MATERIAL DE APOIO PARA AS TITORÍAS 

SOBRE 

MANEXO DE TABLETS 

 

 

SESIÓN 1. (TEÓRICA) 

 

LECTURA ELECTRÓNICA: TABLET OU LIBRO ELECTRÓNICO 

Á hora de escoller entre unha Tablet ou un libro electrónico, o primeiro paso debe ser analizar as vantaxes 

e desvantaxes que presentan: 

No caso de adicar moito tempo á lectura, non hai dúbida que un lector de ebooks resulta o máis axeitado, 

dado que a súa pantalla resulta practicamente igual á do papel impreso, polo que a vista non cansará tanto 

e  resulta  posible  ler mesmo  coa  luz  do  sol.  Ademais,  a  duración  da  batería  adoita  ser maior, mesmo 

durante semanas, é fácil de levar e moi lixeiro. A desvantaxe é a ausencia de cor, pero debemos decatarnos 

de que non é un dispositivo multimedia,  senón un  lector de  libros, aínda que algún destes dispositivos 

dispoñan tamén de navegador. 

Aínda que existen moitos dispositivos especificamente pensados para ler libros electrónicos, son moitos os 

usuarios,  cada vez máis, que escollen a adquisición dunha  tableta dixital en  troques dun  lector de  libro 

electrónico, posto que lles oferta máis posibilidades. Neste caso, ando o dispositivo vai ser utilizado non só 

para  a  lectura  de  libro,  senón  para  outras  tarefas  como  comunicación  ou multimedia:  ver  vídeos,  tirar 

fotografías, navegar por Internet, … a opción máis axeitada resultará ser unha Tablet ou tableta. É posible 

utilizar estes dispositivos como  lector de  libros, coa vantaxe fronte ao ebook de dispor de pantalla a cor. 

Entre as desvantaxes, atoparemos que a duración da batería é menor (tan só unhas horas), unha pantalla 

que non é    cómoda no  caso de  lectura  con  luz natural, adoitan pesar mais e provocan maior  fatiga ou 

cansazo visual (do mesmo xeito que coa pantalla dun ordenador). 

 Actividade 1: Debate en grupo. 

‐ Qué dispositivos para lectura electrónica temos cada un/unha de nós? 

‐ Qué uso vímoslle dando ata o de agora? 

‐ Qué vantaxes e desvantaxes temos atopado no seu uso? 

Esta actividade permitirá aos alumnos/as coñecer mellor o tipo de dispositivo de que dispoñen, e deste xeito poder 

tirar máis proveito das sesións formativas e facer un uso máis profundo dos seus dispositivos. 

Asemade, esta actividade permitirá ao instrutor adaptar o desenvolvemento e o contido das sesións formativas 

vindeiras ao tipo de dispositivo dos alumnos/as.  

    

SESIÓN 2. (TEÓRICA) 

 

CONCEPTOS BÁSICOS DAS TABLETS 

 

Hardware, Software e Sistema Operativo. 

Unha tablet (aínda que tamén un Smartphone) no deixa de ser un ordenador, polo que lle son aplicables os conceptos tradicionais de:  

Hardware: todo aquilo que “podemos tocar”, a parte física dun ordenador (pantalla, cables, discos, ...)  

Software: os datos e os programas, a parte intanxible, que non podemos tocar.   

Dentro do software do noso dispositivo, o Sistema Operativo son os centos ou milleiros de programas que permiten en funcionamento no dispositivo das aplicacións (programas) do usuario.   Existen diferentes Sistemas Operativos (SO):  Apple iOS Os dispositivos da empresa Apple empregan un sistema operativo propio iOS. Aínda que se  trata  dunha  boa  ferramenta  para  o  traballo  e  non  adoita  dar  problemas,  como consecuencia  do  modelo  empresarial  da  compañía  de  Steve  Jobs,  Apple  opta  polo  control absoluto de tódolos aspectos dos seus produtos, polo que será preciso seguir en todo momento o previsto por Apple.   Google Android Trátase  do  SO  da  empresa  Google,  outro  xigante  empresarial  do  sector.  Android deriva do sistema operativo de software  libre Linux. Este feito permite que sexa moi flexible e de rápida evolución, ademais de que permite que calquera fabricante poda incorporalo aos seus dispositivos e/ou adaptalo aos seus produtos. Isto ten favorecido un  enorme  uso,  incluíndo milleiros  de  aplicacións  e  prezos máis  baixos  debido  á competencia.  Con  este  sistema  operativo,  poderemos  dispor  de  bos  produtos, adaptables ás nosas concretas necesidades e a prezos máis baixos. A desvantaxe é, aínda que pareza contraditorio, a rápida evolución: moitas versións del software e do propio SO.    Microsoft Windows 8,  Windows 8 RT e Windows 8 Phone Bastantes  tablets dispoñen de  sistema operativo Windows 8 e Windows Rt, e hai smartphones dotados de Windows 8 Phone. Son a opción de Microsoft para o mercado das tablets de consumo. Os seus novos produtos, Windows 8 e Windows Rt,  intentan adaptar o escritorio de Windows á tablet.  Non  resulta  aínda,  por  falta  de madurez,  axeitada  esta  opción,  e  pronto chegará Windows 10.       

PANTALLA Dentro dos elementos que conforman o hardware das nosas tablets, a pantalla é a  interfaz principal das tablets actuais, e obviamente trátase dunha interfaz visual.  Dado que coa  idade aumentan as afeccións da vista, é convinte prestarmos atención aos conceptos que permitan  diferenciar  os  distintos  tipos  de  pantalla,  para  escollermos  a  que mellor  se  adapte  ás  nosas necesidades.   Tamaño A unidade de medida utilizada para o tamaño das pantallas é a pulgada, ou  inch en  lingua  inglesa,  (2,54 cm.), tomando a diagonal da pantalla  (entre o vértice superior dereito e o vértice  inferior esquerdo, por exemplo). Os tamaños máis habituais de pantallas de Tablet son de 7”, 9’7” y 10’1”.   Formato  O  formato da pantalla é a relación entre  lados opostos do rectángulo que  forma a pantalla, e exprésase usando dous números  separados por dous puntos. Os  formatos máis habituais  son 4:3, 16:9 e 16:10. O formato 4:3 é propio das pantallas clásicas, e recoméndase para navegar pola web e a lectura electrónica. O formato 16:9 nace cos televisores panorámicos e é o formato ideal para ver películas. O formato 16:10 é o propio dos portátiles e pantallas de traballo.   Resolución As pantallas das tablets constitúense como unha matriz de puntiños cadrados chamados píxeles. Todo o que apareza na pantalla estará composto deses píxeles coloreados (só un color por pixel).  Así, canto máis píxeles haxa por cada unidade de superficie (nº de pixeles de ancho x nª de píxeles de alto), mellor será a definición das  imaxes. O más habitual é: 1024×768, 1280×800, 800×480, etc. Para relacionar a cantidade de píxeles có tamaño da pantalla, usamos a unidade DPI (dips ou puntos de luz por pulgada).   

Actividade 2: 

‐ Coñecer o SO que usa o noso dispositivo. 

‐ Coñecer os datos básicos da pantalla do noso dispositivo: relación de aspecto, resolución e DPI. 

   

SESIÓN 3. (PRÁCTICA) 

MANEXO BÁSICO DE TABLETS (ANDROID) 

Activar/Desactivar 

Non esquezades que unha tablet é un dispositivo moi similar aos teléfonos móbiles. Ainda que poda estar 

aceso  todo  o  tempo,  deberemos  activalo  para  facer  uso  del.  Asemade,  cando  deixemos  de  utilizalo, 

poderemos desactivalo ou ben deixar que se desactive por si mesmo. Deberemos ter en conta que, como 

ocorre cós móbiles, a Tablet estando desactivada segue tendo consumo de batería. 

Pulsando  no  botón  de  activación,  poderemos  desbloquear  a  pantalla  inicial,  deslizando  o  dedo  cara  a 

dereita ata colocalo sobre o icono dun candado aberto, e empezar a usar a Tablet, tal e como observamos 

na seguinte imaxe: 

 Acender/Apagar 

Cando a nosa tablet non esté acesa ou se teña apagado por ter esgotado a carga da batería, será preciso 

volver  a  encenderla,  mantendo  pulsado  o  botón  de  activación  durante  uns  segundos.  O  mesmo 

procedemento úsase para apagar o dispositivo, o que resulta convinte se non se vai a utilizar durante un 

longo periodo, para un correcto mantemento da batería.  

 

 

O escritorio e as iconas 

Amosásenos o escritorio cando xa se ten desbloqueado la Tablet, e no escritorio atoparemos as iconas de 

acceso a aplicacións e as iconas de control, coa seguinte distribución:  

‐ Iconas de control: nos bordes da pantalla.  

‐ Iconas de acceso a aplicacións: no centro. 

 

1. Lista de aplicacións: Acceso a unha  lista de  iconas de acceso a  todas as aplicacións  instaladas no 

dispositivo. 

2. Iconas  de  aplicacións:  No  noso  escritorio  deberíamos  atopar  as  iconas  das  aplicacións  más 

utilizadas. 

3. Atrás: Regresar ao “lugar” onde estabamos. 

4. Inicio: É o acceso ao escritorio principal. 

5. Aplicacións  activas:  A medida  que  vamos  iniciando  aplicacións,  unhas  se  van  abrindo  sobre  as 

anteriores, e esta icona permítenos acceder a elas. 

6. Iconas de notificacións: Son indicadores do estado do dispositivo, tales como hora, nivel de batería, 

actualizacións,… pero tamén permítenos un acceso rápido a algunhas configuracións (por exemplo, 

conectarse á rede wifi da UDC).  

Executar (Abrir) unha aplicación 

Para abrir unha aplicación, o xeito máis directo é premer sobre a icona de dita aplicación no escritorio.   

Iconas da lista de aplicacións 

Pode darse o caso de que a aplicación que queremos usar non dispoña dunha  icona no escritorio. Nese 

caso, deberemos acceder á lista de todas as aplicacións  pulsando sobre a súa icona. Na imaxe pódese ver 

un exemplo de dicha lista.  

Soe acontecer que non se visualicen na pantalla  todas as aplicacións  instaladas no dispositivo, polo que 

será preciso  “deslizar” as  iconas, movendo o dedo de dereita a esquerda,  có que obteremos acceso ao 

resto de aplicacións. Para voltar atrás, basta con pulsar a icona correspondente. 

Icona de aplicacións activas 

A medida que vamos iniciando más aplicacións, estas se van abrindo unhas por riba das outras, solapando 

as  anteriores.  Para  poder  acceder  ás  aplicacións  abertas  previamente,  empregaremos  a  icona 

correspondente. 

Na  seguinte  imaxe  vemos  unha  lista  das  aplicacións  activas. No  caso  de  que  esta  lista  fose moi  longa, 

poderemos desprazármonos pola lista mediante a técnica de deslizar o dedo de arriba cara abaixo para ir 

vendo máis aplicacións iniciadas, e ao premer sobre unha delas, reabrila.  

 

 

 

Debemos  ter  en  conta  que,  a  pesar  de  que  se  desactive  a  Tablet,  aquelas    aplicacións  que  tíñamos 

iniciadas, continuarán abertas e no mesmo estado en que as deixáramos. Por esta razón, é relativamente 

sinxelo “bloquear” o funcionamento da Tablet. 

Para evitalo, debemos pechar as aplicacións cando acabaramos definitivamente de usalas. Conseguiremos 

pechar  unha  aplicación mediante  dúas  técnicas,  desprazala  có  noso  dedo  dende  a  lista  de  aplicacións 

activas cara á esquerda  (ver  imaxe) ou ben mediante o menú contextual que aparece cando mantemos 

premida unha icona.  

 

   

Actividade 3: 

‐ Practicar as destrezas básicas no manexo da Tablet:  

o Acendido/apagado 

o Activar/desactivar 

o Iconas: abrir aplicacións. 

o Escritorio. 

o Lista de aplicacións: desprazar as listas. 

o Cerrar aplicacións activas. 

 

   

 

Sesión 4. (TEÓRICA) 

CONCEPTOS BÁSICOS DAS TABLETS (II) 

Memoria. 

A  memoria  é  utilizada  polos  dispositivos  para  dúas  tarefas:  poder  executar  as  aplicacións  e  para 

almacenamento dos nosos datos. Podemos distinguir os seguintes tipos:  

Memoria RAM: A Memoria RAM é a encargada de executar as nosas aplicacións.  

Memoria ROM: A Memoria ROM é a encargada do almacenamento das aplicacións e os datos  (a 

nosa información, documentos, imaxes, …).   

Memoria SD: A memoria SD son tarxetas de memoria FlashROM que se poden conectar nalgunhas 

tablets. É convinte para almacenamento de vídeos, música ou libros.  Conexións hardware: 

USB  e  USB  OTG:  Un  porto  USB  (Universal  Serial  Bus)  é  un  tipo  de  conexión  que  permite  la 

transmisión de datos dixitais que se utiliza en multitude de dispositivos.   Cando conectamos dous 

dispositivos mediante unha  conexión USB, un deles  será o  amo  (host)  e o outro  será o escravo 

(slave). Pero en ocasións pode ser convinte a mudanza de roles. De dita necesidade nace o OTG (On 

the go). Así, con esta tecnoloxía unha Tablet podería ser host en ocasións, e slave noutras.  

HDMI: As siglas HDMI significan High Definition Multimedia Interface. Trátase dunha conexión para 

a transmisión de vídeo e audio dixital de alta calidade.  

 

Conexións inalámbricas 

Curta distancia: Bluetooth. As conexións Bluetooth sóese utilizar para a conexión de dispositivos periféricos  (rato,  teclado,  altofalantes, micrófono, …),  aos  dispositivos.  Trátase dunha  tecnoloxía que non está presente en todos os dispositivos. 

Media distancia: Wi‐Fi. As conexións Wi‐Fi son conexións inalámbricas para a conexión a internet e 

aparece en todas as Tablets. 

Longa  distancia:  3G,  4G  …  Coas  siglas  3G  ou  4G  faise  referencia  á  conexión  vía  operador  de 

telefonía móbil.  Procesador. 

Dado que estes dispositivos son equivalentes a un computador, dispoñen dun procesador ou CPU (Central 

Processing Unit) que executa as aplicacións.  A rápida evolución tecnolóxica ten permitido que, ademais do 

procesador, se incorporen máis elementos. Isto se denomina SoC (System on a Chip) que conten máis dun 

procesador (nº+core‐nucleo) e outros dispositivos como o GPU (Graphics Processing Unit).  

Cámara. 

En canto ás cámaras, os dispositivos soen dispor de:  

unha cámara dianteira que soe utilizarse para realizar videoconferencias ou chats de vídeo 

unha cámara traseira para tomar fotos e grabación de vídeo.     

Actividade 4: 

Coñecer as especificacións e datos básicos das conexións do noso dispositivo.  

Actividade 5: 

Configurar correctamente a conexión WiFi do noso dispositivo a través de UDCportal.  

A rede sen fíos da UDC proporciona á comunidade universitaria e aos visitantes doutras institucións, que 

estean asociadas ao proxecto eduroam, un servizo de conectividade a Internet baseado na mobilidade. O 

servizo UDCPortal  está dispoñible na meirande parte dos edificios universitarios. 

 

A rede UDCPortal permite unha conexión non segura e está dispoñible para os usuarios/as que dispoñen 

de conta no xestor de identidade corporativa da UDC. 

Para acceder a udcportal é necesario abrir un navegador web e intentar conectarse a calquera páxina, nese 

momento pediráselle autenticarse co nome de usuario e contrasinal do xestor de identidade corporativo. 

     

 

   

SESIÓN 5. (PRÁCTICA) 

NAVEGANDO POR INTERNET. Achegamento a un manexo básico do navegador da Tablet. 

Para navegar por  Internet coa nosa tablet poderemos usar un dos navegadores habituais que temos nos 

nosos  ordenadores  (por  exemplo,  Chrome,  na  imaxe  seguinte),  ou  ben  usar  o  Navegador  do  propio 

dispositivo. 

   

 

No  que  atinxe  ao  navegador  do  dispositivo,  ainda  que  os  conceptos  son 

similares a todos os navegadores, salientamos os seguintes aspectos: 

 

 

A barra de dirección 

A barra de dirección é o lugar onde poderemos escribir a URL (a dirección) da páxina web que desexamos 

visitar. Ao premer sobre ela, activarase o  teclado na nosa pantalla. Ao  rematar de  introducir o  texto da 

dirección, prememos sobre o botón “Ir”. acabar de introducir la dirección, sólo tenemos que pulsar sobre 

el botón “Ir”. 

 

Navegador: Opcións do Menú principal. 

Premendo sobre a icona do menú principal, despréganse as principais opcións que temos ao noso dispor:  

 

As opcións máis importantes son: 

1. Actualizar:  Con  esta  opción,  refrescamos  (volvemos  a  cargar)  a  páxina web,  actualizándo  os 

cambios que se puideran ter producido. 

2. Seguinte:  Con  esta  opción,  xunto  con  el  botón  de  atrás,  navegaremos  polas  páxinas  cara 

adiante e cara atrás. 

3. Procurar na páxina: Mediante esta opción, ábrese un cadro de texto, onde poderemos teclear 

un  término,  para  realizar  procuras  na  páxina  web  que  temos  aberta.  Tamén  é  accesible 

premendo na icona da lupa, na barra de dirección. 

 

4. Axustes: Con esta opción poderemos establecer a configuración de diferentes características e 

funcións do navegador.  

 

Marcadores 

Un marcador é unha páxina web da que temos “almacenado” a súa ubicación. Así, o navegador permítenos 

premer sobre o marcador para visitala de novo, sen volver a teclear a súa dirección (URL).  

 

Gardar en marcadores 

Para engadir unha nova páxina web aos marcadores do noso navegador, premeremos sobre a icona 

có signo da estrela (ver imaxe). Deixaranos editar (ou simplemente aceptar) a información sobre a 

páxina que se vai a engadir aos marcadores. 

 

Xestionar os marcadores: 

Podemos acceder e xestionar os nosos marcadores, premendo na icona co signo dunha bandeirola 

cunha estrela. 

 

 

 

Actividade 6: 

Dacordo  coas  instruccións  dadas  na  sesión,  engadir  aos  marcadores  do  navegador  do  noso 

dispositivo as seguintes páxinas web: 

o Universidade Sénior da Universidade da Coruña. 

o Proxecto ACTing. 

o Blog do Clube de Poesía “En‐Red‐Versados”.