1

2

Kutxabank Aseguruen Etxeko Asegurua

Baldintza Orokorrak eta Bereziak

Etxeko ezbehar eta laguntzarako telefonoa

902 21 03 68

Aseguru-entitatea: Kutxabank Aseguradora S.A.U.

Helbidea: Plaza Euskadi, 5 - 28. solairua - 48009 Bilbo, IFK: A48505028. Kapital Soziala 2011-11-23an:

Harpidetua eta ordaindua: 9.015.601 € Bizkaiko Merkataritza Erregistroan inskribatua, BI-315 liburukia, 56.

folioa, BI-1.594 orria.

AHG001-2017 eredua

3

Arrisku anitzeko etxe-asegurua

Estalduren eta aseguratutako zenbatekoen laburpena Edktz. Edki.

1. Sutea, leherketa, tximista erortzea eta hainbat kalte:

– Bigarren mailako ondorioak (kea, hautsa, etab.) % 100 % 100

– Agintarien neurrien gastuak % 100 % 100

– Suhiltzaileak % 100 % 100

– Hondakinak kentzea eta hondakinak lekuz aldatzea % 100 % 100

– Tximista erortzeagatiko kalteak % 100 % 100

– Sua itzaltzeko instalazio automatikoetatiko ezbeharrezko isurketa % 100 % 100

– Etxeko istripuak. Beroaren bat-bateko ekintza (erretzaileak eragindakoak eta gauza gutiziagarrietan eta larruetan gertatutakoak izan ezik), Frankizia 18,00 euro % 100 % 100 2. Urak sortutako kalteak. Ez dira sartzen egin beharreko konponketak ez egiteagatik,

edo hodien edo aparatuen egoera txar nabarmenagatik izandako kalteak.

– Uholdea % 100 % 100

– Hodi edo ur-deposituetatik isuritako ura (euri-uren kanpoko hodiak izan ezik) % 100 % 100

– Txorrotak ez ixteagatik izandako isurketak % 100 % 100

– Lokatzak kentzea eta lohiak ateratzea % 100 % 100

– Matxura topatzeko eta erasandako materialen ordezkoak jartzeko gastuak % 100 % 100

– Matxura konpontzeko gastuak % 100 % 100 3. Bermeen hedapena eta beste estaldura batzuk

– Euria, haizea, harria eta elurraren kalteak % 100 % 100

– Urtegiek gainezka egiteagatiko kalteak % 100 % 100

– Keak egindako kalteak % 100 % 100 – Aireontziak erortzea, espazio-ontziak eta soinu-uhinak % 100 % 100 – Motor-ibilgailuen talka edo kolpea % 100 % 100 – Bandalismo-ekintzak edo asmo txarrekoak % 100 % 100

4

– Aurreko ataletan deskribatutako kausengatiko lorategi- edo zuhaizti-hondamena (geh. 2.000,00 €) ---

Edktz. Edki.

– Gaintentsio edo zirkuitu laburrengatik aparatu elektrikoetan eta osagarrietan izandako kalteak % 5 % 5

– Dokumentuak berregiteko gastuak % 100 % 100 – Etxean bizi ezin delako beste etxebizitza bat alokatzea edo hotelaren errenta (geh. 12.000,00 € urtebete arte)

– Hotel-geletan aseguratutako arriskuengatik edukiari egindako kalteak --- % 15 (geh. 1.800,00 €)

4. Beira-plakak, kristalak, ispiluak, loza sanitarioa, marmola eta bitrozeramikazko plakak istripuz haustea % 100 % 100

(Ez dira sartzen instalazioko akatsengatik, gauzen gainean egindako lanengatik, berritze-lanengatik, lekualdaketengatik, eta abar

izandako kalteak)

5. Lapurreta, espoliazioa eta ebasketa (Edukia aseguratzen bada)

5.1. Aseguratuaren etxean

– Eduki-lapurreta eta -espoliazioa --- % 100

– Diru-lapurreta eta -espoliazioa (geh. 300,00 €)

– Edukitzaileari lapurreta eta espoliazioagatik egindako kalteak --- % 100

– Edukitzaileko elementuen lapurreta eta espoliazioa --- % 100

– Edukiaren ebasketa (dirua izan ezik) --- (geh. 3.000,00 €) 5.2. Bidaietan (hoteleko gelaren barnean edo aseguratuaren etxeaz bestelakoetan)

– Edukiko elementuen lapurreta eta espoliazioa --- % 15

(Kutxa gotorraren barruko Edukiko elementuen eta gauza gutiziagarrien muga) - (geh. 1,800,00 €) (Eskudiruaren muga) (geh. 150,00€) Ez dira sartzen kutxa gotorretik kanpoko gauza gutiziagarriak

5.3. Etxetik kanpoko atrakoa

– Edukiko elementuen atrakoa (geh. 1.200,00 €) – Diru-atrakoa (geh. 150,00€)

5.4. Finantza-erakundeek jaulkitako kreditu-txartelen maulazko erabilera

(lapurreta edo galeragatik) geh. 300,00 € 5.5. Aseguratutako etxeko giltzak lapurtu, espoliatu edo atrakatzeagatik sarrailak eta giltzak

5

ordeztea % 100

Edktz. Edki. 6. Erantzukizun Zibila jatorria aseguratutako edukitzailean edo edukian duten ezbeharretan bakarrik

– E. zibil pribatu eta familiarra – Familiaburuaren E. zibila – Etxe-langileen E. zibila – Ondasun higiezinen eta kontratuz kanpokoen E. zibila 150.000,00 € – Etxeko animalien E. zibila ezbehar bakoitzeko

7. Babes juridikoa 3.000,00 € ezbehar bakoitzeko 8. Istripu pertsonalak (Edukia aseguratzen bada) % 50(**)

(**) Ezbeharrak 1 pertsonari eragiten dionean % 50 bermatzen da, eta bi edo gehiagori eragiten badie % 100 9. Edukitzailearen zaharberritze estetikoa (geh. 1.800,00 €) 10. Etxeko laguntza BARNE 11. Hondamen-arriskuak BARNE

(Konpentsazio Partzuergoa). 300/2004 Errege Dekretuaren araberako frankiziak eta baldintzak

12. Berritako birjartze-balioa – Erregela proportzionala indargabetzea

6

OINARRIZKO KONTZEPTUAK

Kontratu honetan erabiliko diren terminoen azalpena:

Aseguru Hartzailea: aseguru-kontratu hau aseguru-entitatearekin izenpetzen duen eta kontratutik

ondorioztatzen diren betebeharrak (beren izaeragatik Aseguratuak bete behar dituenak salbu) bere gain

hartzen dituen pertsona fisikoa edo juridikoa da.

Aseguratua: aseguru honen objektu den interesaren titularra da, kontratu honetatik eratortzen diren

betebeharrak bere gain hartzen dituena, beren izaeragatik Aseguru Hartzaileak bete beharrekoak izan ezik.

Aseguru-entitatea: Kutxabank Aseguradora, Compañía de Seguros y Reaseguros, S.A.U., egoitza soziala Bilboko

Plaza Euskadi 5 - 28. solairuan - 48009 Bilbon duena eta IFK-zk.: A-48505028 duena. Berak hartzen du bere gain

kontratu bidez itundutako arriskua, eta berak bermatzen itundutakoaren arabera bidezkoak diren kalte-

ordainen ordainketa. Espainiako legepean dago, eta Ekonomia, Industria eta Lehiakortasun Ministerioko

Aseguru eta Pentsio Funtsen Zuzendaritza Orokorrak kontrolatu eta gainbegiratuko du bere jarduera. Haren

Erregistro Administratiboan inskribatuta dago, C0721 kodearekin.

Aurrerantzean "Aseguratzailea" edo "Aseguru Entitatea", nahieran.

Onuraduna: kalte-ordaina jasotzeko eskubidearen titularra den pertsona fisiko edo juridikoa.

Kapital aseguratua: aseguratutako ondasunak estaltzeko Aseguratuak ezartzen duen zenbatekoa.

Zenbateko aseguratua: ezbeharra gertatuz gero Aseguratzaileak ordaindu beharreko kalte-ordainaren

gehieneko muga.

Prima: Aseguruaren prezioa. Prima-ordainagiri bakoitzak legez aplikatu beharreko errekarguak eta zergak ere

jasoko ditu.

Frankizia: ezbeharra gertatuz gero Aseguratuaren kargu geratzen den zenbatekoa.

Lehen arriskuko asegurua: Aseguru-entitateak bere gain hartuko du ezbeharren ordainketa zenbateko

aseguratuaren mugaraino eta zenbateko aseguratua ondasunen balioarekiko nahikoa izan ala ez.

Poliza: kontratu hau osatzen duten dokumentuen multzoa; hauek dira dokumentuak:

• Baldintza Orokorrak, objektua eta edukia arautzen dutenak.

• Oinarrizko Baldintza Bereziak, bermeak osatzen dituzten arriskuak eta prestazioak zehazteko.

7

• Baldintza Partikularrak, kontratuaren berezko espezifikazioak biltzen dituztenak.

• Hala badagokio, objektu gutiziagarrien deklarazioa jasotzen duen eskaera, Aseguru Hartzaileak edo

Aseguratuak zehaztua.

Aurrerantzean, Poliza, Kontratua, Asegurua edo Aseguru-kontratua, nahieran

8

BALDINTZA OROKORRAK

I ATARIKOA

1. ARTIKULUA - KONTRATUAREN ERREGULAZIOA

Kontratu hau lege-arau hauek arautzen dute: Aseguru Kontratuaren urriaren 8ko 50/1980 Legeak

(aurrerantzean 50/1980 Legea edo Aseguru Kontratuaren legea); Aseguru- eta berraseguru-entitateen

antolamendu, gainbegiraketa eta kaudimenaren uztailaren 14ko 20/2015 Legeak; Aseguru- eta berraseguru-

entitateen antolamendu, gainbegiraketa eta kaudimenaren azaroaren 20ko 26/2006 Errege Dekretuak;

Aseguru eta Berraseguru Pribatuen Bitartekaritzari buruzko uztailaren 17ko 26/2006 Legeak eta Aseguruaren

Baldintza Orokor hauetan, berme bakoitzaren Baldintza Berezietan eta Polizaren Baldintza Partikularretan

ezarritakoak.

II ASEGURUAREN OBJEKTUA

2. ARTIKULUA - ASEGURATZAILEAK EMATEN DUEN BERMEA

Aseguratzaileak bere gain hartzen du Polizaren Baldintza Partikularretan sartzen diren berme bakoitzari

dagokion prestazioa ordaintzeko betebeharra, baldintza horiek garatzen dituzten Baldintza Berezietan ezartzen

diren mugen arabera eta berme guztientzat berberak diren Baldintza Orokor hauekin bat.

3. ARTIKULUA - Aseguratutako ondasunen definizioa

Estaldurako kapital bat hitzartzen den guztietan, sail hauei dagozkien objektu eta ondasunak bermatuta

geratuko dira:

3.1. Edukitzailea; elementu hauez osatua:

a) Etxebizitza edo bulego izateko jasotako eraikina, ura, gasa, argindarra eta berotu eta hozteko sistemak

bezalako instalazio finkoak barne, eta baita berari erantsitako gainerako elementu finkoak ere (toldoak).

Sukaldeko altzariak elementu finkotzat hartuko dira, Aseguratua etxebizitzaren jabea denean.

b) Baldintza orokorretan nahiz partikularretan jaso daitezkeen mugei kalterik egin gabe, elementu erantsiak

edukitzailetzat hartuko dira (trastelekuak, garajeak, sotoak...) Familia bakarreko etxebizitzak, atxikiak

edo etxeak direnean, itxitura-hormak eta -hesiak, euste-hormak (etxearekiko independenteak edo ez),

9

igerilekuak, kirol-instalazioak, lanabesen etxolak eta bestelako eraikuntza lagungarriak ere edukitzailetzat

hartuko dira, ukuiluak edo nekazaritzako biltegiak ez badira.

c) Etxebizitzaren jabea den Aseguratuak bere kontura etxebizitza horretan egindako eraberritze-obrak edo

dekorazioak.

d) Jabetza horizontalaren kasuan, Aseguratuaren jabetza-koefizienteari dagokion zatia sartuko da.

e) Lorategi edo zuhaiztiren bat dagoenean, barnean hartuko dira bertako zuhaitzak, landareak eta

bestelako elementuak. Ondasun horien estaldura "bestelako prestazioak" kontzeptuan eskaintzen da,

espresuki hori garatzen duen prestazioaren mugarekin.

3.2. Edukia; Aseguratuaren, bere familiartekoen eta aseguratutako etxebizitzan bizi ohi diren gainerako

pertsonen jabetzako honako objektu hauez osatua:

a) Altzariak, etxeko hornidurak eta pertsonenak, larrukiak, etxetresna elektrikoak, eta irudi eta soinuko

aparatuak eta bestelako aparatu elektronikoak. Sukaldeko altzariak Edukitzat hartuko dira, Edukitzailea

aseguratuta ez dagoenean.

b) 2.000 €-ko lehen arriskuko mugarekin, bitxi eta objektu gutiziagarriak, hau da, metal preziatuzko (urrea,

zilarra...) bitxiak, erlojuak, bildumetako zigiluak edo txanponak, margolanak eta artelanak.

1.000 € baino gehiagoko balio unitarioa duten bitxiak eta objektu gutiziagarriak ez dira aseguratuta

egongo, polizan espresuki deklaratu ez badira eta dagokion kapital gehigarriaren gainprima ordaindu ez

bada.

Aurreko a) eta b) ataletan zehaztutako ondasunen estaldura ondasun horiek etxebizitza aseguratuan

dauden bitartean jasandako kalteei dagokie soilik, etxetik kanpoko estalduretan ezarritakoa salbu.

c) Etxebizitza aseguratuan egindako eraberritze-obrak edo dekorazioak, honako kasu hauetan:

– Etxebizitzaren jabea ez den Aseguratuak bere kontura egin dituenean.

– Edukiarentzako kapital bat bakarrik aseguratzen denean, edukitzailearen gaineko beste aseguru bat

dagoelako, eta aseguru horrek obra horiek estaltzen ez dituenean.

4. ARTIKULUA - BERME GUZTIETATIK KANPO GERATZEN DIREN ARRISKU ETA KALTEAK

10

Aseguru honen estalduretatik kanpo uzten dira honako kalte hauek:

4.1. Aseguru Hartzaileak edo Aseguratuak fede gaiztoz eragindako kalteak.

4.2. Aseguruen Konpentsazio Partzuergoak estaliko ditu aurreikusita dauden gertakari edo fenomenoek

eragindako kalteak; edo erakunde horrek onartzen ez duenean, ezbeharra gertatu den datan bere

Erregelamenduan edo indarrean dauden xedapenetan ezarritako arauren bat betetzen ez delako; eta

Estatuko Gobernuak "katastrofe edo hondamen nazional" gisa kalifikatzen dituenak.

Egindako kalteen eta Partzuergoak ordaindutako zenbatekoen arteko aldea ere ez du hartuko bere gain

Aseguratzaileak, Aseguruen Konpentsazio Partzuergoak aplikatutako frankiziak, detrakzioak edo

erregela proportzionalak nahiz bestelako mugapenengatik sortua denean.

4.3. Erreakzio edo erradiazio nuklearrek, kutsadura erradioaktiboak edo transmutazio nuklearrak egindako

kalteak, edozein dela ere horien kausa.

4.4. Gatazka armatuek eragindako kalteak; horrelako gatazkatzat hartuko dira gerrak, aurrez gerra-

deklarazio ofizialik egon ez bada ere, eta edonolako agintaritzaren aginduz ondasunak konfiskatzea,

errekisatzea edo suntsitzea.

4.5. Gaizki funtzionatzeagatik, akatsagatik edo matxuragatik ezbeharra sorrarazi duten objektuetan izandako

kalteak, "urak sortutako kalteak" bermean aurreikusitakoa izan ezik.

4.6. Gauza aseguratuaren berezko akatsak edo kontserbazio-egoera txarrak eragindako kalteak.

Halaber, estalduretatik kanpo geratzen dira honako ondasun hauek:

4.7. Dirua, espresuki hartzen duten arriskuetarako izan ezik, eta efektu tinbredunak edo balioa adieraz

dezakeen edozein dokumentu eta apaingarri edo bitxietan muntatuta ez dauden harribitxi finak.

4.8. Saltzeko erakusgaietako edo katalogoetako edo erabilera profesionaleko objektuak eta salgaiak.

4.9. Ibilgailu motordunak eta itsasontziak, euren motorrak eta osagarriak barne, baita haiek erabiltzeko balio

duten gehigarriak ere.

4.10. Eraikuntza- eta konponketa-lanen ondorioz gertatuko kalteak, baita edukitzailea hobetzeko lanen

ondoriozkoak ere.

11

5. ARTIKULUA.- HONDAMEN ARRISKUAK

Aparteko izaera duten kausengatik gertatutako ezbeharrak Aseguruen Konpentsazio Partzuergoak ordainduko

ditu (Baldintza Orokor hauetako 24., 25. eta 26. artikuluak).

III KONTRATUAREN EFEKTUA, IRAUPENA ETA ALDAKETAK

6. ARTIKULUA.- ASEGURUA FORMALIZATZEA

Aseguru Hartzaileak edo Aseguratuak aseguru-kontratuaren eskaeran/galde-sortan emandako datuak dira

kontratu honen oinarria.

Polizan akatsen bat ikusten bada, Aseguru Hartzaileak edo Aseguratuak hilabeteko epea dute (Aseguru

Hartzaileari edo Aseguratuari poliza entregatzen zaionetik) Aseguratzaileari dagoen desadostasuna konpontzea

eskatzeko. Epe hori amaitu eta erreklamaziorik egin ez bada, Polizan xedatutakoari jarraituko zaio (50/1980

Legearen 8. artikulua).

7. ARTIKULUA.- ASEGURUAREN EFEKTUA

7.1. Alderdiek poliza harpidetzean adierazitako baimenaren bidez gauzatzen da kontratua; eta aseguru-

hartzaileak poliza sinatzean eta dagokion prima ordaintzean hasiko da aseguruaren efektua. Kontrako

hitzarmenik ezean, lehen prima hori aseguru-hartzailearen erruz ordaindu ez bada, aseguratzailea libre

geratuko da bere betebeharretatik.

Aipatutako edozein eskakizun betetzeko orduan atzerapena izaten bada, Aseguratzailearen betebeharrak

bete diren hurrengo eguneko 00:00etan hasiko dira.

7.2. Ondorengo primak hitzartutako moduan eta baldintzetan ordainduko dira. Ordaintzen ez bada,

kontratuaren estaldura etenda geratuko da ordainagiriaren epemugatik hilabete igarotzen denean

(graziazko epea) eta kontratua azkenduta geratuko da, Aseguratzaileak haren ordainketa erreklamatzen ez

badu, hurrengo sei hilabeteetan (50/1980 Legearen 15. artikulua).

7.3. Kontratua ez bada suntsitu edo azkendu aurreko paragrafoen arabera, estaldura berriz ere indarra izatera

itzuliko da Aseguru Hartzaileak prima ordaintzen duen eguneko hogeita laugarren ordutik hasita.

7.4. Ordainagiriak bankuan helbideratzen badira, prima ordaindutzat emango da, graziazko epean kobratzen

ahalegindu eta kontuan behar adina diru ez egoteagatik edo beste edozein zirkunstantziarengatik kobratzea

12

ezinezkoa den kasuan izan ezik. Kasu horretan Aseguratzaileak prima ordaindu gabe geratu dela jakinaraziko

dio Aseguru Hartzaileari, zazpi egun naturaleko gehieneko epean zuzendu dezan.

8. ARTIKULUA.- ASEGURUAREN IRAUPENA

8.1. Aseguruaren iraupena.

Asegurua urtebeterako kontratatzen da. Urtebete hori igarotakoan, Poliza urtebetez luzatutzat joko da eta

horrela gainerakoak.

Alderdiek kontratua luzatzeari uko egin diezaiokete, idatziz adierazten badiote beste alderdiari indarrean

dagoen aseguru-aldia amaitu baino hilabete lehenago, gutxienez, luzapenaren aurka Aseguru Hartzailea

badago eta bi hilabetekoa luzapenaren aurka Aseguratzailea badago (50/1980 Legearen 22. artikulua).

9. ARTIKULUA.- ASEGURUAREN ALDAKETAK

Kontratuak irauten duen bitartean aseguratutako arriskua aldatzen duten zirkunstantziak sor daitezke

(aseguratutako ondasunen transmisioa, hipotekak, bahia, Aseguru Hartzailearen edo Aseguratuaren

konkurtsoa deklaratua, likidazio-fasea irekitzen bada, edo Aseguru Hartzailea edo Aseguratua hiltzen bada eta,

oro har, arriskua areagotzea edo txikitzea eragiten duen edozein kausa). Kasu horietan, Aseguru Hartzaileak

edo Aseguratuak ahalik eta epe laburrenean jakinarazi beharko dizkiote zirkunstantzia horiek Aseguratzaileari

(50/1980 Legearen 11., 13., 34., 35., 37. eta 40. artikuluak).

9.1. Aldaketa ondasun aseguratuen transmisioa bada, Aseguratzaileak Poliza hutsaldu ahal izango du.

Kontratua desegin izana jakinarazi beharko du hilabeteko epean eta arriskuari aurre egin ez dion aldiari

dagokion prima itzuli beharko du (50/1980 Legearen 34., 35. eta 36. artikuluak).

Objektu aseguratuaren hartzaileak ere kontratua hutsaldu dezake haren berri izan eta hamabost eguneko

epean Aseguratzaileari idatziz jakinarazten badio. Kasu horretan, desegitea gertatzen den unean hasita

dagoen denboraldiari dagokion primarako eskubidea lortuko du Aseguratzaileak (50/1980 legearen 36.

artikulua).

Gauza bera gertatuko da Aseguru Hartzailearen edo Aseguratuaren konkurtsoa deklaratzen den kasuetan

likidazio-fasea irekitzen denean (50/1980 Legearen 37. artikulua).

13

9.2. Zirkunstantzia horiek aseguru-kontratuko eskaeran/galdetegian deklaratutako arriskua areagotzen

dutenean, Aseguratzaileak baldintzak aldatzea edo kontratua hutsaltzea proposa dezake. Arriskua

areagotzea garaiz ez jakinarazteak kalte-ordaina murriztea eragin dezake (50/1980 Legearen 12.

artikulua).

9.3. Arriskua txikitzen bada, Aseguratzaileak dagokion proportzioan murriztu beharko du hurrengo primaren

zenbatekoa. Hori egin ezean, Aseguru Hartzaileak kontratua suntsitzea eta dagokion primaren zatia itzultzea

aukeratu ahal izango du (50/1980 Legearen 13. artikulua).

IV EZBEHARRAK

10. ARTIKULUA.- BETEBEHAR OROKORRAK

Ezbeharra gertatzen bada, Aseguru Hartzailearen edo Aseguratuaren eginbeharra izango da:

10.1. Aseguratzaileari jakinaraztea berak jakin eta zazpi eguneko epean. Hori egin ezean, Aseguratzaileak

deklaratu ez izanak eragindako kalte-galerak erreklamatu ahal izango ditu, baldin eta ezbeharraren berri

beste bide batetik izan duela frogatzen ez bada (50/1980 Legearen 16. artikulua).

10.2. Aseguratzaileari ezbeharraren zirkunstantzia eta ondorio guztiei buruzko era guztietako informazioa

ematea eta haren ondorioak arintzeko bere eskura dituen baliabide guztiak erabiltzea (50/1980 Legearen

16. eta 17. artikuluak).

10.3. Ezbeharraren hondakinak eta aztarnak kalteen tasazioa amaitu arte gordetzea, baldin eta ezintasun

material justifikaturik ez baldin badago. Betebehar horrek ezin du, inola ere, kalte-ordainik eragin.

10.4. Lapurreta edo espoliazioa gertatzen bada, Aseguru Hartzaileak edo Aseguratuak gertaera salatu beharko

dute agintaritzaren aurrean eta Aseguratzailearen izenaren, lapurtutako objektuen eta horien balioaren

berri eman beharko dute.

10.5. Erantzukizun Zibilaren estaldurak babestutako hirugarrenen erreklamazioak izaten badira, Aseguru

Hartzaileak edo Aseguratuak ahalik eta epe laburrenean jakinarazi behar diote Aseguratzaileari beraiei

edo kalteen eragileari zuzendutako jakinarazpen judizial, estrajudizial edo administratibo oro.

14

11. ARTIKULUA.- DOKUMENTAZIOA ETA IZAPIDETZEA

11.1. Ezbeharra jakinarazi eta ondorengo bost egunen barruan, Aseguratuak edo Aseguru Hartzaileak

ezbeharra gertatutako unean zeuden objektuen zerrenda egin beharko dute, idatziz, salbatutako

objektuen aipamen berezia eta kalteen estimazioa eginez (50/1980 Legearen 38. artikulua).

11.2. Aseguratuari dagokio objektu horiek aurrez bazirela frogatzea. Hala ere, Polizaren edukia Aseguratuaren

aldeko presuntzioa izango da froga eraginkorragorik aurkeztu ezin denean.

V KALTEAK ZEHAZTEA

12. ARTIKULUA.- KALTEAK TASATZEA

Kalteen tasazioa honako arau hauen arabera egingo da:

12.1. Arropak beren balio errealarengatik tasatuko dira, hau da, ezbeharra gertatu aurreko unean zuten

balioagatik, erabiltzeagatik, zahartzeagatik... dagokien balio-galera deduzituz.

12.2. Bitxiak eta objektu gutiziagarriak ezbeharra gertatu aurreko uneko salmenta-balioagatik balioetsiko dira.

“Salmenta-balio”tzat hartzen da aseguratuak haiengatik lor zezakeen prezioa, antzinatasuna, faktura,

erabilera, estetika... kontuan hartuz. Salbuespen gisa, hitzartutako balioaren ordaina emango da ondasun

hori polizaren baldintza partikularretan espresuki deklaratu bada.

12.3. Edukitzailearen eta lehen aipatu ez diren gainerako objektuen tasazioa ezbeharraren unean zuten

birjartze-balioaren arabera egingo da, antzinatasunagatiko dedukziorik gabe. Modalitate hori ez da

aplikatuko ia ordeztezinak diren material edo objektuetan; kasu horretan, balioa kalkulatuko da antzeko

ezaugarriak dituzten beste batzuk kontuan hartuz baina hobekuntzak deduzituz halakorik egonez gero.

12.4. Bilduma bateko objektuak, ezbeharrak bilduma osoa ukitu ez badu, kaltetutako objektuen balioa kontuan

hartuta eta kalte horiek bildumarako izango luketen balio-galtzea alde batera utzita tasatuko dira.

12.5. Gozamena kentzea eragiten duten ezbeharren kasuan, etxebizitza konpontzeko epeak jartzea eta hotelak

edo behin-behineko etxebizitzak izendatzea kalteen tasazioan esku hartu duten alderdien esku egongo da.

15

Ondasun guztiak edo batzuk lekualdatu behar diren kasuetan, lekualdatzeak eta itzulera horiek eragiten duten

gastua ere tasatuko da.

VI KALTE-ORDAINA

13. ARTIKULUA.- ZEHAZTEA

13.1. Alderdiek adostuta zehaztuko da kalte-ordaina. Kasu horretan, Aseguratzaileak hitzartutako zenbatekoa

ordaindu beharko du edo objektu aseguratua ordezteko behar diren eragiketak egin beharko ditu

Aseguratuak baimena ematen badu eta objektuaren izaerak aukera ematen badu.

Ezbehar-jakinarazpenaren ondorengo berrogei egunetan adostasunik lortzen ez bada, alderdi bakoitzak

peritu bat izendatu ahal izango du, baterako irizpena eman dezaten.

Perituak ere ados jartzen ez badira, alderdiek, elkarren arteko adostasunez, hirugarren peritu bat izendatu

beharko dute. Hori egin ezean, epaile eskudunak izendatuko du (50/1980 Legearen 38. artikulua).

13.2. Babes Juridikoko bermerako xedatutakoaren eragozpenik gabe, alderdi bakoitzak bere perituaren

zerbitzu-sariak ordainduko ditu. Hirugarren perituaren gastuak eta tasazioak eragiten dituen gainerako

gastuak Aseguratuak eta Aseguratzaileak ordainduko dituzte erdibana. Hala ere, alderdietako batek

beharrezkoa egin badu peritazioa, kaltearen balorazio guztiz desproportzionatua egiteagatik, bera izango

da gastu horien erantzule bakarra (50/1980 Legearen 39. artikulua).

14. ARTIKULUA.- ZEHAZTEKO ERREGELA

Kalteak Polizan finkatutako zenbatekoraino ordainduko dira, erregela proportzionala aplikatu gabe.

15. ARTIKULUA.- KALTE-ORDAINAREN ORDAINKETA

15.1. Aseguratzailea behartuta dago kalteak zehazteko egin beharreko ikerketak eta peritazioak bukatzen

direnean kalte-ordaina ordaintzera.

Edozein kasutan, Aseguratzaileak ezagutzen diren zirkunstantzien arabera zor dezakeen gutxieneko

zenbatekoa ordaindu beharko du ezbehar-jakinarazpena hartu eta berrogei egun igaro baino lehen

(50/1980 Legearen 18. artikulua).

15.2. Ezbeharra gertatu eta hiru hilabetera Aseguratzaileak kaltea konpondu edo dirutan dagokion zenbatekoa

ordaindu ez badu edo ezbehar-jakinarazpena hartu zuenetik berrogei egunera zor zezakeen gutxieneko

16

zenbatekoa ordaindu ez badu, justifikatu gabeko edo berari leporatu dakiokeen arrazoiagatik, kalte-

ordaina 50/1980 Legearen 20. artikuluak xedatutakoaren araberakoa izango da.

16. ARTIKULUA.- ERRESKATEAK

16.1. Ezbehar baten ondoren erreskateak, berreskurapenak edo ordainak lortzen direnean, Aseguru Hartzailea

edo Aseguratua behartuta daude Aseguratzaileari jakinaraztera berrogeita zortzi ordu igaro baino lehen.

Ezbeharra gertatu eta berrogei egun igaro baino lehen jakingo balitz, Aseguratuak berreskuratutako

objektua itzultzea onartu beharko du.

16.2. Berrogei egun igaro eta gero jakingo balitz, Aseguratuak bi aukera ditu: jasotako kalte-ordainarekin geratu

objektuaren jabetza Aseguratzaileari dagokiola onartuta, edo objektua berreskuratu.

17. ARTIKULUA.- SUBROGAZIOA

Behin prestazioa betetakoan, ezbeharra dela-eta erantzuleen aurrean Aseguratuari dagozkion eskubide eta

akzioak egikaritu ahal izango ditu Aseguratzaileak.

Aseguratzaileak ezingo ditu egikaritu subrogatutako eskubideak Aseguratuaren kaltetan. Bere egitez edo ez-

egitez Aseguratzaileari subrogazio-eskubidean egin diezazkiokeen kalteen erantzulea izango da Aseguratua

(50/1980 Legearen 43. artikulua).

VII XEDAPEN OROKORRAK

18. ARTIKULUA.- JAKINARAZPENAK

18.1. Aseguratzaileari Polizan adierazita duen helbidean egingo zaizkio jakinarazpenak.

18.2. Aseguru Hartzaileari, Aseguratuari edo Onuradunari egin beharreko jakinarazpenak Polizan adierazitako

helbidean egingo dira, baldin eta beste bat adierazi ez badute.

19. ARTIKULUA.- POLIZA HUTSALTZEA

Kontratua honako kasu hauetan hutsaldu ahal izango da:

– Aseguratzaileak, arriskua areagotu dela jakiten duenean.

17

Hutsaltze hori idatziz jakinaraziko da arriskua areagotu dela jakiten denetik, kalte-ordainerako eskubiderik ez

badago ezbeharra jakinarazten den datatik edo likidazioa egiten denetik hogeita hamar egun igaro baino lehen.

Edozein kasutan, jakinarazpena, gutxienez, kontratua hutsaldu baino hamabost egun lehenago egin beharko

da.

20. ARTIKULUA. JURISDIKZIOA

Honako aseguru-kontratu hau Espainiako jurisdikzioaren mende geratuko da eta Aseguratuaren helbideari

dagokiona izango da haren ondoriozko akzioez arduratuko den epaile eskuduna. Horretarako, Aseguratuak

helbide bat izendatuko du Espainian, berea atzerrikoa bada. Horretarako, aseguratuaren bizilekua atzerrian

balego, Espainiako Estatuan egoitza bat seinalatuko du.

21. ARTIKULUA.- ERREKLAMAZIO-INSTANTZIAK

Erreklamazioak egiteko barne-prozedurak:

Edozein bezerok aurkeztu ahal izango ditu bere kexa eta erreklamazioak, bere interesen eta legez aitorturiko

eskubideen inguruan, Aseguratzailearen Bezeroarentzako Arreta Zerbitzuan idazkia aurkeztuta.

Erreklamazioak egiteko kanpo-prozedurak:

Edozein bezerok aurkeztu ahal izango dizkio erreklamazioak Ekonomia eta Ogasun Ministerioko Aseguru eta

Pentsio Funtsen Zuzendaritza Orokorraren Erreklamazio Zerbitzuari (Paseo de la Castellana, 44, 28046 Madrid);

horretarako, egiaztatu beharko du erreklamazio horiek aldez aurretik idatzi bidez aurkeztu dituela

Aseguratzailearen Bezeroarentzako Arreta Zerbitzuan eta aurkeztu ondoren bi hilabete pasatu direla ebazpenik

izan gabe, edo ez direla onartu edo eskaerari uko egin zaiola.

Bezeroen eta Aseguratzailearen artean sor daitezkeen gatazkak epaile eta epaitegi eskudunek ebatziko dituzte.

22. ARTIKULUA.- PRESKRIPZIOA

Kontratu honen ondoriozko akzioek bi urte igarotakoan preskribatuko dute kalteen aseguruaren barruan

sartutako estalduretarako eta bost urte igarotakoan pertsonen aseguruan sartutako estalduretarako.

18

VIII KAPITALEN ERREBALORIZAZIOA

23. ARTIKULUA.- KAPITAL ASEGURATUEN ERREBALORIZAZIOA

23.1. Kontrako hitzarmenik ezean, kapital aseguratuak eta dagozkien primak urtero aldatuko dira, Poliza

bakoitzaren muga-egunean, aurreko urte natural osoan Kontsumoko Prezioen Indizeak izandako

gorabeheren arabera, eta doikuntza bera aplikatuko zaie apirilaren 1etik eta hurrengo urteko martxoaren

31ra bitartean mugaeguneratzen diren Poliza guztiei. Doikuntza horiek aurreko kapitalak eta primak

oinarritzat hartuta aplikatuko dira.

23.2. Kapitalen errebalorizazio hori ezingo zaio aplikatu Erantzukizun Zibileko bermeari, ez Babes Juridikoko

bermeari. Ezta kalte-ordainaren mugapena espresuki finkatuta dutenei eta frankiziei ere.

I IX HONDAMEN ARRISKUAK

24. ARTIKULUA.- ARAUDIA

Urriaren 29ko 7/2004 Legegintzako Errege Dekretuak onetsi eta Aseguruen Konpentsazio Partzuergoaren Lege

Estatutuaren testu bateginean ezarritakoaren arabera, enpresa-erakunde publiko horren aldeko errekargua

nahitaez gaineratu behar duen aseguru-kontratu baten hartzaileak edozein aseguru-entitaterekin hitzartu ahal

izango du hondamen-arriskuen estaldura, baldin eta aseguru-entitate horrek indarrean dagoen legeriak

ezartzen dituen baldintzak betetzen baditu.

Espainian gertatu diren eta bertako arriskuetan eragina duten eta kasuan ezohiko gertakariek –eta pertsonei

eragindako kalteen kasuan, atzerrian gertatutakoek ere bai, aseguratuak Espainian baldin badauka ohiko

bizilekua– sortutako ezbeharren ondoriozko kalte-ordainak Aseguruen Konpentsazio Partzuergoak ordainduko

ditu, baldin eta aseguru-hartzaileak Partzuergoaren aldeko errekarguak ordainduta badauzka eta honako

egoera hauetakoren batean badago:

a) Aseguruen Konpentsazio Partzuergoak estaltzen duen hondamen-arriskua aseguru-entitatearekin

kontratatutako aseguru-polizaren babespean ez egotea.

b) Aipatutako aseguru-polizak babestua egonik ere, aseguru-entitateak ezin ditu betebeharrak bete

judizialki konkurtsoan dagoela deklaratu delako, edo kontu hartutako likidazioko prozedura batean

dagoelako, edo prozedura hori Aseguruen Konpentsazio Partzuergoak bere gain hartuko duelako.

19

Aseguruen Konpentsazio Partzuergoak bere jarduna egokituko du, Lege Estatutuan, Aseguru

Kontratuaren Legean, Hondamen-arriskuen erregelamenduan –otsailaren 20ko 300/2004 Errege

Dekretuak onartutakoan– eta xedapen osagarrietan zehaztutakora moldatzeko.

25. ARTIKULUA - LEGEZKO ARAUEN LABURPENA

25.1. Estaltzen diren ezohiko gertaerak

a) Naturako ondorengo fenomenoak: lurrikarak eta itsasikarak, ezohiko uholdeak (itsas enbatak barne),

sumendien erupzioak, ezohiko ekaitz ziklonikoa (barnean hartuz 120 km/h-tik gorako ezohiko haize-

boladak eta tornadoak) eta gorputz sideralak eta aerolitoak erortzea.

b) Terrorismo, errebolta, sedizio, matxinada eta jende-iskanbilek bortxaz eragindakoak.

c) Indar Armatuek edo Segurtasuneko Indar eta Gorputzek bake-garaian burututako gertaera edo

ekintzak.

Fenomeno atmosferikoak eta sismikoak, sumendien erupzioenak eta gorputz sideralak erortzea

Aseguruen Konpentsazio Partzuergoaren instantziaz ziurtatuko dira, Estatuko Meteorologia Agentziak

(AEMET), Geografia Institutu Nazionalak eta gai horretan eskudunak diren gainerako erakunde publikoek

egindako txostenen bidez. Izaera politikoa edo soziala duten gertaeren kasuan, edo Indar Armatuek edo

Segurtasuneko Indar eta Gorputzek bake-garaian burututako gertaera edo ekintzen kasuan, Aseguruen

Konpentsazio Partzuergoak gertakariei buruzko informazioa bildu ahal izango du jurisdikzio- eta

administrazio-organo eskudunetatik.

25.2. Kanpoan utzitako arriskuak.

a) Aseguru Kontratuaren Legearen arabera kalte-ordainik eragiten ez dutenak.

b) Aseguruen Konpentsazio Partzuergoaren aldeko errekargua nahitaezkoa ez duen aseguru-kontratu

baten bidez aseguratuta dauden ondasunetan sortutakoak.

20

c) Aseguratutako gauzaren berezko akats edo hutsaren edo mantentze-falta nabarmenaren

ondoriozkoak.

d) Gatazka armatuek eragindakoak, aurrez gerra-deklarazio ofizialik egon ez bada ere.

e) Energia nuklearretik eratorriak, kalte nuklearren edo material erradioaktiboak eragindakoen

erantzukizun zibilari buruzko maiatzaren 27ko 12/2011 Legeak ezarritakoari kalterik egin gabe. Hori

horrela izanik ere, barnean sartuko dira aseguratutako instalazio nuklear batean sortutako

zuzeneko kalte guztiak, baldin eta instalazioari berari eragiten dion ezohiko gertakari baten ondorio

badira.

f) Denboraren iragateak berak sorturikoak, eta, etengabe guztiz edo partzialki urpean dauden

ondasunen kasuan, olatuen edo ohiko ur-lasterren eraginez sorturikoak.

g) Aurreko ataleko 1.a) artikuluan adierazitakoez bestelako natura-fenomenoek sorturikoak, eta,

bereziki, maila freatikoaren igoerak, malda-higidurek, lurren lerradura edo asentamenduak, haitz-

erorketek eta antzeko fenomenoek sorturikoak; salbuespena izango dira nabarmenki euri-uren

eraginez gertaturikoak, baldin eta ur horiek inguruan ezohiko uholde-egoera sortu badute eta

uholde horren garaian gertatu badira.

h) Biltzeko eskubidea arautzen duen uztailaren 15eko 9/1983 Lege Organikoan xedatutakoari jarraituz

egin diren bilera eta manifestazioetako jarduera jendetsuen ondoriozkoak, eta legezko grebetako

jardueren ondoriozkoak, jarduera horiek aurreko 1.b) atalean adierazitakoaren arabera ezohiko

gertakaritzat hartzen direnean izan ezik.

i) Aseguratuak fede gaiztoz eragindakoak.

j) Ondasunei kalteak eragiten dizkieten edo diru-galerak eragiten dituzten fenomeno naturalek

eragindako ezbeharren ondoriozkoak, poliza jaulkitako data edo, geroagokoa bada, efektu-data,

ezbeharra gertatutako data baino zazpi egun lehenagokoa ez denean, baldin eta interes

aseguragarririk ez egoteagatik asegurua lehenago kontratatzeko ezintasuna frogatzen ez bada.

Gabealdi hori ez da aplikatuko poliza entitate berean edo beste batean etenik gabe ordeztu edo

21

aldatzen bada, handitzen den edo estaldura berria duen zatian izan ezik. Polizan aurreikusitako

errebalorizazio automatikoaren ondoriozko kapital aseguratuen zatirako ere ez da aplikatuko.

k) Lehen prima ordaindu aurretik gertatutako ezbeharren ondoriozkoak, edo, Aseguru Kontratuaren

Legean ezarritakoaren arabera, Aseguruen Konpentsazio Partzuergoaren estaldura etenda

dagoenean edo asegurua amaituta dagoenean primak ordaindu ez direlako.

l) Zeharkako kalteak edo zuzeneko nahiz zeharkako kalteetatik eratorritakoak, Hondamen Arriskuen

Aseguruaren araudian ordaintzeko modukoak zehaztutako mozkin-galerak izan ezik. Bereziki, ez

dira estaldura honetan sartzen energia elektriko, gas erregai, fuel-olio, gasolio edo bestelako

fluidoen kanpo-horniduran etenak edo aldaketak gertatzeagatik sorturiko kalteak edo galerak, ez

eta aurreko paragrafoan zehaztutakoaz bestelako edozein zeharkako kalte edo galera, hondamen-

arriskuen estalduran sartuta dagoen kausa batek sorturikoak izanik ere.

m) Beren tamaina eta larritasunagatik Estatuko Gobernuak "katastrofe edo hondamen nazional" gisa

kalifikatzen dituenak.

25.3. Frankizia

Honako hau izango da aseguratuaren kargurako frankizia:

a) Zuzeneko kalteak gauzetan izaten diren kasuan, ezbeharrak sortu dituen ordaintzeko kalteen ehuneko

zazpi izango da aseguratuaren kargurako frankizia. Dena den, ez zaie frankiziagatiko kenketarik egingo

etxebizitzei, etxebizitzen jabe-erkidegoei eta automobilen aseguru-polizak aseguratutako ibilgailuei.

b) Mozkin-galeren kasuan, polizan mozkin-galeren ohiko ezbeharren ondoriozko kalteetarako

zehaztutako denbora eta zenbateko berekoa izango da aseguratuaren kargurako frankizia. Mozkin-

galerako ohiko ezbeharrak estaltzeko hainbat frankizia badaude, estaldura nagusirako aurreikusiak

aplikatuko dira.

c) Poliza batean kalte eta mozkin-galeretarako frankizia konbinatua ezartzen denean, Aseguruen

Konpentsazio Partzuergoak kalte materialak likidatuko ditu aurreko a) atalean aurreikusitakoa

22

aplikatzearen ondorioz dagokion frankizia kenduta eta izandako mozkin-galera estaldura nagusirako

polizan ezarritako frankiziaren murrizketarekin, kalte materialen likidazioan aplikatutako frankizia

kenduta.

25.4. Estalduraren hedadura

1. Aseguru-polizetan hondamen-arriskuen estaldurarako zehazten diren pertsona zein ondasun eta

zenbateko aseguratu berberak estaliko ditu hondamen-arriskuen estaldurak.

2. Aurrekoa alde batera utzita:

a) Motor-ibilgailuen berezko kalteak estaltzen dituzten polizetan, interes aseguragarri osoa

bermatuko du Aseguruen Konpentsazio Partzuergoaren hondamen-arriskuen estaldurak, poliza

arruntak partzialki baino bermatzen ez duen arren.

b) Ibilgailuek lehorreko ibilgailuetarako erantzukizun zibileko poliza besterik ez dutenean,

Aseguruen Konpentsazio Partzuergoaren hondamen-arriskuen estaldurak ezbeharra gertatu

aurreko uneko egoeran ibilgailuak zuen balioa bermatuko du, merkatuan oro har onartutako

erosketa-prezioen arabera.

26. ARTIKULUA. -Aseguruen Konpentsazio Partzuergoak ordaindu beharreko ezbeharraren kasuan jokatzeko

prozedura.

1. Estalduraz Aseguruen Konpentsazio Partzuergoari dagozkion kalte-ordainen eskaera Partzuergo horri

zuzendutako komunikazio bidez egingo da. Komunikazio hori aseguru-hartzaileak, aseguratuak edo

polizaren onuradunak egingo du, edo aurrekoen kontura eta izenean jarduten duenak, edo aseguru-

entitateak edo asegurua kudeatzeko esku hartu duen aseguru-bitartekariak.

2. Honela egin ahal izango da kalteen komunikazioa eta honela eskuratu ahal izango da prozedurari eta

ezbeharren izapidetze-egoerari buruzko edozein informazio:

- Aseguruen Konpentsazio Partzuergoaren Telefono bidezko Arreta Zentrora deituz (952 367 042 edo

902 222 665)

23

- Aseguruen Konpentsazio Partzuergoaren webgunearen bidez (www.consorseguros.es)

3. Kalteen balorazioa:

Aseguruen legeriaren eta aseguru-polizaren arabera kalte-ordaina dagokien kalteen balorazioa

Aseguruen Konpentsazio Partzuergoak egingo du, eta Partzuergoa ez da lotetsita egongo arrisku

arruntak estaltzen dituen aseguru-entitateak egindako balorazioekin, halakorik egonez gero.

4. Kalte-ordaina ematea:

Aseguruen Konpentsazio Partzuergoak banku-transferentzia bidez emango dio kalte-ordaina

aseguruaren onuradunari.

X ONURADUNAREN KLAUSULA

27. ARTIKULUA.- HIPOTEKA-MAILEGUAK

Poliza honek bermatzen duen edukitzailearen gainean Onuraduntzat joko den erakunde baten (Polizan

zehazten dena) aldeko hipoteka-mailegua dagoenean, espresuki hitzartuko dira honako hauek:

1. Edukitzaileari eragiten dioten ezbeharren kasuan, aseguratzaileak ez dio ezer ordainduko aseguratuari

aipatutako erakundearen baimenik gabe eta erakundea subrogatuta geratuko da aseguratuaren

eskubideetan ezbeharraren datan amortizatu gabeko maileguaren zenbatekoan beste edozein onuradunen

aurretik.

2. Halaber, Aseguratzailea behartuta dago aipatutako hipoteka-erakundeari aurrez jakinaraztera poliza ez dela

berrituko, Polizan aldaketaren bat egingo duela edo primaren muga-eguna iristean ez dela ordainduko, bere

indarraldia inola ere etengo ez bada ere. Hipoteka-erakundeak, egoki irizten badio, ordaindu gabeko prima-

ordainagiria ordaindu ahal izango du Aseguru Hartzailearen kontura.

24

BALDINTZA BEREZIAK SUTEEN ETA HAINBAT KALTEREN OINARRIZKO BERMEA

1. ARTIKULUA.- ETXEAN ESTALITAKO ARRISKUAK

Berme hau kontratatuta, aseguratutako ondasunek honako kausa hauen ondorioz izaten duten suntsipen edo

narriaduragatik dagokion kalte-ordainaren kargu egingo da Aseguratzailea:

1.1. Sutea eta leherketa etxebizitza aseguratuan edo haren inguruan gertatzen badira. Ez dira sutearen

ondoriozkoak berotasunaren eragin hutsez, berokuntza- edo argiteria-aparatuekin edo sutondoekin

zuzeneko edo zeharkako ukipenak edo objektuak sutara erorita sortutako kalteak, baldin eta gertaera

horiek benetako sutearen ondorioz jazotzen ez badira.

Zenbateko aseguratua: kaltetutako ondasun aseguratuen % 100 arte.

1.2. Tximista erortzea ondasun aseguratuen gainean edo etxebizitzaren kanpoaldean.

Zenbateko aseguratua: kaltetutako ondasun aseguratuen % 100 arte.

1.3. Bigarren mailako efektuak, sute baten, leherketa baten edo tximista baten ondorioz gertatutakoak;

esaterako, kearen eragina, lurrunarena edo ikatzaren hautsarena.

Zenbateko aseguratua: kaltetutako ondasun aseguratuen % 100 arte.

1.4. Etxebizitzatik kanpoko motor-ibilgailuen talka edo kolpea.

Arrisku horrek ez ditu estaltzen aseguratuaren edo bere mendeko pertsonen agindupean edo kontrolpean

dauden objektuek sortutako kalteak.

1.5. Aireontziak erortzea, espazio-ontziak eta soinu-uhinak, aireontziak erortzeagatik eta bertatik botatako

objektuek –eta aireontziek soinu-langa gainditzean sortutako soinu-detonazioek– ondasun aseguratuei

eragindako kalteak estaltzen ditu.

Zenbateko aseguratua: eragindako partida aseguratuetan aseguratutako kapitalaren % 100 arte.

25

1.6. Kalte elektrikoak: Aseguratutako aparatu elektriko edo elektronikoek nahiz instalazio elektrikoek

jasandako zuzeneko kalte materialak, tximista erortzeagatik sortutako gaintentsioen ondorioz edo enpresa

argindar-hornitzaileak eragindako korrontearen hornidura orokorraren aldaketaren ondorioz.

Berme-muga ezbehar bakoitzeko:

Edukiaren kapitalaren % 5, 1.250 euroko mugarekin.

Edukitzailearen kapitalaren % 5, 1.250 euroko mugarekin instalazio elektrikoei eragindako kalteetarako.

Berme honetatik kanpo geratzen dira:

a) Aparatu elektriko edo elektronikoen berezko arrazoiengatik edo zirkuitulaburrengatik sortutako kalteak, matxura mekanikotik eratorriak barne, kasu horietan guztietan sutea egonda ere.

b) 60 euro baino gutxiagoko berritako balioa duten instalazio elektrikoei eta aparatu elektriko eta/edo elektronikoei eragindako kalteak.

c) Instalazioa tentsio baxuko Araudi elektroteknikoaren arauen mende ez dagoenean gertatutako kalteak.

1.7. Etxeko istripuak, beroaren bat-bateko eraginez edo berokuntza-aparatuekin, argiteriarekin edo goritutako

substantziaren batekin zuzeneko edo zeharkako kontaktuaren bitartez eragindakoak, baita suterik sortzen

ez bada ere.

Arrisku horrek ez ditu estaltzen "erretzaileen istripuek" egindako kalteak. Ezta "gutiziagarri" gisa

definitutako objektuei eta larrugintzakoei egindakoak ere.

Zenbateko aseguratua: kaltetutako ondasun aseguratuen % 100 arte. 18,00 euroko frankizia ezarri da

Aseguru Hartzailearen kontura.

1.8. Kea, sutondoetan edo berokuntza- edo erreketa-sistemetan sortzen diren bat-bateko eta ezohiko ihesek

eragindakoa, baldin eta haiek aseguratutako instalazioen zati badira eta hoditeria egokien bitartez

tximiniekin konektatuta badaude.

Halaber, aseguratutakoak ez diren lokal edo instalazioetan sortutako keak eragindako kalteak sartzen dira.

Arrisku honek ez ditu estaltzen etengabeko ekintzak eragindako kalteak.

Zenbateko aseguratua: kaltetutako ondasun aseguratuen % 100 arte.

1.9. Bandalismozko edo asmo txarreko ekintzak, hirugarren pertsonek banaka edo taldean egindakoak.

26

Uztailaren 15eko 9/1983 Lege Organikoan xedatutakoa betez egindako bilera eta manifestazioetako ekintza

jendetsuek edo grebek, edo legezko grebetan eragindako kalte materialak sartzen dira, baldin eta gertaera

horiek terrorismo, matxinada edo jende-iskanbila izaera ez badute edo hala bihurtzen ez badira.

Arrisku horrek ez ditu estaltzen kartelak itsastean, grafitiak egitean, pintadak egitean edo antzekoetan

egindako kalteak, ezta etxebizitzaren maizterrak edo erabiltzaileak egindakoak ere, etxebizitza alokatzen

denean edo erabiltzen uzten denean.

Zenbateko aseguratua: kaltetutako ondasun aseguratuen % 100 arte.

1.10. Ura sartzea, hau da, kanpoko edo terrazetako lurzoruan ura pilatzearen edo desplazatzearen ondorioz

sortutako kalteak.

Arrisku horren estaldura honako arrazoi hauengatik gertatzen diren uholdeetara mugatzen da:

- Irteera naturalik gabeko aintzirek edo gizakiak eraikitako gainazaleko ubideek istripuz gainezka egitea

edo desbideratzea.

- Euri-ura, baldin eta bere izaera kontuan hartuta, Aseguruen Konpentsazio Partzuergoak estaltzea

aurreikusten ez bada (Baldintza Orokorretako 4. eta 5. artikuluak).

- Estolderiaren, kolektoreen edo gizakiak eraikitako lur azpiko beste ubide batzuen haustura edo matxura.

Arrisku honek ez ditu estaltzen:

– Horma edo sabaietako itoginek eta iragazketek eragindako kalteak eta haien konponketa.

Hala ere, istripuz edo ezusteko gertaeren ondoriozko itoginek eta iragazketek eragindako kalteak sartu

egiten dira, baldin eta instalazioen berezko akatsak edo kontserbazio-egoera txarrak eragindakoak ez

badira.

– Ateak, leihoak edo beste irekidura batzuk itxi gabe utzi direnean edo gaizki itxi direnean izandako

kalteak.

Zenbateko aseguratua: kaltetutako ondasun aseguratuen % 100 arte.

1.11. Fenomeno atmosferikoak, hau da, euriak, kazkabarrak, elurrak edo haizearen indarrak zuzenean

eragindako kalteak.

27

Arrisku honek ez ditu estaltzen:

– Euri-ura biltzea xede duten kanpoko hodiek gainezka egiteagatik izaten diren kalteak, baldin eta

haien hustubidea aseguratutako etxebizitzako beste hodi edo biltegi batzuekin bat eginda ez badago.

– Horma edo sabaietako itoginek eta iragazketek eragindako kalteak eta haien konponketa, eta baita

ateak, leihoak edo beste irekidura batzuk itxi gabe utzi direnean edo gaizki itxi direnean

izandakoak ere.

Hala ere, istripuz edo ezusteko gertakarien ondoriozko itoginek eta iragazketek eragindako kalteak

sartu egiten dira, baldin eta instalazioen berezko akatsak edo kontserbazio-egoera txarrak

eragindakoak ez badira.

– Izozteek, hotzak, olatuek edo mareek eragindako kalteak, baita fenomeno horiek haizeak

sortutakoak badira ere.

– Eraikuntza-lanak edo edukitzailea konpontzeko lanak egiteko etxea babesik gabe geratzen denean

eragindako kalteak.

– Aire zabalean dauden ondasun higigarriei eragindako kalteak, baita material malguen bitartez edo

eraikin irekien barruan babestuta daudenean ere.

– Aseguratutako ondasunen pixkanakako narriaduragatik edo etengabeko hezetasunagatik

eragindako kalteak.

Zenbateko aseguratua: kaltetutako ondasun aseguratuen % 100 arte.

1.12. Suteak itzaltzeko instalazio automatikoen istripuzko isurketa, matxura baten ondoriozkoa.

Arrisku honek ez ditu estaltzen:

– Suteak itzaltzeko sisteman eragindako kalteak. Baita sistema diseinatu zen xedeetarako ez

erabiltzearen ondorioz gertatutakoak ere.

– Lur azpiko hoditeriek, arriskuaren barrunbetik kanpo dauden instalazioek edo xede horretarako

pilatutako urak eragindako kalteak.

28

1.13. Ur-isurketak, eraikineko hodietatik edo mugakideetatik eta horiei konektatutako biltegi edo

aparatuetatik datozenak, eta txorrotak ez ixteagatik edo hirugarrenen zuhurtziagabekeriagatik edo

gaizkinahiagatik gertatutakoak.

Arrisku honek ez ditu estaltzen:

– Euri-ura biltzea xede duten kanpoko hodien isurketek sortutako kalteak, baldin eta horien

hustubidea aseguratutako establezimenduko beste hodi edo biltegi batzuekin bat eginda ez badago.

– Luzaroko hezetasunak edo kondentsazioak eragindako kalteak.

– Instalazioak kontserbazio-egoera normalean egoteko edo hodi eta aparatuen higadura nabari eta

ezaguna zuzentzeko ezinbestekoak diren konponketak ez egiteagatik sortutako kalteak.

- Polizak ordaintzekoak diren kalteak sortzen ez dituzten ihesak edo matxurak aurkitzeko eta

konpontzeko gastuak.

Zenbateko aseguratua: kaltetutako ondasun aseguratuen % 100 arte.

Aurreko arrisku guztietan honako hauek sartuko dira kalte-ordainean:

– Ezbeharrak zuzenean eragindako kalte materialak, Baldintza Orokorretako 3. artikuluan xedatutako

estalduren arabera eta Baldintza Partikularretan kasu bakoitzean jasota dauden mugapenen arabera

finkatutakoak.

– Agintaritzak edo Aseguratuak ezbeharra saihesteko, mugatzeko edo azkentzeko hartutako neurriek

eragindako kalteak.

– Aseguratuak ezbeharretik salbatzeko asmoz agindutako garraioaren edo hark hartutako beste

edozein neurriren ondorioz aseguratutako objektuek izaten dituzten kalteak.

– Desagertutako objektuen balioa, betiere Aseguratuak frogatzen badu lehendik bazeudela eta

Aseguratzaileak frogatzen ez badu lapurtutakoak edo ostutakoak direla.

1.14. Kristalak, beirak eta ispiluak istripuz haustea, bai edukitzailean finko jarritakoak —aseguratuta badago—

eta baita edukiaren edo bere elementuren baten osagai direnak ere —edukia aseguratzen bada—.

29

Loza sanitarioa ere estalduran sartzen da. Loza sanitariotzat jotzen dira sukalde, bainugela eta

garbitokietako bainuontzi, konketa, harraska, marmol eta antzeko elementu finkoak eta bitrozeramikazko

plakak.

Arrisku horiek ez dituzte estaltzen:

– Instalazio- edo kolokazio-akatsen ondoriozko kalteak, aseguratutako objektuetan edo horien

markoetan egindako lanen ondoriozkoak, eta muntatzean edo desmuntatzean egindakoak.

– Lekualdaketan edo lekualdaketa prestatzean eta etxebizitzan egindako berrikuntza-, konpontze-

eta apaintze-lanetan gertatutako istripuak.

– Edozein motatako lanparak, kristal optikoak, irudi- eta/edo soinu-aparatuetako kristalak eta

objektu apaingarriak.

– Marradurak edo gainazala pixka bat narriatzea eragiten duten beste kausa batzuk.

Zenbateko aseguratua: kaltetutako ondasun aseguratuen % 100 arte.

2. ARTIKULUA. - BESTE PRESTAZIO BATZUK

Kalteengatik dagokion kalte-ordainaz gain eta ezbeharra berme honek estaltzen badu betiere, Aseguratzaileak

honako prestazio hauen kargu ere egin behar du:

2.1. Aseguratuak honako arrazoi hauengatik egin beharreko gastuak:

– Agintaritzak edo Aseguratuak ezbeharraren ondorioak mugatzeko hartutako neurriak.

– Suhiltzaile Zerbitzuak esku hartzea.

– Kaltetutako lokaletako hondakinak kentzea, obra-hondakinak hurbileneko zabortegira eramatea barne.

– Uholdearen ondoriozko lokatza kentzea eta lohiak ateratzea.

– Aseguratutako objektuak altzari-gordeleku batean edo behin-behineko etxebizitza batean edukitzea eta

horietara garraiatzea, kalteak konpontzeko beharrezkoa denean.

– Balore-tituluak eta horien jabetza egiaztatzen duten poliza edo dokumentuak berregitea edo horien

bikoiztuak egitea, balioa galtzeraino hondatzen direnean.

30

2.2. Polizak babestutako ezbehar baten ondorioz sortutako kalteak konpontzeko obrengatik etxebizitzaren

bizitzeko ezintasunaren ondorioz sortutako kalteen ordaina; kalte-ordain hori ezbeharra izandako

etxebizitzaren antzeko ezaugarriak dituen beste bat alokatzeari dagokion errentaren zenbatekoaren

baliokidea izango da.

Edukia aseguruan sartzen bada, altzariak eta etxeko hornidura behin-behineko etxebizitzara eramateak

sortzen dituen gastuak ere sartuko dira, eta ondoren altzariak eta etxeko hornidura behin-behineko

etxebizitzatik aseguratutako etxebizitzara eramateko gastuak ere bai.

Zenbateko aseguratua lehen arriskuan 12.000,00 eurorainokoa izango da ezbehar bakoitzeko bizitzeko

ezintasunak irauten duen bitartean, baina urtebetez gehienez.

2.3. Ur-isurketen estaldurak babestutako ezbeharra eragin duen matxura aurkitzeko lanak eta lan horietan

kaltetuta geratzen diren materialen ordez antzeko kalitatezko beste batzuk jartzea.

2.4. Ur-isurketen estaldurak babestutako ezbeharra eragin duen matxuraren konponketa.

Prestazio horietarako zenbateko aseguratua: aseguratutako ondasunen % 100 arte.

2.5. Sutea eta Hainbat Kalte bermeak babestutako ezbeharrak kaltetutako edukitzaileko elementuen estetika

zaharberritzea, kaltetutako zatiaren konponketak haien hasierako estetika hondatzen duenean.

Ezbeharrak zuzenean kaltetutako elementuak eta kalte estetikoak konpontzeko egin beharrekoak sartuko

dira zaharberritzean, elementu horiek dauden gelara mugatuz.

Lehengo material berdinekin ordeztea ezinezkoa bada, jatorrizkoen antzeko ezaugarriak eta kalitateak

dituzten materialak erabiliz egingo da zaharberritzea.

Prestazioaren mugapenak:

– Estaldura honek edukitzaile-partidarako aseguratutako kapitala dagoenean soilik izango ditu

ondorioak.

31

– Prestazio honek aipatzen dituen edukitzaileko elementuak etxebizitzaren barrukoak dira, zoru,

horma edo sabaietan finko daudenak.

– “Kristalak, beirak eta ispiluak istripuz haustea” bermeak babestutako ezein ezbeharri ez zaio

aplikatuko zaharberritze estetikoaren estaldura.

– Zaharberritzea gehienez bi urteko epean gauzatzera baldintzatuta dago estaldura, eta

Aseguratzaileak zaharberritzea egiaztatzeko aukera du.

– Zenbateko aseguratua: 1.800,00 euroraino lehen arriskuan. Prestazioa ez da metagarria izango

zaharberritzea gauzatu aurretik izaten diren ezbeharren kasuan.

2.6. Lorategia edo zuhaiztia hondatzea, Baldintza Berezi hauetako 1. artikuluan definitutako edozein arriskuren

ondorioz, lehen arriskuan aseguratuta geratzen da zenbateko aseguratuarekin.

Zenbateko aseguratua: 2.000,00 euroraino lehen arriskuan.

3. ARTIKULUA.- ETXETIK KANPO ESTALITAKO ARRISKUAK

Etxetik kanpo, edukian sartzen diren objektuak bermatuta daude Baldintza Berezi hauetako 1. artikuluan

definitutako arriskuen aurka, honako egoera hauetan, Aseguratuak edo aseguratutako etxebizitzan bizi ohi

diren gainerako pertsonek egindako bidaietan, betiere kalteak:

– Hotelen barruan, antzeko establezimenduetan edo beste norbaitenak diren etxebizitzetan gertatzen

badira egonaldian zehar.

– Aseguratuak lekuz aldatzeko erabiltzen duen garraiobidearen barruan gertatzen badira.

Hedadura horrek ez ditu estaltzen aseguratutako ondasunek izaten dituzten kalteak Aseguratuak

bigarren etxebizitza gisa erabiltzen dituenetan daudenean.

Zenbateko aseguratua: edukirako estalitako zenbatekoaren % 15 arte lehen arriskuan, 1.800,00 euroko

gehieneko mugarekin.

32

BALDINTZA BEREZIAK

LAPURRETA, ESPOLIAZIO ETA EBASKETAREN OINARRIZKO BERMEA

1. ARTIKULUA.- ETXEAN ESTALITAKO ARRISKUAK

Berme hau kontratatuta, Aseguratzaileak honako arrisku hauek hartzen ditu bere gain:

1.1. Edukiaren lapurreta. Lapurretatzat jotzen da aseguratutako etxebizitzan aseguratutako ondasunak (arrisku

honetarako edukiko elementuak soilik) ostea eta/edo narriatzea, betiere egilea edo egileak honako modu

hauetako baten bitartez sartu badira etxebizitzan:

– eskalatuta;

– horma, sabaia edo zorua apurtuta edo atea edo leihoa hautsita;

– giltza faltsuak, gakordeak edo normalean ateak irekitzeko erabili ohi ez diren beste tresna batzuk

erabilita;

– isilka eta Aseguratuak jakin gabe sartuta, eta etxebizitza itxita egonik egin bada delitua.

Arriskuan honako hauek sartzen dira, behean adierazitako mugekin:

– Dirua lapurtzea.

– Lapurretaren edo lapurreta-ahaleginaren ondorioz edukitzailean kalteak eragitea.

Arrisku honek ez du estaltzen objektu gutiziagarrien lapurreta etxebizitzan inor bizi ez bada berrogeita

bost egunetik gora jarraian. Mugapena ez da aplikatuko objektuak kutxa gotorrean badaude, kutxa hori

zoruan edo horman sartuta badago edo 150 kg baino gehiago pisatzen badu.

Arrisku honen ondorioetarako, aseguratutako etxebizitzan inor ez dela bizi ulertuko da bertan gaua

pasatzen ez bada.

Zenbateko aseguratuak:

– Edukia eta edukitzailean eragindako kalteak edukirako aseguratutako kapitalaren % 100 arte daude

bermatuta, Baldintza Orokorretako 3. artikuluan xedatutako mugen barruan eta Baldintza

Partikularretan kasu bakoitzean jasotzen diren mugapenekin.

33

– Trasteleku, garaje, elementu erantsi, etxola edo bestelako eraikin lagungarrietatik ostutako edukia

bermatuta geratuko da 2.000 euroraino lehen arriskuan.

– Dirua bermatuta geratuko da, 300,00 euroraino lehen arriskuan.

1.2. Edukiaren espoliazioa. Espoliaziotzat jotzen da aseguratutako ondasunak (arrisku honetarako edukiko

elementuak soilik) ostu eta/edo narriatzea, pertsonengan indarra edo indarkeria erabilita.

Arriskuan honako hauek sartzen dira, behean adierazitako mugekin:

– Diruaren espoliazioa.

– Espoliazioaren edo espoliazio-ahaleginaren ondorioz edukitzailean eragindako kalteak.

Zenbateko aseguratuak:

– Edukia eta etxebizitza izateko eraikinaren edukitzaileari egindako kalteak bermatuta geratuko dira,

Baldintza Orokorretako 3. artikuluan xedatutako mugen barruan eta Baldintza Partikularretan jasotzen

diren mugapenekin.

– Trasteleku, garaje, elementu erantsi, etxola edo bestelako eraikin lagungarrietatik ostutako edukia

bermatuta geratuko da 2.000 euroraino lehen arriskuan.

– Dirua bermatuta geratuko da, 300,00 euroraino lehen arriskuan.

1.3. Edukiaren ebasketa. Ebasketatzat jotzen da aseguratutako ondasunak (arrisku honetarako edukiko

elementuak soilik) ostea, pertsonengan indarra edo indarkeria eta larderia erabili gabe.

Zerbitzarien ekintzaz edo zerbitzarien konplizitatearekin gauzatuko edukiaren ebasketa bermatuta egongo

da, betiere haiek Aseguratuaren zerbitzura gutxienez sei hilabetez egon badira eta ebasketaren ondorioz

egozten badituzte.

Ebasketa ez da sartuko etxebizitza alokairuan ematen bada edo errentan hartu duenak beste bati

alokatzen badio. Etxebizitzan jarraian berrogeita hamar egun baino gehiagotan inor bizi ez bada ere ez da

estaliko. Ez da estaliko eskudiruaren ebasketa ere.

34

Zenbateko aseguratua:

- Etxebizitza izateko eraikinaren edukiarentzat, lehen arriskuan 3.000,00 eurorainoko zenbateko

aseguratuarekin ezbeharreko, baldin eta edukia ez bada trasteleku, garaje, elementu erantsi, etxola

edo bestelako eraikin lagungarrietatik ostu –halakoetan 2.000 euroraino bermatuta geratuko da

lehen arriskuan–.

1.4. Edukitzaileari itsatsitako elementuen lapurreta. Lapurretatzat jotzen da edukitzaileko elementu finkoak

ostea, horretarako gauzetan indarra erabiliz.

Arrisku honek ez du estaltzen aseguratutako ondasunen lapurreta etxebizitzan inor bizi ez bada

berrogeita bost egunetik gora jarraian.

Zenbateko aseguratua: edukitzailearen gainean aseguratutako kapitalaren % 100 arte.

1.5. Kreditu-txartelak. Estalita dago edozein finantza-erakundek jaulkitako kreditu-txartelen maulazko

erabilera.

Aseguratzaileak 300,00 euroraino ordainduko ditu lehen arriskuan, ezbehar bakoitzeko eta txartel

guztietarako, txartelak lapurtu edo istripuz galdu ondoren edozein hirugarren pertsonak txartel horiek

erabiltzearen ondorioz Aseguratuak izaten dituen galera ekonomikoak.

1.6. Aseguratutako etxebizitzako sarrailak eta giltzak ordeztea. Lapurreta, espoliazio edo atrakoaren ondorioz

Aseguratuari edo bere familiako edozein kideri giltzak osten dizkiotenean antzeko ezaugarriak dituzten

beste batzuk jarriko dira.

Zenbateko aseguratua: edukirako aseguratutako kapitalaren % 100 arte.

2. ARTIKULUA.- BESTE PRESTAZIO BATZUK

Aurreko arriskuengatik dagokion kalte-ordainaz gain eta ezbeharra berme honek estaltzen badu,

Aseguratzaileak honako prestazio hauen kargu ere egin behar du:

2.1. Balore-tituluak eta horien jabetza egiaztatzeko poliza edo dokumentuak BERREGITEKO EDO BIKOIZTUAK

EGITEKO behar diren gastuak, lapurtu egin direnean edo balioa galtzeraino hondatu direnean.

Zenbateko aseguratua: edukirako aseguratutako kapitalaren % 100 arte.

35

2.2. Lapurreta- edo espoliazio-ezbeharrak kaltetutako edukitzaileko elementuen estetika zaharberritzea,

kaltetutako zatiaren konponketak haien hasierako estetika hondatzen duenean.

Ezbeharrak zuzenean kaltetutako elementuak eta kalte estetikoak konpontzeko egin beharrekoak sartuko

dira zaharberritzean, elementu horiek dauden gelara mugatuz.

Lehengo material berdinekin ordeztea ezinezkoa bada, jatorrizkoen antzeko ezaugarriak eta kalitateak

dituzten materialak erabiliz egingo da zaharberritzea.

Prestazioaren mugapenak:

– Estaldura honek edukitzaile-partidarako aseguratutako kapitala dagoenean soilik izango ditu

ondorioak.

– Prestazio honek aipatzen dituen edukitzaileko elementuak etxebizitzaren barrukoak soilik dira, zoru,

horma edo sabaietan finko daudenak.

– Zaharberritzea gehienez bi urteko epean gauzatzera baldintzatuta dago estaldura, eta Aseguratzaileak

zaharberritzea egiaztatzeko aukera du.

Zenbateko aseguratua: 1.800,00 euroraino lehen arriskuan. Prestazioa ez da metagarria izango

zaharberritzea gauzatu aurretik izaten diren ezbeharren kasuan.

3. ARTIKULUA.- ETXETIK KANPO ESTALITAKO ARRISKUAK

Etxetik kanpo, edukian sartzen diren objektuak bermatuta daude aurreko 1. artikuluan definitutako Lapurreta

eta Espoliazio arriskuen aurka, honako egoera hauetan:

3.1. Aseguratuak edo aseguratutako etxebizitzan bizi ohi diren gainerako pertsonek egindako bidaietan, betiere

lapurreta edo espoliazioa:

– Hotelen barruan, antzeko establezimenduetan edo beste norbaitenak diren etxebizitzetan gertatzen

badira egonaldian zehar.

– Aseguratuak lekuz aldatzeko erabiltzen duen garraiobidearen barruan gertatzen badira. Aseguratutako

objektuak fakturazio-erregimenean daudenean galtze soila ere estalita egongo da.

36

Hedadura honek ez ditu estaltzen:

– Aseguratutako ondasunen lapurreta edo espoliazioa, Aseguratuak normalean bigarren etxebizitza gisa

erabiltzen dituenetan daudenean.

– Objektu gutiziagarrien lapurreta-arriskua, objektu horiek hoteletan edo antzeko establezimenduetan –

baina ez kutxa gotorrean gordeta– daudenean.

– Lapurreta-arriskua, objektu horiek ibilgailuen, karabanen eta/edo atoien barruan daudenean.

Mugapen hori ez da aplikatuko objektuak fakturatuta daudenean edo aipatutako garraiobideak

fakturazio-erregimenean eta objektuak horien barruan daudenean.

Zenbateko aseguratua: edukirako estalitako zenbatekoaren % 15 arte lehen arriskuan, 1.800,00 euroko

gehieneko mugarekin. Eskudirua estalita dago 150,00 euroko gehieneko mugarekin.

3.2. Etxetik kanpoko atrakoa. Aurrekoak bezalakoa ez den edozein egoeratan, Aseguratuak edo aseguratutako

etxebizitzan bizi ohi diren gainerako pertsonek izan dezaketen espoliazioa (lapurreta) estaltzen du

aseguruak.

Zenbateko aseguratua: 1.200,00 euroraino lehen arriskuan, dirutarako 150,00 euroko gehieneko

mugarekin.

37

BALDINTZA BEREZIAK

ERANTZUKIZUN ZIBILEKO OINARRIZKO BERMEA

1. ARTIKULUA.- DEFINIZIO PARTIKULARRAK

Berme honen ondorioetarako, honela ulertzen dira kontzeptu hauek:

1.1. Kalte materiala: gauzak edo animaliak suntsitzea edota narriatzea.

1.2. Gorputzeko kaltea: heriotza, lesioa edo pertsonen osotasun fisikoaren edozein murrizketa.

1.3. Hirugarrenak: pertsona guztiak, salbuespen hauekin:

– Poliza honek estaltzen duen erantzukizun zibila dutenak, etxeko langileen aurreko erantzukizun

zibilerako xedatutakoa izan ezik.

– Aurreko puntuan adierazitako ezkontidea –baita egitatezkoa ere– eta hirugarren maila arterainoko odol

bidezko edo ezkontza bidezko ahaideak, baldin eta aseguratutako etxebizitzan sortutako kalteen

ondoriozko kalte materialak ez badira eta kalte horien estaldura Sutea eta Hainbat Kalte bermeak

babestuta ez badago.

2. ARTIKULUA. - DENBORA- ETA LURRALDE-ESPARRUA

Berme honek kontratuaren indarraldian izandako kalteetan du efektua eta mundu osorako balio du. Hala ere,

Aseguratuak atzerrian badu bere helbide finkoa, aseguruak Espainiako legeriaren arabera eta Espainian

izandako kalteengatik formulatutako erreklamazioak soilik estaliko ditu, eta Espainian ordainduko dira

bidezkoak diren kalte-ordainak.

3. ARTIKULUA.- ESTALITAKO ARRISKUAK

Berme hau kontratatuta, Aseguratzaileak bere gain hartzen du legez eska daitezkeen kalte-ordainen

ordainketa, hirugarrenei nahi gabe eragindako kalte materialengatik edo gorputzeko kalteengatik, 150.000,00

euroko mugarekin ezbehar bakoitzeko eta honako erantzukizun hauek betez:

38

3.1. Familiaren Erantzukizun Zibil Pribatua, Aseguratuaren eta harekin batera aseguratutako etxebizitzan bizi

diren gainerako pertsonen bizitza pribatuaren garapenaren ondorioz, eta Kode Zibilaren 1902. artikuluan

definitutako kontratuz kanpoko erantzukizun zibila betez.

3.2. Familiaburuaren Erantzukizun Zibila, aseguratutako etxebizitzan bizi diren Aseguratuaren seme-alaba

adingabeen edo etxebizitza berean bizi diren eta bere babespean dauden beste adingabe edo pertsona

batzuen ekintzen ondorioz, Kode Zibilaren 1903. eta 1910. artikuluetan xedatutakoa betez.

3.3. Etxeko Langileen Erantzukizun Zibila, etxeko langileek euren eginkizunetan egiten dituzten ekintzen

ondorioz, Kode Zibilaren 1903. artikuluan xedatutakoa betez.

3.4. Higiezinen Erantzukizun Zibila, aseguratutako etxebizitzaren jabe gisa eta Kode Zibilaren 1907. eta 1908.

artikuluetan xedatutakoa betez.

Aseguratuari jabekide gisa dagokiokeen erantzukizuna ere sartzen da, erantzukizun hori aseguratutako

establezimendua dagoen eraikineko elementu erkideek sortutako kalteen ondoriozkoa denean.

3.5. Aseguratuak jabetzan edo bere zaintzapean dituen etxeko animalien (txakur, katu edo antzekoen) jabe

gisa duen Erantzukizun Zibila, Kode Zibilaren 1905. artikuluan xedatutakoa betez, aseguratuarekin batera

bizi badira aseguratutako etxebizitzan eta ez badute nahitaezko aseguru baten xede izan behar.

Etxeko animaliatzat jotzen dira lagun egiteko animalia gisa izendatu izan direnak, alde batera utziz

etxekotutako animalia basatiak, zaldiak eta tiro-animaliak eta berez abeltzaintzako ustiapen batekoak

liratekeen beste edozein animalia.

3.6. Etxeko langileen aurreko Erantzukizun Zibila, etxeko langileek edo Aseguratuak aseguratutako

etxebizitzan lan bat egiteko kontratatutako gainerako pertsonek izan ditzaketen gorputzeko kalteen

ondorioz.

3.7. Maizterrak jabearen aurrean duen Erantzukizun Zibila, Aseguratuaren jarduera pribatuaren garapenaren

ondorioz, Kode Zibilaren 1902. artikuluan xedatutako kontratuz kanpoko erantzukizun zibila betez.

Halaber, ezbeharra izaten denean, Aseguratzaileak honako prestazio hauek hartuko ditu bere gain:

3.8. Sortzen diren erreklamazio zibiletan Aseguratzailearen abokatu eta prokuradoreen defentsa juridikoa.

39

3.9. Defentsak prozedura zibilean sortzen dituen gastu judizial eta judizioz kanpokoak, dagozkion isun eta

zehapenak alde batera utzita.

3.10. Berme honek estaltzen duen erantzukizun zibilaren ondoriozko betebehar ekonomikoei erantzuteko

auzitegiek eskatutako fidantza judizialak.

Zenbateko aseguratua: 150.000,00 euroraino ezbehar bakoitzeko. Kausa beraren ondoriozko kalte guztiek

ezbehar bakarra eratuko dute, baita aldi berean adierazten ez badira edo hainbat pertsona edo ondasuni

eragiten badie ere.

4. ARTIKULUA.- ESKLUSIOAK

Berme honek ez du estaliko honako hauen ondoriozko zuzeneko Erantzukizun Zibila edo Erantzukizun Zibil

subsidiarioa:

– Fede gaiztoz egindako ekintzen ondoriozkoa.

– Kontratuzko betebeharrak ez betetzearen ondoriozkoa.

– Lan-istripuen edo Laneko Gaixotasunen edo Gizarte Segurantzaren Nahitaezko Aseguruari dagozkion

betebeharrak ez betetzearen ondoriozkoa.

– Edozein lanbide-jarduera edo industria-jarduera egitearen eta edozein motatako elkarte edo talderen

ordezkari gisa parte hartzearen ondoriozkoa.

– Aseguratuak edo aseguratutako etxebizitzan bizi ohi diren gainerako pertsonek dituzten hirugarrenen

jabetzako gauzei kalteak eragitearen ondoriozkoa.

– Aireontziak, itsasontziak edo lehorreko ibilgailu motordunak erabiltzearen ondoriozkoa,

Aseguratuaren seme-alaba adingabeek edo bere babespean dauden beste adingabe batzuek ibilgailu

horiek bere baimenik gabe eta Aseguratuaren jabetzakoak izan gabe edo hark gordeta dituela

erabiltzen dituztenean izan ezik.

– Ehiza edo tiroko edozein kirol egiten denean eta/edo ibilgailu motorduna erabiltzen denean sortutako

kalteen ondoriozkoa. Estalita daude legezko suzko armen ezusteko tiroz eragindako kalteak. Estalita

daude motorrik gabeko ibilgailuek eragindako kalteak ere, baldin eta kirol-lehiaketetan parte hartzen

ari ez bada.

40

– Etxeko langileen edo Aseguratuarentzat edozein lan mota egiten duten gainerako pertsonen

ondasunei eragindako kalte materialen ondoriozkoa.

– Aseguratuaren jabetzako animaliek eragindako kalteen ondoriozkoa, baldin eta merkataritza-,

nekazaritza- edo abeltzaintza-ustiapen batekoak badira, eta aurreko 3. artikuluko 5. atalean

adierazitakoak ez diren bestelako animaliek eragindako kalteen ondoriozkoa ere bai.

– Profesional tituludunak ez diren edo beren jarduerari dagokion Lizentzia Fiskala ez duten hirugarren

pertsonek etxebizitzan egindako obren ondoriozko kalteena, eta eraisketa-, hondeaketa- edo

eraikuntza-lanek eragindako kalteen ondoriozkoa.

– Bere ezaugarriak eta gorabeherak kontuan hartuta saihestu edo murriztu zitekeen edozein ekintza

iraunkorren ondorioz eragindako kalteen ondoriozkoa.

5. ARTIKULUA.- BESTE XEDAPEN BATZUK

5.1. Aseguratuak ezingo du erantzukizuna aitortzeko ekintzarik egin Aseguratzailearen baimenik gabe. Eta

ezingo du Aseguratzailearen baimenik gabe berme honek estalitako ezbeharrei buruzko erreklamaziorik

negoziatu, onartu edo baztertu.

5.2. Auzitegien ebazpena Aseguratuaren interesen kontrakoa bada, Aseguratzaileak erakunde nagusi

eskudunaren aurrean helegitea aurkeztea komeni den edo ez erabakiko du. Aseguratzaileak helegitea

bidegabetzat jotzen badu, interesatuari jakinaraziko dio. Interesatuak askatasuna izango du helegitea bere

kabuz jartzeko, eta Aseguratzaileak sortutako gastu guztiak itzuli beharko dizkio, helegiteak aldeko

ebazpena izaten badu.

5.3. Aseguratuaren eta Aseguratzailearen artean interes-gatazkarik sortuz gero, Aseguratzaileak ezbehar

horretan Aseguratuaren defentsaren kontrako interesak defendatu behar dituelako, horrela jakinaraziko dio

Aseguratuari, baina defentsarako –presazkoak direlako– burutu beharreko eginbideak burutzeko

eragozpenik gabe. Kasu horretan, Aseguratuak Aseguratzailearen zuzendaritza juridikoarekin jarraitzea edo

bere defentsa beste pertsona baten eskuetan uztea aukera dezake. Bigarren kasuan, Aseguratuak

zuzendaritza juridikoaren gastuak ordaindu beharko ditu Polizan hitzartutako mugaraino.

41

BALDINTZA BEREZIAK

BABES JURIDIKOKO OINARRIZKO BERMEA

1. ARTIKULUA.- ASEGURATUAREN, ASEGURUAREN OBJEKTUAREN ETA ASEGURATUTAKO PRESTAZIOEN

DEFINIZIOA

1.1. Aseguratuaren definizioa

Aseguratutako etxebizitzan bizi ohi diren pertsonak dira Aseguratuak, etxeko langileak izan ezik.

1.2. Ezbehar edo gertaeraren definizioa

Aseguru honen ondorioetarako, Aseguratuaren interesei kalte egiten dion edo bere egoera juridikoa

aldatzen duen ezusteko egitate edo gertaera oro da ezbeharra edo gertaera.

Arau-hauste penaletan, egitate zigorgarria gauzatu den unean edo gauzatu dela adierazten denean emango

da aseguratutzat ezbehar edo gertaera.

Ez-kontratuzko erruduntasunagatiko erreklamazioetan kaltea egiten den une berean gertatuko da

ezbeharra edo gertaera.

Kontratu-arazoei buruzko auzietan Aseguratuak, aurkakoak edo hirugarrenak kontratuaren arau-haustea

hasi zuten edo hasi zutela adierazten den unean gertatutzat emango da gertaera.

1.3. Aseguruaren objektua

Kontratu honen bitartez, Aseguratzaileak Aseguratuaren interesen babesa bermatzen du Baldintza Berezi

hauetan definitutako arriskuekiko eta arrisku horietako bakoitzean xedatzen den norainokoaren eta

edukiaren arabera.

1.4. Prestazio aseguratuak

Aseguratzaileak Aseguratuari aholkularitza-zerbitzuak emango dizkio bermatutako arriskuetarako eta bere

gain hartuko du Baldintza Berezi hauetan estalitako prozedura judizialetan bere interesak defendatzeko egin

beharreko gastuen ordainketa, 3.000,00 eurorainoko mugarekin ezbehar bakoitzeko.

42

Bereziki, honako hauek dira bermatutako gastuak:

a) Abokatuek eta Prokuradoreek Aseguratua defendatzearen ondoriozko zerbitzu-sariak eta gastuak

poliza honek estalitako prozeduretan eta haiek esku hartzea nahitaezkoa denetan.

b) Zehapen pertsonala izan gabe, Poliza honek estalitako edozein prozeduraren ondorioz sortzen diren

gastu judizialak.

Auzitarako behar diren ahalordeak egilesteko gastuak espresuki sartzen dira.

c) Aseguratzaileak izendatu edo baimendutako perituen esku-hartzearen ondoriozko zerbitzu-sariak eta

gastuak.

d) Auzi penalean bere behin-behineko askatasuna edo zigor-arloko diruzko erantzukizunak bermatzeko

Aseguratuari eskatzen zaizkion fidantzak eratzea, Erantzukizun Zibileko bermerako xedatutako

mugapen berarekin.

e) Baldintza Berezi hauetan espresuki sartuta dagoen beste edozein prestazio edo zerbitzuren

ordainketa, bertan adierazitako edukiaren arabera.

Ez dira espresuki sartzen honako ordainketa hauek:

a) Aseguratuak aurre egin beharreko kalte-ordainak, isunak edo zehapenak.

b) Zergak edo Erakunde Ofizialen aurrean dokumentu publiko edo pribatuak ematearen ondoriozko

izaera fiskaleko beste ordainketa batzuk.

c) Metatze edo errekonbentzio judizial baten ondoriozko gastuak, bermatutako estalduretan sartuta

ez dauden gaiei buruzkoak direnean.

2. ARTIKULUA.- GABEALDIA

Asegurua indarrean egon arren ezbeharra gertatuz gero aseguruak estaltzen ez duen aldiari esaten zaio

gabealdia.

Aseguratuak amaitutako kontratuei eragiten dien bermeei dagokienez, gabealdia hiru hilabetekoa izango da

asegurua indarrean sartu zenetik kontatzen hasita.

Ezbeharra ez da estalita geratuko baldin eta gabealdian auzia sortu duen kontratua hutsaldu bada edo hura

hutsaltzea, deuseztatzea edo aldatzea eskatu bada.

43

3. ARTIKULUA.- EZBEHARRETARAKO PROZEDURA

Babes Juridikoko Aseguruaren ezbeharren kudeaketa polizaren Baldintza Partikularretan adierazitako

Entitatearen esku uzten du Aseguratzaileak.

Ezbeharra gertatuz gero, jarraitu beharreko prozedura honako hau izango da:

3.1. Abokatua eta Prokuradorea izendatzea

Behin Aseguratzaileak ezbeharra onartu eta erreklamazio judiziala bidezkotzat deklaratzen duenean,

Aseguratuak bere interesak defendatzeko egokitzat jotzen dituen abokatua eta/edo prokuradorea izendatu

ahal izango ditu. Aukeratutakoa bermatutako prestazioaren oinarrizko prozedura gauzatu behar den barruti

judizialean bizi ez bada, Aseguratuak ordaindu beharko ditu aukeratutako profesionalak bere fakturan

sartzen dituen desplazamenduengatiko gastuak eta zerbitzu-sariak.

Aipaturiko izendatzeari ekin aurretik eta, edozein kasutan, edozein prozedura judizial oro hasi aurretik,

Aseguratuak idatziz jakinaraziko dio Aseguratzaileari aukeratutako abokatuaren eta/edo prokuradorearen

izena.

Aseguratuak aukeratu eta Aseguratzaileak onartutako profesionalek erabateko askatasuna izango dute

auzitan dagoen gaiaren zuzendaritza teknikoan, Aseguratzailearen agindupean egon gabe. Hala ere,

aipatutako profesionalek auzi-kontuetan izaten dituzten jarduketen eboluzioaren berri eman beharko diote

Aseguratzaileari.

3.2. Zerbitzu-sarien ordainketa

Aseguratzaileak bere gain hartuko ditu aurreko idatzi-zatian aipatutako abokatuaren edo prokuradorearen

zerbitzu-sariak baina, gehienez, dagokion Elkargo Profesionalaren arau orientatzaileek finkatutako

gutxieneko tarifak eta indarrean dauden legezko tarifak hurrenez hurren. Alderik balego, Aseguratuaren

kontura izango da.

Aseguratuari dagokio Aseguratzaileari xehatutako agiriak ematea eta egin beharreko egiaztapenak egitea.

3.3. Aseguratzaileak izendatutako abokatu eta/edo prokuradoreen esku-hartzea

44

Aseguratuak lehen adierazitako izendapen-aukera erabiltzen ez badu, bere defentsa pertsonala

Aseguratzaileak izendatutako profesionalek zuzenduko dute eta Aseguratzailearen kontura izango dira

zerbitzu-sari eta aduana-zerga guztiak.

3.4. Abokatuaren edo prokuradorearen urgentziazko esku-hartzea

Abokatu batek edo prokuradore batek urgentziaz esku hartu behar badute Aseguratzaileari ezbeharraren

berri eman baino lehen, Aseguratzaileak ordaindu beharko ditu jarduketa horien ondoriozko zerbitzu-sariak

Polizaren mugen barruan.

3.5. Prozedurak eta errekurtsoak hastea

Arrakasta lortzeko zentzuzko aukerarik ez dagoela uste duelako, Aseguratzaileak auziari ekitea edo

errekurtsoa izapidetzea egoki ez dela erabakitzen badu, Aseguratuari jakinarazi beharko dio, eta

Aseguratuak askatasuna izango du bere kabuz jartzeko.

Aseguratuak eskubidea izango du Aseguratzailearekin edo arbitrajearekin adostu gabeko auzietan eta

izapidetutako errekurtsoetan sortutako gastuak berreskuratzeko, baldin eta bere kontura emaitza

onuragarriagoa lortzen badu. Gastuak berreskuratzeko orduan, profesionalen zerbitzu-sariak barne,

dagozkien Elkargo Profesionalen arau orientatzaileetan finkatutako gutxieneko tarifak edo legezko aduana-

zergak izango dira gehieneko zenbatekoa.

Aseguratuaren eta Aseguratzailearen artean kontratuaren interpretazioari buruz sor litezkeen

desadostasunak arbitrajepean jar daitezke.

Arbitroen izendapena ezingo da egin harik eta arazo eztabaidatua sortu arte.

3.6. Transakzioak

Aseguratuak edo ordezkatzen duen abokatuak ezingo dute gaia onartu Aseguratzailearen baimenik gabe,

Aseguratzaileak ordaindu beharreko kalte-ordainen aurrerakinak egin dituen kasuetan.

Bestela, aurreratutako diru kopuruak erreklamatzeko eskubidea du Aseguratzaileak.

3.7. Interes-gatazka

45

Alderdien arteko interes-gatazka izaten bada, Aseguratzaileak Aseguratuari jakinarazi behar dio bere

interesak defendatzeko egoki irizten dion abokatua edo prokuradorea izendatzeari buruzko erabakia har

dezan, artikulu honetan aitortutako askatasuna kontuan hartuta.

BALDINTZA BEREZI HAUEK ESTALITAKO ARRISKUAK

4. ARTIKULUA.- ETXEBIZITZAREN INGURUKO ARRISKUAK

4.1. Kalteen erreklamazioa

Aseguratuak, aseguratutako etxebizitzak edo bere jabegoko ondasun higigarriek bere bizitza pribatuan edo

familiakoan izandako gorputzeko kalteen adiskidetasunezko erreklamazioa eta erreklamazio judiziala

bermatzen ditu Aseguratzaileak, betiere kontratu-jatorria ez badute eta hirugarrenek eragiten badituzte

zuhurtziagabekeriaz edo doloz.

Bermearen norainokoa Espainia eta Andorrara mugatuta dago.

4.2. Defentsa penala

Aseguratzaileak Aseguratuaren defentsa penala bermatzen du Erantzukizun Zibileko bermeak estaltzen

dituen prozeduretan, eta finkatzen den norainokoarekin eta edukiarekin bat etorriz betiere.

4.3. Etxebizitzaren eskubideak

Aseguratzaileak Aseguratuaren interesen defentsa bermatzen du Poliza honetako Baldintza Partikularretan

izendatutako etxebizitzaren inguruan planteatzen diren gatazketan.

Maizter gisa, honako hauekiko:

Alokairu-kontratuaren ondoriozko gatazkak. Berme horretatik espresuki kanpo geratzen dira ez

ordaintzearen ondoriozko utzarazpen-epaiketak eta 1985eko apirilaren 30eko ELD indarrean sartu baino

lehen amaitutako alokairu-kontratuen ondoriozko gatazkak (urte bereko maiatzaren 9ko BOE).

Jabe edo gozamendun gisa:

– Bere auzokoekin zortasunengatik (bide-zorra, argi-bistak, distantzia, mugak, mehelinak, landaketak eta

antzeko kontuengatik) planteatzen diren gatazketan.

46

– Bere interesen defentsa eta erreklamazioa Jabeen Erkidegoaren aurrean eta, bereziki, Jabetza

Horizontalaren erregimenetik sortzen diren gatazketan.

Maizter, jabe edo gozamendun gisa:

– Inguruko auzokoei ke- edo gas-isurketen inguruko legezko arauak ez betetzeagatiko erreklamazioetan.

– Etxebizitzako instalazioak konpontzeko edo mantentzeko zerbitzuen kontratuak ez betetzeagatiko

erreklamazioetan, haien ordainketa oso-osorik dagokionean eta Aseguratuak ordaindu duenean.

4.4. Kontratuak

a) Zerbitzuak emateko edo obrak egikaritzeko kontratuak

Zerbitzuak emateko eta obrak egikaritzeko kontratuak betetzen ez direnean, Aseguratzaileak

adiskidetasunezko erreklamazioa eta erreklamazio judiziala bermatzen dizkio Aseguratuari, betiere

etxebizitzan ematen badira eta Aseguratuari, etxebizitzari edo etxebizitzan dauden eta Aseguratuaren

jabetzakoak diren ondasunei eragiten badiete.

Berme horiek aplikatu ahal izateko, nahitaezkoa da zerbitzuak kasu bakoitzean legez eskatzen den titulua

duten profesionalek ematea edo, bestela, jarduerarako behar den lizentzia fiskala izatea.

Berme honek ez ditu estaltzen hornidura-kontratuak (urarena, gasarena, elektrizitatearena, etab.).

b) Ondasun higigarrien gaineko kontratuak

Berme horretan sartzen da hirugarrenek Aseguratuaren jabetzakoak diren eta aseguratutako etxebizitzan

dauden ondasun higigarrien gaineko kontratuak ez betetzeagatiko adiskidetasunezko erreklamazioa eta

erreklamazio judiziala Aseguratuaren izenean egitea.

Honako hauek soilik dira ondasun higigarriak: etxeko hornidura eta pertsonena, altzariak, artelanak,

etxetresna elektrikoak, eta irudi- nahiz soinu-aparatuak eta aparatu elektronikoak.

c) Etxebizitzaren inguruko beste aseguru-kontratu batzuk

Aseguratuak kontratatu eta indarrean dauden aseguru-polizetan edo Aseguratua aseguratutako

etxebizitzarekiko onuraduna denetan, beste aseguru-entitate batzuek egindako ez-betetzeen inguruko

interesen adiskidetasunezko erreklamazioa eta erreklamazio judiziala bermatzen dizkio Aseguratzaileak

Aseguratuari.

47

d) Etxe-zerbitzuaren lan-kontratuak

Aseguratzaileak bere interesen defentsa bermatzen dio Aseguratuari bere etxe-zerbitzuaren erreklamazioen

aurrean, betiere etxe-zerbitzua Gizarte Segurantzako erregimenean alta emanda baldin badago.

5. ARTIKULUA.- KALTEEN ERREKLAMAZIO-BERMEAREN ZERBITZU OSAGARRIAK

5.1. Peritazio-gastuak

Aseguratzaileak aholkularitza- eta peritazio-zerbitzuak eskaintzen ditu Aseguratuaren jabetzako etxebizitzan

edo ondasun higigarrietan izandako kalteen kalte-ordaina lortzen laguntzeko.

5.2. Judizioz kanpoko kalte-ordainen aurrerapena

Behin Aseguratzaileak hirugarren erantzulearen aseguru-entitatearen adostasuna lortzen duenean kalte-

ordaina ordaintzeko eta Aseguratuak onartzen duenean, Aseguratzaileak kalte-ordainaren zenbatekoa

aurreratuko dio Aseguratuari.

5.3. Kalte-ordain judizialen aurrerapena

Aseguratuak berak aseguratutako etxebizitzak eta Aseguratuaren jabetzakoak diren eta etxebizitzan dauden

ondasun higigarriek izandako ez-kontratuzko kalteen inguruan Espainiako auzitegi batek emandako epai

irmo eta betearazlean finkatutako kalte-ordaina aurreratuko dio Aseguratzaileak Aseguratuari.

Bermea aplikatu ahal izateko ezinbestekoa da epaiak aseguru-entitate bat zuzeneko erantzule zibiltzat

jotzea hirugarren kondenatuaren ordez, eta entitatea esku-hartze edo likidazioko prozedura baten mende

ez egotea.

Aseguratuak konpromisoa hartuko du, zor-aitorpenaren bitartez, Aseguratzaileari jasotako aurrerapena

itzultzeko epaia irmo egiten denetik urtebete igaro baino lehen edo epaitegiak kalte-ordaina ordaintzen

dionean, baldin eta lehen aipatutako epea baino lehen gertatzen bada.

Bermeak efektua izango du baldin eta kalte-ordaina 300,00 eurotik gorakoa bada, eta Aseguratzaileak

aurreratuko duen gehieneko zenbatekoa 3.000,00 eurokoa izango da.

48

6. ARTIKULUA.- ESKLUSIO ESPEZIFIKOAK

Baldintza Berezi horiek ez dute bermatzen Aseguratuaren interesen defentsa honako kasu hauetan:

6.1. Aseguratzailearen aurkako erreklamazioak.

6.2. Baldintza Berezi horiek estaltzen ez dituzten arriskuen inguruan planteatzen diren auziak.

6.3. Aseguratuaren lanbide- edo industria-jardueraren ondoriozko gatazkak edo bere bizitza partikularrekoa

ez den beste edozein jardueraren ondoriozkoak.

6.4. Aseguratu izaera duten pertsonen arteko gatazkak edo horien eta Aseguru Hartzailearen artekoak.

6.5. Aseguratuaren jabetzako ondasun higiezinetan jatorria duten edo horien proiektuarekin,

eraikuntzarekin edo eraisketarekin zerikusia duten auziak, eta haiei atxikitako meategiek, harrobiek eta

industria-instalazioek eragindako kalteak erreklamatzen dituztenak.

6.6. Aseguratua jabe, gidari edo bidaide duten ibilgailu motordun, aireontzi edo itsasontziekin zerikusia

duten gatazkak, edo Aseguratua parte duten kontratuak.

6.7. Jabetza industrial edo intelektualeko arazoei buruzko auziak, eta Aseguratuaren aldeko eskubide-

lagapenari buruzko kontratuen ondoriozkoak diren eta urbanismoarekin, partzelak biltzearekin eta

desjabetzearekin zerikusia duten prozedura judizialak.

6.8. 60,00 eurotik gorako zenbatekoa ez duten erreklamazioak.

6.9. Honako kontratu hau hutsaltzen edo ezeztatzen denetik bi urte igaro ondoren kontratuaren indarraldian

deklaratzen diren kasuak.

6.10. Aseguru Hartzaileak edo Aseguratuak, epai irmoaren arabera, berariaz egindako gertaerak.

49

BALDINTZA BEREZIAK

GORPUTZ-ISTRIPUEN OINARRIZKO BERMEA

1. ARTIKULUA.- ASEGURUAREN OBJEKTUA.

Berme hau edukia estaltzen denean soilik izango da aplikagarria.

Aseguratuari, haren senideei, etxeko langileei edo harekin bizi diren pertsonei eragindako Heriotzagatiko edo

Ezintasun Iraunkor Erabatekoagatiko kalte-ordaina, betiere berehalako ondorioa bada edo bi urte igaro baino

lehenago gertatzen bada, etxebizitzaren barruan gertatutako istripu baten ondorioz edo hura kokatutako

eraikineko zerbitzuak erabiltzearen ondorioz.

Heriotza-kasuan, onuradunak izango dira, hurrenkera honetan: legez bananduta ez dagoen ezkontidea;

halakorik ez balego, ondorengo ahaideak; halakorik ez balego, aurreko ahaideak; eta aurreko guztiak ez

baleude, legezko jaraunsleak.

Estalduraren muga ezbehar bakoitzeko edukiarentzat aseguratutako kapitalaren % 50ekoa da, istripu

beraren ondorioz hainbat hildako edo ezindu dauden kasuan izan ezik: halakoetan, muga Edukiarentzat

Aseguratutako Kapitalaren % 100era igotzen da, eta kalte-ordaina zati berdinetan banatuko da onuradunen

artean.

Kalte-ordaina inoiz ezingo da izan 30.000,00 euro baino gehiagokoa.

2. ARTIKULUA.- ESKLUSIOAK

Berme honetatik kanpo geratzen dira Heriotza edo Ezintasun Iraunkor Erabatekoa lan guztietarako, honako

hauetatik eratorritakoa:

a) Erronka, borroka edo liskarren ondoriozko istripuak, defentsa legitimoko kasu frogatuetan izan ezik.

b) Droga toxikoen edo sorgorgarrien eraginpean edo mozkortuta daudenean pertsona aseguratuek

izandako istripuak.

c) Aseguratuen zuhurtziagabekeriazko ekintzen ondorioz sortutako istripuak, edo delituzko ekintzetatik

eratorritakoak.

50

d) Pertsona aseguratuek 65 urte baino gehiago dituztenean gertatutakoak. 14 urtetik beherakoei

dagokienez, Istripuagatiko heriotza bakarrik uzten da kanpoan.

e) Aseguratuaren edo Aseguru Hartzailearen dolo edo fede gaiztoz sortutakoak.

f) Gerra, inbasio, indar edo kolpe militar, errebolta, sedizio edo terrorismoaren ondorioz sortutakoak.

g) Izaera politikoko edo sozialeko ekintzengatik, matxinadengatik eta jende-iskanbilengatik

sortutakoak.

h) Materiaren egitura atomikoa aldatzearen, erreakzio edo erradiazio nuklearraren edo kutsadura

erradioaktiboaren ondorioz sortutakoak.

i) Sumendien erupzioek, uholdeek, urakanek, euri-jasek, lurrikarek, haitz-erorketek, izozteek eta, oro

har, beste edozein fenomeno atmosferiko, sismiko edo meteorologikok sortutakoak.

Aurreko esklusio guztiak ulertu behar dira, hala badagokio, Aseguruen Konpentsazio Partzuergoaren

estaldurari kalterik egin gabe, Baldintza Orokorretako 24. eta 25. artikuluetan ezarritakoarekin bat.

BALDINTZA BEREZIAK

ETXEKO LAGUNTZAREN BERMEA

Berme hau XXXXXXXXXX Etxeko Aseguruaren polizaren osagarria da eta Poliza horretako Baldintza Orokor eta

Partikularretako xedapen guztiak aplika daitezke, baldin eta Poliza honetan xedatutakoaren aurkakoak ez

badira.

Berme honetan honako hau da ASEGURATUA:

Polizako titularraz gain, bere ezkontidea, lehen mailako ahaideak eta ondorengoak eta berarekin eta bere

mende bizi ohi diren gainerako senitartekoak.

ESTALITAKO BERMEAK

1.- ZERBITZUAK

Aseguratuak behar duen guztietan, aseguru-entitateak profesional kalifikatua bidaliko du honako hauen artean

dauden zerbitzuei aurre egiteko:

51

1.1. Iturgintza 1.12. Pertsianak

1.2. Argiketariak 1.13. Eskaiolistak

1.3. Beiragileak 1.14. Moketa-jartzaileak

1.4. Arotzeria 1.15. Parket-jartzaileak

1.5. Sarrailagintza 1.16. Arotzeria metalikoa

1.6. Etxetresna elektrikoak 1.17 Tapizatzaileak

1.7. Telebistak / Bideoak 1.18. Bernizatzaileak

1.8. Antena-teknikariak 1.19. Kristal-garbitzaileak

1.9. Atezain automatikoak 1.20. Kontratistak

1.10. Igeltserotza 1.21. Garbiketa orokorrak

1.11. Pintura

Edozein kasutan, aseguru-entitateak bere gain hartuko du profesionalak aseguratutako etxebizitzara egiten

duen desplazamendua. Prestazioak bete ahal izateko sortzen den beste edozein gastu Aseguratuaren kontura

izango da, Polizak estalitako ezbehar baten ondoriozko zerbitzuen kasuan izan ezik.

2.- ANBULANTZIAK

Aseguraturen batek Polizak babestutako etxebizitzan izandako istripu edo gaixotasun baten ondorioz

anbulantzian egiten den lekualdaketa doan izango da.

Kasu honetan, aseguru-entitatea arduratuko da urgentziarik handienaz Aseguratuaren etxera anbulantzia

bidaltzeaz, 50 km-ko erradioan dagoen ospitalerik hurbilenera edo egokienera lekualdaketa egiteko.

Baldin eta Aseguratuak Gizarte Segurantzaren bitartez edo beste erakunde publiko, pribatu edo aurreikuspen

kolektiboko erregimen baten bitartez eskubiderik ez badu soilik izango dira lekualdaketa-gastuak aseguru-

entitatearen kontura.

3.- URGENTZIAZKO SARRAILAGINTZA

Istripuzko edozein gertaeraren ondorioz, esaterako, giltzak galdu edo lapurtzearen ondorioz edo lapurreta-

ahaleginean sarraila hondatzearen edo irekitzea galarazten duen beste edozein kausaren ondorioz Aseguratua

aseguratutako etxebizitzan sartu ezin den kasuetan, aseguru-entitateak ahalik eta lasterren bidaliko du

sarrailagilea etxebizitza itxi eta irekitzeko behar den urgentziazko konponketa egiteko. Aseguru-entitatearen

kontura izango dira sarrailagilearen desplazamenduko gastuak eta atea irekitzeko eskulanarenak, baina ez

sarraila, giltzak eta ixteko beste elementu batzuk birjartzeko edo konpontzeko gastuak.

52

4.- LARRIALDIKO ELEKTRIZITATEA

Ohiko etxebizitzako instalazio partikularretan izandako matxuraren ondorioz energia elektrikorik gabe geratzen

bada etxebizitza osoa edo bere zatiren bat, aseguru-entitateak langile bat bidaliko du argindarraren hornidura

berrezartzeko behar den urgentziazko konponketa egiteko, baldin eta instalazioaren egoerak horretarako

aukera ematen badu. Urgentziazko konponketa horren desplazamenduaren eta eskulanaren kostuak doakoak

izango dira Aseguratuarentzat (3 orduko mugarekin). Erabilitako materialen kostua soilik ordaindu beharko du

Aseguratuak.

Berme honetatik kanpo geratzen dira:

- Zenbait mekanismok (esaterako, entxufeek, eroaleek, etengailuek, etab.) izaten dituzten

matxurak konpontzea.

- Argiztapen-elementuek (esaterako, lanparek, bonbillek, fluoreszenteek, etab.) izaten dituzten

matxurak konpontzea.

- Berokuntza-aparatuek, etxetresna elektrikoek eta, oro har, energia elektrikoarekin funtzionatzen

duen edozein aparatuk izandako matxurak konpontzea.

- Aseguratutako etxebizitzan Polizaren oinarrizko bermeek estalitako ezbeharra gertatzen den

kasuan.

5.- SEGURTASUNEKO PERTSONALA

Polizaren oinarrizko bermeek estalitako ezbeharra gertatzearen ondorioz aseguratutako etxebizitzan sartzea

oso erraza denean, ezbeharra berme honetako "zerbitzuak" epigrafean deskribatutakoen arteko profesional

batek konpondu ezin duenean eta zaintza- eta/edo jagoletza-zerbitzuak erabiltzea beharrezkoa denean,

aseguru-entitateak segurtasuneko langile kalifikatuak bidaliko ditu, gehienez 48 ordurako, kaltetutako

etxebizitzara iristen direnetik kontatzen hasita. Zerbitzua istripuzko gertaera konpontzen denean emango da

amaitutzat.

6.- TELEBISTA ETA BIDEOA BIRJARTZEA

Lapurretaren ondorioz edo Polizaren oinarrizko bermeek estalitako beste ezbehar baten ondorioz Aseguratua

bere telebista eta/edo bideo-aparatua erabili ezinda geratzen bada, aseguru-entitateak kaltetutakoaren

53

antzeko ezaugarriak dituen beste aparatu bat jarriko du Aseguratuaren eskura, doan eta 15 eguneko

mugarekin.

7.- HOTELA, JATETXEA, IKUZTEGIA

7.1. Hotela

Polizaren oinarrizko bermeek estalitako ezbehar baten ondorioz aseguratutako etxebizitzan bizitzea ezinezkoa

denean, aseguru-entitateak ordainduko ditu hoteleko egonaldiari dagozkion gastu justifikatuak, 180,00 euroko

gehieneko mugarekin.

7.2. Jatetxea

Polizaren oinarrizko bermeek estalitako ezbehar baten ondorioz aseguratutako etxebizitzako sukaldea

erabiltzea ezinezkoa denean, aseguru-entitateak ordainduko ditu jatetxeko gastu justifikatuak, 120,00 euroko

gehieneko mugarekin.

7.3. Ikuztegia

Polizaren bermeek estalitako ezbehar baten ondorioz aseguratutako etxebizitzako arropa-garbigailua erabiltzea

ezinezkoa denean, aseguru-entitateak ordainduko ditu ikuztegiko gastu justifikatuak, 120,00 euroko gehieneko

mugarekin.

Zerbitzuak emateko eskaera

Zerbitzu guztiak LAGUNTZAKO telefono espezifikoan eskatu behar dira, eguneko 24 orduetan, igande eta

jaiegunak barne. Deitzen denean, Aseguratuaren izena, telefono-zenbakia eta behar den laguntza mota

adieraziko dira.

Urgentziarik gabeko kasuetarako, zerbitzuaren eskaera lanegunetan 9:00etatik 18:00etara bitartean egitea

iradokitzen da.

1.1. - 1.9., 2., 3., 4. eta 5. bermeei dagozkien urgentziazko zerbitzuak ahalik eta lasterren emango dira.

Gainerako zerbitzuak eskaera egiten denetik 24 lanordu igaro baino lehen emango dira, ezinbesteko kasuetan

izan ezik.

54

ZERBITZUEN BERMEA

Aseguru-entitateak hiru hilabetez bermatzen ditu Baldintza Berezi hauen babespean egindako lanak.

Eskatu ez zaizkigun zerbitzuek edo aseguru-entitatearekin adostuta antolatu ez direnek ez dute ematen a

posteriori konpentsazioko itzulketa edo ordainketarako eskubiderik.

ESKATUTAKO ESKU-HARTZEEN ORDAINKETA

Aseguratuak eskatutako esku-hartzeari dagozkion fakturak ordaindu beharko ditu, Polizak estalitako

ezbeharraren ondoriozko zerbitzuetan izan ezik.