 pertsona (3 gizon, 0 emakume)

Auzo Asanbladaren hasiera: bertaratu diren Mahaiko eta langile teknikarien aurkezpena

eta dinamizatzaileak azaldu du batzarrak jarraituko duen tratatu beharreko gaiak

hauexek izango direla.

1.- Gobernu Taldeak azalduko du 2012 urteko udal aurrekontua.

2.- Aurreko puntuaren gaineko galdera edota azalpenen txanda.

3.- Gobernu Taldeak erantzungo die 2011 urteko Asanbladan proposatu ziren

gaiei.

4.- Aurreko puntuari buruzko argibideen txanda, zalantzak, galdera edo

iritziak.

5.- Gobernu taldeak 2011ko batzarretik datozen inbertsioetan eragina izan

dezaketen gaiak aurkeztea. Gai horietan oinarrituta zehaztuko dira gero

lehentasunak.



6.- Aurreko puntuari buruzko eztabaida.

7.- Batzarrean bertaratutakoek lehentasunak adieraziko dituzte, horretarako

emango zaizkien orrietan.

1. puntua. Gobernu taldeak 2012ko udal aurrekontuak azaltzea.

Ideia nagusiak (batzarrean erabilitako aurkezpen digitalari dagozkion diapositibak

ikusi):

Orain eman dizuegun eta gero komentatuko dugun udal aurrekontuari buruzko

dosierra informaziorako baino ez da. Agiri horren helburua da udal

aurrekontuaren funtzionamendua ulertaraztea, hau da, nondik datozen sarrerak

eta zertan gastatzen ditugun azaltzea. Aurrekontua Udalaren Osoko Bilkuran

onartutako agiria denez, aurkezpen honen helburua ez da bera aldatzeko

ekarpenak edo balorazioak hartzea. Funtsean nahi dugu zuek aurrekontuaren

tresna eta haren mekanika ezagutzea. Batzarreko inork aurrekontuari loturiko

gairen batean sakondu nahi badu, harremanetan jar daiteke Udaletxean Amets

Meazarekin, Ogasun eta Ondare Arloko zinegotziarekin.

Udal aurrekontua da herriak duen tresnarik garrantzitsuena. Aurrekontuari esker,

espaloiak konpontzen dira, belarra mozten da, ura etxeratzen da, zaborrak biltzen

dira, etab. Aurrekontuan ere auzo batzarretako eskaeren isla dago.

Laudion, aurrekontua maiatzeko Osoko Bilkuran onartu zen. Orain ari da

izapidetzen eta behin betiko izango da, ekainaren erdialdean, gutxi gorabehera.

Une horretatik aurrera erabili ahal izango dira partida ekonomikoak, inbertsioak

barne, zein bere helburu zehatzerako.

Hau azalpen laburra izango da, Udalak lan egiteko zenbat diru duen jakin

dezagun, baita nondik datorren dirua eta nondik doan ere.

Diru-sarrerak: Onartutako aurrekontua aurrekontu orekatua da, sarrerak eta

gastuak bat datoz eta. Aurrekontua guztira 22.205.730 eurokoa da. Kopuru

horretatik, sarreren % 23,33 zerga zuzenetatik dator, OHZ, Ibilgailuen gaineko

zerga, Ekonomia jardueren gaineko zerga eta Gainbalioa, hain zuzen. Sarreren %

1,17 zeharkako zergetatik dator, esaterako, EIOZ (Eraikuntzen, Instalazioen eta

Obren gaineko Zerga). Tasengatiko sarrerak % 16,55 dira eta honako hauek dira:

estolda-sarea, zaborra, hiltegia, ikastaroak, larreak, bide publikoa okupatzea,



lizentziak, isunak, ura… Sarreren atal garrantzitsuena (% 57,38) transferentzia

arruntetakoa da, Toki Erakundeak Finantzatzeko Foru Funtsetik, AFArekiko edo

Eusko Jaurlaritzarekiko hitzarmenetatik eta diru-laguntzetatik datozenak.

Azkenik, ondarearengatiko sarreren % 1,40 eta finantza-aktiboen % 0,18 daude.

Ikus dezakezuenez, udalok kanpoko finantzaketaren mendekoak gara.

Gastuak: langileriaren kapituluak (% 54,62) eta gastu arruntak (% 38,53)

hartzen dute gastu gehiena ia-ia. Ekitaldi arrunt honetan, inbertsioak –auzokoen

eskaera batzuk agertzen diren aurrekontu-zati hori- praktikan lekukotza baino ez

dira. Inbertsioetarako baliabide ekonomikoen falta hori konpentsatzeko,

diruzaintza orokorreko gerakinaz, udalaren aurrezkiez baliatu gara, 956.522

euro, aurrerantzean ikusiko dugunez.

Arloka: Obra eta Zerbitzuak (% 31,03) eta Hezkuntza, Emakumea eta Gazteria

(% 21,95) dira gastu gehien behar duten arloak. Obra eta Zerbitzuetan honakoez

arduratzen dira: babes zibila, herriko argiak, lorategiak eta parkeak, eraikinak,

ura, estolda-sarea, kale-garbiketa, zaborrak, hilerria, hiltegia eta bide publikoak.

Hezkuntza, Emakume eta Gazteria arloan honakoez arduratzen dira:

emakumeentzako programak, Lanbide Heziketako Ikastetxea, haur eskola,

eskola publikoak, Ikastolarekiko eta La Milagrosarekiko hitzarmenak, HHE eta

gazteentzako programak.

Inbertsioak: inbertsioen kapitulua azalduko dugu. Lehen diapositiban inbertsio

guztiak jaso dira, baita 2011tik datozenak ere. Horietariko batzuk amaituta

daude (Gardeako espaloia) eta beste batzuk egiten ari dira (Altzarrate plaza,

Estatuaren diru-laguntza izenduna duena). Aurreikusitako inbertsio guztietan,

gastuaren % 56 auzo batzarretan landutako gaiei dagokie. Inbertsio berrietan

jarrita, ekitaldi honetan sartutakoetan (977.272 €), gastuaren % 72 (712.207 €)

auzo batzarretan landutako gaiei dagokie.

Lan eta Zerbitzuen Foru Plana: Aurrekontuaz gain, udal proiektuak

finantzatzeko beste modu garrantzitsu batzuk daude, azpiegiturei loturikoak,

alegia. Lan eta Zerbitzuen Foru Plana da. AFAk diru-kopuru bat ematen du, guk

kopuru hori gure aurrezkien kargura osatu behar dugu (gehienez % 80raino,

proiektu-motaren arabera). Gainera, proiektu zehatzetarako baino ez du balio.

Oraingoan, LZFP 2012-2015 laurtekorako deitu dute eta gehienez bi proiektu

aurkezteko aukera izan dugu. Proiektuetako bat hitzartuta zegoen, Lamuza

parkekoa (saneamendua eta azpiegiturak). Gogora ezazue AFAk eten zituela

lehengo foru gobernuak Lamuza parkea berregokitzeko hartuta zituen

konpromisoak. Inguruabar horrek eraman gaitu proiektuaren parte bat laurteko

plan horren bitartez finantzatzera, gure aurrezkiak horretarako jarrita. Beste



proiektua Jose Matia kalea, Geltokiko plaza eta Maestro Elorza urbanizatzen

segitzea da. Hasiera batean aurreikusita genuen Zubiko kaleraino heltzea, hor

etxebizitza-blokeen barruan saneamendu-arazo gehiago dutelako. Azkenik, eta

hartu dugun programa osoa arriskuan ez jartzearren, oraingoz, proiektuaren

azken fasea egin gabe utzi beharra suertatu zaigu, Zubikori dagokiona, nahiz eta

lehentasunezkoa izan. Horrela egin ezean, diru-laguntza guztia galtzeko arriskua

genuen, uko partzialik onartzen ez dutelako. Batzuek esan dute Udala oker ibili

dela lehentasunak aukeratzen, Zubikoko lanak Geltokiko tunelak baino premia

handia zuelakoan. Baina, tunelaren lana sartu ezean, oker ibiliko ginatekeen;

izan ere, gerora tunela egiteko, urbanizazio berria apurtu beharko genukeelako.

Zubiko lana egiteko, segitzen dugu aldi baterako irtenbideak eta finantzaketa

bilatzen.

Azken sei hileotan hasi edo bukatu diren obren berri ere eman nahi

dizuegu. Diapositiban ikus dezakezuenez, hauexek dira: Altzarrate plaza,

Estatuak diruz lagunduta; Gardeako ikastetxearen aurreko espaloia, amaitu egin

dutena; Granja plazako jolasak ere instalaturik daude, HHEko eta Rosalia de

Castroko estalkiak, Latiorrondotik Goikoganerainoko oinezkoentzako arrapala,

Latiorron; Goikogane eta Apaloeta arteko oinezkoentzako ibiak; Santa Luziako

horma berreraikitzea, eta Gasteiz kalea urbanizatzea (gehien bat AFAk

finantzatuta).

Auzo Batzarren Jarraipen Batzordearen azken bileran eskatu ziguten egiteke

zeuden proiektuen zerrenda. Hori aurkeztu nahi dizuegu azken taula honetan eta

aurrekontuari buruzko dosierraren azken orrialdean.

2. puntua. Aurreko puntuari buruzko galderak edota argibideak.

Ez da formulatu galderarik gai honetaz.

3. puntua. Gobernu taldeak 2011ko batzarrean proposatutako gaiak erantzun.

Baliteke iaz gaiak azalarazi zituzten pertsonetariko batzuk hemen ez egotea.

Hala eta guztiz ere, saiatuko gara Udalaren jarrera argitzen, landutako gai guztiei

dagokienez. Denboraldi honetan aztertzen ibili gara 2011ko batzarretan

aurkeztutako gaiak, agiri bakarrean jaso ditugu eta Beharren mapa deitu diogu,

eta saiatu gara zentzuz erantzuten, nahiz eta seguruenik beti oso egokiro ez egin.



Agiri hori itzulita egon bezain pronto, herritarren parte-hartzerako webgunean

jarriko dugu; azken ukituak ematen ari gara eta laster abiatuko dugu. Ez dago

esan beharrik kontu batzuetara ez garela heldu, nahiz eta nahi ez dugun inork

interpretatzea Udalak ez duela interesik izan.

Ondoren azalduko dizkizuegu Udalak gai horietan izan dituen jarrerak,

planteamenduak; hala ere, bakarrik aipatuko ditugu datorren aurrekontuari

begira, gure iritziz, lehenetsi behar ez diren gaiak.

Ehizan aritzea etxebizitzen inguruetan. Gai honetan interesa duen duen

edozein pertsonak jakin behar du ezen Araban ehiza arautzen dutela 1/2011 Foru

Aginduak eta 2/2011 Ehizako Euskal Legeak. Ehizako Euskal Legeko 27.

artikuluak erabakita dakar zeintzuk diren segurtasun-eremuak, hala nola hartu

behar diren neurriak pertsonak eta euren ondasunak arriskuan jartzea saiheste

aldera. 27. artikuluko 3. eta 4. idatzi-zatietan erabakita dakar zer diren

segurtasun-eremuak. Nahi duenak mahaian du orri bat azalpen zehatzagoak

dituena.

Behin behineko aparkaleku bihurtzea Motxotekalen "Vallehermoso"ren

orubea Proposamen hori aztertu egin izan da eta, nahiz orubearen egoeragatiko

kezkarekin bat etorri, proposatutako soluzioa ez da bideragarria bi arrazoi

hauengatik: 1.a: Orubearen jabetza eraikitzeko lizentzia duen Vallehermosorena

delako. 2.a: Eta arean garrantzitsuagoa, lurzoruaren orografiak egokitzapena

egiteko inbertsio handia egitera beharko gintuzkeelako. Arazoaren zatirik

handiena Ikastolako eskola-sarrera eta irteera ordutegiekin bat etortzeak, behartu

beharko gintuzko gogoeta egiteko ia zein mugikortasun ohiturak hartuta ditugun.

Trukeak. Trukeen ekimena aurkeztu zen barreiatuta eta sakabanatuta zeuden

orube-jabetzak elkartzeko; jabetza horiek baziren norbanakoenak zein

Udalarenak. Partzeka homogeneoagoak egitean datza gakoa. Suertatzen ari da

izaten izapide konplexua eta iraupen luzekoa. Egun jasotzen ari gara truke

horiek egiteko Aldundiaren baimenak. Etorri dira eskatutakoen % 70aren

gaineztik. Behin horiek jaso ostean, lurzoruen desatxikipen prozesuari hasiera

eman behar zaio. Hori Osoko bilkurak onartu behar du. Izapide hori gauzatuta,

notaritzako lanei ekingo zaie. Nahiz eta ebazpena laster barru batekoa izango ez

den, sartzen ari gara prozesuaren amaieran.

Abere Hiltegian txerri hiltzea ere bere lanetan sartzea. Laudioko Abere

Hiltegia egiten ez duen bakarra da Araban eta Bizkaian. Mantentzearen aldeko

apustua egin dugu. Inbertsio handiak egiten ari gara Abere Hiltegian, Osasun

Sailak eginiko eskaeretara egokitzeko eta bere lana gauzatzen eta prestatzen

jarraitu ahal izateko. 2011 urtean zehar, inbertitu dugu 99.725 € eta aurtengo



aurrekontu ekitaldi honetan aurreikusita dauden inbertsioek duten balioa 130.000

€-koa da. Aurreikusita dago balitekeela eguazten edo azteazken honetan osasun

baimenaren zigilua ematea. Egun, Abere Hiltegiak eguneko gehienez ere 20 buru

sakrifikatu ahal ditu behi, ardi eta ahuntzen artean. Kanporatuta geratu dira

txerriak, bestela ezin izango genituzke gure erkidegoan oso zorrotzak diren

osasun betebeharrak eta baldintzak. Oilaskoen kasuan, badoaz hiltegi

berezituetara.

Birlandatzeen politika, landare berriak sartzekoa. Erakunde publikoek

bultzatu ohi dituzten birlandatzeak badira intsignis pinua ez diren zuhaitz

hostotsudunak. Eukaliptoaren kasuan, diru laguntza bada 0 €koa. Laudio Udalak

ez du birlandatzerik sekula egiten eukaliptoarekin eta oso gutxitan

intsignisarekin. Zenagortagana-Urkitzan kokatuta dagoen diapositibako

argazkiaren kasuan (ikus aurkezpen digitala), birlandatu diren 21,75 hektareak

egin izan dira itsas pinuz, urkiz, pagoz, astigarrez eta gaztainondoz.

Landa-eremuetako kolektore fekalak Udal arkitektoaren arabera, bai lurzoru

urbanizagarrian, bai urbanizagarria ez den lurzoruan, urbanizatzeko ardura eta

erantzukizuna titular eta norbanako bakotzari dagokio.

Santa Luzia txukundu eta balioan ipintzea. Santa Luzian hainbat enplegu

programa gauzatu egin dira, orain Lanbiderekin –lehen INEMekin- lankidetzan;

horri esker berriro konpontzen ari dira, besteak beste, ingurumariko harrizko

hormak. Enpleguko talteak amaitu egin du bere kontratua orain dela gutxi.

Badugu asmoa jarraitzeko programa horiekin.

Bazkaleku eta Larreen Politikak. Larreen kudeatzea bada zerbait orain dela

urte askotatik hona egiten ari dena Udala, AFA eta Larreetako Batzordearekin

elkarlanean. Badugu ordenantza bat mendi publikoaren (edo Gorbeia aldetik

harantza ere darabilgunez, "herri basoaren" erabilera hori arautzen duena. Oro

har era zuzenean funtzionatzen du, nahiz eta ohikoaz gainetiko ustiapen

larregiko kasu batzuk dauden aztertzen ari garenak soluziorik onena bilatzeko.

Kontuan izan behar da ezen, Bizkaian ez bezala, izan ere, lurralde horretan

badagoen “Base Gorria” baimen barik larrean dabiltzan abereak erretiratzek

agintea duena; Arabako kasuan ez dago zerbitzu hori, beraz kontrola egiteko

baliabideak ez dira nahikoak. Nabarmendu nahi dugu, guzti horretaz gain eta oro

har, larreen erabilera zuzena egiten dela.

4. puntua. Aurreko puntuari buruzko argibideen txanda, zalantzak, galdera edo

iritziak.



Bertaratutako pertsona batek adierazi du arazoei irtenbidea ematen aurreratu egin

beharra dagoela, zeren eta, bere iritziz, horiek landa arloan askozaz ere

garrantzia gehiagokoak diren eta lirateke ondoko hauek: Santa Luzian uraren

arazoa eta Santa Luzian aldi baterako jardunei ekitea, harik eta Plan Berezi hori

erredaktatzen den, hala nola aspaldiko bolatokiaren lehengoratzea eta

berreskuratzea.

5. puntua. Gobernu taldeak 2011ko batzarretik datozen gaiak aurkeztea,

inbertsioetan eragina izan dezaketenak. Gai horietan oinarrituta zehaztuko dira

gero lehentasunak.

Dagoeneko esan dugunez, batzarren helburuetako bat da bertaratzen zaretenok

adieraztea auzo bakoitzean zein diren lehentasunak edo gai premiazkoenak. Atal

hau amaituta, tarte bat izango duzue adierazteko zuetariko bakoitzaren ustez

premiazkoena zein den. Hiru jarduera adierazteko eskatuko dizuegu, modu

honetan: garrantzitsuenari 1, hurrengoari 2 eta garrantzian hirugarrenari 3 bat

jarrita.

Ondoren, 2011ko batzarrean proposatu eta gure ustez inbertsioa behar duten, eta

ondorioz lehenetsi beharko liratekeen gaiak aurkeztuko dizkizuegu. Uste

baduzue inbertsio-proposamenen bat jaso barik dagoela eta nahi baduzue

eztabaidan sartzea, esan eta taulan “besterik” izeneko lerroan sartuko dugu.

Ekaineko 24 batzarrak amaitzen direnean, inbertitzeko 24 proposamen izango

ditugu eta horiei buruzko informazio guztia jaso eta aurkatu beharko dugu, gero

azaroko batzarretan, eta horretarako berariaz sortutako guneetan, udal mailako

lehenespena egiteko.

Gogoratu jarduerak lehenesteko ekintza funtsezkoa dela, udalaren baliabide

ekonomikoak mugatuak direlako eta proposatutako guztia egin ezin delako.

Olarteko Presa egokitzea. Badago Herriko Etxean proiektu bat Olarteko

Presaren ondoko esparrua egokitzeko, aisialdirako gune berria sortuta bere

inguruan. Bada 2007 urteko proiektu bat, 2288.083 €ko aurrekontua duena.

Inbertsio hori egiteko eskumena udalarena da.

Lamuza Parkeko Erreforma edo eraberritzea. Lamuza parkearen gaineko

jabetza eta eskumena Arabako Foru Aldundiarenak dira. Badago Plan Berezi bat

parkearen ete eraikinen erreformarako, baina Aldundia bera da hori egin behar

duena. Aurrekontua aurkeztu dizuegunean, azaldu dizuegu jadanik Lamuza



parkeko saneamenduaren eta azpiegituren erreforma txertatuta geratu direa lau-

urteko honetako Obra eta Zerbitzuetako Foru Planean. Ekimen horren

zenbatekoa bada 1.266.034 €, eta horietarik 331.000 € badira saneamendua

eramateko Zumalakarregiko oboideraino. Obra hori amaitu ostean, oraindik asko

geratuko da egiteko parkean eta bere eraikinetan. Ikusarazi egin behar diogu

AFAri bera tarteko izateak duen garrantzia.

Landa-errepideak eraberritzen jarraitzea Aurten, sartu egin dugu

Aurrekontuan 60.000 €ko inbertsio bat 4 landa bideen erreformarako (Beldui,

Dubiriz, Saltarriaga eta Zugatzu). Landa errepideak asfaltatzeko aurreproiektutik

oraindik geratuko litzateke gauzatu barik 638.000 €, oraindik euren erreforma

eta aurrekontuen zain dauden 10 errepideetan banatuta dagoena. Diapositibako

argazkietan ikusi ahal duzue udalerriko landa arloko errepideen egoera zein den.

Santa Luziako Ababetxearen erabilerak definitzea. Santa Luziari buruzko

hausnarketa-gogoeta ezin da gehigo beratentsi ez eta belutu. Santa Luzia bada

parerik ez duen parajea eta udalerrirako erreferentzia paisajistiko, historiko eta

ingurumenekoa. Lanean ari gara Plan Berezi bat egiteko Santa Luziako

multzoaren erabilerak definituko dituena –abadetxearenak barne- Plan horren

erredakzioan nahi dugu islatuta egon dadila herritarren partaidetza; horretarako

iritziak jasotzeko eta kontrastatzeko beharrezko espazioak prestatu eta eskainiko

dira.

Santa Luzia edateko uraz hornitzea Santa Luzia ez da landa arloko alde

bakarra gaur egun oraindik Laudion edateko urik ez daukana. Kasu honetan,

arazoa aurkezten ari da, behin eta berriro, orain dela urte batzuetatik honako

Asanbladetan. Gure erabakia izan da behin betiko soluzio bat bilatzea eta

saihestea kontsumorako uraren hornidura osasun kontrol barik egitea.

Horrexegatik erredaktatu dugu, aurten urtean zehar, Dubiriz aldetik Santa Luzia

edateko uraz honitzeko proiektu bat. Proiektu horren zenbatekoa 165.294 € da.

6. puntua. Aurreko puntuari buruzko eztabaida.

Ez da galderarik ez eta iritzirik formulatu.

7. puntua. Batzarrean bertaratutakoek lehentasunak adieraziko dituzte,

horretarako emango zaizkien orrietan (ikus I. eranskina).



GAIA ESKUMENA ZENBAT € LEHENTASUN-

MAILA

HAZTAPENA

Santa Luzia ur

edangarriaz

hornitzea

Udala 165.294,26.- 11 1

Santa Luziako

Abadetxeko

erabilerak

definitzea

Udala 2 0.75

Larreei arreta

gehiago eskaintzea

Udala 3 0.5

Olarte presa

egokitzea

aisialdirako

(2007ko

proiektua)

Udala 228.083,43.-

Landa errepideen

erreforma (2012ko

aurreproiektuaren

arabera)

Udala

Lamuza Parkeko

Erreforma edo

eraberritzea.

Arabako Foru

Aldundia

Lehentasunak adierazteko orrialdearekin batera, beste orrialde bat emango da, eta bertan

eskatzen zaie bertaratutako pertsonei, “udal azalpenak entzun ostean”, zehazteko

sakondu behar diren gaiak (ikus II. eranskina). Proposatutako gaiak ondorengoak dira:

Ura Santa Luzian eta larren kontrola; zeren, Santa Luziako kasuan, elkarrekin

zuzenean harremanetan baitaude.

Santa Luziako Abadetxea. Premiazkoa definitzea zer nahi duen Udalbatzarrak.

Proiektua.

Lantzeko gai gehiagorik gabe, batzarra amaitutzat eman da.

1 Haztapen baloreak: 1 = 1, 2 = 0,75, 3 = 0,5



I. ERANSKINA:



II. ERANSKINA:.

RURAL_06012eu

Documents

Transcript of RURAL_06012eu