PLIEGO DE PRESCRIPCIONES TECNICAS PARA LA PRESTACIÓN DE ...€¦ · Web viewProiektuko geometria...

PLT-C-2012-0013AH/PS

EZAUGARRI TEKNIKOEN AGIRIA, GI-632 ERREPIDEAREN, URRETXU/LEGAZPI LOTUNEA—BERGARA (AP-1 AUTOBIDEKO LOTUNEA) SAIHESBIDEA EGITEKO PROIEKTUAREN 2. SEPARATA BERRIKUSTEKO OBRAREN ZUZENDARITZARI LAGUNTZA TEKNIKOA EMATEKO. BIDEZATIA: ANTZUOLAKO ERDI-LOTUNEA—BERGARA (AP-1 AUTOBIDEKO LOTUNEA)


AURKIBIDEA

1.- AGIRI HONEN HELBURUA

2.- KONTRATUAREN HELBURUA

3.- ADMINISTRAZIOAK EMAN BEHARREKO DOKUMENTAZIOA

4.- PARTE HARTUKO DUTEN PERTSONA FISIKO EDO JURIDIKOEN DEFINIZIOA. ESKUMENAK, EGINKIZUNAK ETA ERANTZUKIZUNAK

4.1. Parte hartuko duten pertsona fisiko edo juridikoen definizioa.4.1.1. Administrazioa.4.1.2. Kontratuaren zuzendaria.4.1.3. Obrako zuzendaria.4.1.4. Aholkularia.4.1.5. Laguntza Teknikoa emango duen taldea.4.1.6. Obrako Zuzendaritza.4.1.7. Aholkulariaren eskuordea

4.2. Eginkizunak eta eskumenak.4.2.1. Administrazioaren eskumen eta eginkizunak.4.2.2. Kontratuaren zuzendariaren eskumen eta eginkizunak.4.2.3. Obrako zuzendariaren eskumen eta eginkizunak.

4.3. Erantzukizunak4.3.1. Zuzendaria, Obrako Zuzendaritza eta Obrako Zuzendaritzaren Laguntza Teknikoa4.3.2. Aseguruak

5.- OBRAKO ZUZENDARITZAREN LAGUNTZA TEKNIKOAREN ETA ADMINISTRAZIOAREN ARTEKO HARREMANAK

6.- OBRAKO ZUZENDARITZA TALDEA

7.- OBREI EKIN AURRETIK BURUTU BEHARREKO JARDUERAK7.1. Proiektuaren azterketa7.2. Eskaintza teknikoaren eta obren kontratista esleipendunarekin egindako proiektuaren

azterketa 7.3. Obren garapenean eragin dezaketen kanpoko baldintzen azterketa7.4. Proiektua lursailari egokitzea

7.4.1. Zuinketak7.4.2. Geoteknia7.4.3. Inguruko eraikuntzetan gerta litezkeen afekzioak

7.5. Zuinketa egiaztatzeko akta7.6. Lan Programaren azterketa7.7. Laneko Segurtasun eta Osasun Plana

8.- OBRAK GAUZATZERAKOAN BURUTU BEHARREKO JARDUERAK8.1. Lursaila eta materialak egiaztatzea

8.1.1. Geometria zuinketak8.1.2. Lursailak8.1.3. Materialak

8.2. Obren jarraipena eta kontrola8.2.1. Kontratistak egindako Kalitatea Segurtatzeko Planaren jarraipena8.2.2. Kalitatea Segurtatzeko Ikuskatze Planaren garapena8.2.3. Lan Programaren jarraipena8.2.4. Jarraipenaren hileroko txostena (JHTX)8.2.5. Obraren kontrol kuantitatiboa eta hileroko ziurtagiriak.8.2.6. Bide Segurtasunaren eta Laneko Segurtasun eta Osasunaren jarraipena8.2.7. Ingurumen eraginak zuzentzeko neurriak ezartzearen jarraipena8.2.8. Karga-proben jarraipena eta egiaztapena.8.2.9. Obrako txostenak8.2.10. Obraren amaierako txostena eta Artapen eskuliburua.

9.- OBRAK HARTZEKO ETA LIKIDATZEKO JARDUERAK9.1. Obrak hartzea9.2. Gauzatutako obren amaierako ziurtagiria9.3. Obrak likidatzea

10.- AHOLKULARIAK EGIN BEHARREKO JARDUERA OSAGARRIAK10.1. Eraikuntza fasean zehar egin beharreko lan osagarriak10.2. Aldaketak eta lan osagarriak erredaktatzea10.3. Gainazalaren erregularitatea (I.R.I.) neurtzea, bai geruza ertainean, bai errodadurako

geruzan.

11.- EPEA

12.- OBRAKO ZUZENDARITZA TALDEAREN HORNIDURA12.1.- Langileak12.2.- Instalazioak eta ekipoak12.3. Ibilgailuak 12.4. Kanpoko adituak

13.- PROPOSAMEN EKONOMIKOAREN BANAKAKETA13.1. Oinarrizko prezioak13.2. Banakako prezioak13.3. Eskaintza ekonomikoa eskuratzea

14.- LAGUNTZA TEKNIKOA NEURTZEA ETA ORDAINTZEA


ERANSKINAK:

1. ERANSKINA – LANTALDEAREN HORNIDURA

2. ERANSKINA – OBRAKO BERTAKO BULEGOA ETA EKIPAMENDUA

3. ERANSKINA: ZENBATEKO EKONOMIKOAREN JUSTIFIKAZIOA

4. ERANSKINA – OBREN BEHIN BETIKO EGOERAREN PLANO TAKIMETRIKOAK EGITEA


EZAUGARRI TEKNIKOEN AGIRIA

1.- AGIRI HONEN HELBURUA

Ezaugarri Teknikoen Agiri honen helburua da Gipuzkoako Foru Aldundiaren Bide Azpiegituretarako Departamentuarekin egingo den zerbitzu kontratuko lanak deskribatu eta zehaztea, eta kontratua arautuko duten baldintza teknikoak finkatzea, honako obren zuzendaritzari laguntza teknikoa emateko: “GI-632 ERREPIDEAREN, URRETXU/LEGAZPI LOTUNEA—BERGARA (AP-1 LOTUNEA) SAIHESBIDEA ERAIKITZEKO PROIEKTUAREN 2 ZK. SEPARATA BERRIKUSTEKO”. BIDEZATIA: ANTZUOLAKO ERDILOTUNEA—BERGARA (AP-1 LOTUNEA) (Gakoa: 1-V-12/2011-B-S2-RP)”

2.- KONTRATUAREN HELBURUA

Kontratuaren helburua da obraren zuzendaritzari laguntza teknikoa ematea honako lan honetan:

LAGUNTZAREN GAKOA: 1-V-12/2001-B-S2-RV-DOOBRA: GI-632 errepidearen, Urretxu/Legazpi lotunearen eta Bergararen artean (AP-1rekiko

lotunea) saihesbidea eraikitzeko proiektuaren 2 zk. separata berrikustea. Bidezatia: Antzuolako erdilotunea–Bergara (AP-1 lotunea). (1-V-12/2001-B-S2-RP)

OBRA MOTA: Errepide berria. UDAL BARRUTIAK: Urretxu, Antzuola eta Bergara.LURRALDEA: Gipuzkoa.OBRAREN ESLEIPENDUNA: Esleitzeke.PROIEKTUA KONTRATA BIDEZ GAUZATZEKO AURREKONTUA: 75.111.515,24 euro.OBRA GAUZATZEKO EPEA: 25 hilabete.OBRAREN HASIERA DATA: 2012ko abendua.

Kontratuan sartuko dira, besteak beste, honako jarduera hauek:

Kalitatea Geometrikoa kontrolatzeaAholkularitza geologikoaLaneko Segurtasuna eta Osasuna koordinatzeaIngurumen baldintzen jarraipenaObren behin betiko egoeraren planoak egiteaAdituen laguntza (aholkularitza egituretan, geologian, geoteknian eta ingeniaritzan, oro har), obrak erakusten dituen premien arabera.

Kontratuan sartua egongo da, halaber, proiektu aldatuak edo osagarriak egiteko behar den laguntza ematea (kalkuluak eta eranskinak egitea, eta beharrezkoa den lan oro), hala nola proiektua likidatzeko proiektua egiten laguntzea.

3.- ADMINISTRAZIOAK AURKEZTU BEHARREKO DOKUMENTAZIOA

Aholkulariak, Proiektuaren Ezaugarri Tekniko Orokorren Agirian eta Ezaugarri Tekniko Berezien Agirian adierazitako arauez gain, honakoak hartuko ditu kontuan: Sustapen Ministerioaren arauak; Gipuzkoako Errepide eta Bideei buruzko Foru Arauaren Testu Bateratua onartzen duen 1/2006 Foru Dekretu Arauemailea, ekainaren 6koa; obretako segurtasun eta osasunari buruzko legeria; eta indarrean dauden gainerako xedapenak.

Administrazioak Eraikuntza Proiektuaren ale oso bat, paperean, jarriko du Aholkulariaren esku, eta berorren jatorrizko bertsioa prestatuko dio, euskarri informatikoan, pdf kopia bezalaxe.

Era berean, proiektuaren aurrekari eta tramitazioari, hala nola obraren desjabetze eta kontratazioari dagokionez, kontratua gauzatzeko interesgarria izan litekeen dokumentazio guztiaren kopia bat emango dio.

Halaber, agindu liburuak eta Segurtasun eta Osasun arloko gorabeheren liburuak eskuratuko dizkio, baita beharko dituen zerrenda baloratuak, ziurtagiriak, eta abar egiteko ohiko inprimakiak ere.

4.- PARTE HARTUKO DUTEN PERTSONA FISIKO EDO JURIDIKOEN DEFINIZIOA. ESKUMENAK, EGINKIZUNAK, ERANTZUKIZUNAK.

4.1. Parte hartuko duten pertsona fisiko edo juridikoen definizioa.

4.1.1. Administrazioa

Behar den guztirako, Administraziotzat joko da Gipuzkoako Foru Aldundiko Bide Azpiegituren Zuzendaritza Nagusia, eta horrek indarrean dagoen legeriaren arabera beteko ditu bere eskuduntzak.

4.1.2. Kontratuaren zuzendaria

Bide Azpiegituren Zuzendaritza Nagusi horrek zuzendari bat izendatuko du kontratu honetarako, eta kontratuan parte hartuko duten gainontzeko pertsona fisiko edo juridikoen aurrean, Kontratuaren zuzendari hori izango da Administrazioaren ordezkaria. Zuzendariak lantalde bat ere izan dezake berarekin, eta lankide horiek guztiak ere Zuzendaritza Nagusiak izendatuko ditu.

4.1.3. Obrako zuzendaria

Agiri honetan definituko diren lanen arduraduna Gipuzkoako Foru Aldundiko Bide Azpiegituren Zuzendaritza Nagusiko Bide, Ubide eta Portuetako ingeniaria izango da. Honek lantalde bat izan dezake berarekin, eta lankide horiek ere Zuzendaritza Nagusiak izendatuko ditu. Bera izango da Obraren zuzendari teknikoa. Kontratu honetan, pertsona bera izango da Kontratuaren zuzendaria eta Obrako zuzendaria.

4.1.4. Aholkularia


Kontratu honen enpresa esleipenduna. Obren kontratista ez bezala, kontratista aholkularia esanda ere identifikatu ahal izango da.

4.1.5. Laguntza Teknikoa emango duen taldea

Giza baliabide guztien multzoa da, titulazio egokiarekin eta behar besteko ezagupenez hornituak, Aholkulariak kontratu hau betetzeko izendatuak.

4.1.6 Obrako Zuzendaritza

Obrako zuzendariak, honen laguntzaileek, eta Laguntza Teknikoa emango duen lantaldeak osatuko dute.

4.1.7 Aholkulariaren eskuordea

Aholkulariaren eskuordea esatean, Aholkulariak, kontratuko betekizun guztiak betetzetik datozen egintza guztietan, Aholkularia ordezkatzeko berariaz izendatu eta Administrazioak onartutako pertsona ulertu behar da.

4.2. Eginkizunak eta eskumenak

4.2.1. Administrazioaren eginkizun eta eskumenak

Indarrean dagoen legeriak xedatzen dituen eginkizun eta eskumenak dagozkio Administrazioari, eta horiek legeak aurreikusten duen moduan beteko dira. Bereziki, obrak eta zerbitzuak onartzeko gaitasuna dagokio eta, ondorioz, kontratuan parte hartzen duen pertsonala proiektuko lanetan onartzeko edo kentzeko gaitasuna dauka, baldin eta horretarako arrazoiak badaude. Hala, proiektuarekin eta araudi aplikagarriarekin bat egin beharreko lanaren kalitate eta zehaztasuna kaltetuko duten jarduerak edo hutsegiteak egiten direnean, edota obrak gauzatzeko bide zuzena edo lan programak betetzeko bide ona nahasten eta arriskuan jartzen denean, Administrazioak neurri zehatzak eta eraginkorrak hartzeko eska dezake, dagozkion kontratuak gauzatzeko ordena zuzena berreskuratzeko.

4.2.2. Kontratuaren zuzendariaren eskumen eta eginkizunak

Kontratuaren zuzendariak eginkizun administratibo, ekonomiko eta teknikoak beteko ditu Aholkulariaren Eskuordeari dagokionez. Hori dela eta, egon daitezkeen eskuorde eta arduradunek, Kontratuaren zuzendariak emandako aginduak beteko dituzte. Alabaina, bere eginkizunen esparruan har ditzakeen erabakien erantzukizuna bere gain hartuko du zuzendariak.

Kontratuaren zuzendariak ez du erantzukizunik izango laneko segurtasun eta osasun neurrietan, seinalizazioan eta balizak jartzean, horien erantzukizun osoa obren kontratistari baitagokio. Kontratuaren zuzendariak ez du zerikusirik izango, halaber, Obren kontratuak obren kontratistari ezartzen dizkion erantzukizunetan. Obren kontratistak edo kanpoko laborategiek egindako entseguetan ere ez du erantzukizunik izango, ez eta entsegu horien emaitzen erabileran ere.

4.2.3. Obrako zuzendariaren eskumen eta eginkizunak.

Obrako zuzendariak obrako zuzendari teknikoaren eginkizunak beteko ditu, eta berak zuzendu, kontrolatu eta ikuskatuko du Aholkulariaren eta obren kontratistaren jarduera, gauzatzen diren lanak ahal den zuzenen Administrazioaren aldekoak izan daitezen. Bere eginkizunak, oro har, SPKL eta HHKLTB legeetan, BAOA agirian eta eta PG-3an (101.3 artikulua) adierazitakoak izango dira.

Agiri honetako ondorengo puntuetan definituko dira eginkizun espezifikoak, betiere kontuan izanik Obrako zuzendariari dagokiola:

Jarduteko lehentasunak zehaztea, hala behar denean.

Obra unitateak aldatzea edo unitate berriak gehitzea ezinbestekoa bada, Administrazioak onartu egin beharko ditu, Obrako zuzendariak egindako proposamenaren argitan. Nolanahi ere, Obrako zuzendariak, egoki bada, aldaketak edo unitate berriak gauzatzeko bi aukera aztertuko ditu gutxienez.

Era berean, Obrako zuzendariaren ardurapekoak izango dira Kalitate kontrola, hartutako laginen, egindako entseguen, kontrolen, egiaztapenen eta kalitate txostenen zehaztasuna, eta kontrol-lan horietatik ondoriozta daitezkeen erabaki betearazleak.

Obra gauzatzen den bitartean, Segurtasun eta Osasuneko koordinatzailea proposatuko du, eta hori, laguntza teknikoko lantaldeko kide bat izango da.

Obrako zuzendaritza, funtsean, Bide Azpiegituren Zuzendaritza Nagusiaren ordezkari gisa arituko da obren defendatzaile eta administratzaile moduan, harik eta lanak hartu arte. Beraz, proiektua zehaztasunez gauzatzen saiatuko da, bai alderdi teknikoei dagokienez, bai ekonomikoei zein epeei dagokienez ere, eta obra berak kontrolatuko du hasi eta bukatu arte.

Obrako zuzendariak ez du erantzukizunik izango Obrako Zuzendaritzari laguntza teknikoa emateko zereginak betetzean gerta daitezkeen egintza, hutsegite edo beste batzuei eragindako kalteetan, baldin eta Administrazioarekin egindako kontratuak emandako eginkizunetan gertatu badira.

Obrako zuzendariak, eraikuntzaren sektorean azpikontratazioa arautzen duen 32/2006 Legean ezarritako betekizunak eta araubidea behar bezala betetzeaz arduratuko da. Gainera, aipatutako lege horrek 5.3 artikuluan aurreikusitako azpikontratazio-katea aparteko kasuetan handitzeko baimenik ere ezin izango du eman, baldin eta aldez aurretik kontratazio organoaren berariazko baimen idatzia jaso ez badu.

4.3. Erantzukizunak

4.3.1. Zuzendaria, Obrako Zuzendaritza eta Obrako Zuzendaritzaren Laguntza Teknikoa

Obrako zuzendaria, obrako zuzendari tekniko den aldetik, dagozkion eginkizunetan hartzen dituen erabakien eta hutsegiteen erantzulea izango da.


Laguntza Teknikoko Lantaldeko kideek, garatzen dituzten lanen eta eskaintzen dituzten prestazio eta zerbitzuen kalitate teknikoaren erantzuleak izango dira, baita kontratua gauzatzean burutzen dituzten hutsegiteek, akatsek, metodo desegokiek edo okerreko ondorioek Administrazioari edo hirugarrenei dakarzkieten ondorioen erantzuleak ere. Eta, kontratuan edo obran parte hartzen duten langileek burututako egintzen erantzukizuna, Aholkulariaren Eskuordearen gain edo Aholkulariaren beraren gain joango da.

4.3.2. Aseguruak

Esleipendunak, derrigorrez, aseguru poliza bat kontratatu beharko du bere kontura, kontratuaren iraunaldi osorako. Aseguru horrek, kontratu honetako baldintza administratiboen agiriko bidezko artikuluan zehaztutako ezaugarriak eta helmena izango ditu.

5.- OBRAKO ZUZENDARITZAREN LAGUNTZA TEKNIKOAREN ETA ADMINISTRAZIOAREN ARTEKO HARREMANAK

Aholkularia izango da Obrako zuzendariarekiko solaskidea. Zuzendaritzak hari egingo dio kontsulta, aurrez, kontratuko dokumentuetan ezarritako kalitate, prezio edo epe baldintzetan edozein motatako aldaketa ekar dezakeen erabaki bat hartzeko.

Administrazioak Aholkulariari emango dizkion aginduak, Obrako zuzendariaren eskuz bideratuko dira normalean.

Administrazioak eta bereziki, Obrako zuzendariak, kontratu honetako esleipendunaren bulegoko ateak irekita izango dituzte, lanak hobeto ikuskatzeko eta betetzen direla bermatzeko. Administrazioak, Aholkulariak izango dituen obrako berariazko bulegoak ez ezik, obra gauzatzen den bitartean eta Obrako Zuzendaritzari laguntza teknikoa emateko kontratuaren bermealdia bukatu arte, Gipuzkoako lurralde historiakoan bulego iraunkorrak edukitzea exiji dakioke Aholkulariari, betiere bidezko arrazoiak emanda.

Ekipo eta material guztiak ikuskatu ahal izango ditu Administrazioak, eta behar den moduan edo egokieran ez badaude, aldatu egin beharko dira.

Obrako zuzendariak, edozein unetan eta behar den guztietan, esleipendunak kontratuari atxiki dizkion langileetako edozein aldatzeko exijitu ahal izango dio esleipendunari, obraren martxa onerako egokia dela iruditzen bazaio. Esleipendunak hamabost (15) eguneko epea izango du gehienez ere agindutako aldaketa gauzatzeko.

6.- OBRAKO ZUZENDARITZA TALDEA

Agiri honetako 4 epigrafean adierazitakoari jarraituz, halakotzat hartuko da aurreko artikuluetan adierazitako eginkizunak eta hurrengo artikuluetan aipatuko diren lan eta jarduerak behar bezala egiteaz arduratuko diren pertsona guztiez osatutako taldea.

Obrako Zuzendaritza Taldeak, honako kideak izango ditu: Obrako zuzendaria, Bide Azpiegituren Zuzendaritza Nagusiak haren langileen artetik izendatua, eta gutxienez, Ezaugarri Teknikoen Agiri honetako 1. eranskinean, kontratu hau bultzatu duen obrako zuzendariari Laguntza Teknikoa emateko Lantalde gisa ageri den pertsonala.

7.- OBREI EKIN AURRETIK BURUTU BEHARREKO JARDUERAK

Lehiaketa esleitu ondoren, eta Obrako Zuzendaritzaren antolaketa finkatu eta gero, hainbat lan egingo dira, hain zuzen “Obra egin aurretiko txostena” eta “Zuinketa egiaztatzeko akta” prestatzearren.

7.1. Proiektuaren azterketa

Aholkulariak proiektuaren dokumentazioaren analisia egingo du, eta horretatik ondorioztatzen direnak jasoko ditu, bereziki azpimarratuz honakoak:

Memoria eta eranskinak

- Obraren errealitateari egokituak.Planoak

- Kalitate onekoak eta zehatzak izango dira, eta obraren errealitateari egokituak.

Ezaugarri Teknikoen Agiria

- Luze eta zehazki aztertuko da. Bereziki aztertuko dira: betekizunen zehaztasuna, oroharreko partiden eta prezioen definizioa, neurtzeko eta ordaintzeko irizpideak, hala nola planoen koherentzia.

Neurketak

- Oso-osorik aztertuko dira, proiektuko gainerako dokumentuekin kontrastatuta.

Prezioen taulak

- Prezioen zehaztasuna, definizioa, egokitasuna eta aurrekontu aplikazioarekiko korrespondentzia aztertuko da.

Aurrekontua

- Prezioen zehaztasuna eta aurrekontu aplikazioarekiko korrespondentzia aztertuko da.

Proiektuan ez agertu arren, ustez beharrezkoa izan daitekeen obrarik badagoen egiaztatuko da; eta bereziki, honakoak aztertuko dira:


Mugakideen behin betiko edo behin-behineko sarbide premiak mantentzeko egin beharreko obrak.

Azaleko eta sakoneko drainatzeak. Ur ibilguen ondoko eremuen babesa. Trafikoa mantentzeko neurriak. Oroharreko partidak nahikoak diren. Egituren zehaztasuna. Ukitutako zerbitzu aldaketen zehaztasuna. Gainontzeko lanen definizioa. Baldintza-agiriak Obrako zuzendariaren esku uzten dituen erabakien zerrenda.

Era berean, definizio geometrikoari, zehaztapen kualitatiboari eta obrak gauzatzeko erari dagokienez proiektua nahikoa den aztertuko da. Hori dela eta, proiektuko dokumentu guztiak aztertuko dira, eta obra behar bezala egiteko behar diren definizio osagarriak proposatuko. Kontuan harturik proiektuko informazio teknikoa funtsezkoa dela, 7.1.4.2 atalean hori aipatu da, eta baita lursailaren errealitatearekin duen lotura ere.

7.2. Eskaintza teknikoaren eta obren kontratista esleipendunarekin egindako proiektuaren azterketa

Obrako zuzendariak eskaintza aztertu egingo du, alderdi guztiak aintzat hartuta (materialak, makineria, kalitate kontrola, pertsonal teknikoa), eta alderdi interesgarri guztiak Obrako zuzendariari emango dizkio aditzera, txosten baten bidez.

7.3. Obren garapenean eragin dezaketen kanpoko baldintzen azterketa

Obrako zuzendariak aztertu egingo ditu, proiektua onartu eta gero erakundeek edo partikularrek bidalitako txosten, idatzi eta alegazioak, baldin eta lanekin zerikusia badute. Eta, egingo duen txostenean, beharko balitz, egokitzat jotzen dituen jarduerak proposatuko ditu.

Beste baldintzatzaile bat, beharrezko lursailak eskura izatea litzateke. Obrako zuzendariak, desjabetze espedienteen egoerari buruzko datuetan oinarrituta, obrak egiteko beharrezkoak diren lursailak, obretarako sarbideak barne, eskatuko dio bere kontrol geometrikoko lantaldeari. Horrela, lursailak erabat eskuratzeko zein arazo dauden erabakiko du, eta gauzatze prozesua gelditu beharra ekar lezaketen puntu kritikoak zehaztuko. Ondoren, Obraren Programa betetzeko neurri egokiak proposatuko ditu.

Obrako zuzendariak, ukitutako zorpen eta zerbitzuak leheneratzeko xedez proiektuetan jaso diren aurreikuspenetan eragingo duten baldintza errealetan aldaketarik egon den ikuskatuko du, esate baterako: bideak, komunikazio bideak, uraren, gasaren, argindarraren, telefoniaren eta hodiak, eta abar.

Obrako zuzendariak emandako informazioan oinarrituta, ukitutako erakundeek eman beharreko baimenen espedienteen egoera aztertuko du Obrako Zuzendaritzak, eta obren programak betetzeko neurri egokiak proposatuko.

7.4. Proiektua lursailari egokitzea

Proiektua lursailari nola doitzen zaion aztertuko da, honako alderdi hauei dagokienez:

7.4. 1. Zuinketak

- Laguntzako oinarrizko sarea eta zuinketako oinarriak ikuskatuko dira, hala nola bi horien birjarpenak, behar denean.

- Trazadura zuinketari egokituko zaio lurrean.

- Desjabetutako lursailak zuinketari egokituko zaizkio.

- Pasabideko obren argiak gainditu beharreko baoei egokituko zaizkie.

- Datuak prestatuko dira, zuinketa ziurtatzeko akta egiteko.

7.4.2. Geoteknia

Proiektuko hipotesi geologiko eta geoteknikoak teknikoki egiaztatuko dira, eta errealitateari egokituak dauden ikuskatuko. Beharrezkoak diren entsegu, laginketa eta zundaketa osagarriak ez dira Aholkulariaren konturakoak izango; bai ordea, proiektuko datuetan, bere ikuspegian eta datu osagarrietan oinarrituta egingo duen azterketa.

Informean, gutxienez, honako gaiak azalduko dira:

- Proiektuko hipotesien egiaztapena, lurren kalitateari dagokionez.

- Proiektu bereko hipotesien egiaztapena, lubakien zimenduen, lubeten oinarrien eta ezponden kalitateari dagokionez.

- Egituren zimenduen analisia.

- Mailegu eta zabortegien azterketa.

- Ur ibilguen analisia.

- Zundaketa edo laginketa gehigarrien proposamena.

- Harrobien eta aztarnategien azterketa.


7.5. Zuinketa egiaztatzeko akta

Aurretiazko txostena osatzen duten obrei ekin aurreko jarduerei buruzko txosten partzialez gain, “Zuinketa egiaztatzeko akta” egingo da lanak gauzatzeko kontratuan aurreikusitako epearen barruan. Akta horretan zehaztuko da, egoki bada, obrak noiz hasiko diren.

7.6. Lan Programaren azterketa

Obrako Zuzendaritzak kontratistak proposatutako Lan Programa aztertuko du, baita kontratistak programa hori egiteko erabili dituen gauzatze metodoak, ekipoak, materialak, azpikontratistak, eta abar ere. Ondorioz, helburuak betetzeko aukerari buruz eta baliabide gehigarriak aurreikusteko premiari buruz dauzkan iritziak azalduko ditu egoki gerta daitekeen txostenean. Gai hau barru-barrutik aztertuko du Obrako zuzendariarekin.

Aipatutako txostenean, kontratistaren programarekin bat etorriz, honako gaiak sartu beharko ditu:

Obraren exekuxioa baldintzatzen duten lan nagusiak antzematea.

Maneiatu beharreko material nagusien bolumenak, eta horiek garraiatzeko eta biltegiratzeko behar diren baliabideak.

Proiektuan aurreikusitako gauzatze metodoak eta behar diren ekipoak:

Indusketak egiteko modua, egungo baldintzatzaileak eta makineria mota egokia. Indusketak egiteko neurri bereziak, hau da, bankaden altuera kontrolatuta egingo diren leherketetan hartuko diren neurri bereziak, proiekziorik gerta ez dadin. Harria mailu hauslez industeko makineria eta baliabideak.

Egiturak eraikitzeko metodoak: zinbriak, aurrera egiteko orgak, enkofratuak, garabiak, tenkatzeak, eta abar.

Bidezoruak egiteko instalazioak eta makineria, Agirian gai horri buruz emandako jarraibideak aintzat hartuta.

Eraikuntza-eragiketen hurrenkeran lehentasuna merezi duten jarduerak aztertuko dira, batez ere lanen epeetan eragin dezaketen eragiketenak.

Era berean, kanpoko baldintza klimatikoen ondorioz gauzatze lanetan izan daitezkeen eragozpenak ere aztertuko dira.

Aztertu egingo dira proiektuan aurreikusitako lanak eta programaren egokitzapena obraren zertzelada zehatzetarako (hasteko garaia, zerbitzu ukituak, irtenbiderik eman gabeak), helburuak betetzeko aukerarekin eta aurreikusi beharreko behar osagarriekin batera.

Obrak gauzatzeko prozesuaren azterketa ere egingo da. Obraren kontratistaren eskaintzan proposatutako gauzatze epearen egokitasuna ere aztertu egin behar da.

Lanak programatzeko txosten honetan, obrek dirauten bitartean kontratistak aurkez ditzakeen lan programa desberdinen azterketa ere gehituko da.

Halaber, premiazkoak gerta daitezkeen epeen luzapen orokor edo partzialei buruzko informazioa ere emango da.

7.7. Laneko Segurtasun eta Osasun Plana

Obraren gauzatze aldian, laneko segurtasun eta osasunaren arloko koordinatzaileak, kontrataturiko Laguntza taldekoa izango denak, kontratistak egindako laneko segurtasun eta osasun plana ikuskatuko du.

Plana, Obraren gauzatze aldian laneko segurtasun eta osasunaren arloko koordinatzaileak egindako txostenaz eta Obrako zuzendariaren onespenaz, Administrazioari igorriko zaio, honek behin betiko onar dezan.

8.- OBRAK GAUZATZERAKOAN BURUTU BEHARREKO JARDUERAK

Egin beharreko obren Zuzendaritzak gutxienez honako oinarrizko lanak hartuko ditu bere gain:

a.- Lursaila eta materialak egiaztatzea.

b.- Obren jarraipena eta kontrola.

8.1. Lursaila eta materialak egiaztatzea

Eginkizun honetako lanak bi taldetan banatuko dira:

Geometria zuinketa. Lursailak egiaztatzea. Materialak egiaztatzea.

Proiektuko geometrian eta materialetan edozein aldaketa egiteko, Obrako zuzendariaren berariazko baimena beharko da, eta Bide Azpiegituren Zuzendari Nagusia jakinaren gainean jarriko.


8.1.1. Geometria zuinketak

Jarduerak:

Proiektuko geometria ikuskatzea eta lurraren topografia egokitzea, sare geodesikoarekin loturik.

Proiektuko geometria ikuskatzea eta desjabetutako lursailei egokitzea.

Obrako zuzendariak egoki irizten badio, obrei ekin aurretik benetako zehar profilak hartzea, kontratistarekin batera.

Argiak gainditu beharreko baoei egokitzea, eta fabrikako obren luzerak nahiz murruen neurriak egokitzea.

8.1.2. Lursailak

Jarduerak:

Masen diagramako kasu desberdinak egiaztatzea eta, zundaketak edo laginketak proposatzea, halakorik behar bada.

Lubakien hondoen euste-gaitasunari buruzko baldintzak, aurreikusitako datuak eta beharrezkoak izan litezkeen egiaztapenak.

Lubeten asentu baldintzak, aurreko kasuan bezalaxe.

Aurreikusi diren edo beharrezkoak izan litezkeen hondakindegien erabilgarritasuna egiaztatzea.

Fabrikako obren zimenduen euste-gaitasuna.

Ibilguak: indusketak egiteko aukera, eta abar.

8.1.3. Materialak

Jarduerak:

Obretan erabiliko diren materialen definizioa.

Proiektuan aurreikusitako harrobiak, aztarnategiak eta maileguak badaudela egiaztatzea, eta horien kalitatea eta eraginkortasuna ikuskatzea.

Kontratistaren proposamenak aztertzea, eta horiek proiektuan eskatzen den kalitate mailara egokitzea.

8.2. Obren jarraipena eta kontrola

Eginkizun honetako lanak honako multzoetan bil daitezke:

Kontratistak egindako Kalitatea Segurtatzeko Planaren jarraipena. Kalitatea segurtatzeko ikuskatze planaren garapena. Lan Programaren jarraipena. Obraren jarraipenari buruzko hileroko txostena. Obraren kontrol kuantitatiboa eta hileroko ziurtagiriak. Obrako segurtasunaren (errepidekoa eta lanekoa) jarraipena. Ingurumen eraginak zuzentzeko neurriak ezartzearen jarraipena. Karga-proben jarraipena eta egiaztapena. Obrako txostenak. Obra amaierako txostena.

8.2.1. Kontratistak egindako Kalitatea Segurtatzeko Planaren jarraipena

Kontratistaren Kalitatea Segurtatzeko Planari jarraipena egingo zaio, kontratistak lortutako datuak fiskalizatuko dira, plan horri atxikitako baliabideak ikuskatu eta kontrastatuko, eta etengabe egiaztatuko da planaren eragingarritasuna.

Egindako segurtatze planaren eta autokontrola martxan jartzearen arabera behar diren kontrol edo egiaztatze saioak egingo dira.

Eta 10.1 artikuluan aipatutako Planeko alderdi guztiak betetzen direla egiaztatuko da.

8.2.2. Kalitatea Segurtatzeko Ikuskatze planaren garapena

Obrako Zuzendaritzak zorroztasunez garatuko du bere ikuskatze plana. Puntu honetan bereziki azpimarratu behar diren eginkizun batzuk aipatuko ditugu, oso garrantzi handia dutelako, nahiz eta halabeharrez goiko lerroetan aipatutako Ikuskatze planean ere sartuta egon.

a) Obra osoko material eta sortetan laginketa aleatorioak antolatzea, eta bidezkotzat jotzen diren kontrastatze-entseguak egitea; horiek, edonola ere, egiaztatutako laborategietan egingo dira, eta Obrako Zuzendaritzaren onespena beharko dute.

Obrako Zuzendaritzak, obran erabiliko diren materialen edo elementu aurrefabrikatuen kalitatea frogatzeko eska diezaioke obren kontratistari.

b) Entseguetako emaitzekin estatistikak egitea, kalitatearen jarraipenerako planaren arabera; aldizkako laburpenak egingo dira eta artxibategi informatikoak, osoak eta xehetasunezkoak, eratuko dira kontrolatzeko;


entseguetako emaitzak materialen arabera ordenatu eta sailkatuko dira, sortaka eta oinarrizko obraka. Horrela sortutako datu guztiak Administrazioari edozein momentutan emateko moduan gordeko ditu Obrako Zuzendaritzak.

Aurreko emaitzen azterketatik Kalitatearen Eskema Gidariaren babesean erabakitakoaren adostasuna ondorioztatuko da esplizituki edota, bestelako kasuan, Obrako Zuzendaritzak egindako proposamenarekin bat etorriz jardungo da.

c) Obrako zuzendariari jakitera emango zaizkion erabakiak proposatzea, erabaki horiek ezaugarri teknikoen agirian edo kontratuko beste edozein dokumentutan aldaketaren bat eragingo dutenean.

d) Unitateak fabrikatzeko eta obran jartzeko prozedurak zaindu eta gorabehera guztiak dokumentuetan jasotzea, kontratuan ezarritako baldintzetara egokitzen direla eta akats sistematikorik ez dela egiten ziurtatzeko. Zaintza honek eragin dezake pertsonalak obretan erabiltzen diren produktuen edo elementu aurrefabrikatuen fabriketara joan behar izatea, hala egitea premiazkotzat jotzen denean. Zaintza hori areagotu egingo da armadurak, zimenduak eta, oro har, ezkutuan geldituko diren obra-atalak ikuskatu behar direnean. Zeregin horien guztien emaitzak dokumentu grafikoetan jasoko dira. Holako kasuetan, Obrako Zuzendaritzak kontratistaren adostasuna eskatuko du, obrak ezkutuan gelditu baino lehen.

e) Obrako Zuzendaritzak, indusketak eta lubetak egiteko, gutxienez eskarmentuko geologo bat izango du bere lantaldean, eta honek, obraren kontrol geoteknikoa egingo du. Horretarako, begiratuko du proiektuko lubakiak, indusketak, lurra hobetzeko tratamenduak, fabrikako obren zimenduak eta lubetak behar bezala egiten direla. Gerta litezkeen jauzpenak aztertuko ditu, eta erabili nahiz kontrolatu beharreko egonkortze-neurriak hartuko ditu berehala. Neurri horiek kontratuan aldaketaren bat ekarriko badute, Obrako Zuzendaritzak guztiaren berri emango dio Administrazioari.

Geoteknian aditutako aholkulari bat izango da, agiri honetako 1. eranskinean adierazten den bezala, gorabehera geotekniko larriak gertatzen direnerako, edota obrako zuzendariaren iritziz, irtenbideak puntualki aztertzea eskatzen duten gorabeherak gertatzen direnerako.

f) Era berean, eraikuntza prozesuari eta obrako egituren exekuzioari egingo zaion jarraipena eta zaintza ere aipatu behar ditugu. Horregatik, Obrako Zuzendaritzak, era honetako obretan eskarmentua duen pertsonala ere eskura izango du, eraikuntza prozesu osoa, obrako geometria eta erabilitako materialak behar bezala kontrolatuak eta ikuskatuak daudela bermatuko den moduan.

Era berean, eskarmentu handiko aholkulari aditu bat izango da, agiri honetako 1. eranskinean adierazten den bezala, Obrako zuzendariaren iritziz konplexuak edo delikatuak diren azterketa puntualak egiteko.

g) Obrako Zuzendaritza taldea, lanean ari diren leku guztietan egongo da egunero, eta egoki diren datuekin parteak egingo ditu. Informazio horren azterketatik, jada eginda dagoenaren onespena ondorioztatuko da edota, bestela, jarduteko proposamena egingo da.

h) Onartutako Kontrol Geometrikoko Ikusketa Plana gauzatzeak, gutxienez, obraren fase guztietan neurriak eta zuinketak egiaztatzea eskatzen du. Kontratistak Obrako Zuzendaritzari behar diren krokis, datu eta kalkuluak emango dizkio, eta horiek Kalitatea Segurtatzeko Planean aurreikusitako moduan adieraziko dira.

Kontrol geometrikoaren eraginetarako, premiazkotzat jo daitezkeen bitarteko egiaztapen guztiak egingo dira; aldez aurretik, kabinetearen bileran, obrako atal guztiek dauzkaten kota eta neurriak ezarriko dira, gero egiaztatu eta jarraipena egiteko.

Egiaztatze-lan geometrikoan aparteko arreta ipiniko zaie egitura, zimendu, ostiko, pilare, karga-habe, euskarri, zinbria, hegalkin, habe, taula, lauza eta gainerakoei.

Era berean, bidezoruko geruza desberdinen kontrol geometriko zorrotza egingo da, tolerantzia onargarrien barruan geratuko den moduan.

Bildutako informazioaren eta egindako kontrolen azterketatik, amaitutzat joko da egindakoa edota, bestela, jarduteko proposamen bat egingo da.

i) Gune kritiko eta gelditzekoetan, lortutako informazioa aztertuko da, erabakiak hartuko eta egoki diren txostenak emango, betiere aurretik planifikatutakoarekin bat etorriz.

8.2.3. Lan Programaren jarraipena

Esleipendunak, eraikitzaileek aurkeztutako lan programen jarraipena egingo du, eta jarraipen honetarako aurreikusi diren grafikoak hilean-hilean beteko ditu. Kontratuaren zuzendariari gertatu ahala emango dizkio aditzera desbideraketa esanguratsuak. Halaber, aldi bateko luzapen edo etenduren berri emango dio, bai orokorrak direnean bai partzialak direnean.

8.2.4. Jarraipenaren hileroko txostena (JHTX)

Obrako Zuzendaritzari Laguntza Teknikoa emango dion lantaldeak, obren jarraipenaren hileroko txostena idatziko du eta horretan zehaztuko, txostenari


dagokion hilean gauzatutako obrako atal edo unitate bakoitzeko, honako puntuak:

1. Gauzatutako obraren irudikatzea, argazki erreportajearen bidez eta plano egokietan lekututa. Jarraipen fitxa bat irekiko da obra unitate bakoitzeko.

2. Gauzatutako obra unitateen edo atalen kalitate kontrolaren eta gauzatze kontrolaren dokumentazioa.

Obraren exekuzio-kalitatea kontrolatzeko pertsonalak, egunero-egunero, obra gauzatzen ari den leku guztietan azaldu beharko du derrigorrez. Zona edo obra mota bakoitza pertsonal desberdinak bisita dezake baina, betiere, bakoitzaren eginkizunean jarraipena izango den moduan jardunez. Horrek ez ditu baldintzatuko, ordea, behar diren gainerako pertsonak egin ditzakeen bisita edo ikustaldiak.

Exekuzioaren Kalitate Kontroleko arduradunak eta obrako begiraleek, ikuskatutako obren partea idatziko dute egunero. Agiri hori, Obrako zuzendariak erabakitako ereduari jarraituz idatziko da, eta honek berak sinatuko du; edo bestela, Laguntza Teknikoko Lantaldean, Obrako zuzendariak onartutako pertsonak edo pertsonek. Eguneroko parte hori Obrako zuzendariak exijitu beharko du.

Exekuzioaren Kalitate Kontrolak, gorabeheren Eguneroko Liburua eramango du eta, bertan, hurrengo faseetan jakitea komeni den gorabehera oro jasoko du. Liburu hori, Obrako zuzendariak izendatutako Begirale taldeko buruak izenpetuko du, egunero, obran bertan.

Ebazpen proposamenak jasoko ditu, Obrako Zuzendaritzak Aginduen Liburura pasa ditzan, egoki bada.

3. Obraren Gauzatze Mailaren jarraipenerako fitxa.

Aurreko emaitzen azterketatik, gauzatutakoaren behin-behineko onespen proposamena ondorioztatuko da esplizituki txostenean; edo, bestelako kasuan, neurri zuzentzaileak proposatuko dira.

Jarraipenaren hileroko txostena (JHTX) hilero aurkeztuko da, obrak dirauen bitartean, hurrengo hilaren lehen bost egunen barruan.

JHTX horretan jasoko dira, halaber, Obrako zuzendariak ezarritako Kalitatearen Eskema Gidarian aurreikusitakoarekin bat etorriz, eraikitzaileak eman beharreko datuak eta informazio guztia.

Txosten horretan jasoko dira, era berean, Obrako Zuzendaritzak berak obrako laborategian edo beste edozein laborategi edo entsegu zentroetan egindako entsegu edo proben emaitzak.

8.2.5. Obraren kontrol kuantitatiboa eta hileroko ziurtagiriak.

Kontrol kuantitatiborako plana gauzatzeak, gutxienez, honako jarduerak hartuko ditu: neurketak kontrolatzea eta gauzatutako obra unitate guztien balorazioa egitea.

Laguntza Taldeak hilero-hilero kontrolatuko ditu neurketak eta obra unitate guztien zerrenda balioztatua, obrak gauzatu ahala eta honakoak bereizita:

Tolerantzietan sartzen diren obra unitateak (onartuak eta ordaintzekoak).Tolerantzian sartzen ez diren obra unitateak, baina onargarriak direnak (penalizazioarekin ordaintzekoak).Tolerantzian sartzen ez diren obra unitateak, onartzekoak ez direnak (ez ordaintzekoak eta eraistekoak edota zuzentzekoak).Onespenaren zain dauden obra unitateak.

Kontrolatze eta egiaztatzeko jarduera horiek kontratistaren ohiko lanean eragin gabe burutuko dira.

Neurketei eta balorazioei buruzko informazio guztia paperezko euskarrian zein euskarri informatikoan entregatuko da.

Obrako Zuzendaritzak, obrek dirauten denbora guztian, egunean eramango ditu azken likidaziorako behar diren datu zehatzak, obrako unitateka eta kontrol loteka antolatuta, neurketa partzialak artxibatuta, eta onarpenerako erabili diren kontrol geometrikoaren eta kualitatiboaren emaitzak eta dagozkien fitxak ere jasota, eraikitzailearen sinadurarekin betiere; eta aparte, Obrako zuzendariak irtenbidea emateko dauden, edo onartu dituen, edo atzera bota dituen kontratistaren erreklamazioak.

Hartara, obraren atal bat amaitzen denean, horko neurriak, onartzeko egingo diren entsegu edo probekin batera, artxibatu egingo dira; horrela likidazioa egiteko beharko diren datuen atal hori prestatuta egongo da.

Dokumentazio horretan guztian oinarrituta, Obrako zuzendariak obrako ziurtagiri egokiak egingo ditu hilero, zerrenda baloratuekin batera. Horiek guztiak Obrako zuzendariari aurkeztuko dizkio, honen onespena jaso eta izapideak egitera jotzeko. Obrako ziurtagiriak, Ziurtagiria egin ondorengo hilaren lehen bost egunen barruan entregatuko dira. Epe hori bete ezean,


Baldintza Administratibo Berezien Agirian aurreikusitako zigorrak aplikatuko dira.

Prezio itxiko kontratu bat denez, obraren ziurtagiriak egiteko, Kalitatea Segurtatzeko Ikuskatze Plana garatzeko egin den obraren egiturari jarraituko zaio.

Aurrekontuko kapitulu bakoitza “Bidezatiak” edo “Obra partzialak” izenekotan banatuko da; hauetako bakoitza, “Jarduerak” delakoetan (bidezkoa bada); eta hauek, “Obra Unitateak” delakoetan.

Hilero egingo dira obra unitateen balorazio zerrendak, jardueraka antolatuak, hasierarekiko aurrerapen portzentajearen gaineko zenbatespenetik abiatuta, eta obrako ziurtagiriak kontura egiten direla ulertuta.

8.2.6. Bide Segurtasunaren eta Laneko Segurtasun eta Osasunaren jarraipena

Laguntza Taldeak, kontratistak proposaturiko behin-behineko desbideratzeen proiektuak ikuskatu eta onartuko ditu, eta begirale lan sistematikoa egingo du, bai obren seinaleei dagokienez, baita behin-behineko desbideratzeei dagokienez ere.

Obraren gauzatze-aldian Laneko Segurtasun eta Osasun arloko koordinatzailea, Obrako Zuzendaritzako taldeko kide bat izango da. Eta horrek honako eginkizunak izango ditu:

a) Prebentzio eta segurtasun printzipio orokorren aplikazioa koordinatzea.

b) Obrako jarduerak koordinatzea, obrak gauzatzeko aldian zehar kontratistak eta, baleude, azpikontratistek eta langile autonomoek, prebentzio printzipioak, Laneko arriskuak prebenitzeko Legearen 15. artikuluan jasotako prebentzio-egintzak, era koherente eta arduratsuan aplikatuko dituztela bermatzearren. Bereziki, 1627/1997 Errege Dekretuak, urriaren 24koak, 10. artikuluan aipatzen dituen eginkizun eta jarduerak koordinatuko ditu, dekretu horretan ematen baitira eraikuntza lanetan gorde behar diren segurtasun eta osasun arloko gutxieneko xedapenak.

c) Kontratistak egin eta agian gerora gehitu zaizkion aldaketekin landutako segurtasun eta osasun planari buruz informatzea, onartua izan dadin.

d) Enpresa jardueren koordinazioa antolatzea, Laneko Arriskuak Prebenitzeko Legeak 24. artikuluan aurreikusitakoari jarraituz.

e) Lan metodoak zuzen aplikatzeko, kontrola eta eginkizunak koordinatzea.

f) Behar diren neurriak hartzea, baimena duten pertsonak baino beste inor obran sar ez dadin.

Segurtasun eta Osasun arloko koordinatzailea, halaber, gorabeheren liburuaren arduraduna izango da obraren exekuzioak dirauen bitartean. Liburu horrek beti obran egon behar du. Liburu hori, obrako zuzendaritza teknikoaren, kontratisten eta azpikontratisten eta langile autonomoen esku egongo da. Liburua aldi berean honakoen esku ere egongo da: obran parte hartzen duten prebentzio arloan erantzukizunak dauzkaten pertsona eta organoen esku; langileen eta herri-administrazio eskudunetako segurtasun eta osasun arloan espezializatutako erakundeetako teknikarien esku. Horiek guztiak oharrak idatzi ahal izango dituzte liburuan, betiere laneko segurtasun eta osasun planaren kontrol eta jarraipenerako badira.

8.2.7. Ingurumen eraginak zuzentzeko neurriak ezartzearen jarraipena

Aholkulariak, ingurumen eraginaren adierazpenean ezarritako neurri zuzentzaileak ezartzearen jarraipena egingo du, eta adierazpen horretan ezarritako baldintzak betetzen diren begiratuko.

Ingurumena zaintzeko programa betetzen dela egiaztatuko du, eta Ingurumen Organoari bidali beharreko txostenak idazteko erabili beharreko datuak hartuko ditu.

Aholkulariak, segimendu eta kontrol hori egiteko, ingurumen alorreko gaietan adituak diren bi espezialisten aholkularitza kualifikatua izango du Laguntzako lantaldean. Aditu horiek arduratuko dira arestian aipatutako jarduerak burutzeaz, eta proiektuko tekniko berezien agirian Ingurumen Eraginaren Adierazpenean ezarritakoarekin bat etorriz esleitzen zaizkien eginkizunak izango dituzte.

8.2.8. Karga-proben jarraipena eta egiaztapena.

Aholkulariak, obrak hartzeko kontrolen barruan, proba desberdinen planak aztertu eta onartu egin beharko ditu derrigorrez. Horretarako proiektua, behar bada behintzat, Aholkulariak egingo ditu, eta neurketak hala nola kargak, deformazioak, baldintza meteorologikoak eta abar, Obrako Zuzendaritzaren kontrolpean egingo dira, honek arreta berezia ipiniko baitio segimendu horri. Gerta litezkeen gorabehera edo oker guztien berri emango zaio Obrako Zuzendaritzari. Karga-probetarako elementuak kontratistak jarriko ditu.

Obrako zuzendariak proba horiek kontrolatu egingo ditu, zehatzak direla ziurtatzeko aukera emango dioten moduan. Gero, proba horien onartu egingo ditu; edota, desadostasunak gertatuz gero, beharrezkotzat jotzen dituen neurriak proposatuko.

8.2.9. Obrako txostenak


Laguntzako taldeak, gainera, honako txostenak ere egingo ditu, beharrezkotzat jotzen badira:

a) Berehalako txostenak eta etengabeak Obrako zuzendariarentzat, edo edozein momentuan egin behar dituenak, noizean behin antzematen dituen anomaliei buruz, batez ere materialen batek kalitaterik erakusten ez badu obrako seinaleen arauak zehazteari edo betetzeari dagokionez, edota lur jausi, labainketa, eta abarrek eragindako kalteei dagokienez.

b) Noizbehinkako proposamen eta txostenak, obran bertan definitu beharreko oinarrizko materialen horniduraren, dosien eta granulometrien kalitate, jatorri eta motan egindako aldaketei buruz, baita ezaugarri tekniko berezien agirietan jaso ez diren zehaztapenak finkatzeari dagokionez ere.

c) Obran erabilitako teknologiei buruzko txosten teknikoak; materialen ezaugarriei buruzko estatistika laburpenak; eraikuntza metodoak; aplikazio tekniko aurreratuak; eta abar, etorkizunean edo aldi berean egiten diren obretan lortutako esperientziak biltzeko baliagarriak direnak. Horrekin guztiarekin batera, material grafikoa eta ikus-entzunezkoa gehituko da. Obra amaierako txostenaren aurrerakinak egingo dira, interes tekniko berezia duten obrako faseei dagokienez.

d) Harremanak mantenduko dira eta bilerak egingo, kontratistarekin, obran gerta daitezkeen arazoak aztertzeko. Kontratistarekin izango diren harreman eta bilera horien berri eman behar zaio Obrako zuzendariari.

Obrako Zuzendaritzak, berak hartzen dituen erabakiei eta bera egongo den bileretan erabakitzen denari buruzko oharrak jasoko ditu, bilera bakoitzeko akta idatziko du eta hori Obrako zuzendariari bidaltzeaz gain, obrak amaitu arte gorde egingo du.

Obrako zuzendariak, egoki denean, idatziz eskatuko ditu aipatutako txosten eta lan horiek; gainera, lan horiek egiteko gehieneko epea ezar dezakete. Epe hori bete ezean, Baldintza Administratibo Berezien Agirian aurreikusitako zigorrak aplikatuko dira.

8.2.10. Obraren amaierako txostena eta Artatze eskuliburua

Laguntzako lantaldeak obren amaierako txosten (OAT) bat idatziko du eta horretan laburbilduta jasoko, obretako gertaera esanguratsuenak. Horrela, bere ezagupenak baliagarriak izango dira etorkizunean egin beharreko artapen eta ustiapen jardueretarako, edota lortutako esperientziak beste batzuk erabiltzeko.

OAT horretan, gutxienez, honako alderdiak izango dira kontuan:

Ikuskatze planarekin bat, obraren amaiera egiaztatzea, dela geometriari dagokionez dela obraren kalitateari dagokionez, ikusteko ea obraren kalitateak ezaugarri tekniko berezien agirian ezarritakoa betetzen duen.

Obren amaierako egoera deskribatzen duen dokumentazioa. Gorabeheren eguneroko liburua. Karga-probei buruzko txostena. Azken likidaziorako txostena. Biltze txostena, honako edukiarekin: Proiektuari eta beronen tramitazioari buruzko datuak. Hasierako proiektuari egindako aldaketak. Obraren garapenari buruzko informazio grafiko adierazgarriena. Obran erabilitako teknologia berezien deskripzioa. Datuak, prezio-indizeak km-ko, eta gainerako aldaera konparatiboak. Obran zehar gertatutako gorabehera bereziak. Geologia-geoteknika alorreko edota ingurumenari lotutako alderdirik

adierazgarrienak. Obran parte hartu duten enpresen eta teknikarien izenak. Obraren ezaugarrien laburpen-fitxa.

Bai Obrako Zuzendaritzaren Agindu liburua, bai Gorabeheren Eguneroko Liburua, Obraren Amaierako Txosteneko eranskinetara gehituko dira.

Bidegunea artatzeko eskuliburu bat ere idatziko da eta horretan jasoko, OATan baino era zehatz eta espezifikoagoan, obrak egikaritzearen ondorioz jasotako gorabeherengatik eta horien ezaugarriengatik premiazkotzat jotzen diren eragiketa edo lan guztiak, eta horien aldizkakotasuna.

Eskuliburu honetan, besteak beste, lubaki, lubeta, buloi eta beste hainbat lan gauzatzearen kontrola jasoko da, egituren, asentuen, gezien, euskarrien, junturen eta abarren kontrola bezalaxe.

9.- OBRAK HARTZEKO ETA LIKIDATZEKO JARDUERAK

9.1. Obrak hartzea

Aurreko puntuetako informazioarekin eta beharrezkoa gertatzen den araudiarekin, esleipendunak espedienterako oinarriak prestatuko ditu, hori gero lanak hartzeko baliagarria izango baita formalki, eta Obrako Zuzendaritzak lanak hartzea eskatuko du.

Errepideetako Zuzendaritzak, obra eta jasotako dokumentazioa aztertu ondoren erabakitzen badu, ez daudela hartzeko moduan, SPKLaren 218.2 artikuluan xedatutakoaren arabera jardungo du.


9.2. Gauzatutako obren amaierako ziurtagiria

Obrako Zuzendaritzak, obrak hartu direnetik hasita gehienez hilabete eta hamar eguneko epean, egindako obren amaierako ziurtagiria prestatuko du, kontratazio organoak onespena eman diezaion indarrean dagoen SPKLan ezarritako epearen barruan.

9.3. Obrak likidatzea

Obrako Zuzendaritzak, obren garapenean zehar lortutako informazioan eta beharrezko azken egiaztapenetan oinarriturik, eta kontratistak emandako dokumentazioa ere aintzat hartuta, obrak likidatzeko proposamena prestatuko du.

Obrako Zuzendaritzak, aldi berean, Obrako azken neurrien eta ezaugarrien egoera izeneko dokumentua prestatuko du. Horretan, obrei buruzko dokumentazio osoa jasoko da, benetan gauzatu diren bezala, indarrean dagoen legeriak ezarritakoari jarraituz. Dokumentazio hori euskarri informatikoan prestatuko du.

Datu horiez, eta kontratistak “eraiki den” obrari buruz eman beharko dituen datuez baliatuta, Likidazio Proiektua prestatuko da, obrak hartu ostean eta gehienez ere amaitu direnetik hasita bi hilabeteko epean.

Proiektu horren garapena Obrako zuzendariak ikuskatu beharko du.

Honako dokumentuak izango ditu:

a) Memoria. Honetan obraren historia eta gorabeherak jasoko dira.

b) Memoriaren eranskinak. Eranskinetan joango dira Hartze Aktaren kopia; Agindu eta bisiten liburuaren kopia; Gorabeheren liburuaren kopia eta Zuinketa Egoeren liburuarena.

c) Obraren amaierako dimentsio eta ezaugarriak.

Dokumentu hori honako epigrafeez osatuko da:

Zuinketa oinarriak, U.T.M. koordenatuetan, akatsak konpentsatzeko beharrezko kalkuluekin (proiektuaren zehaztapen maila beraz).

Obren ardatzei buruzko zuinketa planoak, obra unitate desberdinei buruzkoak, proiektuaren eskala berean eginak.

Plano takimetrikoa, U.T.M. koordenatuetan, obra eta okupatutako lursail guztiena, zuinketa oinarriekiko erreferentziaz.

Xehetasun planoak. Argazki erreportajea, dagokion kokapen planoarekin batera.

Dokumentu honetako planoak eraikuntza proiektuko formatu berean entregatuko dira; eta horiek, Obrako zuzendariak onartu beharko ditu berariaz.

d) Zerrenda baloratua. Unitate eta kapituluen hurrenkerari eta izenari dagokienez, Proiektuan eta onartutako aldaketetan erabilitakoak berak izango dira. Aurrekontu partzial bakoitzaren saldoa adieraziko da, bai azken ziurtagiriari dagokionez, baita onartutako azken aurrekontuari dagokionez ere.

10.- AHOLKULARIAK EGIN BEHARREKO JARDUERA OSAGARRIAK

10.1. Eraikuntza fasean zehar egin beharreko lan osagarriak

Obraren eraikuntza fasean zehar, hainbat jarduera osagarri egin behar dira, era batekoak edo bestekoak: proiektua lurzoruari egokitzekoak, proiektuko xehetasunak interpretatu eta zehaztea, eta abar.

Aholkulariak derrigorrez egin behar ditu lan horiek; horretarako, beraz, Obrako Zuzendaritza taldea lan horiek egikaritzeko behar den pertsonal eta baliabideez hornituko du.

Hona hemen lan horietako batzuen adibideak:

a) Kontratuan aldaketarik eragin ez duten proiektuko xehetasunak, edota ezaugarri tekniko berezien agiriak obrako zuzendaritzaren esku uzten dituenak, interpretatu eta zehaztea.

b) Fabrikako obren zimenduak eta drainatze elementuak lursailari egokitzea.

c) Xehetasunezko laginketa topografikoak.

d) Zerbitzuak birjartzeko behar diren lan gehigarriak.

e) Geoteknia, egitura, ingurumen edota beharrezkotzat jotzen den beste edozein alderdiri buruzko azterlan eta txostenak egitea.

10.2. Aldaketak eta lan osagarriak erredaktatzea

Aholkulariak, jarduera osagarri gisa, beharrezkotzat jotzen diren proiektu aldatuak eta osagarriak aztertu eta idatzi egingo ditu; eta Obrako Zuzendaritzari eman beharreko laguntza ere bai, proiektu horietako obrak gauzatzen badira.

Laguntza hori Obrako Zuzendariaren ikuskapenaz egingo da, eta Bide Azpiegituren Zuzendaritzaren oniritzia beharko du.


Lana, hasteko, hasierako txostenean antzemandako hutsegite edo anomaliak konpontzeko aldaketak proposatzea izango da, baita obrek dirauten bitartean antzemandako edozein akats edo aurreikuspen gabeziak zuzentzeko ere, edota Administrazioak aztertzea edo gehitzea erabakitako aldaketa edo proiektu osagarriak proposatzea.

Bigarren, aukera edo konponbide tekniko eta ekonomikoen gaineko azterketa gehituko da. Azterketa hori egokitzat jotzen diren plano, kalkulu, neurketa eta prezio kontrajarriekin eta beharrezkotzat gerta daitezkeen datu topografikoekin eta obrako bertako datuekin osatuko da.

Beren ezaugarriengatik behin-behinekoak izan daitezkeen –batzuetan gainera izan daiteke beharrezkoak ez izatea ere– lan hauek egiteko, obran bertan jarrita daukan pertsonalaz gain, Aholkulariak egitura egokia eduki behar du lanaz arduratzeko, eta gaitasun eta prestakuntza askirekin. Proiektu aldatuak eta osagarriak idazteko hilabete eta erdiko epea izango du, baldin eta obraren tamaina ikusita, Obrako zuzendariak epe handiagoa ematea erabakitzen ez badu behintzat.

10.3. Gainazalaren erregularitatea (I.R.I.) neurtzea, bai geruza ertainean, bai errodadurako geruzan.

Tarteko geruza zabaldua dagoenean, obrak bukatu ondoren eta obra horiek hartu aurretik, gainazalaren erregularitate indizea neurtuko da bai tarteko geruzan eta bai errodadurako geruzan. Hortik ateratzen diren emaitzak txosten batean jasoko dira; hemen, gainera, indarrean dauden zehaztapenekin lotutako emaitzak ere aztertuko dira. Txosten hori Obrako zuzendariak sinatuko du. Eta dagokion kostua, kontzeptu horretan osorik ordaintzeko oroharreko partida gisa jasoko da proposamen ekonomikoaren banakaketan.

11.- EPEA

Kontratuaren xede diren obrak gauzatzeko epea, obra guztiak egiteko behin betiko epea izango da, hiru hilabetez luzatua: hilabete bat, obrei ekin aurretik, agiri honetan adierazitako aurretiazko lanak egiteko; eta beste bi hilabete, obrak bukatu ondoren, obren behin betiko egoeraren plano takimetrikoak egiteko.

Epe hori kontratua sinatzen den une berean hasiko da; beraz, obrei ekin aurretiko lanak bukatuak egon beharko dute sinadura-data horretatik hasi eta Zuinketa egiaztatzeko akta egiten denerako eta obra gauzatzeko epearen lehendabiziko hilerako.

Kontratu honek obren kontratu baten izaera osagarria duenez, kontratua gauzatzeko epea bukatu arren, kontratu nagusia osatzen duten obrak bukatu gabe badaude, epea luzatu egingo da obrak bukatu arte. Obrako zuzendariak zehaztuko du luzapen horretan beharko den pertsonal hornidura.

Aurrekontua eta proposamen ekonomiko banakatua egiteko, obrak hogeita bost (25) hilabetean gauzatuko direla aurreikusiko da; beraz, aipatutako hiru hilabete horiek gehituta, epe osoa hogeita zortzi (28) hilabetekoa izango da.

12.- OBRAKO ZUZENDARITZA TALDEAREN HORNIDURA

Kontratu honetan sartutako obrako zuzendaritza, kalitate kontrol eta bestelako jardueretara Aholkulariak bideratuko duen lantaldeak beharrezko pertsonala, instalazioak eta ekipoak, eta garraiobideak izango ditu, agiri honetan zehazten direnak gutxienez. Nolanahi ere, kontuan izan behar da kontratatzen den zerbitzua ez dela pertsonalaren eta ekipoen prestazio bat, eta une jakin batean aurreikusitako gutxieneko baliabideak baino gehiago eska daitekeela, lana zuzentasunez egiteko.

12.1.- Langileak

Aholkulariak kontratua gauzatzeko izan beharko duen pertsonala -beharrezko titulazioak izateaz gain baldintzak bereziak betetzen dituena- 1. eranskinean jasota dagoena izango da, gutxienez; eta pertsonalaren presentzia egokitu egin beharko du, lan eskariaren malgutasuna dela-eta behar bezala erantzutearren.

Aholkulariak Obrako Zuzendaritzaren funtzionamendu-organigrama aurkeztuko dio Obrako zuzendaritzari, kontratua indarrean jarri ondorengo lehen hamabost egunen barruan; eta gauza bera egingo du, ondoren ere, aldaketaren bat sartu behar den bakoitzean. Era berean, Langileen Erregistro Liburua edukiko du Obrako zuzendariaren esku. Horretan jasoko dira langileen alta eta baja arrazoituak, eta horiek Aholkulariarekin duten lan harremana. Langilerian aldaketaren bat egin nahi bada, aldez aurretik Obrako zuzendariak onartu beharko du.

Obran ari diren langileen lanaldia kontratistaren lanaldi bera izango da. Beraz, ez du eskubiderik izango aurrekontuan gehikuntzarik eskatzeko, dedikazio gehiago, aparteko ordu, jaiegun, gaueko ordu, eta abarren aitzakiaz.

Obrarako hasieran aurreikusitako dedikazioa 1. eranskinean jasoa da. Dedikazio hori gutxieneko pertsona horniduraren eta proiektuko Lan Programatik ateratzen den lanen iraupenaren gainean dago planteatuta. Beraz, obrak esleitzeko epearekin, obretako behin betiko Lan Programarekin eta obren beren iraupen errealarekin aldatu ahal izango da. Dena den, eskaintzan bertan ere hobetu ahal izango da.

Laneko baja, oporraldia edota beste edozein arrazoirengatik pertsonal tekniko edo zaintzakoak derrigorrez huts egiten badu, hutsune horiek kualifikazio tekniko bereko beste langileez beteko dira, obrak geldituta egotearen arrazoia kontratistak oporrak hartu izana ez bada behintzat. Nolanahi ere, ordezko langile horiek Obrako zuzendariak onartu behar ditu.

12.2.- Instalazioak eta ekipoak


Esleipendunak bulego bat izango du obran bertan; eta bulego horrek, kontratu hau betetzeko banaketa, ekipamendu eta ezaugarri egokiak izango ditu.

Horien berri izan eta baloratzeko, obrak gauzatzeko kontratuko baldintza administratiboen agirian ezarritakoarekin bat, obren kontratistak Obrako Zuzendaritzaren esku jarri beharko du aire girotuko bulego bat, berariaz dagozkion zereginak betetzeko behar besteko azalera egokia duena. Bulego horrek, halaber, despatxutan banatzeko panelak, mahaiak, aulkiak eta apalak izango ditu; eta gainera, telefonoa, fax eta Interneterako lotunea izango du, argindar hartuneak eta beharrezko osasun zerbitzuak bezalaxe. Bulego horrek behar bezala funtzionatzeko behar dituen gainerako ekipo eta bitartekoak, kontratista aholkulariaren konturakoak izango dira.

Bulego hori, erregimen normalean, gehienez ere hilabeteko epean jarriko da martxan, nahiz eta ekipamenduren batek (ura, telefonoa, eta abar) denbora gehiago behar izan. Hori guztia, kontratua sinatzen den unetik aurrera egingo da, eta Obrako zuzendariaren berariazko onespena beharko du.

Aholkulariak, gutxienez, ezaugarri teknikoen agiri honetako 2. eranskinean jasotako ekipoez hornituko du bulego hori.

Kontratatutako talde osatzen duten kide guztiek, halaber, telefono mugikorra izango dute, eta hori, bateria betearekin eta konektatua izango dute uneoro.

12.3. Ibilgailuak

Esleipendunak, obretan bere lana egin ahal izateko behar dituen gutxieneko ibilgailuak izango ditu, eta bere gain hartuko ditu ibilgailu horien funtzionamendu gastu guztiak. Edozein modutara, behar beste ibilgailurik ez edukitzea ez da aitzakiatzat onartuko, langileak behar direnean eta behar den lekuan ez egoteko.

12.4. Kanpoko adituak

1 eranskinean adierazi bezala, Aholkulariak Bulego Tekniko bat izango du derrigorrez, behar diren lanak egiten laguntzeko. Eta bulego horrek, aipatutako eranskinean adierazitako adituen laguntza eta aholkularitza izango du, halakorik behar denean.

Dena den, Aholkulariak bere eskaintzan zehaztu egin beharko ditu, bere taldeaz kanpo aholkularitza teknikoa emango duten pertsonak, izango duten jarduera eremua eta curriculum vitae xehatua.

Obrako zuzendariak, beharrezkotzat jotzen duenean, aipatutako aditu hori obrara azaltzea eska dezake; eta hori, Obrako zuzendariak eskaria egin duenetik hasita hamar lanegun baino lehen bete beharko du.

13.- PROPOSAMEN EKONOMIKOAREN BANAKAKETA

13.1. Oinarrizko prezioak

Proposamen ekonomikoko aurrekontua lortzeko, eskaintzan jasotako pertsonalaren eta bitartekoen oinarrizko prezioak –euro/hil– hartuko dira oinarritzat, funtzionamendu, mantentze-lan, kontsumo eta amortizazio gastuekin batera.

Eta horiei, gainerako kontzeptuentzako adierazitako oroharreko partidak erantsiko zaizkie. Oroharreko partida horietan sartuko dira:

Instalazioak muntatzea eta desmuntatzea (osorik ordaintzekoa)

Obren hasierako faseko lanak (osorik ordaintzekoak)

Obren azken faseko lanak (osorik ordaintzekoak)

13.2. Banakako prezioak

Oinarrizko prezio horiek eskuetan izanik, obraren fase desberdinen arabera eta bidezko langile eta bitartekoen premiak aintzat hartuta, obraren etapa bakoitzerako ekipoen banakako prezioak prestatuko dira, proiektuko lan programari jarraituz.

13.3. Eskaintza ekonomikoa eskuratzea

Banakako prezio horiekin –hau da, etapa desberdinetarako aurreikusi diren denborei oinarrizko prezioak aplikatuta lortzen den emaitza gehi oroharreko partidak– lortuko da eskaintzako aurrekontuan jasotako “gauzatze materialaren” balioa.

Proposamen ekonomikoan jasotako Lizitaziorako Oinarrizko Aurrekontua baloratzeko, arestian adierazitako moduan lortutako “gauzatze materialaren” aurrekontuari, batetik, % 19 erantsiko zaio, gastu orokor eta etekin industrialaren kontzeptuan eta, bestetik, % 18a, balio erantziaren gaineko zergari dagokiona.

4. eranskinean, kontratu honetako zenbateko ekonomikoaren justifikazioa sartu da, orientazio gisa.

14.- LAGUNTZA TEKNIKOA NEURTZEA ETA ORDAINTZEA

Laguntza teknikoko zereginak hilero ordainduko dira, erabilitako pertsonal zein bitartekoen arabera, eta aurkeztutako eskaintzarekin bat.

Unitate batzuk eta besteak, emandako zerbitzu denboraren arabera ordainduko dira. Denbora hori hilabete baino gutxiago bada, egun naturalen (jaiegunak barne) proportzioan ordainduko dira, hilak hogeita hamar (30) dituela jota.


Obretan onartutako aldaketa baten ondorioz, obra gauzatzeko onartutako epea luzatzen bada, Administrazioak kontratuaren aldaketa tramitatzeko aukera izango du –komenigarri irizten badio eta Aholkularia ados badago–. Aldaketa horretan, epearen luzapena jasoko da, eta ondorioz, aurrekontuak izan duen aldaketa, kasuan kasuko unitatea areagotu egin delako. Baina horrek ez du inolako aldaketarik eragingo, ez kontratuko banakako prezioetan, ez oinarrizko prezioetan. Aldiz, obra gauzatzeko epea murrizten bada, pertsonak eta bitartekoak erabili diren hilabeteak ere murriztu egingo dira; eta ondorioz, laguntza teknikoaren ordainketa gutxitu egingo da, baina esleipendunak ez du eskubiderik izango arrazoi hori dela-eta erreklamazioak egiteko.

Aldaketa horiek, kontratuan ezarritako sistemaren bitartez baloraezinak diren lanak egin beharra badakar, SPKL legearen 217.2. artikuluan xedatutakoa aplikatuko da.

Obrak aldi batean eteteko agindua ematen bada, obraren zuzendaritzari eman beharreko laguntza-kontratua etenda geldituko da, obrei berriro ekin arte. Obrak behin betirako eteten badira, laguntza teknikoa emateko kontratu hau etenda geldituko da, kontrolatutako obrak neurtzeko eta likidatzeko agiri honetan aurreikusitako denbora betetzen denean. Aholkulariak, edozein kasutan ere, legez dagozkion kalte-ordainak jasotzeko eskubidea izango du.

Donostian, 2012ko ekainean

PROIEKTUETAKO ETA ERAIKUNTZAKO A ZERBITZUBURUA

Stua.: Germán Pozas Zubizarreta

BIDE AZPIEGITURETAKO ZUZENDARI NAGUSIA

Stua.: Joseba Altube Moyua

1. ERANSKINA

LANGILE HORNIDURA

Kop. Lanbidea KarguaEsperientzia espezifikoko

urteak

Dedikazio hilabeteak

1 Bide, Ubide eta Portuetako ingeniaria Laguntza Taldeko burua 7 28

1 Herrilanetako ingeniari teknikoa Obren exekuzio eta kalitatearen kontrola eta zaintza 5 28

1 Ingeniari teknikoa Bulego Teknikoko burua 3 25

1 Lan Arriskuen Prebentzioan prestatua Segurtasun eta Osasun koordinatzailea 5 0,5 x 25

2 Topografia taldea: ing. tekniko 1, topografoa eta laguntzailea

Obra osoaren kontrol geometriko eta topografikoa 5 2 x 25

1 Ingeniari edo geologoa (*), indusketetan eta zimenduetan aditua

Lubaki, indusketa, lubeta eta zimenduen kontrola Azterketa

geoteknikoak5 0,5 x 22

1 Ingurumenean aditua, biologoa (*) Ingurumen arloko neurrien kontrola eta segimendua 5 0,3 x 25

2 Obraren begiralea, LH-2 edo antzeko prestakuntza duena Obraren zaintza dokumentatua 3 2 x 25

1 Administrari laguntzailea Txostenak, kopiak, planoak, etab. 281. Obrako Zuzendaritzari Laguntza Teknikoa emango dion lantaldeak obran bertan izango duen

gutxieneko langile hornidura:

(*) Antzeko lanbidea duena izan daiteke, kategoria berdin edo handiagokoa; edonola ere, esperientzia espezifikoa behar bezala egiaztatu behar du.

2. Bulego Teknikoaren hornidura.

Obrako Zuzendaritzari laguntza teknikoa emango dion taldeko bi kidek behintzat, EGA edo titulazio baliokideko euskera maila dutela egiaztatu beharko dute.

Obrako bertako taldearen barruan, halaber, behar den langileria sartuko da, agirian adierazitako lanak egiteko: obraren kontrol geometrikoa, segurtasun eta osasun koordinazioa, laguntza geologikoa eta ingurumen baldintzen kontrola.

Obretan zehar gerta litezkeen garrantzi handiagoko laguntza-lanetarako, Aholkulariak laguntza teknikorako bulego bat izan beharko du, nahitaez. Bulego horrek Obrako zuzendariak eskatzen dizkion aholkularitza lanak egingo ditu egituretan, geoteknikaren alorrean eta, oro har, ingeniaritza lanetan.

Bulego horrek, halaber, proiektu aldatuak eta osagarriak idazten lagunduko dio Obrako Zuzendaritzari. Proiektu horiek Administrazioak idatziko ditu zuzenean, baina Aholkulariaren Bulego Teknikoaren laguntza izango du kalkuluak egiteko, eranskinak prestatzeko eta behar diren gainerako zereginetarako.


3. Espezialistak edo aholkulariak

Gutxienez, segidan adieraziko diren kanpoko espezialisten partaidetza beharko da, eta horiek, honako dedikazioa izango dute gutxienez:

1 Indusketa, lubaki eta lubetetarako aholkulari geoteknikoa. Dedikazioa: 0,10 x 15 hilabete 1,5 hilabete

1 Egituretarako aholkularia. Didikazioa: 0,10 x 15 hilabete 1,5 hilabete

Guztiek ere 10 urteko esperientzia beharko dute gutxienez.

2. ERANSKINA

OBRAKO BERTAKO BULEGOA ETA EKIPAMENDUA

2.1 Bulegoa.

Obrak gauzatzeko kontratuko baldintza administratiboen agirian ezarritakoarekin bat, obren kontratistak Obrako Zuzendaritzaren esku jarri beharko du aire girotuko bulego bat, berariaz dagozkion zereginak betetzeko behar besteko azalera egokia duena. Bulego horrek, halaber, despatxutan banatzeko panelak, mahaiak, aulkiak eta apalak izango ditu; eta gainera, telefonoa, fax eta Interneterako lotunea izango du, argindar hartuneak eta beharrezko osasun zerbitzuak bezalaxe. Bulego horrek behar bezala funtzionatzeko behar dituen gainerako ekipo eta bitartekoak, kontratista aholkulariaren konturakoak izango dira. Bulegoak Internetera konektatzeko banda zabala izan beharko du.

2.2. Unitatearen ekipamendua.

2.2.1. Inbentaria daitekeen materiala.

Kontzeptu honetan sartzen da lanek dirauten bitartean erabili daitekeen eta agiri honetan zehaztutako zereginak gauzatzeko beharrezkoa den materiala; esate baterako, bulegoko altzariak eta tresneria.

Inbentaria daitekeen material hori guztia esleipendunak hornituko du.

2.2.2. Inbentaria daitekeen materialaren hornidura.

2.2.2.1. Bulegoko altzariak eta tresneria.

Bulegoko altzari eta material hauek izan beharko dira gutxienez:

Eranskin honetan adierazitako banaketa egiteko altzariak. Bereziki, bileretarako mahai bat izan beharko da, gutxienez 10 pertsona hartzeko modukoa.

Koloretan kopiatzen duen fotokopiagailua, gutxienez DIN A-3 tamainako papera erabiltzeko modukoa.

Ekipo informatiko pertsonalak (PCak). Plotter eta koloretako inprimagailua A-3 Bulegoko material txikia.

2.2.2.2. Softwarea.

Obrako bulegoan, obraren zuzendaritzari dagozkion segimendu-lan guztiak arintasunez eta zehaztasunez egiteko behar den software guztia izango da. Hauek dira gutxienez eskatuko diren programa informatikoak:


Topografiako programa (Tcp MDT edo antzekoa). Errepideen Trazadura egiteko programa, arestian aipatutako topografiako programarekin

estekatzeko modukoa. Ordenagailuz lagundutako diseinu programa (Autocad 2011 edo antzekoa). Neurketak, aurrekontuak, eta zerrenda baloratuak eta ziurtagiriak egiteko programa.

(SISPRE, PRESTO edo antzekoa). Obra planifikatzeko eta behin-behineko segimendua egiteko programa. Testu prozesadorea, Windows-eko Word programarekin bateragarria. Windows sistema eragilea. Kalkulu geoteknikoak egiteko programa.

2.2.2.3. Material topografikoa.

Gutxienez honako tresnak beharko dira, beren kalibraketa-ziurtagiria indarrean dutela:

Estazio osoa, 3’’ko angelu-neurketan eta prismarik gabeko neurketan doitasuna duena. GPS ekipoa Nibelazio bikoitzean kilometroko gutxienez 2 mm-ko doitasuneko maila optiko edo

digitala.

2.2.3. Inbentariatu ezin den materiala.

Material suntsikor eta galkorra sartzen da kontzeptu honetan.

Obren kontrol eta zaintza lanak egiteko beharrezkoa den eta ezin inbentariatu den material guztia esleipendunak hornituko du, zereginen horietarako kopuru eta proportzio egokian.

2.3 Ibilgailuak.

Dagozkion eginkizunak egoki betetzeko lanean Zuzendaritza Taldeak mugitu ahal izateko behar dituen ibilgailuak eduki beharko dira, gutxienez, obran.

Administrazioak, aparteko kasuren batean, obrak bisitatzeko ibilgailu bat beharko balu, hori Aholkulariak ipiniko dio, trukean kontraprestazio gehigarririk jasotzeko eskubiderik gabe.

3. ERANSKINA

ZENBATEKO EKONOMIKOAREN JUSTIFIKAZIOA

KONTZEPTUABanakako

prezioa Neurketa ZenbatekoaICCP-Laguntza Teknikoko burua 9.000 1 28 252.000ITOP-Kontrola eta zaintza 6.500 1 28 182.000Ingeniari teknikoa 4.000 1 25 100.000Segurtasun eta Osasun koordinatzailea 4.700 0,5 25 58.750Topografiako taldea 7.500 2 25 375.000Geoteknian aditua 5.000 0,5 22 55.000Ingurumen teknikaria 4.500 0,3 25 33.750Begiralea 3.500 2 25 175.000Administraria 2.500 1 28 70.000Aholkulari geoteknikoa 8.000 0,1 15 12.000Egituretarako aholkularia 8.000 0,1 15 12.000Lur orotako ibilgailua 800 7 25 140.000Bulego gastuak 1.500 1 28 42.000O.P. Instalazioak muntatzea eta desmuntatzea 3.000 1 3.000O.P. Hasiera fasea 5.000 1 5.000O.P. Azken fasea 7.500 1 7.500IRI proba 6.000 1 6.000

Gauzatze materialeko aurrekontua 1.529.000,00Gastu orokorrak eta etekin industriala (%19) 290.510,00

GUZTIRA 1.819.510,00BEZ (% 18): 327.511,80

Lizitazio aurrekontua 2.147.021,80


4. ERANSKINA

OBREN BEHIN BETIKO EGOERAREN PLANO TAKIMETRIKOAK EGITEA

Kontratista arduratuko da obraren behin betiko egoeraren planoak egiteaz. Horiek, 1:500 eskalan egingo ditu, indarrean dagoen ETRS89 Sistema Geodesikoan, eta 2009an IGN bitartez definitutako altitude jatorria erabilita.

Hauek dira egin beharreko lanak:

Zuinketarako oinarrien sarea ezartzea, elkarren artean ikusteko modukoak, trazaduran zehar.

Obraren behin betiko egoeraren planoak egitea 1:500 eskalan. Errepidea bera eta, honen bi aldeetan, errepidearen zabalunearen ertzetik hasita gutxienez 20 metro hartuko dituen eremuaren planoak egingo dira. Eremu horretan, halaber, desjabetze eremuaren lerroa gehi 8 metro sartuko dira.

Eraikuntza fasean zuinketaren oinarriei jarraitzea eta ED50 erreferentzia lokaleko sistema ETRS89ra pasatzea kalkulatzea.

1. Azpiegitura topografikoa

Erreferentziako sistema gisa, ETRS89 erabiliko da.

Irudikatzeko sistema kartografiko gisa berriz, UTM proiekzioa erabiliko da 30 ardatzekoa.

Zehazki planimetria egiteko sistemak, SOIL-SOILIK Gipuzkoako Lurralde Historikoko Estazio Pasiboen Sare Geodesikoa hartuko du oinarritzat. Aldez aurretik baimentzen ez bada behintzat, ezin izango da erabili ez Euskadiko GPS sarea ez eta VRS teknologia edo antzekoa erabiliz lortutako beste edozein sare ere.

Altimetrian, Gipuzkoako Lurralde Historikoko 2010. urteko Doikuntza Handiko Nibelazio Sarea hartuko da oinarritzat. RNAP sare hau IGN nibelazio berrian oinarritua dagoenez, 1986ko NP nibelazio sarearekin duen aldea adieraziko da memorian.

2. Nibelazio Geometrikoko Sarea

Nibelazio Geometrikoko Sare bat ezarriko da, eta hori izango da Sare Topografikoko edo Zuinketako erpin guztien kotak zehazteko erabiliko den abiapuntua.

Nibelazio Geometrikoko Sare hori bat etor daiteke, guztiz edo hein batean, Zuinketako Sarearekin.

Proiektuko Nibelazio Geometrikoko Sarearen abiapuntua eta bukaera, NAP sareko nibelazio iltze bat izango da. NAP sareko seinaleen artean sar ez daitezkeen lerroak, bi bider nibelatuko dira joan-etorriko ibilbideetan.

Kontratistak seinale finkoak ipiniko ditu nibelazio-ibilbide osoan zehar.

Kontratista saiatuko da seinale horiek jabari publikoko eremuetan ipintzen eta, betiere, iraunkortasuna eta egonkortasuna bermatuko den lekuetan.

Ikustekoen luzerak ez du 50 pausotik gora egingo, hau da, 40 metro gutxi gorabehera, ikusmiraren eta aparailuaren artean.

Ezarritako Nibelazio Sareko erpinetan iruzkinak ipiniko dira.

Nibelazio lerroen itxieran, gehienez ere errore-tarte hauek onartuko dira:

ez < 20 mm.

3. Zuinketako sarea

Zuinketako Sare bat ipiniko da, poligonal batez edo gehiagoz osatua, eta horietatik errepidearen zabalune osoa ikusi ahal izango da.

Kontratistak, sare topografikoaren proiektu bat aurkeztu beharko dio, derrigorrez, Obrako Zuzendaritzari.

- Planimetria:

Behaketa egiteko, bi metodologia hauetako edozein erabili ahal izango da:

Posizionamendu Globaleko Sistema (GPS), Gipuzkoako Lurralde Historikoko Estazio Pasiboen Sare Geodesikoko 2 erpinetan oinarritua.

Doitasunezko poligonalak, GPS bitartez lortutako puntuetan oinarrituak.

- Altimetria:

. Nibelazioa, Gipuzkoako Lurralde Historikoko RNAP sareko iltzeetatik abiatuta.

3.1. Sare topografikoko erpinak seinaleztatu eta gauzatzea.

Obrako Zuzendaritzak Zuinketako Sarearen proiektua onartzen duenean, erpin guztiak lurrean gauzatu eta seinaleztatzeari ekingo dio kontratistak.

Zuinketarako oinarriak, beren iraunkortasuna bermatuko den moduan eraikiko dira; horretarako, geopunt motako iltzeak edo altzairuzko barrak erabiliko dira, beharrezkoak direnean, hormigoizko elementu trinkoetan sartuta. Ez da onartuko feno motako edo antzeko zedarririk.


Kontuan hartuta erpin horien egiaztatze lanek eta ondorengo erabilpenak, topografia klasikoko sistemak erabilita bideragarriak izan behar dutela, horietako bakoitzak poligonal bat edo gehiago eratu behar ditu, erpin bakoitzetik beste bi behintzat bistaratuko diren moduan.

Zuinketako Sareko erpinak, ahal dela behintzat, beren iraunkortasuna eta egonkortasuna bermatuko duten lekuetan kokatuko dira, inolako eragozpenik gabe ikusteko moduko kota altimetrikoan eta, ahal bada, jabari publikoko eremuetan.

3.2. Posizionamendu Globaleko Sistema (GPS). Planimetria

Zuinketako Sareko erpinen koordenatu PLANIMETRIKOAK, GPS behaketa-teknikak erabiliz lortu ahal izango dira.

3.2.1. Behaketa

Zuinketako Sareko erpinen koordenatuak lortzeko, ETRS89 sisteman, Gipuzkoako Lurralde Historikoko Estazio Pasiboen Sare Geodesikotik hurbilen dauden bi erpinak behatuko dira, doikuntza zentimetrikoko koordenatu planimetrikoekin.

Lurraren orografiaren arabera, komenigarria izan daiteke erpin finko bat ezartzea, Sare Geodesikoko 2 erpini lotua, bertatik zuinketako gainerako oinarriak behatu ahal izateko.

Behaketa hori RTK edo metodologia Estatiko Erlatiboa erabiliz egin daiteke, gutxienez 20 minutuko okupazio-denboraz.

Antenak, bai erreferentzian eta bai behatutako erpin bakoitzean, tripodean zentratu eta ezarriko dira, berun optikoaz oinarrituta.

Behaketa honako baldintza hauetan egin behar da:

- Oinarrizko lerroa ≤ 8 km.- Satelite kopurua: ≥5- Doikuntza PDOP posizioan ≤ 6- Goratze maskara: 15º hirurogeitar.

3.2.2. Doikuntzen kontrola.

Erpin batetik behatuta, beste erpin baten koordenatuak ez dira desbideratuko, inondik inora ere, bi zentimetrotik (2 cm) gora.

3.3. Doitasunerako poligonalak. Planimetria

Zuinketako Sareko erpinak ezarri ahal izango dira, doitasunerako poligonalak behatuta.

3.3.1.Behaketa

Erabili beharreko tresna topografikoak esleipendunak berak aukeratuko ditu, baldin eta adierazitako lanak gauzatzeko egokiak badira eta, betiere, agiri honetan ezarritako tolerantzietara egokitzen badira. Behaketa bakoitzean, prisma tripode baten gainean ipiniko da, berun optikoaz oinarrituta.

Poligonal horien behaketa topografikoa, bai hasieran eta bai bukaeran, GPS bitartez lortutako Zuinketako Sareko bi erpin desberdinetan oinarrituko da.

Behaketa guztiak, Bessel metodoa erabiliz egingo dira. Betaurreko arrunt eta alderantzizkatuarekin lortutako irakurketak gehienez ere 10 segundo hirurogeitarren aldea izango du konstantearekin.

Sarearen alboetako luzerak ZUZENEKO ETA ALDERANTZIZKO NORANZKOAN neurtuko dira, alboa osatzen duten erpinetako bakoitzetik; eta gauza bera egingo da angelu bertikal eta zenitalen irakurketekin ere.

Presio eta tenperatura datuak hartuko dira, neurtutako distantziei zuzenketa atmosferikoa aplikatu ahal izateko.

3.3.2. Kalkulua eta konpentsazioa

Tratatutako sareetako puntu guztien koordenatuak, UTM sisteman (GRS80 Elipsoidea) lortzeko moduko programa aproposen bitartez kalkulatuko dira.

Zuinketako Sareko itxiera planimetrikoaren errorea, behaketa erabat bukatu ondoren kalkulatuko da.

Foru Aldundiko teknikariek Sare Topografikoak onartu ahal izateko, esleipendunak eman egin beharko dizkio berak lortu dituen eta eskatu zaizkion datu eta emaitza guztiak.

Koordenatuak, Sarea itxiera-erroreekin konpentsatuta lortuko dira. Errore horiek, dena den, gehienez onartutako tolerantziak baino txikiagoak izan beharko dute. Onartutako tolerantziak:

Planimetrian:

Angelu errorea < 30. seg. zentesimal; N = erpin kopurua.

Errore lineala (angelua konpentsatu ondoren); < 30 mm, (K = ibilbidearen luzera km-tan).

3.4. Zuinketako sarea. Altimetria.

Zuinketako Sareko erpinei kota emango zaie, RNAP sareko iltzeetatik abiatuta, joaneko eta itzulerako nibelazio geometrikoaren bitartez.

Erpin bati kota prozedura horri jarraituz emateko erabateko zailtasuna dagoenean, kota trigonometrikoa emango zaio, erpinaren eta RNAP sarearekin lotutako bi punturen arteko irakurketen batez bestekoan oinarrituta. Horrelakoetan, lortutako bi koten arteko aldea bi zentimetro


baino gutxiago izango da. Altuera ortometrikoa GPS bidez ere proportzionatu ahal izango da, kalkulatutako transformazio parametroetan oinarrituta.

Nibelazio-lerroen tolerantzia:

Kotako errorea < 20 mm; (K = ibilbidearen luzera km-tan).

4. Plano topografikoak

Zuinketako oinarrien behin betiko koordenatuak lortu ondoren, oinarri horietatik erradiatu egingo dira, topografia klasikoaz, plano topografikoak egiteko beharrezkoak diren lursail-puntuak.

Betelaneko puntuak GPS behaketaz lor daitezke, baldin eta aldez aurretik, lanaren zuzendaritzak onartu baditu altuera elipsoidalak altuera ortometriko lokaletara bihurtzeko parametroak.

Parametro horiek, zuinketako oinarrien altuera elipsoidal eta altuera ortometriko nibelatutik abiatuta lortuko dira.

Behaketa RTK bitartez edo prozesu osteko modu estatikoan egingo da. Erreferentziako ekipoa, Zuinketako Sareko oinarriren batean, edo inguruan xede horretarako lortutako beste batean ipiniko da.

Erradiatutako puntuaren doitasuna, bai planimetrian bai altimetrian, gehienez ere 3 cm izango da, hartzen den momentuan.

Plano topografikoak honako informazioa eman behar du:

- Aglomeratuaren ertza, arekak, seinale horizontalak, fabrikako obrak, espaloiak, hormak, itxiturak, eraikinak, eraikuntzak, bidezidorrak, bideak, ibaiak, erretenak, ezponden burua eta oina, eta oro har, 1:500 eskalan egindako planoetan azaldu behar duten xehetasun guztiak.

- Lurzati eta azpilurzati guztiak ere irudikatu egingo dira. Lurzatiak eta udal barrutiak mugatzen dituzten zedarriak ere kokatu egingo dira.

- Hornidura sarearen, estolda sarearen, gas horniduraren, argindar sarearen, linea telefoniko eta telegrafikoen, eta ukitutako sare guztien lineei dagozkien erregistroak, kutxetak eta abar irudikatu egingo dira.

- Lurzoruaren erabilerak bereizi egingo dira.

- Zuhaitz bakan eta bereziak banan-banan marraztuko dira.

- Ingurune hiritartua edo eraikia bada, honako xehetasunak eman beharko dira:

- Fatxaden eta mehelinen kanpoko lerrokadurak.

- Eraikitako solairu kopurua.

- Eraikin edo orube bakoitzaren zenbakia sarrerako atea duen kalean.

- Kale, plaza eta eraikin esanguratsuen izena, errotulatua.

- Kale eta eraikinetan dauden, eta eskala honetan irudikatu behar diren xehetasunak, baldin eta zeinu konbentzionaletan adierazita badaude.

Marrazkia egiteko, Mugikortasuneko eta Bide Azpiegituretako Departamentuak emandako .dwg hazi-fitxategiko geruzak erabiliko dira.

4.1. Altimetria

Egindako plano horietan oinarrituta, Lursailaren Eredu Digitala lortuko da, 3 dimentsiotan. Eredu horri esker, proiektuaren txertaketa altimetrikoa egin ahal izango da, eta lursailaren profilak ondorioztatu ahal izango dira, planoak egindako eremuko edozein puntutan.

Lursailaren Eredu Digital hori egiterakoan aintzat hartu behar da, eredu horretan oinarrituta lortutako zeharkako eta luzerako profiletan honako hauek guztiak islatu behar direla: ezpondaren burua eta oina, malda aldaketak, arekak, aglomeratuaren ertza, zintarriak, hormak beren altuerarekin, eustormak, eraikinak eta abar.

Sestra kurbak marraztuko dira metrotik metrora, bost kurbatik behin trazadura lodiaz nabarmenduz.

Behatu diren baina planoaren irakurketa oztopa lezaketen puntuen kota ezkutatu egingo da. Puntu horiek beste geruza edo maila batean ipiniko dira, baina ez dira urratuko.

Lursailaren eredu digitala definitzen duen triangelu-sarea euskarri digitalean sartuko da.

4.2. Tolerantziak

- Planimetria

Ondo definitutako puntuek (% 90) planoan izango duten kokaguneak gehienez ere 0,10 metroko gorabehera izango du benetakoarekin.

- Altimetria

Planoan mugatutako puntuen % 90aren errore altimetrikoak, gehienez ere 5 cm-ko gorabehera izango du benetakoarekin. Eta gainerako % 10ean, berriz, errorea 7 cm-koa izango da asko jota ere.

4.3 Errotulazioa eta toponimia


Gorabehera geografikoen leku-izenak adierazi egingo dira; esate baterako, leizeak, mendiak, muinoak, mendixkak, ibarrak, ibaiak, errekak, iturriak, zubiak, errepideak, bideak, padurak, lakuak, ur hartuneak, eta baita leku zehatzagoenak ere, adibidez, hiriko auzoak, plazak, kaleak, parkeak, lorategiak edota zelaiak.

Lurzoruaren erabilerak errotuluz bereiziko dira.

Minutetan, Nibelazio Sareak eta Zuinketako Oinarriak markatu egin beharko dira, beren kotarekin.

Adierazi egin beharko dira orriaren ondokoekiko kokagune erlatiboa, eskala grafikoa eta zenbakizkoa, erabilitako koordenatu sistema orria identifikatzeko izena, erabilitako zeinu konbentzionalak edo ikurrak, eta Obrako zuzendariak erabakitako errotulazioak.

Eraikinen toponimiari dagokionez, erakundeen eta zerbitzu publikoen, enpresen, baserrien, ermitak bezalako eraikin bakanen, ur deposituen eta abarren kokalekua adierazten duten eraikinen izenak jasoko dira.

5. Aurkeztu beharreko dokumentazioa

5.1. Txosten orokorra

Kontratistak lanen garapenari buruzko Memoria Deskribatzailea aurkeztuko du, honako hauek adieraziz:

Erabilitako metodologia.Erabilitako materiala.Kalkuluak egiteko prozedura.Ondorioztatutako erroreak.

5.2. Grafiko lagungarria

Grafikoan honakoak adieraziko dira:

Zuinketako sarearen grafikoaNibelazio sarearen grafikoa.Oinarrizko elementu geografikoak: ibaiak, komunikazio bideak, herriguneak, eta abar.

5.3. Obrako eta bulegoko libretak

- Zuinketako Sarearen behaketa.- Nibelazio geometrikoko sarearen behaketa.

Libreta horiek argitasun eta txukuntasun osoz jasoko dituzte tresna topografikoen bitartez neurtutako balioak, begiz egindako estazionamenduak eta norabidea (erreferentziak) zehaztuz.

5.4. Kalkulua eta konpentsazioa

Dokumentazio honetan, honako elementu hauen kalkulu eta konpentsazioak jasoko dira:

GPS behaketa.Poligonalak.Nibelazioa.

Behin betiko koordenatuak definitzeko kalkulu metodoak, itxiera erroreak eta konpentsazioak, ahalik eta modu argienean adieraziko dira.

Ordenagailu baten bitartez egingo dira, eta emaitzak dokumentazioan txertatuko dira, kalkulua egiteko jarraitu den prozesu orokorra azaltzen duen txostena erantsiz, eta emaitzen zerrendak behar bezala interpretatzeko jarraitutako bidea erakutsiz.

5.5. Zuinketako Sareko erpinen zerrenda eta iruzkina:

Erpin bakoitzaren iruzkinean honakoak adieraziko dira:

Erpinaren izena.X eta Y koordenatuak, ETRS89 sistemako UTM proiekzioan, eta kota ortometrikoa Alakanteko batez besteko itsas mailarekin alderatuta; eta baita anamorfosi linealeko koefizientea ere.ETRS-89 koordenatu geografikoak, beren altuera elipsoidalarekin.Zein udalerritan dagoen.Behatze dataSeinale motaBertatik ikus daitezkeen erpinak.Behatze metodoa (GPS, poligonala, nibelazio geometrikoa edo trigonometrikoa,...)Erpinera iristeko modua, argazki panoramikoa, kokapenaren krokis grafikoa, eta bidezkotzat jotzen den informazio gehigarri oro. Alor geodesikoa: Erreferentziako sistema eta abiapuntu izan diren sare geodesikoko seinaleak.

5.6. Nibelazio Geometrikoko Sarekoak diren eta Zuinketako Sarekoez bestelakoak diren puntuen zerrenda eta iruzkina.

Iruzkinean honakoak adieraziko dira: puntuaren izena, kota behar bezala konpentsatua, puntuaren kokapenari buruzko grafikoa, puntu horretara heltzeko moduaren hitzez hitzeko aipamena, eta argazkia.

PLIEGO DE PRESCRIPCIONES TECNICAS PARA LA PRESTACIÓN DE ...€¦ · Web viewProiektuko geometria...

Documents

Transcript of PLIEGO DE PRESCRIPCIONES TECNICAS PARA LA PRESTACIÓN DE ...€¦ · Web viewProiektuko geometria...