PEPE PEDRO

Yerase una bez un mozo de Chisten yamau Pepe Pedro . Un dia el ban carraña en casa perque eba perdiu las crabas y alabez...

Pepe Pedro muy triste ba decidí coge el montante y se va escapar a escondese a la Peña Chomartin.

Astí i hai una cueva, asinas que Pepe Pedro ba decidí escondese asti.

Y cuan se feba de noches baixaba a bebe agua a una basa chicota que n´i hai más t´abaixo, ya que de noche no el bieba ningún.

Tot el luga yera muy preocupau con la desaparición de Pepe Pedro, asinas que de día to el luga iba a mirar-lo pero no el podeban trovar. Ya no contaban con el, creyeban que le abeba pasau algo malo, y que nunca más el tornarían a bie.

Pero cuan ya feba 24 días que no eba comiu cosa, Pepe Pedro ba baixar de noches a beberé, pero ya yera tan cansau y esganau, que ya no ba pode bolbe a puya ta la cueva an se escondeba.

Una güela del luga que yera vaquera en Igüerra, el ba biere y ba marchare a biyer si el podeba replegare con un burro que teneba. Como ba pode, el ba meter a caballo y el ba trayer ta casa.

Cuan ba llegar ta Chisteb toz es zagals ban salire a bier-lo y deziban: ¡ Ai, Pepe Pedro!!,

¡ Ai, pobre Pepe Pedro!!Su mai, contenta, le ba matare un gallina ta fer-le caldo; y a puro de caldos y mas caldos se ba salba Pepe Pedro.

Y dimpues de aquello nunca mas ba torna a escapase de la suya casa, a partir de entonces siempre le feba caso a es suyos pais.