Mulleres Boiro Marzo 2012
-
Upload
jose-resua -
Category
Documents
-
view
245 -
download
7
description
Transcript of Mulleres Boiro Marzo 2012
Intelixentes, intuitivas, con
conciencia social. Así son as mulleres
que impulsaron a creación deste
primeiro número da revista Mulleres
Boiro.
Esta experiencia piloto, á que nos
botamos sen rede de seguridade,
quere dar saída ás historias que moitas
veces quedan agochadas no silencio
da rutina dos medios. Un silencio que
nos debería suscitar certa vergoña ás
mulleres xornalistas, posto que nós
somos maioría, tanto nas aulas
universitarias como nas redaccións.
Desde Mulleres Boiro animamos a
compartir as vosas realidades
connosco. Calquera persoa que veña
coa determinación de contar unha
historia interesante e humana, grande
ou pequena, ten aquí un altofalante.
Porque o xornalismo está nas rúas, nas
vidas da xente. Pode que non sexa un
xornalismo moi profesionalizado, pero é
un xornalismo verídico e verdadeiro.
Traballamos coa única e marabillosa
intención de informar, de muller a
muller. ◘
Redacción Mulleres Boiro /
Boiro
Durante o fin de semana do
10 e 11 de marzo, tiveron
lugar en Boiro unhas
xornadas para conmemorar o
Día Internacional da Muller
Traballadora. O auditorio da
Cachada foi, eses dous días,
escenario de múltiples
charlas, actos sociais,
homenaxes, e mesmo un
espazo para a emoción e o
recoñecemento ao duro labor
exercido polas mulleres.
Todo este maremágnum de
actividades estivo conducido
pola presentadora Beatriz
Pérez, traballadora da
entidade Uniemprende da
Universidade de Santiago de
Compostela (USC).
Sábado 10 de marzo
O sábado comezou coa
lectura da „Carta dunha nai‟
escrita por C. de Santos, un
texto que reflicte á perfección
as sensacións e
pensamentos de tantas nais
de familia: dispoñibilidade
absoluta as 24 horas do día,
imposibilidade de delegar, ou
mesmo culpabilidade por
dedicarse tempo a unha
mesma. A charla e posterior
rolda de preguntas, a cargo
da psicóloga Cristina León,
xerou un interesante debate
entre as asistentes.
A situación laboral da muller
tamén foi obxecto de debate
o primeiro día das xornadas,
na charla „Habilidades para o
acceso ao mercado laboral‟.
A psicóloga e emprendedora
Paula Tubío proporcionou
ferramentas moi útiles para
unha busca satisfactoria de
emprego.
Domingo 11 de marzo
O día 11 comezou coa
proxección dunha reportaxe
audiovisual titulada „Boiro,
traballo en feminino‟. No
vídeo mostrábanse unha
serie de fotografías que
reflectían a evolución do
traballo das mulleres, desde
mediados do século XX ata a
actualidade.
A homenaxe dedicada ás
mulleres que compoñen a
directiva de Cáritas
Parroquial de Boiro, foi unha
das partes máis emotivas da
tarde. As sentidas palabras
da súa presidenta, Elena
Fabeiro, e a intervención do
alcalde de Boiro, Juan José
Dieste, conseguiron arrincar
en máis dunha ocasión os
aplausos da audiencia.
O último acto, sen dúbida o
que máis público reuniu, foi
protagonizado por nenos de
entre os dez e os once anos.
Os dez finalistas do certame
„A muller máis importante da
miña vida‟ leron historias nas
que as súas propias nais,
avoas e bisavoas, entre
outras, eran as
protagonistas.
Desde Mulleres Boiro
ofrecémosche un amplo
repaso a todo o acontecido
nunhas xornadas nas que a
muller, en tódalas súas
facetas (nai, traballadora,
emprendedora, ama de
casa), veu recoñecido o seu
labor.◘
A presentadora das xornadas, Beatriz Pérez Paula Tubío impartiu a charla ‘Habilidades para o acceso
ao mercado laboral’
Elena Fabeiro, presidenta de Cáritas Parroquial Boiro, e o alcalde de Boiro, Juan José Dieste, protagonizaron
algúns dos momentos máis emotivos da tarde do domingo 11 de marzo.
Durante os relatos dos nenos houbo unha gran afluencia de público Os máis pequenos puideron divertirse na
ludoteca instalada na Cachada
Varias concelleiras tamén asistiron ás xornadas Cristina León, durante a presentación da charla ‘Carta dunha nai’
Mónica Núñez / Boiro
Rotunda e profunda. Así se
pode definir a „Carta dunha
nai‟, lida pola condutora das
xornadas Mulleres Boiro,
Beatriz Pérez. No coñecido
texto, unha muller sinala que
sacar adiante un fogar non é
tarefa para unha soa persoa.
Por esta razón, decide
marchar por uns días, para
que o seu marido e os seus
fillos aprendan a compartir,
pero tamén para que ela
mesma “aprenda a delegar”.
Tra-la lectura da carta, a
psicóloga Cristina León
impartiu unha charla
baseada neste texto. Moi
interesante, moi útil. Por iso,
foi unha pena que non se
implicara máis xente. León
recomendou a todas as
mulleres a lectura desta
carta, non só pólo
interesante que poida ser,
senón polo que cada muller
poida sentir ante a súa
lectura.
O medo á culpabilidade
Malia que o concepto de
abandono que suxire a carta
resulta radical, é necesario ir
ao fondo da cuestión: a
desigualdade no fogar. Hoxe
por hoxe, o inxusto reparto
das tarefas da casa pódese
remediar coa axuda da
familia. Os fillos deben
axudar na casa, ao igual que
os pais, para traballar en prol
dunha maior independencia
para todos. Si, para todos,
porque tal e como sinalou
Cristina León, non só está en
xogo a independencia da
muller. Os demais membros
da familia deben deixar de
depender da ama de casa,
para poder ser máis libres.
Tamén sinalou que todos
deben axudar, xa que o da
ama de casa é un traballo
moi pouco recoñecido, sen
dereito a cotizacións nin a
baixa por accidente ou
enfermidade.
Ademais, a maior parte das
mulleres traballan tamén fóra
da casa. Isto non as exime
do traballo no fogar: nada
máis chegar teñen que
facerse cargo tanto da casa
como dos nenos. Non hai
momento de descanso, a
xornada da muller abarca as
24 horas do día. “Incluso
cando a muller se deita, está
pensando que facer de
comer ao día seguinte”,
menciona a psicóloga
Cristina León.
A muller ten dereito a ser
máis valorada, porque aínda
sigue existindo moita
desigualdade. Tamén temos
dereito a non sentirnos
culpables por ir tomar un
café, ou por buscar un pouco
de tempo para nós mesmas.
Somos moito máis fortes do
que en realidade pensamos
e temos que facernos oír.
“Que as amas de casa
estean máis recoñecidas no
futuro xerará unha maior
igualdade”, sinalou a
conferenciante. ◘
Unha charla baseada na ‘Carta dunha nai’, escrita por C. de Santos, fai reflexionar sobre o
papel da muller no pasado e os retos de futuro. A psicóloga Cristina León realizou a súa
ponencia o sábado 10 de marzo, primeiro día das xornadas Mulleres Boiro.
Unha charla baseada na ‘Carta dunha nai’, escrita por C. de Santos, fai reflexionar sobre o
papel da muller no pasado e os retos de futuro. A psicóloga Cristina León realizou a súa
ponencia o sábado 10 de marzo, primeiro día das xornadas Mulleres Boiro.
Proxección da „Carta dunha nai‟ escrita por C. de Santos / Fotografía:
Sara Outeiral
“As mulleres
temos dereitos a
non sentirnos
culpables por
dedicarnos tempo
a nós mesmas”,
sinala Cristina
Leon.
Mónica Núñez / Boiro
Como facer entender aos
fillos e ao home que
necesitas axuda?
Pois falando con eles. Teñen
que darse conta de que ser
ama de casa tamén é un
traballo. Un traballo
constante ademais. As
mulleres, pola súa parte,
teñen que entender que máis
vale que che queiran polo
que es e non polo que fas.
E cando non queren
entenderche?
Hai que deixar de facer
cousas. Por exemplo, se
algún membro da familia
necesita que lle pases o ferro
a unha camisa, non o fagas.
Así aprenderán non só a
valorar o traballo da casa,
senón a facelo por si
mesmos. Parece tamén que
teñen problemas á hora de
poñer a lavadora – e non é
máis que darlle a un botón e
a unha roda-, mentres que
para arranxar un vídeo ou un
coche non teñen tanto
problema.
Como facer que os fillos
cheguen a obedecer sen
que ameacen con
denunciarche?
Debemos ensinarlles desde
pequenos que o traballo que
facemos é duro e dicirlles
que teñen que axudar na
casa. Hai que negociar con
eles, porque non todo van a
ser xogos: tamén deben
colaborar. Se non somos
capaces de resolver o
problema, podemos buscar
axuda nun asistente social
ou nun psicólogo, que nos
orientarán sobre o que facer
en casos máis graves. Non
hai que ter medo ao que
dirán os demais, xa que o
que facemos é polo ben dos
nosos fillos e polo noso
propio benestar. En ocasións
hai que ser nai, non amiga.
Hai que recordar que non
debemos mimar demasiado
aos nenos. Temos que
axudalos a ser máis
independentes para que nun
futuro próximo haxa unha
maior igualdade social. ◘
Rolda de preguntas
Despois da charla ‘Carta dunha nai’, algunhas das asistentes resolveron as súas
dúbidas sobre igualdade e traballo no fogar coa axuda da psicóloga Cristina León
Cristina León Vilachán tratou de poñer en valor o traballo das amas de
casa durante a súa intervención nas Xornadas Mulleres Boiro /
Fotografía: Sara Outeiral
Durante a charla ‘Carta dunha nai’, a
psicóloga Cristina León Vilachán incluíu
na súa ponencia os artigos dun libro
titulado ‘Guía de la buena esposa’. Este
texto, que foi publicado aquí en España
no ano 1960, recibíano as mulleres que
facían o Servicio Social na Sección
Feminina. Por certo, a participación na
Sección Feminina era obrigatoria, salvo
Consellos da ‘Guía de la buena esposa’
1. Ten lista la cena
2. Luce hermosa
3. Sé dulce e interesante. Estas tres primeiras normas deben ser moi
criticadas, xa que a muller non é escrava do home. É unha persoa, un ser
humano con sentimentos.
4. Arregla tu casa. O traballo da casa ten que ser compartido entre toda a
familia, desde o máis vello ata o máis novo, xa que desta maneira
aprenderán a ser independentes. Non debe facelo só a muller.
5. Hazlo sentir en el paraíso. Para isto non teño palabras, e as que teño non
se poden dicir. No paraíso teríamos que sentirnos os dous membros da
parella, non un só.
6. Prepara a los niños. O que habería que facer é preparar aos nenos entre
os dous, compartir ese mesmo traballo.
que as mulleres estiveran casadas ou
tiveran papeis, é dicir, pasaporte.
Loli Gª Tarela / Boiro
A ‘Guía de la buena esposa’ era un
compendio de normas que toda muller
debía cumprir para ter feliz ao seu home. As
regras (sexistas, ao meu xuízo) que
promovía esta guía son as seguintes:
Ilustracións pertencentes ao libro „Guía de la buena esposa‟ que evidencian o tratamento discriminatorio da muller
Para as mulleres dos
tempos de agora este
libro é, como pouco,
indignante e humillante. A
muller ten dereito a
expresarse e a ser
escoitada, así como a
esixir os seus dereitos. Na
actualidade, coñecer
estas normas débenos
servir para reflexionar
sobre como vivían as
mulleres nun mundo de
homes.
Hoxe por hoxe, a muller
traballa fóra da casa e
tamén nela, polo que
compaxinar traballo e
familia necesita dunha
colaboración man a man
coa parella. Toda muller
necesita que se poña en
valor o seu traballo,
incluído o de ama de
casa. Malia que é tan duro
coma outro calquera, o
mundo e a propia familia,
teñen pouca ou nula
consideración cara o
traballo no fogar.
Pero o que deberíamos
preguntarnos é: Por que a
muller de hoxe aínda
segue a maioría destas
regras, aínda que non o
saiba? Tan pouco lle
importa á muller a súa
propia vida para chegar a
ser escrava dun home e
dunha familia que non a
valora? Aínda que pareza
mentira, en pleno século
XXI os dereitos da muller
–e en concreto da ama de
casa- distan moito de ser
equiparables aos do
home. VALÓRATE! ◘
7. Minimiza el ruído. Isto é o mesmo que crer que o benestar e o descanso
do home é máis importante que o da muller, algo que non se pode
concibir nin aprobar.
8. Procura verte feliz. Non sería máis importante que a parella se axudara
mutuamente para chegar a ser os dous felices?
9. Escucha (sus temas son más importantes que los tuyos). Todos temos
que escoitarnos e falar das nosas cousas. Os problemas da muller son
tan importantes coma os do home, non se pode permitir esta
discriminación.
10. Ponte en sus zapatos. O traballo da muller, aínda que se restrinxa ao
traballo do fogar (ser ama de casa é un traballo), é importante, é
cansado e tamén ten os seus problemas.
11. No te quejes y sé sumisa. Debemos discrepar tamén neste punto, xa
que a muller ten o mesmo dereito que o home a expresarse. Tamén ten
o mesmo dereito a manter unha conversa, unha relación e sobre todo,
a sentirse valorada e comprendida polas persoas que a rodean. Só así
as persoas poden manter unha relación íntima e satisfactoria. Ademais,
a submisión non é algo que debemos tolerar a día de hoxe.
12. EXTRA! Hazlo sentir a sus anchas. Non me cansarei de repetilo: todos
temos o mesmo dereito ao noso propio benestar.
Celia Herbón / Boiro
O panorama laboral cambiou
moito coa incorporación
masiva da muller ao mercado
de traballo. A perspectiva
actual é pouco favorable
para as mulleres, posto que
teñen que afrontar un
desemprego maior que o dos
homes. Para abrir novos
horizontes laborais para a
muller, resulta útil dispoñer
da colaboración de
profesionais do sector. Con
esta vontade ofreceuse,
durante a xornada Mulleres
Boiro celebrada o 10 de
marzo, a charla „Habilidades
para o acceso ao mercado
laboral‟. A ponencia e
posterior coloquio estiveron
ao cargo de Paula Tubío,
psicóloga e cofundadora de
Xarelo.
Durante a charla, Tubío
proporcionou ás boirenses
ferramentas útiles para a
busca de emprego, consellos
para afrontar nunha mesmo
un ranking de cales son as
características máis
demandadas polas
empresas. “Á hora de
contratar, as empresas teñen
en conta primeiro a
experiencia, en segundo as
actitudes que ten o
traballador (motivación e
ganas de traballar) e, por
último, os estudos”, sinalou a
conferenciante Paula Tubío
durante a súa ponencia.
“Actualmente, para
desempeñar un traballo
búscanse persoas
extremadamente
competentes”, destacou
Tubío. Entre estas
competencias, cabe
diferenciar entre as
habilidades técnicas e as
persoais. As competencias
técnicas son as propias de
cada traballo, é dicir, unha
serie de funcións específicas
que hai que saber desenrolar
con eficacia.
No caso das habilidades
persoais, revélannos
aspectos importantes sobre o
carácter persoal de cada
traballador. Búscanse
persoas con diversos
caracteres, segundo o posto
que se vaia ocupar, “pero
sobre todo tense en conta o
traballo en equipo, a
comunicación verbal e a non
verbal, a creatividade, o
autocontrol e a habilidade
para resolver conflitos”,
recoñeceu a psicóloga.
A clave é
autopromocionarse
A psicóloga Paula Tubío recomenda diversas técnicas útiles para atopar emprego na charla
‘Habilidades para o acceso ao mercado laboral’, celebrada o 10 de marzo
As empresas teñen cada vez máis en conta as competencias persoais, sinala Paula Tubío
Durante a súa charla, Tubío proporcionou á audiencia ferramentas útiles
para facilitar a busca de emprego / Fotografía: Sara Outeiral
Tubío recomendou, antes de
comezar a buscar emprego,
facer un listado dos puntos
fortes e débiles. “Segundo as
túas aptitudes, e tendo en
conta os teus puntos fortes e
débiles, deberás seleccionar
os traballos acondicionados
ao teu perfil‟, sinalou. En
base a isto, Paula Tubío
recomenda combinar a
busca pasiva de emprego
(ofertas en Internet, xornais,
axencias...) coa busca activa,
baseada na autocandidatura
do desempregado nas
empresas nas que desexa
traballar. En calquera caso,
esta busca debe ser
constante: “a mellor
recomendación que vos podo
facer é que nunca deixedes
de intentalo, incluso tendo xa
traballo seguide buscando,
porque nunca se sabe”,
remarcou Tubío.
Segundo reflicte o Instituto
Galego de Estatística (IGE),
durante o ano 2011, na
provincia da Coruña, desde
os 65 anos en diante, hai
128.000 mulleres cursando
estudos. Desde os 30 aos 54
anos a cifra descende ata as
45.000 mulleres. Sumando
todos os sectores de idade,
somos un total de 511.100
de mulleres estudando. No
caso de titulacións
superiores, as mulleres
tamén somos maioría nas
universidades. Porén, temos
menos traballo, peores
condicións laborais e unha
menor remuneración que a
dun home. Nestes tempos de
crise resulta obvio ver que,
para poder abrirnos camiño
no mercado laboral,
necesítanse mulleres
emprendedoras, sen medo
ao futuro.◘
No marco da charla ‘Habilidades de
acceso ao mercado laboral’, a
psicóloga Paula Tubío fixo un amplo
repaso do que as persoas
desempregadas poden facer para
mellorar as súas expectativas.
Queremos facer unha achega das
ferramentas máis importantes que o
demandante de emprego debe ter en
conta, para afrontar a busca de
traballo.
Carmen Buceta / Boiro
Hoxe en día moitas empresas
desexan persoal traballador, non só
para a finalidade pola cal foron
contratados. Tamén se buscan
persoas con potencial para realizar
diversas tarefas. Neste senso, hai
que ter moi en conta as
competencias persoais do candidato
ao posto.
O que debemos facer antes de empezar a
buscar emprego
Anotar nunha axenda as nosas
planificacións en materia laboral:
entrevistas, reparto de currículos, etc.
Establecer un directorio de contactos e
empresas que nos poden proporcionar
traballo.
Buscar ofertas e portais de emprego en
Internet.
Localizar as ETTs da comarca.
Competencias máis valoradas polas
empresas
Entusiasmo e ganas de traballar
Capacidade de adaptación á filosofía
da empresa
Orientación ao cliente
Empatía, ou capacidade de entender as
necesidades dos demais
Flexibilidade
Traballo en equipo
Durante as entrevistas de traballo, moitos
candidatos cometen erros como non
informarse debidamente do posto ao que
pretenden acceder, utilizar mal a linguaxe
non verbal ou mesmo non levar unha
indumentaria adecuada. Por iso, faise tan
necesario que os candidatos afronten
unha entrevista coa maior seriedade
posible. ◘
Jessica Hermo / Boiro
A crise económica afectou dunha
maneira brutal á poboación española
durante estes últimos anos. Millóns de
persoas quedaron sen traballo. Dentro
deste amplo sector da cidadanía que
busca traballo e non o atopa, as mulleres
sofren a peor parte. O paro feminino é, a
día de hoxe, superior ao masculino.
Se antes había problemas para
encontrar traballo pola simple razón de
ser muller, agora hai moitas mais
escusas debido á crise. Gustaríame
saber se cando un home vai facer unha
entrevista de traballo, se lle pregunta se
ten pensado ter fillos ou se ten parella.
Por outra banda, ás mulleres estamos
consideradas menos capacitadas para
exercer calquera tipo de traballo, malia
que na actualidade hai moitas máis
licenciadas que licenciados, e con
mellores cualificacións. Ademais, se
unha muller ten a sorte de atopar
traballo, cobrar menos ca un home por
desempeñar exactamente a mesma
tarefa.
Ante todo isto cabe preguntarse: Por que
permitimos que se nos siga
discriminando? Hai, acaso, certo medo
cara ao progreso das mulleres?
Estatisticamente demostrouse que as
mulleres collen menos baixas que os
homes. Isto non se ten en conta á hora
de contratar? Sinceramente, sigo sen
comprender como é que se fala de
igualdade de sexos, se aínda non se
aplicou de todo na práctica. ◘
“As mulleres estamos
consideradas menos
capacitadas, malia que
hai máis licenciadas
que licenciados”
Decálogo ‘Como debemos afrontar a
entrevista’
1. É vital informarse sobre a empresa
á que queremos acceder:
ubicación, política de empresa....
2. Presentarnos con roupa e
apariencia correctas.
3. Presentarnos nada máis chegar e
non sentar ata que nos ofrezan
asento.
4. Sentar de maneira correcta e
cómoda.
5. Mostrar un sorriso natural e mirar de
fronte ao entrevistador.
6. Non mostrarse aburrido/a ou
impaciente. Debe evitarse facer
certos xestos, como mirar o reloxo.
7. Debemos utilizar un ton de voz
normal, falar con claridade e con
boa pronunciación.
8. Hai que incidir nos nosos puntos
fortes e contrarrestar os débiles.
9. Tamén debemos falar en positivo
da nosa vida laboral, afeccións e
metas.
10. Non podemos mencionar
problemas persoais, nin por
suposto, mentir.
Norma Pereiro - Manola Vidal
/ Boiro
Cen anos do Día da Muller
Traballadora
A situación da muller
traballadora no mundo nos
últimos cen anos. No 1911
produciuse a primeira
celebración do Día
Internacional da Muller
Traballadora. O 19 de marzo,
en Alemaña, Austria,
Dinamarca e Suiza asistiron
máis de 100.000 persoas
esixindo o dereito ao voto da
muller, o dereito a ocupar
cargos públicos e o dereito á
non discriminación laboral.
Unha semana despois da
celebración, máis de 140
traballadoras faleceron nun
tráxico incendio na fábrica de
camisas Triangle de Nova
York. O suceso tivo unha
grande repercusión na
lexislación laboral de
Estados Unidos, e nas
celebracións posteriores nas
que se fixo referencia ás
condicións laborais.
O primeiro Día Internacional
da Muller celebrado en
Rusia, tivo lugar por primeira
vez o último domingo de
febreiro de 1913. En 1914
conmemórase por primeira
vez de maneira oficial en
Alemaña, Suecia e Rusia o 8
de marzo. O 8 de marzo de
2011 conmemorouse o 100
aniversario desta
conmemoración en moitas
partes do mundo. O tema
oficial do Día da Muller 2011
son a igualdade de acceso á
educación, a capacitación, a
ciencia e a tecnoloxía, en
definitiva, un camiño cara o
traballo decente para a
muller.
A muller en Galicia e en Boiro
A vida da muller galega cambiou moito nestes derradeiros cen anos, no tocante á vida na casa pero tamén fóra dos muros do fogar. Por necesidade, pero tamén para atopar unha independencia económica, as mulleres incorporáronse de forma masiva ao mercado laboral, de forma que a día de hoxe o traballo da muller supón unha parte importante para a economía galega. Conserveiras
A finais do século XIX e na primeira metade do século XX abríronse moitas fábricas ao longo de Galicia. O máis destacable en Boiro foi a apertura dunha fábrica de conservas nos anos 50, que naceu coa idea de poder exportar o produto fóra de Galicia. Xa naqueles anos había unha gran evolución
na industria conserveira, pero non ten punto de comparación co que é hoxe. Antigamente facíanse moitas cousas a man, pero hoxe hai moitas máquinas que facilitan o traballo en cadea e adelantan a produción. No ano 2011 a conserva contratou a 904 mulleres, o 39% de tódolos contratos firmados polas mulleres de Boiro, segundo o Instituto Galego de Estatística (IGE). Traballos do mar
O mar é unha fonte importante de recursos noutro sector: o das mariscadoras. Das 4.600 persoas que traballan no marisqueo en Galicia, 4.100 son mulleres. Os maiores ingresos veñen do berberecho e da ameixa. Outras profesións relacionadas co mar, que exercen un gran número de mulleres, son os traballos de redeira, bateeira e vendedoras da praza de abastos. Estes traballos foron retratados pola artista Mar Cuervo nunha reportaxe
Con motivo da emisión da reportaxe ‘Boiro, traballo en feminino’, facemos un repaso ao Día Internacional da Muller Traballadora, pero tamén do emprego da muller en Galicia e en Boiro
A malla do centeo foi un dos aspectos tratados no vídeo „Boiro, traballo
en feminino‟ / Fotografia: Asociación Fotográfica Olláparo
titulada „Sirenas‟. Costureiras
Outro traballo exercido polas mulleres de maneira intensiva foi o de costureira. Moitas empezaban como aprendices desde rapazas, que acompañaban á costureira mestra. As antigas costureiras adoitaban cargar coas súas máquinas enriba da cabeza, ata que chegaron as máquinas de pé e as automáticas. Como aconteceu con tantas outras profesións, os avances industriais foron deixando atrás a costura de toda a vida. Oficios tradicionais
Os oficios tradicionais, como o traballo do agro ou a tradicional malla do centeo
evolucionaron moito nas últimas décadas. No tocante á labranza das terras, trátase este dun oficio que está a experimentar un retroceso. A malla do centeo ou mesmo as exposicións de apeiros tradicionais de labranza, están a poñer en valor os traballos tradicionais, desde o punto de vista da preservación da cultura tradicional galega. Asociacións de Boiro como O Faiado contribúen a que a nosa cultura non esmoreza. Amas de casa
As amas de casa son as grandes esquecidas do mundo laboral. Malia que é unha ocupación que ocupa as 24 horas do día, sen vacacións nin remuneración, dáse por feito que é un traballo que a muller debe
asumir de facto. Neste senso, Amas de Casa de Boiro é unha asociación que pretende proporcionar actividades e saída ás mulleres que traballan nos seus fogares. E que son tan traballadoras como as demais. Empresarias e empregadas
O sector servizos experimentou un gran crecemento na vila, tamén en canto ao número de contratos firmados, xa sexa en comercios polo miúdo ou en establecementos hostaleiros. O emprendemento é un camiño que escollen outras mulleres. Malia que poida resultar unha decisión arriscada nestes tempos, é nas crises onde se deben buscar as oportunidades. As Tecnoloxías da Información e da Comunicación (TIC)
As TIC son empregadas masivamente polas mulleres do século XXI. O dominio das ferramentas online, o procesamento de texto, imaxe e vídeo, ou mesmo a actualización das redes sociais son os principais retos de futuro. Xa non se trata este, polo tanto, dun labor de copista ou que requira só a utilización de ferramentas de ofimática. Pola contra, é un traballo que necesita dunha actualización e dunha reciclaxe continuos. Nun mundo globalizado, Internet é a principal vía de comunicación. As mulleres deben saber aproveitar as grandes autopistas da información para poder avanzar. ◘
O marisqueo é unha actividade econômica moi importante para as
mulleres de Boiro / Fotografia: Asociación Fotográfica Olláparo
Durante a homenaxe emitiuse un vídeo que mostra o traballo das mulleres que integran Cáritas Boiro
Dentro das xornadas
dedicadas á muller
traballadora, as persoas
que integran a directiva de
Cáritas Parroquial Boiro
viron recoñecido o seu
labor solidario. A
homenaxe completouse
coa emisión dunha
reportaxe audiovisual
titulada ‘Mulleres Boiro’,
que mostraba o traballo
diario da asociación.
Mª Dolores Fernández – María
Santos / Boiro
As mulleres son maioría en
Cáritas Parroquial Boiro. De
feito, das oito persoas que
integran a directiva, seis son
mulleres. A ampla presenza
feminina na asociación
parroquial fixo que o concello
de Boiro quixera honrar,
cunha emotiva homenaxe, o
traballo en prol da
solidariedade exercido por
estas persoas durante as
Xornadas Mulleres Boiro,
celebradas os días 10 e 11
de marzo no auditorio da
Cachada.
Capitaneados por Elena
Fabeiro, presidenta da
organización desde finais de
2011, os homes e mulleres
que conforman a directiva
visionaron unha reportaxe
que mostraba o traballo
diario de Cáritas. Tra-la
emisión, Fabeiro recibiu,
visiblemente emocionada, un
agasallo de mans do alcalde
de Boiro, Juan José Dieste.
Vídeo ‘Mulleres Boiro’
Durante a emisión da
reportaxe, duns dez minutos
de duración, os asistentes
puideron descubrir o traballo
e a cobertura solidaria que
proporcionan os membros de
Cáritas á cidadanía boirense.
No vídeo explícase, por
exemplo, que as mulleres
ocupan a tarde dos venres
enchendo caixas con
alimentos que ceden os
provedores, como patacas,
pasta, arroz ou conservas.
Os membros da directiva de Cáritas Boiro posan na rectoral onde ten sede a organización / Fotografia: Patricia Millán
No caso das conservas,
unha empresa local
encárgase de que Cáritas
Parroquial estea surtida todo
o ano. Tamén produtos para
a hixiene persoal, pañais,
alimentos infantís ou mesmo
xoguetes están presentes
nestes paquetes de axuda.
As caixas repártense os luns,
e cada familia recibe a súa
cota de axuda
correspondente cada quince
días.
Outro dos apartados da peza
audiovisual referiuse á roupa,
tanto a que donan os
particulares como a que
proporcionan as tendas de
Boiro, e que a costureira
Maribel se encarga de
remendar, cando é
necesario. Elena Fabeiro
recoñeceu no vídeo que a
gran xenerosidade da
cidadanía de Boiro provocou
que xa non dispoñan de
espazo para almacenar máis
roupa.
Como colofón, Fabeiro fixo
referencia novamente a esa
xenerosidade e á
colaboración co
párroco don Francisco,
falecido en 2010 e
responsable da revitalización
de Cáritas. Tamén quixo
mostrar o seu
agradecemento ao actual
cura párroco, don Rogelio.
As bágoas de Elena
Finalizado o vídeo, o alcalde,
Juan José Dieste, subiu ao
escenario para dedicar
unhas palabras ao traballo
que exerce Cáritas
Parroquial. O edil aproveitou
a ocasión para agradecer o
labor das mulleres de Boiro,
mencionando que todas elas
deben sen tratadas con
“cariño e respecto”.
Pero o momento máis
emotivo da tarde
protagonizouno, sen dúbida,
Elena Fabeiro. Tras recoller
unha placa honorífica de
mans do alcalde en nome da
asociación, Fabeiro e o edil
abrazáronse,
conmocionando a todo o
público presente na sala. A
presidenta de Cáritas non
puido reprimir as bágoas
nese momento, nin
tampouco ao comezar o seu
discurso de agradecemento.
A emoción invadiuna ao falar
do desaparecido don
Francisco, pero tamén no
momento de agradecer a
axuda do párroco don
Rogelio, presente no salón
de actos. Tampouco faltaron
palabras e recoñecemento
cara ao pobo de Boiro, que
aportan unha axuda, según
Fabeiro, inestimable. ◘
Elena Fabeiro é a presidenta de Cáritas Boiro desde finais de
2011 / Fotografia: Patrícia Millán Elena Fabeiro recibe unha placa conmemorativa de
mans do alcalde de Boiro, Juan José Dieste /
Fotografia: Sara Outeiral
O momento máis emotivo da velada foi o abrazo entre o alcalde de Boiro, Juan José Dieste, e Elena Fabeiro
As mulleres durante moito
tempo estiveron pouco
valoradas. Nembargante,
grazas a moitas mulleres
obtivéronse grandes
logros, malia que en
demasiadas ocasións, o
mérito nunca lles foi
recoñecido.
Celia Herbón / Boiro
Mulleres na antigüedade
Na antigüidade moitas
mulleres foron asasinadas e
perseguidas polas súas
crenzas e polo que
defendían.
Cleopatra naceu no ano 69
a.C. Foi a ultima raíña do
reino exipcio con tan só 18
anos. É coñecida pola súa
gran beleza pero os
derradeiros achádegos
históricos confirman que non
era unha muller demasiado
guapa. O que a facía
atractiva era a dozura coa
que trataba aos demais, o
ton de voz delicado e o don
de palabra que tiña. Todo o
que conseguiu foi grazas ás
súas habilidades políticas e á
facilidade para aprender
idiomas. Falaba grego,
exipcio, sirio, arameo, hebreo
e latín.
Hipatia de Alexandría
naceu no ano 355 en Exipto.
Foi unha filósofa e mestra
neoplatónica grega que
destacou no campo da
matemáticas e tamén na
astronomía. Reivindicou a
liberdade das mulleres
incluso sexualmente. Estivo
casada con Isidoro, outro
filósofo pero mantívose virxe.
Juana de Arco,nada no
1412, foi unha heroína militar
e santa francesa. Con só 17
anos encabezou o exército
real francés. Inda así morreu
queimada con tan só 19
anos, virxe e mártir.
Mulleres internacionais
Ada Lovelace naceu no
1815. Foi considerada a
primeira programadora para
á “máquina analítica” de
Charles Babbage. E
recordada principalmente por
ter escrito unha descrición da
antiga máquina analítica de
Babbage. Publicou no 1843
unha serie de notas sobre a
“máquina analítica”, inda que
nunca chegou a construírse.
Firmou o escrito tan só coas
iniciais por medo á censura
por ser muller.
Florence Nightingale naceu
no 1820 e foi unha célebre
enfermeira, escritora e
estadista británica. Está
considerada unha das
pioneiras na enfermería
moderna e creadora do
primeiro modelo conceptual
de enfermería. Foi a primeira
muller admitida na „Royal
Statistical Society‟ británica e
membro honorario da
„American Statistical
Associaton‟. En 1883 a
Raíña Victoria outorgoulle a
Real Cruz Vermella. No 1907
foi a primeira muller en
recibir a Orde de Mérito de
Reino Unido. En 1908
entregáronlle as chaves da
cidade de Londres.
Marie Curie naceu no 1867
e foi unha coñecida física e
química polaca. Pioneira no
campo da radioactividade, foi
a primeira persoa en recibir
dous premios Nobel e a
primeira muller en ser
profesora na Universidade de
París. Na primavera de 1934
quedou cega e faleceu en
xullo dese mesmo ano,
probablemente debido ás
radiacións ás que estivo
exposta nos seus traballos.
Hellen Keller naceu en
1880. Foi unha autora,
activista política e oradora
estadounidense sorda e
cega. No 1904 graduouse
“con honores” na
Universidade de Radcliffe
converténdose así na
primeira persoa sordocega
en obter un título
universitario. Tamén
promoveu a mellora da
calidade de vida das persoas
cegas. En 1964 foi
Cleopatra, Hipatia de
Alexandría e Juana de
Arco son algunhas das
mulleres célebres da
Antigüidade.
Baixorrelieve que mostra a
imaxe de Cleopatra VII
Marie Curie
galardoada coa Medalla
Presidencial da Liberdade. O
ano seguinte elixírona para o
Salón da Fama na Feira
Mundial de Nova York.
Mulleres españolas
Carmen de Burgos naceu
no 1867. Foi escritora,
periodista, tradutora,
pedagoga e activista dos
dereitos da muller española.
Considérase a primeira
muller xornalista profesional
en España. Casou aos 16
anos, en contra da vontade
de seu pai, co fillo do
gobernador de Almería. Por
problemas matrimoniais
abandonou o domicilio
conxugal. Despois do
divorcio decidiu estudar
maxisterio.
Clara Campoamor naceu no
1888 e foi unha política
defensora dos dereitos da
muller e principal impulsora
do sufraxio feminino en
España. Defendeu a
igualdade de dereitos da
muller e a liberdade política.
Tras o estalido da guerra civil
exiliouse, pero seguiu
escribindo e dando
conferencias.
Dolores Ibárruri, chamada a
Pasionaria, naceu en 1895 .
Destacou como dirixente
política na Segunda
República e durante a
Guerra Civil. Uniuse á loita
polos dereitos das mulleres,
para demostrar que as
mulleres, fosen da condición
que fosen, son seres libres
para elixir o seu destino.
Mulleres galegas
Concepción Arenal naceu
no 1820 e foi unha
importante escritora
vinculada ao movemento
feminista. Entrou na
facultade de Dereito vestindo
roupas de home, por mor de
que a educación universitaria
estaba vedada ás mulleres.
Escribiu en 1860 „La
beneficiencia, la filantropía y
la caridad‟, que presenta ao
concurso convocado pola
Academia de Ciencias
Morales y Políticas baixo o
nome do seu fillo Fernando,
de tan só 10 anos. Con este
escrito pasou a ser a
primeira muller en ser
premiada pola Academia. No
seu epitafio está escrito: ”A la
virtud, a una vida, a la
ciencia.” Pero a súa frase
máis célebre foi “odia el
delito y compadece al
delincuente”.
Rosalía De Castro naceu no
1837. Foi unha figura clave
no rexurdimento galego. A
figura de Rosalia foi
reivindicada como a
precursora do feminismo e
do traballo da muller na
cultura.
Emilia Pardo Bazan naceu
en 1851 e foi novelista,
ensaísta, xornalista e crítica.
O marido esixiulle que se
retractara dos seus escritos
publicamente e cesara a
escritura. En resposta, ela
decidiu divorciarse. Asistiu a
varios congresos nos que
denunciou a desigualdade
entre homes e mulleres. En
1906 chegou a ser a primeira
muller en presidir a Sección
de literatura do Ateneo de
Madrid e a primeira en
ocupar unha cátedra de
literatura neolatina na
Universidad Central de
Madrid.
Mulleres en Boiro
Bríxida Muñíz Suárez Unha
labrega do lugar de Triñáns
que, a partir de marzo de
1936, a raíz das eleccións da
Fronte Popular, formou parte
da corporación municipal de
Boiro, como única muller, en
representación do Partido.
Cando a sublevación, foi
paseada por todo Boiro, coa
cabeza rapada e as siglas
UHP pintadas na fronte,
embargáronlle as vacas e
estivo detida arredor dun
mes no concello. Bríxida foi
perseguida, maltratada e
vexada polas súas crenzas,
pero sobre todo pola súa
condición, ser muller. ◘
“Ningunha idea, ningún
valor, ningunha orde,
xustifica a norte dunha
persoa ; a vida é o valor que
dá sentido a tódolos valores
e, polo tanto, nin antes nin
agora nin nunca, en nome
de nada nin de ninguén se
pode privar da vida a
alguén.”
Rosalía de Castro
A Pasionaria
Loli Gª Tarela / Boiro
Durante o pasado 11 de
marzo, no auditorio da Casa
da Cultura da Cachada, unha
gran concorrencia expresaba
mediante os seus aplausos,
a emoción de cada relato
escrito polos nenos finalistas
do certame ‘A muller máis
importante da miña vida’.
Dez finalistas que foron
lendo, un por un, cadanseu
relato con orgullo e
nerviosismo. Historias sobre
queridas nais, avoas,
bisavoas, ou incluso unha
enfermeira que conseguiu
espertar a admiración da súa
pequena paciente. O
denominador común destes
relatos é que por moi mal
que estivera a situación,
estas mulleres
homenaxeadas estaban
sempre aí, para traballar,
para a casa, para os fillos,
para afrontar calquera
problema. Sempre estiveron
aí.
Os sete finalistas son Mª del
Pilar Dávila García, Jorge
Piñeiro Bermúdez, Lucas
Romero Brións, Sara
Romero Muñiz, Laura
Segade Fungueiriño, Javier
Varela Viturro e María Viturro
Gallardo. En canto aos
primeiros clasificados do
concurso, en terceiro lugar
quedou Jorge Saavedra
Fungueiriño e no segundo
posto, Uxía Rubio Blanco. A
gañadora do certame foi Lara
Segade Fernández, co seu
relato „A miña nai, unha
muller traballadora‟.
Os dez nenos recibiron
cadanseu lote de agasallos,
así como un diploma que
acredita a súa participación
no certame. Os tres
gañadores recibiron, a
maiores, un mp5.
As impresións dos nenos
Todos os nenos mostráronse
moi contentos e felices por
ter estar entre os dez relatos
finalistas do certame. A
moitos deles gustaríalles
chegar a ser como a persoa
na cal se inspiraron, tal e
como dixo o finalista Javier
Varela: “un pode inspirarse
nas persoas que fixeron algo
da súa vida”. Outros dos
rapaces quixeron destacar
algunha característica da
muller á que decidiron
homenaxear, como Sara,
que sinalou o traballadora
que é a súa avoa.
Os cativos quixeron mandar
unha mensaxe aos nenos da
súa mesma idade. Queren
que outros rapaces se
atrevan a escribir e a
participar en concursos,
posto que “todo é empezar” e
se é necesario “poden pedir
axuda”, tal e como quixo
destacar o finalista Jorge
Piñeiro. Sinalan tamén que
escribir “é moi fácil e
divertido”, e que os relatos
“saen sós”. A algúns deles
gústalle, sobre todo, poder
recibir premios polos seus
traballos.
A finalista Mª del Pilar, unha
nena de ascendencia
arxentina, destacou cun
emotivo relato sobre a súa
enfermeira. A rapaza quixo
mostrar a súa felicidade “por
ter chegado a onde cheguei”,
Todos os finalistas
animaron a cativos da
súa mesma idade a
escribir e a participar
en certames coma
este.
Rapaces de entre 10 e 11 anos homenaxearon ás súas nais durante as xornadas Mulleres Boiro. Unhas 150 persoas asistiron ao certame de relatos curtos.
A primeira
clasificada foi Lara
Segade, co relato
titulado „A miña nai,
unha muller
traballadora‟.
ao igual que tamén fixeron a
finalista María Viturro e a
segunda clasificada, Uxía
Rubio. Enfrontarse a un gran
público non é doado, pero
isto non impediu que o
terceiro clasificado, Jorge
Saavedra, deixara a timidez
a un lado e lera a súa
historia. Lucas Romero e
Laura Segade, pola súa
parte, recoñeceron que se
divertiron durante o certame
e que este tipo de concursos
“vale a pena”.O orgullo dos
pais destes nenos era máis
que evidente. Moitos
quixeron expresar a „Mulleres
Boiro‟ a súa satisfacción
porque os nenos puideran
perder o medo escénico e
enfrontarse ao público.
O alcalde de Boiro, Juan
José Dieste, pechou o
certame agradecendo aos
rapaces a súa participación.
“Espero que se traballe por
un mundo mellor, que
mellore tamén a vida das
mulleres”, sinalou o edil.
Dieste aproveitou esta
comparecencia para
agradecer á cidadanía de
Boiro a súa participación nas
xornadas. “Grazas á muller,
por facer que sexamos como
somos”, concluíu. ◘
Durante os dous días que duraron as xornadas Mulleres Boiro, o
coidado e a diversión dos nenos estiveron garantidos por catro
monitores / Fotografía: Patricia Millán
Presentación do certame de Relatos Curtos durante as Xornadas Mulleres Boiro
Ludoteca para os
máis pequenos
Para promover a asistencia
de nais e pais a estas
xornadas, habilitáronse
varias aulas na Casa da
Cultura da Cachada para
entreter aos pequenos da
casa. Alí, os nenos puideron
demostrar durante os dous
días de xornadas a
creatividade e o amor de nai
que levan dentro. Baixo a
supervisión de catro
monitores, nenos de distintas
idades realizaron actividades
lúdicas, pero tamén
educativas e de
concienciación social, como
o mural da fotografía. ◘
1ª clasificada: Lara Segade Fernández
Ola a todos e todas. Teño 10
anos e cando me
propuxeron facer un traballo
sobre a muller traballadora,
lembreime da miña nai. A
verdade é que teño como
exemplo á miña nai. Non sei
que sería na nosa casa sen
ela. Teño unha nai que é
fontaneira, cociñeira,
planchadora, economista
sen estudos.
Din que estamos nun país en
crise, pero sei que se a xente
que está a gobernar fora
como a miña nai, seríamos
un dos países máis ricos do
mundo, porque a parte de
ser todo iso, pasa a metade
da súa vida nunha
conserveira para facer de
dez euros vinte. Non me
digades como o fai, pero
faino.
A miña nai sempre pon de
exemplo á súa avoa, que vén
sendo a miña bisavoa.
Cóntame que era unha
muller moi traballadora e
todo o que sabe aprendeuno
dela. Dime que sempre lle
estaba berrando para que
aprendera a levar unha vida,
e soubera aguantar do
diñeiro.
Teño por seguro que si vivira
estaría moi orgullosa dela,
por iso creo que os valores
dunha muller apréndense a
través dunha familia
humilde e traballadora.
Non sei por que existe ese
día da muller traballadora,
pois polo simple feito de
selo, xa é un orgullo e
alégrome moitísimo de
haber nacido así, pois hai
países que polo mero feito
de nacer muller, significa
pobreza e morte.
Son a máis pequena, sendo
tres mulleres na casa e un
home que é meu pai, ao cal
sempre lle escoito dícir que
está perdido con tres
mulleres. Pero sei que por
dentro está máis contento
que ninguén por ter a sorte
de estar tan ben
acompañado.
Hai un refrán que di que a
muller cásase tres veces, a
primeira co seu marido, a
segunda cos fillos e a
terceira sendo máis maior co
marido outra vez. Decídeme
cantas veces se casa o
home!
Demos un gran salto dende
o século pasado ata este,
quedando aínda moitos
países por recoñecer o
traballo e a dignidade das
mulleres. Agardo que cando
sexa máis grande se
respecten todos e todas por
igual.
Por último quero recalcar
que por favor non acabo de
entender como pode haber
xente que maltrate á persoa
que da a vida a outro ser.
Síntome moi orgullosa da
xente que loita pola
igualdade da muller.
Permitídeme que esta
redacción da muller
traballadora lla dedique a
todas as nais do mundo.◘
Certame de relatos curtos ‘A muller máis importante da miña vida’
“Agardo que cando
sexa máis grande se
respecten todos e
todas por igual”
Certame de relatos curtos ‘A muller máis importante da miña vida’
Finalista: Mª del Pilar Dávila García
Chámome Pilar.
Persoalmente, aprecio moito
aos meus familiares e seres
queridos. Pero hai unha
persoa moi especial na miña
vida, que me axudou
moitísimo. Chámase Chus, e
é a miña educadora para a
diabetes.
Fai máis ou menos dous
anos, diagnosticáronme esa
enfermidade. Toda a miña
vida cambiou, pero Chus foi
a marabillosa persoa que me
axudou a saír adiante con
este pequeno problema.
Cando eu estaba no hospital
pesaba vintesete quilos!
Nunca quería comer nada,
entón ela gastaba o seu
tempo libre en ocuparse de
min, e procuraba que
comera de todo, porque eu
non estaba acostumada a
comer ese tipo de cousas.
Por exemplo: peixe, brócoli,
chícharos…
Tampouco estaba
acostumada a que me
pincharan, e doíame. Ela
consolábame dicindo que
non pasaba nada e que só
era un momentiño, e que
cando estivese máis
regulada non tiña que
inxectarme tantas veces ao
día. Pero despois xa me fun
acostumando e non doía,
todo grazas a ela.
O hospital onde ela traballa
está bastante lonxe do meu
pobo. Ao principio ía alí
continuamente, a causa das
dúbidas. Iso atrasábame
bastante co tema do colexio,
pero tranquilamente
púidenme ir acostumando.
Foron pasando os días e
cada vez ía menos por alí,
pero eu nunca me esquecía
dela. Era case imposible non
recordala nun momento
coma ese, no que dun día
para outro tiña que
inxectarme insulina, non
consumir azucre e pesar
case todos os alimentos. E
claro, ela axudárame a
aprender a facer todas esas
cousas, que no momento
eran moi difíciles para min.
Ao cabo dun tempo, fun
aprendendo moito. Ela e
máis o endocrino estaban os
dous moi orgullosos de min,
tanto coma eu deles.
Ás veces Chus estaba alí
desde as sete da mañá, todo
o tempo axudando aos
nenos e nenas coma min ou
con algo similar ao meu.
Sempre, aínda que estivese
cansadísima: ela atendíanos
cun gran sorriso na cara e
unha amabilidade
insuperable.
Parecíame incrible, eu no
seu lugar estaría tirando
todo polo aire, pero ela é
tan especial que ten un don
para que non lle suceda, e
esa é unha das moitísimas
cousas polas que confío
plena e cegamente nela.
Nunha época, de improviso,
tiven que facer unha viaxe a
Arxentina, a visitar aos meus
familiares. Por sorte, Chus
doume todas as indicacións
para poderme ir tranquila e
segura. Cando xa estaba alí,
grazas ao que ela me
ensinara, estiven
perfectamente. O que máis
me custou foi a diferenza
horaria, pero tamén alí Chus
me axudou, molestándose
en facerme unha táboa cos
horarios e comidas. Foime
xenial!
Outro día tiven unha
gastroenterite severa. Como
a educación de diabetes alí
era distinta á miña, tívena
que chamar por teléfono, e
ela moi amablemente
atendeume e indicoume
todo. Seguindo ao pé da
Certame de relatos curtos ‘A muller máis importante da miña vida’
“Chus sempre nos atende cun gran sorriso na cara e unha amabilidade insuperable”
“Chus foi a marabillosa persoa que me axudou a saír adiante con este pequeno problema (a diabetes)”
letra os seus consellos logrei
curarme.
Sempre que necesito algo e
por algunha razón non o
consigo na farmacia, ela
sempre está disposta a
darmo sen ningún problema.
Desde o meu punto de vista,
creo que sempre está
preparada para calquera
cousa que lle pida calquera
dos seus pacientes, todo
menos caramelos e
chucharías.
Chus foi a persoa que me
apoiaba en tempos de
tristeza, enfado e tamén de
felicidade. Sempre se
encontraba ao meu lado.
Estou, estiven e estarei
sempre tan agradecida e
orgullosa dela.
Cando eu ía á súa consulta e
necesitaba algo, ela sempre
estaba e está alí para darmo,
non lle importa o máis
mínimo o que lle custe,
porque sabe que é para
facerlle algo bo ao próximo,
e así é ela, e nunca
cambiará.
Á miña nai tamén lle axudou
moitísimo. Recordo que
cando fun a ver ao meu
pediatra e me
diagnosticaron a
enfermidade, ela choraba.
Chus tamén a axudou a
aprender a controlarme e
coidarme. Todo o que a
miña nai sabe agora,
ensinoullo esa persoiña tan
especial, e asegúrovos que
non é pouco.
Meu pai, a causa do seu
traballo, non vai moi a
miúdo por alí, e as poucas
veces que foi, ela deu todo
para que meu pai cada día
puidera saber un pouquiño
máis, e así poder estar
comigo moito máis
tranquilamente.
En cambio, eu cada día sigo
aprendendo un montón. Ao
mellor acontece dentro de
vinte anos, pero estou
segura de que algún día
encontrarán unha cura para
a diabetes.
Ata ese momento, Chus
seguirá ao meu lado. ◘
“Estou segura de que algún día encontrarán unha cura para a diabetes”
En posteriores números de ‘Mulleres Boiro’ publicaremos os restantes relatos finalistas do certame ‘A muller máis importante da miña vida’
O pasado martes 20 de marzo recibimos na
redacción de Mulleres Boiro, a visita da
psicóloga Cristina León. Licenciada en
Psicoloxía e cun Máster en Avaliación e
Intervención en Xerontoloxía e Xeriatría, a
súa traxectoria profesional abarca o
maltrato a mulleres, cuestións de
igualdade, a drogodependencia e o botellón
en adolescentes. Pero no que máis destaca
é en temas relacionados cos máis maiores,
como a axuda a familias con membros que
padecen Alzheimer, o tratamento de
persoas dependentes e a creación de
obradoiros da memoria.
Mónica Núñez – Jessica Hermo / Boiro
Igualdade e maltrato
MULLERES BOIRO: Como se pode chegar a
decatar unha muller de que está sendo
maltratada psicoloxicamente?
CRISTINA LEÓN: No primeiro insulto. Tampouco
se pode permitir que se inicie un círculo vicioso
no que un insulta e o outro responde. O maltrato
psicolóxico adoita doer máis que o físico. Tamén
se ven situacións de desigualdade: el pode saír
e ti non, el pode moverse libremente e ti vas
detrás, ti non te podes vestir como queres... Saír
dunha situación así é moi duro.
MB: Que tipo de axudas teñen hoxe en día as
mulleres maltratadas?
CL: Estamos nun país de homes, con leis feitas
por homes. A Lei de Violencia de Xénero di que
hai que axudar, insertalas no mercado laboral,
axuda psicolóxica.... A realidade é ben distinta,
porque é moi difícil insertar a unha muller de 40
anos que nunca traballou porque non a
deixaron. A propia muller síntese que non vale
para o traballo que vai desempeñar. É moi difícil
para unha muller maltratada decatarse de que
depende de si mesma. É difícil plantexarse que
non tes cartos, que tes que buscar traballo, que
non tes onde vivir... Se a túa familia non che
axuda, a solución rápida é coller a maleta e
marchar. O que leva nesa maleta é sufrimento,
non ver aos fillos... Por iso, decide non marchar.
Moitas veces xulgamos ás persoas porque non
denuncian. É unha decisión moi difícil, sobre
todo se hai nenos pequenos. Non digo que non
haxa que denunciar, digo que é difícil.
Debémoslles ás mulleres maltratadas axuda xa
por historia.
MB: As diferencias tamén se dan en algo tan
esencial como os salarios de home e
muller...
CL: O problema non está na diferencia de soldo
de avogados ou políticos. O problema está en
postos inferiores, e recibe o nome de violencia
estrutural. Non é normal que unha persoa
traballe nunha fábrica de carretillera e se lle
contrate de auxiliar de fábrica, cobrando menos
que un carretillero home. No Estado non hai
diferencias, porque está a Lei detrás.
MB: Que podemos facer para que a
sociedade do mañá avance cara unha
igualdade plena?
CL: As mulleres temos un recurso que non
aproveitamos de todo: nós educamos máis que
os homes. Poderíamos utilizar esa ferramenta
A psicóloga Cristina León, nun momento da súa intervención
/ Fotografía: Patricia Millán
para educar en igualdade aos nosos fillos,
ensinarlles que non só as nenas teñen que
axudar nas tarefas da casa. Se te decatas, o día
de mañá quen che van a coidar son os teus
fillos e o teu marido. Se só tes fillos varóns,
edúcaos para que o día de mañá sexan eles os
que che coiden, non as túas noras. Porque pode
que as queiras moito, pero o cariño dun estraño
non é igual que o cariño dos fillos. Hai que
ensinar tamén aos maridos que che teñen que
coidar o día de mañá se o necesitas. Cantas de
nós podemos levantar a man convencidas de
que o noso marido nos coidará o día de mañá
se temos Alzheimer e non nos meterá nunha
residencia?
O tratamento do Alzheimer
MB: Como se pode detectar que unha persoa
ten Alzheimer?
CL: O enfermo busca obxectos en lugares
ilóxicos – por exemplo, busca as chaves no
conxelador –, non se viste cunha orde lóxica –
pon a roupa interior por riba dos pantalóns – ou
mesmo se perde na rúa ou dentro da súa propia
casa. Con estas pistas hai que acudir a un
especialista –un neurólogo– para que verifique
se se trata de Alzheimer ou doutro tipo de
demencia. Neste senso, resulta importante que
os médicos utilicen todo o tacto posible á hora
de comunicar ao paciente que padece esta
doenza. De todas formas, o diagnóstico de
Alzheimer non se pode corroborar ata que morre
o paciente e se lle realiza a autopsia. Non se
sabe a día de hoxe a causa real da
enfermidade. Tan só sabemos que hai unha
proteína no cerebro que comeza a multiplicarse
sen razón. Isto provoca que a diagnose sexa
máis complicada.
MB: Hai unha idade de risco para padecer
esta doenza?
CL: Existe un caso dun home de 33 anos de
Ourense, o máis novo en España en padecer
Alzheimer, pero trátase dun caso illado. Polo
xeral, dise que a enfermidade aparece a partires
dos 65 anos, pero é un estándar que xa está
quedando en desuso.
MB: Que consello lle daría a unha persoa que
acompaña a un enfermo de Alzheimer?
CL: A familia ten que ter paciencia e falar con
tranquilidade ao enfermo de Alzheimer, para
tratar de non asustalo, xa que a que se nos vén
enriba é importante. A tenrura e a confianza son
imprescindibles, xa que pode que os pacientes
non reteñan datos, pero si se decatan de que
esa persoa se preocupa por el ou ela. Esta
enfermidade provoca que os pacientes se poñan
nerviosos e berren, xa que adoitan pensar que a
súa familia lle agocha as cousas, ou mesmo que
llas rouban. Outro consello para os familiares é
botar man de todos os recursos posibles. Na
nosa área, dispoñemos de unidades en Ribeira
e en Santiago para tratar esta doenza.
MB: Recomendaríalle ao familiar que coida
dun enfermo que acuda a un psicólogo?
CL: Si, xa que na actualidade hai asociacións
como AGADEA (Santiago de Compostela) que
pode responder tódalas cuestións que
preocupan á familia do paciente, como a
posibilidade de contar con axuda de persoal a
domicilio para facer as tarefas do fogar,
asistencia a un centro de día ou internamento
nunha residencia nos casos máis avanzados. O
equipo, ademais, conta sempre cun traballador
social que aporta apoio psicolóxico. A
intervención psicolóxica resulta especialmente
importante no caso das mulleres, porque son
elas as que levan o peso de coidar, as 24 horas
do día, dos pacientes de Alzheimer ou con outro
tipo de dependencia.
MB: Enténdese que as mulleres son as que
sempre, ou case sempre, coidan aos pais ou
sogros dependentes...
CL: Asúmese moito que a muller ten que coidar
dos pais, pero tamén dos sogros. Hai que
marcar límites desde o principio. Levo desde os
18 anos traballando con persoas maiores, e só
vin a dous coidadores homes. Edúcase ás
mulleres para que coiden da casa e aos homes
para que fagan mundo. É algo que se ensina
desde pequenos. A chave máxica é construír un
mundo máis igual, desde cero. Traballo nun
centro de día, e somos nove mulleres. En Boiro
non hai ningún home. Na miña categoría
(xerocultores) conto catro homes. Se nas
categorías profesionais non hai, imaxínate na
casa.
Drogodependencia en adolescentes
MB: A que idade se lles pode ensinar aos
nenos que a droga e o botellón son
prexudiciais para a súa saúde?
CL: Desde os cero anos. A mellor maneira é
darlles exemplo xa desde o berce e non
predispoñelos a ningún tipo de adicción, aínda
que tamén é certo que resulta imposible levar
unha vida totalmente perfecta. Os rapaces son
como esponxas, e se, por exemplo, vén que nós
fumamos, ou que bebemos cando acudimos a
unha voda, pensarán que non terán ningún
problema por facelo. Por iso, hai que darlles as
ferramentas necesarias para que saiban dicir
que non, ou para que saiban parar, así como
explicarlles as consecuencias derivadas de
consumir certas sustancias. Tamén debemos
subirlles a autoestima aos rapaces para que se
atrevan a interactuar socialmente sen ter que
utilizar ningunha sustancia que facilite a súa
socialización. É importante que os pais se
impliquen na súa educación neste senso.
MB: Entón o problema está máis ben en
saber poñer límites…
CL: Efectivamente. Os adolescentes tiñan que
ter vivido xa desde a súa infancia baixo unhas
normas que poidan seguir neste momento
crucial nas súas vidas. Non vale dicir un día si e
tres que non. Non podemos romper as normas
impostas, porque os nenos aprenden por
asociación. Por outra banda, non chegamos a
ensinarlles aos nenos que teñen que resolver os
seus problemas por si mesmos, xa que a nai
non pode estar en todo momento presente para
solucionarllos. Moitas veces os rapaces
„tontean‟ coas drogas e o alcol porque asumen
que os pais van a estar sempre aí para eles,
aínda que non tomen o camiño correcto. Hai
demasiadas liberdades, e os rapaces teñen que
aprender a respectar, se queren tamén ser
respectados.
MB: Cales serían as súas principais
recomendacións para evitar que os rapaces
caian nunha dependencia?
CL: Penso que os colexios deberían ter unha
hora semanal para falar de drogas e botellón,
así como das consecuencias que conlevan o
seu consumo. Protexer aos nenos é difícil, xa
que adoitamos sobrecargalos desde moi
pequenos con luces e cores. E non só me refiro
ás videoconsolas ou á television ou o
ordenador. Mesmo situacións como ir a tomar
un café a un bar provocan que as máquinas
comecartos acaben por chamar demasiado a
atención dos nenos. ◘
As asistentes ao obradoiro da revista dixital Mulleres Boiro prestan atención a Cristina León / Fotografía:
Patricia Millán
A vida das mulleres sempre estivo ligada ao machismo e ao que debería ser a ollos doutra xente que non fora do seu entorno. Este sexismo podía ser exercido ben por ter un pai demasiado posesivo, un irmán controlador ou unha nai á que lle importara demasiado o que dirán... sobre todo en aldeas de poucos habitantes, nas que todos os veciños se coñecen.
Inés España / Boiro
Tras realizar varias
entrevistas a mulleres cunha
media de entre 75 e 90 anos,
observamos que a maior
parte delas casaron por
imposición, con maridos que
elas non querían. Moitas
foron obrigadas a deixar aos
seus mozos porque non tiñan
patrimonio ou herdanza,
mentres que outras foron
rexeitadas por quedar
preñadas fóra do matrimonio.
Nunha das entrevistas
realizadas, a muller que máis
me chamou a atención foi a
de A.F.R., unha muller de 95
anos que casou moi
xovenciña (contaba tan só 17
anos) e tivo nove fillos (sete
mulleres e dous homes).
Pasou toda a vida
traballando a terra e levando
cestos repletas de froitas,
que cargaba na cabeza, para
poder vender nas vilas dos
arredores.
Por exemplo, durante a
tempada das cereixas,
camiñaba ata A Pobra do
Caramiñal, Ribeira ou
mesmo ata Vilagarcía,
mentres o home tan só se
ocupaba de administrar os
cartos e dirixir o traballo.
Esta muller sinala que, malia
os sacrificios e o traballo
duro, conseguiu “sacar aos
fillos adiante e facer deles
xente de proveito”.
O sexismo dentro da casa
Cando as súas fillas tiveron a
idade de traballar, debían
entregarlle tódolos cartos ao
pai, ata que casaran,
momento no que a súa
economía pasaba a
depender do marido. Isto
provocaba unha situación de
dependencia económica das
fillas cara ao home da casa,
ao que debían pedirlle cartos
e permiso, mesmo para
mercar un par de zapatos.
Dependendo do humor con
que as rapazas atoparan ao
pai, recibirían os cartos ou
non. Pola contra, os varóns
da familia non estaban na
obriga de entregar o seu
salario na casa, podendo
dispoñer del á súa vontade e
sen dar explicacións dos
seus gastos. ◘
Ao igual que a leiteira da fotografia, as mulleres do rural adoitaban cargar toda
clase de alimentos para vender enriba da cabeza / Fotografia: Arguivo
Asociación Fotográfica Olláparo
No noso próximo número de Mulleres Boiro coñeceremos a historia de R.C., unha muller diagnosticada de Alzheimer hai tres anos. Coñeceremos de preto as súas lembranzas de xuventude e como vive a evolución da súa enfermidade.
Zoleida Herrera / Boiro
A continuación aprenderás como facer unha torta fría tres leites, denominada así porque os tres
ingredientes principais son leite condensado, leite evaporado e crema de leite.
Ingredientes
3 cuncas de fariña de millo
6 ovos
2 cuncas de azucre
1 bote pequeno de leite condensado
1 bote pequeno de leite evaporado
1 bote pequeno de crema de leite ou nata
Preparación
1. Bater as claras de ovo a punto de neve.
2. Engadir as xemas.
3. Engadir o azucre e, por último, a fariña de forma
envolvente.
4. Meter no forno durante 25 minutos, a 250º.
5. Sacar e deixar arrefriar.
6. Cun batedor, mesturar o leite condensado, o leite
evaporado e a crema de leite (ou nata).
Espolvorear con canela ao gusto e levar á neveira.
Hoxe en día todos -homes e mulleres- deberíamos aprender a elaborar receitas prácticas
e rápidas, que nos axuden a aforrar e, por que non?, a ter unha fonte de ingresos extra,
que nunca está de máis. Os nenos tamén poden colaborar na súa elaboración, porque a
cociña tamén pode ser un lugar divertido.
Nesta revista podedes seguir, paso a paso, a elaboración de receitas económicas para sorprender a familiares e amigos.
Os nenos tamén poden colaborar na elaboración desta
receita, por exemplo, mesturando as tres clases de
leite, ou decorando con canela e uns moldes
divertidos.