AURKIBIDEA

Aurkibidea........................................................................................................... 2. or.

Proposamenaren testuingurua.......................................................................... 3.or.

Landuko diren oinarrizko gaitasunak................................................................ 3.or.

Helburu didaktikoak............................................................................................. 3.or.

Edukiak................................................................................................................ 3. or.

Jardueren sekuentzia......................................................................................... 4.or.

Ebaluazioa........................................................................................................... 4. or.

Bibliografia......................................................................................................... 5. or.

Kirol hasiera eta jolasak................................................................................... 5. or.

1.jarduera. Joko koooperatiboak...................................................................... 5. or.

2. jarduera. Joko estrategikoak......................................................................... 7. or.

3. jarduera. Beroketa eta kirolak........................................................................ 9. or.

4. jarduera. Saskibaloi jokoak...........................................................................10. or.

5. jarduera. Futbol jokoak................................................................................ 12. or.

6. jarduera. Euskal pilota jokoak..................................................................... 13. or.

7. jarduera. Eskubaloi jokoak.......................................................................... 15. or.

Hiztegia............................................................................................................. 17. or.

Arloa: GORPUTZ HEZIKETAGaia: Kirol hasiera eta jolasakMaila: LH 5. maila Saio Kopurua: 6 saio

Proposamenaren testuingurua:Gaur egun, kirola eta lehiakortasuna oso lotuta ageri dira baina hezkuntzan ari garenok, beste balio garrantzitsuagoak indartzen saiatzen gara. Batez ere, adin honetan kirolak eta jokoek elkarlanean aritzeko onurak probesteko aukera ematen digute. Alegia, elkarlana, errespetua, hezkidetza eta hainbat elkarrekintzaz gozatzea.Horretaz gain, euskara bultzatzeko, kirol bakoitzaren hiztegitxo labur bat landuko dugu, gaztelaniak horretan duen kutsadura ekiditeko edo gutxitzeko

Landuko diren oinarrizko gaitasunak:* Zientzia, teknologia eta osasun kulturarako gaitasuna. (3. jardueran)* Ikasten ikasteko gaitasuna ( 1,2,3,4,5,6 eta 7.jardueratan)* Hizkuntza- komunikaziorako gaitasuna. ( 1,2,3,4,5,6 eta 7.jardueratan)* Informazioa tratatzeko eta teknologia digitala erabiltzeko gaitasuna. (3.jardueran)* Gizarterako eta herritartasunerako gaitasuna ( 1,2,3,4,5,6 eta 7. jardueratan)* Giza eta arte kulturarako gaitasuna. (6.jardueran)* Norberaren autonomiarako eta ekimenerako gaitasuna. ( 1,2,3,4,5,6 eta 7. jardueratan)* Matematikarako gaitasuna.(1,2,3,4,5,6 eta 7. jardueratan)

Helburu didaktikoak:* Aisialdian (jolastorduak, eskolaz kanpoko jarduera) jolasak antolatu eta amaitu* Talde- joko zein kiroletan, norberaren mugak eta nolakotasunak errespetatu * Azken emaitza kontuan hartu gabe, aktiboki parte hartu.* Hainbat Joko eta kirol ezagutu.* Kirol hauek praktikatzeko behar diren oinarrizko trebetasunak garatueta hauekin gozatu eta ondo pasatu* Jolas hauetan euskaraz modu naturalean aritu* Kooperazio-oposizio egoerak landu* Bakoitzak iritziak argudiatu eta besteena errespetatu* Gelakideekin errespetu handiz ibili

Edukiak:*Jokoak eta kirolak*Jokoen eta kirolen oinarrizko arauen ezagutza.*Oinarrizko trebetasunak: indarra, abiadura, desplazamenduak,orekak*Saio hasierako adierazpenak entzutea.*Egokituriko joko eta kiroletan parte hartzea.*Kooperazio eta oposizio estrategiak sartzen diren jardueretan jolastea.*Jolas egoeretan kirolaren hastapenei dagozkien oinarrizkotrebetasunak lantzea* Pentsamendu estrategikoa jorratzea*Jokoaren arauekiko begirunea balioestea.* Ahaleginak bateratzeko, norberak taldearekin kolaboratzeko interesaizatea*Aurkariek egiten duten esfortzuarekiko begirunea eta elkartasuna izateaeta etsaitasuna edota gutxiespen jarrerak saihestea.*Jarduera ludiko kolektiboetan parte hartzea, besteekin eta objektuekinharreman positiboa izateko bideak diren aldetik.* Jokoetan parte hartzearen eta lankidetzaren garrantziaz ohartaraztea.

Jardueren sekuentzia:1.saioa:

1. Joko kooperatiboak.2.saioa:

2. Joko estrategikoak3.saioa:

3. Beroketa eta kirolak4. Kirol hasiera: saskibaloia

4.saioa:5. Kirol hasiera: futbola.

5.saioa:6.Kirol hasiera: beisbola

6.saioa:7. Kirol hasiera: eskubaloia

EbaluazioaAdierazleak (Zein jardueretan)1- Gelan planteatzen diren eztabaidatan, aktiboki parte hartzeko gai da (Jarduera orotan)2- Elkarlanean aritzeko gai da ( 1,2,4,5 eta 7. jardueratan)3- Iritziak errespetatzeko gai da (jarduera orotan)4- Beroketaren helburu osasuntsuak ezagutzeko gai da ( 3.jardueran batez ere)5- Hainbat kirolen araudia ulertzeko eta aplikatzeko gai da (4,5,6 eta 7.jardueratan)6- Begi-esku/hanka koordinazioa lantzeko gai da (4,5,6 eta 7.jardueratan7- Espazio eta denboran egoki kokatzeko gai da ( 2, 4,5,6 eta 7. jardueratan)8- Kooperazio-oposizio egoerak bizitzeko gai da ( 2, 4,5,6 eta 7. jardueratan)9- Jokoa emaitza baino lehen gailentzeko gai da ( 2, 4,5,6 eta 7. jardueratan)

Tresnak:− Autoebaluazio fitxak− Behaketa txostenak

BIBLIOGRAFIA:

- www.kirolaeuskaraz.net

- Enseñar por competencias en Educación Física. Domingo Blazquez y Enric Mª Sebastiani. Edit. INDE- www.hezkuntza.net- Juegos de iniciación a los deportes colectivos. Xavier Fusté Masuet. Edit. Paidotribo - Los juegos en el curriculum de e.f.(1000 juegos para desarrollo motor).Antonio mendez Gimenez/ Carlos Mendez Gimenez. Edit. Paidotribo

KIROL HASIERA ETA JOLASAK

Gustuko kirol eta jokoen gainean hitz egitea.Bakoitzak adierazi ditzala bere gustukoak. Ondoren, denen artean, taldeko jolasen alderdi positiboak adostea eta elkarlanaren garrantzia azpimarratzea.

1. JARDUERA. JOKO KOOPERATIBOAKZer da kooperazioa edo elkarlana?

Datorren egunetan hainbat jokoen eta kirolen inguruan egingo dugu lan .Taldean, elkarlana eta horren inguruan dugun iritzia komentatukodugu:

Aldez aurretik dakiguna baloratzenBiribilean bilduko gara eta irakasleak planteatutako galderen inguruan hausnarketaegingo dugu eta gure iritzia eman.

o Zer da elkarlana? Eta zer da haren aurkakoa? o Zertarako eta zein egoeratan erabili daiteke? o Noizbait aritu zarete elkarlanean? Nola?o Zer behar da horretarako?o Adibide bat jar dezatelaO Nola irudikatzen dute Errealaren entrenamendu bat?

Musika-uztaiakHelburua: elkarlanaz gozatzeaMateriala: uztaiak.Lekua: gimnasioaGarapena:Ikasleena baino uztai kopuru gutxiago jarriko dugu lurrean biribil bat osatuz. Musika

jartzerakoan, ikasleak uztaien kanpoaldetik hasiko dira korrika. Musika eteterakoan, haurrak uztai baten barruan sartu behar dira. Berdin da, beste haurren bat barruan badago jada. Helburua da, uztaiak kenduz goazen heinean, haurrek elkar lagunduz, jokoak ahalik eta luzeen irautea. Beraz, uztai berean zenbat eta haur kopuru handiagoa sartu, hobe.

Puxika mantenduzHelburua: elkarlanaz gozatzeaMateriala: 5 edo 6 puxikaLekua: gimnasioa edo patioaGarapena:

Talde txikitan, bospasei, puxika bat airean mantentzea dugu helburua. Txandaka eta gorputzeko atal guztiekin (eskuarekin izan ezik) jo dezakegu, eta ahalik eta denbora gehien airean mantentzen saiatuko gara.

Katramila askatzenHelburua: elkarlanaz gozatzea eta kooperazioaz jabetzeaMateriala: materialik ezLekua: gimnasioa edo patioaGarapena:Hamabiko taldeak eratuko ditugu. Haurrek eskua eman behar diote elkarri, baina baldintza bat jarriko dugu: ezingo diote aldamenekoari eman, hurrengoari baizik. Beraz, korapilo hori askatzen saiatu behar dute eskurik askatu gabe.

Baloi erraldoiaHelburua: elkarlanaz gozatzeaMateriala: baloi erraldoiaLekua: patioaGarapena:

Bospaseiko taldeak osatuko ditugu. Denon artean, eta eskurik erabili gabe, lurretik baloi erraldoia leku jakin batera eramatea izango dute helburu.

Laku sorgindutik paseatzen

Helburua: kooperazioaMateriala: 5 edo 6 puxikaLekua: gimnasioa edo patioaGarapena:

Uztai guztiak mugatutako espazio batean kokatuko ditugu. Lakua sorgindua dago; izan ere, zapalduz gero, hara erortzen denari bihotza izoztuko baitzaio. Uztaien barruan soilik zapal daiteke, arroka-funtzioa egiten baitute. Inor eroriz gero, erori den tokian izoztuta geratuko da eta ezin izango da mugitu, beste haur batek askatu arte. Horretarako, haur horrek sorgindutako ikaskidearen bihotza urtu beharko du muxu emanez edo irmo besarkatuz.

Ikasitakoa baloratzenEgindako ariketen ondoren, bete honako taula eta gero zure ikaskideekin izandakoesperientzien inguruko iritziak komentatuko ditugu.

BAI 1/2 EZo Ondo sentitu zara jokoetan zehar?

o Lagundu duzue elkar?

o Zein joko izan duzu gustuko? Zein ez zaizu gustatu, eta zergatik?

2. JARDUERA. JOKO ESTRATEGIKOAK

Haurrekin biribilean, taldeko jokoetako komunikazioaren garrantziaz hitz egitea. Haiek konta dezatela patio garaian zein jolasetan aritzen diren eta bakoitzak zer egin behar duen badakien. Azpimarratu talde batek helburu bat adostu behar duela eta hori lortzeko plana edo estrategia landu edo prestatu behar duela

Azeriak, oiloak eta sugeak

Helburua: estrategia eta espazio-denborazko egitura lantzeaMateriala: petoakLekua: gimnasioa edo patioaGarapena:Hiru talde egingo ditugu eta bakoitzari eremu eta izen bat emango dizkiogu. Beraien artean bereizteko, talde bakoitzari peto koloredun bat jarriko diegu: sugeei, berdea; oiloei, horia; eta azeriei, urdina.Bakoitzak, esan bezala, eremu bat dauka, hain zuzen, haien etxea izango dena. Barrura sartzen direnean, ezingo dituzte harrapatu.Azeriek oiloak harrapatu behar dituzte; oiloek, sugeak eta azken hauek azeriak.Jokoari amaiera emango diogu, animalia talde batek jan beharreko guztiak harrapatzen dituenean.

Baloirik gabeko futbola

Helburua: pentsamendu estrategikoa eta elkarlana lantzeaMateriala: petoak eta futbolerako bi ateLekua: patioaGarapena:Bi talde egingo ditugu. Futbol zelaiko eremua hartu ondoren, talde bakoitza alde batean ipiniko dugu. Talde bakoitzari zelai erdiko eremua dagokio eta, hortik pasatuz gero, aurkako taldekideek harrapatuak izan daitezke. Bi taldeen helburua ondorengoa litzateke: taldeko norbait aurkakoen ateraino ailegatzea eta handik pasatzea aurkakoek ukitu gabe, horrela, gola sartuz.Beraz, denbora jakin batean gol gehien sartzen duen taldea izango da irabazle.

IkurrinaHelburua: pentsamendu estrategikoa eta elkarlana lantzeaMateriala: petoak eta ikurrinaLekua: patioaGarapena:Bi talde eratu eta futbol zelaiko eremura joko dugu. Erdian ikurrina ezarriko dugu. Talde bakoitzak bere etxea edukiko du( penalti-areak) eta hor ezin izango dituzte harrapatu. Talde batek lapurren rola beteko du eta besteak poliziarena. Lapurren helburua ikurrina lapurtzea da eta haien etxera eramatea,poliziek haiek harrapatu gabe. Horretarako, bi lapur immune izendatuko dituzte; honek esan nahi du, azken hauek poliziek ezin dituztela harrapatu. Polizien helburuak, aldiz, ikurrina babestearena eta lapurrak harrapatzearena dira.Baldintza batzuk daude:

- Immuneek ezin dute ikurrina lapurtu- Harrapatutako lapurrak ezingo dira askatu

Jokoa amaituko da:- Lapurrek ikurrina haien etxera eramaten duten unean edo;- Poliziek lapur guztiak harrapatuz gero edo;- Poliziek, ikurrina eskuan daraman lapurra harrapatzen badute

Era berean, lapur batek ikurrina lurrera bota dezake poliziaren batek harrapatu baino lehen. Honela, berau kartzelara eramango dute baina jokoak jarraituko luke

Ikasitakoa baloratzenEgindako ariketen ondoren, bete honako taula eta, gero, zure ikaskideekin izandakoesperientzien inguruko iritziak komentatuko ditugu.

BAI 1/2 EZo Erraz adostu duzue helburu bera taldean?

o Errespetatu al duzue denok guztion iritzia?

o Bete al duzue lehendik adostutakoa?

3.JARDUERA. BEROKETA ETA KIROLAK

Haurrek, ez dute ikusten beroketak duen garrantzia, oraindik oso gaztetxo baitira horretaz jabetzeko. Hala ere, beroketa modu ludikoan egin daiteke, hots, jokoen bidez. Horrela, gorputza berotu eta, era berean, ondo pasatzen dute. Haiekin, biribilean, hitz egin beroketa beharrezkoa den eta zergatik. Zein onura ekartzen dituen eta irudikatzeko, adibidez, “Lagun Aro” taldeak beroketa egiten duenetz partidua baino lehen. Haien bideoa ikusi eta komentatu. Zergatik uste duzue haiek beroketa egiten dutela?

HELBURUA BEROTZEKO JOKOAKBesoak ondo berotzekoHankak ondo berotzekoLepoa ondo berotzekoSaskibaloian aritzekoHockeyan aritzeko

4.JARDUERA. SASKIBALOI JOKOAK

Lehenik, aurreko kurtsoan ikasi genituen saskibaloiko arauak errepasatuko ditugu. Hori gogoratu ostean, beroketa-joko batekin hasiko gara eta, ondoren, saskibaloia lantzeko ariketa eta joko batzuk egingo ditugu

Baloi harrapatzaileaHelburua: beroketaMateriala: saskibaloiko 3 baloiLekua: patioaGarapena:

Hiru ikaslek baloia daramate eta jende-harrapatzaileak dira. Saskibaloiko arauak errespetatuz desplazatu behar dira baloiarekin. Beste ikasle bat baloiarekin ukitzean, rolak trukatu dituzte. Ezin da baloia jaurti, baloiarekin bestearen gorputza ukitu baizik.

Saski- petanka

Helburua: punteria lantzeaMateriala: saskibaloiko baloi bana eta bi baloi medizinalLekua: saskibaloi pista edo patioaGarapena:Jokalari guztiak bi taldetan banatuko ditugu. Talde bakoitza pistaren alde batean kokatu, eta bi baloi medizinal erdiko marran jarriko ditugu. Agindutakoan, talde bakoitzak saskibaloiko baloia jaurtiz, erdiko baloi medizinalak kontrako taldearen aldera bidaltzen saiatu behar du. Baloi medizinal bat kontrako taldearen joko eremuan sartzen den bakoitzean puntu bat irabaziko da. Puntu gehien lortzen duen taldea izango da irabazlea

Ezetz harrapatu

Helburua: saskibaloiko pistaren neurriez trebatzeaMateriala: 4 petoLekua: saskibaloi pista

Garapena:Jokalari guztiak joko eremuan zehar sakabanatuko dira. Partaideen artean lau harrapatzaile izendatuko ditugu eta petoa ezarriko diegu bereizteko. Harrapatzaileek beste jokalari guztiak harrapatzea dute helburu. Harrapatutako jokalari guztiak erdiko biribilera eramango dituzte harrapatzaileek. Harrapatzaileek ezin izango dituzte jaurtiketa libreko biribiletan sartzen diren jokalariak harrapatu. Bestalde, iheslariak ezin daitezke hiru segundo baino gehiago egon biribil horien barruan. Iheslariek erdiko biribilean preso dauden jokalariak aska ditzakete eskuaz ukituta. Saio bakoitza irakasleak hala agindutakoan edo iheslari guztiak harrapatzen dituztenean amaituko da.Harrapatzaileak, saioz saio, aldatuz joango dira .

Baloi-dorreaHelburua: pentsamendu estrategikoa eta begi-eskuen koordinazioaMateriala: saskibaloiko baloiaLekua: saskibaloiko pistaGarapena:10 jokalariz osatutako bi talde egingo ditugu eta saskibaloiko pistako jaurtiketa libreko biribil bakoitzean aulkitxo edo plataforma bat ezarriko dugu Jokalariek baloia eskuratzen dutenean, elkarren artean pasatuz, puntuak lortzeko, aurkako taldearen plataforma gainean igota dagoen lagun bati pasatu behar diote baloia. Baldintzak:- Baloia duen jokalariak ezin du korrikarik egin.- Baloia duen jokalari ezin da ukitu. - Jokalariek ezin dute bere taldearen plataformara igo.- Ezin da 10 segundo baino gehiago plataforma gainean egon.- Plataforma gainean baloia jasotzen den bakoitzean puntu bat irabaziko da.

Saski libreaHelburua: saskibaloiko partidarako azken pausoetan trebatzeaMateriala: petoak eta saskibaloiko baloiaLekua: saskibaloiko pistaGarapena:

6-10 jokalariz osatutako bi talde egin. Talde bakoitza, baloiaz, aurkako taldearen saskiko taula ukitzen saiatuko da. Baldintzak:-Baloiari botea eragin gabe korrika egin daiteke .-Baloia duen jokalariak, beste taldeko jokalari batek ukitzen badu, berehala gelditu eta baloia pasatu edo taulara jaurti beharko du.-Baloia duen jokalariari ezin zaio baloia eskutik kendu.-Baloiak aurkakoen taula ukitzen duen bakoitzean, bi puntu lortuko dira .-Puntu gehien lortzen duen taldeak irabaziko du

Ikasitakoa baloratzenEgindako ariketen ondoren, bete honako taula eta gero zure ikaskideekin izandakoesperientzien inguruko iritziak komentatuko ditugu.

BAI 1/2 EZo Gai al zera saskibaloiko pistako eremuak bereizteko?

o Gai al zera baloia modu egokian eramateko desplazatzen zaren bitartean?

o Gai al zera taldekideak eta aurkakoak non dauden lasaitasunez begiratzeko?

5.JARDUERA. FUTBOL JOKOAK

Lehenik, aurreko kurtsoan ikasi genituen futbol-arauak errepasatuko ditugu. Hau gogoratu ostean, beroketa-joko batekin hasiko gara eta ondoren, futbola lantzeko ariketa eta joko ezberdinak egingo ditugu

Kanguru-lasterketaHelburua: beroketaMateriala: lau kono eta bi baloiLekua: saskibaloi pista edo patioaGarapena:

Bi talde eginez, bakoitzak, kono batetik abiatuta, distantzia jakin bat bete beharko du baloia oin-tartean eramanez eta jauzika.

ZirkuituaHelburua: oinarrizko trebetasunak lantzeaMateriala: ikasleko baloi bana, suediar banku bat, konoak, koltxoneta bat, eta bi uztaiLekua: futbol-zelaia edo patioaGarapena:

Ikasle bakoitzak baloia hankarekin eramanez, hainbat oztopo gainditu beharko ditu:- Banku gainetik jauzi egitea- Kono batzuk sigi-sagan igarotzea- Koltxonetan aurreranzko itzulipurdia egin eta baloiaren kontrola ez galtzea- Futbol-atean eskegi ditugun bi uztaien erditik gola sartzen saiatzea- Atzera ibiliz baloia garraiatzea

“1, 2, 3 karabinbonba” (baloia oinekin eramanez)

Helburua: begi-oinen koordinazioa lantzeaMateriala: ikasleko baloi banaLekua: futbol-zelaia edo patioaGarapena:

Ikasle oro, paretatik 15 metrora dagoen marra batean kokatuko dira, baloi bat hanketan dutela. Haietako bat paretari begira egongo da, esaldi hau esanez: “1, 2, 3 karabinbonba!”.Esaldia amaitzen duenean, aurrera begiratuko du, eta mugitzen den edo baloia kontrolpean ez duen ikaslea atzerantz bidaliko du hasierako marrara.

Futbol-zapitxoaHelburua: erreakzio-abiadura eta aurkakotasun-egoera lantzeaMateriala: baloi batLekua: futbol-zelaiaGarapena:Bi talde egin ostean, bakoitza bere futbol-zelaiko ateko marrara bidaliko dugu. Ikasle bakoitzari zenbaki bat emango diogu eta irakaslea erdian kokatuko da baloi batekin. Irakasleak zenbaki bat esango du, aurretik baloia zelai erdiko puntuan utzita, eta zenbaki hori duten alde banako bi ikasle korrika aterako dira. Haien helburua baloia hartu eta beste taldekoen atean gola sartzea izango da, aurkakoa menperatu ondoren (atezainik ez dago).Zenbaki gehiago esan ditzake, honela, 2:2, 3:3 edo nahi adina erasoaldi eta defentsak sortuz

KO A E U S K A R A Z

5Ikasitakoa baloratzenEgindako ariketen ondoren, bete honako taula eta, gero, zure ikaskideekin izandakoesperientzien inguruko iritziak komentatuko ditugu.

BAI 1/2 EZOndo gainditu al dituzu oztopoak baloiarekin?Baloia bi oinekin garraiatzeko gai izan zara?Kideak uneoro errespetatu al dituzu ?

6.JARDUERA. EUSKAL PILOTA JOKOAK

Lehenik, pilota kirol berria izanik, haurrek duten aurre-ezagutza ikusiko dugu, biribilean. Euskal kulturarekin duen harremana ere

azpimarratuko dugu. Ondoren, saioan zehar egingo dudana azalduko diet.

A,E,I,O,U

Helburua: beroketaMateriala: goma-aparrezko baloiakLekua: frontoia edo patioaGarapena:Eskuak berotzeko, goma-aparrez egindako baloiarekin, A, E, I, O, U jokoarekin hasiko gara. Seiko taldeak egin eta talde bakoitzak bere lekua hartuko du pistan. Sakea egiterakoan, baloia gora botatzearekin batera, ikasle horrek A letra esango du ozenki. Baloiak lurra ukitu baino lehen, beste batek berriro baloia gora botako du eta E letra esango du ozenki. Horrela, hurrenez hurren, U letrara ailegatu arte; izan ere, oraingoan ez dugu baloia gora botako, gure taldeko ikasle bati gorputzean ematen saiatu baizik. Hiru aldiz ematen badigute, prenda gisa, zerbait egin beharko dugu

ITUARI TIROHelburua: punteria lantzeaMateriala: klera eta pilotakLekua: saskibaloi pista edo patioaGarapena:Horma zati bat binaka harturik, partidutxo bat jokatuko dugu. Partidu berezia izango da: horman, zirkulu batzuk marraztuko ditugu puntuazio desberdinekin. Beraz, norberak zirkulu barruan sartzen dituen pilotakada bakoitza batu egin beharko du. Amaieran, puntu jakin batera lehenago iristen dena izango da garailea.

PILOTEOAHelburua: elkarlanaMateriala: pilota batLekua: frontoiaGarapena:

Ikasle oro horma edo frontoiaren aurrean jarriko dugu, ilara bat osatuz. Helburua hau da: denon artean, ahalik eta pilotakada gehien egitea tantorik egin gabe. Txandaka emango diogu pilotari eta eman ostean, ilararen azken muturrean jarriko gara berriro emateko prest.

BARRENHelburua: begi-eskuen koordinazioa lantzeaMateriala: pilota batLekua: frontoiaGarapena:

Ikasle guztiak frontoian kokatuko ditugu, bakoitzak leku jakin bat hartuz. Batek sakea egin eta, ondoren, pilota jausten den eremuan dagoen ikasleak eman behar dio. Inork txarra eginez gero, horman jarri beharko du jokalariei begira. Berriro jokatzera irteteko, pilota eskuekin hartu beharko du horman jo baino lehen. Bi eskuekin hartzen badu, bera bakarrik aterako da; esku batekin hartzen badu, aldiz, horman dauden ikasle oro aterako da.

Ikasitakoa baloratzenEgindako ariketen ondoren, bete honako taula eta gero zure ikaskideekin izandakoesperientzien inguruko iritziak komentatuko ditugu.

BAI 1/2 EZAtsegina suertatu zaizu pilota saioa?Saiatu al zara ariketa guztietan?Pilota nahi zenuen tokira iristea lortu al duzu?

7.JARDUERA.ESKUBALOI JOKOAK

Lehenik, aurreko kurtsoan ikasi genituen eskubaloiko arauak errepasatuko ditugu. Hori gogoratu ostean, beroketa-joko batekin hasiko gara eta, ondoren, saskibaloia lantzeko ariketa eta hainbat joko egingo ditugu

BALOI ESERIAHelburua: beroketa egitea eta jaurtiketa lantzeaMateriala: baloi bigun batLekua: eskubaloiko pistaGarapena:

Guztiak eskubaloi pistara aterako gara eta haren mugak errespetatuko ditugu. Goma-aparrez egindako baloi bat aterako dugu eta jokatzen hasiko gara. Baloia hartzen duenak, beste ikasleei gorputzean ematen saiatu behar du baloia jaurtiz. Bote gabe emanez gero, emana izan denak eseri egin beharko du. Libre geratzeko, baloia lurretik hartu beharko du. Orduan, bi aukera dauzka: altxa eta besteei baloiarekin ematen saiatzea; edo, bestela, eserita daudenak libratzea, baloia beraiei, botearekin pasatuz eta ondoren altxa eta jokatzen jarraitzea.Jokoa amaituko da, ikasle bakarra geratzean edo irakasleak hura moztutakoan

10 PASEAKHelburua: estrategia eta begi-eskuen koordinazioa lantzeaMateriala: eskubaloiko baloi bat eta petoakLekua: eskubaloi-pista

Garapena:

Bi talde eratuko ditugu eta eskubaloiko pistara joango gara. Baloia duen taldeak 10 pase jarraian egitea lortu behar du, aurkako taldeko batek baloia ukitu edo kendu gabe eta baloia lurrera erori gabe. Hamar pase jarraian egiten dituen taldeak puntu bat jasoko du.

GAZTELUAREN DEFENTSAHelburua: erreflexuak eta jaurtiketa lantzeaMateriala: 6 baloi bigun Lekua: eskubaloi pistaGarapena:

Seiko taldeak egin eta, erasotzaileak eta zaindari bakarra izendatuko ditugu jokalarien artean . Erasotzaileak lurrean markatutako zirkulu baten barruan aurkitzen den gaztelua (kono edo antzerakoa) baloiaz jotzen saiatuko dira .Zaindaria, aldiz, hori ekiditen ahaleginduko da- Erasotzaileak ezin daitezke zirkulu barruan sartu.- Gaztelua baloiaz jotzen duen jokalariak puntu bat eskuratuko du. Jaurtiketa asmatzen ez duenak zaindariarekin txandakatuko du postua.- Erasotzaileek, baloia dutenean, ezingo dute pausurik eman.

LANGA JOTZENHelburua: eskubaloiko partida baterako azken pausoak lantzeaMateriala: baloi bigun batLekua: eskubaloi pistaGarapena:

Eskubaloiko partidu berezia jokatuko dugu: gola sartu beharrean, areaz kanpotik jaurtitako baloiak langan jotzen duenean soilik lortuko da puntua

Ikasitakoa baloratzenEgindako ariketen ondoren, bete honako taula eta gero zure ikaskideekin izandakoesperientzien inguruko iritziak komentatuko ditugu.

BAI 1/2 EZKonturatu naiz uneoro eskubaloiko zelaiaren mugak zeintzuk direnGai naiz baloia garraiatzeko eta nire taldekideak eta aurkakoak non dauden bereiztekoTaldekideak animatu ditut eta ondo pasatzea gailendu dut, galdu edo irabazi artean

HIZTEGIA:

Kiroletan erabiltzen dugun hiztegia, gaztelaniak oso kutsatuta dauka eta, horregatik, hainbat hiztegi osatu nahi izan dut. Muga batzuk jartzearren, Oarsoaldean nagusi diren hiru kirolen hiztegia egitea erabaki dut, hala nola, saskibaloiarena, futbolarena eta eskubaloiarena.

Azkenik, eskolan asko erabiltzen diren eta erdaratik kutsatu zaizkigun hainbat hitz gaineratu ditut.

1) SASKIBALOIA:

- AKTA: ACTA- ANTOLATZAILEA: BASE - ASISTENTZIA: ASISTENCIA- BI PUNTUKO JAURTIKETA: LANZAMIENTO DE DOS PUNTOS- BIKOITZAK: DOBLES - BIRRINDU: MACHACAR- BLOKEO: BLOQUEO - BORROKA: LUCHA- BOTE BIKOITZ: DOBLES- BOTE ERAGIN: BOTAR- ERDIKO MARRAZ ATZERA EGITE: CAMPO ATRAS- ERREBOTE: REBOTE - ERRONBO: ROMBO- ERROTAZIO: ROTACION- ESKOLTA: ESCOLTA- FALTA BIKOITZ: DOBLE FALTA - FALTA PERTSONAL: FALTA PERSONAL - HEGALEKO: ALERO - HIRU SEGUNDUKO EREMUA: ZONA DE TRES SEGUNDOS- HONDOKO MARRA: LINEA DE FONDO

- HUTSARTE: TIEMPO MUERTO- IDAZKARIAREN LAGUNTZAILE: ANOTADOR- JAURTIKETA LIBRE: TIRO LIBRE - JAURTIKETA LIBREKO ZONA: ZONA DE TIRO LIBRE - JAURTIKETA OZTOPATU: MOLESTAR EL TIRO- JAURTITZE DOITASUN: PRECISION EN EL LANZAMIENTO- JOKO EREMUA: ZONA DE JUEGO- KAKO: GANCHO- KONTRAERASO: CONTRAATAQUE- LEKU EGIN: HACER ACLARADO- LUZAPENA: PRORROGA- MAKURRARAZI: DOBLEGAR- MATE: MATE- ORDEZKARI: DELEGADO- PANTAILA: PANTALLA- PIBOT(A): PIVOT - SASKI: CANASTA - SASKIRATZE ARRUNTA: CANASTA SIMPLE- TXAPELA JARRI: TAPONAR- URRATSAK: PASOS - UZTAI: ARO - ZAFLATU: PALMEAR- ZONA: ZONA

2) FUTBOLA

- ABANTAILA-LEGEA: LEY DE LA VENTAJA- ALBOKO SAKE: SAQUE DE BANDA- ALDENDU: DESPEJAR- ALTXATU: REMONTAR- AREAKO ERPINA: VERTICE DEL AREA- ARTAZI: TIJERETA- ASKATASUN-AGIRI: CARTA DE LIBERTAD- ATE: PORTERIA- ATZEAN SARTU: ENCERRARSE- ATZERAKO ARTAZI: CHILENA- AUTOPASE: AUTOPASE- AZTERKETA MEDIKO: RECONOCIMIENTO MEDICO- BALIOTUGABEKO GOLA: GOL ANULADO- BALOIKADA: BALONAZO- BALOI-ZAKUA: PETATE DE BALONES - BANDERATXO: BANDERIN- BARNERALDI: INTERNADA- BERDINDU: EMPATAR- BESOKO: BRAZALETE- BIDERATU: ENCARRILAR

- BIZKARRA HARTU: GANAR LA ESPALDA- BOLEA, BESAGAIN: VOLEA- BOTE LASTER: BOTE PRONTO- BURUZ JO: CABECEAR- DOPIN: DOPAJE- ENTSEATU: ENSAYAR- ERAGOZPEN: OBSTRUCCION- ERDILARI: CENTROCAMPISTA- ERESERKI: HIMNO- ERREMATE: REMATE- ESKUINEKO BARNEKOA: INTERIOR DERECHO- EZPROIA: ESPUELA- FALTA-JAURTIKETA: LANZAMIENTO DE FALTA- GARAIEZINTASUN: IMBATIBILIDAD- GARAIPEN-OIHU: ALIRON- GARAITU GABEKO: INVICTO- GARAITU, GOLA SARTU: BATIR- GAUZEN JAURTIKETA: LANZAMIENTO DE OBJETOS- GOITIKO BALOI, GLOBO: GLOBO- HAMAIKAKO: ALINEACION- HANKATARTE: CAÑO- HEGALEKO: EXTREMO- HELEGITEA AURKEZTU: RECURRIR- HESI: BARRERA- HONDOKO MARRA: LINEA DE FONDO- IKUSKATZAILE: OJEADOR- JARRAITZAILE: HINCHA- JOKALARIAK,TALDE: PLANTILLA- KANPORAKETA: ELIMINATORIA- KARGU HARTU: AMONESTAR- KARGUTIK KENDU: DESTITUIR- KARRILEKO ESKUIN: CARRILLERO DERECHO- KEINU: AMAGO- KORNERREKO BANDERA: BANDERIN DE CORNER - LAGAPEN, EMATE: CESION- LORATU, HARROTU: BOMBEAR- MAILARI EUTSI: PERMANENCIA- MARKAKETA: MARCAJE- MARRAZAINA: JUEZ DE LINEA- OINBULAR: EMPEINE- ORDEZKARI: REPRESENTANTE- ORKATILA-BABES: TOBILLERA- PALKO: PALCO- PENALTI: PENALTY- PIZGARRIA: REVULSIVO- PLANTXA EGIN: ENTRAR EN PLANCHA- PRENTSAURREKOA: RUEDA DE PRENSA- PUNTUAK ATERA: PUNTUAR- TIRO LORATU: VASELINA

- TRANSFERIGARRI: TRANSFERIBLE- TRANSFERITU: TRASPASAR- TRESNAZAIN: UTILLERO- TUNELA EGIN: HACER TUNEL- TXAPELA: SOMBRERO- TXISTUALDI: PITADA- UKITU: TOQUE- ZALE AMORRATU: FOROFO- ZALE: AFICIONADO- ZANGO-BABES: ESPINILLERAS- ZANGOTRABATU: PONER LA ZANCADILLA- ZAPIAK ATERA: PAÑOLADA- ZARTADA: TRALLAZO- ZENBAKI: DORSAL- ZIGORTU: PENALIZAR- ZUZENDARITZA: DIRECTIVA

3)ESKUBALOIA

- 6 M-KO MARRATIK JAURTITZE: LANZAMIENTO DESDE 6 METROS- ALDAKA PAREKO JAURTIKETA: LANZAMIENTO DE CADERA- ANGELU LABURRERA JAURTITZE: LANZAMIENTO AL ANGULO CORTO- ATE EREMUA: ZONA DE PORTERIA- ATEKO SAKEA: SAQUE DE PUERTA- BALIABIDE-JAURTIKETA: LANZAMIENTOS DE RECURSO- BI MINUTUKO ESKLUSIOA: ESCLUSIÓN DE DOS MINUTOS- BIZKAR JAURTIKETA: LANZAMIENTO POR DETRAS- BOTE BIDEZKO JAURTIKETA: LANZAMIENTO PICADO- EFEKTUDUN JAURTIKETA: LANZAMIENTO DE ROSCA- ERORIZKO JAURTIKETA: LANZAMIENTO CON CAIDA- ERREBESKAKO JAURTIKETA: LANZAMIENTO DE REVES- GOL SAKEA: SAQUE DE GOL- HANKA BERMATUZKO JAURTIKETA: LANZAMIENTO EN APOYO- HURBILEKO JAURTIKETA: LANZAMIENTO EN PROXIMIDAD- ISKIN EGIN: FINTAR- JAURTIKETA BAXU: LANZAMIENTO BAJO- JAURTIKETA LIBRE: GOLPE FRANCO- JAURTIKETA ZUZENDU: LANZAMIENTO RECTIFICADO- JAURTIKETA ZUZENEKO MARRA: LINEA DE TIRO DIRECTO- JAURTITZE ISKIN: FINTA DE LANZAMIENTO- JAUZI-ERORIZKO JAURTIKETA: LANZAMIENTO EN SALTO CON CAIDA- JAUZI-GAILURREKO JAURTIKETA: LANZAMIENTO EN SUSPENSION- JOKO GELDO: JUEGO PASIVO- KANPORAKETA: EXCLUSION- KARGU HARTU: AMONESTAR- KARGU-HARTZE: AMONESTACIÓN- LIFTATU: LIFTAR- MURGILTZE-JAURTIKETA: LANZAMIENTO EN PLANCHA- OHARTARAZPEN: APERCIBIMIENTO

- OIN ALDATUZKO JAURTIKETA: LANZAMIENTO A PIE CAMBIADO- PENALIZAZIOAK METATU: ACUMULAR PENALIZACIONES- SUSPENSION: ESEKIDURA- URRATSAK: PASOS- ZIGOR: SANCIÓN

OROKORRA:

- ANIMATU: ANIMAR- ARBITRATU: ARBITRAR- AULKIA: BANQUILLO- AURREALDEA: ZONA DE ATAQUE - BEREAREKIN ATERA: SALIR CON LA SUYA- BIGARREN BOTEA: DOBLE BOTE- BOLADA: RACHA - ERRELEBU-GUNEA: ZONA DE RELEVO - ESTUTU, EGURTU: METER CAÑA- GARAIKUR: TROFEO- GERATU, BETE IZAN: QUEDARSE, PARARSE- HARMAILA: GRADA- HASERRETU: PICARSE- HUTSARTE: TIEMPO MUERTO - IRUZURTI: TRAMPOSO- IZERDI-JERTSEA: SUDADERA - KALE EGIN: ROMPER LA OLLA- KAMISETA ALDERANZGARRIA: CAMISETA REVERSIBLE - MARKAGAILU: MARCADOR- NAGUSI IZAN: DOMINAR- OREKATU: NIVELADO- PILOTA-JASOTZAILE: RECOGEPELOTAS - PUXTARRI: CANICA- SALATARI, MIHILUZE: CHIVATO- TXALOALDI: OVACION- TXANDAPASA EGIN: COLARSE

GORPUTZHEZKUNTZAKO SEKUENTZIA DIDAKTIKOA

KIROL HASIERA ETA JOLASAK

Itziar Aldezabal Roteta: KAREA