Presentashon: Pasa límite

Meta di kampaña WE CAN YOUNG

Oumentá resistensia ora ta trata sèks i relashon bou di hóbennan:

• Tin rèspèt pa bo mes límitenan i esnan di otro• Konosé formanan di komportashon seksual ku ta pasa

límite.• Konsientisashon di e efekto di desigualdat bou di género:

formanan di abusu i e diferensianan entre e ròl di mucha hòmber ku mucha muhé den nos komunidat

• E presentashon aki ta bai tokante e 1e dosnan.

Komportashon seksual (ku ta pasa límite)

Diferensia di eksperensia entre mucha hòmber i mucha muhé:

• Mucha muhé ta eksperensiá sèks mas negativo ku mucha

hòmber.

• Mucha hòmber hopi biaha ta mas satisfecho ku nan mes

kurpa.

• Tambe mucha muhé ta eksperensiá mas doló ora di sèks.

• 23%* di mucha muhénan ta haña nan promé biaha

ferfelu, pa e mucha hòmbernan esaki ta 5%*.

*sifra ta representá e situashon na Ulanda

Komportashon seksual ku ta pasa límite

Komportashon seksual ku a pasa límite:

• Si e promé biaha tuma lugá promé ku 13 aña, 33%* ta

obligá.

Preferensia seksual ta difísil pa sali afó:

• 51%* di e mucha hòmbernan i 25%* di e mucha muhénan

ta desaprobá ora mucha hòmbernan sunchi otro.

• 16%* di e mucha hòmbernan i 24%* di e mucha muhénan

ta desaprobá ora mucha muhénan sunchi otro.

*sifra ta representá e situashon na Ulanda

Komportashon seksual deseá

Ki ora e komportashon ta eksperimental i ki ora e ta pasa límite? Pa esaki tin seis regla:

• Duna pèrmit (boso tur dos mester ke).

• (Propio) boluntat (ta fòrsa?).

• Igualdat (tin unu ku ta manda?).

• Edat apropiá (e ta kuadra ku bo?).

• Konteksto apropiá (e ta klòp ku bo ambiente?).

• Rèspèt propio (e komportashon ta dañino pa bo òf otro persona?).

Komportashon seksual ta pasa límite ora un di e kriterionan aki ta ousente.

Duna pèrmit

E otro ta bisa si, nò òf e ta duda?

Esun ku bisa A, ta bisa solamente A. Pa B tambe mester di pèrmit .

Ta resultá ku pa mucha hòmbernan (i adulto tambe) hopi biaha ta difísil stòp ora kuminsá. Komunikashon verbal (harimentu no ta un Si) i ora un hende ta bou di influensha, no ta un ehèmpel di aseptashon.

Pèrmit di tur partido ta un nesesidat.

Propio boluntat

Ta trata di obligashon?

Obligá un hende ku un kuchú ta opvio ku ta un forma di obligashon. Mas tantu biaha ta bini dilanti formanan sutil manera: konvensé un hende pa hasi sèks, chantahe (mi ta konta bo mayornan si...) òf preshon di amigunan. Tin biaha hendenan ta aseptá bou di preshon. Naturalmente esei no ta un pèrmit di bèrdat; bo no a haña esei boluntario.

Propio boluntat, sin ningun forma di obligashon òf preshon (pisá) di grupo ta un nesesidat.

Igualdat

Mi (sèks) partner ta dominá mi?

Por ehèmpel na mas ku sinku aña di diferensia di edat por tin preshon di esun mas grandi. Òf si tin diferensia den posishon, esun ku tin mas poder ta disidí.

Pensa riba e pispaal (nerd) den klas ku e player di skol. Pasombra e tin mas poder i pa e motibu ei e chèns ta mas grandi pa e pasa bo límitenan. P’esei un adulto no por tene relashon seksual ku un hóben bou di 16 aña (ta kastigabel).

Igualdat entre (sèks) partner ta un nesesidat.

Edat apropiá

E ta kuadra ku bo edat?

Algun hóben ta kuminsá trempan, i otronan mas lat. Pero for di investigashon a resultá ku ora e promé biaha tuma lugá ku 13 aña òf mas yòn, 33%* di nan ta konvensí òf fòrsá.

Bo no ta nunka bieu pa eksperimentá, pero si muchu yòn. Mayoria biaha ta asina ku mas grandi bo ta mas mihó bo sa kiko bo ke òf nò ke. Bo ta bira ménos fásil pa influensia.

Edat apropiá ta di importansia.

*sifra ta representá e situashon na Ulanda

Konteksto apropiá

E ta kuadra ku e situashon?

Ora bo ta bai misa i bo ta bisti un bikini (òf paña sèksi) esei no ta apropiá, pero si bo ta bai laman òf bo ta na kas esaki ta aseptabel i ningun hende no tin molèster di dje.

I loke bo mes famia a base di kultura, kerensia, ambiente ta haña normal, mayoria biaha ta normanan personal. E diferensia den loke por òf no por ta, mirando bo propio desendensia, tin biaha hopi grandi. E norma nunka lo no por hasi daño den bo desaroyo (seksual) saludabel.

Komportashon den konteksto apropiá ta di importansia.

Rèspèt propio

E komportashon ta hasi daño na bo mes òf otro?

Bo ta haña normal pa ora bo tuma bebida den un bar ku bo mester duna algu a kambio? Bo ta haña ku bo por obligá un hende pa bo haña bo kièr?

Pone atenshon riba e echo ku bo por kuida bo mes i otronan bon òf evitá di hasi bo mes doló. Rèspèt propio ta bai tokante sufisiente konfiansa den bo mes i un imágen propio positivo, asina bo por protehá bo mes kontra situashonnan fèrfelu i no duna otronan eksperensianan negativo.

Rèspèt propio ta di importansia.

Reglanan pa tene relashon seksual

Duna pèrmit (P) Boso tur dos ke?Propio boluntat (B) Tin indikashon di obligashon/preshon?Igualdat (I) Tin un hende ta dominá?Edat adekuá (E) E ta kuadra ku e edat?Konteksto adekuá (K) E ta un molèster, ta choka òf ofendé otronan? Rèspèt propio (R) Loke bo ta hasi no ta dañino pa bo (físiko i/òf

síkiko)?

Komportashon seksual ta pasa límite ora un di e kriterionan aki ta ousente.

Ban praktiká Puesss …..

Kiko abo ta pensa:

• Esun ku bisa A, mester bisa B tambe (P).• Hasi ferfelu pa sèks mester por (B).• Mi tin 13 i mi mes mester sa kon leu mi ta yega ku un hende

di 17 aña (I).• Mi ke pèrdè mi señorita promé mi hasi 15, si nó mi ta kana

atras kompará ku sobrá (E).• Den mi kamber mi tin poster kologá di hendenan sunú h/m,

no ta problema tòg? (K)• Un striptease dilanti webcam no por hasi daño (R).

Tarea

Ki tarea bo por hasi?

• Duna informashon na grupo: sistema di bandera/

(Vlammende vlaggen).

• Pone ponensianan na e kriterio korekto (den e forma di traha na

ponensia i dilemanan)

• Preshon di grupo

• Kiko e ta bisa bo?